ცოდაშ ეკოშულადირს
ცოდაშ ეკოშულადირს, დუდშა გუმაკუნელო,
დოუხუნუნდო უნგარინ, გურიშ ეშაუნელო.
მუშენ ფხვადუდ ჩილამურ, თეზმა შარაში ნაულას?!
მუშენ ღურნა მართალეფი, ცოდეფი მუშენ გულოულა?!...
კოჩიშ თეზმა ნარაგადი, ღორონს ირფელ არჩქილედ.
გეგმეცხად დო ურაგად, ჩქიმდა ქუმორთი გარჩქილექ.
აბორჯებულ თოლეფით, თუდო გიგიანთხ ვაფიქრენდ
გურშე ეკორაგადელი სიტყვეფი ქეწოზადინეს ...
ქუმომრჩქილე, კოჩიშ თას, მუჭო ფიქრენქ მუ შემლებუ?
არძა მიორს, არძა პწანს დო თქვან გურშენ დობღურექ...
თეზმა გოჯოგაფილ კოჩი,თეზმა უდე ნადინეფი
არძა ცოდაშ სქუა რე გურშე ეშაღალირეფი ....
მუდგას ორწყექ ჩქიმდე რე ... ირფელ თქვანო, კოჩშე რე
ურძღაფ შურშენ მუდგა რდას, ვაუღ ორან... მარა ბჯერს ...
მა თქვან გურშენ გობლახეს,მა თქვან გურშენ დოპილეს
ართიქ ვარა დომნდასი, გუნასქიდუ ანთასეფი...
მა მიჩქუ მიშ გურს მუ ირთას. მიშ შურშენ რე ამიერი
ჩქიმ იმენდით დორინათ,შხვა ქიანა მეიღენს ...
ოღალს ემაკუნალ უნს,მიდგას თენა შეულებ
არძაშა მაფუ მოჩამილ, თითო ოღალ შურშა მეტი