*დღა იღარღ ცას ულამუ
დღა იღარღ ცას ულამუ,
ჩილამურიშ რღვაფა,
ჭვემა ოცად ჸუმენული
ხუმლა დიხაშ რძღაფას.
გურმეჭვიეფ გურმეჭვილო
გილახენა რაფას,
მოწყინაფილ ვაჸოფენა
თეშ მანწარათ შხვაფანს.
ოჩოკოჩი ქოუჭანუაფჷ
ღუმა ტყაში მაფას,
წისქვილ გეუჭოფუ ჭინკეფს –
ანჯარენა ბაბას.
ყებურც ჯიკუტიას ონტუ,
ბაბუ ეკოხე ფართას,
ბები ლებიას რკვანუნცჷ,
ღუმუ მიკობუ ლანჭას.
ფურკის კუპატეფ მუკობ,
ციმჷ გიშაჭვათანც,
ბები ღუმუს ქჷდაგანც,
ჸვალც ქჷმშაჭყვართანცჷ.
ვადარკებდას ხვე–ბერექეთ,
უჩა ღვინი ლაგვანც,
ღორონთქ დუგორინუანი –
ბაბუ ქიანას ხვამანც.