ჩქინ გორჩქინაშე ღურადღაშა მიქ თქუ შორი რე?
ჩქინ გორჩქინაშე ღურადღაშა მიქ თქუ შორი რე?
წუნეფ მობუნა საათენს დო ინეფ წანეფსი,
წანეფ სიმონკათ გინოკიჩილ გინოდირკუნა-
გურც ლოდიშორო მუნობძუნა, სერ დო დღალენსი...
გეპუნთ თინ შარას ჭიეჭიეთ ჩქინო მერჩქინელს,
ბრელ ეჩილათირ მუშ შარაშე გორუნს სინთესი,
მურიცხ გუნათენს დო ქაძირანს სოლე იდასინ,
მარდიან მიდგას მეხვარებუ ხვალე თინეფსი...
დროშ მახინწალსი მითუოხეთ და მიმჭუაფუთ
მითინს ვარჩქინუ სო გიმორთას, ვარა მუჟამსი,
თევრე გიმულირ ჭანაფილ რე თექნეშე, სოდე,
ოშწანურებიშ მასვანჯებელს ძირუნს უფალსი.
სონდარო ვორეთ თე ქიანას ჭახანს სუმარო,
გურშე გელებღათ გურიშმულა დო ჯღვალი ვიშო
ჯგირ დო სკვამს თოლ ვოკინდუათ, სიკეთე ფქიმნათ,
რინა ჩქინ კუნტა დო ფარსაკ რე, დო ღირუ თიშო.
აგვისტო 2018. ვაშინგტონი.