ჩქიმი ღურა ნოკობუე
ჯგირობუა მუთა ბძირი
დო მუთ გაგიხარა გური,
უჩა ზღვაში წყარც წყათჷნცჷ
აიეტიში ჩილამური.
მა თი რჩქინას გივაჸუნი,
მუთ ჩქიმ ჯვეშიქ მოგურუნი,
მარა ვამიჩქ ელახუშე
ჯიმა მუშენი მონდურუნი.
ამდღარ დღაშა ვეშმატყვინჷ,
მუ პატონეფი ოსურუნი,
დუდ სომეხშა მიკუძუ დო
ლაზ-მარგალშა ოშქურუნი.
ათეჯგუაში მაძირაფუს,
ნოტე თოლეფჲ დომწკურუნი,
ჩქიმი ღურა ნოკობუე,
უჩა შარა მოწურუნი.
ვანოჩქვენო, წყარიცალო
დოწენც რკინა, გონდღულუნი,
საქორთუო ვეჸუაფჷ,
სამარგალო დოღურუნი.