Ban/Gaguritan Bagus Umbara

Naskah

[ 1 ][PERPUSTAKAAN KTR.DOKBUD BALI PROP.BALI
KTR.DOKBUD BALI
PROP.BALI
G/II/9/DOKBUD
Judul : GAGURITAN BAGUS UMBARA.
Panj. 45 cm. Leb.3,5 cm. Jml. 39 lb.
Asal: Gria Kecicang, Karangasem.]

[᭑ 1A]
Judul : GAGURITAN BAGUS UMBARA.
Panj. 45 cm. Leb.3,5 cm. Jml. 39 lb.
Asal: Gria Kecicang, Karangasem. [ 2 ][᭑ 1B]
᭑
᭛᭜᭛ᬕᬶᬦᬤ᭛ᬳᬤᬓᬶᬥᬸᬂᬕᬕᬸᬭᬶᬢᬦ᭄᭞ᬕᬶᬦᬤᬵᬓᬢᬶᬭᬸᬕ᭄ᬤᬶᬂ᭞ᬳᬦᬵᬓᬘᬭᬶᬢ᭄ᬣᬵᬋᬓᭀ᭞ᬲᬂᬧ᭄ᬭᬪᬹᬫᬭᬶᬂᬜ᭄ᬚᭀᬂᬩᬶᬭᬸ᭞ᬲᬸᬓᬵᬲᬸᬕᬶᬄᬩᬮᬵᬯᬶᬃᬬ᭄ᬬ᭞ᬫᬗᬾᬦᬓᬶᬦ᭄᭞ᬲᬃᬯ᭄ᬯᬫᬸᬭᬄᬤᬶᬦᬕᬭᬵ᭟ᬢᬸᬃ
ᬳᬫᭂᬗ᭄ᬓᬸᬭᬶᬂᬓᬤᬢ᭄ᬯᬦ᭄᭞ᬫᬤᬺᬯᬾᬧᬸᬢ᭄ᬭᬲᬯᬶᬚᬶ᭞ᬳᬶᬲ᭄ᬢ᭄ᬭᬶᬭᬸᬧᬦ᭄ᬤᬦᬾᬓᬯᭀᬢ᭄᭞ᬩᬸᬓᬵᬤᬥᬭᬶᬢᬸᬫᬸᬭᬸᬦ᭄᭞ᬮ᭄ᬯᬶᬄᬲᬯᬶᬲᬬᬧ᭄ᬭᬚ᭄ᬜᬦ᭄᭞ᬭᬸᬧᬵᬩ᭄ᬘᬶᬓ᭄᭞ᬲᬲᭀᬮᬳᬾᬦᭀᬭᬢᬶᬯ᭄ᬯᬂ᭟ᬲ᭄ᬤᭂᬓ᭄ᬧᬹᬃᬡ᭄ᬦᬫᬦᬶᬂᬓᬧᬢ᭄᭞᭔
ᬯᭂᬗ᭄ᬬᬳᬢᬸᬭᬸᬢ᭄ᬯᬦ᭄ᬤᬾᬯᬶ᭞ᬳᬢᬸᬭᬸᬭᬶᬂᬩᬮᬾᬓᬯᭀᬢ᭄᭞ᬤᬤᬶᬜᬸᬫ᭄ᬧ᭄ᬦᬢ᭄ᬯᬦ᭄ᬕᬮᬸᬄ᭞ᬫᬸᬗ᭄ᬕᬄᬭᬶᬂ᭠ᬢᬼᬩᬶᬂᬫᬦᬄ᭞ᬗᬰᬶᬳᬰᬶᬄ᭞ᬫᬗ᭄ᬮᬸᬢ᭄ᬫᬗᬭᬲ᭄ᬳᬭᬲ᭄᭟ᬭᬱᬵᬜᬜᬧ᭄ᬫᬗᬭᬲ᭄᭞ᬫᬗ᭄ᬮᬸᬓᬭᬶᬦ᭄ᬓᬫ᭄ᬩᭂᬦ᭄ᬢᬧᬶᬄ
᭞ᬧᬶᬦ᭄ᬥᬓᬳᬶᬲᬸᬩᬳᬯᭀᬃ᭞ᬮᬯᬸᬢ᭄ᬓᬳᬶᬳᭂᬦ᭄ᬢᭂᬦ᭄ᬩᬗᬸᬦ᭄᭞ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩᬬᬦ᭄ᬲᬗ᭄ᬕᬶᬢ᭄᭞ᬫᬳᬶᬩᬗᬸᬦ᭄ᬓᬾᬳᬾᬗ᭄ᬕᬮᬂ᭟ᬳᬕᬾᬓᬾᬦ᭄ᬩᬬᬦ᭄ᬫᬜ᭄ᬚᬕ᭄ᬚᬕ᭄᭞ᬳᬶᬩᬬᬦ᭄ᬲᬗ᭄ᬕᬶᬢ᭄ᬦᬫ᭄ᬧᭂᬓᬶᬦ᭄᭞ᬭᬤᬾᬦ᭄ᬕᬮᬸᬄ

[᭒ 2A]
ᬗᬸᬘᬧ᭄ᬳᬮᭀᬦ᭄᭞ᬳᬶᬩᬬᬦ᭄ᬭᬭᬶᬲ᭄ᬫᬳᬢᬸᬃ᭞ᬧᬸᬦᬧᬶᬯᬾᬦ᭄ᬢᭂᬦ᭄ᬧᬗᬾᬭᬦ᭄᭞ᬢᭂᬫ᭄ᬩᬾᬫᬗ᭄ᬓᬶᬦ᭄᭞ᬳᬶᬤᬾᬯᬗᭂᬲᬾᬗᬶᬦ᭄ᬢᬶᬢ᭄ᬬᬂ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬸᬚ+(ᬭᬾ)ᬳᬢᬸᬂᬢᬸᬂᬢᬗᬶᬲ᭄᭞ᬓᬓᬵᬩᬬᬦ᭄ᬫᬳᬶᬳᬶᬗᭀᬂ᭞ᬳᬧᬓᬤ
ᬤᬶᬦᬾᬤᬶᬢᬸ᭞ᬓᬾᬦ᭄ᬩᬬᬦ᭄ᬳᬲᬯᬸᬃᬲᭂᬫ᭄ᬩᬄ᭞ᬤᬾᬯᬕᬸᬲ᭄ᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬫ᭄ᬬᬃᬱᬵ᭟ᬦᬧᬶᬯᬾᬦ᭄ᬢᭂᬦ᭄ᬤᬾᬯᬦ᭄ᬢᬶᬢ᭄ᬬᬂ᭞ᬫᬃᬕ᭄ᬕᬦ᭄ᬳᬶᬤᬾᬯᬫᬦᬗᬶᬲ᭄᭞ᬭᬤᬾᬦ᭄ᬕᬮᬸᬄᬗᬸᬘᬧ᭄ᬳᬮᭀᬦ᭄᭞ᬓᬳᬶᬫᬗᬶᬧᬶᬦᬾᬩᬯᬸ᭞ᬩ᭄ᬮᬶᬫᬦ᭄ᬢ᭄ᬭᬶᬓᬳᬸᬭᬶᬧᬦ᭄᭞
ᬤᬦᬾᬫᬳᬶ᭞ᬭᬱᬜᭂᬫᬗᬭᬲ᭄ᬳᬭᬲ᭄᭟ᬢ᭄ᬓᬫᬗ᭄ᬮᬸᬲᬶᬦ᭄ᬯᬲ᭄ᬢ᭄ᬭᬵ᭞ᬭᬭᬶᬲ᭄ᬫᬗ᭄ᬮᬸᬓᬭᬶᬦ᭄ᬢᬧᬶᬄ᭞ᬧᬶᬦ᭄ᬤᬓᬳᬶᬲᬸᬩᬳᬯᭀᬃ᭞ᬮᬯᬸᬢ᭄ᬓᬳᬶᬳᭂ(+ᬦ᭄ᬢᭂ)ᬦ᭄ᬩᬗᬸᬦ᭄᭞ᬮᬦ᭄ᬢᬲ᭄ᬫᬗᬯᬸᬓᬶᬦ᭄ᬳᬶᬩᬵ᭞ᬦᬾᬦᬾᬚᬦᬶ᭞ᬓᬾᬦ᭄ᬓᬾᬦ᭄ᬩᬦ᭄ᬳᬶᬩᬗᭂᬦᭂᬳᬂ᭟ᬬᬾᬦ᭄ᬢ
ᬦ᭄ᬳᬶᬩᬵᬚᬦᬶᬩᬬᬦ᭄᭞ᬢᬦᬸᬭᬸᬗᬦ᭄ᬫᬢᬶᬲ᭄ᬤᬶᬄ᭞ᬕᬸᬫᬦ᭄ᬢᬸᬂᬢᬸᬗᬶᬦ᭄ᬧᬦᭀᬦ᭄᭞ᬢᭀᬂᬤᬤᬶᬩᬦ᭄ᬓᬳᬶᬜ᭄ᬮᬶ᭠ᬫᬸᬃ᭞ᬓᬾᬦ᭄ᬩᬬᬦ᭄ᬫᬢᬸᬭᬦᭂᬫ᭄ᬩᬄ᭞ᬤᬾᬯᬕᬸᬲ᭄ᬢᬶ᭞ᬳᬾᬫᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬤᬾᬯ᭄ᬯ᭟ᬩᬾᬜ᭄ᬚᬂᬬᬾᬦ᭄ᬢᬢᬲ᭄ᬭᬳᬶᬦᬵ᭞ᬧᬋᬓ᭄ᬭᬶ [ 3 ][᭒ 2B]
᭒
ᬳᬶᬕᬸᬭᬸᬳᬚᬶ᭞ᬳᬢᬸᬭᬶᬦ᭄ᬫᬓᬃᬬ᭄ᬬᬢᭀᬕᭀᬕ᭄᭞ᬓᬤᬶᬧᬜᬸᬫ᭄ᬧ᭄ᬦᬦᬶᬭᬢᬸ᭞ᬬᬾᬦ᭄ᬲᬵᬫ᭄ᬧᬸᬦ᭄ᬢᬸᬲᬦ᭄ᬫᬓᬃᬬ᭄ᬬ᭞ᬭᬭᬶᬲ᭄ᬳᬫ᭄ᬩᬶᬮ᭄᭞ᬮᬶᬗ᭄ᬕᬶᬳᬂᬳᬶᬤᬵᬢᬸᬶᬤᬶᬢᬫᬦ᭄᭟ᬧᬸᬦᬶᬓᬵᬫᭀᬂᬫᭀᬂᬳᬶᬤᬾᬯ᭄ᬯ᭞ᬯ᭄ᬥᬓᬶᬦ᭄ᬧᬦ᭄ᬤᬸᬲᬂᬲᬳᬶ᭞ᬳᬢᬸᬭᬶᬦ᭄ᬳ
ᬚᭂᬗᬦ᭄ᬋᬓᭀ᭞ᬫᬶᬦᬓᬵᬬᬮᬓᬶᬯᬦ᭄ᬥᬸ᭞ᬦᬶᬓᬵᬳᬗ᭄ᬕᬾᬦ᭄ᬧᬗ᭄ᬮᬶᬧᬸᬃᬫᬦᬄ᭞ᬤᬾᬯᬕᬸᬲ᭄ᬢᬶ᭞ᬲᬬᬂᬲᬦ᭄ᬭᬸᬧᬦᬾᬫᬶᬭᬄ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩ᭄ᬦᭂᬄᬩᬦᬶᬩᬫᬫᬸᬜᬶ᭞ᬓ᭄ᬦᭂᬄᬓᬳᬶᬩᬸᬓᬵᬓᬾᬦ᭄ᬢᭀ᭞ᬩᬶᬮᬶᬄᬳᬶᬘ᭄ᬘᬵᬬᬳᬶᬕᬸᬭᬸ
᭞ᬢ᭄ᬗᬄᬯ᭄ᬗᬶᬓᭀᬘᬧ᭄ᬳᬾᬜ᭄ᬚᬂ᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬕᬮᬂᬫᬶᬚᬶᬮ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭟ᬭᬳᬤᬾᬦ᭄ᬕᬮᬸᬄᬓᭀᬘᬧᬵ᭞ᬓᬢᬫᬦ᭄ᬮᬸᬫᬫ᭄ᬧᬄᬳᬕ᭄ᬮᬶᬲ᭄᭞ᬭᬭᬶᬲ᭄ᬫᬗᭀᬚᭀᬕ᭄ᬧᬜ᭄ᬘᭀᬭᬦ᭄᭞ᬫᬗ᭄ᬮᬸᬓᬃᬲᬶᬜ᭄ᬚᬂᬫ᭄ᬯᬂᬓᬫ᭄ᬧᬸᬄ᭞ᬓᬢᬶᬫ᭄ᬩᬮ᭄ᬳᬦ᭄ᬢᬸᬓ᭄ᬳᬶ
ᬩᬬᬦ᭄᭞ᬲᬋᬂᬲᬗ᭄ᬕᬶᬢ᭄᭞ᬤᬶᬧᬸᬗ᭄ᬓᬸᬭᬦ᭄ᬬᬫᬲᬶᬭᬫ᭄᭟ᬲᬵᬫ᭄ᬧᬸᬦ᭄ᬳᬸᬲᬦᬾᬫᬲᬶᬭᬫ᭄᭞ᬫᬦ᭄ᬢᬸᬓ᭄ᬳᬶᬤᬵᬭᬤᬾᬦ᭄ᬤᬾᬯᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬚ᭄ᬭᭀ᭞ᬮᬶᬗᬶᬭᬭᬳᬤᬾᬦ᭄ᬕᬮᬸᬄ᭞ᬩᬬᬦ᭄ᬓᭀᬦᬗᬫ᭄ᬩᬶᬮ᭄ᬧ᭄ᬢᬓ᭄᭞ᬮᬯᬦ᭄ᬲᬸᬭᬶ᭞

[᭓ 3A]
ᬢᬸᬫᬸᬮᬶᬄᬭᬭᬶᬲ᭄ᬗᬢᬸᬭᬂ᭟ᬫᬮᬶᬗ᭄ᬕᬶᬄᬭᬶᬂᬤᬤᬫ᭄ᬧᬃᬫᬲ᭄᭞ᬜᬸᬯᬄᬭᬫ᭄ᬩᬸᬢ᭄ᬳᬲᬸᬲᬸᬭᬶ᭞ᬭᭀᬫᬵᬫᬼᬢᬸᬓ᭄ᬫᬗ᭄ᬭᬾᬩᭀᬂ᭞ᬓᬤᬶᬕᬸᬍᬫ᭄‌ᬗ᭄ᬫᬸᬚᬯᬸᬄ᭞ᬫ᭄ᬯᬦᬾᬫᬸᬮᬦ᭄ᬧᬹᬃᬡ᭄ᬦᬫᬵ᭞ᬓ᭄ᬜᬶᬂᬫᬦᬶᬲ᭄᭞ᬲᭀᬮᬳᬾᬫᬗᬬᬂᬗᬬᬂ᭟ᬧᬫᬸᬮᬸᬦᬾᬍ
ᬫ᭄ᬧᬸᬂᬚ᭄ᬦᬃ᭞ᬯᬸᬮᬢᬾᬕᬮᬓ᭄ᬓᬫᬦᬶᬲ᭄᭞ᬲᬸᬲᬸᬜᬗ᭄ᬓᬶᬄᬳᬧᬶᬢ᭄ᬤᬤ᭄ᬥᬵ᭞ᬭᬸᬧᬶᬢ᭄ᬳᬭᬂᬳᬃᬱᬵᬳᬮᬸᬲ᭄᭞ᬍᬗᭂᬦᬾᬫᬦ᭄ᬤᬧᬵᬮᬬ᭄ᬯᬦ᭄᭞ᬩᬜ᭄ᬘᬂᬭᬫ᭄ᬧᬶᬂ᭞ᬲᬧᭀᬮᬳᬾᬩᬸᬓᬤᬾᬯ᭄ᬯ᭟ᬢᬸᬫᬸᬮᬶᬄᬫᬲᬮᬶᬦ᭄ᬯᬲ᭄ᬢ᭄ᬭᬵ᭞ᬫᬲᬶᬜ᭄ᬚᬂᬧᬶᬢᭀᬮᬵᬢ
ᬗᬶ᭞ᬫᬲᬸᬦ᭄ᬢᬕᬶᬲᬸᬢ᭄ᬭᬳᬶᬚᭀ᭞ᬫᬯᬲ᭄ᬢ᭄ᬭᬵᬧᬾᬋᬫᬲ᭄ᬳᬸᬗᬸ᭞ᬫᬧᭂᬧ᭄ᬓᭂᬓ᭄ᬱᬸᬢ᭄ᬭᬵᬚ᭄ᬦᬃ᭞ᬢᬸᬃᬫᬜ᭄ᬚᭂᬢ᭄ᬣᬶ᭞ᬫᬧᭂᬦ᭄ᬤᬶᬂᬫᬲᬶᬦᬗ᭄ᬕᬸᬗᬦ᭄᭟ᬲᬂᬦᬵᬯᬓᬧᭂᬦ᭄ᬤᬓ᭄ᬢᬶᬗ᭄ᬕᬮ᭄᭞ᬤᬸᬄᬫᬲ᭄ᬫᬶᬭᬄᬩᬧᬦᬾᬫᬦᬶᬓ᭄᭞ᬭᬤᬾᬦ᭄ᬕᬮᬸᬄᬫᬢᬸᬃᬳᬮᭀᬦ᭄᭞
ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭄ᬢᬶᬢ᭄ᬬᬂᬕᬸᬭᬸ᭞ᬲᬂᬦᬣᬵᬳᬮᭀᬦ᭄ᬗᬦ᭄ᬤᬶᬓᬵ᭞ᬮᬄᬫᬮᬶᬗ᭄ᬕᬶᬄ᭞ᬤᬶᬦᬶᬩᬋᬂᬢ᭄ᬓᬾᬦ᭄ᬩᬧᬵ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬲᬦ᭄ᬤᬶᬓᬦ᭄ᬳᬶᬕᬸᬭᬸᬳᬚᬶ᭞ᬲᬃᬯ᭄ᬯᬶᬫᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬳᬦᭂᬫ᭄ᬩᬄᬚ᭄ᬭᬶᬚᬶᬦᬾᬭᬸᬭᬸᬲ᭄ [ 4 ][᭓ 3B]
᭓
᭞ᬫᬜᬸᬫ᭄ᬩᬄᬓᬤᬶᬭᬶᬂᬯᬬᬂ᭞ᬩᬧᬳᬚᬶ᭞ᬩᬧᬵᬳᬚᬶ᭞ᬢᬶᬢ᭄ᬬᬂᬲᬯᭂᬕ᭄ᬲᬶᬦᬫ᭄ᬧᬸᬭᬵ᭟ᬳᬮᬶᬗ᭄ᬕᬶᬄᬲᬋᬂᬲᬂᬦᬵᬣ᭞ᬭᬭᬶᬲ᭄ᬫᬢᬸᬃᬭᬤᬾᬦ᭄ᬤᬾᬯᬶ᭞ᬤᬸᬭᬸᬲᬂᬳᬶᬯᬦ᭄ᬲᬂᬓᬢᭀᬂ᭞ᬫᬳᭀᬓᬵᬭᬶᬂᬢᬶᬢ᭄ᬬᬂᬕᬸᬭᬸ᭞ᬓᬵᬃᬬ᭄ᬬᬦᬂᬢᬶᬢ᭄ᬬᬂᬧᬮᬮ᭄ᬬᬦ᭄᭞
ᬕᬸᬭᬸᬳᬚᬶ᭞ᬫᬧᬶᬦ᭄ᬥᬵᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬓᬵᬓᬮᬶᬄᬓᬃᬬ᭄ᬬᬦᬂᬢᬶᬢ᭄ᬬᬂ᭞ᬫᬧᬶᬦ᭄ᬥᬵᬲ᭄ᬫᬃᬳᬲᬶᬓᬶ᭞ᬤᬸᬭᬸᬲᬂᬳᬶᬘᬦ᭄ᬳᬶᬩᬧᬵ᭞ᬢᬶᬢ᭄ᬬᬂᬦᬳᭂᬦ᭄ᬢ᭄ᬯᬄᬫᬕᬸᬮ᭄ᬕᬸᬮ᭄᭞ᬧᬘᬂᬮᬶᬗ᭄ᬕᬶᬳᬂᬤᬶᬢᬫᬦ᭄᭞ᬫᬓᬵᬓᬮᬶᬄ᭞ᬫᬦ᭄ᬢ᭄ᬭᬶᬫᬳᬶᬭᬶᬗᬦ᭄ᬲ᭄ᬫᬃ᭟ᬲᬂᬦᬵᬣᬭᬭᬶ
ᬲ᭄ᬗᬦ᭄ᬤᬶᬓᬵ᭞ᬲᬦ᭄ᬤᬶᬓᬦ᭄ᬳᬶᬤᬾᬯᬫᬡᬶᬓ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬫᬓᬃᬬ᭄ᬬ᭞ᬫᬗᬸᬓᬶᬃᬩᬦ᭄ᬓᬸᬓᬸᬳᬮᬸᬲ᭄᭞ᬳᬚᬳᬦ᭄ᬲᬳᬾᬢ᭄ᬫᬲᭀᬮᬵ᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬚᬦᬶᬧ᭄ᬭᬕᬢ᭄ᬫᬓᬵᬤᬤ᭄ᬯ᭟ᬬᬾᬜᭂᬬᬩᬸᬓᬵᬤᬶᬧᭀᬮᬵ᭞ᬯᬃᬡ᭄ᬦᬦᬾᬭᬳᬤᬾ
ᬦ᭄ᬫᬦ᭄ᬢ᭄ᬭᬶ᭞ᬮ᭄ᬯᬶᬄᬯᬃᬡ᭄ᬦᬦᬾᬳᬶᬲ᭄ᬫᬃ᭞ᬧᭂᬭᭀᬓ᭄ᬫᬢᬦᬾᬲᬧᬯᬸᬢ᭄᭞ᬧᬗᬯᬓᬼᬯᬶᬄᬤᬶᬢᬶᬦ᭄ᬤᬓ᭄᭞ᬲᬸᬩᬧᬲ᭄ᬢᬶ᭞ᬧᬦ᭄ᬢᭂᬲ᭄ᬢ᭄ᬯᬄᬫᬕᭀᬩᬲ᭄ᬫᬵᬃ᭟ᬧᭀᬮᬦᬾᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬧᬫᬸᬮᬸᬦᬾᬍᬫ᭄ᬧᬸᬂᬕᬥᬶᬂ᭞ᬜᬦ᭄ᬤᬂᬭᬤᬾ

[᭔ 4A]
ᬦ᭄ᬕᬮᬸᬄᬕᬾᬮᭀᬢ᭄᭞ᬮᬗ᭄ᬲᬶᬂᬮᬜ᭄ᬚᬃᬚ᭄ᬭᬶᬚᬶᬭᬸᬭᬸᬲ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬫᬧᬭᬤᬵ᭞ᬭᬭᬶᬲ᭄ᬓᬫ᭄ᬩᬶᬮ᭄᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬤᬾᬯ᭄ᬬ᭟ᬢᭀᬕᭀᬕᬾᬭᬭᬶᬲ᭄ᬓᬢᬗ᭄ᬕᬧ᭄᭞ᬭᬗ᭄ᬓᬸᬂᬲᬸᬓᬵᬭᬤᬾᬦ᭄ᬤᬾᬯᬶ᭞ᬢᬦᬶᬯᬂᬤᬸᬓᬶᬧᬢᬸᬭᭀᬦ᭄᭞ᬢ᭄ᬯᬶᬢ᭄ᬯᬄ
ᬩᬕᬸᬲ᭄ᬳᬦᬸᬮᬸᬲ᭄᭞ᬭᬸᬧᬓᬤᬶᬓᬲ᭄ᬯᬧ᭄ᬦᬵ᭞ᬓᬩᬓ᭄ᬢᬵᬕ᭄ᬮᬶᬲ᭄᭞ᬢᭀᬕᭀᬕᬾᬲᭀᬂᬲᭀᬂᬓᬢᬫᬦ᭄᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬫᬭᬶᬂᬢᬫᬦ᭄᭞ᬓᬮᬶᬗ᭄ᬕᬶᬳᬂᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬗᬸᬮᭀᬦ᭄᭞ᬳᬶᬲ᭄ᬫᬵᬃᬫᬶᬭᬶᬩ᭄ᬫᬫᬸᬢ᭄ᬭᬸ᭞
ᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬗ᭄ᬮᬶᬗ᭄ᬕᬶᬳᬂ᭞ᬭᬭᬶᬲ᭄ᬫᬸᬮᬶᬄ᭞ᬧ᭄ᬭᬧ᭄ᬢᬵᬫᬭᬶᬂᬚ᭄ᬭᭀᬧᬸᬭᬵ᭟ᬲᬧ᭄ᬭᬧ᭄ᬢᬦᬾᬫᬭᬶᬂᬧᬸᬭᬵ᭞ᬮᬶᬗᬶᬭᬭᬳᬤᬾᬦ᭄ᬤᬾᬯᬶ᭞ᬓᬓᬵᬩᬬᬦ᭄ᬫᬢᬶᬳᬶᬗᭀᬂ᭞ᬩ᭄ᬮᬶᬫᬦ᭄ᬢ᭄ᬭᬶᬚ᭄ᬯᬕᬸᬫᬦ᭄ᬢᬸᬂ᭞ᬓᬾᬦ᭄ᬩᬬᬦ᭄ᬳᬲᬯᬸᬃᬲᭂᬫ᭄ᬩᬄ᭞ᬤᬾᬯᬕᬸ
ᬲ᭄ᬢᬶ᭞ᬲᬵᬫ᭄ᬧᬸᬦᬂᬚ᭄ᬯᬳᬕᬸᬂᬮᬭᬵ᭟ᬩ᭄ᬯᬶᬦ᭄ᬧᬶᬤᬦ᭄ᬚᬵᬤᬦᬾᬢ᭄ᬓᬵ᭞ᬩᬸᬓᬵᬩᬦᬶᬭᬦᬾᬗᬶᬧᬶ᭞ᬲᬮ᭄ᬯᬶᬭᬶᬂᬩᬸᬗᬦᬾᬢᭀᬦ᭄ᬢᭀᬦ᭄᭞ᬓᬢᭀᬦᬂᬦᬶᬭᬩ᭄ᬮᬶᬩᬕᬸᬲ᭄᭞ᬢᬫ᭄ᬩᬸᬮᬶᬮᬶᬗᬦᬾᬗᬭᬲ᭄᭞ᬦᬕ᭄ᬕᬵᬲᬭᬶ᭞ᬫᬸᬶ [ 5 ][᭔ 4B]
᭔
ᬭᬸᬶᬫᬶᬭᬶᬩ᭄ᬳᬶᬩ᭄ᬮᬶᬗᬦ᭄ᬤᬶᬓᬵ᭟ᬲᬸᬗᬾᬗᬾᬦᬾᬩᬯᬸᬓᭂᬫ᭄ᬩᬂ᭞ᬫᬶᬭᬶᬩ᭄ᬧ᭄ᬭᬭᬳᬶᬦ᭄ᬳᬶᬩ᭄ᬮᬶ᭞ᬧᬸᬲᬸᬄᬩᬓᬸᬗᬾᬩᬦ᭄ᬤᬵᬮᭀᬓ᭄᭞ᬫᬳᬶᬭᬶᬩ᭄ᬚᬭᬶᬚᬶᬭᬸᬭᬸᬲ᭄᭞ᬲᬦ᭄ᬤᬢᬾᬓᭂᬫ᭄ᬩᬂᬫᬬᬗᬦ᭄᭞ᬳᬯᬲ᭄ᬳᬢᬶ᭞ᬫᬳᬶᬭᬶᬩ᭄ᬳᬶᬩ᭄ᬮᬶᬮᬸᬧᬵ᭟ᬳᬶᬦ᭄ᬢᬭ
ᬦᬾᬦᬸᬗᬸᬭᬕ᭄ᬕ᭞ᬳᭂᬤᭀᬦ᭄ᬜᬦᬾᬦᬸᬓᬵᬓᬮᬶᬄ᭞ᬫᬶᬭᬶᬩ᭄ᬳᬮᬶᬲ᭄ᬋᬗᬸᬓᬢᭀᬦ᭄᭞ᬩᬸᬦ᭄ᬓᬓᬢᬶᬭᬄᬳᭂᬦ᭄ᬤᬶᬤᬶᬄᬫᬸᬭᬸᬩ᭄᭞ᬓᬤᬶᬮᬫ᭄ᬩᬾᬗᬶᬦᬂᬲ᭄ᬤᬄ᭞ᬢᬶᬳᬶᬂᬕᬥᬂ᭞ᬓᬢᭀᬦ᭄ᬭᬕ᭄ᬕᬵᬫᬗ᭄ᬭᬶᬬᬓ᭄ᬦᬵ᭟ᬤᭀᬦ᭄ᬲᬶᬫ᭄ᬩᬭᬾᬫᬲ᭄ᬭᬯᬾᬬ
ᬦ᭄᭞ᬓᬢᭀᬦᬂᬘᬯᭂᬢ᭄ᬳᬶᬩ᭄ᬮᬶ᭞ᬮᬸᬫᬸᬢᬾᬗ᭄ᬮᬦ᭄ᬢᬶᬂᬓᬢᭀᬦ᭄᭞ᬳᬸᬧᬶᬦ᭄ᬳᬗᬶᬦᬾᬤᬶᬤᬸᬳᬸᬃ᭞ᬓᬤᬶᬢᬗᬦ᭄ᬫᬢᬬᬸᬗᬦ᭄᭞ᬗᭀᬮᬄᬢᬗ᭄ᬓᬶᬲ᭄᭞ᬢᬦ᭄ᬤᬗᬾᬫᬜᬮᬦ᭄ᬢᬭᬵ᭟ᬢᬸᬜ᭄ᬚᬸᬗᬾᬳᬓᬢᬶᬄᬓᭂᬫ᭄ᬩᬂ᭞ᬓ
ᬢᭀᬦᬂᬤᬶᬢ᭄ᬗᬄᬩᬾᬚᬶ᭞ᬫᬶᬭᬶᬩ᭄ᬥᬦᬾᬤᬶᬢᬸᬩ᭄ᬗᭀᬂ᭞ᬳᬸᬮᬢ᭄ᬤᬦᬾᬤᬶᬢᬸᬫᬦ᭄ᬤᬸᬲ᭄᭞ᬳᬸᬧᬶᬦ᭄ᬳᬗᬶᬦ᭄ᬫ᭠ᬓᬶᬢᬸᬓᬦ᭄᭞ᬓᬤ᭄ᬬᬦᭀᬮᬶᬄ᭞ᬫᬶᬭᬶᬩ᭄ᬦᬕᬶᬄᬜ᭄ᬚᬸᬳᬶᬦ᭄ᬯᬲ᭄ᬢ᭄ᬭᬵ᭟ᬢᬸᬳᬸᬢᬸᬳᬸᬦᬾᬫᬲ᭄ᬯᬭᬵ᭞ᬳᬸᬮᬢ᭄ᬤᬦᬾ

[᭕ 5A]
ᬗᬰᬶᬳᬰᬶᬄ᭞ᬓᬤᬶᬧᬗ᭄ᬭᬸᬫ᭄ᬭᬸᬫ᭄ᬤᬶ[strike]ᬢᬸᬭᭀᬦ᭄᭞ᬓ᭄ᬮᬶᬤᬸᬗᬦᬾᬘ᭄ᬗᬓ᭄ᬘᭂᬗᬸᬓ᭄᭞ᬫᬶᬭᬶᬩ᭄ᬳᬶᬩ᭄ᬮᬶᬓᬩᬩᬲ᭄᭞ᬗᬮᬶᬄᬫᬃᬕ᭄ᬕᬶ᭞ᬓᬬᬸᬦ᭄ᬫᬢ᭄ᬫᬸᬓᬾᬦᬶᬭ᭟ᬫᬸᬗ᭄ᬕᬄᬤᬦᬾᬕᬕ᭄ᬮᬶᬲᬦ᭄᭞ᬤᬶᬩᬮᬾᬧᬗ᭄ᬲᬶᬂᬗᬭᬶᬂ᭞ᬫᬓᬵᬓᬸᬤᬸᬂᬲᬸᬢ᭄ᬭᬳᬶᬚᭀ
᭞ᬫᬮᬶᬗ᭄ᬕᬶᬄᬭᬭᬶᬲ᭄ᬫᬢᬶᬫ᭄ᬧᬸᬄ᭞ᬗᭂᬫ᭄ᬩᭂᬂᬬᬾᬄᬢᬶᬗ᭄ᬳᬮᬾᬩᬸᬬᬃ᭞ᬲᬃᬯ᭄ᬯᬶᬦᬗᬶᬲ᭄᭞ᬮᬶᬮᬬᬂᬢᭀᬂᬤᬤᬶᬮᬶᬮᬵ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬓᬾᬦ᭄ᬓᬾᬦ᭄ᬩᬳᬦ᭄ᬓᬳᬶᬚᬦᬶ᭞ᬫᬗᬮᬶᬬᬂᬤᬬᬋᬓᭀ᭞ᬳᬧᬗᬬᬵᬤᬤᬶᬲᬭᬸ᭞ᬮᬫᬸᬜ
ᬓᬾᬦᬾᬲᬢᬢ᭞ᬢ᭄ᬯᬄᬢᬦ᭄ᬧᭀᬮᬶᬄ᭞ᬳᬶᬕᬸᬭᬸᬫᬧᬸᬢ᭄ᬭᬵᬦᬶᬭᬵ᭟ᬳᬧᬚᬵᬕᬯᬾᬦᬾᬲᬸᬓᬵ᭞ᬲ᭄ᬤᬶᬄᬳᬾᬫᬦᭂᬓᬵᬲᬳᬶ᭞ᬲᬸᬩᬢ᭄ᬯᬄᬢᬾᬤᬦᬾᬳᭂᬚᭀᬄ᭞ᬫᬗ᭄ᬕᬯᬾᬲᬦ᭄ᬳᬢᬶᬳᬶᬩᬸᬓ᭄᭞ᬓᬾᬦ᭄ᬩᬬᬦ᭄ᬫᬍᬢᬶᬓ᭄ᬤᬬ᭞ᬗᬶᬂ
ᬤᬶᬬᬢᬶ᭞ᬳᭂᬦ᭄ᬢᭀᬧᬾᬢ᭄ᬚᬦᬶᬳᬢᬸᬭᬂ᭟ᬓᬾᬦ᭄ᬩᬬᬦ᭄ᬫᬢᬸᬭᬦᭂᬫ᭄ᬩᬄ᭞ᬯᬾᬦ᭄ᬢᭂᬦ᭄ᬤᬬᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬦᬸᬦᬲ᭄ᬧᬾᬢ᭄ᬫᬦ᭄ᬢᬸᬓᬚ᭄ᬭᭀ᭞ᬧᬋᬓ᭄ᬭᬶᬂᬳᬚᬶᬦᬶᬭᬢᬸ᭞ᬢᬸᬦᬲ᭄ᬳᬶᬘ᭄ᬘᬦᬾᬲᬂᬓᬵᬣ᭞ᬦᬾᬦᬾᬫᬗ᭄ᬓᬶᬦ᭄ᬫᬧᬸᬢ᭄ᬭ [ 6 ][᭕ 5B]
᭕
ᬘᭀᬓᭀᬃᬳᬶᬤᬾᬯ᭄ᬯᬵ᭟ᬗᬃᬬ᭄ᬬᬦᬂᬳᬶᬤᬾᬯᬧ᭄ᬮᬮ᭄ᬬᬦ᭄᭞ᬢᭀᬕᭀᬕ᭄ᬫᬭᬸᬧᬳᬶᬫᬦ᭄ᬢ᭄ᬭᬶ᭞ᬳᬸᬦ᭄ᬤᬕᬶᬲᬫᬶᬢ᭄ᬭᬸᬲ᭄ᬧᬦᭀᬦ᭄᭞ᬧᬸᬦᬶᬓᬵᬗ᭄ᬕᬾᬦᬸᬗ᭄ᬓᬸᬮᬂᬳᬶᬩᬸᬓ᭄᭞ᬳᬶᬭᬶᬓᬶᬭᬭᬶᬲ᭄ᬮᬶᬗ᭄ᬕᬶᬳᬂ᭞ᬳᬧᬂᬲᬶᬮᬶᬩ᭄᭞ᬳᬧᬂᬤᬵᬤᬬ᭠
ᬦᬶᬦ᭄ᬳᬦᬓ᭄᭟ᬧᬸᬦᬶᬓᬫᭀᬂᬫᭀᬂᬳᬶᬤᬾᬯ᭄ᬯ᭞ᬯ᭄ᬤᬓᬶᬦ᭄ᬧᬦ᭄ᬤᬸᬲᬂᬲᬳᬶ᭞ᬳᬢᬸᬭᬶᬦ᭄ᬳᬚᭂᬗᬦ᭄ᬋᬓᭀ᭞ᬫᬶᬓᬬᬵᬮᬓᬶᬯᬦ᭄ᬥᬸ᭞ᬦᬶᬓᬵᬳᬗ᭄ᬕᬾᬦ᭄ᬧᬗ᭄ᬮᬶᬧᬹᬃᬫᬦᬄ᭞ᬲᬓᬶᬢ᭄ᬧᬶᬗᬶᬢ᭄᭞ᬲᬓᬶᬢᬾᬲᬚ᭄ᬭᭀᬦᬶᬂᬫᬦᬄ᭟ᬭ
ᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳ᭄ᬦᬄᬚᬮᬦ᭄ᬫᬦ᭄ᬤᬸᬲ᭄ᬚᬦᬶ᭞ᬯᬸᬲᬦᬾᬭᬭᬶᬲ᭄ᬫᬘ᭄ᬬᬦ᭄᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬳᬮᬧᬂᬚᬵᬦᬶᬭᬩᬸᬗ᭄ᬳᬵ᭞ᬳᭂᬦ᭄ᬢᭀᬚᬦᬶ᭞ᬓᬾᬦ᭄ᬩᬬᬦ᭄ᬭᬭᬶᬲ᭄ᬗᬢᬸᬭᬂ᭟ᬭᬳᬤᬾᬦ᭄ᬕᬮᬸᬄᬫᬦᬗ᭄ᬕᬧ᭄᭞
ᬗᬦ᭄ᬤᬶᬓᬵᬳᬲᬸᬢ᭄ᬫᬸᬢᬗᬶᬲ᭄᭞ᬓᬓᬵᬩᬬᬦ᭄ᬫᬢᬶᬳᬶᬗᭀᬂ᭞ᬚᬮᬦ᭄ᬓᬾᬬᬚᬦᬶᬫᬦ᭄ᬢᬸᬓ᭄᭞ᬢᬦ᭄ᬓᭀ᭠ᬘᬧᬭᬶᬂᬤᬤᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬚ᭄ᬭᭀᬧᬸᬭᬵ᭟ᬢᬸᬫᬸᬮᬶᬄᬫᬦᬩ᭄ᬥᬩ᭄ᬧᬬᬲ᭄᭞ᬯᬃᬡ᭄ᬦᬵ

[᭖ 6A]
ᬦᬾᬓᬤᬶᬳ᭄ᬬᬂᬭᬢᬶᬄ᭞ᬫᬯᬲ᭄ᬢ᭄ᬭᬧᬾᬋᬫᬲ᭄ᬳᬶᬚᭀ᭞ᬳᬾᬲᭂᬫᬾᬮ᭄ᬯᬶᬃᬫᬥᬸᬭᬸᬚᬸᬄ᭞ᬲᬸᬲᬸᬜᬗ᭄ᬓᬶᬄᬩᬸᬓᬵᬕᬶᬮᬧ᭄᭞ᬓᬸᬦᬶᬂᬕᬥᬶᬂ᭞ᬩᬗ᭄ᬓ᭄ᬬᬂᬭᬫ᭄ᬧᬶᬂᬫᬦᬸᬓᭂᬮᬂ᭟ᬘᬘᬶᬗᬓᬾᬩᬸᬓᬵᬧᬲᬃ᭞ᬓᬸᬓᬸᬧᬜ᭄ᬚᬂᬓᬤᬶᬫᬡ᭄ᬦᬶᬓ᭄᭞ᬢ
ᬗᬦᬾᬍᬫᭂᬢᬸᬫᭂᬭᭀᬲ᭄᭞ᬲᬧᭀᬮᬳᬾᬫᬗ᭄ᬕᬯᬾᬓ᭄ᬜᬸᬂ᭞ᬩᬸᬓᬧᬸᬢ᭄ᬭᬶᬦᬾᬤᬶᬕᬫ᭄ᬩᬃ᭞ᬘᭂᬦ᭄ᬢᬾᬂᬭᬸᬗᬶᬄ᭞ᬳᬓᬾᬄᬫᬦ᭄ᬢ᭄ᬭᬶᬓᬳᬾᬤᬦᬦ᭄᭟ᬭᬭᬶᬲ᭄ᬤᬦᬾᬫᭂᬲᬾᬄᬯᬲ᭄ᬢ᭄ᬭᬵ᭞ᬫᬢᬧᬶᬄᬬᬘᬢ᭄ᬭᬵᬲᬫᬶᬸᬭᬶ᭞ᬫᬲᬸᬦ᭄ᬢᬕᬶᬲᬸᬢ᭄ᬭᬳᬶᬚᭀ᭞ᬫᬯ
ᬲ᭄ᬢ᭄ᬭᬵᬩᭀᬢ᭄ᬓᭂᬮᬶᬂᬳᬸᬗᬸ᭞ᬫᬢᬾᬦᬢᬾᬦ᭄ᬕᬮᬶᬳᬶᬭᬦ᭄᭞ᬢᬸᬃᬫᬜ᭄ᬚᬶᬢᬶ᭞ᬫᬧᭂᬦ᭄ᬤᬶᬂᬫᬲᬶᬦᬂᬗ᭄ᬮᬶᬗᬦ᭄᭟ᬫᬳᬦ᭄ᬢᭂᬂᬬᬲ᭄ᬬᬂᬫᬬᬂ᭞ᬧᬦ᭄ᬤᬵᬲᬭᬾᬲᬸᬢ᭄ᬭᬢᬗᬶ᭞ᬲᬸᬢ᭄ᬭᬵᬓᬸᬦᬶᬂᬲᬸᬢ᭄ᬭᬵᬳᬶᬚᭀ᭞ᬲᬦ᭄ᬤᬶᬗᬶᬦ᭄ᬲᬸᬢ᭄ᬭᬵᬦᬾᬤᬤᬸ᭞ᬢᬶ᭠
ᬫ᭄ᬧᬮᬶᬦ᭄ᬧᬾᬋᬫᬲ᭄ᬭᬦ᭄ᬢᬵ᭞ᬧᬾᬃᬫ᭄ᬫᬲ᭄ᬯᬶᬮᬶᬲ᭄᭞ᬲᬾᬬᭀᬲ᭄ᬫᬲᬸᬦ᭄ᬢᬕᬶᬫᬶᬭᬄ᭟ᬫᬧᭂᬭᬤᬵᬯᬶᬚᭀᬢᬝᬵ᭞ᬫᬧᬶᬗ᭄ᬕᭂᬮ᭄ᬓᭀᬭᬢ᭄ᬦᬵᬳᬤᬶ᭞ᬲᬶᬫ᭄ᬲᬶᬫ᭄ᬳᭂᬫᬲ᭄ᬫᬫᬦᬶᬲᬦ᭄᭞ᬫᬩᬸᬗ᭄ᬓᬸᬂᬬᬵᬳ᭄ᬫᬲ᭄ᬫᬸᬭᬸᬩ᭄᭞ᬫᬲᬸᬧᭂᬂᬫᬲᬶᬦᬗ᭄ᬮᬶᬗᬦ᭄ [ 7 ][᭖ 6B]
᭖
᭞ᬓᬫᬵᬓᭂᬦ᭄ᬤᬶᬮ᭄᭞ᬢᬮᬶᬦ᭄ᬩᬗ᭄ᬓ᭄ᬬᬗᬾᬫᬗ᭄ᬭᬜᬩ᭄᭟ᬲᬵᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬧᬬᬲ᭄‌ᬢᬦ᭄ᬧᬾᬦ᭄ᬤᬄᬤᬥᬭᬶᬲᬸᬘᬶ᭞ᬫᬫᬃᬕ᭄ᬕᬶᬧ᭄ᬲᬸᬫᬗ᭄ᬕᭂᬮᭀᬄ᭞ᬳᬓᬾᬄᬧᬜ᭄ᬚᬓᬾᬳᬦ᭄ᬤᬸᬮᬸ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄ᭞ᬰ᭄ᬭᬷ
ᬪᬹᬧᬢᬶ᭞ᬗᬦ᭄ᬤᬶᬓᬵᬳᬲ᭄ᬫᬸᬓᬯᭂᬗᬦ᭄᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬤᬸᬄᬤᬾᬯᬦ᭄ᬩᬧᬳᬲ᭄ᬦᬡᬶᬓ᭄᭞ᬭᬤᬾᬦ᭄ᬕᬮᬸᬄᬫᬢᬸᬃᬳᬮᭀᬦ᭄᭞ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭄ᬢᬶᬢ᭄ᬬᬂᬕᬸᬭᬸ᭞ᬤᬸᬄᬫᬮᬶᬗ᭄ᬕᬶᬄᬳᭂᬦ᭄ᬤᬾᬦ᭄ᬫᬶᬭᬄ᭞ᬮᬄᬳᭀᬭᬳᬶᬦ᭄᭞ᬕᬸᬭᬸ
ᬧᬸᬦᬧᬶᬓᬃᬬ᭄ᬬᬦᬵᬂ᭟ᬭᬳᬤᬾᬦ᭄ᬕᬮᬸᬄᬦᬸᬶᬳᬦᭂᬫ᭄ᬧᬮ᭄᭞ᬳᬮᬸᬗ᭄ᬕᬸᬄᬲᬋᬂᬦᬺᬧᬢᬶ᭞ᬳᬗᭂᬫ᭄ᬩᭂᬂᬗᭂᬫ᭄ᬩᭂᬂᬧᬦᭀᬦ᭄᭞ᬳᬜᬸᬫ᭄ᬩᬄᬚ᭄ᬭᬶ+(ᬚᬶ)ᬦᬾᬭᬸᬭᬸᬲ᭄᭞ᬧᬢᬗᬦᬦ᭄ᬓᬤᬶᬯᬬᬂ᭞ᬫᬸᬯᬸᬄᬫᬦᬶᬲ᭄᭞ᬕᬯᭀᬓ᭄ᬧᬜ᭄ᬚᬓᬾᬦᭀᬦ᭄ᬢᭀ
ᬦᬂ᭟ᬭᬭᬶᬲ᭄ᬫᬢᬸᬃᬭᬶᬂᬲᬂᬦᬵᬣ᭞ᬳᬸᬚᬭᬾᬳᬭᬸᬫ᭄ᬳᬫᬦᬶᬲ᭄᭞ᬤᬸᬄᬤᬾᬯᬕᬸᬭᬸᬲᬂᬓᬢᭀᬂ᭞ᬤᬸᬭᬸᬲᬂᬳᬶᬘᬦᬾᬭᬢᬸ᭞ᬓᬃᬬ᭄ᬬᬦᬂᬢᬶᬢ᭄ᬬᬂᬧᬮᬮ᭄ᬬᬦ᭄᭞ᬳᬧᬂᬩ᭄ᬘᬶᬓ᭄᭞ᬢᭀᬕᭀᬕ᭄ᬓᬓᬮᬶᬄᬓᬃᬬ᭄ᬬᬦᬵᬂ᭟ᬫᬭᬸᬧᬫᬦ᭄ᬢ᭄ᬭᬶ

[᭗ 7A]
ᬓᭀᬭᬶᬧᬦ᭄᭞ᬫᬦ᭄ᬢ᭄ᬭᬶᬦᬾᬩᬕᬸᬲ᭄ᬤᬶᬩᬮᬶ᭞ᬓᭀᬘᬧ᭄ᬩ᭄ᬬᬦᬵᬧᬤᬵᬋᬓᭀ᭞ᬳᬧᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬯᭂᬭᬸᬄ᭞ᬕ᭄ᬦᬳᬂᬢᬶᬢ᭄ᬬᬂᬤᬶᬢᬫᬦ᭄᭞ᬫᬓᬵᬓᬮᬶᬄ᭞ᬳᬲᬶᬓᬶᬧᬶᬦ᭄ᬤᬬᬂᬲ᭄ᬫᬃ᭟ᬲᬧ᭄ᬭᬪᬹᬳᬤᬦ᭄ᬧᬗᬭᬄ᭞ᬦ᭄ᬤᬸᬦᬂᬧᬤᬵᬳᬸᬦ᭄ᬤᬕᬶ᭞ᬢ᭄ᬤᬸᬦ᭄ᬳᬸᬦ᭄ᬤ
ᬕᬶᬫᬗ᭄ᬕᭂᬮᭀᬄ᭞ᬲᭂᬕ᭄ᬦᭂᬧᬶᬂᬧ᭄ᬭᬩᭀᬢ᭄ᬳᬶᬧᬸᬦ᭄᭞ᬢᬸᬃᬫᬓᬃᬬ᭄ᬬᬕᬕ᭄ᬮᬶᬲᬦ᭄᭞ᬧ᭄ᬭᬕᬢ᭄ᬫᬗ᭄ᬓᬶᬦ᭄᭞ᬢᭀᬕᭀᬕᬾᬬᬵᬫᬓᬵᬤᬤ᭄ᬯᬵ᭟ᬢ᭄ᬯᬶᬢ᭄ᬯᬄᬜᬩᬸᬓᬵᬧᭀᬮᬵ᭞ᬫᬭᬸᬧᬵᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬦᬾᬳᬯᬸᬓᬸᬤ᭄ᬳᬶᬲ᭄ᬫᬵᬃᬢᭀᬓ᭄᭞ᬧᭂᬭᭀᬓ᭄ᬫᬢ
ᬦᬾᬢᬸᬫᬸᬭᬸᬢ᭄᭞ᬧᬗᬯᬓ᭄ᬮᬯᬦ᭄ᬤᬶᬢᬶᬦ᭄ᬤᬓ᭄᭞ᬢ᭄ᬯᬭᬧᬗ᭄ᬕᬶᬮ᭄ᬳᬦ᭄ᬢᬸᬓ᭄ᬳᬸᬦ᭄ᬤᬵᬕᬶᬫᬓᬃᬬ᭄ᬬ᭟ᬭᬸᬧᬦᬾᬫᬦ᭄ᬢ᭄ᬭᬶᬓᬸᬭᬶᬧᬦ᭄᭞ᬧᬫᬸᬮᬸᬦᬾᬚ᭄ᬜᬃᬕᬥᬶᬂ᭞ᬜᬦ᭄ᬤᬂᬭᬤᬾᬦ᭄ᬕᬮᬸᬄᬕᬾᬮᭀᬢ᭄᭞ᬮᬗ᭄ᬲᬶᬂᬮᬜ᭄ᬚᬃᬓ᭄ᬜᬶᬂᬫᬥᬸ᭞ᬲᬵᬫ᭄ᬧᬸᬦ᭄ᬯᬸᬲ᭄‌ᬦ᭄ᬭᬧᬶᬦ᭄
ᬧᬭᬤᬵ᭞ᬭᬭᬶᬲ᭄ᬓᬫ᭄ᬩᬶᬮ᭄᭞ᬲᬵᬫ᭄ᬧᬸᬦ᭄ᬓᬢᬸᬃᬭᬶᬂᬭᬳᬤ᭄ᬬᬦ᭄᭟ᬢᭀᬕᭀᬕᬾᬲᬫ᭄ᬧᬸᬦ᭄ᬓᬢᬗ᭄ᬕᬧ᭄᭞ᬭᬗ᭄ᬓᬸᬂᬲᬸᬓᬵᬭᬤᬾᬦ᭄ᬤᬾᬯᬶ᭞ᬢᬦᬶᬯᬂᬤᬸᬓᬶᬧᬢᬸᬭᭀᬦ᭄᭞ᬢ᭄ᬯᬶᬢ᭄ᬯᬄᬩᬕᬸᬲᬦᬸᬮᬸᬲ᭄᭞ᬭᬸᬧᬵᬓᬤᬶᬓᬲ᭄ᬯᬫ᭄ᬦᬵ᭞ᬩᬓ᭄ᬢᬵ [ 8 ][᭗ 7B]
᭗
ᬳᬕ᭄ᬮᬶᬲ᭄᭞ᬢᭀᬕᭀᬕᬾᬲᭀᬂᬲᭀᬂᬓᬢᬫᬦ᭄᭟ᬲᬧ᭄ᬭᬧ᭄ᬢᬦᬾᬫᬭᬶᬂᬢᬫᬦ᭄᭞ᬓᬮᬶᬗ᭄ᬕᬶᬳᬂᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬗᬸᬮᭀᬦ᭄᭞ᬳᬶᬲ᭄ᬫᬃᬫᬭᬶᬩ᭄ᬫᬫᬸᬢ᭄ᬭᬸ᭞ᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬗ᭄ᬮᬶᬗ᭄ᬕᬶᬳᬂ᭞ᬭᬭᬶᬲ᭄ᬫᬸᬮᬶᬄ᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬂ
ᬢᬶᬗ᭄ᬳᬮ᭄᭟ᬲᬧ᭄ᬭᬧ᭄ᬢᬦᬾᬭᬶᬂᬚ᭄ᬭᭀᬧᬸᬭᬵ᭞ᬗᬦ᭄ᬤᬶᬓᬵᬳᬲ᭄ᬫᬸᬢᬗᬶᬲ᭄᭞ᬓᬓᬵᬩᬬᬦ᭄ᬫᬢᬶᬳᬶᬗᭀᬂ᭞ᬩ᭄ᬮᬶᬫᬦ᭄ᬢ᭄ᬭᬶᬚ᭄ᬯᬕᬸᬫᬦ᭄ᬢᬸᬂ᭞ᬓᬾᬦ᭄ᬩᬬᬦ᭄ᬳᬲᬯᬸᬃᬲᭂᬫ᭄ᬩᬄ᭞ᬤᬾᬯᬕᬸᬲ᭄ᬢᬶ᭞ᬢᭀᬕᭀᬕᬾᬤᬾᬯ᭄ᬯᬳᬾᬮᬶᬗᬂ᭟ᬦᬶᬓᬵᬳᬗ᭄ᬕᬾᬦ᭄ᬳᬶᬧᬸᬦ᭄ᬫᬦᬄ᭞ᬦᬯᬶᬯ᭄ᬭᬸᬄ
ᬰ᭄ᬭᬷᬪᬹᬧᬢᬶ᭞ᬳᬧᬂᬤᬵᬓᬘᬶᬤ᭄ᬭᬋᬓᭀ᭞ᬢᬶᬢ᭄ᬬᬂᬚ᭄ᬭᬶᬄᬤᬾᬯᬭᬵᬢᬸ᭞ᬳᬶᬮᬶᬤᬂᬩᬶᬓᬲᬾᬤᬾᬯ᭄ᬯ᭞ᬮᬄᬧᬸᬦᬶ᭠ᬓᬶ᭞ᬧᬕ᭄ᬕᬕᬦ᭄ᬤᬵᬦ᭄ᬳᬢ᭄ᬫᬵᬚᬶᬯᬵᬫ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬮᬧᬂᬦᬶᬭᬲᬭᭀᬦᬶ᭞ᬢ᭄ᬓᬾᬦᬶᬂᬲ᭄ᬓᬃᬕᬸᬶᬮᬶᬃᬕᬶᬮᭀ᭞ᬓᬾ
ᬦ᭄ᬩᬬᬦ᭄ᬗᬢᬸᬭᬂᬳᬸᬧᬸᬄ᭞ᬲᬫ᭄ᬧᬸᬦ᭄ᬭᬢᭂᬂᬧᬭᬗ᭄ᬓᬢᬦ᭄᭞ᬤᬾᬯ᭄ᬯᬕᬸᬲ᭄ᬢᬶ᭞ᬳᬶᬤᬾᬯᬢᬶᬤᭀᬂᬫᬚᭂᬗᬦ᭄᭟ᬢᬦᬶᬘᬶᬢᬦ᭄ᬓᬳᬶᬗᬫᬄ᭞ᬳᬩᬢᭀᬓᬢᬫᬦ᭄ᬚᬦᬶ᭞ᬢᭀᬕᭀᬕᬾᬳᬢᬸᬭᬶᬦ᭄ᬋᬓᭀ᭞ᬦᬶᬭᬤᬶᬢᬸᬗᬋᬂᬜᭂᬓᬸᬮ᭄᭞ᬓᬾᬦ᭄ᬩᬬᬦ᭄ᬳ

[᭘ 8A]
ᬕ᭄ᬮᬶᬲ᭄ᬫᬫ᭄ᬩᬓ᭄ᬢᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬫᬸᬶᬦ᭄ᬕᬮᬸᬄᬫᬦᬜ᭄ᬚᬾᬦᬵᬂ᭟ᬯᬸᬲ᭄ᬗᬢᬸᬭᬶᬦ᭄ᬢᭀᬕᭀᬕ᭄ᬤᬳᬃ᭞ᬭᬭᬶᬲ᭄ᬫᬭᬫᬗ᭄ᬯᬤᬓᬶᬦ᭄᭞ᬯᬸᬲ᭄ᬫᬭᬫᬚᭂᬗᬦ᭄ᬋᬓᭀ᭞ᬓᬾᬦ᭄ᬩ᭄ᬬᬦ᭄ᬗᬬᬳᬶᬦ᭄ᬕᬸᬧᬸᬄ᭞ᬗᬋᬧᬶᬦ᭄ᬢᭀᬕᭀᬕ᭄ᬫᬚᭂᬗᬦ᭄᭞ᬩᬬᬦ᭄ᬲᬗ᭄ᬕᬶᬢ᭄ᬫ
ᬗᬫᬄᬘᬭᬶᬓ᭄ᬘᬭᬶᬓᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬢ᭄ᬓᬾᬦ᭄ᬢᭀᬕᭀ+(ᬕᬾ)ᬫᬧᬫᬶᬢ᭄᭞ᬓᬦ᭄ᬢᬸᬦ᭄ᬓᬾᬳᬶᬩ᭄ᬮᬶᬢᭀᬕᭀᬕ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬫᬶᬢ᭄ᬫᬦ᭄ᬢᬸᬓ᭄᭞ᬩᬾᬜ᭄ᬚᬂᬢᬶᬢ᭄ᬬᬂᬫᬮᬶᬄᬢ᭄ᬓᬵ᭞ᬗᬮᬶᬄᬩ᭄ᬮᬶ᭞ᬭᬭᬶᬲ᭄ᬫᬦ᭄ᬢᬸᬓ᭄ᬱᬕᭂᬭᬳᬦ᭄᭟ᬲ
ᬧ᭄ᬭᬧ᭄ᬢᬦᬾᬭᬶᬧᬫᬺᬫᬦ᭄᭞ᬳᬕ᭄ᬮᬃᬢᬶᬍᬫ᭄ᬳᬕ᭄ᬮᬶᬲ᭄᭞ᬯᬶᬦᬲᬸᬳᬦ᭄ᬤᬦᬾᬳᬮᭀᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬢᬸᬭᬸ᭞ᬳ᭄ᬦᭂᬂᬓᬂᬯ᭄ᬗᬶᬯᬸᬯᬸᬲᬦ᭄᭞ᬩᬾᬜ᭄ᬚᬂᬫᬮᬶᬄ᭞ᬭᬤᬾᬦ᭄ᬕᬮᬸᬄᬳᬢᬗᬶᬳ᭄ᬬ᭟ᬕᬸᬧᬸᬄᬫᬫᬃᬕ᭄ᬕᬶᬓᬢᬫᬦ᭄᭞ᬓᬤᬾᬳᬦ᭄ᬧ
ᬤᬵᬳᬗᬶᬭᬶᬂ᭞ᬢ᭄ᬓᭂᬤ᭄ᬭᬶᬂᬢᬫᬦᬭᭀᬚᭀᬕ᭄᭞ᬢᭀᬕᭀᬕᬾᬭᬭᬶᬲ᭄ᬓᬚᬸᬚᬸᬃ᭞ᬲᬯᬸᬧ᭄ᬲᬗ᭄ᬓᭀᬮ᭄ᬬᬧᬦ᭄ᬤᬸᬲᬂ᭞ᬯᬸᬲ᭄ᬜᬶᬭᬫᬶᬦ᭄᭞ᬮᬶᬗ᭄ᬕᬶᬳᬂᬢᬸᬃᬳᬭᬲᬭᬲ᭄᭟ᬲᬫ᭄ᬧᬸᬦ᭄ᬧᬶᬗᭂᬦᬦ᭄ᬫᬤᬳᬃ᭞ᬢᭀᬕᭀᬕᬾᬳᬢᬸᬭᬶᬦ᭄ᬱᬕᬶ᭞ᬯᬸ [ 9 ][᭘ 8B]
᭘
[strike/]᭙[/strike]
ᬲᬦᬾᬦᬜ᭄ᬚᬾᬦᬶᬦ᭄ᬢᭀᬕᭀᬕ᭄᭞ᬭᬭᬶᬲ᭄ᬧᬭᬶᬤᬳᬃᬤᬶᬢᬸ᭞ᬲᬫ᭄ᬧᬸᬦ᭄ᬯᬸᬲᬦ᭄ᬫᬳᬚᭂᬗᬦ᭄᭞ᬫᬗ᭄ᬯᬤᬓᬶᬦ᭄᭞ᬮᬦ᭄ᬢᬲ᭄ᬫᬮᬶᬗ᭄ᬕᬶᬄᬲᬋᬗᬦ᭄᭟ᬢᬦ᭄ᬮᬮᬶᬲ᭄ᬗᬮᬳᬶᬦ᭄ᬮᬸᬯᬲ᭄᭞ᬚ᭄ᬫᬓ᭄ᬢᭀᬕᭀᬕᬾᬢᬸᬃᬳᬩᬶᬦ᭄᭞ᬧᬲᬶᬳᬶᬦ᭄ᬕᬸᬬᬸᬯᬶᬦ᭄ᬋᬓᭀ
᭞ᬢᬦ᭄ᬓᭀᬘᬧᭀᬮᬳᭂᬤᬶᬢᬸ᭞ᬭᬶᬂᬩᬮᬶᬫᬮᬶᬄᬓᭀᬘᬧ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬓᬸᬭᬶᬧᬦ᭄ᬓᬯᬸᬯᬸᬲᬦ᭄᭟ᬤᬦᬾᬮ᭄ᬯᬲ᭄ᬫᬗᬼᬮᬡ᭄ᬦᬵ᭞ᬧᬸᬦ᭄ᬲ᭄ᬫᬃᬢᬗ᭄ᬲᬄᬫᬗᬶᬭᬶᬂ᭞ᬲᬢᬶᬩᬧᬭᬦᬾᬋᬓᭀ᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬢᬦᬦᬵᬳᬫ
ᬗ᭄ᬕᬶᬄᬤᬾᬰᬵ᭞ᬍᬫᬄᬯ᭄ᬗᬶ᭞ᬢᬦ᭄ᬧᬢᬸᬭᬸᬢᬦ᭄ᬧᬦᭂᬤ᭄ᬥᬵ᭟ᬓᬲᬸᬯᬾᬦ᭄ᬩᬳᬦ᭄ᬩᬸᬦ᭄ᬗᬸᬫ᭄ᬩᬭᬵ᭞ᬯᬾᬦ᭄ᬢᭂᬦ᭄ᬲᬫ᭄ᬧᬸᬦ᭄ᬧᬶᬢᬸᬂᬰᬰᬶᬄ᭞ᬳᬦᬸᬲᬸᬧ᭄ᬭᬷᬂᬗᬮᬲ᭄ᬋᬓᭀ᭞ᬳᬦᬸᬢ᭄ᬚᬸᬭᬸᬂᬢᬸᬭᬦ᭄ᬧᬗ᭄ᬓᬸᬂ᭞ᬧᬸᬦ᭄ᬱ᭄ᬫᬃᬲᬯᬂᬓᬗᬾᬮᬦ᭄᭞ᬫᬗᬸᬮᬶᬫᬶᬤ᭄᭞ᬲᭂ
ᬭᬶᬂᬫᬦᬕᬶᬄᬭᬾᬭᬾᬦᬵᬂ᭟ᬧᬤᬍᬫ᭄ᬧᬜ᭄ᬚᬓᬾᬳᭀᬤᬄ᭞ᬫᬃᬕ᭄ᬕᬶᬫᬭᬾᬭᬾᬦ᭄ᬤᬶᬭᬶᬓᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᬸᬭᬸᬢ᭄ᬋᬓᭀ᭞ᬮᬄᬫᬓ᭄ᬤᬵᬮ᭄ᬓᬾᬓᬵᬓᬵᬤᬶᬢᬸ᭞ᬲᬕᬾᬢ᭄ᬓᬢᭀᬦ᭄ᬚᭂᬭᭀᬦ᭄ᬤᬾᬯᬵ᭞ᬚᬸᬚᬸᬃᬫᬗ᭄ᬓᬶᬦ᭄᭞ᬫᬮᬶᬗ᭄ᬕᬶᬄᬢ᭄ᬬᬄ

[᭙ 9A]
ᬳᬚᬓ᭄ᬤᬤ᭄ᬯ᭟ᬓᬲ᭄ᬯᬾᬦ᭄ᬤᬶᬢᬸᬫᬭᬃᬬ᭄ᬬᬦ᭄᭞ᬫᬧ᭄ᬭᬬᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬲᬕᬾᬢ᭄ᬳᬸᬚᬦᬾᬫᬗ᭄ᬕᭂᬳᭀᬄ᭞ᬓᬢ᭄ᬓᬦ᭄ᬕᭂᬦ᭄ᬢᬸᬳᬾᬳᬕᬸᬂ᭞ᬲᬕᬾᬢ᭄ᬳᬤᬳᬦᬓ᭄ᬢᭂᬓᬵ᭞ᬢ᭄ᬯᬄᬳᬤᬶᬳᬶ᭞ᬫᭀᬯ᭄ᬯᬦᬶᬫᬕᬸᬶᬦ᭄ᬕᭂᬦ᭄ᬲᬳᬂ᭟ᬧᬓ᭄ᬱᬦᬾᬓᬂ᭞ᬳ᭞ᬳᬭᬬ᭄ᬬ᭠
ᬦ᭄᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬧ᭄ᬓᬶᬓ᭄᭞ᬦᬾᬳᬯᬸᬓᬸᬤ᭄ᬮᬶᬯᬢ᭄ᬩᭀᬘᭀᬓ᭄᭞ᬯᭀᬂᬧᬸᬦᬧᬶᬕᬸᬲ᭄ᬢᬶᬩᬕᬸᬲ᭄᭞ᬤᬸᬄᬦᬶᬭᬬᬾᬦ᭄ᬯᭀᬂᬓᭀᬭᬶᬧᬦ᭄᭞ᬦᬶᬭᬧᬮᬶᬂ᭞ᬦᬶᬭᬳᬶᬩᬕᬸᬲᬸᬫ᭄ᬩᬭᬵ᭟ᬧᬸᬦᬶᬓᬵᬢᬾᬲᬧᬲᬶᬭ᭞ᬩᬕᬸᬲᬸᬫ᭄ᬩ
ᬭᬵᬜᬯᬸᬭᬶᬦ᭄᭞ᬳᭂᬦ᭄ᬢᭀᬓᬓᬦᬶᬭᬋᬓᭀ᭞ᬦᬾᬫᬢᬓᭀᬦ᭄ᬓᭂᬜᬸᬲ᭄ᬓᭂᬓᬸᬶᬜᬸᬲ᭄᭞ᬬᬾᬦ᭄ᬢᬶᬫ᭄ᬩᬂ᭠ᬓᬮᬶᬯᬢ᭄ᬘᬸᬯᬢ᭄᭞ᬧᬦ᭄ᬢᭂᬲ᭄ᬳᬸᬯᬶᬮ᭄᭞ᬫᬶᬭᬶᬩ᭄ᬢᭀᬜᬲᬸᬩᬢᬸᬯᬵ᭟ᬩ᭄ᬭᬳ᭄ᬫᬵᬧᬸᬦ᭄ᬱ᭄ᬫᬃᬳᬗᬸᬘᬧ᭄᭞ᬮ᭄ᬬᬧ᭄‌ᬮ᭄ᬬᭂ
ᬧ᭄ᬤᭂᬮᬓ᭄ᬤᭂᬮᬶᬓ᭄᭞ᬫᬳᬶᬢᬾᬤᬶᬦᬶᬫᬗ᭄ᬭᬯᭀᬲ᭄᭞ᬲᬶᬜᬫᬫᬦ᭄ᬤᬶᬢᬸᬧᬢᬸᬄ᭞ᬫᬓᬵᬤᬤ᭄ᬯᬩᬸᬓᬵᬦᬶᬭ᭞ᬍᬗᬃᬘᭂᬧᬶᬢ᭄᭞ᬩᬸᬩᬸᬢ᭄‌ᬩᭀᬜ᭄ᬚᭀᬃᬓᬸᬧᬶᬂᬫᬘᬦ᭄᭟ᬲ᭄ᬫᬸᬫᬭᬲ᭄ᬦᬾᬦᬓᭀᬦᬂ᭞ᬫᬜ [ 10 ][᭙ 9B]
᭙
ᬭᬾᬭᬾᬓᬶᬭᬶᬕ᭄ᬓᬶᬭᬶᬕ᭄᭞ᬫᬦ᭄ᬤᬸᬕᬫᬯᬸᬚᬦ᭄ᬋᬓᭀ᭞ᬫᬦ᭄ᬤᬵᬫᬓ᭄ᬱᬳᬗᬾᬳᬶᬚᬸ᭞ᬧᬮ᭄ᬬᬢᬾᬲᬸᬩᬵᬋᬗᬲ᭄᭞ᬮᬶᬯᬢ᭄ᬭᬶᬫ᭄ᬭᬶᬫ᭄᭞ᬫᬸᬜᬶᬦ᭄ᬳᬶᬲ᭄ᬫᬭᬾᬩᬗ᭄ᬕ᭄ᬭᬲ᭄᭟ᬦᬾᬗᬩᬲᬳᬗᬾᬋᬗᬲ᭄᭞ᬢ᭄ᬯᬭᬫᬦᭀᬮᬶᬄᬓ
ᬳᬸᬭᬶ᭞ᬧᬢᬶᬓ᭄ᬧᬸᬕ᭄ᬧᬢᬶᬧᭀᬳᭀᬓ᭄᭞ᬲᬳᬗᬾᬳᭂᬗ᭄ᬲᬸᬢᬶᬦ᭄ᬳᬫ᭄ᬩᬸᬂ᭞ᬳᬫ᭄ᬧᬶᬕᬂᬮᬯᬸᬢ᭄ᬫᬦᭂᬫᬄ᭞ᬢ᭄ᬓᭂᬤ᭄ᬚᬦᬶ᭞ᬤᬶᬩᬜ᭄ᬘᬶᬗᬄᬫᬗ᭄ᬕᭂᬄᬕᭂᬳᬂ᭟ᬲ᭄ᬤᭂᬓ᭄ᬢᬶᬦᬗ᭄ᬓᬶᬮ᭄ᬲᬂᬦᬵᬣ᭞ᬧᬶᬦᬋᬓ᭄ᬤᬾᬦᬶᬂᬧ᭄ᬭᬫᬦ᭄ᬢ᭄ᬭᬶ᭞ᬫᬗ᭄ᬭᬯᭀᬲᬶᬦ᭄ᬥᬲᬂᬓᬢᭀᬂ
᭞ᬭᬶᬂᬤᭂᬳᬵᬧᬸᬢ᭄ᬭᬦᬾᬳᬬᬸ᭞ᬓᬬᬸᬦ᭄ᬤᬦᬾᬢ᭄ᬯᬄᬫᬗ᭄ᬮᬫᬃ᭞ᬲᬶᬭᬧᬢᬶᬄ᭞ᬲᬫᬶᬚ᭄ᬭᬶᬄᬫᬜ᭄ᬚᬯᬸᬫᬦ᭄᭟ᬦᬾᬗᬩᬲᬳᬗᬾᬢ᭄ᬓᬵ᭞ᬚᬸᬫᬸᬚᭀᬕ᭄ᬮᬦ᭄ᬰ᭄ᬭᬶᬪᬹᬧᬢᬶ᭞ᬢᬸᬫᬸᬮᬶᬄᬫᬳᬢᬸᬃᬳᬮᭀᬦ᭄᭞ᬤᬸᬄᬤᬾᬯᬵᬭᬢᬸᬧᬸ
ᬓᬸᬮᬸᬦ᭄᭞ᬢᬶᬢ᭄ᬬᬂᬫᬫᬗ᭄ᬕᬶᬳᬶᬦ᭄ᬳᬦᬓ᭄᭞ᬮᬶᬯᬢ᭄ᬧ᭄ᬓᬶᬓ᭄᭞ᬫᬯᬱ᭄ᬝᬵᬩᬕᬸᬲᬸᬫ᭄ᬩᬭᬵ᭟ᬭᬶᬂᬧᬦ᭄ᬢᬶᬮᭀᬃᬫᬳᬬᬸᬩᬦ᭄᭞ᬮᬶᬯᬢ᭄ᬩᭀᬘᭀᬓᬾᬳᬤᬶᬳᬶ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬮᭀᬦ᭄᭞ᬓ᭄ᬫᬫᬮᬶᬧ᭄ᬢᬦ᭄ᬭᬸᬭᬸᬄ᭞

[᭑᭐ 10A]
ᬧᬺᬫᬦ᭄ᬢ᭄ᬭᬶᬓ᭄ᬫᬫᬚᬮᬦ᭄᭞ᬫᬶᬯᬄᬧᬢᬶᬄ᭞ᬬᬾᬜᬵᬢᭀᬂᬗᬵᬔ᭄ᬬᬳᭂᬜᬓᬂ᭟ᬕᬾᬕᬾᬃᬧᬢᬶᬄᬫᬦ᭄ᬢ᭄ᬭᬶᬮᬸᬗ᭄ᬳᬵ᭞ᬫᬗ᭄ᬭᬸᬭᬸᬄᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬓᬢᬸᬢᭀᬦ᭄ᬱᬶᬭᬲᬂᬓᬢᭀᬂ᭞ᬫᬗ᭄ᬓᭀᬫᬗᬺᬋᬄᬯᭀᬂᬩᬕᬸᬲ᭄᭞ᬯᬸᬚᬦ᭄ᬩᬗᭂᬢ᭄ᬮᬄ
ᬓᭀᬦᬦᬵ᭞ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬧᬤᬵᬳᬦᬸᬘᬸᬧ᭄ᬭᬶᬂᬳᬮᬲ᭄᭟ᬢᬦ᭄ᬤᬸᬧ᭄ᬭᬧ᭄ᬢᬵᬭᬶᬂᬓᬬᬗᬦ᭄᭞ᬧᬤᬵᬚᬸᬫ᭄ᬭᭀᬚᭀᬕ᭄ᬳᬕ᭄ᬮᬶᬲ᭄᭞ᬓᬧᬗ᭄ᬕᬶᬄᬭᬤ᭄ᬬᬦ᭄ᬧᬚᭀᬗ᭄ᬓᭀᬓ᭄᭞ᬢ᭄ᬯᬶᬩᬕᬸᬲ᭄ᬦᬾᬳᬯᬸᬓᬸᬤ᭄᭞ᬤᬾᬳᬯᬸᬓᬸᬤ᭄ᬮᬶᬯᬢ᭄ᬳᬮᬵ᭞
ᬳᬤᬸᬄᬘᬳᬶ᭞ᬩ᭄ᬮᬶᬢᬸᬢᬸᬲᬦ᭄ᬲᬂᬦᬵᬣ᭟ᬮᬫᬸᬦ᭄‌ᬘᬳᬶᬚᬦᬶᬲᬸᬓᬵ᭞ᬧᬗᬦ᭄ᬤᬶᬓᬵᬦ᭄ᬰ᭄ᬭᬶᬪᬹᬧᬢᬶ᭞ᬚᬮᬦ᭄ᬓᬩᬜ᭄ᬘᬶᬗᬄᬋᬓᭀ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬂᬧ᭄ᬭᬪᬸ᭞ᬳᬸᬚᬦᬾᬲᬕᬾᬢᬦ᭄ᬢᭂᬭᬂ᭞ᬮᬄᬤᭀᬂᬫᬃᬕ᭄ᬕᬶ᭞ᬚᬦᬶᬲᬋᬂ
ᬓᬩᬜ᭄ᬘᬶᬗᬄ᭟ᬲᬕ᭄ᬭᬳᬦ᭄ᬭᬭᬶᬲ᭄ᬫᬫᬃᬕ᭄ᬕᬵ᭞ᬢᬦ᭄ᬓᭀᬘᬧᬜᬭᬶᬂᬫᬃᬕ᭄ᬕᬶ᭞ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄᬋᬓᭀ᭞ᬚᬸᬫᭀᬚᭀᬕ᭄ᬮᬯᬦ᭄ᬲᬂᬧ᭄ᬭᬪᬸ᭞ᬲᬂᬧ᭄ᬭᬪᬸᬕᬯᭀᬓ᭄ᬦᭀᬦ᭄ᬢᭀᬦᬂ᭞ᬦᬾᬦᬾᬚᬦᬶ᭞ᬲᬬᬦ᭄ᬚᭂᬚᭂᬮ᭄ᬤᬶ [ 11 ][᭑᭐ 10B]
᭑᭐
ᬩᬜ᭄ᬘᬶᬗᬄ᭟ᬳᬾᬕᬃᬓᬬᬸᬦᬾᬲᬂᬦᬵᬣ᭞ᬓᬧᬾᬗᬶᬦ᭄ᬢᬸᬫᭀᬦ᭄ᬯᭀᬂᬧ᭄ᬓᬶᬓ᭄᭞ᬫᬶᬚᬶᬮ᭄ᬯᬘᬦᬦᬾᬳᬮᭀᬦ᭄᭞ᬫ᭄ᬦᬾᬓᬦ᭄‌ᬘᬳᬶᬫᬮᬸᬗ᭄ᬕᬸᬄ᭞ᬤᬶᬦᬶᬘᬳᬶᬫᬲᬋᬗᬦ᭄᭞ᬢ᭄ᬓᬾᬦ᭄ᬩᭂᬮᬶ᭞ᬗᬸᬤᬵᬢᭀᬘᬳᬶᬩ᭄ᬢᬾᬦᬦ᭄᭟ᬩᬕᬸ
ᬲᬸᬫ᭄ᬩᬭᬫᬫᬶᬦ᭄ᬤᬄ᭞ᬩᬗ᭄ᬕᬬᬂᬢᬶᬢ᭄ᬬᬂᬳᬶᬭᬶᬓᬶ᭞ᬳᬕ᭄ᬮᬶᬲ᭄ᬢᬸᬫᬸᬭᬸᬦ᭄ᬲᬂᬓᬢᭀᬂ᭞ᬩ᭄ᬢᬾᬦᬦ᭄ᬲᬋᬂᬫᬮᬸᬗ᭄ᬕᬸᬄ᭞ᬩᬸᬩᬃᬢᬶᬳᬾᬢᬸᬳᬸᬦᬦ᭄᭞ᬰ᭄ᬭᬶᬪᬸᬧᬢᬶ᭞ᬗᬦ᭄ᬤᬶᬓᬵᬘᬳᬶᬯᭀᬂᬗᬧᬵ᭟ᬕᬸᬭᬸᬦ᭄‌ᬘᬳᬶᬲᬧᬵᬲᬶᬭᬵ᭞ᬩ᭄ᬬᬦᬵᬓᭀ
ᬬᬾᬦ᭄ᬫᬫᬦ᭄ᬳᬸᬦᬶᬂ᭞ᬫᬦᬯᬶᬳᬦᬓ᭄ᬲᬂᬓᬢᭀᬂ᭞ᬳᬧᬂᬤᬦᭂᬦ᭄ᬲᬮᬄᬳᬸᬦ᭄ᬤᬸᬓ᭄᭞ᬓ᭄ᬦᭂᬘᬳᬶᬫᬫᬚᬭᬂ᭞ᬢ᭄ᬓᬾᬦ᭄ᬩᭂᬮᬶ᭞ᬤᬾᬦᬶᬂᬩ᭄ᬮᬶᬓᬢᬦ᭄ᬤ᭄ᬭᬸᬳᬦ᭄᭟ᬩᬕᬸᬲᬸᬫ᭄ᬩᬭᬳᬗᬸᬘᬧ᭄᭞ᬢᬶᬢ᭄ᬬᬂᬳᬦ᭄ᬫᬵᬓᬲᬶᬳᬰᬶᬄ᭞ᬢᬶᬢ᭄ᬬᬂᬫᬗᬸᬫ᭄ᬩᬭᬵᬋᬓᭀ
᭞ᬓ᭄ᬮᬶᬄᬢᬶᬢ᭄ᬬᬂᬲ᭄ᬓᬢ᭄ᬮᬫ᭄ᬧᬸᬲ᭄᭞ᬢᬦᬶᬦᬯᬂᬫᬾᬫᬾᬩᬧᬵ᭞ᬳᬤᬸᬄᬘᬳᬶ᭞ᬤᬶᬦᬶᬧᬾᬢ᭄ᬩᬋᬂᬫᬜᬫᬵ᭟ᬳᬶ᭠ᬗ᭄ᬕᬶᬄᬲᬦ᭄ᬤᬶᬓᬵᬦ᭄ᬳᬶᬤᬾᬯ᭄ᬯᬵ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬗᬶᬭᬶᬂ᭞ᬮᬶᬯᬢ᭄ᬲᬸᬓᬦᬾᬲᬂᬓᬢᭀᬂ᭞ᬢᬸᬫᭀᬦ᭄ᬩᬦ᭄ᬭᬸᬧᬦᬾᬩᬕᬸᬲ᭄᭞

[᭑᭑ 11A]
ᬳᭂᬦ᭄ᬢᭀᬳᭂᬜᬾᬦ᭄ᬤᬸᬶᬦ᭄ᬦᬾᬤᬶᬳᬶᬬᬦ᭄᭞ᬳᬚᬓ᭄ᬘᬳᬶ᭞ᬳᬶᬗ᭄ᬕᬶᬄᬦᬶᬓᬵᬜᬫᬦ᭄ᬢᬶᬢ᭄ᬬᬂ᭟ᬲᬂᬧ᭄ᬭᬪᬹᬓ᭄ᬜᬸᬂᬗ᭄ᬮᬾᬦᬂ᭞ᬧᬢᬶᬄᬫᬦ᭄ᬢ᭄ᬭᬶᬧᬤᬵᬓ᭄ᬜᬶᬂ᭞ᬜᬭᬸᬯᬂᬧᬤᬵᬫᬫᬾᬗᭀᬲ᭄᭞ᬲᬂᬧ᭄ᬭᬪᬸᬳᬤᬦᬵᬲ᭄ᬓᬸᬮ᭄᭞ᬕᬸᬮᬫ᭄ᬮᬯᬦ᭄ᬲᬚᭂᬂᬓᬶᬮᬂ᭞ᬲᬫ᭄ᬧᬸᬦ᭄ᬫ
ᬗ᭄ᬓᬶᬦ᭄᭞ᬲᬫᬶᬯᬸᬲ᭄ᬧᬤᬵᬳᬦᬥᬄ᭟ᬮᬶᬯᬢ᭄ᬲᬸᬓᬦᬾᬲᬂᬦᬵᬣ᭞ᬫᬦᬸᬤᬸᬓ᭄ᬚᬦ᭄ᬫᬵᬓᬵᬓᬮᬶᬄ᭞ᬩᬕᬸᬲ᭄ᬢᬸᬃᬧ᭄ᬭᬢᬫᬾᬂᬭᬯᭀᬲ᭄᭞ᬲᬫ᭄ᬧᬸᬦ᭄ᬲᬸᬯᬾᬭᬶᬂᬫᬢᬯᬸᬦ᭄᭞ᬗᬯᬸᬮᬵᬢ᭄ᬓᬾᬦ᭄ᬲᬂᬦᬵᬣ᭞ᬮᬸᬫ᭄ᬭᬄᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬳᬦ᭄ᬤᬸᬤᬸᬓ᭄ᬚᬦ᭄ᬫᬵ᭟
ᬭᬢᬸᬫᬢᬯᬸᬦ᭄ᬗᬦ᭄ᬤᬶᬓ᭞ᬬᬦ᭄ᬘᬳᬶᬲᬸᬓᬦᬾᬚᬦᬶ᭞ᬩ᭄ᬮᬶᬗᬸᬢᬸᬲ᭄ᬘᬳᬶᬋᬓᭀ᭞ᬫᬗ᭄ᬮᬫᬃᬳᭀᬓᬦ᭄ᬲᬂᬭᬢᬸ᭞ᬭᬳᬤᬾᬦ᭄ᬕᬮᬸᬄᬭᬶᬂᬤᭂᬳᬵ᭞ᬧᬢᬶᬄᬫᬦ᭄ᬢ᭄ᬭᬶ᭞ᬲᬫᬶᬚ᭄ᬭᬶᬄᬫᬜ᭄ᬚᬯᬸᬫᬦ᭄᭟ᬧᬸᬦᬶᬓᬵᬩ᭄ᬮᬶᬗᬋᬧᬂ᭞ᬩᬶᬮᬶᬄᬳᬶᬘᬵᬰ᭄ᬭᬶᬪᬸᬧ
ᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬳᬮᭀᬦ᭄᭞ᬲᬦ᭄ᬤᬶᬓᬵᬦ᭄ᬳᬶᬤᬵᬲᬂᬧ᭄ᬭᬪᬹ᭞ᬩ᭄ᬯᬶᬦ᭄ᬧᬶᬤᬦ᭄ᬢᬶᬢ᭄ᬬᬂᬫᬚᬮᬦ᭄᭞ᬦᬾᬦᬾᬫᬦᬶ᭞ᬫ᭄ᬮᬄᬳᬫ᭄ᬩᬄᬘᬳᬶᬮᬸᬯᬲ᭄᭟ᬓᭀᬘᬧ᭄ᬤᬾᬯᬰᬦᬾᬫ᭄ᬮᬄ᭞ᬧᬯᬭᬗᬦ᭄ᬋᬓᭀᬫᬶᬦᬄ᭞ᬓᭀ [ 12 ][᭑᭑ 11B]
᭑᭑
ᬘᬦ᭄ᬤᬶᬰᬵᬲ᭄ᬢ᭄ᬭᬦᭂᬓᬾᬦ᭄ᬢᭀ᭞ᬳᭂᬦ᭄ᬢᭀᬢ᭄ᬯᬄᬤᬶᬦᬦᬾᬮᬸᬳᬸᬂ᭞ᬢᬸᬃᬗᬩᭂᬋᬚᬧᬦᭀᬫᬄ᭞ᬭᬢ᭄ᬦᬳᬤᬶ᭞ᬳᬮᬶᬳᬮᬶᬢᬮᬶᬦ᭄ᬩᬗ᭄ᬓ᭄ᬬᬂ᭟ᬳ᭄ᬫᬲ᭄ᬮ[strike]ᬯᬦ᭄ᬕᭂᬮᬂᬓᬡᬵ᭞ᬮᬯᬦ᭄ᬢᬧᬶᬄᬲᬢ᭄ᬭᬶᬚᬢᬶ᭞ᬫᬶᬯᬄᬯᬲ᭄ᬢ᭄ᬭᬵᬮᬶᬫᬃᬳᬶᬚᭀ᭞ᬕ᭄ᬦᭂᬧ᭄ᬲᬧᬗ
ᬗ᭄ᬕᭀᬦ᭄ᬕᬮᬸᬄ᭞ᬲᬸᬯᭂᬂᬫᬲ᭄ᬘᬸᬭᬶᬕ᭄ᬕᬵᬩᭂᬦ᭄ᬢᬃ᭞ᬳᬦ᭄ᬢᭂᬂᬕ᭄ᬭᬶᬗ᭄ᬲᬶᬂ᭞ᬲ᭄ᬓᬃᬳ᭄ᬫᬲᬲᭂᬫ᭄ᬩᬭᬦ᭄᭟ᬦᭂᬂᬗᬓ᭄ᬦᬵᬧᭀᬮᬄᬳᬶᬗ᭄ᬯᬂ᭞ᬓᬯᬸᬯᬸᬲᭂᬦ᭄‌ᬳᭀᬯᬸᬦᬂᬳᬾᬜ᭄ᬚᬶᬂ᭞ᬧᬘᬤᬵᬂᬧᬦᭀᬫᬄᬋᬓᭀ᭞ᬲᬧ᭄ᬭᬢᬾᬓᬦ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬗᬦ᭄ᬢᭀᬲ᭄ᬓᬭᬶᬳ
ᬜᬸᬭᬢ᭄᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬳᬶᬗᬸᬍᬲᬦ᭄ᬮᬸᬗ᭄ᬲᬶᬃᬚ᭄ᬦᬃ᭟ᬭᬢᬸᬫᬢᬯᬸᬦ᭄ᬗᬦ᭄ᬤᬶᬓᬵ᭞ᬩᬕᬸᬲ᭄ᬫᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬳᬫᬂᬧᬺᬢᬶᬮ᭄ᬜᬵᬤᬶᬚ᭄ᬭᭀ᭞ᬫᬢᬸᬃᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬲᬦ᭄ᬤᬶᬓᬵᬦ᭄ᬳᬶᬤᬵᬲᬂᬦᬣ᭞ᬢᬶᬢ᭄ᬬᬂᬧᬫᬶᬢ᭄᭞ᬧᬸᬦ᭄ᬱ᭄ᬫᬃᬢ
ᬗ᭄ᬲᬄᬗᬶᬭᬶᬗ᭄ᬳᬂ᭟ᬲᬂᬦᬵᬣᬳᬦᬸᬢᬶᬦᬶᬗ᭄ᬳᬮ᭄᭞ᬕᬯᭀᬓ᭄ᬯᭀᬂᬫᬢᬧᬸᬦ᭄ᬲᬫᬶ᭞ᬲᬬᬂᬫᬜ᭄ᬚᬯᬸᬫᬦ᭄ᬓᭀᬦ᭄ᬓᭀᬦ᭄᭞ᬳᬗ᭄ᬕᬯᬵᬲᬸᬭᬢ᭄ᬧ[strike]ᬧᬸᬘᬸᬓ᭄᭞ᬲ᭄ᬯᬮᬵᬧᬢ᭄ᬭᬳᬶᬗᬸᬍᬲᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬫᬗ᭄ᬓᬶᬦ᭄ᬭᬶᬂᬦᬕᬭᬾᬂ

[᭑᭒ 12A]
ᬤᭂᬳᬵ᭟ᬲ᭄ᬤᭂᬓ᭄ᬱᬂᬭᬢᬸᬭᬶᬂᬚᬡᬵ᭞ᬢᬦ᭄ᬤᬸᬭᬤᬾᬦ᭄ᬫᬦ᭄ᬢ᭄ᬭᬶᬧ᭄ᬭᬧ᭄ᬢᬶ᭞ᬚᬸᬫᭀᬚᭀᬕ᭄ᬧᬋᬓ᭄ᬱᬂᬓᬢᭀᬂ᭞ᬓᬕ᭄ᬬᬢ᭄ᬲᬂᬧ᭄ᬭᬪᬹᬳᬦ᭄ᬤᬸᬮᬸ᭞ᬗᬦ᭄ᬤᬶᬓᬵᬘᬳᬶᬯᭀᬗᬧᬵ᭞ᬢᬸᬫ᭄ᬩᬾᬦ᭄ᬫᬳᬶ᭞ᬤᬶᬚᬵᬳᬵᬘᬳᬶᬫᬤᬾᬰ᭟ᬩᬕᬸᬲᬸᬫ᭄ᬩᬭᬳᬦᭂᬫ᭄ᬩᬄ᭞
ᬢᬶᬢ᭄ᬬᬂᬯᭀᬂᬫᬢᬯᬸᬦ᭄ᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬓᬢᭀᬦ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭᬭᬶᬂᬫᬢᬯᬸᬦ᭄᭞ᬗᬢᬸᬭᬂᬭᬚᬧᬦᭀᬫᬄ᭞ᬫᬶᬯᬄᬳᬶᬓᬶ᭞ᬲᬾᬯᬮᬵᬧᬢ᭄ᬭᬧᬸᬦᬶᬓᬵ᭟ᬢᬶᬦᬗ᭄ᬕᬧᬦ᭄ᬤᬾᬦ᭄ᬲᬂᬦᬵᬣ᭞ᬧᬸᬧᬸᬘᬸᬓ᭄ᬳᬬᬫ᭄ᬫᬭᬾ
ᬓᬶ᭞ᬳᬶᬗᬸᬍᬲᬦ᭄ᬮᬸᬗ᭄ᬲᬶᬃᬓᬯᭀᬢ᭄᭞ᬫᬗᬸᬭᬶᬧᬦᬘᬦᬶᬗ᭄ᬲᬸᬦ᭄᭞ᬯᬸᬄᬦᬶᬦᬶᬲᬾᬯᬮᬵᬧᬢ᭄ᬭᬵ᭞ᬲᬸᬢ᭄ᬭᬵᬯᬶᬢ᭄ᬦᬶᬂ᭞ᬧᬸᬧᬸᬧᬸᬧᬸᬦᭂᬦ᭄ᬧᬗᬾᬭᬦ᭄᭟ᬢᬶᬢ᭄ᬬᬂᬳᬦᬤᬓ᭄ᬱᬂᬦᬵᬣ᭞ᬮᬦᬶᬭᬾᬂᬗᬕᬸᬂᬗᬯᬶᬢᬶᬦ᭄᭞ᬤᬸᬭᬸ
ᬲ᭄ᬳᬶᬘᬦᬾᬲᬂᬓᬢᭀᬦ᭄᭞ᬫᬫᬜ᭄ᬚᬓᬂᬓᬫᬢᬯᬸᬦ᭄᭞ᬫᬢᬯᬸᬦ᭄ᬓᬾᬤ᭄ᬧᬂᬤᭂᬳᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬳᬶᬤᬾᬯᬫᬜ᭄ᬚᬓᬂᬢᬶᬢ᭄ᬬᬂ᭟ᬬᬾᬦ᭄ᬳᬶᬘᬳᬶᬤᬵᬲᬂᬦᬣᬵ᭞ᬓᬳᬶᬲ᭄ᬢ᭄ᬭᬶᬲᬸᬓᬵᬤ᭄ᬬᬄᬍᬯᬶᬄ᭞ᬢᬶᬢ᭄ᬬᬂᬢ᭄ᬯᬄᬧᬘᬂ [ 13 ][᭑᭒ 12B]
᭑᭒
ᬓᬭᬦ᭄᭞ᬤᬸᬭᬸᬲᬂᬳᬶᬘᬦᬾᬭᬢᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦ᭄ᬢᭂᬲ᭄ᬧᬶᬲᬦ᭄᭞ᬬᬾᬦ᭄ᬳᬲᬸᬗᬶᬦ᭄᭞ᬧ᭄ᬲᬸᬫᬗ᭄ᬲᬸᬮᬵᬧᬦᭀᬫᬄ᭟ᬲᬂᬦᬵᬣᬲ᭄ᬓᭂᬮᬶᬂᬫᬦᬄ᭞ᬲᬸᬯᬾᬳᬗ᭄ᬭᬱᬤᬶᬳᬢᬶ᭞ᬯ᭄ᬓᬲᬦ᭄ᬗᬦ᭄ᬤᬶᬓᬵᬳᬮᭀᬦ᭄᭞ᬤᬾᬦᬶᬂᬳᬓ
ᬮᬫᬃᬫᬮᬸ᭞ᬫᬗ᭄ᬓᬶᬦ᭄ᬤᬦᬾᬲᬵᬫ᭄ᬧᬸᬦ᭄ᬳᬶᬮᬂ᭞ᬘᬳᬶᬫᬦ᭄ᬢ᭄ᬭᬶ᭞ᬓᬳᬸᬭᬶᬧᬦ᭄ᬫᬗ᭄ᬕᭂᬮᬳᬂ᭟ᬲᬶᬜᬢ᭄ᬓᬫᬦᬶᬧᭀᬯᬦ᭄᭞ᬓᬾᬦ᭄ᬓᬾᬦ᭄ᬩᬦ᭄ᬫᬫᬦ᭄ᬗ᭄ᬭᬲᬦᬶᬦ᭄᭞ᬳᬧᬜᬫᬶᬲᬜᬋᬓᭀ᭞ᬢᬸᬃᬤᬦᬾᬫᬗ᭄ᬮᬫᬃᬫᬮᬸ᭞ᬓᬾᬫ᭄ᬧᭂᬃᬫᬮᬸ᭞ᬓᬾᬫ᭄ᬧᭂᬃᬩᬦ᭄ᬫᬫᬦ᭄ᬫᬗ᭄ᬭᬱᬵ᭞
ᬦᬾᬦᬾᬚᬦᬶ᭞ᬓᬾᬢᭀᬧᬾᬢ᭄ᬘᬳᬶᬳᬢᬸᬭᬂ᭟ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬤᬾᬯ᭞ᬓᬦ᭄ᬢᬸᬦ᭄ᬧᬤᬸᬓᬵᬦᬺᬧᬢᬶ᭞ᬮᬶᬗᬶᬭᬲᬶᬭᬲᬂᬓᬢᭀᬂ᭞ᬮᬄᬫᬚᬮᬦ᭄ᬘᬳᬶᬫᬦ᭄ᬢᬸᬓ᭄᭞ᬲᬫ᭄ᬧᬸᬦᬶᬓᬵᬬᬾᬦᬢᬸᬭᬂ᭞ᬢᬸᬃᬫᬫᬃᬕ᭄ᬕᬶ
᭞ᬧ᭄ᬭᬧ᭄ᬢᬵᬢ᭄ᬧᬶᬦᬶᬂᬦᬵᬕᬭ᭟ᬧᬸᬦ᭄ᬲ᭄ᬫᬃᬫᬗᬧᬓᬧᬓ᭄᭞ᬳᬦ᭄ᬤᭂᬕᬂᬤᬾᬯᬫᬫᬃᬕ᭄ᬕᬶ᭞ᬗᬸᬤᬵᬚᬯᬸᬫᬂᬲᬂᬓᬢᭀᬂ᭞ᬳᬶᬤᬾᬯᬢ᭄ᬓᬵᬜᬓ᭄ᬢᬸᬬᬸᬄ᭞ᬳᬧᬦ᭄ᬢᬢᬕᭀᬦ᭄ᬳᬶᬤᬾᬯ᭞ᬭᬤᬾᬦ᭄ᬤᬾᬯᬶ᭞ᬢ᭄ᬓᬳᬦ᭠

[᭑᭓ 13A]
ᬓ᭄ᬫᬫᬳᬦᬵᬂ᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬤᬓᬾᬢᭀᬓᬓᬵᬫᬫᬸᬜᬶ᭞ᬳ᭄ᬤᬬᬵᬓᬸᬫᬦ᭄ᬤᬵᬮ᭄ᬋᬓᭀ᭞ᬫᬫᬶᬦᬳᬕᭂᬃᬭᬤᬾᬦ᭄ᬕᬮᬸᬄ᭞ᬫᬱᬵᬤᬦᬾᬫᬫ᭄ᬩᬳᬦᬂ᭞ᬫᬦᬶᬫᬦᬶ᭞ᬫᬲᬶᬄᬦᬶᬭᬫᬫᬳᬦᬂ᭟ᬧᬸᬦ᭄ᬲ᭄ᬫᬃᬳᬮᭀ
ᬦᬗᬸᬘᬧ᭄᭞ᬮᬫᬸᬦ᭄ᬲᬫ᭄ᬧᬸᬦᬶᬓᬵᬫᬗ᭄ᬓᬶᬦ᭄᭞ᬓᬗ᭄ᬕᬾᬬᬸᬦᬶᬤᬾᬯᬋᬓᭀ᭞ᬲᬕᬾᬢ᭄ᬲᬂᬧ᭄ᬭᬪᬹᬫᬫᬸᬧᬸ᭞ᬢᬶᬢ᭄ᬬᬂᬜᬸᬭᬓᬶᬦ᭄ᬳᬶᬤᬾᬯ᭞ᬢᬦ᭄ᬤᬸᬧ᭄ᬭᬧ᭄ᬢᬶ᭞ᬫᬦ᭄ᬢᬸᬓᬬᬸᬦ᭄ᬤᬲᬂᬦᬵᬣ᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬧᬗᬦ᭄ᬤᬶᬓ
ᬦ᭄ᬰ᭄ᬭᬶᬪᬸᬧᬢᬶ᭞ᬫᬦ᭄ᬢ᭄ᬭᬶᬓᬯᬸᬭᬶᬧᬦ᭄ᬋᬓᭀ᭞ᬲᬫ᭄ᬧᬸᬦ᭄ᬫᬗ᭄ᬮᬫᬃᬢ᭄ᬯᬦ᭄ᬕᬮᬸᬄ᭞ᬦᬗ᭄ᬳᬶᬂᬤᬦᬾᬓᭀᬘᬧ᭄ᬳᬶᬮᬂ᭞ᬲᬶᬜᬦᬯᬶ᭞ᬩᬾᬜ᭄ᬚᬂᬧᭀᬯᬦ᭄ᬤᬦᬾᬢ᭄ᬓᬵ᭟ᬧᬸᬦᬶᬓᬵᬚᭂᬭᬶᬳᬶᬦ᭄ᬳᬶᬤᬵ᭞ᬳᭀᬓᬵᬤᬶᬲ᭄ᬢᭀᬶᬦᬸᬶᬲᬫ᭄ᬢᭀᬦ᭄ᬚᬢᬶ
ᬭᬢᬸᬫᬢᬯᬸᬦ᭄ᬮᬶᬦ᭄ᬬᬮᭀᬦ᭄᭞ᬬᬾᬜᭂᬢ᭄ᬓᬵᬫᬫᬦ᭄ᬯᬸᬭᬸᬂ᭞ᬓ᭄ᬫᬧᬾᬢ᭄ᬫᬮᬶᬄᬫᬢᬸᬮᬓ᭄᭞ᬬᬾᬜᭂᬢᬸᬲᬶᬂ᭞ᬢ᭄ᬓᬳᬳᬳᬧᬂᬤᬦᬾᬳᬶᬘᬵ᭟ᬚᬦᬶᬚᭂᬘᬳᬶᬫᬚᬮᬦ᭄᭞ᬫᬢᬸᬃᬮᬯᬦ᭄ᬲ᭄ᬭᬶᬪᬸᬧᬢᬶ᭞ᬳᬢᬸᬭᬂᬚᭂᬩᬸᬓᬵᬓᬾᬦ᭄ᬢᭀ [ 14 ][᭑᭓ 13B]
᭑᭓
᭞ᬩᬸᬓᬵᬫᬸᬜᬶᬦᬾᬳᬶᬩᬯᬸ᭞ᬩᬕᬸᬲᬸᬫ᭄ᬩᬭᬫᬫᬃᬕ᭄ᬕᬵ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬤᭂᬳᬵᬮᬯᬦ᭄ᬧᬸᬦ᭄ᬲ᭄ᬫᬃ᭟᭠ᬲ᭄ᬤᭂᬓ᭄ᬲᬂᬦᬵᬣᬭᬶᬂᬚᬩᬵ᭞ᬩᬕᬸᬲᬸᬫ᭄ᬩᬭᬬᬾᬦ᭄ᬧ᭄ᬭᬧ᭄ᬢᬶ᭞ᬲᬂᬦᬵᬣᬗᬦ᭄ᬤᬶᬓᬵᬳᬮᭀᬦ᭄᭞ᬘᬳᬶᬓᭀᬬᬾᬦ᭄ᬫᬮᬶᬄᬭ᭠
ᬯᬳᬸᬄ᭞ᬩᬕᬸᬲᬸᬫ᭄ᬩᬭᬵᬫᬜᬸᬫ᭄ᬩᬄ᭞ᬫᬢᬸᬃᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬓᭀᬫᬮᬶᬄᬫᬋᬓᬵ᭟ᬬᬾᬦ᭄ᬭᬯᬸᬄᬳᬦᬓ᭄ᬳᬶᬤᬾᬯ᭞ᬤᬦᬾᬯᬸᬭᬸᬂᬰ᭄ᬭᬶᬪᬸᬧᬢᬶ᭞ᬳᬫᬶᬦ᭄ᬢᬰᬶᬄᬭᬶᬂᬲᬂᬓᬢᭀᬂ᭞ᬬᬾᬦ᭄ᬢᬦ᭄ᬭᬯᬸᬄᬤᬦᬾᬤᬸᬭᬸᬲ᭄᭞ᬗ᭄ᬮᬫᬃᬳᬢ᭄ᬫᬚᬶᬦᬶᬤᬾᬯ᭞᭠
ᬲᬫ᭄ᬧᬸᬦᬧᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦ᭄ᬢᭂᬲ᭄ᬧᬶᬲᬦ᭄᭟ᬲᬂᬦᬵᬣᬤᭂᬳᬵᬗᬦ᭄ᬤᬶᬓᬵ᭞ᬫᬫᬦ᭄ᬢ᭄ᬯᬭᬤᬵᬫᬦᬫ᭄ᬧᬶ᭞ᬓᬤᬶᬓᬬᬸᬦᬾᬲᬂᬓᬢᭀᬂ᭞ᬦᬸᬤᬸᬓ᭄ᬫᬦ᭄ᬢᬸᬓᬫᬢᬯᬸᬦ᭄᭞ᬮᬫᬸᬦ᭄ᬢ᭄ᬯᬭᬓᬩᭂᬜ᭄ᬘᬦ᭞ᬦᬾᬦᬶᬂᬯᬃᬕ᭄ᬕᬶ᭞ᬳᬧᬦᬶᬂᬫᬶᬲᬦᬾᬓᬢᬄ
᭟ᬫᬢᬸᬃᬬᬾᬦ᭄ᬩᬕᬸᬲᬸᬫ᭄ᬩᬭ᭞ᬦᬾᬫᬗ᭄ᬓᬶᬦ᭄ᬢᭀᬢ᭄ᬬᬂᬫᬫᬲ᭄ᬢᬶ᭞ᬬᬾᬦ᭄ᬤᬸᬭᬸᬲ᭄ᬳᬶᬘᬲᬂᬓᬢᭀᬂ᭞ᬧᬶᬭᬯᬶᬲ᭄ᬢᬶᬢ᭄ᬬᬗᬾᬭᬢᬸ᭞ᬢ᭄ᬓᬾᬦᬶᬂᬬᬾᬦ᭄ᬳᭂᬫᬲ᭄ᬳᬃᬢ᭄ᬣᬵ᭞ᬲᬯᬸᬂᬕᬮᬶᬂ᭞ᬢ᭄ᬓᬾᬦᬶᬂᬭᬵᬚᬩᬸᬲᬡ᭄ᬦᬵ᭟ᬲᬶᬤ᭄ᬬᬚᬕ᭄ᬕᬵᬱᬭᬵᬬᬢ᭄ᬣᬵ

[᭑᭔ 14A]
᭞ᬭᬢᬸᬭᬶᬂᬤᭂᬳᬵᬜᬯᬸᬭᬶᬦ᭄᭞ᬫᬫᬦ᭄ᬢ᭄ᬯᬭᬦᬕᬶᬄᬓᬾᬦ᭄ᬢᭀ᭞ᬢ᭄ᬯᬭᬫᬫᬦ᭄ᬬᬾᬦ᭄ᬕᬸᬫᬸᬕᬸᬢ᭄᭞ᬢ᭄ᬓᬾᬦ᭄ᬳᭂᬫᬲ᭄ᬫᬶᬯᬄᬳᬃᬢ᭄ᬣᬵ᭞ᬫᬫᬦ᭄ᬫᬗ᭄ᬓᬶᬦ᭄᭞ᬧ᭄ᬭᬤᬶᬓᬶᬤᬶᬓ᭄ᬢᭂᬓᬾᬦ᭄ᬳᬶᬤᬵ᭟ᬲᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬧᬸᬦᬶᬓᬵᬬᬾᬦ᭄ᬫᬫᬦ᭄ᬫ᭄ᬭᬤᬶ
᭞ᬮᬫᬸᬦ᭄ᬲᬸᬩᬳᬤᬵᬳᭂᬦ᭄ᬢᭀ᭞ᬚᬯᬢᭂᬦ᭄ᬬᬧᭀᬯᬦ᭄ᬢᭂᬮᬸᬦ᭄᭞ᬫᬗ᭄ᬕᬶᬄᬳᬬᬸᬢᬸᬚᬸᬯᬗ᭄ᬳᬵ᭞ᬢᬸᬃᬫᬩᬸ᭠ᬜ᭄ᬘᬶᬂ᭞ᬫᬫᬦ᭄ᬤᬶᬢᬸᬢ᭄ᬯᬄᬲᬸᬓ᭄ᬱᭂᬭᬄ᭟ᬓᬾᬢᬾᬚ᭄ᬯᬘᬳᬶᬳᬢᬸᬭᬂ᭞ᬧᬗ᭄ᬯᬶᬤᬶᬦ᭄ᬫᬫᬤᬾᬚᬦᬶ᭞ᬲᬦ᭄ᬤᬶᬓᬵᬦ᭄ᬳᬶᬤᬵᬲᬂᬓ
ᬢᭀᬂ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬳᬶᬭᬢᬸ᭞ᬢᬸᬫᬸᬮᬶᬳᬕ᭄ᬮᬶᬲ᭄ᬫᬫᬃᬕ᭄ᬕᬵᬫ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬫᬢᬯᬸᬦ᭄ᬭᬶᬂᬩᬜ᭄ᬘᬶᬗᬄ᭟ᬲ᭄ᬤᭂᬓ᭄ᬢᬶᬦᬗ᭄ᬓᬶᬮ᭄ᬲᬂᬦᬣ᭞ᬩᬕᬸᬲᬸᬫ᭄ᬩᬭᬬᬾᬦ᭄ᬧ᭄ᬭᬧ᭄ᬢᬶ᭞ᬲᬫ᭄ᬧᬸᬦ᭄ᬳᬶᬘᬵᬤᬲᬂᬓᬢᭀᬂ᭞ᬫᬫᬢᬸᬶᬦ᭄ᬢᬸᬫᬗ᭄ᬓᬶᬦ᭄ᬳᬶᬭ
ᬢᬸ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬫᬦ᭄ᬢᭂᬲ᭄ᬧᬶᬲᬦ᭄᭞ᬰ᭄ᬭᬶᬪᬸᬧᬢᬶ᭞ᬳᬸᬮᬢ᭄ᬧᬺᬤᬶᬭᬶᬂᬳᬶᬤᬾᬯᬵ᭟ᬳᬶᬤᬲᬫ᭄ᬧᬸᬦ᭄ᬮᬶᬦ᭄ᬢᬂᬳᬶᬘᬵ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬵᬗᬤ᭄ᬧᬶᬲᬦ᭄᭞ᬦᬤ᭄ᬬᬦ᭄ᬳᭂᬫᬲ᭄ᬳᬃᬢ᭄ᬣᬵᬋᬓᭀ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬵᬕᬸᬫᬸᬕᬸᬢ᭄᭞ᬫᬶᬯᬄ [ 15 ][᭑᭔ 14B]
᭑᭔
ᬮᬦ᭄ᬭᬚᬵᬩᬸᬲᬦᬵ᭞ᬲᬫ᭄ᬧᬸᬦ᭄ᬲᬫᬶ᭞ᬯᬾᬦ᭄ᬢᭂᬦ᭄ᬋᬓᬾᬭᬶᬂᬲᬂᬦᬵᬣ᭟ᬲᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬧᬸᬦᬶ᭠ᬓᬵᬳᬶᬤᬵᬫᬗ᭄ᬯᬶᬤᬶ᭞ᬬᬦ᭄ᬯᬾᬦ᭄ᬢᭂᬦ᭄ᬧᬸᬦᬶᬓᬵᬋᬓᭀ᭞ᬳᬶᬤᬵᬳᬶᬘᬵᬭᬶᬂᬳᬶᬭᬢᬸ᭞ᬳᬶᬤᬵᬢ᭄ᬮᬲᬶᬂᬲᬸᬓ᭄ᬱ᭄ᬭᬄ᭞ᬲᬫ᭄ᬧᬸᬦᬧᬶ᭞
ᬫᬗ᭄ᬓᬶᬦ᭄ᬧᬗ᭄ᬭᬯᭀᬲ᭄ᬳᬶᬤᬾᬯ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭞ᬤᬶᬚᬳᬵᬲᬶᬫᬫᬗᬸᬶᬦ᭄ᬗᬮᬶᬄ᭞ᬘᬳᬶᬧᬾᬢᬦ᭄ᬗᬮᬶᬄᬋᬓᭀ᭞ᬩᬸᬓᬵᬓᬾᬦ᭄ᬓᬾᬦ᭄ᬭᬸᬧᬦᬶᬧᬸᬦ᭄᭞ᬳᬧᬂᬘᬳᬶᬚ᭄ᬯᬫᬩᬳᬦ᭄᭞ᬬᬾᬦ᭄ᬫᬗᬮᬶᬄ᭞ᬤᭂᬘᬳᬶᬫ᭄ᬮᬮᬶᬤᬶᬚᬮ
ᬦ᭄᭟ᬢᬸᬫᬸᬮ᭄ᬬᬳᬫᬶᬢ᭄ᬮᬸᬫᬫ᭄ᬧᬄ᭞ᬧᬸᬦ᭄ᬲ᭄ᬫᬃᬢᬗ᭄ᬲᬄᬳᬗᬶᬭᬶᬂ᭞ᬓᬂᬦᬕᬭᬲᬫ᭄ᬧᬸᬦ᭄ᬳᭂᬚᭀᬄ᭞ᬧᬸᬦ᭄ᬲ᭄ᬫᬃᬳᬢᬸᬭᬾᬳᬮᬸᬲ᭄᭞ᬗᬸᬤᬵᬫᬶᬲᬦᬾᬯᬓᬗ᭄ᬳᬵ᭞ᬫᬦᬶᬫᬦᬶ᭞ᬤᬶᬚᬳᬵᬗᬮᬶᬄᬳᬶᬤᬾᬯᬵ᭟ᬤᬳᬶᬤᬾᬯᬵᬫᬶᬮᬸ
ᬗ᭄ᬯᬓᬂ᭞ᬢᬶᬢ᭄ᬬᬂᬢ᭄ᬯᬄᬧᬸᬭᬸᬦᬾᬫᬗ᭄ᬓᬶᬦ᭄᭞ᬫᬺᬘᬾᬤᬵᬳᬶᬤᬾᬯᬵᬮᭀᬮᭀᬂ᭞ᬫᬫᭀᬢᭀᬓ᭄ᬫᬫᬜ᭄ᬚᬓ᭄ᬢᬸᬳᬸ᭞ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬫᬦᬶᬫᬦᬶ᭞ᬫᬲᬶᬄᬦᬶᬭᬫᬫ᭄ᬩᬳᬦᬂ᭟ᬤᬵᬚ᭄ᬯᬵᬳᬶᬩᬸᬓ᭄ᬓᬵᬓᬵᬲ᭄ᬫᬃ᭞ᬦᬶᬭ

[᭑᭕ 15A]
ᬳ᭄ᬦᬸᬜᬶᬤᬵᬩᬓ᭄ᬢᬶ᭞ᬩ᭄ᬯᬶᬦᬵᬢᭂᬫ᭄ᬩᬾᬳᬸᬮᬄᬋᬓᭀ᭞ᬳᬧᬂᬮ᭄ᬬᬸᬳᬦᬓ᭄ᬮᬸᬮᬸᬢ᭄᭞ᬍᬯᬶᬄᬦ᭄ᬬᬬᬾᬦ᭄ᬯᭀᬂᬫᬗ᭄ᬓᬦ᭞ᬮᬦᬂᬳᬶᬲ᭄ᬢ᭄ᬭᬶ᭞ᬳᬧᬂᬬᬦᬸᬓᬮᬸᬮᬸᬢᬦ᭄᭟ᬧᬸᬦ᭄ᬱ᭄ᬫᬃᬳᬮᭀᬦᬗᬸᬘᬧ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬤᬳᬢ᭄ᬗᬶᬭᬶᬂ᭞ᬲᬶᬲᬶᬨᬦ᭄ᬢᬸᬓ᭄ᬢᬶᬢ᭄ᬬᬂ
ᬋᬓᭀ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬲᬫᬵᬢᬸᬭᬸᬢ᭄᭞ᬜᬶᬩᬓ᭄ᬢᬶᬳᬯᬶᬯᬶᬓ᭄ᬯᬦ᭄᭞ᬩ᭄ᬯᬶᬦᬧᬮᬶᬄ᭞ᬳᬧᬂᬢᬶᬢ᭄ᬬᬂᬫᬗᬢᬸᬭᬄ᭟ᬮᬸᬄᬫ᭄ᬯᬦᬶᬳᭀᬮᬲ᭄ᬓᬾᬦ᭄ᬢᬶᬢ᭄ᬬᬂ᭞ᬫ᭄ᬯᬄᬤᬳᬦᬾᬩ᭄ᬘᬶᬓ᭄ᬩᭂᬘᬶᬓ᭄᭞ᬢᬶᬢ᭄ᬬᬂᬫᬗᬮᬳᬶᬦ᭄ᬋᬓᭀ᭞ᬮᬦᬂᬓᬸᬶᬲᬢᬸ᭠
ᬲ᭄ᬓᬧᬢ᭄ᬲᬲᬸᬃ᭞ᬕᬸᬫᬸᬬᬸᬩᬕᬸᬲᬸᬫ᭄ᬩᬭᬵ᭞ᬢᭀᬦᬾᬯᬸᬗ᭄ᬲᬶ᭞ᬫᬫᬶᬮᬶᬄᬦᬾᬫ᭄ᬮᬄᬫ᭄ᬮᬄ᭟ᬢᬸᬫᬸᬮᬶᬳᬕ᭄ᬮᬶᬲ᭄ᬫᬫᬃᬕ᭄ᬕᬵ᭞ᬚᬸᬭᬂᬧᬭᬸᬂᬤᬾᬦ᭄ᬮᬫ᭄ᬧᬳᬶᬦ᭄᭞ᬢᬦ᭄ᬓᬾᬯᬸᬄᬭᬕ᭄ᬕᬵᬓᬍᬲᭀᬦ᭄᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬢ᭄ᬫᬸᬢ᭄ᬕᬮ᭄ᬫᬜ᭄ᬚᬶᬗᬵ
ᬮᬲ᭄᭞ᬲᬵᬫ᭄ᬧᬸᬦ᭄ᬮᬫᬶ᭞ᬳᬦᬸᬲᬸᬧ᭄ᬭᬶᬂᬕᬶᬭᬶᬯᬃᬡ᭄ᬦᬵ᭟ᬢᬦ᭄ᬓᭀᬘᬧ᭄ᬩᬕᬸᬲᬸᬫ᭄ᬩᬭᬵ᭞ᬭᬶᬂᬚᬯᬵᬯᬸᬯᬸᬲᭂᬦ᭄ᬫᬮᬶᬄ᭞ᬳᬦᬵᬋᬓᭀᬧ᭄ᬭᬪᬸᬓᬯᭀᬢ᭄᭞ᬦᬵᬕᬭᬫᬭᬶᬂᬜ᭄ᬚᭀᬂᬩᬶᬭᬸ᭞ᬲᬂᬧ᭄ᬭᬪᬸᬤᬤᬶᬭᬓ᭄ᬱᬲ᭞ᬲᬫ᭄ᬧᬸᬦ᭄ᬩ᭄ᬭᬲᬶᬄ [ 16 ][᭑᭕ 15B]
᭑᭕
᭞ᬧᬜ᭄ᬚᬓᬾᬲᬫᬶᬓᬢᬤᬄ᭟ᬘᬗ᭄ᬓᭂᬫ᭄ᬓᬤᬶᬕᬸᬯᬵᬫ᭄ᬗᬵ᭞ᬳᬶᬭᬸᬂᬓᬤᬶᬲᬸᬫᬸᬃᬓᬮᬶᬄ᭞ᬲᭀᬘᬦᬾᬮ᭄ᬯᬶᬃᬲᬸᬃᬬ᭄ᬬᬭᭀᬭᭀ᭞ᬲ᭄ᬬᬸᬗᬾᬓᬲᭀᬃᬓᬂᬤᬸᬳᬸᬂ᭞ᬩᬶᬬᬓ᭄ᬢᬲᬓᬸᬫ᭄ᬩᬂᬓᬃᬡ᭄ᬦᬵ᭞ᬲᬫᬶᬳᬚ᭄ᬭᬶᬄ᭞ᬢᬸᬫᭀᬦᬶᬂᬲᬂᬧ᭄ᬭᬪᬸᬬᬓ᭄ᬱᬵ᭟
ᬧᬸᬢ᭄ᬭᬦᬾᬫᬗ᭄ᬓᬶᬦ᭄ᬓᭀᬘᬧ᭞ᬭᬤᬾᬦ᭄ᬕᬮᬸᬄᬮᬶᬦ᭄ᬢᬂᬲ᭄ᬤᬶᬄ᭞ᬭᬭᬶᬲ᭄ᬓᬢᬫᬦ᭄ᬫᬗᭀᬚᭀᬕ᭄᭞ᬢᭀᬕᭀᬕᬾᬚ᭄ᬯᬳᬸᬓᬸᬢᬸᬓᬸᬢ᭄᭞ᬯ᭄ᬤᬓᬶᬦ᭄ᬭᬭᬶᬲ᭄ᬧᬦ᭄ᬤᬸᬲᬂ᭞ᬬᬾᬦ᭄ᬯᬸᬲ᭄ᬚᬦᬶ᭞ᬮᬶᬗ᭄ᬕᬶᬳᬂᬳᬢᬸᬭᬶᬦ᭄ᬤᬳᬃ᭟ᬳ᭄ᬦᭂᬗᬓ᭄ᬦᬵᬧᬸᬦᬶᬓᬵ᭞ᬭᬶᬂᬩᬮᬶ
ᬯᬸᬯᬸᬲᭂᬦ᭄ᬫᬮᬶᬄ᭞ᬲᬂᬭᬢᬸᬭᬶᬂᬤ᭄ᬳᬵᬋᬓᭀ᭞ᬫᬦᬭᬶᬳᬶᬦᬦᬓ᭄ᬕᬮᬸᬄ᭞ᬜᬳᬶᬕᬸᬭᬸᬦᬸᬦᬲ᭄ᬳᬶᬘᬵ᭞ᬦᬾᬦᬾᬚᬦᬶ᭞ᬜᬳᬶᬢ᭄ᬯᬄᬗᬵᬮᬾᬩᬂᬩᬧᬵ᭟ᬓᬫᬢᬯᬸᬦ᭄ᬓᬬᬸᬦ᭄ᬩᬧᬵ᭞ᬦᬦᬓ᭄ᬕᬮᬸᬄᬲᬧᬸᬦᬧᬶ᭞ᬭᬤᬾᬦ᭄ᬕᬮᬸᬄᬲᬯᬸᬃᬳ
ᬮᭀᬦ᭄᭞ᬯᬾᬦ᭄ᬢᭂᬦ᭄ᬳᬦ᭄ᬢᬶᬦ᭄ᬢᬶᬢ᭄ᬬᬂᬕᬸᬭᬸ᭞ᬩ᭄ᬮᬶᬫᬦ᭄ᬢ᭄ᬭᬶᬭᬶᬂᬓᭀᬭᬶᬧᬦ᭄᭞ᬤᬦᬾᬳᬸᬕᬶ᭞ᬦᬾᬦᬾᬓᬭᬶᬳᬦ᭄ᬢᭀᬲ᭄ᬢᬶᬢ᭄ᬬᬂ᭟ᬬᬾᬦ᭄ᬲᬶᬤᬦᬾᬤᬾᬭᬾᬂᬢ᭄ᬓᬵ᭞ᬤᬤ᭄ᬬᬦ᭄ᬲᬸᬯᬾᬢᬶᬢ᭄ᬬᬂᬗᬦ᭄ᬢᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬮᭀᬦ᭄᭞ᬩ᭄ᬯᬢᬂᬩᬧ

[᭑᭖ 16A]
ᬩᭀᬬᬭᬯᬸᬄ᭞ᬤᬾᬦᬶᬂᬳᬶᬮᬂᬲᬫ᭄ᬧᬸᬦ᭄ᬮᬯᬲ᭄᭞ᬳᬤᬸᬄᬜᬳᬶ᭞ᬳᬧᬂᬗᬶᬥᭂᬧ᭄ᬫᬸᬜᬶᬦ᭄ᬩᬧᬵ᭟ᬭᬤᬾᬦ᭄ᬕᬮᬸᬄᬲ᭄ᬓᭂᬮᬶᬂᬫᬦᬄ᭞ᬳᬦᭂᬫ᭄ᬩᬄᬳᬗᭂᬫ᭄ᬩᭂᬂᬓᬶᬗ᭄ᬓᬶᬂ᭞ᬤᬸᬄᬤᬾᬯᬵᬕᬸᬭᬸᬲᬂᬓᬢᭀᬂ᭞ᬓᬗ᭄ᬕᬾᬢᬾᬓᬬᬸᬦ᭄ᬳᬶᬭᬢᬸ᭞ᬩᭀᬬᬢᬶᬢ᭄ᬬᬂᬧᬸ
ᬭᬸᬦ᭄ᬧᬶᬯᬮ᭄᭞ᬢᬶᬢ᭄ᬬᬂᬲᬫᬶᬢ᭄᭞ᬢᬸᬃᬫᬫᬃᬕ᭄ᬕᬶᬓᬧᬫᬺᬫᬦ᭄᭟ᬲᬧ᭄ᬭᬧ᭄ᬢᬦᬾᬭᬶᬂᬧᬫᬺᬫᬦ᭄᭞ᬭᬤᬾᬦ᭄ᬕᬮᬸᬄᬗᬦ᭄ᬤᬶᬓᬵᬳᬭᬶᬲ᭄᭞ᬩᬬᬦ᭄ᬳᬕ᭄ᬮᬃᬭᬶᬢᬶᬍᬫ᭄᭞ᬯᬶᬦᬲᬸᬳᬦ᭄ᬤᬦᬾᬳᬮᬸᬲ᭄᭞ᬢᬸᬃᬤᬦᬾᬳᬕᬸᬕᬸᬮᬶᬗᬦ᭄᭞ᬲᬃᬯ᭄ᬯᬶᬦᬗᬶᬲ᭄᭞ᬓᬗᭂᬦ᭄ᬢᭂᬓᬾ
ᬦᬶᬂᬲᬂᬳᬶᬮᬂ᭞᭟ᬩ᭄ᬮᬶᬫᬦ᭄ᬢ᭄ᬭᬶᬓᬯᬸᬭᬶᬧᬦ᭄᭞ᬤᬶᬗ᭄ᬓᬾᬦ᭄ᬚᬵᬩ᭄ᬮᬶᬫᬮᬶᬗ᭄ᬕᬶᬄ᭞ᬫᬤᬓ᭄ᬚᬵᬳᬶᬩ᭄ᬮᬶᬓᬢᭀᬦ᭄᭞ᬢᬶᬢ᭄ᬬᬂᬓᬲ᭄ᬭᬄᬓᬫᬢᬯᬸᬦ᭄᭞ᬫ᭄ᬮᬄᬓᬾᬘᬶᬗᬓ᭄ᬳᬶᬤᬾᬯᬵ᭞ᬢᬶᬢ᭄ᬬᬂᬲ᭄ᬤᬶᬄ᭞ᬤᬸᬭᬸᬂᬧ᭄ᬚᬄᬳᬯᬓ᭄ᬢᬶᬢ᭄ᬬᬂ᭟ᬲᬩ᭄ᬭᬦ᭄ᬤᬶᬦᬵᬲᬫ᭄ᬩᬢ᭄ᬲᬫ᭄ᬩᬢ᭄᭞ᬢ
ᬦ᭄ᬢᬸᬦᬵᬳᬗᭂᬦ᭄ᬓᬶᬗ᭄ᬓᬶᬂ᭞ᬢᬦ᭄ᬧᬾᬦ᭄ᬤᬄᬫᬦ᭄ᬤᬧᬵᬮᬬᭀᬦ᭄᭞ᬩᬬᬦ᭄ᬲᬗ᭄ᬕᬶᬢ᭄ᬱ᭄ᬫᬸᬕᬸᬧᬸᬄ᭞ᬫᬶᬮᬸᬳᬦᬗᬶᬲ᭄ᬳᬮᬭᬲ᭄᭞ᬲ᭄ᬤᬶᬄᬓᬶᬗ᭄ᬓᬶᬂ᭞ᬭᬤᬾᬦ᭄ᬤᬾᬯᬶᬓᬸᬲ᭄ᬬᭂᬓᬸᬲ᭄ᬬᬵ᭟ᬢᬦ᭄ᬓᭀᬘᬧᬜᬭᬶᬂᬤ᭄ᬳᬵ᭞ᬯᬸᬯᬸᬲᭂᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬦ᭄ᬤᬵ [ 17 ][᭑᭖ 16B]
᭑᭖
ᬭᬸᬂᬮᬫ᭄ᬧᬳᬾᬋᬓᭀ᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬲᬕᬾᬢᬦ᭄ᬫᬗ᭄ᬕᬶᬧᬫ᭄ᬭᬚᬦ᭄᭞ᬢᬸᬃᬫᬮᬶᬗ᭄ᬕᬶᬄ᭞ᬲᬋᬂᬓᬮᬯᬦ᭄ᬧᬸᬦ᭄ᬲ᭄ᬫᬃ᭟ᬤᬾᬤᬸᬓᬸᬄᬲᬕᬾᬢᬦ᭄ᬫᭂᬤᬮ᭄᭞ᬫᬜᬧᬲᬩ᭄ᬤᬦᬾᬳᬭᬶᬲ᭄᭞ᬳᬶᬭᬵᬢᬸᬓᭀᬭᬯᬸᬄᬋᬓᭀ᭞ᬧᬸᬦᬧᬶᬓᬃ
ᬬᬦ᭄ᬳᬶᬭᬢᬸ᭞ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬳᬤᬸᬄᬓᬓᬶ᭞ᬗᬸᬦᬶᬗᬸᬢᬸᬲ᭄ᬤᬾᬦ᭄ᬲᬂᬦᬵᬣ᭟ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬧᬗᬦ᭄ᬤᬶᬓᬵᬦᬾᬫᬗᬮᬶᬄ᭞ᬤᬶᬚᬵᬳᭂᬚᬵᬳᬤᬋᬓᭀ᭞ᬩᬲ᭄ᬓᬯᬶᬤᬶᬩᬦ᭄ᬲᬂᬧ᭄ᬭᬪᬸ᭞ᬲᬶᬜᬵᬓᬓᬶᬧᭀᬮᬶᬄ᭠
ᬳᭀᬃᬢ᭄ᬣᬵ᭞ᬩᬶᬮᬶᬄᬫᬮᬶᬄ᭞ᬳᬶᬘᬂᬚᬦᬶᬳᬦ᭄ᬢᬸᬓ᭄ᬱᬤ᭄ᬬ᭟ᬤᬾᬤᬸᬓᬸᬄᬫᬢᬸᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬬᬾ᭠ᬦ᭄ᬫᬶᬭᬕᬶ᭞ᬯᬾᬦ᭄ᬢᭂᬦ᭄‌ᬤ᭄ᬭᬸᬯᬾᬦ᭄ᬧᬸᬢ᭄ᬭᬶᬓᬯᭀᬢ᭄᭞ᬭᬳᬤᬾᬦ᭄ᬕᬮᬸᬄᬜ᭄ᬚᭀᬂᬩᬶᬭᬸ᭞ᬦᬗ᭄ᬳᬶᬂᬳᬢᬶᬓ᭄ᬤᬦᬾᬯᬶᬲᬦ᭄᭞ᬳ
ᬤᬸᬄᬓᬓᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬦ᭄ᬤᬬᬬᬂ᭟ᬗᬸᬮᬢᬶᬳᬧᬗ᭄ᬕᬵᬩᬓᬢ᭄᭞ᬤᭀᬄᬓᬾᬤᬾᬰᬦ᭄ᬜᬦᬾᬓᬓᬶ᭞ᬤᬾᬰᬦᬾᬫᬳᬤᬦ᭄ᬓᬾᬦ᭄ᬢᭀ᭞ᬤᬾᬤᬸᬓᬸᬄᬫᬲᬳᬸᬃᬳᬮᬸᬲ᭄᭞ᬤᬸᬄᬤᬾᬯᬭᬢᬸᬤᭀᬄᬧᬶᬲᬦ᭄᭞ᬲ᭄ᬮᬢ᭄ᬧ

[᭑᭗ 17A]
ᬲᬶᬄ᭞ᬤᬶᬚᬯᬵᬕ᭄ᬦᬄᬧᬸᬦᬶᬓᬵ᭟ᬫᬲᬦ᭄ᬤᬶᬗᬦ᭄‌ᬚᬫᬸᬃᬚᬶᬧᬂ᭞ᬫᬶᬯᬄᬧᬦᭂᬗ᭄ᬕᬄᬫᬲᬦ᭄ᬤᬶᬂ᭞ᬯᬶᬦ᭄ᬥᬸᬢᬶᬗ᭄ᬕᬮ᭄ᬚᬫᬶᬦ᭄ᬢᭀᬭᭀ᭞ᬧᬸᬦᬶᬓᬵᬜᬦ᭄ᬤᬶᬂᬜ᭄ᬚᭀᬂᬩᬶᬭᬸ᭞ᬬᬾᬦ᭄ᬳᬶᬤᬵᬭᬯᬸᬄᬳᬶᬭᬶᬓᬵ᭞ᬮᬄᬢᬗᬭᬶᬦ᭄᭞ᬲᬫ᭄ᬧᬸᬦ᭄ᬳᬸᬕᬶᬓᬩᬜ᭄ᬘᬶᬗᬄ᭟ᬕᬸᬭᬸ᭠
ᬦ᭄ᬤᬦᬾᬬᬓ᭄ᬱᬮᭀᬤ᭄ᬭᬵ᭞ᬓᬢᬫᬦ᭄ᬭᬢᬸᬫᬃᬕ᭄ᬕᬶᬦᬶᬦ᭄᭞ᬤᬶᬲᬸᬘᬶᬫᬤᬕᬶᬂᬢᭀᬕᭀᬕ᭄᭞ᬧᬸᬦᬶᬓᬚᬸᬚᬸᬃᬳᬶᬭᬢᬸ᭞ᬢᭀᬕᭀᬕ᭄ᬫᬯᬃᬡ᭄ᬦᬵᬳᬶᬤᬾᬯᬵ᭞ᬦᬾᬳᬲᬶᬓᬶ᭞ᬫᬭᬸᬧᬵᬦᬶᬓᬶᬳᬶᬲ᭄ᬫᬵᬃ᭟ᬬᬾᬦ᭄ᬳᬶᬭᬢᬸᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬤᬶᬲᬸᬘᬶ
ᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬕᭂᬦ᭄ᬢᭀᬲᬶᬦ᭄ᬢᭀᬕᭀᬕᬾᬋᬓᭀ᭞ᬢᭀᬕᭀᬕᬾᬓᬸᬢᬂᬳᬶᬭᬢᬸ᭞ᬳᬶᬮᬶᬤᬂᬲᬫ᭄ᬧᬸᬦ᭄ᬗᭂᬦᬳᬂ᭞ᬤᬾᬯᬕᬸᬲ᭄ᬢᬶ᭞ᬳᬾᬮᬶᬗᬂᬧᬶᬯ᭄ᬓᬲ᭄ᬢᬶᬢ᭄ᬬᬂ᭟ᬢᬦᬸᬭᬸᬂᬳᬶᬤᬾᬯᬵᬲᬤ᭄ᬬ᭞ᬫᬦ᭄ᬫᬸᬭᬳᬤᭂᬦ᭄ᬤᬾᬯᬶ᭞ᬜᬩ᭄ᬭᬦ᭄ᬫᬗᬶᬗᭀ᭠
ᬦᬶᬦ᭄ᬢᭀᬕᭀᬕ᭄᭞ᬭᬤᬾᬦ᭄ᬕᬮᬸᬄᬲᬫ᭄ᬧᬸᬦ᭄ᬳᬾᬧᬸᬄ᭞ᬗᬬᬳᬶᬦ᭄ᬢᭀᬕᭀᬕ᭄ᬤᬶᬢᬫᬦ᭄᭞ᬩᬬᬦ᭄ᬲᬗ᭄ᬕᬶᬢ᭄᭞ᬢᬦ᭄ᬢᬸᬦᬗᬢᬸᬭᬂᬢᬥᬄ᭟ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬮᬫᬸᬦ᭄ᬢᬸᬯᬶᬓᬾᬢᭀᬓᬓᬶ᭞ᬓᬦ᭄ᬢᬸᬦ᭄ᬓᬓᬶᬤᬶᬦᬶᬋᬓᭀ [ 18 ][᭑᭗ 17B]
᭑᭗
᭞ᬤᬾᬤᬸᬓᬸᬄᬲᬸᬫᬯᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬫᬃᬕ᭄ᬕᬶᬤᬾᬯᬦ᭄ᬢᬶᬢ᭄ᬬᬂ᭞ᬳᬧᬂᬩ᭄ᬘᬶᬓ᭄᭞ᬩᬕᬸᬲᬸᬫ᭄ᬩᬭᬵᬫᬫᬃᬕ᭄ᬕᬵ᭟ᬳᬦ᭄ᬤᬭᬸᬂᬮᬫ᭄ᬧᬄᬭᬳᬤ᭄ᬬᬦ᭄᭞ᬧᬸᬦ᭄ᬱ᭄ᬫᬃᬢᬦ᭄ᬤᭀᬄᬳᬗᬶᬭᬶᬂ᭞ᬧᬫᬃᬕ᭄ᬕᬶᬦᬾᬲᬵᬫ᭄ᬧᬸᬦ᭄ᬳᭂᬚᭀᬄ᭞ᬮᬶᬯᬢ᭄ᬮᬯᬢ᭄ᬕᬸᬦᬸᬂ᭞ᬧ᭄ᬭᬧ᭄ᬢ᭠
ᬢ᭄ᬧᬶᬦᬶᬂᬲᬕᬭᬵ᭞ᬓᬢᭀᬦ᭄ᬫᬗ᭄ᬓᬶᬦ᭄᭞ᬧᬲᬃᬳᬕᬸᬂᬤᬶᬧᬗᬾᬬᬦ᭄᭟ᬫᬜ᭄ᬚᬸᬚᬸᬃᬧ᭄ᬭᬧ᭄ᬢᬵᬭᬶᬂᬧᬲᬃ᭞ᬕᬯᭀᬓ᭄ᬯᭀᬂᬧᬩᬾᬬᬦ᭄ᬲᬫᬶ᭞ᬧᬤᬵᬫᬗ᭄ᬭᬸᬜᬸᬂᬫᬢᬓᭀᬦ᭄᭞ᬯᭀᬂᬧᬸᬦᬧᬶᬚ᭄ᬭᭀᬦᬾᬭᬯᬸᬄ᭞ᬬᬾᬦ᭄ᬧ᭄ᬭᬕᬸᬲ᭄ᬢᬶᬬᬾᬦ᭄ᬧ᭄ᬭᬤᬾᬯ᭞ᬳᬶᬘᬳᬸ
ᬕᬶ᭞ᬕᬸᬲ᭄ᬢᬶᬗᬦ᭄ᬤᬶᬓᬵᬭᬶᬂᬢᬶᬢ᭄ᬬᬂ᭟ᬤᬸᬄᬩ᭄ᬮᬶᬢᬸᬳᬸᬯᭀᬂᬮᬭ᭞ᬫᬗᬸᬫ᭄ᬩᬭᬵᬲ᭄ᬓᬢ᭄ᬘᭂᬦᬶᬓ᭄᭞ᬢᬦᬶᬦᬯᬂᬤᬾᬰᬋᬓᭀ᭞ᬲᬕᬾᬢ᭄ᬤᬶᬦᬶᬚᬦᬶᬭᬯᬸᬄ᭞ᬤᬾᬰᬵᬧᬸᬦᬧᬶᬳᬤᬜᬵ᭞ᬦᬶᬓᬶᬜᬳᬶ᭞ᬫᬲᬯᬸᬢ᭄ᬤᬕᬗᬾᬤᬤ᭄ᬯ᭟ᬧ᭄ᬬᬦᬓ᭄ᬭᬤᬾ
ᬤᬾᬦ᭄ᬚᬤᬤ᭄ᬯ᭞ᬓ᭄ᬜᬸᬂᬓ᭄ᬜᬸᬂᬬᬵᬫᬫᬸᬜᬶ᭞ᬧᬩᬾᬬᬦ᭄ᬮᬶᬗ᭄ᬲᬭᬾᬋᬓᭀ᭞ᬳᬶᬩᬕᬸᬲ᭄ᬫᬗ᭄ᬓᬶᬦ᭄ᬫᬮᬸᬗ᭄ᬕᬸᬄ᭞ᬳᬓᬾᬄᬤᬕᬂᬧᬤᬵᬢ᭄ᬓᬵ᭞ᬮᬸᬄᬫᭀᬯᬦᬶ᭞ᬳᬧᬦ᭄ᬧᬶᬗᭂᬦᬦ᭄ᬗᭂᬩᭂᬓᬂ᭟ᬤᬯᬸᬄᬢ᭄ᬮᬸᬲᬗ᭄ᬳ᭄ᬬᬂᬲᬸᬃᬬ᭄ᬬ᭞ᬤᬕᬗᬾᬓᬓᬮᬶᬄ

[᭑᭘ 18A]
ᬧᬮᬶᬂ᭞ᬳᬶᬩᬕᬸᬲ᭄ᬓᬢᬸᬭᬦ᭄ᬭᭀᬓᭀ᭞ᬢᬸᬫ᭄ᬩᬾᬦ᭄ᬗᭂᬦᭀᬢ᭄ᬳᬦᬓ᭄ᬩᬕᬸᬲ᭄᭞ᬳᬓᬾᬄᬗᭂᬗ᭄ᬲᬧ᭄ᬭᬶᬂᬤᬕᬗᬦ᭄᭞ᬮᬾᬦ᭄ᬧᬓᬶᬲᬶ᭞ᬳᬤᬩ᭄ᬗᭀᬂᬦᬫ᭄ᬧ᭄ᬮᬶᬕ᭄ᬭᭀᬯᬂ᭟ᬳᬤᬢ᭄ᬓᬵᬲᬤᬵᬧ᭄ᬓᬲ᭄᭞ᬜᭀᬜᭀᬦ᭄ᬜᬦᬾᬧᬕᬸᬮᬩᬶᬃ᭞
ᬜᭀᬜᭀᬦᬾᬳᭂᬦ᭄ᬢᬸᬕ᭄ᬓᬩᬯᭀᬓ᭄᭞ᬫᬢᬓᭀᬦ᭄ᬫᬲᬯᬂᬚᬸᬚᬸᬢ᭄᭞ᬘᬳᬶᬢᬾᬢᭀᬗᬧᬳᬶᬧᬦ᭄᭞ᬢᬸᬫ᭄ᬩᬾᬦ᭄ᬤᬶᬦᬶ᭞ᬦᬶᬭᬯᭀᬂᬗᬸᬫ᭄ᬩᬭᬵᬳᬶᬧᬦ᭄᭟ᬦᬾᬫᬢᬓᭀᬦ᭄ᬫᬜ᭄ᬚᬚᬸᬢᬂ᭞ᬦᬶᬓᬵᬢᬾᬧᬸᬦᬧᬶᬦ᭄ᬘᬳᬶ᭞ᬓᬓᬵᬦᬶᬭᬵᬩᬶᬩᬶᬋ᭠
ᬓᭀ᭞ᬫᬗᬸᬤᬵᬘᬗ᭄ᬓᭂᬫᬾᬳᬶᬩᬸᬮ᭄᭞ᬢ᭄ᬓᬾᬦ᭄‌ᬘᬳᬶᬢ᭄ᬓᬲᬾᬗ᭄ᬮᬤ᭄᭞ᬩᭂᬗ᭄ᬓᬓ᭄ᬩᭂᬗ᭄ᬓᬶᬓ᭄᭞ᬫᬢᬦᬾᬫᬲᬯᬂᬚ᭄ᬦᬵᬃ᭟ᬧᬸᬦ᭄ᬱ᭄ᬫᬃᬫᬲᬯᬸᬢ᭄ᬩᬗ᭄ᬕ᭄ᬭᬲ᭄᭞ᬲᬩᬩᬶᬩᬶᬫ᭄ᬮᬄᬭᬯᬶᬢ᭄᭞ᬜᭀᬜᭀᬦᬾᬳᭂᬦ᭄ᬢᬸᬕ᭄ᬓᬩᬢᭀᬓ᭄᭞ᬳᭂᬤᬾᬄᬕᬍ᭠
ᬗᬂᬫᬢᬸᬭᬸ᭞ᬤᬵᬫᬗᬤᬾᬦ᭄ᬳᬯᬓ᭄ᬫᭂᬮᬄ᭞ᬓ᭄ᬫᬵᬫᬸᬮᬶᬄ᭞ᬫ᭄ᬓᬵᬳᬶᬦ᭄ᬳᬯᬓᬾᬤᬾᬦᬦ᭄᭟ᬭᬫᬾᬳᬦᬓᬾᬗ᭄ᬤᬾᬓᬂ᭞ᬳᬶᬤᬵᬳᬬᬸᬦᬾᬫᬳᬸᬦ᭄ᬢᬶᬓ᭄᭞ᬦᬾᬓᭀᬧᬾᬓ᭄ᬫᬓᬳᬤ᭄ᬕᬾᬗ᭄ᬱᭀᬄ᭞ᬧᬚ᭄ᬗᬄᬚ᭄ᬗᬄᬗᬜᬸᬢ᭄ᬜᬸᬢ᭄᭞ᬫᬮᬄ [ 19 ][᭑᭘ 18B]
᭑᭘
ᬓᬳᬶᬫᬦᬓᭀᬦᬂ᭞ᬳᬸᬮᬄᬫᬦᬸᬄ᭞ᬳᬶᬲ᭄ᬫᬃᬩᬸᬗ᭄ᬓᬸᬢ᭄ᬗᭂᬤᬾᬓᬂ᭟ᬳᬤᬵᬫᬮᬶᬄᬢᬸᬯᬵᬢᬸᬯᬵ᭞ᬫᬧᬸᬦ᭄ᬤᬸᬄᬧᬤᬵᬜᭂᬜᬧ᭄ᬮᬶᬓ᭄᭞ᬲᬸᬩᬢᬾᬢ᭄ᬯᬄᬳᬶᬘᬂᬳᭀᬗᭀᬄ᭞ᬓ᭄ᬦᭂᬳᬾᬤᬸᬓᬤᬶᬳᬶᬮᬸ᭞ᬫᬗᭂᬦᭀᬢ᭄ᬭᬸᬡᬦᬾᬩᬚᬂ᭞
ᬲᭂᬦ᭄ᬢᬾᬂᬭᬸᬗᬶᬄ᭞ᬓᬤᬶᬧᬸᬢ᭄ᬭᬶᬦᬾᬤᬶᬕᬫ᭄ᬩᬃ᭟ᬫᬩ᭄ᬭᬶᬬᬕ᭄ᬧᬤᬵᬜᬢᬸᬯᬵ᭞ᬦᬾᬦᬾᬤ᭄ᬳᭂᬤ᭄ᬳᭂᬳᬶᬫ᭄ᬩᬶᬄ᭞ᬦᬾᬦᬾᬳᬾᬤᬍᬫᬗᭂᬚᭀᬄ᭞ᬧᬓ᭄ᬦᭂᬳᬾᬲᬸᬩᬤᬶᬢᬸ᭞ᬧᬮᬶᬬᬢᬾᬲᬫ᭄ᬧᬸᬦ᭄ᬋᬗᬲ᭄᭞ᬓᬶᬭᬶᬕ᭄ᬓᬶᬭᬶᬕ᭄᭞ᬧᬤᬵᬫᬾᬲᭂᬫ᭄‌ᬗ᭄ᬮᬾ
ᬦᬂᬢᬶᬗ᭄ᬳᬮ᭄᭟ᬓ᭄ᬤᬾᬓᬾᬫᬮᬶᬄᬫᬩ᭄ᬭᬶᬬᬕ᭄᭞ᬦᬾᬦᬾᬤ᭄ᬳᬵᬤ᭄ᬳᬵᬳᬶᬫ᭄ᬩᬶᬄ᭞ᬳᬤᬦᬾᬦᬾᬩᬲᬂᬩᬾᬬᭀᬤ᭄᭞ᬫᬧ᭄ᬢᬵᬦᭂᬍᬓᬂᬤᬶᬢᬸ᭞ᬓᬢᬶᬫᬦ᭄ᬚᬳᬶᬘᬂᬩᬗ᭄ᬓᬲ᭄᭞ᬬᬾᬜᬓᬤᬶ᭞ᬳᭂᬜᬓ᭄ᬢ᭄ᬯᬄᬜᭂᬳᬶᬘᬂᬳᭂᬜᬓ᭄᭟ᬲᬸᬫ
ᬗ᭄ᬓᬶᬜᬩᬶᬬᬕ᭄ᬩᬶᬬᬕ᭄᭞ᬤᬶᬧᬩᬾᬬᬦ᭄ᬓᬸᬫᬮᬶᬮᬶ᭞ᬢᬦ᭄ᬓᭀᬘᬧᬸᬦᬂᬕᬸᬕᬸᬬᭀᬦ᭄᭞ᬩᬕᬸᬲᬸᬫ᭄ᬩᬭᬓᬯᬸᬯᬸᬲ᭄᭞ᬢᬸᬫᬸᬭᬸᬦ᭄ᬭᬭᬶᬲ᭄ᬫᬫᬃᬕ᭄ᬕᬵ᭞ᬳᬧᬲᬶᬲᬶ᭞ᬫᬬᭀᬭᭀᬕ᭄ᬚᬸᬓᬸᬂᬧᬦᬸᬗ᭄ᬕᬮ᭄᭟ᬫᬩ᭄ᬬᬃᬩ᭄ᬬᬭᬦ᭄ᬯᭀᬂᬧ

[᭑᭙ 19A]
ᬩᬾᬬᬦ᭄᭞ᬳᬓᬾᬄᬦᬸᬢᬸᬕ᭄ᬓᬧᬲᬶᬲᬶ᭞ᬳᬤᬵᬮᬩᬸᬄᬓᬚᬫ᭄ᬧᬾᬮᭀᬓ᭄᭞ᬮᬾᬦ᭄ᬤᬶᬩᬗᬯᬦ᭄ᬫᬲᬼᬫ᭄ᬧᬸᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬮᬬᬃ᭞ᬢᭀᬮᬶᬄᬢᭀᬮᬶᬄ᭞ᬲᬬᬦ᭄ᬳᭂᬚᭀᬄᬓ᭄ᬮᬧ᭄ᬓᭂᬮᬧ᭄᭟ᬮᬸᬄᬫ᭄ᬯᬦᬶᬧᬤᬫᬗᭂᬦᬂ᭞ᬳᬤᬲ᭄ᬤᭂᬕ᭄ᬳᬤᬦᬗᬶᬲ᭄᭞
ᬫᬓᬩᬸᬦ᭄ᬧᬥᬧᬚᭀᬗ᭄ᬓᭀᬓ᭄᭞ᬫᬗᬸᬮᬧᬶᬦ᭄ᬳᬯᬸᬂᬳᬯᬸᬂ᭞ᬳᬤᬫᬸᬮᬶᬄᬳᬤᬢ᭄ᬓᬵ᭞ᬓᬧᬲᬶᬰᬶ᭞ᬢᬦ᭄ᬓᭀᬘᬧᬯᭀᬂᬧᬩᬾᬬᬦ᭄᭟ᬩᬕᬸᬲᬸᬫ᭄ᬩᬭᬓᭀᬘᬧᬵ᭞ᬮᬶᬯᬢᬦ᭄ᬳᬭᬸᬗᬦ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬤᬦᬾᬢ᭄ᬯᬭᬓᬢᭀᬦ᭄᭞ᬓᬲᬦᬾ
ᬳᬦ᭄‌ᬚᬯᬸᬲᬫ᭄ᬧᬸᬦ᭄᭞ᬲᬧᬲᬃᬫᬗ᭄ᬓᬶᬦ᭄ᬮᬯᬲ᭄ᬦ᭄ᬬᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬧᬰᬶᬰᬶᬦ᭄‌ᬚᬫᬶᬦ᭄ᬢᭀᬭᬵ᭟ᬳᬸᬫᬸᬭᬸᬦ᭄ᬤᬦᬾᬭᬶᬂᬲᭀᬯᬦ᭄᭞ᬲ᭄ᬥᭂᬓ᭄ᬤᬾᬩ᭄ᬓᬸᬂᬫᬰᬶᬰᬶ᭞ᬗᬩᬧᭂᬜ᭄ᬘᬃᬫᬦᬸᬯᬗ᭄ᬓᭀᬤᭀᬢ᭄᭞ᬫᬫᬸᬜᬶᬢ᭄ᬓᬾᬦ᭄ᬦᬾᬳ᭄ᬮᬸᬄ᭞ᬤᬾᬄᬢᬫ᭄ᬧᬶᬤ
ᬦᬾᬫᬓ᭄ᬚᬂ᭞ᬓ᭄ᬫᬫᬸᬮᬶᬄ᭞ᬳᬶᬭᬢ᭄ᬥᬸᬳᬦᬾᬢ᭄ᬓᬵ᭟ᬦᬾᬳ᭄ᬮᬸᬄᬫᬸᬮᬶᬄᬢ᭄ᬓᭂᬤ᭄ᬚᬸᬫᬄ᭞ᬦᬾᬫ᭄ᬯᬦᬶᬳ᭄ᬦᬸᬫᬰᬶᬰᬶ᭞ᬫᬦ᭄ᬧᬸᬓᬶᬦ᭄ᬳᬦᬓ᭄ᬭᭀᬭᭀ᭞ᬤᬾᬩ᭄ᬓᬸᬂᬫᬢᬓᭀᬦ᭄ᬳᬮᬸᬲ᭄᭞ᬕᬸᬲ᭄ᬢᬶᬢᬾᬳᬸᬮᬶᬤᬶᬚᬳᬵ᭞ᬤᬾᬰᬗᬸᬲ᭄ᬢᬶ᭞ᬩᬕᬸᬲᬾ᭠ [ 20 ][᭑᭙ 19B]
᭑᭙
ᬩ᭄ᬬᬦᬵᬤᬧᬤᬵ᭟ᬳᬓᬾᬄᬫᬦ᭄ᬢ᭄ᬭᬶᬢᬯᬂᬢᬶᬢ᭄ᬬᬂ᭞ᬩ᭄ᬬᬦᬵᬓᬤᬶᬯᬃᬡ᭄ᬦᬵᬗᬸᬲ᭄ᬢᬶ᭞ᬳᬲᬶᬦ᭄ᬧᬸᬢ᭄ᬭᬦ᭄ᬫᬦ᭄ᬢ᭄ᬭᬶᬓᬯᭀᬢ᭄᭞ᬫᬦ᭄ᬢ᭄ᬭᬶᬦᬾᬤᬶᬩᬮᬶᬓᬲᬸᬩ᭄᭞ᬳᭀᬓᬦ᭄ᬭᬢᬸᬭᬶᬂᬓᭀᬭᬶᬧᬦ᭄᭞ᬓᭀᬘᬧ᭄ᬓᬶᬓ᭄᭞ᬩ᭄ᬬᬦᬵᬋᬓᬾᬧᬤᬵ
ᬧᬤᬵ᭟ᬦᬗ᭄ᬳᬶᬂᬩ᭄ᬬᬦᬵᬢᬶᬢ᭄ᬬᬂᬦᬯᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬩᬮᬶ᭞ᬲᬓᬾᬯᬮᬳᭀᬃᬢ᭄ᬣᬵᬋᬓᭀ᭞ᬢᬸᬢᬸᬃᬳᬦᬓ᭄ᬳᬸᬮᬶᬂᬳᬶᬮᬸ᭞ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬢᬸᬳᬸᬓᬓᬶ᭞ᬬᬾᬦ᭄ᬳᭀᬃᬢ᭄ᬣᬵᬦᬾᬲᬫ᭄ᬧᬸᬦᬶᬓᬵ᭟ᬤᬾᬩ᭄ᬓᬸᬂᬳᬮᭀᬦ
ᬗᬸᬘᬧ᭄᭞ᬳᬶᬤᬾᬯᬵᬓᭂᬚᬳᭂᬫᬗ᭄ᬓᬶᬦ᭄᭞ᬲᬶᬜᬓᬾᬳᬶᬤᬾᬯᬋᬓᭀ᭞ᬫᬦ᭄ᬢ᭄ᬭᬶᬭᬶᬂᬓᭀᬭᬶᬧᬦ᭄ᬭᬯᬸᬄ᭞ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬢᬸᬳᬸᬓᬓᬶ᭞ᬦᬶᬭᬳᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬦᬗ᭄ᬳᬶᬂᬢᬾᬓᬓᬶᬤᬵᬯᬾᬭᬵ᭞ᬮ᭄ᬯᬲ᭄ᬦᬶ
ᬭᬦᬾᬫᬜᬶᬮᬶᬩ᭄᭞ᬤᬾᬩ᭄ᬓᬸᬂᬢᬗ᭄ᬓᭂᬚᬸᬢ᭄ᬩᭂᬗᭀᬂ᭞ᬫᬜᬸᬫ᭄ᬩᬄᬲᬃᬯ᭄ᬯᬶᬫᬳᬢᬸᬃ᭞ᬧ᭄ᬮᬶᬄᬓᬾᬩᬦ᭄ᬢᬶᬢ᭄ᬬᬂᬦᬃᬓ᭄ᬓᬵ᭞ᬢ᭄ᬯᬄᬳᬶᬕᬸᬲ᭄ᬢᬶ᭞ᬲᬗ᭄ᬓᬦ᭄ᬢ᭄ᬯᬭᬵᬳᬦᬓ᭄ᬧᬤᬵ᭟ᬩ᭄ᬬᬦᬢᬶᬢ᭄ᬬᬂᬧᬸᬭᬸᬦ᭄ᬯᬾᬭᬵ᭞ᬲᬦ᭄ᬤᬶᬓᬦ᭄‌ᬕᬸᬲ᭄ᬢᬶᬫᬲ᭄ᬫ᭠

[᭒᭐ 20A]
ᬡ᭄ᬦᬶᬓ᭄᭞ᬦᬸᬦᬲᬶᬫ᭄ᬧᬂᬤᬸᬫᬸᬦ᭄ᬋᬓᭀ᭞ᬓᬚᬸᬫᬄᬢᬶᬢ᭄ᬬᬗᬾᬭᬢᬸ᭞ᬦᬗ᭄ᬳᬶᬂᬢᬶᬢ᭄ᬬᬂᬘᬗ᭄ᬕᬄᬚᬭᬓ᭄᭞ᬢᬶᬢ᭄ᬬᬂᬫᬶᬲ᭄ᬓᬶᬦ᭄᭞ᬳᬗ᭄ᬕᬾᬦ᭄ᬳᬶᬤᬾᬯᬓᬳᬸᬮᬵ᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬬᬾᬦ᭄ᬢ᭄ᬯᬄᬓᬓᬶᬲ᭄ᬳᭂᬫ᭄ᬚᬦᬶ᭞ᬦᬶᬭᬫᬦᬸᬳᬸᬢᬂᬋᬓᭀ᭞ᬩ
ᬋᬂᬢ᭄ᬓᬾᬦ᭄ᬓᬓᬶᬫᬦ᭄ᬢᬸᬓ᭄᭞ᬳᬗ᭄ᬕᬶᬦ᭄ᬚᬦᬶᬭᬧ᭄ᬬᬦᬓ᭄᭞ᬚᬸᬫᬄᬓᬓᬶ᭞ᬤᬾᬩ᭄ᬓᬸᬂᬳᬲᬯᬸᬃᬲᭂᬫ᭄ᬩᬄ᭟ᬢᬸᬫᬸᬮᬶᬄᬫᬦ᭄ᬢᬸᬓ᭄ᬱᬕ᭄ᬭᬳᬦ᭄᭞ᬢᬦ᭄ᬓᭀᬘᬧᬵᬭᬶᬂᬧᬲᬶᬰᬶ᭞ᬢ᭄ᬓᭂᬤ᭄ᬭᬶᬂᬳᬸᬫᬄᬦ᭄ᬬᬋᬓᭀ᭞ᬲᬕᬾᬢ᭄ᬘᬫᬸᬭᬸᬦᬾᬗᬮᬸᬧ᭄᭞ᬤᬾᬩ᭄ᬓᬸᬂ᭠
ᬳ᭄ᬮᬸᬄᬫᬜ᭄ᬚᬕ᭄ᬚᬕ᭄᭞ᬫᬦᬶᬜ᭄ᬚᭀᬯᬶᬦ᭄᭞ᬲᬕᬾᬢᬦᬾᬫ᭄ᬯᬦᬶᬢ᭄ᬓᬵ᭟ᬫᬢᬸᬢᬸᬢᬦ᭄ᬳᬦᬓ᭄ᬤᬤ᭄ᬯ᭞ᬕᬯᭀᬓ᭄ᬦᬾᬳ᭄ᬮᬸᬄᬗᬶᬯᬲᬶᬦ᭄᭞ᬜᬾᬦ᭄ᬘᬳᬶᬳᬦᬓᭂᬳᭂᬦ᭄ᬢᭀ᭞ᬲᬸᬓᬵᬲᬸᬓᬵᬭᬸᬧᬦᬶᬧᬸᬦ᭄᭞ᬤᬵᬜᬳᬶᬓᬾᬢᭀᬫᬧ᭄ᬢᬵ᭞
ᬲ᭄ᬤᬄᬳᬮᬶᬄ᭞ᬳᬶᬜ᭄ᬚᬮᬦ᭄ᬜᬳᬶᬫᬧ᭄ᬢᬵ᭟ᬲᬫ᭄ᬧᬸᬦ᭄ᬓᬳᬢᬸᬭᬦ᭄ᬲ᭄ᬤᬄ᭞ᬭᬤᬾᬦ᭄ᬫᬗᬚᭂᬗᬂᬭᬭᬶᬲ᭄᭞ᬦᬾ᭠ᬳ᭄ᬮᬸᬄᬭᬭᬶᬲ᭄ᬓᬧᬯᭀᬦ᭄᭞ᬫᬗᬯᬸᬓᬶᬦᬾᬦᬾᬓᬓᬸᬂ᭞ᬫᬳᬶᬢᬾᬘᬳᬶᬧᬤᬶᬤ᭄ᬬᬦ᭄᭞ᬦᬾᬦᬾᬫ᭄ᬯᬦᬶ᭞ᬓᬧᬯᭀ [ 21 ][᭒᭐ 20B]
᭒᭐
ᬦ᭄ᬭᬭᬶᬲ᭄ᬫᬜ᭄ᬚᬕ᭄ᬚᬕ᭄᭟ᬦᬾᬳ᭄ᬮᬸᬄᬫᬫᬦ᭄ᬢᭂᬕ᭄ᬢᬗ᭄ᬓᬄ᭞ᬮᬯᬸᬢ᭄ᬬᬫᬓᬶᬲᬶᬓᬶᬲᬶ᭞ᬦᬾᬫ᭄ᬯᬦᬶᬫᬫᬦ᭄ᬢᭂᬲ᭄ᬋᬓᭀ᭞ᬦᬾᬳ᭄ᬮᬸᬄᬫᬤᬾᬯᬭᬢᬸ᭞ᬦᬾᬫ᭄ᬯᬦᬶᬗᭀᬭᬳᬂᬓᬦ᭄ᬥᬵ᭞ᬳᬤᬸᬄᬜᬳᬶ᭞ᬳ᭄ᬤᬵᬜᬳᬶᬳᬶᬚᬦᬶᬯᬾᬭ᭟ᬤᬦᬾᬳᬸᬮᬶ
ᬤᬶᬓᭀᬭᬶᬧᬦ᭄᭞ᬳᬶᬓᬦ᭄ᬭᬢᬸᬦᬾᬤᬶᬩᬮᬶ᭞ᬧᬗᬦ᭄ᬤᬶᬓᬦ᭄ᬤᬦᬾᬋᬓᭀ᭞ᬳᬸᬮᬶᬘ᭄ᬦᬶᬓ᭄ᬤᬦᬾᬮᬫ᭄ᬧᬸᬲ᭄᭞᭠ᬢ᭄ᬯᬭᬦᬯᬂᬫᬾᬫᬾᬩᬧᬵ᭞ᬦᭂᬦᬾᬚᬦᬶ᭞ᬤᬦᬾᬦᬕᬶᬄᬦᬸᬤᬸᬓ᭄ᬧ᭄ᬬᬦᬓ᭄ᬦᬾᬳ᭄ᬮᬸᬄᬓᬦᬾᬮᬶᬯᬢ᭄᭞ᬦᬾᬫ᭄ᬯᬦᬶ
ᬫᬫᬦ᭄ᬢᭂᬲ᭄ᬫᬸᬜᬶ᭞ᬳ᭄ᬤᬵᬜᬳᬶᬘᬘᬮᭀᬤᭀᬄ᭞ᬫᬗᬬᬳᬶᬦ᭄ᬳᭀᬓᬦ᭄ᬭᬢᬸ᭞ᬤᬤᬳᬭᬦ᭄ᬳᬧᬂᬫ᭄ᬮᬄ᭞ᬳᬧᬂᬋᬲᬶᬓ᭄᭟ᬦᬾᬳ᭄ᬮᬸᬄᬭᬭᬶᬲ᭄ᬳᬗᬸᬘᬧ᭄᭞ᬘᬶᬜᬤᬦᬾᬫᬫ᭄ᬩᭂᬮᬲᬶᬦ᭄᭞ᬢᬸᬲᬶᬂᬤᬦᬾᬮ᭄ᬯᬵ
ᬲ᭄ᬋᬓᭀ᭞ᬦᬾᬳ᭄ᬮᬸᬄᬫᬤᬾᬯᬭᬢᬸ᭞ᬲᬸᬓᬢ᭄ᬯᬄᬦᬶᬭᬫᬫᬜ᭄ᬚᬓ᭄᭞ᬫᬗᬬᬳᬶᬦ᭄᭞ᬦᬶᬭᬲᬸ᭠ᬓᬵᬫ᭄ᬚᬂᬓᬃᬬ᭄ᬬᬵ᭟ᬦᬾᬳ᭄ᬮᬸᬄᬳᬾᬧᭀᬢ᭄ᬫᬜ᭄ᬚᬓᬦ᭄᭞ᬩᬶᬓᬲᬾᬢᬸᬳᬸᬳᬋᬰᬶᬓ᭄᭞ᬫᬓᬃᬬ᭄ᬬᬳᬚᭂᬗᬦ᭄ᬋ

[᭒᭑ 21A]
ᬓᭀ᭞ᬤᬤᬳᬭᬦ᭄ᬲᬃᬯ᭄ᬯᬵᬳᬮᬸᬲ᭄᭞ᬜᬦ᭄ᬤᬂᬳᬬᬸᬦᬦᬵᬓ᭄‌ᬫᬾᬦᬓ᭄᭞ᬍᬫᬄᬯ᭄ᬗᬶ᭞ᬫᬗ᭄ᬓᬶᬦ᭄ᬤᬦᬾᬓᬳᬢᬸᬭᬦ᭄᭟ᬲ᭄ᬓᬢᬾᬚᬦᬶᬫᬗ᭄ᬭᬱᬵ᭞ᬫᬫᬦ᭄ᬦᬸᬤᬸᬓ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬬᬦ᭄ᬲᬸᬕᬶᬄᬚᬦᬶᬋᬓᭀ᭞ᬢ᭄ᬯᬭᬓᬸᬭᬂᬧᬗᬦ᭄ᬓᬶᬦᬸᬫ᭄᭞ᬍᬯᬶᬄᬧᬗᬵ
ᬗ᭄ᬕᭀᬦᬾᬩᬸᬗᬄ᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬓᬮᬶᬄᬰᬰᬶᬄᬩᬜᬗ᭄ᬭᬓ᭄ᬱᬵ᭟ᬕ᭄ᬮᬶᬲ᭄ᬫᭂᬦ᭄ᬢᬄᬤᬾᬰᬤᬾᬰᬵ᭞ᬓᭀᬘᬧᭂᬦ᭄ᬤᬾᬩ᭄ᬓᬸᬂᬧᭀᬮᬶᬄ᭞ᬫᬦᬸᬤᬸᬓ᭄ᬧ᭄ᬬᬦᬓ᭄ᬭᭀᬭᭀ᭞ᬩᬸᬓᬵᬤᬾᬯᬦᬾᬢᬸᬫᬸᬭᬸᬦ᭄᭞ᬦᬾᬳᬤᬶᬳᬶᬩᭀᬘᭀᬓ᭄ᬧᬶᬲᬦ᭄᭞ᬩᭂᬗ᭄ᬓᬂ
ᬩᭂᬗ᭄ᬓᬶᬓ᭄᭞ᬲᬵᬫ᭄ᬧᬸᬦ᭄ᬮᬸᬫ᭄ᬭᬄᬬᬾᬦ᭄ᬤᬶᬚᬯᬵ᭟ᬳᬓᬾᬄᬳᬦᬓᬓᬶᬲᬶᬬᬂ᭞ᬮᬸᬄᬫ᭄ᬯᬦᬶᬢ᭄ᬤᬸᬦ᭄ᬫᬗᬶᬦ᭄ᬢᬶᬧ᭄᭞ᬩᬸᬤᬸᬄᬧ᭄ᬭᬤᬳᬦᬾᬋᬓᭀ᭞ᬤᬾᬩ᭄ᬓᬸᬗᬾᬲᬫ᭄ᬧᬸᬦ᭄ᬢᬸᬬᬸᬄ᭞ᬗᬮᬶᬳᬂᬧᬶᬲᬕ᭄ᬕᬵᬲ᭄ᬤᬄ᭞ᬲᬳᬶᬲᬳᬶ᭞ᬢ᭄ᬯᬭᬳᭂᬦᬧ᭄ᬤᭂᬳᬵᬢ᭄ᬓᬵ
᭟ᬳᬤᬮᬮᬶᬢ᭄ᬓᬾᬦ᭄ᬳᬸᬫᬄ᭞ᬦᬾᬦᬾᬧᭀᬗᬄᬫᬫᬳᭂᬓᬶᬦ᭄᭞ᬦᬾᬦᬾᬳᬾᬤᬍᬫᬗ᭄ᬚᭀᬄ᭞ᬧᬓ᭄ᬦᭂᬳᬾᬲᬫ᭄ᬧᬸᬦ᭄ᬳᬜᬸᬤ᭄᭞ᬓᬢ᭄ᬓᬦ᭄ᬫᬗ᭄ᬩᬸᬲ᭄ᬩᬳᬂ᭞ᬮᬳᬸᬢ᭄ᬧᬮᬶᬂ᭞ᬫᬸᬮᬶᬄᬢᭀᬂᬓᬢ᭄ᬧᬸᬓ᭄ᬫᬃᬕ᭄ᬕᬵ᭟ᬢᬦ᭄ᬓᭀᬘᬧ [ 22 ][᭒᭑ 21B]
᭒᭑
ᬯᭀᬂᬓᬾᬤᬦᬦ᭄᭞ᬯᬾᬦ᭄ᬢᭂᬦ᭄ᬲᬫ᭄ᬧᬸᬦ᭄ᬧᬶᬢᬸᬂᬲᬰᬶᬄ᭞ᬤᬾᬩ᭄ᬓᬸᬂᬫᬗᬸᬦ᭄ᬤᬸᬮ᭄ᬋᬓᭀ᭞ᬓᬯ᭄ᬓᬲ᭄ᬩᬳᬦ᭄ᬤᬾᬩ᭄ᬓᬸᬂ᭞ᬮᬸᬫ᭄ᬩ᭄ᬭᬄᬚᬦᬶᬓᬚ᭄ᬭᭀᬧᬸᬭᬵ᭞ᬓᭀᬘᬧ᭄ᬫᬗ᭄ᬓᬶᬦ᭄᭞ᬤᬾᬩ᭄ᬓᬸᬂᬫᬦᬸᬤᬸᬓ᭄ᬧ᭄ᬬᬦᬓ᭄᭟ᬤᬶᬳᭀᬃᬢ᭄ᬣᬵᬦᬾᬋᬓᭀᬤᬵ
ᬤ᭄ᬯ᭞ᬩᭀᬘᭀᬓ᭄ᬋᬓᬾᬦᬾᬳᬤᬶᬳᬶ᭞ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬫᬗ᭄ᬭᬯᭀᬲ᭄᭞ᬩᬾᬜ᭄ᬚᬂᬧᬲ᭄ᬫᭂᬗᬦ᭄ᬫᭂᬢᬸ᭞ᬫᬗ᭄ᬭᬭᬶᬲ᭄ᬓᬚᬩᬧᬶᬲᬦ᭄᭞ᬢᬸᬃᬫᬮᬶᬗ᭄ᬕᬶᬄ᭞ᬲᬂᬭᬢᬸᬭᬶᬂᬚᬫᬶᬦ᭄ᬢᭀᬭᬵ᭟ᬳᬮᬸᬗ᭄ᬕᬸᬄᬭᬶᬂᬚᬩᬧᬶᬲᬦ᭄᭞ᬧᬸᬦᬋᬓ᭄ᬤᬾᬦᬶᬂᬧ᭄ᬭ᭠
ᬫᬦ᭄ᬢ᭄ᬭᬶ᭞ᬓᬤᬾᬳᬦᬶᬭᬦᭀᬫ᭄ᬫᬦᬶᬫ᭄᭞ᬳᬸᬦ᭄ᬤᬂᬧᬢᬶᬄᬲᬫᬵᬭᬯᬸᬄ᭞ᬳᬮᬸᬗ᭄ᬕᬸᬄᬳᬚᬚᬃᬚᬚᬃ᭞ᬳᬍᬧᬰ᭄ᬭᬶ᭞ᬲᬂᬦᬵᬣᬮᬶᬗᬶᬭᬗᬸᬘᬧ᭄᭟ᬤᬸᬄᬲᬶᬭᬧᬢᬶᬄᬧ᭄ᬭᬲᬫᬵ᭞ᬓᬾᬦ᭄ᬓᬾᬦ᭄‌ᬚᬦᬶᬩᬦ᭄ᬗ᭄ᬭᬲᬦᬶᬦ᭄᭞ᬓᬳᬶᬦᬶᬗᭂᬄ᭠
ᬳᭀᬃᬢ᭄ᬯᬵᬋᬓᭀ᭞ᬓᭀᬘᬧᬜᭂᬬᬤᬾᬩ᭄ᬓᬸᬂ᭞ᬫᬦᬸᬤᬸᬓ᭄ᬧᬶᬬᬦᬓ᭄ᬤᬤ᭄ᬯ᭞ᬦᬾᬳᬤᬶᬳᬶ᭞ᬩᬕᬸ᭠ᬲ᭄ᬋᬓᬾᬢ᭄ᬯᬭᬧᬤᬵ᭟ᬲᬸᬫᬯᬸᬃᬧᬢᬶᬄᬧ᭄ᬭᬲᬫᬵ᭞ᬬᬓ᭄ᬢᬶᬲᬵᬫ᭄ᬧᬸᬦᬶᬓᬵᬫᬗ᭄ᬓᬶᬦ᭄᭞ᬓᬤᬶᬳᬦ᭄ᬤᬶᬓᬦ᭄ᬲᬂᬓᬢᭀᬂ

[᭒᭒ 22A]
᭞ᬳ᭄ᬦᬄᬮᬫᬸᬦ᭄ᬓᬾᬢᭀᬢᬸᬳᬸ᭞ᬤᬾᬩ᭄ᬓᬸᬂᬕ᭄ᬮᬶᬲᬂᬳᬸᬦ᭄ᬤᬂ᭞ᬓᭀᬦ᭄ᬓᭀᬦ᭄ᬫᬳᬶ᭞ᬳᬧᬂᬩᬋᬂᬧᬶᬬᬦᬓ᭄ᬜᬵ᭟ᬲᬂᬧᬢᬶᬄᬩᬋᬂᬫᬫᬃᬕ᭄ᬕᬵᬢᬦ᭄ᬓᭀᬘᬧᬵᬬᬭᬶᬂᬫᬃᬕ᭄ᬕᬶ᭞ᬓᬚᬸᬫᬄᬤᬾᬩ᭄ᬓᬸᬂᬗᭀᬚᭀᬕ᭄᭞ᬤᬧᭂᬢ᭄ᬤᬾᬩ᭄ᬓᬸᬂᬫᬮᬸᬗ᭄ᬕᬸᬄ᭞ᬲᬋᬂᬮᬦ᭄ᬩᬕᬸᬲᬸᬫ᭄ᬩᬭᬵ᭞᭠
ᬲᬶᬭᬵᬧᬢᬶᬄ᭞ᬕᬯᭀᬓ᭄ᬢᬸᬫᭀᬦ᭄ᬭᬶᬂᬭᬳᬤ᭄ᬬᬦ᭄᭟ᬲᬸᬯᬾᬳᬗᬤᭂᬕ᭄ᬭᬶᬂᬦᬢᬃ᭞ᬤᬾᬩ᭄ᬓᬸᬂᬢᬸᬫᬸᬭᬸᬦ᭄ᬳᬕ᭄ᬮᬶᬲ᭄᭞ᬢᬸᬫᬸᬮᬶᬄᬫᬜᬧᬳᬮᭀᬦ᭄᭞ᬧᬭᬦ᭄ᬓᬃᬬ᭄ᬬᬦ᭄ᬕᬸᬲ᭄ᬢᬶᬭᬯᬸᬄ᭞ᬳᬶᬧᬢᬶᬄᬮᬶᬗᬶᬭᬗᬸᬘᬧ᭄᭞ᬳᬤᬸᬄᬓᬓᬶ᭞ᬦᬶᬭᬳᬸᬢᬸᬲᬦ᭄ᬲᬂᬦᬵᬣᬵ
᭟ᬧᬗᬦ᭄ᬤᬶᬓᬦᬾᬲᬂᬦᬵᬣ᭞ᬓᬩᬜ᭄ᬘᬶᬗᬄᬋᬓᬾᬓᬓᬶ᭞ᬳᬚᬓ᭄ᬧ᭄ᬬᬦᬓ᭄ᬫ+(ᬧᬦ᭄)ᬋᬓᭀ᭞ᬧᬗᬦ᭄ᬤᬶᬓᬵᬦ᭄ᬥᬲᬗ᭠ᬧ᭄ᬭᬪᬹ᭞ᬳᬧᬂᬫᬓᬵᬤᬤ᭄ᬯᬳᬚᬓ᭄᭞ᬳᬧᬂᬚᬦᬶ᭞ᬤᬾᬩ᭄ᬓᬸᬂᬤᬶᬢᬸᬫᬓᭂᬲ᭄ᬬᬩ᭄᭟ᬩ᭄ᬬᬦᬵᬢᬶᬢ᭄ᬬᬂᬫᬤᬸᬯᬾᬧ᭄ᬬᬦᬓ᭄᭞ᬧᬸ
ᬦᬶᬓᬶᬤᬦᬾᬓᬵᬓᬵᬮᬶᬄ᭞ᬢᬫ᭄ᬬᬸᬓᭀᬘᬧ᭄ᬳᬸᬮᬶᬂᬳᭂᬚᭀᬄ᭞ᬦᬗ᭄ᬳᬶᬂᬩ᭄ᬬᬦᬵᬢᬶᬢ᭄ᬬᬂᬯ᭄ᬭᬸᬄ᭞ᬤᬦᬾᬋᬓᬾᬫᬗᬸᬫ᭄ᬩᬭᬵ᭞ᬲ᭄ᬓᬢ᭄ᬳᬮᬶᬢ᭄᭞ᬯᬾᬦ᭄ᬢᭂᬦ᭄ᬩᬯᬸᬧᬶᬢᬸᬩᬸᬮᬦ᭄᭟ᬤᬦᬾᬤᭂᬭᬶᬓᬶᬢᬸᬶᬭᬶᬂᬢᬶᬢ᭄ᬬᬂ᭞ᬳᬗ᭄ᬕᬾᬦ᭄ᬢᭀᬢ᭄ᬬᬂᬲᬗ᭄ᬕᬄ [ 23 ][᭒᭒ 22B]
᭒᭒
ᬚᬢᬶ᭞ᬤᬾᬩ᭄ᬓᬸᬂᬳᭂᬮᬸᬄᬫᬗᭂᬢᭀᬃ᭞ᬩᬦᬾᬓᬫ᭄ᬩᬶᬮ᭄‌ᬩᬗ᭄ᬲᬧ᭄ᬭᬪᬹ᭞ᬓᬶᬧᬢᬶᬄᬳᬮᬶᬦ᭄ᬳᬗᬸᬘᬧ᭄᭞ᬳᭂᬦ᭄ᬢᭀᬚᬦᬶ᭞ᬓ᭄ᬭᬡᬵᬫᬫᬦ᭄ᬫᬤ᭄ᬯᬾᬧ᭄ᬬᬦᬓ᭄᭟ᬚᬦᬶᬓᬾᬓᬓᬶᬫᬚᬮᬦ᭄᭞ᬳᬶᬗ᭄ᬕᬶᬄᬫᬃᬕ᭄ᬕᬶᬳᬶᬧᬦ᭄ᬕᬸᬲ᭄ᬢᬶ᭞ᬳᬶᬧᬢᬶᬄᬲᬋᬂᬲ
ᬭᭀᬭᭀᬦ᭄᭞ᬢ᭄ᬓᬵᬤᬶᬩᬜ᭄ᬘᬶᬗᬄᬲᬫ᭄ᬧᬸᬦ᭄᭞ᬓᬭᬶᬧᭂᬧᭂᬓ᭄ᬧᬦᬗ᭄ᬓᬶᬮᬦ᭄᭞ᬲᬶᬭᬧᬢᬶᬄ᭞ᬫᬢᬸᬃᬭᬶᬂᬲᬶᬭᬲᬂᬦᬝᬵ᭟ᬧᬸᬦᬶᬓᬶᬧᬜ᭄ᬚᬓ᭄ᬳᬶᬤᬾᬯᬵ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬭᬶᬲ᭄᭞ᬓᬳᬶᬦᬶᬗᭂᬄᬳᭀᬃᬢ᭄ᬣᬵᬋᬓᭀ᭞ᬓᭀᬘᬧ᭄ᬤᬾᬩ᭄ᬓᬸᬂᬫᬦ᭄ᬤᬸᬤᬸ
ᬓ᭄᭞ᬧ᭄ᬬᬦ᭄ᬋᬓᬾᬢ᭄ᬯᬄᬤᬤ᭄ᬯ᭞ᬦᬾᬳᬤᬶᬳᬶ᭞ᬩᬕᬸᬲᬾᬢ᭄ᬯᬭᬫᬫᬤᬵ᭟ᬤᬾᬩ᭄ᬓᬸᬂᬫᬢᬸᬃᬳᬦᭂᬫ᭄ᬩᬄ᭞ᬧᬸᬦᬧᬶ᭠ᬓᬃᬬ᭄ᬬᬦᬺᬧᬢᬶ᭞ᬗᬦ᭄ᬤᬶᬓᬬᬂᬢᬶᬢ᭄ᬬᬂᬋᬓᭀ᭞ᬲᬂᬧ᭄ᬭᬪᬸᬳᬮᬶᬦ᭄ᬳᬫᬸᬯᬸᬲ᭄᭞ᬳᬤᬢ᭄ᬯᬄᬜᬕᬯᬾᬦᬶᬭ᭞ᬲᬤᬵ᭠
ᬕᬢᬶ᭞ᬓᬳᬶᬬᬾᬦ᭄ᬫᬦ᭄ᬤᬶᬗᭂᬄᬯᭀᬃᬢ᭄ᬣᬵ᭟ᬳᬶᬩᬵᬦᬸᬤᬸᬓ᭄ᬧ᭄ᬬᬦᬓ᭄ᬤᬤ᭄ᬯ᭞ᬩᬕᬸᬲ᭄ᬋᬓᬾᬦᬾᬳᬤᬶᬳᬶ᭞ᬦᬾᬳᬯᬸᬓᬸᬤ᭄ᬋᬓᭀᬩᭀᬘᭀᬓ᭄᭞ᬤᬾᬩ᭄ᬓᬸᬂᬳᬦᭂᬫ᭄ᬩᬄᬫᬢᬸᬃ᭞ᬬ᭄ᬯᬓ᭄ᬢᬶᬭᬢᬸᬲᬫ᭄ᬧᬸᬦᬶᬓᬵ᭞ᬓ᭄ᬫᬵᬫᬸᬮᬶᬄ᭞ᬳᬚᬓ᭄ᬫ

[᭒᭓ 23A]
ᬳᬶᬫᬓᬵᬤᬤ᭄ᬯ᭟ᬲᬦ᭄ᬤᬶᬓᬵᬦ᭄ᬳᬶᬤᬵᬲᬂᬦᬵᬣ᭞ᬢᬶᬢ᭄ᬬᬂᬬᬾᬦ᭄ᬫᬗ᭄ᬓᬶᬦ᭄ᬫᬧᬫᬶᬢ᭄᭞ᬓ᭄ᬫᬵᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬋᬓᭀ᭞ᬤᬾᬩ᭄ᬓᬸᬂᬫᬸᬮᬶᬄᬗᬜᬸᬢ᭄ᬜᬸᬢ᭄᭞ᬢᬦ᭄ᬓᭀᬘᬧᬜᬤᬶᬚᬮᬦ᭄᭞ᬢᬫ᭄ᬧᭂᬓ᭄ᬫᬗ᭄ᬓᬶᬦ᭄᭞ᬭᬶᬂᬳᬸᬫᬄᬜᬵᬕᬕ᭄ᬮᬶᬲᬦ᭄᭟ᬩᬕᬸᬲᬸᬫ᭄ᬩᬭᬵᬓᭀᬘᬧᬵ᭞ᬲᬫ᭄ᬧᬸᬦ᭄ᬤᬦᬾᬳᬢᬶᬳᬢᬶ᭞ᬗᬸᬤᬵᬳᬶᬓᬓᬶᬫᬓ᭄ᬮᭀ᭞ᬤᭂᬩ᭄ᬓᬸᬂᬳᬮᬸᬲ᭄ᬳᬫᬸᬯᬸᬲ᭄᭞ᬳᬢᬶᬦ᭄ᬢᬶᬢ᭄ᬬᬗᬾᬫᬓᭂᬲ᭄ᬬᬕ᭄᭞ᬫᬶᬭᬶᬩ᭄ᬕᬜ᭄ᬚᬶᬄ᭞ᬳᬶᬤᬾᬯᬵᬫᬗ᭄ᬓᬶᬦ᭄ᬭᬶᬂᬢᬶᬢ᭄ᬬᬂ᭟ᬲᬕᬾᬢᬦ᭄ᬤᬾᬩ᭄ᬓᬸᬂᬢ᭄ᬓᬵ᭞ᬦᬾᬳ᭄ᬮᬸᬄᬳᬾᬯᬵᬜ
ᬕ᭄ᬚᬕᬶᬦ᭄᭞ᬓᬾᬦ᭄ᬓᬾᬦ᭄ᬓᬬᬸᬦᬾᬲᬂᬓᬢᭀᬂ᭞ᬧᬲ᭄ᬤᭂᬕ᭄ᬱ᭄ᬤᭂᬕ᭄‌ᬦᬾᬓᬓᬸᬂ᭞ᬓᬢᬸᬗ᭄ᬕᬮᬶᬦ᭄ᬢᬦᬶᬩᬕ᭄ᬬᬵ᭞ᬕᬸᬲ᭄ᬢᬶᬦ᭄ᬜᬳᬶ᭞ᬳᬚᬓ᭄ᬋᬓᭀᬓᬩᬜ᭄ᬘᬶᬗᬄ᭟ᬓᬤᬸᬕᬵᬗᭂᬫ᭄ᬩᭂᬂᬬᬾᬄᬫᬢᬵ᭞ᬦᬾᬩ᭄ᬓᬸᬗᬾᬮᬸᬄᬫᭀᬯᬦᬶ᭞ᬤᬸᬄᬩᬶᬩᬶᬫᬫᬦ᭄ᬤᬵᬓᬾ
ᬢᭀ᭞ᬲᬤ᭄ᬬᬦᬶᬭᬗᬮᬶᬄᬧ᭄ᬭᬪᬸ᭞ᬳᬧᬂᬓᬭ᭄ᬯᬦᬾᬦᬾᬓᬸᬫᬵ᭞ᬦᬾᬦᬾᬢᬦᬶ᭞ᬳᭂᬦ᭄ᬢᭀᬦᬾᬲᬤ᭄ᬬᬬᬂᬦᬶᬭᬵ᭟ᬤᬾᬩ᭄ᬓᬸᬂᬮᬸᬄᬫ᭄ᬯᬦᬶᬜᬸᬫ᭄ᬩᬄ᭞ᬲᬦ᭄ᬤᬶᬓᬵᬦ᭄ᬕᬸᬲ᭄ᬢᬶᬫᬲ᭄ᬫᬡᬶᬓ᭄᭞ᬦᬾᬄᬓᬓᬶᬫᬡᬶᬓᬾᬭᭀᬭᭀ᭞ᬲᬶᬓᭂᬧ᭄ᬫᬫᬜ᭄ᬘᬃ [ 24 ][᭒᭓ 23B]
᭒᭓
ᬲᬸᬳᬸᬓ᭄᭞ᬳᬧᬂᬓᬓᬶᬧᭀᬮᬶᬄᬓᬢᬄ᭞ᬲᬳᬶᬲᬳᬶ᭞ᬤᬾᬩ᭄ᬓᬸᬂᬮᬸᬄᬫ᭄ᬯᬦᬶᬲᬸᬓᬵ᭟ᬮᬫᬸᬦ᭄ᬓᬓᬶᬗᬦ᭄ᬢ᭄ᬬᬂᬮᬸᬯᬲ᭄᭞ᬫᬫᬜ᭄ᬘᬃᬳᬶᬬᬩᬸᬢᬶᬢᬶᬢ᭄᭞ᬤᬾᬩ᭄ᬓᬸᬂᬫᬦᬗ᭄ᬕᬧ᭄ᬳᬮᭀᬦ᭄᭞ᬦᬸᬦᬲ᭄ᬢᬶᬢ᭄ᬬᬂᬤᬾᬯᬵᬭᬢᬸ᭞ᬳᬶᬤᬾᬯᬵᬫᬶᬘᬬᬂᬩᬕ᭄ᬬᬵ᭞
ᬳᬶᬘᬲᬡ᭄ᬥᬶ᭞ᬤᬸᬫᬤᬓ᭄ᬢᬶᬢ᭄ᬬᬂᬫᬕ᭄ᬮᬄ᭟ᬢᬸᬫᬸᬮᬶᬄᬭᬭᬶᬲ᭄ᬫᬫᬃᬕ᭄ᬕᬵ᭞ᬤᬾᬩ᭄ᬓᬸᬂᬓᬓᬸᬂᬭᬶᬂᬫᬶᬳᬶᬦ᭄᭞ᬦᬾᬳ᭄ᬮᬸᬄᬤᬶᬚᬸᬫᬄᬩ᭄ᬗᭀᬂ᭞ᬓ᭄ᬮᬧ᭄ᬓᭂᬮᬧ᭄ᬲᬗ᭄ᬳᬵᬩᬕᬸᬲ᭄᭞ᬢᬦ᭄ᬓᭀᬘᬧᬜᬵᬭᬶᬂᬳᬸᬫᬄ᭞ᬢᬫ᭄ᬧᭂᬓ᭄ᬫᬗ᭄ᬓᬶᬦ᭄᭞ᬩᬜ᭄ᬘᬶᬗᬳᬾᬲᬫ᭄ᬧᬸᬦ᭄ᬗᭂᬦᬄ᭟᭠
ᬮ᭄ᬬᬸᬳᬦᬓᬾᬫᬧᬧᬲ᭄᭞ᬧᬤᬵᬕᬯᭀᬓ᭄ᬳᬦᬶᬗᬮᬶᬦ᭄᭞ᬩ᭄ᬦᭂᬄᬓᬾᬯᭀᬃᬢ᭄ᬣᬵᬦᬾᬋᬓᭀ᭞ᬤᭂᬩ᭄ᬓᬸᬂᬫᬧ᭄ᬬᬦᬓ᭄ᬩᬕᬸᬲ᭄᭞ᬭᬸᬧᬦᬾᬮ᭄ᬯᬶᬃᬬᬂᬗᬲ᭄ᬫᬵᬭᬵ᭞ᬫᬦᬶᬲ᭄ᬩᬗ᭄ᬓᬶᬢ᭄᭞ᬧᬦ᭄ᬢᭂᬲ᭄ᬧᬶᬓᬸᬮ᭄ᬩᬦ᭄ᬚᭀᬮᬶᬫᬲ᭄᭟ᬲᬗ᭄ᬓᬜᬵᬯᭀᬃᬢ᭄ᬣᬵ
ᬦᬾᬮᬸᬫ᭄ᬭᬄ᭞ᬤᬶᬚᬩᬵᬗ᭄ᬭᬭᬶᬲ᭄ᬓᬧᬸᬭᬶ᭞ᬳᬓᬾᬄᬳᬦᬓ᭄ᬧᭂᬲᬸᬦᬶᬜ᭄ᬚᭀ᭞ᬤᬶᬫᬃᬕ᭄ᬕᬦᬾᬧᬩᬶᬬᬬᬸ᭞ᬮᬸᬄᬫ᭄ᬯ᭠ᬦᬶᬧᬤᬓᬾᬤᬦᬦ᭄᭞ᬫᬦᬶᬜ᭄ᬚᭀᬯᬶᬦ᭄᭞ᬲᬫᬶᬬᬢ᭄ᬯᬄᬧᬤᬵᬕᬸᬫᬲ᭄᭟ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄ᭞ᬲᬂᬧ᭄ᬭ

[᭒᭔ 24A]
ᬪᬸᬫᭂᬦ᭄ᬤᬵᬓᬶᬂᬮᬶᬭᬶᬂ᭞ᬢᬸᬫᬸᬮᬶᬄᬗᬦ᭄ᬤᬶᬓᬵᬳᬮᭀᬦ᭄᭞ᬘᬳᬶᬓᭀᬬᬾᬦ᭄ᬩᬕᬸᬲ᭄ᬭᬯᬸᬄ᭞ᬫᬳᬶᬫᬗ᭄ᬭᬭᬶᬲ᭄ᬫᭂᬦᬾᬓᬦ᭄᭞ᬫᬓᬵᬓᬮᬶᬄ᭞ᬤᬶᬦᬶᬩᬋᬂᬢ᭄ᬓᬾᬦ᭄ᬩᬧᬵ᭟ᬩᬕᬸᬲᬸᬫ᭄ᬩᬭᬵᬫᬫᬶᬦ᭄ᬤᬄ᭞ᬩᬗ᭄ᬕᬬᬂᬢᭀᬢ᭄ᬬᬂᬳᬶᬭᬶᬓᬶ᭞ᬳᬶᬭᬶᬓᬳᬶᬤᬵᬲᬂᬓ
ᬢᭀᬂ᭞ᬲᬂᬭᬢᬸᬕᬶᬫᬶᬄᬢᬸᬫᬸᬭᬸᬦ᭄᭞ᬲᬋᬂᬫᬮᬸᬗ᭄ᬕᬸᬄᬭᬶᬂᬦᬢᬃ᭞ᬧᬭᬫᬦ᭄ᬢ᭄ᬭᬶ᭞ᬧ᭄ᬭᬤᬾᬯᬲᬧᬶᬸᬫᬶᬢᬸᬳᬸᬦᬦ᭄᭟ᬳᬮᬸᬗ᭄ᬕᬸᬄᬲᬫᬶᬭᬶᬂᬦᬢᬃ᭞ᬕᬯᭀᬓ᭄ᬫᬦ᭄ᬢ᭄ᬭᬶᬦᬶᬗᬮᬶᬦ᭄᭞ᬧᬺᬤᬾᬯᬵᬮᬯᬦ᭄ᬲᬂᬓᬢᭀᬂ᭞ᬧᬢᬶᬄᬦᬶᬸᬕᬯᭀᬓ᭄ᬧᬤᬵᬦ᭄ᬥᬸᬮᬸ᭞
ᬲᬫ᭄ᬧᬸᬦ᭄ᬫᬯᭀᬃᬢ᭄ᬣᬵᬓᬧᬸᬭᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬤᬦᬾᬤᬶᬩᬜ᭄ᬘᬶᬗᬄ᭟ᬳᬓᬾᬄᬯᭀᬂᬚ᭄ᬭᭀᬓᬚᬩᬵ᭞ᬚᭂᬚᭂᬮ᭄ᬤᬶᬯᬗᬦᬶᬗᬮᬶᬦ᭄᭞ᬤᬶᬲ᭄ᬮᬕᬦ᭄ᬩᬢᬶᬲ᭄ᬫᬦ᭄ᬤᬵᬮᭀᬓ᭄᭞ᬳᬤᬵᬫ᭄ᬦᬾᬓ᭄ᬫᭂᬦᬾᬓ᭄ᬮᬩᬸᬄ᭞ᬢᬧᬶᬄᬜᬦᬾᬲᬶᬗ᭄ᬲᬮ᭄ᬲᬶ
ᬗ᭄ᬲᬮ᭄᭞ᬳᬤᬵᬳᬶᬮᬶᬤ᭄᭞ᬢᭀᬂᬫᬩᬳᬦ᭄ᬫᬗᬯᬲᬂ᭟ᬳᬤᬵᬮᬯᬸᬢ᭄ᬫᬳᬶᬩᬸᬓᬦ᭄᭞ᬲᬮᬾᬂᬲᬸᬯᬮ᭄ᬲᬮᬾᬂᬢᬶᬕ᭄ᬢᬶᬕ᭄᭞ᬓᬢᬍᬲ᭄ᬢᬗᬶᬲᬾᬋᬓᭀ᭞ᬲ᭄ᬮᬾᬂᬕ᭄ᬢᭂᬮ᭄ᬲᬲ᭄ᬮᬾᬂᬲᬸᬳᬸᬕ᭄᭞ᬧᬤᬵᬗᬸᬮᬳᬂᬫᬦᬯᬂ᭞ᬳᬤᬵᬗ᭄ᬮᬶᬂ᭞ [ 25 ][᭒᭔ 24B]
᭒᭔
ᬳᬤᬵᬮᬩᬸᬄᬲᬸᬳᬸᬕ᭄‌ᬭᭀᬯ᭄ᬯᬂ᭟ᬲᬂᬧ᭄ᬭᬪᬹᬮᬶᬗᬶᬭᬗᬸᬘᬧ᭄᭞ᬩᭀᬬᬩᬧᬵᬳᬤᬳᬸᬦᬶᬂ᭞ᬳ᭄ᬤᬵᬩᬕᬸᬲ᭄ᬜᬮᬄᬭᬯᭀᬲ᭄᭞ᬩᬧᬵᬢ᭄ᬯᬄᬫᬢᬓᭀᬦ᭄ᬫᬮᬸ᭞ᬘᬳᬶᬢᬾᬳᬸᬮᬶᬤᬶᬚᬵᬳᬵ᭞ᬕᬸᬭᬸᬦ᭄ᬘᬳᬶ᭞ᬲᬶᬜᭂᬓᬭᬶᬯᬃᬕ᭄ᬕᬶᬦ᭄ᬩ
ᬧᬵ᭟ᬩᬕᬸᬲᬸᬫ᭄ᬩᬭᬳᬗᬸᬘᬧ᭄᭞ᬩᭀᬬᬢᬶᬢ᭄ᬬᬂᬳᬦᬓ᭄ᬱᬶᬗ᭄ᬕᬶᬄ᭞ᬢᬶᬢ᭄ᬬᬂᬯᭀᬂᬓᬮᬭᬦ᭄ᬋᬓᭀ᭞ᬲ᭄ᬓᬢ᭄ᬘᭂᬦᬶᬓ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬢᬦᬶᬯᬂᬫᬾᬫᬾᬩᬧᬵ᭞ᬓ᭄ᬭᬫᬵᬧᬓ᭄ᬱᬶ᭞ᬲᬶᬂᬚᬮᬦ᭄ᬢᬶᬢ᭄ᬬᬂᬧ᭄ᬢᭂᬗᬦ᭄᭟ᬭᬗ᭄ᬓᬸᬂᬓᬗᭂᬦᬾᬲᬂᬦᬵᬣᬵ᭞
ᬳᬗ᭄ᬭᬸᬗᬸᬳᬸᬚᬃᬢ᭄ᬯᬦᬶ᭄ᬲᬶᬸᬦ᭄ᬫᬦ᭄ᬢ᭄ᬭᬶ᭞ᬳᬦ᭄ᬤᭂᬕᬂᬓᬸᬢᬸᬭᬂᬋᬓᭀ᭞ᬓᬗᭂᬦ᭄ᬲᬦ᭄ᬩᬧᬵᬫᬗ᭄ᬭᬸᬗᬸ᭞ᬩᬮᬶᬓ᭄ᬮᬫᬸᬦ᭄ᬘᬳᬶ᭠ᬲᬸᬓᬵ᭞ᬲᬓᬾᬂᬚᬢᬶ᭞ᬤᬾᬦᬶᬂᬩᬧᬧᬸᬢᬸᬂᬧᬶᬲᬦ᭄᭟ᬘᬳᬶᬳᬶᬗ᭄ᬕᭀᬦ᭄ᬩᬧᬧ᭄ᬬᬦᬓ᭄᭞ᬫᬶᬦᬓᬵᬲ᭄ᬓᬃᬦᬵᬕᬭᬶ᭞ᬳᬧᬵ
ᬚᬓᬬᬸᬦᬾᬋᬓᭀ᭞ᬘᬳᬶᬫᬜᬓ᭄ᬭᬦᬕᬦ᭄ᬢᬸᬦ᭄᭞ᬳᬧᬚᬬᬾᬦ᭄ᬘᬳᬶᬓᬸᬭᬂ᭞ᬦᬤ᭄ᬬᬦ᭄ᬧᬸᬢ᭄ᬭᬶ᭞ᬳᭀ᭠ᬓᬦ᭄ᬭᬢᬸᬦᬾᬳᬸᬢ᭄ᬢᬵᬫ᭟ᬬᬾᬦ᭄ᬘᬳᬶᬲᬸᬓᬵᬓᬾᬦ᭄ᬩᬧᬵ᭞ᬩᬧᬵᬮᬫ᭄ᬧᬭᬗ᭄ᬳᬵᬘᬳᬶ᭞ᬧᬸᬢ᭄ᬭᬶᬳᭀᬓᬦ᭄ᬭᬢᬸᬓᬯᭀᬢ᭄

[᭒᭕ 25A]
ᬫ᭄ᬮᬳᬾᬲᬸᬩᬫᬫᬸᬧᬸᬢ᭄᭞ᬳᬓᬾᬄᬧ᭄ᬭᬫᬦ᭄ᬢ᭄ᬭᬶᬗᬋᬧᬂ᭞ᬢᬸᬃᬫᬫᬤᬶᬓ᭄᭞ᬩ᭄ᬭᬳ᭄ᬫᬵᬡᬫ᭄ᬯᬄᬧᬭᬤᬾᬯᬵ᭟ᬳᬤᬵᬲᬫ᭄ᬧᬸᬦ᭄ᬓᬯᭀᬩ᭄ᬮᬄ᭞ᬦᬾᬫᬗ᭄ᬮᬫᬃᬢᬦ᭄ᬓᬢᬫ᭄ᬧᬶ᭞ᬫᬫᬸᬧᬸᬢ᭄ᬱᬜ᭄ᬘᬤᬾᬋᬓᭀ᭞ᬭᬤᬾᬦ᭄ᬕᬮᬸᬄᬭᬶᬂᬜ᭄ᬚᭀᬂᬩᬶᬭᬸ᭞ᬤᬶᬚᬯ
ᬩ᭄ᬬᬦᬵᬫᬫᬤᬵ᭞ᬳᬦᬯᬸᬂᬳᬚᬶ᭞ᬕᬸᬭᬸᬦᬾᬤᬤᬶᬭᬓ᭄ᬱᬲᬵ᭟ᬩᬕᬸᬲᬸᬫ᭄ᬩᬭᬵᬳᬗ᭄ᬭᬱᬵ᭞ᬬᬾᬜᬗᬸᬘᬧ᭄ᬫᬭᬶᬂᬗᬢᬶ᭞ᬢᬸᬳᬸᬢ᭄ᬯᬄᬜᭂᬧ᭄ᬭᬪᬸᬓᬯᭀᬢ᭄᭞ᬧᬗᬦ᭄ᬤᬶᬓᬵᬤᬃᬫ᭄ᬫᬵᬳᬮᬸᬲ᭄᭞ᬜᬦ᭄ᬤᬂᬢ᭄ᬯᬄᬚᬮᬦ᭄ᬜᬸᬯᬶᬢᬵ᭞ᬍᬫᬄᬯ᭄ᬗᬶ᭞ᬫᬢᬸᬃ
ᬬᬾᬦ᭄ᬩᬕᬸᬲᬸᬫ᭄ᬩᬭᬵ᭟ᬫᬳᬢᬸᬃᬲᬃᬯ᭄ᬯᬶᬳᬦᭂᬫ᭄ᬩᬄ᭞ᬢᬶᬢ᭄ᬬᬂᬚ᭄ᬭᬶᬄᬰ᭄ᬭᬶᬪᬸᬧᬢᬶ᭞ᬢᬶᬢ᭄ᬬᬂᬯᭀᬂᬢᬦᬶᬓᬮᬭᬦ᭄᭞ᬲᬢᬢᬵᬓᭀᬢᬶᬢ᭄ᬬᬂᬮᬘᬸᬃ᭞ᬓᬾᬥᭂᬧ᭄ᬢᬶᬢ᭄ᬬᬂᬫᬫᬶᬲᬸᬦᬵ᭞ᬭᬢᬸᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬤᬯᭂᬕ᭄ᬫᬶᬦ᭄ᬤᬵᬄᬧᬶᬲᬦ᭄᭟ᬧᬸᬢ᭄ᬭᬦᬾᬫᬗ᭄ᬓᬶ
ᬦ᭄ᬯᬸᬯᬸᬯᬸᬲᭂᬦ᭄᭞ᬫᬤᬾᬢᬭᭀᬳᬭᬦᬾᬓᬶ᭞ᬭᬶᬂᬮᬯᬂᬗᬦ᭄ᬗᬤᭂᬕ᭄ᬋᬓᭀ᭞ᬚᭂᬚᭂᬮ᭄ᬯᭀᬂᬲᬸᬧ᭄ᬦᬸᬄ᭞ᬲᬫᬳᬗᬩᬶᬄᬭᬳᬤ᭄ᬬᬦ᭄᭞ᬰ᭄ᬭᬶᬪᬸᬧᬢᬶᬫ᭄ᬲᬕᬾᬢ᭄ᬤᬦᬾᬫᬘᬶᬗᬓᬦ᭄᭟ᬢᬸᬫᬸᬮᬶᬄᬤᬦᬾᬗᬦ᭄ᬤᬶᬓᬵ᭞ᬫᬤᬾᬢᬭᭀ [ 26 ][᭒᭕ 25B]
᭒᭕
ᬓ᭄ᬫᬵᬫᬸᬮᬶᬄ᭞ᬫᬢᬸᬃᬕ᭄ᬮᬶᬲᬂᬓᬚ᭄ᬭᭀ᭞ᬭᬓᬦ᭄ᬜᬳᬶᬢᬸᬦ᭄ᬤᬾᬦᬸᬩᬸᬂ᭞ᬯᭀᬓᬦᬾᬕᬸᬧᬸᬄᬓᬧᬸᬭ᭞ᬲᬵᬫ᭄ᬧᬸᬦ᭄‌ᬧ᭄ᬭᬧ᭄ᬢᬶ᭞ᬫᬤᬾᬢᬭᭀᬭᬶᬂᬚ᭄ᬭᭀᬧᬸᬭᬵ᭟ᬲᬫ᭄ᬧᬸᬦ᭄ᬲᬫᬶᬓᬳᬢᬸᬭᬂ᭞ᬭᬶᬂᬭᬓᬵᬫ᭄ᬯᬄᬧ᭄ᬭᬫᬶᬲ᭄ᬯᬭᬶ᭞ᬯᬾᬦ᭄ᬢᭂᬦ᭄ᬢᬫ᭄ᬬᬸᬤᬶᬯᬂᬭᭀ
ᬭᭀ᭞ᬳᬦᬯᬂᬢ᭄ᬭᬗ᭄ᬕᬡᬵᬭᬯᬸᬄ᭞ᬰ᭄ᬭᬶᬧ᭄ᬭᬫᬶᬲ᭄ᬯᬭᬶᬗᬦ᭄ᬤᬶᬓᬵ᭞ᬫᬶᬭᬄᬕᬸᬲ᭄ᬢᬶ᭞ᬓᬚᬩᬵᬫᬫ᭄ᬩᬓ᭄ᬢᬵᬘᬡᬵᬂ᭟ᬕᬸᬭᬸꦲᬳᬚᬶᬗᬦ᭄ᬤᬶᬓᬬᬂ᭞ᬕ᭄ᬮᬶᬲ᭄ᬲᬂᬫᬦᬸᬩᬸᬂᬫᬗ᭄ᬓᬶᬦ᭄᭞ᬦᬯᬂᬢ᭄ᬭᬗ᭄ᬕᬡ᭄ᬦᬵᬮᬶᬦ᭄ᬬᬳᬮᭀᬦ᭄᭞ᬢᬶᬢ᭄ᬬᬂᬫᬶᬦ᭄ᬤᬄᬭᬶᬗᬶᬩᬩᬸ᭞ᬓᬚᬩᬵᬫ
ᬫᬓ᭄ᬢᬵᬘᬦᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬢᭀᬢ᭄ᬬᬂᬩᬯᬸᬓᬢ᭄ᬓᬦᬦ᭄᭟ᬳᬶᬗ᭄ᬕᬶᬄᬩᬩᬸᬩᬍᬲ᭄ᬧᬶᬲᬦ᭄᭞ᬩ᭄ᬬᬦᬳᬢᬶᬢ᭄ᬬᬂᬬᬾᬦ᭄ᬫᬮᬸᬤᬶᬄ᭞ᬳᬶᬬᬤᬶᬧᬾᬢ᭄ᬚᬦᬶᬓᭀᬦ᭄ᬓᭀᬦ᭄᭞ᬢᬶᬢ᭄ᬬᬂᬢ᭄ᬯᬄᬓᬮᬶᬦ᭄ᬢᬂᬢᬓᬸᬢ᭄᭞ᬓᬓᬵᬢᭂᬕᬾᬳᬍᬧᬶᬲᬦ᭄᭞ᬬᬾᬦ᭄ᬱᬶ
ᬫᬗ᭄ᬓᬶᬦ᭄᭞ᬫᬶᬚᬶᬮ᭄ᬢᬦᬸᬯᬸᬂᬩᭂᬜ᭄ᬘᬦᬵ᭟ᬲᬫᬶᬚ᭄ᬭᬶᬄᬓᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬬᬾᬦ᭄ᬳᬢᬶᬳᬢᬶ᭞ᬳᭀᬓᬦᬾᬲᬫᬶᬤᬶᬚ᭄ᬭᭀ᭞ᬓᭀᬘᬧ᭄ᬤᬶᬩᬜ᭄ᬘᬶᬗᬄᬫᬸᬗ᭄ᬲᬸᬃ᭞ᬧ᭄ᬭᬫᬦ᭄ᬢ᭄ᬭᬶᬗᬢᬸᬭᬂᬘᬦᬵᬂ᭞ᬰ᭄ᬭᬶᬪᬹᬧᬢᬶ᭞ᬢᬸᬫᬸᬮᬶᬄᬳᬤᬦ᭄ᬩᬯᬳᬦ᭄᭟ᬮᬄ

[᭒᭖ 26A]
ᬳᬚᭂᬗᬂᬩᬕᬸᬲ᭄ᬤᬄ᭞ᬦᬸᬦᬲ᭄ᬢᬶᬢ᭄ᬬᬂᬰ᭄ᬭᬶᬪᬹᬧᬢᬶ᭞ᬯᬸᬲ᭄ᬗᬚᭂᬗᬂᬲ᭄ᬤᬄᬋᬓᭀ᭞ᬩᬕᬸᬲᬸᬫ᭄ᬩᬭᬵᬓᬯᬸᬯᬸᬲ᭄᭞ᬤᬦᬾᬗᬯᬾᬳᬾᬓᬦ᭄ᬳᬾᬓᬦ᭄᭞ᬢᬸᬃᬬᬵᬲᬶᬤ᭄ᬥᬶ᭞ᬳᬧᬦ᭄ᬧᬲᬸᬂᬲᬸᬂᬪᬝᬵᬭ᭟ᬤᬤᬶᬬᬵᬕ᭄ᬭᬶᬂᬓᬤᬤᬓ᭄
᭞ᬕᬶᬫᬶᬄᬫᬢᬸᬃᬭᬶᬂᬦᬺᬧᬢᬶ᭞ᬤᬸᬄᬤᬾᬯᬵᬭᬢᬸᬲᬂᬓᬢᭀᬂ᭞ᬧᬜᬓᬶᬢᬶᬢ᭄ᬬᬗᬾᬭᬯᬸᬄ᭞ᬲ᭄ᬭᬶᬂᬢᬶᬢ᭄ᬬᬂᬗ᭄ᬫᬗ᭄ᬲᬸᬮᬂᬭᬄ᭞ᬫᬗ᭄ᬤᬾᬧ᭄ᬮᬶᬄ᭞ᬢᬫ᭄ᬩᬵᬢᬫ᭄ᬩᬵᬢᬶᬢ᭄ᬬᬂᬭᬸᬲᬓ᭄᭟ᬭᬸᬧᬦ᭄ᬤᬦᬾᬮᬤᭂᬕ᭄ᬧᬶᬲᬦ᭄᭞ᬲᬂᬧ᭄ᬭᬪᬸᬕᬶᬫᬶᬦᬓᭀ
ᬦᬶᬦ᭄᭞ᬳᬧᬳᬗ᭄ᬕᬾᬦ᭄ᬢᬫ᭄ᬩᬵᬋᬓᭀ᭞ᬭᬤᬾᬦ᭄ᬫᬦ᭄ᬢ᭄ᬭᬶᬧ᭄ᬦᬄᬓᬸᬭᬸ᭞ᬳᭂᬫ᭄ᬩᬄᬲᬓᬶᬂᬧᬮᬶᬗ᭄ᬕᬶᬳᬦ᭄᭞ᬫᬗ᭄ᬲᬸᬮ᭄‌ᬕ᭄ᬢᬶᬄ᭞ᬫᬓᭀᬬᭀᬦᬦ᭄ᬤᬶᬩᬜ᭄ᬘᬶᬗᬄ᭟ᬩᬬᬸᬢᬸ+(ᬦ)ᬩ᭄ᬤᬢᬸᬦᬵ᭞ᬧᬸᬦ᭄ᬱ᭄ᬫᬃᬫᬜ᭄ᬚ᭄ᬭᬢ᭄ᬫᬜ᭄ᬚ᭄ᬭᬶᬢ᭄᭞ᬫᬕᬸᬬᬂᬫᬤᭀᬳᭀᬂ
ᬤᭀᬳᭀᬂ᭞ᬫᬢᬶᬓᬾᬫᬗ᭄ᬓᬶᬦ᭄ᬳᬶᬭᬢᬸ᭞ᬤᬶᬗ᭄ᬓᬾᬦ᭄‌ᬢᬶᬢ᭄ᬬᬂᬗ᭄ᬮᬄᬩᬮ᭄ᬬᬦ᭄᭞ᬚᬯᬢ᭄ᬤᬶᬦᬶ᭞ᬢ᭄ᬯᬭᬢᬶᬢ᭄ᬬᬂᬦᬯᬂᬳᬦᬓ᭄᭟ᬓᬢᬸᬗ᭄ᬕᬮᬶᬦ᭄ᬚᬦᬶᬩᬕ᭄ᬬ᭞ᬢ᭄ᬯᬭᬢᬶᬢ᭄ᬬᬂᬦᬫ᭄ᬧ᭄ᬮᬶᬕ᭄ᬲᬓᬶᬢ᭄᭞ᬬᬦᬾᬲ᭄ᬮᬢ᭄ᬧᬲᬶᬄᬳᭂᬚᭀᬄ [ 27 ][᭒᭖ 26B]
᭒᭖
᭞ᬕ᭄ᬭᬶᬗᬾᬫᬲᬶᬄᬫᬦᬸᬢᬸᬕ᭄᭞ᬢᬯᬸᬳᬦᬓᬩᭂᬜ᭄ᬘᬶᬗᬄ᭞ᬳᬶᬩᬵᬕ᭄ᬭᬶᬂ᭞ᬓ᭄ᬫᬵᬢᭀᬩᬢᬸᬦᬾᬧᬓ᭄ᬧᬓ᭄᭟ᬮᬫᬸᬦ᭄ᬳᬶᬩᬕ᭄ᬭᬶᬂᬮᬬᬄ᭞ᬧᬶᬮᬶᬳᬶᬦ᭄ᬓᬸᬤᬜᬓᬶᬢᬶᬦ᭄᭞ᬮᬫᬸᬦ᭄ᬓᬳᬶᬫᬢᬶᬓᭀᬮ᭄ᬓᭀᬮ᭄᭞ᬕᬸᬮᬶᬗᬾᬕ᭄ᬭᬶᬗᬶᬦ᭄ᬤᬶᬢᬸ᭞ᬩᬢᬸᬦᬾᬢᭂ
ᬕᬭᬶᬦ᭄ᬳᬸᬬᬓ᭄᭞ᬬᬲᬓᬶᬢᬶᬦ᭄᭞ᬲ᭄ᬧᬮᬦᬶᬂᬳᬶᬩᬮᬬᬄ᭟ᬘᬳᬶᬫᬦ᭄ᬢ᭄ᬭᬶᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬤᬸᬫᬤᬓ᭄ᬳᬶᬤᬾ᭠ᬯᬵᬳᬸᬭᬶᬧ᭄᭞ᬫᬗ᭄ᬮᬶᬂᬩᬸᬗᬸᬢᬾᬩᬾᬗᭀᬃ᭞ᬳᬓᬾᬄᬫᬦ᭄ᬢ᭄ᬭᬶᬧᬢᬶᬄᬓ᭄ᬜᬸᬲ᭄᭞ᬦᬗ᭄ᬳᬶᬂᬧᬤᬲᬲᬶᬮᬶᬩᬦ᭄᭞ᬧᬤᬵᬚ᭄ᬭᬶᬄ᭞ᬫ
ᬦᬯᬶᬯ᭄ᬭᬸᬄᬲᬂᬦᬵᬣ᭟ᬲᬂᬧ᭄ᬭᬪᬸᬕᬸᬧᬸᬄᬫᬜᬸᬫ᭄ᬩᬶᬸᬦ᭄ᬤᬂ᭞ᬳᬗᭂᬫ᭄ᬩᭂᬂᬯᬲ᭄ᬧᬵᬳᬦᬗᬶᬲ᭄᭞ᬫᬫᭂᬲᬶᬓᬶᬦ᭄ᬢᬗᬦ᭄ᬓᬭᭀ᭞ᬫᬗ᭄ᬕᬭᬧᬶᬦ᭄ᬩᬬᬸᬳᬕᬸᬂ᭞ᬩᬬᬸᬦ᭄ᬤᬦᬾᬲᬫ᭄ᬧᬸᬦ᭄ᬱᬸᬂᬲ᭄ᬬᬃ᭞ᬰ᭄ᬭᬶᬪᬸᬧᬢᬶ᭞ᬗᬦ᭄ᬤᬶᬓᬵᬦ᭄ᬤ᭄ᬤᬸᬦᬂᬩᬮ᭄ᬬ᭠
ᬦ᭄᭟ᬳᬓᬾᬄᬩᬮ᭄ᬬᬦ᭄ᬧᬥᬢ᭄ᬓᬵ᭞ᬓᬩᬜ᭄ᬘᬶᬗᬄᬮᬸᬄᬫᭀᬯᬦᬶ᭞ᬳᬤᬗ᭄ᬮᭀᬘᭀᬓ᭄‌ᬓ᭄ᬮᬘᬓ᭄ᬮᬘᭀᬓ᭄᭞ᬳᬤᬗᬤᬸᬢ᭄ᬳᬸᬫ᭄ᬩᬶᬢᬸᬦᬸ᭞ᬧᬲᬾᬧᬦ᭄ᬲᬾᬧᬦ᭄ᬫᬚᬮᬦ᭄᭞ᬳᬤᬩ᭄ᬮᬶᬂ᭞ᬳᬤᬵᬳᭂᬗᬲ᭄ᬫᬭᬦ᭄ᬢ

[᭒᭗ 27A]
ᬩᬦ᭄᭟ᬲᬂᬧ᭄ᬭᬪᬹᬳᬲ᭄ᬭᬸᬄᬳᬗᬸᬘᬧ᭄᭞ᬳᬾᬗ᭄ᬕᬮᬂᬧᬤᬵᬕᬭᬧᬶᬦ᭄᭞ᬩᬮ᭄ᬬᬦᬾᬳᬋᬧᬚᭀᬗ᭄ᬓᭀᬓ᭄᭞ᬳᬤᬵᬢ᭄ᬮᬸᬂᬤᬰᬵᬢ᭄ᬮᬸ᭞ᬫᬕᬶᬳᬶᬢ᭄ᬫᬫᭂᬘᬶᬓ᭄ᬢᬗᬦ᭄᭞ᬤᬾᬯᬕᬸᬲ᭄ᬢᬶ᭞ᬧᬸᬦᬶᬓᬶᬕ᭄ᬮᬶᬲᬂᬲᭂᬫ᭄ᬩᬃ᭟ᬧᬸᬦᬶᬓᬶᬫᬦᬳᬢᬶᬢ᭄ᬬᬂ᭞ᬬᬾᬦ᭄ᬲᬶ
ᬲᬶᬧ᭄ᬢᬫ᭄ᬩᬵᬳᬓᬶᬤᬶᬓ᭄᭞ᬩᬢᬂᬢᬶᬢ᭄ᬬᬂᬭᬸᬲᬓ᭄ᬋᬓᭀ᭞ᬓᬵᬓᬬᭀ+(ᬦ)ᬦ᭄ᬲᬾᬦ᭄ᬤᬾᬄᬭᬢᬸ᭞ᬩᬬᬸᬳᬕᬸᬂᬲᬯᬂᬢᬸᬦᬵ᭞ᬰ᭄ᬭᬶᬪᬸᬧᬳᬢᬶ᭞ᬕᬸᬧᬸᬄᬗᬦ᭄ᬤᬶᬓᬵᬬᬂᬜᭂᬫ᭄ᬩᬃ᭟ᬮ᭄ᬬᬸᬗᬮᬶᬄᬧᬘᬂᬜᭂᬫ᭄ᬩᬃ᭞ᬧ᭄ᬭᬜᬳᬶᬦᬾᬳᬓᬾᬄᬫᬶᬚᬶᬮ᭄᭞
ᬳᬬᬸᬳᬬᬸᬳᬦᭀᬫᬦᭀᬫ᭄᭞ᬲᬫ᭄ᬧᬸᬦ᭄ᬧᬥᬵᬫᬓ᭄ᬧᬓ᭄ᬱᬶᬫ᭄ᬩᬸᬄ᭞ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬦᬗ᭄ᬳᬶᬂᬕᬶᬕᬶᬲ᭄᭞ᬯᬗ᭄ᬤᬾᬬᬂᬫᬗ᭄ᬓᬶᬦ᭄ᬫᬜᭂᬫ᭄ᬩᬵᬃ᭟ᬧᬸᬦ᭄ᬱ᭄ᬫᬃᬫᬢᬸᬭᬦᭂᬫ᭄ᬩᬄ᭞ᬯᬶᬕᬶᬄᬧᬶᬲᬦ᭄ᬰ᭄ᬭᬶᬪᬸᬧᬢᬶ᭞ᬧᬜᬸᬗ᭄ᬓᬦ᭄ᬤ
ᬦᬾᬦᬾᬋᬓᭀ᭞ᬬᬦ᭄ᬯᬾᬦ᭄ᬢᭂᬦ᭄ᬳᬦᬓᬶᬭᬢᬸ᭞ᬭᬳᬤᬾᬦ᭄ᬕᬮᬸᬄᬳᬸᬢ᭄ᬢᬵᬫᬵ᭞ᬦᬶᬓᬵᬫᬗ᭄ᬓᬶᬦ᭄᭞ᬜᭂᬫ᭄ᬩᬃᬦᬯᬶᬤᬦᬾᬓᬾᬦᬓ᭄᭟ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬗᬦ᭄ᬤᬶᬓᬵ᭞ᬩᬬᬦ᭄ᬳᬾᬗ᭄ᬕᬮᬂᬓᬧᬸᬭᬶ᭞ᬫᬋᬓ᭄ᬤᬦᬾᬕ [ 28 ][᭒᭗ 27B]
᭒᭗
ᬮᬸᬄᬭᭀᬭᭀ᭞ᬢᬸᬦ᭄ᬤᬾᬦ᭄ᬧᬤᬫᬳᬶᬧ᭄ᬲᬸ᭞ᬳᭀᬭᬳᬂᬓᬳᬶᬓᬾᬯᭂᬳᬦ᭄᭞ᬭᬶᬂᬲᬂᬧᬸᬢ᭄ᬭᬶ᭞ᬭᬶᬂᬧ᭄ᬭᬫᬶᬲ᭄ᬯᬭᬶᬳᬢᬸᬭᬂ᭟ᬓᬾᬦ᭄ᬩᬬᬦ᭄ᬕᬸᬧᬸᬄᬓᬧᬸᬭᬵ᭞ᬮᬯᬸᬢ᭄ᬬᬫᬮᬮᬶᬩ᭄ᬮᬳᬶᬩ᭄᭞ᬲᬵᬫ᭄ᬧᬸᬦ᭄ᬬᬵᬧ᭄ᬭᬧ᭄ᬢᬵᬤᬶᬚ᭄ᬭᭀ᭞ᬫᬋᬓᬶ
ᬦ᭄ᬭᬳᬤᬾᬦ᭄ᬕᬮᬸᬄ᭟ᬕ᭄ᬮᬶᬲᬂᬤᬾᬯᬓᬚᬩᬵ᭞ᬰ᭄ᬭᬶᬪᬸᬧᬢᬶ᭞ᬤᬦᬾᬓᬮᬶᬯᬢ᭄ᬓᬾᬯ᭄ᬳᬦ᭄᭟ᬫ᭄ᬯᬄᬩ᭄ᬬᬂᬘᭀᬓᭀᬃᬳᬶᬤᬾᬯ᭞ᬳᬧᬂᬤᬦᬾᬲᬋᬂᬫᬶᬚᬶᬮ᭄᭞ᬧᬗᬦ᭄ᬤᬶᬓᬵᬦ᭄ᬤᬲᬂᬓᬢᭀ᭞ᬧᬘᬂᬋᬓᬾᬜᭂᬫ᭄ᬩᬃᬢᬫ᭄ᬬᬸ᭞ᬧᬜᬸ
ᬗ᭄ᬓᬦᬾᬩᬗᭂᬢ᭄ᬧᬶᬲᬦ᭄᭞ᬳᬸᬮᬶᬄᬦᬸᬦᬶ᭞ᬫᬓᭂᬲ᭄ᬬᬩᬾᬩᬸᬲᬦ᭄ᬩᬸᬲᬦ᭄᭟ᬦᬯᬂᬢ᭄ᬭᬗ᭄ᬕᬡ᭄ᬦᬵᬗᬦ᭄ᬤᬶᬓᬵ᭞ᬫᬥᬾᬢᬭᭀᬓ᭄ᬫᬵᬫᬸᬮᬶᬄ᭞ᬫᬢᬸᬃᬭᬶᬂᬳᬶᬕᬸᬭᬸᬋᬓᭀ᭞ᬳᭂᬫ᭄ᬩᭀᬓᬢ᭄ᬓᬬᬦ᭄ᬩᬯᬸ᭞ᬳᬢᬸᬭᬂᬳᭂᬫ᭄ᬩᭀᬓ᭄ᬫᬫᬶᬦ᭄ᬤᬄ᭞
ᬧᭀᬫᬜᬳᬶ᭞ᬭᬳᬶᬦᬾᬳᬕ᭄ᬮᬶᬲ᭄ᬓᬚᬩᬵ᭟ᬲᬧ᭄ᬭᬧ᭄ᬢᬵᬦᬾᬭᬶᬂᬩᬜ᭄ᬘᬶᬗᬄ᭞ᬓᬾᬦ᭄ᬩᬬᬦ᭄ᬲᬗ᭄ᬕᬶᬢ᭄ᬳᬗᬶᬭᬶᬂ᭞ᬳᬫᬋᬓ᭄ᬕᬸᬭᬸᬦᬾᬋᬓᭀ᭞ᬕᬸᬭᬸᬦᬾᬗᬦ᭄ᬤᬶᬓᬵᬳᬮᬸᬲ᭄᭞ᬜᬳᬶᬫᬲ᭄ᬤᬾᬯᬦᬶᬂᬩᬧᬵ᭞ᬗᬶ

[᭒᭘ 28A]
ᬥᭂᬧ᭄ᬫᬸᬜᬶ᭞ᬳᬧᬂᬜᬳᬶᬚ᭄ᬯᬵᬫᬜᬶᬫ᭄ᬩᬃ᭟ᬩ᭄ᬬᬂᬜᬳᬶᬓᬳᬶᬘᬮᬦ᭄᭞ᬭᬓᬵᬦ᭄ᬜᬳᬶᬢᭀᬲᬶᬂᬫᬳᬶ᭞ᬬᬗᬸᬤ᭄ᬬᬂᬋᬓᭀᬤᬶᬚ᭄ᬭᭀ᭞ᬜᬳᬶᬚᬦᬶᬳᬧᬂᬢᬸᬳᬸ᭞ᬫᬭᬭᬫᬵᬢ᭄ᬓᬾᬦ᭄ᬩᬧᬵ᭞ᬳᬦᬓ᭄ᬜᬳᬶ᭞ᬓᬯᬶᬤᬶᬧᬘᬂᬫᬜᭂᬫ᭄ᬩᬃ᭟ᬫᬥᬾ
ᬢᬭᭀᬲᬯᬸᬃᬲᭂᬫ᭄ᬩᬄ᭞ᬬᬾᬦ᭄ᬳᬶᬘᬵᬳᬶᬕᬸᬭᬸᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬶᬦ᭄ᬤᬄᬭᬶᬂᬲᬂᬓᬢᭀᬂ᭞ᬫᬜᭂᬫ᭄ᬩᬃᬤᬢᭂᬗᬦ᭄ᬩᬕᬸᬲ᭄᭞ᬤᬾᬦᬶᬂᬢᬶᬢ᭄ᬬᬂᬓᬭᬶᬤ᭄ᬳᬵ᭞ᬲᬶᬜᬵᬦᬯᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬲᬮᬄ᭟ᬲᬂᬧ᭄ᬭᬪᬹᬫᬲᬯᬂᬤᬸᬓᬵ᭞ᬕᬸ
ᬭᬸᬤᬶᬦᬶᬫᬗᬬᭀᬦᬶᬦ᭄᭞ᬲᬦ᭄ᬤᬶᬓᬵᬦ᭄ᬳᬶᬕᬸᬭᬸᬋᬓᭀ᭞ᬭᬭᬶᬲ᭄ᬫᬓᬶᬭᬾᬫᬜᬶᬫ᭄ᬩᬸᬄ᭞ᬩᬕᬸᬲᬸᬫ᭄ᬩᬭᬫᬫᬶᬦ᭄ᬤᬄ᭞ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬳᬶᬤᬾᬯᬵᬫᬜᭂᬫ᭄ᬩᬃᬢᬶᬢ᭄ᬬᬂ᭟ᬬᬦ᭄ᬭᬯᬸᬄᬳᬦᬓ᭄ᬳᬶᬤᬾᬯ᭞ᬢᬶᬢ᭄ᬬᬂᬲᬸᬓᬵᬫᬗᭂᬯᬾᬳᬶᬦ᭄᭞
ᬓ᭄ᬫᬵᬓᬾᬩᬬᬦ᭄ᬓᬚ᭄ᬭᭀ᭞ᬫᬤᬾᬢᬭᭀᬦᭂᬫ᭄ᬩᬄᬫᬢᬸᬃ᭞ᬳᬶᬫ᭄ᬩᭀᬓ᭄ᬤᬦᬾᬓᬢ᭄ᬓᬬᬦ᭄᭞ᬧᬢᬶᬄᬫᬦ᭄ᬢ᭄ᬭᬶ᭞ᬓ᭄ᬜᬸᬲ᭄ᬧᬤᬗ᭄ᬮᬾᬦᬂᬢᬶᬗ᭄ᬕᬮ᭄᭟ᬮᬫᬸᬦ᭄ᬩᬸᬓᬵᬓᬾᬦ᭄ᬢᭀᬲᬚᬵ᭞ᬓᬸᬤ᭄ᬬᬂᬩᬧᬵᬦᬸᬦ᭄ᬤᬾᬦ᭄ᬫᬳᬶ᭞ᬩᬮ᭄ᬬᬦᬾᬫᬮ [ 29 ][᭒᭘ 28B]
᭒᭘
ᬢᬸᬃᬳᬮᭀᬦ᭄᭞ᬢᬦ᭄ᬮ᭄ᬬᬦ᭄ᬢ᭄ᬯᬳᬦᬓᬶᬭᬢᬸ᭞ᬦᬾᬤᬶᬧᬸᬭᬶᬫᬃᬕ᭄ᬕᬵᬓᬾᬦᬓ᭄᭞ᬰ᭄ᬭᬶᬪᬸᬧᬢᬶ᭞ᬗᬦ᭄ᬤᬶᬓᬤᬶᬦᬶᬧᬾᬢ᭄ᬘᬶᬗᬓ᭄᭟ᬳᭂᬗ᭄ᬓᬾᬦ᭄ᬚᬵᬫᬗ᭄ᬓᬶᬦ᭄ᬓᬬᬸᬦᬂ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬜᬢ᭄ᬯᬄᬤᬶᬦᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬳᬮᭀᬦ᭄᭞ᬓᬤᬶᬦᬾᬦᬾᬤᬸ
ᬫᬸᬦ᭄ᬤᬸᬫᬸᬦ᭄᭞ᬬᬾᬦ᭄ᬲᬂᬧᬸᬢ᭄ᬭᬶᬭᬚᬵᬲ᭄ᬯᬮᬵ᭞ᬦᬶᬓᬵᬲᬶᬤ᭄ᬥᬶ᭞ᬲ᭄ᬭᬶᬂᬧᬶᬲᬫᬦ᭄ᬤᬵᬤᭀᬲᬂ᭟ᬓ᭄ᬫᬵᬓᬾᬦ᭄ᬩᬬᬦ᭄ᬓᬧᬸᬭᬵ᭞ᬦᬯᬂᬢ᭄ᬭᬗ᭄ᬕᬡᬵᬳᬢᬸᬭᬶᬦ᭄᭞ᬓᬾᬦ᭄ᬩᬬᬦ᭄ᬳᬕ᭄ᬮᬶᬲ᭄ᬓᬧᬶᬸᬭᬶᬸᬵᬚ᭄ᬭᭀ᭞ᬲᬧ᭄ᬭᬧ᭄ᬢᬦᬾᬭᬭᬶᬲ᭄ᬫᬢᬸᬃ᭞ᬕ᭄ᬮᬶᬲᬂᬤᬾᬯᬓᬚ
ᬩᬵ᭞ᬰ᭄ᬭᬶᬪᬸᬧᬢᬶ᭞ᬤᬦᬾᬮᬶᬦ᭄ᬢᬂᬩᭂᬲ᭄‌ᬓᬾᬯᭂᬳᬦ᭄᭟ᬦᬤ᭄ᬬᬦ᭄ᬱᬶᬳᬶᬤᬾᬯᬗ᭄ᬭᬚᬵ᭞ᬢᬫ᭄ᬬᬸᬦᬾᬮᬶᬯᬢᬶᬂᬧ᭄ᬭᬤᬶ᭞ᬬᬾᬦ᭄ᬲᬂᬧᬸᬢ᭄ᬭᬶᬘᬸᬢᬾᬋᬓᭀ᭞ᬲᬫ᭄ᬩᬶᬮ᭄ᬕᬸᬫᬸᬬᬸᬫᬳᬢᬸᬃ᭞ᬧᬸᬦᬶᬓᬵᬲᬶᬤ᭄ᬥᬶᬫᬜᭂᬫ᭄ᬩᬃ᭞ᬭᬤᬾᬦ᭄ᬤᬾᬯᬶ᭞ᬲ᭄ᬫᬸᬓ᭄ᬜᬸᬂ
ᬯ᭄ᬭᬸᬳᬶᬂᬘᬶᬢ᭄ᬣᬵ᭟ᬲᬂᬧ᭄ᬭᬪᬹᬫᬲ᭄ᬩᭂᬂᬤᬸᬓᬵ᭞ᬤᬶᬚᬩᬵᬲ᭄ᬓᭂᬮᬶᬂᬓᬶᬗ᭄ᬓᬶᬂ᭞ᬦᬯᬂᬢ᭄ᬭᬗ᭄ᬕᬡᬵᬮᬶᬦ᭄ᬬᬮᭀᬦ᭄᭞ᬳᭂᬦ᭄ᬤᭂᬫ᭄ᬲᬸᬩᬓᬳᬶᬢᬯᬸ᭞ᬩᬶᬓᬲ᭄ᬤᬦᬾᬦᬾᬤᬶᬚᬩᬵ᭞ᬫᬗ᭄ᬭᬯᭀᬲᬶᬦ᭄᭞ᬯᬶᬕᬶᬄᬗᬮᬶᬄᬚᬸᬭᬸᬲᭂᬫ᭄ᬩᬃ᭟ᬤᬾᬦᬶᬂᬬ

[᭒᭙ 29A]
ᬢᬫ᭄ᬬᬸᬦᬾᬲᬸᬗ᭄ᬓᬦ᭄᭞ᬲᬗ᭄ᬓᬦ᭄ᬓᬳᬶᬢ᭄ᬯᬄᬓᬯᬶᬤᬶ᭞ᬤᬶᬩᬜ᭄ᬘᬶᬗᬄᬮ᭄ᬬᬸᬋᬓᭀ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬓᬳᬶᬤᬶᬢᬸ᭞ᬫᬲᬶᬄᬢ᭄ᬯᬭᬓᬗ᭄ᬕᭀᬜᭂᬫ᭄ᬩᬃ᭞ᬳᬦᬓᬳᬶ᭞ᬲᬸᬩᬢᬯᬸᬢ᭄ᬓᬾᬦ᭄ᬓᬦ᭄ᬥᬵ᭟ᬓᬾᬦ᭄ᬩᬬᬦ᭄ᬕᬯᭀᬓᬾᬮᬶᬯᬢ᭄᭞ᬩᬶᬓᬲᬾᬤᬶᬚᬩᬵᬲᬫᬶ
᭞ᬓᬢᭀᬦᬂᬳᬸᬮᬶᬤᬶᬚ᭄ᬭᭀ᭞ᬢ᭄ᬭᬸᬲ᭄ᬢᬶᬗᬮᬾᬫᬫᬸᬧᬸᬢ᭄᭞ᬫᬶᬭᬶᬩ᭄ᬳᬤᬫᬗᭀᬭᬳᬂ᭞ᬲᬓᬾᬂᬯᬶᬤ᭄ᬥᬶ᭞ᬫᬓ᭄ᬭᬡᬫᬓ᭄ᬚᬂᬢᬯᬂ᭟ᬯᬸᬯᬸᬲᭂᬦ᭄ᬲᬶᬭᬲᬂᬦᬵᬣ᭞ᬲᬫ᭄ᬧᬸᬦ᭄ᬤᬦᬾᬳᬢᬶᬳᬢᬶ᭞ᬗᬸᬤᬵᬲᬗ᭄ᬓᬜᬫᬓ᭄ᬮᭀ᭞ᬓ᭄ᬫᬵᬯᬂᬢᬭᭀᬭᬸᬭᬸᬄ᭞ᬭ᭠
ᬓᬦ᭄ᬜᬳᬶᬦᭂᬳᬾᬗ᭄ᬕᬮᬂ᭞ᬢᬸᬦ᭄ᬤᬾᬦ᭄ᬫᬳᬶ᭞ᬯᭀᬓᬦᬾᬕ᭄ᬮᬶᬲ᭄ᬓᬧᬸᬭᬵ᭟ᬲᬧ᭄ᬭᬧ᭄ᬢᬵᬦᬾᬫᬭᬶᬂᬧᬸᬭᬵ᭞ᬭᬓᬦᬾᬫᬮᬸᬦ᭄ᬤᬸᬳᬸᬦᬶᬦ᭄᭞ᬓᬧᬶᬜᬳᬶᬗᬮᬶᬄᬳᭂᬫ᭄ᬩᭀᬓ᭄᭞ᬳ᭄ᬦᬄᬢᬾᬳᭂᬫ᭄ᬩᭀᬓ᭄ᬚᬦᬶᬧ᭄ᬲᬸ᭞ᬬᬓ᭄ᬢᬶᬳᭂᬫ᭄ᬩᭀᬓ᭄ᬮᬸᬄᬕ᭄ᬮᬶᬲᬂ᭞ᬲᬶᬜᬦ
ᬯᬶ᭞ᬳᬶᬕᬸᬭᬸᬕ᭄ᬮᬶᬲᬦ᭄ᬤᬸᬓᬵ᭟ᬳᭂᬗ᭄ᬓᬾᬶᬸᬵᬫ᭄ᬩᭀᬓ᭄ᬢ᭄ᬯᬭᬓᭀᬬᬾᬦ᭄ᬧᬶᬯᬮ᭄᭞ᬳᭂᬫ᭄ᬩᭀᬓ᭄ᬫᬢᬓᭀᬦ᭄ᬭᬶᬂᬜᬳᬶ᭞ᬜᬳᬶᬦᬾᬤᬶᬢᬸᬫᬓ᭄ᬮᭀ᭞ᬓᬾᬦ᭄ᬓᬾᬦ᭄ᬯᬶᬱ᭄ᬡᬦ᭄ᬜᬦᬾᬤᬶᬢᬸ᭞ᬳᬧᬂᬳᭂᬫ᭄ᬩᭀᬓ᭄ᬧᭀᬮᬶᬄᬯᭀᬃᬢ᭄ᬣᬵ᭞ᬢ᭄ᬓᬾᬦ᭄ᬜᬳᬶ᭞ᬓ᭄ᬦᬵ [ 30 ][᭒᭙ 29B]
᭒᭙
ᬓᬾᬩᬦ᭄ᬜᬳᬶᬜᬶᬤ᭄ᬭᬵ᭟ᬲᬸᬩᬓᬾᬜᬳᬶᬦᬢᬲᬂ᭞ᬢ᭄ᬓᬾᬦ᭄ᬢᬫ᭄ᬬᬸᬤᬶᬯᬂᬲᬓᬶᬢ᭄᭞ᬯᬂᬳᬧᬵᬓᭀᬤᬦᬾᬋᬓᭀ᭞ᬦᬯᬂᬢᬭᭀᬲᬯᬸᬃᬳᬮᬸᬲ᭄᭞ᬢᬶᬢ᭄ᬬᬂᬚ᭄ᬭᬶᬄᬫᬦᬓᭀᬦᬂ᭞ᬬᬾᬦ᭄ᬧᬺᬩᬮᬶ᭞ᬲᬸᬤ᭄ᬭᬩ᭄ᬬᬦᬵᬳᬤᬵᬓᬭ᭄ᬯᬦ᭄᭟ᬫᬸᬜᬶᬦᬵᬳᬦ
ᬓ᭄ᬗᬸᬫ᭄ᬩᬭᬵ᭞ᬳᬶᬕᬸᬭᬸᬧᭀᬮᬶᬄᬦᬓᭀᬦᬶᬦ᭄᭞ᬦᬯᬂᬢ᭄ᬭᬗ᭄ᬕᬡᬵᬮᬶᬦ᭄ᬬᬮᭀᬦ᭄᭞ᬧᬭᬶᬭᬂᬳᬶᬜᬳᬶᬧ᭄ᬲᬸ᭞ᬳᭂᬫ᭄ᬩᭀᬓᬧᬶᬢ᭄ᬯᬭᬓ᭄ᬫᬵ᭞ᬫᬗᭂᬦᭀᬢᬶᬦ᭄᭞ᬳᭂᬫ᭄ᬩᭀᬓ᭄ᬫᬮᬸᬯᬦ᭄ᬫᬦᬯ᭄ᬯᬂ᭟ᬫᬸᬜᬶᬦᬳᬦᬓ᭄ᬗᬸᬫ᭄ᬩᬭᬵ᭞ᬮᬶᬜᭀᬓ᭄ᬤᬦᬾᬢᬶᬤᭀᬂ
ᬕᬶᬕᬶᬲ᭄᭞ᬫᬗᬓᬸᬓᬮᬭᬦ᭄ᬋᬓᭀ᭞ᬗᬦᬶᬲ᭄ᬢᬬᬂᬯᭀᬓᬦ᭄ᬭᬢᬸ᭞ᬫᬢᬵᬢᬕᭀᬦ᭄ᬧᬸᬢ᭄ᬭᬶᬤ᭄ᬳᬵ᭞ᬗᬸᬤᬵᬫᬳᬶ᭞ᬓᬚᬯᬵᬫᬗ᭄ᬮᬂᬮᬂᬓᬃᬫ᭄ᬫᬵ᭟ᬚᬦᬶᬳᭂᬫ᭄ᬩᭀᬓ᭄ᬫᬗᭀᬭᬳᬂ᭞ᬓᬦ᭄ᬤᬦ᭄ᬜᬦᬾᬢ᭄ᬓᬾᬦ᭄ᬜᬳᬶ᭞ᬫᬦ᭄ᬢ᭄ᬭᬶᬓᬯᬸᬭᬶ
ᬧᬦ᭄ᬋᬓᭀ᭞ᬫᬫᬶᬲᬦ᭄ᬢᭂᬓᬾᬦ᭄ᬳᬶᬫ᭄ᬮᬬᬸ᭞ᬜᬳᬶᬤᬵᬧᬶᬲᬦ᭄ᬗ᭄ᬯᬾᬭᬬᬂ᭞ᬳᬧᬂᬲᬶᬮᬶᬩ᭄᭞ᬳᬧᬂᬤᬵᬳᬦᬓ᭄ᬫᬦᬯᬂ᭟ᬳᬗᭂᬢ᭄ᬫᬗᬓᬸᬗᬸᬫ᭄ᬩᬭᬵ᭞ᬮᬶᬜᭀᬓ᭄ᬤᬦᬾᬢᬶᬤᭀᬂᬕᬶᬕᬶᬲ᭄᭞ᬫᬗᬓᬸᬓᬮᬭᬦ᭄ᬋᬓᭀ᭞ᬗ

[᭓᭐ 30A]
ᬦᬶᬲ᭄ᬢᬬᬂᬳᭀᬓᬦ᭄ᬭᬢᬸ᭞ᬫᬢᬢᬕᭀᬦ᭄ᬧᬸᬢ᭄ᬭᬶᬦ᭄ᬢᬵ᭞ᬗᬸᬤᬵᬧᬮᬶᬂ᭞ᬓᬚᬯᬵᬫᬗ᭄ᬮᬂᬮᬂᬓᬃᬫ᭄ᬫᬵ᭟ᬤᬶᬫᬢᬯᬸᬦ᭄ᬬᬗᬯᬸᬮᬵ᭞ᬳᬤᬵᬲᬸᬩᬢᬶᬕᬂᬲᬰᬶᬄ᭞ᬓᬦ᭄ᬤᬦ᭄ᬜᬦᬾᬜᬳᬶᬓᬾᬦ᭄ᬢᭀ᭞ᬧ᭄ᬭᬪᬸᬫᬢᬯᬸᬦ᭄ᬫᬗᬸᬢᬸᬲ᭄᭞
ᬫᬗ᭄ᬮᬫᬃᬧᬸᬢ᭄ᬭᬶᬭᬶᬂᬤ᭄ᬳᬵ᭞ᬰ᭄ᬭᬶᬪᬸᬧᬢᬶ᭞ᬭᬶᬂᬤ᭄ᬳᬵᬢᬸᬃᬤᬦᬾᬳᬶᬘᬵ᭟ᬳᭂᬦ᭄ᬢᭀᬫᬸᬮᬵᬓᬕᬾᬮᬜᬵ᭞ᬩᬦ᭄ᬢᬫ᭄ᬬᬸᬦᬾᬤᬶᬯᬂᬲᬓᬶᬢ᭄᭞ᬮ᭄ᬬᬸᬲᬦ᭄ᬤᬬᬦᬾᬋᬓᭀ᭞ᬫᬶᬸᬫᬶᬸ᭟ᬘ᭟ᬦᬶᬂᬬᬵᬭᬶᬭᬶᬄᬫᬯᬶᬓᬸ᭞ᬤᬤᬶᬬᬚᬯᬸᬫᬦ᭄ᬳᬦᬓ᭄
᭞ᬩᬸᬓᬵᬢᬦᬶ᭞ᬓᬕᬾᬮᬦ᭄ᬕᭂᬮᬄᬲᬸᬓᬬᬂ᭟ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬲᬂᬧ᭄ᬭᬪᬸᬳᬶᬤᬵᬧᬗ᭄ᬯᬶᬤᬶ᭞ᬓᬦ᭄ᬤᬵᬦ᭄ᬜᬳᬶᬋᬓᭀ᭞ᬮᬯᬸᬢ᭄ᬓᬢᬸᬃᬓᬫᬢᬯᬸᬦ᭄᭞ᬚᬦᬶᬳᬶᬬᬵᬓᬩᬮᬶᬓᬂ᭞ᬢᬸᬃᬫᬗᬮᬶᬄ᭞ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭟
ᬜᬳᬶᬳ᭄ᬤᬧᬶᬲᬦ᭄ᬯᬾᬭᬵ᭞ᬳᭂᬫ᭄ᬩᭀᬓ᭄ᬫᬗᭀᬭᬳᬶᬦ᭄ᬜᬳᬶ᭞ᬮᬶᬬᬸᬳᬦᬓ᭄ᬧᬂᬤᬵᬕᬾᬮᭀᬢ᭄᭞ᬮᬸᬄᬫ᭄ᬯᬦᬶᬢ᭄ᬯᬄᬧᬤᬵᬮᬸᬮᬸᬢ᭄᭞ᬚᬮᬦ᭄ᬧᬾᬢ᭄ᬚᬦᬶᬓᬚᬩᬵ᭞ᬲᬶᬜᬦᬯᬶ᭞ᬕᬸᬭᬸᬕ᭄ᬮᬶᬲᬦ᭄ᬤᬸᬓᬵ᭟ᬬᬾᬦ᭄ᬳᭂᬫ᭄ᬩᭀᬓ᭄ᬢᭀᬂ [ 31 ][᭓᭐ 30B]
᭓᭐
ᬜᬓᬵᬚᬩᬵ᭞ᬳᬶᬕᬸᬭᬸᬤᬦᬾᬚ᭄ᬭᬶᬳᬶᬦ᭄᭞ᬬᬫᬗᬮᬶᬄᬓᬃᬫ᭄ᬫᬋᬓᭀ᭞ᬯᬶᬕᬶᬄᬗᬮᬶᬄᬚᬸᬭᬸᬲᬶᬫ᭄ᬩᬸᬄ᭞ᬫᬗᬓᬸᬳᬯᬓᬾᬲᬸᬗ᭄ᬓᬦ᭄᭞ᬳᬧᬵᬩ᭄ᬯᬶᬦ᭄᭞ᬳᬮᬶᬳᬂᬳᬾᬓᬦᬂᬤᬬᬵ᭟ᬲᬸᬩᬢ᭄ᬯᬄᬫᬗᬮᬶᬄᬓᬃᬫ᭄ᬫ᭞ᬢᬶᬤᭀᬂᬤᭂᬓᬾ
ᬦ᭄ᬢᭀᬫᬫᬸᬜᬶ᭞ᬩ᭄ᬦᭂᬄᬩ᭄ᬦᭂᬄᬚᬵᬫᬗ᭄ᬭᬯᭀᬲ᭄᭞ᬫᬱᬵᬓᬸᬭᬂᬚᬸᬭᬸᬲᬶᬫ᭄ᬩᬸᬄ᭞ᬬᬾᬦ᭄ᬳᭂᬫ᭄ᬩᭀᬓ᭄ᬢᭂᬓᭂᬤᬶᬚᬩᬵ᭞ᬫ᭄ᬩᭀᬓ᭄ᬜᬶᬫ᭄ᬩᬶᬗᬶᬦ᭄᭞ᬳᬶᬬᬦᬾᬩᬕᬸᬲ᭄ᬧ᭄ᬭᬢᬶᬕ᭄ᬜᬵ᭟ᬬᬦᬾᬭᬶᬭᬶᬄᬢᬸᬃᬧ᭄ᬭᬢᬶᬤ᭄ᬜᬵ᭞ᬦᬧᬂᬲ᭄ᬮᬾᬂᬧᬲᬶᬲᬶᬳᬶᬦ᭄᭞ᬬᬾᬦ᭄ᬢᭂᬫ᭄ᬩᭀᬓᬸᬘᬶ
ᬯᬵᬋᬓᭀ᭞ᬧᬶᬸᬳᬧᬂᬜᬳᬶᬲᬸᬓᬵᬗ᭄ᬕᬦ᭄ᬢᬸᬂ᭞ᬢᭀᬦ᭄ᬢᭀᬦ᭄ᬳᬦᬤᬩᬜ᭄ᬘᬶᬗᬄ᭞ᬧᬤᬵᬤ᭄ᬮᬶᬂ᭞ᬧᬤᬵᬢ᭄ᬯᬄᬕᭀᬯᬓ᭄ᬫᬧᬧᬃ᭟ᬲᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬢᬦ᭄ᬧᬾᬦ᭄ᬤᬄᬤᬥᬭᬶᬲᬸᬘᬶ᭞ᬫᬫᬃᬕ᭄ᬕᬶᬧ᭄ᬲᬸᬲᬭᭀᬭᭀᬦ᭄᭞ᬜᬳᬶᬓᬾᬚᬵ
ᬦᬶᬤᬶᬫᬮᬸ᭞ᬳᬦᬯᬂᬢᬭᭀᬫᬫᬶᬦ᭄ᬤᬄ᭞ᬢᬶᬢ᭄ᬬᬂᬧᬫᬶᬢ᭄᭞ᬳᬧᬂᬳᭂᬫ᭄ᬩᭀᬓ᭄ᬚᬵᬫᬮ᭄ᬯᬦ᭄᭟ᬢᬶᬢ᭄ᬬᬂᬗᬕᭀᬮ᭄ᬫᬢᬶᬦ᭄ᬤᬓᬦ᭄᭞ᬤᬾᬦᬶᬂᬳᬓᬾᬄᬧᬭᬫᬦ᭄ᬢ᭄ᬭᬶ᭞ᬦᬄᬫᬳᬶᬓᬾᬩᬋᬂᬳᭂᬫ᭄ᬩᭀᬓ᭄᭞ᬦᬯᬂᬢ᭄ᬭᬗ᭄ᬕᬡᬵᬤᬶᬫᬮᬸ᭞ᬧᬵ

[᭓᭑ 31B]
ᬫᬃᬕ᭄ᬕᬶᬦᬾᬗᬬᬂᬗᬬᬂ᭞ᬳᬬᬸᬍᬯᬶᬄ᭞ᬓᬤᬶᬩᬸᬮᬦ᭄ᬫᬓᭂᬫ᭄ᬩᬭᬦ᭄᭟ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄ᭞ᬧ᭄ᬭᬤᬾᬯᬧ᭄ᬭᬩ᭄ᬓᭂᬮ᭄ᬫᬶᬳᬶᬤ᭄᭞ᬲᬂᬧ᭄ᬭᬪᬸᬫᭂᬦ᭄ᬤᬓᬶᬂᬧᬦᭀᬦ᭄᭞ᬓᬭᬶᬳᬜᬸᬦ᭄ᬤᬂᬲᬂᬩᬕᬸᬲ᭄᭞ᬲᬃᬯ᭄ᬯᬶᬗᬸᬤᬧᬶᬦ᭄ᬬᬾᬄᬢᬶᬗ᭄ᬳᬮ᭄᭞ᬭᬤᬾᬦ᭄ᬤᬾᬯᬶ᭞ᬓᬮᬶᬄ
ᬫᬾᬲᭂᬫ᭄ᬭᬶᬂᬲᬂᬦᬵᬣ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭞ᬫᬲ᭄ᬤᬾᬯᬦ᭄ᬫᬧᬦᬾᬫᬡᬶᬓ᭄᭞ᬗᬸᬤᬵᬳᬶᬫᬶᬭᬄᬫᬓ᭄ᬮᭀ᭞ᬧᬶᬦᬄᬮᬶᬗ᭄ᬲᬶᬃᬳᬦ᭄ᬢᬶᬦ᭄ᬕᬸᬭᬸ᭞ᬦᬯᬂᬢ᭄ᬭᬗ᭄ᬕᬡ᭄ᬦᬵᬳᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬶᬲᬶᬧ᭄᭞ᬳᬗ᭄ᬕᬾᬦᬂᬳᬶᬕᬸᬭᬸᬧᬸᬢ᭄ᬭᬵ᭟ᬬᬓ᭄ᬢᬶᬕᬸᬭᬸᬢᬶᬢ᭄ᬬᬢᭂ
ᬫᬦ᭄᭞ᬭᬶᬗᬦ᭄ᬤᬶᬓᬦ᭄ᬕᬸᬭᬸᬳᬚᬶ᭞ᬳᬶᬘᬵᬳᬶᬕᬸᬭᬸᬫᬫᭀᬗᭀᬃ᭞ᬦᬤ᭄ᬬᬦ᭄ᬓᭂᬭᬶᬲ᭄ᬦᬤ᭄ᬬᬦ᭄ᬓᬬᬸ᭞ᬳᬗ᭄ᬕᬾᬦ᭄ᬳᬶᬕᬸᬭᬸᬜᬶᬲᬶᬧᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬦᬄᬲᬸᬩᬵᬓᬸᬤᬵᬫ᭄ᬦᭂᬗᬂ᭟ᬮᬫᬸᬦ᭄ᬜᬳᬶᬓᬭᬶᬢᬺᬱ᭄ᬡᬵ᭞ᬫᬭᬭᬫᬕᬸᬭᬸᬫᬗ᭄ᬓᬶᬦ᭄᭞ᬢ᭄ᬮᬲᬂᬓᬬᬸᬦᬾ
ᬋᬓᭀ᭞ᬕᬸᬭᬸᬩᭂᬲ᭄ᬓᬮᬶᬦ᭄ᬢᬂᬳᬶᬩᬸᬓ᭄᭞ᬬᬾᬦ᭄ᬢᬦ᭄ᬜᬳᬶᬚᬦᬶᬳᬶᬘᬵ᭞ᬳᬲᬸᬂᬳᬸᬭᬶᬧ᭄᭞ᬓᬾᬤᭂᬧ᭄ᬜᬳᬶᬗᬸᬭᬶᬧ᭄ᬩᬧᬵ᭟ᬕᬸᬭᬸᬦᬸᬦᬲ᭄ᬳᬶᬘᬵᬜᭂᬫ᭄ᬩᬃ᭞ᬳᬦᬓ᭄ᬜᬳᬶᬢ᭄ᬯᬄᬓᬯᬶᬤ᭄ᬥᬶ᭞ᬩ᭄ᬬᬦᬵᬓᬗ᭄ᬕᬾᬦ᭄ᬳᬦᬓ᭄ᬱᬾᬬᭀᬲ᭄᭞ᬫᬜᭂᬫ᭄ᬩᬃᬤ [ 32 ][᭓᭑ 31B]
᭓᭑
ᬦᬾᬳᬶᬩᬕᬸᬲ᭄᭞ᬳᬸᬮᬶᬦᬸᬦᬶᬓᬢᬕᬶᬳᬂ᭞ᬭᬤᬾᬦ᭄ᬤᬾᬯᬶ᭞ᬮᬶᬦ᭄ᬢᬂᬢᬸᬃᬭᬶᬤᬵᬭᬶᬂᬫᬦᬄ᭟ᬲᬲᭂᬩᭂᬗᬾᬳᬮᬶᬫ᭄ᬮᬶᬸᬦ᭄ᬢᬂᬲᬸᬓᬵ᭞ᬢᬸᬳᬸᬢ᭄ᬯᬄᬜᬧᬸᬢ᭄ᬭᬶᬭᬶᬭᬶᬄ᭞ᬩᭀᬬᬓᭀᬬᬾᬦ᭄ᬢᬶᬢ᭄ᬬᬂᬗ᭄ᬮᭀᬂ᭞ᬫᬭᬵᬭᬫ᭄ᬫᬵᬭᬶᬂᬳᬶᬭᬢᬸ᭞ᬢᬶᬢ᭄ᬬᬂᬗᬶᬭᬶᬂᬧᬘᬂᬜᭂ
ᬫ᭄ᬩᬃ᭞ᬤ᭄ᬬᬲ᭄ᬢᬸᬦ᭄ᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬗᬶᬭᬶᬂᬧᬶᬲᬦ᭄᭟ᬳᬶᬕᬸᬭᬸᬓᬮᬶᬦ᭄ᬢᬂᬳᬶᬘᬵ᭞ᬫᬯ᭄ᬓᬵᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬳᬢᬸᬃᬧᬢᬓᭀᬦ᭄᭞ᬳᬶᬕᬸᬭᬸᬓᬢᬶᬩᬾᬦ᭄ᬢᬫ᭄ᬬᬸ᭞ᬓᬢ᭄ᬓᬦ᭄ᬳᬶᬭᬶᬓᬶᬲᬸᬗ᭄ᬓᬦ᭄᭞ᬬᬾᬦ᭄ᬯᭀᬂᬍᬯᬶᬄ᭞ᬲᬸᬤ᭄ᬭᬳᬧᬂᬢᬶᬢ᭄ᬬᬂᬦ
ᬯᬂ᭟ᬓ᭄ᬦᬶᬓᬾᬕᬸᬭᬸᬦᬓᬾᬦᬂ᭞ᬢ᭄ᬓᬾᬦ᭄ᬢᬫ᭄ᬬᬸᬦᬾᬧᬸᬦᬶᬓᬶ᭞ᬯᭀᬂᬧᬸᬦᬧᬶᬤᬦᬾᬋᬓᭀ᭞ᬤᬾᬦᬶᬂᬢᬶᬢ᭄ᬬᬂᬩᬚᬂᬳ᭄ᬮᬸᬄ᭞ᬳᬧᬂᬢᬶᬢ᭄ᬬᬂᬩᬦᬶᬜᭂᬫ᭄ᬩᬃ᭟ᬢᬸᬃᬗᬬᬳᬶᬦ᭄᭞ᬬᬾᬦ᭄ᬯᭀᬂᬲᬸᬤᬺᬢᬶᬢ᭄ᬬᬂᬫᬶᬦ᭄ᬤᬄ᭟ᬲᬂᬧ᭄ᬭᬪᬸᬲ᭄ᬓᭂᬮᬶᬂᬫᬦᬄ᭞ᬳᬗ᭄ᬭᬯᭀ
ᬲ᭄ᬭᬕᬦᬾᬲᬶᬲᬶᬧ᭄᭞ᬤᬾᬦᬶᬂᬧᬸᬢ᭄ᬭᬦᬾᬫᬢᬓᭀᬦ᭄᭞ᬢᬫ᭄ᬬᬸᬦᬾᬢ᭄ᬯᬭᬵᬜᬓ᭄ᬗᬓᬸ᭞ᬓᬾᬦ᭄ᬓᬾᬦ᭄ᬚᬦᬶᬩᬦ᭄ᬗᭀᬭᬳᬂ᭞ᬲᬗ᭄ᬓᬦ᭄ᬫᬗ᭄ᬓᬶᬦ᭄᭞ᬳᬶᬤᬵᬤᬸᬓᬵᬢ᭄ᬓᬾᬦ᭄ᬭᬕ᭄ᬕᬵ᭟ᬦᬯᬂᬢ᭄ᬭᬗ᭄ᬕᬡᬵᬳᬜᬸᬫ᭄ᬩᬄ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭᬵ

[᭓᭒ 32A]
᭓᭒
ᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᬾᬢ᭄ᬫᬗ᭄ᬓᬶᬦ᭄ᬫᬢᬓᭀᬦ᭄᭞ᬲᬂᬧ᭄ᬭᬪᬸᬳᬗᬶᬸᬲᬯᬸᬃᬓ᭄ᬜᬸᬂ᭞ᬳ᭄ᬦᬄᬜᬳᬶᬧᬾᬢ᭄ᬦᬓᭀᬦᬂ᭞ᬲᬶᬜᬜᬳᬶᬦᬓᭀᬦᬶᬦ᭄ᬤᬦᬾᬗᭀᬭᬳᬂ᭟ᬤᬶᬧᬗ᭄ᬮᬶᬧᬸᬃᬫᬗ᭄ᬓᬶᬦ᭄ᬧ᭄ᬭᬧ᭄ᬢᬵ᭞ᬤᬶᬩᬮᬾᬧᬗᬭᬶᬂᬗᬭᬶᬂ᭞ᬓᬲᬸᬃᬲᬭᬶᬫᬧᬧᭂᬮᭀᬓ᭄᭞ᬫ
ᬮᬗ᭄ᬲᬾᬫᬕᬫ᭄ᬩᬃᬫᬸᬭᬸᬩ᭄᭞ᬳᬶᬭᬶᬓᬫᬕᬸᬮᬶᬂᬕᬸᬮᬶᬗᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬯᬃᬡ᭄ᬦᬦ᭄ᬤᬦᬾᬲᬬᬦ᭄ᬓᬸᬲ᭄ᬬᬵ᭟ᬧᬢᬶᬄᬫᬦ᭄ᬢ᭄ᬭᬶᬮᬦ᭄ᬧᬺᬤᬾᬯᬵ᭞ᬲᬫ᭄ᬧᬸᬦ᭄ᬲᬫᬶᬧᬤᬵᬫᬶᬚᬶᬮ᭄᭞ᬦᬯᬂᬢ᭄ᬭᬗ᭄ᬕᬡᬵᬓᬚ᭄ᬭᭀ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬧᬮᬶᬸᬗ᭄ᬮᬶᬫᬸᬃ᭞ᬲᬂᬧ᭄ᬭᬪᬹᬭ
ᬭᬶᬲ᭄ᬗᬦ᭄ᬤᬶᬓᬵ᭞ᬫᬶᬭᬄᬕᬸᬲ᭄ᬢᬶ᭞ᬳᬶᬘᬂᬜᬳᬶᬲᬶᬦᬫ᭄ᬧᬸᬭᬵ᭟ᬤᬾᬦᬶᬂᬕᬸᬭᬸᬢ᭄ᬯᬭᬵᬦᬯᬂ᭞ᬰ᭄ᬭᬶᬧ᭄ᬭᬫᬶᬲ᭄ᬯᬭᬶᬜᬯᬸᬭᬶᬦ᭄᭞ᬫᬶᬭᬄᬫᬾᬫᬾᬦᬾᬫᬲ᭄ᬳᬶᬗᭀᬂ᭞ᬲᬫ᭄ᬧᬸᬦ᭄ᬳᬶᬫᬶᬭᬄᬕᬸᬂᬩᭂᬦ᭄ᬤᬸ᭞ᬢ᭄ᬓᬾᬦᬶᬂᬕᬸᬭᬸᬦ᭄ᬳᬶᬤᬾᬯᬵ᭞ᬩᬮᬶᬓ᭄ᬜᬳᬶ᭞ᬦᬓᭀᬦᬶᬦ᭄ᬫᬾᬫᬾ
ᬮᬸᬕ᭄ᬭᬳᬵ᭟ᬦᬯᬂᬢ᭄ᬭᬗ᭄ᬕᬡᬵᬳᬜᬸᬫ᭄ᬩᬄ᭞ᬲᬦ᭄ᬤᬶᬓᬦ᭄ᬰ᭄ᬭᬶᬧ᭄ᬭᬫᬶᬲ᭄ᬯᬭᬶ᭞ᬲᬫ᭄ᬧᬸᬦ᭄ᬫᬾᬫᬾᬜᬮᬄᬭᬯᭀᬲ᭄᭞ᬭᬤᬾᬦ᭄ᬕᬮᬸᬄᬫᬸᬯᬸᬄᬲᭂᬦ᭄ᬥᬸ᭞ᬲ᭄ᬩᭂᬗᬾᬢ᭄ᬯᬄᬲᬸᬓᬵᬧᬶᬲᬦ᭄᭞ᬤᬾᬦᬶᬂᬭᬶᬭᬶᬄ᭞ᬢᬸᬃᬫ᭄ᬦᬾᬓᬦᬫ᭄ᬧᬵᬲᭂᬫ᭄ᬩᬵᬃ᭟ᬦᬯᬂᬢ᭄ᬭᬗ᭄ᬕ [ 33 ][᭓᭒ 32B]
᭓᭒
ᬡ᭄ᬦᬵᬫᬜᬧᬵ᭞ᬓᬦ᭄ᬢᭂᬦ᭄ᬓᬾᬲᬸᬗ᭄ᬓᬦᬂᬩ᭄ᬮᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬓᬶᬢ᭄ᬗᭀᬯᭀᬦ᭄᭞ᬦᬯᬂᬢ᭄ᬭᬗ᭄ᬕᬡ᭄ᬦᬵᬬᬾᬦ᭄ᬓᭂᬜᬸᬂ᭞ᬓᬸᬤ᭄ᬬᬂᬤᬬᬦᬾᬧᬩᭂᬮᬳᬦ᭄᭞ᬲᬓᬶᬢ᭄ᬧᬶᬗᬶᬢ᭄᭞ᬳᬯᭀᬭᬶᬦ᭄ᬢ᭄ᬯᬄᬯᬯ᭄ᬯᬤᭀᬦᬦ᭄᭟ᬯᬾᬦ᭄ᬢᭂᬦ᭄‌ᬩ᭄ᬮᬶᬲᬫ᭄ᬧᬸᬦᬶᬓᬵ
᭞ᬳᬶᬗ᭄ᬕᬶᬄᬬᬓ᭄ᬢᬶᬤᬵᬲᬂᬧᬸᬢ᭄ᬭᬶ᭞ᬫᬃᬕ᭄ᬕᬦᬶᬦ᭄ᬢᬶᬢ᭄ᬬᬂᬫᬗᭀᬯᭀᬦ᭄᭞ᬢᬦᬯᬂᬳᬦ᭄ᬢᬸᬓᬶᬭᬵᬢᬸ᭞ᬢᬸᬢᬸᬕᬂᬲᬸᬓᬦᬾᬫᬶᬭᬄ᭞ᬤ᭄ᬬᬄᬳᬭᬶ᭞ᬳᬶᬤᬾᬯᬵᬗᬸᬲᬤᬵᬢᬶᬢ᭄ᬬᬂ᭟ᬬᬦᬶᬘᬵᬳᬶᬭᬢᬸᬜᭂᬫ᭄ᬩᬃ᭞ᬲᬲᬢᬶᬩᬾᬦ᭄ᬩᬜᬸᬫᬶᬮᬶᬃ᭞ᬭᬤᬾᬦ᭄ᬕ
ᬮᬸᬄᬲᬯᬸᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬳᬶᬩ᭄ᬮᬶᬩᬕᬸᬲ᭄᭞ᬦᬗᬶᬂᬯᬶᬱᬵᬮᬱᬵᬤᬰᬵ᭞ᬧ᭄ᬭᬲᬦ᭄ᬢᬭᬶ᭞ᬳᬶᬲ᭄ᬢ᭄ᬭᬶᬫᬧᬵᬮᬫᬃᬭᬝᬵ᭟ᬫᬓᬵᬢᬸᬳᬸᬓ᭄ᬱᬸᬘᬶᬫᬸᬓᬵ᭞ᬯᬶᬚᬾᬦ᭄ᬤ᭄ᬭᬫᬾᬯᭂᬄᬭᬶᬂᬦᬩᬶ᭞ᬲᬶᬂᬢᬕᭀᬦ᭄ᬤᬦᬾᬭᬶᬂᬧᬦᭀᬦ᭄᭞ᬮᬡ᭄ᬥᭂᬧ᭄ᬕᭂᬦᬳᬾᬭᬶᬂ
ᬗᬶᬭᬸᬂ᭞ᬓ᭄ᬭᬶᬲ᭄ᬫᬜ᭄ᬚᬶᬗᬶᬂᬯᭀᬭᬗ᭄ᬓᬵ᭞ᬘᬶᬧ᭄ᬢᬵᬳᭀᬮᬦ᭄ᬢᬶ᭞ᬤᬸᬯᬸᬂᬫᬜ᭄ᬚᬶᬗᬶᬂᬯᭀᬭᬗ᭄ᬓᬵ᭟ᬲᬸᬓ᭄ᬮᬵᬧᬓ᭄ᬱᬦᬾᬧᬶᬂᬲᬧ᭄ᬢᬵ᭞ᬓᬮᬯᬦ᭄ᬧᬸᬢ᭄ᬭᬶᬬᭀᬤᬰᬶᬄ᭞ᬢᬦ᭄ᬫᬶᬮᬸᬭᬶᬂᬢᬺᬱ᭄ᬡᬵᬧᬓ᭄ᬱᬵ᭞ᬧᬸᬦᬶᬓᬵᬬᬾᬦ᭄ᬩᭂᬮᬶᬗᬶᬢᬸᬂ᭞ᬯᬶᬭᬱᬦ᭄ᬢᭀ

[᭓᭓ 33A]
᭓᭓
ᬢᬸᬦᬲ᭄ᬢᬶᬢ᭄ᬬᬂ᭞ᬭᬶᬗᬶᬩ᭄ᬮᬶ᭞ᬦᬶᬓᬵᬢᬸᬦᬲ᭄ᬢᬶᬢ᭄ᬬᬂᬧᬶᬲᬦ᭄᭟ᬩᬕᬸᬲᬸᬫ᭄ᬩᬭᬵᬲᬸᬓ᭄ᬱᭂᬓᬦ᭄᭞ᬤᬾᬦᬶᬂᬫᬸᬜᬶᬓᬢᬚᬯᬶ᭞ᬫᬫᭂᬢᭂᬂᬫᬦᬳᬾᬋᬓᭀ᭞ᬭᬤᬾᬦ᭄ᬕᬮᬸᬄᬦᭂᬢᭂᬕ᭄ᬫᬢᬸᬃ᭞ᬳᬶᬘᬦᬶᬦ᭄ᬚᬢᬶᬢ᭄ᬬᬂᬓᬦ᭄ᬤᬵ᭞ᬗᬸᬤᬵᬩ᭄ᬮᬶ᭞ᬫᬭᬱᬵᬬᬶᬸᬦᬸᬗᬮᬶᬄᬤ
ᬬᬵ᭟ᬩ᭄ᬮᬶᬢᬗ᭄ᬲᬄᬗ᭄ᬯᬶᬤᬶᬢᬶᬢ᭄ᬬᬂ᭞ᬩ᭄ᬬᬦᬢᬶᬢ᭄ᬬᬂᬫᬫᬲᬶᬮᬶᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗ᭄ᬯᬶᬤᬶᬳᭂᬦ᭄ᬢᭀ᭞ᬗᬸᬤᬵᬩ᭄ᬮᬶᬓᬭᬶᬲᬸ᭠ᬗ᭄ᬲᬸᬢ᭄᭞ᬗᬦ᭄ᬤᬶᬓᬬᬂᬢ᭄ᬓᬾᬦ᭄ᬢᬶᬢ᭄ᬬᬂ᭞ᬫᬶᬭᬶᬩ᭄ᬚᬦᬶ᭞ᬢᬶᬢ᭄ᬬᬂᬩᬾᬦ᭄ᬮᬬᬄᬫᬜᬫᬵ᭟ᬩ᭄ᬮᬶᬩ᭄ᬬᬦᬵᬓ᭄ᬦᬵᬘᭀᬗ᭄ᬕᬄ᭞ᬓᬸᬤ᭄ᬬᬂᬤ᭄ᬮᬶᬗᬾ
ᬤᬶᬩᬮᬶ᭞ᬢᬶᬢ᭄ᬬᬂᬫᬦᬸᬦᬲ᭄ᬳᬓᬾᬦ᭄ᬢᭀ᭞ᬩ᭄ᬮᬶᬳᬸᬮᬢ᭄ᬜᬭᬸᬜᬭᬸ᭞ᬓᬸᬤ᭄ᬬᬂᬩᬲ᭄ᬢᬦᬶᬲᬧᬮᬵ᭞ᬦᭂᬫᬶᬦ᭄ᬩᭂᬮᬶ᭞ᬫᬸᬜᬶᬦ᭄ᬳᬦᬓ᭄ᬮᬸᬄᬦᭂᬫ᭄ᬩᬭᬵ᭟ᬩᬕᬸᬲᬸᬫ᭄ᬩᬭᬵᬫᬫᬶᬦ᭄ᬤᬄ᭞ᬳᬫ᭄ᬧᬸᬭᬢᬶᬢ᭄ᬬᬂᬤ᭄ᬬᬄᬳᬭᬶ᭞ᬯᬶᬭᬱᬵᬦ᭄ᬱᬢ᭄ᬭᬧᬸᬦᬶᬓᬵ᭞ᬢᬶᬢ᭄ᬬᬂ
ᬫᬶᬦ᭄ᬤᬄᬭᬶᬂᬳᬶᬭᬢᬸ᭞ᬭᬤᬾᬦ᭄ᬕᬮᬸᬄᬳᬶᬘᬵᬧᬶᬲᬦ᭄᭞ᬢᬸᬃᬕᬸᬬᭀᬦᬶᬦ᭄᭞ᬓᬸᬤ᭄ᬬᬂᬩᬶᬦ᭄ᬢᬂᬜᬶᬢ᭄ᬓᬯᬸᬳᬵ᭟᭠ᬩᬕᬸᬲᬸᬫ᭄ᬩᬭᬳᬗ᭄ᬭᬱᬵ᭞ᬬᬾᬦᬗᬸᬘᬧ᭄ᬫᬭᬶᬗᬢᬶ᭞ᬫᬶᬮᬶᬄᬓᬧᬶᬘᬸᬦ᭄ᬤᬂᬋᬓᭀ᭞ᬲᬢ᭄ᬭᬶᬬᬵᬮ᭄ᬯᬶᬄᬲᬂᬭᬢᬸ᭞ [ 34 ][᭓᭓ 33B]
᭓᭓
ᬚᬦᬶᬫ᭄ᬭᬱᬵᬓᬧᬶᬘᬸᬡ᭄ᬥᬂ᭞ᬩᬦ᭄ᬧᬯᬾᬲ᭄ᬢ᭄ᬭᬶ᭞ᬫ᭄ᬤᬮ᭄ᬲᬓᬶᬂᬕᬸᬮᬵᬕ᭄ᬮᬵᬂ᭟ᬫᬦᬩᬶᬗᬾᬕᬸᬮᬕ᭄ᬮᬵᬂ᭞ᬲᬢ᭄ᬫᬵᬓᬵᬕᬥᬸᬂᬫᬮᬢᬶ᭞ᬯᬶᬭᬱᬵᬳᬗ᭄ᬕᭀᬦᬗ᭄ᬭᬱᬵ᭞ᬫᬥᬸᬚᬸᬭᬸᬄᬳᬗ᭄ᬕᭀᬦᬸᬢᬸᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬦᬾᬦᬾᬫ
ᬗ᭄ᬓᬶᬦ᭄ᬢᬶᬢ᭄ᬬᬂᬫᬢᬸᬃᬭᬶᬂᬳᬶᬤᬾᬯᬵ᭟ᬧᬸᬢ᭄ᬭᬶᬦᬾᬭᬶᬂᬧ᭄ᬭᬡᬭᬕᬵ᭞ᬚᬗ᭄ᬕᬮᬵᬮᬦ᭄ᬱᬶᬗ᭄ᬳᬵᬲᬭᬶ᭞ᬚᬕᬵᬭᬕ᭄ᬕᬵᬓᭂᬫ᭄ᬩᬂᬚ᭄ᬦᬃ᭞ᬕᬕ᭄ᬮᬂᬮᬯᬦ᭄ᬫᬢᬯᬸᬦ᭄᭞ᬘᬫᬭᬵᬓᬮᬯᬦ᭄ᬧᬚᬂ᭞ᬮᬦ᭄ᬓᬸᬲᬫ᭄ᬩᬶ᭞ᬧᬫᭀᬢᬦ᭄ᬮᬯᬦ᭄ᬫᬢᬭᬫ᭄᭟ᬧᬦ᭄ᬤᬵ
ᬦ᭄ᬱᬮᬲ᭄ᬢᬭᬕᬾᬩᬂ᭞ᬫᬕᬥᬵᬧᬸᬦᬶᬓᬵᬲᬫᬶ᭞ᬧᬚᬭᬓᬦ᭄ᬢᬸᬩᬦ᭄ᬋᬓᭀ᭞ᬧᬦᬩᬦ᭄ᬮᬯᬦ᭄ᬢᬸᬫᬸᬗ᭄ᬓᬸᬮ᭄᭞ᬫᬤᬕᬶᬂᬧᬸᬢ᭄ᬭᬶᬫᬓ᭄ᬚᬂ᭞ᬬᬦ᭄ᬢᭀᬲᬫᬶ᭞ᬫᬱᬵᬧᬤᬵᬭᬶᬗᬶᬤᬾᬯᬵ᭟ᬳᬲᬶᬓᬶᬓᬧᬗ᭄ᬕᬶᬄᬧᬤᬵ᭞ᬲᬂᬧᬸᬢ᭄ᬭᬶᬫ
ᬭᬶᬂᬓᬤᬶᬭᬶ᭞ᬲᬫᬶᬭᬶᬗᬶᬤᬾᬯᬵᬋᬓᭀ᭞ᬫᬶᬯᬄᬤᬶᬯᬃᬡ᭄ᬦᬵᬧᬢᬸᬳᬸ᭞ᬫᬩᬸᬦ᭄ᬤᬵᬬᬾᬦ᭄ᬓᬧ᭄ᬭᬕᭀᬮᬦ᭄᭞ᬳᬬᬸᬍᬯᬶᬄ᭞ᬭᬤᬾᬦ᭄ᬕᬮᬸᬄᬭᬢ᭄ᬦᬵᬤ᭄ᬯᬶᬢ᭄ᬣᬵ᭟ᬦᬵᬗ᭄ᬳᬶᬂᬤᬦᬾᬓᭀᬘᬧ᭄ᬳᬶᬮᬂ᭞ᬫᬫ᭄ᬩᬸᬭᬸᬯᬶᬮᬮᬵᬭᬸ

[᭓᭔ 34A]
᭓᭔
ᬓ᭄ᬫᬶ᭞ᬦᬯᬂᬢ᭄ᬭᬗ᭄ᬕᬡᬵᬮᬶᬦ᭄ᬬᬮᭀᬦ᭄᭞ᬲᬃᬯ᭄ᬯᬶᬤᬦᬾᬦ᭄ᬕᭂᬦ᭄ᬲᬗ᭄ᬕᬸᬧ᭄᭞ᬳᬗᬤᭂᬕ᭄ᬭᬶᬂᬩᬩᬢᬸᬭᬦ᭄᭞ᬲᬵᬫ᭄ᬧᬸᬦ᭄ᬫᬶᬮᬶᬄ᭞ᬚᬦᬶᬓᬭᬱᬵᬭᬶᬂᬫᬦᬄ᭟ᬢᬸᬳᬸᬢ᭄ᬯᬄᬩ᭄ᬮᬶᬯᬶᬤᬕ᭄ᬥᬵ᭞ᬫᬗ᭄ᬭᬱᬵᬮᬫ᭄ᬩᭂᬓᬶᬂᬗᬸᬓᬶᬃ᭞ᬫᬓᬚᬂᬩᬦ᭄ᬤᬸᬗᬂᬋᬓᭀ᭞ᬧᬸᬢ᭄ᬭᬶ
ᬦᬾᬤᭀᬫᬲ᭄ᬓᬢ᭄ᬧᬸᬓ᭄᭞ᬳᬤᬶᬳᬶᬢ᭄ᬯᬭᬵᬬᬾᬦ᭄ᬧᬤᬵ᭞ᬬᬾᬦ᭄ᬢᭀᬚᬦᬶ᭞ᬭᬤᬾᬦ᭄ᬕᬮᬸᬄᬭᬢ᭄ᬦᬵᬚ᭄ᬯᬶᬢ᭄ᬣᬵ᭟ᬩᬕᬸᬲᬸᬫ᭄ᬩᬭᬵᬓᬘᬶᬯᬵ᭞ᬢᭀᬂᬩᬓᬢ᭄ᬓᭀᬚᬦᬶᬲᬶᬮᬶᬩ᭄᭞ᬧᬘᬂᬫᬮᬶᬩᬳᬦ᭄ᬩᬾᬭᭀ᭞ᬤᬬᬦᬾᬳᬚᬕᬢ᭄ᬕᬯᬸᬓ᭄
᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬾᬯ᭄ᬳᬦ᭄᭞ᬫ᭄ᬢᬸᬢᬗᬶᬲ᭄᭞ᬓᬤᬸᬕᬶᬗᬸᬲᬧ᭄ᬳ᭄ᬬᬾᬄᬢᬶᬗ᭄ᬳᬮ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬯᬘᬦᬵᬮ᭄ᬯᬶᬃᬫᬥᬸᬕᭂᬦ᭄ᬤᬶᬲ᭄᭞ᬢᭀᬮᬶᬄᬳᬸᬕᬶᬢᬶᬢ᭄ᬬᬂᬋᬓᭀ᭞ᬲᬬᬂᬲᬦ᭄ᬓᭀᬩ᭄ᬮᬶᬩᬕᬸᬲ᭄᭞ᬧᬸᬦᬧᬶᬫᬃᬕ᭄ᬕᬵᬲ᭄ᬥᬶᬄᬲ
ᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬮᬶᬮᬬᬂᬓᬬᬸᬦᬾᬤᬾᬦᬦ᭄᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬫᬲ᭄ᬤᬾᬯᬦᬶᬭᬤ᭄ᬬᬳᬭᬶ᭞ᬧᬸᬧᬸᬦᭂᬦ᭄‌ᬢᬶᬢ᭄ᬬᬂᬫᬲᬶᬗᭀᬂ᭞ᬭᬤᬾᬦ᭄ᬕᬮᬸᬄᬲᬯᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬮᬫᬸᬦ᭄ᬧᬤᬵᬍᬫᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬬᬦ᭄ [ 35 ][᭓᭔ 34B]
᭓᭔
ᬧ᭄ᬢᭂᬂᬢᬶᬢ᭄ᬬᬂᬫᬫᬶᬦ᭄ᬤᬄ᭟ᬤᬸᬯᬸᬂᬫᬜ᭄ᬚᬶᬗᬶᬂᬯᭀᬭᬗ᭄ᬓᬵ᭞ᬳᭀᬭᬗ᭄ᬓᬵᬫᬜ᭄ᬚᬶᬗᬶᬂᬓ᭄ᬭᬶᬲ᭄᭞ᬩᬲᬬᬂᬚᬵᬩ᭄ᬮᬶᬳᭂᬦ᭄ᬢᭀ᭞ᬳᬧᬂᬢᬶᬢ᭄ᬬᬂᬳᬾᬗ᭄ᬕᬮ᭄ᬜᬶᬫ᭄ᬩᬸᬄ᭞ᬩ᭄ᬮᬶᬕᬶᬫᬶᬄᬢᬶᬢ᭄ᬬᬂᬳᬶᬫ᭞ᬲᬫ᭄ᬧᬸᬦᬧᬶ᭞ᬧᬸᬦ᭄ᬱ᭄ᬫᬃᬫᬢᬸᬃᬗᬾᬗ᭄ᬕᬮᬂ᭟ᬕᬤᬂᬳᬾᬗ᭄ᬕᬮ
ᬦ᭄ᬫᬗᭂᬚᬢ᭄᭞ᬳᬶᬄᬲᬾᬤᬵᬤᬦᬾᬩᬲ᭄ᬕᬜ᭄ᬚᬶᬄ᭞ᬤ᭄ᬫᭂᬦ᭄ᬓᬾᬳᬶᬤᬯᬵᬗᭂᬦᭀᬢ᭄᭞ᬬᬶᬄᬦᬶᬗᬮᬶᬦ᭄ᬤᬾᬯᬵᬭᬢᬸ᭞ᬫᬃᬕ᭄ᬕᬶᬧᬾᬢ᭄ᬩᬋᬂᬲᬬᬗᬂ᭞ᬭᬓᬦ᭄ᬕᬸᬲ᭄ᬢᬶ᭞ᬢᬶᬢ᭄ᬬᬂᬲᬫ᭄ᬧᬸᬦ᭄ᬫᬜᬬᬗᬂ᭟ᬬᬾᬦᬶᬤᬾᬯᬲᬋᬂᬮᬸᬗ᭄ᬳᬵ᭞ᬢᬶᬢ᭄ᬬᬂᬗᬶᬭᬶᬂ
ᬢ᭄ᬯᬄᬭᬶᬫᬶᬳᬶᬦ᭄᭞ᬬᬾᬦᬶᬂᬤᬾᬯᬵᬓᬬᭂᬄᬋᬓᭀ᭞ᬢᬶᬢ᭄ᬬᬂᬫᬸᬗ᭄ᬓᬸᬭᬶᬦ᭄ᬤᬶᬫᬮᬸ᭞ᬧᬢᬫ᭄ᬧᬳᬶᬦ᭄ᬢᬶᬢ᭄ᬬᬂᬲᬶᬜ᭄ᬚᬂ᭞ᬦᬾᬦᬾᬢᬗᬶ᭞ᬢᬶᬢ᭄ᬬᬂᬯᬦ᭄ᬢᬄᬩ᭄ᬬᬦᬵᬳᬶᬸᬓᬭ᭄ᬯᬦ᭄᭟ᬳᭂᬜᬓ᭄ᬢᭂᬓᬾᬦᬶᬂᬢᬦ᭄ᬳᭂᬜᬓ᭄᭞ᬩ᭄ᬬᬦᬵᬓᭀᬓ᭄ᬦᬵᬳᬤ᭄ᬬᬦᬶ᭠
ᬦ᭄᭞ᬭᬤᬾᬦ᭄ᬕᬮᬸᬄᬓᬮᬶᬄᬫᬾᬗᭀᬲ᭄᭞ᬳᬓᬾᬄᬯᭀᬂᬚ᭄ᬭᭀᬕᬸᬫᬸᬬᬸ᭞ᬧᭀᬗᬄᬲᬦ᭄ᬤᬦᬾᬫᬧ᭄ᬢᬵ᭞ᬚ᭄ᬦᭂᬂᬫᬸᬗᬶᬮ᭄᭞ᬭᬸᬧᬦᬾᬢ᭄ᬯᬄᬯᬦ᭄ᬢᬄᬧᭀᬗᬄ᭟ᬦᬯᬂᬢ᭄ᬭᬗ᭄ᬕᬡᬵᬗᬦ᭄ᬤᬶᬓᬵ᭞ᬲᬤᬵᬲ᭄ᬫᬸᬲ᭄ᬫᬸᬭᬸᬦ᭄ᬢᬶᬓ᭄᭞ᬩ᭄ᬦᭂᬄᬩᬳ

[᭓᭕ 35A]
᭓᭕
ᬦᬶᬩᬵᬓᬾᬢᭀ᭞ᬓᬳᬶᬢ᭄ᬯᬄᬜᭂᬢ᭄ᬓᬵᬤᬶᬢᬸ᭞ᬩᬶᬱᬵᬲᬚᬵᬳᬶᬩᬲ᭄ᬫᬃ᭞ᬓᬳᬶᬗᬮᬶᬄ᭞ᬳᬦᬓ᭄ᬚᬸᬭᬸᬦᬫ᭄ᬧᬵᬲᬶᬜ᭄ᬚᬂ᭟ᬓᬳᬶᬗ᭄ᬮᬄᬧᬜ᭄ᬚᬓᬢᬄ᭞ᬳᬤᬶᬳᬶᬢ᭄ᬯᬭᬬᬾᬦ᭄ᬲᬸᬤᬶ᭞ᬩᬕᬸᬲᬸᬫ᭄ᬩᬭᬮᬶᬦ᭄ᬬᬮᭀᬦ᭄᭞ᬳ᭄ᬤᭂᬓᬓᬵᬫᬸᬜᬶᬮ᭄ᬬᬸ᭞ᬦᬶᬭᬚᬵᬲᬸᬩ
ᬓᬸᬘᬶᬯᬵ᭞ᬭᬤᬾᬦ᭄ᬤᬾᬯᬶ᭞ᬫᬾᬲᭂᬫ᭄ᬲᬃᬯ᭄ᬯᬶᬗ᭄ᬮᬾᬦᬂᬢᬶᬗ᭄ᬳᬮ᭄᭟ᬭᬓᬦᬾᬫᬗᬫ᭄ᬩᬶᬮ᭄ᬲᭂᬫ᭄ᬩᬃ᭞ᬭᬳᬶᬦᬾᬭᬭᬶᬲ᭄ᬗᬬᬸᬳᬶᬦ᭄᭞ᬲᬃᬯ᭄ᬯᬶᬜᭂᬫᬩᬶᬲᬶᬓ᭄ᬋᬓᭀ᭞ᬤᬶᬦᬶᬚᬵᬳᭂᬫ᭄ᬩᭀᬓ᭄ᬫᬜᬶᬫ᭄ᬩᬸᬄ᭞ᬓᬢᬸᬯᭀᬦ᭄ᬳᬶᬤᬵᬲᬂᬦᬵᬣ᭞ᬳᭂᬫ᭄ᬩᭀᬓ᭄ᬜᬳᬶ᭞ᬢ
ᬦ᭄ᬬᭀᬕ᭄ᬬᬳᭂᬫ᭄ᬩᭀᬓ᭄ᬫᬫᬶᬯᬮ᭄᭟ᬢᬸᬫᬸᬮᬶᬄᬫᬫᬓ᭄ᬧᬓ᭄ᬲᭂᬫ᭄ᬩᬃ᭞ᬓ᭄ᬜᬸᬲ᭄ᬓᭂᬜᬸᬲ᭄ᬫᬫᬳᭂᬓᬶᬦ᭄᭞ᬫᬦᭂᬧᬓ᭄ᬚ᭄ᬭᬶᬚᬶᬦᬾᬫᭂᬭᭀᬲ᭄᭞ᬓᬸᬓᬸᬦᬾᬮ᭄ᬯᬶᬃᬫᬡᬶᬓ᭄ᬩᬜᬸ᭞ᬫᬗ᭄ᬮᬮᬶᬬᭂᬃᬓᬤᬶᬯᬬᬂ᭞ᬫᬸᬯᬄᬫᬦᬶᬲ᭄᭞ᬲᬫ᭄ᬧᬸᬦ᭄ᬫᬜᭂᬫ᭄ᬩᬃᬧᬶᬂᬢᬶᬕᬵ᭟
ᬩᬕᬸᬲᬸᬫ᭄ᬩᬭᬳᬗᬸᬘᬧ᭄᭞ᬳᬸᬚᬭᬾᬳᬭᬸᬫ᭄ᬳᬫᬦᬶᬲ᭄᭞ᬢᬦ᭄ᬲᬧᬶᬭᬵᬳᬸᬢᬂᬳᬶᬗᭀᬂ᭞ᬧᬸᬦᬧᬶᬗ᭄ᬕᬾᬦ᭄ᬢᬶᬢ᭄ᬬᬂᬦᬯᬸᬃ᭞ᬢᬶᬢ᭄ᬬᬂᬫᬗᬢᬸᬭᬂᬳᬯᬓ᭄᭞ᬭᬶᬂᬤ᭄ᬬᬄᬳᬭᬶ᭞ᬳᬶᬤᬾᬯᬵᬗᬸᬮᬬᬂᬢᬶᬢ᭄ᬬᬂ᭟ᬤᬸᬭᬸᬲᬂᬳᬶᬘᬦᬾᬫᬶᬭᬄ᭞ᬫᬫᬸᬧᬸ᭠ [ 36 ][᭓᭕ 35B]
᭓᭕
ᬚᬦ᭄ᬫᬵᬓᬲ᭄ᬬᬰᬶᬄ᭞ᬓᬍᬩᬸᬭᬶᬂᬬᬫᬵᬋᬓᭀ᭞ᬢᬦ᭄ᬮ᭄ᬬᬦ᭄ᬢ᭄ᬯᬄᬳᬶᬫᬶᬭᬄᬭᬢᬸ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬦᭂᬫ᭄ᬩᬳᬦ᭄᭞ᬤ᭄ᬬᬄᬳᬭᬶ᭞ᬳᬶᬤᬾᬯᬗᬸᬮᬬᬂᬢᬶᬢ᭄ᬬᬂ᭟ᬤᬸᬭᬸᬲᬂᬳᬶᬘ᭄ᬙᬦᬾᬫᬶᬭᬄ᭟ᬳᬧᬵᬚᬵᬦ᭄ᬢᭀᬓᬾᬦ᭄ᬢᭀᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬳᬢᬸᬃᬢᬶᬢ᭄ᬬᬂ
ᬦᬸᬦᬶ᭞ᬮᬫᬸᬦ᭄ᬧᬤᬵᬍᬫᬄᬋᬓᭀ᭞ᬢᬶᬢ᭄ᬬᬂᬗᬶᬭᬶᬂᬲᬧᬓᬬᬸᬦ᭄᭞ᬮᬫᬸᬦ᭄ᬧ᭄ᬢᭂᬂᬢᬶᬢ᭄ᬬᬂᬫᬶᬦ᭄ᬤᬄ᭞ᬓᬦ᭄ᬢᬸᬦ᭄ᬩᭂᬮᬶ᭞ᬤᬶᬭᬶᬓᬶᬢᬶᬢ᭄ᬬᬂᬓᬧᬸᬭᬵ᭟ᬦᬯᬂᬢ᭄ᬭᬗ᭄ᬕᬡᬵᬗᬦ᭄ᬤᬶᬓᬵ᭞ᬫᬥᬾᬢᬭᭀᬚᬮᬦ᭄ᬫᬸᬮᬶᬄ᭞ᬧᬫᬶᬢ᭄ᬭᬶᬂᬳᬶᬕᬸᬭᬸᬋᬓᭀ᭞ᬓᬦ᭄ᬢᬸᬦ᭄ᬓᬾ
ᬫᬗ᭄ᬓᬶᬦᬶᬕᬸᬭᬸ᭞ᬧᬸᬢ᭄ᬭᬦᬾᬓᬮᬶᬄᬫᬜᬸᬫ᭄ᬩᬄ᭞ᬢᬸᬃᬫᬫᬃᬕ᭄ᬕᬶ᭞ᬧ᭄ᬭᬧ᭄ᬢᬵᬭᬶᬂᬚ᭄ᬭᭀᬭᬶᬂᬧᬫᬺᬫᬦ᭄᭟ᬦᬯᬂᬢ᭄ᬭᬗ᭄ᬕᬡ᭄ᬦᬵᬗᬦ᭄ᬤᬶᬓᬵ᭞ᬫᬥᬾᬢᬭᭀᬫᬳᬶᬫᬩᬶᬦ᭄᭞ᬚᬮᬦ᭄ᬧᬾᬢ᭄ᬫᬮᬸᬓᬢ᭄ᬋᬓᭀ᭞ᬚᬮᬦ᭄ᬩᬲ᭄ᬫᬶᬯᬲ᭄ᬢ᭄ᬭᬲᬩᬸᬓ᭄᭞ᬕᭂᬤᭀ
ᬕᬦ᭄ᬓᬮᬯᬦ᭄ᬲᬶᬜ᭄ᬚᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬦᭂᬗᬓ᭄ᬦᬭᬶᬂᬚ᭄ᬭᭀᬧᬸᬭᬵ᭟ᬩᬕᬸᬲᬸᬫ᭄ᬩᬭᬵᬓᭀᬘᬧᬵ᭞ᬭᬭᬶᬲ᭄ᬓᬾᬦᬓ᭄ᬧᬭᬫᬗ᭄ᬓᬶᬦ᭄᭞ᬲ᭄ᬓᬸᬮ᭄ᬳᬸᬮᬫ᭄ᬭᬯᬸᬄᬋᬓᭀ᭞ᬲᬂᬧ᭄ᬭᬪᬹᬳᬮᭀᬦᬫᬸᬯᬸᬲ᭄᭞ᬘᬳᬶᬩᬕᬸᬲ᭄ᬦᬄᬫᬚᭂᬗᬦ᭄᭞ᬩᬧᬫᬸ

[᭓᭖ 36A]
᭓᭖
ᬮᬶᬄ᭞ᬲᬫ᭄ᬧᬸᬦ᭄‌‌ᬘᬳᬶᬲᬸᬫᬗ᭄ᬲᬬᬵ᭟ᬲᬦ᭄ᬤᬶᬓᬵᬦ᭄ᬳᬶᬤᬵᬲᬂᬦᬵᬣ᭞ᬩᬾᬜ᭄ᬚᬂᬢᬶᬢ᭄ᬬᬂᬦᬸᬦᬲ᭄ᬧᬫᬶᬢ᭄᭞ᬢᬶᬢ᭄ᬬᬂᬫᬗ᭄ᬮᬂᬗ᭄ᬮᬂᬓᬮᬗᭀᬦ᭄᭞ᬓᬗ᭄ᬕᬾᬜᭂᬓᬬᬸᬦᬶᬩᬕᬸᬲ᭄᭞ᬫᬯᬦ᭄ᬢᬸᬚᬵᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬲᬫ᭄ᬧᬸᬦ᭄ᬮᬫᬶ᭞ᬫᬮᬶᬄᬯᬾᬦ᭄ᬢᭂᬦ᭄‌‌ᬓᬾᬤᭂ
ᬧ᭄ᬢᬶᬢ᭄ᬬᬂ᭟ᬳᬶᬬᬵᬜᬫᬦ᭄ᬘᬳᬶᬤᬤ᭄ᬯ᭞ᬳᭂᬗ᭄ᬓᬾᬦ᭄ᬚᬵᬓᬬᬸᬦᬂᬘᬳᬶ᭞ᬤᬤ᭄ᬬᬦ᭄ᬳᬶᬬᬵᬫᬓᬵᬭᭀᬭᭀ᭞ᬩᬧᬵᬲᬸᬓᬵᬭᬶᬗᬶᬩᬕᬸᬲ᭄᭞ᬲᬓᬾᬯᬮᬵᬤᬶᬦᬶᬗᭂᬢᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬶᬢ᭄ᬬᬂᬕ᭄ᬮᬶᬲ᭄ᬫᬮᬶᬄᬢᬸᬮᬓ᭄᭟ᬢᬸᬫᬸᬮᬶᬄᬫᬭᬫᬚᭂᬗᬦ᭄᭞ᬧ
ᬢᬶᬄᬫᬦ᭄ᬢ᭄ᬭᬶᬫᬗᬬᬳᬶᬦ᭄᭞ᬮᬸᬫᬶᬦ᭄ᬕᬸᬍᬮᬯᬸᬄᬋᬓᭀ᭞ᬩ᭄ᬭᬫᬭᬓ᭄ᬮᬦ᭄ᬧᬚᭂᬂᬩᬸᬤᬸ᭞ᬢᬦ᭄ᬓᬭᬶᬳᬸᬮᬫ᭄ᬲᬕᬭ᭞ᬳᬸᬮᬫ᭄ᬩᬯᬶ᭞ᬧᬸᬦ᭄ᬱ᭄ᬫᬃᬲᬫ᭄ᬧᬸᬦ᭄ᬩᭂᬢᭂᬓᬦ᭄᭟ᬧᬢᬶᬄᬫᬦ᭄ᬢ᭄ᬭᬶᬓᬕᬯᭀᬓᬦ᭄᭞ᬭᬶᬂᬧᭀᬮᬳᬾᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬩᬶᬲᬶᬓ᭄ᬤᬸᬫᬤᬓ᭄ᬋ
ᬓᭀ᭞ᬲᬂᬧ᭄ᬭᬪᬸᬲᬤ᭄ᬬᬫᬫᬦ᭄ᬢᬸ᭞ᬫᬶᬦᬓᬵᬲ᭄ᬓᬃᬦᬕᬭᬵ᭞ᬳᬮᬶᬄᬤᬶᬦᬶ᭞ᬤᬶᬚᬯᬵᬫᬱᬵᬫᬫᬤᬵ᭟ᬲᬯᬸᬃᬫᬦᬸᬓ᭄ᬫᬯ᭄ᬬᬓ᭄ᬢᬶᬬᬂ᭞ᬲᬂᬧ᭄ᬭᬪᬸᬯᬸᬲ᭄ᬧ᭄ᬭᬧ᭄ᬢᬾᬂᬧᬸᬭᬶ᭞ᬢᬦ᭄ᬓᭀᬘᬧᬳᬸᬚᬃᬭᬶᬂᬯᭀᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬜᭂᬓᬸᬮ᭄᭞ᬓᬮᬶᬄᬓᬮᬯᬦ᭄ᬧᬸ [ 37 ][᭓᭖ 36B]
᭓᭖
ᬦ᭄ᬱ᭄ᬫᬃ᭞ᬫᬤ᭄ᬬᬮᬢ᭄ᬭᬶ᭞ᬲ᭄ᬧᬶᬭᬤᬾᬦ᭄ᬫᬦ᭄ᬢ᭄ᬭᬶᬮᬸᬗ᭄ᬳᬵ᭟ᬲᬵᬫ᭄ᬧᬸᬦ᭄ᬮᬶᬯᬢ᭄ᬚᬫᬶᬦ᭄ᬢᭀᬭᬵ᭞ᬧᬸᬦ᭄ᬱ᭄ᬫᬃᬫᬲᬶᬄᬗᬸᬮᬶᬫᬶᬤ᭄᭞ᬓᬾᬦ᭄ᬓᬾᬦ᭄ᬩᬳᬦ᭄‌‌ᬚᬦᬶᬋᬓᭀ᭞ᬫᬦ᭄ᬤᬬᬬᬂᬭᬤᬾᬦ᭄ᬕᬮᬸᬄ᭞ᬫᬗ᭄ᬤᬾᬳᬧᬂᬤᬦᬾᬩᬓᬢ᭄᭞ᬦᬾᬦᬾᬘ᭄ᬮᬶᬄ᭞ᬢᬸᬳᬸᬤᭂᬕᭂᬂᬗᬩᬭᬕ᭄ᬕᬵ
᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬤᬵᬚ᭄ᬯᬓᬓᬵᬮ᭄ᬬᬸᬫᬸᬜᬶ᭞ᬚᬦᬶᬬᬵᬓᬮᬳᬶᬦ᭄ᬋᬓᭀ᭞ᬤᬶᬢᬸᬲᬓᬶᬢ᭄ᬜᬦᬾᬭᬯᬸᬄ᭞ᬳᬦᬓᬾᬳᭂᬦ᭄ᬢᭀᬕᬸᬕᬸᬮᬓ᭄ᬜᬵ᭞ᬧᬸᬢ᭄ᬭᬶᬭᬶᬭᬶᬄ᭞ᬮᬫᬸᬦ᭄ᬢᭀᬂᬬᬫᬗ᭄ᬕᬸᬭᬭᬧ᭄᭟ᬲᬸᬳᬸᬤ᭄ᬚᬦᬶᬫᬢᬸᬢᬸᬭᬦ᭄᭞
ᬚᬫᬸᬃᬚᬶᬧᬂᬬᬾᬦ᭄ᬓᬧᬗ᭄ᬕᬶᬄ᭞ᬢᬦᬦᬵᬲ᭄ᬯᬩᬯᬦᬶᬂᬯᭀᬂ᭞ᬤᬶᬧᬦᭂᬗ᭄ᬕᬄᬫᬗ᭄ᬓᬶᬦ᭄ᬭᬯᬸᬄ᭞ᬮᬶᬯᬢ᭄ᬧ᭄ᬭᬧ᭄ᬢᬾᬂᬯᬶᬦ᭄ᬤᬸᬢᬶᬗ᭄ᬳᬮ᭄᭞ᬲᬕᬾᬢ᭄ᬧ᭄ᬭᬧ᭄ᬢᬶ᭞ᬭᬶᬂᬜ᭄ᬚᭀᬂᬩᬶᬭᬸᬭᬶᬂᬧᬓᬸᬤᬦ᭄᭟ᬧᬸᬢᬶᬄᬢᬶᬫᬸᬃᬳᬩᬂᬯᬾᬢᬦ᭄᭞ᬮᬫ᭄ᬧᬳᬾᬤᬸᬮᬸᬭᬶᬂᬯᬶᬤᬶ᭞ᬧᬤᬵ
ᬲ᭄ᬧᬶᬲᬶᬂᬚᬸᬫᭀᬚᭀᬕ᭄᭞ᬭᬯᬸᬄᬤᬶᬲᬸᬘᬶᬳᬗ᭄ᬮᬗᬸᬦ᭄᭞ᬳᬗᬤᭂᬕ᭄ᬧᬶᬗ᭄ᬕᬶᬃᬢᬮᬕᬵ᭞ᬓᬢᭀᬦ᭄ᬫᬗ᭄ᬓᬶᬦ᭄᭞ᬢᭀᬕᭀᬕᬾᬬᬾᬦ᭄ᬫᬓᭂᬫ᭄ᬩᬭᬦ᭄᭟ᬕᬯᭀᬓ᭄ᬧᬸᬦ᭄ᬱ᭄ᬫᬃᬦᭀᬦ᭄ᬢᭀᬦᬂ᭞ᬢᭀᬕᭀᬕᬾᬓᬮᬶᬦ᭄ᬢᬂᬧ᭄ᬓᬶᬓ᭄᭞ᬧᬸᬦᬶᬓᬵ

[᭓᭗ 37A]
᭓᭗
ᬦᬾᬦᬾᬤᬶᬳᬸᬮᭀᬦ᭄᭞ᬭᬶᬂᬗᬶᬤᬾᬯᬵᬲᬫ᭄ᬧᬸᬦ᭄ᬧᬯᬸᬢ᭄᭞ᬳᬗᬶᬂᬢ᭄ᬓᬾᬦᬾᬤᬸᬭᬶᬬᬦ᭄᭞ᬮ᭄ᬯᬶᬃᬤᬶᬢᬗ᭄ᬓᬶᬲ᭄᭞ᬳᬓ᭄ᬤᬶᬓ᭄ᬢᭀᬂᬳᬤᬳᬶᬯᬂ᭟ᬧᬫᬸᬧᬸᬢ᭄ᬳᬦᬓᬾᬩᬶᬱᬵ᭞ᬗᬯᬾᬫᭀᬯᬫᬶᬯᬄᬳᬮᬶᬲ᭄᭞ᬤᬶᬢᬗᬦ᭄ᬫᬶᬯᬄᬤᬶᬘᭀᬓᭀᬃ᭞ᬤᬶᬮᬫ᭄ᬩᬾᬫᬶ᭠
ᬯᬄᬤᬶᬕ᭄ᬮᬸᬂ᭞ᬢᬢᬳᬦ᭄ᬳᬸᬦ᭄ᬢᬸᬦᬶᬤᬾᬯ᭞ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬓᬫ᭄ᬧᬸᬄᬯᬲ᭄ᬢ᭄ᬭᬵᬢ᭄ᬯᬭᬳᬶᬯᬂ᭟ᬦᬾᬢ᭄ᬩᬾᬦᬦ᭄ᬲᬧᬲᬶᬭᬵ᭞ᬩᬕᬸᬲᬸᬫ᭄ᬩᬭᬵᬗ᭄ᬤᬾᬓᬶᬦ᭄᭞ᬳᬯᬲ᭄ᬓᬓᬵᬚᬦᬶᬳᭂᬦ᭄ᬢᭀ᭞ᬳᬸᬭᬶᬦᬶᬦ᭄ᬫᬮᬸᬯᬶᬦ᭄ᬤᬶᬢᬸ᭞ᬳᭂᬦ᭄ᬢᭀᬧᬢᬸᬄᬢ᭄ᬓᬾᬦ᭄ᬓᬓᬵ᭞ᬲᬸᬩᬧᬢᬶ
ᬲ᭄᭞ᬲᬧ᭄ᬭᬢᬶᬗ᭄ᬓᬳᬾᬢᬦᬶᬯᬂ᭟ᬢᬸᬃᬳᬶᬤᬾᬯᬵᬲᬫ᭄ᬧᬸᬦᬶᬓᬵ᭞ᬲᬚᬵᬓᬾᬢᭀᬓᬓᬵᬚᬦᬶ᭞ᬓᬶᬲ᭄ᬫᬃᬕᬸᬬᬸᬫᬫᬾᬗᭀᬲ᭄᭞ᬩ᭄ᬦᭂᬄᬓᬾᬓ᭄ᬤᬾᬓᬾᬫᬸᬳᬸᬕ᭄᭞ᬤᬸᬫᬸᬦ᭄ᬤᬸᬓᬾᬤᬶᬧᬩᬾᬬᬦ᭄᭞ᬓᬾᬦᬾᬓᬧᬶ᭞ᬫᬶᬭᬶᬩ᭄ᬢᭀᬧᬾᬂᬓᬢᭀ
ᬦ᭄ᬢᬶᬢ᭄ᬬᬂ᭟ᬕ᭄ᬫᬲᬦ᭄ᬢᬶᬢ᭄ᬬᬂᬫᬦᬩᬲ᭄᭞ᬤ᭄ᬓᬲ᭄ᬥᭂᬓᭂᬲ᭄ᬫᬫᬳᭂᬓᬶᬦ᭄᭞ᬤᬶᬚᬳᬵᬳᬸᬦ᭄ᬤᬕᬶᬋᬓᭀ᭞ᬢᬶᬢ᭄ᬬᬂᬫᬓᬶᬢᬵᬫᬧᬲᬸᬄ᭞ᬲᬶᬜᬳᬤᬵᬯᬄᬯᬳᬜ᭞ᬗᬸᬢᬄᬕ᭄ᬢᬶᬄ᭞ᬫᬗ᭄ᬕᬯᬾᬧᬧᬶᬦ᭄ᬤᬦ᭄ᬱ᭄ᬫᬃ᭟ᬳᬧᬂᬩᬕᬸᬲ᭄ᬚᬕᬯᬾᬦᬂ᭞ᬤᬵ [ 38 ][᭓᭗ 37B]
᭓᭗
ᬓᬾᬢᭀᬓᬓᬵᬫᬫᬸᬜᬶ᭞ᬢ᭄ᬯᬄᬯᬶᬤᬶᬳᬤᬜᬋᬓᭀ᭞ᬫᬦ᭄ᬱᬶᬳᬧᬵᬩᬲ᭄ᬓᬮᬯᬸᬢ᭄᭞ᬩᭀᬓᬾᬢ᭄ᬯᬭᬕᬶᬕᬶᬲᬦ᭄᭞ᬩᬲ᭄ᬧᬩᬮᬶᬄ᭞ᬢᬍᬓ᭄ᬢᭂᬓ᭄ᬫᬳᬶᬭᬶᬩ᭄ᬢᭀᬜ᭟ᬢᬸᬫᬸᬮᬶᬄᬢᭀᬕᭀᬕᬾᬚᭂᬫᬓ᭄᭞ᬲᬳᬸᬩᬂᬳᬧᬗᬳᬶᬮᬶᬤ᭄᭞
ᬲᬳᬸᬩᬂᬤᬶᬮᭀᬗᬦ᭄ᬋᬓᭀ᭞ᬫᬓᬵᬤᬤ᭄ᬯᬮᬯᬸᬢᬩᬸᬦ᭄᭞ᬮᬦ᭄ᬢᬲ᭄ᬫᬮᬶᬗ᭄ᬕᬶᬄᬗᬾᬗ᭄ᬕᬮᬂ᭞ᬫᬗᭂᬦ᭄ᬢᬶᬦᬶᬦ᭄᭞ᬲᬶᬕ᭄ᬢᭀᬕᭀᬕᬾᬫᬓᬮᬶᬳᬦ᭄᭟ᬓᬸᬫᬭᬫ᭄ᬧ᭄ᬬᬂᬲᬂᬳ᭄ᬬᬂᬲᬹᬃᬬ᭄ᬬᬵ᭞ᬓᭀᬘᬧᬦ᭄ᬭᬳᬤᬾᬦ᭄ᬤᬾᬯᬶ᭞ᬩᬬᬦ᭄ᬳᬫᬾᬢ᭄ᬧᬕᬵᬕᬦ᭄ᬤᬦ᭄᭞ᬢᬸᬫᬸ
ᬮᬶᬄᬫᬗᬚᬸᬫ᭄ᬕᭂᬮᬸᬂ᭞ᬫᬯᬲ᭄ᬢ᭄ᬭᬵᬭᬡ᭄ᬥᬶᬓᬸᬫ᭄ᬜᬃ᭞ᬲᬶᬜ᭄ᬚᬂᬓ᭄ᬘᬶᬢ᭄᭞ᬫᬕ᭄ᬮᬂᬳ᭄ᬫᬲ᭄ᬫᬗ᭄ᬭᬜᬩ᭄᭟ᬭᬭᬶᬲ᭄ᬫᬫᬃᬕ᭄ᬕᬶᬓᬢᬫᬦ᭄᭞ᬲᬓᬓᬵᬓᬓᬵᬳᬗᬶᬭᬶᬂ᭞ᬲᬧ᭄ᬭᬧ᭄ᬢᬦᬾᬜᬸᬚᬸᬃᬢᭀᬕᭀᬕ᭄᭞ᬚ᭄ᬫᬓ᭄ᬮᬯᬸᬢ᭄ᬳᬸᬓᬸᬢ᭄ᬳᬸᬓᬸᬢ᭄᭞ᬲᬯᬸᬧ᭄ᬲᬗ᭄ᬓᭀᬮ᭄ᬬᬧᬦ᭄ᬤᬸ
ᬲᬂ᭞ᬫᬗ᭄ᬯᬤᬓᬶᬦ᭄᭞ᬢᭀᬕᭀᬕᬾᬗᬬᬸᬳᬂᬢᬗᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬤᬦᬾᬩᬶᬱᬵᬩᬸᬳᬕᬶᬕᬶᬲ᭄᭞ᬭᬭᬶᬫᬧᬲᬶᬳᬶᬦ᭄ᬋᬓᭀ᭞ᬫᬦᬶᬧᭀᬯᬦ᭄ᬫᬃᬕᬶᬫᬦ᭄ᬢᬸᬓ᭄᭞ᬫᬭᬵᬫᬗᬮᬶᬄᬧᬸᬦ᭄ᬱ᭄ᬫᬃ᭞ᬫᬗ᭄ᬯᬤᬓᬶᬦ᭄᭞ᬩ

[᭓᭘ 38A]
᭓᭘
ᬯᬸᬫᬗᬩᭂᬢᬂᬦ᭄ᬤᬫᬓ᭄᭟ᬢᭀᬕᭀᬕᬾᬲᬕᬾᬢᬦ᭄ᬋᬗᬲ᭄᭞ᬢᬸᬳᬸᬦ᭄ᬮᬯᬸᬢ᭄ᬓᬶᬭᬶᬕ᭄ᬓᬶᬭᬶᬕ᭄᭞ᬢᬶᬢ᭄ᬬᬂᬩᭀᬬᬵᬳᬤᬵᬢᭀᬕᭀᬕ᭄᭞ᬢᬶᬢ᭄ᬬᬂᬢ᭄ᬯᬄᬳᬶᬲ᭄ᬫᬃᬢᬸᬳᬸ᭞ᬳᬶᬭᬶᬗᬦ᭄ᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬫ᭄ᬭᬶᬓᬵᬳᬮᬶᬄ᭞ᬧᬸᬦᬶᬓᬵᬓᭀᬤ
ᬦᬾᬤᬸᬮ᭄ᬯᬦ᭄᭟ᬯ᭄ᬥᬓᬾᬭᬭᬶᬲ᭄ᬘᭀᬓᭀᬮᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬚᬕ᭄ᬚᬕᬶᬦ᭄᭞ᬫᬜᬯᬸᬧ᭄ᬫᬗᭂᬮᬸᬓ᭄ᬯᬗ᭄ᬓᭀᬂ᭞ᬲᬧᬵᬢᬶᬢ᭄ᬬᬂᬩ᭄ᬮᬶᬩᬕᬸᬲ᭄᭞ᬲᬸᬯᬾᬩ᭄ᬮᬶᬳᬦ᭄ᬢᭀᬲ᭄ᬢᬶᬢ᭄ᬬᬂ᭞ᬩᬸᬓᬵᬗᬶᬧᬶ᭞ᬩ᭄ᬮᬶᬓᬧᬗ᭄ᬕᬶᬄᬭᬶᬂᬢᬶᬢ᭄ᬬᬂ᭟ᬢᭀᬕᭀᬕ᭄ᬢᬶᬢ᭄ᬬᬗᬾᬤᬶ᭠
ᬚᬳᬵ᭞ᬧᬸᬦᬶᬓᬵᬓ᭄ᬩᬂᬳᬶᬩ᭄ᬮᬶ᭞ᬓ᭄ᬜᬸᬂᬭᬤ᭄ᬬᬦ᭄ᬫᬸᬯᬸᬲ᭄ᬳᬮᭀᬦ᭄᭞ᬩᬢᬦ᭄ᬳᭂᬮᭀᬗᬦ᭄ᬫᬢᬩᬸᬦ᭄᭞ᬯᬶᬓᬦ᭄ᬲᬚᬵᬩ᭄ᬮᬶᬗᭂᬗ᭄ᬓᭂᬩᬂ᭞ᬫᬓᬵᬓᬮᬶᬄ᭞ᬲᬗ᭄ᬓᬦ᭄ᬢᬶᬢ᭄ᬬᬂᬓᬧ᭄ᬭᬗ᭄ᬕᬸᬳᬦ᭄᭟ᬭᬤᬾᬦ᭄ᬕᬮᬸᬄᬕ᭄ᬮᬶᬲ᭄ᬫᬸᬗ᭄ᬕᬄ᭞ᬓᬮᬶᬦ᭄ᬢᬂᬳᭂᬋᬲ᭄ᬤᬶᬬᬢᬶ
᭞ᬫ᭄ᬗᭂᬓᭀᬯᬢᬸᬫᬘᭂᬧᬓ᭄᭞ᬓᬳᬶᬗᭂᬩᬂᬩ᭄ᬮᬶᬩᬕᬸᬲ᭄᭞ᬫᬕ᭄ᬭᬾᬬᭀᬢ᭄ᬫᬗᬓᬓᬂᬲᬾᬮᬵ᭞ᬩ᭄ᬮᬶᬫᬵᬦ᭄ᬢ᭄ᬭᬶ᭞ᬲ᭄ᬫᬃᬕ᭄ᬮᬶᬲᬂᬫᬸᬮ᭄ᬬᬦ᭄᭟ᬲᬫ᭄ᬧᬸᬦ᭄ᬫᬯᬸᬦᭂᬩ᭄ᬓᬂᬲᬾᬮᬵ᭞ᬲᬂᬬᬓ᭄ᬱᬵᬧ᭄ᬭᬧ᭄ᬢᬵᬫᬜ᭄ᬚ᭄ᬭᬶᬢ᭄᭞ᬳᬄᬳᬄᬫᬳᬫ᭄ᬩᬸᬯᭀᬂᬭᭀ [ 39 ][᭓᭘ 38B]
᭓᭘
ᬭᭀ᭞ᬢ᭄ᬓᬵᬢᬦᬦᬵᬤᬶᬤᬸᬮᬸ᭞ᬳᬾᬦᬓ᭄ᬗᭀᬂᬳᬫᬗᬦ᭄‌‌ᬚᬦ᭄ᬫᬵ᭞ᬜᬳᬶᬘᬮᬶ᭞ᬘᭀᬭᬄᬫᬗᭂᬩᬂᬚᬍᬫᬵ᭟ᬳᬫ᭄ᬩᬸᬦᬾᬬᬾᬦ᭄ᬚᬦ᭄ᬫᬵᬤᬤ᭄ᬯᬵ᭞ᬳᬫ᭄ᬩᬸᬩᭀᬘᭀᬓ᭄ᬦᬾᬳᬤᬶᬳᬶ᭞ᬭᬤᬾᬦ᭄ᬕᬮᬸᬄᬲᬯᬸᬃᬦ᭄ᬬᬮᭀᬦ᭄᭞ᬢᬶᬢ᭄ᬬᬂᬓᭀ
ᬬᬾᬦ᭄ᬤᬾᬭᬾᬂᬫᬦ᭄ᬤᬸᬲ᭄᭞ᬢᬶᬢ᭄ᬬᬂᬧᬾᬢᬦ᭄ᬫᬗ᭄ᬓᬶᬦ᭄ᬢᬤᬄ᭞ᬕᬸᬭᬸᬳᬚᬶ᭞ᬳᬧᬂᬧᬶᬲᬦ᭄ᬧᬶᬲᬦ᭄ᬩ᭄ᬭᬲ᭄ᬢᬵ᭟ᬲᬂᬧ᭄ᬭᬪᬸᬬᬓ᭄ᬱᬵᬗᬦ᭄ᬤᬶᬓᬵ᭞ᬳᬄᬳᬄᬲᬬᬂᬜᬳᬶᬘᬶᬮᬶ᭞ᬫᬶᬭᬄᬩᬧᬦᬾᬤᬵᬓᬾᬦ᭄ᬢᭀ᭞ᬤᬶᬦᬶᬚ᭄ᬯᬤᬾᬯᬦᬶᬕᬸᬭᬸ᭞ᬩᬧᬮ᭄ᬯᬲ᭄ᬗᬮᬶᬄᬧᬗᬦ᭄᭞
ᬢᬸᬃᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬳᬦᬸᬲ᭄ᬭᬶᬂᬳᬮᬲ᭄᭟ᬢᬮᬶᬦ᭄ᬳᬦ᭄ᬢᬾᬦᬾᬯᬸᬲ᭄ᬓᬜᬂ᭞ᬗᬦ᭄ᬤᬶᬓᬵᬭᬳᬤᬾᬦ᭄ᬤᬾᬯᬶ᭞ᬫ᭄ᬗᭂᬓᭀᬯᬢᬸᬫᬘᭂᬧᬓ᭄᭞ᬫᬗ᭄ᬕᬭᬾᬬᭀᬢ᭄ᬱᬾᬮᬵᬳᬕᬸᬂ᭞ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩ᭄ᬮᬶᬫᬦ᭄ᬢ᭄ᬭᬶ᭞ᬫᬭᬶᬓᬶᬫᬗ᭄ᬓᬶᬦ᭄ᬓᬚᬩᬵ᭟
ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬫᭂᬤᬮ᭄᭞ᬲᬶᬦᬫ᭄ᬩᬸᬢ᭄ᬭᬳᬤᬾᬦ᭄ᬤᬾᬯᬶ᭞ᬤᬸᬄᬫᬲ᭄ᬫᬶᬭᬄᬲᬂᬧᬗᭂᬧᭀᬦ᭄᭞ᬦᬯᬶᬳᬶᬤᬵᬬᬓ᭄ᬱᬭᬯᬸᬄ᭞ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩᭀᬬᬦ᭄ᬤᬸᬕᬶ᭞ᬳᬦ᭄ᬢᬾᬦᬾᬧᬸᬦᬂᬓᬵᬘᬶᬗᬓ᭄᭟ᬮᬫᬸᬦ᭄ᬳᬶᬧᬸᬦ᭄ᬲᬫ᭄ᬧᬸ

[᭓᭙ 39A]
᭓᭙
ᬦ᭄ᬮᭂᬫ᭄ᬧᬂ᭞ᬳᬶᬕᬸᬭᬸᬫᬫᬃᬕ᭄ᬕᬶᬫᬸᬮᬶᬄ᭞ᬧᬸᬦᬶᬓᬵᬢ᭄ᬗᭂᬭᬦ᭄ᬋᬓᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬬᬾᬦ᭄ᬓᭂᬜᬸᬂ᭞ᬭᬭᬶᬲ᭄ᬫᬳᬬᬫᬬᬫᬦ᭄᭞ᬭᬤᬾᬦ᭄ᬤᬾᬯᬶ᭞ᬧᬶᬦ᭄ᬓᬸᬮ᭄ᬳᬶᬗᬭᬲ᭄ᬳᬭᬲ᭄᭟ᬳᬲᬸᬂᬲ᭄ᬧᬄᬤᬶᬧᬩᬶᬦᬦ᭄᭞ᬢᬶᬦᬭᬶᬫᬾᬂᬯᬚᬵᬳᬫ᭄ᬭᬶᬓ᭄᭞ᬳᬶᬗᬸᬲᬧᬸᬲᬧᬦ
ᬮᭀᬦ᭄᭞ᬲᬫᬵᬢᬦ᭄ᬤᬶᬂᬳᬶᬲ᭄ᬢ᭄ᬭᬶᬓᬓᬸᬂ᭞ᬓᬤᬶᬳ᭄ᬫᬲ᭄ᬜᬦ᭄ᬤᬶᬂᬫᬶᬭᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬲᬸᬂᬲᬶᬫ᭄ᬱᬶᬫ᭄ᬱᬮᬸᬤᬶᬭᬵ᭟ᬧᬸᬦᬶᬓᬶᬳᬗ᭄ᬕᬾᬦ᭄ᬳᬶᬫᬶᬭᬄ᭞ᬘᬶᬳ᭄ᬦᬦᬶᬂᬢᬶᬢ᭄ᬬᬗᬾᬳᬲᬶᬄ᭞ᬢᬶᬦᬗ᭄ᬕᬧᬦ᭄ᬢᬦᬳᬮᭀᬦ᭄᭞ᬭᬶᬦᬲᬸᬓᬂᬲᬶᬫ᭄ᬱᬶᬫ᭄ᬳᬮᬸᬲ᭄᭞ᬭᬳᬤᬾᬦ᭄ᬕᬮᬸᬄ
ᬗᬦ᭄ᬤᬶᬓᬵ᭞ᬦᬩ᭄ᬥᬫᬦᬶᬲ᭄᭞ᬳᬾᬲᭂᬫᬾᬮ᭄ᬯᬶᬃᬫᬥᬸᬤ᭄ᬭᬯᬵ᭟ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬩᭂᬮᬶᬢ᭄ᬓᬵ᭞ᬮᬓ᭄ᬱᬡᬭᬯᬸᬄᬫᬭᬶᬓᬶ᭞ᬤᬶᬚᬳᬵᬩ᭄ᬮᬶᬫᬦᬾᬫ᭄ᬧᭀ᭞ᬲᬗ᭄ᬓᬦ᭄ᬤᬤᬶᬦᬸᬚᬸᬲᬸᬯᬸᬂ᭞ᬚᬦ᭄ᬫᬵᬤᬶᬦᬶᬯ᭄ᬥᬶᬧᬶᬲᬦ᭄᭞ᬭᬶᬂᬲᬗᬚᬶ᭞ᬳᬶᬕᬸᬭᬸᬫ
ᬦᬤᬶᬬᬓ᭄ᬱᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬧᬫᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬯ᭄ᬗᬶ᭞ᬫᬯᭀᬃᬢ᭄ᬣᬵᬓᬩᬮᬶᬋᬓᭀ᭞ᬫ᭄ᬮᬄᬳᬶᬤᬾᬯᬦᬾᬫᬸᬧᬸᬢ᭄᭞ᬳᬶᬤᬾᬯᬵᬲᬤ᭄ᬬᬬᬂᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬧ᭄ᬭᬤᬶᬦ᭄ᬢᬶᬢ᭄ᬬᬂᬭᬶᬂᬳᬶᬤᬾᬯᬵ᭟ᬲ᭄ᬕᬭ [ 40 ][᭓᭙ 39B]
᭓᭙
ᬫᬥᬸᬕᬸᬦᬸᬂᬫᭂᬜᬦ᭄᭞ᬓᭀᬘᬧ᭄ᬳᬶᬤᬾᬯᬵᬫᬫᬶᬗᬶᬢ᭄᭞ᬫᬤ᭄ᬭᬯᬾᬧᬸᬦᬶᬓᬵᬋᬓᭀ᭞ᬭᬢᬸᬫᬢᬯᬸᬦ᭄ᬫᬗᬸᬢᬸᬲ᭄᭞ᬢᬶᬢ᭄ᬬᬂᬫᬗ᭄ᬭᬸᬭᬸᬄᬧᬸᬦᬶᬓᬵ᭞ᬫᬗ᭄ᬤᬾᬧᭀᬮᬶᬄ᭞ᬧᬘᬂᬳᬢᬸᬭᬂᬓᬤᭂᬳᬵ᭟ᬬ᭄ᬯᬓ᭄ᬢᬶᬩ᭄ᬮᬶᬢᬶᬢ᭄ᬬᬂᬗ᭄ᬮᬄ᭞ᬢᬶ
ᬢ᭄ᬬᬗᬢᬸᬭᬂᬭᬶᬂᬩ᭄ᬮᬶ᭞ᬍᬯᬶᬄᬢᬵᬳᬶᬩ᭄ᬮᬶᬋᬓᭀ᭞ᬫᬯᭀᬃᬢ᭄ᬣᬵᬫᬭᬶᬓᬶᬓᬲᬸᬩ᭄᭞ᬤᬶᬩᬮᬶᬢ᭄ᬯᬭᬫᬫᬤᬵ᭞ᬦᬢᬃᬚᬯᬶ᭞ᬳᬶᬩ᭄ᬮᬶᬢ᭄ᬯᬭᬫᬫᬤᬵ᭟ᬫᬶᬯᬄᬭᬶᬂᬤᬾᬱᬵᬯᭀᬮᬦ᭄ᬤᬵ᭞ᬓᬂᬳᭂᬭᬸᬫ᭄ᬮᬯᬦ᭄ᬩᬢᬯᬶ᭞ᬓᬘᬶᬡᬵᬮᬯᬦ᭄ᬓ
ᬩᬚᭀ᭞ᬲᬫᬶᬲᬦᬵᬕᬭᬵᬳᬕᬸᬂ᭞ᬢᬦ᭄ᬮ᭄ᬬᬦᬾᬦᬾᬓᬳᬸᬘᬧ᭄᭞ᬢ᭄ᬯᬄᬳᬶᬩ᭄ᬮᬶ᭞ᬓᬲᬸᬫ᭄ᬩᬸᬂᬲᬸᬫ᭄ᬩᬸᬂᬤᬶᬚᬯᬵ᭟ᬳᬓᬾᬄᬧ᭄ᬭᬭᬢᬸᬫᬜᬫ᭄ᬩᬢ᭄᭞ᬓᬭᬯᭀᬲᬦ᭄ᬲᬳᬶᬲᬳᬶ᭞ᬤᬶᬚᬩᬵᬫᬶᬯᬄᬤᬶᬚ᭄ᬭᭀ᭞ᬫᬶᬯᬄᬧᬸᬢ᭄ᬭᬦᬾᬳ
ᬬᬸᬳᬬᬸ᭞ᬢᬦ᭄ᬮ᭄ᬬᬦ᭄ᬓᬳᬸᬘᬧᬸᬘᬧ᭄᭞ᬢ᭄ᬯᬄᬳᬶᬩ᭄ᬮᬶ᭞ᬓᬗ᭄ᬕᬾᬦᬂᬢᬸᬢᬸᬭᬦ᭄ᬱᬢ᭄ᬯᬵ᭟ᬩ᭄ᬬᬦᬵᬓᬾᬭᭀᬭᭀᬢᬢᬶᬕᬵ᭞ᬓᬳᬸᬘᬧ᭄ᬩᬕᬸᬲ᭄ᬤᬶᬩᬮᬶ᭞ᬓᬾᬦ᭄ᬲᬗ᭄ᬕᬶᬢ᭄ᬮᬯᬦ᭄ᬓᬾᬦ᭄ᬘᭀᬦ᭄ᬤᭀᬂ᭞ᬧᬩᬶᬲᬶᬓ᭄ᬧᬤᬵᬕᬸᬫᬸᬬᬸ᭞

[᭔᭐ 40A]
᭔᭐
ᬓᬸᬤ᭄ᬬᬂᬩᬜᬚᬦᬶᬮᬸᬫ᭄ᬭᬄ᭞ᬓᬾᬦᬾᬓᬧᬶ᭞ᬯᬃᬡ᭄ᬦᬦᬾᬮ᭄ᬯᬶᬃᬲᬗ᭄ᬳ᭄ᬬᬂᬲ᭄ᬫᬵᬭ᭟ᬭᬳᬤᬾᬕᬮᬸᬄᬗᬦ᭄ᬤᬶᬓᬵ᭞ᬳᬾᬬᬸᬄᬧᬶᬲᬦ᭄ᬫᬗ᭄ᬓᬶᬦ᭄ᬩᭂᬮᬶ᭞ᬫᬗᬮᬶᬄᬦᬾᬩᬸᬓᬵᬓᬾᬦ᭄ᬢᭀ᭞ᬤᬶᬦᬶᬩ᭄ᬬᬦᬵᬘᬯᬄᬘᬯᬸᬄ᭞ᬤᬾᬤᬶᬭᬶᬓᬶᬓᬧᬵᬲ᭄ᬮᬂ᭞ᬭᬶᬂᬩ
ᬢ᭄ᬣᬭᬶᬬᬾᬦ᭄ᬭᬯᬸᬄᬢᬶᬢ᭄ᬬᬂᬗᬢᬸᬭᬂ᭟ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬢᬶᬢ᭄ᬬᬂᬫᬦᬸᬦᬲ᭄ᬤᬶᬕ᭄ᬮᬶᬲ᭄᭞ᬫᬗ᭄ᬓᬶᬦ᭄‌‌ᬩ᭄ᬮᬶᬩ᭄ᬯᬶᬦᬩᭀᬲ᭄ᬩᭀᬲ᭄᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬗᬦ᭄ᬢ᭄ᬬᬂᬭᬯᬸᬄ᭞ᬢᬦ᭄ᬤᬸᬫᬥᬾᬫᬗ᭄ᬓᬶᬦ᭄ᬢᭂᬓᬵ᭞ᬫᬓᬵᬓᬮᬶᬄ᭞ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭟ᬭᬳᬤᬾ
ᬦ᭄ᬕᬮᬸᬄᬫᬗᬸᬗ᭄ᬓᬩ᭄᭞ᬓᬢᭀᬦ᭄ᬧᬲᬸᬮ᭄ᬬᬩ᭄ᬫᬗ᭄ᬓᬶᬦ᭄᭞ᬫᬘᬦ᭄ᬯᬭᬓ᭄ᬱᬶᬗ᭄ᬳᬵᬩᬭᭀᬂ᭞ᬤᬾᬢ᭄ᬬᬤᬦᬯᬵᬮᬦ᭄ᬯᬶᬚᬸᬂ᭞ᬓᬸᬫᬂᬫᬂᬮᬦ᭄ᬢᬗᬦ᭄ᬢᬗᬦ᭄᭞ᬫᬦᬸᬓ᭄ᬩᭂᬭᬶᬢ᭄᭞ᬚᭂᬓ᭄ᬧᬸᬧᬸᬮᬯᬦ᭄ᬮᬯᬾᬬᬦ᭄᭟ᬳᬓᬾᬄᬲ᭄ᬓᬭᬾᬳᬚᬚᬃ᭞ᬭᬶᬂᬢᬫ
ᬦ᭄ᬮ᭄ᬯᬶᬃᬕᬸᬦᬸᬂᬲᬭᬶ᭞ᬭᬯᬸᬄᬳᬗᬶᬦ᭄ᬳᬗᬶᬦᬮᭀᬦ᭄᭞ᬫᬫ᭄ᬩᬸᬯᬢ᭄ᬕᬦ᭄ᬥᬵᬦᬶᬂᬲᬦ᭄ᬢᬸᬦ᭄᭞ᬫᬶᬳᬶᬓ᭄ᬳᬭᬸᬫ᭄ᬱᬓᬮᬗ᭄ᬯ᭠ᬦ᭄᭞ᬭᬤᬾᬦ᭄ᬤᬾᬯᬶ᭞ᬫᬩᬸᬗ᭄ᬳᬵᬲ᭄ᬓᬃᬫ᭄ᬭᬶᬓ᭄ᬱᬸᬫ᭄ᬫᬵ᭟ᬢᬸᬃᬳᬶᬗᬭᬲ᭄ᬤᬶᬧᬩᬶᬦᬦ᭄᭞ᬩᬸᬓᬵᬤᬾᬯᬵᬮᬯᬦ᭄ᬤᬾᬯᬶ᭞ᬓᬤᬶᬩᬸᬗ᭄ᬳ [ 41 ][᭔᭐ 40B]
᭔᭐
ᬳᬧᬲᬂᬢᬶᬦᭀᬦ᭄᭞ᬧᬸᬦ᭄ᬱ᭄ᬫᬃᬗᬓᬓ᭄ᬕᬸᬫᬸᬬᬸ᭞ᬫᬩᬮᬶᬄᬦᬾᬤᬶᬕᬸᬦᬸᬂᬫ᭄ᬜᬦ᭄᭞ᬢᬦᬶᬓᬶᬓᬶᬢ᭄᭞ᬧᬲᬸᬮᬶᬬᬩ᭄ᬫᬳᬾᬦ᭄ᬤᬳᬦ᭄᭟ᬤᬵᬦ᭄ᬤᬾᬦ᭄ᬤᬾᬯᬵᬫᬗᬸᬩᭂᬢᬂ᭞ᬤ᭄ᬫᭂᬦ᭄ᬱᬦ᭄ᬢᬶᬢ᭄ᬬᬂᬫᬩᬮᬶᬄ᭞ᬓᬶᬲᬶᬤᬂᬫᬗ᭄ᬓᬶᬦ᭄ᬱᬶᬓ᭄ᬮᭀᬤ᭄᭞ᬩ᭄ᬓᬮ᭄ᬩᬓ᭄ᬢᬦ᭄ᬢᬶᬢ᭄ᬬᬂᬫ
ᬦ᭄ᬢᬸᬓ᭄᭞ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬳᬸᬩᭂᬢ᭄ᬚᬦᬶ᭞ᬳᬦᬓ᭄ᬳᬶᬬᬵᬩᬓᬮ᭄ᬢᬸᬦᬲ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬓᬗ᭄ᬕᬾᬢᬾᬓᬬᬸᬦ᭄ᬳᬶᬩ᭄ᬮᬶ᭞ᬢᬶᬢ᭄ᬬᬂᬢ᭄ᬮᬲ᭄ᬫᬗᬢᬸᬭᬂ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬳᬢᬸᬃ᭞ᬬᬾᬦ᭄ᬩᭂᬮᬶᬗᬫ᭄ᬩᬶᬮ᭄ᬧᬸᬦᬶᬓᬵ᭞ᬢᬶᬢ᭄ᬬᬂᬗᬶ
ᬭᬶᬂ᭞ᬫᬦ᭄ᬢᬸᬓᬩᬮᬶᬲᬕ᭄ᬭᬳᬦ᭄᭟ᬦᬧᬶᬚᬵᬳ᭄ᬦᬸᬢᭀᬮᬶᬄᬢᬶᬢ᭄ᬬᬂ᭞ᬧᬸᬦᬶᬓᬵᬤᬶᬚᬯᬓᬭᬶ᭞ᬧᬜ᭄ᬚᬓ᭄ᬱᬫ᭄ᬧᬸᬦ᭄ᬢᭂᬮᬲ᭄ᬋᬓᭀ᭞ᬢᬤᬄᬤᬦᬾᬩᬦ᭄ᬳᬶᬕᬸᬭᬸ᭞ᬓᬭᬶᬢᬶᬢ᭄ᬬᬂᬧᬮᬸᬄᬮᬸᬳᬦ᭄᭞ᬕ᭄ᬭᬶᬂᬗᬧᬶᬢ᭄᭞ᬲᬧᬲᬶᬭᬢᬸᬃᬫᬗ᭄ᬕᬮᬗᬂ᭟ᬭᬳ
ᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓᬾᬯᭂᬄᬩᬦ᭄ᬢᬶᬢ᭄ᬬᬂᬭᬶᬂᬫᬃᬕ᭄ᬕᬶ᭞ᬕᬸᬭᬸᬦ᭄ᬳᬶᬤᬵᬬᬓ᭄ᬱᬵᬓᬯᭀᬢ᭄᭞ᬢᬶᬢ᭄ᬬᬂᬢ᭄ᬯᬄᬓᬮᬶᬦ᭄ᬢᬂᬢᬓᬸᬢ᭄᭞ᬦᬯᬶᬓᬢᬤᬄᬤᬶᬚᬮᬦ᭄᭞ᬭᬤᬾᬦ᭄ᬤᬾᬯᬶ᭞ᬗᬦ᭄ᬤᬶᬓᬵᬳᬾᬫᬦᬂᬢᬶᬢ᭄ᬬᬂ᭟ᬤᬾᬯᬾᬓ᭄ᬢᬶᬢ᭄ᬬᬂᬗᬮᬶᬄᬤᬬ

[᭔᭑ 41A]
᭔᭑
᭞ᬫᬗᬧᬸᬲ᭄ᬳᬶᬕᬸᬭᬸᬳᬚᬶ᭞ᬫ᭄ᬗᭂᬬᬾᬦ᭄ᬯᬢᬸᬫᬘᭂᬧᬓ᭄᭞ᬫᬦ᭄ᬢᬸᬓᬦ᭄ᬓᬾᬩ᭄ᬮᬶᬤᬸᬫᬸᬦ᭄᭞ᬳᬶᬕᬸᬭᬸᬬᬾᬦ᭄ᬗᬦ᭄ᬢ᭄ᬬᬂᬢ᭄ᬓᬵ᭞ᬩ᭄ᬮᬶᬫᬦ᭄ᬢ᭄ᬭᬶ᭞ᬲ᭄ᬫᬵᬃᬕ᭄ᬮᬶᬲᬂᬫᬸᬮᬶᬬᬦ᭄᭟ᬲᬫ᭄ᬧᬸᬦ᭄ᬫᬳᬸᬦᭂᬩ᭄ᬓᬂᬲᬾᬮᬵ᭞ᬲᬂᬬᬓ᭄ᬱᬵᬲᬕᬾᬢᬦ᭄ᬧ᭄ᬭᬧ᭄ᬢᬶ᭞ᬕ᭄ᬮᬃᬕ᭄ᬮᬸᬃᬲᬯᬂᬳᬸᬫᭀᬃ᭞ᬤᬸᬄᬫᬲ᭄ᬫᬶᬭᬄᬦ
ᬦᬓ᭄ᬕᬮᬸᬄ᭞ᬫᬲᬶᬤᬾᬯᬵᬫᬫ᭄ᬩᬸᬚᬦ᭄ᬫᬵ᭞ᬓᬮᬶᬄᬲᬶᬓᬶ᭞ᬫᬦ᭄ᬢ᭄ᬭᬶᬍᬯᬶᬄᬬᬾᬦ᭄ᬳᬫ᭄ᬩᬸᬜ᭟ᬩᭀᬘᭀᬓᬤᬶᬳᬶᬳᬫ᭄ᬩᬸᬜ᭞ᬲᬶᬜᬩ᭄ᬢᬄᬜᬳᬶᬘᬶᬮᬶ᭞ᬭᬤᬾᬦ᭄ᬕᬮᬸᬄᬫᬢᬸᬃᬳᬮᭀᬦ᭄᭞ᬚᬢ᭄ᬫᬵᬳᬧᬩᬦᬶᬭᬯᬸᬄ᭞ᬩᬮᬶᬓ᭄ᬧᬾᬢᬦ᭄ᬢᬶᬢ᭄ᬬᬂᬢᬤᬄ
᭞ᬕᬸᬭᬸᬳᬚᬶ᭞ᬜᬳᬶᬢ᭄ᬯᬄᬲᬬᬗᬂᬩᬧᬵ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬮᬶᬳᬂᬚᬵᬢᬶᬢ᭄ᬬᬂᬫᬡ᭄ᬦᬶᬓ᭄᭞ᬲᬢᬓ᭄‌‌ᬮ᭄ᬬᬸᬦ᭄ᬜᬦᬾᬋᬓᭀ᭞ᬩᬓᬮ᭄ᬫᬘᬸᬓᬶᬧᬦᬸᬗ᭄ᬓᬸᬮ᭄᭞ᬳᬶᬲᭂᬂᬲᬦ᭄ᬢᬶᬢ᭄ᬬᬂᬤᬶᬢᬫᬦ᭄᭞ᬫᬶᬭᬄᬕᬸᬲ᭄ᬢᬶ᭞ᬫᬱᬵᬜᬳᬶ
ᬢᭀᬂᬓ᭄ᬢᭂᬓᬦ᭄᭟ᬤᬶᬦᬶᬓᬾᬜᬳᬶᬫᬲ᭄ᬫᬶᬭᬄ᭞ᬩᬧᬵᬫᬗᬮᬶᬳᬂᬫᬡ᭄ᬦᬶᬓ᭄᭞ᬳᬦᬸᬲᬸᬧ᭄ᬭᬶᬂᬳᬮᬲ᭄ᬓᬸᬮᭀᬦ᭄᭞ᬳᬓᬾᬄᬫᬡ᭄ᬦᬶᬓᬾᬓᬢ᭄ᬧᬸᬓ᭄᭞ᬫᬡ᭄ᬦᬶᬓ᭄ᬢᬶᬳᬶᬂᬫᬡ᭄ᬦᬶᬓ᭄‌ᬕ᭄ᬮᬕᬄ᭞ᬫᬡ᭄ᬦᬶᬓ᭄‌‌ᬕᭂᬗ᭄ᬲᬶᬂ᭞ᬫᬡ᭄ᬦᬶᬓ᭄ᬮᬸᬓ᭄ᬮᬸᬓ᭄‌ᬫᬡ᭄ᬦᬶᬓ᭄ᬲᬕ [ 42 ][᭔᭑ 41B]
᭔᭑
ᬭᬵ᭟ᬧᭀᬮᬶᬄᬫᬡ᭄ᬦᬶᬓ᭄ᬢᬶᬕᬂᬗᬢᬓ᭄᭞ᬫᬦ᭄ᬢᬸᬓᬳᬶᬘᬾᬦ᭄ᬢ᭄ᬯᬦ᭄ᬤᬾᬯᬶ᭞ᬭᬤᬾᬦ᭄ᬕᬮᬸᬄᬫᭀᬚᬃᬳᬮᭀᬦ᭄᭞ᬢᬶᬢ᭄ᬬᬂᬫᬮᬶᬄᬦᬸᬦ᭄ᬤᬾᬦ᭄ᬕᬸᬭᬸ᭞ᬯᬗ᭄ᬲᬸᬳᬂᬢᬶᬢ᭄ᬬᬂᬳᬚᬳᬦ᭄᭞ᬲᬸᬢᬺᬯᬶᬮᬶᬲ᭄᭞ᬳᬧᬗ᭄ᬳᬵᬬᬵᬤᬤᬶᬧ᭄ᬢᬓ᭄᭟ᬲᬦ᭄ᬤᬶᬓᬦ᭄ᬕᬸᬲ᭄ᬢᬶᬫᬲ᭄ᬫᬶᬭᬄ
᭞ᬢᬸᬫᬸᬮᬶᬳᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬓᬮᬸᬯᬳᬦ᭄ᬳᬕᬸᬂᬗᭀᬚᭀᬕ᭄᭞ᬧᬶᬦᬸᬦ᭄ᬢᬂᬧᬦ᭄ᬢᬶᬂᬯᬶᬦᬗ᭄ᬱᬸᬄ᭞ᬤᬾᬦᬶᬂᬢᬺᬱ᭄ᬡᬵᬦᬶᬲᬂᬧᬸᬢ᭄ᬭᬵ᭞ᬢᭀᬂᬫᬲᬮᬶᬦ᭄᭞ᬲᬸᬢ᭄ᬭᬦᬾᬫᬲᬶᬄᬦᬸᬕᬥᬂ᭟ᬳ᭄ᬦᭂᬗᬓ᭄ᬦᬵᬲᬂᬬᬓ᭄ᬱᬵ᭞ᬓᭀᬘᬧᬵᬭᬳᬤᬾᬦ᭄ᬤᬾᬯᬶ᭞ᬫᬦᭂᬧᬓᬂᬲᬾ
ᬮᬵᬋᬓᭀ᭞ᬫᬗ᭄ᬕᬭᬾᬬᭀᬢ᭄ᬱᬾᬮᬵᬳᬕᬸᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬫᭂᬤᬮ᭄᭞ᬢᬸᬃᬫᬮᬶᬗ᭄ᬕᬶᬄ᭞ᬭᬶᬂᬩᬮᬾᬳ᭄ᬫᬲ᭄ᬫᬗ᭄ᬭᬜᬩ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬯᬸᬚᬭᬾᬳᬢᬸᬂᬢᬸᬂᬕᭂᬦ᭄ᬤᬶᬲ᭄᭞ᬧᬸᬦᬶᬓᬵᬮᬗᬶᬢᬾᬢᭀᬦ᭄ᬢᭀᬦ᭄᭞ᬲᬕᬾᬢ᭄ᬦᬭᬯᬂ
ᬦᬭᬸᬯᬸᬂ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲ᭄ᬳᬶᬘ᭄ᬙᬵ᭞ᬭᬶᬗᬶᬩ᭄ᬮᬶ᭞ᬫᬗᬸᬦ᭄ᬤᬂᬲᬗ᭄ᬳ᭄ᬬᬂᬕᬭᬸᬤ᭄ᬥᬵ᭟ᬲᬦ᭄ᬤᬶᬓᬦ᭄ᬳᬶᬤᬵᬭᬳᬤ᭄ᬬᬦ᭄᭞ᬫᬗᭂᬜᭂᬧ᭄ᬮᬦ᭄ᬢᬲ᭄ᬫᬫᬸᬱ᭄ᬝᬶ᭞ᬤᬸᬄᬤᬾᬯᬵᬲᬗ᭄ᬳ᭄ᬬᬂᬕᬭᬸᬤ᭄ᬥᬵ᭞ᬫᬤᬓ᭄ᬳᬶᬤᬵᬕ᭄ᬮᬶᬲ᭄ᬭᬯᬸᬄ᭞ᬫᬲᬶᬄᬳᬶᬤᬵᬢ᭄ᬯᬭᬧ᭄ᬭᬧ᭄ᬢᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ

[᭔᭒ 42A]
᭔᭒
᭞ᬫᬢᬶᬢᬶᬲ᭄ᬫᬗᬯᬗᬯᬂ᭟ᬢ᭄ᬮᬲ᭄ᬓᬬᬸᬦᬾᬗᭂᬜᭂᬧᬂ᭞ᬫᬫ᭄ᬕᭂᬂᬮᬦ᭄ᬢᬲ᭄ᬫᬫᬸᬲ᭄ᬢᬶ᭞ᬫᬲᬶᬄᬢ᭄ᬯᬭᬳᬶᬤᬵᬓᬢᭀᬦ᭄᭞ᬭᬤᬾᬦ᭄ᬕᬮᬸᬄᬲᬯᬸᬃᬓ᭄ᬜᬸᬂ᭞ᬓᬾᬦ᭄ᬓᬾᬦ᭄ᬩᭂᬮᬶᬓᬲᬗ᭄ᬲᬭᬵ᭞ᬩ᭄ᬮᬶᬫᬦ᭄ᬢ᭄ᬭᬶ᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬕ᭄ᬭᬳᬵ᭟ᬢᬶᬢ᭄ᬬᬂᬬᬾᬦ᭄ᬫᬗ᭄ᬓᬶᬦ᭄ᬫᬗᬸᬦ᭄ᬤᬂ᭞ᬤᬸᬭᬸᬲᬂ
ᬢᬶᬢ᭄ᬬᬂᬫᬧᬫᬶᬢ᭄᭞ᬩᭀᬬᬭᬯᬸᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬭᬭᬶᬲ᭄ᬗᭂᬜᭂᬧ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬢᬶᬢ᭄ᬬᬂᬜ᭄ᬮᬂᬧᬮᬶᬗ᭄ᬕᬶᬳᬦ᭄᭞ᬤᬾᬯᬳᬚᬶ᭞ᬧᬘᬂᬫᬫ᭄ᬩ᭄ᬯᬢ᭄ᬓᬓᭀᬭᬶᬧᬦ᭄᭟ᬪᬝᬵᬭᬯᬶᬱ᭄ᬡᬸᬯᬸᬯᬸᬲᭂᬦ᭄᭞ᬗᬦ᭄ᬤᬶᬓᬵᬳᬭᬸᬫ᭄ᬫᬵᬫᬦᬶᬲ᭄᭞ᬓ᭄ᬫᬵᬳ᭄ᬬᬂᬦᬭᬤᬵᬳᬾ
ᬗ᭄ᬕᬮ᭄᭞ᬳᬚᬓ᭄ᬳᬶᬬᬵᬲᬗ᭄ᬳ᭄ᬬᬂᬩ᭄ᬭᬕᬸ᭞ᬳᬢᬸᬭᬶᬦ᭄ᬲᬗ᭄ᬳ᭄ᬬᬂᬕᬭᬸᬤ᭄ᬥᬵ᭞ᬓᭀᬦ᭄ᬓᭀᬦ᭄ᬫᬳᬶ᭞ᬳᬶᬤᬵᬧᬘᬂᬓᬧᬲ᭄ᬮᬂ᭟ᬳ᭄ᬬᬂᬦᬭᬤᬵᬲᬯᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬚ᭄ᬭᬶᬄᬤᬾᬯᬵᬳᬚᬶ᭞ᬫᬦ᭄ᬧᬓ᭄ᬱᬗ᭄ᬳ᭄ᬬᬂᬕᬭᬸᬤ᭄ᬥᬵ᭞ᬧᬦᬸᬗ᭄ᬕᬸᬦ᭄ᬮᬯᬂᬓᭀᬫᬢᬸᬃ᭞ᬪᬝᬵ
ᬭᬯᬶᬱ᭄ᬡᬸᬗᬦ᭄ᬤᬶᬓᬵ᭞ᬓ᭄ᬫᬵᬳᬮᬶᬄ᭞ᬧᬢᬶᬓᬾᬮᭀᬋᬯᬶᬓ᭄ᬭᬫᬵ᭟ᬫ᭄ᬯᬄᬘᬳᬶᬓᬮᬵᬳᬸᬧᬢ᭄ᬣᬵ᭞ᬫᬶᬯᬄᬘᬳᬶᬚᭀᬕᭀᬃᬫᬡᬶᬓ᭄᭞ᬭᬯᬸᬄᬬᬵᬓᬢᬶᬕᬵᬜᭀᬗ᭄ᬓᭀᬓ᭄᭞ᬪᬝᬵᬭᬯᬶᬱ᭄ᬡᬸᬳᬫᬸᬯᬸᬲ᭄᭞ᬓᭀᬮᬵᬚᬦᬶᬦᬸᬦ᭄ᬤᬾᬦ᭄ᬱᬶᬖ᭄ᬕ [ 43 ][᭔᭒ 42B]
᭔᭒
᭞ᬮᬄᬳᬢᬸᬭᬶᬦ᭄᭞ᬳᬶᬤᬵᬲᬗ᭄ᬳ᭄ᬬᬂᬕ᭄ᬭᬸᬤ᭄ᬥᬵᬳᬾᬗ᭄ᬕᬮ᭄᭟ᬓᬢᬶᬕᬵᬭᬭᬶᬲ᭄ᬫᬫᬃᬕ᭄ᬕᬵ᭞ᬲᬂᬕᬭᬸᬤ᭄ᬥᬵᬬᬾᬦ᭄ᬓᬧᬗ᭄ᬕᬶᬄ᭞ᬳᭂᬋᬲ᭄ᬫᬢᬸᬃᬧᬤᬵᬜᭀᬗ᭄ᬓᭀᬓ᭄᭞ᬧᬤᬵᬜᬸᬫ᭄ᬩᬄᬩᬶᬮᬂᬩᬸᬘᬸ᭞ᬲᬂᬕᬭᬸᬤᬵᬮᬶᬦ᭄ᬬᬗᬸᬘᬧ᭄᭞ᬳᬶᬩᬵᬫᬳᬶ᭞ᬳᬧᬵᬧᬤᬵ
ᬕᬯᬾᬦ᭄ᬱᬶᬖ᭄ᬕᬵ᭟ᬕᭀᬭᬵᬯᬶᬓ᭄ᬭᬫᬳᬗᬸᬘᬧ᭄᭞ᬧᬋᬓ᭄ᬳᬶᬤᬵᬚᭀᬕᭀᬃᬫᬡ᭄ᬦᬶᬓ᭄᭞ᬓᬮᬵᬯᬸᬧᬢ᭄ᬣᬵᬮᬶᬦ᭄ᬬᬮᭀᬦ᭄᭞ᬳᬸᬢᬸᬲᬦ᭄ᬪᬝᬵᬭᬯᬶᬱ᭄ᬡᬸ᭞ᬳᬶᬤᬾᬯᬵᬋᬓᭀᬓᬚᬩᬵ᭞ᬕ᭄ᬮᬶᬲ᭄ᬕᭂᬮᬶᬲ᭄᭞ᬧᬗᬦ᭄ᬤᬶᬓᬦ᭄‌ᬰ᭄ᬭᬶᬪᬝᬵᬭ᭟ᬲᬦ᭄ᬤᬶᬓᬵ
ᬦ᭄ᬳᬶᬤᬵᬪᬝᬵᬭ᭞ᬓᭀᬮᬵᬓ᭄ᬫᬵᬦᬾᬦᬾᬚᬦᬶ᭞ᬳᬸᬢᬸᬲᬦ᭄ᬫᬜ᭄ᬚᭂᬚᭂᬄᬫᬗ᭄ᬢᭀᬃ᭞ᬓᬢᬶᬕ᭄ᬕᬵᬲᬋᬂᬫᬘᭂᬮᬸᬧ᭄᭞ᬫᬗ᭄ᬮᬯᬸᬢ᭄ᬓᬩᬢᬦ᭄ᬳᬸᬫᬄ᭞ᬫᬫ᭄ᬧᭂᬄᬫᬗ᭄ᬓᬶᬦ᭄᭞ᬕᬸᬍᬫ᭄ᬮᬗᬶᬢᬾᬳᬲᬶᬩᬓ᭄᭟ᬢ᭄ᬓᭂᬤ᭄ᬚᬦᬶᬤᬶᬩᬜ᭄ᬘᬶᬗᬄ᭞ᬳ᭄ᬬᬂᬯᬶᬱ᭄ᬡᬸᬗᬦ᭄ᬤᬶᬓᬵ
ᬳᬭᬶᬲ᭄᭞ᬳᬶᬤᬵᬫᬗ᭄ᬓᬶᬦ᭄ᬓᬧᬲ᭄ᬮᬂ᭞ᬭᬶᬂᬭᬤᬾᬦ᭄ᬕᬮᬸᬄᬜ᭄ᬚᭀᬂᬩᬶᬭᬸ᭞ᬫᬫ᭄ᬩᬸᬯᬢ᭄ᬤᬦᬾᬓᭀᬭᬶᬧᬦ᭄᭞ᬩᬯᬸᬫᬳᬶ᭞ᬲᬗ᭄ᬳ᭄ᬬᬂᬫᬦ᭄ᬢ᭄ᬭᬦ᭄ᬜᬦᬾᬢ᭄ᬓᬵ᭟ᬲᬗ᭄ᬳ᭄ᬬᬂᬕ᭄ᬭᬸᬤᬵᬮᬶᬦ᭄ᬬᬗᬸᬘᬧ᭄᭞ᬫᬦᬶᬭᬲᬸᬓᬵᬫᬗᬶᬭᬶᬂ᭞ᬦᬤ᭄ᬬᬦ᭄ᬓᬧᬲ᭄ᬮᬂᬋᬓᭀ᭞ᬲᬦ᭄ᬤᬶ

[᭔᭓ 43A]
᭔᭓
ᬓᬵᬦ᭄ᬳᬶᬤᬵᬳ᭄ᬬᬂᬯᬶᬱ᭄ᬡᬸ᭞ᬓᬦ᭄ᬢᬸᬦ᭄ᬓᬾᬫᬗ᭄ᬓᬶᬦ᭄ᬪᬝᬵᬭ᭞ᬫᬫ᭄ᬧᭂᬄᬳᬕ᭄ᬮᬶᬲ᭄᭞ᬧ᭄ᬭᬧ᭄ᬢᬾᬂᬜ᭄ᬚᭀᬂᬩᬶᬭᬸᬭᬶᬂᬢᬫᬦ᭄᭟ᬓᬘᬸᬦ᭄ᬤᬸᬓ᭄ᬫᬗ᭄ᬓᬶᬦ᭄ᬧᬸᬦ᭄ᬱ᭄ᬫᬃ᭞ᬕ᭄ᬮᬸᬮᬯᬸᬢ᭄ᬫᬗ᭄ᬕᬸᬮᬶᬮᬶᬂ᭞ᬳᭂᬗᭂᬩ᭄‌‌ᬧ᭄ᬲᬸᬫᬸᬜᬶᬮᬾᬢᭀᬓ᭄᭞ᬘᬳᬶᬫᬦ᭄ᬢ᭄ᬭᬶᬢᬶᬢ᭄ᬬᬂᬢᬓᬸᬢ᭄᭞ᬜᬳᬶᬕᬮᬸᬄᬢᬶᬢ᭄ᬬᬂᬕ᭄ᬢ
ᬧ᭄᭞ᬫᬢᬶᬚᬦᬶ᭞ᬭᬤᬾᬦ᭄ᬕᬮᬸᬄᬩᬓᬢ᭄ᬲ᭄ᬯᬮ᭄᭟ᬫᬲᬶᬄᬬᬫᬓᭀᬭᬾᬬᬓᬦ᭄᭞ᬳᬧᬵᬲᬶᬫᬗᭀᬕᬵᬚᬦᬶ᭞ᬓᬾᬦᬾᬮᬧᬲ᭄ᬓᬾᬦ᭄ᬢᭀᬢᬶᬤᭀᬂ᭞ᬭᬳᬤᬾᬦ᭄ᬕᬮᬸᬄᬕᬸᬫᬸᬬᬸ᭞ᬧᬯᭀᬗᬦ᭄ᬧᬤᬵᬗᭂᬤᬾᬓᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬕᬸᬫᬸᬬᬸᬭᬭᬶᬲ᭄ᬗ
ᬦ᭄ᬤᬶᬓᬵ᭟ᬳ᭄ᬦᬾᬳᬶᬤᬵᬲᬂᬕᬭᬸᬤᬵ᭞ᬧᬘᬂᬫᬫ᭄ᬩ᭄ᬯᬢ᭄ᬓᬩᬮᬶ᭞ᬧᬸᬦ᭄ᬱ᭄ᬫᬃᬫᬜᬸᬫ᭄ᬩᬄᬋᬓᭀ᭞ᬲᬶᬲᬶᬧ᭄ᬢᬶᬢ᭄ᬬᬂᬤᬾᬯᬵᬭᬢᬸ᭞ᬢᬶᬢ᭄ᬬᬂᬫᬗᬢᬸᬭᬂᬲᬸᬫ᭄ᬩᬄ᭞ᬭᬶᬂᬪᬝᬵᬭᬶ᭞ᬳᬫ᭄ᬧᬸᬭᬵᬧᬜ᭄ᬚᬓᬾᬳᭀᬤᬄ᭟ᬫᬶᬯᬄᬢᬵᬲᬶᬭᬭᬳᬤ᭄ᬬᬦ᭄᭞
ᬲᬶᬦᬫ᭄ᬧᬸᬭᬵᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬲᬫᬜᬢᬶᬢ᭄ᬬᬂᬓᬢᬓ᭄ᬱᭀᬦ᭄᭞ᬫᬸᬜᬶᬦ᭄ᬢᬶᬢ᭄ᬬᬗᬾᬜ᭄ᬚᭂᬮᬫᬸᬢ᭄᭞ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬕᭂᬦ᭄ᬤᬵᬧ᭄ᬚᬦᬶ᭞ᬕᬯᬾᬕᬢᬶᬲᬶᬲᬶᬮᬶᬩᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬢᬸᬢᬸᬕᬂᬲᬸᬓ [ 44 ][᭔᭓ 43B]
᭔᭓
ᬦᬾᬓᬓᬶ᭞ᬢᬶᬢ᭄ᬬᬂᬗᬚᬓ᭄ᬓᬓᬶᬳᭂᬚᭀᬄ᭞ᬩᬾᬜ᭄ᬚᬂᬩᬾᬲᬸᬓ᭄ᬢᬶᬢ᭄ᬬᬂᬦᬯᬸᬃ᭞ᬓᬓᬶᬧᬘᬂᬫᬫ᭄ᬩ᭄ᬯᬢ᭄ᬓᬢᬄ᭞ᬮ᭄ᬯᬲ᭄ᬓᬩᬮᬶ᭞ᬧᬸᬦᬶᬓᬶᬲᬤᬕᬶᬂᬢᬫᬦ᭄᭟ᬲᬂᬕᬭᬸᬤᬵᬮᬶᬂᬦ᭄ᬬᬗᬸᬘᬧ᭄᭞ᬮᬄᬲᬦ᭄ᬤᬶᬓᬦ᭄ᬜᬳᬶᬘᬶᬮᬶ᭞ᬳᬶᬬᬵᬓᬾᬩᬯᬸᬳᬓᬾ
ᬦ᭄ᬢᭀ᭞ᬦᬤ᭄ᬬᬦ᭄ᬓᬾᬬᬵᬤ᭄ᬯᬗᬶᬬᬸ᭞ᬓᬓᬶᬧᭀᬦ᭄ᬤᭀᬂᬗᭂᬕᬵᬧᬶᬲᬦ᭄᭞ᬭᬤᬾᬦ᭄ᬤᬾᬯᬶ᭞ᬳᬲᬸᬂᬯᬲ᭄ᬢ᭄ᬭᬵᬭᬶᬂᬲᬂᬭᬓᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬲᬮᬶᬦᬦ᭄᭞ᬫᬯᬲ᭄ᬢ᭄ᬭᬵᬮᬶᬫᬃᬳᬗ᭄ᬭᬯᬶᬢ᭄᭞ᬳᬓᬫ᭄ᬧᬸᬄᬫᬾᬕᬵᬩᬂᬳᬶᬚᭀ᭞ᬫᬲ᭄ᬓᬃᬢᬸᬜ᭄ᬚᬸᬗᬾᬩᬶᬭᬸ᭞ᬲ
ᬩᬸᬓ᭄ᬕ᭄ᬭᬶᬗ᭄ᬲᬶᬂᬳᬚᭂᬧ᭄ᬢᬓ᭄᭞ᬫᬸᬯᬸᬄᬧ᭄ᬓᬶᬓ᭄᭞ᬧᬸᬦ᭄ᬱ᭄ᬫᬃᬫᬗ᭄ᬓᬶᬦ᭄ᬕᬶᬦᬤᬵᬃ᭟ᬯᬲ᭄ᬢ᭄ᬭᬵᬧ᭄ᬢᬓ᭄ᬱᬸᬲᬸᬮᬫᬦ᭄᭞ᬫᬓᬫ᭄ᬧᬸᬄᬘᬦ᭄ᬥᬦᬵᬓᬯᬶ᭞ᬲᬩᬸᬓ᭄ᬧᬧᬓᬾᬢᬦ᭄ᬳᬶᬚᭀ᭞ᬲᬫᬶᬫᬧᬵᬗᬗ᭄ᬕᭀᬳᬶᬸᬚᬾᬶᬸᬫᬸᬭᬸᬩ᭄᭞ᬘᭀᬦ᭄ᬤᭀᬂᬩᬬᬦ᭄ᬯᬸᬲ᭄ᬫᬧ
ᬬᬲ᭄᭞ᬧᬲ᭄ᬢᬶᬧᬲ᭄ᬢᬶ᭞ᬧᬤᬵᬤᬶᬦᬤᬭᬦ᭄ᬯᬲ᭄ᬢ᭄ᬭᬵ᭟ᬭᬤᬾᬦ᭄ᬕᬮᬸᬄᬗᬬᬗᬬᬂ᭞ᬓᬤᬶᬫᬲ᭄ᬢᬢᬸᬃᬯᬾᬢ᭄ᬦᬶᬂ᭞ᬭᬤᬾᬦ᭄ᬕᬮᬸᬄᬫᭀᬚᬃᬳᬮᭀᬦ᭄᭞ᬫᬭᬶᬓᬶᬓᬾᬩ᭄ᬮᬶᬢᬸᬯᬸᬃ᭞ᬫᬗ᭄ᬓᬶᬦ᭄ᬫᬸᬗ᭄ᬕᬄᬕᬕ᭄ᬮᬶᬲᬦ᭄᭞ᬲᬶᬜᬦᬯᬶ᭞ᬳᬶᬕᬸᬭᬸᬕ᭄ᬮᬶᬲᬦ᭄‌ᬢ᭄ᬓᬵ

[᭔᭔ 44A]
᭔᭔
᭟ᬫᬜ᭄ᬚᭂᬭᬸᬫ᭄ᬲᬗ᭄ᬳ᭄ᬬᬂᬕᬭᬸᬤᬵ᭞ᬢᬸᬫᬸᬮᬶᬄᬬᬾᬦ᭄ᬫᬸᬗ᭄ᬕᬄᬲᬫᬶ᭞ᬧᬸᬦ᭄ᬲ᭄ᬫᬃᬚᭂᬚᭂᬄᬫᬗ᭄ᬢᭀᬃ᭞ᬫᬗ᭄ᬭᬱᬦᬶᬦ᭄ᬳᬯᬓ᭄ᬮᬩᬸᬄ᭞ᬲᬂᬕᬭᬸᬤᬵᬮᬦ᭄ᬬᬗᬸᬘᬧ᭄᭞ᬮᬄᬫᬤᬶᬲᬶ᭞ᬤᬶᬭᬶᬓᬵᬳᬧᬂᬲᬲᭂᬲᬚᬦ᭄᭟ᬫᬫ᭄ᬧᭂᬄᬲᬶᬭᬲᬂᬕᬭᬸᬤᬵ᭞ᬜᬭᬲᬧ᭄ᬢᭂ
ᬓᭂᬤᬶᬮᬗᬶᬢ᭄᭞ᬕᬸᬍᬫ᭄ᬲᬕᬭᬦᬾᬢᬶᬦᭀᬦ᭄᭞ᬓᬕᬾᬢ᭄ᬲᬂᬬᬓ᭄ᬱᬵᬳᬦ᭄ᬤᬸᬮᬸ᭞ᬢᬸᬫᬸᬮᬶᬄᬫᬫᬢᬲ᭄ᬢᬶᬗ᭄ᬳᬮ᭄᭞ᬓᬢᭀᬦ᭄ᬫᬗ᭄ᬓᬶᬦ᭄᭞ᬜᬳᬶᬘᬶᬮᬶᬗᬯ᭄ᬯᬂᬗᬯ᭄ᬯᬂ᭟ᬲᬂᬬᬓ᭄ᬱᬵᬳᬫ᭄ᬩᬸᬘᬮ᭄ᬲᬸᬢ᭄ᬭᬵ᭞ᬓᬧᬗ᭄ᬕᬶᬄᬜᬳᬶᬘᬶᬮᬶ᭞ᬭᬭᬶᬲ᭄ᬫᬸᬮᬶᬄᬫ
ᬦ᭄ᬤᬵᬭᭀᬤᭀᬲ᭄᭞ᬫᬜᬯᬸᬧ᭄ᬚᬫ᭄ᬩᬾᬫᬗᬶᬧᬸᬄ᭞ᬓᬤᬶᬕᬭᬸᬤᬸᬕᬦ᭄ᬓᬶᬮᬧ᭄᭞ᬳᬶᬗᭂᬄᬚᬦᬶ᭞ᬫᬕ᭄ᬭᬾᬫ᭄ᬩᬾᬗᬦ᭄ᬤᬶᬩᬜ᭄ᬘᬶᬗᬄ᭟ᬚᬫ᭄ᬩᬾᬗᬾᬩᬲ᭄ᬫᬕᭂᬂᬧᬶᬲᬦ᭄᭞ᬧᬜ᭄ᬚᬗᬾᬲ᭄ᬬᬤ᭄ᬧᬵᬜᬭᬶ᭞ᬮᬸᬫ᭄ᬩᬗᬾᬤ᭄ᬯᬂᬤ᭄ᬧᬵᬩ᭄ᬮᬄ᭞ᬳᬸᬲᬦ᭄ᬫᬗᬶ᭠
ᬧᬸᬄᬫᬫ᭄ᬩᬸᬭᬸ᭞ᬲᬬᬗᬂᬳᬶᬬᬵᬢᭀᬂᬜᬓ᭄᭞ᬓᭂᬧᬸᬂᬚᬦᬶ᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬱᬂᬕᬭᬸᬤᬵ᭟ᬢ᭄ᬯᬶᬢ᭄ᬯᬄᬫᬩᬸᬭᬸᬯᬶᬭᬂ᭞ᬲᬶᬂᬳᬫ᭄ᬩᬳᬶᬦ᭄ᬧᬤᬵᬳᭂᬦ᭄ᬢᬶ᭞ᬧᬧᬲ᭄ᬓᬬᬸᬳᬕᬸᬂᬋᬩᬄ᭞ᬲᬶᬂᬫᬮᬂᬫᬍᬢᬲᬫ᭄ᬧᬸᬦ᭄᭞ᬧᬓ᭄ᬱᬶᬩᬸᬭᭀᬦ᭄ᬫᬩ᭄ᬬᬸᬃᬩ᭄ᬬᬃ [ 45 ][᭔᭔ 44B]
᭔᭔
ᬭᬦ᭄᭞ᬭᬤᬾᬦ᭄ᬤᬾᬯᬶ᭞ᬳᬫ᭄ᬩᬸᬜ᭄ᬘᬮ᭄ᬫᬡ᭄ᬦᬶᬓ᭄ᬕᭂᬮᬕᬄ᭟ᬫᬡᬶᬓ᭄ᬢᬶᬳᬶᬂᬲᬶᬩᬋᬗᬦ᭄᭞ᬫᬢ᭄ᬫᬵᬳᬦ᭄ᬤᬤᬶᬕ᭄ᬲᬶᬂ᭞ᬳᬢ᭄ᬕᬮ᭄ᬳᬧᬶᬦᬾᬗᭀᬭᭀᬩ᭄᭞ᬲᬂᬬᬓ᭄ᬱᬵᬳᬰ᭄ᬭᬸᬄᬳᬫᬸᬯᬸᬲ᭄᭞ᬓᬓᬾᬳᬦ᭄ᬳᬶᬩᬵᬫᬧᬲᬂ᭞ᬳᬩᬲ᭄ᬓᬳᬶ᭞ᬫᬢ᭄ᬫᬳᬦ᭄ᬲᬫ᭄ᬧᬸ
ᬦ᭄ᬢᭂᬮᬲ᭄᭟ᬮᬚᬸᬲᬂᬬᬓ᭄ᬱᬵᬮᬸᬫᬫ᭄ᬧᬄ᭞ᬢᬫ᭄ᬧᭂᬓ᭄‌ᬧᬶᬲᬦ᭄ᬜᬳᬶᬘᬶᬮᬶ᭞ᬩᬶᬦᬸᬘᬮ᭄ᬫᬦᬶᬓ᭄ᬱ᭄ᬕᬭᬵ᭞ᬲᬶᬩᬋᬗᬦ᭄ᬫᬡᬶᬓ᭄ᬮᬸᬓ᭄ᬮᬸᬓ᭄᭞ᬳᬶᬗᬸᬬᬸᬧ᭄ᬤᬾᬦᬶᬲᬂᬬᬓ᭄ᬱᬵ᭞ᬲᬳᬢ᭄ᬫᬗ᭄ᬓᬶᬦ᭄᭞ᬳᬕ᭄ᬮᬶᬲᬂᬬᬓ᭄ᬱᬮᬸᬫᬫ᭄ᬧᬄ᭟ᬲᬕᬾᬢ᭄ᬫᬗ᭄ᬓᬶᬦ᭄ᬢᬫ᭄ᬧᭂᬓ᭄ᬧᬶᬲ
ᬦ᭄᭞ᬩᬶᬦᬸᬘᬮᬦ᭄ᬫᬡᬶᬓ᭄ᬳᬧᬶ᭞ᬳᬢ᭄ᬕᬮ᭄ᬳᬧᬶᬦᬾᬗᭀᬭᭀᬩ᭄᭞ᬲᬂᬬᬓ᭄ᬱᬵᬳᬕ᭄ᬮᬶᬲ᭄ᬫᬜᭂᬫ᭄ᬩᬸᬄ᭞ᬯᬸᬥᭂᬧ᭄ᬳᬧᬶᬦᬾᬳᬢ᭄ᬕᬮ᭄᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬢᬫ᭄ᬧᭂᬓ᭄ᬧᬶᬲᬦ᭄ᬲᬂᬕᬭᬸᬤᬵ᭟ᬭᬳᬤᬾᬦ᭄ᬕᬮᬸᬄᬓᬾᬯᭂᬳᬦ᭄᭞ᬫᬦᬗᬶᬲ᭄ᬫᬗ᭄ᬭᬱᬵ
ᬫᬢᬶ᭞ᬲᬫ᭄ᬧᬸᬦ᭄ᬓᬯᬸᬗ᭄ᬓᬸᬮᬦ᭄ᬧ᭄ᬤᬂ᭞ᬳᬾᬮᬶᬂᬭᬶᬂᬫᬡᬶᬓᬾᬓᬦ᭄ᬢᬸᬦ᭄᭞ᬫᬡ᭄ᬦᬶᬓ᭄ᬳᬢ᭄ᬫᬵᬓᬂᬩᬶᬦᬸᬜ᭄ᬘᬮ᭄᭞ᬓᬗ᭄ᬕᭂᬓ᭄ᬫᬗ᭄ᬓᬶᬦ᭄᭞ᬲᬂᬬᬓ᭄ᬱᬵᬢᬸᬫᬸᬮᬶᬄᬧ᭄ᬚᬄ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬮᬄᬭᬾᬭᬾᬦᬂᬢᬶᬢ᭄ᬬᬂᬓᬓᬶ

[᭔᭕ 45A]
᭔᭕
ᬫᬦ᭄ᬤᬢ᭄ᬲᬂᬕᬭᬸᬤᬵᬜ᭄ᬚᭀᬗ᭄ᬓᭀᬓ᭄᭞ᬭᬳᬤᬾᬦ᭄ᬕᬮᬸᬄᬢᬸᬫᬸᬭᬸᬦ᭄᭞ᬲᬋᬂᬓᬾᬦ᭄ᬲᬗ᭄ᬕᬶᬢ᭄ᬓᬾᬦ᭄ᬩᬬᬦ᭄᭞ᬭᬤᬾᬦ᭄ᬤᬾᬯᬶ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬲᬂᬧ᭄ᬚᬄ᭟ᬳᬕ᭄ᬮᬶᬲ᭄ᬳᬶᬤᬵᬩᬶᬦ᭄ᬤ᭄ᬭᬰᬶᬳᬦ᭄᭞ᬭᬳᬤᬾᬦ᭄ᬤᬾᬯᬶᬳᬦᬗᬶᬲ᭄᭞ᬫᬶᬭᬄᬯᬶ
ᬦ᭄ᬢᭂᬦ᭄ᬳᬗ᭄ᬕᬾᬦ᭄ᬫᭀᬦ᭄ᬫᭀᬦ᭄᭞ᬓᬺᬩ᭄ᬲᬸᬢ᭄ᬭᬲᬢᬸᬲ᭄ᬓᬬᬸᬄ᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬩᬶᬦᬲ᭄ᬫᬶᬬᬦ᭄᭞ᬧᬸᬢᬸᬲ᭄ᬫᬗ᭄ᬓᬶᬦ᭄᭞ᬲᬂᬳᬢ᭄ᬫᬵᬤᬤᬶᬪᬝᬵᬭ᭟ᬭᬳᬤᬾᬦ᭄ᬕᬮᬸᬄᬳᬜᬸᬫ᭄ᬩᬄ᭞ᬪᬝᬵᬭᬗᬦ᭄ᬤᬶᬓᬵᬳᬭᬶᬲ᭄᭞ᬳ᭄ᬜᬾᬦ᭄ᬗᬫ᭄ᬩᬶᬮ᭄ᬫᬶ
ᬭᬄᬋᬓᭀ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᭂᬫ᭄ᬩᬄᬫᬢᬸᬃ᭞ᬢᬶᬢ᭄ᬬᬂᬳᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬮᬄᬫᬫᬃᬕ᭄ᬕᬶ᭞ᬳᬧᬂᬫ᭄ᬮᬄᬫᬫᬜ᭄ᬚᬓᬂ᭟ᬜᬫᬦ᭄ᬘᬳᬶᬩ᭄ᬮᭀᬕ᭄ᬧᬶᬲᬦ᭄᭞ᬳᬚᬄᬬᬵᬤᬶᬢᬸᬤᬶᬩᬮᬶ᭞ᬫᬸᬜᬶᬢᬸᬦᬕᭀᬩᬩᭀ᭠
ᬘᭀᬓ᭄᭞ᬢᬦᬶᬦᬯᬂᬓᬗᬶᬦ᭄ᬓᬯᬸᬄ᭞ᬫᬓ᭄ᬚᬂᬳᬗ᭄ᬕᭀᬜᬢᬸᬦᬵ᭞ᬓᬾᬦ᭄ᬢᭀᬘᬳᬶ᭞ᬤᬵᬫᬜ᭄ᬚᬸᬯᬓ᭄‌‌ᬜ᭄ᬚᬸᬯᬓ᭄ᬳᬶᬬᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬲ᭄ᬫᬸᬯᬲ᭄ᬧᬵ᭞ᬓᬗᭂᬦ᭄ᬗᬲᭂᬮ᭄ᬲᭂᬮ᭄ᬳᬦᬗᬶᬲ᭄᭞ᬳᬾᬶᬸᬮᬶᬸᬗᬶᬸᬳᬶᬸᬕᬶᬸᬫᬶᬸᬲᬶᬸᬗᬾᬶᬸ [ 46 ][᭔᭕ 45B]
᭔᭕
᭞ᬤᬸᬄᬤᬾᬯᬵᬲᬶᬧᬦᭂᬫ᭄ᬩᬳᬦ᭄᭞ᬲᬦ᭄ᬤᬶᬓᬦ᭄ᬲᬗ᭄ᬳ᭄ᬬᬂᬓᬲᬸᬳᬸᬦ᭄᭞ᬭᬤᬾᬦ᭄ᬕᬮᬸᬄᬢᬸᬃᬳᬜᬸᬫ᭄ᬩᬄ᭞ᬤᬾᬯᬵᬳᬚᬶ᭞ᬧᬸᬦᬶᬓᬵᬰ᭄ᬯᬃᬕ᭄ᬕᬵᬦᬶᬂᬤᬾᬯᬵ᭟ᬫᬾᬭᬸᬳᬶᬓᬵᬢᬸᬫ᭄ᬧᬂᬲᬗ᭄ᬳᬵ᭞ᬧᬗᬬᬳᬾᬯᬶᬤ᭄ᬬᬤᬭᬶ᭞ᬪᬝᬵᬭᬗᬦ᭄ᬤᬶᬓᬵᬳ
ᬮᭀᬦ᭄᭞ᬫᬦᬶᬧᭀᬯᬦ᭄ᬩᬧᬵᬭᬯᬸᬄ᭞ᬫᬦᬸᬫᬤᬶᬭᬶᬂᬳᬶᬦᬦᬓ᭄᭞ᬤᬶᬦᬶᬚᬦᬶ᭞ᬩᬧᬵᬫᬍᬘᬢ᭄ᬓᬲ᭄ᬯᬃᬕ᭄ᬕᬦ᭄᭟ᬳ᭄ᬦᭂᬗᬓ᭄ᬦᬵᬲᬂᬳᬢ᭄ᬫᬵ᭞ᬓᭀᬘᬧᬦ᭄ᬭᬳᬤᬾᬦ᭄ᬤᬾᬯᬶ᭞ᬢᬸᬫᭀᬦᬶᬲᬂᬳᬢ᭄ᬫᬵᬫᭀᬢᬶᬸᬓ᭄ᬢᬄ᭞ᬫᬦᬗᬶᬲᬃᬯ᭄ᬯᬶᬫᬮᬸ
ᬗ᭄ᬕᬸᬄ᭞ᬓᬗᭂᬦ᭄‌‌ᬚᬦᬶᬭᬶᬂᬲᬂᬳᬶᬮᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬶᬮᬸᬤᬦᬾᬗᬸᬲᬧ᭄ᬯᬲ᭄ᬧᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬲᬫ᭄ᬧᬸᬦ᭄ᬫᬶᬭᬄᬕᬸᬂᬳᬦᬗᬶᬲ᭄᭞ᬳᬾᬮᬶᬗᬂᬳᬸᬕᬶᬫᬲ᭄ᬳᬶᬗᭀᬂ᭞ᬧᬗᬦ᭄ᬤᬶᬓᬵᬦᬾᬲᬂᬮᬫ᭄ᬧᬸᬲ᭄᭞ᬦᬶᬓᬵᬲᬸᬳᬸᬦ᭄ᬧ᭄ᬢᭂᬂᬍᬫᬄ
᭞ᬤᭂᬗᭂᬗ᭄ᬲᬧᬶᬦ᭄᭞ᬭᬤᬾᬦ᭄ᬕᬮᬸᬄᬧ᭄ᬕᬢ᭄ᬘᬶᬢ᭄ᬣᬵ᭟ᬳᬶᬮᬂᬲ᭄ᬤᬶᬳᬾᬭᬳᬤ᭄ᬬᬦ᭄᭞ᬧᬶᬢᬸᬢᬸᬭᬾᬦᬾᬓᬳᬶᬲ᭄ᬢᬶ᭞ᬫᬓᬶᬭᬾᬫᬗ᭄ᬓᬶᬦ᭄ᬫᬫᬃᬕ᭄ᬕᬵ᭞ᬢᬶᬗ᭄ᬓᬳᬂᬓᬾᬓᬓᬶᬤᬸᬫᬸᬦ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬗᬦ᭄ᬢ᭄ᬬᬂᬫᬸᬗ᭄ᬕᬄ᭞ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄

[᭔᭖ 46A]
᭔᭖
᭞ᬫᬜ᭄ᬚᭂᬭᬸᬫ᭄ᬲᬗ᭄ᬳ᭄ᬬᬂᬕᬭᬸᬤᬵ᭟ᬲᬫ᭄ᬧᬸᬦ᭄ᬢᭂᬮᬲ᭄ᬫᬗ᭄ᬓᬶᬦ᭄ᬫᬸᬗ᭄ᬕᬄ᭞ᬢᬸᬃᬕᬸᬍᬫ᭄ᬚᬕᬢᬾᬲᬫᬶ᭞ᬓᬢᬸᬗ᭄ᬓᬸᬮᬦ᭄ᬩᬮᬶᬋᬓᭀ᭞ᬫᬗᭀᬚᭀᬕ᭄ᬚᬸᬫᬄᬤᬾᬤᬸᬓᬸᬄ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬧᬫ᭄ᬭᬚᬦ᭄᭞ᬲᭀᬭᬶᬂᬢᬗᬶ᭞ᬢᬸᬫᬸᬭᬸᬦ᭄ᬫᬗ᭄ᬓᬶᬦ᭄ᬢᭂᬮᬲᬦ᭄᭟ᬲᬂ
ᬕᬭᬸᬤ᭄ᬥᬵᬮᬶᬦ᭄ᬬᬗᬸᬘᬧ᭄᭞ᬤᬶᬦᬶᬚᬵᬓᬾᬓᬓᬶᬫᬸᬮᬶᬄ᭞ᬫᬮᬭᬵᬳᬬᬸᬫᬲ᭄ᬳᬶᬗᭀᬂ᭞ᬭᬳᬤᬾᬦ᭄ᬕᬮᬸᬄᬳᬵᬫᬸᬯᬸᬲ᭄᭞ᬫᬃᬕ᭄ᬕᬶᬓᬓᬶᬲᬬ᭄ᬯᬤᬸᬓᬵ᭞ᬲᬶᬗ᭄ᬕᬶᬄᬜᬳᬶ᭞ᬓᬓᬶᬫᬗ᭄ᬓᬶᬦ᭄ᬕᬵᬕᬡ᭄ᬦᬵ᭟ᬫᬍᬘᬢ᭄ᬲᬗ᭄ᬳ᭄ᬬᬂᬕᬭᬸᬤ᭄ᬥᬵ᭞ᬧ᭄ᬭᬧ᭄ᬢᬾᬂ᭠
ᬲᬸᬭᬵᬮᬬᬵᬳᬕ᭄ᬮᬶᬲ᭄᭞ᬤᬾᬤᬸᬓᬸᬄᬲᬕᬾᬢ᭄ᬫᬦ᭄ᬤᬵᬮᭀᬓ᭄᭞ᬓ᭄ᬜᬸᬂᬬᬭᬭᬶᬲ᭄ᬫᬳᬢᬸᬃ᭞ᬲᬤ᭄ᬬᬓᭀᬫᬗ᭄ᬓᬶᬦ᭄ᬳᬶᬤᬾᬯᬵ᭞ᬲᬫ᭄ᬧᬸᬦᬧᬶ᭞ᬢ᭄ᬯᬶᬓᬤᬶᬳᬢᬸᬃᬢᬶᬢ᭄ᬬᬂ᭟ᬢ᭄ᬯᬶᬓᬤᬶᬲᬫ᭄ᬧᬸᬦᬶᬓᬵ᭞ᬮᬶᬯᬢ᭄ᬓᬾᬬᬸᬳᬾᬓᬓᬶ᭞ᬤᬾᬤᬸᬓᬸᬄ
ᬫᬳᬢᬸᬃᬳᬮᭀᬦ᭄᭞ᬫᬃᬕ᭄ᬕᬶᬲᬶᬫ᭄ᬧᬂᬭᬢᬸᬤᬸᬫᬸᬦ᭄᭞ᬤᬾᬤᬸᬓᬸᬄᬫᬮᬸᬫᬚᬮᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬕ᭄ᬭᬳᬦ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭟ᬳᬮᬸᬗ᭄ᬕᬸᬄᬭᬶᬂᬩᬮᬾᬳ᭄ᬫᬲ᭄᭞ᬩᬸᬓᬵᬤᬾᬯᬵᬮᬯᬦ᭄ᬤᬾᬯᬶ᭞ᬤᬾᬤᬸᬓᬸᬄᬫᬳᬢᬸᬃᬳ [ 47 ][᭔᭖ 46B]
᭔᭖
ᬮᭀᬦ᭄᭞ᬢᬶᬢ᭄ᬬᬂᬫᬶᬦ᭄ᬤᬵᬄᬭᬶᬗᬶᬭᬢᬸ᭞ᬩᬬᬵᬢ᭄ᬯᬄᬤᬾᬦᬶᬂᬳᬶᬤᬾᬯᬵ᭞ᬓᬧᭀᬫᬗ᭄ᬓᬶᬦ᭄᭞ᬫᬾᬲᭂᬫ᭄ᬭᬤᬾᬦ᭄ᬫᬦ᭄ᬢ᭄ᬭᬶᬗᬸᬘᬧ᭄᭟ᬮᬫᬸᬦ᭄ᬓᬓᬶᬚᬦᬶᬲᬸᬓᬵ᭞ᬳᬶᬘᬂᬫᬓᬶᬗ᭄ᬲᬦ᭄ᬓᬾᬦ᭄ᬓᬓᬶ᭞ᬲ᭄ᬯᬾᬦ᭄ᬳᬶᬧᬸᬦ᭄ᬓᬸᬢᬸᬲ᭄ᬤᬶᬦᬵ᭞ᬳᬚᬓ᭄ᬤᬶᬦᬶᬭ
ᬤᬾᬦ᭄ᬕᬮᬸᬄ᭞ᬲᬦ᭄ᬤᬶᬓᬵᬦᬶᬤᬵᬭᬳᬤ᭄ᬬᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬦᬤ᭄ᬬᬦ᭄ᬢᬶᬕᬂᬓᬸᬢᬸᬲ᭄ᬤᬶᬦᬵ᭟ᬭᬤᬾᬦ᭄ᬕᬮᬸᬄ᭠ᬲ᭄ᬫᬸᬯᬲ᭄ᬧᬵ᭞ᬦᬯᬶᬢᬶᬢ᭄ᬬᬂᬓᬸᬢᬂᬩ᭄ᬮᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬜᬕ᭄ᬚᬕ᭄ᬋᬓᭀ᭞ᬯᬶᬦ᭄ᬓᬸᬮ᭄ᬭᬳᬤᬾᬦ᭄ᬕᬮᬸᬄ᭞ᬤᬸᬄᬤᬾᬯᬵᬕᬸᬲ᭄ᬢᬶ
ᬫᬲ᭄ᬫᬶᬭᬄ᭞ᬤ᭄ᬬᬄᬳᬭᬶᬲ᭄᭞ᬢᬶᬢ᭄ᬬᬂᬧᬋᬓ᭄ᬭᬶᬂᬲᬂᬦᬵᬣ᭟ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬳᬧᬂᬓᬳᬢᬸᬃᬦᬾᬫᬗ᭄ᬓᬶᬦ᭄᭞ᬓᬫᬢᬯᬸᬦ᭄ᬭᬶᬂᬲᬂᬓᬢᭀᬂ᭞ᬧᬸᬦᬶᬓᬶᬓ᭄ᬮᬧᬶᬓᬵᬫᬸᬭᬸᬩ᭄᭞ᬳᬗ᭄ᬕᬾᬦ᭄ᬧᬦᬸᬗ᭄ᬓᬸᬮ᭄ᬫᬲ᭄ᬫᬶᬭᬄ᭞ᬧᬸᬃᬯ᭄ᬯᬾᬂᬲᬭᬶ᭞ᬦᭂᬂᬳᬢᬸᬭᬶ
ᬦ᭄ᬗᬭᬲ᭄ᬳᬭᬲ᭄᭟ᬫᬓᬵᬘᬶᬭᬶᬦ᭄ᬢᬶᬢ᭄ᬬᬂᬢᬺᬱ᭄ᬡᬵ᭞ᬗᬯᬸᬮᬵᬮᬯᬦ᭄ᬤ᭄ᬬᬄᬳᬭᬶᬲ᭄᭞ᬭᬳᬤ᭄ᬬᬦᬗ᭄ᬕᬧ᭄ᬢᬦᬮᭀᬦ᭄᭞ᬢᬸᬃᬳᬲᬸᬂᬲ᭄ᬧᬄᬫ᭄ᬭᬶᬓᬭᬸᬫ᭄᭞ᬫᬮᬶᬗ᭄ᬕᬶᬄᬳᬸᬮᬶᬫᬲ᭄ᬫᬶᬭᬄ᭞ᬢᬶᬢ᭄ᬬᬂᬧᬫᬶᬢ᭄᭞ᬲᬫ᭄ᬧᬸᬦ᭄ᬲᬗ᭄ᬲᬬᬵᬭᬶᬂᬢᬶ᭠

[᭔᭗ 47A]
᭔᭗
ᬢ᭄ᬬᬂ᭟ᬲᬫ᭄ᬧᬸᬦ᭄ᬤᬾᬯᬵᬲᬋᬂᬮᬸᬗ᭄ᬳᬵ᭞ᬩᬸᬓᬵᬄᬢᬗᭂᬄᬰ᭄ᬭᬷᬪᬸᬧᬢᬶ᭞ᬤᬾᬤᬸᬓᬸᬄᬳᬸᬫᬢᬸᬃᬳᬮᭀᬦ᭄᭞ᬲᬫ᭄ᬧᬸᬦ᭄ᬲᬋᬂᬓᬫ᭄ᬫᬵᬢᬯᬸᬦ᭄᭞ᬓᬘᬶᬗᬓ᭄ᬳᬦ᭄ᬢᬸᬓ᭄ᬱᬂᬦᬵᬣ᭞ᬯᬸᬭᬸᬂᬫᬗ᭄ᬓᬶᬦ᭄᭞ᬳᬶᬤᬾᬯᬵᬓᬤᬬᬂᬬᬸᬢ᭄ᬣᬵ᭟ᬳᬶᬗ᭄ᬕᬶᬄᬮᬫᬸᬦ᭄ᬲᬫ᭄ᬧᬸ
ᬦᬶᬓᬵ᭞ᬢᬶᬢ᭄ᬬᬂᬚ᭄ᬭᬶᬄᬗᬶᬭᬶᬂᬩ᭄ᬮᬶ᭞ᬫᬃᬕ᭄ᬕᬶᬩ᭄ᬮᬶᬳ᭄ᬤᬵᬩ᭄ᬗᭀᬂ᭞ᬤ᭄ᬧᬂᬢᬶᬢ᭄ᬬᬂᬤᬶᬦᬶᬓᬦ᭄ᬢᬸᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬃᬕ᭄ᬕᬵ᭞ᬦᭀᬮᬶᬄᬦᭀᬮᬶᬄ᭞ᬓᬾᬢᭀᬓᬾᬓᬓᬶᬳᬾᬮᬶᬗᬂ᭟ᬤᬾᬤᬸᬓᬸᬄᬳᬲᬯᬸᬃᬲᭂᬫ᭄ᬩᬄ᭞ᬲᬦ᭄ᬤᬶᬓᬵᬦ᭄ᬥᬵᬭᬤᬾᬦ᭄ᬫᬦ᭄ᬢ᭄ᬭᬶ᭞ᬬᬓᬾᬘᬢᬸᬃ
ᬤᬶᬦᬵᬋᬓᭀ᭞ᬓᬢᬯᬄᬳᬶᬗ᭄ᬲᬸᬦ᭄ᬳᬦᬯᬸᬦ᭄᭞ᬢᬶᬢ᭄ᬬᬂᬲᬸᬓᬵᬳᬦ᭄ᬤᬵᬤᬫ᭄ᬫᬵ᭞ᬭᬤᬾᬦ᭄ᬤᬾᬯᬶ᭞ᬲᬫ᭄ᬧᬸᬦ᭄ᬳᬶᬤᬾᬯᬵᬲᬂᬲᬬᬵ᭟ᬩᬕᬸᬲᬸᬫ᭄ᬩᬭᬵᬫᬫᬃᬕ᭄ᬕᬵ᭞ᬧᬸᬦ᭄ᬱ᭄ᬫᬃᬦᬫ᭄ᬧᬵᬭᬶᬗᬸᬭᬶ᭞ᬧᬫ᭄ᬭᬚᬦᬾᬲᬫ᭄ᬧᬸᬦ᭄ᬳᭂᬚᭀᬄ᭞ᬢᬦ᭄ᬓᭀᬘᬧᬜ
ᬤᬾᬤᬸᬓᬸᬄ᭞ᬤᬶᬫᬢᬯᬸᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬰ᭄ᬭᬶᬪᬸᬧᬢᬶ᭞ᬲ᭄ᬤᭂᬓ᭄ᬢᬶᬦᬗ᭄ᬓᬶᬮ᭄ᬭᬶᬂᬚᬩᬵ᭟ᬩᬕᬸᬲᬸᬫ᭄ᬩᬭᬵᬬᬾᬦ᭄ᬧ᭄ᬭᬧ᭄ᬢᬵ᭞ᬢᬸᬫᬶᬗ᭄ᬳᬮ᭄ᬲᬶᬭᬵᬦᬺᬧᬢᬶ᭞ᬲᬤ᭄ᬬᬓᭀᬘᬳᬶᬫᬩᬳᬦ᭄᭞ᬳᬶᬗ᭄ᬕᬶᬄᬧᭀᬮᬄᬢᬶᬢ᭄ᬬᬂᬭᬢᬸ᭞ᬤᬶᬚᬳᬵᬘᬳᬶ [ 48 ][᭔᭗ 47B]
᭔᭗
ᬫᬩᬳᬦ᭄᭞ᬬᬾᬦ᭄ᬫᬗᬮᬶᬄ᭞ᬳᬶᬗ᭄ᬕᬶᬄᬭᬢᬸᬲᬓᬾᬂᬚᬯᬵ᭟ᬢᬶᬢ᭄ᬬᬂᬫᬢᬸᬃᬭᬶᬂᬲᬂᬦᬵᬣ᭞ᬲᬫ᭄ᬧᬸᬦ᭄ᬫᬗᬸᬗ᭄ᬓᬩ᭄ᬳᬶᬭᬶᬓᬶ᭞ᬭᬶᬂᬤ᭄ᬳᭂᬯᬸᬗ᭄ᬓᬩ᭄ᬲᬂᬓᬢᭀᬂ᭞ᬲᬂᬧ᭄ᬭᬪᬸᬲᬸᬓᬵᬳᬦᬸᬭᬸᬢ᭄᭞ᬳ᭄ᬦᬄᬚᬮᬦ᭄ᬚᬦᬶᬳᬩᬵ᭞ᬳᬧᬦ᭄‌‌ᬘᬳᬶ᭞ᬫᬫ᭄ᬩᬳᬦᬂ
ᬯᭀᬕ᭄ᬬᬵᬗᬩᬵ᭟ᬤᬸᬄᬬᬦ᭄ᬘᬳᬶᬧᬢᬶᬄᬧ᭄ᬭᬲᬫ᭄ᬫᬵ᭞ᬧ᭄ᬭᬧᬸᬗ᭄ᬕᬯᬵᬧᬭᬫᬦ᭄ᬢ᭄ᬭᬶ᭞ᬧᬗᬭᬳᬶᬦ᭄ᬯᬤ᭄ᬯᬦᬶᬗᭀᬂ᭞ᬦᬸᬤᬲ᭄ᬮᭂᬫᬄᬦᭂᬧᭂᬓᬸᬮ᭄ᬓᬸᬮ᭄᭞ᬫᬳᬶᬱᬵᬧᬤᬵᬲᭂᬭᬳᬂ᭞ᬧᬶᬢᬸᬂᬲᬶᬓᬶ᭞ᬩᬯᬶᬮᬦᬂᬦ᭄ᬬᬮᬶᬫᭀᬮᬲ᭄᭟ᬦᬾᬫᬳᬚᬶᬧᬫᬸᬲᬸ
ᬗᬦ᭄᭞ᬩ᭄ᬭᬲ᭄ᬮᬯᬦ᭄ᬬᬦᭂᬫ᭄ᬩᬗ᭄ᬲᬶᬢ᭄᭞ᬓᬫ᭄ᬩᬶᬂᬭᭀᬭᬲ᭄ᬢᬸᬦ᭄ᬤᬾᬦ᭄ᬗᭀᬭᭀᬓ᭄᭞ᬓᬶᬤᬗᬾᬢ᭄ᬥᬸᬦᬂᬲᬢᬸᬲ᭄᭞ᬓᬸᬍᬲᬶᬄᬳᬦᬂᬓᬭᭀᬩ᭄ᬮᬄ᭞ᬳᬸᬮᬫ᭄ᬧᬲᬶᬄ᭞ᬦᭂᬫ᭄ᬩᭂᬮᬲ᭄ᬢᭂᬕᭂᬦ᭄ᬢᭂᬤᬸᬦᬵᬂ᭟ᬦᬕᬶᬄᬳᭂᬫ᭄ᬩᭂᬓᬾᬦ᭄ᬥᬾᬦ᭄ᬭᬫ᭄ᬧᬕ᭄᭞ᬕ᭄ᬦᭂᬧ᭄ᬮᬦ᭄ᬚᭂᬚ
ᬢᭀᬦ᭄ᬢᬕᬶᬄ᭞ᬳᬦ᭄ᬓᬾᬢᬸᬂᬲᬃᬯ᭄ᬯᬦᬶᬂᬳᭂᬫ᭄ᬩᬵ᭞ᬲᬂᬧᬢᬶᬄᬳᬲᬯᬸᬃᬫᬦᬸᬓ᭄᭞ᬲᬦ᭄ᬤᬶᬓᬦ᭄ᬳᬶᬤᬵᬲᬂᬦᬵᬣ᭞ᬧᬸᬧᬸᬢ᭄ᬲᬫᬶ᭞ᬧᬗ᭄ᬭᬯᭀᬲᬾᬤᬶᬩᬜ᭄ᬘᬶᬗᬄ᭟ᬦᬾᬫᬦᬶᬧᬶᬲᬦ᭄ᬧᬸᬧᬸᬢᬂ᭞ᬓ᭄ᬭᬬᬦᬶᬂᬧᬶᬸᬮᬯᬸᬢ᭄ᬫᬩᬸᬜ᭄ᬘᬶᬂ᭞ᬮᬯᬸᬢ᭄ᬫ

[᭔᭘ 48A]
᭔᭘
ᬦ᭄ᬥᬸᬦᬂᬳᭂᬕᭀᬂ᭞ᬧᬶᬢᬸᬂᬩᬭᬸᬂᬲᬫ᭄ᬧᬸᬦ᭄ᬢᭂᬤᬸᬦ᭄᭟ᬕ᭄ᬮᬸᬃᬕ᭄ᬮᬸᬃᬤᬶᬩᬜ᭄ᬘᬶᬗᬄ᭞ᬕᬫ᭄ᬩᬸᬄᬫᬶᬚᬶᬮ᭄᭞ᬚᭀᬕᬾᬤ᭄ᬮᬾᬕᭀᬂᬫᬓᬵᬍᬦᬦ᭄᭟ᬕᬫ᭄ᬩᬂᬮᬯᬦ᭄ᬢᬭᬵᬯᬃᬱᬵ᭞ᬕᭂᬡ᭄ᬥᬶᬂᬮ᭄ᬯᬂᬓᬸᬫᬮᬶᬮᬶᬢ᭄᭞ᬓᬾᬓᬾᬬᭀᬭᬦ᭄ᬯᬬᬂᬳᬸᬯᭀᬂ᭞ᬯᬬᬂᬕ᭄ᬥᭀ
ᬕ᭄ᬮᬶᬫᬂᬧᬘᬸᬮ᭄᭞ᬤᬮᬂᬲᬫᬶᬯᬸᬲ᭄ᬧ᭄ᬭᬢ᭄ᬬᬓ᭄ᬱᬵ᭞ᬲᭀᬮᬄᬩ᭄ᬤᬶᬮ᭄᭞ᬩᬭᬶᬲ᭄ᬚᭀᬚᭀᬃᬲᭀᬮᬄᬘᬶᬦᬵ᭟ᬳᬶᬕᭂᬮ᭄ᬳᬶᬕᭂᬮᬦᬾᬓᬢᬄ᭞ᬦᬾᬫᬾᬩᬢ᭄ᬧ᭄ᬭᬢ᭄ᬬᬓ᭄ᬱᬲᬫᬶ᭞ᬲᬫᬶᬧ᭄ᬭᬕᬶᬦᬵᬫᬦᬩᬸᬄ᭞ᬕᭀᬂᬲ᭄ᬯᬭᬦᬾᬗᬮᬸᬦᬮᬸᬦ᭄᭞
ᬫᬫᬸᬜᬶᬬᬵᬘᬸᬫᬂᬓᬶᬭᬂ᭞ᬗᬺᬗᬶᬄᬋᬗᬶᬄ᭞ᬲᭀᬮᬳᬾᬓᬢᬄᬢᭀᬦ᭄ᬢᭀᬦᬂ᭟ᬲᬜ᭄ᬚᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬯᬸᬲᬦ᭄᭞ᬧ᭄ᬢᭂᬂᬯᬬᬂᬧ᭄ᬭᬯᬵᬫᬶᬚᬶᬮ᭄᭞ᬤᬮᬂᬲᬓᬶᬂᬧᬚᬂᬳᬦᭀᬫ᭄᭞ᬤᬮᬂᬧᬫᭀᬢᬦᬾᬭᬯᬸᬄ᭞ᬩᭂᬭᬶᬲ᭄ᬧ
ᬗᬤᭂᬕᬾᬘ᭄ᬧᬕ᭄᭞ᬓᬲᬸᬩ᭄ᬭᬶᬭᬶᬄ᭞ᬲ᭄ᬯᬭᬦᬾᬫᬦᬶᬲᬗ᭄ᬭᬭᬲ᭄᭟ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬤᬯᬸᬄᬮᬶᬫᬵ᭞ᬧ᭄ᬢᭂᬂᬢᬦ᭄ᬓᭀᬘᬧᬫᬗ᭄ᬓᬶᬦ᭄᭞ᬭᬳᬶᬦᬵᬓᭀᬘᬧᬋᬓᭀ᭞ᬲᬂᬭᬢᬸᬓᬚᬩᬵᬲᬫ᭄ᬧᬸᬦ᭄᭞ᬚᬭᬦᬾᬲᬫ᭄ᬧᬸᬦ᭄ᬫᬧᬬ [ 49 ][᭔᭘ 48B]
᭔᭘
ᬲ᭄᭞ᬰ᭄ᬭᬷᬪᬹᬧᬢᬶ᭞ᬲᬫ᭄ᬧᬸᬦ᭄ᬯᬸᬲᬦ᭄ᬫᬓᬸᬭᬫᬲ᭄᭟ᬫᬯᬲ᭄ᬢ᭄ᬭᬵᬬᬵᬘᬓ᭄ᬭᬵᬩᬶᬯᬵ᭞ᬫᬓᬫ᭄ᬧᬸᬄᬓᭀᬭᬢ᭄ᬦᬵᬓᬯᬶ᭞ᬫᬘᭀᬢᬵᬧᬶᬢᭀᬮᬵᬳᬶᬚᭀ᭞ᬫᬲᬩᬸᬓ᭄ᬢᬮᬸᬓᬶᬳᬮᬸᬲ᭄᭞ᬫᬕ᭄ᬮᬂᬓᬦ᭄ᬦᬵᬳᬧᬸᬲ᭄ᬧᬸᬬᬓ᭄᭞ᬦᬸᬓ᭄ᬮᬶᬓ᭄ᬭᬶᬲ᭄ᬫᬤᬗ
ᬦᬦ᭄ᬫᬶᬭᬄᬭᬢ᭄ᬦᬵ᭟ᬳᬮᬶᬳᬮᬶᬧᬢᬶᬓ᭄ᬭᬥᬧ᭄᭞ᬲ᭄ᬓᬃᬢᬸᬜ᭄ᬚᬸᬂᬩᬶᬭᬸᬳᬰ᭄ᬭᬶ᭞ᬫᬸᬗ᭄ᬕᬄᬭᬶᬂᬓᬸᬤᬵᬢᬦᬮᭀᬦ᭄᭞ᬫᬳᬶᬭᬶᬗᬦ᭄ᬢᭂᬮᬸᬗᬾᬬᬸ᭞ᬩᬕᬸᬲᬸᬫ᭄ᬩᬭᬵᬫᬫᬃᬕ᭄ᬕᬵ᭞ᬲᬤᬵᬜᬫ᭄ᬧᬶᬂ᭞ᬫᬓ᭄ᬢᬵᬧᬘᬦᬗᬦ᭄ᬫᬲ᭄᭟ᬦᬫ᭄ᬧᭂᬓ᭄ᬭᬶᬂᬦᬕ
ᬭᬾᬂᬤᭂᬳᬵ᭞ᬧᬜ᭄ᬚᬓᬾᬳᬓᬾᬄᬧᬩᬶᬲᬶᬓ᭄᭞ᬳᭂᬦ᭄ᬢᭀᬦᬾᬫᬗᬩᬧᬩ᭄ᬯᬦ᭄᭞ᬧᬦ᭄ᬢᭂᬲᬦ᭄ᬳᬶᬤᬵᬤᬶᬤᬸᬳᬸᬃ᭞ᬲᬂᬧ᭄ᬭᬪᬹᬲᬕᬾᬢ᭄ᬗ᭄ᬭᬸᬗᬸᬯᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬘᬳᬶᬧᬾᬢᬦᬸᬗ᭄ᬕᬂᬓᬸᬤ᭄ᬥᬵ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭞ᬩᬕᬸᬲᬸ
ᬫ᭄ᬩᬭᬵᬓᬲᬾᬗᬶᬦ᭄᭞ᬘᬳᬶᬧᬾᬢ᭄ᬫᬦᬸᬗ᭄ᬕᬂᬓᬸᬤᬵ᭞ᬤᭂᬧᬂᬫᬫᬦ᭄ᬚᬦᬶᬢᬸᬳᬸᬦ᭄᭞ᬩᬕᬸᬲᬸᬫ᭄ᬩᬭᬫᬫᬶᬦ᭄ᬤᬄ᭞ᬢᬶᬢ᭄ᬬᬂᬧᬫᬶᬢ᭄᭞ᬭᬶᬂᬳᬶᬤᬾᬯᬵᬦᬸᬗ᭄ᬕᬂᬓᬸᬤᬵ᭟ᬩᬕᬸᬲᬸᬫ᭄ᬩᬭᬳᬗ᭄ᬭᬱᬵ᭞ᬳᬯ᭄ᬢᬸᬲᬩ᭄ᬤᬭᬶᬗᬢᬶ᭞ᬓᬾᬦ᭄ᬓᬾᬦ᭄ᬓᬬᬸ

[᭔᭙ 49A]
᭔᭙
ᬦᬾᬲᬂᬓᬢᭀᬂ᭞ᬤᬤᬶᬳᬯᬓᬾᬓᬢᬸᬤᬸᬄ᭞ᬚᬦᬶᬫ᭄ᬦᬾᬓ᭄ᬦᬸᬗ᭄ᬕᬂᬓᬸᬤ᭄ᬥᬵ᭞ᬲᬶᬜᬢᬦᬶ᭞ᬫ᭄ᬮᬄᬓᬬᬸᬦᬾᬲᬂᬦᬣᬵ᭟ᬲᬂᬧ᭄ᬭᬪᬸᬢᬸᬫᬸᬭᬸᬦ᭄ᬳᬾᬗ᭄ᬕᬮ᭄᭞ᬤᬾᬄᬧᬘᬦᬗᬦᬾᬘᬳᬶ᭞ᬘᬳᬶᬦᬸᬗ᭄ᬕᬂᬓᬸᬤ᭄ᬥᬵᬋᬓᭀ᭞ᬤᬸᬄᬤᬾᬯᬵᬭᬢᬸᬲᬂᬧ᭄ᬭᬪᬹ᭞ᬢᬶ
ᬢ᭄ᬬᬂᬤᬯᭂᬕ᭄ᬫᬶᬦ᭄ᬤᬄᬧᬶᬲᬦ᭄᭞ᬰ᭄ᬭᬶᬪᬸᬧᬢᬶ᭞ᬲᬋᬂᬤᬶᬩ᭄ᬢᬾᬦ᭄ᬫᬫᬃᬕ᭄ᬕᬵ᭟ᬢᬦ᭄ᬓᭀᬘᬧᬵᬜᬭᬶᬂᬫᬃᬕ᭄ᬕᬵ᭞ᬧ᭄ᬭᬧ᭄ᬢᬵᬭᬶᬂᬤᭂᬳᬵᬳᬕ᭄ᬮᬶᬲ᭄᭞ᬗᬩᬵᬭᬾᬫ᭄ᬩ᭄ᬬᬓ᭄ᬗᬩᬵᬭᬾᬫ᭄ᬩ᭄ᬬᭀᬓ᭄᭞ᬲᬂᬦᬢᬾᬂᬤ᭄ᬳᭂᬓᬯᬸᬯᬸᬲ᭄᭞ᬲ᭄ᬤᭂᬓ᭄ᬢᬶᬦᬗ᭄ᬓᬶᬮ᭄ᬭᬶᬂᬚᬩᬵ᭞ᬫᬗ᭄ᬭ
ᬯᭀᬲᬶᬦ᭄᭞ᬳᭀᬓᬦᬾᬲ᭄ᬤᬶᬄᬢᬦ᭄ᬧᬲᬄ᭟ᬓᬾᬦ᭄ᬩᬬᬦ᭄ᬳᬮᭀᬦᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬫᬶᬭᬄᬕᬸᬂᬫᬦᬗᬶ᭠ᬲ᭄᭞ᬳᬧᬦ᭄ᬯᬶᬤᬶᬫᬗ᭄ᬕᭂᬦᬳᬂ᭞ᬳᬫᬶᬭᬸᬤᬵᬤᬾᬯᬵᬭᬢᬸ᭞ᬫᬱᬵᬩᬶᬦᬵᬚᬮᬦ᭄ᬫᭂᬗ᭄ᬕ᭄ᬯᬦ᭄᭞ᬳᬶᬭᬶᬗ᭄ᬫᬗ᭄ᬓᬶᬦ᭄᭞ᬓᬬᬸᬦᬾᬳ
ᬚᬶᬦᬶᬤᬾᬯᬵ᭟ᬓᬸᬤ᭄ᬬᬂᬦᬶᬭᬚᬵᬜᬭᬸᬯᬂ᭞ᬳᬸᬭᬸᬂᬦᬶᬭᬫᬢᬶᬲ᭄ᬤᬶᬄ᭞ᬤᬶᬗ᭄ᬓᬾᬦ᭄ᬚᬳᬶᬩ᭄ᬮᬶᬦᭀᬗᭀᬲ᭄᭞ᬚ᭄ᬯᬂᬢᬶᬢ᭄ᬬᬂᬩ᭄ᬮᬶᬩᬕᬸᬲ᭄᭞ᬳᬚᬓ᭄ᬢᬶᬢ᭄ᬬᬂᬧᬶᬲᬦ᭄ᬧ᭄ᬚᬄ᭞ᬩ᭄ᬮᬶᬓᬮᬶᬲ᭄᭞ᬫᬢᬵᬢᬕᭀᬦ᭄ᬢᭂᬓᬾᬦ᭄ᬢᬶᬢ᭄ᬬᬂ᭟ᬭᬢᬸᬫᬢᬯᬸᬦ᭄ᬯᬸ [ 50 ][᭔᭙ 49B]
᭔᭙
ᬯᬸᬲᭂᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬤᭂᬳᬵᬫᬗ᭄ᬓᬶᬦ᭄᭞ᬤᬶᬩᬜ᭄ᬘᬶᬗᬄᬚᬦᬶᬗᭀᬚᭀᬕ᭄᭞ᬲᬂᬧ᭄ᬭᬪᬸᬤᭂᬳᬵᬓᬯᬸᬯᬸᬲ᭄᭞ᬓᬭᬶᬢᬶᬢᬶᬩ᭄ᬧᬦᬗ᭄ᬓᬶᬮᬦ᭄᭞ᬧᬢᬶᬄᬫᬦ᭄ᬢ᭄ᬭᬶ᭞ᬢᬸᬫᬸᬭᬸᬦ᭄ᬬᬕᬕ᭄ᬮᬶᬲᬦ᭄᭟ᬲᬂᬭᬵᬢᬸᬤᭂᬳᬵᬗᬦ᭄ᬤᬶᬓᬵ᭞ᬧᬢᬶᬄᬧᬸᬦ᭄ᬢᬵ᭠
ᬓ᭄ᬫᬵᬓᬧᬸᬭᬶ᭞ᬳᬢᬸᬭᬶᬦ᭄ᬢ᭄ᬯᬦ᭄ᬕᬮᬸᬄᬋᬓᭀ᭞ᬢ᭄ᬮᬲᬂᬤᬶᬚ᭄ᬭᭀᬳᬕᬸᬂ᭞ᬓᬓᬵᬧᬸᬦ᭄ᬢᬵᬭᬭᬶᬲ᭄ᬫᬫᬃᬕ᭄ᬕᬵ᭞ᬧ᭄ᬭᬧ᭄ᬢᬾᬂᬧᬸᬭᬶ᭞ᬫᬢᬸᬃᬭᬶᬂᬰ᭄ᬭᬶᬧ᭄ᬭᬫᬶᬲ᭄ᬯᬃᬬ᭄ᬬᬵ᭟ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭞ᬧᬸᬦᬶᬓᬵᬬᬾᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬧᬗᬦ᭄ᬤᬶᬓᬵᬦ᭄ᬤᬲᬂᬓᬢᭀᬂ
᭞ᬢ᭄ᬮᬲᬂᬲᬧᬸᬭᬶᬫ᭄ᬢᬸ᭞ᬭᬤᬾᬦ᭄ᬕᬮᬸᬄᬧ᭄ᬭᬫᬾᬰ᭄ᬯᬃᬬ᭄ᬬ᭞ᬩᬬᬦ᭄ᬲᬗ᭄ᬕᬶᬢ᭄᭞ᬭᬭᬶᬲ᭄ᬫᬫᬃᬕ᭄ᬕᬶᬓᬚᬩᬵ᭟ᬲᬧ᭄ᬭᬧ᭄ᬢᬦᬾᬭᬶᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬹᬢᬦ᭄ᬤ᭄ᬯᬜᬶᬗᬓᬶᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬵᬳᬮᭀᬦ᭄᭞ᬗᬸᬤᬵᬜᬳᬶᬲᬶᬫ᭄ᬧ᭄ᬭᬄᬲᬶᬫ᭄ᬧ᭄ᬭᬸᬄ᭞
ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩᬧᬵᬳᬚᬶ᭞ᬧᬕᬯᬾᬦ᭄ᬢᬶᬢ᭄ᬬᬗᬾᬫ᭄ᬮᬄ᭟ᬲᬃᬯ᭄ᬯᬶᬫᬦᬗᬶᬲ᭄ᬗᬦ᭄ᬤᬶᬓᬵ᭞ᬤᬸᬄᬤᬾᬯᬳᬶᬕᬸᬭᬸᬳᬚᬶ᭞ᬳᭂᬗ᭄ᬓᬾᬦ᭄ᬚᬵᬳᬶᬯᬂᬧᬗᬗ᭄ᬕᭀ᭞ᬫᬯᬲ᭄ᬢ᭄ᬭᬵᬫᬶᬯᬄᬫᬲᬩᬸᬓ᭄᭞ᬢᬶᬢ᭄ᬬᬂᬲᬫ᭄ᬧᬸᬦ᭄ᬲᬫ᭄ᬧᬸᬦᬶᬓᬵ᭞ᬭ

[᭕᭐ 50A]
᭕᭐
ᬤᬾᬦ᭄ᬫᬦ᭄ᬢ᭄ᬭᬶ᭞ᬲ᭄ᬫᬸᬓ᭄ᬜᬸᬂᬓᬧᭂᬦ᭄ᬤᬵᬓ᭄ᬢᬶᬗ᭄ᬳᬮ᭄᭟ᬓᬮᬶᬄᬧᬤᬵᬓᬲ᭄ᬫᬭᬦ᭄᭞ᬳᬗ᭄ᬭᬸᬗᬸᬧᬤᬵᬭᬶᬗᬢᬶ᭞ᬭᬤᬾᬕᬮᬸᬄᬳᬲ᭄ᬫᬸᬯᬲ᭄ᬧᬵ᭞ᬓᬤᬶᬭᬱᬵᬢᬦ᭄ᬧᬩᬬᬸ᭞ᬯ᭄ᬯᬂᬗᬧᬵᬳᬦᬓᬾᬤᬾᬯᬵ᭞ᬭᬤᬾᬦ᭄ᬤᬾᬯᬶ᭞ᬫᬜᬭᬸᬤᬦᬾᬫᬶᬮᬶᬤᬦ᭄᭟
ᬮᬄᬫᬳᬶᬧᬤᬵᬧᬳᭂᬓᬂ᭞ᬕᬸᬭᬸᬦᬸᬦ᭄ᬤᬾᬦ᭄ᬫᬗᬸᬗ᭄ᬓᬩᬶᬦ᭄᭞ᬧᬺᬫᬾᬦᬓ᭄ᬳᬶᬲ᭄ᬢ᭄ᬭᬶᬫᬗ᭄ᬕᭂᬮᭀᬄ᭞ᬫᬗᬩᬶᬄᬭᬳᬤᬾᬦ᭄ᬕᬮᬸᬄ᭞ᬧᬜ᭄ᬚᬓ᭄ᬱᬫᬶᬧᬤᬵᬳᬢᬧ᭄᭞ᬫᬦᬫ᭄ᬧᭂᬓᬶᬦ᭄᭞ᬩᬕᬸᬲᬸᬫ᭄ᬩᬭᬵᬓᭀᬘᬧᬵ᭟ᬳᬮᬸᬗ᭄ᬕᬸᬄᬲᬋᬂᬲᬂᬦᬣᬵ᭞ᬫ
ᬢᬯᬸᬦ᭄ᬲᬋᬂᬫᬮᬶᬗ᭄ᬕᬶᬄ᭞ᬧᬺᬫᬦ᭄ᬢ᭄ᬭᬶᬳᬚᬚᬃᬚᬚᬃ᭞ᬓᬤᬾᬳᬦ᭄ᬤᬶᬢᬸᬫᬢᬫ᭄ᬩᬸᬦ᭄᭞ᬳᬮᬸᬗ᭄ᬕᬸᬄᬬᬵᬧᬤᬵᬳᬢᬧ᭄᭞ᬰ᭄ᬭᬶᬪᬹᬧᬢᬶ᭞ᬭᬶᬂᬤ᭄ᬳᬵᬗᬦ᭄ᬤᬶᬓᬵᬬᬂᬗᬸᬗ᭄ᬓᬩ᭄᭟ᬢᬸᬫᬸᬮᬶᬄᬫᬗ᭄ᬓᬶᬦ᭄ᬓᬳᬸᬗ᭄ᬓᬩ᭄᭞ᬓᬢᭀᬦ᭄ᬫᬘᬦᬾᬧᬚ᭄ᬭᬶᬢ᭄᭞ᬭᬵ
ᬓ᭄ᬱᬲᬵᬮᬦ᭄ᬲᬶᬗ᭄ᬳᬵᬩᬭᭀᬂ᭞ᬮᬯᬾᬬᬦ᭄ᬓᬸᬫᬂᬫᬂᬇᬓᬹ᭞ᬤᬭᬾᬲ᭄ᬤᬾᬲ᭄ᬮᬦ᭄ᬢᬗᬦ᭄ᬢᬗᬦ᭄᭞ᬢᭂᬦ᭄ᬤᬲ᭄‌‌ᬩᭀᬦ᭄ᬤᬶᬢ᭄᭞ᬫᬢᬦᬾᬮ᭄ᬯᬶᬃᬲᬹᬃᬬ᭄ᬬᬵᬓᭂᬫ᭄ᬩᬃ᭟ᬦᬕ᭄ᬕᬵᬧᬲᬄᬧᬚᬸᬮᬾᬫ᭄ᬧᬄ᭞ᬧ᭄ᬲᬸᬬᬵᬫᬮᬶᬮᬶᬢ᭄ᬮᬶᬮᬶᬢ᭄᭞ᬲᬂᬦᬢᬾᬂ [ 51 ][᭕᭐ 50B]
᭕᭐
ᬫᬢᬯᬸᬦ᭄ᬗᭂᬢᭀᬃ᭞ᬢᬓᬸᬢᬾᬚᬦᬶᬫᬫᬸᬧᬸᬢ᭄᭞ᬤᬶᬦᬶᬓᬾᬩᬕᬸᬲᬸᬫ᭄ᬩᬭᬵ᭞ᬩᬧᬵᬫᬸᬮᬶᬄ᭞ᬩᬗᬸᬦ᭄ᬫᬮᬳᬶᬩ᭄ᬜᬚᬬᬂ᭟ᬢᬦ᭄ᬧᬦᭀᬮᬶᬄᬭᬶᬂᬩᬜ᭄ᬘᬶᬗᬄ᭞ᬳᬧᬵᬢᭀᬬᬾᬦ᭄ᬧᬮᬳᬶᬦ᭄᭞ᬲᬸᬩᬢᬾᬢ᭄ᬯᬄᬤᬦᬾᬕ᭄ᬢᬧ᭄᭞ᬳᬕ᭄ᬦᬂᬫᬩᬸᬜ᭄ᬘᬶᬂ
ᬩᬸᬳᬸᬂ᭞ᬢᬢᬕᬾᬦᬾᬚᬦᬶᬓᬸᬢᬂ᭞ᬧᬮᬳᬶᬩᬶᬦ᭄᭞ᬢ᭄ᬯᬶᬫᬦᬓᬸᬢᬶᬦ᭄ᬮᬯᬢ᭄᭟ᬩᬮᬵᬭᬶᬂᬫᬢᬯᬸᬦ᭄ᬢᭂᬮᬲ᭄᭞ᬫᬦ᭄ᬢᬸᬓ᭄ᬧ᭄ᬭᬧ᭄ᬢᬵᬭᬶᬂᬦᬵᬕᬭᬶ᭞ᬳᬤᬵᬩ᭄ᬭᬦ᭄ᬢᬶᬳᬤᬩ᭄ᬗᭀᬂ᭞ᬳᬤᬵᬗᭀᬯᬾᬮ᭄ᬳᬤᬵᬕᬸᬬᬸ᭞ᬳᬤᬵᬗ᭄ᬭᬸᬕᬂᬩᬩᬬᬦ᭄
᭞ᬗᬫ᭄ᬩᬸᬮ᭄‌‌ᬩ᭄ᬭᬗ᭄ᬢᬶ᭞ᬫᬦ᭄ᬢ᭄ᬭᬶᬧᬢᬶᬄᬫᬧᬗᭂᬦᬦ᭄᭟ᬭᬶᬂᬫᬢᬯᬸᬦ᭄ᬢᬦ᭄ᬓᭀᬘᬧᬵ᭞ᬭᬶᬂᬤ᭄ᬳᬵᬓᭀᬘᬧᬫᬮᬶᬄ᭞ᬳᬓᬾᬄᬯᭀᬗᬕᬸᬬᭀᬦ᭄ᬕᬸᬬᭀᬦ᭄᭞ᬫᬦᬸᬢᬸᬢᬸᬃᬧ᭄ᬭᬪᬸᬫᬢᬯᬸᬦ᭄᭞ᬲᬸᬩᬢ᭄ᬯᬄᬚᬵᬤᬦᬾᬕ᭄ᬢᬧ᭄᭞ᬳᬧᬵᬳᬮᬶᬄ
᭞ᬫᬳᬶᬫᬗᬤᭀᬯᬂᬭᬕᬵ᭟ᬲᬂᬦᬵᬣᬾᬂᬤ᭄ᬳᬵᬗᬦ᭄ᬤᬶᬓᬵ᭞ᬩᬕᬸᬲᬤ᭄ᬬᬘᬳᬶᬧᭀᬮᬶᬄ᭞ᬚᬮᬦ᭄ᬧᬾᬢ᭄ᬚᬦᬶᬓᬚ᭄ᬭᭀ᭞ᬩᬬᬵᬯᬶᬤ᭄ᬥᬶᬚᬦᬶᬭᬯᬸᬄ᭞ᬮᬦ᭄ᬢᬲᬭᭀᬭᭀᬓᬧᬸᬭᬵ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬂᬧ᭄ᬭᬪᬸᬗᬸᬘᬧ᭄ᬤᬶ

[᭕᭑ 51A]
᭕᭑
ᬫᬦᬄ᭟ᬳᬾᬫᭂᬂᬩᬦ᭄ᬚᬦᬶᬫᬗ᭄ᬭᬱᬵ᭞ᬬᬾᬦ᭄ᬯᭀᬂᬲᬸᬤ᭄ᬭᬬᬾᬦ᭄ᬯᭀᬂᬍᬯᬶᬄ᭞ᬫᬶᬭᬶᬩ᭄ᬳᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬢᬢᬕᭀᬦ᭄ᬳᬶᬦᬦᬓ᭄ᬕᬮᬸᬄ᭞ᬤᬶᬚ᭄ᬭᭀᬧᬤᬵᬓᬾᬫ᭄ᬗᬦ᭄᭞ᬜᭂᬢ᭄ᬤᬶᬬᬢᬶ᭞ᬲᬶᬜᬓᬾᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬭᬤᬾᬦ᭄ᬕᬮᬸᬧ᭄ᬭ
ᬧ᭄ᬢᬾᬂᬧᬸᬭᬵ᭞ᬧᬗᬗ᭄ᬕᭀᬦ᭄ᬩᬮᬾᬦᬾᬍᬯᬶᬄ᭞ᬲᬗ᭄ᬲᬗᬦ᭄ᬧᬶᬢᭀᬮᬵᬳᬶᬚᭀ᭞ᬮᬸᬮᬸᬳᬸᬃᬫᬚᬢᬶᬳᬮᬸᬲ᭄᭞ᬢᬸᬕᭂᬳᬾᬫᬲ᭄ᬓᬸᬫᬭᬜᬩ᭄᭞ᬓᬢᭀᬦ᭄ᬭᬯᬶᬢ᭄᭞ᬳᬸᬍᬲᬾᬕᬭᬶᬗ᭄ᬲᬶᬂᬯᬬᬂ᭟ᬲᬵᬫ᭄ᬧᬸᬦ᭄ᬯᭂᬗᬶᬤᬯᬸᬄᬮᬶᬫᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ
ᬳᬫᬭᬦᬶᬦ᭄᭞ᬧ᭄ᬭᬧ᭄ᬢᬵᬭᬶᬂᬧᬫᬺᬫᬦ᭄ᬓᬸᬮᭀᬦ᭄᭞ᬭᬳᬤᬾᬦ᭄ᬕᬮᬸᬄᬲᬶᬦᬫ᭄ᬩᬸᬢ᭄᭞ᬧᬶᬦ᭄ᬓᬸᬮ᭄ᬳᬶᬗᬭᬲᬭᬲ᭄᭞ᬭᬤᬾᬦ᭄ᬤᬾᬯᬶ᭞ᬳᬦᭂᬦ᭄ᬤᬮ᭄ᬗᭂᬜᭂᬓᬂᬤᬤᬵ᭟ᬕᬸᬫᬸᬬᬸᬳᬵᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬕᬯᬸᬓ᭄ᬤᬾᬯᬵᬢᬶᬢ᭄ᬬᬂᬫᬮᬶᬄ᭞ᬳᬧᬂᬢᬶᬢ᭄ᬬᬂ
ᬯᭀᬜᭂᬓ᭄ᬮᭀᬃ᭞ᬭᬳᬤᬾᬦ᭄ᬕᬮᬸᬄᬢᬸᬫᬸᬭᬸᬦ᭄᭞ᬓᬾᬲᬄᬫᬭᬶᬂᬧᬕᬸᬮᬶᬗᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬗ᭄ᬕᬫᭂᬮᬶᬂᬳᬲ᭄ᬢᬦᬶᬂᬤ᭄ᬬᬄ᭟ᬲᬫ᭄ᬧᬸᬦ᭄ᬳᬶᬤᬾᬯᬵᬬᬾᬦ᭄ᬮᬸᬗ᭄ᬳᬵ᭞ᬤᬭᬶᬓᬶᬫᬶᬭᬄᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬕᬮᬸᬄᬤ [ 52 ][᭕᭑ 51B]
᭕᭑
ᬭᭀᬧᭀᬦ᭄᭞ᬦᬫ᭄ᬧᭀᬓᬂᬫᬲᬶᬄᬫᬗ᭄ᬕᬯᬸᬓ᭄᭞ᬩ᭄ᬮᬶᬫᬦ᭄ᬢ᭄ᬭᬶᬭᬶᬂᬓᭀᬭᬶᬧᬦ᭄᭞ᬮᬄᬘᬶᬗᬓᬶᬦ᭄᭞ᬫ᭄ᬮᬄᬳᬦᬓᬾᬗᬾᬦᬾᬬᬂ᭟ᬩ᭄ᬮᬶᬩᬲ᭄ᬓᬮᬶᬲ᭄ᬓᬾᬦ᭄ᬢᬶᬢ᭄ᬬᬂ᭞ᬲ᭄ᬯᬾᬩᬦ᭄ᬩᭂᬮᬶᬫ᭄ᬩᭂᬲᬶᬸᬮᬲᬶᬦ᭄᭞ᬤ᭄ᬫᭂᬦ᭄ᬲᬦ᭄ᬓᬾᬩ᭄ᬮᬶᬦᭀᬦ᭄ᬢᭀᬦ᭄᭞ᬭᬳ
ᬤᬾᬦ᭄ᬫᬦ᭄ᬢ᭄ᬭᬶᬕᬸᬫᬸᬬᬸ᭞ᬤᬶᬚᬳᬵᬳᬮᬶᬄᬳᬶᬤᬾᬯᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬶᬢ᭄ᬬᬂᬳᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬘᬶᬭᬶᬦ᭄ᬢᬶᬢ᭄ᬬᬂ᭞ᬤᬸᬫᬸᬦ᭄ᬭᬶᬂᬳᬶᬤᬾᬯᬵᬲᬶᬫ᭄ᬲᬶᬫ᭄᭞ᬲᬲᬵᬮᬸᬤᬶᬭᬦᬾᬭᭀᬭᭀ᭞ᬫᬓᬵᬘᬶᬭᬶᬦ᭄ᬢᬶᬢ᭄ᬬᬂᬢᬸ
ᬳᬸ᭞ᬗᬯᬸᬮᬵᬢ᭄ᬓᬾᬦ᭄ᬳᬶᬤᬾᬯᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬧᬸᬦᬶᬓᬵᬤᬾᬯᬵᬳᬾᬮᬶᬗᬂ᭟ᬲᬗ᭄ᬓᬦ᭄‌‌ᬲ᭄ᬯᬾᬢᬶᬢ᭄ᬬᬂᬳᬶᬮᬂ᭞ᬢᬶᬢ᭄ᬬᬂᬦᬢᬲ᭄‌‌ᬰ᭄ᬭᬶᬪᬹᬧᬢᬶ᭞ᬳᭂᬗ᭄ᬓᬾᬦ᭄‌‌‌ᬚᬢᬶᬳᭂᬗ᭄ᬓᬾᬦ᭄ᬮᬶᬜᭀᬓ᭄᭞ᬭᬯᬸᬄᬢᬶᬢ᭄ᬬᬂᬤᬶᬫᬢᬯᬸ
ᬦ᭄᭞ᬳᬶᬭᬶᬓᬵᬢᬶᬢ᭄ᬬᬂᬗᬯᬸᬮᬵ᭞ᬢᬶᬕᬂᬰᬰᬶᬄ᭞ᬭᬭᬶᬲ᭄ᬳᬶᬤᬾᬯᬵᬓᬮᬫᬃ᭟ᬳᬚᬶᬦ᭄ᬳᬶᬤᬾᬯᬵᬫᬦᬗ᭄ᬕᬧ᭄᭞ᬚᬯᬸᬫᬦ᭄ᬭᬯᬸᬄᬧᬶᬂᬓᬮᬶᬄ᭞ᬢᬶᬢ᭄ᬬᬂᬫᬜ᭄ᬚᬯᬸᬫᬦ᭄ᬋᬓᭀ᭞ᬫᬋᬓ᭄ᬭᬶᬂᬳᬚᬶᬦᬶᬭᬢᬸ᭞ᬯᬾᬦ᭄ᬢᭂᬦ᭄ᬧᬫ᭄ᬭᬤᬶᬦ᭄ᬳᬶᬤᬾᬯ

[᭕᭒ 52A]
᭕᭒
᭞ᬫ᭄ᬯᬄᬦᬺᬧᬢᬶ᭞ᬲ᭄ᬕᬭᬵᬫᬥᬸᬕᬸᬦᬸᬂᬫ᭄ᬜᬦ᭄᭟ᬭᬭᬶᬲ᭄ᬢᬶᬢ᭄ᬬᬂᬓᬮᬶᬧ᭄ᬢᬂ᭞ᬭᬢᬸᬫᬢᬯᬸᬦ᭄ᬫᬗ᭄ᬯᬶᬥᬶ᭞ᬫᬗ᭄ᬭᬸᬭᬸᬄᬕ᭄ᬦᬳᬾᬳᭂᬚᭀᬄ᭞ᬭᬯᬸᬄᬢᬶᬢ᭄ᬬᬂᬓᬜ᭄ᬚᭀᬂᬩᬶᬭᬸ᭞ᬤᬶᬚᬯᬵᬫᬮᬶᬄᬤᬶᬚᬯᬵ᭞ᬭᬤᬾᬦ᭄ᬤᬾᬯᬶ᭞ᬭᬶᬂᬜ᭄ᬚᭀᬂᬩᬶᬭᬸᬗᬶᬘᬾᬦ᭄ᬢᬶ
ᬢ᭄ᬬᬂ᭟ᬭᬤᬾᬦ᭄ᬕᬮᬸᬄᬲ᭄ᬫᬸᬓᬕ᭄ᬬᬢ᭄᭞ᬫᬾᬮᬶᬂᬭᬶᬂᬲᬶᬫ᭄ᬲᬶᬫᬾᬓᬮᬶᬄ᭞ᬭᬭᬶᬲ᭄ᬤᬦᬾᬫᬦ᭄ᬢᭂᬕ᭄ᬢᬗ᭄ᬓᬄ᭞ᬓᬧᭀᬓ᭄ᬢᬶᬢ᭄ᬬᬂᬩ᭄ᬮᬶᬩᬕᬸᬲ᭄᭞ᬓᬤᬾᬦ᭄ᬢᬶᬢ᭄ᬬᬂᬩ᭄ᬮᬶᬳᬦᬓ᭄᭞ᬢᬶᬢ᭄ᬬᬂᬚ᭄ᬭᬶᬄ᭞ᬩ᭄ᬮᬶᬢᬸᬦᬶᬫᬫᭂᬦ᭄ᬤᬧᬂ᭟ᬘᭀᬦ᭄ᬤᭀᬂᬩᬬᬦ᭄ᬧᬥᬵᬲᬸᬓᬵ᭞ᬤᬾ
ᬦᬶᬂᬭᬯᬸᬄᬭᬤᬾᬦ᭄ᬤᬾᬶᬸᬯᬶᬸᬦ᭄ᬫᬦ᭄ᬢ᭄ᬭᬶ᭞ᬫ᭄ᬯᬄᬤᬯᬸᬄᬮᬶᬫᬋᬓᭀ᭞ᬫᬸᬗ᭄ᬕᬄᬭᬶᬂᬚᬶᬦᭂᬫ᭄ᬭᬶᬓᬭᬸᬫ᭄᭞ᬢᬸᬫᬸᬮᬶᬳᬧᬸᬮᬂᬭᬭᬲ᭄᭞ᬚ᭄ᬭᭀᬦᬶᬂᬲᬫᬶ᭞ᬢᬦ᭄ᬓᭀᬘᬧᬦᬾᬂᬧᬢᬸᬭ᭄ᬯᬦ᭄᭟ᬧᬸᬢᬶᬄᬢᬶᬫᬸᬃᬳᬩᬂᬯᬾᬢᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬢᬗᬶ᭞ᬧᬶᬦ᭄ᬓᬸᬮ᭄ᬭ
ᬩᬶᬦᬾᬋᬓᭀ᭞ᬯᬃᬡ᭄ᬦᬦᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬮᬄᬓᬦ᭄ᬢᬸᬦᬵᬳᬢ᭄ᬫᬵᬚᬶᬯᬵ᭞ᬢᬶᬢ᭄ᬬᬂᬧᬫᬶᬢ᭄᭞ᬲ᭄ᬯᬾᬦ᭄ᬳᬶᬧᬸᬦ᭄ᬢᬶᬕᬂᬤᬶᬦᬵ᭟ᬢᬶᬢ᭄ᬬᬂᬫᬗᬫ᭄ᬩᬶᬮ᭄ᬧᬓᬶᬗ᭄ᬲᬦ᭄᭞ᬓᬚᬸᬫᬄᬤᬾᬤᬸᬓᬸᬄᬰᬓ᭄ᬢᬶ᭞ᬭᬤᬾᬦ᭄ᬕᬮᬸᬄᬲᬯᬸᬃᬳᬮᭀᬦ᭄᭞ [ 53 ][᭕᭒ 52B]
᭕᭒
ᬧᬸᬦᬧᬶᬬᬾᬦ᭄ᬓᬭᬶᬤᬶᬢᬸ᭞ᬜᬦ᭄ᬤᬂᬢᬶᬢ᭄ᬬᬂᬫᬢᬸᬦ᭄ᬤᬾᬦᬦ᭄᭞ᬗᬶᬭᬶᬂᬩ᭄ᬮᬶ᭞ᬦᬤ᭄ᬬᬦ᭄ᬜᬸᬳᬸᬦ᭄ᬫᬱᬵᬓᬸᬭᬂ᭟ᬤᬸᬄᬤᬾᬯᬵᬲᬵᬫ᭄ᬧᬸᬦᬸᬦ᭄ᬤᬾᬦᬂ᭞ᬢᬶᬢ᭄ᬬᬂᬗᬫ᭄ᬩᬶᬮ᭄ᬭᬤᬾᬦ᭄ᬤᬾᬯᬶ᭞ᬓᬗᬤᬺᬯᬾᬕᬸᬦᬸᬂᬫ᭄ᬜᬦ᭄᭞ᬭᬤᬾᬦ᭄ᬕᬮᬸᬄᬭᬶᬂᬜ᭄ᬚᭀᬂᬩᬶᬭᬸ
᭞ᬫ᭄ᬦᭂᬂᬫ᭄ᬦᭂᬂᬚ᭄ᬯᬵᬳᬶᬫᬶᬭᬄ᭞ᬮᬄᬫᬮᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬳᬶᬤᬾᬯᬵᬗ᭄ᬯᬾᬭᬬᬂ᭟ᬫᬃᬕ᭄ᬕᬶᬩ᭄ᬮᬶᬚ᭄ᬯᬵᬕ᭄ᬮᬶᬲᬂ᭞ᬭᬯᬸᬄᬳᬶᬤᬦᬾᬫᬭᬶᬓᬶ᭞ᬳᬧᬂᬢᬶᬢ᭄ᬬᬂᬳᬾᬗ᭄ᬕᬮ᭄ᬦᭀᬦ᭄ᬢᭀᬦ᭄᭞ᬓᬫᬾᬄᬲᬦ᭄ᬢᬶᬢ᭄ᬬᬂᬫᬗ᭄ᬭᬸᬗᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬃᬕ᭄ᬕ᭞ᬦᭀᬮᬶᬄ
ᬦᭀᬮᬶᬄ᭞ᬢᬗ᭄ᬲᬄᬧᭂᬦ᭄ᬤᬓ᭄ᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭟ᬢᬦ᭄ᬓᭀᬘᬧ᭄ᬲᬶᬭᬭᬳᬤ᭄ᬬᬦ᭄᭞ᬯᬸᬯᬸᬲᭂᬦ᭄ᬰ᭄ᬭᬶᬦᬭᬵᬧᬢᬶ᭞ᬳᬢᬗᬶᬭᬭᬶᬲ᭄ᬓᬚ᭄ᬭᭀ᭞ᬫᬗᬮᬶᬄᬳᬶᬦᬦᬓ᭄ᬕᬮᬸᬄ᭞ᬫᬶᬯᬄᬲᬫᬶᬧ᭄ᬭᬫᬶᬲ᭄ᬯᬃᬬ᭄ᬬ᭞ᬭᬦ᭄ᬢᭂᬦᬚᬶ᭞ᬲᬫᬶᬭᬯᬸᬄᬭᬶᬂᬭᬳᬤ᭄ᬬᬦ᭄᭟᭠
ᬲᬧ᭄ᬭᬧ᭄ᬢᬵᬦᬾᬰ᭄ᬭᬶᬦᬭᬾᬦ᭄ᬤ᭄ᬭ᭞ᬓᬧᬗ᭄ᬕᬶᬄᬭᬳᬤᬾᬦ᭄ᬤᬾᬯᬶ᭞ᬭᬤᬾᬦ᭄ᬕᬮᬸᬄᬫᬢᬸᬃᬳᬮᭀᬦ᭄᭞ᬲᬃᬯ᭄ᬯᬶᬦᭂᬫ᭄ᬩᬳᬶᬂᬲᬂᬧ᭄ᬭᬪᬸ᭞ᬓᬧᭀᬢᬦ᭄ᬤ᭄ᬭᬸᬄᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬭᬶᬂᬩ᭄ᬮᬶᬫᬦ᭄ᬢ᭄ᬭᬶ᭞ᬤᬦᬾᬲᬫ᭄ᬧᬸᬦ᭄ᬗᬫ᭄ᬩᬶᬮ᭄ᬢᬶᬢ᭄ᬬᬂ᭟ᬲ᭄ᬕᬭᬵᬫᬥᬸ

[᭕᭓ 53A]
᭕᭓
ᬕᬸᬦᬸᬂᬫ᭄ᬜᬦ᭄᭞ᬳᬶᬩ᭄ᬮᬶᬋᬓᬾᬫᬗᬫ᭄ᬩᬶᬮ᭄᭞ᬭᬯᬸᬄᬓᬜ᭄ᬚᭀᬂᬩᬶᬭᬸᬋᬓᭀ᭞ᬬᬦ᭄ᬳᬶᬤᬵᬋᬓᬾᬢ᭄ᬯᬦ᭄ᬕᬮᬸᬄ᭞ᬤᬦᬾᬋᬓᬾᬫᬳᬶᬘᬬᬂ᭞ᬭᬶᬂᬳᬶᬩ᭄ᬮᬶ᭞ᬲᬂᬧ᭄ᬭᬪᬸᬓᬮᬶᬦ᭄ᬢᬂᬲᬸᬓᬵ᭟ᬬᬵᬧ᭄ᬮᬶᬄᬩᬦ᭄ᬩᬧᬵᬦᬃᬓ᭄ᬓᬵ᭞ᬭᬸᬧᬦᬾᬢ᭄ᬯᬭᬫᬲᬮᬶᬦ᭄᭞ᬤᬾᬦᬶᬂᬬᬵ
ᬳᬶᬮᬂᬫᬓ᭄ᬮᭀ᭞ᬲᬗ᭄ᬓᬦ᭄ᬩᬧᬵᬳᬾᬫᭂᬂᬢᬦ᭄ᬤ᭄ᬭᬸᬄ᭞ᬚᬦᬶᬓᬢᬸᬚᬸᬜᬢ᭄ᬓᬵ᭞ᬩᬬᬵᬯᬶᬤᬶ᭞ᬘᭀᬦ᭄ᬤᭀᬂᬩᬬᬦ᭄ᬧᬤᬵᬲᬸᬓᬵ᭟ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬤᬦᬾᬓᭂᬚᭂᬳᬵᬲᬶᬂᬤᬶᬦᬶ᭞ᬭᬤᬾᬦ᭄ᬕᬮᬸᬄᬫᬢᬸᬃᬳᬮᭀᬦ᭄᭞ᬤᬦᬾᬓᬚᬸᬫᬄᬤᬾ
ᬤᬸᬓᬸᬄ᭞ᬓᭀᬘᬧ᭄ᬫᬗᬫ᭄ᬩᬶᬮ᭄ᬧᬓᬶᬗ᭄ᬲᬦ᭄᭞ᬬᬾᬦ᭄ᬧᬸᬦᬧᬶ᭞ᬤᬦᬾᬢᬦ᭄ᬯᬾᬦ᭄ᬢᭂᬦ᭄‌‌ᬗᭀᬭᬳᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬫᬗᬦ᭄ᬢᬸᬦᬦ᭄ᬢᬸᬦ᭄ᬫᬫᬃᬕ᭄ᬕᬶ᭞ᬧ᭄ᬭᬧ᭄ᬢᬵᬭᬶᬗᬮᬲ᭄ᬢᬦᬮᭀᬦ᭄᭞ᬫᬫᭂᬗ᭄ᬕᭂᬮ᭄ᬓᬕᬸᬦᬸᬂᬕᬸᬦᬸᬂ᭞ᬓᬢᭀᬦ᭄ᬚᬦᬶᬓᬵ
ᬓᬵᬬᭀᬦᬦ᭄᭞ᬢᬸᬳᬸᬗ᭄ᬭᬯᬶᬢ᭄᭞ᬩᬸᬗ᭄ᬳᬵᬦᬾᬳᬚᬚᬃᬚᬚᬵᬃ᭟ᬓᬬᬸᬧᬸᬭᬶᬂᬓᬬᬸᬳ᭄ᬫᬲ᭄᭞ᬳᬦ᭄ᬤᭀᬂᬩᬂᬮᬦ᭄ᬳᬫ᭄ᬧᬾᬮ᭄ᬕᬥᬶᬂ᭞ᬢᬮᬕᬦᬾᬲᬤᬵᬚᬶᬫ᭄ᬩᬃ᭞ᬫᬤᬕᬶᬂᬢᬸᬜ᭄ᬚᬸᬗᬾᬩᬶᬭᬸ᭞ᬢᬸᬜ᭄ᬚᬸᬂᬧᬸᬢᬶᬄᬢᬸᬜ᭄ᬚᬸᬂᬩᬭᬓ᭄᭞ [ 54 ][᭕᭓ 53B]
᭕᭓
ᬧᬘᬃᬤᬾᬯᬶ᭞ᬮᬸᬳᬸᬃᬢᬮᬕᬵᬳᬗ᭄ᬭᬭᬲ᭄᭟ᬩᬸᬗ᭄ᬳᬵᬦᬾᬲᬮ᭄ᬯᬶᬭᬶᬂᬩᬸᬗ᭄ᬳᬵ᭞ᬦ᭄ᬥᭂᬂᬓᭂᬫ᭄ᬩᬂᬫ᭄ᬭᬶᬓ᭄ᬱᬸᬫᬶᬭᬶᬢ᭄᭞ᬮᬦᬕᬵᬲᬭᬶᬫᬗᬬᭀᬃ᭞ᬳᭂᬦ᭄ᬢᭀᬧᬫ᭄ᬭᬚᬦ᭄ᬤᬾᬤᬸᬓᬸᬄ᭞ᬢᬦ᭄ᬓᭀᬘᬧᬵᬭᬶᬂᬤᬥᬮᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲ᭄ᬥᭂᬓ᭄ᬤᬾᬤᬸᬓᬸᬄᬭᬶᬂ
ᬚᬩᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬕᬾᬢ᭄ᬧ᭄ᬭᬧ᭄ᬢᬵ᭞ᬓᬯᭂᬗᬦ᭄ᬓᬧᭂᬦ᭄ᬤᬓ᭄ᬮᬶᬭᬶᬂ᭞ᬤᬾᬤᬸᬓᬸᬄᬭᬭᬶᬲ᭄ᬫᬱᬵᬭᭀᬤ᭄᭞ᬢᬸᬳᬸ᭠ᬦ᭄ᬫᬜᬧᬵᬲᬂᬩᬕᬸᬲ᭄᭞ᬘᭀᬓᭀᬃᬳᬶᬤᬾᬯᬵᬓᭀᬧ᭄ᬭᬧ᭄ᬢᬵ᭞ᬤᬸᬄᬫᬗ᭄ᬭᬭᬶᬲ᭄᭞ᬚᬮᬦ᭄ᬓᬾᬓᬓᬶᬫᬸᬮᬶᬳᬦ᭄᭟ᬲ
ᬧ᭄ᬫᬵᬤᬾᬤᬸᬓᬸᬄᬫᬸᬮᬶᬳᬦ᭄᭞ᬭᬳᬤᬾᬦ᭄ᬕᬮᬸᬄᬓᬧᬗ᭄ᬕᬶᬄ᭞ᬭᬤᬾᬦ᭄ᬕᬮᬸᬄᬜᬧᬵᬳᬮᭀᬦ᭄᭞ᬳᬶᬩ᭄ᬮᬶᬬᬾᬦ᭄ᬯᬳᬸᬭᬯᬸᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜᬕ᭄ᬚᬕ᭄᭞ᬜᬯᬸᬧ᭄ᬗᬩᬶᬦ᭄᭞ᬢ᭄ᬯᬃᬱᬶᬳᬶᬗᬭᬲᬭᬲ᭄᭟ᬤᬾᬤᬸᬓᬸᬄᬳᬤᬦᬵᬲ᭄ᬤᬄ᭞ᬭᬶᬂᬳ
ᬮᬾᬫ᭄ᬧᬾᬃᬫᬲ᭄ᬫᬡᬶᬸᬗ᭄ᬭᬯᬶᬢ᭄᭞ᬓᬢᬸᬃᬭᬶᬂᬭᬳ᭄ᬯᬶᬸᬳᬤ᭄ᬬᬦ᭄ᬭᭀᬭᭀ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬚᭂᬂᬲᬸᬭᬸᬄ᭞ᬭᬤᬾᬦ᭄ᬕᬮᬸᬄᬫᬲᬋᬗᬦ᭄᭞ᬫ᭄ᬯᬄᬧᬗᬶᬭᬶᬂ᭞ᬲᬫᬶᬯᬸᬲᬦ᭄ᬤᬳᬃᬘᬦᬂ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬢᬶᬢ᭄ᬬᬂᬫᬢᬸᬃᬭᬶᬂᬳᬶᬩ᭄ᬮᬶ

[᭕᭔ 54A]
᭕᭔
᭞ᬤᬾᬤᬸᬓᬸᬄᬕᬜ᭄ᬚᬭᬶᬦ᭄ᬋᬓᭀ᭞ᬩᬸᬗ᭄ᬓᬸᬂᬮᬯᬦ᭄ᬓᬫ᭄ᬩᭂᬦ᭄ᬲᬧᬸᬢ᭄᭞ᬲᬮᬶᬫ᭄ᬧᭂᬢ᭄ᬓᬮᬯᬦ᭄ᬩᬧᬂ᭞ᬳᭂᬦ᭄ᬢᭀᬚᬦᬶ᭞ᬧᬘᬂᬧᬗᬗ᭄ᬕᭀᬦ᭄ᬫᬧᬸᬚᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬯ᭄ᬬᬓ᭄ᬢᬶᬧᬢᬸᬢ᭄ᬤᬾᬯᬵᬕᬸᬲ᭄ᬢᬶ᭞ᬮᬜ᭄ᬚᬭᬦ᭄ᬗᬦ᭄ᬤᭂᬢ᭄ᬳᬶᬤᬾᬯᬵ᭞ᬬᬾᬦ᭄ᬢᬦ᭄ᬳᬶᬬᬵ
ᬓᬓᬶᬤᬸᬓᬸᬄ᭞ᬫᬢᬸᬚᬸᬯᬶᬦᬫ᭄ᬩᬄᬳᬫ᭄ᬩᬳᬦ᭄᭞ᬓᬾᬢᭀᬚᬦᬶ᭞ᬢᬶᬢ᭄ᬬᬂᬲᬤ᭄ᬬᬭᬶᬗᬶᬤᬾᬯᬵ᭟ᬦᬾᬄᬓᬓᬶ᭠ᬩᬸᬗ᭄ᬓᬸᬗᬾᬤᬤ᭄ᬯ᭞ᬮᬦ᭄ᬲᬧᬸᬢ᭄ᬘᬾᬮᬾᬓᬓᬮᬶᬄ᭞ᬯᬲ᭄ᬢ᭄ᬭᬧ᭄ᬢᬓ᭄ᬮᬶᬫᬃᬳᬶᬚᭀ᭞ᬲᬮᬶᬫ᭄ᬧᭂᬢᬾᬮᬾᬫ᭄ᬧᭀᬢ᭄ᬳᬮᬸᬲ᭄᭞ᬚᬮᬦ᭄ᬓ᭠
ᬓᬶᬦᬾᬫᬧᬸᬚᬵ᭞ᬳᬗ᭄ᬕᭀᬦ᭄ᬓᬓᬶ᭞ᬤᬾᬤᬸᬓᬸᬄᬭᬭᬶᬲ᭄ᬦᬭᬶᬫᬵ᭟ᬤᬾᬤᬸᬓᬸᬄᬳᬲᬯᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬦᬭᬶᬫᬵᬦᬾᬫᬗ᭄ᬓᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬳᬮᭀᬦ᭄᭞ᬳ᭄ᬦᬾᬧᬤᬵᬳᬩᬵᬧ᭄ᬲᬸ᭞ᬳᬶᬭᬶᬗᬦᬾᬧᬤᬵᬢ᭄ᬓᬵ᭞ᬧᬤᬵᬗᬫ᭄ᬩᬶ
ᬮ᭄᭞ᬲᬫ᭄ᬧᬸᬦ᭄ᬢᭂᬮᬲ᭄ᬓᬩᬜ᭄ᬘᬶᬗᬄ‌᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬲᬸᬂᬲᬸᬗᭂᬦ᭄ᬫᬦᬶᬭᬳᬭᬶᬲ᭄᭞ᬲ᭄ᬧᬄᬳᬶᬤᬾᬯᬦᬾᬋᬓᭀ᭞ᬫᬓᬵᬢᬫ᭄ᬩᬦ᭄‌ᬢᬶᬢ᭄ᬬᬂᬍᬲᬸ᭞ᬫᬭᬶᬓᬶᬗᬮᬶᬄᬳᬶᬤᬾᬯᬵ᭞ᬭᬤᬾᬦ᭄ᬤᬾᬯᬶ᭞ᬢᬸᬢᬸᬕ᭄ᬦᬭᬶᬫᬬᬂᬲ᭄ᬧᬄ [ 55 ][᭕᭔ 54B]
᭕᭔
᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓᬦ᭄ᬢᬸᬦ᭄ᬓᬾᬳᬶᬓᬓᬶᬤᬶᬦᬶ᭞ᬤᬾᬤᬸᬓᬸᬄᬦᭂᬫ᭄ᬩᬄᬮᬶᬦ᭄ᬬᬮᭀᬦ᭄᭞ᬫᬃᬕ᭄ᬕᬶᬳᬶᬭᬢᬸᬧᬂᬭᬳᬬᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄ᬮᭂᬧᬲ᭄᭞ᬦᬸᬯᬸᬢ᭄ᬧᬶᬗ᭄ᬕᬶᬃ᭞ᬫᬫᭂᬗ᭄ᬕᭂᬮ᭄ᬳᬸᬓᬶᬃᬫ᭄ᬯᬂᬳᬮᬲ᭄᭟ᬳᬓᬾᬄᬩᬸᬭᭀᬦᬾᬓᬧᭂᬦ᭄ᬤᬓ᭄᭞ᬤᬶ
ᬳᬮᬲ᭄ᬧᬤᬧᬤᬶᬗ᭄ᬓ᭄ᬭᬶᬓ᭄᭞ᬳᬤᬳᬸᬮᬸᬂᬧᬘᬧᭀᬮ᭄ᬧᭀᬮ᭄᭞ᬩᬸᬭᭀᬦ᭄ᬳᬮᬶᬢ᭄ᬩᬸᬭᭀᬦ᭄ᬳᬕᬸᬂ᭞ᬫᬘᬦ᭄ᬫᬗ᭄ᬕᬸᬃᬫᬜᬩᬓ᭄᭞ᬢᬸᬳᬸᬯ᭄ᬥᬶ᭞ᬧᬜ᭄ᬚᬓᬾᬧᬤᬵᬦ᭄ᬤᬶᬗᭂᬳᬂ᭟ᬢᬦ᭄ᬓᭀᬘᬧᬵᬳᬦᬾᬂᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬤ᭄ᬳᬵᬫᬗ᭄ᬓᬶᬦ᭄᭞ᬲ
ᬕ᭄ᬭᬳᬦ᭄ᬭᬭᬶᬲ᭄ᬓᬚ᭄ᬭᭀ᭞ᬭᬳᬤᬾᬦ᭄ᬕᬮᬸᬄᬓᬢ᭄ᬫᬸ᭞ᬢᬸᬫᬸᬮᬶᬄᬓᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭞ᬭᬤᬾᬦ᭄ᬤᬾᬯᬶ᭞ᬭᬶᬂᬤ᭄ᬳᬵᬳᬵᬲ᭄ᬫᬸᬓᬯᭂᬗᬦ᭄᭟ᬰ᭄ᬭᬷᬧ᭄ᬭᬫᬶᬲ᭄ᬯᬭᬶᬗᬦ᭄ᬤᬶᬓᬵ᭞ᬲᬧᬵᬲᬶᬭᬤᬦᬾᬘᬳᬶ᭞ᬓᬮᬶᬯᬢ᭄ᬳᬬᬸᬦᬾᬋᬓᭀ᭞ᬲᬫᬵᬭᬶᬂᬳᬶᬦ
ᬦᬓ᭄ᬕᬮᬸᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬳᬶᬩᬸᬳᬚᬶ᭞ᬲᬸᬢᬦᬶᬂᬲᬂᬭᬢᬸᬚᬯᬵ᭟ᬳᬦᬓᬶᬂᬭᬢᬸ᭠ᬳᬸᬢ᭄ᬢᬵᬫ᭞ᬭᬶᬂᬜ᭄ᬚᭀᬂᬩᬶᬭᬸᬰ᭄ᬭᬷᬪᬸᬧᬢᬶ᭞ᬓᬗᬤᬺᬯᬾᬕᬸᬦᬸᬂᬫ᭄ᬜᬦ᭄᭞ᬫᬃᬕ᭄ᬕᬵᬦ᭄ᬤᬦᬾᬫᬗ᭄ᬓᬶᬦ᭄ᬮᬫ᭄ᬧᬸᬲ᭄᭞ᬕᬸᬭᬸᬦ᭄ᬤ

[᭕᭕ 55A]
᭕᭕
ᬦᬾᬤᬤᬶᬬᬓ᭄ᬱᬵ᭞ᬩᬮᬵᬲᬫᬶ᭞ᬭᬶᬂᬜ᭄ᬚᭀᬂᬩᬶᬭᬸᬲᬵᬫ᭄ᬧᬸᬦ᭄ᬢᭂᬮᬲ᭄᭟ᬓᬢᬤᬄᬤᬾᬦᬶᬂᬲᬂᬬᬓ᭄ᬱᬵ᭞ᬫᬃᬕ᭄ᬕᬵᬦ᭄ᬤᬦᬾᬮᬫ᭄ᬧᬸᬲ᭄ᬫᬗ᭄ᬓᬶᬦ᭄᭞ᬓᬳᬧᬸᬲ᭄ᬕᬸᬭᬸᬦᬾᬋᬓᭀ᭞ᬳᬦ᭄ᬢᬸᬓ᭄ᬳᬶᬤᬵᬭᬤᬾᬦ᭄ᬕᬮᬸᬄ᭞ᬫᬫᭂᬲᬳᬶᬦ᭄ᬲᬸᬢ᭄ᬭᬵᬕᬤᬂ᭞ᬳᬧᬂᬧᬸᬮᬶᬄ᭞᭠
ᬲᬂᬬᬓ᭄ᬱᬵᬭᬭᬶᬲ᭄ᬫᬫᬃᬕ᭄ᬕᬵ᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬫᬭᬶᬂᬮ᭄ᬯᬄ᭞ᬢᬶᬢ᭄ᬬᬂᬫᬫᬃᬕ᭄ᬕᬶᬫᬫᬮᬶᬂ᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬲᬂᬕᬭᬸᬤ᭄ᬥᬵ᭞ᬲᬂᬳ᭄ᬬᬂᬕᬭᬸᬤᬵᬫᬓ᭄ᬩᬸᬃ᭞ᬜᬭᬲᬩ᭄ᬧ᭄ᬭᬧ᭄ᬢᬾᬂᬅᬓᬱᬵ᭞ᬲᬶᬭᬬᬓ᭄ᬱᬶ᭞ᬢᬸᬫᭀᬦ᭄ᬭᬭᬶᬲ᭄ᬫᭂᬚᬂᬲᬸᬢᬺ᭟ᬭᬭᬶᬲ᭄ᬫᬦ᭄ᬢᬸᬓ᭄ᬗᬫ᭄ᬩᬶᬮ᭄ᬧ᭄ᬤᬂ᭞ᬓᬩᬸ
ᬭᬸᬢᬶᬢ᭄ᬬᬂᬤᬶᬫᬃᬕ᭄ᬕᬶ᭞ᬩᬶᬦᬸᬜ᭄ᬘᬮ᭄ᬫᬡᬶᬓ᭄ᬕᬮᬕᬄ᭞ᬧᬫᬃᬕ᭄ᬕᬶᬦᬾᬭᬭᬶᬲ᭄ᬗᬦ᭄ᬢᬸᬦ᭄᭞ᬲᬫ᭄ᬧᬸᬦ᭄ᬮᬶᬯᬢᬦ᭄ᬕᬮᬕᬄ᭞ᬲᬶᬭᬬᬓ᭄ᬱᬶ᭞ᬫᬮᬶᬄᬫᬫ᭄ᬩᬸᬭᬸᬜᬚᬬᬂ᭟ᬫᬮᬶᬄᬤᬦᬾᬢᬫ᭄ᬧᭂᬓ᭄ᬧᬶᬲᬦ᭄᭞ᬩᬶᬦᬸᬜ᭄ᬘᬮᬦ᭄ᬫᬡᬶᬓ᭄ᬕᭂᬲᬶᬂ᭞ᬫᬡᬶᬓ᭄ᬳᬧᬶᬫᬡᬶᬓ᭄ᬱ᭄ᬕ
ᬭ᭞ᬓᬩᬋᬗᬦ᭄ᬫᬡᬶᬓ᭄ᬮᬸᬓ᭄ᬮᬸᬓ᭄᭞ᬓᬳᬸᬬᬸᬧ᭄ᬤᬾᬦᬶᬂᬲᬂᬬᬓ᭄ᬱᬵ᭞ᬢ᭄ᬮᬲᬫᬶ᭞ᬫᬮᬶᬄᬤᬦᬾᬢᬫ᭄ᬧᭂᬓ᭄ᬧᬶᬲᬦ᭄᭟ᬢᬶᬢ᭄ᬬᬂᬓᬳᬸᬗ᭄ᬓᬸᬮᬦ᭄ᬧ᭄ᬤᬂ᭞ᬤᬶᬢᬸᬢᬶᬢ᭄ᬬᬂᬫᬶᬸᬗ᭄ᬭᬱᬵᬫᬢᬶ᭞ᬩᬶᬦᬸᬜ᭄ᬘᬮ᭄ᬓᬂᬫᬡᬶᬓ᭄ᬳᬢ᭄ᬫᬵ᭞ᬭᬭᬶᬲ᭄ᬧ᭄ᬚᬄᬲᬂᬬᬓ᭄ᬱᬵᬳᬕᬸᬂ᭞ᬓ᭄ᬢᬸᬕ᭄ᬮᬶ [ 56 ][᭕᭕ 55B]
᭕᭕
ᬦᬸᬄᬓᬧ᭄ᬭᬪᬯᬵ᭞ᬢᬾᬚᬕᬸᬮᬶᬂ᭞ᬮᬯᬦ᭄ᬢᬾᬚᬧᬧᬕ᭄ᬭᬦ᭄᭟ᬲᬵᬫ᭄ᬧᬸᬦ᭄ᬫᬩᬱ᭄ᬫᬶᬲᬂᬧ᭄ᬚᬄ᭞ᬲᬯᬸᬲᬾᬫᬗ᭄ᬓᬶᬦ᭄ᬫᬩᬱ᭄ᬫᬶ᭞ᬳ᭄ᬬᬂᬳᬢ᭄ᬫᬵᬤᬤᬶᬪᬝᬵᬭ᭞ᬪᬝᬵᬭᬗᬦ᭄ᬤᬶᬓᬵᬳᬮᬸᬲ᭄᭞ᬧᬗᬦ᭄ᬤᬶᬓᬦᬾᬧᬸᬗ᭄ᬓᬸᬭᬦ᭄᭞ᬫᬦᬸᬫᬶᬢᬶᬲ᭄᭞ᬫᬭᬶᬓᬶᬬᬾᬦ᭄ᬓᬓᭀᬭᬶᬧᬦ᭄᭟᭠
ᬪᬝᬵᬭᬭᬭᬶᬲ᭄ᬫᬍᬘᬢ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬲ᭄ᬯᬃᬕ᭄ᬕᬵᬍᬯᬶᬄ᭞ᬫᬭᬶᬂᬫᬾᬭᬸᬢᬸᬫ᭄ᬧᬂᬲᬗ᭄ᬳᬵ᭞ᬭᬭᬶᬲ᭄ᬢᬶᬢ᭄ᬬᬂᬕ᭄ᬮᬶᬲ᭄ᬫᬦ᭄ᬢᬸᬓ᭄᭞ᬭᬶᬂᬤᬾᬤᬸᬓᬸᬄᬢᬶᬢ᭄ᬬᬂᬢ᭄ᬓᬵ᭞ᬭᬤᬾᬦ᭄ᬤᬾᬯᬶ᭞ᬳᬶᬭᬶᬓᬵᬓᬶᬗ᭄ᬲᬦᬂᬢᬶᬢ᭄ᬬᬂ᭟ᬰ᭄ᬭᬷᬧ᭄ᬭᬫᬶᬲ᭄ᬯᬭᬶ᭞ᬫᬶᬯᬄᬲᬶᬭᬰ᭄ᬭᬷᬪᬹᬧᬢᬶ᭞ᬫᬶᬭᬄᬩᬧᬦᬾᬫ
ᬲᬶᬗᭀ᭞ᬓᬮᬶᬗᬦᬾᬧ᭄ᬬᬦᬓ᭄ᬢᬸᬳᬸ᭞ᬳ᭄ᬫᬲ᭄ᬢᬢᬸᬃᬓᭀᬳᬶᬤᬾᬯᬵ᭞ᬳ᭄ᬤᬜᬳᬶ᭞ᬩᬭᬶᬩᬶᬦ᭄ᬢᭂᬓᬾᬦᬶᬂᬩᬧᬵ᭟ᬰ᭄ᬭᬶᬧ᭄ᬭᬫᬶᬲ᭄ᬯᬭᬶᬗᬦ᭄ᬤᬶᬓᬵ᭞ᬳᬚᬓᬶᬦ᭄ᬓᬾᬳᬤᬶᬦ᭄ᬜᬳᬶ᭞ᬭᬤᬾᬦ᭄ᬕᬮᬸᬄᬲᬯᬸᬃᬳᬮᭀᬦ᭄᭞ᬫᬭᬶᬓᬶᬲᬋᬂᬫᬮᬸᬗ᭄ᬕᬸᬄ᭞ᬫ᭄ᬦᬾᬓᬶᬦ᭄ᬤᬶ᭠
ᬩᬮᬾᬳ᭄ᬫᬲ᭄᭞ᬮ᭄ᬯᬶᬃᬥᬥᬭᬶ᭞ᬓᬤᬶᬩᬸᬗ᭄ᬳᬵᬦᬾᬳᬧᬲᬂ᭟ᬭᬳᬤᬾᬦ᭄ᬕᬮᬸᬄᬭᬶᬂᬤ᭄ᬳᬵ᭞ᬳᬸᬚᬭᬾᬳᬭᬸᬫ᭄ᬫᬵᬫᬦᬶᬲ᭄᭞ᬤᬵᬩᬭᬶᬩᬶᬦ᭄ᬫᬶᬭᬄᬳᬶᬫ᭄ᬩᭀᬓ᭄᭞ᬭᬳᬤᬾᬦ᭄ᬕᬮᬸᬄᬜ᭄ᬚᭀᬂᬩᬶᬭᬸ᭞ᬳᬲᬯᬸᬃᬳᬢᬸᬂᬢᬸᬂᬤ᭄ᬭᬯᬵ᭞ᬢᬶᬢ᭄ᬬᬂᬗᬶᬭᬶᬂ

[᭕᭖ 56A]
᭕᭖
᭞ᬩᭀᬬᬢᬶᬢ᭄ᬬᬂᬩᬭᬶᬩᬶᬦᬦ᭄᭟ᬢᬦ᭄ᬲᬶᬧᬶᬲᬸᬓᬵᬯᭀᬂᬤ᭄ᬳᬵ᭞ᬤᬶᬚᬩᬵᬫᬶᬯᬄᬤᬶᬧᬸᬭᬶ᭞ᬢᬸᬫᭀᬦ᭄ᬭᬤᬾᬦ᭄ᬕᬮᬸᬄᬭᭀᬭᭀ᭞ᬓᬤᬶᬳ᭄ᬫᬲ᭄ᬮᬯᬦ᭄ᬢᬢᬸᬃ᭞ᬭᬸᬧᬦᬾᬮ᭄ᬯᬶᬃᬩᬸᬮᬦ᭄ᬓᭂᬫ᭄ᬩᬃ᭞ᬩᬬᬦ᭄ᬲᬗ᭄ᬕᬶᬢ᭄᭞ᬘᭀᬦ᭄ᬤᭀᬂᬳᬫᬋᬓᬚᬚᬃ᭟ᬢᬦ᭄ᬤ᭄ᬯ
ᬧ᭄ᬭᬧ᭄ᬢᬵᬲ᭄ᬓᬸᬮ᭄ᬳᬸᬮᬫ᭄᭞ᬩ᭄ᬭᬫᬭᬓ᭄ᬱᬚᭂᬂᬢᬦ᭄ᬓᬭᬶ᭞ᬳᬦᬥᬄᬢ᭄ᬯᬦ᭄ᬕᬮᬸᬄᬭᭀᬭᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬯᬸᬯᬸᬲ᭄᭞ᬳᬦᬤᬄᬭᬶᬂᬯᬶᬬᭀᬧᬃᬯ᭄ᬯᬵ᭞ᬰ᭄ᬭᬶᬪᬸᬧᬢᬶ᭞ᬧᬢᬶᬄᬫᬦ᭄ᬢ᭄ᬭᬶᬲᬫᬵᬦᬥᬄ᭟ᬲᬯᬸᬲᬦ᭄ᬫᬗ᭄ᬓᬶᬦ᭄ᬳᬦᬥᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓ
ᬧᬸᬭᬶ᭞ᬲᬫ᭄ᬧᬸᬦ᭄ᬯᭂᬗᬶᬤᬯᬸᬄᬢᬶᬕ᭄ᬕᬵ᭞ᬢᬗ᭄ᬲᬄᬳᬫᭀᬂᬫᭀᬂᬓᬮᬗᬸᬦ᭄᭞ᬜᬩ᭄ᬭᬦ᭄ᬤᬶᬦᬵᬲᬸᬓᬦ᭄ᬲᬸᬓᬵᬦ᭄᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬓᬮᬶᬄᬰᬰᬶᬄᬳᬫᭀᬂᬫᭀᬂᬤ᭄ᬬᬄ᭟ᬢᬦ᭄ᬓᭀᬘᬧᬭᬶᬂᬤ᭄ᬳᬵ᭞ᬭᬶᬂᬚᬯᬵᬓᭀᬘᬧᬵᬫ
ᬮᬶᬄ᭞ᬭᬤᬾᬦ᭄ᬕᬮᬸᬄᬚᬫᬶᬦ᭄ᬢᭀᬭᬵ᭞ᬩᬦᬾᬜᭂᬫ᭄ᬩᬃᬤᬶᬧᬗ᭄ᬮᬶᬧᬸᬃ᭞ᬳᭂᬦ᭄ᬢᭀᬓᬲ᭄ᬓᭂᬮᬂᬫᬦᬄ᭞ᬲᬳᬶ᭠ᬲᬳᬶ᭞ᬢᬯᬸᬫᬦ᭄ᬢ᭄ᬭᬶᬧᬢᬶᬄᬓᬢᬄ᭟ᬩ᭄ᬭᬗ᭄ᬢᬶᬦ᭄ᬳᭂᬫ᭄ᬩᭀᬓᬾᬢᬦ᭄ᬲᬸᬤ᭄ᬥᬵ᭞ᬩᬳᬦ᭄ᬳᭂᬫ᭄ᬩᭀᬓᬾᬓᬯᬶᬤ᭄ᬥᬶ᭞ᬲᬸᬩᬵᬳᭂᬩᬾᬶᬸ [ 57 ][᭕᭖ 56B]
᭕᭖
ᬫ᭄ᬩᭀᬓ᭄ᬗᭀᬭᬂᬗ᭄ᬭᬚᬵ᭞ᬳᭂᬫ᭄ᬩᭀᬓ᭄ᬋᬓᬾᬲᬶᬤ᭄ᬥᬶᬜᬶᬫ᭄ᬩᬸᬄ᭞ᬢᬶᬤᭀᬂᬳᬾᬤᬦ᭄ᬢᭀᬳᬤᬜ᭞ᬩᬸᬳᬸᬂᬚᬦᬶ᭞ᬫᬦ᭄ᬢ᭄ᬭᬶᬧᬢᬶᬄᬗᬗ᭄ᬕᭀᬦ᭄ᬲᭂᬗ᭄ᬕᬓ᭄᭟ᬳᭂᬫ᭄ᬩᭀᬓ᭄ᬚᬦᬶᬫᬗᭀᬭᬳᬂ᭞ᬫᬸᬜᬶᬦ᭄ᬳᭂᬫ᭄ᬩᭀᬓ᭄ᬢᭂᬓᬾᬦ᭄ᬜᬳᬶ᭞ᬩᬓᬮᬜᬫᬦᬶ
ᬧᭀᬯᬦ᭄᭞ᬳᭂᬫ᭄ᬩᭀᬓ᭄ᬢ᭄ᬯᬭᬧᬘᬂᬮᬸᬧᬸᬢ᭄᭞ᬳᭂᬫ᭄ᬩᭀᬓ᭄ᬢ᭄ᬯᬄᬢ᭄ᬓᭂᬤ᭄ᬓᬾᬦ᭄ᬳᬶᬬᬵ᭞ᬳᬦᬓ᭄‌‌ᬩ᭄ᬯᬶᬦ᭄᭞ᬤᬦᬾᬧᬘᬂᬫᬳᬶᬢ᭄ᬓᬵ᭟ᬫᬗ᭄ᬭᬯᭀᬲ᭄ᬤᬶᬚᭂᬭᭀᬧᬶᬲᬦ᭄᭞ᬫᬳᬶᬜᬳᬶᬦ᭄ᬤᬾᬦ᭄ᬫᬳᬩᬶᬦ᭄᭞ᬭᬳᬶᬦᬾᬫᬗᬩᬶᬦ᭄ᬋᬓᭀ᭞ᬦᬯᬂᬢᬭᭀᬫᬸᬯᬸᬲ᭄ᬳ
ᬮᬸᬲ᭄᭞ᬧᬸᬦᬧᬶᬫᬮᬶᬄᬩᬯᭀᬲᬂ᭞ᬳᬤᬸᬄᬜᬳᬶ᭞ᬚᬮᬦ᭄‌‌ᬚᬦᬶᬗᬮᬶᬄᬤᬬᬵ᭟ᬚᬮᬦ᭄ᬧᬾᬢ᭄ᬚᬦᬶᬓᬢᬫᬦ᭄᭞ᬧᬗᬗ᭄ᬕᭀᬦᬾᬲᬫᬶᬩᬱ᭄ᬫᬶ᭞ᬕ᭄ᬮᬂᬧᭂᬦ᭄ᬤᬶᬂᬮᬯᬦ᭄ᬭᭀᬦ᭄ᬭᭀᬦ᭄᭞ᬩᬧᬂᬲᬸᬯᭂᬂᬮᬯᬦ᭄ᬩᬸᬗ᭄ᬓᬸᬂ᭞ᬲᬩᬸᬓ᭄ᬤᭀᬤᭀᬢ᭄ᬤᭂ
ᬗᭂᬦᬸᬯᬂ᭞ᬲ᭄ᬓᬃᬢᬚᬶ᭞ᬦᬯᬂᬢᬭᭀᬲᬯᬸᬃᬲᭂᬫ᭄ᬩᬄ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬗᬶᬭᬶᬂᬧᬶᬲᬦ᭄᭞ᬦᬄᬮᬫᬸᬦ᭄ᬜᬳᬶᬲᬳᬶᬭᬶᬂ᭞ᬚᬮᬦ᭄ᬚᬦᬶᬲᬸᬩᬵᬩᭀᬃᬩᭀᬃ᭞ᬫᬗᬤᬓᬂᬕ᭄ᬦᬶᬫᬸᬭᬸᬩ᭄᭞ᬫᬲᬳᬂᬩᬳᬦ᭄ᬘᬡ᭄ᬤᬦᬵ᭞ᬫ᭄ᬭᬶᬓ᭄ᬱᬸᬫᬶᬭᬶᬢ᭄᭞ᬓᬸᬫᬸ

[᭕᭗ 57A]
᭕᭗
ᬢᬸᬕ᭄ᬢᭂᬓᭂᬤ᭄ᬭᬶᬂᬲ᭄ᬯᬃᬕᬦ᭄᭟ᬕᬾᬕᬾᬃᬧᬺᬯᬢᭂᬓ᭄ᬤᬾᬯᬢᬵ᭞ᬫᬶᬯᬄᬧᬺᬯᬢᭂᬓ᭄ᬤᬾᬯᬢᬶ᭞ᬫᬮᬬᬸᬲᬫᬶᬫᬕᬶᬜ᭄ᬚᭀ᭞ᬗᬤᬓᬂᬢᬾᬚᬵᬓᬓᬸᬯᬸᬂ᭞ᬢ᭄ᬓᬾᬦ᭄ᬲᬸᬃᬬ᭄ᬬᬫᬓᬮᬗᬦ᭄᭞ᬢᬾᬚᬵᬕᬸᬮᬶᬂ᭞ᬓ᭄ᬢᬸᬕ᭄ᬮᬶᬦᬸᬄᬳᬕᬾᬜ᭄ᬚᬾᬢᬦ᭄᭟
ᬲᬗ᭄ᬳ᭄ᬬᬂᬓᬶᬮᬧ᭄ᬢᬢᬶᬢ᭄ᬳᬕᭂᬦ᭄ᬢ᭄ᬬᬵ᭞ᬩᬋᬢ᭄ᬮᬶᬦᬸᬲ᭄ᬳᬸᬚᬦ᭄ᬳᬗᬶᬦ᭄᭞ᬕᬺᬄᬫᬸᬦᬶᬭᬶᬂᬮᭀᬃᬯᬾᬢᬦ᭄᭞ᬳᬸᬚᬦ᭄ᬭᬚᬦᬾᬲᬸᬫᬫ᭄ᬩᬸᬃ᭞ᬯᬢᭂᬓ᭄ᬤᬾᬯᬢᬵᬗᬦ᭄ᬤᬶᬓᬵ᭞ᬭᬤᬾᬦ᭄ᬤᬾᬯᬶ᭞ᬦᬯᬂᬢ᭄ᬭᬗ᭄ᬕᬡ᭄ᬦᬵᬳᬮᬭᬵ᭟ᬲᭂᬲᭂᬓ᭄ᬚᭂᬚᭂᬮ᭄ᬢᭂᬧᬶᬦ᭄ᬱ᭄ᬯᬃᬕ᭄ᬕᬦ᭄᭞ᬢ
ᬓᭀᬦ᭄ᬢᬶᬦᬓᭀᬦᬦ᭄ᬲᬫᬶ᭞ᬳᬧᬦ᭄ᬢᬵᬯᭀᬋᬕ᭄ᬭᬶᬂᬍᬫᬄ᭞ᬲᬗ᭄ᬓᬦ᭄ᬓᬸᬓᬸᬲᬾᬓᬸᬫᬸᬢᬸᬕ᭄᭞ᬭᬤᬾᬦ᭄ᬕᬮᬸᬄᬚᬫᬶᬦ᭄ᬢᭀᬭᬵ᭞ᬳᬶᬬᬵᬲ᭄ᬤᬶᬄ᭞ᬧᬸᬦᬶᬓᬵᬫᬫ᭄ᬩᬲ᭄ᬫᬶᬯᬲ᭄ᬢ᭄ᬭᬵ᭟ᬕ᭄ᬦᬶᬳᬶᬓᬵᬲᬫ᭄ᬧᬸᬦ᭄ᬫᬮᬂ᭞ᬫᬦ᭄ᬢᬸᬓ᭄ᬧ᭄ᬭᬳ᭄ᬬᬂᬳ᭄ᬬᬂᬳᬕ᭄ᬮᬶᬲ᭄᭞
ᬲᬫᬶᬳᬗᬾᬮᬶᬗᬶᬦ᭄ᬳᭂᬗ᭄ᬕᭀᬦ᭄᭞ᬭᬶᬂᬍᬫᬄᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬭᬤᬾᬦ᭄ᬕᬮᬸᬄᬚᬫᬶᬦ᭄ᬢᭀᬭᬵ᭞ᬫᬓᬵᬓᬮᬶᬄ᭞ᬦᬯᬂᬢ᭄ᬭᬗ᭄ᬕᬡ᭄ᬦᬵᬗᬦ᭄ᬤᬶᬓᬵ᭟ᬚᬮᬦ᭄ᬜᬳᬶᬓᬬᭂᬄᬤᬾᬦᬦ᭄᭞ᬮᬗ᭄ᬲᬸᬳᬵᬭᬕᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬓᬧᬜ᭄ᬘᭀ [ 58 ][᭕᭗ 57B]
᭕᭗
ᬭᬦ᭄ᬗᭀᬚᭀᬕ᭄᭞ᬭᬶᬂᬧᬜ᭄ᬘᭀᬭᬦ᭄ᬫᬲ᭄ᬫᬤ᭄ᬬᬸᬲ᭄᭞ᬲᬯᬸᬲᬾᬫᬗ᭄ᬓᬶᬦ᭄ᬫᬲᬶᬭᬫ᭄᭞ᬭᬤᬾᬦ᭄ᬤᬾᬯᬶ᭞ᬭᬭᬶᬲ᭄ᬫᬦ᭄ᬢᬸᬓ᭄ᬫᬓᬮᬶᬳᬦ᭄᭟ᬲᬧ᭄ᬭᬧ᭄ᬢᬦᬾᬫᬭᬶᬂᬧᬸᬭᬵ᭞ᬗᭀᬚᭀᬕ᭄ᬓᬧᬫᬺᬫᬦ᭄ᬳᬕ᭄ᬮᬶᬲ᭄᭞ᬫᬢ᭄ᬭᬫᬢ᭄ᬭᬵᬩᬸᬓᬵᬓᬾᬦ᭄ᬢᭀ᭞
ᬭᬤᬾᬦ᭄ᬫᬦ᭄ᬢ᭄ᬭᬶᬩᬸᬓᬵᬓ᭄ᬜᬸᬂ᭞ᬲᬃᬯ᭄ᬯᬶᬫᬕᬸᬮᬶᬂᬕᬸᬮᬶᬗᬦ᭄᭞ᬳᬸᬮᬢ᭄ᬚᬦᬶ᭞ᬧᬓ᭄ᬦᭂᬳᬾᬫᬧᬗᭂᬦᬦ᭄᭟ᬳᬾᬮᬶᬂᬤᬸᬓᬾᬤᬶᬩᬜ᭄ᬘᬶᬗᬄ᭞ᬳᬾᬮᬶᬗᬂᬚᬵᬩ᭄ᬮᬶᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦᬂᬮᬮᬶᬭᬶᬂᬢᬶᬢ᭄ᬬᬂ᭞ᬮᬫ᭄ᬧᬸᬲᬚᬩ᭄ᬮᬶᬫᬦ᭄ᬢᬸᬓ᭄᭞ᬫ᭄ᬮᬄᬲᬦ᭄ᬢᬶᬢ᭄ᬬᬂᬤᬶᬧᬸᬭᬵ᭞
ᬢᬶᬢ᭄ᬬᬂᬲ᭄ᬤᬶᬄ᭞ᬬᬾᬄᬧᬦᭀᬦᬾᬭᬭᬶᬲ᭄ᬩᬸᬬᬃ᭟ᬚᬦᬶᬓᬾᬦᬾᬚᬵᬢ᭄ᬫᬸᬜᭂ᭞ᬫᬃᬕ᭄ᬕᬦ᭄ᬢᬶᬢ᭄ᬬᬂᬫᬢᬶᬲ᭄ᬤᬶᬄ᭞ᬤᬶᬚᬳᬵᬳᬶᬩ᭄ᬮᬶᬦᭀᬗᭀᬲ᭄᭞ᬘᬶᬗᬓ᭄ᬢᬶᬢ᭄ᬬᬂᬩ᭄ᬮᬶᬩᬕᬸᬲ᭄᭞ᬫᬾᬮᬶᬂᬤᬯᭂᬕᬾᬫᬜᭂᬫ᭄ᬩᬃ᭞ᬩ᭄ᬮᬶᬫᬦ᭄ᬢ᭄ᬭᬶ᭞ᬫ᭄ᬮᬄᬓᬾᬢᬶᬢ᭄ᬬᬂᬲ
ᬗ᭄ᬲᬭᬵ᭟ᬳᭂᬫ᭄ᬩᭀᬓ᭄ᬤᬳᬢ᭄ᬫᬧᬗᭂᬦᬦ᭄᭞ᬩᬳᬦ᭄ᬤᬦᬾᬦᬾᬦᬸᬲᬓᬶᬢ᭄᭞ᬤᬶᬦᬶᬦᬯᬶᬓᬧᬶᬋᬗᬦ᭄᭞ᬳᬦ᭄ᬢᬸᬓ᭄ᬳᬶᬩᬶᬩᬶᬫ᭄ᬯᬂᬕᬸᬭᬸ᭞ᬤᬶᬩᬮᬶᬜᬓ᭄ᬭᬵᬦᬕᬭᬵ᭞ᬩᬲ᭄ᬢᭀᬂᬧᭀᬮᬶᬄ᭞ᬤᬦᬾᬲᬂᬧ᭄ᬭᬪᬹᬤᬶᬚᬯᬵ᭟ᬢ᭄ᬯᬶᬦᬶᬸᬤ

[᭕᭘ 58A]
᭕᭘
ᬦᬾᬗ᭄ᬮᬮᬸᬧᬭᬵ᭞ᬭᬯᬸᬄᬤᬦᬾᬗ᭄ᬮᬶᬯᬢ᭄ᬧᬲᬶᬄ᭞ᬲᬸᬗ᭄ᬓᬦ᭄ᬤᬦᬾᬤᬶᬩᬜ᭄ᬘᬶᬗᬄ᭞ᬤᬤᬶᬳᭂᬫ᭄ᬩᭀᬓ᭄ᬢᬦ᭄ᬧᬲ᭄ᬫᬸ᭞ᬫᬶᬭᬶᬩ᭄ᬳᭂᬫ᭄ᬩᭀᬓ᭄ᬦᬸᬫᬤᬓᬂ᭞ᬲᬗ᭄ᬓᬦ᭄ᬚᬦᬶ᭞ᬲ᭄ᬤᬶᬄᬳᭂᬫ᭄ᬩᭀᬓᬾᬢᬦ᭄ᬧᬲᬄ᭟ᬚᬦᬶᬳᭂᬫ᭄ᬩᭀᬓ᭄ᬫᬯᭀᬭᬳᬦ᭄᭞ᬫᬸᬜᬶᬦ᭄ᬳᭂᬫ᭄ᬩᭀᬓ᭄ᬓᬧᬶᬦ᭄ᬜᬳᬶ
᭞ᬳ᭄ᬤᬜᬳᬶᬫᬗ᭄ᬯᬾᬭᬬᬂ᭞ᬦᬯᬶᬯ᭄ᬭᬸᬄᬳᬶᬤᬵᬲᬂᬧ᭄ᬭᬪᬸ᭞ᬬᬾᬦ᭄‌‌‌‌ᬫ᭄ᬩᭀᬓ᭄ᬢᭂᬓᭂᬤ᭄ᬫᬦᬶᬧᭀᬯᬦ᭄᭞ᬭᬶᬂᬳᬶᬩ᭄ᬮᬶ᭞ᬤᬦᬾᬧᬘᬂᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭟ᬦᬯᬂᬢᬭᭀᬲᬯᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬮᬶᬦ᭄ᬢᬂᬳᬚ᭄ᬭᬶᬄ᭞ᬧᬘᬂᬫᬗ᭄ᬯᬾᬭᬬᬂᬳᭂᬫ᭄ᬩᭀᬓ᭄᭞ᬲᬫ᭄ᬧᬸ
ᬦ᭄ᬳᬶᬫ᭄ᬩᭀᬓ᭄ᬱ᭄ᬮᬂᬓᬬᬸᬦ᭄᭞ᬭᬓᬦᬾᬳᬮᭀᬦᬗᬸᬘᬧ᭄᭞ᬳᬲ᭄ᬫᬸᬢᬗᬶᬲ᭄᭞ᬚ᭄ᬗᬄᬳᬶᬫ᭄ᬩᭀᬓ᭄ᬢᬦ᭄ᬱᬧᬶᬭ᭟ᬚᬦᬶᬳᭂᬫ᭄ᬩᭀᬓ᭄ᬫᬦᬸᬯᬸᬓᬂ᭞ᬤ᭄ᬧᬂᬳᭂᬫ᭄ᬩᭀᬓ᭄ᬧᬤᬶᬤᬶᬳᬶ᭞ᬲᬚ᭄ᬮᬾᬦᬾᬩᬓᬮ᭄ᬧᭀᬦ᭄ᬤᭀᬂ᭞ᬫᬢᬶᬲ᭄ᬤᬶᬄᬩᬓᬮ᭄ᬲᬸᬳᬸᬦ᭄᭞ᬲ
ᬦ᭄ᬤᬗᬶᬦ᭄ᬢ᭄ᬯᬄᬧᬤᬶᬤᬶᬬᬦ᭄᭞ᬓᬾᬦᬾᬚᬦᬶ᭞ᬢ᭄ᬯᬄᬬᬵᬓᬾᬦ᭄ᬓᭀᬕᬜ᭄ᬚᬭᬦ᭄ᬜᬵ᭟ᬫᬤᬓ᭄ᬳᬾᬗ᭄ᬕᬮ᭄ᬤᬦᬾᬢ᭄ᬓᬵ᭞ᬫᬦᬶᬧᭀᬯᬦ᭄ᬤᬦᬾᬫᬳᬶ᭞ᬳᭂᬫ᭄ᬩᭀᬓ᭄ᬗᬢᬸᬭᬶᬦ᭄ᬓᬚ᭄ᬭᭀ᭞ᬳᬧᬂᬧᬶᬲᬦ᭄ᬩᬋᬂᬮᬫ᭄ᬧᬸᬲ᭄᭞ᬯ᭄ᬬᬤᬶᬦ᭄ᬧᬘᬂᬦ᭄ᬫᬸᬓᬯᬄ᭞ [ 59 ][᭕᭘ 58B]
᭕᭘
ᬢᬶᬢ᭄ᬬᬂᬗᬶᬭᬶᬂ᭞ᬮᬫᬸᬦ᭄ᬲᬫ᭄ᬧᬸᬦ᭄ᬫᬓᬭᭀᬦᬦ᭄᭟ᬳ᭄ᬦᭂᬗᬓ᭄ᬦᬵᬭᬳᬤ᭄ᬬᬦ᭄᭞ᬳ᭄ᬦᭂᬂᬢᬦ᭄ᬓᭀᬘᬧᬵᬫᬮᬶᬄ᭞ᬫᬦ᭄ᬢ᭄ᬭᬶᬯᬶᬦ᭄ᬤᬸᬢᬶᬗ᭄ᬳᬮ᭄ᬋᬓᭀ᭞ᬓᬬᬸᬦᬾᬗ᭄ᬮᬫᬃᬢ᭄ᬯᬦ᭄ᬕᬮᬸᬄ᭟ᬦᬯᬂᬢᬭᭀᬓᬘᬶᬗᬓᬦ᭄᭞ᬲ᭄ᬤᭂᬓ᭄ᬫᬶᬚᬶᬮ᭄᭞ᬭᬶᬂᬚᬩᬵᬭᬶᬂ᭠
ᬚᬫᬶᬦ᭄ᬢᭀᬭᬵ᭟ᬭᬭᬶᬲ᭄ᬫᬢᬸᬃᬭᬶᬂᬲᬂᬦᬵᬣ᭞ᬲ᭄ᬤᭂᬓ᭄‌‌ᬭᬶᬂᬩᬜ᭄ᬘᬶᬗᬄᬲᬫᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬢᬸᬃᬳᬮᭀᬦ᭄᭞ᬤᬸᬭᬸᬲᬂᬳᬶᬘᬦᬾᬕᬸᬭᬸ᭞ᬫᬗᬗ᭄ᬕᬾᬦᬂᬢᬶᬢ᭄ᬬᬂᬳᭀᬓᬵ᭞ᬯᬾᬦ᭄ᬢᭂᬦ᭄ᬧᬸᬢ᭄ᬭᬶ᭞ᬧᬫᬦᬾᬭᬶᬂᬚᬫᬶᬦ᭄ᬢᭀᬭᬵ᭟ᬦᬯᬂᬢᬭᭀ
ᬳᬭᬦᬶᬗ᭄ᬯᬂ᭞ᬳᬶᬘᬕᬸᬭᬸᬫᬫᬃᬕ᭄ᬕᬶᬦᬶᬦ᭄᭞ᬮᬶᬗᬶᬭᬲᬶᬭᬲᬂᬓᬢᭀᬂ᭞ᬲᬦ᭄ᬤᬶᬓᬵᬦ᭄ᬳᬶᬦᬦᬓ᭄ᬩᬕᬸᬲ᭄᭞ᬩᬧᬵᬚᬦᬶᬫᬦᬸᬦ᭄ᬤᬾᬦᬂ᭞ᬧᬢᬶᬄᬫᬦ᭄ᬢ᭄ᬭᬶ᭞ᬓᬢᬶᬕᬵᬫᬗ᭄ᬕᬯᬵᬲᬸᬭᬵᬢ᭄᭟ᬫᬦ᭄ᬢ᭄ᬭᬶᬧᬢᬶᬄᬓ᭄ᬫᬵᬮ᭄ᬯᬲ᭄᭞ᬧᬋᬓ᭄ᬭᬶᬂᬰ᭄ᬭᬷᬦᬭᬵᬧᬢᬶ
᭞ᬳᬗ᭄ᬕᬯᬵᬧᬗ᭄ᬮᬫᬃᬋᬓᭀ᭞ᬓ᭄ᬤᬲ᭄ᬓᬬᬸᬦᬾᬲᬂᬧ᭄ᬭᬪᬹ᭞ᬬᬾᬦ᭄ᬲᬸᬓᬵᬓᬮᬯᬦᬶᬭᬵ᭞ᬕ᭄ᬮᬶᬲ᭄ᬫᬸᬮᬶᬄ᭞ᬧᬢᬶᬄᬫᬦ᭄ᬢ᭄ᬭᬶᬫᬶᬢ᭄ᬮᬸᬫᬫ᭄ᬧᬄ᭟ᬲᬫ᭄ᬧᬸᬦ᭄ᬫᬫᬃᬕ᭄ᬕᬶᬳᬸᬢᬸᬲᬦ᭄᭞ᬢᬶᬕᬂᬲᬶᬓᬶᬗᬯᬵᬢᬸᬮᬶᬲ᭄᭞ᬢ᭄ᬓᬾᬦᬶᬂᬭᬚᬧᬦᭀᬫᬄ᭞ᬢᬵ

[᭕᭙ 59A]
᭕᭙
ᬦ᭄ᬓᭀᬘᬧᬜᬵᬭᬶᬂᬳ᭄ᬦᬸ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬦᬕᬭᬵ᭞ᬤᬯᬸᬄᬓᬮᬶᬄ᭞ᬚᬸᬫᭀᬚᭀᬕ᭄ᬫᬭᬶᬂᬩᬜ᭄ᬘᬶᬗᬄ᭟ᬲ᭄ᬥᭂᬓ᭄ᬦᬗ᭄ᬓᬶᬮᬶᬦ᭄ᬲᬂᬦᬵᬣ᭞ᬳᬸᬢᬸᬲᬦ᭄ᬓᬢᬶᬕᬵᬧ᭄ᬭᬧ᭄ᬢᬶ᭞ᬳᬫᬋᬓ᭄ᬳᬶᬤᬵᬲᬂᬓᬢᭀᬂ᭞ᬓᬂᬲᬸᬭᬢ᭄ᬲᬫ᭄ᬧᬸᬦ᭄ᬓᬳᬢᬸᬃ᭞ᬲᬂᬧ᭄ᬭᬪᬸᬭᬭᬶᬲ᭄ᬫ
ᬫᬘᬵ᭞ᬢᬸᬃᬫᬗᬸᬭᬶ᭞ᬭᬶᬦᬘᬵᬫᬭᬶᬂᬯᬺᬤᬬᬵ᭟ᬯᬸᬄᬦᬶᬦᬶᬲᬾᬯᬮᬧᬢ᭄ᬭᬵ᭞ᬲᬳᬵᬧ᭄ᬭᬢᬾᬓᬦᬶᬂᬢᬸᬮᬶᬲ᭄᭞ᬲᬂᬧ᭄ᬭᬪᬹᬳᬾᬫᭂᬂᬢᬸᬃᬩ᭄ᬗᭀᬂ᭞ᬫ᭄ᬦᭂᬂᬢᬦ᭄ᬓᭂᬦᬵᬲᬸᬫᬯᬸᬃ᭞ᬩᬳᬦ᭄ᬤᬦᬾᬦᬾᬜᬗ᭄ᬕᬸᬧᬂ᭞ᬫᬦ᭄ᬢ᭄ᬭᬶᬩᬮᬶ᭞ᬯᭀᬓᬦ᭄ᬤᬦᬾᬫᬓᬵᬤᬤ᭄ᬯ᭟ᬚ
ᬦᬶᬳᬶᬬᬵᬤᬾᬭᬾᬂᬢ᭄ᬓᬵ᭞ᬫᬦᬶᬧᬸᬯᬦ᭄ᬲᬶᬜᬵᬫᬳᬶ᭞ᬓ᭄ᬭᬡᬵᬫᬫᬦ᭄ᬢᬓᬸᬢ᭄ᬦᬗ᭄ᬕᬧ᭄᭞ᬯᬸᬢᬸᬲᬦ᭄ᬳᬸᬫᬢᬸᬃᬳᬮᬸ᭠ᬲ᭄᭞ᬤᬸᬄᬤᬾᬯᬵᬭᬢᬸᬲᬂᬦᬵᬣ᭞ᬫᬦ᭄ᬢ᭄ᬭᬶᬩᬮᬶ᭞ᬲᬫ᭄ᬧᬸᬦ᭄ᬫᬦ᭄ᬢᬸᬓᬓᭀᬭᬶᬧᬦ᭄᭟ᬤᬦᬾᬫᬦ᭄ᬢᬸᬓ᭄ᬤᬶᬲ᭄ᬬᬤᬶᬦᬵ᭞ᬢᬦ᭄ᬯᬾᬦ᭄ᬢᭂᬦ᭄ᬫ
ᬦᬫ᭄ᬧᬓ᭄ᬕᬸᬫᬶ᭞ᬤᬦᬾᬗᬚᬓ᭄ᬧᬸᬢ᭄ᬭᬶᬓᬯᭀᬢ᭄᭞ᬭᬳᬤᬾᬦ᭄ᬕᬮᬸᬄᬜ᭄ᬚᭀᬂᬩᬶᬭᬸ᭞ᬲᬗ᭄ᬳ᭄ᬬᬂᬕᬭᬸᬤᬵᬫᬫ᭄ᬩ᭄ᬯᬢ᭄᭞ᬫ᭄ᬯᬄᬧᬗᬶᬭᬶᬂ᭞ᬲᬫᬶᬯᬾᬦ᭄ᬢᭂᬦ᭄ᬢᬶᬕᬂᬤᬰᬵ᭟ᬢᬦ᭄ᬤ᭄ᬯᬋᬓᭀᬓᬢᬸᬢᬸᬦᬶᬸᬕᬦ᭄᭞ᬳᬦ᭄ᬢᬸᬓ᭄ᬱᬂᬬᬓ᭄ᬱᬵᬤᬶᬫᬃᬕ᭄ᬕᬶ᭞ᬭᬭᬶᬲ᭄ᬫ [ 60 ][᭕᭙ 59B]
᭕᭙
ᬬᬸᬤᬵᬤᬶᬚᬮᬦ᭄᭞ᬮᬯᬦ᭄ᬳᭀᬓᬦᬾᬢ᭄ᬯᬦ᭄ᬕᬮᬸᬄ᭞ᬢᬶᬦᬶᬩᬓᭂᬦ᭄ᬫᬡᬶᬓ᭄ᬳᬢ᭄ᬫᬵ᭞ᬰ᭄ᬭᬶᬪᬹᬧᬢᬶ᭞ᬧ᭄ᬚᬄᬲᬵᬫ᭄ᬧᬸᬦ᭄ᬩᬶᬦᬲ᭄ᬫᬶᬬᬦ᭄᭟ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬮᬫᬸᬦ᭄ᬢᬸᬳᬸᬓᬾᬢᭀᬘᬳᬶ᭞ᬫᬫᬦᬗ᭄ᬕᬧ᭄ᬳ᭄ᬬᬦ᭄ᬲᬂᬓᬢᭀᬂ᭞ᬳᬸᬢᬸᬲᬦ᭄ᬫᬧᬫᬶ
ᬢ᭄ᬫᬦ᭄ᬢᬸᬓ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬯᬶᬦ᭄ᬥᬸᬢᬶᬗ᭄ᬳᬮ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬗᬦ᭄ᬢᬶᬭᬶᬂᬯᬶᬚᬶᬮ᭄ᬧᬶᬲᬦ᭄᭟ᬲᬋᬂᬕᬸᬭᬸᬦᬾᬲᬂᬦᬵᬣ᭞ᬳᬸᬢᬸᬲᬦᬾᬫᬢᬸᬃᬩᬓ᭄ᬢᬶ᭞ᬮᬶᬂᬗᬶᬭᬲᬶᬭᬵᬲᬂᬓᬢᭀᬂ᭞ᬧᬗᬦ᭄ᬤᬶᬓᬦ᭄ᬥᬵᬲᬂᬧ᭄ᬭᬪᬹ᭞ᬳᬶᬗ᭄ᬕᬶᬄᬳᬶᬤᬵᬮᬶᬦ᭄ᬢᬂᬳᬶᬘᬵ᭞
ᬢᬸᬃᬓᬢᬫ᭄ᬧᬶ᭞ᬲᬸᬭᬵᬢ᭄ᬮᬦ᭄ᬭᬚᬵᬪᬹᬱᬡ᭄ᬦᬵ᭟ᬲᬂᬭᬵᬢᬸᬭᬶᬂᬯᬶᬦ᭄ᬥᬸᬢᬶᬗ᭄ᬳᬮ᭄᭞ᬫᬶᬯᬄᬧᬸᬢ᭄ᬭᬦᬾᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬓᬮᬶᬯᬢ᭄ᬲᬸᬓᬦᬾᬋᬓᭀ᭞ᬧᭀᬮᬶᬄᬗ᭄ᬮᬫᬃᬧᬸᬢ᭄ᬭᬶᬳᬬᬸ᭞ᬲᬳᬶᬗᬤᬬᬂᬓᬲᬸᬓᬦ᭄᭞ᬍᬫᬄᬯ᭄ᬗᬶ᭞ᬜᬩ᭄ᬭᬦ᭄ᬫ
ᬗᬶᬗᭀᬦᬶᬦ᭄ᬧᬜ᭄ᬚᬓ᭄᭟ᬢᬦ᭄ᬓᭀᬘᬧᬜᬵᬭᬶᬂᬚᬯᬵ᭞ᬭᬶᬂᬩᬮᬶᬯᬸᬯᬸᬲᬦ᭄ᬫᬮᬶᬄ᭞ᬭᬳᬤᬾᬦ᭄ᬫ᭠ᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬳᬫᭀᬂᬫᭀᬂᬤ᭄ᬬᬄᬭᭀᬭᭀᬳᬬᬸ᭞ᬲᬯᬢᬭᬵᬬᬾᬦ᭄ᬮᬯᬲ᭄ᬦ᭄ᬬ᭞ᬓᬮᬶᬄᬲᬰᬶᬄ᭞ᬗᬶᬂᬧᬶᬦ᭄ᬥᬵ

[᭖᭐ 60A]
᭖᭐
ᬲᬸᬓᬵᬢᬦ᭄ᬲᬸᬓᬵ᭟ᬭᬸᬧᬦ᭄ᬤᬦᬾᬲᬬᬦ᭄ᬓᬸᬲ᭄ᬬᬵ᭞ᬲᬬᬦ᭄ᬲ᭄ᬫᬸᬲ᭄ᬫᬸᬲ᭄ᬤᬶᬄ᭞ᬳᬗᭂᬫ᭄ᬩᭂᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬫᬾᬮᬶᬂᬢ᭄ᬓᬾᬦ᭄ᬭᬤᬾᬦ᭄ᬕᬮᬸᬄ᭞ᬭᬤᬾᬦ᭄ᬤᬾᬯᬶᬚᬫᬶᬦ᭄ᬢᭀᬭᬵ᭞ᬍᬫᬄᬯ᭄ᬗᬶ᭞ᬢᬦ᭄ᬮ᭄ᬬᬦᬾᬓᬳᬶᬲ᭄ᬢᬶᬬᬂ᭟ᬕᬫ᭄ᬩᬸᬳᬾᬫᬗ᭄ᬓᬶᬦ᭄ᬢᬩᬸᬳᬂ᭞ᬳᬗ᭄ᬕᭀᬦ᭄ᬜᬮᬶ
ᬫᬸᬭᬂᬲ᭄ᬤᬶᬄ᭞ᬢᬦ᭄ᬓᭂᬦᬵᬲᬭᬸᬯᬂᬋᬓᭀ᭞ᬭᬳᬤᬾᬦ᭄ᬕᬮᬸᬄᬜ᭄ᬚᭀᬂᬩᬶᬭᬸ᭞ᬳᬲ᭄ᬫᬸᬓᬕ᭄ᬬᬢᬸᬫᬶᬗ᭄ᬳᬮ᭄᭞ᬳᬲ᭄ᬫᬸᬕᬶᬧᬶᬄ᭞ᬫᬜᬕ᭄ᬚᬕ᭄ᬫᬢᬸᬃᬳᬦᭂᬫ᭄ᬩᬄ᭟ᬢᬸᬳᬸᬢ᭄ᬯᬄᬧᬸᬢ᭄ᬭᬶᬳᬸᬢ᭄ᬢᬵᬫ᭞ᬯᬶᬤᬕ᭄ᬖᬵᬢᬶᬢᬶᬲᬶᬂᬚᬯᬶ᭞ᬫᬫᭂᬧᭂᬲ᭄‌‌ᬚ᭄ᬭᬶᬚᬶᬦᬾᬫᭂᬭᭀᬲ᭄᭞ᬲᬧᭀ
ᬮᬳᬾᬫᬗᬯᬾᬓ᭄ᬜᬸᬂ᭞ᬳᬾᬲᭂᬫᬾᬮ᭄ᬯᬶᬃᬫᬥᬸᬤ᭄ᬭᬯᬵ᭞ᬲᭀᬃᬢᬂᬕᭂᬦ᭄ᬤᬶᬲ᭄᭞ᬧᬫᬸᬧᬸᬮᬦ᭄ᬫᬥᬸᬲ᭄ᬫᬭᬵ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬸᬚᬭᬾᬗᭂᬦ᭄ᬢᬾᬓᭂᬦ᭄ᬳᬢᬶ᭞ᬗᬸᬤᬵᬩ᭄ᬮᬶᬩ᭄ᬗᭀᬂᬩ᭄ᬗᭀᬂ᭞ᬳᬸᬮᬢ᭄ᬤᬾᬭᬾᬂᬫᬧᭂᬓᬬᬸᬦ᭄᭞ᬳᬦ᭄ᬤᬶᬓ
ᬬᬂᬢ᭄ᬓᬾᬦ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬩᭂᬮᬶ᭞ᬫᬗ᭄ᬓᬶᬦ᭄ᬗᬸᬩ᭄ᬤᬢ᭄ᬓᬾᬦ᭄ᬢᬶᬢ᭄ᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬲᬸᬓ᭄ᬱ᭄ᬓᬦ᭄᭞ᬳᬾᬧᬸᬄᬤᬶᬚ᭄ᬭᭀᬳᬦᬶᬗ᭄ᬳᬢᬶ᭞ᬦᬗ᭄ᬳᬶᬂᬢᬾᬢᬓᬸᬢ᭄ᬗᭀᬭᬳᬂ᭞ᬭᬤᬾᬦ᭄ᬕᬮᬸᬄᬦᭂᬢᭂᬕ᭄ᬫᬢᬸᬃ᭞ᬲᬕᬶᬸᬋᬂᬤᬦᬾᬕᬮᬸᬄᬤ᭄ᬳᬵ᭞ᬗᬲᬶᬳ [ 61 ][᭖᭐ 60B]
᭖᭐
ᬰᬶᬄ᭞ᬳᬸᬚᬭᬾᬳᬗᬺᬲᬶᬂᬫᬦᬄ᭟ᬬᬾᬦ᭄ᬳᬶᬩ᭄ᬮᬶᬤᬸᬭᬸᬲ᭄ᬳᬶᬘᬵ᭞ᬫᬫᬜ᭄ᬚᬓᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬦ᭄ᬤᬶᬓᬵᬬᬂᬢ᭄ᬓᬾᬦ᭄ᬢᬶᬢ᭄ᬬᬂ᭞ᬦᬯᬶᬯᬾᬦ᭄ᬢᭂᬦ᭄ᬫᬮᬶᬄᬓᬬᬸᬦ᭄᭞ᬤᬶᬚᬳᬵᬧᬸᬢ᭄ᬭᬶᬦᬾᬫ᭄ᬮᬄ᭞ᬢᬸᬃᬦᬾᬭᬶᬭᬶᬄ᭞ᬦᬾᬤᭂᬕᭂᬂᬫᬗᬩᬵᬭᬕᬵ᭟ᬩ᭄ᬮᬶᬳᬸᬦᬶᬂᬧᬸᬢ᭄ᬭᬶ
ᬓᬢᬄ᭞ᬤᬶᬚᬯᬍᬯᬶᬄᬤᬶᬩᬮᬶ᭞ᬮ᭄ᬬᬦᬦ᭄ᬭᬶᬂᬓᬤᬶᬭᬶᬋᬓᭀ᭞ᬭᬢ᭄ᬦᬵᬤ᭄ᬯᬶᬢᬢᬶᬢ᭄ᬬᬂᬢᬓᬸᬢ᭄᭞ᬳᬧᬦ᭄ᬢᭂᬕᬸᬄᬢᬸᬃᬫᬕᬸᬡᬵ᭞ᬩᭀᬬᬵᬕᭂᬫᬶᬂ᭞ᬧᬗᬭᬸᬄᬫᬮᬶᬄᬯᭂᬰᬾᬱᬵ᭟ᬤᬶᬚᬯᬵᬩ᭄ᬬᬦᬵᬫᬫᬤᬵ᭞ᬭᬸᬧᬵᬫ᭄ᬮᬄᬢᬸᬃᬬᬵᬭᬶᬭᬶᬄ᭞ᬫᬶᬯᬄᬕ᭄ᬮᬶ
ᬲ᭄ᬩᬓᬢ᭄ᬋᬓᭀ᭞ᬳ᭄ᬦᭂᬗᬓ᭄ᬦᬵᬓᬯᬸᬯᬸᬲ᭄᭞ᬯ᭄ᬗᬶᬲᬫ᭄ᬧᬸᬦ᭄ᬤᬯᬸᬄᬢᬶᬕ᭄ᬕᬵ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬶ᭞ᬧᬯᭀᬗᬦ᭄ᬗᬢᬸᬭᬂᬢᬤᬄ᭟ᬭᬳᬤᬾᬦ᭄ᬕᬮᬸᬄᬭᬶᬂᬚᬯᬵ᭞ᬮᬦ᭄ᬭᬳᬤᬾᬦ᭄ᬕᬮᬸᬄᬩᬮᬶ᭞ᬳᬦᬤᬄᬫᬭᬶᬂᬧᬫᭂᬗ᭄ᬓᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬯᬸᬯᬸᬲ᭄᭞ᬳᬦ
ᬤᬄᬫᬭᬶᬂᬧᬫᭂᬗ᭄ᬓᬂ᭞ᬧᬢᬶᬄᬫᬦ᭄ᬢ᭄ᬭᬶ᭞ᬳᬦᬥᬄᬭᬶᬂᬚᬩᬵᬢ᭄ᬗᬄ᭟ᬓᬾᬦ᭄ᬘᭀᬦ᭄ᬤᭀᬂᬲᬗ᭄ᬕᬶᬢ᭄ᬓᬾᬦ᭄ᬩᬬᬦ᭄᭞᭠ᬲᬫ᭄ᬧᬸᬦ᭄ᬯᬸᬲᬦᬥᬄᬲᬫᬶ᭞ᬧᬯᭀᬗᬦᬶᬭᬦᭀᬫᬦᭀᬫ᭄᭞ᬫᬧ᭄ᬢᬵᬲᬫᬵᬳᬮᬸᬗ᭄ᬕᬸᬄ᭞ᬳᬤᬦᬫ᭄ᬧᬵᬧ᭠

[᭖᭑ 61A]
᭖᭑
ᬩ᭄ᬯᬦ᭄ᬳᭂᬫᬲ᭄᭞ᬓᬤᬶᬢᬸᬮᬶᬲ᭄᭞ᬳᬮᬸᬗ᭄ᬕᬸᬄᬳᬚᬚᬃᬚᬚᬃ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬢ᭄ᬓᬾᬦᬶᬂᬧᬸᬗ᭄ᬕᬯᬵᬲᬫᬶ᭞ᬓ᭄ᬫᬵᬬᬵᬳᭀᬭᬳᬶᬦ᭄ᬋᬓᭀ᭞ᬓᬜ᭄ᬘᬦᬾᬧ᭄ᬭᬕᬶᬡᬵᬕᬫ᭄ᬩᬸᬄ᭞ᬫᬦᬶᬦᬶᬭᬗᬚᬓ᭄ᬮᬸᬯᬲ᭄᭞ᬲᬫᬵᬕᬶᬧᬶᬄ᭞ᬲᬫ᭄ᬧᬸ
ᬦ᭄ᬧᬥᬯᬸᬲ᭄ᬫᬗᬶᬦᬵᬂ᭟ᬯᬸᬲᬦ᭄ᬳᬘᬤᬂᬩᬳᬶᬢ᭄ᬣᬵ᭞ᬩᬦ᭄ᬤᬾᬕᬵᬧ᭄ᬭᬢ᭄ᬬᬓ᭄ᬱᬵᬲᬫᬶ᭞ᬚᬸᬭᬕᬦᬾᬩ᭄ᬭᬶᬲ᭄ᬚᬾᬗ᭄ᬕᭀᬢ᭄᭞ᬧᬤᬵᬬᬵᬫᬚᬮᬾᬃᬧ᭄ᬭᬯᬸ᭞ᬫᬩᬦ᭄ᬤᬾᬭᬵᬧᭀᬮᬾᬂᬳᬩᬂ᭞ᬢᬸᬳᬸᬳᬰ᭄ᬭᬶ᭞ᬢᬮᬶᬦ᭄ᬓᭂᬮᬢᬾᬫᬧᭀᬦ᭄ᬢᬂ
᭟ᬓᬜ᭄ᬘᬦ᭄ᬕᬫ᭄ᬩᬸᬄᬯᬸᬲ᭄ᬘᬸᬫᬥᬂ᭞ᬮᬶᬫᭀᬮᬲ᭄ᬓᬢᬳᬾᬲᬫᬶ᭞ᬩᬕᬸᬲ᭄ᬩᬕᬸᬲ᭄ᬢᬸᬃᬧᬧᭂᬗ᭄ᬓᬲ᭄᭞ᬧᬤᬵᬬᬵ᭠ᬗᬗ᭄ᬕᭀᬫᬲ᭄ᬫᬸᬭᬸᬩ᭄᭞ᬧᬸᬦᬂᬓᬸᬤᬵᬯᬸᬲ᭄ᬘᬸᬫᬥᬂ᭞ᬯᭂᬘᬫᭂᬢᬶ᭞ᬫᬶᬭᬄᬳ᭄ᬫᬲᬫ᭄ᬧᬸᬦ᭄ᬓᬢᬄ᭟ᬫᬸᬜᬶᬦ᭄ᬧᬦᬮᬶᬓ᭠
ᬦ᭄ᬧᬶᬂᬧᬢ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬧᬸᬭᬶ᭞ᬧ᭄ᬭᬧ᭄ᬢᬵᬫᬭᬶᬂᬲᬮᬸᬓᬶᬮ᭄ᬬᬦ᭄᭞ᬭᬳᬤᬾᬦ᭄ᬕᬮᬸᬄᬓᬢ᭄ᬫᬸ᭞ᬳᬮᬸᬗ᭄ᬕᬸᬄᬢᬸᬃᬫᬓᬮᬶᬳᬦ᭄᭞ᬫᬗᬾᬦᬓᬶᬦ᭄᭞ᬓᬢᭀᬦ᭄ᬓᬤᬶᬩᬸᬮᬦ᭄ᬓᭂᬫ᭄ᬩᬃ᭟ᬲᬂᬓᬓᬸᬂᬢᬸᬫᬸᬮᬶᬄᬧ᭄ᬭᬧ᭄ᬢᬵ᭞ᬧᬶᬦ᭄ᬓᬸᬮ᭄ᬭᬳ [ 62 ][᭖᭑ 61B]
᭖᭑
ᬤᬦ᭄ᬓᬮᬶᬄ᭞ᬕᬶᬦᬦ᭄ᬢᬶᬳᬶᬗᬭᬲ᭄ᬳᬭᬲ᭄᭞ᬫᬸᬗ᭄ᬕᬄᬭᬶᬂᬚᬶᬦᭂᬫ᭄ᬭᬶᬓᬭᬸᬫ᭄᭞ᬫᬳᬸᬍᬲ᭄ᬧᬶᬢᭀᬮᬵᬲᬸᬢ᭄ᬭᬵ᭞ᬓᬲᬸᬃᬲᬭᬶ᭞ᬳᬸᬍᬲᬾᬕᬭᬶᬗ᭄ᬲᬶᬂᬯᬬᬂ᭟ᬲᬶᬦᬭᬾᬳᬓ᭄ᬦᬶᬂᬢᬶᬍᬫ᭄᭞ᬢᬸᬫᬸᬮᬶᬄᬳᬢᬗ᭄ᬓᭂᬩ᭄ᬲᬫᬶ᭞ᬢᬗ᭄ᬲᬄᬳᬦᬵᬓᬓᭂᬦ᭄ᬮᬗᭀ
ᬦ᭄᭞ᬢᬸᬫᬸᬮᬶᬄᬳᬧᬸᬮᬂᬮᬸᬳᬸᬢ᭄᭞ᬭᭀᬲ᭄ᬦᬶᬂᬫᬤ᭄ᬬᬧᬸᬧᬸᬲᬫᬵ᭞ᬦᬓᬵᬕᬥᬶᬂ᭞ᬲᬸᬲᬸᬜᬗ᭄ᬓᬶᬄᬓᬤᬶᬓᭂᬫ᭄ᬩᬃ᭟ᬭᭀᬲ᭄ᬦᬶᬂᬫᬥ᭄ᬬᬚ᭄ᬭᬶᬚᬶᬲᬫᬵ᭞ᬳᬗᬶᬧᬸᬓᬶᬧᬸᬓᬭᬲ᭄ᬫᬶᬦ᭄᭞ᬯᬃᬡ᭄ᬦᬵᬓᬤᬶᬭᬢᬶᬄᬓᭂᬫ᭄ᬩᬃ᭞ᬕᬺᬄᬓᬤᬶᬲᬖ᭄ᬕᬵᬓᬘᬢᬸᬃ᭞ᬓᬤᬶᬳ᭄ᬫ
ᬲᭀᬘᬵᬫᬶᬭᬄ᭞ᬯᬸᬲᬶᬦᬗ᭄ᬮᬶᬂ᭞ᬩᬬᬵᬭᬢᬶᬄᬮ᭄ᬯᬶᬃᬳ᭄ᬬᬂᬲ᭄ᬫᬭᬵ᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬤᬯᬸᬄᬲᬧ᭄ᬝᬵ᭞ᬧᬸᬢᬶᬄᬢᬶᬫᬸᬃᬳᬩᬂᬭᬗ᭄ᬤᬶ᭞ᬤᬸᬭᬸᬂᬮ᭄ᬯᬃᬭᬶᬂᬧᬢᬾᬭᭀᬦ᭄᭞ᬭᬫᬾᬳᬬᬫ᭄ᬫᬓᬓ᭄ᬭᬸᬬᬸᬓ᭄᭞ᬧᬶᬦᬄᬲᬵᬫ᭄ᬧᬸᬦ᭄ᬢᬢᬲ᭄ᬕᬮᬂ᭞ᬲᬫ᭄ᬧᬸᬦ᭄ᬫᬗ᭄ᬓᬶ
ᬦ᭄᭞ᬫᬜ᭄ᬚᬮᬸᬓ᭄ᬱᬫ᭄ᬧᬸᬦ᭄ᬭᬳᬶᬦᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬢ᭄ᬓᬾᬦ᭄ᬭᬤᬾᬦ᭄ᬕᬮᬸᬄᬲᬶᬸᬫᬶᬸᬓᬮᬶᬄ᭞ᬳᬮᬸᬗ᭄ᬕ᭄ᬯᬶᬂᬤᬤᬫ᭄ᬧᬃᬓᬯᭀᬢ᭄᭞ᬲᬫᬵᬲᬶᬦᭀᬘᬧ᭄ᬫ᭄ᬭᬶᬓᬭᬸᬫ᭄᭞ᬳᬮᬸᬗ᭄ᬕᬸᬄᬲᬦ᭄ᬤᬶᬂᬲᬂᬭᬓᬵ᭞ᬲᬃᬯ᭄ᬯᬶᬫᬩᬶᬦ᭄

[᭖᭒ 62A]
᭖᭒
ᬩᬸᬓᬵᬤᬾᬯᬶᬮᬯᬦ᭄ᬤᬾᬯᬵ᭟ᬫᬗ᭄ᬓᬶᬦ᭄ᬧᬹᬃᬡ᭄ᬦᬫᬦᬶᬂᬓᬧᬢ᭄᭞ᬯᬸᬲ᭄ᬫᬓᬸᬭᬫᬲ᭄ᬫᬲᬸᬘᬶ᭞ᬳᬗ᭄ᬭᬗ᭄ᬲᬸᬓ᭄ᬩᬸᬱᬡᬵᬓᬯᭀᬢ᭄᭞ᬫᬕ᭄ᬮᬂᬮᬯᬦ᭄ᬫᬩᬸᬗ᭄ᬓᬸᬂ᭞ᬳᭂᬫᬲ᭄ᬳᭂᬫᬲᬦ᭄ᬫᬗ᭄ᬭᬜᬩ᭄᭞ᬲᬃᬯ᭄ᬯᬮᬶᬗ᭄ᬕᬶᬄ᭞ᬫᬓᬮᬶᬳᬦ᭄ᬭᬶᬂᬩᬮᬾᬫᬵᬲ᭄᭟ᬭᬳᬤᬾᬦ᭄ᬫ
ᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬳᬸᬚᬭᬾᬗᬰᬶᬳᬲᬶᬄ᭞ᬲᬶᬦᬫ᭄ᬩᬸᬢ᭄ᬲᬂᬧᬸᬢ᭄ᬭᬶᬭᭀᬭᭀ᭞ᬳᬶᬗᬭᬲ᭄ᬳᬭᬲ᭄ᬧᬶᬦ᭄ᬓᬸᬮ᭄᭞ᬮᬄᬓᬦ᭄ᬢᬸᬦᬵᬳᬢ᭄ᬫᬚᬶᬯᬵ᭞ᬢᬶᬢ᭄ᬬᬂᬧᬫᬶᬢ᭄᭞ᬕᬶᬦᬦ᭄ᬢᬶᬕᬦ᭄ᬢᬶᬳᬶᬗᬭᬲ᭄᭟ᬤᬸᬭᬸᬲᬂᬳᬶᬘᬦᬾᬫᬶᬭᬄ᭞ᬳᬶᬘᬾᬦ᭄ᬢᬶᬢ᭄ᬬᬂᬲ᭄ᬧᬄᬫᬶᬗᬶᬂ᭞ᬢᬸ
ᬢᬸᬢ᭄ᬭᬤᬾᬦ᭄ᬕᬮᬸᬄᬭᭀᬭᭀ᭞ᬳᬗᬶᬦᬂᬗᬧᬸᬘᬂᬗᬭᬸᬫ᭄᭞ᬳᬲᬸᬂᬲ᭄ᬧᬄᬤᬶᬧᬩᬶᬦᬦ᭄᭞ᬢᬸᬃᬫᬫᬸᬜᬶ᭞ᬢᬦ᭄ᬢᬸᬦᬫᬗ᭄ᬕᬯᬾᬭᬭᬲ᭄᭟ᬭᬤᬾᬦ᭄ᬕᬮᬸᬄᬲᬸᬦᬵᬦ᭄ᬢᬭᬵ᭞ᬳᬸᬚᬭᬾᬳᬭᬸᬫ᭄ᬫᬵᬦᬶᬲ᭄᭞ᬦᬶᬓᬶᬲᬩᬸᬓ᭄ᬩᭂᬮᬶᬳᬗ᭄ᬕᭀᬦ᭄᭞ᬫᬓᬵ
ᬘᬶᬭᬶᬦ᭄ᬢᬶᬢ᭄ᬬᬂᬢᬸᬳᬸ᭞ᬧᬸᬦᬶᬓᬶᬲᬩᬸᬓ᭄‌‌ᬲᬮᬶᬯᬄ᭞ᬧ᭄ᬘᬓ᭄ᬗᬸᬦᬶ᭞ᬓᬧᬶᬢᬸᬭᬸᬦ᭄ᬭᬶᬂᬧᬫ᭄ᬭᬚᬦ᭄᭟ᬫᬶᬯᬄᬦᬶᬓᬶᬫᬡᬶᬓ᭄ᬩᬓ᭄ᬢᬵ᭞ᬓᬓᬵᬮᬶᬄᬲᬶᬓᭂᬧ᭄ᬤᬶᬧᬲᬶᬄ᭞ᬦᬤ᭄ᬬᬦ᭄ᬲᬶᬧᬲᬶᬳᬾᬓᬯᭀᬦ᭄᭞ᬲᬫ᭄ᬧᬸᬦ᭄ᬚᬵᬩ᭄ᬮᬶᬧᬓᬾᬯᬸᬄ᭞ᬧᬸᬦᬶᬓ [ 63 ][᭖᭒ 62B]
᭖᭒
ᬫᬡᬶᬓ᭄ᬱᬕᬭᬵ᭞ᬢᬶᬕᬂᬯᬳᬶ᭞ᬳᬶᬩ᭄ᬮᬶᬭᬯᬸᬄᬓᬚᬯᬵ᭟ᬫᬮᬶᬄᬦᬶᬓᬶᬫᬦᬶᬓ᭄ᬳᬢ᭄ᬫᬵ᭞ᬦᬯᬶᬩ᭄ᬮᬶᬫᬗ᭄ᬕᬶᬄᬓᬮᬶ᭞ᬢᬶᬩᬾᬦᬶᬦ᭄ᬫᬡᬶᬓ᭄ᬧᬸᬦᬶᬓᬵ᭞ᬲᬓ᭄ᬯᬾᬳᬶᬂᬲᬢ᭄ᬭᬸᬦᬾᬕᭂᬫ᭄ᬧᬸᬂ᭞ᬩ᭄ᬬᬦᬵᬩ᭄ᬮᬶᬲᭀᬃᬫᬬᬸᬤᬵ᭞ᬲᭀᬭᬶᬂᬮᬗᬶᬢ᭄᭞ᬭᬢᬸᬢ
ᬦᬶᬲᬫᬶᬓᬮᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫᬵ᭞ᬳᬶᬗᬗ᭄ᬕᬾᬲᬩᬸᬓ᭄ᬮᬦ᭄ᬫᬡᬶᬓ᭄᭞ᬓᬦ᭄ᬢᬸᬦ᭄ᬓᬾᬳᬶᬫᬶᬭᬄᬋᬓᭀ᭞ᬢᬶᬢ᭄ᬬᬂᬧᬫᬶᬢᬸᬃᬮᬸᬫᬓᬸ᭞ᬭᬤᬾᬦ᭄ᬕᬮᬸᬄᬦᬸᬢᬶᬢᬶᬗᬮ᭄᭞ᬫᬓᬵᬓᬮᬶᬄ᭞ᬢᬗ᭄ᬲᬄᬧᭂᬦ᭄ᬤᬓ᭄ᬧᭂᬦ᭄ᬤᬓ᭄ᬢᬶᬗᬮ᭄᭟ᬲᬤ᭄ᬬᬳ
ᬗᬸᬘᬧᬶᬂᬫᬦᬄ᭞ᬓᬬᬵᬳᬦᬵᬯᬮ᭄ᬬᬫᬮᬶᬄ᭞ᬮᬶᬯᬢ᭄ᬮᬯᬗᬦᬾᬋᬓᭀ᭞ᬢᬦ᭄ᬓᭀᬘᬧᬜᬵᬲᬂᬓᬦ᭄ᬢᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬧ᭄ᬭᬧ᭄ᬢᬾᬂᬚᬩᬵ᭞ᬓᬸᬤᬵᬳᬱ᭄ᬝᬶ᭞ᬲᬵᬫ᭄ᬧᬸᬦ᭄ᬧᬤᬵᬯᬲ᭄ᬘᬸᬫᬥᬂ᭟ᬭᬭᬶᬲ᭄ᬤᬦᬾᬦᬸᬗ᭄ᬕᬂᬓᬸᬤᬵ᭞ᬫ
ᬓᬵᬓᬨᬫᬲ᭄ᬭᬶᬂᬦᬸᬓ᭄ᬫᬶ᭞ᬳᬱᬵᬩᬸᬡ᭄ᬦᬵᬫᬲ᭄ᬓᬯᭀᬢ᭄᭞ᬫᬘᭂᬫ᭄ᬢᬶᬫᬶᬭᬄᬫᬸᬭᬸᬩ᭄᭞ᬲᬵᬫ᭄ᬧᬸᬦ᭄ᬓᬾᬲᬄᬭᬶᬂᬦᬵᬕᬭ᭞ᬦᬾᬦᬾᬗᬶᬭᬶᬂ᭞ᬧᬢᬶᬄᬫᬦ᭄ᬢ᭄ᬭᬶᬢ᭄ᬯᬄᬮᬶᬫᭀᬮᬲ᭄᭟ᬢᬦ᭄ᬓᭀᬘᬧᬵᬜᭂᬭᬶᬂᬤᬮᬦ᭄᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬭᬶᬂ

[᭖᭓ 63A]
᭖᭓
ᬧᬲᬶᬰᬶ᭞ᬧᬸᬦ᭄ᬱ᭄ᬫᬃᬗᬶᬭᬶᬂᬢᬦᬤᭀᬄ᭞ᬧᬸᬦᬶᬓᬵᬢᬢ᭄ᬓᭂᬦ᭄ᬳᬕᬸᬂ᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬤᬯᬸᬄᬧᬶᬲᬦ᭄᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬶ᭞ᬫᬭᬶᬂᬮᬩ᭄ᬯᬦ᭄ᬕᬕ᭄ᬮᬶᬲᬦ᭄᭟ᬳᬓᬾᬄᬯᭀᬂᬧᬲᬶᬲᬶᬢ᭄ᬓᬵ᭞ᬧᬤᬵᬦᭂᬫ᭄ᬩᬄᬭᬶᬂᬲᬂᬫᬦ᭄ᬢ᭄ᬭᬶ᭞ᬧᬤᬵᬬᬵᬫᬢᬸᬃᬧᬢᬓᭀᬦ᭄᭞ᬧᬸᬦᬧᬶᬓᬃᬬ᭄ᬬ
ᬦ᭄ᬳᬶᬭᬢᬸ᭞ᬫᬸᬗ᭄ᬕᬄᬲᬋᬂᬭᬶᬂᬩᬳᬶᬢ᭄ᬣᬵ᭞ᬬᬾᬦ᭄ᬤᭀᬄᬢᬦᬶ᭞ᬧᬮᬸᬗ᭄ᬳᬵᬦ᭄ᬘᭀᬓᭀᬃᬳᬶᬤᬾᬯᬵ᭟ᬳᬶᬭᬮ᭄ᬯᬲ᭄ᬫᬗᬸᬫ᭄ᬩᬭᬵ᭞ᬓᬚᬯᬵᬫᬗᭂᬦ᭄ᬤᭀᬦ᭄ᬚᬸᬭᬶᬢ᭄᭞ᬤᬾᬦᬶᬂᬳᬤᬵᬲᬢ᭄ᬭᬸᬋᬓᭀ᭞ᬦᬾᬫᬢᬓᭀᬦ᭄ᬲᬤᬵᬓ᭄ᬜᬸᬂ᭞ᬳᬧᬦ᭄ᬳᬶᬬᬵᬲᬸᬩᬦ
ᬯᬂ᭞ᬲᬧ᭄ᬭᬢᬾᬓᬶ᭞ᬤᬸᬓ᭄ᬤᬸᬫᬦ᭄ᬤᬦᬾᬓᬚᬯᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬫ᭄ᬧᬸᬦ᭄ᬫᬸᬗ᭄ᬕᬄ᭞ᬲᬫᬶᬩ᭄ᬭᬬᬦ᭄ᬧᬢᬶᬄᬫᬦ᭄ᬢ᭄ᬭᬶ᭞ᬫᬶᬯᬄᬧᬸᬦ᭄ᬱ᭄ᬫᬃᬢᬦᬤᭀᬄ᭞ᬭᬭᬶᬲ᭄ᬗᬩᬸᬢ᭄ᬫᬗ᭄ᬕᬃᬕᬸᬧᬸᬄ᭞ᬗ᭄ᬩᬄᬩᬶᬤᬓ᭄ᬕᬕ᭄ᬮᬶᬲᬦ᭄᭞ᬢᬦ᭄ᬧᬦᭀᬮᬶᬄ᭞ᬢ᭄ᬓᬵᬳᬗᬶᬦᬾᬩᬭ᭄ᬯᬂ᭟ᬭ
ᬭᬶᬲ᭄ᬫᬦᬩᬸᬄᬕᬫ᭄ᬮᬦ᭄᭞ᬫ᭄ᬮᬕᬜ᭄ᬚᬸᬃᬫᬜᭂᬤᬸᬢ᭄ᬩᭂᬤᬶᬮ᭄᭞ᬧᬮᬩ᭄ᬯᬦᬦ᭄ᬲᬫ᭄ᬧᬸᬦ᭄ᬳᭂᬚᭀᬄ᭞ᬓᬬᬵᬢᬦᬫᬗ᭄ᬕᬶᬄᬓᬾᬬᬸᬄ᭞ᬢᬸᬫᬸᬮᬶᬄᬳᬫ᭄ᬩᬩᬄᬮᬬᬃ᭞ᬲᬬᬦ᭄ᬳᬭᬶᬲ᭄᭞ᬧ᭄ᬭᬯᬸᬦᬾᬫᬗᬬᬂᬗᬬᬂ᭟ᬫᬩᭂᬦ᭄ᬤᬾᬭᬓ᭄ᬘᬶᬢ᭄ᬚᬶᬗ᭄ᬕᬵ [ 64 ][᭖᭓ 63B]
᭖᭓
᭞ᬫᬳᬤᬦ᭄ᬳᬶᬮᬜ᭄ᬘᬸᬂᬲᬭᬶ᭞ᬫᬲᬯᬂᬓᭂᬫ᭄ᬩᬂᬢᬶᬕᬭᭀᬦ᭄᭞ᬳᬓᬾᬄᬩᬳᬶᬢᬦᬾᬫᭂᬗ᭄ᬲᬸᬃ᭞ᬧᬤᬵᬫᬧᬧᬲ᭄ᬤᬶᬚᬮᬦ᭄᭞ᬧ᭄ᬭᬯᬸᬓᬾᬜ᭄ᬘᬶ᭞ᬳᬦᬵᬘᭂᬮᬸᬧ᭄ᬳᬦᬵᬤᬜᬓᬧᬮ᭄᭟ᬧ᭄ᬭᬯᬸᬮᬶᬤᬶᬬᭀᬮᬦ᭄ᬤᬵ᭞ᬫᬩᬦ᭄ᬤᬾᬭᬲᬸᬢ᭄ᬭᬓᬸᬦᬶᬂ᭞ᬤᬕᬗᬦᬾ
ᬲᬃᬯ᭄ᬯᬵᬓᬯᭀᬢ᭄᭞ᬫᬶᬭᬄᬯᬶᬦ᭄ᬢᭂᬦᬾᬢᬦ᭄ᬓᬾᬢᬸᬂ᭞ᬍᬍᬫᭂᬲᬾᬲᬃᬯ᭄ᬯᬵᬫᬸᬮ᭄ᬬ᭞ᬯᭀᬂᬩᬢᬯᬶ᭞ᬧᬤᬵᬲᬸᬩᬓᬮᬶᬯᬢᬦ᭄᭟ᬢᬦ᭄ᬓᭀᬘᬧᬭᬶᬂᬤᬤᬮᬦ᭄᭞ᬧ᭄ᬭᬯᬸᬦᬾᬭᬬᬸᬫᬫᬃᬕ᭄ᬕᬶ᭞ᬳᬶᬬᬓ᭄ᬕᭂᬤᬾᬳᬗᬶᬦ᭄ᬲᬬᭀᬂ᭞ᬧᬲᬶᬳᭀᬘᬓ᭄ᬢᬸᬃ
ᬓ᭄ᬮᬦ᭄ᬢᬸᬂ᭞ᬭᬱᬵᬜᬩᬸᬓᬵᬗᬾᬗ᭄ᬕᬮᬂ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬶ᭞ᬭᬶᬂᬧᬲᬶᬰᬶᬦ᭄ᬚᬫᬶᬦ᭄ᬢᭀᬭᬵ᭟ᬳ᭄ᬦᭂᬗᬓ᭄ᬦᬵᬲᬂᬮᬸᬗ᭄ᬳᬵ᭞ᬭᬶᬂᬤ᭄ᬳᬵᬯᬸᬯᬸᬲᬦ᭄ᬫᬮᬶᬄ᭞ᬭᬤᬾᬦ᭄ᬕᬮᬸᬄᬫᬓᬵᬭᭀᬭᭀ᭞ᬳᬮᬸᬗ᭄ᬕᬸᬄᬭᬶᬂᬩᬮᬾᬮᬸᬜ᭄ᬚᬸᬓ᭄᭞ᬫᬗ᭄ᬮᬶᬮᬵᬮᬶᬮᬬᬂᬫᬦᬄ᭞
ᬢᬶᬦᬶᬗ᭄ᬕᬮᬶᬦ᭄᭞ᬲᬂᬮᬸᬗ᭄ᬳᬵᬫᬸᬗ᭄ᬕᬄᬭᬶᬂᬫᬦᬄ᭟ᬭᬱᬜᬵᬢᬦ᭄ᬫᬮᬶᬄᬢ᭄ᬓᬵ᭞ᬮᬸᬗ᭄ᬳᬵᬭᬶᬂᬫᬾᬦ᭄ᬱᬓ᭄ᬱᬭᬶ᭞ᬬᬾᬄᬢᬶᬗ᭄ᬳᬮᬾᬧᬘᬵᬭᭀᬢ᭄ᬘᭀᬢ᭄᭞ᬧ᭄ᬭᬱ᭄ᬝᬵᬭᬭᬶᬲ᭄ᬗᬮᬧ᭄ᬲᬦ᭄ᬢᬸᬦ᭄᭞ᬲᬫ᭄ᬧᬸᬦ᭄ᬳᬓᬾᬄᬓᬧᬸᬧᭀᬦᬦ᭄᭞ᬢᬸᬃᬫᬵ

[᭖᭔ 64A]
᭖᭔
ᬮᬶᬗ᭄ᬕᬶᬄ᭞ᬭᬤᬾᬦ᭄ᬕᬮᬸᬄᬧᬓᬮᬶᬳᬦ᭄᭟ᬲᬃᬯ᭄ᬯᬶᬤᬦᬾᬗᬗ᭄ᬕᬾᬢ᭄ᬲ᭄ᬓᬃ᭞ᬲᬶᬂᬢᬶᬗᬮᬶᬓᬢᭀᬦ᭄‌‌ᬓ᭄ᬜᬶᬂ᭞ᬭᬱᬜᬵᬢ᭄ᬓᬵᬫᬜᬗ᭄ᬓᭀᬮ᭄᭞ᬓᭂᬩᭀᬦ᭄ᬩᬸᬗ᭄ᬳᬵᬦᬾᬫ᭄ᬭᬶᬓᬭᬸᬫ᭄᭞ᬭᬱᬜᬵᬤᬶᬓᬲᬸᬃᬳᬜᬃ᭞ᬗᬭᬲ᭄ᬫᬩᬶᬦ᭄᭞ᬫᭂᬜ᭄ᬚᬸᬄᬲ᭄ᬧᬄᬤᬶ
ᬧᬩᬶᬦᬦ᭄᭟ᬭᬳᬤᬾᬦ᭄ᬕᬮᬸᬄᬭᬶᬂᬚᬯᬵ᭞ᬳᬸᬚᬭᬾᬗᬜᬸᬤᬂᬳᬢᬶ᭞ᬲᬮ᭄ᬯᬶᬭᬶᬂᬩᬸᬗᬦᬾᬢᭀᬦ᭄ᬢᭀᬦ᭄᭞ᬭᬱᬜᭂᬬᬵᬓᬢᭀᬦ᭄ᬓᭂᬜᬸᬂ᭞ᬕᬸᬬᬸᬭᬤᬾᬦ᭄ᬕᬮᬸᬄᬤ᭄ᬳᬵ᭞ᬲᬸᬩᬵᬜᬳᬶ᭞ᬳᬶᬤ᭄ᬧᬂᬤᬦᬾᬤᬶᬚᬸᬫᬄ᭟ᬤᬵᬚᬵ᭠
ᬧᬢᬶᬜᬫ᭄ᬩᬢ᭄ᬜᬫ᭄ᬩᬢ᭄᭞ᬳᬧᬂᬭᬳᬬᬸᬤᬶᬫᬃᬕ᭄ᬕᬶ᭞ᬚᬮᬦ᭄ᬧᬾᬢ᭄ᬫᬸᬮᬶᬄᬓᬚ᭄ᬭᭀ᭞ᬮᬯᬸᬢ᭄ᬫᬸᬮᬶᬄᬫᬵᬓᬵᬓᬸᬤᬸᬂ᭞ᬲᬕ᭄ᬭᬳᬦ᭄ᬮᬯᬦ᭄ᬧᬯᭀᬗᬦ᭄᭞ᬧ᭄ᬭᬧ᭄ᬢᬾᬂᬧᬸᬭᬶ᭞ᬭᬭᬶᬲ᭄ᬦᬩᬸᬄᬕᬕᭂᬦ᭄ᬤᬾᬭᬦ᭄᭟ᬳᬦᬩᬸᬄᬕᭂᬡ᭄ᬥᬶᬂᬳ
ᬫ᭄ᬩᬭᬵ᭞ᬫᬦᬶᬫ᭄ᬩᬮ᭄ᬕᭂᬡ᭄ᬥᬶᬂᬤ᭄ᬬᬄᬢᬦ᭄ᬢ᭄ᬭᬶ᭞ᬯᭀᬂᬚ᭄ᬭᭀᬕᬯᭀᬓ᭄ᬫᬦᭀᬦ᭄ᬢᭀᬦ᭄᭞ᬤᬸᬭᬸᬂᬦᬳᭂᬦ᭄ᬫᬗ᭄ᬕᬶᬄᬳᬶᬓᬸ᭞ᬧᬤᬵᬘ᭄ᬧᭂᬢ᭄ᬫᬦᬶᬫ᭄ᬩᬮᬂ᭞ᬯ᭄ᬭᬸᬳᬶᬗ᭄ᬯᬗ᭄ᬲᬶᬢ᭄᭞ᬢᬶᬦᬩᬸᬄᬓᬂᬢᬢᬗᬶᬲᬦ᭄᭟ᬰ᭄ᬯᬭᬦᬾ [ 65 ][᭖᭔ 64B]
᭖᭔
ᬗᬜᬸᬤᬂᬫᬦᬄ᭞ᬳᬓᬾᬄᬯᬂᬚ᭄ᬭᭀᬳᬲ᭄ᬫᬸᬢᬗᬶᬲ᭄᭞ᬳᬗ᭄ᬭᬸᬗᬸᬓᬂᬕᬕ᭄ᬥᬾᬭᬦ᭄᭞ᬕᭂᬡ᭄ᬥᬶᬗᬾᬩᬸᬓᬵᬫᬗ᭄ᬭᬸᬫ᭄ᬭᬸᬫ᭄᭞ᬧᬶᬦᬄᬮᬶᬗ᭄ᬲᬶᬃᬲᬗ᭄ᬳ᭄ᬬᬂᬲᬹᬃᬬ᭄ᬬᬵ᭞ᬯᬸᬲᬦ᭄ᬫᬗ᭄ᬓᬶᬦ᭄᭞ᬭᬭᬶᬲ᭄ᬓᬧᬫᬺᬫᬦ᭄ᬓᬶᬮ᭄ᬬᬦ᭄᭟ᬫᬗᬫ᭄ᬩᬶᬮᭀᬦ᭄ᬢᬃᬯᬶᬯᬳᬵ᭞
ᬫᬓᬭᭀᬦᬦ᭄ᬫᬓᬓᬯᬶᬦ᭄᭞ᬤᬸᬓ᭄ᬱᬗᬃᬚ᭄ᬚᬸᬦᬵᬫᬢᬧᬵ᭞ᬭᬶᬂᬳᬶᬦ᭄ᬤ᭄ᬭᬓᬶᬮᬵᬧᬸᬦᬶᬓᬸ᭞ᬳᬓᬾᬄᬤᬤᬭᬶᬫᬗ᭄ᬕᭀᬤ᭞ᬢᭀᬩᬱᬦᬶᬦ᭄᭞ᬳᬗ᭄ᬕᬾᬦ᭄ᬧᬗ᭄ᬮᬶᬧᬸᬭᬂᬫᬦᬄ᭟ᬭᬤᬾᬜ᭄ᬚᭀᬂᬩᬶᬭᬸᬫᬫᬘᬵ᭞ᬭᬓᬦᬾᬤᬶᬢᬸᬫᬱᬦᬶ
ᬦ᭄᭞ᬧᬯᭀᬗᬦ᭄ᬫᬶᬯᬄᬯᭀᬂᬚ᭄ᬭᭀ᭞ᬧᬤᬵᬕᬯᭀᬓ᭄ᬬᬫᬗ᭄ᬭᬸᬗᬸ᭞ᬩᬩᬱᬵᬦᬾᬚᭂᬓ᭄ᬚᭂᬓ᭄ᬕᬲ᭄ᬢ᭄ᬭᬵ᭞ᬦᭀᬭᬧᬗ᭄ᬕᬶᬮ᭄᭞ᬳᬶᬬᬵᬳᬗ᭄ᬕᭀᬦ᭄ᬜᬮᬶᬫᬸᬭᬂ᭟ᬢᬦ᭄ᬓᭀᬘᬧᬵᬦᬾᬭᬶᬂᬤ᭄ᬳᬵ᭞ᬧᭀᬮᬳᬾᬲᬂᬧᬸᬢ᭄ᬭᬶᬓᬮᬶᬄ᭞ᬲᬳᬶ
ᬢ᭄ᬯᬄᬭᬫᬾᬤᬶᬚ᭄ᬭᭀ᭞ᬲᬗ᭄ᬓᬦᬵᬤᬤᬶᬲᬮᬶᬫᬸᬃ᭞ᬲᬗ᭄ᬮᬸᬗ᭄ᬳᬵᬫᬗ᭄ᬓᬶᬦ᭄ᬳᬸᬘᬧᬂ᭞ᬭᬶᬂᬩᬦᬵᬯᬶ᭞ᬤᬸᬭᬸᬂᬢᬸᬫᬸᬭᬸᬦ᭄ᬓᬮᬩ᭄ᬯᬦ᭄᭟ᬲᬵᬫ᭄ᬧᬸᬦ᭄ᬲᬹᬭᬸᬧ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬᬵ᭞ᬳᬓᬾᬄᬧᬤᬶᬤᬶᬧᬲᬶᬲᬶ᭞ᬳᬤᬫᬦ᭄ᬢᬸᬓ᭄ᬗᬸᬗ᭄ᬲᬶᬳᭂᬗ᭄ᬕᭀ

[᭖᭕ 65A]
᭖᭕
ᬦ᭄᭞ᬳᬓᬾᬄᬤᬕᬂᬧᬤᬵᬫᬦ᭄ᬢᬸᬓ᭄᭞ᬲᬵᬫ᭄ᬧᬸᬦ᭄ᬲᬸᬯᬸᬂᬭᬶᬂᬧᬮᬩ᭄ᬯᬦ᭄᭞ᬓᬜ᭄ᬘᬶᬢ᭄ᬯᭂᬗᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭟ᬳᬫᬾᬢ᭄ᬤᬚ᭄ᬦᬶᬓᬓᬵᬲ᭄ᬫᬃ᭞ᬧᬸᬦ᭄ᬱ᭄ᬫᬃᬳᬗᬫᬾᬢ᭄ᬳᬕ᭄ᬮᬶᬲ᭄᭞ᬢᬸᬫᬸᬭᬸᬦ᭄ᬫᬗ᭄ᬓᬶᬦ᭄ᬢᭂᬮᬲᬦ᭄᭞ᬧᬢᬶᬃᬘᭂᬫ᭄ᬧᬵᬫᬢᬵ
ᬢᬸᬗ᭄ᬕᬸ᭞ᬩᬦ᭄ᬤᬾᬕᬮᬯᬦ᭄ᬚᬸᬭᬕᬦ᭄᭞ᬧᬤᬵᬢ᭄ᬬᬓ᭄ᬱᬶ᭞ᬳ᭄ᬦᬾᬩ᭄ᬭᬲ᭄‌‌ᬲᬗᬸᬦ᭄ᬓᬓᬵ᭟ᬧᬢᬶᬄᬘᭂᬫ᭄ᬧᬵ᭠ᬯᬸᬲ᭄ᬧ᭄ᬭᬢ᭄ᬬᬓ᭄ᬱᬵ᭞ᬲᬳᬶᬫᬗᬫᭀᬂᬩᬦᬯᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬯᬸᬄᬋᬓᭀ᭞ᬭᬶᬂᬧᬮᬩ᭄ᬯᬦ᭄‌‌ᬲᭀᬭᬶᬂᬢᬭᬸᬳᬸᬗᬸ
᭞ᬮᬦ᭄ᬢᬲ᭄ᬫᬫᬃᬕ᭄ᬕᬶᬲᬕ᭄ᬭᬳᬦ᭄᭞ᬢᬸᬃᬫᬮᬶᬗ᭄ᬕᬶᬄ᭞ᬧᬶᬦᬋᬓ᭄ᬤᬾᬦᬶᬂᬓᬤᬾᬯᬶᬸᬢᬶᬸᬳᬦ᭄᭟ᬲᬗ᭄ᬳ᭄ᬬᬂᬯᬸᬮᬦ᭄ᬗᬦ᭄ᬢ᭄ᬬᬂᬫ᭄ᬤᬮ᭄᭞ᬧᬗ᭄ᬮᭀᬂᬳᬧᬶᬲᬦ᭄ᬤᬵᬤᬭᬶᬦ᭄᭞ᬓᬸᬫ᭄ᬜᬃᬚᬕᬢᬾᬋᬓᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬚᬮᬦ᭄ᬚᬦᬶᬓᬓᬵ
ᬧᬤᬵ᭞ᬫᬸᬂᬧᬸᬂᬲ᭄ᬮᬶᬤ᭄᭞ᬢᬸᬫᬸᬭᬸᬦ᭄ᬭᬭᬶᬲ᭄‌‌ᬫᬫᬃᬕ᭄ᬕᬵ᭟ᬲᬵᬫ᭄ᬧᬸᬦ᭄ᬳᭂᬚᭀᬄᬫᬗᬮᬾᬭᬂ᭞ᬢ᭄ᬯᬭᬤᬵᬳᬤᬓᬧᬗ᭄ᬕᬶᬄ᭞ᬩᬸᬓᬵᬫᬶᬢᬸᬤᬸᬳᬶᬂᬯᬶᬦᭀᬦ᭄᭞ᬢᬫ᭄ᬧᭂᬓ᭄ᬬᬯᬸᬫᬄᬤᬾᬩ᭄ᬓᬸᬂ᭞ᬚ᭄ᬮᬦᬦᬾᬲᬸᬩᬵᬗᭂᬦᬄ᭞ᬤᬯᬸᬄᬫᬃ [ 66 ][᭖᭕ 65B]
᭖᭕
ᬕ᭄ᬕᬶ᭞ᬲ᭄ᬧᬶᬳᬦᬓᬾᬫᬓ᭄ᬚᬂ᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬮᬯᬗᬦ᭄᭞ᬳᬲᬸᬦᬾᬫᬘᬓᬮ᭄ᬢᬭᬶᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬸᬗ᭄ᬓᬩ᭄ᬮᬯᬂ᭞ᬤᬾᬩ᭄ᬓᬸᬂᬦᬭᬚᬂᬧᭂᬲᬸ᭞ᬫᬢᬓᭀᬦ᭄‌‌ᬳ᭄ᬜᬾᬦ᭄ᬤᬶᬯᬗᬦ᭄᭞ᬳ᭄ᬤᬵᬫᬳᬶ᭞ᬲᬸᬩᬵᬧ᭄ᬢᭂᬂᬤᬸᬱ᭄ᬝᬓᬢᬄ᭟ᬭᬤᬾᬦ᭄ᬫᬦ᭄ᬢ᭄ᬭᬶ
ᬢᬦ᭄ᬧᬗᬸᬘᬧ᭄᭞ᬓᬬᬸᬦᬾᬢ᭄ᬯᬄᬫᬘᬤᬶᬦᬶᬦ᭄᭞ᬫᬲᬶᬄᬫᬗᬸᬗ᭄ᬓᬩ᭄ᬮᬯᬗᬦ᭄᭞ᬤᬾᬩ᭄ᬓᬸᬂᬦᬸᬫ᭄ᬩᬓ᭄ᬩᬦ᭄ᬲᬤᬸ᭞ᬤᬤᬶᬳᭂᬩᬄᬫᬦᬸᬗ᭄ᬓᬬᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬕᬸᬫᬸᬬᬸᬭᬭᬶᬲ᭄ᬫᬜᬕ᭄ᬚᬕ᭄᭟ᬢᬦ᭄ᬤ᭄ᬭᬸᬄᬩᬧᬵᬢ᭄ᬓᬾᬦ᭄ᬢᬶᬢ᭄ᬬᬂ᭞ᬳᬶᬘᬂᬢᬾᬳᬶᬫᬦ᭄ᬢ᭄ᬭᬶ
ᬩᬮᬶ᭞ᬓᬲᬭᬸᬗᬦ᭄‌‌ᬯ᭄ᬗᬶᬋᬓᭀ᭞ᬤᬾᬩ᭄ᬓᬸᬂᬗᬯᬸᬓᬶᬦᬾᬳ᭄ᬮᬸᬄ᭞ᬫᬳᬶᬢᬾᬜᬳᬶᬳᬾᬗ᭄ᬕᬮᬂ᭞ᬗᬩᬵᬲᬸᬦ᭄ᬤᬶᬄ᭞ᬫᬲᬶᬄᬧᬓ᭄ᬦᭂᬳᬾᬫᬭᬲ᭄᭟ᬩᬳᬦ᭄ᬜᬦᬾᬲᬸᬩᬦᬸᬫ᭄ᬩᬓ᭄᭞ᬫᬦ᭄ᬤᬬᬦᬶᬦ᭄ᬫᬲᬶᬄᬫᬮᬶᬂ᭞ᬳᬾᬗ᭄ᬕᬮᬂᬲᬸᬦ᭄ᬤᬶᬳᬾᬋ
ᬓᭀ᭞ᬫᬲᬶᬄᬦ᭄ᬮᬶᬓ᭄‌‌ᬳ᭄ᬦᬸᬤᬶᬢᬸ᭞ᬦᬾᬳ᭄ᬮᬸᬄᬮᬯᬸᬢ᭄ᬗᬾᬗ᭄ᬕᬮᬂ᭞ᬗᬩᬵᬲᬸᬦ᭄ᬤᬶᬄ᭞ᬕ᭄ᬥᬾᬬᬂᬜᬳᬶᬓᭀᬩᬭᬂ᭟ᬦᬾᬳ᭄ᬮᬸᬄᬫᬗᬸᬬᭂᬂᬧ᭄ᬭᬓ᭄ᬧᬓ᭄᭞ᬧ᭄ᬤᬲ᭄ᬫᬗ᭄ᬓᬶᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬦᬾᬩᬳᬦᬸᬤᬸᬓ᭄ᬫᬓ᭄ᬮᭀ᭞ᬤᬯᭂᬕᬾᬫᬫᭂᬜ᭄ᬘᬃᬫ

[᭖᭖ 66A]
᭖᭖
ᬮᬸ᭞ᬚᬦᬶᬤᬦᬾᬧ᭄ᬤᬲ᭄ᬧᬶᬲᬦ᭄᭞ᬢᬸᬃᬚᬕ᭄ᬚᬕᬶᬦ᭄᭞ᬲᬤᬸᬦᬾᬭᬭᬶᬲ᭄ᬘᭀᬓᭀᬮᬂ᭟ᬤᬸᬄᬭᬢᬸᬕᬸᬲ᭄ᬢᬶᬫᬲ᭄ᬫᬶᬭᬄ᭞ᬧᬶᬤᬦ᭄ᬳᬶᬭᬢᬸᬫᬭᬶᬓᬶ᭞ᬲᬃᬯ᭄ᬯᬶᬬᬵᬫᬫ᭄ᬓᬸᬮ᭄ᬯᬗ᭄ᬓᭀᬂ᭞ᬳᬫ᭄ᬧᬸᬭᬵᬧᬜ᭄ᬚᬓᬾᬧ᭄ᬮᬸᬤ᭄᭞ᬩᭀᬬᬵᬓ᭄ᬦᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫ
ᬗᬾᬮᬶᬗᬶᬦ᭄᭞ᬳᬦ᭄ᬢᬸᬓ᭄ᬧ᭄ᬢᭂᬂᬢᬶᬢ᭄ᬬᬂᬪᬹᬣᬵ᭟ᬳᭂᬗ᭄ᬓᬾᬦ᭄ᬤᬾᬯᬵᬓ᭄ᬦᬵᬢᬸᬫ᭄ᬩᬓ᭄᭞ᬫᬦᬯᬶᬭᬕᬦᬾᬓᬦᬶᬦ᭄᭞ᬫᬱᬵᬳᬶᬘᬂᬓ᭄ᬦᬵᬋᬓᭀ᭞ᬩᬮᬶᬳᬶᬦ᭄ᬲᬥᬸᬦᬾᬫᬮᬸ᭞ᬤᬾᬩ᭄ᬓᬸᬂᬳᬾᬯᬵᬫᬜ᭄ᬫᬓ᭄᭞ᬫᬫᬮᬶᬳᬶᬦ᭄᭞ᬲᬕᬾᬢ᭄ᬜᬾ
ᬗ᭄ᬮᭀᬓ᭄ᬢᬸᬃᬫᬧᬶᬮᬂ᭟ᬤᬾᬩ᭄ᬓᬸᬂᬳ᭄ᬮᬸᬄᬦᬭᬚᬂ᭞ᬫᬜᬯᬸᬧ᭄ᬢᬸᬃᬫᬫᬲᬶᬳᬶᬦ᭄᭞ᬤᬸᬄᬭᬢᬸᬤᬾᬯᬵᬫᬲᬶᬗᭀᬂ᭞ᬭᬯᬸᬄᬲᬚᬵᬓᭀᬳᬶᬭᬢᬸ᭞ᬫᬜ᭄ᬚᭂᬦᬸᬓᬶᬦ᭄ᬢᬶᬢ᭄ᬬᬂᬮᬭᬵ᭞ᬮᬄᬫᬭᬶᬓᬶ᭞ᬫᬦ᭄ᬢᬸᬓᬦ᭄ᬫᬮᬶᬗ᭄ᬕᬶᬄᬫᬶᬭᬄ᭟ᬤᬸᬄᬘᬳᬶᬓ᭄ᬫᬵᬳᬾᬗ᭄ᬕᬮᬂ᭞᭠
ᬓᬲᬸᬃᬕᬍᬂᬧᬤᬵᬳᬮᬶᬄ᭞ᬳᬶᬭᬵᬗᬍᬓᭂᬲ᭄ᬗᬾᬗ᭄ᬕᬮᬂ᭞ᬦᬾᬫ᭄ᬯᬦᬶᬫᬗᬮᬶᬄᬳᬶᬚᬸ᭞ᬗᬩᬵᬓᬤᬸᬮ᭄ᬯᬦ᭄ᬗᭂᬩᬢᬂ᭞ᬯᬸᬲ᭄ᬜᬧ᭄ᬯᬶᬦ᭄᭞ᬮᬗ᭄ᬲᬾᬦᬾᬲᬫᬶᬫᬕᬫ᭄ᬩᬵᬃ᭟ᬮᬄᬫᬮᬶᬗ᭄ᬕᬶᬄᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬢᬸᬫᬸᬮᬶᬄᬲᬫᬶᬳᬮᬶᬗ᭄ᬕᬶᬄ᭞ᬭᬳ [ 67 ][᭖᭖ 66B]
᭖᭖
ᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬳᬸᬮᭀᬦ᭄᭞ᬤᬾᬩ᭄ᬓᬸᬂᬦᬾᬳ᭄ᬮᬸᬄᬭᬯᬸᬄ᭞ᬫᬓ᭄ᬢᬵᬲ᭄ᬤᬄᬢᬶᬕᬂᬯᬤᬄ᭞ᬫᬗᬢᬸᬭᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬮᬾᬦ᭄ᬧᬯᭀᬗᬦ᭄᭟ᬲᬫ᭄ᬧᬸᬦ᭄ᬯᬸᬲᬦ᭄ᬤᬳᬃᬘᬦᬂ᭞ᬤᬾᬩ᭄ᬓᬸᬂᬮᬸᬄᬫ᭄ᬯᬦᬶᬕᬶᬧᬶᬄ᭞ᬦᬾᬳ᭄ᬮᬸᬄᬗᬸᬲ᭄ᬓᬸᬲ᭄ᬓᬧᬯᭀᬦ᭄᭞ᬩ᭄ᬭᬲ᭄ᬳᬸᬮᬫ᭄ᬲᬫ᭄ᬧᬸ
ᬦ᭄‌‌ᬮ᭄ᬬᬸ᭞ᬳᬸᬮᬫ᭄ᬯᬶᬚᬶᬮᬶᬦ᭄ᬲᬕᬭᬵ᭞ᬲᬫ᭄ᬧᬸᬦ᭄ᬲᬫᬶ᭞ᬧ᭄ᬭᬕᬢ᭄ᬲᬧ᭄ᬭᬢᬾᬓᬦ᭄ᬤᬳᬃ᭟ᬯᬸᬲ᭄ᬫᬲᬕᬶᬯᬸᬲ᭄ᬫᬘᬘᬃ᭞᭠ᬫ᭄ᬯᬄᬓᬢᬸᬭᬶᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬾᬩ᭄ᬓᬸᬂᬗᬬᬳᬶᬦ᭄ᬳᬾᬧᭀᬢ᭄᭞ᬭᬭᬶᬲ᭄ᬗᬢᬸᬭᬶᬦ᭄ᬫᬜᭂᬓᬸᬮ᭄᭞ᬲᬫ᭄ᬧᬸᬦ᭄ᬫᬚᬸᬚᭀᬦ᭄ᬚᭀᬚᭀᬦ
ᬦ᭄᭞ᬧᬸᬦᬂᬮᬶᬗ᭄ᬕᬶᬄ᭞ᬢᬸᬫᬸᬮᬶᬄᬫᬗ᭄ᬓᬶᬦ᭄ᬳᬦᬤᬄ᭟ᬢᬦ᭄ᬓᭀᬰᬶᬲ᭄ᬓᬸᬮ᭄ᬳᬸᬮᬫ᭄᭞ᬳᬾᬦᬓ᭄ᬬᬫᬦᬥᬄᬲᬫᬶ᭞ᬳᬭᬓ᭄ᬳᬦᬶᬲ᭄ᬮᬯᬦ᭄ᬤᭀᬲᭀᬮ᭄᭞ᬓᭀᬘᬧᬳᬸᬲᬦ᭄ᬫᬜ᭄ᬓᬸᬮ᭄᭞ᬯᬸᬲ᭄ᬫᬯᬚᬶᬓ᭄ᬫᬓᬵᬓᬸᬭᬄ᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬲᬫᬶᬯᬸᬲ᭄ᬫ
ᬗᬶᬦᬂᬦᬡ᭄ᬦᬂ᭟ᬤᬾᬩ᭄ᬓᬸᬂᬳᭂᬮᬸᬄᬫᬜ᭄ᬚᬕ᭄ᬚᬕ᭄᭞ᬫᬢᬸᬃᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢᬶᬢ᭄ᬬᬂᬢ᭄ᬯᬄᬫᬳᬢᬸᬃᬋᬓᭀ᭞ᬧᬸᬦᬧᬶᬓᬃᬬ᭄ᬬᬦ᭄ᬳᬶᬭᬢᬸ᭞ᬫᬭᬶᬓᬶᬫᬮᬶᬄᬓᬚᬯᬵ᭞ᬮᬄᬦᬶᬓᬳᬶᬦ᭄᭞ᬦᬾᬫᬗ᭄ᬓᬶᬦ᭄ᬧᬜ᭄ᬚᬓᬾᬢ᭄ᬯᬵ᭟ᬫᭂᬦ᭄ᬤᭂᬧ᭄ᬩᬶ

[᭖᭗ 67A]
᭖᭗
ᬩᬶᬳ᭄ᬤᬯᬾᬭᬵ᭞ᬳᬶᬘᬂᬗᬮᬶᬄᬭᬤᬾᬦ᭄ᬤᬾᬯᬶ᭞ᬳᬦᬯᬂᬢ᭄ᬭᬗ᭄ᬕᬡᬵᬋᬓᭀ᭞ᬫ᭄ᬮᬄᬭᬶᬭᬶᬳᬾᬩᬲ᭄ᬓᬲᬸᬩ᭄᭞ᬩᬶᬩᬶᬩᬓᬮ᭄ᬢᬸᬦ᭄ᬤᬾᬦ᭄ᬳᬶᬘᬂ᭞ᬤᬤᬶᬘᬾᬢᬶ᭞ᬤᬾᬩ᭄ᬓᬸᬂᬫᬢᬸᬃᬳᬦᭂᬫ᭄ᬩᬄ᭟ᬲᬦ᭄ᬤᬶᬓᬵᬦ᭄ᬕᬸᬲ᭄ᬢᬶᬫᬲ᭄ᬫᬶᬭᬄ᭞ᬦᬤ᭄ᬬᬦ᭄ᬢᬶᬢ᭄ᬬᬂᬧᬘᬂᬫᬢᬶ᭞ᬢᬶᬢ᭄ᬬᬂ
ᬲᬸᬓᬵᬢ᭄ᬯᬄᬓᬚ᭄ᬭᭀ᭞ᬫᬫᬋᬓ᭄ᬭᬳᬤᬾᬦ᭄ᬕᬮᬸᬄ᭞ᬲᬫ᭄ᬩᬶᬮ᭄ᬢᬶᬢ᭄ᬬᬂᬗᬤᭂᬧ᭄ᬩᬸᬗ᭄ᬳᬵ᭞ᬦᬾᬦᬾᬫᬦᬶ᭞ᬦᬾᬫ᭄ᬯᬦᬶᬫᬾᬲᭂᬫ᭄ᬳᬗᬸᬘᬧ᭄᭟ᬕᬫ᭄ᬩᬸᬳᬾᬲᬳᬶᬫᬲᭀᬮᬄ᭞ᬜᬳᬶᬓ᭄ᬫᬵᬚᬵᬓᬧᬸᬭᬶ᭞ᬳ᭄ᬤᬜᬳᬶᬯ᭄ᬥᬶᬭᬶᬂᬩᭀᬢ᭄᭞ᬦᬤ᭄ᬬᬦᬶᬭᬵᬜᬳᬶ
ᬧᬸᬧᬸᬢ᭄᭞ᬮᬫᬸᬦ᭄ᬲᬸᬩᬵᬳᬶᬤᬵᬭᬤ᭄ᬬᬦ᭄᭞ᬦᬸᬦ᭄ᬤᬾᬦ᭄ᬜᬳᬶ᭞ᬲᬓ᭄ᬢᬶᬮ᭄ᬜᬦᬾᬲᬤ᭄ᬬᬬᬵᬂ᭟ᬩᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬬᬦ᭄ᬩᬶᬩᬶᬢ᭄ᬓᭂᬤᬶᬧᬸᬭᬶ᭞ᬮᬫᬸᬦ᭄ᬭᬫᬾᬳᬕᬸᬕᬸᬬᭀᬦ᭄᭞ᬓᬂᬧᬶᬋᬗᬦ᭄ᬭᬶᬂᬚ᭄ᬭᭀᬳᬕᬸᬂ᭞ᬳᬶᬘᬂᬲᬸᬩᬤᬶᬩᬜ᭄ᬘᬶᬗᬄ᭞
ᬮᬄᬳᬢᬸᬭᬶᬦ᭄᭞ᬭᬳᬤᬾᬦ᭄ᬕᬮᬸᬄᬓᬚᬩᬵ᭟ᬲᬦ᭄ᬤᬶᬓᬵᬦ᭄ᬕᬸᬲ᭄ᬢᬶᬫᬲ᭄ᬫᬶᬭᬄ᭞ᬫᬭᬶᬓᬵᬫᬺᬫ᭄ᬫᬲ᭄ᬫᬡᬶᬓ᭄᭞ᬦᬯᬶᬳᬶᬭᬢᬸᬓᬍᬲᭀᬦ᭄᭞ᬦᬄᬓ᭄ᬫᬵᬩᬶᬩᬶᬳᬢᬸᬭᬸ᭞ᬦᬗ᭄ᬳᬶᬂᬳᬚᬓᬶᬦ᭄ᬳᬶᬫᬫᬦ᭄᭞ᬬᬵᬳᬚᬓᬶᬦ᭄᭞ᬮᬯᬸᬢ᭄ᬫᬳᬶᬲᭂ [ 68 ][᭖᭗ 67B]
᭖᭗
ᬗᬶᬲᭂᬗᬦ᭄᭟ᬤᬾᬯᬵᬭᬢᬸᬢᬶᬢ᭄ᬬᬂᬢᬸᬯᬵ᭞ᬲᬫ᭄ᬧᬸᬦ᭄ᬯᬸᬲᬦ᭄ᬓᬃᬬ᭄ᬬᬲᬫᬶ᭞ᬤᬾᬩ᭄ᬓᬸᬂᬬᬵᬓᬧᬵᬢᬸᬭᭀᬦ᭄᭞ᬢᬦ᭄ᬓᭀᬘᬧᬜᬵᬤᬾᬩ᭄ᬓᬸᬂ᭞ᬩᬕᬸᬲᬸᬫ᭄ᬩᬭᬵᬓᭀᬘᬧᬵ᭞ᬭᬭᬶᬲ᭄ᬫᬾᬮᬶᬄ᭞ᬢ᭄ᬓᬾᬦ᭄ᬲᬩᬸᬓᬾᬲᬮᬶᬯᬄ᭟ᬧᬲᬸᬗᬾᬭᬳᬤᬾᬦ᭄ᬚ
ᬯᬵ᭞ᬤᬯᭂᬕᬾᬓᬭᬶᬤᬶᬩᬮᬶ᭞ᬭᬭᬶᬲ᭄ᬫᬗᭂᬜᭂᬧᬂᬳᭂᬦ᭄ᬢᭀ᭞ᬓᬾᬥᭂᬧᬂᬭᬳᬤᬾᬦ᭄ᬕᬮᬸᬂ᭞ᬭᬤᬾᬦ᭄ᬳᬦᬯᬂᬢ᭄ᬭᬗ᭄ᬕᬡ᭄ᬦᬵ᭞ᬢ᭄ᬯᬄᬓᬳᬾᬱ᭄ᬝᬶ᭞ᬯ᭄ᬗᬶᬲᬵᬫ᭄ᬧᬸᬦ᭄ᬤᬯᬸᬄᬮᬶᬫᬵ᭟ᬳ᭄ᬦᭂᬗᬓ᭄ᬦᬵᬭᬳᬤ᭄ᬬᬦ᭄᭞ᬯᬸᬯᬸᬲᭂᬦ᭄ᬭᬳᬤᬾᬦ᭄ᬤᬾᬯᬶ᭞ᬫᬶᬸᬯᬸᬲ᭄ᬫᬸᬗ᭄ᬕᬄᬫᬭᬶᬂᬧ
ᬢᬸᬭᭀᬦ᭄᭞ᬲᬋᬂᬭᬳᬶᬦᬾᬳᬢᬸᬭᬸ᭞ᬯᬳᬸᬢᬸᬭᬸᬢᬸᬭᬸᬳᬬᬫ᭄᭞ᬓᬕ᭄ᬬᬢ᭄ᬫᬗ᭄ᬓᬶᬦ᭄᭞ᬦᬯᬂᬢ᭄ᬭᬗ᭄ᬕᬡᬵᬜᬸᬧ᭄ᬦᬵ᭟ᬩᬕᬸᬲᬸᬫ᭄ᬩᬭᬵᬓᬲ᭄ᬯᬧ᭄ᬦᬵ᭞ᬚᬸᬫᭀᬕ᭄ᬭᬯᬸᬄᬭᬶᬂᬧᬸᬭᬶ᭞ᬮᬓ᭄ᬱᬡᬵᬫᬗᭂᬦ᭄ᬤᭀᬦ᭄ᬢᬸᬭᭀᬦ᭄᭞ᬲᬧ᭄ᬭᬧ᭄ᬢᬵᬦᬾ
ᬲᬃᬯ᭄ᬯᬗ᭄ᬭᬸᬫ᭄ᬭᬸᬫ᭄᭞ᬯᬘᬦᬦ᭄ᬬᬳᬫ᭄ᬮᬲᬃᬱᬵ᭞ᬗᬲᬶᬳᬰᬶᬄ᭞ᬮ᭄ᬯᬶᬃᬲᬧᭂᬤᭂᬍᬦ᭄ᬢᬶᬗ᭄ᬳᬵᬮ᭄᭟ᬳᬢᬗᬶᬳᬗ᭄ᬕᬕᬧ᭄ᬕᬕᬧ᭄᭞ᬫᬗ᭄ᬮᬶᬂᬮᬯᬸᬢ᭄ᬗᬸᬮᬶᬫᬶᬤ᭄᭞ᬓᬾᬦᬾᬍᬧᬲ᭄ᬓᬾᬦᬾᬢᬶᬤᭀᬂ᭞ᬧ᭄ᬲᬸᬫᬸᬜᬶᬦᬾᬜ᭄ᬚᬮᬫᬸᬢ᭄᭞ᬢᬸᬫᬸ᭠

[᭖᭘ 68A]
᭖᭘
ᬮᬶᬄᬳᬗᬫ᭄ᬩᬢᬫ᭄ᬩᬢ᭄᭞ᬲᬫ᭄ᬩᬶᬮ᭄ᬦᬗᬶᬲ᭄᭞ᬗᬸᬯᬸᬢ᭄ᬳᭂᬦ᭄ᬢᬸᬤ᭄‌‌ᬫᬦ᭄ᬢᭂᬕ᭄ᬢᬗ᭄ᬓᬄ᭟ᬬᬾᬦ᭄ᬩᭂᬮᬶᬤᬶᬦᬶᬤᬶᬚᬯᬵ᭞ᬫᬫᬸᬭ᭄ᬯᬦᬶᬦ᭄ᬫᬜ᭄ᬚᭂᬦᭂᬂᬫᬦ᭄ᬢ᭄ᬭᬶ᭞ᬤ᭄ᬬᬲ᭄ᬢᬸᬦ᭄‌‌ᬤᬾᬰᬵᬦ᭄ᬩᭂᬮᬶᬳᭂᬚᭀᬄ᭞ᬬᬵᬓᬾᬚᬮᬦᬦ᭄ᬳᬢᬯᬸᬦ᭄᭞ᬤ᭄ᬯᬂᬢᬯᬸᬦ᭄ᬢᬶᬢ᭄ᬬᬂᬢ᭄ᬓᬵ᭞ᬗᬮᬶᬄᬩ᭄ᬮᬶ
᭞ᬦᬤ᭄ᬬᬦ᭄ᬫᬫᭂᬦᬾᬓᬶᬦ᭄ᬧᬮ᭄ᬯᬵ᭟ᬫᬗ᭄ᬓᬶᬦ᭄ᬩᭂᬮᬶᬲᬫ᭄ᬧᬸᬦ᭄ᬮᬸᬯᬲ᭄᭞ᬫ᭄ᬭᬱᬵᬢᬶᬢ᭄ᬬᬂᬫᬢᬶᬲ᭄ᬥᬶᬄ᭞ᬳᬦᬓ᭄ᬢᬶᬢ᭄ᬬᬂᬢᬸᬮᬄᬋᬓᭀ᭞ᬳᬩᭂᬢ᭄ᬫᬸᬮᬾᬩ᭄ᬯᬶᬦ᭄ᬘᭂᬮᬸᬢ᭄᭞ᬓᬯᬸᬭᬶᬦᬾᬢ᭄ᬯᬭᬵᬢᬯᬂ᭞ᬤᭀᬂᬓᬾᬚᬦᬶ᭞ᬫᬓ᭄ᬮᭀᬓ᭄ᬮᭀᬭᬱᬬᬂ᭟ᬫᬳᬶᬭᬶᬩ᭄ᬢ᭄ᬯᬭᬲᬓᬶᬢᬂ᭞
ᬲᬗ᭄ᬓᬦ᭄ᬳᬯᬓᬾᬤᬸᬮᬗᬶ᭞ᬤᭀᬱᬦ᭄ᬳᬯᬓ᭄ᬳᭂᬜᬾᬦ᭄ᬓᭀᬦ᭄ᬓᭀᬦ᭄᭞ᬫᬜ᭄ᬚᬸᬯᬂᬗᬶᬦᭂᬕᭂᬦ᭄ᬜᬸᬯᬸᬦ᭄᭞ᬦᬤ᭄ᬬᬦ᭄ᬩᬳᬢ᭄ᬯᬄᬢᬳᬦᬂ᭞ᬫᬜᬦ᭄ᬤᬗᬶᬦ᭄᭞ᬤ᭄ᬬᬲ᭄ᬢᬸᬦ᭄ᬫᬢᬶᬤᬵᬜᭂᬮ᭄ᬲᭂᬮᬂ᭟ᬳᬦ᭄ᬯᬂᬢᬭᭀᬳᬢᬗ᭄ᬬ᭞ᬗ᭄ᬭᬸᬗᬸᬭᬓᬦᬾᬳᬦᬗᬶ
ᬲ᭄᭞ᬢᬸᬫᬸᬮᬶᬭᬭᬶᬲ᭄ᬫᬢᬓᭀᬦ᭄᭞ᬓᬾᬦ᭄ᬓᬾᬦ᭄ᬳᭂᬫ᭄ᬩᭀᬓᬦ᭄ᬤᬵᬦᬶᬧᬸᬦ᭄᭞ᬳᬦ᭄ᬤᬶᬓᬵᬬᬂᬢ᭄ᬓᬾᬦ᭄ᬢᬶᬢ᭄ᬬᬂ᭞ᬳᬤᬸᬄᬜᬳᬶ᭞ᬢᬦ᭄ᬤ᭄ᬭᬸᬄᬓᬾᬜᬳᬶᬭᬶᬂᬓᬦ᭄ᬤᬵ᭟ᬳᭂᬫ᭄ᬩᭀᬓ᭄ᬢ᭄ᬯᬄᬜᬂᬲᬭᬳᬯᬓ᭄᭞ᬲᬗ᭄ᬓᬦ᭄ᬚᬦᬶᬫᬦ᭄ᬤᬸᬮᬗᬶ᭞ᬳᭂᬫ᭄ᬩᭀᬓ᭄ [ 69 ][᭖᭘ 68B]
᭖᭘
ᬧᬶᬲᬦ᭄ᬢᬳᬦᬗ᭄ᬳᬵ᭞ᬬᬾᬦ᭄ᬱᬶᬳᭂᬫ᭄ᬩᭀᬓ᭄ᬧᬶᬲᬦ᭄ᬧᬸᬧᬸᬢ᭄᭞ᬳᬶᬬᬵᬚᬵᬲᬳᬶᬫᬗᭂᬦᬂ᭞ᬦᬫᬵᬲ᭄ᬥᬶᬄ᭞ᬜᬳᬶᬩᬾᬦᬦ᭄ᬜᬮᬶᬫᬸᬭᬂ᭟ᬳᭂᬫ᭄ᬩᭀᬓ᭄ᬚᬦᬶᬫᬗᭀᬭᬳᬂ᭞ᬦᬾᬦᬾᬫᬦᬶᬤᬦᬾᬫᬳᬶ᭞ᬤᬦᬾᬢ᭄ᬯᬄᬫᬜ᭄ᬚᬸᬯᬂᬳᭂᬫ᭄ᬩᭀᬓ᭄᭞ᬢᬸᬃᬤᬦᬾ᭠
ᬫᬳᬶᬧᬶᬩᬯᬸ᭞ᬦᬾᬦᬾᬫᬦᬶᬳᭂᬫ᭄ᬩᭀᬓ᭄ᬳᬶᬮᬂ᭞ᬜᬳᬶᬤᬶᬦᬶ᭞ᬳ᭄ᬤᬧᬶᬲᬦ᭄ᬫᬗ᭄ᬯᬾᬭᬬᬂ᭟ᬦᬯᬂᬢᬭᭀᬲᬯᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬮᬶᬦ᭄ᬢᬂᬚ᭄ᬭᬶᬄ᭞ᬧᬘᬂᬫᬗ᭄ᬯᬾᬭᬬᬂᬳᭂᬫ᭄ᬩᭀᬓ᭄᭞ᬲ᭄ᬯᬾᬩᬦ᭄ᬫᬓ᭄ᬭᬸᬡᬤᬶᬢᬸ᭞ᬧᬸᬢᬶᬄᬢᬶᬫᬸᬃᬳᬩᬂᬯᬾᬢᬦ᭄᭞ᬫᬸ
ᬜᬶᬦ᭄ᬧᬓ᭄ᬱᬶ᭞ᬢᬸᬳᬸᬢᬸᬳᬸᬮᬯᬦ᭄ᬳᬬᬫ᭄᭟ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬢᬢᬲ᭄ᬕᬮᬂ᭞ᬢᬸᬫᬸᬭᬸᬦ᭄ᬫᬗ᭄ᬓᬶᬦ᭄ᬫᬗ᭄ᬭᬭᬶᬲ᭄᭞ᬓᬧᬜ᭄ᬘᭀᬭᬦ᭄ᬳᭂᬫᬲ᭄ᬗᭀᬚᭀᬕ᭄᭞ᬫᬲᬶᬲᬶᬕ᭄ᬮᬯᬸᬢ᭄ᬫᬳᬫ᭄ᬩᬸᬄ᭞ᬢᬸᬃᬫᬲᬶᬭᬫ᭄ᬳᬕ᭄ᬮᬶᬲᬦ᭄᭞ᬯᬸᬲᬦ᭄ᬫᬗ᭄ᬓᬶᬦ᭄᭞ᬭᬭᬶᬲ᭄ᬫᬦ᭄ᬢᬸᬓ᭄ᬭᬶᬂ
ᬚ᭄ᬭᭀᬧᬸᬭᬵ᭟ᬓᬸᬫᬋᬜ᭄ᬘᬂᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬗᬾᬯᬄᬭᬫ᭄ᬩᬸᬢ᭄ᬳᬲᬸᬲᬸᬭᬶ᭞ᬗ᭄ᬮᬶᬗ᭄ᬕᬶᬳᬶᬦ᭄ᬤᬤᬫ᭄ᬧᬃᬓᬯᭀᬢ᭄᭞ᬘᬘᬶᬗᬓᬾᬲᬤᬵᬩ᭄ᬓᬸᬮ᭄᭞ᬮᬳᬤᬾᬦᬗᬶᬲ᭄ᬫᬜᬩ᭄ᬭᬦ᭄᭞ᬗᬚᬸᬫ᭄ᬯᬦᬶ᭞ᬫᬲ᭄ᬓᬃᬲᬭᬸᬦᬶᬕᬸᬩᬄ᭟ᬢ

[᭖᭙ 67A]
᭖᭙
ᬦ᭄ᬓᭀᬘᬧᬵᬳᬵᬭᬶᬂᬧᬸᬭᬵ᭞ᬤᬾᬩ᭄ᬓᬸᬂᬓᭀᬘᬧᬵᬫᬮᬶᬄ᭞ᬳᬓᬾᬄᬧᭀᬮᬶᬄᬩᬸᬗ᭄ᬳᬵᬓᬯᭀᬢ᭄᭞ᬫᬯᬤᬄᬯᬓᬸᬮᬾᬮᬸᬳᬸᬂ᭞ᬤᬯᬸᬄᬢ᭄ᬮᬸᬲᬗ᭄ᬳ᭄ᬬᬂᬲᬸᬃᬬ᭄ᬬᬵ᭞ᬲ᭄ᬫᬸᬕᬶᬧᬶᬄ᭞ᬫᭂᬲᬾᬄᬓᬫ᭄ᬩᭂᬦ᭄ᬗᬦ᭄ᬢ᭄ᬬᬂᬮ᭄ᬯᬲ᭄᭟ᬤᬸᬄᬭᬢᬸᬕᬸᬲ᭄ᬢᬶᬫᬲ᭄ᬫᬶᬭᬄ᭞ᬦᬾᬫᬗ᭄ᬓᬶ
ᬦ᭄ᬢᬶᬢ᭄ᬬᬂᬓᬧᬸᬭᬶ᭞ᬳ᭄ᬦᬄᬓ᭄ᬫᬵᬩᬶᬩᬶᬋᬓᭀ᭞ᬳᬶᬘᬂᬚᬦᬶᬧ᭄ᬲᬸᬗᬫ᭄ᬩᬸᬄ᭞ᬓᬾᬢᭀᬚᬵᬩᬶᬩᬶᬳᬶᬗ᭄ᬢᬂ᭞ᬳ᭄ᬤᬵᬮᬮᬶ᭞ᬧᬶᬋᬗᬂᬳᬸᬮᬶᬤᬶᬧᬸᬭᬵ᭟ᬲᬦ᭄ᬤᬶᬓᬦ᭄ᬕᬸᬲ᭄ᬢᬶᬫᬲ᭄ᬫᬶᬭᬄ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬫᬚᬮᬦ᭄ᬬᬫᬫᭂᬲᬸᬯᬂ᭞ᬗᬚᬶᬚᬶᬃ
ᬫᬜᬸᬯᬸᬦ᭄ᬯᬓᬸᬮ᭄᭞ᬢᬦ᭄ᬓᭀᬘᬧᬜᬭᬶᬂᬫᬃᬕᬵ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬩᬜ᭄ᬘᬶᬗᬄᬕᬕ᭄ᬮᬶᬲᬦ᭄᭟ᬕᬕᬫ᭄ᬮᬦ᭄ᬲᬫ᭄ᬧᬸᬦ᭄ᬫᭂᬤᬮ᭄᭞ᬯᭀᬂᬫᬩᬮᬶᬄᬳᬓᬾᬄᬧ᭄ᬭᬧ᭄ᬢᬶ᭞ᬧᬥᬓᬩᬜ᭄ᬘᬶᬗᬄᬗᭀᬚᭀᬕ᭄᭞ᬮᬸᬄᬫ᭄ᬯᬦᬶᬧ᭄ᬭᬤ᭄ᬳᬵᬭᬯᬸᬄ
᭞ᬧᬭᬕᬸᬲ᭄ᬢᬶᬧᬭᬫᬾᬦᬓ᭄᭞ᬓᭀᬘᬧ᭄ᬫᬮᬶᬄ᭞ᬤᬾᬩ᭄ᬓᬸᬂᬗᭀᬚᭀᬕ᭄ᬓᬧᬸᬭᬵ᭟ᬲᬧ᭄ᬭᬧ᭄ᬢᬦᬾᬫᬭᬶᬂᬧᬸᬭᬵ᭞ᬤᬧ᭄ᬢᬂᬭᬳᬤᬾᬦ᭄ᬤᬾᬯᬶ᭞ᬳᬮᬸᬗ᭄ᬕᬸᬄᬭᬶᬂᬩᬮᬾᬓᬯᭀᬢ᭄᭞ᬧᬶᬦᬋᬓ᭄ᬤᬾᬦᬶᬂᬧᬺᬕᬮᬸᬄ᭞ᬳᬓᬾᬄᬧᬸᬢ᭄ᬭᬶᬫ [ 70 ][᭖᭙ 69B]
᭖᭙
ᬭᬶᬂᬧᬸᬭᬵ᭞ᬦᭀᬭᬵᬦᬦ᭄ᬤᬶᬂ᭞ᬭᬳᬤᬾᬦᬯᬂᬢ᭄ᬭᬗ᭄ᬕᬡ᭄ᬦᬵ᭟ᬓᬜᬤᬾᬩ᭄ᬓᬸᬂᬲᬕᬾᬢᬦ᭄ᬢᭂᬓᬵ᭞ᬗᬩᬩᬸᬗ᭄ᬳᬵᬲᬃᬯ᭄ᬯᬵᬫᬶᬳᬶᬓ᭄᭞ᬭᬳᬤᬾᬦ᭄ᬕᬮᬸᬄᬓᬳᭀᬚᭀᬕ᭄᭞ᬭᬤᬾᬦ᭄ᬕᬮᬸᬄᬲ᭄ᬫᬸᬓ᭄ᬜᬸᬂ᭞ᬢᬸᬫᬸᬮᬶᬄᬭᬭᬶᬲ᭄ᬗᬦ᭄ᬤᬶᬓᬵ᭞ᬫᬳᬶᬩᬶ
ᬩᬶ᭞ᬫᬳᬶᬲᬶᬕ᭄ᬦᬶᬭᬵᬭᬾᬭᬾᬦᬂ᭟ᬤᬾᬩ᭄ᬓᬸᬂᬭᬭᬶᬲ᭄ᬗᬢᬸᬭᬂ᭞ᬭᬤᬾᬦ᭄ᬕᬮᬸᬄᬫᬦᬗ᭄ᬕᬧᬶᬦ᭄᭞ᬤᬸᬄᬩᬶᬩᬶᬤᬶᬚᬳᬵᬩᬓᬢ᭄᭞ᬩᬸᬗ᭄ᬳᬵᬦᬾᬮᬶᬯᬢ᭄ᬮᬸᬳᬸᬂ᭞ᬫᬶᬮᬶᬄᬩᬶᬩᬶᬗᬩᬩᬸᬗ᭄ᬳᬵ᭞ᬢ᭄ᬓᬵᬫᬳᬶ᭞ᬢ᭄ᬯᬭᬵᬤᬵᬓᬾᬦᬾᬭᬸᬧᬜᬵ᭟
ᬤᬸᬄᬤᬾᬯᬵᬕᬸᬲ᭄ᬢᬶᬭᬳᬤ᭄ᬬᬦ᭄᭞ᬢᬶᬢ᭄ᬬᬂᬫᬫᬸᬮᬵᬳᬓᬶᬤᬶᬓ᭄᭞ᬤᬸᬄᬩᬶᬩᬶᬦᬾᬧᬫ᭄ᬩᭂᬮᬶᬜ᭞ᬧᬶᬧᬶᬲ᭄ᬢᭂᬮᬸᬂᬤᬰᬢ᭄ᬮᬸ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬤᬕᬂ᭞ᬳᬫ᭄ᬩᬶᬮ᭄ᬲᬫᬶ᭞ᬭᬳᬤᬾᬦ᭄ᬕᬮᬸᬄᬦᬭᬶᬫᬵ᭟ᬦᬯᬂᬢ᭄ᬭᬗ᭄ᬕᬡᬵᬗᬦ᭄ᬤᬶᬓᬵ᭞ᬫᬶ
ᬲᬦ᭄ᬫᬶᬦ᭄ᬤᭀᬦᬾᬓᬯᬸᬓᬶᬦ᭄᭞ᬫᬳᬶᬧᬤᬵᬫᬶᬭᬄᬳᬶᬫ᭄ᬩᭀᬓ᭄᭞ᬳ᭄ᬦᬾᬩᬸᬗ᭄ᬳᬵᬮᬸᬳᬸᬂᬮᬸᬳᬸᬂ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬧᬥᬵᬜᬕ᭄ᬚᬕ᭄᭞ᬫᬫᬶᬮᬶᬳᬶᬦ᭄᭞ᬧᬤᬵᬫᬗ᭄ᬭᬸᬫ᭄ᬧᬸᬓᬂᬲ᭄ᬓᬵᬃ᭟ᬭᬸᬧᬦᬾᬫᬗᬬᬗᬬᬂ᭞ᬧᬲᬾᬮᬾᬃ

[᭗᭐ 70A]
᭗᭐
ᬓᬤᬶᬥᬥᬭᬶ᭞ᬧᬤᬵᬍᬯᬶᬄᬤᬶᬧᬗᬗ᭄ᬕᭀ᭞ᬧᬤᬵᬫᬩᬸᬗ᭄ᬓᬸᬂᬫᬲ᭄ᬫᬸᬭᬸᬩ᭄᭞ᬳᬲᬸᬯᭂᬂᬫᬲ᭄ᬢᬸᬮᬓ᭄ᬫᬸᬜ᭄ᬘᬃ᭞ᬓᬫᭃᬓᭂᬦ᭄ᬤᬶᬢ᭄᭞ᬢᬮᬶᬦ᭄ᬩᬜ᭄ᬘᬗᬾᬫᬗ᭄ᬭᬜᬩ᭄᭟ᬧᬤᬵᬗᬦ᭄ᬢ᭄ᬬᬂᬓᬩᬜ᭄ᬘᬶᬗᬄ᭞ᬫᬩᬮᬶᬄᬕᬫ᭄ᬩᬸᬳᬾᬲᬳᬶ᭞ᬢᬦ᭄ᬓᭀᬘᬧᬵᬜ
ᬤᬶᬚᭂᬭᭀ᭞ᬤᬶᬚᬩᬵᬫᬮᬶᬄᬓᬯᬸᬯᬸᬲ᭄᭞ᬕᬕᬫ᭄ᬮᬦᬾᬫᬲ᭄ᬯᬭᬵ᭞ᬗᬮᬶᬓᬮᬶᬓ᭄᭞ᬩᬕᬸᬲᬸᬫ᭄ᬩᬭᬵᬓᭀᬘᬧᬵ᭟ᬲᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬭᬸᬧᬦᬾᬩᬕᬸᬲ᭄ᬳᬗ᭄ᬭᬯᬶᬢ᭄᭞ᬓᬤᬾᬳᬦᬶᬭᬵᬦᭀᬫ᭄ᬫᬦᭀᬫ᭄᭞ᬲᬫᬶᬭᬸᬧ
ᬦᬾᬳᬩᬕᬸᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬃᬕ᭄ᬕᬵ᭞ᬫ᭄ᬯᬄᬧᬗᬶᬭᬶᬂ᭞ᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬭᬶᬂᬩᬜ᭄ᬘᬶᬗᬄ᭟ᬮ᭄ᬬᬸᬳᬦᬓᬾᬫᬧᬧᬲ᭄᭞ᬧᬤᬵᬕᬯᭀᬓᬦᬶᬗᬮᬶᬦ᭄᭞ᬧᬓᬶᬲᬶᬧᬤᬵᬫᬢᬓᭀᬦ᭄᭞ᬢ᭄ᬓᬾᬦ᭄ᬭᭀᬯᬂᬧᬤᬵᬤᬶᬢᬸ᭞ᬤᬸᬄ
ᬘᬳᬶᬳᭂᬦ᭄ᬢᭀᬯᬂᬗ᭄ᬳᬧᬵ᭞ᬩᬢᬂᬩ᭄ᬮᬶ᭞ᬫᬦᬶᬧᭀᬯᬦ᭄ᬫᬗ᭄ᬭᬸᬩᬾᬤᬵ‌᭟ᬘᬳᬶᬧᬾᬢ᭄ᬤᬶᬦᬶᬦᬶᬗᭂᬳᬂ᭞ᬮᬫᬸᬦ᭄ᬤᬶᬦᬶᬦᬢᬃᬚᬯᬶ᭞ᬲᬕ᭄ᬦᬳᬶᬂᬧ᭄ᬭᬪᬹᬓᬯᭀᬢ᭄᭞ᬫᬤᬺᬯᬾᬬᬵᬳᭀᬓᬵᬩᬕᬸᬲ᭄᭞ᬜᬢᬂᬩ᭄ᬮᬶᬩᭀᬬᬳ [ 71 ][᭗᭐ 70B]
᭗᭐
ᬤᬵ᭞ᬫᬗ᭄ᬮᭂᬯᬶᬳᬶᬦ᭄᭞ᬩᬕᬸᬲᬾᬫᬱᬵᬬᬵᬧᬤᬵ᭟ᬧᬤᬵᬬᬫᬲᬯᬸᬃᬦᬸᬯᬶᬬᬂ᭞ᬓᬮᬶᬂᬓᬾᬳᬦᬓᬾᬳᬶᬲ᭄ᬢ᭄ᬭᬶ᭞ᬳᬯᬓᬾᬫ᭄ᬯᬦᬶᬢ᭄ᬯᬄᬕᬾᬮᭀᬢ᭄᭞ᬢᬦ᭄ᬓᭀᬘᬧᬵᬯᬂᬳᬜᬸᬫ᭄ᬩᬸᬂ᭞ᬫᬦ᭄ᬢ᭄ᬭᬶᬲᬸᬫ᭄ᬩᬭᬵᬓᭀᬘᬧᬵ᭞ᬢᬫ᭄ᬧᭂᬓ᭄ᬫᬗ᭄ᬓᬶᬦ᭄᭞᭠
ᬢ᭄ᬧᬶᬦ᭄ᬧᬲᬭᬾᬫᬭᬃᬬ᭄ᬬᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬦᬶᬭᬗᬮᬶᬄᬤᬬᬵᬚᬦᬶ᭞ᬦᬶᬭᬗᬶᬮᬶᬢᬶᬢᬸᬜᭀᬗ᭄ᬓᭀᬓ᭄᭞ᬓ᭄ᬫᬵᬓᬓᬵᬲ᭄ᬫᬃᬫᬮᬸ᭞ᬫ᭄ᬮᬶᬩᬳᬲ᭄ᬳᬚᬶᬤᬤ᭄ᬯᬵ᭞ᬳᬩᬵᬫᬳᬶ᭞ᬳᬶᬲ᭄ᬫᬃᬕ᭄ᬮᬶᬲ᭄ᬫᬦᬸᬫ᭄ᬩᬲ᭄᭟ᬧᭀᬮᬶᬄᬩ᭄ᬭᬲ᭄ᬳ᭠
ᬚᬶᬤᬤ᭄ᬯ᭞ᬓᬢᬸᬃᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬦᬸᬚᬸᬢ᭄ᬯᬭᬳᬦᬓ᭄ᬢᬸᬫᭀᬦ᭄᭞ᬤᬶᬯᭀᬭᬶᬤᬶᬫᬮᬸᬲᬸᬳᬸᬂ᭞ᬳ᭄ᬦᬾᬩᬓᬮ᭄ᬧᬓ᭄ᬧᬓ᭄ᬦᬶᬭ᭞ᬗᬯᬾᬲᬶᬮᬶᬩ᭄᭞ᬤᬶᬦᬶᬮ᭄ᬬᬸᬦᬯᬂᬦᬶᬭᬵ᭟ᬭᬭᬶᬲ᭄ᬤᬦᬾᬫᬓ᭄ᬧᬓ᭄ᬩ᭄ᬭᬲ᭄᭞ᬤᭂᬓ᭄ᬤᭂᬓ᭄ᬤᬶᬘᬗ᭄ᬓᭂᬫᬾᬫᬗ᭄ᬓᬶᬦ᭄
᭞ᬳᬶᬬᬵᬚᬦᬶᬩᬓᬮ᭄ᬳᬗ᭄ᬕᭀ᭞ᬫᬫ᭄ᬚᬗᬶᬦ᭄ᬱᭀᬘᬵᬳᬶᬭᬸᬂ᭞ᬓᬃᬡ᭄ᬦᬵᬧ᭄ᬚᬗᬶᬦ᭄ᬧᬓ᭄ᬧᬓᬦ᭄᭞ᬓᬢᭀᬦ᭄ᬫᬗ᭄ᬓᬶᬦ᭄᭞ᬫᬶᬭᬶᬩ᭄‌‌ᬧ᭄ᬮᬾᬓ᭄ᬘᬸᬋᬓ᭄ᬧᬳᬤ᭄᭟ᬢᬸᬯᬶᬳᬶᬤᬵᬓᬢᭀᬦ᭄ᬢᬯᬄ᭞ᬯᬃᬡ᭄ᬦᬦ᭄ᬤᬦᬾᬦᬾᬫᬲᬮᬶᬦ᭄᭞ᬭᬭᬶᬲ᭄ᬓ

[᭗᭑ 71A]
᭗᭑
ᬫᬃᬕ᭄ᬕᬦᬾᬗᭀᬚᭀᬕ᭄᭞ᬳᬓᬾᬄᬳᬦᬓᬾᬓᬢ᭄ᬧᬸᬓ᭄᭞ᬧᬤᬵᬫᬢᬓᭀᬦ᭄ᬢᭂᬓᬾᬦ᭄ᬭᭀᬯᬂ᭞ᬯᭀᬂᬧᬸᬦᬧᬶ᭞ᬦᬾᬳᬤᬶᬳᬶᬲᬸᬓᬵᬤᬸᬓᬵ᭟ᬤᬶᬧᬗᬤᭂᬕ᭄ᬩᬕᬸᬲ᭄ᬧᬶᬲᬦ᭄᭞ᬧᭂᬮᬾᬓ᭄ᬘᬸᬋᬓᬾᬗᭂᬜ᭄ᬘᭂᬮᬶᬦ᭄᭞ᬳᬤᬵᬫᬫᬾᬲᭂᬫ᭄ᬫ
ᬫᬾᬗᭀᬲ᭄᭞ᬭᬯᬸᬄᬤᬶᬧᬲᬭᬾᬳᬕᬸᬂ᭞ᬢᬍᬃᬫᬫᬃᬕ᭄ᬕᬶᬗᬮᬾᬭᬂ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬢᬫ᭄ᬧᭂᬓ᭄ᬢᭂᬧᬶᬦᬶᬂᬩᬵᬜ᭄ᬘᬶᬗᬄ᭟ᬳᬭᬃᬬ᭄ᬬᬦ᭄ᬲᭀᬭᬶᬂᬳᬗ᭄ᬲᬦᬵ᭞ᬳᬮᬸᬗ᭄ᬕ᭄ᬯᬶᬂᬭᬶᬂᬰᬾᬮᬵᬳᬰ᭄ᬭᬶ᭞ᬧᬤᬵᬕᬯᭀᬓ᭄ᬦᬾᬫᬦᭀᬦ᭄ᬢᭀ᭠
ᬦ᭄᭞ᬚᬦ᭄ᬫᬵᬓᬢᬄᬫᬲᬃᬳᬕᬸᬂ᭞ᬬᬾᬦ᭄ᬯᬕᬄᬦᬾᬦᬾᬫᬫᬲᬵᬃ᭞ᬢᬶᬕᬂᬢᬮᬶ᭞ᬤᬕᬗᬦᬾᬲᬃᬯ᭄ᬯᬵᬳᬾᬦ᭄ᬤᬄ᭟ᬬᬾᬦ᭄‌‌ᬘᬭᬶᬢᬓᬢᬄᬧᬶᬲᬦ᭄᭞ᬤᬕᬗᬾᬬᬵᬓᬢᭀᬦ᭄ᬲᬫᬶ᭞ᬢ᭄ᬓᬵᬳᬦᬓᬾᬫᬗ᭄ᬕᭂᬮᭀᬄ᭞
ᬮᬸᬄᬫ᭄ᬯᬦᬶᬬᬵᬫᭂᬗ᭄ᬲᬸᬃ᭞ᬧᬤᬗᬸᬗ᭄ᬲᬶᬓᬩᬜ᭄ᬘᬶᬗᬄ᭞ᬬᬫᬩᬮᬶᬄ᭞ᬕᬕᬸᬧᭂᬓᬦᬾᬫᬰ᭄ᬯᬭᬵ᭟ᬳᬓᬾᬄᬳᬦᬓᬾᬫᬧ᭄ᬢᬵ᭞ᬤᬶᬫᬃᬕ᭄ᬕᬦᬾᬮᬸᬄᬫ᭄ᬯᬦᬶ᭞ᬚᬦᬶᬳᬕᭂᬦᬂᬫᬦᭀᬦ᭄ᬢᭀᬦ᭄᭞ᬮᬫ᭄ᬧᬳᬦ᭄ᬕᬫ᭄ᬩᬸᬳᬾᬮᬸᬳᬸᬂ [ 72 ][᭗᭑ 71B]
᭗᭑
᭞ᬲᬓᬶᬢ᭄ᬧᬜ᭄ᬚᬶᬦᬾᬓᭀᬘᬧᬵ᭞ᬭᬤᬾᬦ᭄ᬤᬾᬯᬶ᭞ᬳᬫᬶᬗ᭄ᬲᬶᬗ᭄ᬕᬶᬄᬧ᭄ᬭᬤᬶᬧᬶᬲᬦ᭄᭟ᬓ᭄ᬜᬸᬂᬢ᭄ᬯᬄᬩᬕᬸᬲᬸᬫ᭄ᬩᬭᬵ᭞ᬭᬶᬂᬓᬤᬾᬳᬦ᭄ᬤᬦᬾᬲᬫᬶ᭞ᬚᬮᬦ᭄ᬓᭂᬫᬚᬦᬶᬳᭀᬚᭀᬕ᭄᭞ᬲᬶᬕ᭄ᬜᬦᬾᬫᬜᬮᬸᬓ᭄ᬕᬫ᭄ᬩᬸᬄ᭞ᬩ᭄ᬦᭂᬗᬦ᭄ᬜᬦᬾᬫᬧᬬᬲ᭄᭞
ᬧᬢᬶᬄᬫᬦ᭄ᬢ᭄ᬭᬶ᭞ᬳᬗᬶᬭᬶᬂᬓᬬᬸᬦ᭄ᬭᬳᬤ᭄ᬬᬦ᭄᭟ᬢᬸᬫᬸᬮᬶᬄᬫᬗ᭄ᬓᬶᬦ᭄ᬫᬫᬃᬕ᭄ᬕ᭞ᬲᬬᬦ᭄ᬳᬓᬾᬄᬯᭀᬂᬓᬧᬗ᭄ᬕᬶᬄ᭞ᬢᬫ᭄ᬧᭂᬓ᭄‌ᬭᬶᬂᬩᬜ᭄ᬘᬶᬗᬄᬋᬓᭀ᭞ᬭᬫᬾᬲᬲᭂᬦ᭄ᬤᭀᬦ᭄ᬓᬭᬸᬗᬸ᭞ᬗᬮᬶᬓᬮᬶᬓ᭄ᬤᬶᬩᬜ᭄ᬘᬶᬗᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬯᬸᬄᬫᬭᬶᬂᬧᬫ
ᬬᬲᬦ᭄᭟ᬕᬫ᭄ᬩᬸᬳᬾᬫᬗ᭄ᬓᬶᬦ᭄ᬫᬮ᭄ᬯᬭᬦ᭄᭞ᬳᬸᬮᬶᬤᬶᬩᬜ᭄ᬘᬶᬗᬄᬲᬫᬶ᭞ᬓᬧᭂᬫᬬᬲᬦ᭄ᬫᬗᭀᬚᭀᬕ᭄᭞ᬧᬘᬂᬬᬵᬫᬲᬮᬶᬦ᭄ᬕᭂᬮᬸᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬧᭂᬦ᭄ᬤᬓ᭄᭟ᬦᬸᬤᬶᬫᬃᬕ᭄ᬕᬶ᭞ᬳᬶᬗᬶᬭᬶᬂᬤᬾᬦᬶᬂᬓᬤᬾᬳᬦ᭄᭟ᬯᭀᬗ᭄ᬳᬗ
ᬫ᭄ᬩᬸᬂᬫᬦᬓᭀᬦᬂ᭞ᬤᬦᬾᬯᭀᬂᬧᬸᬦᬧᬶᬩ᭄ᬮᬶ᭞ᬧᬤᬵᬬᬫᬦ᭄ᬤᬕ᭄ᬫᬦᭀᬦ᭄ᬢᭀᬦ᭄᭞ᬲᬓᬶᬂᬩᬮᬶᬚ᭄ᬦᭂᬂᬳᬶᬧᬸᬦ᭄᭞ᬳᬤᬧᬺᬩᬮᬶᬦᬢᬲᬂ᭞ᬦᬶᬓᬕᬸᬲ᭄ᬢᬶ᭞ᬲᬓᬶᬂᬬᬾᬦ᭄ᬧᬸᬦᬧᬶᬧ᭄ᬭᬧ᭄ᬢᬵ᭟ᬓᬾᬦ᭄ᬭᬗ᭄ᬕᬵᬳᬮᭀᬦᬗᬸᬘᬧ᭄᭞

[᭗᭒ 72A]
᭗᭒
ᬢᬶᬢ᭄ᬬᬂᬲᬶᬚᬢᬶᬯᭀᬂᬩᬮᬶ᭞ᬦᬗ᭄ᬳᬶᬂᬯᭀᬂᬧᬧᬵᬢᬦ᭄ᬧᭂᬗ᭄ᬕᭀᬦ᭄᭞ᬫᬶᬮᬸᬳᬦᬓ᭄ᬫᬶᬮᬸᬳᬓᬸ᭞ᬫᬗᬚ᭄ᬭᬾᬗᬂᬫᬗ᭄ᬮᭂᬮᬯᬂ᭞ᬳᬦ᭄ᬢᬸᬓ᭄ᬫᬶᬲ᭄ᬓᬶᬦ᭄᭞ᬢᬦᬵᬤᬺᬯᬾᬕᬕ᭄ᬮᬸᬗ᭄ᬳᬵᬦ᭄᭟ᬲᬫᬶᬧᬸᬦ᭄ᬤᬾᬭᬾᬂᬧᬺᬢ᭄ᬬᬓ᭄ᬱᬵ᭞ᬦᬯᬶᬳᬶᬘᬵᬰ᭄ᬭᬶᬪᬸᬧᬢᬶ᭞ᬦᬫ᭄ᬧᬶ
ᬤᬾᬦᬶᬂᬕᬫ᭄ᬩᬸᬄᬓᬯᭀᬦ᭄᭞ᬯᭀᬂᬫᬢᬓᭀᬦ᭄ᬲᬯᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬤᬶᬭᬶᬓᬶᬳᬦ᭄ᬢᭀᬲᬂ᭞ᬢᬸᬃᬫᬫᬃᬕ᭄ᬕᬶ᭞ᬲᬂᬧ᭄ᬭᬪᬸᬓᬭᬶᬤᬶᬯ᭄ᬥᬮ᭄᭟ᬯᭀᬂᬫᬢᬸᬃᬫᭂᬦ᭄ᬤᬓᬦᭂᬫ᭄ᬩᬄ᭞ᬢᬶᬢ᭄ᬬᬂᬫᬢᬸᬃᬭᬶᬂᬦᬺᬧᬢᬶ᭞ᬬᬾᬦ᭄ᬳᬶᬘᬵᬋᬓᬾᬲᬂᬓᬢᭀᬂ᭞
ᬦᬫ᭄ᬧᬶᬧᬭᬵᬕᬶᬡᬵᬕᬫ᭄ᬩᬸᬄ᭞ᬓᭀᬘᬧ᭄ᬋᬓᬾᬫᬗ᭄ᬮᬮᬯᬂ᭞ᬲᬓᬶᬂᬩᬮᬶ᭞ᬢᬦ᭄ᬯᬾᬦ᭄ᬢᭂᬦ᭄ᬗᬯᬵᬕ᭄ᬮᬸᬗ᭄ᬳᬵᬦ᭄᭟ᬤ᭄ᬯᬾᬦᬾᬫᬗ᭄ᬓᬶᬦ᭄ᬓᬲ᭄ᬮᬂ᭞ᬓ᭄ᬭᬬᬦ᭄ᬕᭂᬕᬫ᭄ᬮᬦ᭄ᬲᬫᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬮᭀᬦ᭄᭞ᬮᬶᬯᬢ᭄ᬲᬸᬓᬦᬾᬭᬶᬂᬓᬳ᭄ᬬᬸᬦ᭄
᭞ᬳ᭄ᬦᬄᬳᬶᬭᬵᬫᬲᬸᬓᬵᬬᬂ᭞ᬢᬸᬦ᭄ᬤᬾᬦ᭄ᬫᬳᬶ᭞ᬓᬢ᭄ᬧᬸᬓ᭄ᬢᭂᬓᬾᬦᬶᬂᬳᬶᬭᬵ᭟ᬓᬸᬤᬂᬤᬶᬭᬶᬢᭀᬚᬦ᭄ᬫᬜ᭞ᬦᭂᬫ᭄ᬩᭂᬮᬲᬶᬗ᭄ᬕᬶᬄᬦᬺᬧᬢᬶ᭞ᬦᬾᬳᬯᬸᬓᬸᬤ᭄ᬧᭂᬮᬾᬓ᭄ᬘᬸᬋᬓ᭄᭞ᬕᬸᬫᬸᬬᬸᬲᬶᬭᬲᬂᬧ᭄ᬭᬪᬸ᭞ᬯᭀᬂᬫᬢᬸᬃᬳᬫᬶᬢ᭄ᬮᬸᬫᬫ᭄ᬧᬄ [ 73 ][᭗᭒ 72B]
᭗᭒
᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬫᬦ᭄ᬤᬯᬸᬳᬂᬧᬗᬦ᭄ᬤᬶᬓᬵ᭟ᬧᬗᬦ᭄ᬤᬶᬓᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬳᬶᬤᬵᬫᬓᬳ᭄ᬬᬸᬦ᭄ᬫᬦᬫ᭄ᬧᬶ᭞ᬲᬤᬺᬯᬾᬦ᭄ᬳᬶᬤᬵᬲᬂᬓᬢᭀᬂ᭞ᬕᬕᬫ᭄ᬮᬦ᭄ᬫᬶᬯᬄᬕ᭄ᬮᬸᬂ᭞ᬲᬫᬶᬳᬶᬤᬵᬗᬶᬘᬾᬦ᭄ᬜᭂᬮᬂ᭞ᬦᬵᬗ᭄ᬳᬶᬂᬫᬗ᭄ᬓᬶᬦ᭄᭞ᬫᬭᬶᬓᬵᬋ
ᬓᬾᬫᬸᬗ᭄ᬕᬳᬦ᭄᭟ᬢᬸᬫᬸᬮᬶᬄᬲᬫᬶᬫᬫᬃᬕ᭄ᬕᬵ᭞ᬧ᭄ᬭᬧ᭄ᬢᬵᬭᬶᬂᬳᬚᭂᬂᬦᬺᬧᬢᬶ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬮᭀᬦ᭄᭞ᬘᬳᬶᬓᬾᬫᬗᭀᬦ᭄ᬓᭀᬦ᭄ᬩᬯᬸ᭞ᬫᬳᬢᬸᬃᬢ᭄ᬓᬾᬦᬶᬂᬫᬫᬦ᭄᭞ᬯᭀᬂᬫᬶᬲᬶᬗ᭄ᬕᬶᬄ᭞ᬲᬫᬶᬫᬳᬢᬸᬃᬳᬦᭂᬫ᭄ᬩᬄ᭟ᬢᬶᬢ᭄ᬬᬂᬲᬶᬗ᭄ᬕᬶᬄᬰ᭄ᬭᬷ
ᬦᬭᬾᬦ᭄ᬤ᭄ᬭ᭞ᬦᬵᬗ᭄ᬳᬶᬂᬲᬶᬢᬶᬢ᭄ᬬᬂᬯᭀᬂᬫᬶᬲ᭄ᬓᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬭᬶᬂᬲᬂᬓᬢᭀᬂ᭞ᬜ᭄ᬮᬂᬕᬕᬵᬫ᭄ᬮᬦᬶᬂᬕ᭄ᬮᬸᬂ᭞ᬢᬶᬢ᭄ᬬᬂᬩᬯᬸᬫᬦᬯᬸᬓᬵ᭞ᬰ᭄ᬭᬷᬪᬹᬧᬢᬶ᭞ᬗᬦ᭄ᬤᬶᬓᬵᬦᬄᬲᬸᬩᬵᬳᬤᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧᬵ᭞ᬫᬜ᭄ᬚᭀᬗ᭄ᬓᭀ
ᬓ᭄ᬢᬸᬃᬫᬜᬗ᭄ᬓᬶᬓᬶᬤ᭄᭞ᬫᬢᬶᬍᬲᬂᬭᬕᬵᬩᭀᬘᭀᬓ᭄᭞ᬳᬓᬾᬄᬯᭀᬂᬢᬸᬫᭀᬦ᭄ᬕᬸᬫᬸᬬᬸ᭞ᬤᬾᬦᬶᬂᬮᬶᬬᬸᬫᬗᭂᬤᬾᬓᬂ᭞ᬮᬸᬄᬫ᭄ᬯᬦᬶ᭞ᬧᬭᬵᬜᬳᬶᬧᬭᬵᬫᬾᬦᬓ᭄᭟ᬳᬤᬫᬧ᭄ᬢᬵᬗ᭄ᬕᬶᬕᬶᬲᬵᬂ᭞ᬳᭂᬦ᭄ᬢᭀᬢᭀᬦᬾᬦᬾᬳ

[᭗᭓ 73A]
᭗᭓
ᬤᬶᬳᬶ᭞ᬩᬓ᭄ᬜᭂᬮᬸᬓ᭄ᬳᬧᬵᬳᭂᬦ᭄ᬢᭀ᭞ᬧ᭄ᬮᬾᬓ᭄ᬘᬸᬋᬓ᭄ᬜᬦᬾᬮ᭄ᬬᬸ᭞ᬲᬶᬜᬢ᭄ᬯᬄᬩᬓᬮ᭄ᬫᬦᬸᬭᬲ᭄᭞ᬢᬸᬭᬳᬲᬶᬦ᭄᭞ᬢᬦ᭄ᬓᭀᬘᬧᬵᬯᭀᬗ᭄ᬳᬗᬵᬫ᭄ᬩᬓ᭄᭟ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬤᬶᬚᬵᬳᭂᬲᬶᬤᬾᬱᬦ᭄ᬘᬳᬶ᭞ᬓᬾᬦ᭄ᬭᬗ᭄ᬕᬵᬳᬸᬫᬢᬸᬃ
ᬳᬮᭀᬦ᭄᭞ᬳᬶᬗ᭄ᬕᬶᬄᬤᬶᬢᭀᬚᬶᬯᬵᬭᬢᬸ᭞ᬓ᭄ᬫᬵᬓᬾᬓᬧᬫᬬᬲᬦ᭄᭞ᬳᬚᬓ᭄ᬱᬫᬶ᭞ᬧᬺᬕᬶᬡᬦᬾᬤᬶᬦᬶᬧᬤᬵ᭟ᬤᬶᬢᬸᬚᬵᬘᬳᬶᬯᬶᬮᬗᬂ᭞ᬮᬮᬫ᭄ᬧᬳᬦᬾᬦᬾᬩ᭄ᬘᬶᬓ᭄᭞ᬤᬶᬲᬓᬶᬢ᭄ᬧᬜ᭄ᬚᬶᬦᬾᬋᬓᭀ᭞ᬦᬾᬦᬾᬩᬳᬸᬢᭀᬦ᭄ᬤᬾ
ᬦ᭄ᬧᬸᬧᬸᬢ᭄᭞ᬩᬓᬢ᭄ᬩᬦ᭄ᬘᬳᬶᬗ᭄ᬮᬫ᭄ᬧᬳᬂ᭞ᬫᬫᬦ᭄ᬫ᭄ᬭᬤᬶ᭞ᬬᬾᬦ᭄ᬢᭀᬂᬩᬓᬢ᭄ᬳᭂᬤᭀᬚᬸᬯᬵ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦᭂᬕᬭᬂ᭞ᬤᬾᬭᬾᬂᬢᬶᬢ᭄ᬬᬂᬫᬫᬗ᭄ᬕᬶᬳᬶᬦ᭄᭞ᬦᬯᬶᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦ᭄ᬳᬶᬭᬢᬸᬬᬾᬦ᭄ᬩᭂᬦ᭄ᬥᬸ᭞ᬳ᭄ᬦᬄᬓ᭄ᬫᬵᬗᬶᬤᬶᬄᬳᬚᬄ᭞
ᬭᬶᬂᬦᬾᬤᬶᬦᬶ᭞ᬳᬦᬓ᭄ᬳᬶᬬᬵᬧᬤᬵᬩᬶᬱᬵ᭟ᬢᬸᬫᬸᬮᬶᬄᬳᬫᬶᬢ᭄ᬮᬸᬫᬫ᭄ᬧᬄ᭞ᬓᬧᬫᬬᬲᬦ᭄ᬫᬗ᭄ᬭᬭᬶᬲ᭄᭞ᬳᬓᬾᬄᬧᬺᬕᬶᬡᬦᬾᬕᬯᭀᬓ᭄᭞ᬧᬤᬵᬬᬵᬫᬲ᭄ᬭᬄᬢᬸᬳᬸ᭞ᬤᬸᬭᬸᬲᬂᬕᬸᬲ᭄ᬢᬶᬫᬸᬗ᭄ᬕᬳᬦ᭄᭞ᬳᬶᬗ᭄ᬕᬶᬄᬭᬭᬶᬲ᭄᭞ᬫᬮᬶᬗ᭄ᬕᬶᬄ [ 74 ][᭗᭓ 73B]
᭗᭓
ᬭᬭᬶᬲᬋᬗᬦ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬳᬸᬮᭀᬦᬦ᭄᭞ᬳᬓᬾᬄᬳᬦᬓᬾᬫᬓᬶᬲᬶ᭞ᬳᭂᬦ᭄ᬢᭀᬫᬗᬸᬤ᭄ᬬᬂᬲᬶᬤᬶᬦ᭄ᬢᭀ᭞ᬢ᭄ᬓᬵᬫᬮᬶᬗ᭄ᬕᬶᬄᬤᬶᬤᬸᬮᬸ᭞ᬳᭂᬦ᭄ᬤᬸᬧ᭄ᬤᭂᬚ᭄ᬯᬮ᭄ᬬᬸᬧ᭄ᬢᬵ᭞ᬬᬗᬶᬯᬲᬶᬦ᭄᭞ᬧ᭄ᬢᬦᬾᬕᬢᬶᬭᬸᬗᬸᬯ᭄ᬯᬵᬂ᭟ᬧᬺᬕᬶᬡᬵᬚᬯᬵᬳᬗᬸᬘᬧ᭄᭞
ᬤᬸᬭᬸᬲᬂᬳᬫ᭄ᬩᭀᬦᬾᬫᬗ᭄ᬓᬶᬦ᭄᭞ᬓᬂᬭᬗ᭄ᬕᬵᬲᬸᬫᬯᬸᬃᬳᬮᭀᬦ᭄᭞ᬧᬸᬦᬧᬶᬫ᭄ᬥᬮᬾᬤᬸᬫᬸᬦ᭄᭞ᬳᬶᬗ᭄ᬕᬶᬄᬩᬯᬸᬳᬫ᭄ᬩᬶᬮ᭄ᬢᬶᬢ᭄ᬬᬂ᭞ᬤᬸᬓ᭄ᬫᬗᬫ᭄ᬩᬶᬮ᭄᭞ᬭᬯᬸᬄᬭᬶᬂᬕᬸᬦᬸᬂᬘᬗ᭄ᬓ᭄ᬭᬫᬵ᭟ᬫᬗ᭄ᬓᬶᬦ᭄ᬧᬶᬗᬦᬜᬫ᭄ᬤᬮ᭄᭞ᬤᬶᬕᬦ᭄ᬢᬶᬦ᭄ᬧᬜ᭄ᬚᬶᬦᬾᬲᬓᬶᬢ᭄᭞ᬧᬗ᭄ᬯᬶ
ᬤᬶᬦ᭄ᬳᬶᬤᬵᬲᬂᬓᬢᭀᬂ᭞ᬫᬶᬯᬄᬧᬸᬢ᭄ᬭᬦᬾᬢ᭄ᬯᬦ᭄ᬕᬮᬸᬄ᭞ᬓ᭄ᬦᬶᬳᬦ᭄ᬢᬸᬓ᭄ᬕᬸᬲ᭄ᬢᬶᬦᬶᬗ᭄ᬓᬳᬂ᭞ᬬᬾᬦ᭄ᬢᭀᬂᬓ᭄ᬦᬶ᭞ᬯᬗ᭄ᬤᬾᬬᬂᬦᬯᬶᬤᬵᬤᬸᬓᬵ᭟ᬢᬶᬢ᭄ᬬᬂᬲᬫ᭄ᬧᬸᬦ᭄ᬮᬯᬲ᭄ᬧᬶᬲᬦ᭄᭞ᬫᬳᬸᬭᬸᬓ᭄ᬫᬲᬶᬄᬫᬕᬶᬕᬶᬓ᭄᭞ᬳᬶᬯᬂᬳᬓᬶᬤᬶᬓ᭄ᬓᬧᭀᬗᭀᬃ᭞ᬫᬢᬶᬕ᭄ᬢᬶᬕ᭄ᬢᬸᬃ
ᬓᬩᬍᬗ᭄ᬕᬸ᭞ᬫᬶᬯᬄᬫᬲᭂᬗ᭄ᬓᭂᬃᬳᬩᬸᬮᬦ᭄᭞ᬫᭂᬫ᭄ᬩᬸᬲ᭄ᬢᬮᬶ᭞ᬕᬸᬲ᭄ᬢᬶᬲᬫ᭄ᬧᬸᬦᭂᬦ᭄ᬧᬯᬾᬓᬵ᭟ᬲᬫ᭄ᬧᬸᬦ᭄ᬕᬸᬲ᭄ᬢᬶᬓᬸᬤᬸᬧᬗ᭄ᬓᬄ᭞ᬤᭀᬬᬦ᭄ᬕᬸᬲ᭄ᬢᬶᬗ᭄ᬕᬯᬾᬲᬶᬲᬶᬧ᭄᭞ᬲᬮᬶᬜᬩᬾᬜ᭄ᬚᬗᬦ᭄ᬋᬓᭀ᭞ᬤᬶᬚᬸᬫᬄᬤᬸᬫᬸᬦ᭄ᬫᬳᬸᬭᬸᬓ᭄᭞ᬤᬾᬦᬶᬂᬫ

[᭗᭔ 74A]
᭗᭔
ᬗ᭄ᬓᬶᬦ᭄ᬧ᭄ᬭᬤᬶᬧᬶᬲᬦ᭄᭞ᬦᬯᬶᬧ᭄ᬮᬶᬄ᭞ᬓᬾᬦᬂᬫᬗ᭄ᬕᬯᬾᬳᭀᬭᬳᬦ᭄᭟ᬓ᭄ᬜᬸᬂᬧᬸᬦ᭄ᬓᭂᬩᭀᬧ᭄ᬭᬓᬱᬵ᭞ᬓ᭄ᬩᭀᬢᬦ᭄ᬫᬸᬦ᭄ᬤᬸᬃᬫ᭄ᬩᬶᬲᬶᬓᬶᬦ᭄᭞ᬩᬚᬶᬕᬃᬳᬦᬓᬾᬳᭂᬦ᭄ᬢᭀ᭞ᬬᬾᬦ᭄ᬫᬗ᭄ᬤᬾᬜᬵᬤᬶᬦᬶᬲᬸᬳᬸᬂ᭞ᬘᬶᬢᬵᬫᬩᬲᬩ᭄ᬗᬶᬦ᭄ᬤᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬓ᭄ᬜᬸᬂᬢᬸᬃᬤᬦᬾᬗ
ᬦ᭄ᬤᬶᬓᬵ᭟ᬓ᭄ᬫᬵᬫᬮᬸᬓᬓᬵᬲ᭄ᬫᬵᬃ᭞ᬫᬗᬮᬶᬄᬳᭂᬬᬾᬄᬳᬓᬶᬢ᭄᭞ᬧᬸᬦ᭄ᬱ᭄ᬫᬃᬗᬮᬶᬄᬢᬦᬮᭀᬦ᭄᭞ᬳᬶᬬᬲᬸᬩᬯ᭄ᬭᬸᬳᬶᬂᬲ᭄ᬫᬸ᭞ᬲᬫ᭄ᬧᬸᬦ᭄ᬧᭀᬮᬶᬄᬢᬸᬃᬗᬢᬸᬭᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬗᬦ᭄ᬤᬶᬓᬵᬓᬾᬫᬳᬶᬳᬩᬵ᭟ᬭᬭᬶᬲ᭄ᬤᬦᬾᬫᬳᬶᬮᬶᬤᬦ᭄᭞
ᬧᬸᬦ᭄ᬲ᭄ᬫᬵᬃᬕᬸᬧᬸᬄᬗᬬᬳᬶᬦ᭄᭞ᬤᬶᬧᬾᬕᭀᬓ᭄ᬢᬾᬫ᭄ᬩᭀᬓᬾᬜᭀᬗ᭄ᬓᭀᬓ᭄᭞ᬧ᭄ᬮᬾᬓ᭄ᬘᬸᬋᬓ᭄ᬱᬫᬶᬲᬸᬢ᭄ᬲᬸᬢ᭄᭞ᬧᬺᬕᬶᬡᬵᬚᬯᬵᬓᭀᬘᬧᬵ᭞ᬦᬾᬦᬾᬚᬢᬶ᭞ᬫᬧ᭄ᬢᬵᬢ᭄ᬓᬾᬦᬶᬂᬭᭀᬯᬂ᭟ᬩ᭄ᬮᬶᬯᬦ᭄ᬢᬄᬚ᭄ᬭᬶᬄᬧᬶᬲᬦ᭄᭞ᬫᬜᬫ᭄ᬧᬳᬶᬦ᭄ᬕᬫ᭄ᬩᬸᬄ
ᬩᬮᬶ᭞ᬳᬦᬓ᭄ᬳᬤᬯᭀᬃᬢ᭄ᬣᬵᬋᬓᭀ᭞ᬕᬫ᭄ᬩᬸᬄᬩᬮᬶᬮᬶᬯᬢ᭄ᬮᬸᬳᬸᬂ᭞ᬲᭀᬭᬶᬂᬮᬗᬶᬢ᭄ᬩ᭄ᬬᬦᬵᬧᬤᬵ᭞ᬬᬦ᭄ᬢᭀᬚᬦᬶ᭞ᬓ᭄ᬭᬡᬦ᭄ᬩᭂᬮᬶᬢᬓᬸᬢ᭄ᬘᬫ᭄ᬧᬄ᭟ᬳᭂᬦ᭄ᬢᭀᬤᬦᬾᬩᬲ᭄ᬩᬚᬶᬕᬃ᭞ᬳᬩᭂᬢᬾᬫᬲ᭄ᬯᬂᬫᬸᬜᬶ᭞ᬮᬕᬸᬢᬾᬧ᭄ᬮᬶᬄᬩᬱᬜ [ 75 ][᭗᭔ 74B]
᭗᭔
᭞ᬫᬸᬜᬶᬦᬾᬧ᭄ᬲᬸᬩᬲ᭄ᬕᬗ᭄ᬲᬸᬄ᭞ᬳᬯᬓ᭄ᬢᭀᬦ᭄ᬤᬾᬦ᭄ᬫᬗᭂᬦᭀᬢᬂ᭞ᬕᬫ᭄ᬩᬸᬄᬩᬮᬶ᭞ᬢᬸᬃᬤᬦᬾᬢᭀᬦ᭄ᬤᬾᬦ᭄ᬫᬲᭀᬮᬄ᭟ᬩ᭄ᬮᬶᬚᬦᬶᬓᬾᬦ᭄ᬢᭀᬤᭀᬯᬂ᭞ᬓᬗ᭄ᬕᭀᬚᬵᬳᬦᬓᬾᬭᬶᬭᬶᬄ᭞ᬳᬦᬓ᭄ᬩᭂᬮᬶᬢᬸᬳᬸᬩ᭄ᬮᭀᬕ᭄᭞ᬩ᭄ᬮᬶᬢᭀᬲᬶᬂᬢᬯᬸᬢᬯᬸ᭞ᬭ
ᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧᬵ᭞ᬳᬸᬲᬦ᭄ᬫᬗ᭄ᬓᬶᬦ᭄᭞ᬫᬦᭂᬮᬳᬶᬦ᭄‌‌ᬲᭀᬘᬵᬓᬃᬡ᭄ᬦᬵ᭟ᬲᬫ᭄ᬧᬸᬦ᭄ᬢᭂᬮᬄᬯᬶᬦᬗ᭄ᬲᬸᬳᬦ᭄᭞ᬓᬤᬶᬳ᭄ᬫᬲᬾᬲᬶᬦᬗ᭄ᬮᬶᬂ᭞ᬭᬕᬵᬭᬫ᭄ᬧᬶᬂᬢᬗᬦ᭄ᬫᭂᬭᭀᬲ᭄᭞ᬳᬾᬲᭂᬫᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬚᬭᬶᬚᬶᬭᬸᬭᬸᬲ᭄ᬫᬗᬜ᭄ᬘᬦ᭄᭞ᬦᬓᬵᬕᬥᬶᬂ
᭞ᬲᬧᭀᬮᬳᬾᬩᬸᬓᬵᬤᬾᬯᬵ᭟ᬢᬸᬫᬸᬮᬶᬄᬓᬧᭂᬫᬬᬲᬦ᭄᭞ᬢᭀᬗ᭄ᬓᭂᬚᬸᬢ᭄ᬳᬦᬓᬾᬲᬫᬶ᭞ᬫᬓᬵᬬᬬ᭄ᬯᬦ᭄ᬫᬢᬓᭀᬦ᭄᭞ᬧᬤᬵᬢ᭄ᬓᬾᬦ᭄ᬭᭀᬯᬂᬳᬶᬧᬸᬦ᭄᭞ᬳᬤᬵᬗᬶᬦ᭄ᬢᬶᬧ᭄ᬧ᭄ᬤᬲ᭄ᬩᬸᬲᬦ᭄᭞ᬢᭀᬗᭀᬭᬳᬶᬦ᭄᭞ᬦᬾᬦᬾᬘᬸᬋ
ᬓ᭄ᬳᭂᬦ᭄ᬢᭀᬳᬶᬬᬵ᭟ᬕᬯᭀᬓ᭄ᬳᬦᬓᬾᬦᭀᬦ᭄ᬢᭀᬦᬂ᭞ᬯᬃᬡ᭄ᬦᬦᬾᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬤᬵᬦᬩᬶᬂᬳᬤᬵᬦ᭄ᬮᭀᬓ᭄᭞ᬧᬭᬩᬮᬶᬳᬬᬸᬳᬬᬸ᭞ᬧᬋᬕᬸᬲ᭄ᬢᬶᬧᬭᬵᬫᬾᬦᬓ᭄᭞ᬢᬦᬶᬓᬶᬓᬶᬢ᭄᭞ᬳᬤᬵᬫᬫ᭄ᬦᬾᬓᬶᬦ᭄ᬳᭂᬚᬦ᭄᭟ᬭᬳᬤᬾᬦ᭄ᬫ

[᭗᭕ 75A]
᭗᭕
ᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓ᭄ᬫᬵᬓᬾᬫᬧᬬᬲ᭄ᬚᬦᬶ᭞ᬳᬤᬫᬧᬬᬲ᭄ᬢᬦᬮᭀᬦ᭄᭞ᬲ᭄ᬫᬵᬃᬧᬤᬵᬓ᭄ᬫᬵᬜᬮᬸᬓ᭄᭞ᬲᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦ᭄ᬤᬦᬾᬗ᭄ᬭᬗ᭄ᬲᬸᬓ᭄ᬧᬬᬲ᭄᭟ᬲᬬᬦ᭄ᬚᭂᬚᭂᬮ᭄ᬤᬶᬩᬜ᭄ᬘᬶᬗᬄ᭞ᬤᬾᬦᬶᬂᬕᬫ᭄ᬩᬸᬄᬲᬓᬶᬂᬩᬮᬶ᭞
ᬢᬦ᭄ᬮ᭄ᬬᬦ᭄ᬮᬯᬗᬦᬾᬢᭀᬦ᭄ᬢᭀᬦ᭄᭞ᬫᬲᬶᬄᬢᭀᬦ᭄ᬤᬾᬦ᭄ᬳᬤᬵᬭᬯᬸᬄ᭞ᬧ᭄ᬦᬄᬳᬢᬶᬳᬢᬶᬧᬤᬵ᭞ᬦᬾᬫᬩᬮᬶᬄ᭞ᬕᬫ᭄ᬩᬸᬳᬾᬫᬗᬦ᭄ᬢ᭄ᬬᬂᬫ᭄ᬥᬮ᭄᭟ᬕᬯᭀᬓ᭄ᬧ᭄ᬭᬕᬶᬡ᭄ᬦᬵᬭᬶᬂᬚᬯᬵ᭞ᬢᬸᬫᭀᬦᬶᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬕᬫ᭄ᬩᬸᬳᬾᬧ᭄ᬲᬸᬫᬭᬾᬭᭀᬤ᭄᭞
ᬲᭀᬭᬶᬂᬳᬜ᭄ᬘᬓ᭄ᬱᬚᬶᬭᬯᬸᬄ᭞ᬓᬕ᭄ᬬᬢ᭄ᬓᬾᬳᬦᬓ᭄ᬢᬸᬫᬶᬗ᭄ᬳᬵᬮ᭄᭞ᬩᬸᬓᬵᬗᬶᬧᬶ᭞ᬳᬤᬵᬬᬩ᭄ᬗᭀᬂᬫᬜ᭄ᬩᬓ᭄᭟ᬩᬸᬳᬸᬤ᭄ᬫᬗ᭄ᬓᬶᬦ᭄ᬤᬶᬩᬜ᭄ᬘᬶᬗᬄ᭞ᬧᬤᬵᬫᬮ᭄ᬬᬢ᭄ᬓᬲᬶᬲᬶ᭞ᬳᬓᬸᬤᬵᬬᬵᬚᬦᬶᬧᭀᬗᭀᬃ᭞ᬫᬩ᭄ᬬᬬᬸᬯᬦ᭄ᬱᬮᬾᬂᬲᬸᬳᬸᬕ᭄᭞
ᬕᬫ᭄ᬩᬸᬳᬾᬫᬗ᭄ᬓᬶᬦ᭄ᬫᬸᬗ᭄ᬕᬳᬦ᭄᭞ᬯᭀᬂᬫᬩᬮᬶᬄ᭞ᬓᬤᬶᬳᭀᬫ᭄ᬩᬓ᭄ᬫᬕᬸᬮᬸᬗᬦ᭄᭟ᬓᭂᬩ᭄ᬯᬗᬸᬦ᭄ᬳᬗᬸᬦ᭄ᬧ᭄ᬭᬓᬱᬵ᭞ᬳᬰ᭄ᬭᬶᬯᬃᬡ᭄ᬦᬦᬾᬳᬗ᭄ᬭᬯᬶᬢ᭄᭞ᬭᬯᬶᬲᬾᬜᬸᬮᬶᬓᭂᬃᬓᬢᭀᬦ᭄᭞ᬭᬱᬵᬜᬩᬸᬓᬵᬫᬜᬯᬸᬧ᭄᭞ᬢᬸᬳᬸ [ 76 ][᭗᭕ 75B]
᭗᭕
ᬫᬗᭂᬋᬲᬂᬫᬦᬄ᭞ᬲᬶᬂᬦᬶᬗᬮᬶᬦ᭄᭞ᬕᬯᭀᬓ᭄ᬢᬦ᭄‌‌ᬓ᭄ᬦᬵᬳᬗᬸᬘᬧ᭄᭟ᬲ᭄ᬯᬭᬦᬾᬳᬮᬸᬲ᭄ᬳᬗ᭄ᬭᬭᬲ᭄᭞ᬭᬸᬧᬦᬾᬓᬤᬶᬭᬶᬂᬢᬸᬮᬶᬲ᭄᭞ᬭᬕᬦᬾᬗᭀᬭᬗ᭄ᬓᬵᬫ᭄ᬭᭀᬲ᭄᭞ᬳᬾᬲᭂᬫᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬧᬳᬸᬮᬢᬾᬗ᭄ᬕᬯᬾᬭᬭᬲ᭄᭞ᬓᬤᬸᬓ᭄ᬫ
ᬦᬶᬲ᭄᭞ᬭᬱᬜᬤᬶᬧᬗᬶᬧ᭄ᬬᬦ᭄᭟ᬧᬜ᭄ᬚᬶᬦᬾᬧᬸᬗ᭄ᬓᬸᬭᬶᬂᬲ᭄ᬫᬃ᭞ᬓᬤᬶᬳ᭄ᬫᬲᬾᬲᬶᬦᬗ᭄ᬮᬶᬂ᭞ᬫᬓ᭄ᬚᬂᬳᬦᬓᬾᬕᬯᭀᬓ᭄᭞ᬲᬂᬧ᭄ᬭᬪᬹᬗᬸᬘᬧ᭄ᬭᬶᬂᬓᬬᬸᬦ᭄᭞ᬬᬾᬦ᭄ᬩᬦ᭄ᬤᬶᬂᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬢ᭄ᬯᬄᬬᬵᬲᬫᬶ᭞ᬬᬾᬦ᭄ᬢᬶᬫ᭄ᬩᬂᬢ᭄ᬯᬭᬵᬳᭂᬜ᭄ᬘᭀᬢ᭄ᬜᬵ᭟ᬲ
ᬫ᭄ᬧᬸᬦᬗ᭄ᬮᭂᬧᬲᭂᬲ᭄ᬭᬫᬦ᭄᭞ᬕᬕᬫ᭄ᬮᬦᬾᬫᬲᬮᬶᬦ᭄᭞ᬧᬜ᭄ᬚᬶᬭᬗ᭄ᬕᬵᬦᬾᬫᬜᭂᬦ᭄ᬤᭀᬦ᭄᭞ᬓᬤᬶᬧᬗ᭄ᬭᬸᬫ᭄ᬭᬸᬫ᭄ᬤᬶᬓᬲᬸᬃ᭞ᬓᬭᬸᬗᬸᬤᬶᬧᬗᬶᬧ᭄ᬬᬦ᭄᭞ᬗᬲᬶᬳᬰᬶᬄ᭞ᬕᬯᭀᬓ᭄ᬧᬺᬕᬶᬡᬭᬶᬂᬚᬯᬵ᭟ᬕᬯᭀᬓ᭄ᬳᬦᬓᬾᬳᬚᬕᬢ᭄᭞ᬲᭂ
ᬲᭂᬓ᭄ᬚᭂᬚᭂᬮᬸᬄᬫ᭄ᬯᬦᬶ᭞ᬧᬤᬵᬬᬧᬲ᭄ᬮᬾᬂᬕᬫ᭄ᬧᭀᬓ᭄᭞ᬫᬤᬸᬓ᭄ᬫᬥᬸᬓᬦ᭄ᬫᬲᬸᬳᬸᬕ᭄᭞ᬲᬶᬂᬫᭂᬦ᭄ᬤᬧ᭄ᬢᬦ᭄ᬓᭂᬦᬵᬳᬯᬲ᭄᭞ᬲ᭄ᬮᬾᬂᬚᭂᬧᬶᬢ᭄᭞ᬲ᭄ᬮᬾᬂᬲ᭄ᬯᬮ᭄ᬫᬳᬤᬸᬓᬦ᭄᭟ᬦᬾᬦᬾᬓᬤᬸᬂᬓᬩ᭄ᬮᬂᬢ᭄ᬗᬄ᭞ᬳᬦᬶᬜ᭄ᬚᭀᬲ᭄ᬮᬕᬦ᭄ᬩᬢᬶᬲ᭄

[᭗᭖ 76A]
᭗᭖
᭞ᬓᬤᬸᬗ᭄ᬳᬵᬳᭂᬫ᭄ᬧᭂᬢ᭄ᬫᬦᭀᬗᭀᬲ᭄᭞ᬧ᭄ᬢᬦᬾᬫᬗ᭄ᬓᬶᬦ᭄ᬫᬩᬸᬕ᭄ᬩᬸᬕ᭄᭞ᬗᬓᬸᬯᬶᬦ᭄ᬧᬜ᭄ᬚᬶᬓᬕᬾᬮᬦ᭄᭞ᬳ᭄ᬤᬳᬶᬫ᭄ᬩᬶᬄ᭞ᬳᬤᬗᬫᬸᬓ᭄ᬫᬸᬓ᭄ᬩᬸᬗᬸᬢ᭄ᬜᬵ᭟ᬲ᭄ᬫᬭᬾᬲᬕᬾᬢᬦ᭄ᬩᬶᬤᬕ᭄᭞ᬓᬢᭀᬦ᭄ᬫᬩᬸᬗᬸᬢ᭄ᬤᬶᬲᬫ᭄ᬧᬶᬂ᭞ᬫᬢᬦᬾᬧᬸᬢᬶᬄᬫᬮᭀᬄᬧᭀᬄ᭞ᬢᬶᬦ᭄ᬤ
ᬓᬦᬾᬤᬤᬶᬢᬚᬸᬲ᭄᭞ᬓᬭᬸᬗᬸᬮ᭄ᬯᬶᬃᬳᭀᬫ᭄ᬩᬓ᭄ᬧᬲᬃ᭞ᬧᬭᬵᬜᬳᬶ᭞ᬧ᭄ᬲᬸᬧᬜᬸᬄᬧᬓᭂᬜ᭄ᬘᬶᬭᬦ᭄᭟ᬲᬂᬧ᭄ᬭᬪᬹᬓᬮᬶᬦ᭄ᬢᬂᬳᬶᬘᬵ᭞ᬫᬦᭀᬦ᭄ᬢᭀᬦ᭄ᬕᬫ᭄ᬩᬸᬳᬾᬍᬯᬶᬄ᭞ᬢ᭄ᬯᬭᬵᬢᬳᬾᬦ᭄ᬳᬶᬤᬵᬦᭀᬦ᭄ᬢᭀᬦ᭄᭞ᬩᬕᬸᬲᬸᬫ᭄ᬩᬭᬵᬫᬗᬫ᭄ᬩᬸᬄ᭞ᬕ
ᬯᭀᬓ᭄‌‌ᬲᬂᬧ᭄ᬭᬪᬹᬭᬶᬂᬫᬦᬄ᭞ᬩᬕᬸᬲ᭄ᬭᬶᬭᬶᬄ᭞ᬢ᭄ᬯᬭᬵᬳᬤᬵᬧᬘᬂᬧᬤ᭄ᬥᬵ᭟ᬳᬓᬾᬄᬧ᭄ᬭᬧᬸᬢ᭄ᬭᬶᬭᬶᬂᬚᬩᬵ᭞ᬫ᭄ᬯᬄᬧ᭄ᬭᬫᬾᬦᬓ᭄ᬮᬦ᭄ᬯᭀᬂᬢᬦᬶ᭞ᬳᬤᬵᬗ᭄ᬮᬶᬂᬳᬤᬵᬩ᭄ᬗᭀᬂ᭞ᬫᬗᭂᬦᭀᬢ᭄ᬧᬜ᭄ᬚᬶᬦᬾᬩᬕᬸᬲ᭄᭞ᬳᬤᬵᬗᬯᬸᬓᬶᬦ᭄ᬯᬳᬸᬫᬄ᭞ᬳᬤᬧᬵ
ᬮᬶᬂ᭞ᬫᬗ᭄ᬮᬓᬸᬮᬓᬸᬓᬢ᭄ᬗᬄ᭟ᬢ᭄ᬯᬭᬓᬭᬸᬗᬸᬧᬜ᭄ᬚᭂᬧᬢ᭄᭞ᬳᬤᬵᬫᬋᬩᬢ᭄ᬫᬢᬶᬕ᭄ᬢᬶᬕ᭄᭞ᬳᬤᬵᬳ᭄ᬮᬸᬄᬲ᭄ᬮᬾᬂᬕᬫ᭄ᬧᭀᬓ᭄᭞ᬳᬤᬵᬫ᭄ᬦᬾᬓ᭄ᬢᬾᬫ᭄ᬩᭀᬓ᭄ᬮᬩᬸᬄ᭞ᬫᬗᬮᬶᬄᬳᬫ᭄ᬩᬄᬳᬫ᭄ᬩᬳᬦ᭄᭞ᬢ᭄ᬯᬭᬵᬧᭀᬮᬶᬄ᭞ᬳᬜ᭄ᬘᬓ᭄ᬱᬚᬶᬧᬤᬵᬭᬸᬲᬓ᭄᭟ [ 77 ][᭗᭖ 76B]
᭗᭖
ᬳᬤᬵᬧᬲ᭄ᬮᬾᬂᬚᬸᬂᬚᬸᬂᬗᬂ᭞ᬳᬤᬵᬲ᭄ᬗᭂᬢ᭄ᬓᬮᬵᬚᭂᬗ᭄ᬓᬶᬂ᭞ᬲᭂᬗᬶᬲᭂᬗᬶᬜᬭᬸᬜᭀᬗ᭄ᬓᭀᬓ᭄᭞ᬧᭂᬘᬶᬓ᭄ᬮᬶᬫᬦᬾᬬᬵᬗᬸᬦ᭄ᬢᬸᬓ᭄᭞ᬢᬦ᭄ᬓᭀᬘᬧᬜᬭᬶᬂᬚᬪᬵ᭞ᬓᭀᬘᬧ᭄ᬫᬮᬶᬄ᭞ᬭᬳᬤᬾᬦ᭄ᬕᬮᬸᬄᬭᬶᬂᬧᬸᬭᬵ᭟ᬦ᭄ᬫᭀᬦᬶᬦ᭄ᬤᬶᬚ᭄ᬭᭀᬲ᭄ᬮᬵ᭞ᬤᬾᬩ᭄ᬓᬸᬂ
ᬫᬳᬢᬸᬃᬳᬭᬶᬲ᭄᭞ᬧᬶᬋᬗᬂᬭᬢᬸᬕᬸᬕᬸᬬᭀᬦ᭄᭞ᬤᬶᬩᬜ᭄ᬘᬶᬗᬄᬫᬗ᭄ᬓᬶᬦ᭄ᬕᬸᬬᬸ᭞ᬲᬫ᭄ᬧᬸᬦᬧᬶᬬᬸᬦ᭄ᬳᬶᬤᬾᬯᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬧᬗᬦ᭄ᬤᬶᬓᬬᬂᬭᬶᬂᬢᬶᬢ᭄ᬬᬂ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬮᬫᬸᬦ᭄ᬓᬾᬦ᭄ᬢᭀᬩᬶᬩᬶᬚᬦᬶ᭞ᬦᬾᬜᬳᬦ᭄ᬫᬳᬶ
ᬓᬚ᭄ᬭᭀ᭞ᬲᬗ᭄ᬓᬸᬦ᭄ᬳᬦᬓᬾᬫᬜ᭄ᬓᬸᬮ᭄᭞ᬩᬶᬩᬶᬧᬘᬂᬓ᭄ᬩᬂᬦᬶᬭ᭞ᬳᬧᬂᬳᬶᬮᬶᬤ᭄᭞ᬤᬦᬾᬳᬢᬸᬭᬶᬦ᭄ᬤᬶᬧᬲᬃ᭟ᬤᬶᬢᬸᬤᬦᬾᬗᬦ᭄ᬢᭀᬲ᭄ᬦᬶᬭᬵ᭞ᬧᬦᬮᬶᬓᬦ᭄ᬳᬗ᭄ᬕᬾᬦ᭄ᬘᬶᬭᬶ᭞ᬫᬫᬸᬜᬶᬧᬶᬂᬳᭂᬫ᭄ᬧᬢ᭄ᬋᬓᭀ᭞ᬳᬶᬕᬸᬭᬸᬲᬸᬩᬫᬢᬸᬭᬸ᭞ᬲ᭄ᬤᭂᬂᬲ᭄ᬧᬶᬤᬶᬚ᭄ᬭᭀ
ᬧᬸᬭᬵ᭞ᬦᬾᬦᬾᬚᬦᬶ᭞ᬳᬫ᭄ᬩᬸᬮ᭄ᬳᭂᬦ᭄ᬢᭀᬚ᭄ᬯᬳᬢᬸᬭᬂ᭟ᬫᬸᬮᬶᬄᬩᬶᬩᬶᬚᬦᬶᬲᬸᬩᬵ᭞ᬳᬢᬸᬭᬂᬢ᭄ᬓᬾᬦ᭄ᬳᬶᬩ᭄ᬮᬶ᭞ᬳᬶᬩ᭄ᬓᬸᬂᬳᬸᬫᬢᬸᬃᬳᬮᭀᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬘᬶᬭᬶᬢᬸᬳᬸ᭞ᬘᬶᬭᬶᬦ᭄ᬭᬓᬦ᭄ᬳᬶᬤᬾᬯᬵ᭞ᬫᬓᬵᬚᬢᬶ᭞ᬳ᭄ᬦᬄᬳ᭄ᬦᬾᬩᬶᬩᬶᬳᬩᬵ᭟ᬩᬸ

[᭗᭗ 77A]
᭗᭗
ᬗ᭄ᬓᬸᬂᬫᬚᬶᬮᬶᬫᬂᬮᬓ᭄ᬱᬵ᭞ᬫᬱᬵᬲᭀᬘᬦ᭄ᬫᬶᬭᬄᬳᬤᬶ᭞ᬳᬢᬸᬭᬂᬭᬶᬂᬤᬦᬾᬋᬓᭀ᭞ᬫᬓᬵᬘᬶᬭᬶᬦᬶᬭᬵᬢᬸᬳᬸ᭞ᬳᬧᬂᬤᬵᬤᬦᬾᬲᬗ᭄ᬲᬬᬵ᭞ᬓ᭄ᬫᬵᬫᬸᬮᬶᬄ᭞ᬳᬶᬩ᭄ᬓᬸᬂᬳᬫᬶᬢ᭄ᬮᬸᬫᬫ᭄ᬧᬄ᭟ᬦᬯᬂᬢ᭄ᬭᬗ᭄ᬕᬡᬵᬗᬦ᭄ᬤᬶᬓᬵ᭞ᬭᬳᬶᬦᬾᬫᬗ᭄ᬓᬶᬦ᭄ᬓᬯᬸᬓᬶ
ᬦ᭄᭞ᬫᬳᭂᬦ᭄ᬤᬾᬦ᭄ᬫᬶᬭᬄᬢᬵᬳᭂᬫ᭄ᬩᭀᬓ᭄᭞ᬧᬶᬋᬗᬂᬳᬦᬓᬾᬕᬸᬬᬸ᭞ᬭᬫᬾᬚᬦᬶᬤᬶᬩᬜ᭄ᬘᬶᬗᬄ᭞ᬳᭂᬦ᭄ᬢᭀᬜᬳᬶ᭞ᬳᬶᬩ᭄ᬮᬶᬤᬦᬾᬤᬶᬚᬩᬵ᭟ᬫᬮᬶᬗ᭄ᬕᬶᬄᬭᬶᬂᬥᬥᬫ᭄ᬧᬃᬫᬲ᭄᭞ᬗᬸᬯᬄᬭᬫ᭄ᬩᬸᬢ᭄ᬳᬲᬸᬲᬸᬭᬶ᭞ᬫᬯᬲ᭄ᬢ᭄ᬭᬵᬧᬾᬋᬫᬲ᭄ᬳᬶᬚᭀ᭞ᬫᬩᬧᬂ
ᬕᬭᬸᬤᬵᬫᬸᬗ᭄ᬓᬸᬃ᭞ᬫᬧᬢᬶᬢᬶᬲ᭄ᬫᬶᬭᬄᬭᬢ᭄ᬦᬵ᭞ᬲ᭄ᬓᬃᬢᬚᬶ᭞ᬫᬲᬸᬯᭂᬂᬫᬲ᭄ᬢᬸᬮᬓ᭄ᬫᬸᬜ᭄ᬘᬃ᭟ᬲᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬭᬸᬧᬦᬾᬓᬤᬶᬳ᭄ᬬᬂᬭᬢᬶᬄ᭞ᬓᭀᬘᬧᬦ᭄ᬳᬶᬦᬯᬂᬢᬭᭀ᭞ᬳᬫᭂᬧᭂᬓᬂᬧᬬᬲ᭄ᬳᬮᬸᬲ᭄᭞ᬧᬤᬵᬗᬗ᭄ᬕᭀᬳᭂᬫᬲ᭄ᬭᬢ᭄ᬦᬵ᭞ᬓᬸ
ᬫᬭᬶᬡᬶᬂ᭞ᬮ᭄ᬯᬶᬃᬫᬸᬓ᭄ᬱᬄᬓ᭄ᬥᬧᬓ᭄ᬦᬵ᭟ᬭᬭᬶᬲ᭄ᬫᭂᬤᬮ᭄ᬓᬩᬜ᭄ᬘᬶᬗᬄ᭞ᬘᭀᬦ᭄ᬤᭀᬂᬩᬬᬦ᭄ᬧᬤᬵᬗᬶᬭᬶᬂ᭞ᬢᬦ᭄ᬓᭀᬘᬧᬵᬜᭂᬭᬶᬂᬚ᭄ᬭᭀ᭞ᬭᬯᬸᬄᬭᬶᬂᬮᬯᬗᬦ᭄ᬳᬕᬸᬂ᭞ᬢᬸᬃᬳᬗᬤᭂᬕ᭄ᬫᬓᭂᬫ᭄ᬩᬭᬦ᭄᭞ᬭᬓᬵᬭᬳᬶ᭞ᬦᬯᬂᬢᬭᭀᬲᭀᬭᬦ᭄ᬭᬸᬧᬵ᭟ [ 78 ][᭗᭗ 77B]
᭗᭗
ᬕᬯᭀᬓ᭄ᬳᬦᬓᬾᬳᬚᬕᬢ᭄᭞ᬢᬸᬫᭀᬦᬶᬂᬭᬳᬤᬾᬦ᭄ᬤᬾᬯᬶ᭞ᬓᬤᬶᬩᬸᬮᬦ᭄ᬓᭂᬫ᭄ᬩᬃᬢᬶᬦᭀᬦ᭄᭞ᬲᬃᬯ᭄ᬯᬶᬤᬦᬾᬦᭀᬦ᭄ᬢᭀᬦ᭄ᬕᬫ᭄ᬩᬸᬄ᭞ᬢᬸᬫᬸᬮᬶᬄᬓᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭞ᬭᬤᬾᬦ᭄ᬤᬾᬯᬶ᭞ᬲᬬᬦ᭄ᬮᭂᬍᬂᬓᬯᬗ᭄ᬲᬶᬢᬦ᭄᭟ᬳᬓᬾᬄᬧᬺᬫᬦ᭄ᬢ᭄ᬭᬶᬦᬾ
ᬳᬾᬤᬦ᭄᭞ᬓᬸᬫᭀᬦᬶᬂᬭᬳᬤᬾᬦ᭄ᬤᬾᬯᬶ᭞ᬢ᭄ᬯᬭᬧᬤᬵᬢᬳᬾᬦ᭄ᬢᬸᬫᭀᬦ᭄᭞ᬫᬗᭂᬋᬧ᭄ᬤᬶᬚ᭄ᬭᭀᬳᬕᬸᬂ᭞ᬢᭂᬫ᭄ᬩᬾᬫᬗ᭄ᬓᬶᬦ᭄ᬤᬦᬾᬫ᭄ᬤᬮ᭄᭞ᬲᬓᬶᬂᬧᬸᬭᬶ᭞ᬫᬦᭀᬦ᭄ᬢᭀᬦ᭄ᬕᬫ᭄ᬩᬸᬳᬾᬢᬯᬄ᭟ᬧᬜ᭄ᬚᬶᬭᬗ᭄ᬕᬵᬫᬜᭂᬦ᭄ᬤᭀᬦᬂ᭞ᬓᬭᬸᬳᬸᬃᬫᬗᬵ
ᬰᬶᬳᬰᬶᬄ᭞ᬓᬤᬶᬧᬗ᭄ᬭᬸᬫ᭄ᬤᬶᬢᬸᬭᭀᬦ᭄᭞ᬳᬤᬵᬗ᭄ᬮᬶᬂᬧ᭄ᬦᬄᬩᭂᬗᬸᬲ᭄᭞ᬳ᭄ᬮᬾᬦ᭄ᬫᬗ᭄ᬮᬶᬂᬲᬶᬕ᭄ᬲᬶᬕᬦ᭄᭞ᬫ᭄ᬯᬄᬯᭀᬂᬢᬦᬶ᭞ᬫᬗ᭄ᬮᬶᬂᬫᬗᬸᬬᭂᬂᬧ᭄ᬬᬦᬓ᭄᭟ᬮ᭄ᬬᬸᬳᬦᬓᬾᬫᬧ᭄ᬢᬵ᭞ᬧᬤᬵᬳ᭄ᬮᬸᬄᬧᬤᬵᬫ᭄ᬯᬦᬶ᭞ᬩ᭄ᬬᬦᬵᬢᬾᬩ᭄ᬮᬶᬬᬾᬦ᭄ᬢᬸᬫᭀᬦ᭄᭞ᬮᬫᬸ
ᬦ᭄ᬜᭂᬳ᭄ᬦᬾᬫᬗᬫ᭄ᬩᬸᬄ᭞ᬳᬢᬫ᭄ᬯᬂᬢᬾᬩᬜᬜᬦ᭄ᬤᬂ᭞ᬬᬾᬦ᭄ᬫᬩᬮᬶᬄ᭞ᬓᬤᬸᬕᬵᬢ᭄ᬯᬄᬫ᭄ᬚᬂᬓᬃᬬ᭄ᬬᬵ᭟ᬳᬤᬢᭀᬦᬾᬳ᭄ᬦᬸᬚᬸᬫᬄ᭞ᬢᭀᬂᬓ᭄ᬦᬵᬧᭂᬲᬸᬫᬩᬮᬶᬄ᭞ᬫᬗ᭄ᬮᬄᬧ᭄ᬬᬦ᭄ᬳᬶᬧᭀᬯᬦ᭄᭞ᬫᬦᬶᬗᭂᬄᬕᬫ᭄ᬩᬸᬳᬾᬮᬸᬳᬸᬂ᭞ᬫ᭄ᬮᬳᬶ

[᭗᭘ 78A]
᭗᭘
ᬩ᭄ᬫᬗᬸᬢᬂᬧ᭄ᬬᬦᬓ᭄᭞ᬳᬤᬵᬩ᭄ᬮᬶᬂ᭞ᬫᬜᬓᬶᬢ᭄ᬫᬗᬦ᭄ᬢ᭄ᬬᬂᬍᬓᬤ᭄᭟ᬢᬢ᭄ᬮᬸᬦᭂᬤᬸᬦᬂᬩᬮ᭄ᬬᬦ᭄᭞ᬓᬾᬯᭂᬳᬦ᭄ᬧᬤᬵᬦᬸᬮᬸᬗᬶᬦ᭄᭞ᬓᬩᭂᬩᭂᬂᬭᬭᬾᬦᬾᬋᬓᭀ᭞ᬫᬗ᭄ᬭᬸᬗᬸᬕᬫ᭄ᬩᬸᬳᬾᬮᬸᬳᬸᬂ᭞ᬕᬫ᭄ᬩᬸᬄᬚᬯᬵᬢ᭄ᬯᬭᬵᬧᬤᬵ᭞ᬕᬫ᭄ᬩᬸᬄ
ᬩᬮᬶ᭞ᬦᬾᬦᬾᬗᬶᬕᭂᬮ᭄ᬤᬶᬩᬜ᭄ᬘᬶᬗᬄ᭟ᬢ᭄ᬯᬭᬫᬗ᭄ᬮᬶᬗᬸᬯᭀᬂᬩᬬᬵ᭞ᬫᬮᬳᬶᬩᬮ᭄ᬬᬦᬾᬲᬫᬶ᭞ᬧᬤᬵᬓᬩᬜ᭄ᬘᬶᬗᬄᬗᭀᬚᭀᬕ᭄᭞ᬦᬾᬦᬾᬫᬜᬓᬶᬢ᭄ᬫᬫᬶᬲᬸᬄ᭞ᬢᬦ᭄ᬧᬢ᭄ᬫᬄᬳᬶᬩᭂᬧᬤᬵ᭞ᬫᬫ᭄ᬩᭂᬮᬲᬶᬦ᭄᭞ᬕᬫ᭄ᬩᬸᬳᬾ᭠
ᬤᬶᬢᬸᬄᬢᬄᬩᬬᬵ᭟ᬓᬳᬶᬚᬵᬢᭀᬗᭀᬲᬶᬦ᭄ᬳᬶᬩᬵ᭞ᬢᭀᬂᬳᭂᬫ᭄ᬧᬸᬕᬦ᭄ᬗᬸᬢᬄᬕ᭄ᬢᬶᬄ᭞ᬚᬗ᭄ᬓᬵᬧᬶᬧᬶᬲᬾᬮᬶᬫᭀᬮᬲ᭄᭞ᬫᬶᬯᬄᬩ᭄ᬭᬲᬾᬳᬘᬯᬸ᭞ᬩᬦ᭄ᬢᭂᬦ᭄ᬢᬓ᭄ᬱᬸᬓᬳᬶᬗ᭄ᬮᬄ᭞ᬩᬸᬭᬢ᭄ᬯᬗᬶ᭞ᬩᬓᬮ᭄ᬫᬗ᭄ᬮᭀᬓ᭄ᬮᭀᬓ᭄ᬢᭂᬲ᭄ᬜ
᭟ᬢᬓ᭄ᬱᬸᬦ᭄ᬳᬶᬩᬦᬾᬫᬳᬶᬬᬂ᭞ᬓᬳᬶᬳᬸᬭᬩᬩᬦ᭄ᬓᬳᬶ᭞ᬲᬓᬶᬢ᭄ᬲᬜ᭄ᬚᬵᬓᬳᬶᬋᬓᭀ᭞ᬫᬓ᭄ᬚᬂᬗᬮᬳᬶᬦ᭄ᬧᭂᬲᬸ᭞ᬚᬦᬶᬗᬸᬬᬂᬫᬗᬸᬮᬶᬗ᭄ᬲᬄ᭞ᬦᬾᬦᬾᬫ᭄ᬯᬦᬶ᭞ᬓᬤᬸᬂᬮᬦᭂᬢ᭄ᬤᬶᬩᬜ᭄ᬘᬶᬗᬄ᭟ᬢᬦ᭄ᬓᭀᬘᬧᬯᭀᬂᬫᬦᬓ [ 79 ][᭗᭘ 78B]
᭗᭘
ᬦ᭄᭞ᬧᬸᬦ᭄ᬱ᭄ᬫᬃᬫᬭᬵᬜᭂᬮᬦᬶ᭞ᬩᬸᬗᬸᬢ᭄ᬜᬦᬾᬓᬤᬶᬩᭀᬜ᭄ᬚᭀᬃ᭞ᬫᬢᬦ᭄ᬜᬦᬾᬳᬦᬾᬄᬩᬶᬭᬸ᭞ᬯᭀᬂᬕᬸᬫᬸᬬᬸᬓᬤᬶᬲᬸᬭᬓ᭄᭞ᬓᬶᬗᬚᬸᬭᬶᬢ᭄᭞ᬭᬤᬾᬦ᭄ᬕᬮᬸᬄᬮᬶᬦ᭄ᬢᬂᬳᬶᬘ᭄ᬙᬵ᭟ᬧᬭᬵᬧᬸᬢ᭄ᬭᬶᬧᬭᬵᬳᬶᬤᬵ᭞ᬭᬫᬾᬕᬸᬫᬸᬬᬸ
ᬳᬶᬭᬶᬓᬶ᭞ᬲᬫᬶᬫᭂᬲᬸᬯᬂᬬᬾᬄᬧᬦᭀᬦ᭄᭞ᬧᬤᬵᬓᬤᬸᬭᬸᬲ᭄ᬕᬸᬫᬸᬬᬸ᭞ᬳᬤᬵᬗᬗ᭄ᬓᭂᬮ᭄ᬲᬓᬶᬢ᭄ᬩᬲᬂ᭞ᬳᬶᬤᬵᬳᬶᬲ᭄ᬢ᭄ᬭᬶ᭞ᬕᬸᬬᬸᬫᬫᬳᬶᬤ᭄ᬧᬜᬸᬄᬳᬵ᭟ᬕᬫ᭄ᬩᬸᬳᬾᬯᬸᬲ᭄ᬫᬜᬭᬶᬢᬵ᭞ᬧᬜ᭄ᬚᬶᬦᬾᬫᬗ᭄ᬓᬶᬦ᭄ᬫᬦᬗᬶᬲ᭄᭞ᬫᬜ᭄ᬚ᭄ᬭᬶᬢ᭄ᬫᬭᬵᬫᬜᭂ
ᬦ᭄ᬤᭀᬦ᭄᭞ᬫᬜᭂᬮᬾᬫ᭄ᬧᭀᬄᬫᬓᬭᬸᬩᬸᬂ᭞ᬓᬤᬾᬳᬦᬾᬧᬤᬵᬗ᭄ᬮᬯᬦ᭄᭞ᬚ᭄ᬭᬢ᭄ᬚᭂᬭᬶᬢ᭄ᬲ᭄ᬫᬭᬾᬫᬓᬸᬭᬾᬬᬓᬦ᭄᭞ᬓᬲᭀᬃᬕᬫ᭄ᬩᬸᬳᬾᬲᬂᬦᬵᬣ᭞ᬧᬜ᭄ᬚᬶᬦᬾᬫᬗᬰᬶᬳᬰᬶᬄ᭞ᬢᬸᬃᬫᬫᭂᬲ᭄ᬯᬂᬬᬾᬄᬧᬦᭀᬦ᭄᭞ᬳᬓᬾᬄᬯᭀᬂᬧ
ᬤᬵᬓᬧᬗ᭄ᬮᬸᬄ᭞ᬳᬤᬵᬗ᭄ᬮᬶᬂᬫᬦᬸᬳᬸᬢᬂ᭞ᬰ᭄ᬭᬶᬪᬹᬧᬢᬶ᭞ᬕᬯᭀᬓ᭄ᬢᬦ᭄ᬓᭂᬦᬵᬗᬦ᭄ᬤᬶᬓᬵ᭟ᬳᬓᬾᬄᬤᬕᬗᬾᬩ᭄ᬢᬾᬦᬦ᭄᭞ᬤᬶᬫᬃᬕ᭄ᬕᬦᬾᬗᬤᭀᬮ᭄ᬦᬲᬶ᭞ᬤᬕᬂᬚᬚᬮᬦ᭄ᬯᭀᬄᬯᭀᬳᬦ᭄᭞ᬫᬗ᭄ᬭᬸᬗᬸᬯᭀᬂᬗᬕᬸᬫᬸᬬᬸ

[᭗᭙ 79A]
᭗᭙
᭞ᬧᬤᬵᬗᬮᬳᬶᬦ᭄ᬤᬕᬗᬦ᭄᭞ᬬᬫᬩᬮᬶᬄ᭞ᬤᬕᬗᬦᬾᬳᬫᬄᬘᭂᬤ᭄ᬥᬵᬃ᭟ᬳᬓᬾᬄᬳᬦᬓ᭄ᬧᬲᬸᬩᬮᬵ᭞ᬤᬕᬗᬾᬫᬲᬶᬄᬫᬩᬮᬶᬄ᭞ᬓᬢᬸᬗ᭄ᬓᬸᬜᬵᬧᬤᬵᬩ᭄ᬗᭀᬂ᭞ᬦᬲᬶᬚᬚᬵᬧ᭄ᬦᬄᬍᬧᬸᬕ᭄᭞ᬳᬫᬄᬩᬗ᭄ᬓᬸᬂᬳᬫᬄᬘᭂᬤ᭄ᬥᬃ᭞ᬧ
ᬤᬵᬗ᭄ᬮᬶᬂ᭞ᬧᬶᬧᬶᬲ᭄ᬜᬦᬾᬳᭀᬜᬵᬳᬶᬮᬂ᭟ᬧ᭄ᬦᬄᬮᬶᬗ᭄ᬲᬶᬃᬲᬗ᭄ᬳ᭄ᬬᬂᬲᬹᬃᬬ᭄ᬬᬵ᭞ᬤᬾᬭᬾᬂᬕᭂᬫ᭄ᬧᬶᬄᬯᭀᬂᬫᬩᬮᬶᬄ᭞ᬲᬬᬦ᭄ᬚᭂᬚᭂᬮ᭄ᬯᭀᬂᬫᬦᭀᬦ᭄ᬢᭀᬦ᭄᭞ᬢ᭄ᬯᬭᬵᬧᬤᬵᬗᭀᬭᬂᬲ᭄ᬥᬸᬓ᭄᭞ᬳᬮᬄᬩ᭄ᬯᬶᬦ᭄ᬫᬦᬵᬓᬬᬂ᭞ᬮᬸᬫ᭄ᬯᬦᬶ᭞ᬯᭀᬯᬶ
ᬦ᭄ᬤᬸᬢᬶᬗ᭄ᬳᬮ᭄ᬧᬦᭂᬗ᭄ᬕᬄ᭟ᬳᬤᬢᭀᬂᬧᭀᬮᬶᬄᬫ᭄ᬦᬾᬓᬦ᭄᭞ᬩ᭄ᬢᬾᬦᬦ᭄ᬧᬢᬶᬓᬩᬶᬭᬶᬢ᭄᭞ᬲᬸᬳᬸᬂᬧ᭄ᬓᭂᬦᬦᬾᬋᬓᭀ᭞ᬓᬩᬜ᭄ᬘᬶᬗᬄᬦᭀᬦ᭄ᬢᭀᬦ᭄ᬕᬫ᭄ᬩᬸᬄ᭞ᬭᬳᬤᬾᬦ᭄ᬕᬮᬸᬄᬓᭀᬘᬧᬵ᭞ᬦᬸᬫᬩᬮᬶᬄ᭞ᬢᬦ᭄ᬕᬢᬵᬫᬭᬾᬂ
ᬢᬶᬗᬮ᭄᭟ᬢᬗ᭄ᬲᬄᬧᭂᬦ᭄ᬤᬓ᭄ᬧᭂᬦ᭄ᬤᬓ᭄ᬢᬶᬗᬮ᭄᭞ᬓᬫᬦᬶᬲ᭄ᬫᬦᬶᬲᬗ᭄ᬮᬶᬭᬶᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜᭂᬦ᭄ᬤᭀᬦ᭄᭞ᬤᬸᬫᬤᬓ᭄ᬩᬸᬗᬦᬾᬳᬸᬮᬸᬂ᭞ᬳᬶᬜ᭄ᬚᬳᬦ᭄ᬤᬶᬢ᭄ᬗᬄᬧᬲᬃ᭞ᬫᬤ᭄ᬬᬮᬢ᭄ᬭᬶ᭞ᬢᬶᬢ᭄ᬬᬂᬜᬗ᭄ᬕᬵᬩᬳᬦ᭄ᬧᬮ᭄ᬯᬵ᭟ᬯᭀᬂᬚᬯᬵᬧ [ 80 ][᭗᭙ 79B]
᭗᭙
ᬤᬵᬢᬦ᭄ᬯᬶᬓᬦ᭄᭞ᬲᭂᬲᭂᬦ᭄ᬤᭀᬦᬾᬓᬣᬵᬩᬮᬶ᭞ᬳᬦᬯᬂᬢ᭄ᬭᬗ᭄ᬕᬡ᭄ᬦᬵᬯᬶᬓᬦ᭄᭞ᬫᬗ᭄ᬕᬸᬢ᭄ᬲᬃᬯ᭄ᬯᬶᬤᬦᬾᬓ᭄ᬜᬸᬂ᭞ᬧᬸᬧᬸᬢ᭄ᬲᬫᬶᬤᬶᬧᬳᬸᬮᬦ᭄᭞ᬲᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬫᬮ᭄ᬯᬭᬦ᭄᭟ᬓᭀᬘᬧ᭄ᬫᬗ᭄ᬓᬶᬦ᭄ᬤᬶᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬓᬭᬶ
ᬫᬮᬶᬗ᭄ᬕᬶᬄ᭞ᬳᬓᬾᬄᬳᬦᬓᬾᬧᬲᬗᭀ᭞ᬫᬗᭂᬦᬂᬕᬫ᭄ᬩᬸᬳᬾᬲᬸᬳᬸᬤ᭄᭞ᬤᬾᬦᬶᬂᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬲᬜ᭄ᬚ᭞ᬯᬂᬫᬩᬮᬶᬄ᭞ᬧᬤᬵᬫᬦ᭄ᬢᬸᬓ᭄ᬱᭀᬯᬂᬰᭀᬯᬂ᭟ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬓ᭄ᬫᬵᬧᬢᬶᬄᬢᬦ᭄ᬤᬵᬫᬦ᭄ᬢ᭄ᬭᬶ᭞ᬳᬮᬶᬄᬬᬵᬢᬫ᭄ᬬᬸᬦᬾ
ᬋᬓᭀ᭞ᬓᭀᬮᬚᬦᬶᬳᬲᬸᬂᬲ᭄ᬓᬸᬮ᭄᭞ᬢᬸᬦ᭄ᬤᬾᬦ᭄ᬫᬳᬶᬓᬩᬜ᭄ᬘᬶᬗᬄ᭞ᬧᬢᬶᬄᬫᬦ᭄ᬢ᭄ᬭᬶ᭞ᬮᬸᬫᬫ᭄ᬧᬄᬢᬸᬃᬕᬕ᭄ᬮᬶᬲᬦ᭄᭟ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬭᬳᬤ᭄ᬬᬦ᭄᭞ᬳᬗᬸᬘᬧ᭄ᬢᬸᬳᬸᬳᬫᬦᬶᬲ᭄᭞ᬫᬃᬕ᭄ᬕᬶᬋᬓᬾᬓᬩᬜ᭄ᬘᬶᬗᬄ᭞ᬧᬗᬦ᭄ᬤᬶᬓᬦ᭄ᬥᬵᬲᬂᬧ᭄ᬭᬪᬹ
᭞ᬳᬶᬤᬵᬫᬗ᭄ᬓᬶᬦ᭄ᬳᬲᬸᬂᬢᬤᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬫᭂᬧᭂᬲ᭄ᬢᬸᬃᬫᬗᬦ᭄ᬤᬶᬓᬵ᭟ᬳᬶᬗ᭄ᬕᬶᬄᬳᬢᬸᬭᬂᬭᬶᬂᬳᬶᬤᬵ᭞ᬢᬶᬢ᭄ᬬᬂᬬᬾᬦ᭄ᬤᬯᭂᬕ᭄ᬫᬧᬫᬶᬢ᭄᭞ᬬᬾᬦ᭄ᬤᬸᬭᬸᬲ᭄ᬳᬶᬘᬵᬲᬂᬓᬢᭀᬂ᭞ᬦᬾᬦᬾᬩᬾᬜ᭄ᬚᬂᬢᬶᬢ᭄ᬬᬂᬦᬸᬳᬸᬦ᭄᭞ᬦᬸᬦᬲ᭄ᬧᬳᬶ

[᭘᭐ 80A]
᭘᭐
ᬘᬵᬭᬶᬂᬳᬶᬤᬵ᭞ᬲᬶᬭᬵᬧᬢᬶᬄ᭞ᬫᬯᬮᬶᬧ᭄ᬭᬧ᭄ᬢᬾᬂᬩᬜ᭄ᬘᬶᬗᬄ᭟ᬳᬕ᭄ᬮᬶᬲ᭄ᬫᬢᬸᬃᬭᬶᬂᬲᬂᬦᬵᬣ᭞ᬤᬦᬾᬫᬫᬶᬦ᭄ᬤᬄᬦᬾᬫᬗ᭄ᬓᬶᬦ᭄᭞ᬩᬾᬜ᭄ᬚᬂᬤᬦᬾᬦᬸᬦᬲ᭄ᬋᬓᭀ᭞ᬧᬳᬶᬘᬵᬦ᭄ᬳᬶᬤᬵᬲᬂᬧ᭄ᬭᬪᬹ᭞ᬲᬂᬦᬵᬣᬳᬮᭀᬦ᭄ᬗᬦ᭄ᬤᬶᬓᬵ᭞ᬦᬄᬦᬾᬫᬦᬶ᭞ᬳᬧᬂᬓᬓᬵ
ᬫᬗᬶᬢᬸᬗᬂ᭟ᬲᬦ᭄ᬤᬶᬓᬵᬦ᭄ᬘᭀᬓᭀᬃᬳᬶᬤᬾᬯᬵ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬧᬫᬶᬢ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭᬵ᭞ᬓᬧᬗ᭄ᬕᬶᬄᬭᬳᬤᬾᬦ᭄ᬕᬮᬸᬄ᭞ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬦᬾᬦᬾᬚᬦᬶ᭞ᬳᬤᬵᬩ᭄ᬯᬶᬦ᭄‌‌ᬓᬾᬥᭂᬧ᭄ᬩᬧᬵ᭟ᬩᬧᬵᬩ᭄ᬯᬶᬦ᭄ᬫᬦ᭄ᬤᬵᬯᬸᬳᬂ
᭞ᬳᬧᬂᬫᬗᬶᬕᭂᬮ᭄ᬦᬾᬫᬦᬶ᭞ᬓᬾᬦ᭄ᬧᬢᬶᬄᬲᬸᬫᬯᬸᬃᬳᬮᭀᬦ᭄᭞ᬗᬶᬢᬸᬗᬂᬩᬓᬮ᭄ᬫᬢᬫ᭄ᬬᬸ᭞ᬭᬳᬤᬾᬦ᭄ᬕᬮᬸᬄᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬧᬢᬸᬢ᭄ᬧᬶᬲᬦ᭄ᬓᬬᬸᬦ᭄ᬩᬧᬵ᭟ᬢᬦ᭄ᬓᭀᬘᬧᬦ᭄ᬬᬭᬶᬂᬧᬸᬭᬵ᭞ᬓᬯᬸᬲᬸᬲᭂᬦ᭄ᬭᬤᬾᬦ᭄ᬤᬾᬯᬶ᭞
ᬓᬚᬸᬫᬄᬤᬾᬩ᭄ᬓᬸᬂᬗᭀᬚᭀᬕ᭄᭞ᬓᭀᬘᬧᬵᬚᬦᬶᬫᬾᬦ᭄ᬩᭂᬓᬸᬂ᭞ᬤᬳᬭᬾᬲᬫ᭄ᬧᬸᬦ᭄ᬘᬸᬫᬥᬂ᭞ᬲᬧ᭄ᬭᬵᬢᬾᬓᬶ᭞ᬳᬸᬮᬫ᭄ᬧᬲᬶᬄᬳᬸᬮᬫ᭄ᬫᬬᬫ᭄᭟ᬢᬸᬫᬸᬮᬶᬄᬫᬗ᭄ᬓᬶᬦ᭄ᬫᬚᭂᬗᬦ᭄᭞ᬲᬋᬂᬮᬯᬦ᭄ᬧᬢᬶᬄᬫᬦ᭄ᬢ᭄ᬭᬶ᭞ᬮᬸᬫᬶᬦ᭄ᬕᬸᬮᬵᬮᬯᬸᬄ [ 81 ][᭘᭐ 80B]
᭘᭐
ᬋᬓᭀ᭞ᬩᬺᬫ᭄ᬳᬭᬓ᭄ᬱᬚᭂᬂᬮᬸᬫᬶᬦ᭄ᬢᬸ᭞ᬲᬫ᭄ᬧᬸᬦ᭄ᬯᬸᬲᬦ᭄ᬫᬳᬚᭂᬗᬦ᭄᭞ᬓᬜ᭄ᬘᬶᬢ᭄ᬯᭂᬗᬶ᭞ᬤᬾᬩ᭄ᬓᬸᬂᬫᬢᬸᬃᬳᬦᭂᬫ᭄ᬩᬄ᭟ᬢᬶᬢ᭄ᬬᬂᬫᬢᬸᬃᬭᬶᬂᬳᬶᬤᬾᬯᬵ᭞ᬧᬗᬦ᭄ᬤᬶᬓᬵᬦ᭄ᬭᬤᬾᬦ᭄ᬤᬾᬯᬶ᭞ᬓ᭄ᬦᭂᬳᬶᬤᬾᬯᬵᬫᬗᬦ᭄ᬢᭀᬲ᭄᭞ᬤᬶᬧᬲᬭᬾᬢ᭄ᬗᬄᬤᬮᬸ᭞ᬫᬸᬦᬶᬧ᭄ᬦᬮᬶ᭠
ᬓᬦ᭄ᬧᬶᬂᬧᬢ᭄᭞ᬤᬦᬾᬫᬶᬚᬶᬮ᭄᭞ᬦᬶᬓᬵᬳᬗᬾᬦ᭄ᬧᬢᭂᬗ᭄ᬭᬦ᭄᭟ᬧᬸᬧᬸᬢ᭄ᬫᬳᭀᬭᬳᭀᬭᬳᬦ᭄᭞ᬓᬯᬸᬯᬸᬲᭂᬦ᭄ᬫᬤ᭄ᬬᬮᬢ᭄ᬭᬶ᭞ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬫᬢᬸᬭᭀᬦ᭄᭞ᬲᬶᬋᬧ᭄ᬲᬫᬶᬤᬶᬚ᭄ᬭᭀᬳᬕᬸᬂ᭞ᬦᬯᬂᬢ᭄ᬭᬗ᭄ᬕᬡᬵᬓᭀᬘᬧᬵ᭞ᬦᬾᬦᬾᬗᬶᬭᬶᬂ
᭞ᬲᬫᬶᬧᬯᭀᬗᬦ᭄ᬮᬶᬫᭀᬮᬲ᭄᭟ᬦᬯᬂᬢ᭄ᬭᬗ᭄ᬕᬡᬵᬫᬧᬬᬲ᭄᭞ᬫᬗ᭄ᬭᬗ᭄ᬲᬸᬓ᭄ᬧᬬᬲ᭄ᬳᬗ᭄ᬭᬯᬶᬢ᭄᭞ᬫᬯᬲ᭄ᬢ᭄ᬭᬧᬾᬋᬫᬲ᭄ᬳᬶᬚᭀ᭞ᬫᬩᬧᬂᬕᬭᬸᬤ᭄ᬥᬵᬫᬸᬗ᭄ᬓᬸᬃ᭞ᬫᬲᬸᬯᭂᬂᬫᬵᬲ᭄ᬢᬸᬮᬓ᭄ᬫᬸᬜ᭄ᬘᬃ᭞ᬓᬫᬵᬓᭂᬡ᭄ᬥᬶᬢ᭄᭞ᬫᬕ᭄ᬮᬂᬳ᭄ᬫᬲ᭄ᬫᬢᬢᬄ᭟ᬫᬩᬸ
ᬗ᭄ᬓᬸᬂᬲᬲᬭᬸᬤᬶᬭᬵ᭞ᬫᬢᬢ᭄ᬓᭂᬲ᭄ᬫᬶᬭᬄᬳᬤᬶ᭞ᬫᬳᬦ᭄ᬢᭂᬂᬳ᭄ᬬᬲᬸᬢ᭄ᬭᬵᬳᬶᬚᭀ᭞ᬫᬲᬩᬸᬓ᭄ᬱᬸᬢ᭄ᬭᬦᬾᬤᬤᬸ᭞ᬫᬢ᭄ᬧᬶᬩᬶᬫᬲ᭄ᬭᬓ᭄ᬢᬵ᭞ᬮ᭄ᬯᬶᬃᬤᬥᬭᬶ᭞ᬭᬸᬧᬦᬾᬫᬗᬬᬗᬬᬂ᭟ᬧᬯᭀᬗᬦ᭄ᬧᬤᬵᬫᬧᬬᬲ᭄᭞ᬫᬧᬗ

[᭘᭑ 81A]
᭘᭑
ᬗ᭄ᬕᭀᬲᬃᬯ᭄ᬯᬍᬯᬶᬄ᭞ᬳᬬᬸᬳᬬᬸᬳᬦᭀᬫᬦᭀᬫ᭄᭞ᬤᬯᬸᬄᬳᭂᬫ᭄ᬧᬢ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬫᬲ᭄ᬯᬭᬵᬓᬂᬧᬦᬮᬶᬓᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬗ᭄ᬭᬸᬓᬂᬧ᭄ᬦᬮᬶᬓᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓ᭄ᬩᭀᬢᬦ᭄ᬫᬸᬦ᭄ᬤᬸᬃᬢᬶᬦᬗᬶ᭞ᬚᬮᬦ᭄ᬚᬦᬶᬓᬓᬵ
ᬧᬤᬵ᭞ᬫᬫᬸᬗ᭄ᬧᬸᬂᬳᬦᬓᬾᬲᬸᬳᬸᬂ᭞ᬧᬦᬮᬶᬓᬦᬾᬫᬲ᭄ᬯᬭᬵ᭞ᬢᬸᬃᬫᬫᬃᬕ᭄ᬕᬶ᭞ᬳᬶᬗᬶᬭᬶᬂᬤᬾᬦᬶᬂᬓᬤᬾᬳᬦ᭄᭟ᬢᬦ᭄ᬓᭀᬘᬧᬵᬭᬶᬂᬤᬤᬮᬦ᭄᭞ᬭᬯᬸᬄᬤᬶᬧᬲᬭᬾᬫᬗ᭄ᬓᬶᬦ᭄᭞ᬤᬶᬩᬢᬦ᭄ᬢᬾᬫ᭄ᬩᭀᬓᬾᬜᭀᬗ᭄ᬓᭀᬓ᭄᭞ᬧ᭄ᬦᬄᬤᬶᬗᬶᬦ᭄ᬩ᭄ᬯᬶᬦᬬᬸ
ᬩ᭄᭞ᬫᬲᬶᬄᬢ᭄ᬯᬭᬳᬤᬢ᭄ᬓᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬗ᭄ᬭᬱᬵᬤᬦᬾᬓᬩᬶᬱᬾᬓᬵ᭟ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬤᬯᬸᬄᬲᬧ᭄ᬝᬵ᭞ᬫᬍᬃᬓᬭᬶᬬᬵᬓᬳᬦ᭄ᬢᬶ᭞ᬲᬶᬂᬫᬓᬺᬲᭂᬓᬦ᭄ᬳ᭄ᬬᬳᭀᬚᭀᬕ᭄᭞ᬫᬲᬶᬄᬩᭀᬬᬵᬭᬤᬾᬦ᭄ᬕᬮᬸᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗ
ᬦ᭄ᬤᬶᬓᬵ᭞ᬓᬓᬵᬧᬢᬶᬄ᭞ᬯᬸᬮᬢ᭄ᬱ᭄ᬫᬂᬫᬦᬄᬳᬶᬭᬵ᭟ᬫᬭᬭᬯᬢ᭄ᬳᬩᬂᬯᬾᬢᬦ᭄᭞ᬚᬮᬦ᭄ᬓᬾᬓᬓᬵᬓᬮᬳᬶᬦ᭄᭞ᬲᬶᬜᬳᬤᬵᬳᬦᬓ᭄ᬢᬸᬫᭀᬦ᭄᭞ᬢᬸᬫᬸᬮᬶᬄᬫᬫᬃᬕ᭄ᬕᬶᬳᬰ᭄ᬭᬸᬄ᭞ᬲᬫ᭄ᬧᬸᬦ᭄ᬳᬤᭀᬄᬫᬭᬶᬂᬧᬲᬃ᭞ᬢᬦ᭄ᬧᬦᭀ [ 82 ][᭘᭑ 81B]
᭘᭑
ᬮᬶᬄ᭞ᬳᬶᬗᬶᬭᬶᬂᬤᬾᬦᬶᬂᬓᬤᬾᬳᬦ᭄᭟ᬢᬦ᭄ᬓᭀᬘᬧᬜᬭᬶᬂᬚᬮᬦ᭄᭞ᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬭᬶᬂᬧᬲᬶᬲᬶ᭞ᬩᬢᬦ᭄ᬓᭂᬢᬗᬾᬜᭀᬗ᭄ᬓᭀᬓ᭄᭞ᬭᬫᬾᬳᬬᬫᬓᬸᬓ᭄ᬭᬸᬬᬸᬓ᭄᭞ᬭᬳᬤᬾᬦ᭄ᬕᬮᬸᬄᬓᭀᬘᬧᬵ᭞ᬦᬸᬤᬶᬧᬸᬭᬶ᭞ᬤᬾᬭᬾᬂ
ᬧᭀᬮᬶᬄᬫᬃᬕ᭄ᬕᬶᬫ᭄ᬥᬮ᭄᭟ᬧᬓᬾᬬᬸᬄᬤᬦᬾᬫᬗ᭄ᬭᬱᬵ᭞ᬲᬶᬂᬩᬩᬃᬲᬸᬩᬵᬫᬳᬶᬲᬶ᭞ᬲᬶᬸᬂᬕ᭄ᬩᬕᬦᬾᬩᬶᬮᬂᬤᬵᬗ᭄ᬓ᭞ᬧ᭄ᬭᬬᬢ᭄ᬦᬵᬫᬗᬫᭂᬮ᭄ᬲᬤᬸ᭞ᬤᬶᬚᭂᬫ᭄ᬧᭂᬂᬢᬾᬫ᭄ᬩᭀᬓᬾᬳᭂᬫ᭄ᬩᬤ᭄᭞ᬢᭀᬳᬫ᭄ᬩᬳᬶᬦ᭄᭞ᬩᬸᬳᬸᬕ᭄ᬩᬗᭂᬲᬾᬢᬦ᭄ᬢᭂ
ᬮᬕ᭄᭟ᬓᬧᬗ᭄ᬕᬶᬄᬮᭀᬂᬮᭀᬗᬦ᭄ᬲ᭄ᬯᬮ᭄᭞ᬫᬸᬜᬶᬦᬾᬫᬲᬶᬗᬸᬮᬶᬫᬶᬤ᭄᭞ᬧᬕᭂᬳᬦᬾᬳᭀᬜᬂᬲ᭄ᬯᬮ᭄᭞ᬫᬭᬩ᭄ᬯᬓ᭄ᬮᬯᬸᬢ᭄ᬫᬘ᭄ᬩᬸᬃ᭞ᬩᬸᬳᬸᬕᬾᬳᬧᬕ᭄ᬮᬗᬦ᭄᭞ᬳᬯᭀᬃᬧ᭄ᬗᬶᬢ᭄᭞ᬗᭂᬜ᭄ᬚᭂᬓ᭄ᬩᬘᬶᬦᬾᬢᬦ᭄ᬢᭂᬮᬕ᭄᭟ᬢᬸᬮᬸᬂᬓᬵ
ᬳᬶᬓᬓᬵᬩᬬᬦ᭄᭞ᬲᬫᬶᬧᬜ᭄ᬚᬓᬾᬚᬕ᭄ᬚᬕᬶᬦ᭄᭞ᬧᬤᬵᬫᬜ᭄ᬚᬕ᭄ᬚᬕ᭄ᬫᬜᬗ᭄ᬓᭀᬮ᭄᭞ᬲᬫ᭄ᬧᬸᬦ᭄ᬓᬮᬶᬯᬢᬦ᭄ᬩᬸᬳᬸᬕ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬮᬯᬗᬦ᭄᭞ᬲᬕᬾᬢ᭄ᬲᭂᬧᬶ᭞ᬕ᭄ᬩᬕᬦᬾᬧᬚᬸᬮᬶᬫ᭄ᬧᬂ᭟ᬲᬵᬫ᭄ᬧᬸᬦ᭄ᬭᬯᬸᬄᬤᬶᬩ᭠

[᭘᭒ 82A]
᭘᭒
ᬜ᭄ᬘᬶᬗᬄ᭞ᬫᬫᬃᬕ᭄ᬕᬶᬤᬸᬮᬸᬭᬶᬂᬯᬶᬤ᭄ᬥᬶ᭞ᬭᬶᬗᬮᬸᬦᬮᬸᬦ᭄ᬫᬗᭀᬚᭀᬕ᭄᭞ᬮᬯᬸᬢ᭄ᬧᬤᬵᬗ᭄ᬮᬸᬲ᭄ᬢᬗ᭄ᬮᬸᬓ᭄᭞ᬲ᭠ᬫ᭄ᬧᬸᬦ᭄ᬫᬗ᭄ᬓᬶᬦ᭄ᬓᬮᬶᬯᬢᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬧᬲᬭᬾᬫᬘᬶᬗᬓᬦ᭄᭟ᬫᬋᬧ᭄ᬓᭂᬮᭀᬤ᭄ᬫᬋᬧ᭄ᬓᬚᬵ᭞ᬫᬋᬧ᭄ᬓᬯᬸᬄᬫᬋ
ᬧ᭄ᬓᬗᬶᬦ᭄᭞ᬢᬸᬫᬸᬮᬶᬄᬢᬗ᭄ᬓᭂᬚᬸᬢ᭄ᬩᭂᬗᭀᬂ᭞ᬫᬗᬤᭂᬕ᭄ᬤᬶᬤᬸᬳᬸᬃᬩᬢᬸ᭞ᬲᭀᬭᬶᬂᬢᬭᬸᬫᬦᬶᬭᬓ᭄ᬢᬵ᭞ᬳᬲ᭄ᬫᬸᬢᬗᬶᬲ᭄᭞ᬢᬸᬮᬸᬗᬶᬦ᭄ᬚᬵᬦᬶᬭᬓᬓᬵ᭟ᬫᬢᬶᬦᬶᬭᬓᬓᬵᬩᬬᬦ᭄᭞ᬳᬶᬩ᭄ᬮᬶᬲᬸᬩᬵᬫ᭄ᬮᬲᬶᬦ᭄᭞ᬤᬸᬄᬤᬶᬚᬵᬳᬦᬓᬾᬦᭀ
ᬗᭀᬲ᭄᭞ᬤᬸᬫᬤᬓ᭄ᬚᬤᬦᬾᬓᬦ᭄ᬢᬸᬦ᭄᭞ᬳᬦ᭄ᬢᭀᬲ᭄ᬢᬶᬢ᭄ᬬᬂᬤᬶᬚᬮᬦ᭄ᬚᬮᬦ᭄᭞ᬳᬤᬸᬄᬩᬶᬩᬶ᭞ᬓ᭄ᬫᬵᬫᬸᬮᬶᬄᬓᬾᬳᬾᬗ᭄ᬕᬮᬂ᭟ᬲᬶᬜᬤᬦᬾᬓ᭄ᬫᬵᬲᬶᬗ᭄ᬕᬄ᭞ᬕ᭄ᬮᬶᬲᬂᬩᬶᬩᬶᬤ᭄ᬮᭀᬓᬶᬦ᭄᭞ᬤᬾᬩ᭄ᬓᬸᬂᬫᬮᬳᬶᬩ᭄ᬋᬓᭀ᭞ᬭᬳᬤᬾᬦ᭄ᬕᬮᬸᬄ
ᬫᬦᬸᬢᬸᬕ᭄᭞ᬤᬾᬩ᭄ᬓᬸᬂᬢ᭄ᬓᭂᬤᬶᬚᬸᬫᬄ᭞ᬲᬸᬳᬸᬂᬲ᭄ᬧᬶ᭞ᬦᬾᬫ᭄ᬯᬦᬶᬫ᭄ᬤᭂᬫ᭄ᬜᬸᬮᬾᬫ᭄ᬧᬂ᭟ᬯᬄᬳᬸᬫᬳᬾᬚᬦᬶᬳᭀᬬᬕ᭄᭞ᬓ᭄ᬤᭂᬗᬶᬦ᭄ᬩᬢᬶᬲᬾᬫᬗ᭄ᬓᬶᬦ᭄᭞ᬦᬾᬫ᭄ᬯᬦᬶᬢᬗ᭄ᬓᭂᬚᬸᬢ᭄ᬋᬓᭀ᭞ᬤᬶᬗᭂᬄᬳᬦᬓ᭄ᬳᭂᬮᬸᬄᬳ᭄ᬮᬸᬄ᭞ᬦᬾᬫ᭄ᬯᬦᬶᬫᬗᬧᬓᬧᬓ᭄᭞ [ 83 ][᭘᭒ 82B]
᭘᭒
ᬮᬸᬢ᭄ᬩᭂᬲᬶᬓᬶᬦ᭄᭞ᬭᬤᬾᬦ᭄ᬕᬮᬸᬄᬓᬩ᭄ᬮᬲᬶᬦᬦ᭄᭟ᬦᬾᬫ᭄ᬯᬦᬶᬩᬗᬸᬦ᭄‌ᬗᬾᬗ᭄ᬕᬮᬂ᭞ᬫᬓ᭄ᬧᬸᬕ᭄ᬕᬶᬤᬢᬾᬲᬓᬶᬢ᭄᭞ᬓ᭄ᬫᬵᬧ᭄ᬲᬸᬳᬾᬗ᭄ᬕᬮ᭄ᬋᬓᭀ᭞ᬳᬢᭂᬄᬳᬶᬤᬵᬭᬤᬾᬦ᭄ᬕᬮᬸᬄ᭞ᬭᬓᬦ᭄ᬤᬦᬾᬲᬸᬩᬫᬸᬗ᭄ᬕᬄ᭞ᬭᬶᬂᬩᬦᬯᬶ᭞ᬓᬾᬦᬂᬬᬳᬾᬗ᭄ᬕ
ᬮᬦ᭄ᬮᭂᬫᬄ᭟ᬮᬸᬄᬫ᭄ᬯᬦᬶᬧᬤᬵᬧᭂᬲᬸᬯᬦ᭄᭞ᬭᬳᬤᬾᬦ᭄ᬕᬮᬸᬄᬓᬧᬗ᭄ᬕᬶᬄ᭞ᬩ᭄ᬬᬦᬵᬓᭀᬤᬦᬾᬳᬶᬭᬶᬓᬵ᭞ᬤᬶᬚᬸᬫᬄᬢᬶᬢ᭄ᬬᬗᬾᬲᬸᬳᬸᬂ᭞ᬬᬾᬦ᭄ᬲᬶᬧᬢᬸᬢ᭄ᬳᬢᬸᬃᬢᬶᬢ᭄ᬬᬂ᭞ᬫᬃᬕ᭄ᬕᬶᬫᬗ᭄ᬓᬶᬦ᭄᭞ᬓᬧᬲᬶᬰᬶᬬᬾᬦ᭄ᬕᭂᬮᬶᬲᬂ᭟ᬫᬦᬯᬶᬤᬦᬾᬳᬶᬭᬶᬓᬵ᭞
ᬲᬫ᭄ᬧᬸᬦ᭄ᬤᬾᬯᬵᬩᬳᬓᬗᬶᬦ᭄᭞ᬫᬦᬯᬶᬳᬶᬭᬶᬓᬵᬗᬦ᭄ᬢᭀᬲ᭄᭞ᬭᬳᬤᬾᬦ᭄ᬕᬮᬸᬄᬓᬧᬶᬗ᭄ᬮᬸᬄ᭞ᬫᬦᬗᬶᬲ᭄ᬫᬜᭂᬮ᭄ᬲᭂᬮ᭄ᬭᬕᬵ᭞ᬳᬦᬓ᭄ᬚᬦᬶ᭞ᬓᬾᬦᬾᬢ᭄ᬯᬄᬲᬚᬵᬢ᭄ᬫᬸᬜ᭟ᬬᬾᬦ᭄ᬢᭀᬂᬚᬦᬶᬓᬢᬸᬢᬸᬕᬦ᭄᭞ᬩᬦ᭄ᬳᬶᬭᬦᬸᬢᬸᬕ᭄ᬳᬶᬩ᭄ᬮᬶ
᭞ᬳᬶᬭᬵᬫᬢᬶᬤᬶᬦ᭄ᬢᭀᬤᬶᬦ᭄ᬢᭀ᭞ᬚ᭄ᬗᬄᬳᬶᬭᬵᬳ᭄ᬦᬸᬳᬶᬤᬸᬧ᭄᭞ᬤᬧᬶᬦᬶᬭᬫᬮᬶᬧᭂᬢᬦ᭄᭞ᬩ᭄ᬯᬶᬦ᭄ᬓᬧᬸᬭᬶ᭞ᬫᬲᬶᬄᬢ᭄ᬯᬭᬕᬶᬭᬵᬳᭂᬗ᭄ᬲᬧ᭄᭟ᬤᬾᬩ᭄ᬓᬸᬂᬫ᭄ᬯᬦᬶᬳᬦᭂᬫ᭄ᬩᬄ᭞ᬲᬧᬸᬦᬧᬶᬭᬢᬸᬫᬗ᭄ᬓᬶᬦ᭄᭞ᬫᬓ᭄ᬭᬡᬦ᭄ᬱ᭄ᬭᬦ᭄ᬢᬦᬾᬋᬓᭀ᭞ᬭᬳᬤᬾ᭠

[᭘᭓ 83A]
᭘᭓
ᬦ᭄ᬕᬮᬸᬄᬳᬫᬸᬯᬸᬲ᭄᭞ᬳᬶᬭᬵᬢᭀᬲᬶᬂᬧᭀᬮᬶᬄᬫᬃᬕ᭄ᬕᬵ᭞ᬲᬗ᭄ᬓᬵᬦ᭄ᬚᬦᬶ᭞ᬳᬶᬭᬤᬶᬦᬶᬓᬢᬶᬗ᭄ᬕᬮᬦ᭄᭟ᬫᬫᬃᬕ᭄ᬕᬶᬫᬗ᭄ᬓᬶᬦ᭄ᬲᬕ᭄ᬭᬳᬦ᭄᭞ᬕ᭄ᬮᬶᬲ᭄ᬋᬓᭀᬓᬧᬲᬶᬲᬶ᭞ᬓᬮᬩ᭄ᬯᬦ᭄ᬭᬭᬶᬲ᭄ᬫᬗᭀᬚᭀᬕ᭄᭞ᬲᬶᬂᬫᬗ᭄ᬭᬫ᭄ᬩᬸᬦ᭄ᬳᬶᬬᬵᬚᬸᬚᬸᬃ᭞ᬳᬾᬗ᭄ᬕᬮ᭄ᬓᬸᬤ
ᬳᬶᬬᬵᬗᭂᬦᬄ᭞ᬤᭀᬂᬧᬧᬕᬶᬦ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬢᭂᬓᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧᬵ᭞ᬳᬗ᭄ᬭᬸᬗᬸᬳᬦᬓ᭄ᬫᬦᬗᬶᬲ᭄᭞ᬩᬢᬦ᭄ᬓᬢᬧᬗᬾᬜᭀᬗ᭄ᬓᭀᬓ᭄᭞ᬳᭂᬦ᭄ᬢᭀᬭᬸᬗᬸᬓᬓᬵᬫᬮᬸ᭞ᬳᬦᬓ᭄ᬩᭂᬮᬶᬤᬶᬗᭂᬄᬦᬶ
ᬭᬵ᭞ᬮᬄᬢᬓᭀᬦᬶᬦ᭄᭞ᬧᬢᬶᬄᬫᬦ᭄ᬢ᭄ᬭᬶᬕ᭄ᬮᬶᬲ᭄ᬮᬸᬫᬫ᭄ᬧᬄ᭟ᬤᬾᬩ᭄ᬓᬸᬂᬭᬭᬶᬲ᭄ᬓᬧᭂᬦ᭄ᬤᬓ᭄᭞ᬳᬶᬭᬗ᭄ᬕᬵᬭᬭᬶᬲ᭄ᬦᬓᭀᬦᬶᬦ᭄᭞ᬲᬧᬲᬶᬭᬵᬤᬦᬾᬋᬓᭀ᭞ᬲᬕᬾᬢᬦ᭄ᬧ᭄ᬤᬲ᭄ᬤᬾᬩ᭄ᬓᬸᬂ᭞ᬧᬤᬵᬚᬦᬶᬫᬦ᭄ᬮᭂᬓ᭄ᬢᭂᬓᬂ᭞ᬧ᭄ᬤᬲ᭄ᬚᬦᬶ᭞ᬤᬾ
ᬩ᭄ᬓᬸᬂᬳᬮᭀᬦ᭄ᬳᬗᬸᬘᬧ᭄᭟ᬤᬸᬄᬤᬶᬚᬳᬵᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬫᬗ᭄ᬓᬶᬦ᭄ᬳᬶᬤᬵᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬳᬶᬦ᭄ᬳᬶᬤᬵᬭᬯᬸᬄᬋᬓᭀ᭞ᬫᬃᬕ᭄ᬕᬶᬦᬾᬲᬭᬦ᭄ᬢᬵᬧ᭄ᬲᬸ᭞ᬤᬦᬾᬲᬋᬂᬢ᭄ᬓᬾᬦ᭄ᬢᬶᬢ᭄ᬬᬂ᭞ᬩ᭄ᬬᬦᬵᬧᭀᬮᬶᬄ᭞ᬫᬃᬕ᭄ᬕᬶᬧᬓ᭄ᬫᬶᬢᬾᬓ [ 84 ][᭘᭓ 83B]
᭘᭓
ᬓᬢᬄ᭟ᬢᬦ᭄ᬯᬾᬦ᭄ᬢᭂᬦ᭄ᬢ᭄ᬯᬄᬳᬶᬤᬵᬢ᭄ᬫᬦ᭄᭞ᬩ᭄ᬬᬦᬵᬤᬦᬾᬧᭀᬮᬶᬄᬫᬃᬕ᭄ᬕᬶ᭞ᬳ᭄ᬦᬄᬮᬫᬸᬦ᭄ᬩᬸᬓᬵᬓᬾᬦ᭄ᬢᭀ᭞ᬤᬶᬦᬶᬓᭀᬩᬶᬩᬶᬫᬮᬸᬗ᭄ᬕᬸᬄ᭞ᬳᬶᬭᬫᬢᬸᬃᬭᬶᬂᬭᬳᬤ᭄ᬬᬦ᭄᭞ᬢᬸᬃᬫᬫᬃᬕ᭄ᬕᬶ᭞ᬤᬾᬩ᭄ᬓᬸᬂᬳ᭄ᬮᬸᬄᬲᬋᬗᬦ᭄᭟ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬭ
ᬳᬤ᭄ᬬᬦ᭄᭞ᬓ᭄ᬫᬵᬓᬾᬳᬢᬸᬭᬂᬩᬶᬩᬶ᭞ᬲ᭄ᬓᬮᬂᬦᬸᬧ᭄ᬢᭂᬂᬋᬓᭀ᭞ᬲᬂᬧ᭄ᬭᬪᬸᬤᬾᬭᬾᬂᬫᬯᬸᬗᬸ᭞ᬤᬶᬦᬶᬢᭀᬦ᭄ᬤᬾᬦ᭄ᬳᬦᬓ᭄ᬢᭂᬓᬵ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬤᬾᬩ᭄ᬓᬸᬂᬫᬢᬸᬃᬳᬦᭂᬫ᭄ᬩᬄ᭟ᬭᬤᬾᬦ᭄ᬫᬦ᭄ᬢ᭄ᬭᬶᬮᬯᬸᬢ᭄ᬦᭂᬧᬓ᭄᭞ᬤᬾᬩ᭄ᬓᬸᬂᬮᬦ᭄ᬢᬲ᭄ᬫᬗ᭄ᬮᬶᬂ᭞ᬤᬸᬄ
ᬤᬾᬯᬵᬫᬲ᭄ᬫᬶᬭᬄᬳᬶᬗᭀᬂ᭞ᬢᬶᬢ᭄ᬬᬂᬫᬦᬶᬸᬗ᭄ᬓᬶᬦ᭄ᬫᬢᬸᬃᬮᬸᬧᬸᬢ᭄᭞ᬩ᭄ᬬᬦᬵᬢᬶᬢ᭄ᬬᬂᬢ᭄ᬫᬦ᭄‌‌ᬢ᭄ᬫᬦ᭄᭞ᬗᬮᬶᬄᬫᬃᬕ᭄ᬕᬶ᭞ᬓᬮᬶᬄᬢᬵᬭᬳᬶᬦ᭄ᬳᬶᬤᬾᬯᬵ᭟ᬕ᭄ᬩᬕᬦ᭄ᬫᬧᬦ᭄ᬢᬵᬧᬦ᭄ᬢᬵ᭞ᬓᬭᭀᬩ᭄ᬮᬄᬢᬸᬗ᭄ᬕᬮ᭄ᬯᭂᬗᬶ᭞ᬳᭂᬫ᭄ᬧᭂᬢ᭄ᬩ᭄ᬬᬦᬳᬤᬵᬦᬾ
ᬫ᭄ᬧᭀᬂ᭞ᬭᬳᬶᬦ᭄ᬳᬶᬤᬵᬲ᭄ᬭᬶᬂᬮᬩᬸᬄ᭞ᬗᬫᬃᬕ᭄ᬕᬶᬦᬶᬦ᭄ᬫᬫ᭄ᬮᬕᬤᬵ᭞ᬲᬫᬶᬧ᭄ᬗᬶᬢ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭟ᬳᬦᬓ᭄ᬳᬶᬭᬵᬢ᭄ᬯᬄᬫᬤᬬᬵ᭞ᬫᬃᬕ᭄ᬕᬵᬦᬾᬢ᭄ᬯᬄᬲ᭄ᬭᬦ᭄ᬢᬵᬫᬶᬚᬶᬮ᭄᭞ᬫᬭᬶᬓᬵᬕ᭄ᬮᬶᬲᬂᬋᬓᭀ᭞ᬧᭂᬦ᭄ᬤᬓᬶᬦ᭄ᬭᬳᬶᬦ᭄ᬳᬶᬭᬵ

[᭘᭔ 84A]
᭘᭔
ᬢᬸ᭞ᬦᬯᬶᬕ᭄ᬮᬶᬲᬦ᭄ᬭᬳᬶᬦᬵ᭞ᬢᬶᬢ᭄ᬬᬂᬳᬚ᭄ᬭᬶᬄ᭞ᬦᬯᬶᬫᬳᬸᬗᬸᬲᬂᬦᬵᬣ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜᬕ᭄ᬚᬕ᭄᭞ᬫᬜᬯᬸᬧ᭄ᬢᬸᬃᬫᬫᬲᬶᬳᬶᬦ᭄᭞ᬧᬸᬦᬧᬶᬫᬃᬕ᭄ᬕᬦᬾᬳ᭄ᬮᭀᬂ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬭᬢᬸᬭᬯᬸᬄ᭞ᬲᬸᬯᬾᬩᬦ᭄ᬢᬶᬢ᭄ᬬᬂᬫᬧᬤᬃ᭞ᬳᬬᬸᬩ᭄ᬤᬶᬗᬶᬦ᭄᭞ᬢᬵ
ᬦ᭄ᬯᬾᬦ᭄ᬢᭂᬦ᭄ᬳᬶᬤᬾᬯᬵᬫ᭄ᬤᬮ᭄᭟ᬭᬳᬤᬾᬦ᭄ᬕᬮᬸᬄᬲᬶᬕ᭄ᬲᬶᬕᭂᬦ᭄᭞ᬢᬦ᭄ᬧ᭄ᬕᬢ᭄ᬧ᭄ᬕᬢ᭄ᬫᬦᬗᬶᬲ᭄᭞ᬫᬾᬮᬶᬂᬭᬶᬂᬭᬕᬦᬾᬳ᭄ᬮᭀᬂ᭞ᬢᭀᬂᬤᬤᬶᬚᬦᬶᬫᬲᬯᬸᬢ᭄᭞ᬲᬶᬦᬫ᭄ᬩᬸᬢᬶᬗᬸᬲᬧᬸᬲᬧ᭄᭞ᬢᬸᬃᬫᬗᬩᬶᬦ᭄᭞ᬲᬫ᭄ᬧᬸᬦ᭄ᬤᬾᬯᬵᬳᬕᬸᬂᬮᬭᬵ᭟ᬩ
ᬕᬸᬲᬸᬫ᭄ᬩᬭᬵᬗᬦ᭄ᬤᬶᬓᬵ᭞ᬫᬾᬫᬾᬩ᭄ᬓᬸᬂᬩᬧᬵᬫᬸᬮᬶᬄ᭞ᬤᬾᬩ᭄ᬓᬸᬂᬯᬸᬫᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬭᬢᬸᬤᬾᬯᬵᬳᬕᬸᬂ᭞ᬕ᭄ᬮᬶᬲᬂᬳᬶᬤᬾᬯᬵᬫᬸᬗ᭄ᬕᬄ᭞ᬭᬶᬂᬩᬦᬯᬶ᭞ᬦᬶᬓᬶᬲᬫ᭄ᬧᬸᬦ᭄ᬗᬦ᭄ᬢ᭄ᬬᬂᬍᬫᬄ᭟ᬤᬸᬫᬤᬓ᭄ᬕᬮᬂᬳᬧᬥᬂ᭞ᬭᬳᬬᬸᬭᬵᬢᬸ
ᬭᬶᬂᬫᬃᬕ᭄ᬕᬶ᭞ᬤᬾᬩ᭄ᬓᬸᬂᬫᬸᬮᬶᬄᬲᬭᭀᬭᭀ᭞ᬫᬦᭀᬮᬶᬄᬦᭀᬮᬶᬄᬓᬧᬸᬗ᭄ᬓᬸᬃ᭞ᬓᬗᭂᬦ᭄‌‌ᬚᬦᬶᬭᬶᬂᬲᬂᬮᬸᬗ᭄ᬳᬵ᭞ᬧᬶᬤᬦ᭄ᬚᬦᬶ᭞ᬳᬶᬤᬵᬭᬯᬸᬄᬫᬓᭂᬫ᭄ᬩᬭᬦ᭄᭟ᬤᬾᬩ᭄ᬓᬸᬂᬚᬦᬶᬢ᭄ᬓᭂᬤ᭄ᬚᬸᬫᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬲᬶᬳᬰᬶᬄ᭞ᬤᬸᬄᬤᬾᬯᬵ [ 85 ][᭘᭔ 84B]
᭘᭔
ᬭᬢᬸᬲᬗᬦᭀᬫ᭄᭞ᬦᬸᬦᬲ᭄ᬫᬸᬗ᭄ᬕᬄᬫᬸᬂᬧᬸᬂᬲᬸᬳᬸᬂ᭞ᬦᬶᬓᬶᬲᭀᬯᬦ᭄ᬧᬢᬫ᭄ᬩᬸᬦᬦ᭄᭞ᬚᬦ᭄ᬫᬵᬢᬦᬶ᭞ᬯᬦ᭄ᬢᬄᬫᬭᬶᬓᬶᬫᬫᬲᬃ᭟ᬲᬫ᭄ᬧᬸᬦ᭄ᬲᬫᬶᬭᬭᬶᬲ᭄ᬫᬸᬗ᭄ᬕᬄ᭞ᬫᬗᬩᬸᬢ᭄ᬫᬗ᭄ᬕᬵᬃᬳᬕ᭄ᬮᬶᬲ᭄᭞ᬫᬗᭂᬩᬄᬩᬶᬤᬓ᭄ᬢᬦᬮᭀᬦ᭄᭞ᬧ᭄ᬭᬯᬸᬦᬾᬭ
ᬭᬶᬲ᭄ᬫᬦ᭄ᬤᬯᬸᬲ᭄᭞ᬢ᭄ᬓᬵᬳᬗᬶᬦᬾᬗᬾᬗ᭄ᬕᬮᬂ᭞ᬢᬦ᭄ᬧᬦᭀᬮᬶᬄ᭞ᬲᬫ᭄ᬧᬸᬦ᭄ᬳᬤᭀᬄᬭᬶᬂᬧᬮᬩ᭄ᬯᬦ᭄᭟ᬓᬸᬫᬋᬫ᭄ᬧ᭄ᬬᬂᬲᬗ᭄ᬳ᭄ᬬᬂᬲᬹᬃᬬ᭄ᬬᬵ᭞ᬳᬓᬾᬄᬧᬤᬵᬯᬂᬫᬩᬮᬶᬄ᭞ᬲᬫᬶᬤᬕᬂᬧᬥᬵᬓᬢᭀᬦ᭄᭞ᬳᬤᬦ᭄ᬕᬓ᭄ᬳᬤᬵᬜᬸᬳᬸᬦ᭄᭞ᬮᬸᬫ᭄ᬯ
ᬦᬶᬧᬤᬵᬫᬤᬕᬂ᭞ᬬᬫᬗᬸᬗ᭄ᬲᬶ᭞ᬫᬫ᭄ᬓᭂᬦ᭄ᬓᬚᬫᬶᬦ᭄ᬢᭀᬭᬵ᭟ᬳᬓᬾᬄᬯᭀᬂᬚᬯᬵᬦᭀᬦ᭄ᬢᭀᬦᬂ᭞ᬧ᭄ᬭᬯᬸᬦᬾᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬸᬭᬸᬩ᭄ᬫᬸᬜ᭄ᬘᬃᬲᬬᬦ᭄ᬳᭂᬚᭀᬄ᭞ᬳᬤᬫᬦ᭄ᬕᬓ᭄ᬫᬓᬸᬫ᭄ᬧᬸᬮ᭄᭞ᬲᬫᬶᬩ᭄ᬗᭀᬂᬫᬗᬯᬲᬂ᭞ᬳᬚᬓ᭄ᬱᬫᬶ᭞ᬧ
ᬗᬯᬮᬸᬦᬾᬬᬵᬫᬭᬃᬬ᭄ᬬᬦ᭄᭟ᬢᬦ᭄ᬓᭀᬘᬧᬦ᭄ᬬᬧᬸᬦᬶᬓᬵ᭞ᬲᬂᬫᬦ᭄ᬢᬸᬓ᭄ᬳᬸᬘᬧᬂᬫᬮᬶᬄ᭞ᬤᬶᬚᭀᬮᬶᬚᭀᬮᬶᬬᬦ᭄‌‌ᬗᭀᬚᭀᬕ᭄᭞ᬧᬫᬺᬫᬦᬾᬳᬫ᭄ᬭᬶᬓᬭᬸᬫ᭄᭞ᬫᬓᬲᬸᬃᬫᬮᬗ᭄ᬲᬾᬕᬫ᭄ᬩᬃ᭞ᬲᬃᬯ᭄ᬯᬍᬯᬶᬄ᭞ᬕᬍᬗᬾᬫᬢᬸᬢᬸᬩ᭄ᬳᭂ

[᭘᭕ 85A]
᭘᭕
ᬫᬵᬲ᭄᭟ᬓᬾᬦ᭄ᬩᬬᬦ᭄ᬲᬗ᭄ᬕᬶᬢ᭄ᬤᬶᬭᭀᬗᬦ᭄᭞ᬧᬢᬶᬄᬫᬦ᭄ᬢ᭄ᬭᬶᬦ᭄ᬬᬭᬶᬂᬰᬶᬰᬶ᭞ᬲᬫᬶᬫᬚᬸᬚᭀᬦᬦ᭄‌‌ᬢᭀᬗᭀᬲ᭄᭞ᬲᬂᬩᬕᬸᬲ᭄ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬢᬦ᭄ᬧ᭄ᬕᬢ᭄ᬫᬗᬭᬲ᭄ᬳᬭᬲ᭄᭞ᬫᬧᬸᬮᬶᬮᬶᬢ᭄᭞ᬩᬸᬓᬵᬤᬾᬯᬶᬮᬯᬦ᭄ᬤᬾᬯᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶ
ᬗᬦ᭄ᬤᬶᬓᬵ᭞ᬢᬦ᭄ᬧᬾᬦ᭄ᬤᬄᬢᬶᬢ᭄ᬬᬂᬫᬗᬶᬧᬶ᭞ᬩᬳᬦ᭄ᬳᬶᬤᬾᬯᬵᬦᬾᬳ᭄ᬮᭀᬂ᭞ᬲᬗ᭄ᬓᬦ᭄ᬢᬶᬢ᭄ᬬᬂᬗ᭄ᬭᬱᬮᬫ᭄ᬧᬸᬲ᭄᭞ᬫᬓᬮᬄᬳᬸᬮᬶᬤᬶᬧᬲᬃ᭞ᬓᬢᭀᬦ᭄ᬓᬗᬶᬦ᭄᭞ᬧᬸᬢᬶᬄᬢᬶᬫᬸᬃᬳᬩᬂᬯᬾᬢᬦ᭄᭟ᬲᬫ᭄ᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬦᬳᭂᬦ᭄ᬲᬶᬲᬶᬧ᭄ᬢᬶᬢ᭄ᬬᬂᬫᬗ᭄ᬓᬶ
ᬦ᭄᭞ᬤᬯᭂᬕᬾᬓᬭᬶᬤᬶᬚ᭄ᬭᭀ᭞ᬩ᭄ᬬᬦᬵᬧᭀᬮᬶᬄᬫᬃᬕ᭄ᬕᬶᬧ᭄ᬲᬸ᭞ᬬᬾᬦ᭄ᬩᭂᬮᬶᬤᬸᬭᬸᬲ᭄ᬫᬓᬮᬄ᭞ᬢᬶᬢ᭄ᬬᬂᬫᬢᬶ᭞ᬢᬦᬸᬭᬸᬗᭂᬦ᭄ᬢᬶᬢ᭄ᬬᬂᬧ᭄ᬚᬄ᭟ᬫᬦᬄᬢᬶᬢ᭄ᬬᬂᬯᬦ᭄ᬢᬄᬫ᭄ᬤᬮ᭄᭞ᬦᬤ᭄ᬬᬦ᭄ᬮᭂᬫᬄᬮ᭄ᬯᬶᬄᬯ᭄ᬗᬶ᭞ᬤᬾᬦᬶᬂᬢᬶᬢ᭄ᬬᬂᬲᬸᬩᬗᬦ᭄ᬢᭀᬲ᭄᭞ᬬᬾᬦ᭄ᬩᭂᬮᬶᬢ᭄ᬯᬭᬵ
ᬓᬢ᭄ᬧᬸᬓ᭄᭞ᬫᬱᬵᬢᬶᬢ᭄ᬬᬂᬫᬮᬶᬧ᭄ᬢᬦ᭄᭞ᬦᬤ᭄ᬬᬦ᭄ᬫᬢᬶ᭞ᬲᬶᬂᬚᬮᬦ᭄ᬚᬮᬦ᭄ᬫᬧᬲᬄ᭟ᬫᬱᬵᬫᬩᬗ᭄ᬓᬾᬳᬢᭂ᭠ᬕᬮ᭄᭞ᬫᬱᬵᬳᬢᬸᬓᬤ᭄ᬫᬕ᭄ᬢᬶᬄ᭞ᬤ᭄ᬬᬲ᭄ᬢᬸᬦ᭄ᬧᬘᬂᬧᬳᬶᬤ᭄ᬲᬢᭀ᭞ᬳᬧᬂᬤᬵᬳᬶᬕᬸᬭᬸᬢᬯᬸ᭞ᬓᬾᬢᭀᬩ᭄ᬮᬶᬳᬸᬢᬫᬵ [ 86 ][᭘᭕ 85B]
᭘᭕
ᬜᬵ᭞ᬬᬾᬦ᭄ᬢᬦ᭄ᬘᬶᬘᬶᬂ᭞ᬫᬫᬳᬶᬤ᭄ᬳᭀᬮᬲ᭄ᬫᬗᬫᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬳᬸᬚᬭᬾᬫᬗᬲᬶᬳᬲᬶᬄ᭞ᬤᬸᬄᬤᬾᬯᬵᬭᬢᬸᬫᬲᬶᬗᭀᬂ᭞ᬲᬵᬫ᭄ᬧᬸᬦ᭄ᬫᬭᬄᬳᬕᬸᬂᬩᭂᬦ᭄ᬤᬸ᭞ᬳᬲᬶᬄᬢ᭄ᬫᭃᬦ᭄ᬳᬢ᭄ᬫᬵᬚᬶᬯᬵ᭞ᬭᬶᬂᬯᭀᬂᬫᬶᬲ᭄ᬓᬶᬦ᭄᭞ᬲᬢᬢᬵ
ᬳᬫᬭᬵᬤᬾᬱᬵ᭟ᬢᬸᬫᬸᬮᬶᬄᬓᬳᬭᬲᬭᬲ᭄᭞ᬫᬧᬸᬮᬮᬢ᭄ᬫᬧᬸᬮᬶᬮᬶᬢ᭄᭞ᬩᬸᬬᬃᬭᭀᬫᬦᬾᬫᬗ᭄ᬭᬾᬩᭀᬂ᭞ᬲᬬᬦ᭄ᬫᬯᬸᬯᬸᬳᬶᬦ᭄ᬳᬬᬸ᭞ᬩᬸᬓᬵᬧᬸᬢ᭄ᬭᬶᬦᬾᬤᬶᬕᬫ᭄ᬩᬃ᭞ᬘᭂᬦ᭄ᬢᬾᬂᬭᬸᬗᬶᬄ᭞ᬭᬭᬲᬾᬗᬜᬸᬤᬂᬘᬶᬢ᭄ᬣᬵ᭟ᬩᬸᬓᬵᬳ᭄ᬫᬲ᭄ᬜᬦ᭄ᬤᬶᬂᬫᬶ᭠
ᬭᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗ᭄ᬭᬫᬶᬄᬋᬫᬶᬄ᭞ᬫᬃᬕ᭄ᬕᬶᬫᬲ᭄ᬫᬶᬭᬄᬫᬢᬸᬭᭀ᭞ᬳᬶᬤᬾᬯᬵᬫᬧᬶᬦ᭄ᬤᬵᬍᬲᬸ᭞ᬳᬬᬸᬩ᭄ᬳᬶᬫᬶᬭᬄᬫᬕᬥᬂ᭞ᬮᬄᬤᬶᬭᬶᬓᬶ᭞ᬤᬶᬧᬳᬩᬶᬦᬦ᭄ᬲᬭᬾᬬᬂ᭟ᬭᬤᬾᬦ᭄ᬕᬮᬸᬄᬢᬸᬢᬸᬢ᭄ᬧᬶᬲᬦ᭄᭞ᬭᬭᬶᬲᬶᬋᬧᬭᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬳᬶ
ᬤᬵᬦᬾᬓᬍᬲᭀᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬸᬓᬸᬢᬸᬓᬸᬢ᭄᭞ᬓᬕ᭄ᬮᬸᬢ᭄ᬓᬳᬭᬲᬭᬲ᭄᭞ᬭᬤᬾᬦ᭄ᬤᬾᬯᬶ᭞ᬢ᭄ᬯᬭᬳᬸᬦᬶᬂᬓᬮᬲᬸᬯᬦ᭄᭟ᬬᬾᬦ᭄ᬳᬯᬲ᭄ᬢ᭄ᬯᬄᬳᬬᬸᬮᬶᬦ᭄ᬢᬂ᭞ᬓᬤᬶᬳ᭄ᬫᬲᬾᬫᬲᬗ᭄ᬮᬶᬂ᭞ᬯᬃᬡ᭄ᬦᬵᬕᬶᬯᬂᬍᬫ᭄ᬧᬸᬂᬫᭀᬦ᭄ᬢᭀᬓ᭄᭞ᬮᬫ᭄ᬩᬾᬓᬤᬶ

[᭘᭖ 86A]
᭘᭖
ᬫᬗ᭄ᬕᬶᬲ᭄ᬋᬫ᭄ᬧᬸᬄ᭞ᬳᬮᬶᬲ᭄ᬢᬚᭂᬧ᭄ᬩᬸᬓᬵᬲᬶᬧᬢ᭄᭞ᬲᬸᬲᬸᬜᬗ᭄ᬓᬶᬄ᭞ᬓᬤᬶᬜᬸᬄᬕᬤᬶᬗᬾᬓᭂᬫ᭄ᬩᬃ᭟ᬳᬶᬗᬭᬲ᭄ᬢᬸᬃᬲᬶᬦᬸᬗ᭄ᬓᭂᬫᬦ᭄᭞ᬭᬳᬤᬾᬦ᭄ᬕᬮᬸᬄᬫᬢᬗᬶ᭞ᬗᭂᬜ᭄ᬚᬸᬄᬳᭀᬭᬶᬲᬤᬵᬩ᭄ᬗᭀᬂ᭞ᬲᬂᬩᬕᬸᬲ᭄ᬢᬸᬫᬸᬮ᭄ᬬᬫ᭄ᬓᬸᬮ᭄᭞ᬳᬗᬸᬲᬧᬸᬲᬧ᭄ᬓᬂᬤᬥᬵ᭞ᬫᬶ
ᬯᬄᬕᬶᬕᬶᬃ᭞ᬳᬲᬸᬂᬲ᭄ᬧᬄᬤᬶᬧᬩᬶᬦᬦ᭄᭟ᬳ᭄ᬦᭂᬗᬓ᭄ᬦᬵᬭᬳᬤ᭄ᬬᬦ᭄᭞ᬤᬶᬚᬯᬵᬯᬸᬯᬸᬲᬦ᭄ᬫᬮᬶᬄ᭞ᬲᬂᬧ᭄ᬭᬪᬹᬳᬾᬯᭂᬄᬫᬗ᭄ᬭᬯᭀᬲ᭄᭞ᬲᬳᬶᬮᬗᬾᬭᬤᬾᬦ᭄ᬕᬮᬸᬄ᭞ᬲᭂᬓ᭄ᬱᭂᬓ᭄ᬚᭂᬚᭂᬮ᭄ᬓᬂᬲᬜ᭄ᬚᬢᬵ᭞ᬧᬢᬶᬄᬫᬦ᭄ᬢ᭄ᬭᬶ᭞ᬩᬮᬵᬢᬦᬶᬢᬦ᭄ᬧᬳᬶᬗᬦ᭄᭟ᬧᬦᭂ
ᬗ᭄ᬕᬄᬮᬦ᭄ᬯᬶᬦ᭄ᬥᬸᬢᬶᬗᬮ᭄᭞ᬲᬫᬶᬢ᭄ᬤᬸᬦ᭄ᬧᬢᬶᬄᬫᬦ᭄ᬢ᭄ᬭᬶ᭞ᬓᬳᬶᬭᬶᬂᬤᬾᬦᬶᬂᬓᬳᬸᬮᬵ᭞ᬯᬾᬦ᭄ᬢᭂᬦ᭄ᬚᬦ᭄ᬫᬵᬧᬶᬢᬸᬗᬾᬬᬸ᭞ᬧᬢᬶᬄᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯᬵ᭞ᬲᬫᬶᬗᬶᬭᬶᬂ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬚᬫᬶᬦ᭄ᬢᭀᬭᬵ᭟ᬫᬗ᭄ᬓᬶᬦ᭄‌‌ᬚᭂᬚᭂᬮ᭄ᬤᬶᬩᬜ᭄ᬘᬶᬗᬄ᭞ᬧᬓᬸᬮᬾ
ᬮᬫ᭄ᬢᬸᬫ᭄ᬩᬓ᭄‌‌ᬩ᭄ᬤᬶᬮ᭄᭞ᬩᬮᬵᬲᬫᬶᬓᬢᬯᬸᬭᬕ᭄᭞ᬓᬸᬮ᭄ᬓᬸᬮᬾᬭᬫᬾᬫᬤᬾᬂᬤᬸᬢ᭄᭞ᬰ᭄ᬯᬭᬦᬾᬫᬗᬺᬲᬂᬫᬦᬄ᭞ᬲ᭄ᬮᬾᬂᬲᬯᬸᬢᬶᬦ᭄᭞ᬤᬶᬗᭂᬄᬢ᭄ᬯᬭᬵᬤᬶᬗᭂᬄᬧᬭᬦ᭄᭟ᬲᬂᬧ᭄ᬭᬪᬹᬳᬰ᭄ᬭᬸᬄᬗᬦ᭄ᬤᬶᬓᬵ᭞ᬓᬓᬵᬤ᭄ᬫᬂᬤ᭄ᬫᬸᬂᬧᬢᬶᬄ᭞ᬭᬸᬭᬸᬄᬭ [ 87 ][᭘᭖ 86B]
᭘᭖ᬤᬾᬦ᭄ᬕᬮᬸᬄᬋᬓᭀ᭞ᬲᬳᭂᬗ᭄ᬕᭀᬦ᭄ᬳᭂᬗ᭄ᬕᭀᬦ᭄ᬩᬶᬦᬸᬭᬸᬄ᭞ᬲᭀᬭᭀᬕ᭄ᬚᬸᬓᬸᬗᬾᬓᬮᬩ᭄ᬯᬦ᭄᭞ᬲᬶᬜᬦᬯᬶ᭞ᬫᬦ᭄ᬢ᭄ᬭᬶᬩᬮᬶᬫᬫ᭄ᬩᬳᬦᬂ᭟ᬬᬾᬦ᭄ᬫᬦ᭄ᬢ᭄ᬭᬶᬤᬶᬦᬶᬤᬶᬚᬯᬵ᭞ᬢᭀᬂᬦ᭄ᬤᬸᬕᬵᬳᬶᬕᬮᬸᬄᬓᭀᬄᬓᬶᬄ᭞ᬬᬾᬦ᭄ᬫᬦ᭄ᬢ᭄ᬭᬶᬓᭀᬭᬶᬧᬦ᭄ᬋᬓᭀ᭞ᬫ
ᬜ᭄ᬚᬸᬯᬂᬳᬶᬦᬦᬓ᭄ᬕᬮᬸᬄ᭞ᬳᭂᬦ᭄ᬢᭀᬦᬾᬲᬤ᭄ᬬᬬᬂᬦᬶᬭ᭞ᬓᬤᬸᬂᬫᬸᬜᬶ᭞ᬦᬶᬭᬫᬮᬸᬫᬶᬲᬸᬓᬬᬂ᭟ᬮᬫᬸᬦ᭄ᬜᭂᬳᬦᬓ᭄ᬳᭂᬮᬾᬦᬦ᭄᭞ᬤᬵᬫᬳᬶᬤᬶᬦᬶᬫᬢᬭᬶ᭞ᬢ᭄ᬓᬵᬕ᭄ᬩᬸᬕ᭄ᬳ᭄ᬬᬋᬓᭀ᭞ᬲᬂᬧᬢᬶᬄᬳᬦᭂᬫ᭄ᬩᬄᬫᬢᬸᬃ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯᬵ᭞
ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬲᬂᬦᬵᬣ᭟ᬓᬸᬮ᭄ᬓᬸᬮᬾᬫᬮᬶᬄᬫᬤᭀᬂᬤᬂ᭞ᬦᬾᬦᬾᬩ᭄ᬮᬄᬫᬲᬶᬄᬢᬶᬕ᭄ᬢᬶᬕ᭄᭞ᬳᬤᬵᬫᬗᬶᬤᭂᬫᬦᭀᬓ᭄ᬢᭀᬓ᭄᭞ᬳᬓᬾᬄᬩᬮᬦᬾᬫᬗ᭄ᬭᬸᬭᬸᬄ᭞ᬩᬶᬮᬂᬦᬕᬭᬵᬤᬶᬦᬸᬗ᭄ᬓᬧ᭄᭞ᬢᬦ᭄ᬓᬧᬗ᭄ᬕᬶᬄ᭞ᬮᬾᬦ᭄ᬓᬕᬸᬦᬸᬂ
ᬫ᭄ᬯᬂᬓᬳᬮᬲ᭄᭟ᬳᬤᬫᬜ᭄ᬚᬸᬚᬸᬃᬓᬮᬩ᭄ᬯᬦ᭄᭞ᬫᬫᬃᬕ᭄ᬕᬶᬬᬵᬧ᭄ᬭᬯᬸᬓᬾᬜ᭄ᬘᬶ᭞ᬮᬶᬫᭀᬮᬲ᭄ᬓᬢᬳᬾᬋᬓᭀ᭞ᬓᬧᬮᬾᬢ᭄ᬯᬄᬢᬢ᭄ᬮᬸ᭞ᬮᬾᬦ᭄ᬫᬜᭀᬭᭀᬕ᭄ᬧᬦ᭄ᬤᬾᬯᬓᬂ᭞ᬗᬸᬦ᭄ᬤᬂᬳᬗᬶᬦ᭄᭞ᬢ᭄ᬓᬵᬩᬋᬢᬾᬫ᭄ᬩᬭᬸᬯ᭄ᬯᬵᬂ᭟ᬫ

[᭘᭗ 87A]
᭘᭗
ᬫ᭄ᬧᭂᬄᬧ᭄ᬭᬯᬸᬦᬾᬫᬮᬬᬃ᭞ᬓᬢᬶᬩᬾᬂᬧᬯᬤᬵᬕᬢᬶ᭞ᬫᬗ᭄ᬮᬶᬯᬢ᭄ᬳᬭᬸᬗᬦ᭄ᬋᬓᭀ᭞ᬢᭀᬂᬓᬢᬸᬢᬸᬕᬦ᭄ᬩᬦᬸᬢᬸᬕ᭄᭞ᬳᬤᬧ᭄ᬭᬯᬸᬫᬧᬧᬲ᭄᭞ᬯᭀᬂᬩᬢᬯᬶ᭞ᬫᬶᬯᬄᬧ᭄ᬭᬯᬸᬲᬸᬭᬵᬩᬬᬵ᭟ᬧ᭄ᬭᬯᬸᬳᬶᬗ᭄ᬕ᭄ᬭᬶᬲ᭄ᬫᬶᬯᬄᬲᬾᬭᬦ᭄᭞ᬳᭂᬦ᭄ᬢᭀᬬᬵ
ᬧᬤᬵᬢᬓᭀᬦᬶᬦ᭄᭞ᬳᬤᬵᬬᬶᬸᬓᬾᬬᬵᬫᬫᬦ᭄ᬢᬸᬫᭀᬦ᭄᭞ᬧ᭄ᬭᬯᬸᬫᬧᬧᬲ᭄ᬤᬶᬩᬯᬸ᭞ᬧ᭄ᬭᬯᬸᬩᬮᬶᬫᬫᬸᬮᬶᬬᬂ᭞ᬫᬫ᭄ᬩ᭄ᬯᬢ᭄ᬧᬸᬢ᭄ᬭᬶ᭞ᬳᭀᬓᬦ᭄ᬭᬢᬸᬚᬫᬶᬦ᭄ᬢᭀᬭᬵ᭟ᬤᬦᬾᬳᬶᬮᬂᬳᬶᬩᬶᬲᬜ᭄ᬚ᭞ᬲᬶᬜᬵᬤᬦᬾᬫᬦ᭄ᬢ᭄ᬭᬶᬩᬮᬶ᭞ᬗᬫ᭄ᬩᬶᬮ᭄ᬭᬤᬾ
ᬦ᭄ᬕᬮᬸᬄᬋᬓᭀ᭞ᬧᬗᬦ᭄ᬤᬶᬓᬦ᭄ᬥᬲᬂᬧ᭄ᬭᬪᬹ᭞ᬳᬶᬤᬵᬤᬳᬢ᭄ᬫᬶᬲᬸᬓᬬᬂ᭞ᬯᬂᬩᬦᬯᬶ᭞ᬲᬤᬵᬢᬓᬸᬢ᭄ᬫᬗᭀᬭᬳᬂ᭟ᬳ᭄ᬤᬵᬫᬫᬦ᭄ᬫᬗ᭄ᬮᬶᬤᬂᬓᬬᬸᬦ᭄ᬳᬶᬤᬵᬰ᭄ᬭᬶᬪᬹᬧᬢᬶ᭞ᬗᬗ᭄ᬕᭀᬦ᭄ᬧᬸᬢ᭄ᬭᬫᬓᬵᬭᭀᬭᭀ᭞ᬧᬫᬦ᭄ᬢᬸᬓᬵᬭᬶᬂᬲᬂᬩᬕᬸᬲ᭄᭞
ᬬᬾᬦ᭄ᬧ᭄ᬤᬲ᭄ᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬳᬶᬤᬵᬗᬫ᭄ᬩᬶᬮ᭄᭞ᬚᬯᬵᬩᬮᬶᬓᬢᬸᬗ᭄ᬕᬮᬂ᭟ᬢᬶᬢ᭄ᬬᬂᬢᬓᬸᬢ᭄ᬫᬗᭀᬃᬢᬬᬂ᭞ᬮᬫᬸᬦ᭄ᬲᬧᬸᬦᬶᬓᬵᬫᬗ᭄ᬓᬶᬦ᭄᭞ᬧᬗᬦ᭄ᬤᬶᬓᬦ᭄ᬥᬵᬲᬂᬓᬢᭀᬂ᭞ᬢᬶᬢ᭄ᬬᬂᬧᬸᬭᬸᬦ᭄ᬫᬗ᭄ᬓᬶᬦ᭄ᬫᬢᬸᬃ᭞ᬤᬦᬾᬲᬵᬫ᭄ᬧᬸ [ 88 ][᭘᭗ 87B]
᭘᭗
ᬦ᭄ᬳᬤᭀᬄᬧᬶᬲᬦ᭄᭞ᬢᬫ᭄ᬧᭂᬓ᭄ᬩᬮᬶ᭞ᬩᭀᬬᬦᬸᬕᬶᬓᬢᬸᬢᬸᬕᬦ᭄᭟ᬓ᭄ᬦᬶᬢᬶᬢ᭄ᬬᬂᬫᬦᬢᬲᬂ᭞ᬯᬦ᭄ᬢᬄᬤᬦᬾᬗᬚᬓ᭄ᬧᬸᬢ᭄ᬭᬶ᭞ᬳᭀᬓᬦᬾᬳᬶᬤᬵᬲᬂᬓᬢᭀᬂ᭞ᬭᬶᬂᬚᬫᬶᬦ᭄ᬢᭀᬭᬵᬧᬸᬦᬶᬓᬸ᭞ᬲᬗ᭄ᬓᬦ᭄ᬢᬶᬢ᭄ᬬᬂᬚ᭄ᬭᬶᬄᬩᬢᬸᬭᬂ᭞ᬭᬶᬂᬳᬶᬕᬸᬲ᭄ᬢᬶ
᭞ᬦᬯᬶᬢᬶᬢ᭄ᬬᬂᬫᬗ᭄ᬓᬶᬦ᭄ᬲᬮᬄ᭟ᬤᬶᬚᬳᬵᬢᬶᬢ᭄ᬬᬂᬫᬕ᭄ᬦᬄ᭞ᬢᬦᬸᬭᬸᬗᬦ᭄ᬢᬶᬢ᭄ᬬᬂᬫᬢᬶ᭞ᬮᬫᬸᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶᬋᬓᭀ᭞ᬩᬲ᭄ᬓᬮᭀᬓ᭄ᬭᬶᬭᬶᬄᬩᬕᬸᬲ᭄᭞ᬳᬧᬦ᭄ᬢᭂᬕᬸᬄᬢᬸᬃᬫᬕᬸᬡ᭄ᬦᬵ᭞ᬲᬫᬶᬳᬚ᭄ᬭᬶᬄ᭞ᬧ᭄ᬭᬪᬸᬩᬮᬶᬫ᭄ᬯᬂᬭᬶᬂᬚᬯᬵ᭟ᬢᬸᬳᬸᬓᬾᬦ᭄ᬢᭀ
ᬩᬸᬓᬵᬫᬫᬦ᭄᭞ᬳᬶᬗ᭄ᬕᬶᬄᬲᬧᬸᬦᬶᬓᬵᬕᬸᬲ᭄ᬢᬶ᭞ᬮᬫᬸᬦ᭄ᬓᬾᬦ᭄ᬢᭀᬚᬮᬦ᭄ᬩᬸᬤᬮ᭄᭞ᬳ᭄ᬦᬄᬮᬫᬸᬦ᭄ᬧᬤᬵᬢᬸᬯᬸ᭞ᬢᬸᬢᬸᬕᬂᬲᬸᬓᬦᬾᬫᬫᬦ᭄᭞ᬚᬮᬦ᭄ᬚᬦᬶ᭞ᬧᬋᬓ᭄ᬭᬶᬂᬳᬶᬤᬵᬲᬂᬦᬵᬣᬵ᭟ᬳᬧᬂᬫᬫᬦ᭄ᬫᬦᬃᬢᬬᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯ
ᬦ᭄ᬢᬄᬗᬶᬭᬶᬂ᭞ᬫᬩᬮᬶᬓ᭄ᬧ᭄ᬭᬯᬸᬦᬾᬋᬓᭀ᭞ᬧᬦ᭄ᬤᬾᬯᬓᬂᬫᬶᬯᬄᬚᬸᬓᬸᬂ᭞ᬧᬤᬩᬸᬤᬮ᭄ᬕᬕ᭄ᬮᬶᬲᬦ᭄᭞ᬗᬸᬗ᭄ᬲᬶᬫᬸᬮᬶᬄ᭞ᬯᬂᬩᬢᬯᬶᬫᬲᬋᬗᬦ᭄᭟ᬢᬦ᭄ᬓᭀᬘᬧᬵᬭᬶᬂᬲᬕᬭᬵ᭞ᬲᬫ᭄ᬧᬸᬦ᭄ᬭᬯᬸᬄᬤᬶᬧᬲᬶᬲᬶ᭞ᬢ᭄ᬮᬲᬦ᭄ᬢᬸᬫᬸᬭᬸᬦ᭄ᬋᬓᭀ

[᭘᭘ 88A]
᭘᭘
᭞ᬯᭀᬂᬩᬢᬯᬶᬲᬫ᭄ᬧᬸᬦ᭄ᬢᬸᬳᬸᬦ᭄᭞ᬫᬲᬋᬗᬦ᭄ᬬᬵᬫᬚᬮᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬩᬜ᭄ᬘᬶᬗᬂᬕᬕ᭄ᬮᬶᬲᬦ᭄᭟ᬲᬂᬧ᭄ᬭᬪᬹᬓᬭᬶᬤᬶᬯ᭄ᬤᬮ᭄᭞ᬢᬦ᭄ᬤ᭄ᬯᬭᬯᬸᬄᬧᬢᬶᬄᬫᬦ᭄ᬢ᭄ᬭᬶ᭞ᬫᬶᬯᬄᬯᭀᬂᬩᬢᬯᬶᬭᭀᬭᭀ᭞ᬧᬋᬓ᭄ᬭᬶᬂᬳᬶᬤᬵᬲᬂᬧ᭄ᬭᬪᬸ᭞ᬲᬂᬦᬵ
ᬣᬳᬮᭀᬦ᭄ᬗᬦ᭄ᬤᬶᬓᬵ᭞ᬧᬢᬶᬄᬫᬦ᭄ᬢ᭄ᬭᬶ᭞ᬓᬾᬦ᭄ᬓᬾᬦ᭄ᬚᬢ᭄ᬧᬸᬓ᭄ᬩᬦ᭄ᬳᬶᬪᬵ᭟ᬧᬢᬶᬄᬫᬦ᭄ᬢ᭄ᬭᬶᬲᬯᬸᬃᬲᭂᬫ᭄ᬩᬄ᭞ᬩᭀᬬᬓᬢᬸᬢᬸᬕᬦ᭄ᬫᬗ᭄ᬓᬶᬦ᭄᭞ᬳᬶᬤᬵᬲᬫ᭄ᬧᬸᬦ᭄ᬋᬓᬾᬳᬤᭀᬄ᭞ᬢᬫ᭄ᬧᭂᬓ᭄ᬋᬓᬾᬩᬮᬶᬲᬫ᭄ᬧᬸᬦ᭄᭞ᬦᬶᬓᬶᬫᬧᬧᬲ᭄ᬤᬶᬚᬮᬦ᭄᭞ᬯᬂᬩᬢᬯᬶ
᭞ᬳᬶᬧᬸᬦ᭄ᬫᬯᬭᬄᬭᬶᬂᬢᬶᬢ᭄ᬬᬂ᭟ᬳᬢᬸᬭᬂᬓᬾᬚᬦᬶᬫᬫᬦ᭄᭞ᬭᬶᬂᬳᬶᬤᬵᬰ᭄ᬭᬶᬦᬭᬧᬢᬶ᭞ᬦᬾᬓᬢ᭄ᬧᬸᬓ᭄ᬩᬳᬦ᭄ᬫᬫᬦ᭄᭞ᬯᬂᬩᬢᬯᬶᬭᬭᬶᬲ᭄ᬫᬢᬸᬃ᭞ᬤᬸᬄᬤᬾᬯᬵᬲᬂᬦᬵᬣᬤᬾᬯ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬗᬢᬸᬭᬂ᭟ᬧᬸᬢ᭄ᬭ
ᬦᬾᬘᭀᬓᭀᬃᬳᬶᬤᬾᬯᬵ᭞ᬫᬦ᭄ᬢ᭄ᬭᬶᬓᭀᬭᬶᬧᬦ᭄ᬫᬗᬫ᭄ᬩᬶᬮ᭄᭞ᬤᭀᬦᬶᬂᬢᬶᬢ᭄ᬬᬂᬧᬸᬭᬸᬦ᭄ᬋᬓᭀ᭞ᬫᬢᬸᬃᬭᬶᬂᬳᬶᬤᬵᬲᬂᬧ᭄ᬭᬪᬸ᭞ᬲ᭄ᬤᭂᬓ᭄ᬢᬶᬢ᭄ᬬᬂᬗᬫᬦ᭄ᬢᬸᬓᬂ᭞ᬳᬶᬩᬶᬯ᭄ᬗᬶ᭞ᬤᬦᬾᬫᬧᬧᬲ᭄ᬤᬶᬚᬮᬦ᭄᭟ᬓ᭄ᬦᬶᬢᬶᬢ᭄ᬬᬂᬫᬦᬢᬲᬂ᭞ᬭᬶᬂᬳᬶᬤᬵ [ 89 ][᭘᭘ 88B]
᭘᭘
ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬧᬗᬦ᭄ᬤᬶᬓᬦᬾᬭᬶᬂᬢᬶᬢ᭄ᬬᬂ᭞ᬤᬦᬾᬗᬫ᭄ᬩᬶᬮ᭄ᬭᬤᬾᬦ᭄ᬕᬮᬸᬄ᭞ᬧᬸᬢ᭄ᬭᬦᬾᬘᭀᬓᭀᬃᬳᬶᬤᬾᬯᬵ᭞ᬢᬶᬢ᭄ᬬᬂᬳᬸᬦᬶᬂ᭞ᬫᬭᬶᬓᬵᬫ᭄ᬦᬾᬓ᭄ᬭᬶᬂᬧᬮ᭄ᬯᬵ᭟ᬭᬭᬶᬲ᭄ᬢᬶᬢ᭄ᬬᬂᬫᬳᬢᬸᬭᬦ᭄᭞ᬩᬢᬶᬓ᭄ᬩᬢᬯᬶᬓᬓᬮᬶᬄ᭞ᬫᬲᬋᬗᬦ᭄ᬢᭂᬓᬾ
ᬦ᭄ᬤᭀᬤᭀᬢ᭄᭞ᬧᬸᬢ᭄ᬭᬦᬾᬘᭀᬓᭀᬃᬳᬶᬭᬢᬸ᭞ᬭᬭᬶᬲ᭄ᬤᬦᬾᬕᬶᬧᬶᬄᬫ᭄ᬤᬮ᭄᭞ᬢᬶᬢ᭄ᬬᬂᬳᬸᬦᬶᬂ᭞ᬧᬯᭀᬗᬦ᭄ᬯᬦ᭄ᬢᬄᬮᬶᬫᭀᬮᬲ᭄᭟ᬳ᭄ᬦᬄᬮᬫᬸᬦ᭄ᬲᬸᬩᬫᬫᬦ᭄᭞ᬳᬶᬭᬢ᭄ᬯᬄᬫᬗᬸᬕᬸᬘᬳᬶ᭞ᬳᬦᬓ᭄ᬱᬤ᭄ᬬᬦ᭄ᬓᭀᬮᬵᬋᬓᭀ᭞᭠
ᬦᬭᬶᬫᬬᬂᬭᬶᬂᬦᬾᬩᬕᬸᬲ᭄᭞ᬫᬸᬜᬶᬦ᭄ᬓᭀᬮᬵᬳᬸᬮᬶᬂᬲᬸᬩ᭞ᬫᬓᬓᬮᬶᬄ᭞ᬜᬫᬦ᭄ᬜᬵᬳᬧᬂᬧᬶᬮᬶᬳᬵ᭟ᬲᬸᬩᬵᬓᬾᬦ᭄ᬢᭀᬫᬸᬜᬶᬦ᭄ᬓᭀᬮᬵ᭞ᬭᬶᬂᬤᬦᬾᬳᬶᬦᬦᬓ᭄ᬫᬦ᭄ᬢ᭄ᬭᬶ᭞ᬳ᭄ᬦᬄᬲᬸᬩᬬᬤᬶᬦ᭄ᬓᬾᬦ᭄ᬢᭀ᭞ᬫᬱᬵᬳᬾᬦ᭄ᬤᬄᬳᬗ᭄ᬕᭀ᭠
ᬦ᭄ᬫᬦ᭄ᬢᬸ᭞ᬲᬸᬓ᭄ᬱ᭄ᬫᬦ᭄ᬜᬦᬾᬢ᭄ᬯᬄᬤᬶᬫᬦᬄ᭞ᬦᬦᬓ᭄ᬫᬦ᭄ᬢ᭄ᬭᬶ᭞ᬳᬧᬦ᭄ᬤᬦᬾᬲᬸᬩᬧ᭄ᬭᬚ᭄ᬜᬦ᭄᭟ᬯᬂᬩᬢᬯᬶᬳᬢᬸᬃᬲᭂᬫ᭄ᬩᬄ᭞ᬬᬾᬦ᭄ᬓᬧᬢᬸᬢ᭄ᬭᬢᬸᬫᬗ᭄ᬓᬶᬦ᭄᭞ᬳᬢᬸᬃᬢᬶᬢ᭄ᬬᬂᬭᬶᬂᬲᬂᬓᬢᭀᬂ᭞ᬧᬶᬦᭂᬳᬂᬭᬢᬸᬭᬶᬂᬓᬬᬸᬦ᭄᭞ᬓᬮᬶᬄᬳᬶᬤᬵᬕᬸᬲ᭄ᬢᬶᬦ᭄ᬢᬶᬢ᭄ᬬᬂ

[᭘᭙ 89A]
᭘᭙
᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬥᭂᬧ᭄ᬪᬝᬵᬭᬭᬶᬂᬍᬫᬄ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭞ᬓᬓᬵᬧᬢᬶᬄᬢᬦ᭄ᬤᬫᬦ᭄ᬢ᭄ᬭᬶ᭞ᬫᬸᬜᬶᬦ᭄ᬯᬂᬩᬢᬯᬶᬓᬾᬦ᭄ᬢᭀ᭞ᬲᬮ᭄ᬬᬸᬦᬾᬦᬾᬓᬂᬯᬸᬯᬸᬲ᭄᭞ᬫᬳᬶᬢᬾᬢ᭄ᬓᭂᬤ᭄ᬓᬚᬯᬵ᭞ᬢ᭄ᬯᬄᬓᬓᬮᬶᬄ᭞ᬓᬲᬫ᭄ᬩᬢ᭄ᬲᬫ᭄ᬩᬢ᭄ᬩᬦ᭄ᬳᬦᬓ᭄᭟ᬤᬶᬩ
ᬮᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬤᬶᬚᬯᬵᬭᬳᬤᬾᬦ᭄ᬤᬾᬯᬶ᭞ᬫᬢ᭄ᬫᬸᬭᬶᬭᬶᬳᬾᬋᬓᭀ᭞ᬧᬢᬶᬄᬫᬦ᭄ᬢ᭄ᬭᬶᬲᬯᬸᬃᬫᬦᬸᬓ᭄᭞ᬯᬦ᭄ᬢᬄᬲᬫ᭄ᬧᬸᬦᬶᬓᬵᬤᬾᬯᬵ᭞ᬬᬾᬦ᭄ᬢ᭄ᬯᬄᬤᬤᬶ᭞ᬫ᭄ᬮᬄᬳᬬᬸᬂᬦᬾᬳᬸᬗ᭄ᬲ᭄ᬬᬂ᭟ᬲᬂᬧ᭄ᬭᬪᬹᬭᬶᬂᬯᬶᬦ᭄ᬥᬸᬢᬶᬗᬮ᭄᭞ᬲᬫᬶᬳᬶ
ᬤᬵᬲᬯᬸᬃᬧᬓ᭄ᬱᬶ᭞ᬫᬶᬯᬄᬲᬂᬧ᭄ᬭᬪᬹᬧᬦᭂᬗ᭄ᬕᬄ᭞ᬧ᭄ᬭᬪᬹᬚᬫᬸᬃᬚᬶᬧᬂᬫᬸᬯᬸᬲ᭄᭞ᬧᬢᬸᬢ᭄ᬧᬶᬲᬦ᭄ᬤᬲᬂᬦᬵᬣ᭞ᬢᬶᬢ᭄ᬬᬂᬳᬚ᭄ᬭᬶᬄ᭞ᬭᬶᬂᬳᬶᬤᬵᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟ᬯᬦᬾᬦ᭄ᬢᭂᬕᬸᬄᬢᬹᬃᬧᬺᬓᭀᬱ᭞ᬰᬓ᭄ᬢᬶᬦᬾᬢ᭄ᬯᬭᬵᬦᬦ᭄ᬤᬶᬗᬶᬦ᭄᭞ᬬᬾ
ᬦ᭄ᬧᬢᬸᬢ᭄ᬳᬦ᭄ᬢᬸᬓ᭄ᬳᬶᬤᬾᬯ᭞ᬧᬶᬦᬓᬵᬓᬦ᭄ᬢᬶᬦᬾᬓᬸᬓᬸᬄ᭞ᬤᬾᬦᬶᬂᬳᬶᬤᬵᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬦᬓᬶᬤᬍᬫ᭄ᬳᬸᬢ᭄ᬢᬵᬫ᭟ᬤᬶᬩᬮᬶᬓᬾᬥᭂᬧᬂᬚᬯᬵ᭞ᬤᬶᬚᬯᬵᬓᬾᬥᭂᬧᬂᬩᬮᬶ᭞ᬳᬶᬗ᭄ᬕᬶᬄᬲᬫ᭄ᬧᬸᬦᬶᬓᬵᬋᬓᭀ᭞ᬲᬂ [ 90 ][᭘᭙ 89B]
᭘᭙
ᬧ᭄ᬭᬪᬹᬳᬲᬯᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬕᬮᬂᬧᬶᬲᬦ᭄᭞ᬓᬓᬵᬧᬢᬶᬄ᭞ᬩᬸᬤᬮᬂᬧᬜ᭄ᬚᬓᬾᬧᬤᬵ᭟ᬢᬦ᭄ᬓᭀᬘᬧᬦ᭄ᬬᬭᬶᬂᬚᬯᬵ᭞ᬓᬯᬸᬯᬸᬲᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬫ᭄ᬧᭂᬓ᭄ᬭᬶᬂᬩᬮᬶᬦᬾᬋᬓᭀ᭞ᬦᬯᬂᬢ᭄ᬭᬗ᭄ᬕᬡᬵᬳᬦᬸᬮᬸ᭞ᬕᬸᬫᬶᬩᬮᬶᬓᬢᬶ᭠
ᬗ᭄ᬕᬮᬦ᭄᭞ᬦᬶᬓᬵᬩ᭄ᬮᬶ᭞ᬕᬸᬫᬶᬧᬸᬦᬧᬶᬳᬤᬜᬵ᭟ᬢ᭄ᬯᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬗᬦ᭄ᬤᬶᬓᬵ᭞ᬫᬗᬭᬲᬃᬯ᭄ᬯᬶᬫᬗᬩᬶᬦ᭄᭞ᬕᬸᬫᬶᬩᬮᬶᬢ᭄ᬯᬄᬧᬸᬦᬶᬓᬵ᭞ᬦᬗ᭄ᬳᬶᬂᬢ᭄ᬯᬭᬵᬳᬤᬗᬸᬕᬸ᭞ᬓᬢᬸᬯᭀᬦ᭄ᬓᬤᬸᬂᬕ᭄ᬮᬳᬂ᭞ᬩᭀᬬᬧᭀᬮᬶᬄ᭞ᬫᬫᬶᬮᬶᬳᬶᬦᬾᬫ᭄ᬮ
ᬳᬦ᭄᭟ᬩ᭄ᬬᬦᬵᬯᬾᬦ᭄ᬢᭂᬦ᭄ᬮᬓᬸᬦ᭄ᬢᬶᬢ᭄ᬬᬂ᭞ᬲᬾᬯᭀᬲᬦ᭄ᬗᬮᬶᬄᬦᬾᬩ᭄ᬘᬶᬓ᭄᭞ᬤᬶᬚᬮᬦ᭄ᬲᬸᬫᬗ᭄ᬓᬶᬦ᭄ᬳᭂᬚᭀᬄ᭞ᬳ᭄ᬢᬸᬢ᭄ᬩ᭠ᬓᬢ᭄ᬲᬫ᭄ᬧᬸᬦ᭄ᬲᬸᬗ᭄ᬲᬸᬢ᭄᭞ᬭᬳᬤᬾᬦ᭄ᬕᬮᬸᬄᬫᬜ᭄ᬓᬃ᭞ᬢᬸᬃᬫᬗᭀᬭᬶ᭞ᬢ᭄ᬯᬭᬤᬦᬾᬫᬗᬦ᭄ᬤᬶᬓᬵ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬗᬭᬲ᭄᭞
ᬲᬶᬦᬫ᭄ᬩᬸᬢ᭄ᬭᬳᬤᬾᬦ᭄ᬤᬾᬯᬶ᭞ᬳᬤᬸᬄᬤᬾᬯᬵᬲᬂᬧᬗᭂᬫ᭄ᬧᭀᬦ᭄᭞ᬢᭀᬮᬶᬄᬢᬶᬢ᭄ᬬᬂᬚ᭄ᬯᬲᬗᬭᬸᬫ᭄᭞ᬧᬗ᭄ᬭᬸᬫ᭄ᬭᬸᬫᬾᬳᬫ᭄ᬮᬤ᭄ᬧ᭄ᬭᬡᬵ᭞ᬗᬲᬶᬳᬰᬶᬄ᭞ᬳᬗ᭄ᬕᭀᬦ᭄ᬫᬗ᭄ᬮᬶᬧᬸᬭᬂᬫᬦᬄ᭟ᬢᬸᬃᬲᬶᬭᬫ᭄ᬓᬸᬮᬶᬸᬮ᭄ᬧᬓᬾᬦᬓ᭄᭞ᬳᬲᬸᬂᬲ᭄ᬧᬄᬗᬲᬶᬳ

[᭙᭐ 90A]
᭙᭐
ᬰᬶᬄ᭞ᬫᬗᬭᬲ᭄ᬧᬶᬧᬶᬦᬾᬓᬭᭀ᭞ᬭᭀᬫᬦᬾᬩᬸᬬᬃᬫᬗ᭄ᬭᬫ᭄ᬩᬸᬦ᭄᭞ᬩᬸᬬᬃᬤᬶᬢᬸᬤᬶᬧᬩᬶᬦᬦ᭄᭞ᬮ᭄ᬯᬶᬃᬳ᭄ᬬᬂᬭᬢᬶᬄ᭞ᬫ᭄ᬤᬮ᭄ᬓᬮᬶᬧᬸᬢᬦ᭄ᬫᬾᬕ᭄ᬖᬵ᭟ᬧᬹᬃᬡ᭄ᬦᬵᬓᬬᬸᬦᬾᬭᬳᬤ᭄ᬬᬦ᭄᭞ᬢᬫ᭄ᬧᭂᬓ᭄ᬬᬧᬲᬶᬲᬶᬦ᭄ᬩᬮᬶ᭞ᬧᬮᬩ᭄ᬯᬦᬾᬲᬸᬩᬓᬢᭀᬦ᭄᭞ᬳᬓᬾᬄ
ᬧᬜ᭄ᬚᬓᬾᬳᬦ᭄ᬤᬸᬮᬸ᭞ᬩᬳᬶᬢᬦᬾᬧ᭄ᬤᬲ᭄ᬗᭂᬦᬄ᭞ᬳᭂᬦ᭄ᬢᭀᬚᬦᬶ᭞ᬮᬸᬄᬫ᭄ᬯᬦᬶᬬᬵᬧᬤᬵᬕᬶᬭᬂ᭟ᬫᬧᬸᬦ᭄ᬤᬸᬄᬧᬸᬦ᭄ᬤᬸᬄᬤᬶᬩᬗ᭄ᬲᬮ᭄᭞ᬮᬸᬄᬫ᭄ᬯᬦᬶᬲᬮᬶᬂᬓᬯᬸᬓᬶᬦ᭄᭞ᬫᬳᬶᬬᬵᬳᬾᬗ᭄ᬕᬮᬂᬋᬓᭀ᭞ᬩᬳᬶᬢᬦᬾᬲᬸᬩᬭᬯᬸᬄ᭞ᬲᬸᬩᬦ᭄ᬤᬃᬘᬶᬦᬵᬘᬸᬫᬤᬂ᭞ᬓ
ᬲᬸᬃᬰᬭᬶ᭞ᬢᬶᬓᭂᬄᬮᬦ᭄ᬢᬾᬮᬦ᭄ᬓᭂᬮᬱᬵ᭟ᬧᬧ᭄ᬤᭂᬓ᭄ᬫᬢᬸᬢᬸᬩ᭄ᬳᭂᬫᬲ᭄᭞ᬫᬮᬗ᭄ᬲᬾᬫᬕᬫ᭄ᬩᬃᬲᬫᬶ᭞ᬫᬮᬮᬸᬯᬸᬃᬲᬸᬢ᭄ᬭᬳᬶᬚᭀ᭞ᬓ᭄ᬮᬱᬵᬧᬶᬢᭀᬮᬵᬳᬮᬸᬲ᭄᭞ᬫᬦᬫ᭄ᬧᬶᬂᬬᬵᬧᬩ᭄ᬯᬦ᭄ᬳᭂᬫᬲ᭄᭞ᬢᬸᬳᬸᬳᬰ᭄ᬭᬶ᭞ᬫᬢᬸᬓᬸᬧ᭄ᬫᬲ᭄ᬧᬸᬘᬓ᭄ᬫᬶᬭᬄ᭟ᬤᬯᬸᬄ
ᬢ᭄ᬮᬸᬤᬸᬓᬶᬂᬧ᭄ᬭᬧ᭄ᬢᬵ᭞ᬳᬘᬂᬘᬂᬳᬶᬓᬂᬩᬦᬯᬶ᭞ᬭᬭᬶᬲ᭄ᬜᭂᬤᬸᬢ᭄ᬩᭂᬤᬶᬮ᭄ᬋᬓᭀ᭞ᬳᭂᬦ᭄ᬤᭂᬄᬯᬂᬩᬗ᭄ᬲᬮᬾᬭᬯᬸᬄ᭞ᬫᬫᭂᬦ᭄ᬤᬓ᭄ᬳᬶᬤᬵᬭᬳᬤ᭄ᬬᬦ᭄᭞ᬮᬸᬄᬫ᭄ᬯᬦᬶ᭞ᬧᬤᬵᬫᬗᬸᬗ᭄ᬲᬶᬓᬮᬩ᭄ᬯᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬦᬸᬦᬲ᭄ᬢᬸᬫᬸᬭᬸᬦ᭄ᬤ᭄ᬬᬳᬭᬶ᭞ [ 91 ][᭙᭐ 90B]
᭙᭐
ᬭᬭᬶᬲ᭄ᬢᬸᬫᬸᬭᬸᬦ᭄ᬢᬦᬮᭀᬦ᭄᭞ᬕᬯᭀᬓ᭄ᬳᬦᬓᬾᬳᬦᬸᬮᬸ᭞ᬯᬃᬡ᭄ᬦᬦᬾᬭᬳᬤᬾᬦ᭄‌ᬤᬾᬯ᭄ᬬ᭞ᬮ᭄ᬯᬶᬃᬥᬥᬭᬶ᭞ᬫᬫᬃᬕ᭄ᬕᬶᬗᬸᬗ᭄ᬲᬶᬓᬩᬗ᭄ᬲᬮ᭄᭟ᬳᬮᬶᬗ᭄ᬕᬶᬄᬭᬶᬂᬩᬮᬾᬤᬦ᭄ᬢᬵ᭞ᬯᬂᬘᬶᬦᬵᬳᬓᬾᬄᬫᬦᬗ᭄ᬓᬶᬮ᭄᭞ᬫᬗᬢᬸᬭᬂᬲᬃᬯ᭄ᬯᬳᬾᬦ᭄ᬤᬄ᭞ᬫᬫᬦᬶᬲᬦ᭄ᬫᬥᬸ
ᬚᬸᬭᬸᬄ᭞ᬲᬫᬶᬳᬾᬦᬓ᭄ᬫᬤᬳᬭᬦ᭄᭞ᬲᬫ᭄ᬧᬸᬦ᭄ᬯᭂᬗᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭟ᬓ᭄ᬫᬵᬳᬶᬩᬧᬤᬵᬮ᭄ᬯᬲ᭄᭞ᬫᬢᬸᬃᬭᬶᬂᬳᬶᬤᬵᬦᬺᬧᬢᬶ᭞ᬫᬶᬯᬄᬭᬶᬂᬳᬶᬤᬵᬭᬳᬤ᭄ᬬᬦ᭄᭞ᬳᬧᬂᬳᬶᬤᬵᬕ᭄ᬮᬶᬲ᭄ᬭᬯᬸᬄ᭞ᬳᬧᬂᬗᬩᬧᬧᬶᬓᬸᬮᬦ᭄᭞ᬦᬾᬩ᭄ᬯᬶᬦ᭄ᬫᬦᬶ᭞ᬧᬸᬢ᭄ᬭᬶᬦᬾᬲᬸᬩ
ᬤᬶᬩᬗ᭄ᬲᬮ᭄᭟ᬲᬯᬸᬃᬫᬦᬸᬓ᭄ᬢᬸᬃᬮᬸᬫᬫ᭄ᬧᬄ᭞ᬢᬦᬸᬘᬧᬵᬦᬾᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬯᭂᬗᬶᬦᬮᬶᬓ᭄ᬧᬶᬦ᭄ᬤᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗ᭄ᬭᬸᬫ᭄ᬭᬸᬫ᭄᭞ᬫᬳᭂᬫ᭄ᬩᬦ᭄ᬫᬸᬗ᭄ᬕᬄᬭᬶᬂᬯᬾᬲ᭄ᬫᬵ᭞ᬚᬶᬦᭂᬫ᭄ᬭᬶᬓ᭄᭞ᬢᬗ᭄ᬓᭂᬩ᭄ᬲᬫᬶᬫᬓᬭᭀᬦᬦ᭄᭟ᬓᬭᬲ᭄ᬳᬭᬲ᭄ᬤᬶᬧᬩᬶᬦ
ᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬗ᭄ᬭᬫᬶᬋᬫᬶᬄ᭞ᬧᬗ᭄ᬭᬸᬫ᭄ᬭᬸᬫᬾᬫᬦᬶᬲ᭄ᬳᬮᭀᬦ᭄᭞ᬧᬸᬧᬸᬦᭂᬦ᭄ᬢᬶᬢ᭄ᬬᬂᬫᬲ᭄ᬓᬮᬸᬂ᭞ᬤᬸᬭᬸᬲᬂᬳᬶᬘᬦᬾᬫᬶᬭᬄ᭞ᬭᬶᬂᬯᭀᬂᬫᬶᬲ᭄ᬓᬶᬦ᭄᭞ᬢᬦ᭄ᬧ᭄ᬕᬢ᭄ᬦᭂᬫᬸᬲᬗ᭄ᬲᬭᬵ᭟ᬲᬢᬢᬵᬳᬫᬭᬵᬤᬾᬱᬵ᭞ᬲᬶᬂᬚᬮᬦ᭄ᬚᬮᬦ᭄ᬫᬗ᭄ᬧᬶᬮ᭄᭞ᬫᬦᬦ᭄ᬤᬗᬶ᭠

[᭙᭑ 91A]
᭙᭑
ᬦ᭄ᬓᬲᬗ᭄ᬲᬭᬵ᭞ᬢᬦ᭄ᬧᬳ᭄ᬤᭀᬦ᭄ᬢᬦ᭄ᬧᬤᬯᬸᬦ᭄᭞ᬓᬾᬯᬮᬵᬳᭂᬩᬸᬦ᭄ᬘᬭᬶᬢᬵ᭞ᬢᬦ᭄ᬧᬓᬦ᭄ᬢᬶ᭞ᬢᬦ᭄ᬢᭂᬮᬕ᭄ᬫᬦ᭄ᬫᬸᬯᬶᬭᬂ᭟ᬲᬳᬶᬲᬳᬶᬗᭂᬦ᭄ᬢᬓᭂᬦ᭄ᬢᬓ᭄᭞ᬩᬸᬓᬵᬓ᭄ᬤᬶᬲ᭄ᬢᬤᬳᬲᬶᬄ᭞ᬫᬦᬸᬚᬸᬰᬰᬶᬄᬢᬶᬸᬓᬢᬶᬕᬵ᭞ᬓ᭄ᬩᭂᬃᬫ᭄ᬦᬾᬓᭂᬩᭂᬃᬢᬸᬳᬸᬦ᭄᭞ᬩ᭄ᬤᬓ᭄ᬮᬬᬄᬓᬧᬦ
ᬲᬦ᭄᭞ᬭᬤᬾᬦ᭄ᬤᬾᬯᬶ᭞ᬳᬲ᭄ᬫᬸᬓ᭄ᬜᬸᬂᬢᬸᬃᬗᬦ᭄ᬤᬶᬓᬵ᭟ᬲᬫ᭄ᬧᬸᬦᬂᬩ᭄ᬮᬶᬩᭂᬲ᭄ᬧᬜ᭄ᬚᬂ᭞ᬢᬶᬢ᭄ᬬᬂᬢ᭄ᬯᬭᬵᬩᬶᬱᬵᬦᬫ᭄ᬧᬶ᭞ᬧᬗ᭄ᬭᬸᬫ᭄ᬭᬸᬫᬾᬗᬯᬾᬭᬭᬲ᭄᭞ᬳᬾᬗ᭄ᬕᬮᬦ᭄ᬓᬾᬢᬶᬢ᭄ᬬᬂᬲᬶᬲᬸ᭞ᬳᬯᬦᬦ᭄ᬢᬶᬢ᭄ᬬᬗᬾᬢ᭄ᬓᬵ᭞ᬗᬮᬶᬄᬩ᭄ᬮᬶ᭞ᬜᬤ᭄ᬬᬢᬶᬢ᭄ᬬᬂᬜᬢᬸᬓᬃᬫ᭄ᬫᬵ᭟ᬳᬧᬂ
ᬧᬤᬵᬗᭂᬜ᭄ᬚᭂᬓ᭄‌ᬰᬵᬲ᭄ᬢ᭄ᬭ᭞ᬳ᭄ᬮᬸᬄᬫᬢᬶᬫ᭄ᬧᬮ᭄‌‌ᬫ᭄ᬯᬦᬶ᭞ᬚ᭄ᬕᬾᬕ᭄ᬩᬕᬸᬲ᭄ᬬᬫᬓᬃᬫ᭄ᬫᬵ᭞ᬩᭀᬘᭀᬓ᭄ᬩᭀᬤᭀᬢᬶᬫ᭄ᬧᬮ᭄ᬳᬶᬧᬸᬦ᭄᭞ᬭᬢᬸᬳᬸᬢ᭄ᬢᬵᬫᬢᬶᬫ᭄ᬧᬮ᭄ᬜᬵ᭞ᬫᭂᬲᭀᬃᬲᬶᬗ᭄ᬕᬶᬄ᭞ᬭᬶᬭᬶᬄᬫᬢᬶᬫ᭄ᬧᬮ᭄ᬧ᭄ᬭᬚ᭄ᬜᬦ᭄᭟ᬳᬧᬂᬤᬵᬤᬤᬶᬫᬤᬸᬓᬦ᭄᭞ᬤ᭄ᬫᭂᬦ᭄ᬕᭂᬤᭂ
ᬕᬾᬳᬶᬢᬸᬗᬶᬦ᭄᭞ᬳ᭄ᬫᭂᬤ᭄ᬮᬯᬦ᭄ᬫᬓᬶᬢᬵᬦᬾᬋᬓᭀ᭞ᬧᬓᬸᬫ᭄ᬧᬸᬮᬦ᭄ᬭᬱᬵᬤᬶᬢᬸ᭞ᬳᬧᬂᬤᬤᬶᬬᬳᬓ᭄ᬱᬭᬵ᭞ᬢᭀᬬᬵᬳᬸᬗ᭄ᬲᬶ᭞ᬧᬢ᭄ᬫᬸᬦ᭄‌ᬪᬝᬵᬭ᭄ᬭᬳ᭄ᬫᬵ᭟ᬓᬾᬢᭀᬢᬶᬗ᭄ᬓᬳᬾᬲᬂᬯᬶᬓᬦ᭄᭞ᬫᬢ᭄ᬫᬸᬧᬤᬵᬗᬲ᭄ᬢᬶᬢᬶ᭞ᬫᬦᬸᬗ᭄ᬕᬮᬂᬦᬾᬦᬾ [ 92 ][᭙᭑ 91B]
᭙᭑
ᬤᬤ᭄ᬯ᭞ᬳᬧᬂᬫᬭᬱᬵᬫ᭄ᬭᬶᬓᬭᬸᬫ᭄᭞ᬫ᭄ᬢᬸᬯᭀᬂᬓᬭᬵᬲᬸᬗ᭄ᬲᬂ᭞ᬫᬦᬶᬩᬦᬶᬦ᭄᭞ᬤᬶᬮᬗᬶᬢᬾᬗᬯᬂᬗᬯ᭄ᬯᬂ᭟ᬩ᭄ᬮᬶᬓᬲᬸᬩ᭄ᬢ᭄ᬯᬄᬯᬶᬤᬕ᭄ᬥᬵ᭞ᬢᬸᬃᬫᬲᬶᬧ᭄ᬢᬵᬧᭂᬦ᭄ᬢᬾᬲ᭄ᬘᬗ᭄ᬕᬶᬄ᭞ᬤᬤᬶᬓᬾᬢᬸᬦᬬᬦ᭄‌ᬰᬲ᭄ᬢ᭄ᬭ᭞ᬢᬦ᭄ᬧᬾᬦ᭄ᬤᬄᬪᬝᬵᬭᬯᬶᬱ᭄ᬡᬸ᭞ᬧᬫᬃᬕ᭄ᬕᬶᬦᬾᬫᬫᬺ
ᬓᭀᬱᬵ᭞ᬳ᭄ᬬᬂᬧᬺᬢᬶᬯᬶ᭞ᬤᬤᬶᬗ᭄ᬮᬄᬧ᭄ᬬᬦᬓ᭄ᬕᬮᬓ᭄᭟ᬓᬾᬦ᭄ᬫᬓ᭄ᬭᬡᬢᬶᬢ᭄ᬬᬂᬗᬾᬤᬦ᭄᭞ᬫᬳᬶᬫᬗᬮᬶᬄᬳᬶᬩ᭄ᬮᬶ᭞ᬲᬗ᭄ᬓᬦ᭄ᬩᭂᬮᬶᬤᬤᬶᬓ᭄ᬫᬵ᭞ᬳᭂᬗ᭄ᬓᬾᬦ᭄‌ᬰᬵᬲ᭄ᬢ᭄ᬭᬦᬾᬫᬗᬸᬤᬸᬄ᭞ᬤᬤᬶᬤᬶᬦᬶᬫᬚᬗ᭄ᬓᭂᬧᬦ᭄᭞ᬤᬶᬧᬲᬶᬲᬶ᭞ᬧᬢ᭄ᬫᬸᬦ᭄ᬲᬗ᭄ᬳ᭄ᬬᬂᬯᬸᬗ᭄ᬓᬭᬵ᭟ᬓ᭄ᬭᬶᬲ᭄ᬫ
ᬜ᭄ᬚᬶᬗᬂᬯᬸᬭᬗ᭄ᬓᬵ᭞ᬳᭂᬦ᭄ᬢᭀᬕᬸᬫᬶᬮᬶᬢᬂᬩ᭄ᬮᬶ᭞ᬳᭂᬦ᭄ᬢᭀᬦᬾᬫᬤᬦ᭄ᬳᬸᬢ᭄ᬢᬵᬫ᭞ᬧᬢ᭄ᬫᬸᬦᬾᬦᬾᬧᬧᬶᬢᬸ᭞ᬦᬾᬧᬗ᭄ᬮᬶᬫᬵᬲᬸᬩᬧ᭄ᬭᬕᬢ᭄᭞ᬲᬸᬦ᭄ᬬᬳ᭄ᬦᬶᬂ᭞ᬢ᭄ᬯᬭᬵᬳᬤᬵᬫᬘᬦ᭄ᬢᬾᬮᬦ᭄᭟ᬓᬾᬦ᭄ᬓᬾᬦ᭄ᬩᭂᬮᬶᬫᬫᭂᬦ᭄ᬤᬵᬧᬂ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬲᬸᬫᬯᬸᬃᬓ᭄ᬜᬶᬂ᭞᭠
ᬢᬸᬫᬸᬮᬶᬄᬳᬶᬗᬭᬲ᭄ᬳᬮᭀᬦ᭄᭞ᬮ᭄ᬬᬸᬓᬾᬳᬦ᭄ᬢᬸᬓ᭄ᬫᬦᬸᬢᬸᬃ᭞ᬳᬧᬂᬩᬸᬓᬵᬫᬢᬸᬗ᭄ᬓᬸᬮᬂ᭞ᬢᬶᬢ᭄ᬬᬂᬫᬡᬶᬓ᭄᭞ᬳᬧᬂᬤᬤᬶᬫᭂᬚᬂᬓᬃᬬ᭄ᬬᬵ᭟ᬢᬸᬢᬸᬭᬾᬦᬾᬫᬤᬦ᭄ᬳᬸᬢ᭄ᬢᬵᬫ᭞ᬲᬫᬶᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬲᬯᬶᬲ᭄ᬭᬾᬂᬭᬕ᭄ᬕᬵᬓᬸᬭᬸᬗᬦ᭄᭞ᬦᬾᬦᬾᬫ᭄ᬦᬾ

[᭙᭒ 92A]
᭙᭒
ᬦᬾᬢᬸᬳᬸᬦ᭄᭞ᬰᬵᬲ᭄ᬢ᭄ᬭᬦᬾᬚᬯᬶᬦᬶᬂᬰᬵᬲ᭄ᬢ᭄ᬭ᭞ᬢᬶᬢ᭄ᬬᬂᬯᬸᬦᬶᬂ᭞ᬢ᭄ᬓᬾᬦᬶᬂᬯᭀᬗ᭄ᬓᬵᬭᬢᬸᬯᬵ᭟ᬦᬾᬦᬾᬮ᭄ᬬᬸᬤᬤᬶᬤᬤ᭄ᬯ᭞ᬦᬾᬤᬤ᭄ᬯᬤᬤᬶᬳᬩ᭄ᬲᬶᬓ᭄᭞ᬳᬩ᭄ᬲᬶᬓ᭄ᬮᬦ᭄ᬢᬲᬦ᭄ᬳᬶᬮᬂ᭞ᬳᭂᬦ᭄ᬢᭀᬢᬶᬸᬢᬸᬤ᭄ᬢᬸᬤ᭄ᬩᬳᬦ᭄ᬢᬸᬢᬸᬃ᭞ᬤᬲᬭᬶᬦ᭄ᬩᬳᬦᬭᬓᬵ᭞ᬦᬾᬦᬾᬮ᭄ᬯᬶᬄ
᭞ᬤᬶᬫᬸᬜ᭄ᬘᬸᬓ᭄ᬕᬸᬦᬸᬗᬾᬫᬸᬫᬄ᭟ᬳᬫ᭄ᬩᬸᬮ᭄ᬢᭀᬢᬶᬢ᭄ᬬᬂᬗᬢᬸᬭᬂ᭞ᬭᬤᬾᬦ᭄ᬤᬾᬯᬶᬲ᭄ᬫᬸᬓ᭄ᬜᬶᬂ᭞ᬫᬮᬶᬳᬶᬦ᭄ᬩᭂᬮᬶᬧᬗ᭄ᬭᬯᭀᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬧᬲᬳᬸᬃ᭞ᬢᬸᬫᬸᬮᬶᬄᬗᭂᬫ᭄ᬩᬸᬲᬶᬦ᭄ᬯᬲ᭄ᬢ᭄ᬭ᭞ᬭᬤᬾᬦ᭄ᬤᬾᬯᬶ᭞ᬲᬫ᭄ᬧᬸᬦ᭄ᬓᬮᬸᬓᬭᬦ᭄ᬲᬶᬜ᭄ᬚᬂ᭟ᬫᬤ᭄ᬬᬫ᭄ᬭᭀᬲ᭄ᬳᬗᬮᬸᬗ᭄ᬕᬂ᭞ᬧᬸ
ᬧᬸᬮ᭄ᬯᬶᬃᬧᭂᬧᭂᬲᬦᬥᬶᬂ᭞ᬳᬗᬯᬾᬭᬕᬵᬓᬲ᭄ᬫᬭᬦ᭄᭞ᬢᬸᬫᬸᬮᬶᬄᬳᬧᬸᬮᬂᬮᬸᬮᬸᬢ᭄᭞ᬢᭂᬫ᭄ᬧᬸᬳᬶᬂᬭᬕᬵᬓᬕᬦ᭄ᬢ᭄ᬬ᭞ᬧᬤᬗᬾᬱ᭄ᬝᬶ᭞ᬓᬮᬶᬄᬫᬗᭂᬋᬲᬂᬫᬦᬄ᭟ᬓᬤᬶᬢᬸᬫ᭄ᬩᬂᬫᬥᬸᬩ᭄ᬭᬢᬵ᭞ᬫᬗᬶᬲᭂᬧ᭄ᬲᬭᬶᬦᬾᬫᬶᬳᬶᬓ᭄᭞ᬢᬦ᭄ᬧ᭄ᬕᬢ᭄ᬧ᭄ᬕᬢ᭄ᬓᬮᬗᭀᬦ᭄
᭞ᬳᬕᭂᬦ᭄ᬢᬶᬕᭂᬦ᭄ᬢᬶᬳᬸᬮᬗᬸᬦ᭄᭞ᬳᬲ᭄ᬫᬸᬓᬕ᭄ᬬᬢᬸᬫᬶᬗᬮ᭄᭞ᬭᬤᬾᬦ᭄ᬤᬾᬯᬶ᭞ᬳᬦᬸᬮᬶᬄᬳᬶᬤᬵᬓᬦ᭄ᬢᬓᬵ᭟ᬓᬤᬶᬧᬤᬧᬦᬾᬮᬬ᭄ᬯᬦ᭄᭞ᬫᬲᬯᬂᬓᬧᬸᬓ᭄ᬫᬕᬶᬭᬶᬢ᭄᭞ᬭᬕᬵᬍᬫᭂᬢ᭄ᬫᬗᬮᬸᬗ᭄ᬕᬂ᭞ᬓᬤᬶᬕᬫᭂᬢᬾᬳᬩᬮᬸᬦ᭄ [ 93 ][᭙᭒ 92B]
᭙᭒
᭞ᬓᬤᬶᬓᬢᬶᬗ᭄ᬕᬮᬦ᭄ᬚᬶᬯᬵ᭞ᬗᬮᬶᬓᬮᬶᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬲ᭄ᬫᬸᬓᬕ᭄ᬬᬢ᭄᭟ᬳᬦᬫ᭄ᬩᬸᬢ᭄ᬭᬳᬶᬫᬗᬭᬲ᭄᭞ᬢᬦ᭄ᬧ᭄ᬕᬢ᭄ᬳᬶᬤᬵᬫᬦᬗᬶᬲ᭄᭞ᬭᬭᬶᬲ᭄ᬓᬫ᭄ᬩᬦ᭄ᬤᬶᬧᬩᬶᬦᬦ᭄᭞ᬢᭀᬮᬶᬳᭂᬦ᭄ᬢᬶᬢ᭄ᬬᬂᬫᬲ᭄ᬓᬮᬸᬂ᭞ᬮᬮᬶᬲᬚᬵᬓᬾᬳᬶᬫᬶᬭᬄ᭞ᬲᬂ᭠
ᬤ᭄ᬬᬄᬳᬭᬶ᭞ᬲᬫ᭄ᬧᬸᬦᬂᬮᬫ᭄ᬧᬸᬲ᭄ᬭᬶᬂᬢᬶᬢ᭄ᬬᬂ᭟ᬮ᭄ᬯᬶᬃᬓᬃᬢ᭄ᬢᬶᬓᬦᬾᬓᬲ᭄ᬦᬳᬦ᭄᭞ᬢᬦ᭄ᬧ᭄ᬕᬢ᭄ᬫᭂᬫ᭄ᬩᬄᬬᬾᬄᬳᬓ᭄ᬱᬶ᭞ᬳᭂᬦ᭄ᬤᬶᬄᬫᬸᬭᬸᬩ᭄ᬧᬘᬵᬧᭀᬮ᭄ᬧᭀᬮ᭄᭞ᬓᬤᬶᬲᬶᬭᬢᬶᬦ᭄ᬢ᭄ᬯᬦ᭄ᬕᬮᬸᬄ᭞ᬫᬲᬶᬄᬢ᭄ᬯᬭᬵᬳᬶᬤᬵᬕᬢ᭄ᬭᬵ᭞ᬭᬤᬾᬦ᭄ᬤᬾᬯᬶ᭞ᬫᬲᬯᬂᬢᬸᬜ᭄ᬚᬸᬂ
ᬓᬮᬬ᭄ᬯᬦ᭄᭟ᬭᬳᬤ᭄ᬬᬦ᭄ᬧᬸᬲᭂᬓᬶᬂᬳᬃᬱᬵ᭞ᬭᬭᬶᬲ᭄ᬳᬾᬮᬶᬂᬧᬭᬵᬫᬗ᭄ᬓᬶᬦ᭄᭞ᬫᬜᬸᬗ᭄ᬓᭂᬮᬶᬢ᭄ᬓᭂᬭᬶᬲ᭄ᬓᬧᬸᬢ᭄ᬭᬦ᭄᭞ᬭᬭᬶᬲ᭄ᬧᬸᬦᬶᬓᬵᬓᬳᬸᬦᬸᬲ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄ᬫᬲᬸᬯᬭᬦ᭄᭞ᬓᬤᬶᬢᬢᬶᬢ᭄᭞ᬢ᭄ᬩᭂᬓᬶᬦ᭄ᬳᬶᬤᬵᬧᬶᬂᬢᬶᬕᬵ᭟ᬧᬧ᭄ᬤᭂᬓᬾᬬᬵ
ᬧᬸᬦᬶᬓᬵ᭞ᬳᬦ᭄ᬢᬸᬓ᭄ᬳᬶᬤᬵᬭᬤᬾᬦ᭄ᬤᬾᬯᬶ᭞ᬤᬾᬦᬶᬂᬫᬘᬵᬘᬶᬭᬾᬦ᭄ᬰᬲ᭄ᬢ᭄ᬭᬵ᭞ᬯᬶᬲᬬ᭄ᬢᬶᬳᬩ᭄ᬭᬫᬸᬭᬸᬩ᭄᭞ᬳᭂᬦ᭄ᬢᭀᬧᬫᬸᬢᬶᬸᬕᭂᬭᬦ᭄ᬳᬢ᭄ᬫᬵ᭞ᬭᬤᬾᬦ᭄ᬤᬾᬯᬶ᭞ᬢᬸᬫᬸᬮᬶᬄᬳᬾᬮᬶᬂᬲᬓ᭄ᬥᬧ᭄᭟ᬲᬶᬦᬫ᭄ᬩᬸᬢ᭄ᬳᬦ᭄ᬢᬸᬓ᭄ᬭᬳᬤ᭄ᬬᬦ᭄᭞ᬧᬶᬦᬧᬕ᭄ᬯᬘᬦᬳ

[᭙᭓ 93A]
᭙᭓
ᬭᬶᬲ᭄᭞ᬳᬾᬮᬶᬂᬲᬚᬵᬓᬾᬳᬶᬫᬶᬭᬄ᭞ᬧᬸᬧᬸᬦᭂᬦ᭄ᬢᬶᬢ᭄ᬬᬂᬫᬲ᭄ᬓᬮᬸᬂ᭞ᬢᬸᬮᬸᬲᬂᬳᬶᬘᬦᬾᬫᬶᬭᬄ᭞ᬤ᭄ᬬᬄᬳᬭᬶ᭞ᬫᬓᬭᭀᬦ᭄ᬭᬶᬂᬲᬸᬭᬵᬮᬬᬵ᭟ᬢᬸᬫᬸᬮᬶᬄᬭᬭᬶᬲ᭄ᬫᬲᬶᬭᬫ᭄᭞ᬧᬜ᭄ᬚᬓᬾᬲᬫᬶᬗᬬᬳᬶᬦ᭄᭞ᬧᬲᬶᬭᬫᬦᬾᬲᬗ᭄ᬓᬸᬫᬲ᭄᭞ᬲᬫ᭄ᬧᬸᬦ᭄ᬫᬲᬮᬶᬦᬦ᭄ᬓ
ᬫ᭄ᬧᬸᬄ᭞ᬫᬓᬮᬶᬳᬦ᭄ᬲᬋᬂᬗᬬᬲ᭄᭞ᬲᬬᬦ᭄ᬭᬯᬶᬢ᭄᭞ᬓᬮᬶᬄᬫᬗᬋᬲᬂᬫᬦᬄ᭟ᬫ᭄ᬯᬦᬾᬫᬲᬯᬂᬓᬸᬱ᭄ᬬ᭞ᬮᬯᬢᬶᬦ᭄ᬤᬫᬃᬳᬗ᭄ᬭᬯᬶᬢ᭄᭞ᬫᭀᬦ᭄ᬢᭀᬓ᭄ᬫᬦᬶᬲ᭄ᬫᬗᬜ᭄ᬘᭀᬭᭀᬂ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬫᬗᬸᬓᬸᬢᬸᬓᬸᬢ᭄᭞ᬫᬸᬭᬸᬧ᭄ᬲᭂᬧᬄᬳᬦᬾᬂᬮᬢ᭄ᬬ᭞ᬗᬭᬲ᭄ᬫᬩᬶᬦ᭄᭞ᬓᬮᬶᬄ
ᬗᭀᬜᬂᬓᬍᬗᭂᬗᬦ᭄᭟ᬭᬭᬶᬲ᭄ᬫᬸᬗ᭄ᬕᬄᬓᬧᬫᬺᬫᬦ᭄᭞ᬓᬭᭀᬦ᭄ᬓᬫ᭄ᬧᬸᬄᬫᬧᬸᬮᬶᬮᬶᬢ᭄᭞ᬧᬤᬵᬫᬗᭀᬜᬂᬓᬮᬗᭀᬦ᭄᭞ᬓᬮᬶᬄᬫᬦᬸᬳᬸᬓᬶᬦ᭄ᬓᬬᬸᬦ᭄᭞ᬲᬮᬶᬂᬳᬭᬲ᭄ᬤᬶᬧᬩᬶᬦᬦ᭄᭞ᬲᬬᬦ᭄ᬳᬭᬶᬧ᭄᭞ᬭᬭᬶᬲᬶᬋᬧ᭄ᬫᬓᬭᭀᬦᬦ᭄᭟ᬧᬶᬦᬄᬲᬫ᭄ᬧᬸ
ᬦ᭄ᬢᬢᬲ᭄ᬕᬮᬂ᭞ᬢᬦᬸᬘᬧᬵᬲᬂᬓᬭᬲ᭄ᬫᬶᬦ᭄᭞ᬧᬸᬢᬸᬲᬦ᭄ᬫᬫᬃᬕ᭄ᬕᬶᬭᭀᬭᭀ᭞ᬫᬦ᭄ᬕᬓᬶᬦ᭄ᬓᬸᬤᬵᬮᬸᬳᬸᬂ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬩᬜ᭄ᬘᬶᬗᬄ᭞ᬰ᭄ᬭᬶᬪᬹᬧᬢᬶ᭞ᬭᬶᬂᬤ᭄ᬳᬵᬲ᭄ᬤᭂᬓ᭄ᬭᬶᬂᬯ᭄ᬥᬮ᭄᭟ᬧᬸᬢᬸᬲᬦ᭄ᬓᬓᬮᬶᬄᬧ᭄ᬭᬧ᭄ᬢᬵ᭞ᬧᬋᬓ᭄ᬭᬶᬂᬳᬶᬤᬵᬦᬺᬧᬢᬶ᭞ᬤᬸᬄᬤᬾᬯᬵᬭᬢᬸ [ 94 ][᭙᭓ 93B]
᭙᭓
ᬲᬂᬓᬢᭀᬂ᭞ᬳᬦᬓ᭄ᬳᬶᬤᬵᬲᬫ᭄ᬧᬸᬦ᭄ᬭᬯᬸᬄ᭞ᬧᬗᬦ᭄ᬤᬶᬓᬦᬾᬭᬶᬂᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶ᭞ᬓᬮᬶᬄᬳᬧᬂᬳᬶᬤᬵᬮᬸᬗ᭄ᬳᬵ᭟ᬫᬦ᭄ᬓᬾᬦ᭄ᬓᬾᬦ᭄ᬧᬸᬢ᭄ᬭᬶᬭᬶᬂᬚᬯᬵ᭞ᬲᬸᬩᬳᬶᬤᬵᬩᬋᬂᬫᬳᬶ᭞ᬳᬶᬗ᭄ᬕᬶᬄᬲᬫ᭄ᬧᬸᬦ᭄ᬲᬋᬂᬋᬓᭀ᭞ᬧᬯᭀᬗᬦ᭄ᬮᬶᬫᭀᬮᬲ᭄ᬭᬢᬸ᭞ᬲᬂᬧ᭄ᬭᬪᬸᬓᬮᬶ
ᬦ᭄ᬢᬂᬲᬸᬓᬵ᭞ᬓ᭄ᬫᬵᬧᬢᬶᬄ᭞ᬧᬤᬵᬚᬦᬶᬫᬧᬗᬭᬄ᭟ᬩᬸᬬᬃᬲᬫᬶᬧᬦᬗ᭄ᬓᬶᬮᬦ᭄᭞ᬫᬦ᭄ᬥᬸᬦᬂᬩᬮᬵᬲᬫᬶ᭞ᬫᬶᬯᬄᬧᬫᬶᬓᬸᬮᬦ᭄ᬋᬓᭀ᭞ᬓ᭄ᬭᬦᬶᬦᬦᬾᬧᬤᬵᬫᬸᬦ᭄ᬤᬸᬢ᭄᭞ᬲᬂᬧ᭄ᬭᬪᬸᬳᬕ᭄ᬮᬶᬲ᭄ᬓᬧᬸᬭᬵ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬳᬤᬾᬦ᭄ᬕᬮᬸᬄᬓᭀᬘᬧᬵ᭟ᬳᬮᬸᬗ᭄ᬕᬸᬄ
ᬭᬶᬂᬩᬮᬾᬓᭂᬫ᭄ᬩᬃ᭞ᬧᬶᬦᬋᬓᬶᬂᬩᬬᬦ᭄ᬲᬗ᭄ᬕᬶᬢ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬚᬸᬫᭀᬚᭀᬕ᭄᭞ᬢᬸᬫᬸᬮᬶᬄᬗᬦ᭄ᬤᬶᬓᬵᬳᬮᬸᬲ᭄᭞ᬤᬸᬄᬤᬾᬯᬵᬕᬸᬲ᭄ᬢᬶᬫᬲ᭄ᬫᬶᬭᬄ᭞ᬭᬓᬦ᭄ᬜᬳᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬋᬓᬾᬢ᭄ᬓᬵ᭟ᬭᬳᬤᬾᬦ᭄ᬕᬮᬸᬄᬗᬶᬸᬦ᭄ᬤᬶᬸᬓᬶᬸᬳᬦᭂᬫ᭄ᬩᬄ᭞ᬫᬢᬸᬃᬭᬶᬂᬳᬶᬤᬵᬦᬺᬧᬢᬶ᭞
ᬢᬶᬢ᭄ᬬᬂᬧᬫᬶᬢ᭄ᬭᬶᬂᬲᬂᬓᬢᭀᬂ᭞ᬦᬾᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬭᬢᬸ᭞ᬫᬭᬶᬓᬵᬫᬭᬶᬂᬧᬮᬩ᭄ᬯᬦ᭄᭞ᬫᬧᭂᬦ᭄ᬤᬓᬶᬦ᭄᭞ᬲᬋᬂᬳᬶᬤᬵᬧ᭄ᬭᬫᬾᬰ᭄ᬯᬃᬬ᭄ᬬᬵ᭟ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬤᬾᬯ᭞ᬧᭂᬦ᭄ᬤᬓᬶᬦ᭄ᬲᬫ᭄ᬢᭀᬦ᭄᭟᭟ᬜᬳᬶ᭞ᬳᬧᬂᬧᬤᬵᬯᬸᬦᬶᬂᬋᬓᭀ᭞ᬤᬾᬦᬶᬂᬤᬵ

[᭙᭔ 94A]
᭙᭔
ᬦᬾᬓᬭᬶᬢᬫ᭄ᬬᬸ᭞ᬭᬤᬾᬦ᭄ᬕᬮᬸᬄᬚᬫᬶᬦ᭄ᬢᭀᬭᬵ᭞ᬓᬲᬸᬩ᭄ᬭᬶᬭᬶᬄ᭞ᬧᬗᬶᬭᬶᬗᬾᬲᬸᬩᬓᬢᬄ᭟ᬭᬯᬸᬄᬲᬶᬭᬧ᭄ᬭᬫᬾᬲ᭄ᬯᬃᬬ᭄ᬬ᭞ᬫᬶᬯᬄᬧᬭᬦ᭄ᬢᭂᬦᬚᬶ᭞ᬲᬫᬶᬯᬸᬲ᭄ᬫᬧᬬᬲ᭄ᬋᬓᭀ᭞ᬫᬗ᭄ᬭᬸᬗᬸᬲᬂᬩᬕᬸᬲ᭄ᬭᬯᬸᬄ᭞ᬲᬫᬶᬲᬸᬓᬵᬯᭀᬂᬧᬶᬸᬚ᭄ᬭᭀᬧᬸᬭᬵ᭞ᬧ
ᬭᬵᬫᬗ᭄ᬓᬶᬦ᭄᭞ᬭᬭᬶᬲᬫᬶᬗ᭄ᬭᬗ᭄ᬲᬸᬓ᭄ᬧᬬᬲ᭄᭟ᬲᬫᬶᬧᬤᬵᬗᭀᬜᬂᬧᬬᬲ᭄᭞ᬧᬗᬗ᭄ᬕᭀᬦᬾᬫᬲ᭄ᬳᬗ᭄ᬭᬯᬶᬢ᭄᭞ᬭᬤᬾᬦ᭄ᬕᬮᬸᬄᬫᬓᬵᬭᭀᬭᭀ᭞ᬧᬗᬗ᭄ᬕᭀᬦᬾᬗᭂᬦ᭄ᬤᬶᬄᬫᬸᬭᬸᬩ᭄᭞ᬫᬧᬶᬗ᭄ᬕᭂᬮ᭄ᬫᬲ᭄ᬓᬸᬫᬭᬜᬩ᭄᭞ᬫᬮᬶᬳ
ᬮᬶ᭞ᬫᬲᬵᬲᭀᬘᬦ᭄ᬫᬶᬭᬄᬭᬢ᭄ᬦᬵ᭟ᬫᬲ᭄ᬓᬃᬳ᭄ᬫᬲ᭄ᬫᬕᬸᬪᬄ᭞ᬭᬸᬧᬦᬾᬮ᭄ᬯᬶᬃᬤᬾᬯᬶᬭᬢᬶᬄ᭞ᬯᬸᬲ᭄ᬫᬧᬬᬲ᭄ᬧᬤᬵᬓᬯᭀᬢ᭄᭞ᬫᬢᬾᬫ᭄ᬧᭀᬮ᭄ᬩᬸᬗ᭄ᬳᬵᬫ᭄ᬭᬶᬓᬭᬸᬫ᭄᭞ᬧᬤᬵᬗᬗ᭄ᬕᭀᬘᬘᬶᬭᬸᬧᬦ᭄᭞ᬲᬸᬢ᭄ᬭᬓᬸᬦᬶᬂ᭞ᬧᬗᬶ
ᬭᬶᬗᬾᬧᬧᬢᬸᬳᬦ᭄᭟ᬲᬫ᭄ᬧᬸᬦ᭄ᬯᬸᬲᬦ᭄ᬗ᭄ᬭᬗ᭄ᬲᬸᬓ᭄‌ᬧᬬᬲ᭄᭞ᬭᬤᬾᬦ᭄ᬕᬮᬸᬄᬓᬮᬶᬄᬫᬶᬚᬶᬮ᭄᭞ᬲᬕ᭄ᬭᬳᬦ᭄ᬫᬭᬶᬂᬚ᭄ᬭᭀᬧᬸᬭᬵ᭞ᬧᬗᬶᬭᬶᬗᬾᬭᬤᬾᬦ᭄ᬕᬮᬸᬄ᭞ᬭᬦ᭄ᬢᭂᬦᬚᬶᬧ᭄ᬭᬫᬾᬲ᭄ᬯᬃᬬ᭄ᬬᬵ᭞ᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬲᬫᬶᬭᬯᬸᬄᬭᬶᬂᬩᬜ᭄ᬘᬶ [ 95 ][᭙᭔ 94B]
᭙᭔
ᬗᬄ᭟ᬫᬫᬲ᭄ᬮᬯᬦ᭄‌‌ᬘᬘᭂᬦ᭄ᬥᭂᬓᬦ᭄᭞ᬲᬫ᭄ᬧᬸᬦ᭄ᬘᬸᬫᬤᬂᬭᬶᬂᬫᬃᬕ᭄ᬕᬶ᭞ᬭᬤᬾᬦ᭄ᬕᬮᬸᬄᬫᬸᬗ᭄ᬕᬄᬋᬓᭀ᭞ᬭᬶᬂᬧᬫᬶᬓᬸᬮᬦ᭄ᬫᬧᬸᬦ᭄ᬤᬸᬢ᭄᭞ᬭᬤᬾᬦ᭄ᬕᬮᬸᬄᬚᬯᬵᬫᬸᬗ᭄ᬕᬄ᭞ᬧ᭄ᬭᬫᬶᬰ᭄ᬯᬭᬶ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬕᬕ᭄ᬮᬶᬲᬦ᭄᭟ᬧᬭᬵᬭᬦ᭄ᬢᭂᬦᬚᬶᬫᬸᬗ᭄ᬕᬄ᭞ᬲᬋᬂᬭᬶᬂᬳᬶ
ᬩᬬᬦ᭄ᬲᬗ᭄ᬕᬶᬢ᭄᭞ᬧᬤᬵᬭᬶᬂᬧᬤᬢᬶᬋᬓᭀ᭞ᬧᬭᬵᬫᬦ᭄ᬢ᭄ᬭᬶᬫᬸᬗ᭄ᬕᬄᬲᬫ᭄ᬧᬸᬦ᭄᭞ᬧᬤᬵᬫᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤᬵ᭞ᬰ᭄ᬭᬶᬪᬹᬧᬢᬶ᭞ᬲᬫ᭄ᬧᬸᬦ᭄ᬲᬫᬶᬳᬶᬤᬵᬫ᭄ᬥᬮ᭄᭟ᬢᬸᬫᬸᬮᬶᬄᬲᬫᬶᬫᬫᬃᬕ᭄ᬕᬵ᭞ᬳᬓᬾᬄᬧᬜ᭄ᬚᬓᬾᬫᬗᬶᬭᬶᬂ᭞ᬳᬶᬗᭂᬄᬲ᭄ᬯᬭᬦ᭄ᬧᬵ
ᬮᬶᬗ᭄ᬕᬶᬳᬦ᭄᭞ᬧᬤᬢᬶᬦᬾᬫᬗ᭄ᬕᬭᬶᬬᬸᬂ᭞ᬧᬕ᭄ᬭᬾᬬᭀᬂᬕᭂᬦ᭄ᬢᬦᬶᬂᬓᬸᬤᬵ᭞ᬗ᭄ᬭᬲᬗᬢᬶ᭞ᬕ᭄ᬭᬩᭂᬕᬶᬂᬚᬦ᭄ᬫᬵᬮᬸᬫᬫ᭄ᬧᬄ᭟ᬢᬦ᭄ᬓᭀᬘᬧᬵᬓᬂᬮᬸᬫᬫ᭄ᬧᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬢᬗᬶ᭞ᬫᬓᬮᬶᬳᬦ᭄ᬬᬫᬲᬶᬭᬫ᭄᭞ᬫᬧᬬᬲ᭄ᬳᬶᬤᬵᬢ᭄ᬯᬦ᭄ᬕ
ᬮᬸᬄ᭞ᬗᬮᬶᬓᬮᬶᬓ᭄ᬫᬓᭂᬫ᭄ᬩᬭᬦ᭄᭞ᬭᬤᬾᬦ᭄ᬤᬾᬯᬶ᭞ᬭᬭᬶᬲ᭄ᬫᭂᬤᬮ᭄ᬓᬩᬜ᭄ᬘᬶᬗᬄ᭟ᬲᬧ᭄ᬭᬧ᭄ᬢᬦᬾᬭᬶᬂᬩᬜ᭄ᬘᬶᬗᬄ᭞ᬕᬯᭀᬓ᭄ᬳᬦᬓᬾᬗᬶᬯᬲᬶᬦ᭄᭞ᬳᬦᬯᬂᬢ᭄ᬭᬗ᭄ᬕᬡᬵᬋᬓᭀ᭞ᬓᬮᬶᬯᬢ᭄ᬭᬸᬧᬦᬾᬳᬬᬸ᭞ᬓᬤᬶᬩᬸᬮᬦ᭄ᬫ

[᭙᭕ 95A]
᭙᭕
ᬓᭂᬫ᭄ᬩᬭᬦ᭄᭞ᬯᬳᬸᬫᬶᬚᬶᬮ᭄᭞ᬧᬤᬵᬢᬦ᭄ᬓᭂᬦᬵᬳᬗᬸᬘᬧ᭄᭟ᬭᬸᬧᬦᬾᬫᬗᬬᬗᬬᬂ᭞ᬓᬤᬶᬳ᭄ᬫᬲᬾᬲᬶᬦᬗ᭄ᬮᬶᬂ᭞ᬳᬲ᭄ᬯᬾᬳᬶᬤᬵᬭᬶᬂᬚᬩᬵ᭞ᬫᬲᬶᬄᬤᬾᬭᬾᬂᬳᬶᬤᬵᬭᬯᬸᬄ᭞ᬢᬸᬫᬸᬮᬶᬄᬳᬶᬤᬵᬫᬦ᭄ᬢᬸᬓᬦ᭄᭞ᬫᬭᬶᬂᬧᬸᬭᬶ᭞ᬭᬭᬶᬲ᭄ᬫᬕᬸᬮᬶᬂᬕᬸᬮᬶᬗᬦ᭄᭟
ᬭᬳᬤᬾᬦ᭄ᬕᬮᬸᬄᬭᬶᬂᬤ᭄ᬳᬵ᭞ᬲᬋᬂᬭᬤᬾᬦ᭄ᬕᬮᬸᬄᬚᬯᬶ᭞ᬧ᭄ᬭᬧ᭄ᬢᬵᬫᬭᬶᬂᬩᬗ᭄ᬲᬮ᭄ᬋᬓᭀ᭞ᬧᬭᬵᬭᬦ᭄ᬢᭂᬦᬚᬶᬭᬯᬸᬄ᭞ᬧ᭄ᬭᬫᬶᬲ᭄ᬯᬭᬶᬮᬦ᭄ᬲᬂᬦᬵᬣ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬕᬶᬬᭀᬃᬳᬦᬓᬾᬤᬶᬩᬗ᭄ᬲᬮ᭄᭟ᬧᬢᬶᬄᬫᬦ᭄ᬢ᭄ᬭᬶᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬤᬶᬩᬗ᭄ᬲ
ᬮ᭄ᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬕᬮᬸᬄᬓᬚ᭄ᬭᭀ᭞ᬫᬓᬵᬓᬮᬶᬄᬲᬫ᭄ᬧᬸᬦ᭄ᬭᬯᬸᬄ᭞ᬭᬦᬚᬶᬧ᭄ᬭᬫᬶᬲ᭄ᬯᬃᬬ᭄ᬬ᭞ᬩᬬᬦ᭄ᬲᬗ᭄ᬕᬶᬢ᭄᭞ᬲᬫᬶᬭᬯᬸᬄᬭᬶᬂᬭᬳᬤ᭄ᬬᬦ᭄᭟ᬢᬸᬫᬸᬮᬶᬄᬓᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭞ᬕᬯᭀᬓ᭄ᬯᬂᬤ᭄ᬳᬵᬦᬶᬗᬮᬶᬦ᭄᭞ᬓᬯᭂᬗᬦ᭄ᬧᬤᬵᬢᬸᬫᬶ
ᬗᬮ᭄᭞ᬓᬮᬶᬯᬢ᭄ᬭᬸᬧᬦᬾᬳᬬᬸ᭞ᬭᬳᬤᬾᬦᬯᬂᬢ᭄ᬭᬗ᭄ᬕᬡᬵ᭞ᬳᬬᬸᬍᬯᬶᬄ᭞ᬓᬲᭀᬃᬭᬤᬾᬦ᭄ᬕᬮᬸᬄᬤᭂᬳᬵ᭟ᬭᬳᬤᬾᬦ᭄ᬕᬮᬸᬄᬢ᭄ᬭᬗ᭄ᬕᬡᬵ᭞ᬢᬸᬫᬸᬭᬸᬦ᭄ᬳᬲ᭄ᬫᬸᬕᬶᬧᬶᬄ᭞ᬳᬫᭂᬧᭂᬲ᭄ᬚ᭄ᬭᬶᬚᬶᬦᬾᬫ᭄ᬭᭀᬲ᭄᭞ᬲᬧᭀᬮᬳᬾᬗᬯᬾ [ 96 ][᭙᭕ 95B]
᭙᭕
ᬳᬜᬸᬤ᭄᭞ᬳᬦᭂᬫ᭄ᬩᬳᬶᬂᬧ᭄ᬭᬫᬶᬲ᭄ᬯᬃᬬ᭄ᬬᬵ᭞ᬦᬩ᭄ᬤᬫᬦᬶᬲ᭄᭞ᬤᬸᬭᬸᬲᬂᬤᬾᬯᬵᬫᬸᬗ᭄ᬕᬳᬦ᭄᭟ᬭᬳᬤᬾᬦ᭄ᬕᬮᬸᬄᬭᬶᬂᬤ᭄ᬳᬵ᭞ᬫᬶᬯᬄᬭᬤᬾᬦ᭄ᬕᬮᬸᬄᬚᬯᬶ᭞ᬳᬗᬢᬸᬭᬶᬦ᭄ᬫᬸᬗ᭄ᬕᬄᬋᬓᭀ᭞ᬰ᭄ᬭᬶᬧ᭄ᬭᬫᬶᬲ᭄ᬯᬭᬶᬳᬫᬸᬯᬸᬲ᭄᭞ᬫᬃᬕ᭄ᬕᬶᬲᬋᬂᬓᬾᬳᬶᬤᬾᬯᬵ᭞ᬢᬶ
ᬢ᭄ᬬᬂᬗᬶᬭᬶᬂ᭞ᬳᬮᬶᬗ᭄ᬕᬶᬄᬭᬢᬸᬫᬲ᭄ᬫᬶᬭᬄ᭟ᬭᬳᬤᬾᬦ᭄ᬕᬮᬸᬄᬭᬶᬂᬤᭂᬳᬵ᭞ᬲᬶᬦᬫ᭄ᬩᬸᬢ᭄ᬭᬳᬤᬾᬦ᭄ᬤᬾᬯᬶ᭞ᬳᬦᬯᬂᬢ᭄ᬭᬗ᭄ᬕᬡᬵᬋᬓᭀ᭞ᬤᬸᬮᬸᬭᬶᬦ᭄ᬯᬘᬦᬵᬳᬮᬸᬲ᭄᭞ᬲᬫ᭄ᬧᬸᬦ᭄ᬫᬶᬭᬄᬩᬭᬶᬩᬶᬦᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬓᬾᬤᭂᬧᬂᬓᬭᬶᬤᬶᬚᬯᬵ᭟ᬳᬾᬕ
ᬭᬂᬓᬬᬸᬦᬾᬤᬾᬯᬵ᭞ᬫᬜᬫᬵᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬦᬯᬂᬢ᭄ᬭᬗ᭄ᬕᬡᬵᬲᬯᬸᬃᬦ᭄ᬬᬮᭀᬦ᭄᭞ᬳᬾᬲᭂᬫᬾᬳᬵᬢᬸᬂᬢᬸᬂᬚᬸᬭᬸᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬜᬤ᭄ᬬᬧᬶᬲᬦ᭄᭞ᬯᬦ᭄ᬢᬄᬗᬶᬭᬶᬂ᭞ᬩᭀᬬᬢᬶᬢ᭄ᬬᬂᬩᬭᬶᬩᬶᬦᬦ᭄᭟ᬮᬶᬦ᭄ᬢᬂᬢ᭄ᬯᬄᬢᬶᬢ᭄ᬬᬂᬧ᭄ᬭᬲᬗ᭄ᬕᬵ᭞
ᬭᬶᬂᬭᬕᬦ᭄ᬳᭂᬫ᭄ᬩᭀᬓᬾᬫᬗ᭄ᬓᬶᬦ᭄᭞ᬦᬤ᭄ᬬᬦ᭄ᬓᬬᬸᬓ᭄ᬭᬶᬲ᭄ᬳᬗ᭄ᬕᭀᬦ᭄᭞ᬫᭀᬗᭀᬃᬢᬶᬢ᭄ᬬᬂᬯᬦ᭄ᬢᬄᬦᬸᬳᬸᬦ᭄᭞ᬢᬶᬢ᭄ᬬᬂᬫᬗᬢᬸᬭᬗᬯᬓ᭄᭞ᬢᬶᬢ᭄ᬬᬂᬲᬶᬲᬶᬧ᭄᭞ᬫᬭᬶᬓᬶᬢ᭄ᬬᬂᬫᬦᬸᬫ᭄ᬧᬂ᭟ᬤᬸᬄᬤᬾᬯᬵᬳᭂᬦ᭄ᬢᭀᬲᬸᬩᬮᬂ᭞ᬳᭂᬫ᭄ᬩᭀᬓ᭄ᬗᬢᬸ

[᭙᭖ 96A]
᭙᭖
ᬭᬶᬦ᭄ᬳᬶᬩ᭄ᬮᬶ᭞ᬳᬦᬓ᭄ᬢ᭄ᬯᬄᬲᬗ᭄ᬓᬦᬶᬂᬳᭂᬫ᭄ᬩᭀᬓ᭄᭞ᬫᬶᬯᬄᬭᬳᬤᬾᬜ᭄ᬚᭀᬂᬩᬶᬭᬸ᭞ᬤᬦᬾᬲᬋᬂᬢ᭄ᬯᬄᬫᬗᬚᬧ᭄᭞ᬳ᭄ᬤᬚᬦᬶ᭞ᬳᬸᬮᬢ᭄ᬜᬳᬶᬲ᭄ᬮᬂᬫᬦᬄ᭟ᬳᭂᬫ᭄ᬩᭀᬓ᭄ᬢ᭄ᬯᬭᬳᬤᬲ᭄ᬮᬂ᭞ᬫᬜᬫᬓᬾᬦ᭄ᬭᬕᬦ᭄ᬜᬳᬶ᭞ᬤ᭄ᬬᬲ᭄ᬢᬸᬳᬮᬵᬳᬬᬸᬋᬓᭀ᭞ᬓᬤᬸᬂᬲᬸᬩᬵ
ᬩ᭄ᬮᬸᬲ᭄ᬓᬸᬘᬸᬢ᭄᭞ᬚᬦᬶᬩᬋᬂᬧᬢᬧᬬᬂ᭞ᬳᬧᬂᬗᬾᬱ᭄ᬝᬶ᭞ᬲᬋᬂᬭᬶᬂᬤᬦᬾᬫᬫᬜ᭄ᬚᬓ᭄᭟ᬳᭂᬗ᭄ᬓᬾᬜ᭄ᬚᬵᬫᬭᬸᬧᬵᬳᬶᬯᬂ᭞ᬗᬱ᭄ᬝᬶᬢᬶᬭᬕᬦ᭄ᬳᬶᬩ᭄ᬮᬶ᭞ᬲᬮᬶᬄᬢᬸᬗ᭄ᬕᬮ᭄ᬲᬶᬜᬳᭂᬦ᭄ᬢᭀᬓ᭄᭞ᬫᬶᬯᬄᬳᬶᬬᬤᬶᬜ᭄ᬚᭀᬂᬩᬶᬭᬸ᭞ᬳᬚᬳᬶᬦ᭄ᬩᬋᬂᬲᬮᬳᬂ᭞ᬫᬗ᭄ᬤᬾᬩ᭄ᬘᬶ
ᬓ᭄᭞ᬧᬢᬸᬢᬂᬩᬋᬂᬫᬜᬫᬵ᭟ᬦᬯᬂᬢ᭄ᬭᬗ᭄ᬕᬡᬵᬗᬦ᭄ᬤᬶᬓᬵ᭞ᬓ᭄ᬜᬸᬗᬾᬳᬭᬸᬫᬵᬫᬦᬶᬲ᭄᭞ᬢᬶᬢ᭄ᬬᬂᬗᬶᬭᬶᬂ᭠ᬓᬬᬸᬦ᭄ᬳᭂᬫ᭄ᬩᭀᬓ᭄᭞ᬤ᭄ᬬᬲ᭄ᬢᬸᬦ᭄ᬢᬶᬢ᭄ᬬᬂᬧᬘᬂᬧᬸᬧᬸᬢ᭄᭞ᬮᬫᬸᬦ᭄ᬩᬋᬂᬫᬩ᭄ᬲᬶᬓᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬓ᭄ᬜᬸᬂᬭᬤᬾᬦ᭄ᬕᬮᬸᬄᬤ᭄ᬳᬵ
᭟ᬭᬤᬾᬜ᭄ᬚᭀᬂᬩᬶᬭᬸᬳᬗᬸᬘᬧ᭄᭞ᬓ᭄ᬜᭂᬫᬾᬳᬮᬸᬲ᭄ᬳᬫᬦᬶᬲ᭄᭞ᬓᬮᬶᬗᬦᬾᬢᬶᬢ᭄ᬬᬂᬳᭂᬫ᭄ᬩᭀᬓ᭄᭞ᬢᬸᬗ᭄ᬕᬶᬮ᭄ᬧᬦᬸᬦᬲᬾᬤᬸᬫᬸᬦ᭄᭞ᬧᬤᬵᬳᬸᬮᬶᬓᬳᭂᬚᭀᬳᬦ᭄᭞ᬲ᭄ᬮᬢ᭄ᬧᬲᬶᬄ᭞ᬫᬳᬶᬧᬤᬦᬮᬸᬤ᭄ᬮᬫ᭄ᬧᬄ᭟ᬬᬾᬦ᭄ᬢᬶ [ 97 ][᭙᭖ 96B]
᭙᭖
ᬫ᭄ᬩᬂᬢ᭄ᬯᬭᬳᭂᬜ᭄ᬘᭀᬢᬵ᭞ᬓᬳᬸᬤᬸᬄᬩᬦ᭄ᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬫᬢ᭄ᬫᬸᬯᬂᬢᬶᬢ᭄ᬬᬂᬳᭂᬫ᭄ᬩᭀᬓ᭄᭞ᬲᬗ᭄ᬓᬦ᭄ᬫᬗ᭄ᬓᬶᬦ᭄ᬧᬤᬢ᭄ᬧᬸᬓ᭄᭞ᬓ᭄ᬜᬸᬂᬳᬦᬯᬂᬢ᭄ᬭᬗ᭄ᬕᬡᬵ᭞ᬳᭂᬫ᭄ᬩᭀᬓ᭄ᬗᬶᬭᬶᬂ᭞ᬲᬂᬓᬓᬹᬂᬳᬾᬦᬓ᭄ᬢᬸᬫᬶᬗ᭄ᬳᬮ᭄᭟ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬵᬲ᭄ᬓᬸᬮ᭄ᬳᬸᬮᬫ᭄᭞ᬓᬢᬸᬃᬭᬶᬂᬭ
ᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬶᬯᬄᬭᬤᬾᬦ᭄ᬕᬮᬸᬄᬋᬓᭀ᭞ᬲᬫᬶᬫᬚᬸᬚᭀᬦᬦ᭄ᬲ᭄ᬓᬸᬮ᭄᭞ᬭᬦ᭄ᬢᭂᬦᬚᬶᬧ᭄ᬭᬫᬶᬲ᭄ᬯᬃᬬ᭄ᬬ᭞ᬩᬬ᭠ᬦ᭄ᬲᬗ᭄ᬕᬶᬢ᭄᭞ᬧᬢᬶᬄᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯᬵ᭟ᬲᬫᬶᬳᬶᬗᬢᬸᬭᬦ᭄ᬢᬤᬄ᭞ᬳᬾᬦᬓ᭄ᬫᬤᬳᬭᬾᬲᬫᬶ᭞ᬢᬦ᭄ᬧ᭄ᬕᬢ᭄ᬳᬸᬮᬫᬾᬋᬓᭀ᭞
ᬩᬺᬫ᭄ᬳᬭᬓ᭄ᬲᬚᭂᬂᬮᬸᬫᬶᬦ᭄ᬢᬸ᭞ᬳᬸᬮᬫ᭄ᬩᬯᬶᬳᬸᬮᬫ᭄ᬳᬬᬫ᭄᭞ᬳᬸᬮᬫ᭄ᬧᬲᬶᬄ᭞ᬧᬤᬵᬳᬾᬦᬓᬶᬂᬳᬫᬗᬦ᭄᭟ᬭᬳᬤᬾᬦ᭄ᬕᬮᬸᬄᬭᬶᬂᬤᭂᬳᬵ᭞ᬳᬸᬚᬭᬾᬳᬫ᭄ᬮᬲᬰᬶᬄ᭞ᬫᬃᬕ᭄ᬕᬶᬫᬗ᭄ᬓᬶᬦ᭄ᬫᬶᬭᬄᬳᬶᬫ᭄ᬩᭀᬓ᭄᭞ᬲᬋᬂᬫᬦ᭄ᬢᬸᬓᬚ᭄ᬭᭀᬳᬕᬸᬂ᭞ᬦᬯᬂᬢ᭄ᬭᬗ᭄ᬕᬵ
ᬡᬳᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬭᬭᬶᬲᬫᬶᬬᬵᬫᬤᬩ᭄ᬤᬩ᭄᭟ᬢᬸᬫᬸᬮᬶᬄᬭᬭᬶᬲ᭄ᬫᬢᬶᬗ᭄ᬓᬄ᭞ᬫᬓᬦ᭄ᬤᬵᬓᬦ᭄ᬤᬵᬤᬶᬫᬃᬕ᭄ᬕᬶ᭞ᬧᬜ᭄ᬚᬓᬾᬫᬚᬸᬚᭀᬦ᭄ᬢᭀᬗᭀᬲ᭄᭞ᬩᬩᬦ᭄ᬤᬭᬦ᭄ᬲᬸᬩᬫᬮᬸ᭞ᬧᬫᬶᬓᬸᬮᬦᬾᬘᬸᬫᬥᬂ᭞ᬭᬤᬾᬦ᭄ᬤᬾᬯᬶ᭞ᬭᬭᬶ᭠

[᭙᭗ 97A]
᭙᭗
ᬲᬫᬶᬳᬶᬤᬵᬫ᭄ᬤᬮ᭄᭟ᬫᬩ᭄ᬭᬶᬬᬸᬓ᭄ᬲᬫᬶᬤᬶᬩᬗ᭄ᬲᬮ᭄᭞ᬳᬦᬓᬾᬕᬯᭀᬓ᭄ᬦᬶᬗᬮᬶᬦ᭄᭞ᬭᬤᬾᬦ᭄ᬕᬮᬸᬄᬫᬓᬭᭀᬦᬦ᭄᭞ᬚᬦᬶᬫᬸᬗ᭄ᬕᬄᬓᬧᬫᬶᬓᬸᬮ᭄᭞ᬢᬸᬮᬾᬦ᭄ᬢ᭄ᬯᬄᬚᬦᬶᬭᬶᬂᬲᬸᬭᬢ᭄᭞ᬓᬂᬧᬤᬢᬶ᭞ᬢᬸᬫᬸᬮᬶᬄᬭᬭᬶᬲ᭄ᬫᬫᬃᬕ᭄ᬕᬵ᭟ᬦᬾᬧᬗᬜ᭄ᬚᬸᬃᬬᬵ
ᬮᬸᬫᬫ᭄ᬧᬄ᭞ᬢᬦ᭄ᬮ᭄ᬬᬦ᭄ᬳᬶᬤᬵᬰ᭄ᬭᬶᬪᬸᬧᬢᬶ᭞ᬫᬧᬚᭂᬗᬕᬸᬗᬾᬓᭂᬫ᭄ᬩᬃ᭞ᬫᬩᬸᬮᬸᬦ᭄ᬕᬭᬸᬤ᭄ᬥᬵᬮᬸᬳᬸᬂ᭞ᬩᬭᬸᬦ᭄ᬩᬸᬦ᭄ᬢᭂᬓᭂᬤ᭄ᬓᬧᬜ᭄ᬚᬓ᭄᭞ᬢᬸᬳᬸᬳᬰ᭄ᬭᬶ᭞ᬧᭀᬮᬳᬾᬫᬗᬺᬲᬂᬫᬦᬄ᭟ᬦᬾᬧᬸᬗ᭄ᬓᬸᬭᬦ᭄ᬬᬵᬫᬫᬃᬕ᭄ᬕᬵ᭞ᬭᬳᬤᬾᬦ᭄ᬕᬮᬸᬄᬓᬤᬶᬭᬶ᭞ᬫᬧᬚᭂᬂᬓᬸ᭠
ᬦᬶᬗᬾᬓᭂᬫ᭄ᬩᬃ᭞ᬧᬗᬗ᭄ᬕᭀᬦ᭄ᬧᬜ᭄ᬚᬓᬾᬧᬢᬸᬄ᭞ᬚᭂᬫ᭄ᬧᬦᬦᬾᬓᬸᬦᬶᬂᬜᬮᬂ᭞ᬢᬸᬳᬸᬳᬰ᭄ᬭᬶ᭞ᬢᬸᬮᬾᬦ᭄ᬢ᭄ᬯᬄᬓᬤᬶᬘᬭᬶᬢᬵ᭟ᬭᬤᬾᬜ᭄ᬚᭀᬂᬩᬶᬭᬸᬫᬫᬃᬕ᭄ᬕᬵ᭞ᬧᭀᬮᬳᬾᬳᬮᬸᬲ᭄ᬳᬗ᭄ᬭᬯᬶᬢ᭄᭞ᬋᬫ᭄ᬋᬫ᭄ᬲᬗ᭄ᬳ᭄ᬬᬂᬤᬶᬯᬗ᭄ᬓᬵᬭ᭞ᬫᬧᬚᭂᬂᬲ᭄ᬮᭂᬄᬫᬳᬮᬸ᭠
ᬲ᭄᭞ᬚᭂᬫ᭄ᬧᬦᬵᬲ᭄ᬮᭂᬫ᭄ᬳᬗ᭄ᬭᬜᬩ᭄᭞ᬗᬮᬶᬓᬮᬶᬓ᭄᭞ᬧᬦ᭄ᬢᭂᬲ᭄ᬢ᭄ᬯᬄᬫᬥᬸᬲᬸᬤᬦᬵ᭟ᬤᬾᬯᬶᬢ᭄ᬭᬗ᭄ᬕᬡᬵᬫᬫᬃᬕ᭄ᬕᬵ᭞ᬢᬸᬳᬸᬢ᭄ᬯᬄᬗ᭄ᬩᭂᬓᬶᬦ᭄ᬮᬗᬶᬢ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄ᬫᬗᬜ᭄ᬘᭀᬭᭀᬂ᭞ᬯᬃᬡ᭄ᬦᬦᬾᬮ᭄ᬯᬶᬃᬲᬸᬃᬬ᭄ᬬᬵᬫ᭄ᬢᬸ᭞ᬫᬧᬚᭂᬂᬭᬗ᭄ᬤᬶᬓᬸᬫ᭄ᬭᬜᬩ᭄᭞ᬢᬸᬳᬸ [ 98 ][᭙᭗ 97B]
᭙᭗
ᬍᬯᬶᬄ᭞ᬩᬳᬓ᭄ᬮᬗᬶᬢᬾᬳᬲᬶᬩᬓ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬃᬕ᭄ᬕᬵ᭞ᬢᬸᬳᬸᬳᬶᬤᬵᬲᬭᬶᬦ᭄ᬕᬸᬫᬶ᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤᬵᬧ᭄ᬢᬓ᭄᭞ᬤ᭄ᬯᬚᬦ᭄ᬳᬶᬤᬵᬧᬸᬢᬶᬄᬳᬮᬸᬲ᭄᭞ᬧᬚᭂᬂᬧᬸᬢᬶᬄᬫᬓᭂᬫ᭄ᬩᬭᬦ᭄᭞ᬜᬮᬂᬳ᭄ᬦᬶᬂ᭞ᬲᬶᬦᬄᬭᬱᬜᬫᬓ᭄ᬚᬂ᭟ᬢ᭄ᬮᬲᬦ᭄ᬲᬫᬶᬫᬫᬃᬕ᭄ᬕᬵ᭞ᬕᬯᭀᬓ᭄ᬳ
ᬦᬓᬾᬫᬩᬮᬶᬄ᭞ᬚ᭄ᬕᬾᬕ᭄ᬩᬕᬸᬲ᭄ᬗᬬᬗᬬᬂ᭞ᬧᬫᬃᬕ᭄ᬕᬶᬦᬾᬗᭂᬜ᭄ᬚᭂᬓ᭄ᬢᬸᬢᬸᬃ᭞ᬢᬦᬸᬘᬧᬦ᭄ᬬᬭᬶᬂᬤᬮᬦ᭄᭞ᬯᬂᬫᬗᬾᬱ᭄ᬝᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬤ᭄ᬳᬵ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬩᬸᬤᬮᬂᬧᬜ᭄ᬚᬓᬾᬫᬸᬮᬶᬄ᭞ᬭᬤᬾᬦ᭄ᬕᬮᬸᬄᬲᬋᬂᬢᬶᬕ᭄ᬕᬵ᭞ᬫᬤᬦ᭄ᬤᬦ᭄ᬢᬗᬦ᭄ᬓ
ᬳ᭄ᬭᬸᬫ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬶᬭᬶᬗᬂ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬫᬧᬸᬦ᭄ᬤᬸᬄᬲᬫ᭄ᬧᬸᬦ᭄ᬭᬶᬂᬧᬸᬭᬵ᭟ᬭᬭᬶᬲ᭄ᬳᬶᬤᬵᬫᬭᬯᭀᬲᬦ᭄᭞ᬤᬶᬳᬫ᭄ᬩᬾᬦ᭄ᬕᭂᬤᭀᬂᬫᬮᬶᬗ᭄ᬕᬶᬄ᭞ᬲᬃᬯ᭄ᬯᬶᬗᬶᬦᬸᬫ᭄ᬧᬮᬵᬋᬓᭀ᭞ᬯᬂᬚ᭄ᬭᭀᬦᬾᬲᬫᬶᬕᬸᬧᬸᬄ᭞ᬗ᭄ᬭᬘᬶᬓᬂᬧᬘᬂᬧᬬᬸᬦᬦ᭄᭞ᬲᬵᬫ᭄ᬧᬸᬦ᭄ᬯᭂᬗᬶ᭞
ᬲᬫᬶᬯᬸᬲᬦ᭄ᬫᬤᬳᬭᬦ᭄᭟ᬦᬯᬂᬢ᭄ᬭᬗ᭄ᬕᬡᬵᬗᬦ᭄ᬤᬶᬓᬵ᭞ᬩ᭄ᬘᬶᬓᬂᬧᬓᭀᬍᬫᬗ᭄ᬓᬶᬦ᭄᭞ᬫᬦᬯᬶᬧᬤᬵᬓᬍᬲᭀᬦ᭄᭞ᬭᬤᬾᬜ᭄ᬚᭀᬂᬩᬶᬭᬸᬳᬫᬸᬯᬸᬲ᭄᭞ᬤᬶᬦᬶᬚᬤᬤᬶᬳᬩᬤᬵ᭞ᬭᬤᬾᬦ᭄ᬤᬾᬯᬶ᭞ᬭᬶᬂᬤ᭄ᬳᬵᬓ᭄ᬜᬸᬂᬗᬦ᭄ᬤᬶᬓᬵ᭟ᬳ᭄ᬤᬵᬚᬵᬓᬾᬦ᭄ᬢᭀ

[᭙᭘ 98A]
᭙᭘
ᬫᬲ᭄ᬫᬶᬭᬄ᭞ᬚᬮᬦ᭄ᬓᬾᬧᬤᬵᬳᬸᬮᬳᬶᬦ᭄᭞ᬩᬦᬾᬳᬂᬢᭀᬗᭀᬲᬾᬋᬓᭀ᭞ᬫᬦᬶᬧᭀᬯᬦ᭄ᬩ᭄ᬯᬶᬦ᭄ᬫᬧᬸᬦ᭄ᬤᬸᬄ᭞ᬲᬯᬸᬃᬫᬦᬸᬓ᭄ᬭᬤᬾᬦ᭄ᬤᬾᬯ᭄ᬬ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬸᬫᬸᬮᬶᬄᬫᬸᬗ᭄ᬕᬄᬭᬶᬂᬯᬾᬲ᭄ᬫᬵ᭟ᬦᬯᬂᬢ᭄ᬭᬗ᭄ᬕᬡᬵᬓᬢᬸᬭᬦ᭄᭞ᬫᬸᬗ᭄ᬕᬄᬭᬶᬂᬤᬃᬫ᭄ᬫᬵᬳᬗᬸᬗ᭄ᬲᬶ᭞ᬭᬤᬾ
ᬜ᭄ᬚᭀᬂᬩᬶᬭᬸᬓᬯᬾᬲ᭄ᬫᬵ᭞ᬤᬶᬧ᭄ᬭᬚᬵᬮᬾᬮᬵᬳᬢᬸᬭᬸ᭞ᬭᬳᬤᬾᬦ᭄ᬕᬮᬸᬄᬭᬶᬂᬤ᭄ᬳᬵ᭞ᬳᬶᬤᬵᬓᬭᬶ᭞ᬫᬸᬗ᭄ᬕᬄᬫᬗ᭄ᬓᬶᬦ᭄ᬤᬶᬕ᭄ᬤᭀᬂᬫᬲ᭄᭟ᬭᬳᬤ᭄ᬬᬦ᭄ᬤᬶᬩᬮᬾᬤᬦ᭄ᬢᬵ᭞ᬧᬫᬺᬫᬦ᭄ᬳᬶᬤᬵᬗᭂᬜ᭄ᬚᬳᬶᬦ᭄᭞ᬲᬵᬫ᭄ᬧᬸᬦ᭄ᬯᭂᬗᬶᬧᬶᬲᬦ᭄ᬋᬓᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬶᬧᬸᬄ
᭞ᬓᬕᬦ᭄ᬢᬶᬕᬦ᭄ᬢᬶᬓᬳᬭᬲ᭄᭞ᬢᬸᬃᬲᬭᬲ᭄ᬫᬶᬦ᭄᭞ᬲᬤᬶᬦᬵᬤᬶᬦᬵᬓᬳᭂᬫ᭄ᬩᬦ᭄᭟ᬲᬫ᭄ᬧᬸᬦ᭄ᬧᬤᬵᬦ᭄ᬫᬸᬲᬸᬓᬵ᭞ᬲᬢᬢᬵᬭᬭᬶᬲ᭄ᬫᬩᬸᬜ᭄ᬘᬶᬂ᭞ᬫᬮᬵᬩᬸᬭᬂᬩᬍᬲ᭄ᬳᬶᬚᭀ᭞ᬲᬂᬧ᭄ᬭᬪᬸᬚᬯᬯᬸᬲ᭄ᬭᬯᬸᬄ᭞ᬯᬂᬓᬸᬭᬶᬧᬦ᭄ᬲᬸᬩᬵᬬᬢ᭄ᬦᬵ᭞ᬗᬯᬾᬧᬸ
ᬭᬶ᭞ᬲᬫᬶᬋᬓᬾᬲᬵᬫ᭄ᬧᬸᬦ᭄ᬧ᭄ᬭᬕᬢ᭄᭟ᬲᬫ᭄ᬧᬸᬦ᭄ᬩᭂᬘᬶᬓᬂᬦᬕᬭᬵ᭞ᬤᬶᬚᬯᬵᬫᬶᬯᬄᬤᬶᬩᬮᬶ᭞ᬭᬶᬂᬤ᭄ᬳᬵᬫᬶᬯᬄᬓᭀᬭᬶᬧᬦ᭄᭞ᬧᬤᬵᬬᬵᬫᬢ᭄ᬫᬸᬮᬸᬳᬸᬂ᭞ᬚᬯᬵᬩᬮᬶᬫᬢᬸᬗ᭄ᬕᬮᬦ᭄᭞ᬲ᭄ᬮᬾᬂᬳᬸᬜᬳᬶᬦ᭄᭞ᬧᬤᬵᬦ᭄ᬫᬸᬲᬸᬓᬵᬯᬶᬃᬬ᭄ᬬᬵ᭟ᬭ [ 99 ][᭙᭘ 98B]
᭙᭘
ᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬫᬭᬩᬶᬢᬢᬶᬕᬵᬮ᭄ᬯᬶᬄ᭞ᬢᬦ᭄ᬮᬤ᭄ᬗᬸᬗ᭄ᬲᬶᬓᬮᬗᭀᬦ᭄᭞ᬧ᭄ᬢᭂᬂᬍᬫᬄᬢ᭄ᬯᬄᬫᬗᬸᬦ᭄ᬕᬸᬦ᭄᭞ᬭᬤᬾᬦ᭄ᬕᬮᬸᬄᬲᬸᬓᬵᬯᬶᬃᬬ᭄ᬬᬵ᭞ᬚᬳᭂᬦ᭄ᬲᬫᬶ᭞ᬧ᭄ᬲᬸᬫᬸᬮᬶᬄᬓᬚ᭄ᬭᭀᬚᬩᬵ᭟ᬲᬸᬩᬫᬳᬾᬦᬓᬾᬦᬓᬦ᭄᭞ᬳᭂᬗ᭄ᬓᬾᬦ᭄ᬘᬭᬶᬢᬬᬂᬫ
ᬮᬶᬄ᭞ᬲᬸᬩᬫᬧᬸᬦ᭄ᬤᬸᬄᬤᬶᬚ᭄ᬭᭀ᭞ᬧᬗᬸᬗ᭄ᬲᬶᬦᬾᬢ᭄ᬯᬄᬓᬕᬸᬦᬸᬂ᭞ᬗᬕᭂᬫᬶᬸᬦ᭄ᬫᬗᬮᬶᬄᬓᬫᭀᬓ᭄ᬱᬦ᭄᭞ᬲᬸᬦ᭄ᬬᬳ᭄ᬦᬶᬂ᭞ᬓ᭄ᬫᬘᬳᬶᬧᬗᬶᬘᭂᬧ᭄ᬜᬵ᭟ᬓᬾᬦ᭄ᬢᭀᬢᬸᬢᬸᬃᬳᬦᬓ᭄ᬯᬶᬓᬦ᭄᭞ᬧᬗᬸᬗ᭄ᬲᬶᬦᬾᬢ᭄ᬯᬄᬳᬩ᭄ᬲᬶᬓ᭄᭞ᬬᬾᬦ᭄ᬘᬳᬶᬤ᭄ᬫᭂᬦ᭄‌‌ᬫᬫᬘ᭞ᬓ᭄ᬦᬳᬗᬸᬮᬶᬫᬓᬶᬤᬸᬂ᭞ᬬᬾᬜᬵ
ᬫ᭄ᬮᬄᬲᬸᬩᬵᬧ᭄ᬭᬕᬢ᭄᭞ᬳ᭄ᬦᬾᬚᬦᬶᬳ᭄ᬤᬗᬸᬮᬳᬂᬫᬫᬘᬵ᭟ᬬᬾᬦ᭄ᬘᬭᬗᬶᬦ᭄ᬳᬧᬂᬓᬢᬄ᭞ᬳᬾᬗ᭄ᬕᬮᬦ᭄ᬳᭂᬫᭂᬤ᭄ᬫᬦᬸᬮᬶᬲ᭄᭞ᬳᭂᬦ᭄ᬢᬮ᭄ᬚᬸᬫᬄᬲᬸᬩᬳᭀᬜ᭞ᬧᬗᬸᬢᬶᬓᬾᬲᬸᬩᬵᬧᬸᬦ᭄ᬢᬸᬮ᭄᭞ᬓᬮᬸᬳᬗ᭄ᬕᭀᬦ᭄ᬫᬦᬸᬮᬶᬲᬂ᭞ᬫᭂᬤ᭄ᬫᬜᬗᬶᬄ᭞ᬤᬤᬶᬲᬸᬳᬸᬤ᭄ᬗᬯᬾᬕᬶᬢᬵ᭟᭠
ᬳᬫ᭄ᬧᬸᬭᬵᬕᬸᬲ᭄ᬢᬶᬫᬫᬘᬵ᭞ᬮᭀᬦ᭄ᬢᬃᬢᬶᬢ᭄ᬬᬗᬾᬧᬸᬦᬶᬓᬶ᭞ᬰᬵᬲ᭄ᬢ᭄ᬭᬩᬦ᭄ᬤᬸᬂᬲᬮᬄᬧᬲᬂ᭞ᬭᬶᬭᬶᬕᬦ᭄ᬫᬲᬃᬧᬵᬕ᭄ᬩᬸᬕ᭄᭞ᬢᬸᬦᬵᬮ᭄ᬯᬶᬄᬲ᭄ᬮᭂᬕᬶᬦ᭄ᬢᬶᬗᬦ᭄᭞ᬚ᭄ᬭᭀᬦᬾᬗ᭄ᬥᬶᬂ᭞ᬢᬸᬦᬳᬶᬦᬸᬯᬸᬳᬶᬦ᭄ᬰᬲ᭄ᬢ᭄ᬭᬵ᭟ᬢᬶᬢ᭄ᬬᬂᬩ᭄ᬮᭀᬕ᭄ᬫᬩᭂᬢ᭄ᬩᬶᬱᬵ᭞ᬓ᭄ᬮᬫᬓᭂᬦ᭄ᬤᭂᬫᭂᬦᬸᬮᬶᬲ᭄᭞ᬢᬶ

[᭙᭙ 99A]
᭙᭙
ᬢ᭄ᬬᬂᬫᬸᬤᬵᬓᬯᬶᬭᬗᬦ᭄᭞ᬢᬦ᭄ᬤᬾᬦ᭄ᬥᬳᬶᬩᬸᬓᬳᬶᬢᬸᬢᬸᬃ᭞ᬢᬮᬸᬄᬓᬓᬸᬮ᭄ᬓᬤᬾᬦ᭄‌ᬚᬚᬵ᭞ᬦ᭄ᬢᭀᬳᬫᬳᬶᬦ᭄᭞ᬮᬯᬸᬢ᭄ᬩᬜᬗᬸᬢᬳᬸᬢᬄ᭟ᬓᬾᬦ᭄ᬢᭀᬳᬸᬧᬫᬶᬜᬤᬾᬯᬵ᭞ᬧᬕᬯᬾᬦ᭄ᬢᬶᬢ᭄ᬬᬗᬾᬦᬸᬮᬶᬲ᭄᭞ᬓᬗᭂᬦ᭄ᬢᬶᬢ᭄ᬬᬂᬢ᭄ᬓᬾᬦᬯᬓ᭄᭞ᬤᬯᭂᬕᬾᬧᬤᬵᬦᬸᬳ
ᬗ᭄ᬮᬸ᭞ᬗ᭄ᬮᬄᬓ᭄ᬦᭂᬄᬢᭀᬂᬫᬧ᭄ᬢᬵ᭞ᬧᬤᬵᬜᬗᬶᬤ᭄᭞ᬗᬾᬗ᭄ᬕᬮᬂᬮ᭄ᬯᬲ᭄ᬫᬭᬗ᭄ᬓᬢ᭄᭟ᬘᬸᬓᬶᬳᬮᬘᬸᬓᬶᬮᬶᬗᬂ᭞ᬢ᭄ᬬᬸᬓ᭄ᬳᬶᬮᬂᬚᬸᬯᬂᬫᬮᬶ᭞᭠ᬓᬢᬸᬮᬸᬲ᭄ᬩᬳᬜᬓᬤᭀ᭞ᬲᬸᬩᬲᬸᬳᬸᬤ᭄ᬬᬵᬫᬦᬸᬢᬸᬃ᭞ᬮᬘᬸᬃᬳᬯᬓ᭄ᬬᬵᬳᬤᬜ᭞ᬓᬤᬸᬂᬧ᭄ᬮᬶᬄ᭞ᬚᬦᬶᬧᬤᬵᬦᬯᬂᬳᬯᬓ᭄᭟᭜᭟
᭚᭜᭚ᬇᬓᬶᬮᭀᬦ᭄ᬢᬃᬩᬕᬸᬲᬸᬫ᭄ᬩᬭᬵ᭚᭜᭚ᬧᬸᬧᬸᬢ᭄‌ᬲᬶᬦᬸᬭᬵᬢ᭄ᬭᬶᬂᬭᬳᬶᬦᬵ᭞ᬰ᭞ᬧ᭞ᬯᬭᬫ᭄ᬭᬓᬶᬄ᭞ᬢᬂ᭞ᬧᬶᬂ᭞᭑᭔᭞ᬰᬰᬶᬄ᭞ᬓ᭞᭓᭞ᬭᬄ᭞᭐᭞ᬢᭂᬗ᭄ᬕᭂᬓ᭄᭞᭑᭞ᬇᬰᬓ᭞᭑᭙᭑᭐᭞ᬯᬃᬱᬵᬦᬶᬗ᭄ᬮᭀᬓ᭟ᬓᬲᬹᬭᬵᬢ᭄ᬳᬦ᭄ᬢᬸᬓ᭄᭝ᬳᬶᬤᬵ
ᬩᬕᬸᬲ᭄ᬫᬥᬾᬚ᭄ᬮᬡ᭄ᬝᬶᬓ᭄᭞ᬭᬶᬂᬕ᭄ᬭᬶᬬᬵᬓᬘᬶᬘᬂ᭞ᬳᬫ᭄ᬮᬧᬸᬭᬵ᭝ᬓᬭᬗ᭄ᬳᬵᬲᭂᬫ᭄᭝ᬩᬮᬶ᭚᭜᭚ [ 100 ]Page:Bali-lontar-gaguritan-bagus-umbara-300ppi.pdf/100