ჩაჩან ცირა
ო, მუ ცირა - ხეშ შქა გურით გილეპონანქ...
მუ თოლეფი, ირო თეშა მოჯინუ,
ჩაჩან ცირა მურიცხემსუ ოლაჸაფუ,
თოლ ქატეს დო გეშუკურთხეს გორჩქინუ....
ზუღაშ კოჩეფს მაჭუალო გელულუანს,
ქოუწინანი... იშა ნინა ვემიგე...
ზუღაშ კოჩი ეკოთხოზუ დო ოხვეწუ_,
- ართშა ხვალე ქუმაჯუნია თოლიგე !...
„ათე ჭიჭე ჸოროფათუ მეწამალე“,
შურო ვენგარს, ირო ჯგირი გურსუ რე...
ჩაჩან ცირა გოძიცელი, კუჩხუჩაფლე...
მერშვინუნსუ ზუღაპის დო მირულე...
19.12.1992 წელი.