Ban/Gaguritan Darmakerti

Naskah

[ 1 ]Page:Bali-lontar-gaguritan-darmakerti-300ppi.pdf/1 [ 2 ][᭑ 1B]
᭑
᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬧᬸᬧᬸᬄᬕᬶᬦᬦ᭄ᬢᬶ᭟ᬲᬓᬶᬂᬲᬸᬰ᭄ᬭᬸᬱᬫᬦᬸᬮᬸᬲ᭄᭞ᬪᬓ᭄ᬢᬶᬭᬶᬂᬧᬤᬳ᭄ᬬᬂᬯᬶᬥᬶ᭞ᬲᬂᬫᬶᬰ᭄ᬭᬭᬶᬂᬓᬍᬗᭂᬗᬦ᭄᭞ᬍᬬᭂᬧ᭄ᬭᬶᬂᬲ᭄ᬯᬘᬶᬢ᭄ᬢᬩᬸᬤᬶ᭞ᬫᬤᬓ᭄ᬳᬶᬤᬳᬲᬸᬂᬲ᭄ᬯᬾᬘ᭄ᬙ
᭞ᬫᬗ᭄ᬮᬩᬸᬃᬧᬸᬗ᭄ᬕᬸᬗᬶᬗᬢᬶ᭟ᬗ᭄ᬳᬶᬂᬳᬫ᭄ᬧᬸᬭᬢᬶᬢ᭄ᬬᬂᬦᬸᬳᬸᬦ᭄᭞ᬧᬗ᭄ᬓᬄᬫᬶᬦ᭄ᬥᬦᬶᬮᬤ᭄ᬓᬯᬶ᭞ᬯᬦ᭄ᬢᬄᬢᬫ᭄ᬩᭂᬢᬾᬗᬯᬶᬦᬂ᭞ᬮᬮᬶᬭᬶᬂᬓᬢᬸᬦᬦ᭄ᬩᬸᬤ᭄ᬥᬶ᭞ᬗᬸᬗ᭄ᬕᬸᬳᬂᬧᬶᬢᭂᬓᭂᬢ᭄ᬫᬢ᭄ᬭᬵ
ᬢᬢᬅᬕᬫᬦᬾᬅᬚᬶ᭟ᬲᬢ᭄ᬫᬓᬧᬹᬦ᭄ᬬᬳᬕᬸᬂ᭞ᬫᬤᬓ᭄ᬲᬶᬤ᭄ᬥᬫᬧᬶᬓᭂᬦᬶ᭞ᬫᬗᬢᬸᬭᬂᬓᬲᬲ᭄ᬯᬢᬦ᭄᭞ᬓᬤᬶᬦᬾᬓᭀᬘᬧ᭄ᬭᬶᬗᬚᬶ᭞ᬳᬚᭂᬂᬭᬶᬂᬲᬂᬫᬗᬾᬜ᭄ᬘᭂᬧᬂ᭞ᬧᬕᭂᬄᬢᭂᬕ᭄ᬢᭂᬕ᭄ᬫ
ᬗ᭄ᬮᬓᭀᬦᬶᬦ᭄᭟ᬧᬶᬦᬸᬦᬲ᭄ᬢᬶᬢ᭄ᬬᬂᬢᬦ᭄ᬲᬸᬭᬸᬤ᭄᭞ᬭᬶᬂᬲᬂᬓᬬᬸᬦ᭄ᬫᬫᬲ᭄ᬢᭀᬲᬶ᭞ᬉᬢᬯᬶ᭠ᬢᬍᬃᬫ᭄ᬬᬃᬱᬬᬂ᭞ᬓᬓᬶᬤᬸᬗᬾᬧᬸᬦᬶᬓᬶ᭞ᬫᬗ᭄ᬤᬾᬮᬾᬤᬂᬗᬶᬘ᭄ᬙᬾᬦᬚᬄ᭞ᬭᬶᬂᬲᬓᬶᬭᬂ

[᭒ 2A]
᭒
ᬳᬶᬧᬸᬦ᭄ᬲᬫᬶ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟ᬲᬃᬯ᭄ᬯᬤᬸᬫᬤᬶᬦᬾᬓᭀᬘᬧ᭄᭞ᬲᬦᬾᬳᬤᬤᬶᬫᬤ᭄ᬬᬧᬤᬲᬫᬶ᭞ᬯᬦ᭄ᬢᬄᬫᬫᬹᬃᬯ᭄ᬯᬓᬧᬢᬸᬄ᭞ᬲᬓᬶᬂᬨᬮᬦ᭄ᬮᬓ᭄ᬱᬡ᭞ᬳᬮᬳᬬᬸᬲᬦᬾᬓᬓᬃᬤ᭄ᬥᬶ
ᬦᬶᬦ᭄ᬫᬮᬸ᭞ᬢᭀᬗᬸᬤᬸᬄᬓ᭄ᬭᬡᬫᬾᬦ᭄ᬤᬳᬦ᭄᭞ᬲᬃᬯ᭄ᬯᬪᬯᬦᬾᬢᭂᬧᬸᬓᬶᬦ᭄᭟ᬫᬦᬸᬢ᭄ᬧᬯᬸᬂᬢᬢᬶᬫ᭄ᬩᬗᬦ᭄᭞ᬨᬮᬦᬮᬳᬬᬸᬦᬾᬦᬾᬓᬃᬤ᭄ᬥᬶ᭞ᬗᬤᬓᬂᬧᬭᬸᬦ᭄ᬤᬕ᭄ᬮᬶᬬᬸ᭞ᬤᬶ
ᬚ᭄ᬭᭀᬦᬶᬂᬧᬥᬫᬯᬓ᭄᭞ᬫᬯᬓᬶᬤᬸᬧ᭄‌ᬤᬶᬫᬤ᭄ᬬᬧᬤᬫᬓᬸᬫ᭄ᬧᬸᬮ᭄᭞ᬢ᭄ᬯᬄᬳᬯᬓᬾᬦᬸᬕᭂᬦᬳᬂ᭞ᬲᬂᬳ᭄ᬬᬂᬯᬶᬥᬶᬫᬜ᭄ᬯᬾᬘ᭄ᬙᬦᬶᬦ᭄᭟ᬳᬯᬓᬾᬫᬵᬯᬓ᭄ᬲᭂᬤᬦ᭞ᬫᬮᬓ᭄ᬱᬡᬵᬗ
ᬯᬾᬦᬶᬦ᭄ᬳᬯᬓ᭄ᬩᬸᬯᬶᬦ᭄᭞ᬤᬶᬲᬸᬩᬳᬸᬭᬶᬧᬾᬢᬸᬢᬸᬕ᭄᭞ᬧᬢᬸᬢ᭄ᬦᬶᬗ᭄ᬕᬮᬶᬦᬯᬓ᭄᭞ᬫᬳᬦᬯᬓ᭄‌ᬗᬗ᭄ᬕᭀᬦ᭄ᬗᬳᬾᬳᬯᬓ᭄‌ᬗ᭄ᬮᬳᬸᬢ᭄᭞ᬤᬶᬧᬫᬸᬧᬸᬢ᭄ᬲᬂᬬᭀᬕᬶᬫᬦ᭄᭞ᬢᬦ᭄ᬧᬯᬓ᭄ᬳ [ 3 ][᭒ 2B]
᭒
ᬫᭀᬭᬶᬂᬯᬶᬥᬶ᭟ᬦᬗ᭄ᬳᬶᬂᬬᬦ᭄ᬤᬶᬲᬃᬯ᭄ᬯᬪᬯ᭞ᬲᬦᬾᬤᬤᬶᬳᬶᬲᬶᬦ᭄ᬕᬸᬫᬶᬦᬾᬤᬶᬦᬶ᭞ᬢ᭄ᬯᬄᬳᬶᬫᬦᬸᬱᬓᬯᬸᬯᬸᬲ᭄᭞ᬫᬤᬦ᭄ᬧᬮᬶᬂᬉᬢ᭄ᬢᬫ᭞ᬓ᭄ᬭᬡᬓᬾᬢᭀᬧᬫᬶᬫᬶᬢᬦ᭄ᬜᬦᬾᬫᬮᬸ᭞ᬲᬓᬶᬂᬕ
ᬯᬾᬦ᭄ᬚᭂᬮᬾᬫᭂᬮᬄ᭞ᬲᬳᭂᬫ᭄ᬩᬂᬧᬤᬸᬫᬾᬭᬶᬳᬶᬦ᭄᭟ᬦᬸᬳᬸᬦ᭄ᬢ᭄ᬯᬄᬲᬗ᭄ᬓᬦᬶᬂᬲᬗ᭄ᬓᬦ᭄᭞ᬫᬦᬸᬱᬦᬾᬳᬯᬶᬓ᭄ᬘᬢ᭄ᬭᬶ᭞ᬤᬶᬕᬸᬫᬶᬦᬾᬤᬶᬦᬶᬳᬶᬤᬸᬧ᭄᭞ᬦᬾᬫᬶᬲᬶᬚᭂᬮᬾᬫᭂᬮᬄ᭞ᬲᬸᬓᬤᬸᬓ
ᬲᭂᬕᭂᬃᬲᬓᬶᬢ᭄ᬫᬢᬶᬳᬶᬤᬸᬧ᭄᭞ᬘᭂᬦᬶᬓ᭄ᬓᭂᬮᬶᬄᬩᬚᬂᬢᬸᬯ᭞ᬧᭂᬢᭂᬂᬍᬫᬄᬧᬦᬲ᭄ᬢᬶᬲ᭄᭟᭠ᬫᬯᬶᬦᬦ᭄ᬫᬯᬓ᭄‌ᬉᬢ᭄ᬢᬫ᭞ᬫᬦᬸᬱᬦᬾᬧᬦ᭄ᬓᬳᬸᬗ᭄ᬕ᭄ᬯᬦ᭄ᬩᬸᬤ᭄ᬥᬶ᭞ᬯᬶᬰᬾᬱᬦᬾᬫᬦᬸᬤᬸᬄ᭞ᬲ
ᬗ᭄ᬓᬦ᭄ᬲᬶᬤ᭄ᬥᬯᬶᬰᬾᬱ᭞ᬫᬗ᭄ᬯᬶᬰᬾᬱᬳᬶᬲᬃᬯ᭄ᬯᬪᬵᬯᬫᬦᬸᬗ᭄ᬓᬸᬮ᭄᭞ᬦᬸᬗ᭄ᬓᬸᬮ᭄ᬩᬦ᭄ᬜᬦᬾᬫᭀᬢ᭄ᬢᬫ᭞ᬦᬾᬳᬸᬫᬶᬤᭂᬃᬚ᭄ᬭᭀᬦᬶᬂᬳᬢᬶ᭟ᬓᬲᬗ᭄ᬕ᭄ᬭᬩᬦ᭄ᬢ᭄ᬭᬶᬕᬸᬡ᭞ᬩᬮᬶᬓᬦ᭄ᬜᬢ᭄ᬭᬶ

[᭓ 3A]
᭓
ᬫ᭄ᬮᬓᬳᬤᬦᬶᬦ᭄᭞ᬢᭀᬩᬸᬤ᭄ᬥᬶᬧᭀᬳᭀᬲ᭄ᬢᭂᬮᬸ᭞ᬳᬶᬲᬢ᭄ᬯᬭᬚᬄᬢᬫᬄ᭞ᬦᬾᬢᬦ᭄ᬫᬭᬶᬫᬕᬸᬚᭂᬕ᭄‌ᬤᬺᬯᬾᬦᬂᬓᬬᬸᬦ᭄᭞ᬫᬦᬸᬗ᭄ᬓᬲᬂᬓᬧᬢᬸᬢᬦ᭄᭞ᬦᬕᬶᬄᬗᬗ᭄ᬕᭀᬦ᭄ᬩᭂᬲᬶᬓ᭄ᬩᭂ
ᬲᬶᬓ᭄᭟ᬳᬦᬸᬢ᭄‌ᬬᬦ᭄ᬓᬩᬯᭀᬲ᭄ᬩᬕ᭄ᬬ᭞ᬤᬶᬓᬵᬮᬦᬾᬤᬤᬶᬫᬦᬸᬱᬚᬦᬶ᭞ᬬᬤ᭄ᬬᬧᬶᬦ᭄ᬢ᭄ᬯᬶᬲᬚᬮᬸᬯᬸᬂ᭞ᬤᬳᬢ᭄ᬓᬢᬸᬦᬦ᭄ᬩ᭄ᬭᬦ᭞ᬮᬶᬯᬢ᭄ᬗᬾᬓ᭄ᬱᬫᬲᬶᬄᬮ᭄ᬯᬶᬄᬳᭂᬦ᭄ᬢᭀᬓᬯᬸ
ᬯᬸᬲ᭄᭞ᬬᬦ᭄ᬢᬦ᭄ᬤᬶᬗᬂᬢᭂᬓᬾᬦᬾᬮᬾᬦᬦ᭄᭞ᬲᬦᬾᬩᬋᬂᬳᬶᬤᬸᬧ᭄ᬤᬶᬦᬶ᭟ᬳᬧᬢᭀᬓ᭄ᬭᬡᬦᬾᬩᬕ᭄ᬬ᭞ᬭᬾᬄᬚᬤ᭄ᬫᬦᬾᬓᬳᬶᬘ᭄ᬙᬾᬦ᭄ᬫᬮᬚᬳᬶᬦ᭄᭞ᬓᭀᬘᬧᬦ᭄ᬢᬸ
ᬢᬸᬃᬭᬳᬬᬸ᭞ᬦᬾᬫᬸᬗ᭄ᬕᬸᬄᬤᬶᬳᬕᬫ᭞ᬫᬩᬸᬳᬢ᭄ᬓᬲᬾᬧᬦ᭄ᬲᬶᬤ᭄ᬥᬫᬦᬸᬮᬸᬂ᭞ᬳᬯᬓ᭄ᬫᬲᭂᬤᬦᬳᬯᬓ᭄᭞ᬓᬦ᭄ᬢᬶᬲᬶᬤ᭄ᬥᬫᬯᬓ᭄ᬮᭂᬯᬶᬄ᭟ᬫᬸᬗ᭄ᬕ᭄ᬯᬶᬂᬓᭀᬘᬧᬦ᭄ᬳᬕᬫ᭞ᬫᬦᬸᬱᬦᬾ [ 4 ][᭓ 3B]
᭓
ᬲᬢ᭄ᬫᬓᬓᬤᬶᬢᬶᬢᬶ᭞ᬲᬶᬢᬸᬩᬦ᭄ᬤᬮᬶᬦ᭄ᬢᬂᬓᬸᬓᬸᬄ᭞ᬫᬓᬳᬫ᭄ᬩᬄᬓᬲ᭄ᬯᬃᬕ᭄ᬕᬦ᭄᭞ᬮᬾᬦ᭄ᬢᭀᬩᬸᬯᬶᬦ᭄ᬓᬲᬯᬂᬲᬓ᭄ᬱᬢ᭄ᬧ᭄ᬭᬳᬸ᭞ᬬᬤᬤᬶᬦ᭄ᬓᬦ᭄ᬢᬶᬦ᭄ᬩᬦ᭄ᬤᬾᬕ᭞ᬫᬩᬸᬤ᭄ᬥᬶᬗᭂᬦ᭄ᬢᬲᬶᬦ᭄ᬧᬲᬶᬄ
᭟ᬚᬦᬶᬢᭀᬧᬢᬸᬢ᭄ᬳᬶᬜ᭄ᬘᭂᬧᬂ᭞ᬓᬾᬦ᭄ᬓᬾᬦ᭄ᬩᬳᬦ᭄ᬲᭂᬤᬬᬫᬳᬸᬭᬸᬓᬶᬦ᭄᭞ᬲᭂᬫᬗ᭄ᬤᬾᬲᬶᬂᬓᬦ᭄ᬢᬶᬳᬸᬮᬸᬂ᭞ᬳᬸᬮᬶᬢᭀᬗᭀᬲ᭄ᬫᬦᬸᬱ᭞ᬲᬫᬸᬮᬦᬶᬦ᭄ᬩᬦ᭄ᬳᬦ᭄ᬢᭂᬂᬫᬗᬸᬮᬄᬳᬬᬸ᭞
ᬫᬗᬸᬮᬄᬳᬗ᭄ᬕᭀᬦ᭄ᬮᬭᬧᬦ᭄᭞ᬤᬶᬫᬢᬶᬦᬾᬦᬸᬗ᭄ᬓᬧ᭄ᬮᬸᬯᬶᬄ᭟ᬧᬦ᭄ᬲᬸᬩᬢᭂᬓᭂᬲ᭄ᬓᬳᬸᬘᬧ᭄᭞ᬤᬶᬳᬶᬤᬸᬧᬾᬤᬶᬫᬤ᭄ᬬᬧᬤᬤᬶᬦᬶ᭞ᬢ᭄ᬯᬄᬫᬓᬮᬓ᭄ᬱᬡᬢᬸᬤᬸᬄ᭞ᬢᭀᬂ
ᬤᬤᬶᬮᬓᬃᬮᬾᬫ᭄ᬧᬲᬂ᭞ᬫᬮᬓ᭄ᬱᬡᬢᭀᬳᬶᬯᬲᬦᬓᬳᬸᬤᬸᬄ᭞ᬢᭀᬂᬤᬤᬶᬮᬓᬃᬮᬾᬫ᭄ᬧᬲᬂ᭞ᬢᭂᬓᬳᬸᬕᬫᬶᬓᭀᬮᬶᬳᬶᬦ᭄᭟ᬤᬶᬲᬸᬩᬦ᭄ᬕᬦ᭄ᬢᬶᬦ᭄ᬳᬶᬗ

[᭔ 4A]
᭔
ᬦᬦ᭄᭞ᬲᬸᬳᬸᬤ᭄ᬧᬘᬂᬗᬯᬾᬮᬓ᭄ᬱᬡᬤᬶᬦᬶ᭞ᬢᬦ᭄ᬯᬗ᭄ᬤᬾᬫᬢᬶᬓᬧᬗ᭄ᬕᬸᬄ᭞ᬤᬶᬢᬸ᭠ᬕᬦ᭄ᬢᬶᬦᬾᬧᬘᬂ᭞ᬫᬗᬮᬧᬶᬦ᭄‌ᬨᬮᬦ᭄ᬮᬓ᭄ᬱᬡᬦᬾᬫᬮᬸ᭞ᬦᬾᬤᬸᬓᬶᬂᬳᬶᬤᬸᬧ᭄ᬚᬮᬦᬂ᭞
ᬤᬶᬫᬢᬶᬦᬾᬮᬓᬃᬧᬸᬧᭀᬦᬶᬦ᭄᭟ᬜᬫᬩ᭄ᬭᬬᬧᬦᬓ᭄ᬲᭀᬫᬄ᭞ᬢ᭄ᬯᬄᬤᬶᬲᭂᬫᬧᬳᬶᬗᬦᬦ᭄ᬦᬸᬢᬸᬢᬶᬦ᭄᭞ᬤᬶᬲᬸᬩᬳᬯᬓᬾᬧᬸᬳᬸᬦ᭄᭞ᬫᬓᭂᬚᬂᬧᬥᬩᬸᬤᬮ᭄᭞ᬗᬸ
ᬗ᭄ᬲᬶᬳᬸᬫᬄᬲᬶᬂᬚᬤᬤᬶᬳᬚᬓ᭄ᬦᬸᬢᬸᬕ᭄᭞ᬢᭀᬦᬾᬩᬋᬂᬦᬸᬢᬸᬕ᭄ᬮᬸᬯᬲ᭄᭞ᬨᬮᬧᬕᬯᬾᬦᬾᬳᬸᬕᬶ᭟ᬫᬗᬢᭂᬄᬢᬸᬕᭂᬢ᭄ᬫᬤᬦ᭄ᬤᬦ᭄᭞ᬫᬗᬮᬶᬳᬂᬢᭀᬗᭀᬲᬾᬧᬢᬸᬢ᭄ᬓᬳᬸᬗ᭄ᬲᬶ
᭞ᬬᬦ᭄ᬥᬃᬫ᭄ᬫᬲ᭄ᬯᬃᬕ᭄ᬕᬓᬧᬗ᭄ᬕᬸᬄ᭞ᬫᬸᬧᭀᬦᬶᬦ᭄ᬮᭂᬕᬦ᭄ᬫᬦᬄ᭞ᬬᬦ᭄ᬦᬶᬲ᭄ᬥᬃᬫ᭄ᬫᬦ᭄ᬭᬓᬮᭀᬓᬦᬾᬓᬧᬗ᭄ᬕᬸᬄ᭞ᬫᬓᬺᬫ᭄‌ᬬᬳᬦ᭄ᬤᬸᬓᬶᬢ᭞ᬗᬦ᭄ᬢᬶᬕᬦ᭄ᬢᬶᬦᬾᬓᬳᬗ᭄ᬓᬶᬤ᭄᭟ᬩᬮᬶᬓᬶᬦ᭄ᬫᬶ [ 5 ][᭔ 4B]
᭔
ᬩᬸᬯᬶᬦ᭄ᬳᬸᬘᬧᬂ᭞ᬲᬦᬾᬫᬳᬦ᭄ᬓᬃᬫ᭄ᬫᬘᬭᬶᬢᬬᬂᬚᬦᬶ᭞ᬩᬘᬓᬦᬶᬧᬸᬦ᭄ᬢᬢᭂᬮᬸ᭞ᬳᬶᬤᭂᬧ᭄ᬰᬩ᭄ᬤᬮᬓ᭄ᬱᬡ᭞ᬧᬢᬸᬄᬧᬥᬩᬶᬱᬗᬯᬾᬳᬮᬳᬬᬸ᭞ᬫᬳᬦ᭄ᬨᬮᬦ᭄ᬚᭂᬮᬾᬫᭂᬮᬄ᭞ᬳᬋ
ᬧ᭄ᬭᬶᬂᬗᬮᬓᭀᬦᬶᬦ᭄᭟ᬫᬲᬶᬦᬄᬳᬶᬧᬸᬦᬾᬲᬫ᭄ᬩᬢ᭄᭞ᬲᬮ᭄ᬯᬶᬃᬦᬾᬫᬺᬓᬤᬶᬚ᭄ᬭᭀᬦᬶᬂᬳᬢᬶ᭞ᬲᬮ᭄ᬯᬶᬃᬫᬸᬜᬶᬲᬦᬾᬧᭂᬲᬸ᭞ᬓᬮᬶᬄᬲᬮ᭄ᬯᬶᬃᬮᬓ᭄ᬱᬡ᭞ᬧᬕᭂᬄᬧᬥᬓ
ᬳᬸᬗ᭄ᬕ᭄ᬯᬦᬮᬳᬬᬸ᭞ᬫᬶᬲᬶᬨᬮᬚᭂᬮᬾᬫᭂᬮᬄ᭞ᬲᬸᬓᬤᬸᬓᬮᬓᬃᬢᭂᬧᬸᬓᬶᬦ᭄᭟ᬩ᭄ᬯᬶᬦ᭄ᬧᬹᬃᬯ᭄ᬯᬳᬶᬮᬓ᭄ᬱᬡ᭞ᬳᬸᬮᬶᬲᬢ᭄ᬯᬭᬚᬄᬢᬫᬄᬢᭀᬯᬶᬚᬶᬮ᭄᭞ᬥᬃᬫ᭄ᬫᬫᬥᬃ
ᬫ᭄ᬫᬦᬾᬫᬸᬗ᭄ᬕᬸᬄ᭞ᬳᬸᬮᬶᬤᬶᬢᬸᬫᬓᭂᬚᬂ᭞ᬳᬲᬶᬂᬓᬢᬄᬧ᭄ᬭᬲᬶᬤ᭄ᬥᬤᬤᬶᬫᬦᬸᬤᬸᬄ᭞ᬦᬸᬤᬸᬄᬳᬯᬓᬾᬫᬚᬮᬦ᭄᭞ᬫᬭᬦᬶᬦ᭄ᬲᬂᬫᬜᬸᬓᬦᬶᬦ᭄᭟ᬢᭀᬮᬓ᭄ᬱᬡᬦ᭄ᬳᬶ

[᭕ 5A]
᭕
ᬢ᭄ᬭᬶᬕᬸᬡ᭞ᬲᬢ᭄ᬯᬬᬂᬩᭂᬲᬶᬓ᭄ᬩᭂᬲᬶᬓ᭄ᬧᬂᬕᭂᬮᬶᬲ᭄᭞ᬳᬶᬲᬢ᭄ᬯᬓᬯᬶᬢᬶᬦ᭄ᬫᬮᬸ᭞ᬮᬓ᭄ᬱ᭠ᬡᬦᬾᬳᬸᬘᬧᬂ᭞ᬍᬯᬢ᭄ᬥᬃᬫ᭄ᬫᬲᬢ᭄ᬬᬗᬸᬗ᭄ᬕ᭄ᬯᬦᬶᬦ᭄ᬓᬲᬥᬸᬦ᭄᭞ᬪᬓ᭄ᬢᬶᬭᬶᬂᬳ᭄ᬬᬂᬯᬶᬥᬶᬯᬱ᭞ᬭᬶᬂ
ᬲᬂᬗ᭄ᬭᬧᬓᬫᬓᬤᬶ‌᭟ᬳᭂᬜ᭄ᬘᭂᬧ᭄ᬩᬮᬶᬄᬓᬧ᭄ᬭᬚ᭄ᬜᬦᬦ᭄᭞ᬫᭂᬧᭂᬲ᭄ᬫᭂᬗ᭄ᬕᭂᬧ᭄‌ᬲᭀᬮᬄᬳᬍᬧ᭄ᬧ᭄ᬮᬧᬦ᭄ᬢᬸᬯᬶ᭞ᬳᬲᬶᬄᬫᬧᬯᬾᬄᬧᬶᬢᬸᬮᬸᬂ᭞ᬭᬶᬂᬲᬲᬫᬾᬦ᭄ᬫᬦᬸᬱ᭞ᬫᬩ᭄ᬯᬢ᭄ᬲ᭠
ᬳᬢ᭄ᬮᬓ᭄ᬱᬡᬦᬾᬗᬸᬮᬄᬳᬬᬸ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬓᬬᬸᬦ᭄ᬳᬫ᭄ᬧᬄ᭞ᬚᬕ᭄ᬭᬮᬸᬳᬸᬃᬫᬫᬃᬕ᭄ᬕᬶ᭟ᬫᬸᬗ᭄ᬕ᭄ᬯᬶᬂᬬᬦ᭄ᬳᬶᬩᬸᬤ᭄ᬥᬶᬭᬚᬄ᭞ᬓᬕᬕᬯᭀᬓ᭄‌ᬧ᭄ᬭᬫᬤᬦᬾᬢᬦ᭄ᬲᬶᬧᬶ᭞ᬲᬺᬗᭂ
ᬦ᭄ᬢᬭᬶᬂᬩᭂᬮᭀᬕᬚᬸᬫ᭄᭞ᬤᭂᬕᬕ᭄ᬫᬗᬶᬗ᭄ᬕᬶᬮᬂᬳᬯᬓ᭄᭞ᬬᬦ᭄‌ᬳᬸᬮᬸᬭᬶᬦ᭄ᬲᬶᬦᬄᬤᬸᬃᬫᬗ᭄ᬕᬮᬢᭂᬧᬸᬓ᭄᭞ᬫᬸᬲᬸᬄᬮᬶᬬᬸᬫᬜᭂᬗᬶᬢᬂ᭞ᬜᬫᬩ᭄ᬭᬬᬦᬾᬫᬸᬤᬮᬶᬦ᭄᭟᭜ [ 6 ][᭕ 5B]
᭕
᭟ᬧᬸᬧᬸᬄᬤᬸᬃᬫ᭄ᬫ᭟ᬓᬯᭂᬯᭂᬳᬶᬦ᭄ᬩᬦ᭄ᬩᬸᬤ᭄ᬥᬶᬫᬕᬥᬕᬥ᭞ᬳᬸᬦ᭄ᬢᭂᬂᬯᭂᬦᭂᬂᬳᬾᬮᬶᬓ᭄᭞ᬢᭀᬂ᭠ᬤᬤᬶᬓᬦ᭄ᬤᬧᬦ᭄᭞ᬓᬮᬶᬓᬸᬩ᭄ᬩᬦ᭄ᬓᬫᬸᬃᬓ᭄ᬓᬦ᭄᭞ᬕᭃᬂᬓ᭄ᬭᭀᬥᬤᬶᬚ᭄ᬭᭀᬦᬶᬗᬢᬶ᭞ᬢᬦ᭄ᬓᬧᬤᬦ᭞᭠
ᬢ᭄ᬯᬭᬤᬤᬶᬢᬸᬗ᭄ᬓᬲᬶᬦ᭄᭟ᬤᬶᬓᬢᬸᬚᬸᬳᬤᬳᬦᬓ᭄ᬫᬭᬶᬘᬾᬤ᭞ᬬᬤ᭄ᬬᬲ᭄ᬢᬸᬦ᭄ᬫᬦᬸᬗ᭄ᬓᬲᬶᬦ᭄᭞ᬦᬶᬸᬕᭂᬤᭂᬕᬾᬓᬯᬶᬸᬮᬶᬯᬢ᭄᭞ᬧᭂᬲᬸᬫᬸᬜᬶᬦᬾᬗᬫ᭄ᬧᬓ᭄᭞ᬓᬩᬢᭂᬓ᭄ᬩᬦ᭄ᬧᬸᬢᭂᬓᬢᬶ᭞
ᬧᬶᬮᬶᬄᬫᬚᬬ᭞ᬗᬤᬸᬳᬂᬮᬶᬫᬩᬢᬶᬲ᭄᭟ᬤᭀᬄᬧᬘᬂᬪᬓ᭄ᬢᬶᬭᬶᬂᬲᬂᬯᬶᬥᬶᬯᬰ᭞᭠ᬫᬾᬫᬾᬩᬧᬫᬓᬤᬶ᭞ᬩᬦ᭄ᬓᬮᬶᬧᬸᬢ᭄ᬩᬳᬦ᭄ᬧ᭄ᬭᬫᬤ᭞ᬦᬾᬓᬮᬶᬯᬢ᭄᭞ᬢᬦ᭄ᬓᬳᬦᬦ᭄ᬯᭂᬮ
ᬲᬲᬶᬄ᭞ᬭᬶᬂᬓᬤᬂᬩ᭄ᬭᬬ᭞ᬫᬩᬸᬳᬢ᭄ᬩᬦ᭄ᬯᭂᬦᭂᬂᬳᬾᬮᬶᬓ᭄᭟ᬮᬸᬤᬶᬦ᭄ᬢᬸᬲᬶᬂᬧᬶᬲᬦ᭄ᬤᬤᬶᬭᬾᬭᬾᬬᬦ᭄᭞ᬳᬧᬂᬳᬲᬶᬂᬤᭂᬫᭂᬦᬶᬦ᭄᭞ᬧᬂᬚᬦᬶᬜᬶᬤᬬᬂ᭞ᬬᬦᬶᬂᬢ᭄ᬯᬭᬓᬲᬶ

[᭖ 6A]
᭖
ᬤ᭄ᬥᬦ᭄᭞ᬕᭂᬤᭂᬕ᭄ᬗᬸᬫᭂᬓ᭄‌ᬚ᭄ᬭᭀᬦᬶᬗᬢᬶ᭞ᬫᬗᬮᬕᬮ᭞ᬩᬶᬓᬲᬾᬫᬜᭂᬚᭂᬳᬶᬦ᭄᭟ᬬᬧᬩ᭄ᬯᬶᬦ᭄‌ᬬᬦᬶᬂᬳᬤᬫᬥᬫᬥ᭞ᬮ᭄ᬯᬶᬄᬳᬤᬗᬍᬩᬶᬳᬶᬦ᭄‌ᬲᭂᬗᬶᬢᬾᬦᬤᬓᬂ᭞ᬫᬩᬸᬤ᭄ᬥᬶᬜᬶᬤ᭄ᬭᬗ
ᬭᬸᬲᬓ᭄᭞ᬫᬲᬗᬂᬤᬬᬧᬶᬭᬦ᭄ᬢᬶ᭞ᬢᬦ᭄ᬜᬦ᭄ᬤᬂᬗ᭄ᬯᬍᬲ᭄᭞ᬮᬕᬲ᭄ᬫᬫᬢᬶᬫᬢᬶ᭟ᬦᬸᬚᬸᬕᭂᬦᭂᬧ᭄ᬢᭂᬓᬍᬕᬦᬾᬗᭀᬜᬗᬂ᭞ᬢ᭄ᬯᬭᬦᬸᬓᬧᬶᬢᭀᬮᬶᬄ᭞ᬢᬶᬗ᭄ᬓᬳᬾᬗᭀᬩᬬᬂ᭞ᬍᬕ
ᬦᬾᬫᬮᭀᬧ᭄ᬮᭀᬧᬦ᭄᭞ᬦᬗ᭄ᬳᬶᬂᬬᬦ᭄ᬳᬭᬶᬬᬦ᭄ᬧᬶᬮᬶᬄ᭞ᬲᬮᬄᬲᭂᬫᬢ᭄ᬭ᭞ᬢᬸᬳᬭᬫᬸᬮᬶᬄᬤᬶᬳᬢᬶ᭟ᬳᬲᬓ᭄ᬱᬡᬍᬕᬦᬾᬩᬸᬓᬲᬫ᭄ᬧᬢᬂ᭞ᬫᬸᬦ᭄ᬢᬩ᭄ᬓ᭄ᬭᭀᬥᬦᬶᬗᬢᬶ᭞ᬫᬲᬶᬄ
ᬢᬦ᭄ᬚᬗ᭄ᬓᬬᬦ᭄᭞ᬧᬶᬮᬶᬄᬫᬗᬸᬫᬦᬸᬫᬦ᭄᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬢᬢᬲᭀᬃᬲᬶᬗ᭄ᬕᬶᬄ᭞ᬕᬮᬓ᭄ᬫᬫᬢ᭄ᬩᬢ᭄᭞ᬫᬸᬜᬶᬦᬾᬢᬦ᭄ᬦᬰ᭄ᬭᬸᬢᬶ᭟ᬩᬸᬳᬶᬦ᭄ᬚᬦᬶᬳᬶᬢᬫᬄᬧᬶᬤᬃᬢ᭄ᬢᬬᬂ᭞ᬤᭂᬫᭂ [ 7 ][᭖ 6B]
᭖
ᬦ᭄ᬗᬸᬮᬸᬦᬶᬸᬭᬶᬦ᭄ᬩᬸᬤ᭄ᬥᬶ᭞ᬍᬕᬦᬾᬫᬫᬸᬜᬄ᭞ᬓᬮᬶᬄᬫᬚᭂᬗᬚᭂᬗᬦ᭄᭞ᬲᬮ᭄ᬯᬶᬭᬶᬂᬫᬭᬲᬩᭂᬘᬶᬓ᭄᭞ᬢᬸᬳᬭᬦᬸᬗᬾᬢᬂ᭞ᬘᬫᬄᬓᬮᬯᬦ᭄ᬲᬸᬘᬶ᭟ᬫᬗᬸᬮᬸᬭᬶᬦ᭄ᬮᭂᬕᬦᬾᬤᬶᬧ
ᬫᬺᬫᬦ᭄᭞ᬗᬩᭀᬢ᭄ᬢᬸᬮᬾᬦᬦ᭄ᬕᬢᬶ᭞ᬚᬯᬶᬦᬶᬂᬫᬫᬸᬜᬄ᭞ᬗᬶᬢᬸᬗᬂᬳᬚᭂᬗᬚᭂᬗᬦ᭄᭞ᬬᬦ᭄ᬢᬦ᭄ᬓᬾᬢᭀᬫᬥᬚᬸᬢᬶ᭞ᬬᬦ᭄ᬢᭀᬂᬓᬶᬲᬶᬦᬦ᭄᭞ᬗᬯᬶᬦᬂᬓᬬᬸᬦ᭄ᬭᬸᬦ᭄ᬢᬶ
ᬓ᭄᭟ᬬᬦᬶᬂᬢᬸᬦ᭄ᬤᬾᬦ᭄ᬧᬘᬂᬫᬮᬓ᭄ᬱᬡᬓᬥᬃᬫ᭄ᬫᬦ᭄᭞ᬫᬧᬸᬦ᭄ᬬᬤᬦᬓᬾᬃᬣᬶ᭞ᬫᬓᬤᬶᬫᬬᬚ᭄ᬜ᭞ᬲᬶᬂᬧᬶᬲᬦ᭄ᬓᬧᬢᬸᬢᬂ᭞ᬫᬾᬄᬓᬤᬮᬶᬄᬩᬸᬤᬸᬄᬧᬮᬶᬂ᭞ᬢᬦ᭄ᬧᬧ᭄ᬯᬭ᭞ᬩ᭄ᬭ᭠
ᬡᬦᬾᬳᬳᬤᬶᬮᬶ᭟ᬳᬧᬦ᭄ᬫᬸᬦ᭄ᬢᭂᬂᬩᬸᬤ᭄ᬥᬶᬮᭀᬪᬤ᭄ᬭᭀᬯᬓ᭞ᬫᬧ᭄ᬭᬶᬄᬲᬸᬓᬧᬤᬶᬤᬶ᭞ᬢ᭄ᬯᬭᬳᬤᬤᬾᬯ᭞ᬪᬸᬢᬓᬮᬶᬄᬧᬶᬢᬭ᭞ᬦᬾᬧᬢᬸᬢ᭄ᬳᬚᭃᬂᬳᬢᬸᬭᬶ

[᭗ 7A]
᭗
ᬦ᭄᭞ᬧᬗᬸᬧᬓᬵᬭ᭞ᬫᬲᬤᬦᬫᬵᬲ᭄ᬧᬶᬧᬶᬲ᭄᭟ᬢ᭄ᬯᬳᬓᬾᬢᭀᬮᬓ᭄ᬱᬡᬦᬾᬳᬶᬢ᭄ᬭᬶᬕᬸᬡ᭞ᬬᬤᬤᬶᬳᬸᬦ᭄ᬢᭂᬂᬚᬢᬶ᭞ᬫᬸᬗ᭄ᬕᬄᬚ᭄ᬭᭀᬦᬶᬂᬫᬦᬄ᭞ᬗᭂᬦ᭄ᬢᬶᬓᬂᬳᬩᬶᬓᬲ᭄᭞ᬮᬶᬬᬸᬩᬸᬢᭂ
ᬓ᭄ᬩᬦ᭄‌ᬬᭀᬦᬶ᭞ᬬᭀᬦᬶᬦ᭄ᬳᬶᬭᬚᬄ᭞ᬢᬫᬄᬲᬢ᭄ᬯᬮᬾᬦ᭄ᬩᬸᬳᬶᬦ᭄᭟ᬳᬶᬫᬦᬸᬱᬓᬢᬸᬤᬸᬄᬲᬫᬗ᭄ᬤᬧᬰ᭄ᬘᬢ᭄᭞ᬯᬕᭂᬤ᭄ᬲᬾᬩᭂᬢ᭄ᬗᬶᬗᭂᬢᬶᬦ᭄᭞ᬬᬾᬦ᭄ᬓᬾᬦ᭄ᬫᬸᬜᬶᬦ᭄ᬢᬫᬄ᭞ᬲᬢ᭄ᬯᬓᬮᬶᬄ
ᬓᬾᬦ᭄ᬢᬶᬫᬶᬸᬭᬚᬄ᭞ᬢᬸᬃᬫᬗ᭄ᬤᬾᬧ᭄ᬭᬚ᭄ᬜᬦ᭄ᬫᬶᬦᭂᬳᬶᬦ᭄᭞ᬳᬶᬗᬦ᭄ᬜᬦ᭄ᬤᬂᬧᬢᬸᬢ᭄ᬳᬗ᭄ᬕ᭄ᬯᬦᬶᬦ᭄᭟ᬫᬓᬢᭂᬮᬸᬳᭂᬦ᭄ᬢᭀᬧᬢᬸᬢ᭄ᬮᬸᬫ᭄ᬩ᭄ᬭᬄᬮᬓ᭄ᬱᬡᬬᬂ᭞ᬦᬵᬗ᭄ᬳᬶᬂᬳᬶᬲᬢ᭄ᬯᬳᬸᬕᬶ᭞ᬳᬋᬧ᭄ᬫᬗᭂᬮᬳᬂ
᭞ᬢᬕᬶᬳᬶᬦ᭄ᬲᬦ᭄ᬤᬗᬦ᭄᭞ᬬᬲᬸᬓ᭄ᬱᬭᬾᬦ᭄ᬗᭂᬜ᭄ᬘᬦᬶᬦ᭄᭞ᬳᬶᬭᬚᬄᬢᬫᬄ᭞ᬚᬦ᭄ᬢᭂᬦᬬᬸᬓᬧᬗ᭄ᬕᬶᬄ᭟ᬧᬳᬶᬦ᭄ᬤᬶᬓᬦ᭄ᬳᬶᬲᬢ᭄ᬯᬩ᭄ᬯᬶᬦ᭄ᬮᬦ᭄ᬢᬸᬭᬂ᭞ᬪᬓ᭄ᬢᬶᬭᬶᬂᬲᬂᬳ᭄ᬬᬂᬯᬶᬥᬶ᭞ᬲᬳᬭᬤᬶᬦ᭄ᬫᬯᬓ᭄᭞ [ 8 ][᭗ 7B]
᭗
ᬲᬳᬶᬲᬳᬶᬫᬲᬶᬭᬫ᭄᭞ᬫᬗ᭄ᬮᬯᬸᬢ᭄ᬗᬢᬸᬭᬂᬪᬓ᭄ᬢᬶ᭞ᬤᬶᬓᬫᬶᬫᬶᬢᬦ᭄᭞ᬤᬶᬚ᭄ᬭᭀᬦᬶᬂᬚᬶᬦᭂᬫ᭄ᬤᬤᬶ᭟ᬫᬢᭂᬢᭂᬮᬄᬤᬶᬧᬃᬬ᭄ᬬᬗᬦ᭄ᬚ᭄ᬭᭀᬦ᭄ᬤᬾᬯ᭞ᬓᬾᬢᭀᬢᬶᬗ᭄ᬓᬄᬲᬸᬪᬓ᭄ᬢᬶ᭞ᬭᬶᬂᬳ᭄ᬬᬂᬯᬶᬥᬶᬯ
ᬱ᭞ᬗ᭄ᬮᬯᬸᬢ᭄ᬫᬲᬶᬄᬤᬶᬩᬜ᭄ᬚᬃ᭞ᬢᭂᬓᭂᬤ᭄ᬧᬓᬭᬗᬦ᭄ᬲᬫᬶ᭞ᬭᬸᬭᬸᬂᬮᬦ᭄ᬚᬮᬦ᭄᭞ᬲᬾᬢ᭄ᬭᬧᬥᬭᬶᬲᬓᬶᬦ᭄᭟ᬗᬯᭂᬢᬸᬳᬂᬓᭂᬲᭂᬄᬕᬸᬫᬶᬦᬾᬲᬸᬪᬶᬓ᭄ᬱ᭞ᬗᬃᬤ᭄ᬥᬶᬦᬶᬦ᭄ᬓᬬᬸᬦ᭄ᬭᬦ᭄ᬢᬶᬲ᭄᭞ᬢᬦ᭄ᬓᬶ
ᬭᬂᬰ᭄ᬭᬷᬫ᭄ᬭᬡ᭞ᬮᬭᬧᬦ᭄ᬲᬂᬳ᭄ᬬᬂᬲᬸᬓ᭄ᬱ᭄ᬫ᭞ᬫᬮᬶᬗ᭄ᬕᬤᬶᬚ᭄ᬭᭀᬦᬶᬗᬢᬶ᭞ᬲᬶᬤ᭄ᬥᬓᬳᬶᬘ᭄ᬙᬾ᭠ᬦ᭄᭞ᬢᬸᬢᬸᬃᬫᬾᬗᭂᬢ᭄ᬭᬶᬂᬯᬶᬥᬶ᭟ᬬᬦᬶᬂᬳᬶᬤᬲᬂᬳ᭄ᬬᬂᬲᬹᬓ᭄ᬱ᭄ᬫᬫᬓᬃᬤ᭄ᬥᬶᬚᬕᬢ᭄᭞ᬭᬯᬸᬄᬭᬶᬂᬲ᭄ᬯᬃᬕ᭄ᬕᬫᬸᬭᬶ
ᬧ᭄᭞ᬲᭂᬓᬮᬦᬶᬲ᭄ᬓᬮ᭞ᬳᬯᬶᬦᬦ᭄ᬫᬧᬲᬾᬗᬦ᭄᭞ᬪᬝᬵᬭᬩ᭄ᬭᬳ᭄ᬫᬳ᭄ᬬᬂᬯᬶᬥᬶ᭞ᬭᬶᬓᬵᬮᬳᬶᬤᬗ᭄ᬭᬕᬬᬂᬗᬫᭂᬕ᭄ᬕ᭄ᬬᬂᬉᬢ᭄ᬧ᭄ᬢᬶ᭟ᬳᬶᬤᬳᬸᬕᬶᬲᬦᬾᬫᬗ᭄ᬕᭂᬄᬗᬫᭀᬂᬚᬕᬢ᭄᭞ᬳᬯᬶᬦᬦ᭄ᬲᬶᬤ᭄ᬥ

[᭘ 8A]
᭘
ᬲᬫᬶ᭞ᬧᬕᭂᬄᬫᬦᬸᬢ᭄ᬢᬶᬢᬄ᭞ᬢᬸᬤᬸᬳᬶᬤᬳ᭄ᬬᬂᬲᬹᬓ᭄ᬱ᭄ᬫ᭞ᬳ᭄ᬬᬂᬯᬶᬱ᭄ᬡᬸᬧᬭᬩ᭄ᬳ᭄ᬬᬂᬯᬶᬥᬶ᭞ᬭᬶᬓᬵᬮᬳᬶᬤ᭞ᬫᭂᬭᬕᬬᬂᬲᭂᬢᬶᬢᬶ᭟ᬢᬸᬮᬶᬳᬶᬤᬢᬍᬃᬓᬩᬯᭀᬲ᭄ᬫᬺᬮᬶᬦ᭞ᬲᬃᬯ᭄ᬯᬪᬯᬦᬾ
ᬲᬫᬶ᭞ᬬᬦ᭄ᬲᬫ᭄ᬧᬸᬦ᭄ᬳᬶᬗᬦᬦ᭄᭞ᬳ᭄ᬬᬂᬰᬶᬯᬧᬭᬩ᭄ᬳ᭄ᬬᬂᬯᬶᬥᬶ᭞ᬭᬶᬓᬵᬮᬳᬶᬤ᭞ᬫ᭄ᬭᬕᬧ᭄ᬭᬮᬶᬦᬚᬢᬶ᭟ᬲᬂᬳ᭄ᬬᬂᬬᬫᬧᬭᬩ᭄ᬳᬶᬤᬲᬂᬳ᭄ᬬᬂᬲᬹᬓ᭄ᬱ᭄ᬫ᭞ᬭᬶᬓᬵᬮᬫ᭄ᬭᬕᬳᬓᬶᬫ᭄᭞ᬗᬶᬘ᭄ᬙᬾᬦ᭄ᬓᬧᬸ
ᬢᬸᬲᬦ᭄᭞ᬲᬮ᭄ᬯᬶᬃᬨᬮᬦ᭄ᬮᬓ᭄ᬱᬡ᭞ᬲᬃᬯ᭄ᬯᬫᬳᬸᬭᬶᬧᬾᬲᬫᬶ᭞ᬥᬃᬫ᭄ᬫᬳᬥᬃᬫ᭄ᬫ᭞ᬲᬫᬶᬬᬦ᭄ᬫᬧᬶᬓᭀᬮᬶᬄ‌᭟ᬫᬳᬯᬶᬦᬦ᭄ᬧᬢᬸᬢ᭄ᬳᬶᬧᬭᬫᬦᬸᬱ᭞ᬫᬗ᭄ᬤᬳᬾᬮᬶᬂᬪᬓ᭄ᬢᬶ᭞ᬭᬶᬂᬳ᭄ᬬᬂᬯᬶᬥᬶᬯ
ᬱ᭞ᬳᬶᬤᬫ᭄ᬭᬕᬫᬶᬫᬶᬢᬦ᭄᭞ᬲᬗ᭄ᬓᬦ᭄ᬧᬭᬦ᭄ᬲᬃᬯ᭄ᬯᬫᬸᬭᬶᬧ᭄᭞ᬓ᭄ᬭᬡᬓᬳᬸᬘᬧ᭄᭞ᬳᬶᬤᬲᬭᬶᬦᬶᬂᬳᬸᬭᬶᬧ᭄᭟ᬓᬧᬶᬂᬓᬮᬶᬄᬪᬓ᭄ᬢᬶᬭᬶᬂᬲᬂᬫᬗ᭄ᬭᬸᬧᬓ᭞ᬚᬮᬭᬦᬾᬦᬸᬫᬶᬢᬶᬲ᭄᭞ᬳᬶᬳᬚᬶᬳᬶ [ 9 ][᭘ 8B]
᭘
ᬩᬶᬳᬂ᭞ᬳᬶᬤᬗᬶᬘ᭄ᬙᬾᬦᬶᬦ᭄ᬳᬯᬓ᭄᭞ᬳᬶᬤᭂᬧ᭄ᬳᬶᬳᬚᬶᬗᬶᬘ᭄ᬙᬾᬦᬶᬦ᭄᭞ᬢᭀᬓ᭄ᬭᬡᬫᬩ᭄ᬯ᭠ᬢ᭄᭞ᬧᬶᬲᬦ᭄ᬲᬂᬕᬸᬭᬸᬓᬮᬶᬄ᭟ᬦᬾᬧᬫᭂᬓᬲ᭄ᬤᬶᬲᬸᬩᬦ᭄ᬤᬾᬯᬾᬓᬾᬍᬓᬤ᭄᭞ᬫᬲᬶᬄᬳᬶᬤᬲᬂᬓᬮᬶᬄ
᭞ᬫᬧᬶᬘ᭄ᬙᬵᬳᬫᬺᬢ᭞ᬫᬢᬶᬦᬶᬗᬶᬦ᭄ᬢᬦ᭄ᬧᭂᬕᬢᬦ᭄᭞ᬤᬶᬲᬸᬩᬦᬾᬳᬦ᭄ᬢᭂᬲ᭄ᬓᭂᬮᬶᬄ᭞ᬫᬧᬶᬘ᭄ᬙᬵᬳᬚᬄ᭞ᬳᬕᭂᬫ᭄ᬥᬃᬫ᭄ᬫᬦᬶᬂᬩᬸᬤ᭄ᬥᬶ᭟ᬤᬤᬶᬳᬦᬸᬢ᭄ᬓᬩᬯᭀᬲ᭄ᬫᬳᬸᬢᬂᬚᬶᬯ᭞ᬳᬚᭂᬢᭂᬓᬾᬦ᭄ᬲᬂᬓ
ᬮᬶᬄ᭞ᬭᬶᬗᬚᬶᬳᬶᬩᬶᬬᬂ᭞ᬧᬢᬸᬢ᭄ᬢᬸᬮ᭄ᬢᬸᬮ᭄ᬲᬭᬢᬂ᭞ᬮᬾᬤᬂᬓᬬᬸᬦᬾᬲᬂᬓᬮᬶᬄ᭞ᬤᬲᬭᬶᬦ᭄ᬩᬦ᭄ᬓᬬᬸᬦ᭄᭞ᬲᬸᬰ᭄ᬭᬸᬱᬪᬓ᭄ᬢᬶ᭟ᬫᬯᬓ᭄ᬓᬧᭀᬲᭀᬪᬕ᭄ᬬᬲᬶᬤ᭄ᬥᬫᬢᬸᬭᬦ᭄᭞ᬮᬾᬤᬂᬓᬬᬸᬦᬾ
ᬲᬂᬓᬮᬶᬄ᭞ᬢᭀᬫᬓᬮᬭᬧᬦ᭄᭞ᬧᬦᬯᬸᬭᬦᬶᬂᬳᬸᬢᬂ᭞ᬳᬸᬢᬂᬳᬢᬦᬄᬳᬮᬗᬶᬢ᭄᭞ᬮᬸᬯᬶᬃᬳᬗ᭄ᬕᭀ᭞ᬧᬫᬦᭂᬫ᭄ᬩᬄᬲ᭄ᬯᬾᬘ᭄ᬙᬲᬂᬓᬮᬶᬄ᭟ᬓᬧᬶᬂᬢᬶᬕᬪᬓ᭄ᬢᬶᬭᬶᬂᬕᬸᬭᬸᬯᬶᬰᬾᬱᬵ᭞

[᭙ 9A]
᭙
ᬧᬫ᭄ᬭᬾᬦ᭄ᬢᬄᬫᬸᬦ᭄ᬤᭂᬃᬕᬸᬫᬶ᭞ᬧᬢᬸᬢ᭄ᬕᭂᬦᬄᬳᬢᬸᬳᬂ᭞ᬲᬫ᭄ᬧᬸᬦᬂᬧᬸᬭᬸᬦ᭄ᬮᬗ᭄ᬕ᭄ᬬ᭞ᬭᬶᬂᬲᬓᬵᬮᬳᬸᬓᬸᬫ᭄ᬦᭂᬕᭂᬭᬶ᭞ᬯᬾᬢᬸᬦ᭄ᬤᬗᬸᬦ᭄ᬤᬂ᭞ᬲᬫᬶᬩᬸᬳᬢᬂᬢᬶᬦᬸᬢᬶᬦ᭄᭟ᬳᬧᬦ᭄ᬫᬩᬸᬳᬢ᭄ᬳᬸᬢᬗᬾᬢᭂ
ᬓᬾᬦ᭄ᬧᬫᭂᬭᬾᬦ᭄ᬢᬄ᭞ᬢᬦᬄᬬᬾᬄᬮᬗᬶᬢ᭄ᬳᬧᬶ᭞ᬧᬫ᭄ᬭᬾᬦ᭄ᬢᬄᬳᭀᬲᬬᬂ᭞ᬮᬦ᭄ᬲᬃᬯ᭄ᬯᬫ᭄ᬮᭂᬢᬶᬓ᭄ᬲᬫ᭄ᬬᬦ᭄᭞ᬦᬾᬢᬦ᭄ᬫᬭᬶᬤᬤᭀᬲ᭄ᬪᬸᬓ᭄ᬢᬶ᭞ᬳᬗ᭄ᬕᬾᬦ᭄ᬲᬤᬦ᭞ᬧᬗᬦ᭄ᬤᭀᬮᬦ᭄ᬓᬂᬳᬸᬭᬶᬧ᭄᭟᭠
ᬓᬧᬶᬂᬳᭂᬫ᭄ᬧᬢ᭄ᬪᬓ᭄ᬢᬶᬭᬶᬂᬧᬭᬲᬤᬓ᭞ᬳᬶᬤᬫ᭄ᬭᬕᬲᬸᬮᬶᬗ᭄ᬕᬶᬄ᭞ᬓᬗ᭄ᬕᭂᬄᬗᬶᬘ᭄ᬙᬾᬦ᭄ᬲᬶᬫ᭞ᬫᬸᬧᬸᬢᬂᬧᬜ᭄ᬘᬬᬚ᭄ᬜᬵ᭞ᬦᬾᬗᬯᬶᬦᬂᬫᬗ᭄ᬕᬸᬄᬩᭂᬘᬶᬓ᭄᭞ᬲᬶᬤ᭄ᬥᬲᬲ᭄ᬯᬢ᭞ᬳᬸᬭᬶᬧ᭄ᬓᬢᭂᬓᬾᬂᬧᬢᬶ᭟
ᬓ᭄ᬭᬡᬧᬢᬸᬢ᭄ᬳᬶᬤᬢᬗ᭄ᬓᬶᬮᬶᬦ᭄ᬩ᭄ᬯᬢᬂ᭞ᬢᬸᬦᬲᬶᬦ᭄ᬲᬮ᭄ᬯᬶᬭᬶᬂᬳᬶᬦ᭄ᬤᬶᬓ᭄᭞ᬜᬮᬦᬂᬓᬥᬃᬫ᭄ᬫᬦ᭄᭞ᬓᬮᬶᬄᬧᬋᬓ᭄ᬜᬸᬭᬸᬤᬂ᭞ᬲᬧᬶᬢᭂᬕᭂᬲ᭄ᬓᭂᬘᬧᬚᬶ᭞ᬦᬾᬜᬦ᭄ᬤᬂᬢᬯᬂ᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬲᬸᬗ᭄ᬓᭂᬫᬶ [ 10 ][᭙ 9B]
᭙
ᬦ᭄᭟ᬯᬶᬭᬾᬄᬳᬶᬤᬲᬸᬚᬢᬶᬢᬢᬲ᭄ᬯᬶᬓᬦ᭄᭞ᬧᬸᬢᬸᬲ᭄ᬢᭂᬓᬾᬦ᭄ᬓᭂᬘᬧᬚᬶ᭞ᬤᬶᬚ᭄ᬭᭀᬦᬶᬗᬕᬫ᭞ᬳᬶᬦ᭄ᬥᬸᬩᬮᬶᬓᬳᬸᬘᬧ᭄᭞ᬕᬸᬭᬸᬮᭀᬓᬓᬧᬲᬾᬗᬶᬦ᭄᭞ᬳᬶᬤᬧᬤᬡ᭄ᬥ᭞ᬓ᭄ᬭᬡᬧᬢᬸᬢ᭄ᬳᬢ᭄ᬯ
ᬗᬶᬦ᭄᭟ᬓᬮᬶᬄᬳᬶᬤᬓᬗ᭄ᬕᭂᬄᬫᬧᬳᬶᬘ᭄ᬙᬳᬚᬄ᭞ᬢᬸᬢᬸᬃᬥᬃᬫ᭄ᬫᬦᬶᬂᬩᬸᬤ᭄ᬥᬶ᭞ᬗᬫᬗ᭄ᬕᭂᬳᬂᬕᬫ᭄ᬫ᭞ᬲᬫᬗ᭄ᬤᬾᬯᬢ᭄ᬭᬢᬢᬲ᭄᭞ᬧᬭᬲᬶᬲ᭄ᬬᬭᬋᬫ᭄ᬗᬶᬭᬶᬂ᭞ᬧᬫᬢᬸᬢ᭄ᬕᬫᬦ᭄᭞ᬲᬂᬥᬃ
ᬫ᭄ᬫᬓᬭᬶᬳᬶᬦ᭄᭟ᬓᬧᬶᬂᬮᬶᬫᬳᬢᬸᬳᬂᬭᬶᬂᬕᬸᬭᬸᬧᬗᬚ᭄ᬬᬦ᭄᭞ᬳᬧᬦ᭄ᬲᬢ᭄ᬳᬸᬢᬂᬩᬸᬤ᭄ᬥᬶ᭞ᬭᬾᬄᬲᬗ᭄ᬓᬦᬶᬂᬧ᭄ᬭᬚ᭄ᬜᬵ᭞ᬳᬶᬕᬸᬭᬸᬢᬸᬳᬄᬗᬸᬭᬸᬓᬂ᭞ᬗᬶᬘ᭄ᬙᬾᬦᬚᬄᬫᬶᬢᭂᬓᭂᬢᬶᬦ᭄᭞ᬮ᭄ᬯᬶᬃ
ᬓᬯᬶᬤᬕ᭄ᬥᬦ᭄᭞ᬧᬭᬶᬓ᭄ᬭᬫᬦᬶᬂᬳᬸᬭᬶᬧ᭄᭞ᬳᬸᬮᬶᬤᬲᬃᬢᬶᬗ᭄ᬓᬳᬾᬗᬤᬸᬓᬥᬃᬫ᭄ᬫᬦ᭄᭞ᬓᬲᬸᬰᬶᬮᬦ᭄ᬫᬓᬤᬶ᭞ᬓᬬᬂᬓᬧ᭄ᬭᬚ᭄ᬜᬦᬦ᭄᭞ᬓᬮᬶᬄᬧᬗᬸᬧᬚᬶᬯ᭞ᬮᬾᬦ᭄ᬢᭀᬳᬸ

[᭑᭐ 10A]
᭑᭐
ᬦ᭄ᬤᬸᬓ᭄ᬗᬫᭀᬂᬕᬸᬫᬶ᭞ᬗᬶᬲᬶᬧᬫ᭄ᬭᬾᬦ᭄ᬢᬄ᭞ᬫᬓᭂᬚᬂᬓᬯᬭᬳᬶᬦ᭄᭟ᬓ᭄ᬭᬡᬧᬢᬸᬢ᭄ᬤᬓ᭄ᬱᬶᬦᬳᬶᬦ᭄ᬩᬸᬤ᭄ᬥᬶᬳᬢ᭄ᬯᬂ᭞ᬤᬸᬮᬸᬭᬶᬦ᭄ᬰᬩ᭄ᬤᬫᬦᬶᬲ᭄᭞ᬗᬮᬧ᭄ᬓᬲᭀᬃᬗᬲᬩ᭄᭞ᬢᭀᬫᬓᬧᬦᬯᬸᬭᬦ᭄᭞
ᬳᬲᬶᬄᬳᬶᬕᬸᬭᬸᬗᬚᬳᬶᬦ᭄᭞ᬮ᭄ᬯᬶᬃᬲᬧᬶᬤᬩ᭄ᬤᬩ᭄᭞ᬕᬸᬡᬦᬾᬲᬦᬾᬍᬯᬶᬄ᭟ᬓᬧᬶᬂᬦᭂᬫ᭄ᬫᬲᬶᬄᬧᬢᬸᬢ᭄ᬢᭀᬲᬢᬸᬳᬬᬂ᭞ᬢᭂᬓᬾᬦ᭄ᬲᬂᬫᬦᬸᬮᬸᬗᬶᬦ᭄᭞ᬲᬮ᭄ᬯᬶᬃᬦᬾᬓᭀᬩᭂ
ᬢᬂ᭞ᬭᬾᬄᬢᬶᬗ᭄ᬓᬄᬲᬂᬉᬢ᭄ᬢᬫ᭞ᬫᬸᬮᬲᬭᬢ᭄‌ᬫ᭄ᬯᬢᬂᬳᬸᬕᬶ᭞ᬫᬧᬦᬯᬸᬭᬦ᭄᭞ᬢᭂᬓᬾᬦ᭄ᬲᬂᬫᬶᬳᬸᬢᬗᬂᬳᬸᬕᬶ᭟ᬳᬗ᭄ᬕᭀᬦ᭄ᬳᬶᬫ᭄ᬩᬢᭀᬤᬶᬲᬢ᭄ᬯᬦ᭄ᬭᬫᬬᬡ᭞ᬤᬸᬓ᭄ᬲᬂᬲᬸᬕ᭄ᬭᬶᬯ
ᬮᬶᬮᬶᬄ᭞ᬓᬦ᭄ᬥᬧᬦ᭄ᬧᬲᬶᬬᬢ᭄᭞ᬗ᭄ᬮᬯᬦ᭄ᬲᬂᬩᬮᬶᬭᬵᬚ᭞ᬤᬤᬶᬧᬋᬓ᭄ᬫᬫᬭᬦᬶᬦ᭄᭞ᬲᬂᬭᬫᬤᬾᬯ᭞ᬦᬯᭂᬕᬂᬦᬸᬦᬲ᭄ᬓᬦ᭄ᬢᬶ᭟ᬲᬂᬓᬳᬸᬗ᭄ᬲᬶᬢᭀᬳᬶᬤᬲᬂᬭᬫᬤᬾᬯ᭞ᬮᬾᬤᬂᬳᬶ [ 11 ][᭑᭐ 10B]
᭑᭐
ᬤᬗᬤ᭄ᬬᬦᬶᬦ᭄᭞ᬲᬤᬧᬘᬗ᭄ᬭᬸᬲᬓ᭄᭞ᬲᬂᬩᬮᬶᬤᬶᬧᬲ᭄ᬬᬢᬦ᭄᭞ᬧᬦ᭄ᬫᬸᬮᬲᬂᬩᬮᬶᬧᭂᬮᬶᬄ᭞ᬮᬳᬸᬢ᭄ᬤᬶᬳᬾᬗ᭄ᬕᬮ᭄᭞ᬲᬂᬲᬸᬕ᭄ᬭᬶᬯᬫᬧᬫᬶᬢ᭄᭟ᬫᬗᬯᬶᬢᬂᬫᬲ᭄ᬬᬢ᭄‌ᬗ᭄ᬮᬯᬦ᭄ᬲᬂᬓᬓ᭞ᬧ
ᬦ᭄ᬧᬥᬢᭀᬢᭀᬲᬶᬂᬚᬸᬭᬶᬢ᭄᭞ᬲᬫᬧᬥᬧ᭄ᬭᬪᬵᬯ᭞ᬤᬶᬢᬶᬳᬶᬤᬲᬂᬭᬫ᭞ᬜᬶᬗ᭄ᬲᬾᬫᬫᬦᬄᬲᬂᬩᬮᬶ᭞ᬤᬶᬳᬲᬓ᭄ᬱᬡ᭞ᬲᬂᬩᬮᬶᬭᬵᬚᬫᬢᬶ᭟ᬤᬶᬲᬸᬩᬦᬾᬲᬂ
ᬲᬸᬕ᭄ᬭᬶᬯᬲᬶᬤ᭄ᬥᬓᬭ᭄ᬬ᭞ᬤᬶᬢᬸᬲᬂᬭᬵᬫᬗ᭄ᬭᬭᬶᬲ᭄᭞ᬗᭂᬩᬸᬕ᭄ᬲᬂᬭᬯᬡᬤᬾᬢ᭄ᬬᬳᬕᬸᬂᬤᬶᬍᬗ᭄ᬓ᭞ᬯᬢᭂᬓ᭄ᬯᬦᬭᬫᬗᬶᬭᬶᬂ᭞ᬲᬂᬭᬵᬫᬤᬾᬯ᭞ᬲᬂᬲᬸᬕ᭄ᬭᬶᬯᬫᬸᬘᬸᬓᬶᬦ᭄᭟
ᬢᬦ᭄ᬘᬭᬶᬣ᭞ᬧᬲᬶᬬᬢ᭄ᬧᬥᬮᬕᬯᬵ᭞ᬤᬶᬧᬫᬸᬧᬸᬢ᭄ᬗᭂᬫᬲᬶᬦ᭄᭞ᬲᬾᬤᬲᬂᬭᬯᬡ᭞ᬫᬶᬮᬸᬲᬂᬓᬸᬫ᭄ᬪᬓᬃᬡ᭄ᬦᬵ᭞ᬮᬾᬦ᭄ᬤᬾᬢ᭄ᬬᬯᬢᭂᬓ᭄ᬧᬧᬢᬶᬄ᭞ᬧ᭄ᬭᬲᬶᬤ᭄ᬥᬚᬬ᭞ᬲᬂᬭᬵᬫ

[᭑᭑ 11A]
᭑᭑
ᬲᬶᬤ᭄ᬥᬾᬂᬓᬧ᭄ᬢᬶ᭟ᬮᬳᬸᬢ᭄ᬭᬸᬕᭂᬄᬩᬦ᭄ᬓᬓᭂᬘᬧ᭄ᬤᬰᬲᬶᬬ᭞ᬳᬶᬳᬦᬺᬲᬗ᭄ᬰᬍᬯᬶᬄ᭞ᬧᬸᬕᭂᬄᬫᬓᬤᬲᬃ᭞ᬦᬾᬫᬤᬦ᭄ᬳᬦᬺᬲᬗ᭄ᬰ᭞ᬩᬸᬤ᭄ᬥᬶᬦᬾᬦᬶᬃᬫᬮᬲᬶᬄ᭞ᬓᬾᬦ᭄ᬲᬃᬯ᭄ᬯᬪᬵᬯ᭞ᬫᬦᬸᬱ
ᬫᬶᬦᬓᬵᬤᬶ‌᭟ᬢᭀᬗᭀᬲ᭄ᬗᬸᬭᬸᬓ᭄ᬜᬮᬸᬳᬂᬳᬶᬢᬦ᭄‌ᬦᬺᬲᬗ᭄ᬰ᭞ᬓᬾᬦ᭄ᬳᬶᬧᬓᬸᬋᬦᬦ᭄ᬢᬸᬯᬶ᭞ᬧᬗᬯᬶᬢ᭄ᬚᬮᬦᬂ᭞ᬬᬦ᭄ᬲᬸᬩᬫᬜᬶᬤᬬᬂ᭞ᬚ᭄ᬭᭀᬦᬶᬂᬧᬓᬸᬋᬦᬦ᭄ᬭᬤᬶᬦ᭄᭞ᬲᬮᬶᬂ
ᬩᬸᬳᬢᬂ᭞ᬳᬤᬸᬳᬲᬶᬓᬸᬫᬮᬶᬄ᭟ᬤᬶᬲᬸᬩᬦᬾᬋᬱ᭄ᬝᬶᬚ᭄ᬭᭀᬦᬶᬂᬓᬭᬗᬸᬫᬄ᭞ᬤᬶᬢᬸᬮᬶᬫ᭄ᬩᬓᬂᬩᬸᬳᬶᬦ᭄᭞ᬓᬾᬦ᭄ᬲᬚ᭄ᬭᭀᬦᬶᬂᬩᬜ᭄ᬚᬃ᭞ᬫᬲᬶᬄᬲᬮᬶᬂᬩ᭄ᬯᬢᬂ᭞ᬫᬢᬸ
ᬚᬸᬳᬲᬶᬄᬓᬸᬫᬲᬶᬄ᭞ᬢᬸᬃᬧᬥᬲᬢ᭄᭞ᬫᬢᬸᬢᬸᬭᬶᬦ᭄ᬳᬦᬾᬧᭂᬮᬶᬄ᭟ᬤᬶᬲᬸᬩᬦᬾᬕᬸᬮᬸᬓ᭄ᬧᬤᬸᬗᬾᬤᬶᬩᬜ᭄ᬚᬃ᭞ᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄ᬫᬫᭂᬲᬶᬓ᭄᭞ᬫᬫᭂᬲᬶᬓᬂᬧᭀᬮᬄ [ 12 ][᭑᭑ 11B]
᭑᭑
᭞ᬢᬶᬗ᭄ᬓᬳᬾᬫᬕᬭᬧᬦ᭄᭞ᬫᬮᬶᬄᬫᭂᬲᬶᬓᬂᬧᬶᬓᭀᬮᬶᬄ᭞ᬲᬮ᭄ᬯᬶᬭᬶᬂᬓᬃᬬ᭄ᬬ᭞ᬚᬦ᭄ᬢᭂᬦ᭄ᬤᬗᬦ᭄ᬳᬢᬸᬭᬶᬦ᭄᭟ᬫᬓᬧᬜᭂᬍᬄᬢᭀᬤᬶᬲᬢ᭄ᬯᬦ᭄ᬫᬳᬵᬩ᭄ᬭᬢ᭞ᬤᬸᬓ᭄ᬲᬂᬧᬵᬡ᭄ᬥᬯᬓᬶᬭᬶ
ᬤ᭄᭞ᬤᬶᬧᬘᬸᬓ᭄ᬬᬦ᭄ᬓᬮᬄ᭞ᬲᬮ᭄ᬯᬶᬭᬶᬂᬭᬚᬩ᭄ᬭᬡ᭞ᬧᬸᬭᬶᬯᬤ᭄ᬯᬓᬬᬂᬕᬸᬫᬶ᭞ᬓᬮᬄᬫᬓᭂᬚᬂ᭞ᬲᬂᬓᭀᬭᬯᬫᬫᬸᬓ᭄ᬢᬶ᭟ᬲᬸᬩᬓᬾᬢᭀᬤᬶᬢᬸᬳᬤᬧᬲᭀᬩᬬ᭞ᬧ
ᬢᬸᬢ᭄ᬫᬢᬸᬦ᭄ᬤᬸᬂᬚᬦᬶ᭞ᬲᬂᬧᬵᬡ᭄ᬥᬯᬗᬮᬲ᭄᭞ᬢᬸᬃᬧᬥᬓᬘᬶᬃᬬ᭄ᬬᬦ᭄᭞ᬓᬢᬯᬂᬧᬵᬡ᭄ᬥᬯᬚᬢᬶ᭞ᬫᬯᬦᭂᬂᬢᭂᬮᬸᬮᬲ᭄ᬢᬶᬩᬦ᭄ᬕᬸᬫᬶᬦᬾᬫᬸᬮᬶᬄ᭟ᬲᬧᬫᬃᬕ᭄ᬕᬶᬦ᭄ᬲᬂᬧᬵᬡ᭄ᬥᬯᬵ
ᬗᬸᬗ᭄ᬲᬶᬳᬮᬲ᭄᭞ᬦᬸᬗ᭄ᬕᬮᬂᬧᬢᬶᬳᬸᬭᬶᬧ᭄᭞ᬫᬦᬸᬗ᭄ᬕᬮᬂᬧᭀᬮᬄ᭞ᬦᬸᬗ᭄ᬕᬮᬂᬧᬩᬸᬓ᭄ᬢ᭄ᬬᬦ᭄᭞ᬓᬮᬶᬄᬦᬸᬗ᭄ᬕᬮᬂᬧᬶᬓᭀᬮᬶᬄ᭞ᬫᬳᭂᬤᬸᬫ᭄ᬯᬲ᭄ᬢ᭄ᬭ᭞ᬲᬋᬂᬤᬾᬯᬶᬤ᭄ᬭᭀᬧᬤᬶ

[᭑᭒ 12A]
᭑᭒
᭟ᬢᭀᬓᬭᬡᬮᬦ᭄ᬤᬸᬄᬢ᭄ᬯᬭᬳᬤᬩᬬ᭞ᬭᬳᬬᬸᬤᬶᬧᬫᬃᬕ᭄ᬕᬶ᭞ᬢ᭄ᬯᬭᬓᬘᬶᬭᬶᬬᬦ᭄᭞ᬳᬶᬦ᭄ᬤᬶᬓ᭄ᬳᬶᬤᬧᬵᬡ᭄ᬥᬯ᭞ᬓᬦ᭄ᬢᬶᬲᬶᬤ᭄ᬥᬦᬸᬢᬸᬕ᭄ᬚᬜ᭄ᬚᬶ᭞ᬧᬶᬳᭀᬮᬶᬄᬨᬮᬦ᭄᭞ᬲᬂᬗᬦ᭄ᬤ᭄ᬭ
ᬲᬗᬚᬶ᭟ᬤᬶᬲᬸᬩᬦᬾᬋᬡᬚ᭄ᬭᭀᬦᬶᬂᬓ᭄ᬭᬫᬩᬜ᭄ᬚᬃ᭞ᬓᬾᬦᬾᬲᬢᭀᬗᭀᬲ᭄ᬚᬦᬶ᭞ᬧᬢᬸᬢ᭄ᬜᬗ᭄ᬕᬥᬃᬫ᭄ᬫᬦᬺᬲᬗ᭄ᬰ᭞ᬦᬸᬗ᭄ᬕᬮᬂᬧᬫᬢᬸᬢ᭄ᬳᬲᬶᬄ᭞ᬤᬶᬚ᭄ᬭᭀᬦᬶᬂᬤᬾᬰ᭞ᬧ
ᬢᬸᬢ᭄ᬲᬮᬶᬂᬢᬸᬮᬸᬗᬶᬦ᭄᭟ᬢᭀᬓᬲᬫ᭄ᬩᬢ᭄ᬫᬗ᭄ᬭᬳᬬᬸᬳᬂᬢ᭄ᬭᬶᬪᬸᬯᬡ᭞ᬬᬢ᭄ᬭᬵᬪ᭄ᬯᬡᬦᬾᬭᬤᬶᬦ᭄᭞ᬢᭀᬲᬦᬾᬓᬲᬫ᭄ᬩᬢ᭄᭞ᬲᬶᬤ᭄ᬥᬓᬚᬕᬢ᭄ᬤᬶᬢᬦ᭄᭞ᬗᬯᬾ᭠
ᬕᭂᬫᬸᬄᬓᬭᬂᬯᬶᬱ᭄ᬝᬶ᭞ᬮ᭄ᬯᬄᬫᭂᬢᬸᬕᬸᬡ᭞ᬓᬧ᭄ᬭᬚ᭄ᬜᬦᬦ᭄ᬫᬓᬤᬶ᭟ᬫᬜᬸᬭᬫ᭄ᬩ᭄ᬬᬄᬫᬲᬸᬮᬸᬄᬩᬸᬤ᭄ᬥᬓᬥᬃᬫ᭄ᬫᬦ᭄᭞ᬫᬳᬵᬤᭀᬱᬓᬾᬃᬢ᭄ᬢᬶ᭞ᬫᬩᬸᬗᬓᬲᬶᬤ᭄ᬬᬦ᭄ [ 13 ][᭑᭒ 12B]
᭑᭒
ᬚ᭄ᬜᬦᬦᬾᬲᬸᬤ᭄ᬥᬲᬫᭀᬮᬄ᭞ᬫᬩᬸᬳᬄᬲᬹᬓ᭄ᬱ᭄ᬫᬦᬶᬂ᭞ᬦᬶᬃᬫᬮᬲᬤ᭞ᬲᬢᬢᬮᬸᬫ᭄ᬭᬳᭂᬦᬶᬂ᭟ᬲᬬᬦ᭄ᬢᬢᬲ᭄ᬜᬓᬮᬫᬩᬸᬳᬢ᭄ᬧᬶᬲᬦ᭄᭞ᬓᬥᬃᬫ᭄ᬫᬦ᭄ᬲᬂᬓᬭᬶᬳᬶᬦ᭄᭞
ᬓ᭄ᬭᬡᬳᬤᬩᬜ᭄ᬚᬃᬤᬾᬰ᭞ᬢᭀᬗᭀᬲ᭄ᬜᬮᬦᬂᬲᭀᬮᬳᬾ᭞ᬲᬮᬶᬂᬓᬢᬸᬮᬸᬗᬶᬦ᭄᭞ᬳᬦᬺᬲᬗ᭄ᬰ᭞ᬗᬯᭂᬢᬸᬳᬂᬓᬭᬶᬳᬶᬦ᭄᭟ᬤᬶᬢᬸᬮᬳᬸᬢ᭄ᬢᭂᬓᬾᬦ᭄ᬲᬚ᭄ᬭᭀᬦᬶᬂᬦ
ᬕᬭ᭞ᬧᬢᬸᬄᬲᬮᬾᬂᬢᬸᬮᬸᬗᬶᬦ᭄᭞ᬧᬲᬮᬾᬂᬫᭀᬫᭀᬢᬂ᭞ᬬᬦ᭄ᬲᬸᬩᬵᬓᬾᬢᭀᬲᬶᬦᬄ᭞ᬦᬕᬭᬦᬾᬓᬸᬓᬸᬄᬚᬵᬢᬶ᭞ᬚᭀᬄᬲᬤ᭞ᬧᬘᬂᬰᬢ᭄ᬭᬸᬫᬭᬦᬶ
ᬦ᭄᭟ᬤᬶᬲᬸᬩᬦᬾᬓᬕᭂᬫ᭄ᬤᬶᬚ᭄ᬭᭀᬦᬶᬂᬦᬕᬭ᭞ᬳᬦᬺᬲᬗ᭄ᬰᬦᬾᬩᬸᬯᬶᬦ᭄᭞ᬮᬶᬫ᭄ᬩᬓᬂᬜᬮᬦᬂ᭞ᬢᭂᬓᬾᬕᬸᬫᬶᬦᬾᬫᬓᭂᬚᬂ᭞ᬬᬦ᭄ᬲᬸᬩᬕᬸᬫᬶᬦᬾᬲᬫᬶ᭞ᬲᬶᬤ᭄ᬥᬲᬯᬢ᭄ᬭ

[᭑᭓ 13A]
᭑᭓
᭞ᬳᬲᬶᬄᬲᬮᬾᬂᬢᬸᬮᬸᬗᬶᬦ᭄᭟ᬤᬶᬢᬸᬲᬲᬄᬕᬸᬫᬶᬦᬾᬓᬸᬳᬂᬧᬶᬢᬸᬗ᭄ᬓᬲ᭄᭞ᬳᬲᬶᬂᬕᬯᬾᬦᬶᬦ᭄ᬘᭂᬗᬶᬮ᭄᭞ᬦᬾᬤᬤᬶᬫᬶᬫᬶᬢᬦ᭄᭞ᬲᬶᬬᬢᬾᬫᬳᬗ᭄ᬓᬩᬦ᭄᭞ᬲᬓᬜ᭄ᬘᬦ᭄ᬕᬯᬾᬭᬸᬕ᭄ᬕᬸᬫᬶ᭞
ᬧᬸᬘᭂᬄᬫᬓᭂᬚᬂᬩᬳᬦ᭄ᬦᬺᬲᬗ᭄ᬰᬍᬯᬶᬄ᭟ᬤᬤᬶᬩᬸᬓᬕᬸᬫᬶᬦᬾᬫᬭᬳᭂᬫ᭄ᬩᬲ᭄᭞ᬲᬸᬮᬸᬳᬶᬦ᭄ᬢᬾᬚᬳᭂᬦᬶᬂ᭞ᬮᬗᭃᬲᬤ᭄ᬬᬢ᭄ᬫᬓ᭞ᬍᬍᬧ᭄ᬫᬗᬯᬗᬯᬂ᭞ᬩᬦ᭄ᬢᭂᬦ᭄ᬩᬳᬦ᭄ᬮᭂᬕᬦ᭄ᬳᬢᬶ
᭞ᬢᬦᬦᬪᬬ᭞ᬧᬓᬾᬯᭂᬄᬳᭂᬦᬸᬜᬦ᭄ᬢᬸᬮᬶᬦ᭄᭟ᬓᬧᬶᬂᬓᬮᬶᬄᬳᬤᬢᭀᬳᬶᬩᬸᬤ᭄ᬥᬵᬓ᭄ᬱᬫ᭞ᬫᬩᬸᬳᬢ᭄ᬧᬢᬸᬢ᭄ᬕᬸᬕ᭄ᬯᬦᬶᬦ᭄᭞ᬲᬦᬾᬫᬤᬦ᭄‌ᬓ᭄ᬱᬫ᭞ᬓᬬᬸᬦᬾᬢ᭄ᬯᬭᬳᭀᬩᬄ᭞
ᬧᬕᭂᬄᬮ᭄ᬯᬶᬃᬲᬸᬫᬾᬭᬸᬕᬶᬭᬶ᭞ᬕᭂᬦᬄᬧᬲ᭄ᬣᬦᬦ᭄᭞ᬲᬂᬳ᭄ᬬᬂᬰᬶᬯᬲᬤᬫ᭄ᬧᬢᬶ᭟ᬓᬧᬕᭂᬳᬦ᭄ᬓᬬᬸᬦᬾᬫ᭄ᬯᬢᬂᬓᬥᬃᬫ᭄ᬫᬦ᭄᭞ᬓᬧ᭄ᬭᬚ᭄ᬜᬦᬦ᭄ᬫᬓᬵᬤᬶ᭞ᬧᬕᭂᬳᬾᬗᬮᬳᬂ᭞ᬲᬤ᭄ᬭᬶᬧᬸ [ 14 ][᭑᭓ 13B]
᭑᭓
ᬦᬾᬭᬶᬂᬭᬕ᭞ᬓᬦ᭄ᬢᬶᬲᬶᬤ᭄ᬥᬜᭀᬓᭀᬃᬪᬓ᭄ᬢᬶ᭞ᬳᬢ᭄ᬯᬂᬫᬫᬋᬓᬦ᭄᭞ᬗᬢᬸᬭᬂᬧᬢᬶᬳᬸᬭᬶᬧ᭄᭟ᬲᬶᬮᬶᬄᬢᬸᬗ᭄ᬕᬮ᭄ᬧᬕᭂᬳᬾᬗᬃᬤ᭄ᬥᬶᬦ᭄ᬬᬲ᭞ᬗᬯᬾᬭᬳᬬᬸᬦ᭄ᬕᬸᬫᬶ᭞ᬚᭂᬦᭂᬓ᭄ᬢ᭄ᬯᬭᬮᬶᬂᬕᬂ
᭞ᬲᬢᬢᬫᬗᬶᬦ᭄ᬓᬶᬦᬂ᭞ᬯᬶᬯᬾᬓᬉᬢ᭄ᬢᬫᬲᬦ᭄ᬤᬶ᭞ᬲᬦᬾᬜᬶᬤᬬᬂ᭞ᬫᬨᬮᬍᬕᬦ᭄ᬕᬸᬫᬶ᭟ᬢ᭄ᬯᬭᬳᬾᬫᬦ᭄‌ᬤ᭄ᬬᬲ᭄ᬢᬸᬦ᭄ᬫᬩᬶᬬᬚᬶᬯᬶᬢ᭞ᬬᬦ᭄ᬲᬸᬩᬗᬸᬲᬶᬃᬓᬾᬃᬢ᭄ᬢᬶ᭞ᬗᬯᬾᬓᬯᬶᬪᬸ
ᬳᬦ᭄᭞ᬚᬕᬢᬾᬦᬾᬓᬶᬦ᭄ᬓᬶᬦᬂ᭞ᬢᭀᬧᬫᬃᬕ᭄ᬕᬦ᭄ᬧᬥᬍᬯᬶᬄ᭞ᬫᬕᬸᬫᬶᬯᬦ᭄ᬢᬄ᭞ᬩᬸᬤ᭄ᬥᬶᬦᬾᬓ᭄ᬱᬫᬚᬢᬶ᭟ᬯᬲ᭄ᬧᬤᬬᬂᬳᬶᬦ᭄ᬤᬬᬂᬩᬦ᭄ᬲᬢ᭄ᬯᬪᭀᬫ᭞ᬤᬯᭂᬕ᭄‌ᬰ᭄ᬭᬷᬳᬭᬶ
ᬫᬹᬃᬢ᭄ᬢᬶ᭞ᬓ᭄ᬭᬯᬸᬳᬦ᭄ᬧᬤᬡ᭄ᬥ᭞ᬯᬢᭂᬓ᭄ᬋᬱᬶᬭᬶᬂᬓᬾᬦ᭄ᬤ᭄ᬭᬦ᭄᭞ᬧ᭄ᬭᬡ᭄ᬥᬗᬃᬱᬬᬂᬓᬦ᭄ᬢᬶ᭞ᬓᭂᬦᬶᬲᬂᬓᬺᬱ᭄ᬡ᭞ᬗ᭄ᬭᬓ᭄ᬱᬲᬂᬢᬧᬢᬧᬶ᭟ᬲᬦᬾᬦᬗᬸᬦ᭄ᬳᬰ᭄ᬭᬫᬤᬶᬳᬶᬫᬮᬬ᭞ᬳᬶᬤᬓᬩᬺᬲᬢ᭄ᬲᬳᬶ

[᭑᭔ 14A]
᭑᭔
᭞ᬩᬦ᭄ᬯᬢᭂᬓ᭄ᬭᬵᬓ᭄ᬱᬲ᭞ᬧᬜ᭄ᬚᬓ᭄ᬳᬶᬤᬲᬂᬪᭀᬫ᭞ᬢᬦ᭄ᬫᬭᬶᬢᭂᬓᬗ᭄ᬭᬦ᭄ᬤᬳᬶᬦ᭄᭞ᬲᬂᬯᬢᭂᬓ᭄ᬢᬧ᭞ᬮᬶᬬᬸᬮᬶᬦᬫᬗᭂᬫᬲᬶᬦ᭄᭟ᬧ᭄ᬭᬫᬗ᭄ᬓᬾᬬᬦ᭄ᬲᬂᬓᬺᬱ᭄ᬡᬗᬸᬢᬸᬲ᭄ᬲᬂᬲᬫ᭄ᬪ᭞ᬓᬳᬶᬫᬮᬬ
ᬕᬶᬭᬶ᭞ᬫᬗ᭄ᬭᬓ᭄ᬱᬲᬂᬢᬧ᭞ᬲᬓ᭄ᬱᬡᬲᬵᬫ᭄ᬧᬸᬦ᭄ᬫᬗ᭄ᬓᬢ᭄᭞ᬲᬂᬲᬫ᭄ᬪᬗᭂᬦ᭄ᬤᭀᬦ᭄ᬚᬸᬭᬶᬢ᭄᭞ᬯᬢᭂᬓ᭄‌‌ᬬᬤᬦᬶᬸᬯ᭞ᬭᬦ᭄ᬢᬩᬦ᭄ᬲᬺᬕᭂᬧ᭄ᬗᬶᬭᬶᬂ᭟ᬲ᭄ᬭᬯᬸᬳᬾᬲᬂᬲᬫ᭄ᬪᬤᬶᬫᬮᬬ᭞ᬗ᭄ᬭᬓ᭄ᬱᬯ
ᬢᭂᬓ᭄ᬫᬳᬵᬃᬱᬶ᭞ᬬᬦ᭄ᬧᬶᬂᬓᬸᬤᬂᬫᬲ᭄ᬬᬢ᭄᭞ᬢ᭄ᬯᬭᬗᬾᬫᬦ᭄ᬚᬶᬯᬶᬢ᭞ᬤᬶᬧᬫ᭄ᬭᬕᬢ᭄ᬓᭂᬲ᭄ᬓᭂᬲ᭄ᬮᬶᬮᬶᬄ᭞ᬩᬮᬤᬿᬢ᭄ᬬ᭞ᬧᬮᬦ᭄ᬲᬂᬓ᭄ᬱᬫᬩᬸᬤ᭄ᬥᬶ᭟ᬫᬮᬶᬄᬫᬗ᭄ᬤᬾᬮᬶᬬᬂᬗᬶᬘ᭄ᬙᬾᬦ᭄ᬲᬵ
ᬫ᭄ᬧᬸᬭ᭞ᬢᭂᬓᬾᬦ᭄ᬦᬾᬢᬳᬾᬦ᭄ᬧᭂᬮᬶᬄ᭞ᬢᭀᬧᬢᬸᬢ᭄ᬳᬫ᭄ᬧᬸᬭᬬᬂ᭞ᬦᬾᬫᬩ᭄ᬯᬢ᭄ᬧᭂᬮᬶᬄᬦᬾᬓᬶᬜ᭄ᬘᬶᬢ᭄᭞ᬦᬾᬢ᭄ᬯᬭᬳᬶᬗᬦ᭄᭞ᬗ᭄ᬭᬸᬲᬓ᭄ᬢᬢᬦᬶᬂᬕᬸᬫᬶ᭟ᬤᬾᬦᬶᬂᬫᬩ᭄ᬯᬢ᭄ᬳ [ 15 ][᭑᭔ 14B]
᭑᭔
ᬦᬓᬾᬓᬦ᭄ᬢᬶᬜᬶᬤᬬᬂ᭞ᬗᬫ᭄ᬧᬸᬭᬬᬂᬦᬾᬧᭂᬮᬶᬄ᭞ᬳᬲᬶᬄᬦᬶᬂᬢᭂᬭᬂ᭞ᬲᬸᬩᬩᬶᬱᬗᬮᬳᬂ᭞ᬳᬶᬩᬸᬤ᭄ᬥᬶᬫᬹᬃᬓ᭄ᬓᬵᬤᬶ᭞ᬚ᭄ᬭᭀᬦᬶᬂᬳᬺᬤᬬ᭞ᬤᭀᬂᬳᬦᬓ᭄ᬩᬭᬶᬩᬭᬶ᭟ᬩ᭄ᬯᬶᬦ᭄ᬲᭂᬤᬳᬶ
ᬦ᭄ᬩᬳᬦ᭄ᬲᬢ᭄ᬯᬦ᭄ᬩᬸᬤ᭄ᬥᬶᬬᭀᬕ᭞ᬳᬤᬲᬂᬧ᭄ᬭᬪᬸᬰᬓ᭄ᬢᬶ᭞ᬓᭀᬘᬧ᭄ᬫᬧᭂᬲᬾᬗᬦ᭄᭞ᬲᬂᬧ᭄ᬭᬪᬸᬤᬦ᭄ᬩᭀᬤ᭄ᬥᬯ᭞ᬮᬶᬦ᭄ᬢᬂᬫᬾᬫᬾᬓᬗᬢᬶ᭞ᬢᬦ᭄ᬓᭂᬧᬥ᭞ᬫ᭄ᬭᬱᬰᬓ᭄ᬢᬶᬧᬤᬶᬤᬶ᭟ᬲᬳᬶᬳᬶᬤ
ᬫᬲᬺᬧ᭄‌‌ᬓᬾᬦ᭄ᬯᬢᭂᬓ᭄ᬲᬤᬓ᭞ᬲᬯᬢᭂᬓ᭄ᬲᬦᬾᬦᬗ᭄ᬓᬶᬮ᭄᭞ᬤᬕᬶᬂᬫᬦᬓᬾᬦᬂ᭞᭠ᬬᬦ᭄ᬤᬶᬚᬳᬤᬳᬦᬓ᭄ᬰᬓ᭄ᬢᬶᬬ᭞ᬲᬯᬯᬫᬸᬗ᭄ᬕ᭄ᬯᬶᬂᬓᬰᬓ᭄ᬢᬶᬦ᭄᭞ᬳᬶᬤᬧᬂᬲᬤ᭄ᬬ᭞ᬫᬭᬦᬶᬦ᭄ᬗ
ᬬᬸᬥᬳᬶᬦ᭄᭟ᬤᬶᬢᬸᬳᬤᬧᬤᬡ᭄ᬥᬗᬢᬸᬭᬂᬕᬢ᭄ᬭ᭞ᬩᬦ᭄ᬯᬾᬦ᭄ᬢᭂᬦ᭄ᬢᬧᬲᬶᬤ᭄ᬥᬶ᭞ᬮ᭄ᬯᬶᬳᬶᬂᬓᬫᬳᬢ᭄ᬫ᭄ᬬᬦ᭄᭞ᬲᬂᬦᬭᬦᬭᬾᬬᬦ᭞ᬫᬰ᭄ᬭᬫᬤᬶᬕᬸᬦᬸᬂᬓᬯᬶ᭞ᬲᬂᬦᬵᬣᬫ᭄ᬬᬃᬱ᭞ᬦᬗᬸ

[᭑᭕ 15A]
᭑᭕
ᬦᬂᬓᬬᬸᬦ᭄ᬭᬸᬦ᭄ᬢᬶᬓ᭄᭟ᬢᬦᬲᬸᬯᬾᬲᬂᬧ᭄ᬭᬪᬤᬫ᭄ᬪᭀᬤ᭄ᬪᬯᬫᬗ᭄ᬓᬢ᭄᭞ᬭᬯᬸᬄᬤᬶᬕᬸᬦᬸᬂᬓᬯᬶ᭞ᬓᬧᬗ᭄ᬕᬸᬄᬲᬂᬢᬧ᭞ᬕᭀᬭᬯᬵᬕᬸᬂᬳᬗᬲᬩ᭄᭞ᬲᬫ᭄ᬩ᭄ᬭᬫᬲᬗᬗᬢᬸᬭᬶᬦ᭄᭞ᬧᬶᬲᬸᬕᬸᬄᬫᬢ᭄ᬭ᭞
ᬯᭀᬄᬯᭀᬳᬦ᭄ᬲᬃᬯ᭄ᬯᬩᭂᬘᬶᬓ᭄᭟ᬲᬸᬕᬮ᭄ᬩᬗ᭄ᬕ᭄ᬭᬲ᭄ᬧ᭄ᬭᬪᬸᬤᬫ᭄ᬪᭀᬤ᭄ᬪᬯᬫᬢ᭄ᬩᬢ᭄᭞ᬳᬶᬤᬲᬂᬢᬧᬓᬮᬶᬄ᭞ᬓᬢᬂᬢᬂᬫᬬᬸᬥ᭞ᬤᬶᬢᬸᬧᬬᬸᬫᬬᬸᬥ᭞ᬲᬂᬧ᭄ᬭᬪᬸᬕᬮᬓ᭄ᬗ᭄ᬭᬶᬳᬶᬦᬶᬦ᭄᭞
ᬲᬃᬯ᭄ᬯᬲᬜ᭄ᬚᬢ᭞ᬗᭂᬋᬜ᭄ᬘᭂᬫ᭄ᬲᬂᬢᬧᬓᬮᬶᬄ᭟ᬩᬢᭂᬓ᭄ᬯᬶᬭᬾᬄᬲᬸᬩᬓᬲᬤ᭄ᬬᬦᬶᬂᬬᭀᬕ᭞ᬲᬃᬯ᭄ᬯᬲᬶᬓᭂᬧᬾᬲᬫᬶ᭞ᬫᬢᬸᬮᬓ᭄ᬫᬓᭂᬚᬂ᭞ᬢᭀᬗᬤᬩᬦᬶᬫᬩᬃ᭞ᬭᬶᬂᬳᬗ᭄ᬕᬦ᭄ᬲᬂᬢᬧ
ᬓᬮᬶᬄ᭞ᬮᬳᬸᬢ᭄ᬲᬂᬢᬧ᭞ᬫᭂᬢᬶᬓ᭄ᬮᬮᬂᬳᬓᬢᬶᬄ᭟ᬓᬢᬶᬯᬓᬂᬢᭂᬓᬾᬦ᭄ᬧ᭄ᬭᬪᬸᬤᬫ᭄ᬪᭀᬤ᭄ᬪᬯ᭞ᬤᬶᬢᬸᬳᬶᬮᬮᬂᬫᭂᬦ᭄ᬢᬶᬓ᭄᭞ᬤᬶᬭᬕᬦ᭄ᬲᬂᬦᬵᬣ᭞ᬫᬲᭂᬳᭂᬦ᭄ᬫᭀᬓᭀᬄᬲᭂᬭ [ 16 ][᭑᭕ 15B]
᭑᭕
ᬩ᭄᭞ᬲᭂᬲᭂᬓ᭄ᬓᬬᬂᬓᬧᬗᬓ᭄ᬱᬶ᭞ᬫᬩᬸᬮᬸᬮᬮᬂ᭞ᬗᬳᬾᬲᬂᬧ᭄ᬭᬪᬸᬧᬮᬶᬂ᭟ᬳᬧᬦ᭄ᬫᬩ᭄ᬯᬢ᭄ᬲᬸᬗ᭄ᬓᬦ᭄ᬧ᭄ᬭᬪᬸᬤᬫ᭄ᬪᭀᬤ᭄ᬪᬯ᭞ᬳᬯᬶᬦᬦ᭄ᬫᬢᬸᬃᬲᬶᬲᬶᬧ᭄᭞ᬦᬸᬦᬲ᭄ᬧᬗᬫ᭄ᬧᬸᬭ᭞ᬲᬂᬢᬧᬓᬵ
ᬮᬶᬄᬮᬾᬤᬂ᭞ᬜᬩᬸᬢ᭄ᬳᬫ᭄ᬩᭂᬗᬦᬾᬲᬫᬶ᭞ᬓᬚᬢᬶᬫᬸᬮ᭞ᬲᬂᬧ᭄ᬭᬪᬸᬓᬾᬦᬓ᭄ᬩᬸᬳᬶᬦ᭄᭟ᬤᬶᬲᬸᬩᬦᬾᬲᬺᬤᬄᬧ᭄ᬭᬪᬸᬤᬫ᭄ᬪᭀᬤ᭄ᬪᬯ᭞ᬫᬢᬾᬕ᭄ᬢᭀᬕ᭄ᬦᬸᬦᬲ᭄ᬳᬸᬭᬶᬧ᭄᭞ᬧ᭄ᬭᬡ᭄ᬥᬓᬮᬶᬄᬤᬩ᭄ᬤ
ᬩ᭄᭞ᬦᬸᬮᬸᬲᬂᬗᬶᬘ᭄ᬙᬾᬦᬚᬄ᭞ᬫᬗ᭄ᬤᬾᬭᬳᬬᬸᬋᬱ᭄ᬝᬶ᭞ᬲᬂᬤᬫ᭄ᬪᭀᬤ᭄ᬪᬯ᭞ᬓᬾᬢᭀᬲᬂᬓ᭄ᬱᬫᬩᬸᬤ᭄ᬥᬶ᭟ᬓᬤᭂᬤᭂᬳᬦ᭄ᬓᬬᬸᬦᬾᬩᬶᬱᬜᬫ᭄ᬧᬹᬃᬡ᭄ᬦ᭞ᬲᬸᬓᬤᬸᬓᬦᬾᬤᬶᬦᬶ᭞ᬳᬸ
ᬧᬫᬶᬭᬶᬓᬵᬮᬩᬕ᭄ᬬ᭞ᬫᬳᬦ᭄ᬜᬤ᭄ᬬᬬᬂ᭞ᬳᭂᬤᬳᬚᬸᬫ᭄ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬗᬸᬩ᭄ᬤᬬᬂᬧᬶᬲᬦ᭄᭞ᬮᬶᬬᬗᬾᬚ᭄ᬭᭀᬦᬶᬂᬳᬢᬶ᭟ᬧᬢᬸᬄᬫᬲᬶᬄᬬᬦ᭄ᬓᬢᬸᬚᬸᬓᬤᬸᬄᬓᬶᬢᬦ᭄᭞ᬢᭀ

[᭑᭖ 16A]
᭑᭖
ᬩ᭄ᬯᬢᬂᬧᬸᬕᭂᬳᬸᬕᬶ᭞ᬧᭂᬓᭂᬓ᭄ᬚ᭄ᬭᭀᬦᬶᬂᬫᬦᬄ᭞ᬫᬗ᭄ᬤᬾᬤᬓᬘᬶᬭᬶᬬᬦ᭄᭞ᬗᭂᬦᬄᬓᬦ᭄ᬢᬶᬚᭂᬭᬢ᭄ᬚᭂᬭᬶᬢ᭄᭞ᬲᬭᬢᬂᬧᬶᬲᬦ᭄᭞ᬓᭂᬓᭂᬲ᭄ᬤᬶᬚ᭄ᬭᭀᬦᬶᬂᬳᬢᬶ᭟ᬬᬦᬶᬂᬲᬸᬩᬲᬶᬤ᭄ᬥᬫᬤᬲᬃᬓ᭄ᬱᬫ᭞ᬩᬸ
ᬤ᭄ᬥᬶᬦᬾᬍᬯᬶᬄᬫᬫᬹᬃᬢ᭄ᬢᬶ᭞ᬤᬾᬦᬶᬂᬧᬥᬫᬩ᭄ᬯᬢ᭄᭞ᬫᬗᬤᬸᬄᬓᬲᬃᬚ᭄ᬚᬦᬦ᭄᭞ᬲᬶᬦᬄᬗᬯᬾᬮᬦ᭄ᬤᬸᬄᬕᬸᬫᬶ᭞ᬭᬾᬄᬢᬕᭂᬦ᭄ᬧᬥ᭞ᬗᬫᭀᬂᬓᬃᬬ᭄ᬬᬢᬦ᭄ᬕᬶᬗ᭄ᬲᬶᬃ᭟ᬳᬰ᭄ᬭᬶᬩᬸᬗᬄ
ᬢᬾᬚᬦ᭄ᬕᬸᬫᬶᬦᬾᬲᬸᬫᭂᬓᬃ᭞ᬬᬦ᭄ᬯᬢ᭄ᬭᬧᬕᭂᬄᬗᬶᬲᬶ᭞ᬗᬫᭀᬂᬓᭀᬧᬲᬫᬦ᭄᭞ᬤᬶᬚ᭄ᬭᭀᬦᬶᬂᬧᬓᬬᬸᬦᬦ᭄᭞ᬦᬾᬗᬯᬶᬦᬂᬳᬢᬸᬦ᭄ᬭᬤᬶᬦ᭄᭞ᬫᬚᭂᬂᬭᬶᬂᬤᬾᬰ᭞ᬦᬕᬭᬫᬓᬵᬤᬶ᭟᭠
ᬓᬧᬶᬂᬢᬶᬕᬫᬗ᭄ᬤᬗᬕᭂᬫ᭄ᬩᬸᬤ᭄ᬥᬶᬲᬢ᭄ᬬ᭞ᬦᬾᬫᬓᬬᬸᬦᭂᬦᬶᬂᬚᬢᬶ᭞ᬗᭂᬫᬗ᭄ᬕᭂᬳᬂᬓᬥᬃᬫ᭄ᬫᬦ᭄᭞ᬦᬾᬫᬤᬦ᭄ᬩᬸᬤ᭄ᬥᬶᬲᬢ᭄ᬬ᭞ᬢᬶᬗ᭄ᬓᬳᬾᬢᬶᬦ᭄ᬤᬶᬄᬫᬗᬶᬭᬶᬂ᭞ᬥᬃᬫ᭄ᬫᬓᬯᬶᬢᬦ᭄᭞ᬲᬂᬥᬃᬫ᭄ᬫᬓᬓ [ 17 ][᭑᭖ 16B]
᭑᭖
ᬭᬶᬳᬶᬦ᭄᭟ᬓᬤᬸᬮᬸᬭᬶᬦ᭄ᬢᬶᬦ᭄ᬤᬶᬄᬗᬸᬓᬸᬳᬂᬦᬕᬭ᭞ᬫᬗ᭄ᬤᬾᬦᬾᬧᬕᭂᬄᬢᬺᬧ᭄ᬢᬶ᭞ᬗᬶᬭᬶᬂᬧᬫᬭᬾᬦ᭄ᬢᬄ᭞ᬫᬗ᭄ᬤᬢ᭄ᬬᬕᬫᬶᬲᬬᬂ᭞ᬳᬲᬶᬂᬮᬗ᭄ᬕ᭄ᬬᬗᬸᬲᬓᬲᬶᬓ᭄᭞ᬲᬦᬾᬗᬯᬶᬦᬂ᭞ᬓᬭᬸᬕᬦᬶᬂᬦ
ᬕᬭᬶ᭟ᬓᬧᬶᬗᬚᭂᬂᬪᬓ᭄ᬢᬶᬭᬶᬂᬳ᭄ᬬᬂᬯᬶᬥᬶᬯᬱ᭞ᬓᬾᬦ᭄ᬲᬮ᭄ᬯᬶᬃᬭᬯᭀᬲ᭄ᬳᬸᬕᬶ᭞ᬦᬾᬦ᭄ᬢᭂᬦ᭄ᬤᬤᭀᬲᭀᬩᬄ᭞ᬮᬶᬜᭀᬓ᭄ᬓᬮᬶᬄᬫᬦᬶᬮᬲ᭄᭞ᬲᬮ᭄ᬯᬶᬃᬩᬩᬯᭀᬲᬾᬲᬫᬶ᭞ᬳᭂᬤᭀᬭᬶᬂᬯᬦᬦ
᭞ᬤᬫᬫᬶᬲᬸᬄᬫᬓᬵᬤᬶ᭟ᬫᬗ᭄ᬤᬧᬕᭂᬄᬫᬦᭂᬢᭂᬧᬶᬦ᭄ᬧᬲᭀᬩᬬ᭞ᬳᬮᬸᬤ᭄ᬤᬃᬱᬡᬵᬳᬸᬕᬶ᭞ᬫᬦᬸᬢ᭄ᬢᬢᬢᬶᬗ᭄ᬓᬄ᭞ᬳᬶᬦ᭄ᬤᬶᬓᬾᬫᬦᬩᬸᬳᬂ᭞ᬩᬩᬯᭀᬲ᭄ᬲᭀᬮᬄᬮᬾᬦ᭄ᬮᬶᬭᬶᬂ᭞
ᬢᭀᬓᬸᬘᬧ᭄ᬯᬦ᭄ᬢᬄ᭞ᬧᭀᬳᭀᬲ᭄ᬲᬢ᭄ᬬᬓ᭄ᬯᬲ᭄ᬢᬦᬶᬦ᭄᭟ᬫᭂᬮᬄᬚᬦᬶᬢᬶᬜ᭄ᬘᬧᬂᬓᬾᬦ᭄ᬫᬳᬵᬩ᭄ᬭᬢ᭞ᬢ᭄ᬯᬄᬲᬂᬧᬵᬡ᭄ᬥᬯᬚᬢᬶ᭞ᬦᭂᬢᭂᬧᬶᬦ᭄ᬓᬲᬢ᭄ᬬᬦ᭄᭞ᬤᬯᭂᬕᬾᬢ᭄ᬮᬸᬮᬲ᭄ᬢᬶᬩᬦ᭄᭞ᬤᬶᬳ

[᭑᭗ 17A]
᭑᭗
ᬮᬲᬾᬦᬦ᭄ᬤᬂᬲᬓᬶᬢ᭄᭞ᬓᬦ᭄ᬢᭂᬦ᭄ᬫᬋᬦᬦ᭄᭞ᬤᬶᬯᬶᬭᬱᬫᬗᭂᬫ᭄ᬧᬶ᭟ᬲᬂᬓᭀᬭᬯᬢᬦ᭄ᬫᬭᬶᬗ᭄ᬮᭀᬫ᭄ᬧᬂᬲᬫᬬ᭞ᬓ᭄ᬭᬡᬧᬬᬸᬗᭂᬫᬲᬶᬦ᭄᭞ᬲᬾᬤᬤᬶᬧᬲ᭄ᬬᬢᬦ᭄᭞ᬢᬸᬯᬶᬓᬦ᭄ᬢᬶᬦᬾ
ᬢᭂᬮᬄ᭞ᬲᬂᬧᬵᬡ᭄ᬥᬯᬫᬜᬸᬫᭂᬦ᭄ᬤᬶ᭞ᬫᬸᬦ᭄ᬤᭂᬭᬂᬚᬕᬢ᭄᭞ᬨᬮᬦᬶᬂᬲᬢ᭄ᬬᬩᬸᬤ᭄ᬥᬶ᭟ᬳᬫᭀᬗᬸᬕᬶᬩᬩᬯᭀᬲᬦ᭄ᬫᬶᬲᬸᬦ᭞ᬭᬾᬳᬶᬧᬦᬚᬢᬶ᭞ᬢᬦ᭄ᬫᬭᬶᬗᬯᬶᬦᬂ᭞ᬭᬶᬬᭂᬢ᭄ᬤᬶ
ᬓᬭᬗᬸᬫᬄ᭞ᬭᬶᬂᬤᬾᬰᬦᬕᬭᬫᬮᬶᬄ᭞ᬧᬢᬸᬢ᭄ᬓᬤᭀᬳᬂᬳᬦ᭄ᬢᬸᬓ᭄ᬲᬂᬲᬵᬢ᭄ᬬᬩᬸᬤ᭄ᬥᬶ᭟ᬤᬶᬧᬫᬸᬧᬸᬢ᭄ᬯᬗ᭄ᬤᬾᬗᬤᬸᬳᬶᬢᬃᬓ᭄ᬓ᭞ᬳᬧᬦ᭄ᬢ᭄ᬯᬭᬳᬲᬶᬂᬚᬢᬶ᭞ᬲᬮ᭄ᬯᬶᬃᬦᬾᬲᬫ᭄ᬩᬢᬂ
᭞ᬲᬸᬩᬲᬢ᭄ᬬᬓᬾᬳᬸᬘᬧ᭄᭞ᬓᬮᬶᬄᬫᬲᬶᬄᬢ᭄ᬯᬭᬚᬢᬶ᭞ᬳᬲᬶᬫᬢᬶᬮᬲ᭄᭞ᬲᬕᬾᬢ᭄ᬳᬤ᭄ᬯᬓᬤᬦᬶᬦ᭄᭟ᬚᬦᬶᬳᬤᬓᬳᬸᬘᬧ᭄‌‌ᬤ᭄ᬯᬢ᭄ᬬᬲᬢ᭄ᬬ᭞ᬬᬤ᭄ᬬᬲ᭄ᬢᬸᬦ᭄ᬮᬶᬜᭀ [ 18 ][᭑᭗ 17B]
᭑᭗
ᬓ᭄ᬳᬸᬕᬶ᭞ᬭᬯᭀᬲᬾᬧᭂᬲᬸᬳᬂ᭞ᬬᬦ᭄ᬫᬗ᭄ᬤᬾᬓᬭᬳᬬ᭄ᬯᬦ᭄᭞ᬓᬾᬦ᭄ᬲᬓᬜ᭄ᬘᬦ᭄‌‌ᬲᬃᬯ᭄ᬯᬫᬸᬭᬶᬧ᭄᭞ᬜᬦ᭄ᬤᬂᬚᬮᬦᬂ᭞ᬳᭂᬦ᭄ᬢᭀᬢ᭄ᬯᬄᬲᬢ᭄ᬬᬍᬯᬶᬄ᭟ᬳᬤᬲᬢ᭄ᬯᬤᬶ
ᬮᭀᬦ᭄ᬢᬃᬘᬢᬸᬃᬓᬭᬶᬧ᭄ᬢ᭞ᬲᬲᬸᬩᬦ᭄ᬲᬸᬳᬸᬤ᭄ᬤᬤᬶ᭞ᬧᬲ᭄ᬬᬢ᭄ᬲᬂᬧᬡ᭄ᬥᬯ᭞ᬫᬚᭃᬂᬓᬾᬦ᭄ᬲᬂᬓᭀᬭᬯ᭞ᬗ᭄ᬳᬶᬂᬲᬂᬤᬺᬱ᭄ᬝᬭᬲ᭄ᬢ᭄ᬭᬓᬭᬶ᭞ᬘ᭄ᬭᬶᬢᬬᬂᬳᬤ᭞ᬲᬂᬬᬸᬥᬶᬱ᭄ᬝᬶᬭᬚ
ᬦᬶ᭟ᬮᬶᬦ᭄ᬢᬂᬪᬓ᭄ᬢᬶᬜᬸᬂᬲᬸᬂᬧ᭄ᬭᬪᬸᬥᬺᬱ᭄ᬝᬭᬵᬱ᭄ᬢ᭄ᬭ᭞ᬳᬭᬶᬦ᭄ᬤᬭᬋᬫ᭄ᬗᬶᬭᬶᬂ᭞ᬧᬥᬪᬓ᭄ᬢᬶᬫᬢ᭄ᬯᬂ᭞ᬳᬗ᭄ᬳᬶᬂᬫᬗ᭄ᬕᭂᬄᬲᬂᬪᬷᬫ᭞ᬢᬦ᭄ᬫᬭᬶᬲᭂᬓᭂᬮᬶᬗᬢᬶ᭞ᬫᬾᬂᬩᬦ᭄ᬫᬩ᭄ᬯᬢ᭄᭞
ᬓᬤᬸᬄᬓᬶᬢᬳᬶᬦ᭄ᬭᬶᬳᬶᬦ᭄᭟ᬤᬾᬦᬶᬂᬦᬸᬮᬸᬲ᭄ᬓᬪᬓ᭄ᬢ᭄ᬬᬦ᭄ᬲᬂᬥᬃᬫ᭄ᬫᬧᬸᬢ᭄ᬭ᭞ᬓᬦ᭄ᬤᬸᬕᬶᬫᬗ᭄ᬤᬶᬓᬳᬶᬦ᭄᭞ᬲᬂᬘᬢᬸᬃᬧᬡ᭄ᬥᬯ᭞ᬓᭂᬦᬶᬲᬫ᭄ᬧᬸᬦᬂᬮᬗ᭄ᬕ᭄ᬬ᭞ᬩᬦ᭄ᬲᬮᬄ᭠

[᭑᭘ 18A]
᭑᭘
ᬳᬢᬸᬃᬳᬸᬢᬯᬶ᭞ᬲᬦᬾᬗᬯᬶᬦᬂ᭞ᬲᬂᬥᬺᬱ᭄ᬝᬭᬵᬱ᭄ᬝ᭄ᬭᬲᭂᬤᬶᬄ᭟ᬬᬦᬶᬂᬯᬾᬦ᭄ᬢᭂᬦ᭄ᬲᬮᬄᬯᬶᬚᬶᬗᬫᬃᬕ᭄ᬕᬶᬬᬂ᭞ᬲᭀᬮᬄᬳᬢᬸᬃᬮᬾᬦ᭄ᬩᬸᬯᬶᬦ᭄᭞ᬲᬦᬾᬫᬗᬯᬶᬦᬂ᭞ᬲᬸᬗ᭄ᬲᬸᬢ᭄ᬲᬂᬥᬺ
ᬱ᭄ᬝᬭᬵᬱ᭄ᬝ᭞ᬳᭂᬦ᭄ᬢᭀᬓᬲᬶᬦᬳᬂᬢᬸᬲᬶᬂ᭞ᬲᬫᭂᬢᭀᬦᬶᬤ᭞ᬳᬭᬶᬦ᭄ᬤᬧᬥᬗᬶᬭᬶᬂ᭟ᬭᬾᬄᬳᬓᬾᬢᭀᬪᬓ᭄ᬢᬶᬦᬶᬤᬧ᭄ᬭᬪᬸᬬᬸᬥᬶᬱ᭄ᬝᬶᬭ᭞ᬫᬯᬲ᭄ᬢᬸᬭᬭᬶᬲ᭄ᬚᬦᬶ᭞ᬲᬸᬗ᭄ᬲᬸᬢ᭄ᬧᬓ
ᬬᬸᬦᬦ᭄᭞ᬲᬂᬧ᭄ᬭᬪᬸᬥᬺᬱ᭄ᬝᬭᬵᬱ᭄ᬝ᭄ᬭ᭞ᬢᭀᬗᬯᬶᬦᬂᬧᬲᭂᬤᬶᬄ᭞ᬲᬂᬪᬷᬫᬲᬾᬦ᭞ᬫᬓᬓ᭄ᬭᭀᬥᬦᬶᬂᬳᬢᬶ᭟ᬳᬶᬮᬶᬓ᭄ᬧᬶᬲᬦ᭄ᬜᬶᬗᬓ᭄ᬧ᭄ᬭᬪᬸᬥᬺᬱ᭄ᬝᬭᬵᬱ᭄ᬝ᭄ᬭ᭞ᬫᬸᬧᭀᬦᬶᬦ᭄ᬲᬵᬃ
ᬯ᭄ᬯᬍᬯᬶᬄ᭞ᬲᬂᬪᬶᬫᬮᬳᬸᬢ᭄ᬫᬳᬦ᭄᭞ᬓᬵᬮᬤᬾᬰᬫᭂᬮᬄ᭞ᬫᬦᭂᬲᭂᬓ᭄ᬲᬂᬧ᭄ᬭᬪᬸᬮᬶᬗ᭄ᬲᬶᬃ᭞ᬕᬮᬓ᭄ᬜᬫ᭄ᬩᬢᬂ᭞ᬩᬸᬢᬓᬢᭂᬓᬾᬗᬢᬶ᭟ᬓᬧᬶᬲᭂᬋᬂᬩᬦ᭄ᬲᬂ [ 19 ][᭑᭘ 18B]
᭑᭘
ᬪᬶᬫᬫᬗ᭄ᬤᬩᬸᬤᬮ᭄᭞ᬲᬂᬥᬺᬱ᭄ᬝᬭᬵᬱ᭄ᬝ᭄ᬭᬕᭂᬮᬶᬲ᭄᭞ᬬᬦ᭄ᬢᬦ᭄ᬓᬾᬢᭀᬧᭂᬤᬲ᭄᭞ᬧᬘᬂ᭞ᬗᭂᬫᬲᬶᬦ᭄ᬭᬸᬲᬓ᭄᭞ᬩᬦ᭄ᬲᬂᬪᬷᬫᬓᬮᬫᬹᬃᬢ᭄ᬢᬶ᭞ᬲᬂᬥᬺᬱ᭄ᬝᬭᬵᬱ᭄ᬝ᭄ᬭ᭞ᬕᭂᬮᬶᬲ᭄ᬳᬶᬤᬜᬳᬸᬭᬶᬦ᭄᭟ᬫ
ᬗ᭄ᬤᬦᬶᬤᬳᬾᬗ᭄ᬕᬮ᭄ᬧᬘᬂᬩᬸᬤᬮ᭄᭞ᬳᭂᬦᭂᬂᬘ᭄ᬭᬶᬢᬬᬂᬚᬦᬶ᭞ᬧ᭄ᬭᬪᬸᬥᬺᬱ᭄ᬝᬭᬱ᭄ᬝ᭄ᬭ᭞ᬗᬦ᭄ᬤᬶᬓᬳᬮᬸᬲ᭄ᬩᬦ᭄ᬩᬦ᭄᭞ᬓᬾᬦ᭄ᬲᬂᬬᬸᬥᬶᬱ᭄ᬝᬶᬭᬚᬦᬶ᭞ᬳᬶᬤᬗᬃᬱᬬᬂ᭞ᬧᬘᬂᬩᬸᬤᬮ᭄ᬫᬧᬫᬶ
ᬢ᭄᭟ᬫᬧᬶᬤᬩ᭄ᬤᬩ᭄ᬳᬶᬤᬗᬦ᭄ᬤᬶᬓᬬᬂᬭᬕ᭞ᬳᬦ᭄ᬢᬸᬓᬾᬲᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬧᬢᬸᬢ᭄ᬗᬸᬗ᭄ᬲᬶᬳᬮᬲ᭄᭞ᬫᬗ᭄ᬭᬗ᭄ᬲᬸᬓᬂᬢᬧᬲ᭞ᬲᬶᬤ᭄ᬥᬤᬤᬶᬭᬵᬚᬋᬱᬶ᭞ᬓᬾᬢᭀᬧᬗᬦ᭄ᬤᬶ
ᬓᬦ᭄᭞ᬳᬶᬤᬦᬾᬓᬯᭂᬮᬲᬲᬶᬄ᭟ᬩᬸᬓᬓᭂᬢᬸᬲ᭄ᬓᬬᬸᬦ᭄ᬧ᭄ᬭᬪᬸᬥᬃᬫ᭄ᬫᬧᬸᬢ᭄ᬭᬵ᭞ᬜᭂᬲᭂᬄᬫᬳᬢᬸᬃᬳᬭᬶᬲ᭄᭞ᬧᬶᬮᬶᬓᬧᭀᬳᬤ᭞ᬳᬭᬶᬦ᭄ᬤᬲᬮᬄᬢᬸᬗ᭄ᬕᬮ᭄᭞ᬗ

[᭑᭙ 19A]
᭑᭙
ᬢᬸᬭᬂᬲᬸᬲ᭄ᬓᬾᬂᬋᬤᬶ᭞ᬲᬂᬥᬺᬱ᭄ᬝᬭᬵᬱ᭄ᬝ᭄ᬭ᭞ᬧᬕᭂᬄᬗᬸᬩ᭄ᬤᬬᬕᬢᬶ᭟ᬲᬂᬪᬷᬫᬦᬸᬦ᭄ᬤᬸᬂᬳᬶᬤᬫᬗ᭄ᬤᬩᬸᬤᬮ᭄᭞ᬧᬫᬸᬧᬸᬢ᭄ᬧᬥᬭᬤᬶᬦ᭄᭞ᬳᬶᬤᬓᬳᬢᬸᬭᬦ᭄᭞ᬮᬸᬗ᭄ᬳᬫᬗᬸᬗ᭄ᬲᬶ
ᬳᬮᬲ᭄᭞ᬲᬂᬧᬵᬡ᭄ᬥᬯᬫᬲᬶᬄᬭᬤᬶᬦ᭄᭞ᬢᭀᬓ᭄ᬭᬡᬲᬢ᭄ᬬ᭞ᬓᭀᬘᬧ᭄ᬲᬂᬧ᭄ᬭᬪᬸᬮᬶᬗ᭄ᬲᬶᬃ᭟ᬢᭂᬕᭂᬲ᭄ᬜᬦᬾᬫᬗ᭄ᬤᬓᬸᬫᬸᬃᬩᬦ᭄ᬦᬭᬶᬫ᭞ᬤᬩᬦᬶᬫᬗᭂᬗ᭄ᬓᭂᬩᬶ
ᬦ᭄᭞ᬲᬮ᭄ᬯᬶᬃᬦᬾᬫᬗ᭄ᬭᬸᬲᬓ᭄᭞ᬫᬚᭂᬂᬭᬶᬂᬧᬫᬭᬾᬦ᭄ᬢᬄ᭞ᬫᬓᬵᬤᬶᬭᬶᬂᬲᬂᬳ᭄ᬬᬂᬯᬶᬥᬶ᭞ᬗᬯᬸᬕ᭄ᬧᬃᬬ᭄ᬬᬗᬦ᭄᭞ᬮᬾᬦ᭄ᬗ᭄ᬭᬸᬲᬓ᭄ᬲᬃᬯ᭄ᬯᬳᬸᬭᬶᬧ᭄᭟ᬫᬸᬮᬧᬕᭂᬄᬳᬸᬘᬧ᭄ᬲᬂᬲ
ᬢ᭄ᬬᬥᬃᬫ᭄ᬫ᭞ᬲᬢ᭄ᬬᬢᭂᬓᬾᬦ᭄ᬲᬂᬳ᭄ᬬᬂᬯᬶᬥᬶ᭞ᬲᬢ᭄ᬬᬢᭂᬓᬾᬦ᭄ᬲᬂᬫ᭄ᬭᬶᬦ᭄ᬢᬄ᭞ᬲᬢ᭄ᬬᬢᭂᬓᬾᬦ᭄ᬓᬯᬶᬢᬦ᭄᭞ᬲᬢ᭄ᬬᬢᭂᬓᬾᬦ᭄ᬭᬕᬢᬸᬯᬶ᭞ᬲᬢ᭄ᬬᬓᬾᬦᬸᬚᬃ᭞ᬲᬢ᭄ᬬ [ 20 ][᭑᭙ 19B]
᭑᭙
ᬓᬾᬦ᭄ᬲᬃᬯ᭄ᬯᬫᬸᬭᬶᬧ᭄᭟ᬬᬦᬶᬂᬲᬶᬤ᭄ᬥᬫᬪᬸᬱᬡᬩᬸᬤ᭄ᬥᬶᬲᬢ᭄ᬬ᭞ᬕᬸᬫᬶᬦᬾᬍᬯᬶᬄᬋᬱ᭄ᬝᬶ᭞ᬧᬧᭂᬢᭂᬗᬾᬳᬶᬮᬂ᭞ᬳᬭᬳᬭᬳᬾᬢᬶᬗ᭄ᬕᬃ᭞ᬓᬲᬸᬮᬸᬄᬳᬚ᭄ᬜᬦᬲᬶᬤ᭄ᬥᬶ᭞ᬕ
ᬮᬗᬧᬤᬂ᭞ᬦᭂᬫ᭄ᬩᬸᬲ᭄ᬓᬚ᭄ᬭᭀᬦᬶᬗᬢᬶ᭟ᬤᬶᬧᬶᬂᬳᭂᬫ᭄ᬧᬢ᭄ᬳᬤᬢᭀᬤᬫᬓᬳᬸ᭠ᬘᬧ᭄᭞ᬮᬶᬯᬢ᭄ᬫᭀᬢ᭄ᬢᬫᬚᬢᬶ᭞ᬦᬾᬫᬳᬤᬦ᭄ᬤᬫ᭞ᬓᬬᬸᬦᬾᬲᬳᬶᬢᬢᬲ᭄᭞ᬫ
ᬗᬾᬦ᭄ᬢᭂᬃᬩᬶᬱᬫᬓᬾᬮᬶᬂ᭞ᬭᬕᬗᬭᬕ᭞ᬩ᭄ᬯᬢ᭄ᬧᬫᬃᬕ᭄ᬕᬶᬦᬾᬩᭂᬘᬶᬓ᭄᭟ᬦᬵᬗ᭄ᬳᬶᬂᬳᬸᬕᬶᬧᬢᬸᬢ᭄ᬤᬲᬭᬶᬦ᭄ᬓᭀᬢ᭄ᬲᬳᬦ᭄᭞ᬩᬦ᭄ᬫᬮᬚᬄᬲᬳᬶᬲᬳᬶ᭞ᬫᬮᬚᬳᬶᬦ᭄ᬰᬵᬲ᭄ᬢ᭄ᬭ᭞ᬲ
ᬫᬗ᭄ᬤᬾᬧᬰ᭄ᬘᬢ᭄ᬦᬯᬂ᭞ᬓᬾᬦ᭄ᬦᬾᬫᬤᬦ᭄ᬩᭂᬦᭂᬄᬧᭂᬮᬶᬄ᭞ᬫᬦᬸᬢ᭄ᬳᬕᬫ᭞ᬦᬕᬭᬳᬤᬢ᭄ᬕᬸᬫᬶ᭟᭜᭟ᬇᬢᬶᬕᬕᬸᬭᬶᬢᬦ᭄ᬥᬃᬫ᭄ᬫᬓᭂᬃᬢ᭄ᬢᬶ᭟᭜᭟ᬩᬩᭀᬦ᭄ᬮᭀᬦ᭄ᬢᬃᬧᬸᬦᬶᬓᬶ

[᭒᭐ 20A]
᭒᭐
ᬤᬺᬯᬾᬦ᭄᭞ᬚ᭄ᬭᭀᬫᬗ᭄ᬓᬸᬓᭂᬢᭂᬕ᭄᭞ᬩᬜ᭄ᬚᬃᬕᬮᬶᬭᬦ᭄᭞ᬓᬮᬸᬭᬳᬦ᭄ᬲᬸᬩᬕᬦ᭄᭞ᬓᬘᬫᬢᬦ᭄ᬤᬦ᭄ᬓᬩᬸᬧᬢᬾᬦ᭄‌‌ᬓᬭᬗᬲᭂᬫ᭄᭟᭜᭟ᬧᬸᬧᬸᬢ᭄ᬲᬶᬦᬸᬭᬢ᭄ᬫᬦᭂᬥᬸᬦ᭄ᬭᬶᬂᬤᬶᬦ᭞ᬰ
ᬓ᭞ᬯᬭᬉᬬᬾ᭞ᬢᬶᬢᬶ᭞ᬢᬂ᭞ᬧᬶᬂ᭞᭑᭞ᬰᬰᬶᬄᬓᬦᭂᬫ᭄᭞ᬭᬄ᭞ᬢᭂᬂ᭞᭒᭞ᬇᬰᬓ᭞᭑᭙᭒᭓᭟ᬢᬗ᭄ᬕᬮ᭄ᬫᬰᬾᬳᬶ᭞᭑᭕᭞ᬤᬾᬲᬾᬫ᭄ᬩᭂᬃ᭞᭒᭐᭐᭑᭟ᬲᬶᬦᬸᬭᬢ᭄ᬤᬾᬲᬗᬧᬦ᭄ᬮᬄ᭞ᬳᬶ
ᬓ᭄ᬢᬸᬢ᭄ᬲᭂᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕ᭞ᬓᬘᬫᬢᬦ᭄ᬳᬩᬂ᭞ᬓᬭᬗᬲᭂᬫ᭄᭟ᬗ᭄ᬳᬶᬂᬓ᭄ᬱᬫᬓ᭄ᬦᬯᬶᬭᬹᬧᬦᬶᬂᬅᬓ᭄ᬱᬭ᭞ᬢᬸᬦᬍᬯᬶᬄ᭟᭜᭟