ჩემი ლოცვა (დავით მაჩაბელი)
| ჩემი ლოცვა ავტორი: დავით მაჩაბელი |
| 1857; ჟურნალი ცისკარი #6 |
ღმერთო ჩემო! სვენსა ჩემსა ნუ აღელვებ ჩემდა მკვლელად;
ნუ აღმიღებ დასაცემად, სრბად ნუ მსდევნი საკიცხველად;
სიმშვიდესა ნუ მიმიღებ; ნუ მახარებ საშურველად:
აღმიხილენ თვალნი და მქმენ შენდა ცრემლთა შემწირველად!
მოვედინ სუფევა შენი, ერთა მოჰფინე ნათელი;
გვასწავე შენი დიდება, წმინდა არს შენი სახელი,
მოგვმადლე პური ცხოვრების და უკვდავების სასმელი;
განსაცდელის გან დაგვიხსენ, ვინ ხარ წაწყმედის დამხსნელი!