71. Volapükapükots

Yunels bafölik Lizelstetena ästitoms (in) yunul mälid y. a. (yela at) su labam ledükik sanik Katarin in fot lä Konstanz deklamazäli in püks tel. Yunels öt (in) yunul balsetel venino älaboms stimi geilik, len fotaludom düliko seistik lä sanik Katarin, kom geilugs regik ledük Friderik de Baden^[1], ji-ledük Luise, of-lesón Fiktoria^[2] (ji-gam geiluga regik klonalesona Gustaf de Sved^[3]) e kom leson Ludvig de Baden^[4], kela motöfazäl in del öt yunul balsetel päzelos, al dälön pükotön kanitöl neta῾ümi ‚Sanis in vikoda‘…^[5], äso poedati jönik ‚log cila‘ fa Angelik Virjing^[6], zu nog votikis poedatis in püks deutik, nelijik e tälik, mödiküno de linad fatalanedik.

Küpets (fonät: ‚Wikisource’).

1. Großherzoge Fridrich von Baden
2. Viktoria
3. Gustav von Schweden
4. Ludwig von Baden
5. Heil Dir…
6. ‚des Kindes Auge’ von Angelika Wirsching

Se Volapükabled zenodik 1881, Nüm: 7, Pads: 30.