おもろさうし/第一
A request has been made to delete this page.
Reasons for this have been given at Wikisource:Proposed deletions. If you disagree, please respond there.
きこゑ大ぎみがおもろ 首里王府の御さうし 嘉靖十年 第一
あおりやへが節
[edit]1-1（1）
一聞得大君ぎや／降れて 遊びよわれば／天が下／平らげて ちよわれ／又鳴響む精高子が／又首里杜ぐすく／又真玉杜ぐすく
一きこゑ大きみきや／おれて あすひよわれは／てにかした／たいらけて ちよわれ／又とよむせたかこか／又しよりもりくすく／又またまもりくすく
あおりやへが節
[edit]1-2（2）
一聞得大君ぎや／降れて 遊びよわれば／神てだの／守りよわる按司添い／又鳴響む精高子が／又首里杜ぐすく／又真玉杜ぐすく
一きこゑ大きみきや／おれて あすひよわれは／かみてたの／まふりよわるあんしおそい／又とよむせたかこか／又しよりもりくすく／又またまもりくすく
あおりやへが節
[edit]1-3（3）
一聞得大君ぎや／世添うせぢ みおやせば／千万 世 添わて ちよわれ／又鳴響む精高子が／又聞ゑ按司添い／又鳴響む按司添い／又首里杜ぐすく／又真玉杜ぐすく／又大君す 守らめ
一きこゑ大きみきや／世そうせち みおやせは／千万 世 そわて ちよわれ／又とよむせたかこか／又きこゑあんしおそい／又とよむあんしおそい／又しよりもりくすく／又またまもりくすく／又大君す まふらめ
あおりやへが節
[edit]1-4（4）
一聞得大君ぎや／天の祈り しよわれば／てるかはも 誇て／おぎやか思いに／笠利 討ちちへ みおやせ／又鳴響む精高子が
一きこゑ大きみきや／てにのいのり しよわれは／てるかはも ほこて／おきやかもいに／かさり うちちへ みおやせ／又とよむせたかこか
あおりやへが節
[edit]1-5（5）
一聞得大君ぎや／赤の鎧 召しよわちへ／刀うちい／大国 鳴響みよわれ／又鳴響む精高子が／又月しろは さだけて／又物知りは さだけて
一きこゑ大きみきや／あけのよろい めしよわちへ／かたなうちい／ちやくに とよみよわれ／又とよむせたかこか／又月しろは さたけて／又物しりは さたけて
あおりやへが節
[edit]1-6（6）
一聞得大君ぎや／神座吉日 取りよわちへ／按司添いす／十百末 ちよわれ／又鳴響む精高子が／又てるかはと 行き合て／又てるしのと 行き合て／又首里杜ぐすく／降れて 降れ栄よわ／又真玉杜ぐすく／[又喜界の浮島／喜界の焼島]／又 首里杜ぐすく／世掛けにせ按司添い／又真玉杜ぐすく／添いにせ按司添い／又聞ゑ按司添いや／神座ぎやめ 鳴響で／又鳴響む按司添いや／おぼつぎやめ 鳴響で
一きこゑ大きみきや／かくらゑか とりよわちへ／あんしおそいす／ともゝすへ ちよわれ／又とよむせたかこか／又てるかわと よきやて／又てるしのと よきやて／又しよりもりくすく／おれて おれふさよわ／又またまもりくすく／〔又ききやの浮島／ききやのやけしま］／又しよりもくすく／世かけにせあんしおそい／又またまもりくすく／おそいにせあんしおそい／又きこゑあんしおそいや／かくらきやめ とよて／又とよむあんしおそいや／おほつきやめ とよて
あおりやへが節
[edit]1-7（7）
一聞得大君ぎや／十嶽 勝りよわちへ／見れども飽かぬ首里親国／又鳴響む精高子が／又首里杜ぐすく／又真玉杜ぐすく
一きこゑ大きみきや／とたけ まさりよわちへ／みれともあかぬ首里おや国／又とよむせたかこか／又しよりもりくすく／又またまもりくすく
あおりやへが節
[edit]1-8（8）
一聞得大君ぎや／京のせぢ 遣りよわば／島 丸く／御声し遣り 添わ／又鳴響む精高子が／又首里杜ぐすく／又真玉杜ぐすく
一きこゑ大きみきや／けよのせち やりよわは／しま まるく／みこゑしやり おそわ／又とよむせたかこか／又しよりもりくすく／又またまもりくすく
あおりやへが節
[edit]1-9（9）
一聞得大君ぎや／降れて 降れ栄よわちへ／世 揃いて／おぎやか思いに みおやせ／又鳴響む精高子が／又首里杜ぐすく／又真玉杜ぐすく
一きこゑ大きみきや／おれて おれふさよわちへ／よう そろいて／おきやかもいに みおやせ／おきやかもいに みおやせ／又とよむせたかこか／又しよりもりくすく／又またまもりくすく
きこゑたうやまが節
[edit]1-10（10）
一聞得大君ぎや／戦せぢ みおやせ／又鳴響む精高子が／又聞ゑ按司添いや／又鳴響む按司添いや
一きこゑ大きみきや／いくさせち みおやせ／又とよむせたかこか／又きこゑあんしおそいや／又とよむあんしおそいや
あおりやへが節
[edit]1-11（11）
一聞得大君ぎや／十百／算為ちへ ちよわれ／又鳴響む精高子が／又首里杜ぐすく／又真玉杜ぐすく
一きこゑ大きみきや／ともゝ／さにしちへ ちよわれ／又とよむせたかこか／又しよりもしくすく／又またまもりくすく
大きみがいくさせぢみおやせが節
[edit]1-12（12）
一聞ゑ藤山に／大君ぎや 気 遣りよわ／又鳴響む藤山に／又せるましの くひしに／又島尻の 藺草に
一きこゑたうやまに／大きみきや け やりよわ／又とよむたうやまに／又せるましの くひしに／又しましりの いくさに
あおりやへが節
[edit]1-13（13）
一聞得大君ぎや／搔い撫でわる貴み人／果報寄る見揚がの杜 ちよわれ／又鳴響む精高子が／又首里杜 ちよわる／又真玉杜 ちよわる
一きこゑ大きみきや／かいなてわるたゝみきよ／かほうよるみやがのもり ちよわれ／又とよむせたかこか／又しよりもり ちよわる／又またまもり ちよわる
あおりやへが節
[edit]1-14（14）
一聞得大君ぎや／祈り奉れば／万万 あすらまん ちよわれ／又鳴響む精高子が／又首里杜ぐすく／又真玉杜ぐすく
一きこゑ大きみきや／いのりたてまつれは／まんまん あすらまん ちよわれ／又とよむせたかこか／又しよりもりくすく／又またまもりくすく
あおりやへが節
[edit]1-15（15）
一聞得大君ぎや／せぢ高 うち揚がて ちよわれ／又鳴響む精高子が
一きこゑ大きみきや／せちたか うちやかて ちよわれ／又とよむせたかこか
あおりやへが節
[edit]1-16（16）
一聞得大君ぎや／首里杜 降れわちへ／おぎやか思いや／君しよ 守りよわめ／又鳴響む精高子が／真玉杜 降れわちへ／又さしふ 照る雲に／降れ直ちへからは／又さしふ 照るきしやけ／降れ栄てからは／又てるかはと 十声 遣り交ちへ／又てるしのと ゑりちよ 遣り交ちへ／又てるかはも 誇て
一きこゑ大きみきや／しよりもり おれわちへ／おきやかもいや／きみしよまふりよわめ／又とよむせたかこか／またまもり おれわちへ／又さしふ てるくもに／おれなおちへからは／又さしふ てるきしやけ／おれふさてからは／又てるかはと とこゑ やりかわちへ／又てるしのと ゑりちよ やりかわちへ／又てるかはも ほこて
あおりやへももりやあんじが節
[edit]1-17（17）
一聞得大君ぎや／せぢ鳴響み精軍／島討ちの 鳴響み／又鳴響む精高子が／せぢ鳴響み精軍／又聞ゑ按司添いぎや／せぢ鳴響み軍／又鳴響む按司添いぎや／せぢ鳴響み軍／又ゑそこ 通わぎやめ／せぢ 遣り遣り 添う／又み御船 通わぎやめ／せぢ 遣り遣り 添は／又精軍 押し発てば／気 遣り遣り 守ら／又精百 押し発てば／気 遣り遣り 守ら／又だしきや 打ち釘／ちやはれ 廻らし
一きこゑ大きみきや／せちとよみせいくさ／しまうちの とよみ／又とよむせたかこか／せちとよみせいくさ／又きこゑあんしおそいきや／せちとよみいくさ／又とよむせあんしおそいきや／せちとよみいくさ／又ゑそこ かよわきやめ／せち やりやり おそは／又せいくさ おしたては／けお やりやり まふら／又せひやく おしたては／けお やりやり まふら／又たしきや うちくき／ちやはれ まわらし
あおりやへが節
[edit]1-18（18）
一聞得大君ぎや／首里杜 降れわちへ／百歳ぎやめ／おぎやか思いしよ ちよわれ／又鳴響む精高子が／真玉杜 降れわちへ／又聞ゑ按司添いや／又鳴響む按司添いや
一きこゑ大きみきや／しよりもり おれわちへ／ひやくさきやめ／おきやかもいしよ ちよわれ／又とよむせたかこか／またまもり おれわちへ／又きこゑあんしおそいや／又とよむあんしおそいや
あおりやへが節
[edit]1-19（19）
一聞得大君ぎや／今日 降らす 雨や／京の内庭に／金 降り満ちへて／又鳴響む精高子が／又今日の良かる日に／又今日のきやかる日に
一きこゑ大きみきや／けよ ふらす あめや／きやのうちみやに／こかね ふりみちへて／又とよむせたかこか／又けおのよかるひに／又けおのきやかるひに
あおりやへが節
[edit]1-20（20）
一聞得大君ぎや／しけ内 綾 遊ばちへ／清らの花の／うら〳〵と／鳴響で 見物／又鳴響む精高子が
一きこゑ大きみきや／しけうち あや あすはちへ／きよらのはなの／うらうらと／とよて みもん／とよむせたかこか
あおりやへが節
[edit]1-21（21）
一聞得大君ぎや／島討ち富 押し浮けて／神座の天降り富る かに ある／又鳴響む精高子が／又今日の良かる日に／又今日のきやかる日に
一きこゑ大きみきや／しまうちとみ おしうけて／かくらの てよりとみる かに ある／又とよむせたかこか／又けおのよかるひに／又けおのきやかるひに
きこへ大ぎみみてづからいのてが節
[edit]1-22（22）
一聞得大君ぎや／御愛しけ按司添い／うら〳〵と／同座敷 ちよわれ／又鳴響む精高子が
一きこゑ大きみきや／みかなしけあんしおそい／うら〳〵と／ゑんさ〔し〕き ちよわれ／又とよむせたかこか
よかきげらへが節
[edit]1-23（23）
一大君ぎや／いろのべに 直 しよわちへ／君 撓て なよらに／又精高子が／まだまべに 直 しよわちへ／又今日の良かる日に／又今日のきやかる日に
一大きみきや／いろのへに な しよわちへ／きみ しなて なよらに／又せたかこか／またまへに な しよわちへ／又けおのよかるひに／又けおのきやかるひに
あおりやへが節
[edit]1-24（24）
一聞得大君ぎや／降れて 降れ直しよわ／按司添いに／世果報 みおやせ／又鳴響む精高子が
一きこゑ大きみきや／おれて おれなふしよわ／あんしおそいに／世かほう みおやせ／又とよむせたかこか
あおりやへが節
[edit]1-25（25）
一聞得大君ぎや／初め軍 立ちよわちへ／合おて 行き遣り／敵 治めわちへ／又鳴響む精高子が
一きこゑ大きみきや／はちめいくさ たちよわちへ／あおて いきやり／かたき ひちめわちへ／又とよむせたかこか
あおりやへが節
[edit]1-26（26）
一聞得大君ぎや／世掛けせぢ 降ろちへ／按司添いしよ／末 勝て ちよわれ／又鳴響む精高子が／又首里杜ぐすく／又真玉杜ぐすく
一きこゑ大きみきや／世かけせち おろちへ／あんしおそいしよ／すゑ まさて ちよわれ／又とよむせたかこか／又しよりもりくすく／又またまもりくすく
あおりやへが節
[edit]1-27（27）
一聞得大君ぎや／歓ゑわちへからは／成さい人思いに／島が命 みおやせ／又鳴響む精高子が／又首里杜ぐすく／又真玉杜ぐすく
一きこゑ大きみきや／あまゑわちへからは／なさいきよもいに／しまかいのち みおやせ／又とよむせたかこか／又しよりもりくすく／又またまもりくすく
あおりやへが節
[edit]1-28（28）
一聞得大君ぎや／世果報杜に／島世 揃へわちへ／又鳴響む精高子が／又佐敷金杜に 世果報／又聞ゑ吾が成さい人に
一きこゑ大きみきや／世かほうもりに／しまゆ そろへわちへ／又とよむせたかこか／又さしきかなもりに 世かほう／又きこゑあかなさいきよに
大ざとのげすのおもいあんじぎや節
[edit]1-29（29）
一与那覇浜 聞得大君／八千代 掛けて 鳴響まさに／又あきり口 鳴響む大君／八千代／又馬天浜 聞ゑ照る君／八千代／又赤ら傘 百度踏み揚がり／八千代
一よなははまきこゑ大きみ／やちよ かけて とよまさに／又あきりくち とよむ大きみ／やちよ／又はてんはま きこゑてるきみ／やちよ／又あからかさ もゝとふみあかり／やちよ
あおりやへが節
[edit]1-30（30）
一聞得大君ぎや／雨漏らん杜に／いのり揚がりしよ／世はちよわれ／又鳴響む精高子が／又佐敷金杜や
一きこゑ大きみきや／あめもらんもりに／いのりあかりしよ／世わちよわれ／又とよむせたかこか／又さしきかなもりや
きこへ大ぎみぎやさやはたけおれわちへが節
[edit]1-31（31）
一聞得大君ぎや／てるかはは 宣立てゝ／按司添いしよ／天ぎや下 添ちへ／又鳴響む精高子が／てるしのは 宣立てゝ／又いせゑけり按司添い／肝が内は 嘆くな／又いせゑけり貴み人／御肝内は 嘆くな／又精軍 押し発てば／大君しよ よ治らめ／又精百 押し発てば／精高子がす よ治らめ／又国持ちのはらはら／おぼつ庭よ 世 揃へて／又浦寄せのもどろ／神座庭よ 世 添ゑ／又国かねのはらら／島は 平らあげて／又浦治めもどろ／国 広く 添ゑて／又赤口が 依い憑き／精軍てゝ 撥ねて
一きこゑ大きみきや／てるかはは のたてゝ／あんしおそいしよ／てにきや下 おそちへ／又とよむせたかこか／てるしのは のたてゝ／又いせゑけり あんしおそい／あゆかうちは なけくな／又いせゑけりたゝみきよ／おきもうちは なけくな／又せいくさ おしたては／大きみしよ 世しらめ／又国もちのはらはら／おほつなよ 世 そろへて／又うらよせのもとろ／かくらなよ 世 そゑ／又くにかねのはらら／しまは たいらあけて／又うらひちめもとろ／くに ひろく そゑて／又あかくちやか よいつき／せいくさてゝ はねて
天より下の王にせが節
[edit]1-32（32）
一聞得君添い／降れて 遊びよわれば／天より下の／せぢ果報 みおやせ／又精高君添いぎや／又首里杜ぐすく／又真玉杜ぐすく
一きこゑきみおそい／おれて すひよわれは／てによりしたの／せちかほう みおやせ／せたかきみおそいきや／又しよりもりくすく／又またまもりくすく
あおりやくもりやあぢの節
[edit]1-33（33）
一聞得大君ぎや／大国や 世 添ゑる／按司添いしよ 鳴響め／又鳴響む精高子が／又いせゑけり按司添い／又いせゑけり貴み人／又精軍せぢ 勝れ／又精百せぢ 勝れ／又首里杜 ころ〳〵／又御島数 ころ〳〵／又肝 強く 実に あれ／又肝 強く だに あれ／又気有る精遣り富／又気有る天降り富／〔又〕八重島厳子／肝迷い しめや／又波照間島くはら／肝迷い 取らちへ／又首里杜あせは／土斬りに 斬らせ／又真玉杜ちかわは／土斬りに 斬らせ／又浦の数 神添い／相手為て 守ら
一きこゑ大きみきや／ちやくにや 世 そゑる／あんしおそいしよ とよめ／又とよむせたかこか／又いせゑけりあんしおそい／又いせゑけりたたみきや／又せいくさせち まされ／又せひやくせち まされ／又しよりもり ころころ／又みしまかす ころころ／又あよ ちよく けに あれ／又きも ちよく たに あれ／又けやるせいやりとみ／又けやるてによりとみ／〔又〕やへしまいつこ／あよまよい しめや／又はたらしまくはら／きもまよい とらちへ／又首里もりあせは／つちきりに きらせ／又ま玉もちかは／みちやきりに きらせ／又うらのかす かみおそい／あいてなて まふら
きこへきみおそいが節
[edit]1-34（34）
一聞得大君ぎや／斎場嶽 降れわちへ／うらうらと／御想ぜ様に ちよわれ／又鳴響む精高子が／寄り満ちへに 降れわちへ／又いしゑけり按司添い／搔い撫でゝす 依り降れて／又いしゑけり貴み人／見守てす 依り降れて／又御肝内に 御想ぜ／明けとまに 譬ゑちへ／又肝が内に 御想ぜは／明け立ちに 譬ゑて／又精軍吉日 取りよわちへ／島討ちせぢ もちよろ／又精百吉日 取りよわちへ／国討ちせぢ もちよろ／又威部の祈り しよわちへ／浦々は 寄せて／又司祈り しよわちへ／撫でる曲は 寄せて／又きらの数 吉日の数 祈て／うら〳〵と
一きこゑ大きみきや／さやはたけ おれわちへ／うらうらと／御さうせやに ちよわれ／又とよむせたかこか／よりみちへに おれわちへ／又いせいゑけりあんしおそい／かいなてゝす よりおれて／又いしゑけりたゝみきや／みまふてす よりおれて／又おきもうちに 御さうせ／あけとまに たとゑちへ／又あよかうちに さうせは／あけたちに たとゑて／又せいくさゑか とりよわちへ／しまうちせち もちよろ／又せひやくゑか とりよわちへ／くにうちせち もちよろ／又いへのいのり しよわちへ／うら〳〵は よせて／又つかさいのり しよわちへ／なてるわは よせて／又きらのかす ゑかのかす いのて／うら〳〵と
おらそいおもろの節
[edit]1-35（35）
一聞得大君ぎや／押し遣たる精軍／按司添いしよ 世 添ゑれ／又鳴響む精高子が／押し遣たる精軍／又あはれ愛し君南風／島討ち為ちへす 戻りよれ／又あはれ愛し君南風／国討ち為ちへす 戻りよれ／又群り合へ子達 大国為ちへ／島討ち為ちへす 戻りよれ／又大ころ達 大国為ちへ／国討ち為ちへす 戻りよわれ／又ゑそこ數 ころ達よ／島討ち為ちへす 戻りよわれ／み御船数 ころ達よ／合おてす 戻りよれ／又おぼつぎやめ 鳴響で／合おてす 戻りよれ
一きこゑ大きみきや／おしやたるせいくさ／あんしおそいしよ 世 そゑれ／又とよむせたかこか／おしやたるせいくさ／又あはれかなしきみはゑ／しまうちしちへす もとりよれ／又あはれかなしきみはゑ／くにうちしちへす もとりよれ／又もりやへこた ちやくにしちへ／しまうちしちへす もとりよれ／又大ころた ちやくにしちへ／くにうちしちへす もとりよわれ／又ゑそこかす ころたよ／しまうちしちへす もとりよわれ／又みおうねかす ころたよ／あおてす もとりよれ／又おほつきやめ とよて／あおてす もとりよれ
あがおなりがみの節
[edit]1-36（36）
一按司添いや／金内に ちよわれ／世の想ぜ しよわれ／大君す 気 遣りよわれ／又按司添いや／京の内に ちよわちへ／世の想ぜ しよわれ／精高子す 気 遣りよわめ／又按司添いや／御肝内は 嘆くな／大君す 気 遣りよわれ／又貴み人は／肝が内は 嘆くな／又首里杜大ころが／島 広く 添へて／按司添いに／世 添へて みおやせ／又御島数ころ〳〵／国 広く 添へて／又君南風が／宮古島 走ちへおわれ／島 広く 添へて／又京の主が／八重山島 走ちへおわちへ／国 広く 添ゑて／又八重山島厳子／あせ等 撓めやらば／大君す よ治らめ／又波照間島くはら／ちかわ 撓めやらば／精高子す よ治らめ／又あせ等 撓めやらば／沖膾 すもらん／大君す よ治らめ
一あんしおそいや／金うちに ちよわれ／世のさうせ しよわれ／大きみす けい やりよわれ／又あんしおそいや／けおのうちに ちよわちへ／世のさうせ しよわれ／せたかこす けい やりよわめ／又あんしおそいや／おきもうちは なけくな／大きみす けい やりよわれ／又たゝみきよは／あよかうちは なけくな／又首里もり大ころか／しま ひろく そへて／あんしおそいに／世 そへて みおやせ／又みしまかすころ〳〵／国 ひろく そへて／又きみはゑか／みやこしま はちへおわれ／しま ひろく そへて／又けおのしよか／やへましま はちへおわちへ／くに ひそく そゑて／又やへましまいつこ／あせら ためやらは／大きみす 世しらめ／又はたらしまくはら／ちかわ ためやらは／せたかこす 世しらめ／又あせら ためやらは／おきなます すもらん／大きみす 世しらめ
かぐらとよでが節
[edit]1-37（37）
一聞得大君ぎや／鳴響む精高子が／鳴響まちへ みおやせ／又成さい人思い按司添い／吾が搔い撫で按司添い／又京の内の もちよる／もちろ内の もちよる／又国清らは 煽らちへ／あけ珍ら 煽らちへ／又鳴り鳴響み 打ち揚げて／鳴り清らは 打ち揚げて／又大君は いきよて／君々は いきよて／又京の踊り 降れわちへ／もちろかちへ 遊べば／又げらへ大ころ達／算知らん ころ〳〵／又肝 揃て そこて／肝 揃て そこて／又厳子 此の御島／くはら 此の御国／又あがな遣り 降れわちへ／養な遣り 降れわちへ
一きこゑ大きみきや／とよむせたかこか／とよまちへ みおやせ／又なさいきよもいあんしおそい／あかかいなてあんしおそい／又けおのうち もちよる／もちろうちの もちよる／又くにきよらは あおらちへ／あけめつら あおらちへ／又なりとよみ うちあけて／なりきよらは うちあけて／又大きみは いきよて／きみ〳〵は いきよて／又けおのより おれわちへ／もちろかちへ あすへは／又けらへ大ころた／さにしらん ころ〳〵／又あよ そろて そこて／きも そろて そこて／又いつこ このみしま／くはら このみくに／又あかなやり おれわちへ／やしなやり おれわちへ
かぐらとよでが節
[edit]1-38（38）
一聞得大君ぎや／鳴響む精高子が／御島 祈られ／又首里杜 ちよわる／真玉杜 ちよわる／又成さい人思い按司添い／吾が搔い撫で按司添い／又大君よ いきよて／精高子よ 手摩て／又ゑそこ名よ 乞ゆわちへ／み御船名よ 乞よわちへ／又天のそこらしや／天の真嬉しや／又世引き富 押し浮けて／せぢ新富 刳り浮けて／又世付き富 押し浮けて／雲子富 刳り浮けて／又舞やい富 押し浮けて／押し明け富 刳り浮けて／又嶽嶽よ 祈て／杜杜よ 祈て／又煽りや 取りよわり／天降りや 取りよわり／又ゑそこ数 付けわちへ／み御船数 付けわちへ／又荒ん 和やけて／青波やよ 凪やちへ／又押し浮け数 見守ら／刳り浮け数 見守ら／又君々しよ よ治らめ／主々しよ よ治らめ
一きこゑ大きみきや／とよむせたかこか／みしま いのられ／又首里もり ちよわる／ま玉もり ちよわる／又なさいきよもいあんしおそい／あかかいなてあんしおそい／又大きみよ いきよて／せたかこよ てつて／又ゑそこなよ こゆわちへ／みおうねなよ こよわちへ／又あまのそこらしや／あまのまうれしや／又よひきとみ おしうけて／せちあらとみ くりうけて／又よつきとみ おしうけて／くもことみ くりうけて／又まやいとみ おしうけて／おしあけとみ くりうけて／又たけたけよ いのて／もりもりよ いのて／又あおりや とりよわり／ておりや とりよわり／又ゑそこかす つけわちへ／みおうねかす つけわちへ／又そさん なこやけて／あおなみやよ とゞやちへ／又おしうけかす みまふら／くりうけか みまふら／又きみ〳〵しよ 世しらめ／ぬし〳〵しよ 世しらめ
かぐらとよでが節
[edit]1-39（39）
一聞得大君ぎや／鳴響む精高子が／厳子島 鳴響で／又おぼつ世の 真高さ／神座世の 真高さ／又おぼつ よためかちゑ／天地 よためかちへ／又与那覇浜 依り降れて／雪の浜 依り降れて／又京の内ののろ〳〵／もちろ内ののろ〳〵／又御世立ちやは ぬき上げて／世立ちやは 押し上げて／又如何る なまたにやか／如何る あよなかか／又君よ 輝あらちへ／主よ 輝あらちへ／又肝 立ち居れども／肝は 立ち居れども／又首里杜 ちよわる／真玉杜 ちよわる／又成さい人思い按司添い／吾が搔い撫で按司添い／又明けの露 おさちへ／霜の露 おさちへ／又厳子島 揃ゑて／此の御島 揃ゑて／又君田降り しよわちへ／主貢 取りよわちへ／又厳子命 継ぎよわちへ／くはら命 継ぎよわちへ／又誇て〳〵 知られゝ／そこて〳〵 知られゝ／又てるかはが 御差し／てるしのが 御差し
一きこゑ大きみきや／とよむせたかこか／いつこしま とよて／又おほつ世の またかさ／かくら世の またかさ／又おほつ よためかちゑ／てにち よためかちへ／又よなははま よりおれて／よきのはま よりおれて／又けおのうちののろ〳〵／もちろうちののろ〳〵／又みよたちやは ぬきあけて／よおたちやは おしあけて／又いきやる なまたにやか／いきやる あよなかか／又きみよ かかあらちへ／ぬしよ かかあらちへ／又きも たちよれとも／あよは たちよれとも／又首里もり ちよわる／またまもり ちよわる／又なさいきよもいあちおそい／あかかいなてあんしおそい／又あけのつよ おさちへ／しものつよ おさちへ／又いつこしま そろゑて／このみしま そろゑて／又きみたうり しよわちへ／ぬしかまゑ とりよわちへ／又いつこいのち つきよわちへ／くはらいのち つきよわちへ／又ほこて〳〵 しられゝ／そこて〳〵 しられゝ／又てるかはか おさし／てるしのか おさし
せぢやりやりやまとしまひぢめが節
[edit]1-40（40）
一にるや鳴響む大主／かなや鳴響む若主／にるやせぢ みおやせ／又大島 添う 按司添い／たきより 添う 按司添い／又寄り満ちへは やぬて／せぢ寄せは やぬて／又大君は いきよて／精高子は 手摩て／〔又〕 京の内の もちよろ／もちろ内の もちよろ／又誇るてゝ 実に あり／そこるてゝ だに あり／又赤口が 撥ねて／ぜるまゝが 撥ねて／又にるやぎやめ 通ちへ／かなやぎやめ 通ちへ／又あまにこの うらやて／けさにこの 聞ゑて／又にるや吉日 取りよわちへ／かなや吉日 取りよわちへ／又首里杜 うち歩で／真玉杜 うち歩で／又金の御内 真庭に／雲子御内 真庭に／又綾子浜 やびちへ／しつこ浜 やびちへ／又三庫裡 させわちへ／三庭あしやげ させわちへ／又肝が内の 生まれて／御肝内の 勝れて／又英祖にや真末按司添い／でだが末按司添い／又にるやせぢ 有らぎやめ／かなやせぢ 有らぎやめ／又首里杜 栄い／真玉杜 栄い／又大主す 守れ／若主す 守れ
一にるやとよむ大ぬし／かなやとよむわかぬし／にるやせち みおやせ／又たしま おそう あちおそい／たきより おそう あちおそい／又ゆりみちへは やぬて／せちよせは やぬて／又大きみは いきよて／せたかこは てつて／［又］けおのうちの もちよろ／もちろうちの もちよろ／又ほこるてゝ けに あり／そこるてゝ たに あり／又あかくちやか はねて／せるまゝか はねて／又にるやきやめ とうちへ／かなやきやめ とうちへ／又あまにこの うらやて／けさにこの きこゑて／又にるやゑか とりよわちへ／かなやゑか とりよわちへ／又しよりもり うちあよて／またまもり うちあよて／又かねのみうち まみやに／くもこみうち まみやに／又あやこはま やひちへ／しつこはま やひちへ／又さんこおり させわちへ／さんみあしやけ させわちへ／又あよかうちの すくれて／又ゑそにやませあちおそい／てたかすゑあちおそい／又にるやせち あらきやめ／かなやせち あらきやめ／又しよりもり ふさい／またまもり ふさい／又大ぬしす まふれ／わかぬしす まふれ
あおりやへが節
[edit]1-41（41）
一揚がる降り笠が／大君に 知られて／いけな 選らで 降ろちゑ／按司添い 十百末 ちよわれ／［又聞得大君ぎや／群れ島に／御肝せぢ 遣りよわちへ／又鳴響む精高子が／御肝内に 撓よわ／按司添いす］／又揚がる降り笠が／群り合へ君 思い子／持ち成ちやる 生け〳〵しや／又ゆきあかりが 思い子／揚がる降り笠が／持ち成ちやる 生け〳〵しや／又君々が 思い子／持ち成ちやる 生け〳〵しや／［又俵掟／愛しけ貴み人に／知られゝ 按司添い／又げらへよらふさよ／首里杜 降れ欲しや／又げらへゆらふさよ／群れ島に 鳴響で］
一あかるおりかさか／大きみに しられて／いけな ゑらて おろちゑ／あんしおそい ともゝすへ ちよわれ／［又きこゑ大きみきや／ふれしまに／おきもせち やりよわちへ／又とよむせたかこか／おきもうちに しなよわ／あちおそいす］／又あかるおりかさか／もりやへきみ おもいくわ／もち〔な〕ちやる いけ〳〵しや／又ゆきあかりか おもいくわ／あかるおりかさか／もち〔な〕ちやる いけ〳〵しや／又きみ〳〵か おもいくわ／もち〔な〕ちやる いけ（〳〵しや／［又俵掟／まなしけたゝみきよに／しられゝ あちおそい／又けらへよらふさよ／首里もり おれほしや／又けらへゆらふさよ／ふれしまに とよて］