Ban/Gaguritan Dreman 02

Deskripsi

Bahasa Indonesia

Geguritan Dreman menceritakan tentang kehidupan I Jati Raga yang mempunyai dua orang istri. Istri Pertama bernama I Swanggadarmi yang sifatnya baik dan istri kedua bernama I Wijasantun yang sifatnya buruk. Pada saat mereka sudah meninggal, roh I Jati Raga dan I Wijasantun masuk ke neraka, sedangkan roh I Swanggadarmi masuk sorga. Namun Roh I Swanggadarmi ingin bersama roh suaminya di neraka. Melihat hal tersebut, akhirnya Roh I Jati Raga diijinkan untuk tinggal bersama istrinya di Surga, sedangkan I Wijasantun tetap disiksa di neraka sesuai perbuatannya selama hidup.

Naskah

[ 1 ][PERPUSTAKAAN
KTR. DOKBUD BALI
PROP. BALI
G/VI/3/DOKBUD
Judul : GAGURITAN DREMAN
Pj. 30cm. Lb. 3,5 cm. Jl. 12 lb.
Asal : Puri Gobraja, Singaraja.]
[᭑ 1A]
[Judul : GAGURITAN DREMAN
Pj. 30cm. Lb. 3,5 cm. Jl. 12 lb.
Asal : Puri Gobraja, Singaraja.] [ 2 ][᭑ 1B]
᭑
᭚ᬧᬸᬧᬸᬄᬳᬤ᭄ᬭᬶ᭟ᬳᬤᬓᬶᬤᬸᬂᬚᬦᬶᬩᬯᬸᬓᬧᬸᬲ᭄᭞ᬤᬶᬦᬦ᭄ᬜᬦᬾᬓᬕᬯᬾ᭞ᬭᬶᬂᬰᬸᬓ᭄ᬭᬧᭀᬦ᭄ᬓᬸᬯᬦ᭄ᬢᬶᬮ᭄᭞ᬯᬳᬸᬧᬗ᭄ᬮᭀᬂᬧᬶᬂᬧᬶᬢᬸ᭞ᬲᬗ᭄ᬓᬦ᭄ᬜᬫᬸᬗ᭄ᬕᬸᬄᬭᬶᬂᬓᬶᬤᬸᬂᬢᬶᬗ᭄ᬓᬳᬾᬤᬤᬶᬚᬮ᭄ᬫ᭞ᬮᬶ
ᬗᬶᬂᬰᬲ᭄ᬢ᭄ᬭᬫᬾᬚ᭄ᬯᬳᬸᬭᬸᬢ᭄᭞ᬤᬮᬮᬶᬢ᭄ᬓᬾᬢᬸᬢᬸᬭᬦ᭄᭞ᬢᬶᬗ᭄ᬓᬳᬾᬧᬧᬳᬸᬫᬳᬦ᭄᭟ᬮᬸᬄᬫ᭄ᬯᬦᬾᬳᬧᬂᬧᬤᬢᬳᬸ᭞ᬲᬩᬶᬓᬲ᭄ᬳᬯᬓᬾᬫᬧᬳᬸᬫᬳᬦ᭄ᬧᬤᬚᬦᬶ᭞ᬤ
ᬫᬗᬶᬮᬗᬂᬢᬸᬢᬸᬃ᭞ᬳᬲ᭄ᬢᬶᬢᬶᬳᬦᬓᬾᬳ᭄ᬮᬸᬄ᭞ᬓᬤᬺᬳᭀᬯᬦ᭄ᬩᬳᬦ᭄‌ᬲᭀᬫᬳᬳᬧᬂᬩᬶᬲᬗᬦᬸᬲ᭄ᬫᬸ᭞ᬫᬗᬸᬮᬦᬶᬦ᭄ᬳᬧᬂᬫ᭄ᬮᬄ᭞ᬫᬗᬧ᭄‌ᬚ᭄ᬯᬢ᭄ᬓᬾᬦᬶᬂᬲᭀᬫᬄ᭟ᬫᬸᬜᬶᬦᬾᬳ
ᬧᬂᬳᬲ᭄ᬢᬶᬢᬶᬳᬮᬸᬲ᭄᭞ᬪᬓ᭄ᬢᬶᬭᬶᬂᬲᭀᬫᬳᬾ᭞ᬓᭀᬘᬧᬦ᭄ᬜᬕᬸᬭᬸᬮᬓᬶ᭞ᬢᬦ᭄ᬯᭂᬦᬂᬳᬦᬓᬾᬳ᭄ᬮᬸᬄ᭞ᬮᬗ᭄ᬕᬦᬢ᭄ᬓᬾᬦᬶᬂᬓᬓᬸᬂ᭞ᬳᬕᬸᬂᬋᬓᭀᬤᬦ᭄ᬤᬦ᭄ᬜᬦᬾ᭞ᬳᬦᬦᬾᬮᬸᬄᬢᬦ᭄ᬧ
[᭒ 2B]
ᬗᬶᬢᬸᬂ᭞ᬮᬗ᭄ᬕᬦᬢ᭄ᬓᬾᬦᬶᬂᬲᭀᬫᬄ᭞ᬓᬲᬓᬶᬢᬦ᭄ᬤᬶᬓᬤᬶᬢ᭄ᬯᬦ᭄᭟ᬬᬦ᭄ᬢᬶᬢ᭄ᬬᬂᬚᬦᬶᬩ᭄ᬯᬶᬦ᭄ᬩᬾᬲᬸᬓ᭄᭞ᬤᬦ᭄ᬩ᭄ᬕᬶᬢᬸᬂᬧᬢᬶᬦᬾ᭞ᬳᬧᬲᬶᬄᬩ᭄ᬯᬶᬦ᭄ᬭᬲᬦᬶᬦ᭄᭞ᬤᬲ᭄ᬫᬤᬳᬶᬩᬸᬓ᭄᭞ᬫᬸᬂᬧᬸᬂᬲᬓᬮ
ᬦᬾᬳᬶᬤᬸᬧ᭄᭞ᬩᬓᬮ᭄ᬳᬧᬚ᭄ᬯᬳᬸᬢᬸᬭᬸᬫᬦᬶᬧ᭄ᬯᬦᬾᬜᬾᬦ᭄‌ᬢ᭄ᬯᬄᬢᬳᬸ᭞ᬲᭀᬫᬳᬾᬲᬩᬳᬦ᭄ᬩᬳᬦ᭄᭞ᬫᬗᬸᬗ᭄ᬲᬶᬢ᭄ᬯᬄᬳᬦ᭄ᬬᬦ᭄᭟ᬳᭂᬦ᭄ᬢᭀᬧᬗ᭄ᬭᬲᬦ᭄ᬳᬦᬓ᭄ᬢᬮᬶ
ᬗᬸᬲ᭄᭞ᬦᬄᬲᬸᬩᬍᬦ᭄ᬩᬾᬓᭂᬤ᭄᭞ᬢᬦᬶᬫᬗᬶᬢᬸᬂᬓᬯᬸᬭᬶ᭞ᬳᭂᬦ᭄ᬢᭀᬤᬦ᭄ᬩᬶᬦ᭄ᬫᬦᬶᬭᬸ᭞ᬧᬗ᭄ᬭᬲᬦᬾᬤᬤᬶᬮᬸᬄ᭞ᬤᭀᬂᬲᬳᬶᬗᬂᬓᬾᬳᬯᬓᬾ᭞ᬩ᭄ᬯᬶᬦ᭄ᬳᬩᬮᬶᬓᬦ᭄‌ᬬᬾᬦ᭄ᬢᬸᬫ᭄ᬩᬸᬄ᭞ᬧ᭄ᬭ
ᬓᭀᬲᬬᬦ᭄ᬤᬤᬶᬚᬮ᭄ᬫ᭞ᬳᬶᬲ᭄ᬢ᭄ᬭᬶᬮᭀᬩᬳᬤᬦᬶᬦ᭄ᬜ᭟ᬳᬶᬲ᭄ᬢ᭄ᬭᬶᬳᬸᬢᬫᬦᬾᬲ᭄ᬥᭂᬂᬢᬶᬭᬸ᭞ᬳᬲ᭄ᬢᬶᬢᬶᬪᬓ᭄ᬢᬶᬦᬾ᭞ᬲᬸᬓ᭄ᬱ᭄ᬫᬬᬚ᭄ᬭᭀᬦᬶᬂᬳᬢᬶ᭞ᬲ᭄ᬫᬶᬢᬳᬧᬗᬳᬮᬸᬲ᭄᭞ᬫᬗᬸᬮᬦᬶᬦ᭄ᬳᬦᬓ᭄ᬓ [ 3 ][᭒ 2B]
᭒
ᬓᬸᬂ᭞ᬢᬶᬤᭀᬂᬳᬩ᭄ᬤᬓᬾᬦ᭄ᬚ᭞ᬓᬲᬸᬓᬦᬾᬧᬫᬸᬧᬸᬢ᭄ᬦᬶ᭞ᬢᭂᬫ᭄ᬩ᭄ᬭᬾᬩ᭄ᬯᬶᬦ᭄ᬳᬩᬮᬶᬓᬦ᭄᭞ᬢᬸᬫ᭄ᬩᬸᬄᬳᬧᬂᬫᬲᬶᬄᬤᬺᬫᬦ᭄᭟ᬳᬧᬂᬧᬤᬩᬦ᭄ᬗᬸᬤᬸᬲ᭄ᬫᬸ᭞ᬚᬯᬢ᭄ᬫᭂᬮᬄᬚ᭄ᬮᬾ᭞ᬚᬯ
ᬢ᭄‌ᬤᬺᬫᬦ᭄ᬚᬯᬢ᭄ᬓᬫ᭄ᬧᬶᬄ᭞ᬤᬲ᭄ᬫᬂᬳᬶᬩᬸᬓ᭄᭞ᬳᬧᬂᬧᬕᭂᬄᬗᬤᬸᬄᬲ᭄ᬫᬸ᭞ᬧᬤᬬᬂᬫ᭄ᬮᬄᬚ᭄ᬮᬾᬦᬾ᭞ᬚᬯᬢ᭄ᬢᬫ᭄ᬧᭀᬭᬢ᭄ᬤᬳᬶᬩᬸᬓ᭄᭞ᬳᬶᬤ᭄ᬧᬂᬳᬯᬓᬾᬤᬺᬫᬦ᭄᭞ᬤᬫᬭᭀᬲᬶᬄ
ᬢ᭄ᬓᬾᬦ᭄ᬲᭀᬫᬄ᭟ᬳᬧᬂᬢᬸᬳᬸᬪᬓ᭄ᬢᬶᬢ᭄ᬓᬾᬦ᭄ᬓᬓᬸᬂ᭞ᬳᬲ᭄ᬢ᭄ᬬᬂᬲᭀᬫᬳᬾ᭞ᬚ᭄ᬮᬾᬦᬾᬤᬫᬗᬸᬕᭀᬦᬶᬦ᭄᭞ᬤᬩ᭄ᬭᬂᬢᬶᬤᬚ᭄ᬯᬳᬶᬩᬸᬓ᭄᭞ᬧᭂᬲᬸᬦ᭄ᬫᬸᬜᬶᬦᬾᬤᬲᬳᬸᬤ᭄᭞ᬳᬸᬢᬫ
ᬬᬂᬚ᭄ᬯᬲᭀᬫᬳᬾ᭞ᬲᬗ᭄ᬓᬦ᭄ᬫᬦᬸᬮᬳᬶᬦ᭄ᬢᬸᬯᬸᬄ᭞ᬳᬤᬋᬓᭀᬢᬸᬢᬸᬭᬦ᭄ᬬ᭞ᬳᬦᬓ᭄ᬫᬧᬸᬫᬳᬦ᭄ᬤᬤ᭄ᬯᬫᬤᬦ᭄ᬳᬶᬚᬢᬶᬭᬕᬦᬾᬓᬓᬸᬂ᭞ᬓᬯᬶᬧ᭄ᬭᬚ᭄ᬜ᭄ᬬᬦ᭄‌ᬋᬓᭀ᭞ᬳᬸᬮᬄᬲᬥᬸᬓᬺ
[᭓ 3A]
ᬢᬩᬸᬤ᭄ᬥᬶ᭞ᬲᬲᬶᬸᬢᬢᬗᬶᬲ᭄ᬢᬸᬳᬬᬸ᭞ᬲᭀᬫᬳᬾᬦᬾᬦᬾᬤᬶᬧᬸᬗ᭄ᬓᬸᬃ᭞ᬲᬬᬂᬩᬗ᭄ᬓᬶᬢ᭄᭞ᬤᬺᬫᬦ᭄ᬳᬾᬯᬾᬃ᭞ᬩᬗ᭄ᬕᬫᬹᬃᬓ᭄ᬓᬓᭂᬫ᭄ᬩᬸᬂᬫᬸᬮᬸᬓ᭄᭞ᬮᬕᬸᬢᬾᬩᬗ᭄ᬓ᭄ᬓᬶᬢ᭄ᬳᬾᬫᬦ᭄᭞ᬲᭀᬫᬳᬾᬲ
ᬩᬳᬦ᭄ᬩᬳᬦ᭄᭟ᬦᬾᬧᬮᬶᬂᬯᬬᬄᬪᬓ᭄ᬢᬶᬲᬢᬸᬯᬸᬓ᭄᭞ᬢᬦ᭄ᬧᭀᬭᬣᬯᬓᬾ᭞ᬳᬶᬥᭂᬧᬂᬢ᭄ᬯᬄᬩᬗ᭄ᬓᬶᬢ᭄᭞ᬢᬦ᭄ᬮᬮᬶᬢ᭄ᬓᬾᬦᬶᬂᬢᬸᬢᬸᬃ᭞ᬳᬲ᭄ᬢᬶᬢᬶᬪᬓ᭄ᬢᬶᬲᬢᬸᬯᬸᬓ᭄᭞ᬲᬸ
ᬓ᭄ᬱ᭄ᬫᬬᬂᬫᬲᬶᬄᬲᭀᬫᬳᬾ᭞ᬤᬶᬳᬢᬶᬲᬳᬶᬫᬕᬦ᭄ᬢᬸᬂᬬᬦ᭄ᬪᬬᬲᬢᬶᬩᬧᬭ᭞ᬲᭀᬫᬳᬾᬢᬶᬢ᭄ᬬᬂᬚᬸᬫᬄ᭟ᬧᬗᬶᬲ᭄ᬢᬶᬦᬾᬚᬸᬫᬄᬤᬾᬯᬭᬢᬸ᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾ᭞ᬲᬶᬂ
ᬤᬓᬸᬓᬶᬸᬤᬤᬦᬾᬤᬶᬫᬃᬕ᭄ᬕᬶ᭞ᬲᭀᬫᬄᬢᬶᬢ᭄ᬬᬗᬾᬭᬢᬸ᭞ᬤᬸᬫᬤᬓ᭄ᬳᬫᬗ᭄ᬕᬶᬄᬳᬬᬸ᭞ᬬᬾᬦ᭄ᬢᭂᬓᬚᬸᬫᬄᬲᭀᬫᬳᬾ᭞ᬫᬫ᭄ᬩᬲᭂᬳᬶᬦ᭄ᬩᬢᬶᬲ᭄ᬳᬶᬚᬸ᭞ᬫᬜᬸᬢ᭄ᬲᬸᬢᬶᬦ᭄ᬩᬳᬦ᭄ᬭᭀ [ 4 ][᭓ 3B]
᭓
ᬫ᭞ᬫᬲᬶᬄᬚ᭄ᬯᬢᬦ᭄ᬲᬄᬫᬜᬸᬫ᭄ᬩᬄ᭟ᬦᬾᬤᬺᬦᬩ᭄ᬦᬩ᭄ᬕ᭄ᬓᬶᬦ᭄ᬦᭂᬕᬓ᭄ᬫᬢᬶᬫ᭄ᬧᬸᬄ᭞ᬫᭂᬜ᭄ᬘᭂᬕ᭄ᬤᬶᬩᬮᬾᬦᬾ᭞ᬧᬲᬓᬶᬢ᭄ᬲᬓᬶᬢ᭄ᬤᬶᬳᬢᬶ᭞ᬫᬸᬜᬶᬦᬾᬳᭂᬫ᭄ᬧᬸᬓ᭄ᬳᭂᬫ᭄ᬧᬸᬓ᭄᭞ᬫᬭᬤᭀᬓ᭄ᬤᭀᬓ᭄ᬍᬫᬸᬄ
ᬫᬸᬮᬸᬓ᭄᭞ᬮᬕᬸᬢᬾᬤᬺᬫᬦ᭄᭞ᬤᭀᬂᬳᬶᬮᬾ᭞ᬫᬗᬚᬸᬫ᭄ᬳᬯᬓᬾᬫᬫ᭄ᬧᬸᬄ᭞ᬩᬶᬲᬫᬗᬸᬮᬦᬶᬦ᭄ᬲᭀᬫᬄ᭞ᬫᬤᬸᬦᬾᬲᬳᬶᬳᭀᬮᬾᬬᬂ᭟ᬮᬕᬸᬢ᭄ᬦᬾᬢᬦ᭄ᬧᭀᬭᬢ᭄ᬢᬦ᭄ᬫ
ᬫ᭄ᬧᬸᬄ᭞ᬲᬳᬶᬳᬗ᭄ᬕᭀᬦ᭄ᬕᬳᬾ᭞ᬲᬢᬢᬘᬭᬘᬭᬳᬶᬦ᭄᭞ᬫᬤᬸᬦᬾᬢ᭄ᬯᬭᬓᬸᬤᬸ᭞ᬫᬲᬶᬄᬫᬲᬤᬦᬧᬢᬸᬢ᭄᭞ᬧᬓ᭄ᬦᭂᬳᬦᬾᬤᬤᬶᬳᬢᬶᬦᬾ᭞ᬲᬸᬩᬦᬳᭂᬦ᭄ᬳᬯᬓ᭄ᬮᬘᬸᬃ᭞
ᬢᬸᬫ᭄ᬩᬄᬫᬤᬤᬶᬚᬮ᭄ᬫ᭞ᬲᬗ᭄ᬓᬦ᭄ᬓᬾᬦ᭄ᬓᬾᬦᬾᬢ᭄ᬫᬳᬦ᭄ᬜ᭟ᬓ᭄ᬯᬂᬧᬓᬶᬃᬣᬶᬓᬢᭀᬦ᭄ᬦᬾᬳ᭄ᬮᬸᬄ᭞ᬲᬗ᭄ᬓᬦ᭄ᬩᬸᬓ᭞ᬳᬶᬬᬚᬩ᭄ᬯᬶᬦ᭄ᬭᬲᬦᬶᬦ᭄᭞ᬳᬧᬚ᭄ᬯᬮ᭄ᬬᬸᬮ᭄ᬬᬸ᭞ᬧᬗ᭄ᬭᬲᬦ᭄ᬳᬯᬓᬾᬳ᭄ᬮᬸᬄ᭞ᬚᬦᬶ
[᭔ 4A]
ᬲᭀᬓ᭄ᬳᬩ᭄ᬲᬶᬓ᭄ᬩᭂᬓᬾᬦ᭄᭞ᬲᭀᬓ᭄ᬚᬢᬶᬢ᭄ᬓᬾᬦᬶᬂᬢᬸᬳᬸ᭞ᬤᬫᬭᭀᬲᬶᬄᬢ᭄ᬓᬾᬦᬶᬂᬲᭀᬫᬄ᭞ᬳᬶᬲ᭄ᬢ᭄ᬭᬶᬓᬯᬯᬳᬤᬦ᭄ᬜ᭟ᬳᬯᬓ᭄ᬮᬸᬄ᭞ᬲᬶᬂᬤᬬᬫᬗ᭄ᬭᬾᬄ᭞ᬮᬫᬸᬦ᭄ᬩᬜᬢᬸᬗ᭄ᬕᬸ
ᬦ᭄ᬤᬤᬶ᭞ᬍᬯᬶᬄᬜᬳᬯᬓ᭄ᬫᬫᬤᬸ᭞ᬢ᭄ᬯᬄᬫᬗᬤᬸᬳᬕᭂᬢ᭄ᬮᬘᬸᬃ᭞ᬲᬶᬂᬤᬺᬫᬦ᭄ᬚᬮᬦ᭄ᬓᬲᬾᬭᬾᬄ᭞ᬚᬦᬶᬳᬯᬓ᭄ᬗᭂᬦᬄᬮᬘᬸᬃ᭞ᬲᭀᬓ᭄ᬢᬸᬳᬸᬩᬾᬓᬾᬦ᭄‌ᬕ᭄ᬮᬳᬂᬦ᭄ᬢᭀᬩᬾᬦ᭄ᬤᬫᬗᬶ
ᬮᬬᬂ᭞ᬬᬾᬦ᭄ᬧᬂᬧᬂᬢ᭄ᬓᬾᬦ᭄ᬲᭀᬫᬄᬧᬗ᭄ᬭᬸᬭᬸᬂ᭞ᬕ᭄ᬤᬾᬦᬭᬓᬦᬾ᭞ᬳᬧᬦ᭄ᬲᬶᬫᬕᬸᬭᬸᬮᬓᬶ᭞ᬳᬓᬸᬤᬲᬦ᭄ᬤᬂᬲᬮᬸᬓ᭄᭞ᬳᬫ᭄ᬩᬸᬮ᭄ᬦᬾᬢ᭄ᬯᬄᬲᬸᬩᬮ᭄ᬬᬸ᭞ᬲᬧᬦ᭄ᬲᬶᬄᬳᬯᬓ᭄ᬓᬸᬲᬾ
ᬭᬾᬄ᭞ᬓᬸᬫᬕᬸᬲ᭄ᬢᬶᬲᬢ᭄ᬢᭂᬓᬾᬦ᭄ᬫᬤᬸ᭞ᬤᬫᬫᬶᬯᬮ᭄ᬲᬫᬸᬜᬶᬦ᭄ᬜ᭞ᬳᬦᬓ᭄ᬫᬗᬶᬗ᭄ᬕᬶᬮᬂᬳᬯᬓ᭄᭟ᬓᬲ᭄ᬯᬾᬦ᭄‌ᬲ᭄ᬯᬾᬦ᭄ᬚᬦᬶᬫᬫᬤᬸ᭞ᬢ᭄ᬯᬄᬓᬧᬜ᭄ᬚᬓ᭄ᬢᬸᬮᬾᬦ᭄᭞ᬦᬾᬢᬦ᭄ᬧᭀᬭ [ 5 ][᭔ 4B]
᭔
ᬢ᭄ᬓᬸᬫᬕᬸᬲ᭄ᬢᬶ᭞ᬢᬦ᭄ᬫᬗᬶᬮᬗᬂᬢᬸᬢᬸᬃ᭞ᬢᬸᬳᬸᬪᬓ᭄ᬢᬶᬢ᭄ᬓᬾᬦ᭄ᬓᬓᬸᬂ᭞ᬢᬸᬗ᭄ᬕᬮ᭄‌ᬮ᭄ᬯᬲ᭄‌ᬢᭀᬲᭀᬫᬳᬾ᭞ᬫᬗᬶᬲ᭄ᬢ᭄ᬬᬂᬫᬗ᭄ᬕᬶᬄᬳᬬᬸ᭞ᬤᬶᬢ᭄ᬓᬦ᭄ᬲᭀᬫᬳᬾᬚᬸᬫᬄ᭞ᬫᬜᬕ᭄ᬚᬕ᭄‌ᬜᬾᬗ᭄ᬓᭀ
ᬓ᭄ᬫᬜᬸᬫ᭄ᬩᬄ᭟ᬮᬯᬸᬢ᭄ᬫᬫ᭄ᬩᬲᭂᬳᬶᬦ᭄ᬩᬢᬶᬲ᭄ᬳᬶᬚᬸ᭞ᬜᬸᬢ᭄ᬲᬸᬢ᭄ᬩᬳᬦ᭄ᬳᬦ᭄ᬢᭂᬗᬾᬳᬸᬲᬦ᭄ᬬᬮᬦ᭄ᬢᬲ᭄ᬫᬧᬫᬶᬢ᭄᭞ᬲᬲᬸᬓᬤᬸᬄᬓᬦᬾᬓᬓᬸᬂ᭞ᬳ᭄ᬬᬢ᭄ᬯᬄᬪᬓ᭄ᬢᬶᬲᬢᬸᬳᬸᬓ᭄᭞ᬦᭂᬤᬺ
ᬫᬦ᭄ᬢᬦ᭄ᬳᬶᬤᭀᬂᬳᬶᬮᬾ᭞ᬗᬚᬸᬫ᭄ᬳᬯᬓ᭄ᬲᬸᬫ᭄ᬩᬸᬂᬲᬸᬫ᭄ᬩᬸᬂ᭞ᬢ᭄ᬯᬭᬤᬾᬯᬾᬓ᭄ᬭᬲᬦᬶᬦ᭄ᬜ᭞ᬜᬳᬶᬦᬾᬢᬶᬬᭀᬗᬸᬃᬡ᭄ᬦ᭟ᬲᬸᬩᬩᬸᬗᬄᬦᬾᬤᬺᬫᬦ᭄ᬳᬫᬸᬧᬸ᭞ᬓᬲᬸᬓᬦ᭄ᬲᭀᬫᬳᬾ᭞ᬳ
ᬫᬄᬳᬗ᭄ᬕᭀᬦ᭄ᬲᬸᬩᬮ᭄ᬬ᭞ᬲᭀᬫᬳᬾᬲᬸᬩᬦᬸᬗᬸᬮ᭄᭞ᬲᬸᬩᬗᭀᬲᭀᬂᬲᬸᬩᬮᬶᬗ᭄ᬮᬸᬂᬧᬩᬳᬦ᭄ᬩᬳᬦ᭄ᬲᭀᬫᬳᬾ᭞ᬲᬓᬶᬢᬓᬋᬧᬾᬢᬸᬳᬸ᭞ᬓᬲ᭄ᬯᬾᬦ᭄ᬲ᭄ᬯᬾᬦᬦᬾᬤᬺᬫᬦ᭄᭞ᬲ
[5A]
ᬓᬶᬢ᭄‌ᬢᭀᬂᬤᬤᬶᬫᬗᬫᬄ᭟ᬳᬶᬚᬢᬶᬭᬕᬫᬗ᭄ᬭᬲᬳᬶᬩᬸᬓ᭄᭞ᬩᬦ᭄ᬲᬓᬶᬢ᭄ᬲᭀᬫᬳᬾ᭞ᬩᬸᬓᬢ᭄ᬓᬦᬦ᭄ᬤᬂᬧᬢᬶ᭞ᬦᬾᬦᬾᬢᬦ᭄ᬧᭀᬭᬢ᭄ᬕᬸᬧᬸᬄ᭞ᬗᬮᬶᬄᬳᬸᬩᬤ᭄ᬫᬶᬜ᭄ᬘᬂ᭞ᬢ᭄ᬯᬭᬫᬩ
ᬳᬦ᭄ᬫᬭᬾᬭᬾᬦ᭄᭞ᬫᬓ᭄ᬦᭂᬄᬤᬸᬫᬤᬓ᭄ᬳᬶᬤᬸᬧ᭄᭞ᬜᬳᬶᬫᬲ᭄ᬫᬶᬭᬄᬫ᭄ᬩᭀᬓᬾ᭞ᬤᬸᬫᬤᬓ᭄ᬫᬩᬳᬦ᭄ᬳᬸᬩᬤ᭄᭟ᬢ᭄ᬓᬚᬸᬫᬄᬬᬕᬸᬧᬸᬄᬫᬜᬶᬫ᭄ᬩᬸᬄ᭞ᬳᭂᬗ᭄ᬓᬳᬶᬦ᭄ᬓᬸᬧᬶᬗᬾ᭞ᬮᬯᬸᬢ᭄ᬫᬫ᭄ᬩᭀᬭᬾ
ᬳᬶᬦ᭄ᬩᬢᬶᬲ᭄᭞ᬫᬸᬜᬶᬦᬾᬧᭂᬲᬸᬳᬮᬸᬲ᭄᭞ᬤᬸᬫᬤᬓ᭄ᬓᬸᬤᬳᬶᬤᬸᬧ᭄᭞ᬤᬾᬯᬭᬢᬸᬫᬤᬸᬦ᭄ᬢᬶᬢ᭄ᬬᬗᬾ᭞ᬳᬤᬳᬚᬓ᭄ᬢᬶᬢ᭄ᬬᬂᬢᬸᬬᬸᬄ᭞ᬩᬋᬂᬫᬗᬬᬳᬶᬦ᭄ᬲᭀᬫᬄ᭞ᬤᬸᬫᬤ
ᬓ᭄ᬤᬾᬯᬦᬾᬳᬶᬘ᭄ᬙ᭟ᬲᬬᬦ᭄ᬲᬗᭂᬢ᭄ᬲᬓᬶᬢᬾᬫᬗᭂᬩᬸᬕ᭄᭞ᬳᬸᬬᬂᬫᬦ᭄ᬢᬸᬮᬫᬾ᭞ᬩᬸᬓᬩᭀᬃᬩᭀᬃᬩᬸᬓᬩᬶᬲ᭄ᬩᬶᬲ᭄᭞ᬧᬮᬶᬂᬧᬢᬶᬚᬮᬫᬸᬢ᭄᭞ᬧᬢᬶᬕᬭᬧ᭄ᬧᬢᬶᬳᬸᬲᬸᬤ᭄ [ 6 ][᭕ 5B]
᭕
᭞ᬫᬗᭂᬍᬕ᭄ᬮᬲᬓᬶᬢᬾ᭞ᬢᬦᬶᬫᬢᬶᬢᬦᬶᬳᬶᬤᬸᬧ᭄ᬓ᭄ᬩᬸᬲ᭄ᬩᬳᬂᬫᬗᬸᬭᬸᬧᬄ᭞ᬳᭂᬗ᭄ᬲᬧ᭄ᬳᬸᬩᭂᬢ᭄ᬢᭂᬓᬾᬦᬯᬓ᭄᭟ᬓᭀᬘᬧ᭄ᬦᬾᬲᬓᬶᬢ᭄ᬫᬗ᭄ᬮᬳᬸᬢ᭄ᬮᬫ᭄ᬧᬸᬲ᭄᭞ᬫᬢᬶᬫᬗᬸᬮᬾᬬᬾᬓ᭄᭞ᬲᭀ
ᬫᬳᬾᬚᬦᬶᬧᬗ᭄ᬮᬶᬂ᭞ᬫᬲᬫ᭄ᬩᬢᬦ᭄ᬗᬤᬸᬄ᭞ᬫᬸᬜᬶᬦᬾᬧᬢᬶᬚ᭄ᬮᬫᬸᬢ᭄᭞ᬤᬾᬯᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬗᬾ᭞ᬤᬶᬚᬳᬜᬳᬶᬫᬓᬮᬸᬂ᭞ᬮᬮᬶᬲ᭄ᬲᬦ᭄ᬜᬳᬶᬫᬲ᭄ᬫᬶᬭᬄ᭞ᬬᬾᬦ᭄‌ᬩᬸᬗ
ᬲ᭄ᬥᭂᬂᬫᬶᬳᬶᬓ᭄ᬜ᭟ᬦᬾᬢᬦ᭄ᬧᭀᬭᬢ᭄ᬫᬗ᭄ᬮᬶᬂᬫᬗᬯᬸᬓ᭄᭞ᬢᭂᬃᬲ᭄ᬦᬢ᭄ᬓᬾᬦ᭄ᬫᬤᬸᬦᬾ᭞ᬫᬲᬲᬩᬢᬦ᭄ᬫᬗ᭄ᬮᬶᬂ᭞ᬤᬸᬄᬜᬳᬶᬤᬾᬯᬭᬢᬸ᭞ᬫᬢᬶᬲᬚᬜᬳᬶᬫᬮᬸ᭞ᬳᬶᬩᬶᬧ᭄ᬯᬦ᭄ᬓᭂᬦᭂᬄᬫ᭄ᬩᭀ
ᬓᬾ᭞ᬳᬧᬂᬫ᭄ᬩᭀᬓ᭄ᬫᬢᬶᬫᬮᬸ᭞ᬲᬬᬂᬲᬦ᭄ᬜᬳᬶᬫᬦᬶᬗ᭄ᬕᬮ᭄᭞ᬓᬤᬶᬲ᭄ᬓᬃᬢᭀᬦ᭄ᬤᬾᬦ᭄ᬓᭂᬫ᭄ᬩᬂ᭟ᬢᬦ᭄ᬓᭀᬘᬧᬦ᭄ᬲ᭄ᬥᬶᬄᬳᬶᬲ᭄ᬢ᭄ᬭᬶᬓᬓᬸᬂ᭞ᬓᭀᬘᬧ᭄ᬳᬢ᭄ᬫᬦ᭄ᬜᬦᬾ᭞ᬦᬾᬤᬺᬫᬦ᭄ᬢᬓᬸᬢ᭄ᬫᬗᬶᬮ᭄ᬕᬶ
[᭖ 6A]
ᬮ᭄᭞ᬲᬂᬚᭀᬕᭀᬃᬫᬦᬶᬓ᭄ᬭᬯᬸᬄ᭞ᬗᬩᬕᬥᬕᬥᬭᬭᬶᬲ᭄ᬫᬸᬓᬸᬮ᭄᭞ᬩᭂᬦ᭄ᬢᬃᬢᭂᬦ᭄ᬤᬲᬾᬫᬮᬾᬤ᭄ᬮᬾᬤ᭄᭞ᬧᭀᬮᭀᬦᬾᬫᬓᭂᬘ᭄ᬭᭀᬢ᭄ᬫᭂᬢᬸ᭞ᬲᬂᬘᬶᬓ᭄ᬭᬩᬮᬫᬗ᭄ᬭᬫ᭄ᬧᬓ᭄᭞ᬩ᭄ᬯᬶᬦ᭄ᬳᬶᬤᬸᬧ᭄ᬲᬂᬳ᭄ᬬᬂ
ᬳᬢ᭄ᬫ᭟ᬳᬤᬫᬗ᭄ᬭᬾᬫ᭄ᬩᬾᬂᬳᬤᬫᬗᬺᬩᬸᬢ᭄᭞ᬗᬩᬓᬓᬯᬳᬾ᭞ᬫᬳᬶᬗ᭄ᬓᬸᬢ᭄ᬳᬶᬗ᭄ᬓᬸᬢ᭄ᬫᬢᬮᬶ᭞ᬳᬧᬶᬦᬾᬲᬸᬩᬬᬧᬸᬭᬸᬩ᭄᭞ᬮᬯᬸᬢ᭄ᬓᬕᬦ᭄ᬢᬸᬂᬤᬶᬓ᭄ᬧᬸᬄ᭞ᬭᬗ᭄ᬤᬳᬧᬶᬦᬾ
ᬤᬶᬩ᭄ᬢᬾᬦ᭄᭞ᬫᬦᬶᬓ᭄ᬮᬶᬦ᭄ᬳᭂᬦ᭄ᬤᬶᬄᬫᬸᬭᬸᬩ᭄᭞ᬓᬩᭀᬃᬩᭀᬃᬫᬗᭂᬦ᭄ᬤᬓ᭄ᬳᭂᬦ᭄ᬢᬓ᭄᭞ᬳᬢ᭄ᬫᬦᬾᬓᬲᬓᬶᬢᬦ᭄᭟ᬕᭀᬩᬦ᭄ᬜᬦ᭄ᬩᬾᬤᭂᬂᬓᬢᬶᬢ᭄ᬳᬗᬸᬲ᭄᭞ᬩᬸᬓᬳᬶᬋᬗᬦᬾ
᭞ᬫᬲᬲᬫ᭄ᬩᬢᬦ᭄ᬫᬗ᭄ᬮᬶᬂ᭞ᬳᭂᬗ᭄ᬓᬔᭂᬗ᭄ᬓᬶᬓ᭄ᬫᬗᬤᬸᬄ᭞ᬧᬢᬶᬲᬫ᭄ᬩᬢ᭄ᬳᬸᬮᬸᬦ᭄ᬳᬸᬮᬸᬦ᭄᭞ᬲᭀᬫᬳᬾᬚᬦᬶᬤᬸᬮᬫᬾ᭞ᬫᬲᭂᬮ᭄ᬲᭂᬮᬦ᭄ᬫᬗᬤᬸᬳᬂ᭞ᬓᬾᬦᬾᬲᬚᬓᭀᬢ᭄ᬫᬸᬦ᭄ᬜ᭞ᬤᬺᬫᬦᬾ [ 7 ][᭖ 6B]
᭖
ᬓᬓᬾᬳᬦ᭄ᬲᭀᬮᬄ᭟ᬢᬦ᭄ᬓᭀᬘᬧ᭄ᬳᬢ᭄ᬫᬦ᭄ᬜᬦᬾᬫᬕᬦ᭄ᬢᬸᬂ᭞ᬤᬶᬓᬯᬄᬳᬧᬶᬦᬾ᭞ᬫᬓ᭄ᬮᭀᬦᬦ᭄ᬤᬗᬶᬦ᭄ᬲᬓᬶᬢ᭄᭞ᬓᭀᬘᬧ᭄ᬚᬚᬶᬦᬾᬓᬓᬸᬂ᭞ᬮᬦ᭄ᬢᬲ᭄ᬲᬓᬶᬢ᭄‌ᬬᬫᬗ᭄ᬮᬯᬸᬢ᭄᭞ᬫᬢᬶ
ᬲᬗ᭄ᬲᬭᬳᬢ᭄ᬫᬜᬦᬾ᭞ᬲᬂᬘᬶᬓ᭄ᬭᬩᬮᬫᬗᬺᬩᬸᬢ᭄᭞ᬫᬗ᭄ᬭᭀᬩᬾᬂᬧᬤᬫᬗᬸᬫᬤ᭄᭞ᬗᬩᬓᬓᬯᬄᬕᭀᬫᬸᬓ᭟ᬓᬢᬮᬶᬦᬶᬦ᭄‌ᬩᬢᬶᬲᬾᬫᬳᬶᬫ᭄ᬧᬸᬲ᭄᭞ᬓᬧᬸᬮᬂ
ᬳᬢ᭄ᬫᬦᬾ᭞ᬤᬶᬚᬫ᭄ᬩᬗᬦᬾᬫᬗᭂᬦ᭄ᬤᬶᬄ᭞ᬳᬧᬶᬦ᭄ᬜᬦᬾᬕᬸᬫᭂᬦ᭄ᬢᬸᬄ᭞ᬫᬮ᭄ᬯᬩ᭄‌ᬮ᭄ᬯᬩ᭄ᬗᬭᬸᬤᬸᬓ᭄᭞ᬲᬓᬶᬢ᭄ᬲᬦ᭄ᬚᬸᬦᬶᬳᬢ᭄ᬫᬦᬾ᭞ᬫᬗᭂᬦ᭄ᬢᬔᭂᬦ᭄ᬢᬓ᭄ᬫᬗᬯᬸᬓ᭄᭞ᬮᬸᬄᬫ᭄ᬯᬦᬶᬓᬲᬓᬶᬢ
ᬦ᭄᭞ᬧᬤᬩᬋᬂᬦᬦ᭄ᬤᬂᬤᭀᬱ᭟ᬢᬦ᭄ᬓᭀᬘᬧ᭄ᬳᬢ᭄ᬫᬦᬾᬳᬶᬲ᭄ᬢ᭄ᬭᬶᬓᬓᬸᬂ᭞ᬧᬤᬲᬂᬲᬭᬦᬾ᭞ᬦᬾᬢᬦ᭄ᬧᭀᬭᬢ᭄ ᬓᭀᬚᬦᬶ᭞ᬥᬶᬳᬾᬩᬲ᭄ᬓᬤᬸᬭᬸᬲ᭄᭞ᬤᬶᬳᬢᬶᬦᬾᬲᬸᬩᬮᬫ᭄ᬧᬸ
[᭗ 7A]
ᬲ᭄᭞ᬫᬓ᭄ᬦᭂᬄᬤᬶᬳᬢᬶᬩ᭄ᬓᬾᬦ᭄᭞ᬳᬧᬚᬦᬶᬢᭀᬮᬶᬄᬳᬶᬤᬸᬧ᭄᭞ᬳᬢᬸᬢ᭄ᬳᬶᬤᬸᬧ᭄ᬓᬾᬭᬂᬳᬾᬭᬂ᭞ᬢᬺᬱ᭄ᬡᬢ᭄ᬯᬭᬕᬯᬾᬦ᭄ᬜ᭟ᬫᬲᬲᬫ᭄ᬩᬢᬦ᭄‌ᬢᭀᬂᬳᬚᬧ᭄ᬲᬸ᭞ᬲᭀᬓ᭄ᬤᬶᬳᬢᬶ
ᬩᬾᬓᬾᬦ᭄᭞ᬤᬶᬚᬳᬮᬶᬄᬚᬦᬶᬕᬸᬲ᭄ᬢᬶ᭞ᬲᭀᬫᬄᬢᬶᬢ᭄ᬬᬗᬾᬭᬢᬸ᭞ᬧᬶᬤᬦ᭄ᬲᬶᬄᬢᬶᬢ᭄ᬬᬂᬓᬢ᭄ᬧᬸᬓ᭄᭞ᬫᬲ᭄ᬫᬶᬭᬄᬳᬢ᭄ᬫᬦ᭄ᬢᬶᬢ᭄ᬬᬗᬾ᭞ᬚ᭄ᬯᬂᬓᬸᬤᬢᬶᬢ᭄ᬬᬂᬦᬸᬢᬸᬕ᭄᭞ᬳ
ᬧᬂᬧᬶᬲᬦ᭄ᬢᬶᬢ᭄ᬬᬂᬧ᭄ᬚᬄ᭞ᬗᬸᬤᬲᬶᬄᬢᬶᬢ᭄ᬬᬂᬓᬃᬬᬂ᭟ᬓᬲ᭄ᬯᬾᬦ᭄ᬲ᭄ᬥᬶᬄᬢᭀᬂᬓ᭄ᬦᬮᬶᬧᬸᬃ᭞ᬫᬦ᭄ᬤᬤᬓ᭄ᬲᬓᬶᬢᬾ᭞ᬧ᭄ᬭᬚᬦᬶᬮᬯᬸᬢ᭄ᬫᬢᬶ᭞ᬧᬢᬶᬦᬾᬢ᭄ᬯᬭᬲᬸᬗ᭄ᬲᬸᬢ᭄᭞ᬧᬚᬮ
ᬳᬢ᭄ᬫᬦᬾᬮᬫ᭄ᬧᬸᬲ᭄᭞ᬓᬢ᭄ᬓᬓ᭄ᬱᬚᬓᬋᬧᬾ᭞ᬓ᭄ᬤᬾᬓ᭄ᬓᭂᬤᬾᬓ᭄ᬓᭂᬜᬸᬂᬓ᭄ᬜᬸᬂ᭞ᬳᬢ᭄ᬫᬦᬾᬫᬦ᭄ᬚᬢᬶᬭᬸᬧ᭞ᬫ᭄ᬮᬳᬾᬫᬗᬬᬂᬳᬬᬂ᭟ᬢ᭄ᬯᬶᬩᬸᬓᬳ᭄ᬬᬂᬭᬢᬶᬄᬦᬸᬭᬸᬦ᭄᭞ᬫᬦ [ 8 ][᭗ 7B]
᭗
ᬫ᭄ᬧᬓᭂᬦ᭄ᬤᬶᬢᬾ᭞ᬢᬦ᭄ᬓᭀᬘᬧ᭄ᬮᬫ᭄ᬧᬳᬾᬚᬦᬶ᭞ᬤᬶᬓᬤᬾᬯᬢᬦ᭄ᬓᬲᬸᬩ᭄᭞ᬦᬾᬢᬦ᭄ᬧᭀᬭᬢ᭄ᬫᬢᬶᬢᬸᬳᬸ᭞ᬳᬲ᭄ᬢᬶᬢᬶᬢ᭄ᬓᬾᬦ᭄ᬲᭀᬫᬳᬾ᭞ᬯᬶᬤ᭄ᬬᬤᬭᬶᬫᬳᬫ᭄ᬩᬸᬦ᭄᭞ᬓ
ᬧᬗᬦ᭄ᬤᬶᬓᬬᬂᬫᬧᬕ᭄᭞ᬮ᭄ᬬᬸᬦ᭄ᬜᬦᬾᬧ᭄ᬢᬂᬤᬰ᭟ᬳᬤᬦᬫ᭄ᬧᬓᭂᬦ᭄ᬤᬶᬢ᭄ᬫᬫᬶᬸᬲ᭄ᬫᬭᬸᬩ᭄᭞ᬫᬶᬲᬶᬩᬜᬸᬫᬸᬮᬾ᭞ᬭᬲᬦ᭄ᬜᬦᬾᬜᭂᬜᭂᬧ᭄ᬫᬦᬶᬲ᭄᭞ᬳᬘ᭄ᬮᬕᭀᬓᬦ᭄ᬳᬢᬳᬸᬦ᭄᭞
ᬭᬲᬦ᭄ᬜᬦᬾᬫᬲᬶᬄᬳ᭄ᬦᬸ᭞ᬮᬾᬦ᭄ᬗᬩᬓ᭄ᬧᭂᬢ᭄ᬘᬶᬦᬦᬾ᭞ᬧᬓ᭄ᬤᬾᬓ᭄ᬧᬤᬧᬓ᭄ᬜᬸᬂ᭞ᬧᬳᬾᬮᬾᬕ᭄ᬧᬤᬤᬶᬚᬮᬦ᭄᭞ᬫᬧᬕᬶᬦ᭄ᬳᬶᬢᬦ᭄ᬧᭀᬭᬢ᭄᭟ᬮᬾᬦ᭄ᬯᬢᭂᬓ᭄ᬧᬭᬪᬝᬵᬭ
ᬦᬾᬫᬶᬮᬸ᭞ᬢᬦ᭄ᬓᬃᬯᬦ᭄ᬯᬶᬮᬗᬦᬾ᭞ᬭᬫ᭄ᬢᬩᬦ᭄ᬧᬤᬫᬧᬕᬶᬦ᭄᭞ᬚᬦᬶᬲᬸᬩᬓᬢ᭄ᬧᬸᬓ᭄᭞ᬯᬶᬤ᭄ᬬᬤᬭᬶᬦᬾᬫᬗᬺᬩᬸᬢ᭄᭞ᬩ᭄ᬭᬶᬬᬸᬓ᭄‌ᬗ᭄ᬕᭂᬮᬸᬢ᭄ᬩᬢᬶᬲ᭄ᬦᬾ᭞ᬩᭂᬭᬂᬧᬤᬫᬸᬜᬶᬳᬮᬸᬲ᭄᭞
[᭘ 8A]
ᬦᬾᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬯᬸᬄᬲᬚᬳᬢ᭄ᬫᬚᬶᬯ᭟ᬳᬤᬜᬗ᭄ᬓᭀᬮ᭄ᬳᬤᬫᬗ᭄ᬮᬸᬢ᭄᭞ᬦᬾᬦᬫ᭄ᬧᬓᭂᬦ᭄ᬤᬶᬢᬾ᭞ᬫᬗᬢᬸᬭᬂᬢᭀᬬᬳ᭄ᬦᬶᬂ᭞ᬦᬾᬗᬩᬓ᭄ᬧᭂᬢ᭄ᬮᬯᬸᬢ᭄᭞ᬫᬗ᭄ᬧᭂᬢᬶᬦ᭄ᬓᭂᬜᬸᬂᬓ᭄ᬜᬸᬂ᭞ᬧᬓ᭄ᬤᬾ
ᬓ᭄ᬲᬸᬓᬳᬢᬶᬦᬾ᭞ᬫᬗ᭄ᬭᭀᬩᭀᬂᬳᬢ᭄ᬫᬦᬾᬭᬯᬸᬄ᭞ᬳᬲ᭄ᬢᬶᬢᬶᬪᬓ᭄ᬢᬶᬲᬢᬢ᭞ᬳᬢ᭄ᬫᬦᬾᬫᬗᬬᬂᬗᬬᬂ᭟ᬧᬗ᭄ᬭᬲᬦ᭄ᬳᬢ᭄ᬫᬦᬾᬫᬲᭂᬦ᭄ᬤᬸ᭞ᬓᬗᭂᬦ᭄ᬓᬾᬲᭀᬫᬳᬾ᭞ᬫᬸᬜᬶᬦ᭄ᬤᬤᬭᬶᬦᬾ
ᬫᬦᬶᬲ᭄᭞ᬤᬸᬄᬕᬸᬲ᭄ᬢᬶᬤᬾᬯᬭᬢᬸ᭞ᬧᬸᬦᬧᬶᬓᬭᬦᬾᬲᭂᬦ᭄ᬤᬸᬫ᭄ᬦᬸᬦᬲ᭄ᬓᬲ᭄ᬯᬃᬕ᭄ᬕᬮᭀᬓᬦᬾ᭞ᬧᬸᬦᬧᬶᬢ᭄ᬯᬭᬳᬤᬤᬶᬢᬸ᭞ᬳ᭄ᬬᬂᬯᬶᬤ᭄ᬥᬶᬫᬗᬦ᭄ᬤᬶᬓᬬᬂ᭞ᬦᬸᬦᬲ᭄ᬫᬃᬕ᭄ᬕᬶᬕᬕ᭄ᬮᬶᬲᬦ᭄᭟ᬳᬢ᭄ᬫᬦ᭄ᬳᬶ
ᬢᬦ᭄ᬧᭀᬭᬢᬾᬫᬲᬯᬸᬢ᭄᭞ᬳ᭄ᬤᬚ᭄ᬯᬦᬶᬭᬫᬸᬮᬾ᭞ᬮᬫᬸᬦᬶᬭᬧᬤᬶᬤᬶᬳᬶᬦ᭄᭞ᬫᬃᬕ᭄ᬕᬦᬶᬭᬢ᭄ᬯᬄᬲᭂᬦ᭄ᬤᬸ᭞ᬓᬗᭂᬦ᭄ᬦᬶᬭᬢ᭄ᬓᬾᬦ᭄ᬓᬓᬸᬂ᭞ᬤᬶᬚᬳᬲᭀᬫᬄᬦᬶᬭᬦᬾ᭞ᬬᬾᬦ᭄ᬤᬦᬾᬢ᭄ᬯᬭᬓᬢ᭄ᬧᬸᬓ᭄᭞ [ 9 ][᭘ 8B]
᭘
ᬳ᭄ᬤᬚ᭄ᬯᬗᬾᬦ᭄ᬤᬄᬧᬾᬮᬕ᭄᭞ᬮᬫᬸᬦ᭄ᬦᬶᬭᬧᬤᬶᬤ᭄ᬬᬦ᭄᭟ᬳᭀᬭᬯᬢᭂᬓ᭄‌ᬤᬾᬯᬢᬦᬾᬫᬲᬯᬸᬢ᭄᭞ᬤᬾᬯᬢᬦᬾᬫᬲᬯᬸᬢ᭄᭞ᬤᬾᬯᬭᬢᬸᬦ᭄ᬢᬶᬢ᭄ᬬᬂ᭞ᬓᬢ᭄ᬧᬸᬓ᭄‌ᬓᭀᬬᬳᬶᬢᬸᬦᬶ᭞ᬤᬶᬓᬯᬳᬾᬫᬳᬶᬧᬸᬲ᭄᭞ᬫᬗᬸᬮᬾ
ᬚᬢ᭄ᬓᭂᬚᬢ᭄ᬓᭂᬚᬸᬢ᭄᭞ᬓᬮᬩ᭄ᬮᬩ᭄ᬤᬶᬚᬫ᭄ᬩᬗᬦᬾ᭞ᬢᬸᬳᬸᬫᬲᬳᬸᬢ᭄ᬫᬗᬯᬸᬓ᭄᭞ᬳᬢᭂᬳᬂᬲᬶᬓᬸᬤᬦᬶᬤᬦᬶᬭ᭞ᬚᬮᬦ᭄ᬓᭂᬫᭀᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭟ᬲᬫ᭄ᬧᬸᬦ᭄ᬳᬶᬤᬾᬯᬫᬭᬶᬓᬭᬢᬸ᭞ᬲ
ᬬᬂᬲᬦ᭄ᬭᬕᬦᬾ᭞ᬳᬢ᭄ᬫᬦᬾᬳᬲ᭄ᬢᬶᬢᬶᬪᬓ᭄ᬢᬶ᭞ᬫᬚᬮᬭᬦ᭄ᬫᬦ᭄ᬤᬭᬸᬭᬸᬂ᭞ᬓ᭄ᬫᬓ᭄ᬯᬵᬧᬤᬫᬯᬦ᭄ᬢᬸᬦ᭄᭞ᬫᬢᬸᬃᬢ᭄ᬓᬾᬦ᭄ᬳ᭄ᬬᬂᬯᬶᬤ᭄ᬥᬶᬦᬾ᭞ᬦᬶᬭᬫᬩᬸᬤᬶᬓᬢ᭄ᬧᬸᬓ᭄᭞ᬚᬦᬶᬢ᭄ᬓᬾᬦ᭄ᬲᭀᬫᬄᬦᬶ
ᬭ᭞ᬧᬧᬩᬋᬂᬲᬸᬩᬧᬧ᭟ᬳᬧᬲᬶᬄᬕᬯᬾᬦ᭄ᬜᬦᬾᬦᬾᬫᬮᬸ᭞ᬧᬶᬲᬸᬓᬦ᭄ᬤᬦᬾᬦᬾ᭞ᬢ᭄ᬓᬾᬦ᭄ᬦᬶᬭᬤᬸᬓᬾᬳᬸᬭᬶᬧ᭄᭞ᬮᬯᬸᬢ᭄ᬫᬚᬮᬦ᭄ᬳᬶᬲᬸ᭞ᬤᬤᬭᬶᬦᬾᬤᬤᬶᬫᬶᬮᬸ᭞ᬫ᭄ᬯᬄᬧ᭄ᬭᬯᬢᭂᬓ᭄ᬤᬾᬯᬢ
[᭙ 9A]
ᬦᬾ᭞ᬳᬤᬤᬶᬲᬫ᭄ᬧᬶᬂᬤᬶᬫᬮᬸ᭞ᬤᬶᬳᭀᬭᬶᬧᬤᬭᬦ᭄ᬢᬸᬩᬦ᭄᭞ᬢᬺᬱ᭄ᬡᬢ᭄ᬓᬾᬦ᭄ᬳᬢ᭄ᬫᬫᬸᬮ᭄ᬬ᭟ᬳᬢ᭄ᬫᬦ᭄ᬲᭀᬫᬳᬾᬚᬦᬶᬓᬢ᭄ᬧᬸᬓ᭄᭞ᬧᬶᬦᬄᬓᭂᬫ᭄ᬩᬂᬮᬾᬫ᭄ᬮᬾᬫ᭄᭞ᬓᬲᬓᬶᬢᬦ᭄‌ᬚ᭄ᬭᬢ᭄‌ᬚ᭄ᬭᬶᬢ᭄᭞ᬮᬶ
ᬫᬩᬢᬶᬲᬾᬫᬳᬶᬫ᭄ᬧᬸᬲ᭄᭞ᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄ᬫᬢᬫ᭄ᬩᬸᬲ᭄᭞ᬓᬮᬩ᭄ᬮᬩ᭄ᬤᬶᬚᬫ᭄ᬩᬗᬦᬾ᭞ᬳᬢ᭄ᬫᬦᬾᬪᬓ᭄ᬢᬶᬲᬢᬸᬯᬸᬓ᭄᭞ᬫᬫᬸᬜᬶᬧ᭄ᬲᬸᬬᬾᬄᬫᬢ᭞ᬓᬾᬦᬾᬲᬚᬚ᭄ᬭᭀᬦᬾᬳᬶᬧᬸᬦ᭄᭟ᬢᬶ
ᬢ᭄ᬬᬂᬢ᭄ᬯᬭᬫᬗᬶᬮᬗᬂᬧᬶᬢᬸᬳᬸ᭞ᬚᬦᬶᬢ᭄ᬓᬾᬦ᭄‌ᬚ᭄ᬭᭀᬦᬾ᭞ᬳᬧᬂᬩᬋᬂᬦᬦ᭄ᬤᬂᬲᬓᬶᬢ᭄᭞ᬫᬮᬩ᭄ᬮᬩ᭄ᬢᬶᬢ᭄ᬬᬂᬫᬶᬮᬸ᭞ᬮᬯᬸᬢ᭄ᬫᬓᬶᬭᬾᬫᬘ᭄ᬩᬸᬃ᭞ᬫᬗᭀᬚᭀᬕ᭄ᬓᬚᬫ᭄ᬩᬗᬦᬾ᭞ᬯᬢᭂᬓ᭄ᬤᬾᬯᬢᬦᬾ
ᬭᬯᬸᬄ᭞ᬗᬦ᭄ᬤᭂᬕ᭄ᬫᬗᬶᬮᬶᬗᬶᬲ᭄ᬬ᭞ᬲᬫ᭄ᬧᬸᬦ᭄ᬗᬍᬩᭀᬓᬂᬭᬕ᭟ᬫᬗᬸᬤᬳᬶᬤᬾᬯᬫᬶᬮᬸᬫᬶᬮᬸ᭞ᬕᬗ᭄ᬕᬬᬂᬬᬩᬾᬓᬾᬦ᭄᭞ᬫᬗ᭄ᬫᬲᬶᬦ᭄ᬧᬤᬶᬤᬶᬳᬶᬦ᭄᭞ᬲᬫ᭄ᬧᬸᬦ᭄‌ᬢ᭄ᬯᬄᬤᭀᬲᬦ᭄ᬳᬶᬧᬸᬦ᭄᭞ᬳᬶᬤᬾ [ 10 ][᭙ 9B]
᭙
ᬯᬲᬫ᭄ᬧᬸᬦᬂᬫᬶᬮᬸ᭞ᬫᬘᭂᬩᬸᬃᬤᬶᬚᬫ᭄ᬩᬗᬦᬾ᭞ᬧᬗᬦ᭄ᬤᬶᬓᬦ᭄ᬳ᭄ᬬᬂᬢᬸᬤᬸᬄ᭞ᬳᬢ᭄ᬫᬦᬾᬪᬓ᭄ᬢᬶᬲᬢᬢ᭞ᬳᬧᬂᬫᬮᬾᬦᬦ᭄ᬢᭀᬗᭀᬲ᭄ᬜ᭟ᬲᬧᬸᬦᬶᬓᬳᬦ᭄ᬤᬶᬓᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬫᬲᬯᬸᬢ᭄ᬳᬢ᭄ᬫ
ᬦᬾ᭞ᬢᬸᬳᬸᬪᬓ᭄ᬢᬶᬢ᭄ᬓᬾᬦ᭄ᬮᬓᬶ᭞ᬤᬓᬸᬤᬮ᭄ᬬᬸᬮ᭄ᬬᬸ᭞ᬫᬸᬜᬶᬦᬶᬭᬫᬘᭂᬩᬸᬃ᭞ᬳᬧᬂᬦᬶᬭᬩᬋᬂᬩᬾᬓᬾᬦ᭄᭞ᬓᬾᬦ᭄ᬲᭀᬫᬄᬦᬶᬭᬦᬾᬤᬶᬢᬸ᭞ᬤᬶᬚᬫ᭄ᬩᬗᬦᬾᬫᬮᬩ᭄ᬮᬩ᭄᭞ᬢᬺᬱ᭄ᬡᬦᬶᬭ
ᬢ᭄ᬓᬾᬦ᭄ᬲᭀᬫᬄ᭟ᬯᬶᬤ᭄ᬬᬤᬭᬶᬦᬾᬧᬤᬫᬗ᭄ᬭᬸᬫ᭄ᬭᬸᬫ᭄᭞ᬫᬦᬶᬲ᭄ᬫᬸᬜᬶᬦ᭄ᬜᬦᬾ᭞ᬲᬫ᭄ᬧᬸᬦ᭄ᬤᬾᬯᬭᬢᬸᬕᬸᬲ᭄ᬢᬶ᭞ᬳᬶᬤᬾᬯᬫᬶᬮᬸᬫᬶᬮᬸ᭞ᬓᬮᬩ᭄ᬮᬩ᭄ᬩᬋᬂᬓᬍᬩᬸᬃ᭞ᬲᬬᬂᬲᬦ᭄ᬤᬾᬯᬭᬕᬦᬾ
᭞ᬗᬬᬂᬗᬬᬂᬍᬯᭂᬲ᭄‌ᬮᬸᬫ᭄ᬮᬸᬫ᭄᭞ᬢᬦ᭄ᬓᬮᬶᬗᬸᬧᬲᬫ᭄ᬩᬤ᭞ᬯᬶᬤ᭄ᬬᬤᬭᬶᬦᬾᬫᬗᬬᬧ᭄᭟ᬳᬢ᭄ᬫᬦᬾᬓ᭄ᬤᭂᬄᬧᬘᬂᬫᬘ᭄ᬩᬸᬃ᭞ᬭᬯᬸᬄᬪᬕᬯᬦᬾ᭞ᬧᬜᬭᬶᬓᬂᬧᬤᬗ᭄ᬕᬶᬲᬶ᭞ᬳᬢ᭄ᬫᬦᬾᬪᬓ᭄ᬢᬶᬢᬸᬳᬸ᭞
[᭑᭐ 10B]
ᬫᬮᬶᬄᬓ᭄ᬥᭂᬄᬫᬦᬭᬸᬭᬸᬂ᭞ᬫᬗᬍᬓᬄᬩ᭄ᬯᬢ᭄᭞ᬢᬺᬱ᭄ᬡᬦᬾ᭞ᬫᬓᬶᬢᬩᬋᬂᬫᬢᬫ᭄ᬩᬸᬲ᭄᭞ᬲᬂᬪᬕᬯᬦ᭄ᬧᬜᬭᬶᬓᬦ᭄᭞ᬧᬤᬲᬋᬂᬫᬦᭀᬫ᭄ᬩᬳᬂ᭟ᬢ᭄ᬓᬲᬓᬶᬂᬢᬦ᭄ᬳᬦᬳ᭄ᬬᬂᬢᬸᬤᬸᬄ᭞ᬧᬦ᭄ᬤᬶᬓᬦ᭄ᬳᬶᬤ
ᬦᬾ᭞ᬦᬾᬢᬾᬓᬾᬦ᭄ᬓᬾᬦ᭄ᬚᬦᬶᬜᬳᬶ᭞ᬢᬸᬳᬸᬲᬦ᭄ᬢᭂᬓᬾᬦᬶᬂᬓᬓᬸᬂ᭞ᬳ᭄ᬬᬢᭀᬜᬳᬶᬢ᭄ᬯᬄᬢᬸᬳᬸ᭞ᬲᬗ᭄ᬓᬦ᭄ᬜᬳ᭄ᬫᬲᬶᬦᬓᬾᬦᬾ᭞ᬤ᭄ᬲᬂᬲᬦ᭄ᬓᬸᬤᬬᬤᬶᬢᬸ᭞ᬓᬮᬩ᭄ᬮᬩ᭄ᬫᬗᭂᬦ᭄ᬢᬓ᭄ᬳᭂᬦ᭄ᬢ
ᬓ᭄᭞ᬫᬚᬮᬦ᭄ᬜᬳᬶᬓᬲ᭄ᬯᬃᬕ᭄ᬕᬦ᭄᭟ᬲᬂᬳᬢ᭄ᬫᬢᬸᬳᬸᬲᬾᬭᬾᬕ᭄ᬫᬲᬯᬸᬢ᭄᭞ᬧᭂᬲᬸᬫᬸᬜᬶᬦ᭄ᬜᬦᬾ᭞ᬫᬦᬶᬲ᭄ᬫᬗᭀᬮᬲᬂᬳᬢᬶ᭞ᬤᬸᬄᬤᬾᬯᬲᬂᬳ᭄ᬬᬂᬢᬸᬤᬸᬄ᭞ᬢᬶᬢ᭄ᬬᬂᬦᬸᬦᬲ᭄ᬩᬋᬂᬤᬶ
ᬢᬸ᭞ᬓᬮᬩ᭄ᬮᬩ᭄ᬤᬶᬚᬫ᭄ᬩᬗᬦᬾ᭞ᬧᬶᬦ᭄ᬤᬳᬾᬫᭂᬂᬲᬂᬳ᭄ᬬᬂᬢᬸᬤᬸᬄ᭞ᬢᬸᬃᬦᬸᬳᬸᬦᬂᬧᬭᬪᬝᬵᬭ᭞ᬫᬗ᭄ᬭᬯᭀᬲᬶᬦ᭄ᬳᬶᬢᬦ᭄ᬧᭀᬭᬢ᭄᭟ᬧᬭᬤᬾᬯᬢᬦᬾᬲᬸᬩᬭᬯᬸᬄ᭞ᬳ᭄ᬬᬂᬯᬶᬤ᭄ᬥᬶᬢᬸᬫᬓᬾ [ 11 ][᭑᭐ 10B]
᭑᭐
ᬦ᭄᭞ᬓᬾᬦ᭄ᬓᬾᬦ᭄ᬚᬦᬶᬩᬦ᭄ᬫᬗ᭄ᬭᬲᬦᬶᬦ᭄᭞ᬳᬢ᭄ᬫᬦᬾᬪᬓ᭄ᬢᬶᬢᬸᬳᬸ᭞ᬢᭀᬂᬜᬓ᭄ᬩᭂᬮᬲ᭄ᬢᭂᬓᬾᬦ᭄ᬓᬓᬸᬂ᭞ᬢᬺᬱ᭄ᬡᬲᬦ᭄᭞ᬓᬾᬦ᭄ᬲᭀᬫᬳᬾ᭞ᬳ᭄ᬬᬦᬸᬦᬩᬋᬂᬤᬶᬢᬸ᭞ᬤᬶᬚᬫ᭄ᬩᬗᬗᬾᬫᬮᬩ᭄ᬮᬩ᭄
᭞ᬮᬶᬓᬤ᭄ᬩᬳᬦ᭄ᬫᬗ᭄ᬭᬲᬦᬂ᭟ᬬᬾᬦ᭄ᬤᭂᬧᬗᬶᬦ᭄ᬳᬶᬬᬩᬋᬂᬓᬍᬩᬸᬃ᭞ᬮᬶᬓᬤ᭄ᬧᬗ᭄ᬭᬲᬦᬾᬳᬧᬦ᭄‌ᬬᬳᬦᬓ᭄ᬚᬢᬶ᭞ᬢᬸᬳᬸᬪᬓ᭄ᬢᬶᬲᬢᬸᬯᬸᬓ᭄᭞ᬯ᭄ᬦᬂᬬᬫᬗ᭄ᬕᬶᬦ᭄ᬭᬳᬬᬸ᭞ᬲᬢᬢᬧ
ᬗᬶᬲ᭄ᬢᬸᬯᬦᬾ᭞ᬢᬸᬳᬸᬫᬢᬶᬦ᭄ᬤᬶᬄᬤᬶᬧᬢᬸᬢ᭄᭞ᬲ᭄ᬥᭂᬂᬢ᭄ᬯᬄᬫᬸᬮᬶᬄᬓᬲ᭄ᬯᬃᬕ᭄ᬕᬦ᭄᭞ᬫᬕᬜ᭄ᬚᬭᬦ᭄ᬲᬃᬯ᭄ᬯᬧᬾᬮᬕ᭄᭟ᬧᬭᬪᬝᬵᬳᬭᬦᬾᬲᬯᬸᬃᬫᬦᬸᬓ᭄᭞ᬧᬧᬸᬘᬸᬓ᭄ᬓᬢᬭᬾᬓ᭄᭞ᬳᬢᬸ
ᬭᬶᬢᬶᬢ᭄ᬬᬂᬳ᭄ᬬᬂᬯᬶᬤ᭄ᬥᬶ᭞ᬫᬦᬯᬶᬳᬶᬧᬸᬦ᭄ᬧᬢᬸᬢ᭄᭞ᬧᬸᬦᬶᬓᬳᬢ᭄ᬫᬦᬾᬢᬸᬳᬸ᭞ᬯᬦ᭄ᬢᬄᬢᬦ᭄ᬧᬲᬄᬘᬶᬢᬦᬾ᭞ᬲ᭄ᬯᬃᬕ᭄ᬕᬧᬧᬳᬮᬳᬬᬸ᭞ᬩᬋᬂᬩᬋᬂᬢ᭄ᬓᬾᬦ᭄ᬲᭀᬫᬄ᭞ᬳᬶᬤᬯᬶᬤ᭄ᬥᬶᬫᬗ᭄ᬓᬶᬲᬶᬸᬦ᭄ᬲ
[᭑᭑ 11A]
ᬭᬦ᭄ᬜ᭟ᬮᬫᬸᬦ᭄᭞ᬢ᭄ᬯᬄᬲᬬᬂᬳᬢ᭄ᬫᬦᬾᬢᬸᬳᬸ᭞ᬮᬸᬲᬶᬦ᭄ᬲᭀᬫᬄᬜᬦᬾ᭞ᬩᬋᬂᬦ᭄ᬫᬸᬲ᭄ᬯᬃᬕ᭄ᬕᬮ᭄ᬯᭂᬳᬶᬄ᭞ᬳ᭄ᬬᬂᬯᬶᬤ᭄ᬥᬶᬫᬫᬶᬦ᭄ᬢᬸᬳᬸ᭞ᬳᬫ᭄ᬩᬸᬮ᭄ᬢᭀᬓᬾᬲᬚᬧᬢᬸᬢ᭄᭞ᬦᬄᬮᬸᬲᬶᬦ᭄‌ᬓᭀᬲᭀᬫᬄᬜ
ᬦᬾ᭞ᬳᬦᬸᬮᬶᬚᬦᬶᬓᬳᭂᬫ᭄ᬩᬸᬲ᭄᭞ᬳᬫᬶᬸᬢ᭄ᬫᬦᬾᬳᬶᬚᬢᬶᬦᬕᬭ᭞ᬳᬗᬶᬤ᭄‌ᬳᬸᬮᬶᬤᬶᬚᬫ᭄ᬩᬗᬦ᭄᭟ᬓᬧ᭄ᬭᬢᬶᬱ᭄ᬝᬚᬦᬶᬫᬸᬮᬶᬄᬩᬕᬸᬲ᭄᭞ᬳᬦ᭄ᬚᬢᬶᬭᬸᬧᬦᬾ᭞ᬩᬸᬓᬳ᭄ᬬᬂᬲ᭄ᬫᬭᬗᬸᬧ᭄ᬢᬶ᭟ᬦᬾᬤᬺᬫ
ᬦ᭄ᬓᬯᬸᬓ᭄ᬓᬯᬸᬓ᭄᭞ᬦᬕᬶᬄᬮᬸᬓᬢ᭄ᬦᬕᬶᬄᬤᬸᬤᬸᬓ᭄᭞ᬚ᭄ᬭᬶᬢ᭄ᬚ᭄ᬭᬶᬢᬶᬦ᭄ᬲᭀᬫᬳᬾ᭞ᬫᬸᬜᬶᬦᬾᬫᬦᬶᬲ᭄ᬜᬸᬜᬸᬃ᭞ᬤᬾᬯᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬧᬫᬶᬦ᭄ᬤᬳᬂᬓᬸᬤᬢᬶᬢ᭄ᬬᬂ᭟ᬲᬓᬶᬢ᭄ᬲᬦ᭄ᬭᬶᬢ᭄ᬬᬂ
ᬓᬾᬦᬾᬫᬕᬦ᭄ᬢᬸᬂ᭞ᬤᬶᬓ᭄ᬧᬸᬄᬭᬗ᭄ᬤᬸᬦᬾ᭞ᬫᬓ᭄ᬮᭀᬦᬦ᭄ᬤᬗᬶᬦ᭄ᬲᬓᬶᬢ᭄᭞ᬓᬸᬤ᭄ᬬᬂᬢ᭄ᬯᬄᬳᬧᬗᬮᬸᬢᬸᬃ᭞ᬤᭀᬲᬦ᭄ᬢᬶᬢ᭄ᬬᬗᬾᬫᬮᬸ᭞ᬫ᭄ᬭᬲᬓᬧᭀᬓ᭄ᬢᬶᬢ᭄ᬬᬂᬓᬾᬦᬾ᭞ᬓᬩᭀᬃᬩᭀᬃᬲᬳᬶ [ 12 ][᭑᭑ 11B]
᭑᭑
ᬫᬕᬦ᭄ᬢᬸᬂ᭞ᬓᭂᬩᬸᬲ᭄ᬩᬳᬂᬕ᭄ᬭᬄᬫᬭᬧᬄ᭞ᬩᬸᬓᬢ᭄ᬯᬭᬫᬭᬲᬳᬯᬓ᭄᭟ᬫᬢᬦ᭄ᬢᬶᬢ᭄ᬬᬗᬾᬮᭀᬤ᭄ᬮᭀᬤ᭄ᬧ᭄ᬮᬸᬤ᭄᭟ᬧᭀᬮᭀᬦᬾᬫᬮᬾᬤ᭄ᬮᬾᬤ᭄᭞ᬧᭂᬲᬸᬩᬲᬂᬧᭂᬲᬸᬳᬢᬶ᭞ᬤᭀᬂᬳᬶᬗ᭄ᬢᬂᬦᬾᬫᬮᬸ᭞ᬲᬸᬓ
ᬦ᭄‌ᬚ᭄ᬭᭀᬦᬾᬲᬸᬓᬾᬳᬶᬤᬸᬧ᭄᭞ᬢᬦ᭄ᬓᬮᬶᬗᬸᬩᬦ᭄ᬲᭀᬫᬳᬾ᭞ᬤᬶᬳᬢᬶᬦᬾᬫᬲᬶᬄᬮᬸᬮᬸᬢ᭄᭞ᬓᬧᭀᬢᬂᬤᬤᬶᬳᬦ᭄ᬜ᭞ᬧᬲᬫ᭄ᬩᬤᬦᬾᬳ᭄ᬬᬂᬯᬶᬤ᭄ᬥᬶ᭟ᬢᬦ᭄ᬓᭀᬘᬧ᭄ᬳᬢ᭄ᬫᬦᬾᬤᬺᬫᬦ᭄ᬤᬶ
ᬢᬸ᭞ᬩᬸᬓᬲ᭄ᬯᬮᬓᬾ᭞ᬕᭂᬗ᭄ᬓᬓ᭄ᬳᭂᬗ᭄ᬓᬶᬓ᭄‌ᬚ᭄ᬭᬶᬢ᭄ᬚ᭄ᬭᬶᬢ᭄᭞ᬓᭀᬘᬧ᭄ᬳᬢ᭄ᬫᬦᬾᬢᬸᬳᬸ᭞ᬫᬓᬮᬶᬳᬦ᭄ᬢᭂᬓᬾᬦ᭄ᬓᬓᬸᬂᬢᬦ᭄ᬫᬗᬶᬮᬗᬂᬪᬓ᭄ᬢᬶᬦᬾ᭞ᬫᬦᭂᬫ᭄ᬩᬄᬫᬸᬦᬶᬦᬾᬳᬮᬸᬲ᭄᭞ᬮᬯᬸᬢ᭄ᬫᬗᬢᬸᬭᬂᬢᭀ
ᬬ᭞ᬫᬯᬤᬄᬓᭂᬦ᭄ᬤᬶᬢ᭄ᬓᬜ᭄ᬘᬦ᭟ᬓᬢᬗ᭄ᬕᬧᬶᬦ᭄ᬭᬭᬶᬲ᭄ᬫᬭᬗᬶᬦᬸᬫ᭄᭞ᬕᬯᭀᬓ᭄ᬩᬦ᭄ᬭᬲᬦᬾ᭞ᬭᬲᬦ᭄ᬜᬦᬾᬜᭂᬜᭂᬃᬫᬦᬶᬲ᭄᭞ᬓᬲᭀᬭᬦ᭄ᬫᬦᬶᬲ᭄ᬦᬶᬂᬚᬸᬭᬸᬄ᭞ᬳᬸᬲᬦ᭄ᬦᬾᬓᬓᬸᬂᬫᬗᬶᬦᬸᬫ᭄᭞ᬦᬾᬳ᭄ᬮᬸᬄ
[᭑᭒ 12A]
ᬗᬶᬦᬸᬫ᭄ᬢᭂᬤᬦᬾ᭞ᬩᬳᬸᬫᬭᬲᬤᬶᬳᬸᬦ᭄ᬢᬸ᭞ᬫ᭄ᬭᬲᬫᬦᬶᬲ᭄ᬦᭂᬓᬾᬂᬢ᭄ᬯᬲ᭄᭞ᬓ᭄ᬘᬧ᭄ᬓᭂᬘᬧᬂᬲᬬᬦ᭄ᬫᭂᬮᬄ᭟ᬳᬸᬲᬦ᭄ᬗᬶᬦᬸᬫ᭄‌ᬢᭀᬬᬚᬦᬶᬫᬢᬸᬃ᭞ᬧ᭄ᬭᬯᬶᬤ᭄ᬬᬤᬭᬶᬦᬾ᭞ᬳᬶᬤᬾᬯᬦᬸᬦᬲ᭄ᬫᬫᬃᬕ᭄ᬕᬶ᭞ᬳᬦ᭄ᬢᭀ
ᬳ᭄ᬳᬦ᭄ᬢᭀᬲ᭄ᬳ᭄ᬬᬂᬢᬸᬤᬸᬄ᭞ᬳᬶᬤᬲᬫ᭄ᬧᬸᬦ᭄ᬫᬦ᭄ᬢᬸᬓ᭄ᬫᬮᬸ᭞ᬲᬸᬓᬓᬮᬶᬄᬧ᭄ᬭᬳᬢ᭄ᬫᬦᬾ᭞ᬳᬲ᭄ᬢᬶᬢᬶᬳᬮᬸᬲ᭄ᬳᬫᬸᬯᬸᬲ᭄᭞ᬫᬸᬜᬶᬦᬾᬗᬢᬸᬭᬶᬦ᭄‌ᬲᭀᬫᬄ᭞ᬫᬃᬕ᭄ᬕᬶᬚ᭄ᬭᭀᬦᬾᬤᬶᬤᬸᬫᬸᬦᬦ᭄᭟
ᬢ?ᬳᬶᬢᬶᬢᬂᬗᬶᬭᬶᬂᬚ᭄ᬭᭀᬦᬾᬤᬶᬧᬸᬗ᭄ᬓᬸᬃ᭞ᬢᬦ᭄ᬫᬶᬯᬮ᭄ᬓᬓᬸᬗᬾ᭞ᬢᬸᬫᬸᬮᬶᬚᬦᬶᬫᬫᬃᬕ᭄ᬕᬶ᭞ᬮᬫ᭄ᬧᬳᬾᬗᬦ᭄ᬢᬸᬦ᭄ᬳᬦ᭄ᬢᬸᬦ᭄᭞ᬫᬓᬓᬮᬶᬄᬳᬶᬲ᭄ᬢ᭄ᬭᬶᬓᬓᬸᬂ᭞ᬩᬸᬓᬲ᭄ᬓᬃᬳᬧᬲᬂᬭᬸᬧᬦᬾ᭞ᬮᬦᬂᬩᬕᬸᬲ᭄ᬳᬶ
ᬲ᭄ᬢ᭄ᬭᬶᬳᬬᬸ᭞ᬩᬸᬓᬤᬾᬯᬶᬮᬯᬦ᭄ᬤᬾᬯ᭞ᬍᬯᬶᬄᬭᬭᬲᬾᬤᬶᬫᬃᬕ᭄ᬕ᭟᭐᭟ᬩᬩᭀᬦ᭄‌ᬧᬸᬭᬶᬤᭀᬩ᭄ᬭᬚ᭟ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬭᬳᬶᬦ᭞ᬋ᭞ᬧ᭞ᬳᬸᬕᬸ᭞ᬰᬓ᭞᭑᭙᭑᭐᭞ᬳᭀ [ 13 ][᭑᭒ 12B]
᭑᭒
ᬮᬶᬄᬢᬶᬢ᭄ᬬᬂ᭞ᬳᬶᬯᬬᬦ᭄‌ᬕᭂᬩ᭄ᬬᬕ᭄᭞ᬓ᭄ᬱᬶᬫ᭄ᬧᬃᬓᬗᬶᬦ᭄᭞ᬤᬾᬰᬧᬶᬤ᭄ᬧᬶᬤ᭄᭟