ჩქიმ შხვაშხეთეკნაგეფი
ჩქიმ შხვაშხეთეკნაგეფი დუდი გაკობპელეტე ამდღა,
ფია-ფიათ აკუვორღვი ჩქიმ ჯერღვი დო ძელი.
გაკობტახი ჸვილეფი, აკმადგინალი ჩქიმ ასა-გასაშ,
გაკობფაჩი დო გაკუვორღვი ირფელი, მუდგა მა ვორდინ...
ასე ვოხექ დო აკმუვონწყუნქ ჩქიმ დუდს, კინ ჩქიმ ხელეფით.
ჩქიმ დუდს ბგურაფულენქ ათაშ, მაჸალეცალო,
ტელევიზორს ხუნდჷ ირ დღას დო კინ აკმანწყუნდჷ უკულინ...
აკოგაფაშვანს ბრელ ნოწილიშ გიშარღვაფა მიხვადუ -
ურწუმობაშ, უმენდობაშ, ორჩანუეფიშ, უჸოროფუობაშ.
გიშმუვორღვანქ ირ ნეგატივს დო ირ ფურს, ინოხ ინომრენ...
კილ-კილშა ვამორსენქ ჩქიმ ირ გინაფას დო იბთხინუანქ
მუმალასარ დო მუმაჯილიკარ შქურინეფს, უგურობას...
გინმიბრთუქ კინ თით, მით გორჩქინაშახ ვორდინ,
სონდარო დიადიხას მიწინდესკო მი ვორექინ...
მა ივაბრანქ - „სი რექ“-ის!
მა იბჩიებუქ - „მა ვორექ“!..