*ქინმორაგვეს ოტომბეს
რინას მი რე გაცალენს,
ქიმშმოფორეს სანწალეს.
ქომობრთი დო თიმ დღაშე
გურქ მიდურთეს, თოლქ წალეს.
ართ ჩქიმ ოლუ შარაშა
ოშშა ქიმმოწარწალეს.
ქინმორაგვეს ოტომბეს,
ქინმოქოსეს რწულეს.
სკან დუც ემოჩილითეს,
შხვაშა ქიმმოწურეს.
მიკიბძირექ სოდგარენ,
ნოქთაშორო, კანთცალო.
გესქილადე ნარცვალო,
დოჭვე იშო კვარცალო.
დაფთხიებუქ ოფუტეს,
რსხულს ელაფირ კანცალო.
გეგნუბორუ ჸოროფას,
გეგნურულუ ქარცალო.
ოდიარეს ქარ ცალუნს
დღალეფ იფაფ კორობა.
დიხაქ ქიდიქანცალუ
შურცუ ეკმიბკორობა.
გესქირაფე ირფელი,
ჭუა მუნობძ ჩხორო ფა.
ასე ვორექ თი ფერი,
მუფერი რე გოლოფა.
გოჯოგინი ვარე-და,
სო რე აკა ჸოროფა?!