* უჩა ზღვაში ოდიშიშა
უჩა ზღვაში ოდიშიშა
მიფარფალუ ჩე მუნაფა,
უჩა ცხენით დო ნაბადით
სო მეურქუ, ჯიმა, დათა?
მეურს შარა, კირდა-კირდა
მელე-მოლე მოიძ ლაფა,
ართ სერს ხოლო ჩეთ გოტახუნს
პერტიაშ ჩილჲ, ჯიმა დათა.
ჸოროფილშა ვარჩოდ, ამსერ
ვალეფს არძოს ოკო გაფა,
ოჩამჩირეს ჸვაშ-ჯერღვ სოფილ
აბრაგი რაჟას დუჭყაფ ცქვაფა.
სო იჭყაფ დო სო ითებუ,
თე ქანაში დუდ დო ბოლო,
მის ელჷ დაჩხჷრ-გენია დო
მის აჭარუ ჟინიშ ორო!
მი რე მართალ, ჟინიშ წოხლე
ვადუშებუნ თიფერ მი რე,
ღორონთჲ, ქორთხინქ, ცოდეფშენო
გიშმალჷ შარა ქუმოძირე.
ცხენამ კოჩიქ ღალ-ძგას ქადირთ,
ოგუმარონს ტურა რკიანს,
ღორონთ გოუნწყჷნს შარა დო კარს
აბრაგ დათა თუთაშხიას.