ჸვერეეფიშ ქიანა
ჸვერეეფიშ ქიანას ართჲ თოლჲენჯამილი ექიმი ოხორანდჷ, ნამუსით უჩქუდჷ ჸვერეეფიშჲ კურნალუა. თიშჲ მანგიორო, თიშა კლინიკა ქიმუჩამუდესკონ, თინა ჸუდეშა მეჸუნდეს ჭოფილო დო ნებას ვარზენდეს კათაშა გეშურთუმუდჷკო დო ჸვერეეფჲშა ქუმკურნალებუდჷკო, მუშენ-და თე ქიანაშჲ ხენწიფე დო ჟინოსქუალეფი არწუმენდეს კათას: "თქვა თოლჲენჯამილეფჲ რეთია, ოდო თი ართჲ ტეტეჩი, ნამუთ ვითომ-დო თოლიშჲ გონჯამაშჲ აპიანც გარზენან, თვითან რე აკა კაკალია ჸვერე ჩქინჲ ომაფეს დო ჸუდეს თიშენჲ მაფჷნა მილახვილირი, თოლჲენჯამილეფი ვადამიჸვერან, თეშჲ მოხ, მუქ ხოლო ვეგნიქოსას სოთინჲ დო ვედეღამაკასია.
2014 წანა, ღურთუთა.