ცოდათ რე დო ცოდაშ ნახა
ცოდათ რე დო ცოდაშ ნახა,
კოჩჲ ქიანას გორჩქინელი,
სო მებრთა დო მის ვეზნახა
ჭარა ირო მოფთხოზ ჭყელი.
მიძირუ დო გობჭყოლადუ,
მებპუნქ რინაშ ურემსჷნი,
ღალც აკათუ არძა ნადუ,
საქვარც გემკასურენსჷნი.
ირკოც იშენთ ღურუ მარე,
შკურინჯობათ ორე ჭვილი
უჩხენჭო დო უჸვაიჭარე,
ღურუშ დაღით დოშანილი.
ვანწალუაფ ჸათე უღუ,
შურჲ ვაჩენდჷ ქუა-ნტკილცჷ
იშო მუთუნჲ ვემეუღუ,
სილექინე ჭარაფილცჷ.
2014 წ, 7-8 ეკენია.