Ban/Gaguritan Lelagambara

Naskah

[ 1 ][PERPUSTAKAAN KTR.DOKBUD BALI PROP.BALI
G/XXVI/6/DOKBUD
Judul: GAGURITAN LELAGAMBARA.
Pnj. 40 cm. Lb. 3,5 cm. Jl. 79 lb.
Asal: Jungsri, Bebandem, Kr.asem]
[᭑ 1A] [ 2 ][᭑ 1B]
᭑
᭛᭜᭛ᬅᬯᬶᬖ᭄ᬦᬫᬲ᭄ᬢᬸᬬᬦᬫᬵᬲ᭄ᬯᬳᬵ᭛᭜᭛ᬧᬗ᭄ᬓᬸᬃᬳᬗ᭄ᬕᭀᬦ᭄‌‌ᬚᬸᬫᬸᬦ᭄ᬢᭂᬫ᭄ᬩᬂ᭞ᬫᬗᬶᬓᭂᬢᬂᬓᬶᬢᬩ᭄‌‌ᬫ᭄ᬮᬬᬸᬦᬾᬳᬯᬶ᭞ᬳᬗ᭄ᬕᭀᬦ᭄ᬧᬜᬮᬶᬫᬸᬃᬳᬶᬩᬸᬓ᭄᭞ᬳᬶᬓᬬᬢ᭄ᬮᬗ᭄ᬮᬂᬪ᭄ᬯᬡ᭞ᬫᬧᬶᬧ᭄ᬭᬤ᭄ᬜᬦ᭄‌ᬜ
ᬓᬵᬩᭂᬦᭂᬄᬜᬓᬵᬲᬯᬸᬤ᭄᭞ᬢ᭄ᬯᬭᬳᬶᬫ᭄ᬩᬶᬄᬓᬚᬳᬶᬮᬦ᭄᭞ᬢᬩᬄᬩᬬᬸᬦᬾᬳᬸᬮᬸᬭᬶᬦ᭄᭟ᬤᬶᬧᬗᬯᬶᬢ᭄ᬘᬭᬶᬢᬬᬂ᭞ᬫᬳᬵᬭᬵᬚᬧᬸᬱ᭄ᬧᬇᬦ᭄ᬤ᭄ᬭᬦᬾᬚᬦᬶ᭞ᬤᬶᬓᬳᬶᬦ᭄ᬤ᭄ᬭᬦ᭄‌‌ᬜᭂᬦᭂᬂᬳᬕᬸᬂ᭞ᬰᬓ᭄ᬢᬶᬳᬓᬥᬂ
ᬤᬾᬯ᭞ᬦ᭄ᬤᬸᬯᬾᬧᬸᬢ᭄ᬭᬳᬩᭂᬲᬶᬓ᭄ᬓᬮᬶᬦ᭄ᬢᬂᬳᬬᬸ᭞ᬫᬧᭂᬲᬾᬗᬶᬦ᭄ᬩᬦ᭄ᬳᬚᬶᬦ᭄ᬤ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬵᬤᬾᬯᬶ᭟ᬳᬬᬸᬦᬾᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬫᬸᬮᬸᬦᬾᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬓᬤᬶᬳᭂᬫᬲᬾ
ᬫᬲ᭄ᬧᬸᬄ᭞ᬜᬮᬂᬕᬤᬶᬂᬗᬸᬮᬾᬮᬾᬫ᭄᭞ᬲᬭᬶᬦ᭄‌‌ᬫ᭄ᬮᬳᬾᬤᬶᬓᬳᬶᬦ᭄ᬤ᭄ᬭᬦ᭄ᬮᬶᬦ᭄ᬢᬂᬓᬲᬸᬩ᭄᭞ᬧᬸᬭᬶᬦᬾᬓᬸᬲᬸᬫᬵᬤᬾᬯ᭄ᬬ᭞ᬤᬶᬢ᭄ᬕᬮ᭄‌‌ᬧ᭄ᬮᬦ᭄ᬢᬦ᭄‌‌ᬳᬾᬭᬦᬶ᭟ᬬᬦ᭄ᬳᬓᬸᬤᬂᬭᬵᬚᬭᬵᬚ᭞ᬓᬸᬮᬗᬸᬦᬦ᭄᭞

[᭒ 2A]
᭒
ᬧᬥᬵᬗ᭄ᬮᬫᬃᬢ᭄ᬯᬦ᭄ᬧᬸᬢ᭄ᬭᬶ᭞ᬧ᭄ᬢᬂᬤᬰᬧᬭᬭᬢᬸ᭞ᬩᬸᬤᬸᬄᬳᬲᬶᬂᬗᬦ᭄ᬢᭂᬦᬂ᭞ᬫᬧᭀᬢ᭄ᬭᬾᬢᬦ᭄‌‌ᬢ᭄ᬯᬦ᭄ᬧᬸᬢ᭄ᬭᬶᬦᬾᬓᬲᬸᬫ᭄ᬩᬸᬂ᭞ᬫᬳᬵᬭᬵᬚᬧᬸᬱ᭄ᬧᬇᬦ᭄ᬤ᭄ᬭ᭞ᬢ᭄ᬯᬭᬧᬶᬲᬦ᭄ᬫᬦ᭄ᬤᬕᬶᬗᬶᬦ᭄᭟ᬤᬾᬦᬶᬂᬲᬸᬩᬳᬤᬵᬭᬵᬚ᭞
ᬫᬧᭂᬲᬾᬗᬦ᭄ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬗᬗ᭄ᬕᭀᬦ᭄ᬢᬢᬕᭀᬦ᭄‌‌ᬢ᭄ᬯᬦ᭄ᬕᬮᬸᬄ᭞ᬧᬸᬢ᭄ᬭᬦ᭄ᬭᬚᬇᬦ᭄ᬤ᭄ᬭᬤᬾᬯ᭞ᬧ᭄ᬭᬫᬶᬰ᭄ᬯᬭᬶᬩᬶᬬᬂᬳᬶᬤᬦᬾᬢ᭄ᬯᬦ᭄ᬕᬮᬸᬄ᭞ᬭᬶᬂᬭᬚᬳᬶᬦ᭄ᬤ᭄ᬭᬤᬾᬯ᭞ᬧᬺᬦᬄᬳᬾᬩᬸᬫᬫᬶᬗ᭄ᬲᬶᬓᬶ
᭟ᬧ᭄ᬭᬫᬶᬰ᭄ᬯᬭᬶᬫᬧᭂᬲᬾᬗᬦ᭄᭞ᬧ᭄ᬭᬫᬶᬰ᭄ᬯᬭᬶᬳᬶᬦ᭄ᬤ᭄ᬭᬫᬳᬵᬭᬸᬧᬯ᭄ᬬᬓ᭄ᬢᬶ᭞ᬓᬳᬾᬫᬦ᭄ᬧᬸᬢ᭄ᬭᬦᬾᬫᬸᬧᬸᬢ᭄᭞ᬳᬚᬶᬩᬶᬬᬂᬫᬜᬬᬗᬂ᭞ᬦᬾᬫᬋᬓᬦ᭄‌‌ᬫᬭᬶᬂᬳᬶᬤᬢ᭄ᬯᬦ᭄ᬕᬮᬸᬄ᭞ᬯᬢᭂᬓ᭄ᬤᬤᬭᬶᬫᬓ᭄ᬚᬂ᭞ᬧᬗᬬ
ᬳᬾᬢ᭄ᬯᬦ᭄ᬧᬸᬢ᭄ᬭᬶ᭟ᬚᬦᬶᬳᬤᬓᬘᬭᬶᬢ᭞ᬳᬶᬤᬲᬂᬧ᭄ᬭᬪᬸᬧᬸᬱ᭄ᬧᬳᬶᬦ᭄ᬤ᭄ᬭᬓᬸᬘᬶ᭞ᬲᬓᬶᬂᬮᬫᬶᬜᭂᬦᭂᬂᬧ᭄ᬭᬪᬸ᭞ᬤᬶᬚᬕᬢ᭄ᬮᬾᬮᬵᬕᬫ᭄ᬩᬭ᭞ᬓᬕᬸᬗᬦᬾᬫᬤᬧᬢᬸᬃᬕᭂᬫᬸᬄᬮᬡ᭄ᬥᬸᬄ᭞ᬫᬜ᭄ᬘᬧᬸᬗ᭄ᬕᬯᬫᬓᭂ [ 3 ][᭒ 2B]
᭒
ᬚᬂ᭞ᬧᬥᬵᬢᬺᬱ᭄ᬡᬪᬓ᭄ᬢᬶᬢᬶᬦ᭄ᬤᬶᬄ᭟ᬲᬂᬧ᭄ᬭᬪᬸᬤᬦᬯᬶᬃᬬ᭄ᬬ᭞ᬗᬍᬕᬦᬶᬦ᭄ᬧᬜ᭄ᬚᬓ᭄ᬳᬶᬤᬦᬾᬲᬫᬶ᭞ᬥᬭᬡᬧᬧᭂᬲᭀᬦ᭄ᬳᬮᬸᬲ᭄᭞ᬓᬯᬶᬪᬯᬦᬾᬫᬮᬶᬫ᭄ᬩᬄ᭞ᬳᬚᭂᬕ᭄ᬥᬃᬫ᭄ᬫ᭞ᬲᬸᬢᬾᬚᬦ᭄ᬯᬃᬡ᭄ᬦᬦᬾᬫᬸᬭᬸᬩ᭄᭞ᬧᬦ᭄ᬢᭂ
ᬲ᭄ᬧᬜᬸᬗ᭄ᬲᬸᬗᬦ᭄ᬚᬕᬢ᭄᭞ᬳᬶᬬᭂᬧ᭄ᬚᬕᬢᬾᬢᬦ᭄ᬲᬶᬧᬶ᭟ᬦᬾᬚᬦᬶᬳᬶᬤᬲᬂᬦᬵᬣ᭞ᬦᬸᬚᬸᬧ᭄ᬢᭂᬂᬫᬺᬫ᭄ᬲᬋᬂᬧ᭄ᬭᬫᬶᬰ᭄ᬯᬭᬶ᭞ᬲᬂᬧ᭄ᬭᬪᬸᬜᬸᬫ᭄ᬧ᭄ᬦᬵᬮᬯᬸᬢ᭄᭞ᬳᬤᬢᭂᬓᬵᬳᬦᬓ᭄ᬢ᭄ᬯ᭞ᬢᬸᬃᬫᬗᬸᬘᬧ᭄‌‌ᬧᬗᬸᬘᬧᬾᬲᭂ
ᬓᭂᬦ᭄ᬳᬮᬸᬲ᭄᭞ᬤᬸᬄᬩᬗᬸᬦ᭄ᬓᬾᬳᬶᬤᬾᬯᬵ᭞ᬭᬚᬵᬧᬸᬱ᭄ᬧᬳᬶᬦ᭄ᬤ᭄ᬭᬓᬸᬘᬶ᭟ᬦᬾᬫᬦᬶᬳᬶᬤᬾᬯᬮᬸᬯᬲ᭄᭞ᬫᬩᬩᬸᬭᬸᬓᬳᬮᬲᬾᬬᬦ᭄ᬓᬧᬗ᭄ᬕᬶᬄ᭞ᬤᬶᬳᬮᬲᬾᬧᬸᬜᬦ᭄ᬫᭂᬦᬸᬄ᭞ᬫᬩᬸᬗᬳᬓᬢᬶᬄᬧᬶ
ᬲᬦ᭄᭞ᬳᭂᬦ᭄ᬢᭀᬳᬮᬧ᭄‌‌ᬩᬸᬗᬦᬾᬩᬸᬗᬳᬂᬮᬯᬸᬢ᭄᭞ᬧᬂᬳᬶᬤᬾᬯᬗᭂᬮᬄᬧᬦᬓ᭄᭞ᬫ᭄ᬯᬦᬶᬩᬕᬸᬲ᭄ᬢᬦ᭄ᬲᬶᬦᬶᬧᬶ᭟ᬢᬸᬃᬫᬦᬶᬄᬧ᭄ᬭᬯᬶᬭᬾᬂᬧ᭄ᬭᬂ᭞ᬫᬦᬶᬧ᭄ᬯᬦ᭄ᬳᭂᬦ᭄ᬢᭀᬧᬘᬂᬫᬗᬕᬸᬗᬶᬦ᭄᭞ᬤᬶᬢᬸᬤᬶ

[᭓ 3A]
᭓
ᬓᬳᬶᬦ᭄ᬤ᭄ᬭᬦ᭄ᬢᬸᬳᬸ᭞ᬳᬶᬤᭂᬧᬂᬤᬾᬯᬳᬶᬤᭂᬧᬂ᭞ᬳᭂᬥᬵᬧᬶᬲᬦ᭄ᬳᬶᬤᬾᬯᬢ᭄ᬯᬭᬫᬗᬸᬕᬸ᭞ᬚᬮᬦᬶᬦ᭄‌ᬤᬾᬯᬤᬧᬶᬯᬮ᭄᭞ᬯᬮᬸᬬᬧᬜ᭄ᬯᬾᬘᬦ᭄ᬯᬶᬤ᭄ᬥᬶ᭟ᬭᬭᬶᬲ᭄ᬫᬳᬸᬗᬸᬲᬂᬦᬵᬣ᭞ᬤᬶᬲᬫ᭄ᬧᬶᬗᬾ
ᬧ᭄ᬭᬫᬶᬰ᭄ᬯᬭᬶᬫᬮᬶᬗ᭄ᬕᬶᬄ᭞ᬧ᭄ᬭᬫᬶᬰ᭄ᬯᬭᬶᬫᬲᬶᬄᬫᬸᬗᬸ᭞ᬲᬂᬧ᭄ᬭᬪᬸᬮᬦ᭄ᬢᬲ᭄‌ᬦᬃᬢ᭄ᬢᬬᬂ᭞ᬓᬤᬶᬤᬕᬶᬂᬲᬸᬫ᭄ᬧ᭄ᬦᬬᬦᬾᬲᬫ᭄ᬧᬸᬦ᭄᭞ᬲ᭄ᬯᬪᬯᬦᬾᬮᬦ᭄ᬢᬲ᭄ᬭᬤᬄ᭞ᬭᬶᬂᬳᬶᬤᬧ᭄ᬭᬫᬶᬰ᭄ᬯᬭᬶ᭟ᬧᬲᭂᬫᭂᬗᬦ᭄ᬭᬭᬶ
ᬲ᭄‌ᬓᭀᬤᬮ᭄᭞ᬲᬂᬧ᭄ᬭᬪᬸᬗᬲᬾᬗᬶᬦ᭄ᬧᬸᬗ᭄ᬕᬯᬵᬲᬫᬶ᭞ᬲᬫ᭄ᬧᬸᬦ᭄ᬓᬢᬗ᭄ᬓᬶᬮ᭄ᬲᬂᬧ᭄ᬭᬪᬸ᭞ᬤᬶᬩᬜ᭄ᬘᬶᬗᬄᬚᭂᬚᭂᬮ᭄ᬳᬢᬧ᭄᭞ᬩᬳᬸᬤᬡ᭄ᬥᬫᬜ᭄ᬘᬫᬦ᭄ᬢ᭄ᬭᬶᬧᬥᬗᬸᬦ᭄ᬢᬸᬓ᭄᭞ᬫᭂᬧᭂᬲ᭄ᬦᬗ᭄ᬓᬶᬮᬲᬂᬦᬵᬣ᭞ᬲᬂᬧ᭄ᬭ
ᬪᬸᬗᬦ᭄ᬤᬶᬓᬳᬭᬶᬲ᭄᭟ᬦᬄᬳᬸᬮᬶᬚᬦᬶᬤᬯᬸᬳᬂ᭞ᬢ᭄ᬓᬾᬦ᭄ᬳᬸᬮᬸᬩᬮᬂᬯᬶᬭᬾᬄᬦᬾᬫᬦᬶ᭞ᬳᬶᬭᬧᬘᬂᬮ᭄ᬯᬲ᭄ᬫᬩᬸᬭᬸ᭞ᬫᬜᬸᬲᬸᬧ᭄ᬓᬢᭂᬗᬄᬳᬮᬲ᭄᭞ᬧᬲᭂᬫᭂᬗᬦ᭄ᬳᬧᬂᬲᬸᬩᬧᬥᬓᬸᬫ᭄ᬧᬸ [ 4 ][᭓ 3B]
᭓
ᬮ᭄ᬧᬸᬗ᭄ᬕᬯᬦᬾᬲᬯᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬧᬶᬢᭂᬮᬲ᭄ᬫᬗᬶᬭᬶᬂ᭟ᬲᬫ᭄ᬧᬸᬦ᭄ᬲᬫᬶᬓᬤᬯᬸᬳᬦ᭄᭞ᬲᬂᬧ᭄ᬭᬪᬸᬩᬸᬤᬮ᭄ᬫᬗ᭄ᬭᬭᬶᬲ᭄ᬓᬧᬸᬭᬶ᭞ᬫᬜ᭄ᬘᬧᬸᬗ᭄ᬕᬯᬵᬫᬩ᭄ᬭᬶᬬᬸᬓ᭄᭞ᬫᬦ᭄ᬢᬸᬓ᭄ᬲᬫᬶᬲᬸᬯᬂᬲᬸᬯᬂ᭞ᬫᬦᬶᬲᭂᬫᭂᬂᬤᬶ
ᬩᬜ᭄ᬘᬶᬗᬄᬲᬸᬩᬓᬸᬫ᭄ᬧᬸᬮ᭄᭞ᬧᬥᬫᬗᬶᬭᬶᬗᬂᬮᬸᬗ᭄ᬳᬵ᭞᭟ᬫᬓᬤᬶᬜᬳᬸᬮᬸᬩᬮᬂ᭞ᬲᭂᬲᭂᬓ᭄ᬚᭂᬚᭂᬮ᭄‌ᬳᬗ᭄ᬲᭀᬦ᭄ᬳᬗ᭄ᬲᭀᬦᬾᬫᬗ᭄ᬮᬶᬂ᭞ᬓᬸᬮᬸᬓ᭄ᬩᬸᬭᭀᬲᬦ᭄ᬳᬧᬸᬡ᭄ᬥᬸᬄ᭞
ᬕᬮᬓ᭄ᬫᬓᭂᬚᬂᬫᬘᬓᬮ᭄᭞ᬧᬮᬶᬗ᭄ᬕᬶᬳᬦ᭄ᬲᬋᬕᭂᬧ᭄ᬫᬢᭂᬩᬸᬢᭂᬩᬸ᭞ᬳᬶᬤᬲᬂᬧ᭄ᬭᬪᬸᬓᬯᭂᬤᬮ᭄᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭟ᬚᬭᬦᬾᬩᬶᬦᬮ᭄ᬫᬧᭀᬮᬄ᭞ᬧᬮᬶᬗ᭄ᬕᬶᬳᬦ᭄ᬳᬶᬤᬲᬂᬧ᭄ᬭᬪᬸᬗ
ᬗᭀᬩᬶᬦ᭄᭞ᬦᬧᬧ᭄ᬢᬶᬦ᭄ᬤᬓ᭄ᬜᬦᬾᬧᬯᬸᬢ᭄᭞ᬧ᭄ᬮᬶᬗ᭄ᬕᬶᬳᬦ᭄ᬭᬚᬵᬤᬶᬭᬵᬚ᭞ᬲᬭᬯᬸᬳᬾᬤᬶᬢᭂᬗᬄᬳᬮᬲᬾᬮᬯᬸᬢ᭄᭞ᬗ᭄ᬕᬕᬸᬭᬄᬓᬶᬤᬂᬫᬜ᭄ᬚᬗᬦ᭄᭞ᬮᬶᬬᬸᬩᬸᬭᭀᬦ᭄ᬜᬦᬾᬓᭂᬦᬶ᭟ᬫᬶᬲᬶ

[᭔ 4A]
᭔
ᬩᬸᬩᬸᬓᬧᬜᬸᬫ᭄ᬧ᭄ᬦᬵ᭞ᬲᬂᬧ᭄ᬭᬪᬸᬢᬦ᭄ᬥᬸᬫᬤᬾᬫᬫᬗ᭄ᬕᬶᬳᬶᬦ᭄᭞ᬧᬸᬜᬦ᭄ᬫᭂᬦᬸᬳᬾᬳᬧᬸᬳᬸᬦ᭄᭞ᬫᬩᬸᬗ᭄ᬳᭃᬳᬓᬢᬶᬄᬧᬶᬲᬦ᭄᭞ᬩᬸᬗᬦ᭄ᬫᭂᬦᬸᬳᬾᬳᬕ᭄ᬮᬶᬲ᭄ᬓᬳᬮᬧ᭄ᬲᬫ᭄ᬧᬸᬦ᭄᭞ᬭᬶᬲᬂᬧ᭄ᬭᬪᬸᬓᬲᭂ
ᬓᬭᬂ᭞ᬕ᭄ᬮᬶᬲ᭄ᬢᬸᬮᬓᬦᬵᬕᬭᬶ᭟ᬲᬭᬯᬸᬳᬾᬤᬶᬦᬕᬭ᭞ᬲᬂᬧ᭄ᬭᬪᬸᬤᬶᬮᬾᬮᬗᬵᬫ᭄ᬩᬭᬚᬦᬶ᭞ᬫᬮᬾᬤᬂᬮᬾᬤᬂᬲᬂᬧ᭄ᬭᬪᬸ᭞ᬜᬩ᭄ᬭᬦ᭄ᬫᬳᬶᬧᬸᬓ᭄ᬳᬶᬧᬸᬓᬦ᭄᭞ᬤᬶᬩᬜ᭄ᬘᬶᬗᬄᬮᬶᬦ᭄ᬢᬂᬭᬫ᭄ᬬᬲᬶ
ᬬᬂᬤᬮᬸ᭞ᬲᬸᬩᬢᭂᬓᭂᬤ᭄ᬤᬶᬧᬸᬭ᭞ᬧ᭄ᬭᬫᬶᬰ᭄ᬯᬭᬶᬫᬗᬺᬫ᭄ᬧᬶᬦᬶ᭟ᬓᬲ᭄ᬯᬾᬦ᭄ᬲ᭄ᬯᬾᬦ᭄ᬤᬤᬶᬲᬸᬩ᭞ᬲᬬᬦ᭄ᬢᬶᬗ᭄ᬕᬃᬩᭀᬩᭀᬢᬦᬾᬧ᭄ᬭᬫᬶᬰ᭄ᬯᬭᬶ᭞ᬢᬦ᭄ᬘᬭᬶᬢᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬩᭀᬩᭀᬢᬾ
ᬢᬸᬢᬸᬕ᭄ᬩᬸᬮᬦᬦ᭄᭞ᬮᬸᬢ᭄ᬫᬧᬸᬢ᭄ᬭᬧ᭄ᬭᬫᬶᬰ᭄ᬯᬭᬶᬮᬦᬂᬩᬕᬸᬲ᭄᭞ᬲᬂᬧ᭄ᬭᬪᬸᬮᬶᬬᬂᬧᬶᬲᬦ᭄᭞ᬫᬧᭂᬦ᭄ᬤᬓ᭄ᬩᬦ᭄ᬳᭂᬕᭀᬂᬩᭂᬥᬶᬮ᭄᭟ᬲᬬᬦ᭄ᬤᬸᬳᬸᬃᬤᬤᬶᬫᬸᬦ᭄ᬢᬩ᭄᭞ᬓᬩᬕᬸᬲᬦ᭄ᬳᬦᬓᬾᬳᬮᬶᬢ᭄ᬢ [ 5 ][᭔ 4B]
᭔
ᬦ᭄ᬲᬶᬧᬶ᭞ᬫᬧᬲᬾᬗᬶᬦ᭄ᬲᬂᬧ᭄ᬭᬪᬸ᭞ᬳᬭᬦᬶᬤᬇᬦ᭄ᬤ᭄ᬭᬓᬸᬫᬬ᭞ᬲᬬᬦ᭄ᬮᬫᬶᬚᬦᬶᬳᬶᬤᬲᬸᬩᬤᬸᬳᬸᬃ᭞ᬓᬸᬫᬬᬸᬱᬵᬭᭀᬭᬲ᭄ᬢᬶᬩᬦ᭄᭞ᬳᬶᬦ᭄ᬤ᭄ᬭᬓᬸᬫᬬᬦᬾᬚᬦᬶ᭟ᬢ᭄ᬯᬭᬜᬦ᭄ᬤᬂᬧᬘᬘᬾᬤ᭄ᬥ
᭞ᬩᬕᬸᬲ᭄ᬦᬸᬮᬸᬲ᭄ᬳᬶᬦ᭄ᬤ᭄ᬭᬓᬸᬫᬬᬲᬸᬚᬢᬶ᭞ᬧᬗᬦ᭄ᬤᬶᬓᬵᬫᬦᬶᬲ᭄ᬜᬫ᭄ᬧᬸᬄ᭞ᬘᬘᬶᬗᬓᬾᬜᭂᬜᭂᬃᬫᬗᬦ᭄᭞ᬮᬶᬦ᭄ᬢᬂᬧ᭄ᬭᬚ᭄ᬜᬦ᭄‌ᬜᬦ᭄ᬤᬂᬧᬸᬢ᭄ᬭᬦ᭄ᬳᬦᬓ᭄ᬳᬕᬸᬂ᭞ᬢᭂᬓᬧᬯᬸᬢ᭄ᬲᬶᬂᬲᭀᬮᬳᬂ᭞ᬍᬕᬵᬋᬧ᭄ᬳᬦ
ᬓᬾᬗᬶᬭᬶᬂ᭟ᬳᭂᬦᭂᬗᬂᬫᬮᬸᬦᬸᬢᬸᬭᬂ᭞ᬓᬘᬭᬶᬢᬵᬳᬤᬤᬤᬭᬶᬦᬾᬚᬦᬶ᭞ᬫᬗᭂᬮᬄᬘᬸᬘᬸᬧᬧᬶᬢᬸ᭞ᬫᬕᭂᬦᬄᬤᬶᬕᬸᬦᬸᬂᬫᬸᬮ᭄ᬬ᭞ᬘᬸᬘᬸᬦ᭄ᬜᬦᬾᬚᭂᬕᬾᬕ᭄ᬚᭂᬓᬶᬸᬧᬶᬸᬕ᭄ᬚᭂᬕ᭄ᬫᬓᬧᬶᬢᬸ᭞ᬫ
ᬳᬵᬭᬵᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬫᬫ᭄ᬩᬶᬮ᭄ᬫᬓᬲᬫᬶ᭟ᬤᬶᬓᬳᬶᬦ᭄ᬤ᭄ᬭᬦ᭄ᬫᬫᬋᬓᬦ᭄᭞ᬫᬗ᭄ᬤᬤᬶᬬᬂᬧᬗᬬᬳᬾᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬤᬶᬧ᭄ᬮᬦ᭄ᬢᬳᬾᬗᬦᬶᬤᬶᬢᬸ᭞ᬫᬗᬬᬳᬶᬦ᭄ᬧᭂᬢᭂᬂᬍᬫᬄ᭞

[᭕ 5A]
᭕
ᬤᬤᬭᬶᬦᬾᬓᬾᬫᬦ᭄ᬲᬦ᭄ᬫᬓᬧᬧᬶᬢᬸ᭞ᬤᬤᬭᬶᬦᬾᬫᬦᬄᬢᬺᬱ᭄ᬡᬵ᭞ᬭᬶᬂᬧᬸᬢ᭄ᬭᬵᬓᬸᬲᬸᬫᬤᬾᬯᬶ᭟
ᬳᭂᬦ᭄ᬢᭀᬓ᭄ᬭᬡᬲᬓᬶᬢ᭄ᬫᬦᬄ᭞ᬤᬤᬭᬶᬦᬾᬭᬾᬄᬘᬸᬘᬸᬦ᭄ᬜᬦᬾᬓᬫ᭄ᬩᬶ
ᬮ᭄᭞ᬧᬧᭀᬢ᭄ᬭᬓᬦᬾᬢ᭄ᬯᬦ᭄ᬕᬮᬸᬄ᭞ᬓᬧᬮᬶᬂᬓᬧ᭄ᬮᬳᬶᬩᬂ᭞ᬦᬸᬚᬸᬧᭂᬢᭂᬂᬓᬤᬸᬦ᭄ᬬᬓᬩᬓ᭄ᬢᬲᬫ᭄ᬧᬸᬦ᭄᭞ᬗᭀᬚᭀᬕ᭄ᬓᬢᬦᬄᬫᬦᬸᬱ᭄ᬬᬵ᭞ᬳᬶᬦ᭄ᬤ᭄ᬭᬓᬸᬫᬬᬦᭂᬫᭀᬦᬶᬦ᭄᭟ᬲᬸ
ᬩᬫᬺᬫ᭄ᬮᬭᬶᬲ᭄ᬧᬶᬲᬦ᭄᭞ᬮᬯᬸᬢ᭄ᬳᬶᬦ᭄ᬤ᭄ᬭᬓᬸᬫᬭᬜᬸᬫ᭄ᬧ᭄ᬦᬵᬚᬦᬶ᭞ᬢᭂᬓᬳᬦᬓ᭄ᬢ᭄ᬯᬕᬸᬕᬸᬄ᭞ᬗᬶᬭᬶᬗᬂᬳᬶᬤᬓᬾᬦ᭄ᬤ᭄ᬭᬦ᭄᭞ᬲᬢᭂᬓᭂᬤᬾᬤᬶᬓᬾᬦ᭄ᬤ᭄ᬭᬦ᭄ᬫᬗᬸᬘᬧ᭄ᬳᬮᬸᬲ᭄᭞ᬤᬸᬄᬘᬸᬘᬸᬘ᭄ᬦᬶᬂᬦᬶᬳᬶ
ᬤᬾᬯ᭞ᬦᬾᬧᬸᬢ᭄ᬭᬶᬓᬸᬲᬸᬫᬵᬤᬾᬯᬶ᭟ᬫᬳᬵᬭᬵᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬫᬗ᭄ᬮᬳᬂᬧᬸᬢ᭄ᬭᬦᬾᬢ᭄ᬯᬦ᭄ᬧᬸᬢ᭄ᬭᬶ᭞ᬫᬗ᭄ᬤᬾᬦᬾᬳᬶᬤᬾᬯᬵᬢᬳᬸ᭞ᬢᭀᬧᬸᬢᬸᬦ᭄ᬮᬶᬂᬮᬶᬂᬪ᭄ᬯᬡ᭞ᬢᬸᬃᬓᬳᬶᬭᬶᬂᬓᬧᬫᬺ [ 6 ][᭕ 5B]
᭕
ᬫᬦᬾᬢ᭄ᬯᬦ᭄ᬕᬮᬸᬄ᭞ᬳᬶᬦ᭄ᬤ᭄ᬭᬓᬸᬫᬬᬫᬜᬶᬗᬓ᭄᭞ᬕᭂᬕᬫ᭄ᬩᬭᬦ᭄ᬢ᭄ᬯᬦ᭄ᬧᬸᬢ᭄ᬭᬶ᭟ᬫᬳᬸᬗᬸᬳᬶᬦ᭄ᬤ᭄ᬭᬓᬸᬫᬬᬵ᭞ᬧᬲᭂᬫᭂᬗᬦ᭄ᬤᬶᬧᬫᬺᬫᬦ᭄ᬢ᭄ᬯᬭᬫᬾᬮᬶᬂ᭞ᬫᬘᭂᬧᭀᬮ᭄ᬓᬍᬗᭂᬃᬓᬦ᭄ᬢᬸ᭞ᬩᬦ᭄ᬗᬓ᭄ᬱᬶᬧ
ᬧᭀᬢ᭄ᬭᬾᬢᬦ᭄᭞ᬫᬜᬸᬫ᭄ᬧ᭄ᬦᬵᬳᭂᬦ᭄ᬢᭀᬫᬳᬯᬦᬦ᭄ᬮᬶᬗ᭄ᬮᬸᬂ᭞ᬍᬫᭂᬢ᭄ᬢ᭄ᬯᬭᬫᬓᬶᬢᬶᬧᬦ᭄᭞ᬳᬸᬫᬸᬂᬢᬗᬶᬲᬾᬤᬶᬧᬸᬭᬶ᭟ᬳᬤᬫ᭄ᬮᬳᬶᬩ᭄ᬫᬗᬾᬗ᭄ᬕᬮᬂ᭞ᬗᬸᬦᬶᬗᬬᬂᬭᬶᬲᬂᬧ᭄ᬭᬪᬸᬳᬶᬦ᭄ᬤ᭄ᬭᬓᬸᬘᬶ᭞ᬕᬕ᭄ᬮᬶ
ᬲᬦ᭄ᬳᬶᬤᬲᬂᬧ᭄ᬭᬪᬸ᭞ᬗᬸᬗ᭄ᬲᬶᬧᬫᬺᬫᬦ᭄ᬳᬦᬓ᭄ᬤ᭞ᬲᬕᬾᬢ᭄ᬭᬯᬸᬄᬧ᭄ᬭᬫᬶᬰ᭄ᬯᬭᬶᬦᬗᬶᬲ᭄ᬗᬭᬸᬂ᭞ᬢᬸᬃᬜᬗ᭄ᬓᭀᬮ᭄ᬳᬶᬦ᭄ᬤ᭄ᬭᬓᬸᬫᬬ᭞ᬫᬲᬶᬄᬢ᭄ᬯᬭᬳᬶᬤᬫᬾᬮᬶᬂ᭟ᬲᬂᬧ᭄ᬭᬪᬸᬮᬶᬦ᭄ᬢᬂᬓᬾᬫᭂᬗᬦ᭄᭞ᬜᬶᬗ
ᬓ᭄ᬧᬸᬢ᭄ᬭᬵᬓᬦ᭄ᬢᬸᬬᬾᬄᬳᬓ᭄ᬱᬶᬦᬾᬫᬶᬮᬶ᭞ᬲᭂᬥᭂᬕ᭄ᬗᬦ᭄ᬤᬶᬓᬲᬂᬧ᭄ᬭᬪᬸ᭞ᬫᬦ᭄ᬤᬯᬸᬳᬂᬭᬶᬂᬧᬋᬓᬦ᭄᭞ᬳᬧᬂᬳᬾᬗ᭄ᬕᬮ᭄ᬫᬗᬮᬶᬄᬅᬳ᭄ᬮᬸᬦ᭄ᬦᬸᬚᬸᬫ᭄᭞ᬫᬓᬤᬶᬲᬯᬢᭂᬓ᭄ᬩᬮ᭄ᬬᬦ᭄᭞ᬦᬾᬓᬸᬢᬸᬲᭂᬮᬶ

[᭖ 6A]
᭖
ᬫ᭄ᬫᬫᬃᬕ᭄ᬕᬶ᭞ᬢ᭄ᬯᬭᬳᬸᬘᬧᬂᬤᬶᬚᬮᬦ᭄᭞ᬅᬳ᭄ᬮᬸᬦ᭄ᬦᬸᬚᬸᬫᬾᬤᬶᬧᬸᬭᬶ᭞ᬫᬓᬤᬶᬜᬩᬮ᭄ᬬᬦ᭄ᬢᭂᬦᬸᬂ᭞ᬓᭂᬢᭀᬕ᭄ᬲᬾᬫ᭄ᬧ᭄ᬭᭀᬂᬗᬧᬸᬭᬶᬬᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬭᬶᬂᬅᬳ᭄ᬮᬸᬦᬸᬚᬸᬫ᭄᭞ᬢᬸᬮᬸᬂᬳᬶᬭ
ᬚᬓ᭄ᬫᬓᭂᬚᬂ᭞ᬢᬦ᭄ᬧᬓ᭄ᬭᬡᬩᬸᬓᬚᬦᬶ᭟ᬢᭂᬓᬵᬚᬕ᭄ᬚᬕ᭄ᬚᬮᬦ᭄ᬧᭂᬚᬂ᭞ᬧᬦᬓ᭄ᬳᬶᬭᬫᬓᭂᬲ᭄ᬬᬩ᭄‌ᬍᬫᭂᬢ᭄ᬕᬢᬶ᭞ᬳᬳ᭄ᬮᬸᬦᬸᬚᬸᬫᬾᬫᬩ᭄ᬭᬶᬬᬸᬓ᭄᭞ᬜᬸᬫ᭄ᬩᬄᬫᬢᬸᬭᬶᬂᬲᬂᬦᬵᬣ᭞ᬭᬢᬸᬤ᭄ᬯᬕᬸᬂᬲᬫ᭄ᬧᬸ
ᬦ᭄ᬧᬓᭀᬩᭂᬢ᭄ᬳᬶᬭᬢᬸ᭞ᬬᬾᬦ᭄ᬢᬶᬢ᭄ᬬᬂᬗᬫᬦᬳᬂ᭞ᬘᭀᬓᭀᬃᬳᬶᬤᬾᬯᬦᬾᬫᬗ᭄ᬓᬶᬦ᭄᭟ᬚᬕᬶᬫᬗ᭄ᬕᬶᬄᬓᬩᭂᬘᬶᬓᬦ᭄᭞ᬓᬭᬳᬬ᭄ᬯᬦ᭄‌ᬘᭀᬓᭀᬃᬳᬶᬤᬾᬯᬳᬕ᭄ᬮᬶᬲ᭄᭞ᬫᬚᬦ᭄ᬢᭂᬦ᭄ᬧᬘᬂᬫᬫ
ᬗ᭄ᬕᬸᬄ᭞ᬳᬦᬓ᭄ᬘᭀᬓᭀᬃᬳᬶᬤᬾᬯ᭞ᬓᬳᬕᬸᬗᬦ᭄‌ᬯᬢᭂᬓ᭄ᬤᬾᬯᬶᬚᬶᬫ᭄ᬫᬦᬸᬗ᭄ᬓᬸᬮ᭄᭞ᬫᬓᬫᬶᬯᬄᬧ᭄ᬭᬶᬫᬫ᭄ᬩᬂ᭞ᬩᭀᬬᬧᬸᬭᬸᬦ᭄ᬫᬓᬲᬫᬶ᭟ᬲᬓᬾᬯᬦ᭄ᬢᭂᬦ᭄ᬫᬩᭂᬮᬲᬦ᭄᭞ᬭᬶᬂᬧᬸᬢ᭄ᬭᬘᭀᬓᭀᬃ [ 7 ][᭖ 6B]
᭖
ᬳᬶᬤᬾᬯᬢᬦ᭄ᬮᬫᬶ᭞ᬭᬶᬂᬧᬸᬗ᭄ᬓᬸᬭᬦ᭄ᬫᬲᬶᬄᬭᬯᬸᬄ᭞ᬓᬚᬕᬢ᭄ᬮᬾᬮᬕᬫ᭄ᬩᬭ᭞ᬳᬶᬤᬳᬦᬓ᭄ᬘᭀᬓᭀᬃᬳᬶᬤᬾᬯᬤᬾᬯᬵᬕᬸᬂ᭞ᬲᬧᬸᬦᬶᬓᬵᬳᬦᬸᬢᬶᬢ᭄ᬬᬂ᭞ᬳᬗ᭄ᬕᬬᬂᬢᬳᬃᬦᬾᬫᬗ᭄ᬓᬶᬦ᭄᭟
ᬫᬲᬓᬧᬶᬢᬸᬭᬳᬶᬦ᭞ᬳᬶᬤᬳᬦᬓ᭄ᬘᭀᬓᭀᬃᬳᬶᬤᬾᬯᬫᬶᬮᬶᬂ᭞ᬢᬶᬢ᭄ᬬᬂᬦ᭄ᬤᬯᭂᬕᬂᬤᬾᬯᬕᬸᬂ᭞ᬧ᭄ᬭᬲᬗ᭄ᬕᬫᬧᬫᬶᬢ᭄ᬩᬸᬤᬮ᭄᭞ᬤᬲᬂᬧ᭄ᬭᬪᬸᬫᬳᬗ᭄ᬕᬸᬢᬦ᭄ᬮᬸᬢ᭄ᬫᬩ᭄ᬭᬶᬬᬸᬓ᭄᭞ᬅᬳ᭄ᬮᬸᬦᬸᬚᬸᬫᬾᬜᬸᬫ᭄ᬩᬄ᭞
ᬢᬸᬮᬓ᭄ᬲᬸᬯᬂᬲᬸᬯᬂᬫᬸᬮᬶᬄ᭟ᬲᬸᬩᬵᬢᬸᬢᬸᬕ᭄ᬧᬶᬢᬸᬂᬭᬳᬶᬦ᭞ᬭᬵᬚᬳᬶᬦ᭄ᬤ᭄ᬭᬓᬸᬫᬬᬮᬯᬸᬢ᭄ᬫᬶᬮᬶᬂ᭞ᬫᬢᬗᬶᬫᬮᬶᬗ᭄ᬕᬶᬄᬲᬫ᭄ᬧᬸᬦ᭄᭞ᬜᬸᬫ᭄ᬩᬄᬭᬶᬳᬶᬤᬳᬶᬤᬳᬚᬶᬦ᭄ᬤ᭞ᬲᬂᬧ᭄ᬭᬪᬸᬩᬦ᭄ᬩᬦ᭄ᬗᬦ᭄ᬤᬶᬓ
ᬳᬮᬸᬲ᭄᭞ᬥᬸᬄᬤᬾᬯᬧᬦᬓ᭄ᬩᬧ᭞ᬢᬸᬢᬸᬭᬶᬦ᭄ᬓᭀᬩᬧᬚᬦᬶ᭟ᬳ᭄ᬦᬄᬳᬧᬦᬾᬫᬓ᭄ᬭᬡ᭞ᬚᬮᬦ᭄ᬧᭂᬚᬂᬳᬶᬤᬾᬯᬵᬜᬶᬮᬶᬬᬢᬶ᭞ᬳᬶᬦ᭄ᬤ᭄ᬭᬓᬸᬫᬬᬫᬲᬯᬸᬃ᭞ᬫᬳᬯᬦᬦ᭄ᬢᬶᬢ᭄ᬬᬂᬤᬾᬯ᭞

[᭗ 7A]
᭗
ᬮᬮᬶᬧᬶᬲᬦ᭄‌‌ᬭᬶᬂᬢᭂᬓᬾᬦ᭄ᬢᬶᬢ᭄ᬬᬂᬲᬫᬗ᭄ᬕᬸᬄ᭞ᬭᬶᬚ᭄ᬭᭀᬦᬶᬂᬧᬗᬶᬧ᭄ᬬᬦ᭄᭞ᬲᬃᬯ᭄ᬯᬫᬸᬮ᭄ᬬᬍᬯᬶᬍᬯᬶᬄ᭟ᬧᬸᬦᬶᬓᬳᬯᬦᬦ᭄ᬢᬶᬢ᭄ᬬᬂ᭞ᬧᬤᭂᬫᬓᬮᬮᬶᬫᬸᬄᬢᬦ᭄ᬯᬾᬦ᭄ᬢᭂᬦ᭄ᬫᬶᬮᬶᬂ᭞ᬓᬤᬶᬢᬫ᭄ᬩᬾᬦᬾᬫ
ᬫᬗ᭄ᬕᬸᬄ᭞ᬗᭂᬦᬄᬩᭂᬘᬶᬓ᭄ᬓᬪᬶᬦᬯ᭞ᬫᬶᬯᬄᬯᬾᬦ᭄ᬢᭂᬦ᭄ᬕᬕᬫ᭄ᬩᬭᬦ᭄ᬧᬸᬢ᭄ᬭᬶᬳᬬᬸ᭞ᬧᬸᬦᬶᬓᬵᬫᬸᬗᭂᬗᬂᬢᬶᬢ᭄ᬬᬂ᭞ᬫᬩ᭄ᬮᬶᬗᭂᬭᬦ᭄ᬓᬦ᭄ᬢᭀᬲ᭄ᬮᬮᬶ᭟ᬭᬶᬂᬤᬾᬯᬗ᭄ᬕᭂᬦᬳᬧᬶᬲᬦ᭄᭞ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬦᬳᭂ
ᬦ᭄ᬫᬫᬗ᭄ᬕᬶᬳᬶᬦ᭄᭞ᬧᬧᭀᬢ᭄ᬭᬾᬢᬦ᭄ᬮᬶᬦ᭄ᬢᬂᬳᬬᬸ᭞ᬓᬤᬶᬦᬾᬳᬶᬧ᭄ᬬᬂᬢᬶᬢ᭄ᬬᬂ᭞ᬲᬂᬧ᭄ᬭᬪᬸᬓᭂᬜᭂᬫ᭄ᬢᬸᬃᬫᬢ᭄ᬭᬸᬄᬫᬢ᭄ᬭᬸᬄ᭞ᬢ᭄ᬯᬭᬗᬦ᭄ᬤᬶᬓᬵᬮᬸᬢ᭄ᬩᬸᬤᬮ᭄᭞ᬓᬧᬫᬺᬫᬦ᭄‌ᬰ᭄ᬭᬷᬪᬸᬧᬢᬶ᭟᭜᭟ᬧᬸᬧᬸᬄᬥᬂᬥᬂ᭟᭜᭟
ᬲᬩᬸᬤᬮᬾᬫᬳᬵᬭᬵᬚᬳᬶᬦ᭄ᬤ᭄ᬭᬓᬸᬘᬶ᭞ᬓᬧᬫᬺᬫᬦ᭄᭞ᬭᬚᬳᬶᬦ᭄ᬤ᭄ᬭᬓᬸᬫᬬ᭞ᬓᬮᬶᬦ᭄ᬢᬂᬲᬸᬗ᭄ᬲᬸᬢ᭄ᬓᬬᬸᬦᬾ᭞ᬲᬭᬸᬯᬂᬢᭀᬂᬤᬤᬶᬲᬭᬸ᭞ᬭᬭᬶᬲ᭄ᬫᬗᭂᬫ᭄ᬩᭂᬂᬬᬾᬄᬳᬓ᭄ᬱᬶ᭞ᬫᬶᬮᬶᬢᭂᬓᬾᬦ᭄ᬲ᭄ᬦᬬᬦ᭄ [ 8 ][᭗ 7B]
᭗
᭞ᬫᬗ᭄ᬕᬶᬄᬧᭀᬮᬳᬬᬸ᭞ᬧᬮᬶᬂᬫᬸᬮᬶᬲᬄᬫᬗ᭄ᬭᭀᬂ᭞ᬲᬄᬫ᭄ᬩ᭄ᬬᬧᬭ᭞ᬫᬓᭂᬮᬧ᭄ᬓᭂᬮᬧ᭄ᬓᬳᬓ᭄ᬱᬶ᭞ᬫᬗ᭄ᬤᬤᬶᬢᬸᬂᬢᬸᬗᬶᬂᬘᬶᬗᬓ᭄᭟ᬓᬤᬸᬂᬲᬸᬩᬗᬫ᭄ᬧᬸᬮᬸᬓ᭄ᬤᬤᬶᬩᭂᬲᬶᬓ᭄᭞ᬫᬩᭂᬲᬶᬓᬦ᭄᭞ᬓᬬᬸᬦ᭄ᬳᬶᬦ᭄ᬤ᭄ᬭ
ᬓᬸᬫᬬ᭞ᬫᬫ᭄ᬭᬢ᭄ᬓᬸᬮᬗᬸᬦᬦᬾ᭞ᬧᭂᬢᭂᬂᬍᬫᬄᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬤᬾᬦᬶᬂᬧᬜᬢ᭄ᬭᬶᬬᬂᬯᬶᬥᬶ᭞ᬤᬶᬓᬧᬦ᭄ᬤᬤᬶᬳᭂᬗ᭄ᬲᬧ᭄᭞ᬮᬶᬮᬬᬂᬤᬶᬓᬬᬸᬦ᭄᭞ᬲᬬᬦ᭄ᬗᬯᬸᬯᬸᬳᬶᬦ᭄ᬲᬸᬲ᭄ᬬᬄ᭞ᬫᬫᬸᬮᬶᬲᬄ᭞ᬳᬶᬦ᭄ᬤ᭄ᬭᬓᬸᬫ
ᬬᬲᬲᬳᬶ᭞ᬢ᭄ᬯᬭᬲᭂᬍᬕ᭄ᬫᬗᬬᬸᬦᬂ᭟ᬫᬦᭀᬕᬲᬂᬳᬶᬦ᭄ᬤ᭄ᬭᬓᬸᬫᬬᬵᬦᬾᬚᬦᬶ᭞ᬗᬧᬸᬭᬶᬬᬂ᭞ᬫᬫᬋᬓ᭄ᬳᬚᬶᬦ᭄ᬤ᭞ᬫᬓᬤᬶᬂᬜᬭᬶᬂᬩᬶᬬᬗᬾ᭞ᬲᬭᬯᬸᬳᬾᬜᭂᬫ᭄ᬩᬄᬫᬢᬸᬃ᭞ᬳᬢᬸᬭᬾᬫᬢᬸᬂᬢᬸᬂᬢ
ᬗᬶᬲ᭄᭞ᬳᬶᬗ᭄ᬕᬶᬄᬭᬢᬸᬲᬂᬦᬵᬣ᭞ᬫᬓᬤᬶᬩᬶᬬᬗᬕᬸᬂ᭞ᬤᬯᭂᬕ᭄ᬭᬶᬂᬦᬲᬶᬦᬫ᭄ᬧᬸᬭ᭞ᬳᬢᬸᬃᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬦ᭄ᬤᬯᭂᬕᬂᬫᬗ᭄ᬓᬶᬦ᭄᭞ᬫᬧᬫᬶᬢ᭄ᬚᬸᬕᬮᬸᬗ᭄ᬳᬳ᭟ᬲᬦᬾᬩᬾᬜ᭄ᬚᬂᬗᬋᬋᬄᬫᬗ᭄ᬤᬾᬓ᭄ᬦᬶ᭞ᬳᬦ᭄ᬢᬸᬓ᭄ᬢᬶ

[᭘ 8A]
᭘
ᬢ᭄ᬬᬂ᭞ᬬᬦ᭄ᬤᬶᬚᬕᭂᬦᬳ᭞ᬓᬤᬶᬳᬶᬧᬶᬬᬦ᭄ᬢᬶᬢ᭄ᬬᬗᬾ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬮᬸᬲ᭄᭞ᬗᬸᬤ᭄ᬬᬂᬳᬶᬤᬾᬯᬦᬶᬗ᭄ᬕᬮᬶᬦ᭄᭞ᬚᬕᬢᬾᬳᬧᬤᬤᬶᬜ᭞ᬓᭂᬮ᭄ᬓᬮᬳᬶᬦ᭄ᬳᬕᬸᬲ᭄᭞ᬬᬦ᭄ᬳᬤᬳᬶᬤᭂᬧ᭄ᬳᬶᬤᬾᬯ᭞ᬗ
ᬮᬶᬄᬲᭀᬫᬄ᭞ᬩᬧᬗᬮᬶᬳᬂᬓᬮ᭄ᬧ᭄ᬭᬫᬶ᭞ᬳᭀᬓᬦ᭄ᬭᬚᬓᬾᬦ᭄ᬩᬸᬤ᭄ᬥᬶᬬᬂ᭟ᬲᬳᬲᭂᬫ᭄ᬩᬄᬳᬶᬦ᭄ᬤ᭄ᬭᬓᬸᬫᬬᬜᬯᬸᬭᬶᬦ᭄᭞ᬲᬫ᭄ᬧᬸᬦ᭄ᬧᬶᬲᬦ᭄᭞ᬓᬤᬶᬲᬸᬫᬦ᭄ᬤᬾᬬ᭞ᬧᬶᬲᬭᬬᬂᬧᬦᬶᬢᬳᬾ᭞ᬳᬶ
ᬤᬲᬂᬳ᭄ᬬᬂᬯᬶᬤ᭄ᬥᬶᬭᬢᬸ᭞ᬬᬦ᭄ᬲᬫ᭄ᬧᬸᬦ᭄ᬲᬶᬤ᭄ᬥᬶᬓᬧᬗ᭄ᬕᬶᬄ᭞ᬲᬦᬾᬧᬘᬂᬋᬋᬄᬢᬶᬢ᭄ᬬᬂ᭞ᬢᬶᬢ᭄ᬬᬂᬕ᭄ᬮᬶᬲ᭄ᬭᬯᬸᬄ᭞ᬫᬮᬶᬄᬢᬸᬮᬓ᭄ᬓᬦᬵᬕᬭ᭞ᬲᬧᬸᬦᬶᬓᬵ᭞ᬳᬢᬸᬭᬾᬳᬫ᭄ᬮᬲᬲᬶᬄ᭞ᬧ᭄ᬭᬫᬶᬰ᭄ᬯᬭᬶᬭᬭᬶᬲ᭄ᬗᬸᬘ
ᬧ᭄᭟ᬤᬸᬄᬤᬾᬯᬵᬧᬦᬓ᭄ᬩᬶᬬᬂᬲᬬᬂᬕᬢᬶ᭞ᬚᬶᬯᬦ᭄ᬩᬶᬬᬂ᭞ᬮᬲ᭄ᬧᬶᬲᬦ᭄ᬳᬶᬤᬾᬯᬵ᭞ᬗᬮᬳᬶᬦ᭄ᬳᬯᬓ᭄ᬩᬶᬬᬗᬾ᭞ᬢᬦ᭄ᬧ᭄ᬭᬶᬯᬗ᭄ᬤᬾᬩᬬᬂᬮᬫ᭄ᬧᬸᬲ᭄᭞ᬬᬦ᭄ᬳᬶᬤᬾᬯᬵᬫᬦᬶᬗ᭄ᬕᬮᬶᬦ᭄᭞ᬢ᭄ᬯᬭᬳᬤᬧ᭄ᬯᬭᬦ᭄ᬜ [ 9 ][᭘ 8B]
᭘
᭞ᬩᬶᬬᬂᬳᭂᬦᬸᬳᬶᬤᬸᬧ᭄᭞ᬧᬓ᭄ᬦᬲᬬᬗᬂᬦᬶᬗ᭄ᬕᬮ᭄᭞ᬓᬾᬢᭀᬧᬶᬲᬦ᭄᭞ᬤᭀᬂᬳᬶᬤᭂᬧᬂᬤᬾᬯᬲᬶᬗ᭄ᬕᬶᬄ᭞ᬳᭂᬤᬵᬤᬾᬯᬵᬓᬶᬚᬓᬶᬚ᭟ᬫᬮᬶᬄᬫᬢᬸᬃᬳᬶᬦ᭄ᬤ᭄ᬭᬓᬸᬫᬬᬗᬪᬓ᭄ᬢᬶ᭞ᬭᬶᬂᬳᬚᬶᬦ᭄ᬤ᭞ᬫ
ᬦᬶᬫ᭄ᬩᬮ᭄ᬫᬢᬸᬃᬳᬶᬤ᭞ᬲᬤᬶᬬᬂᬳᬍᬧ᭄ᬳᬢᬸᬭᬾ᭞ᬲᬫ᭄ᬧᬸᬦᬂᬓᭀᬩᭂᬢ᭄ᬭᬶᬂᬓᬬᬸᬦ᭄᭞ᬳᬫ᭄ᬩᬢ᭄ᬳᬶᬤᬲᬂᬳ᭄ᬬᬂᬯᬶᬤ᭄ᬥᬶ᭞ᬫᬦᬸᬤᬸᬳᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬤᬸᬫᬤᬓ᭄ᬭᬳᬬᬸ᭞ᬧᬫᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬮᬸᬗ᭄ᬳ᭞ᬓᬤᬸ
ᬮᬸᬭᬦ᭄᭞ᬫᬦ᭄ᬢᬸᬓ᭄ᬢ᭄ᬬᬂᬫᬶᬰᬾᬱᬵᬪᬸᬫᬶ᭞ᬜᬮᬶᬫᬳᬂᬤᬾᬯᬾᬓ᭄ᬢᬶᬢ᭄ᬬᬂ᭟ᬤᬾᬦᬶᬂᬓᭂᬥᭂᬄᬫᬧᬫᬶᬢ᭄ᬭᬶᬂᬳᬚᬶᬩᬶᬩᬶ᭞ᬳᬶᬦ᭄ᬤ᭄ᬭᬓᬸᬫᬬ᭞ᬢᭀᬂᬤᬤᬶᬩᬮᬶᬓᬂ᭞ᬓᬤᬸᬂᬢᬶᬮᬶᬂᬧᬗᬱ᭄ᬝᬶᬦᬾ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵ
ᬳᬮᬸᬲ᭄᭞ᬬᬾᬦ᭄ᬓᬾᬢᭀᬦᬄᬦᬾᬦ᭄ᬤᬸᬂᬚᬦᬶ᭞ᬩᬧᬦᬸᬦ᭄ᬤᬾᬦ᭄ᬦᬩ᭄ᬥᬩᬂ᭞ᬬᬦ᭄ᬳᬓᬸᬤᬂᬳᬶᬬᬸ᭞ᬳᬶᬤᬾᬯᬵᬓᬮ᭄ᬫᬢᬸᬢᬸᬢᬦ᭄᭞ᬳᬸᬮᬸᬩᬮᬂ᭞ᬫᬓᬤᬶᬦ᭄ᬜᬧᬭᬫᬦ᭄ᬢ᭄ᬭᬶ᭞ᬫᬳᬢᬸᬃᬳᬶᬦ᭄ᬤ᭄ᬭᬓᬸᬫᬬ᭟ᬲᬫ᭄ᬧᬸ

[᭙ 9A]
᭙
ᬦ᭄ᬧᬶᬲᬦ᭄ᬧᬗ᭄ᬮᬸᬄᬩᬧᬫᬮᬶᬄ᭞ᬫᬡ᭄ᬥᬯᬸᬳᬂ᭞ᬧᬘᬂᬦᬸᬢᬸᬢᬶᬦ᭄ᬢᬶᬢ᭄ᬬᬂ᭞ᬩᬗ᭄ᬕᬬᬂᬢᬶᬢ᭄ᬬᬂᬫᬦ᭄ᬤᬾᬯᬾᬓ᭄᭞ᬭᬾᬄᬧᬫᬃᬕ᭄ᬕᬶᬦ᭄ᬢᬶᬢ᭄ᬬᬂᬭᬢᬸ᭞ᬤᬸᬭᬸᬂᬓᬦ᭄ᬢᭂᬦ᭄ᬚᬕᬳᬸᬗ᭄ᬲᬶ᭞ᬳᬶᬦ᭄ᬤ᭄ᬭᬓᬸᬫᬬᬫᬜᬸᬫ᭄ᬩᬄ᭞ᬫᬧ
ᬫᬶᬢ᭄ᬫᬗ᭄ᬮᬯᬸᬢ᭄᭞ᬤᬾᬫ᭄ᬧᭀᬤᬾᬫ᭄ᬧᭀᬓᬧᬫᬺᬫᬦ᭄᭞ᬤᬾᬦᬶᬂᬩᬾᬜ᭄ᬚᬂ᭞ᬲᬋᬧᭂᬢ᭄ᬧᬘᬂᬫᬫᬃᬕ᭄ᬕᬶ᭞ᬕᬶᬦᬤᬵᬳᬗ᭄ᬕᭀᬦ᭄ᬧᬜᭂᬮᬄ᭟᭜᭟ᬧᬸᬧᬸᬄᬕᬶᬦᬥ᭟᭜᭟ᬲᬭᬯᬸᬳᬾᬭᬶᬂᬧᬫᬺ
ᬫᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬦᬗᬶᬲ᭄᭞ᬲᬶᬕ᭄ᬲᬶᬕᬦ᭄ᬫᬗᬚᬧᬚᬧ᭄᭞ᬧᬸᬢ᭄ᬭᬶᬦᬾᬓᬮᬶᬦ᭄ᬢᬂᬳᬬᬸ᭞ᬦᬾᬢᭂᬧᬸᬓ᭄ᬤᬶᬧᬗᬶᬧ᭄ᬬᬦ᭄᭞ᬲᭂᬤᬶᬄᬓᬶᬂᬓᬶᬂ᭞ᬕᭂᬩ᭄ᬬᬕ᭄ᬕᭂᬩ᭄ᬬᬸᬕ᭄ᬫᬫᬸᬮᬶᬗ᭄ᬲᬃ᭟ᬕᬕᬸᬮᬶᬗᬾᬳ
ᬭᬲ᭄ᬳᬭᬲ᭄᭞ᬕᭂᬮᬸᬢ᭄ᬭᬸᬫ᭄ᬭᬸᬫ᭄ᬧᬧᬰᬶᬳᬶᬦ᭄᭞ᬦᬫ᭄ᬩ᭄ᬬᬲ᭄ᬧᭂᬲᬸᬬᬾᬄᬘᬶᬗᬓ᭄᭞ᬕᬍᬂᬕᬕᬸᬮᬶᬗᬾᬓᬸᬲᬸᬢ᭄᭞ᬮᬯᬸᬢ᭄ᬜᭂᬫᬓ᭄ᬲᬧᬸᬢᬗᬦ᭄᭞ᬫᬦᬸᬮ᭄ᬢᬸᬮᬶᬦ᭄᭞ᬬᬾᬄᬧᬦᭀᬦ᭄ᬫᬤᬺᬲ᭄ᬫᬫ᭄ᬩᬄ [ 10 ][᭙ 9B]
᭙
᭟ᬮᬶᬗ᭄ᬮᬸᬂᬧᬮᬶᬂᬕᬤᬓ᭄ᬳᬸᬬᬂ᭞ᬳᬶᬦ᭄ᬤ᭄ᬭᬩᬸᬫᬬᬵᬗᬶᬢᬶᬧᬶᬢ᭄᭞ᬗᬸᬫᬶᬓ᭄ᬩᬸᬓᬵᬳᬦᬓᬾᬤᬦ᭄᭞ᬤᭂᬓᭂᬲ᭄ᬤᭂᬓᭂᬲ᭄ᬳᬗᬸᬄᬳᬗᬸᬄ᭞ᬤᬶᬚᬵᬳᬶᬤᬾᬯᬵᬫᬕ᭄ᬦᬄ᭞ᬢ᭄ᬯᬦ᭄ᬧᬸᬢ᭄ᬭᬶ᭞ᬩᭀᬬᬘᬶᬗᬓ᭄ᬭᬢᬸ
ᬢᬶᬢ᭄ᬬᬂ᭟ᬓᬾᬦᬾᬜᬦ᭄ᬤᬂᬓᬸᬮᬗᬸᬦᬦ᭄᭞ᬧᬶᬦᬓ᭄ᬧᬶᬓᬧᬗ᭄ᬕᬶᬄ᭞ᬬᬦ᭄ᬢ᭄ᬯᬭᬢᭂᬧᬸᬓ᭄ᬳᬶᬤᬾᬯᬵ᭞ᬲᬸᬓᬬᬦ᭄ᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬓᬸᬤᬸᬳᬶᬤᬸᬧ᭄ᬓᬤᬸᬄᬓᬶᬢᬦ᭄᭞ᬲᬸᬓᬫᬢᬶ᭞ᬫᬜᭂᬩᬸᬭᬶ
ᬦ᭄ᬧᬗ᭄ᬓᬸᬂᬢᬸᬓᬤ᭄᭟ᬓᬾᬢᭀᬧᬦᬸᬮᬫᬾᬦ᭄ᬳᬶᬤ᭞ᬫᬫᬸᬗ᭄ᬮᬶᬂᬫᬗᬰᬶᬄᬳᬰᬶᬄ᭞ᬗᬗᭂᬦᬾᬦᬾᬲᬸᬫ᭄ᬧ᭄ᬦᬬᬂ᭞ᬤᬶᬧᭂᬢᭂᬗᬾᬢ᭄ᬯᬭᬢᬸᬭᬸ᭞ᬳᭀᬲᬄᬳᬸᬬᬂᬫᬓᬍᬫᬄ᭞ᬓᭂᬘᬸᬤ᭄ᬓᬸᬦᬶᬂ᭞ᬢᬸᬃ
ᬩᭂᬗᬸᬮ᭄ᬳᬶᬦ᭄ᬤ᭄ᬭᬩᬸᬫᬬ᭟᭜᭟ᬧᬸᬧᬸᬥᬂᬥᬂ᭟᭜᭟ᬧᬲᭂᬫᭂᬗᬦ᭄ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬫᬗᬾᬩ᭄ᬭᬲᬂ᭞ᬫᬢᬗᬶᬮᬸᬢ᭄ᬫᭂᬤᬮ᭄᭞ᬫᬫᬋᬓ᭄ᬳᬚᬶᬩᬶᬬᬗᬾ᭞ᬲᬂᬧ᭄ᬭᬪᬸᬲᭂᬤᭂᬓ᭄ᬫᬮᬸᬗ᭄ᬕᬸᬄ᭞ᬳᬶ

[᭑᭐ 10A]
᭑᭐
ᬦ᭄ᬤ᭄ᬭᬩᬸᬫᬬᬗᬪᬓ᭄ᬢᬶ᭞ᬫᬧᬫᬶᬢ᭄ᬭᬶᬂᬳᬚᬶᬩᬶᬬᬂ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬭᬢᬸ᭞ᬧᬲᭂᬫᭂᬗᬦ᭄ᬧᬘᬂᬮᬸᬗ᭄ᬳᬵ᭞ᬫᬗᬸᬫ᭄ᬩᬭ᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬩᭂᬕ᭄ᬩᭂᬕᬦ᭄ᬢ᭄ᬯᬭᬫᬗᬸᬘᬧ᭄᭟ᬳᬶᬦ᭄ᬤ᭄ᬭᬩᬸᬫᬬᬜᭂ
ᬫ᭄ᬩᬄᬭᬶᬂᬳᬚᬶᬩᬶᬩᬶ᭞ᬭᬭᬶᬲ᭄ᬫᭂᬤᬮ᭄᭞ᬢᬸᬫᬸᬮᬶᬫᬫᬃᬕ᭄ᬕ᭞ᬲᬬᬦ᭄ᬲᬯᬢ᭄ᬧᬫᬃᬕ᭄ᬕᬶᬦᬾ᭞ᬗᬮᬶᬦ᭄ᬢᬗᬶᬦ᭄ᬳᬮᬲ᭄ᬕᬸᬦᬸᬂ᭞ᬢ᭄ᬕᬮ᭄ᬫᬶᬂᬮᬓᬂᬫᬓᬵᬤᬶ᭞ᬤᬶᬳᬮᬲᬾᬮᬶᬬᬸᬧᬶᬲᬦ᭄᭞ᬩᬸᬭᭀᬦᬾ
ᬓᬘᬸᬦ᭄ᬤᬸᬓ᭄᭞ᬲᬃᬯ᭄ᬯᬩᬸᬭᭀᬦᬾᬦᬾᬕᬮᬓ᭄᭞ᬫᬘᬦ᭄ᬲᬶᬗ᭄ᬳᬵ᭞ᬩᬭᬸᬯᬂᬳᬶᬚᬸᬗᬾᬲᬫᬶ᭞ᬗᬸᬦ᭄ᬢᬸᬓ᭄ᬢᭀᬂᬩᬦᬶᬫᬢᬗᬄ᭟ᬧᬫᬃᬕ᭄ᬕᬶᬦᬾᬳᬶᬦ᭄ᬤ᭄ᬭᬩᬸᬫᬬᬫᭂᬍᬗᬶᬦ᭄᭞ᬳᭂᬗ᭄ᬲᭂᬩᬦ᭄ᬲᬸᬃᬬ᭄ᬬ
᭞ᬢ᭄ᬯᬭᬫᬭᬭᬶᬬᬦ᭄᭞ᬧᬫᬃᬕ᭄ᬕᬶᬦᬾᬢᬦ᭄ᬤᬸᬫᬤᬾ᭞ᬲᬢᬶᬩᬧᬭᬦᬶᬂᬮᬓᬸ᭞ᬕᬸᬦᬸᬂᬢᭂᬕᭂᬄᬢᬦ᭄ᬲᬶᬦᬶᬧᬶ᭞ᬳᬢᬸᬩ᭄ᬩᬳᬦ᭄ᬓᬓᬬᭀᬦᬦ᭄᭞ᬓᬦ᭄ᬢᭂᬦ᭄ᬕᭂᬤᬾᬜᬸᬓᬸᬃ᭞ᬢᬸᬃᬓᬮᬶᬧᬸᬢ᭄ᬩᬳ [ 11 ][᭑᭐ 10B]
᭑᭐
ᬦᬯᬦ᭄᭞ᬗᭂᬦᬄᬳᬶᬮᬂ᭞ᬫᬸᬜ᭄ᬘᬸᬓ᭄ᬜᬦᬾᬗᬮᬶᬓ᭄ᬳᬮᬶᬓ᭄᭞ᬲᬫᬃᬲᬭᬸᬓᬘᬶᬗᬓᬦ᭄᭟ᬫᬗᬸᬮᬳᬂᬳᬶᬦ᭄ᬤ᭄ᬭᬩᬸᬫᬬᬵᬫᬫᬃᬕ᭄ᬕᬶ᭞ᬢᬦ᭄ᬢᭀᬮᬶᬳᬦ᭄᭞ᬢᬦ᭄ᬓᬾᬗ᭄ᬕᬸᬄᬳᬩᬬ᭞ᬲᬸᬩᬧᬳᭂᬓ᭄
ᬧᬫᬃᬕ᭄ᬕᬶᬦᬾ᭞ᬳᬶᬦ᭄ᬤ᭄ᬭᬩᬸᬫᬬᬫᬜ᭄ᬚᬸᬚᬸᬃ᭞ᬓᬩᭀᬗ᭄ᬓᭀᬮ᭄ᬕᬸᬦᬸᬗᬾᬗ᭄ᬭᬭᬶᬲ᭄᭞ᬲᬭᬯᬸᬳᬾᬲᬕᬾᬢ᭄ᬳᬤ᭞ᬳᬦᬓ᭄ᬢ᭄ᬯᬢᭂᬧᬸᬓ᭄᭞ᬳᬦᬓᬾᬢᬸᬯᬵᬫᬗᬸᬘᬧ᭄᭞ᬜᬾᬦ᭄ᬳᬶᬤᬾᬯᬵ
᭞ᬓᬶᬚᬩᬕᬸᬲ᭄ᬢᬸᬫ᭄ᬩᬾᬦ᭄ᬕᬢᬶ᭞ᬤᬤᭀᬂᬫᬫᬗ᭄ᬕᬶᬄᬳᬶᬤᬾᬯ᭟ᬓᬮᬶᬄᬳᬧᬩ᭄ᬯᬢᬂᬳᬶᬤᬾᬯᬫᬳᬶ᭞ᬮᬄᬢᬸᬢᬸᬭᬂ᭞ᬫᬗ᭄ᬤᬾᬤᬤᭀᬂᬦᬯᬵᬂ᭞ᬢᬸᬢᬸᬭᬂᬓᬚᬢᬾᬦᬦᬾ᭞ᬳᬶᬦ᭄ᬤ᭄ᬭᬵ
ᬩᬸᬫᬬᬵᬫᬲᬯᬸᬃ᭞ᬢᬶᬢ᭄ᬬᬂᬓᬲᬗ᭄ᬲᬭᬦᬶᬦ᭄᭞ᬫᬜᬸᬲᬸᬧ᭄ᬓᬧ᭄ᬮᬦ᭄ᬧ᭄ᬮᬦ᭄᭞ᬲᬢᬶᬩᬧᬭᬦᬶᬂᬮᬓᬸ᭞ᬫᬓᬫᬶᬯᬄᬯᬲ᭄ᬢᬦ᭄ᬢᬶᬢ᭄ᬬᬂ᭞ᬳᬶᬦ᭄ᬤ᭄ᬭᬩᬸᬫᬬ᭞ᬳᭀᬓᬦ᭄ᬭᬚᬳᬶᬦ᭄ᬤ᭄ᬭᬓᬸᬘᬶ᭞ᬭᬶᬚᬕᬢ᭄ᬮᬾ

[᭑᭑ 11A]
᭑᭑
ᬮᬕᬫ᭄ᬩᬭ᭟ᬭᬚᬳᬶᬦ᭄ᬤ᭄ᬭᬩᬸᬫᬬᬦ᭄ᬥᬃᬢᬬᬂᬫᬫᬶ᭞ᬧᬭᬶᬓᬡ᭄ᬥ᭞ᬭᬶᬂᬳᬦᬓᬾᬢᬸᬯ᭞ᬓᬤᬶᬤᬕᬶᬂᬲᬸᬫ᭄ᬧ᭄ᬦᬦᬦᬾ᭞ᬳᬦᬓᬾᬢᬸᬯᬫᬲᬯᬸᬃ᭞ᬤᬶᬓᬧᬦ᭄ᬧᬘᬂᬓᬧᬗ᭄ᬕᬶᬄ᭞ᬤᬾ
ᬦᬶᬂᬧᬸᬢ᭄ᬭᬶᬦᬾᬢᭀᬢᭀᬜ᭞ᬲᬸᬩᬳᬸᬮᬶᬫᬮᬸ᭞ᬳᬶᬤᬗᭂᬮᬄᬢᬢᬕᭀᬦᬦ᭄᭞ᬫᬧᬲᬾᬗᬦ᭄᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶᬂ᭞ᬦᬗ᭄ᬳᬶᬂᬬᬦ᭄ᬢ᭄ᬯᬄᬧᬶᬲᬭᬢᬂ᭟ᬳᬧᬂᬩᬓᬢ᭄ᬢ᭄ᬯᬦ᭄ᬧᬸᬢ᭄ᬭᬶ
ᬓᬸᬲᬸᬫᬤᬾᬯᬶ᭞ᬩᬦ᭄ᬳᬶᬤᬾᬯᬵ᭞ᬧᬘᬂᬗᬗ᭄ᬕᬾᬦ᭄ᬲᭀᬫᬄ᭞ᬳᭂᬦᬸᬲᬯᬢ᭄ᬧᬚᬮᬦᬾ᭞ᬚᬮᬦᬶᬦ᭄ᬳᬧᬂᬓᬢᭂᬧᬸᬓ᭄᭞ᬰ᭄ᬭᬷᬫᬳᬵᬭᬵᬚᬰᬓ᭄ᬢᬶ᭞ᬤᬶᬢᬸᬦᬸᬦᬲ᭄ᬯᬭᬄᬯᬭᬄ᭞ᬫᬓᬤᬶᬫᬳᬸ
ᬭᬸᬓ᭄᭞ᬢᬢᬶᬗ᭄ᬓᬳᬦ᭄ᬤᬶᬧᬲ᭄ᬬᬢᬦ᭄᭞ᬬᬾᬦᬶᬂᬲᬸᬩ᭞ᬫᬢᬶᬳᬧᬂᬳᬶᬤᬸᬧ᭄ᬩᬸᬯᬶᬦ᭄᭞ᬓᬾᬢᭀᬢᬸᬢᬸᬭᬦ᭄ᬜᬤᬾᬯᬵ᭟ᬭᬚᬳᬶᬦ᭄ᬤ᭄ᬭᬩᬸᬫᬬᬵᬗᬸᬘᬧ᭄ᬳᬭᬶᬲ᭄᭞ᬫᬜᭂᬲᭂᬤᬂ᭞ᬗ᭄ᬕᬶᬄᬦᬶᬓ [ 12 ][᭑᭑ 11B]
᭑᭑
ᬳᬶᬦ᭄ᬢᬶᬢ᭄ᬬᬂ᭞ᬭᬶᬂᬤᬶᬚᬮᬶᬗ᭄ᬕᬶᬄᬳᬶᬤᬦᬾ᭞ᬧᬸᬦᬶᬓᬲᬦᬾᬓᬯᬸᬯᬸᬲ᭄᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬳᬦᬓᬾᬢᬸᬯᬫᬗᬸᬘᬧ᭄᭞ᬬᬦ᭄ᬳᬶᬤᬾᬯᬵᬫᬓᬬᬸᬦ᭄᭞ᬲᬫ᭄ᬧᬸᬦ᭄ᬤᬦᬾᬫᬜᬶ
ᬤᬬᬂ᭞ᬫᬋᬓ᭄ᬳᬶᬤ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬚᬮᬦ᭄ᬤᬤᭀᬂᬫᬗᬢᭂᬳᬂ᭟ᬗᬫᭂᬦᬾᬓᬂᬓᬧᬸᬘᬓ᭄ᬕᬸᬦᬸᬗᬾᬤᬶᬦᬶ᭞ᬤᬾᬦᬶᬂᬳᬤ᭞ᬢᬧᬵᬳᬸᬮᬶᬮᬯᬲ᭄᭞ᬓᬪᬶᬦᬯᬵᬓᬰᬓ᭄ᬢᬾᬦᬾ᭞
ᬤᬶᬢᬸᬧᬢᬸᬢ᭄ᬢᭀᬗᭀᬲ᭄ᬳᬮᬸᬲ᭄᭞ᬬᬦ᭄ᬳᬧᬢᬸᬢ᭄ᬧᬸᬭᬸᬓᬶᬦ᭄᭞ᬫᬓᬤᬶᬧᬲᬾᬗᬦ᭄ᬳᬶᬤ᭞ᬢᬧᬦᬾᬓᬯᬸᬯᬸᬲ᭄᭞ᬫᬳᬭᬦ᭄ᬲᬶᬳᬦ᭄ᬢᬓᬸᬲ᭄ᬬ᭞ᬫᬓᬤᬶᬜ᭞ᬕᬸᬦᬸᬗᬾᬦᬾᬓᬳᬤᬦᬶᬦ᭄
᭞ᬕᬸᬦᬸᬂᬳᬶᬦ᭄ᬤ᭄ᬭᬫᬳᬵᬭᬸᬧ᭟ᬦᬗ᭄ᬳᬶᬂᬤᬤᭀᬂᬳᬤᬗ᭄ᬮᬄᬳᬩᭂᬲᬶᬓ᭄᭞ᬕᬕᭂᬫᭂᬢᬦ᭄᭞ᬕᬸᬮᬶᬕᬳᬤᬦ᭄ᬜ᭞ᬧᬂᬩᬶᬲᬵᬗᭂᬦ᭄ᬤᬶᬄᬭᬸᬧᬦᬾ᭞ᬫᬦ᭄ᬤᬤᬶᬩᬸᬗ᭄ᬳᬫᭂᬦᬸᬄ᭞ᬫᬓᬤᬶᬜᬤᬤᬶᬩ᭄ᬲᬶ᭞

[᭑᭒ 12A]
᭑᭒
ᬳᬶᬦ᭄ᬤ᭄ᬭᬩᬸᬫᬬᬳᬗᬸᬘᬧ᭄᭞ᬬᬦᬶᬦᬶᬧᬶᬢᬸᬮᬸᬲ᭄᭞ᬲᬸᬯᬾᬦ᭄ᬜᬫᬧᬸᬢᬸᬢᬶᬢ᭄ᬬᬂ᭞ᬳᬶᬘᬾᬦ᭄ᬢᬶᬢ᭄ᬬᬂ᭞ᬕᬸᬮᬶᬕᬵᬧᬸᬦᬶᬓᬶᬦᬶᬦᬶ᭞ᬳᬦᬓᬾᬢᬸᬯᬫᬜᭂᬫᬓ᭄᭟ᬕᬸᬮᬶᬕᬦᬾᬳᬶᬦ᭄ᬤ᭄ᬭᬩᬸᬫ
ᬬᬓᭂᬜ᭄ᬚᬸᬳᬶᬦ᭄᭞ᬮᬸᬢ᭄ᬓᬢᬗ᭄ᬕᬧ᭄᭞ᬭᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬦᬓᬾᬢᬸᬯᬧᬗᬸᬘᬧᬾ᭞ᬫ᭄ᬩᬦ᭄ᬫᭂᬓᬲ᭄ᬫᭂᬓᬓᬲ᭄ᬳᬮᬸᬲ᭄᭞ᬬᬾᬦ᭄ᬳᬶᬤᬾᬯᬓᬮ᭄ᬫᬩᬸᬤ᭄ᬥᬶ᭞ᬕᬸᬮᬶᬕᬦᬾᬮᬯᬸᬢ᭄᭞ᬧᭂᬲ᭄ᬯᬂᬤᬤᭀᬂ
ᬓᬾᬜ᭄ᬘᭂᬧᬂ᭞ᬚ᭄ᬭᭀᬦᬶᬂᬫᬦᬄ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬗ᭄ᬕᬮ᭄ᬕᬸᬦᬸᬂᬗᬫᭂᬦᬾᬓᬂ᭟᭜᭟ᬧᬸᬧᬸᬄᬲ᭄ᬭᬶᬦᬵᬣ᭟᭜᭟ᬫᬳᬵᬋᬱᬶᬳᬦ᭄ᬢᬓᬸᬲ᭞ᬤᬶᬕᬸᬦᬸᬂᬲ᭄ᬥᭂᬂᬓᬢᬗ᭄ᬓᬶᬮ᭄᭞ᬩᬦ᭄ᬫᬸᬭᬶᬤ᭄ᬫᬸᬭᬶᬤ᭄ᬲᬫᬶ
ᬬᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬵᬫᬗᬓ᭄ᬱᬶ᭞ᬫᬸᬦ᭄ᬢᬩ᭄ᬘᬬᬦᬾᬢᬦ᭄ᬲᬶᬧᬶ᭞ᬢᬦ᭄ᬧᬢᬼᬢᭂᬄᬮᬶᬦ᭄ᬢᬂᬫᬸᬭᬸᬩ᭄᭞ᬫᬳᬵᬋᬱᬶᬳᬦ᭄ᬢᬓᬸᬰ᭞ᬳᬢᬧ᭄ᬮᬶᬬᬸᬦᬾᬫᬦᬗ᭄ᬓᬶᬮ᭄᭞ᬫᬳᬵᬋᬱᬶ᭞ᬳᬦ᭄ᬢᬓᬸᬱᬵᬭ [ 13 ][᭑᭒ 12B]
᭑᭒
ᬭᬶᬲ᭄ᬗᬸᬘᬧ᭄᭟ᬭᬶᬂᬫᬸᬭᬶᬤᬾᬲᬶᬦᬫᬶᬬᬦ᭄᭞ᬓᭂᬫᬵᬢᬸᬢᬸᬢᬶᬦ᭄ᬚᬕ᭄ᬚᬕᬶᬦ᭄᭞ᬧᬧᬕᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬳᭀᬓᬦ᭄ᬭᬚᬳᬶᬦ᭄ᬤ᭄ᬭᬓᬸᬘᬶ᭞ᬳᭂᬥᬵᬳᬫ᭄ᬧᬄᬫᬗᭀᬃᬫᬢᬶᬦ᭄᭞ᬳᬶᬭᬶᬗᬂᬫᬳᬶᬫᬗ᭄ᬮ
ᬯᬸᬢ᭄᭞ᬫᭂᬮᬄᬫᭂᬮᬄᬩᬦ᭄ᬫᬜᬧ᭞ᬳᭂᬦ᭄ᬢᭀᬳᭀᬓᬦ᭄ᬳᬦᬓ᭄ᬮᭂᬯᬶᬄ᭞ᬦᬾᬗᬕᬸᬗᬶᬦ᭄᭞ᬤᬶᬚᬕᬢ᭄ᬮᬾᬮᬵᬕᬫ᭄ᬩᬭ᭟ᬫᬸᬭᬶᬤᬾᬫᬩ᭄ᬭᬶᬬᬸᬓ᭄ᬜᬸᬫ᭄ᬩᬄ᭞ᬫᬫᬃᬕ᭄ᬕᬶᬢᬸᬳᬸᬦᬦ᭄ᬕᭂᬮᬶᬲ᭄᭞ᬲᬫ᭄ᬧᬸ
ᬦ᭄ᬫᬘᬸᬦ᭄ᬤᬸᬓ᭄ᬫᬜᬧ᭞ᬧᬜᬧᬦᬾᬗᬲᬩ᭄ᬓᬮᬶᬲ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬭᬭᬶᬲ᭄᭞ᬫᬫᬃᬕ᭄ᬕᬶᬫᬸᬗ᭄ᬕᬳᬦ᭄ᬲᬫ᭄ᬧᬸᬦ᭄᭞ᬳᬤᬦᬧᬓ᭄ᬭᬶᬧᬢᬧᬦ᭄᭞ᬢᭂᬥᬸᬦᬦ᭄ᬫᬜ᭄ᬚᬕ᭄ᬚᬕ᭄ᬕᭂᬮᬶᬲ᭄᭞ᬫᬳᬵᬋᬱᬶ᭞ᬳᬦ᭄ᬢᬓᬸ
ᬰᬭᬭᬶᬲ᭄ᬦᬦ᭄ᬤᬦ᭄᭟ᬳᬶᬦ᭄ᬤ᭄ᬭᬩᬸᬫᬬᬫᬸᬗ᭄ᬕᬳᬦ᭄᭞ᬲᬫ᭄ᬧᬸᬦᬾᬲᬫᬶᬫᬮᬶᬗ᭄ᬕᬶᬄ᭞ᬫᬳᬋᬱᬶᬳᬦ᭄ᬢᬓᬸᬰ᭞ᬧᬗᬦ᭄ᬤᬶᬓᬵᬩᬦ᭄ᬩᬦ᭄ᬫᬦᬶᬲ᭄᭞ᬳᬧᬲᬸᬫᬥ᭄ᬬᬬᬂᬫᬳᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬲᬯᬸᬃ᭞ᬢᭂᬮ

[᭑᭓ 13A]
᭑᭓
ᬲ᭄ᬲᬫ᭄ᬧᬸᬦ᭄ᬓᬧᬶᬤᬃᬢ᭄ᬢ᭞ᬲᬓᬶᬦ᭄ᬤᬶᬓᬦ᭄ᬤᬦᬾᬲᬫᬶ᭞ᬓᬤᬶᬤᬕᬶᬂ᭞ᬲᬦᬾᬲᬸᬫ᭄ᬧ᭄ᬦᬬᬂᬳᬶᬤ᭟ᬫᬳᬋᬱᬶᬳᬦ᭄ᬢᬓᬸᬰ᭞ᬩᬯᬸᬫᬶᬋᬂᬫᬶᬗᬶᬲ᭄ᬫᬶᬗᬶᬲ᭄᭞ᬳᬢᬸᬭᬾᬳᬶᬦ᭄ᬤ᭄ᬭᬩᬸᬫᬬ᭞ᬋᬱᬶᬳᬦ᭄ᬢᬓᬸᬰᬫᬗ᭄ᬓᬶᬦ᭄
᭞ᬗᬦ᭄ᬤᬶᬓᬲᬤᬳᬭᬶᬲ᭄᭞ᬬᬦ᭄ᬳᬶᬤᬾᬯᬫᬧᬓᬬᬸᬦ᭄᭞ᬫᬗ᭄ᬤᬾᬦᬾᬲᬶᬤᬶᬫᬲᭀᬫᬄ᭞ᬭᬶᬂᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬓᭂᬫᬵᬫᭂᬤᭂᬓ᭄᭞ᬫᬳᬋᬱᬶᬓᬶᬱ᭄ᬡᬦ᭄ᬘᬶᬤ᭄ᬭ᭟ᬤᬾᬦᬶᬂᬳᬶᬤᬧᬕᬸᬭ᭄ᬯᬦ᭄᭞ᬲᬯ
ᬢᭂᬓ᭄ᬧᬓ᭄ᬱᬶᬦᬾᬲᬫᬶ᭞ᬭᬶᬂᬳᬶᬤᬫᬦᬸᬳᬸᬦ᭄ᬧᬤ᭞ᬦᬗ᭄ᬳᬶᬂᬩᬧᬫᬗᭂᬦᭂᬳᬶᬦ᭄᭞ᬳᬶᬤᬾᬯᬫᬃᬕ᭄ᬕᬶᬫᬃᬕ᭄ᬕᬶ᭞ᬩᬜ᭄ᬘᬡᬵᬧᬘᬂᬓᬢᭂᬧᬸᬓ᭄᭞ᬦᬗ᭄ᬳᬶᬂᬲᬶᬂᬚᬵᬤᬤᬶᬳᬧ᭞ᬳᬶᬦ᭄ᬤ᭄ᬭᬩᬸᬫᬬᬜᬯᬸᬭᬶᬦ᭄
ᬤᬶᬚᬵᬕ᭄ᬦᬄ᭞ᬫᬳᬵᬋᬱᬶᬓᬱ᭄ᬡᬘᬶᬤ᭄ᬭ᭟ᬫᬳᬋᬱᬶᬳᬦ᭄ᬢᬓᬸᬰ᭞ᬗᬦ᭄ᬤᬶᬓᬯᬘᬦᬳᬭᬶᬲ᭄᭞ᬫᬳᬵᬋᬱᬶᬓᬶᬱ᭄ᬡᬘᬶᬤ᭄ᬭ᭞ᬬᬦ᭄ᬳᬶᬤᬾᬯᬵᬧᬘᬂᬦᬗ᭄ᬓᬶᬮ᭄᭞ᬳᭂᬗ᭄ᬲᭂᬩᬦ᭄ᬲᬹᬃᬬ᭄ᬬᬦᬾᬳᬸᬗ᭄ᬲᬶ᭞ [ 14 ][᭑᭓ 13B]
᭑᭓
ᬗᬸᬤ᭄ᬬᬂᬢ᭄ᬯᬭᬓᬶᬸᬚᬓᬢᭂᬧᬸᬓ᭄᭞ᬫᬳᬵᬋᬱᬶᬓᬶᬱ᭄ᬡᬘᬶᬤ᭄ᬭ᭞ᬓᬮᬶᬄᬩᬧᬵᬫᬶᬲᭂᬓᭂᬦᬶᬦ᭄᭞ᬬᬦᬶᬂᬢᭂᬧᬸᬓ᭄᭞ᬳᬫᬸᬮᬶᬮᬶᬗᬦᬾᬕᬥᬂ᭟ᬮᬦ᭄ᬢᬲ᭄ᬤᬤᬶᬳᬦᬓ᭄ᬢᬸᬯᬵ᭞ᬳᬦᬓᬾᬢᬸᬯᬵᬩ᭄ᬯᬶᬦ᭄ᬫᬦ᭄ᬤ᭄ᬤᬤᬶ
᭞ᬳᬦᬓ᭄ᬩᬚᬂᬚᭂᬕᬾᬕ᭄ᬧᬶᬲᬦ᭄᭞ᬳᭂᬥᭃᬧᬶᬲᬦ᭄ᬫᬜᬸᬮᬸᬓᬶᬦ᭄᭞ᬬᬾᬦ᭄ᬳᭂᬦ᭄ᬢᭀᬓᬮ᭄ᬜᬸᬮᬸᬓᬶᬦ᭄᭞ᬦᬾᬦᬾᬩ᭄ᬯᬢᬂᬢ᭄ᬯᬭᬢᭂᬧᬸᬓ᭄᭞ᬧᬫᬸᬜᬶᬦ᭄ᬩᬧᬵᬳᬶᬗᭂᬢᬂ᭞ᬳᭂᬥᬵᬧᬶᬲᬦ᭄ᬫᬗᭂᬗ᭄ᬲᬧᬶᬦ᭄᭞ᬗ᭄ᬳᬶᬂᬳᬶ
ᬤᬾᬯ᭞ᬤᬶᬚᬮᬦ᭄ᬧᬘᬂᬫᬲᬶᬬᬢ᭄᭟ᬲᬸᬩᬦᬾᬲᬸᬳᬸᬤ᭄ᬫᬲᬶᬬᬢ᭄᭞ᬓᬍᬕᬦᬾᬓᬮ᭄ᬢᭂᬧᬸᬓᬶᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬵᬫᬗᬸᬘᬧ᭄᭞ᬧᬸᬦᬧᬶᬢᬧᬳᬶᬘᬦᬶᬦ᭄᭞ᬘᬶᬳ᭄ᬦᬦ᭄ᬢᬶᬢ᭄ᬬᬂᬧᭀᬮᬶᬄᬫ᭄ᬭᬶᬓᬶ᭞ᬭ
ᬭᬶᬲ᭄ᬫᬗᬦ᭄ᬤᬶᬓᬳᬮᬸᬲ᭄᭞ᬫᬳᬋᬱᬶᬳᬦ᭄ᬢᬓᬸᬰ᭞ᬦᬾᬕᬸᬮᬶᬕᬤᬾᬯᬳᬫ᭄ᬩᬶᬮ᭄᭞ᬲᬚᬯᬦᬶᬦ᭄᭞ᬳᬶᬤᬾᬯᬲᬶᬂᬩᬧᬵᬫ᭄ᬩᬳᬂ᭟ᬤᬾᬦᬶᬂᬓᬮᬶᬦ᭄ᬢᬂᬉᬢ᭄ᬢᬫ᭞ᬓᬫᬶᬫᬶᬢᬦ᭄ᬧᬶᬘᬦ᭄ᬯᬶᬥᬶ᭞ᬧᬗ

[᭑᭔ 14 A]
᭑᭔
ᬤᬧᬩᬳᬂᬩᬧ᭞ᬢᬸᬃᬳᬧᬓ᭄ᬦᭂᬄᬜᬦᬾᬤᬤᬶ᭞ᬳᬗ᭄ᬕᭀᬫᬗᬤᬓᬂᬳᬗᬶᬦ᭄᭞ᬫᬓᬤᬶᬦ᭄ᬜᬳᬸᬚᬦ᭄ᬓᭂᬭᬸᬕ᭄᭞ᬓᬶᬮᬧ᭄ᬢᬸᬃᬩᬢᬦ᭄ᬢᬭ᭞ᬲᬓᭂᬦᭂᬄᬬᬦ᭄ᬓᬸᬤᬂᬓ᭄ᬝᬶ᭞ᬓᬳᭂᬜ᭄ᬚᬸᬳᬂ᭞ᬳᬶᬦ᭄ᬤ᭄ᬭᬩᬸ
ᬫᬬᬫᬦᬗ᭄ᬕᬧ᭄᭟ᬫᬳᬋᬱᬶᬳᬦ᭄ᬢᬓᬸᬰ᭞ᬫᬮᬶᬄᬗᬸᬘᬧ᭄ᬫᬶᬲᭂᬓᭂᬦᬶᬦ᭄᭞ᬲᬶᬜᬓᬾᬦ᭄ᬓᬾᬦ᭄ᬢᭀᬳᬶᬤᬾᬯ᭞ᬳᬾᬜ᭄ᬘᭂᬧᬂᬩᬧᬵᬤᬶᬋᬤ᭄ᬥ᭞ᬩᬧᬵᬳᬾᬗ᭄ᬕᬮ᭄ᬮᬸᬢ᭄ᬚᬕ᭄ᬚᬕᬶᬦ᭄᭞ᬚᬕ᭄ᬳᬚᬳᬦ᭄ᬩ
ᬧᬭᬯᬸᬄ᭞ᬓᬾᬢᭀᬧᬩᭂᬲᭂᬦᬾᬧ᭄ᬭᬕᬢ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾ᭞ᬫᬗᬸᬗ᭄ᬲᬶᬳᭂᬗ᭄ᬲᭂᬩᬦ᭄ᬲᬹᬃᬬ᭄ᬬ᭟ᬧᬫᬃᬕ᭄ᬕᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬲᬸᬩᬢᭂᬓᭂᬤ᭄ᬦᬾᬦᬾᬚᬦᬶ᭞ᬤᬶᬢᭂᬕᬮ᭄ᬳ
ᬦ᭄ᬢᬩ᭄ᬭᬢ᭞ᬤᬶᬢᬸᬳᬶᬤᬫᬫᬗ᭄ᬕᬶᬳᬶᬦ᭄᭞ᬧᬸᬜᬦ᭄ᬫᭂᬦᬸᬄᬦᭂᬥᭂᬂᬕᬢᬶ᭞ᬲᬫᬄᬩᬸᬗᬦ᭄ᬜᬦᬾᬮᬶᬬᬸ᭞ᬢᬸᬃᬩᬶᬱᬵᬫᬫᬸᬜᬶᬚᬦ᭄ᬫ᭞ᬧᬜᬧᬦᬾᬮᬶᬦ᭄ᬢᬂᬫᬦᬶᬲ᭄᭞ᬢᭂᬫ᭄ᬩᬾᬧᬶᬲᬦ᭄᭞ᬢᬶᬢ᭄ᬬᬵᬂ [ 15 ][᭑᭔ 14B]
᭑᭔
ᬫᬫᬗ᭄ᬕᬶᬄᬳᬶᬤᬾᬯᬵ᭟ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕ᭞ᬳᬗᭀᬩ᭄ᬳᬶᬤᬢᬦ᭄ᬲᬶᬦᬶᬧᬶ᭞ᬭᬾᬄᬩᬸᬗᬦᬾᬩᬶᬱᬜᬧ᭞ᬲ᭄ᬯᬪᬯᬦᬾᬫᬶᬗᬶᬲ᭄ᬫᬶᬗᬶᬲ᭄᭞ᬫᬗ᭄ᬭᬭᬶᬲ᭄ᬳᬶᬤᬫᬫᬃᬕ᭄ᬕᬶ᭞ᬢᬦ᭄ᬤᬸᬫᬤᬾᬳ
ᬤᬢᭂᬧᬸᬓ᭄᭞ᬢᬫᬸᬮᬶᬮᬶᬗᬦᬾᬕᬤᬂ᭞ᬫᬓᭂᬩᬸᬃᬢᬸᬃᬫᬦᭂᬲᭂᬓᬶᬦ᭄᭞ᬮᬸᬢ᭄ᬫᬦ᭄ᬤᬤᬶ᭞ᬳᬦᬓ᭄ᬮᬸᬄᬢᬸᬯᬵᬧᬶᬲᬦ᭄᭟ᬳᬦᬓᬾᬳᭂᬮᬸᬄᬦᬾᬦᬾᬢᬸᬯ᭞ᬮᬯᬸᬢ᭄ᬤᬤᬶᬧᬸᬢ᭄ᬭᬶᬍᬯᬶᬄ᭞ᬫ
ᬦᭀᬗᭀᬲᬶᬦ᭄ᬳᬸᬫᬄᬫᭂᬦᬸᬄ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬫᬧᬶᬦᭂᬄᬤᬶᬚ᭄ᬭᭀᬦᬶᬂᬋᬤ᭄ᬥᬶ᭞ᬩᬸᬓᬧᬗᬸᬘᬧᬾᬢᬸᬳᬸ᭞ᬫᬳᬵᬋᬱᬶᬳᬦ᭄ᬢᬓᬸᬰ᭞ᬩᬾᬢᬾᬮ᭄ᬢᬶᬗ᭄ᬳᬮᬾᬢᬦ᭄ᬲᬶᬧᬶ᭞ᬚᬕ᭄ᬫ
ᬗ᭄ᬮᬯᬸᬢ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕ᭟ᬢᭂᬕᬮᬾᬤᬤᬶᬲᬵᬕᬭ᭞ᬧᬸᬢ᭄ᬭᬶᬦᬾᬫᬗᬸᬘᬧᬭᬶᬲ᭄᭞ᬓᬸᬤ᭄ᬬᬂᬳᬶᬤᬾᬯᬵᬫᬫᬃᬕ᭄ᬕ᭞ᬢᭂᬕᬮᬾᬫᬦ᭄ᬤᬤᬶᬧᬲᬶᬄ᭞ᬬᬦ᭄ᬢᬦ᭄ᬫᬦ᭄ᬤᬤᭀᬲ᭄ᬧᬓ᭄ᬱᬶ᭞

[᭑᭕ 15A]
᭑᭕
ᬩᬶᬮᬶᬄᬜᬶᬤᬬᬂᬳᬶᬭᬢᬸ᭞ᬦᬾᬫᬗ᭄ᬓᬶᬦ᭄ᬧᬘᬂᬗᬮᬶᬦ᭄ᬢᬂ᭞ᬳᬶᬦ᭄ᬤ᭄ᬭᬩᬸᬫᬬᬜᬯᬸᬭᬶᬦ᭄᭞ᬮᬶᬦ᭄ᬢᬂᬢ᭄ᬭᬾᬤ᭄ᬥ᭞ᬳᬶᬩᬚᬦ᭄ᬫᬧᬗᬾᬦ᭄ᬓᬾᬦᬦ᭄᭟ᬩᬸᬓᬓᬾᬦ᭄ᬓᬾᬦ᭄ᬓᬚᬢᬶᬦ᭄ᬜᬵ᭞ᬫᬳᬯᬦᬦᭀ
ᬗᭀᬲ᭄ᬤᬶᬦᬶ᭞ᬬᬦ᭄ᬢ᭄ᬯᬭᬳᭂᬜᬓ᭄ᬦᬸᬢᬸᬭᬂ᭞ᬢᬦ᭄ᬧ᭄ᬭᬶᬯᬗ᭄ᬤᬾᬳᬶᬩᬫᬢᬶ᭞ᬧᬸᬢ᭄ᬭᬶᬦᬾᬓᬮᬶᬦ᭄ᬢᬂᬳᬶᬲᬶᬲ᭄᭞ᬚᭂᬚᭂᬄᬓᭂᬦᭂᬄᬜᬦᬾᬗᬸᬦ᭄ᬢᬸᬓ᭄᭞ᬢᬸᬫᬸᬮᬶᬮᬯᬸᬢ᭄ᬫᬗᬸᬘᬧ᭄᭞ᬢᬶᬢ᭄ᬬᬂᬗᬸᬦᬶᬗ
ᬬᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᬸᬢ᭄ᬭᬶ᭞ᬘᬶᬦ᭄ᬤ᭄ᬭᬮᬾᬮᬦᬾᬦᬸᬮᬾᬮ᭟ᬢᬶᬢ᭄ᬬᬂᬳᭀᬓᬦ᭄ᬭᬚᬵᬘᬶᬤ᭄ᬭ᭞ᬦᬯᭂᬕᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬗᬶᬭᬶᬂᬧᬓᬬᬸᬦ᭄ᬳᬶᬤᬾᬯᬵ᭞ᬳᬶᬦ᭄ᬤ᭄ᬭᬩᬸᬫᬬᬜᬯᬸᬭᬶᬦ᭄᭞
ᬬᬦᬶᬂᬓᬾᬢᭀᬚᬮᬦ᭄ᬚᬦᬶ᭞ᬫᬧᬶᬦᬲᬶᬳᬦ᭄ᬧᬦᬸᬮᬸᬲ᭄᭞ᬮᬸᬢ᭄ᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬤᬶᬢᬸᬫᬗ᭄ᬕᬶᬄᬦᬾᬦᬾᬚᬦᬶ᭞ᬲᬋᬂᬧᬸᬢ᭄ᬭᬶ᭞ᬘᬶᬦ᭄ᬤ᭄ᬭᬮᬾᬮᬵᬦᬾᬦᬸᬃᬮᬾᬮ᭟ᬧᬸᬢ᭄ᬭᬶ [ 16 ][᭑᭕ 15B]
᭑᭕
ᬘᬶᬦ᭄ᬤ᭄ᬭᬮᬾᬮᬦᬸᬃᬮᬾᬮ᭞ᬧᬗᬸᬘᬧᬾᬮᬶᬦ᭄ᬢᬂᬳᬭᬶᬲ᭄᭞ᬢᬶᬢ᭄ᬬᬂᬦ᭄ᬤᬸᬯᬾᬓᬳᬶᬢ᭄ᬫᬢᬦ᭄᭞ᬢᭂᬢᬫᬶᬬᬦ᭄ᬲᬓᬶᬂᬭᬶᬳᬶᬦ᭄᭞ᬲᬓᬶᬂᬦᬶᬦᬶᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬧᬗᬤᬓᬦ᭄ᬳᬸᬚᬦ᭄ᬤᬢᬸ
᭞ᬢᬾᬚᬢᬸᬃᬩᬮᬵᬢᬦ᭄ᬢᬗᬵ᭞ᬫᬓᬤᬶᬚᬶᬫ᭄ᬧᬢᬂᬤᬶᬭᬶ᭞ᬓᬰᬓ᭄ᬢᬶᬬᬦ᭄᭞ᬢᬹᬃᬯᬲ᭄ᬢᬦ᭄ᬳᬶᬧᬸᬦ᭄ᬓᬫᬮ᭟ᬬᬫᬧᬓᬬᬸᬦ᭄ᬫᬫᬃᬕ᭄ᬕ᭞ᬭᬶᬂᬲᬵᬕᬭᬢᬍᬃᬓᬾᬗᬶᬦ᭄᭞ᬓᬾᬯᬦ᭄ᬢᭂᬦ᭄ᬭ
ᬢᬸᬳᬾᬜ᭄ᬘᭂᬧᬂ᭞ᬯᬲ᭄ᬢᬦ᭄ᬢᬶᬢ᭄ᬬᬂᬚ᭄ᬭᭀᬦᬶᬂᬳᬤᬶ᭞ᬳᬶᬤᬾᬯᬫᬗ᭄ᬓᬶᬦ᭄ᬫᬗᬫ᭄ᬩᬶᬮ᭄᭞ᬓ᭄ᬫᬮᬵᬦ᭄ᬢᬶᬢ᭄ᬬᬗᬾᬭᬢᬸ᭞ᬳᬶᬦ᭄ᬤ᭄ᬭᬩᬸᬫᬬᬦᬭᬶᬫ᭞ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞ᬳᬲᬶᬂᬳᭀᬚᭀ
ᬕ᭄᭞ᬧᬥᬵᬫ᭄ᬩᬳᬂᬓᬰᬓ᭄ᬢᬶᬬᬦ᭄᭟ᬚᬦᬶᬳᬤᬓᬘᬭᬶᬢ᭞ᬭᬚᬚᭀᬕᬫ᭄ᬲ᭄ᬬᬄᬧ᭄ᬭᬶᬂ᭞ᬤᬶᬚᬕᬢ᭄ᬧ᭄ᬭᬤᬗᬓᬶᬮᬧ᭄᭞ᬢᭀᬓᬯᬸᬘᬧ᭄ᬭᬢᬸᬦ᭄ᬳᭂᬚᬶᬫ᭄᭞ᬰᬓ᭄ᬢᬶᬦᬾᬢᬦ᭄ᬲᬶᬦᬶᬧᬶ᭞

[᭑᭖ 16A]
᭑᭖
ᬦᬧ᭄ᬓᬮᬮᬸᬯᬲ᭄ᬫᬩᬸᬭᬸ᭞ᬫᬜᬸᬲᬸᬧ᭄ᬓᬕᬸᬦᬸᬂᬳᬮᬲ᭄᭞ᬯᬃᬡ᭄ᬦᬦᬾᬕᬮᬓ᭄ᬳᬫᬦᬶᬲ᭄᭞ᬫᬢᬢᬕᭀᬦ᭄᭞ᬭᬶᬂᬘᬶᬦ᭄ᬤ᭄ᬭᬮᬾᬮᬦᬸᬃᬮᬾᬮ᭟ᬢᬦ᭄ᬤᬸᬫᬤᬾᬓᬘᬶᬗᬓᬦ᭄᭞ᬭᬶᬂᬭᬚᬚᭀᬳᬦ᭄ᬱ᭄ᬬᬄᬧ᭄ᬭᬶᬂ᭞ᬤᬶᬢᭂᬕᬮ᭄ᬳᬦ᭄ᬢᬓᬺᬢ᭄ᬢ᭞ᬤᬶᬚ᭄ᬭᭀᬦᬾᬢ᭄ᬯᬦ᭄ᬧᬸᬢ᭄ᬭᬶ᭞ᬳᬸᬮᬶᬕᬸᬦᬸᬗᬾᬓᬳᬓ᭄ᬱᬶ᭞ᬳᬤᬳᬦᬓ᭄ᬩᬚᬂᬩᬕᬸᬲ᭄᭞ᬓᬧᬶᬢᬓᭂᬄᬢ᭄ᬯᬄᬫᬵᬦᬸᬱ᭞ᬲᬸᬩᬫᬤᭂᬫᭂᬦᬦ᭄ᬚᬦᬶ
ᬢᭂᬓᬾᬦ᭄ᬧᬸᬢ᭄ᬭᬶ᭞ᬭᬶᬂᬘᬶᬦ᭄ᬤ᭄ᬭᬮᬾᬮᬦᬸᬃᬮᬾᬮ᭟ᬮᬶᬦ᭄ᬢᬂᬓ᭄ᬭᭀᬥᬵᬫᬗᬾᬗ᭄ᬕᬮᬵᬂ᭞ᬮᬸᬢ᭄ᬭᬚᬚᭀᬳᬦ᭄ᬱ᭄ᬬᬄᬧ᭄ᬭᬶᬂ᭞ᬳᬸᬮᬶᬕᬸᬦᬸᬗᬾᬦᬸᬳᬸᬦᬂ᭞ᬮᬶᬬᬸᬫᬳᬶᬭᬶᬗᬦ᭄ᬳᭂᬚᬶᬫ᭄᭞ᬲᬳ
ᬲᬶᬓᭂᬧ᭄ᬫᬓᬲᬫᬶ᭞ᬬᬦ᭄ᬳᬤᬵᬳᬓᬸᬤᬂᬳᬶᬬᬸ᭞ᬓᬢᭂᬕᬮ᭄ᬳᬦ᭄ᬢᬓᬺᬢ᭄ᬢ᭞ᬗᬸᬢᬸᬲ᭄ᬳᭂᬚᬶᬫ᭄ᬧ᭄ᬢᬂᬤᬶᬭᬶ᭞ᬫᬦᬢᬲᬂ᭞ᬳᬶᬦ᭄ᬤ᭄ᬭᬩᬸᬫᬬᬦᬓᬾᬦᬂ᭟ᬭᬶᬂᬘᬶᬦ᭄ᬤ᭄ᬭᬮᬾᬮᬦᬸᬃᬮᬾᬮ᭞ᬧᬗᬸᬘ [ 17 ][᭑᭖ 16B]
᭑᭖
ᬧᬾᬩᬦ᭄ᬩᬦ᭄ᬳᬭᬶᬲ᭄᭞ᬳᭂᬦᬾᬲᬶᬓᭂᬧ᭄ᬳᬸᬮᬶᬤᬶᬚ᭞ᬚᬕ᭄ᬢᭂᬓᬵᬢᬦ᭄ᬓᭀᬢᬶᬓᭀᬢᬶ᭞ᬧᬸᬢ᭄ᬭᬶᬦᬾᬫᬦᬯᬸᬭᬶᬦ᭄᭞ᬧᬸᬦᬶᬓᬶᬲᬦᬾᬓᬯᬸᬯᬸᬲ᭄᭞ᬯᬢᭂᬓ᭄ᬳᭂᬚᬶᬫ᭄ᬢᬸᬃᬫᭂᬫ᭄ᬩᬂ᭞ᬭᬶᬂᬭᬚᬚᭀᬳ
ᬦ᭄ᬲ᭄ᬬᬄᬧ᭄ᬭᬶᬂ᭞ᬦ᭄ᬤᬭᬸᬯᬾᬦᬂ᭞ᬫᬢ᭄ᬬᬢᬾᬲᬶᬦᬫᬶᬬᬦ᭄᭟ᬦᬾᬓᬳᬸᬢᬸᬲ᭄ᬫᬗᬾᬗ᭄ᬕᬮᬂ᭞ᬳᭂᬚᬶᬫᬾᬦᬾᬧᭂᬢᬂᬤᬶᬭᬶ᭞ᬫᬫᬸᬜᬶᬫᬗᬧᬓᬧᬓ᭄᭞ᬦᬗ᭄ᬢᬗᬶᬦ᭄ᬦᬕᬶᬄᬧᭂᬲᬸᬯᬶᬦ᭄᭞ᬧᬸ
ᬢ᭄ᬭᬶᬦᬾᬫᬗᬸᬘᬧ᭄ᬕᭂᬮᬶᬲ᭄᭞ᬗᬺᬕᭂᬧᬂᬧᬸᬦᬶᬓᬭᬢᬸ᭞ᬓ᭄ᬫᬮᬦᬾᬫᬗ᭄ᬤᬾᬫᭂᬥᬮ᭄᭞ᬚᬶᬫ᭄ᬧᬸᬦᬶᬓᬵᬧᭂᬢᬂᬤᬶᬭᬶ᭞ᬫᬗ᭄ᬓᬶᬦ᭄ᬳᬶᬧᬸᬦ᭄᭞ᬳᬤᬸᬯᬂᬫᬗ᭄ᬤᬫᬧ᭄ᬭᬂ᭟ᬳᬶᬦ᭄ᬤ᭄ᬭᬩᬸᬫᬬᬗᬺᬕᭂᬧᬂ᭞ᬧᭂᬲᬸ
ᬳᭂᬚᬶᬫ᭄ᬧᭂᬢᬂᬤᬶᬭᬶ᭞ᬲᬳᬲᬶᬓᭂᬧ᭄ᬮᬸᬢ᭄ᬫᬲᬶᬬᬢ᭄᭞ᬲᬮᬶᬂᬚᭂᬓ᭄ᬚᭂᬓ᭄ᬢᬸᬃᬓ᭄ᬮᬾᬯᬗᬶᬦ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬂ᭞ᬫᬜᬶᬗᬓ᭄ᬧᬜ᭄ᬚᬓᬾᬮᬶᬬᬸ᭞ᬓᬧᭂᬲ᭄ᬫᬢᬶᬤᬶᬧᬲ᭄ᬬᬢᬦ᭄᭞ᬚᭀ

[᭑᭗ 17A]
᭑᭗
ᬳᬦ᭄ᬲ᭄ᬬᬄᬧ᭄ᬭᬶᬂᬳᬕᭂᬮᬶᬲ᭄᭞ᬫᬦᬩ᭄ᬥᬩᬦ᭄᭞ᬮᬯᬸᬢ᭄ᬗᬸᬗ᭄ᬲᬶᬓᬧᬬᬸᬥᬦ᭄᭟ᬳᬶᬦ᭄ᬤ᭄ᬭᬩᬸᬫᬬᬗᬺᬕᭂᬧᬂ᭞ᬕᬸᬮᬶᬕᬦᬾᬦᬾᬓᬶᬘᬾᬦᬶᬦ᭄᭞ᬢᭂᬓᬾᬦ᭄ᬋᬱᬶᬳᬦ᭄ᬢᬓᬸᬰ᭞ᬧᭂᬲᬸᬳᭂ
ᬚᬶᬫ᭄ᬧᭂᬢᬂᬤᬶᬭᬶ᭞ᬲᬺᬕᭂᬧ᭄ᬲᬳᬲᬶᬓᭂᬧ᭄ᬲᬫᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬮᬯᬸᬢ᭄᭞ᬫᭂᬥᬮ᭄ᬳᬶᬤᬓᬧᬬᬸᬥᬦ᭄᭞ᬮᬸᬢ᭄ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬂ᭞ᬫᬗᬾᬗ᭄ᬕᬮᬂ᭞ᬚᬕ᭄ᬚᬕᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭟ᬲᬸ
ᬩᬫᬳᬋᬧᬋᬧᬦ᭄᭞ᬫᬗᬸᬘᬧ᭄‌ᬚᭀᬳᬦ᭄ᬲ᭄ᬬᬄᬧ᭄ᬭᬶᬂ᭞ᬳᬶᬄᬳᬶᬩᬵᬫᬦᬸᬱᬩᬕᬄ᭞ᬦᬾᬚᬦᬶᬓᬳᬶᬫᬸᬲᬸᬳᬶᬦ᭄᭞ᬲᬫ᭄ᬩᬸᬗᬦ᭄ᬘᭀᬢᬤᬶᬦᬶ᭞ᬳᬶᬦ᭄ᬤ᭄ᬭᬩᬸᬫᬬᬵᬫᬲᬯᬸᬃ᭞ᬓᭂ
ᬜᭂᬫ᭄ᬧᬗᬦ᭄ᬤᬶᬓᬵᬩᬦ᭄ᬩᬦ᭄᭞ᬳᭂᬦᬄᬓᬳᬶᬫᬦᬶᬫ᭄ᬧᬮᬶᬦ᭄᭞ᬤᬾᬦᬶᬂᬳᬶᬩ᭞ᬗᬭᬶᬳᬶᬦᬂᬦᬗ᭄ᬢᬂᬳᬶᬭ᭟ᬮᬯᬸᬢ᭄ᬧᬥᬗᬸᬦᬸᬲ᭄ᬧᭂᬥᬂ᭞ᬧᬲᬶᬬᬢᬾᬲᬮᬶᬂᬲᬩᬶᬢ᭄᭞ [ 18 ][᭑᭗ 17B]
᭑᭗
ᬦᬗ᭄ᬳᬶᬂᬢᭀᬂᬳᬤᬓᬲᭀᬭᬦ᭄᭞ᬭᬾᬄᬫᬘᭂᬧᬸᬓ᭄ᬧᬥᬰᬓ᭄ᬢᬶ᭞ᬓᬯᬦᬾᬦᬦᬾᬗᬩᬾᬳᬶᬦ᭄᭞ᬧᬲᬶᬬᬢᬾᬲᬮᬶᬂᬢᬸᬲᬸᬓ᭄᭞ᬲᬸᬩᬳᬤᬧᬶᬢᬸᬂᬤᬶᬦ᭞ᬧᬲᬶᬬᬢᬾᬭ
ᬫᬾᬕᬢᬶ᭞ᬓᬘᬭᬶᬢ᭞ᬫᬳᬵᬋᬱᬶᬳᬦ᭄ᬢᬓᬸᬰ᭟ᬫᬾᬮᬶᬗᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬤᬾᬦᬶᬂᬳᬶᬤᬲᬫ᭄ᬧᬸᬦ᭄ᬳᬸᬦᬶᬂ᭞ᬳᬶᬦ᭄ᬤ᭄ᬭᬩᬸᬫᬬᬫᬧ᭄ᬭᬂ᭞ᬫᬫᬸᬲᬸᬄᬚᭀᬳᬦ᭄ᬲ᭄ᬬᬄᬧ᭄ᬭᬶᬂ᭞ᬫᬳᬵᬋᬱᬶᬲᬶᬭ
ᬕᭂᬮᬶᬲ᭄᭞ᬧᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄ᬭᬯᬸᬄ᭞ᬤᬶᬢᭂᬕᬮ᭄ᬳᬦ᭄ᬢᬩ᭄ᬭᬢ᭄ᬢ᭞ᬫᬳᬋᬱᬶᬫᭂᬮᬢ᭄ᬕᭂᬮᬶᬲ᭄᭞ᬫᬧᬶᬬᬓᬦ᭄᭞ᬧᬲᬶᬬᬢᬾᬫᬚᬗ᭄ᬕᭂᬮᬦ᭄᭟ᬳᬶᬦ᭄ᬤ᭄ᬭᬩᬸᬫᬬᬗᬾᬗ᭄ᬕᬮᬂ᭞ᬫᬳᬵᬋᬱᬶ
ᬓᬚᬕ᭄ᬚᬕᬶᬦ᭄᭞ᬫᬳᬋᬱᬶᬳᬦ᭄ᬢᬓᬸᬰ᭞ᬗᬦ᭄ᬤᬶᬓᬵᬯᬘᬦᬳᬭᬶᬲ᭄᭞ᬳᬧᬦᬾᬫᬓ᭄ᬭᬡᬵᬓᬮᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬲᬯᬸᬃ᭞ᬗᬸᬦᬶᬗᬬᬂᬧᬭᬶᬓᬦ᭄ᬤ᭞ᬢᭂᬮᬲ᭄ᬲᬫ᭄ᬧᬸᬦ᭄ᬓᬧᬶᬬᬸ

[᭑᭘ 18A]
᭑᭘
ᬦᬶᬂ᭞ᬫᬳᬋᬱᬶ᭞ᬳᬦ᭄ᬢᬓᬸᬰᬫᬜᬧ᭄ᬲᬧᬂ᭟ᬫᬳᬵᬋᬱᬶᬳᬦ᭄ᬢᬓᬸᬰ᭞ᬫᬭᬦᬶᬦ᭄ᬚᭀᬳᬦ᭄ᬱ᭄ᬬᬄᬧ᭄ᬭᬶᬂ᭞ᬫᬳᬋᬱᬶᬳᬦ᭄ᬢᬓᬸᬱ᭞ᬧᬗᬸᬘᬧᬾᬩᬦ᭄ᬩᬦ᭄ᬳᬭᬶᬲ᭄᭞ᬳᭂᬤᬧᬶᬲ
ᬦ᭄ᬗᬫᬸᬲᬸᬯᬶᬦ᭄᭞ᬫᬲᬶᬬᬢ᭄ᬫᭂᬮᬳᬦ᭄ᬳᬢᬸᬃ᭞ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬲᬫᬗ᭄ᬤᬾᬦᬾᬧᬥᬵᬫᬶᬲᬶ᭞ᬧᬶᬢᬸᬗᬦᬾ᭞ᬩᬸᬓᬦᬾᬧᬘᬂᬲᬤ᭄ᬬᬬᬂ᭟ᬚᭀᬳᬦ᭄ᬲ᭄ᬬᬄᬧ᭄ᬭᬶᬂᬫ
ᬗᬸᬘᬧ᭄᭞ᬗᬸᬦ᭄ᬢᬸᬓ᭄ᬲᬳᬳᬢᬸᬃᬪᬓ᭄ᬢᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬫᬧ᭄ᬭᬤᬫᬾᬓᬤᬶᬫᬗ᭄ᬓᬶᬦ᭄᭞ᬲᬮᬶᬂᬢᬸᬮᬸᬂᬤᬤᭀᬲ᭄ᬲᬶᬓᬶ᭞ᬫᬗ᭄ᬤᬾᬦᬾᬲᬫᬶᬭᬳᬬᬸ᭞ᬭᬶᬂᬭᬚᬵ
ᬩᬶᬸᬫᬶᬸᬳᬶᬦ᭄ᬤ᭄ᬭᬩᬸᬫᬬ᭞ᬲᬸᬩᬳᬢᬸᬃᬤᬤᬶᬩᭂᬲᬶᬓ᭄᭞ᬫᬳᬋᬱᬶ᭞ᬳᬦ᭄ᬢᬓᬸᬰᬭᬭᬶᬲ᭄ᬩᬸᬤᬮ᭄᭟ᬢ᭄ᬯᬦ᭄ᬧᬸᬢ᭄ᬭᬶᬮᬾᬮᬦᬸᬃᬮᬾᬮ᭞ᬲᬸᬩᬓᬲᬸᬓ᭄ᬲ᭄ᬭᬄᬦᬾᬚᬦᬶ᭞ᬯᬶᬭᬾ [ 19 ][᭑᭘ 18B]
᭑᭘
ᬭᬄᬫᬸᬮᬫᬢᬢᬕᭀᬦ᭄᭞ᬭᬶᬂᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬢᬸᬫᬸᬮᬶᬮᬯᬸᬢ᭄ᬫᬩᬸᬜ᭄ᬘᬶᬂ᭞ᬫᬳᬫ᭄ᬬᬦ᭄ᬳᬫ᭄ᬬᬦ᭄ᬲ᭄ᬬᬂᬤᬮᬸ᭞ᬤᬶᬚᬕᬢ᭄ᬧ᭄ᬭᬤᬦᬓᬶᬮᬢ᭄᭞ᬭᬶᬂᬭᬚᬚᭀᬳᬦ᭄ᬲ᭄ᬬᬄ
ᬧ᭄ᬭᬶ᭞ᬧᬥᬢᬺᬱ᭄ᬡᬵ᭞ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭟ᬲᬸᬩᬲᬸᬳᬸᬤ᭄ᬧᬩᬸᬜ᭄ᬘᬶᬗᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬧᬗᬸᬘᬧᬾᬳᬮᬸᬲ᭄ᬩᬦ᭄ᬩᬦ᭄᭞ᬭᬶᬂᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞
ᬢᬶᬢ᭄ᬬᬂᬦ᭄ᬤᬯᭂᬕᬂᬭᬶᬂᬩᭂᬮᬶ᭞ᬲᬫ᭄ᬧᬸᬦ᭄ᬩᭂᬮᬶᬲᬮᬶᬢ᭄ᬓᬬᬸᬦ᭄᭞ᬢᬶᬢ᭄ᬬᬂᬧᬘᬂᬫᭂᬥᭂᬓ᭄ᬳᬶᬤ᭞ᬫᬭᬶᬂᬫᬳᬵᬭᬵᬚᬰᬓ᭄ᬢᬶ᭞ᬫᬗ᭄ᬤᬲᬶᬤ᭄ᬥ᭞ᬓᬤᬶᬦᬾᬲᬤ᭄ᬬᬬᬂᬢᬶᬢ᭄ᬬᬂ᭟ᬦᬶᬫ᭄ᬩᬮ᭄ᬗᬸᬘᬵ
ᬧ᭄ᬳᬮᬸᬲ᭄ᬩᬦ᭄ᬩᬦ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬬᬦᬧᬘᬂᬫᬧᬋᬓ᭄ᬳᬶᬤ᭞ᬰ᭄ᬭᬶᬫᬳᬭᬵᬚᬰᬓ᭄ᬢᬶ᭞ᬧᬸᬦᬶᬓᬳᬤᬶᬬᬵᬫ᭄ᬩᬶᬮ᭄᭞ᬯᬾᬦ᭄ᬢᭂᬦ᭄‌ᬦ᭄ᬤ᭄ᬭᬸᬯᬾᬦ᭄ᬢᬶᬢ᭄ᬬᬂᬭᬢᬸ᭞ᬕᬸᬮᬶᬕᬓᬰ

[᭑᭙ 19A]
᭑᭙
ᬓ᭄ᬢᬶᬬᬦ᭄᭞ᬳᬗ᭄ᬕᬾᬦ᭄ᬢᬡ᭄ᬥᬘᬶᬭᬶᬦ᭄ᬚᬢᬶ᭞ᬢᬶᬢ᭄ᬬᬂᬦᬸᬮᬸᬲ᭄᭞ᬧᬶᬢᬺᬱ᭄ᬡᬵᬩᬸᬓᬫᬜᬫ᭟ᬤᬤᭀᬲ᭄ᬳᬗ᭄ᬕᬾᬦ᭄ᬗᬸᬭᬶᬧ᭄ᬚᬦ᭄ᬫ᭞ᬕᬸᬮᬶᬕᬦᬾᬓᬺᬫ᭄ᬭᬭᬶᬲ᭄᭞ᬲᬮᬸᬯᬶᬭᬶᬂᬫᬳᭀᬫ᭄ᬩᬓᬦ᭄
᭞ᬢᭀᬬᬦᬾᬳᬗ᭄ᬕᬾᬦ᭄ᬜᬶᬭᬢᬶᬦ᭄᭞ᬲᬧᬸᬦᬶᬓᬵᬧᬶᬲᬦ᭄ᬳᬤᬶ᭞ᬬᬦ᭄ᬲᬫ᭄ᬧᬸᬦ᭄ᬬᬓᬶᬦᬶᬦ᭄ᬳᬯᬸ᭞ᬬᬦ᭄ᬳᬤᬶᬫᬗ᭄ᬕᬶᬄᬩᬜ᭄ᬘᬡᬵ᭞ᬳᬾᬜ᭄ᬘᭂᬧᬂᬢᬶᬢ᭄ᬬᬂᬭᬶᬂᬋᬤ᭄ᬥᬶ᭞ᬕ᭄ᬮᬶᬲ᭄ᬭᬯᬸᬄ᭞ᬢᬶᬢ᭄ᬬᬂ
ᬚᬕ᭄ᬚᬕᬶᬦ᭄ᬳᬶᬤᬾᬯᬵ᭟ᬓᬮᬶᬄᬯᬾᬦ᭄ᬢᭂᬦ᭄‌ᬤ᭄ᬭᬸᬯᬾᬦ᭄ᬢᬶᬢ᭄ᬬᬂ᭞ᬧᬸᬦᬶᬓᬶᬧᬦᬳᬾᬳᬫ᭄ᬩᬶᬮ᭄᭞ᬲᬧᬓᬬᬸᬦ᭄ᬫᬜᬶᬤᬬᬂ᭞ᬬᬦ᭄ᬯᬦ᭄ᬢᬄᬳᬤᬶᬫᬫᬃᬕ᭄ᬕᬶ᭞ᬲᬳᭂᬤᭀᬄᬳᭂᬤᭀᬄᬫᬫᬃ
ᬕ᭄ᬕᬶ᭞ᬬᬤᬶᬦ᭄ᬫᬃᬕ᭄ᬕᬶᬬᬦ᭄ᬳᬦᬯᬸᬦ᭄᭞ᬧᬦᬳᬾᬭᬭᬶᬲ᭄ᬧᭂᬦ᭄ᬢᬗᬂ᭞ᬓᬦ᭄ᬤᬧ᭄‌ᬜᬶᬤᬬᬂᬧ᭄ᬭᬧ᭄ᬢᬶ᭞ᬕ᭄ᬮᬶᬲ᭄ᬲᬫ᭄ᬧᬸᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬦᬗ᭄ᬕᬧ᭄᭟ᬲᬫ᭄ᬧᬸᬦᬾᬲᬫᬶᬓᬢ᭄ᬭᬶᬫ᭞ᬧᬥᬵᬲ [ 20 ][᭑᭙ 19B]
᭑᭙
ᬲᬸᬫ᭄ᬧᬄᬫᬜᬶᬚᬜ᭄ᬚᬶ᭞ᬧᬜ᭄ᬚᭂᬚᭂᬗᬶᬧᬦᬸᬩᬬ᭞ᬲᬸᬩᬬᬦᬾᬲᬫ᭄ᬧᬸᬦ᭄ᬧᬱ᭄ᬝᬶ᭞ᬧᬥᬵᬲᬮᬾᬂᬢᬸᬮᬸᬗᬶᬦ᭄᭞ᬫᬧᬶᬦᬲᬶᬳᬦ᭄ᬲᬮᬸᬮᬸᬢ᭄᭞ᬫᬮᬶᬄᬧᬗᬸᬘᬧᬾᬩᬦ᭄ᬩᬦ᭄᭞
ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬲᬫ᭄ᬧᬸᬦ᭄ᬳᬤᬶ᭞ᬓᬲᭂᬦᬸᬓ᭄ᬭᬶᬂᬧᬓᬬᬸᬦᬦ᭄᭟ᬬᬦ᭄ᬤᬤᬶᬫᬵᬗ᭄ᬕᬶᬄᬩᬜ᭄ᬘᬦ᭞ᬗ᭄ᬕᬶᬄᬳᬤᬸᬯᬂᬢᬶᬢ᭄ᬬᬂᬳᬤᬶ᭞ᬬᬤᬶᬦ᭄ᬢᬶᬢ᭄ᬬᬂᬤᬤᭀᬲ᭄ᬜᬜᬤ᭄᭞ᬲᬓᬾᬯᬦ᭄ᬢᭂᬦ᭄
ᬲᬫ᭄ᬧᬸᬦ᭄ᬳᬤᬶ᭞ᬤᬶᬓᬧᬦ᭄ᬢᬶᬢ᭄ᬬᬂᬲᬶᬭᬶᬕ᭄᭞ᬓᬾᬢᭀᬲᬸᬩᬬᬦᬾᬧᬸᬧᬸᬢ᭄᭞ᬮᬸᬢ᭄ᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬫᬧᬫᬶᬢ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾ᭞ᬗᬸᬗ᭄ᬲᬶᬓᬳᭂᬗ᭄ᬲᭂᬩᬦ᭄ᬲᬸᬃᬬ᭄ᬬ᭟᭜᭟
ᬧᬸᬧᬸᬄᬕᬶᬦᬦ᭄ᬢᬶ᭟᭜᭟ᬧᬫᬃᬕ᭄ᬕᬶᬦᬾᬲᬕᬾᬢ᭄ᬭᬯᬸᬄ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬫᬗ᭄ᬓᬶᬦ᭄᭞ᬤᬶᬢᭂᬧᬶᬦ᭄ᬢᬲᬶᬓ᭄ᬫᬮᬬ᭞ᬳᬶᬦ᭄ᬤ᭄ᬭᬩᬸᬫᬬᬫᬫᬗ᭄ᬕᬶᬄ᭞ᬩᬗᬶᬦ᭄ᬤᬶᬲᬶᬲᬶᬦ᭄ᬲᬕᬭ᭞ᬳᬶᬭᬶᬓᬵ

[᭒᭐ 20A]
᭒᭐
ᬭᬭᬶᬲ᭄ᬫᬫᬗ᭄ᬕᬶᬄ᭟ᬤᬾᬦᬶᬂᬳᬶᬤᬮᬶᬦ᭄ᬢᬂᬍᬲᬸ᭞ᬤᬶᬩᬢᬦ᭄ᬩᬶᬗᬶᬦᬾᬗᭂᬢᬶᬲ᭄᭞ᬤᬶᬤᬸᬳᬸᬃᬩᬢᬸᬦᬾᬦᬧᬓ᭄᭞ᬫᬮᬶᬗ᭄ᬕᬶᬄᬫᬭᬱᬳᬭᬶᬧ᭄᭞ᬮᬸᬢ᭄ᬫᬺᬫ᭄ᬳᬶᬦ᭄ᬤ᭄ᬭᬩᬸᬫᬬ᭞ᬤᬶᬤᬸᬳᬸᬃᬩᬢᬸ
ᬦᬾᬳᭂᬢᬶᬲ᭄᭟ᬤᬶᬢᬲᬶᬓ᭄ᬫᬮᬬᬓᬯᬸᬯᬸᬲ᭄᭞ᬭᬚᬳᭂᬚᬶᬫ᭄ᬫᬗᬕᬸᬗᬶᬦ᭄᭞ᬫᬧᬭᬩ᭄‌ᬩᬳᬭᬸᬧ᭄ᬤᬾᬯᬵ᭞ᬫᬳᭀᬓᬳᬶᬲ᭄ᬢ᭄ᬭᬶᬳᬩᭂᬲᬶᬓ᭄᭞ᬧᬭᬩ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬯᬃ
ᬡ᭄ᬦᬦᬾᬳᬬᬸᬢᬦ᭄ᬲᬶᬧᬶ᭟ᬓᬘ᭄ᬭᬶᬢᬶᬓᬵᬧ᭄ᬭᬦᬄᬧᬸᬢᬸ᭞ᬭᬶᬂᬪᬝᬵᬭᬕᬗ᭄ᬕᬬ᭄ᬯᬓ᭄ᬢᬶ᭞ᬬᬦᬓᬸᬤᬂᬳᭀᬓᬦ᭄ᬭᬚ᭞ᬳᭂᬚᬶᬫ᭄ᬫᬗ᭄ᬮᬫᬃᬢ᭄ᬯᬦ᭄ᬧᬸᬢ᭄ᬭᬶ᭞ᬗᬶᬭᬚᬩᬳᬭᬸᬫ᭄ᬤᬾᬯᬵ᭞ᬢ᭄ᬯᬭᬲ᭄ᬭ
ᬳᬂᬢ᭄ᬯᬦ᭄ᬧᬸᬢ᭄ᬭᬶ᭟ᬢ᭄ᬯᬭᬲᬸᬤ᭄ᬥᬶᬓᬮ᭄ᬫᬫᬦ᭄ᬢᬸ᭞ᬫᭂᬍᬤ᭄ᬫᬫᬦ᭄ᬢᬸᬫᬵᬦᬸᬱᬵ᭞ᬓᬾᬢᭀᬧᬫᬶᬦᭂᬄᬤᬶᬋᬤ᭄ᬥᬶ᭞ᬳᬶᬦ᭄ᬤ᭄ᬭᬩᬸᬫᬬᬳᬸᬘᬧᬂ᭞ᬫᬺᬫᬾᬓᬮᬶᬦ᭄ᬢᬂᬳᬭᬶᬧ᭄᭟ᬲᬕᬾᬢ᭄ᬳᬦ [ 21 ][᭒᭐ 20B]
᭒᭐
ᬓ᭄ᬢᬸᬯᬳ᭄ᬮᬸᬄ᭞ᬢᭂᬓᬵᬦᭂᬕᬓ᭄ᬦᭂᬲᭂᬓ᭄ᬕᬢᬶ᭞ᬤᬶᬲᬫ᭄ᬧᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬳᬶᬦ᭄ᬤ᭄ᬭᬩᬸᬫᬬᬫᬢᬗᬶ᭞ᬓᬕ᭄ᬬᬢ᭄ᬫᬭᬫᬘᬶᬗᬓᬦ᭄᭞ᬫᬗᬸᬘᬧ᭄ᬯᬘᬦᬫᬦᬶᬲ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬓᬤᬶ
ᬚᬸᬚᬸᬢ᭄᭞ᬫᬢᬓᬾᬦ᭄ᬭᬶᬂᬦᬶᬦᬶᬫᬗ᭄ᬓᬶᬦ᭄᭞ᬦᬶᬦᬶᬧᬸᬦᬧᬲ᭄ᬯᬓᬃᬬ᭄ᬬ᭞ᬳᬯᬦᬦ᭄ᬫᬗ᭄ᬓᬶᬦ᭄ᬳᬶᬭᬶᬓᬶ᭞ᬳᬦᬓᬾᬢᬸᬯᬳᬗᬸᬘᬧ᭄᭞ᬭᬢᬸᬢᬶᬢ᭄ᬬᬂᬩᬗ᭄ᬲᬳᭂᬚᬶᬫ᭄᭟ᬢᬶᬢ᭄ᬬᬂᬫᬦ᭄ᬤᬤᭀ
ᬲ᭄ᬧᬦᬸᬗ᭄ᬕᬸᬦ᭄᭞ᬢᬫᬦ᭄ᬫᬕ᭄ᬦᬄᬳᬶᬭᬶᬓᬶ᭞ᬳᬶᬤᬾᬯᬵᬢᬾᬲᬧᬲᬶᬭ᭞ᬳᬶᬦ᭄ᬤ᭄ᬭᬩᬸᬫᬬᬵᬜᬯᬸᬭᬶᬦ᭄᭞ᬢᬶᬢ᭄ᬬᬂᬫᬩᬗ᭄ᬲᬫᬦᬸᬱ᭞ᬳᭀᬓᬦ᭄ᬭᬚᬵᬳᬶᬦ᭄ᬤ᭄ᬭᬓᬸᬘᬶ᭟ᬦᬵᬕᬭᬦ᭄ᬢᬶᬢ᭄ᬬᬂᬓ
ᬯᬸᬯᬸᬲ᭄᭞ᬮᬾᬮᬕᬫ᭄ᬩᬭᬬ᭄ᬯᬓ᭄ᬢᬶ᭞ᬫᬓᬤᬶᬜᬯᬲ᭄ᬢᬦ᭄ᬢᬶᬢ᭄ᬬᬂ᭞ᬳᬶᬦ᭄ᬤ᭄ᬭᬩᬸᬫᬬᬲᬸᬚᬢᬶ᭞ᬢᬶᬢ᭄ᬬᬂᬓᬾᬓᬧ᭄ᬮᬦ᭄ᬧ᭄ᬮᬦ᭄᭞ᬳᬯᬦᬦ᭄ᬭᬯᬸᬄᬫᬭᬶᬓᬶ᭟ᬦᬓᬾᬢᬸᬯᬗᬸᬘᬧ᭄ᬳᬮᬸᬲ᭄᭞

[᭒᭑ 21A]
᭒᭑
ᬗᬶᬭᬶᬂᬳᬶᬤᬾᬯᬵᬦᬾᬫᬗ᭄ᬓᬶᬦ᭄᭞ᬳᬶᬭᬶᬓᬶᬭᬶᬂᬳᬸᬫᬄᬢᬶᬢ᭄ᬬᬂ᭞ᬫᬋᬋᬧᬦ᭄ᬓᬤᬶᬫᬗ᭄ᬓᬶᬦ᭄᭞ᬳᬶᬭᬳᬶᬦᬓᬮᬶᬄᬤᬶᬦ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬗ᭄ᬭᬭᬶᬲ᭄᭟ᬫᬫᬃᬕ᭄ᬕᬶᬲᬕᬾᬢᬦ᭄ᬭᬯᬸᬄ
᭞ᬤᬶᬢᬫᬦ᭄ᬓᬮᬶᬦ᭄ᬢᬂᬍᬯᬶᬄ᭞ᬓᬢᬫ᭄ᬬᬸᬇᬦ᭄ᬤ᭄ᬭᬩᬸᬫᬬ᭞ᬇᬦ᭄ᬤ᭄ᬭᬩᬸᬫᬬᬦᬾᬫᬗ᭄ᬓᬶᬦ᭄᭞ᬧᬢᬓᬾᬦᬾᬲᭂᬲᭂᬤ᭄ᬧᬶᬲᬦ᭄᭞ᬲᬶᬭᬵᬦ᭄ᬤᬸᬯᬾᬦᬂᬧᬸᬦᬶᬓᬶ᭟ᬢᬫᬦᬾᬍᬯᬶᬄᬳᬫᬸ
ᬯᬸᬲ᭄᭞ᬳᬦᬓᬾᬢᬸᬯᬜᬯᬸᬭᬶᬦ᭄᭞ᬤᬸᬯᬾᬦ᭄ᬭᬚᬩᬳᬭᬸᬫ᭄ᬤᬾᬯᬵ᭞ᬲᬦᬾᬗᬕᬸᬗᬶᬦ᭄ᬳᬶᬭᬶᬓᬶ᭞ᬢᬸᬃᬭᬚᬩᬳᬭᬸᬫ᭄ᬤᬾᬯᬵ᭞ᬫᬤ᭄ᬭᬸᬯᬾᬧᬸᬢ᭄ᬭᬳᬲᬶᬓᬶ᭟ᬯᬃᬡ᭄ᬦᬦᬾᬓᬮᬶ
ᬦ᭄ᬢᬂᬳᬬᬸ᭞ᬧᭂᬲᬾᬗᬦ᭄ᬳᬶᬤᬓᬧᬸᬚᬶ᭞ᬢᬸᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬇᬦ᭄ᬤ᭄ᬭᬩᬸᬫᬬᬜᬯᬸᬭᬶᬦ᭄᭞ᬜᬶᬤᬬᬂᬓᬾᬫᬗ᭄ᬤᬢᬶᬢ᭄ᬬᬂ᭞ᬧᭀᬮᬶᬄᬗᬦ᭄ᬢᭂᬦᬂᬢ᭄ᬯᬦ᭄ᬧᬸᬢ᭄ᬭᬶ᭟ᬬᬦ᭄ᬳᬶᬤᬾ [ 22 ][᭒᭑ 21B]
᭒᭑
ᬯᬫᬧᬓᬬᬸᬦ᭄᭞ᬫᬗ᭄ᬤᬾᬦᬾᬧᭀᬮᬶᬄᬫᬗᬓ᭄ᬱᬶ᭞ᬢᬸᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬵᬢ᭄ᬦ᭞ᬦᬧ᭄ᬓᬮᬦᬾᬳᬶᬤᬫ᭄ᬭᬶᬓᬶ᭞ᬓᬢᬫᬦ᭄ᬧᬘᬂᬫᬲᬶᬭᬫ᭄᭞ᬜᬶᬤᬬᬂᬧᬘᬂᬓᬧᬗ᭄ᬕᬶᬄ
᭟ᬫᬮᬶᬄᬢᬶᬕᬂᬤᬶᬦᬭᬯᬸᬄ᭞ᬳᬶᬤᬢ᭄ᬯᬦ᭄ᬧᬸᬢ᭄ᬭᬶᬫ᭄ᬭᬶᬓᬶ᭞ᬳᬶᬭᬶᬓᬶᬤᬾᬯᬵᬳᬦ᭄ᬢᭀᬲᬂ᭞ᬇᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬦᬸᬤᬶᬢᬫᬦ᭄ᬫᬲᬦ᭄ᬤᭂᬓᬦ᭄᭞ᬮᬸᬢ᭄ᬳᬸᬘᬧᬂᬢ᭄ᬯᬦ᭄ᬧᬸᬢ᭄ᬭᬶ᭟
ᬦᬾᬚᬦᬶᬮᬯᬸᬢ᭄ᬓᬯᬸᬯᬸᬲ᭄᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬚᬦᬶ᭞ᬤᬶᬧᬸᬭᬶᬫᬋᬭᬯᭀᬲᬦ᭄᭞ᬳᬶᬦᬂᬧᬗᬗ᭄ᬲᬸᬄᬦᬗ᭄ᬓᬶᬮᬶᬦ᭄᭞ᬢᬸᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬗᬦ᭄ᬤᬶᬓᬵᬳᬭᬸᬫ᭄ᬳᬫᬦᬶᬲ᭄᭟
ᬩᬶᬄᬗᭂᬫ᭄ᬩᬦ᭄ᬳᬶᬦᬂᬧᬗᬗ᭄ᬲᬸᬄ᭞ᬳᬶᬩᬶᬲᬜ᭄ᬚᬳᬶᬭᬗᬶᬧᬶ᭞ᬫᬲᬧᬸᬢ᭄ᬩᬦ᭄ᬲᬃᬯ᭄ᬯᬩᬸᬗᬵ᭞ᬫᬮᬶᬧᬸᬕᬦ᭄ᬩᭀᬦᬾᬫᬶᬳᬶᬓ᭄᭞ᬓᬜ᭄ᬘᬂᬚᬦᬶᬦᬸᬫᬭᬱ᭞ᬦᭂᬓᭂᬢ᭄ᬩᭀᬦ᭄ᬩᬸᬗᬦᬾᬫᬶᬳᬶᬓ᭄᭟

[᭒᭒ 22A]
᭒᭒
ᬫᬶᬳᬶᬓᬾᬫᬗᬮᬸᬩ᭄ᬳᬮᬸᬩ᭄᭞ᬓᬸᬤ᭄ᬬᬗᬩᬳᬦ᭄ᬫᬗᬮᬶᬄ᭞ᬫᬶᬳᬶᬓ᭄ᬢ᭄ᬯᬭᬚᬫᬗᭂᬦᬄ᭞ᬓᬾᬦ᭄ᬓᬾᬦ᭄ᬓᭀᬚᬭᬦ᭄ᬜᬚᬦᬶ᭞ᬳᬶᬦᬂᬧᬗᬶᬸᬗᬗ᭄ᬲᬸᬄᬧᬗᭂᬫ᭄ᬩᬦ᭄᭞ᬮᬸᬢ᭄ᬫᬩ᭄ᬭᬶ
ᬬᬕ᭄ᬓᭂᬤᬾᬓ᭄ᬲᬫᬶ᭟ᬫᬩ᭄ᬭᬶᬬᬸᬓ᭄ᬫᬜᬸᬫ᭄ᬩᬄᬫᬢᬸᬃ᭞ᬫᬦᬳᬂᬢᬶᬢ᭄ᬬᬂᬢᬦ᭄ᬲᬶᬲᬶᬧ᭄᭞ᬫᬦᬯᬶᬘᭀᬓᭀᬃᬳᬶᬤᬾᬯᬵ᭞ᬕ᭄ᬮᬶᬲ᭄ᬤᬤᭀᬲ᭄ᬧ᭄ᬭᬫᬶᬰ᭄ᬯᬭᬶ᭞ᬓᭂᬜᭂᬫ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬜᭂ
ᬜᭂᬃᬘᬘᬶᬗᬓᬾᬫᬦᬶᬲ᭄᭟ᬢ᭄ᬯᬦ᭄ᬧᬸᬢ᭄ᬭᬶᬗᬦ᭄ᬤᬶᬓᬵᬳᬮᬸᬲ᭄᭞ᬩ᭄ᬯᬶᬦ᭄ᬢᭂᬮᬸᬦ᭄ᬚᬮᬦ᭄ᬫᬮᬮᬶ᭞ᬓᬢᬫᬦ᭄ᬫᬗᬮᬧ᭄ᬲᭂᬓᬃ᭞ᬳᬶᬦᬂᬧᬗᭂᬫ᭄ᬩᬦᬾᬲᬫᬶ᭞ᬫᬢᬸᬃᬗᬶᬭᬶᬂᬧᬓᬬᬸᬦᬦ᭄᭞ᬢᭂᬓᬾ
ᬦᬶᬂᬧᬸᬳᬭᬚᬦᬶ᭟ᬧᬲᭂᬫᭂᬗᬦ᭄ᬢᬸᬯᬦ᭄ᬕᬮᬸᬄ᭞ᬓᬢᬫᬦ᭄ᬲᬫ᭄ᬧᬸᬦᬾᬫᬗ᭄ᬓᬶᬦ᭄᭞ᬧᬗᭂᬫ᭄ᬩᬦ᭄ᬮᬶᬬᬸᬗᬶᬭᬶᬗᬂ᭞ᬳᬶᬦᬧᬗᬗ᭄ᬲᬸᬳᬾᬲᬫᬶ᭞ᬧᬥᬕᬶᬭᬂᬫᬘᬗ᭄ᬓ᭄ᬭᬫ᭞ᬤᬶᬢᬫᬦ᭄ᬗᬶᬭᬶᬂ [ 23 ][᭒᭒ 22B]
᭒᭒
ᬢ᭄ᬯᬦ᭄ᬧᬸᬢ᭄ᬭᬶ᭟ᬗᬮᬧ᭄ᬲᭂᬓᬃᬲᬃᬯ᭄ᬯᬳᬭᬸᬫ᭄᭞ᬳᬶᬦ᭄ᬤ᭄ᬭᬩᬸᬫᬬᬦᬾᬫᬗ᭄ᬓᬶᬦ᭄᭞ᬤᬶᬢᬫᬦ᭄ᬲᬫ᭄ᬧᬸᬦ᭄ᬫᬶᬮᬶᬤᬦ᭄᭞ᬤᬶᬩᬢᬦ᭄ᬓᬬᬸᬓᬫᭀᬦᬶᬂ᭞ᬢᭂᬮᬲ᭄ᬧᬶᬲᬦ᭄ᬲᬫ᭄ᬧᬸᬦ᭄ᬜᬶᬗᬓ᭄᭞ᬯᬃᬡ᭄ᬦᬦ᭄ᬳᬶᬤ
ᬢ᭄ᬯᬦ᭄ᬧᬸᬢ᭄ᬭᬶ᭟ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬮᬯᬸᬢ᭄᭞ᬫᬲᬶᬮᬸᬫᬦ᭄ᬤᬤᬶᬦᬸᬭᬶ᭞ᬫᬓᭂᬩᬸᬃᬮᬦ᭄ᬢᬲ᭄ᬫᭂᬜ᭄ᬘᭂᬕᬦ᭄᭞ᬤᬶᬘᬭᬂᬧᬸᬜᬦ᭄ᬓᬫᭀᬦᬶᬂ᭞ᬳᬶᬓᭂᬥᬶᬲ᭄ᬦᭀᬭᬶᬓᬘᬶᬗᬓ᭄᭞ᬳᬦ᭄ᬢᬸᬓ᭄ᬳᬶᬤᬢ᭄ᬯ
ᬦ᭄ᬧᬸᬢ᭄ᬭᬶ᭟ᬳᬶᬓᭂᬥᬶᬲ᭄ᬦᭀᬭᬶᬫᬓᭂᬩᬸᬃ᭞ᬜᬾᬲᬾᬢ᭄ᬜᬾᬲᬾᬢ᭄ᬢ᭄ᬯᬦ᭄ᬧᬸᬢ᭄ᬭᬶ᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬯᬸᬳᬂ᭞ᬳᬶᬗᬶᬦᬂᬧᬗᭂᬫ᭄ᬩᬦ᭄ᬲᬫᬶ᭞ᬳᬾᬗ᭄ᬕᬮᬂᬳᭂᬚᬸᬓᬗᬶᬜ᭞ᬓᭂᬤᬶᬲᬾᬢᭀᬢᭀᬦ
ᬦ᭄ᬚᬦᬶ᭟ᬳᬶᬦᬂᬧᬗᬗ᭄ᬲᬸᬄᬳᬫ᭄ᬩᬸᬭᬸ᭞ᬓᭂᬥᬶᬲᬾᬢ᭄ᬯᬭᬚᬦᬶ᭞ᬓᭂᬘᬲ᭄ᬓᭂᬘᭀᬲ᭄ᬘᭂᬮᬸᬢ᭄ᬧᬶᬲᬦ᭄᭞ᬗᬫᭂᬍᬤ᭄ᬫᭂᬍᬤᬂᬳᬢᬶ᭞ᬢ᭄ᬯᬦ᭄ᬧᬸᬢ᭄ᬭᬶᬲᬬᬦ᭄ᬲᬸᬲ᭄ᬬᬄ᭞ᬓᭂᬤᬶᬲᬾᬓᬮᬶᬦ᭄ᬢᬂᬘᭂᬮᬶᬄ

[᭒᭓ 23A]
᭒᭓
᭟ᬜᬮᬾᬫ᭄ᬧᭀᬄᬳᬶᬤᬢ᭄ᬯᬦ᭄ᬕᬮᬸᬄ᭞ᬲ᭄ᬯᬪᬯᬵᬫᬢᬸᬂᬢᬸᬂᬢᬗᬶᬲ᭄᭞ᬳᬶᬓᭂᬥᬶᬲ᭄ᬦᬭᬶᬗᬾᬗ᭄ᬕᬮᬂ᭞ᬫᬓᭂᬩᬸᬃᬮᬯᬸᬢ᭄ᬗᭂᬜ᭄ᬘᭂᬕᬶᬦ᭄᭞ᬢᬗᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬓᭂᬥᬶᬲᬾᬕᭂᬮᬶᬲ᭄ᬓᬳ
ᬫ᭄ᬩᬶᬮ᭄᭟ᬓᭂᬥᬶᬲᬾᬳᭂᬩᭀᬄᬫᬗᬸᬦ᭄ᬢᬸᬓ᭄᭞ᬮᬾᬤᬂᬳᬶᬤᬢ᭄ᬯᬦ᭄ᬧᬸᬢ᭄ᬭᬶ᭞ᬫ᭄ᬩᬳᬦ᭄ᬓᭂᬥᬶᬲ᭄ᬦᬭᬶᬫᭂᬮᬄ᭞ᬭᬭᬶᬲ᭄ᬫᬢᬸᬮᬓ᭄ᬓᬧᬸᬭᬶ᭞ᬲᬭᬯᬸᬳᬾᬭᬶᬂᬧᬫᬺᬫᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬗᬸᬘᬧ᭄ᬳᬭᬶᬲ᭄
᭟ᬓᭂᬥᬶᬲ᭄ᬳᬧᬵᬦᬾᬦᬾᬮᬸᬳᬸᬂ᭞ᬳᬸᬮᬶᬤᬶᬚᬢᭂᬓᬫᬳᬶ᭞ᬳᬶᬓᭂᬥᬶᬲ᭄ᬦᬭᬶᬳᬗᬸᬘᬧ᭄᭞ᬢᬶᬢ᭄ᬬᬂᬫ᭄ᬯᬲ᭄ᬢᬵᬧᬓ᭄ᬱᬶᬦᬸᬭᬶ᭞ᬯ᭄ᬯᬶᬢ᭄ᬲᬓᬶᬂᬮᬾᬮᬕᬫ᭄ᬩᬭ᭞ᬕᬸᬫᬦᬢᬶᬢ᭄ᬬᬂᬫᬗᬶᬭᬶᬂ᭟ᬕᬸᬲ᭄ᬢᬶ
ᬦ᭄ᬢᬶᬢ᭄ᬬᬗᬾᬤᬾᬯᬵᬕᬸᬂ᭞ᬓᬮᬸᬦ᭄ᬢᬮᬸᬦ᭄ᬢᬗ᭄ᬮᬸᬗᬦᬶᬦ᭄᭞ᬗ᭄ᬮᬶᬦ᭄ᬢᬗᬶᬦ᭄ᬕᬸᬦᬸᬂᬳᬮᬲ᭄᭞ᬧᬲᬾᬗᬦ᭄ᬳᬶᬤᬓᬧᬸᬚᬶ᭞ᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬢ᭄ᬯᬦ᭄ᬧᬸᬢ᭄ᬭᬶᬜᭂᬲᭂᬤᬂᬫᬮᬶᬄ᭟ᬦᬾᬦᬾᬚᬦᬶ [ 24 ][᭒᭓ 23B]
᭒᭓
ᬤᬶᬚᬲᬾᬦᬸ᭞ᬕᬸᬲ᭄ᬢᬶᬦ᭄ᬳᬶᬩᬦᬾᬦᬾᬚᬦᬶ᭞ᬳᬶᬓᭂᬥᬶᬲ᭄ᬦᬭᬶᬳᬗᬸᬘᬧ᭄᭞ᬲᬫ᭄ᬧᬸᬦ᭄ᬦᬫ᭄ᬧᭂᬓᬦ᭄ᬫᬭᬶᬓᬶ᭞ᬯᬶᬭᬾᬄᬳᬶᬦ᭄ᬤ᭄ᬭᬩᬸᬫᬬ᭞ᬫᬧᬓᬬᬸᬦ᭄ᬧᬘᬂᬫ᭄ᬭᬶᬓᬶ᭟ᬫᬮᬶᬄᬗᬦ᭄ᬤᬶᬓᬵᬢ᭄ᬯ
ᬦ᭄ᬕᬮᬸᬄ᭞ᬳᬭᬄᬲᬚᬵᬧᬘᬂᬫᬳᬶ᭞ᬦᬾᬫᬤᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬬᬾᬦᬶᬂᬲᬚᬢᭂᬓᬵᬫᬳᬶ᭞ᬳᬶᬭᬫᭂᬍᬤ᭄ᬩᬸᬤᬶᬦᬯᬂ᭞ᬕᬸᬲ᭄ᬢᬶᬦ᭄ᬳᬶᬩᬦᬾᬓᬮ᭄ᬫᬳᬶ᭟ᬳᬶᬓᭂᬥᬶᬲ᭄ᬦᬭᬶᬫᬢᬸᬃᬳᬮᬸ
ᬲ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬗᬾᬬ᭄ᬯᬓ᭄ᬢᬶ᭞ᬫᭂᬂᬧᭂᬂᬳᬦᭀᬫ᭄ᬩᬕᬸᬲ᭄ᬧᬶᬲᬦ᭄᭞ᬓᭂᬫᬶᬓᬦ᭄ᬮᬫ᭄ᬩᬾᬦᬾᬫᬦᬶᬲ᭄᭞ᬍᬕᭂᬲ᭄ᬫᬗ᭄ᬜᬕᬫᬦᬄ᭞ᬬᬦ᭄ᬲᬫ᭄ᬧᬸᬦ᭄ᬭᬯᬸᬄᬫᬭᬶᬓᬶ᭟ᬓᬬᬸᬦ᭄ᬳᬶᬤᬾᬯᬫᬦᬸ
ᬤᬸᬢ᭄᭞ᬗᬗ᭄ᬕᬾᬦ᭄ᬧᬋᬓᬦ᭄ᬳᬶᬭᬶᬓᬶ᭞ᬗᬬᬳᬶᬦ᭄ᬘᭀᬓᭀᬃᬳᬶᬤᬾᬯᬵ᭞ᬢ᭄ᬯᬦ᭄ᬧᬸᬢ᭄ᬭᬶᬫᬜᬯᬸᬭᬶᬦ᭄᭞ᬓᬸᬤ᭄ᬬᬂᬦᬸᬤᬸᬓ᭄ᬢ᭄ᬯᬭᬗᭂᬦᬄ᭞ᬳᬧᬂᬤᬜ᭄ᬮᭂᬕᭂᬓᬂᬳᬗᬶᬦ᭄᭟ᬳᬶᬓᭂᬥᬶ

[᭒᭔ 24A]
᭒᭔
ᬲ᭄ᬦᬭᬶᬫᬜᬸᬮ᭄ᬲᬸᬮ᭄᭞ᬲᬸᬲᬸᬦᬾᬳᬶᬤᬢ᭄ᬯᬦ᭄ᬧᬸᬢ᭄ᬭᬶ᭞ᬓᬫ᭄ᬧᬶᬤ᭄ᬜᬦᬾᬓᬓᭂᬩᬳᬂ᭞ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬫᬜᬶᬓ᭄ᬱᬶ᭞ᬯᬃᬡ᭄ᬦᬦᬾᬳᬶᬦ᭄ᬤ᭄ᬭᬩᬸᬫᬬ᭞ᬫᬓᭂᬮᬧ᭄ᬓᭂᬮᬧ᭄ᬤᬶᬬᬢᬶ᭟ᬳᬶᬓᭂᬥᬶ
ᬲ᭄ᬦᬭᬶᬬᬵᬮᬯᬸᬢ᭄᭞ᬤᬤᬶᬩᬸᬗᬫᭂᬦᬸᬄᬫᬶᬳᬶᬓ᭄᭞ᬮᬸᬢ᭄ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬗᬫ᭄ᬩᬶᬮ᭄ᬲᭂᬓᬭᬾᬫᬗ᭄ᬓᬶᬦ᭄᭞ᬩᬸᬗᬦᬾᬓᬳᬭᬲ᭄ᬳᬭᬲ᭄᭞ᬩᬸᬗᬦᬾᬮᬯᬸᬢ᭄ᬫᬦ᭄ᬤᬤᬶ᭟ᬳᬶᬦ᭄ᬤ᭄ᬭ
ᬩᬸᬫᬬᬫᬮᬸᬗ᭄ᬕᬸᬄ᭞ᬤᬶᬲᬫ᭄ᬧᬶᬂᬳᬶᬤᬢ᭄ᬯᬦ᭄ᬧᬸᬢ᭄ᬭᬶ᭞ᬢ᭄ᬯᬦ᭄ᬧᬸᬢ᭄ᬭᬶᬓᬮᬶᬦ᭄ᬢᬂᬓᬕ᭄ᬬᬢ᭄᭞ᬳᬶᬮᬂᬓᭂᬥᬶᬲ᭄ᬤᬤᬶᬚᬦᬶ᭞ᬳᬦᬓ᭄ᬩᬕᬸᬲ᭄ᬫᬩᬭᬗᬦ᭄᭞ᬫᬮᬶᬗ᭄ᬕᬶᬄᬭᬶᬂᬢ᭄ᬯᬦ᭄ᬧᬸᬢ᭄ᬭᬶ᭟ᬓᬾᬦᬾᬧ
ᬫᬶᬦᭂᬳᬾᬮᬯᬸᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬚ᭄ᬭᭀᬦᬶᬂᬋᬤ᭄ᬥᬶ᭞ᬯᬬᬢ᭄ᬯᬄᬳᬶᬦ᭄ᬤ᭄ᬭᬩᬸᬫᬬ᭞ᬫᬮᬶᬄᬫᬗ᭄ᬤᬾᬦ᭄ᬤᬤᬶᬓᭂᬤᬶᬲ᭄᭞ᬤᬯᭂᬕ᭄ᬧᬲᬚᬶᬜᬶᬮᬶᬩ᭞ᬢ᭄ᬯᬄᬫᬸᬮᬦᬳᬦᬓ᭄ᬭᬶᬭᬶᬄ᭟ᬢ᭄ᬯ [ 25 ][᭒᭔ 24B]
᭒᭔
ᬦ᭄ᬧᬸᬢ᭄ᬭᬶᬫᬕᬾᬩ᭄ᬭᬲ᭄ᬮᬸᬢ᭄᭞ᬫᬓᬶᬭᬾᬧᬘᬂᬫᬕᭂᬥᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬜᭂᬫᬓ᭄᭞ᬢᬗᬦᬾᬮᬯᬸᬢ᭄ᬕᬕᬶᬲᬶ᭞ᬧᬗᬸᬘᬧᬾᬮᬕᭂᬲ᭄ᬗᬲᬩ᭄᭞ᬗᬸᬤ᭄ᬬᬂᬳᬶᬤᬾᬯ
ᬫ᭄ᬩᬸᬤᬮᬶᬦ᭄᭟ᬳᭀᬬᬓᬾᬲᬸᬤᬶᬳᬶᬭᬢᬸ᭞ᬫᬜ᭄ᬚᬓᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬳᬶᬩᬸᬓ᭄ᬲᬦ᭄ᬗᬸᬤ᭄ᬬᬂᬫᬗᬚᬓ᭄᭞ᬧ᭄ᬭᬤᬾᬦᬾᬧᬘᬂᬓᬮᬳᬶᬦ᭄᭞ᬬᬦ᭄ᬳᬶᬭᬢᬸᬦᬶᬗ᭄ᬕᬮ᭄ᬢᬶᬢ᭄ᬬᬂ
᭞ᬢᬦ᭄ᬧᬧ᭄ᬯᬭᬢᬶᬢ᭄ᬬᬂᬫᬢᬶ᭟ᬓᬾᬢᭀᬧᬗᬸᬘᬧᬾᬳᬮᬸᬲ᭄᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬢ᭄ᬯᬦ᭄ᬧᬸᬢ᭄ᬭᬶᬜᬭᬾᬭᬾᬜᬶᬗᬓ᭄᭞ᬲᬾᬍᬩ᭄ᬘᬘᬶᬗᬓᬾᬫᬶᬗᬶᬤ᭄᭞ᬗᬫ᭄ᬩᬳᬶᬦ᭄ᬓᬩᬢᬦ᭄ᬲᬶ
ᬧᬄ᭞ᬫᬘᭂᬧᬸᬓ᭄ᬘᬘᬶᬗᬓ᭄ᬫᬦᬶᬲ᭄᭟ᬢ᭄ᬯᬭᬚᬫ᭄ᬩᬢ᭄ᬫᬗ᭄ᬭᬸᬫ᭄ᬭᬸᬫ᭄᭞ᬳᬶᬦ᭄ᬤ᭄ᬭᬩᬸᬫᬬᬗᬲᬶᬳᬶᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬮᬗᬸᬦᬦ᭄᭞ᬤᬾᬦᬶᬂᬧᬗ᭄ᬭᬸᬫ᭄ᬭᬸᬫᬾᬓᬮᬶᬲ᭄᭞ᬍᬍᬄᬫᬗᭂᬜᬕᬂᬫᬦᬄ

[᭒᭕ 25A]
᭒᭕
᭞ᬲᬸᬩᬫᬦᬶᬗᬦ᭄ᬚᬦᬶ᭟ᬧᬗᭂᬫ᭄ᬩᬦ᭄ᬳᬶᬦᬧᬗᬗ᭄ᬲᬸᬄ᭞ᬧᬥᬲᬶᬲᬸᬫᬗᬬᬳᬶᬦ᭄᭞ᬗᬬᬸᬦᬂᬮᬸᬢ᭄ᬫᬓᭂᬫ᭄ᬩᬸᬮᬦ᭄᭞ᬚ᭄ᬭᭀᬦᬶᬂᬳᬸᬫᬄᬲᬳᬶᬲᬳᬶ᭞ᬧᭂᬢᭂᬂᬍᬫᬄᬫᬩ᭄ᬭᬶᬬᬕᬦ᭄
᭞ᬧᬗᭂᬫ᭄ᬩᬦᬾᬕᬶᬭᬂᬲᬫᬶ᭟ᬤᬾᬦᬶᬂᬫᬸᬮᬳᬸᬮᬶᬫᬮᬸ᭞ᬩᬶᬮᬂᬧᭂᬢᭂᬂᬳᬤᬳᬸᬕᬶ᭞ᬓᬧᬶᬲᬭᬫᬲᬲᬫ᭄ᬩᬂ᭞ᬫᬜ᭄ᬘᬫᬦ᭄ᬢ᭄ᬭᬶᬧᭂᬢᬂᬤᬶᬭᬶ᭞ᬫᬕᬶᬮᬶᬃᬲᬳᬕᬕᬫᬦ᭄᭞ᬫᬚᬕᬵᬚ᭄ᬭᭀᬦᬶᬂᬧᬸᬭᬶ᭟
᭜᭟ᬧᬸᬄᬮᬗᬶᬢ᭄᭟᭜᭟ᬚᬦᬶᬧᭂᬢᭂᬂᬲᬸᬩᬲᭂᬧᬶᬤᬶᬧᬸᬭᬶᬬᬦ᭄᭞ᬦᬗ᭄ᬳᬶᬂᬳᬶᬤᬢ᭄ᬯᬦ᭄ᬧᬸᬢ᭄ᬭᬶ᭞ᬳᭂᬦᬸᬫ᭄ᬭᬭᬯᭀᬲᬦ᭄᭞ᬢᬸᬃᬫᬳᬶᬘᬵᬳᬶᬘᬬᬦ᭄᭞ᬤᬶᬧᬫ᭄ᬭᬫᬦ᭄ᬕᬓ᭄ᬕᬓ᭄ᬕᬶᬓ᭄ᬕᬶᬓ᭄᭞ᬳᬶᬦ᭄ᬤ᭄ᬭᬩᬸ
ᬫᬬ᭞ᬫᬶᬯᬄᬧᬗᭂᬫ᭄ᬩᬦᬾᬲᬫᬶ᭟ᬫᬜ᭄ᬘᬫᬦ᭄ᬢ᭄ᬭᬶᬫᬲᬫ᭄ᬩᬂᬫᬫᬶᬋᬗᬂ᭞ᬳᬤᬫᬸᬜᬶᬦ᭄ᬳᬦᬓ᭄‌ᬫ᭄ᬯᬦᬶ᭞ᬤᬶᬚ᭄ᬭᭀᬦᬶᬂᬧᬫᬺᬫᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬫᬜ᭄ᬘᬫᬦ᭄ᬢ᭄ᬭᬶᬦᬾᬮᬸᬢ᭄ᬕᭂᬮᬶ [ 26 ][᭒᭕ 25B]
᭒᭕
ᬲ᭄᭞ᬫᬗᬸᬦᬶᬗᬬᬂ᭞ᬭᬶᬂᬳᬶᬤᬰ᭄ᬭᬷᬪᬸᬧᬢᬶ᭟ᬮᬶᬦ᭄ᬢᬂᬓ᭄ᬭᭀᬥᬲᬂᬧ᭄ᬭᬪᬸᬩᬳᬭᬸᬫ᭄ᬤᬾᬯ᭞ᬦ᭄ᬤᬯᬸᬳᬂᬭᬶᬫᬜ᭄ᬘᬫᬦ᭄ᬢ᭄ᬭᬶ᭞ᬫᬶᬯᬄᬭᬶᬂᬧᬸᬗ᭄ᬕᬯᬵ᭞ᬫᬓᬤᬶᬜᬳᬸᬮᬸᬩᬮᬂ᭞ᬲᬫ᭄ᬧᬸᬦ᭄ᬓᬤᬯᬸ
ᬳᬦ᭄ᬲᬫᬶ᭞ᬫᬗ᭄ᬤᬾᬲᬶᬬᬕ᭞ᬫᬗᬺᬚᭂᬓ᭄ᬳᬦᬓᬾᬫ᭄ᬯᬦᬶ᭟ᬫᬢ᭄ᬭᬬᬸᬯᬦ᭄‌ᬳᬸᬮᬸᬩᬮᬂᬗᬾᬮᬶᬬᬸᬯᬦ᭄᭞ᬗᬶᬢᭂᬃᬧᬸᬭᬶᬦᬾᬕᭂᬮᬶᬲ᭄᭞ᬕᬮᬗᬾᬢᬦ᭄ᬧ᭄ᬭᬄ᭞ᬮᬶᬬᬸᬮᬫ᭄ᬧᬸ
ᬦᬾᬧᬲᬂ᭞ᬳᬓᬸᬤᬂᬮᬫ᭄ᬧᬸᬕᭂᬦ᭄ᬢᭀᬲᬶᬦ᭄᭞ᬚᬦᬶᬗᬾᬗ᭄ᬕᬮᬂ᭞ᬯᬢᭂᬓ᭄ᬧᬗᭂᬫ᭄ᬩᬦᬾᬲᬫᬶ᭟ᬗᬸᬦᬶᬗᬬᬂᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬓᭂᬜᭂᬫ᭄ᬫᬗᬦ᭄ᬤᬶᬓ᭞ᬓ
ᬮᬶᬂᬓᬾᬰᬢ᭄ᬭᬸᬲᬶᬬ᭄ᬯᬦ᭄᭞ᬓᬧᬶᬢᬸᬯᬶᬓᬸᬤᬂᬓ᭄ᬝᬶ᭞ᬓᬳᬶᬢ᭄ᬯᬭᬵᬧᬶᬲᬦ᭄᭞ᬳᬶᬭᬧᬘᬂᬜᬶᬭᬶᬕᬶᬦ᭄᭟ᬬᬤᬶᬬᬧᬶᬦ᭄‌ᬫᬢᬶᬢᬸᬃᬫᬩᬬᬂᬩᬬᬂ᭞ᬲᬓᬾᬯᬮᬫᬗ᭄ᬫᬲᬶᬦ᭄᭞ᬫᬚ

[᭒᭖ 26A]
᭒᭖
ᬮᬭᬦ᭄ᬳᬶᬤ᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬗᭂᬢᭀᬳᬶᬦ᭄ᬥᬃᬫ᭄ᬫᬦ᭄ᬳᬢᬶ᭞ᬲᬫ᭄ᬧᬸᬦ᭄ᬢᬢᬲᬼᬫᬄ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭟ᬗᬋᬕᭂᬧᬂᬓᬰᬓ᭄ᬢᬶᬬᬦ᭄ᬮᬯᬸᬢ᭄ᬢᭂᬓ᭞ᬳ᭄ᬚᬶᬫᬾᬧᭂ
ᬢᬂᬤᬶᬭᬶ᭞ᬜᭀᬗ᭄ᬓᭀᬓ᭄ᬫᬲᬜ᭄ᬚᬢ᭞ᬳᬶᬦ᭄ᬤ᭄ᬭᬩᬸᬫᬬᬵᬗᬦ᭄ᬤᬶᬓᬵ᭞ᬓᭂᬫᬮᬯᬦᬾᬦᬾᬚᬦᬶ᭞ᬩᬳᬭᬸᬫ᭄ᬤᬾᬯ᭞ᬫᬲ᭄ᬬᬢ᭄‌ᬦᬗ᭄ᬳᬶᬂᬤᬕᬢᬶ᭟ᬫᬜᬚᬬᬂᬗᬭᬸᬲ
ᬓ᭄ᬩᬳᬭᬸᬫ᭄ᬤᬾᬯ᭞ᬳᭂᬚᬶᬫᬾᬜᭂᬫ᭄ᬩᬄᬕᭂᬮᬶᬲ᭄᭞ᬗᬫᬸᬓ᭄ᬫᬓᬧᬢ᭄ᬧᬢ᭄᭞ᬭᬳ᭄ᬬᬵᬢ᭄ᬩᬳᬭᬸᬫ᭄ᬤᬾᬯ᭞ᬬᬦᬓᬸᬤᬂᬦᬾᬦᬾᬫᬢᬶ᭞ᬦᬾᬫᬓᬤᬶᬜ᭞ᬲᬶᬲᬦ᭄ᬜᬦᬾᬧᬥ
ᬮᬶᬮᬶᬄ᭟ᬳᬤᬧᬋᬓ᭄ᬭᬶᬂᬭᬚᬩᬳᬭᬸᬫ᭄ᬤᬾᬯ᭞ᬗᬸᬦᬶᬗᬬᬂᬮᬶᬬᬸᬫᬢᬶ᭞ᬢᬸᬃᬮᬶᬮᬶᬄᬧᬩ᭄ᬮᬲᬢ᭄᭞ᬧᬜ᭄ᬚᬓᬾᬩᬳᬭᬸᬫ᭄ᬤᬾᬯ᭞ᬓ᭄ᬭᭀᬥᬦᬾᬢᬦ᭄ᬲᬶᬧᬶᬲᬶᬧᬶ᭞ᬩ [ 27 ][᭒᭖ 26B]
᭒᭖
ᬳᬭᬸᬫ᭄ᬤᬾᬯ᭞ᬳᬶᬬᬓᬧᬬᬸᬥᬦ᭄ᬫᬗ᭄ᬓᬶᬦ᭄᭟ᬧᬶᬦᬲᬶᬳᬦ᭄ᬭᬚᬳᬶᬦ᭄ᬤ᭄ᬭᬩᬸᬫᬬᬵ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬤᬶᬧ᭄ᬭᬤᬦᬓᬶᬮᬢ᭄᭞ᬫᬶᬮᬶᬭᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬢᬸᬫᬸᬮᬶᬫᬫᬃ
ᬕ᭄ᬕᬶᬕ᭄ᬮᬶᬲ᭄᭞ᬓᬢᬲᬶᬓ᭄‌ᬫ᭄ᬮᬬ᭞ᬲᬭᬯᬸᬄᬳᬶᬤᬭᬶᬂᬧᬸᬭᬶ᭟ᬓᬤᬧᭂᬢᬂᬲᬶᬬᬢᬾᬫᬤᬸᬓᬤᬸᬓᬦ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬜᬶᬗᬓ᭄
᭞ᬢᬸᬫᬸᬮᬶᬫᬜ᭄ᬚᬕ᭄ᬚᬕ᭄ᬕᭂᬮᬶᬲ᭄᭞ᬓᬳᬦ᭄ᬢᬾᬦ᭄ᬢᬗᬦ᭄᭞ᬫᬋᬧᬋᬧᬦ᭄ᬫᬮᬶᬗ᭄ᬕᬶᬄ᭟ᬤᬶᬲᬫ᭄ᬧᬶᬗᬾᬳᬶᬦ᭄ᬤ᭄ᬭᬩᬸᬫᬬᬢᬦ᭄ᬧᬲᬄ᭞ᬫᬮᬶᬗ᭄ᬕᬶᬄᬳᬶᬤᬫᬲᬦ᭄ᬤᬶᬂ᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬗᬸᬦ᭄ᬢᬸᬓ᭄ᬦ
ᬮᬚᬓᬂᬢᬗᬦ᭄᭞ᬲᬶᬭᬲᭂᬧᬂᬧᬦ᭄ᬢᬲ᭄ᬕᬢᬶ᭞ᬭᬭᬶᬲ᭄ᬫᬗᬸᬘᬧ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬫᬦᬓᬾᬦᬂᬓᬦ᭄ᬤᬭᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬲᬫ᭄ᬧᬸᬦ᭄ᬓᬧᬤᬃᬢ᭄ᬢᬲᬫᬶ᭞ᬲᬧᬭᬶᬓᬦ᭄ᬤᬜ᭞ᬦᬶ

[᭒᭗ 27A]
᭒᭗
ᬫ᭄ᬩᬮ᭄ᬩᬦ᭄ᬩᬦ᭄ᬗᬸᬘᬧ᭄᭞ᬭᬶᬂᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬧᬫᬦᬄᬢᬶᬢ᭄ᬬᬂ᭞ᬩᭂᬘᬶᬓ᭄ᬫᬧ᭄ᬭᬤᬫᬾᬳᬤᬶ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬫᬋᬓ᭄ᬩᬳᬭᬸᬫ᭄ᬤᬾᬯᬵ᭞ᬫᬍᬧᭂᬳᬂᬫᬗ᭄ᬤᬓᬶᬗᬶᬦ᭄᭞ᬳᬭᬶᬲ᭄ᬲᬫᬶ
ᬮᬾᬤᬂ᭞ᬳᬶᬦ᭄ᬤ᭄ᬭᬩᬸᬫᬬᬢᬦ᭄ᬧᬶᬯᬮ᭄᭞ᬭᬶᬂᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬕ᭄ᬮᬶᬲ᭄ᬫᬫᬃᬕ᭄ᬕ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬗᬧᬸᬭᬶᬬᬂ᭞ᬗᬮᬶᬄᬳᭀᬓᬲᬦᬾ
ᬚᬦᬶ᭞ᬕᭂᬮᬶᬲ᭄ᬓᬳᭀᬓᬲᬂ᭞ᬢᬸᬫᬸᬮᬶᬓᬳᬢᬸᬭᬦ᭄᭞ᬭᬶᬂᬭᬚᬚᭀᬳᬦ᭄ᬲ᭄ᬬᬳ᭄ᬧ᭄ᬭᬶᬭᬭᬶᬲ᭄᭞ᬫᬗᬧᬸᬭᬶᬬᬂ᭞ᬮᬶᬦ᭄ᬢᬂᬧ᭄ᬭᬦᬫ᭄ᬬᬫᬗ᭄ᬓᬶᬦ᭄᭟ᬧᬜᬧᬦᬾᬲᬂᬧ᭄ᬭᬪᬸᬩᬳᬭᬸᬫ᭄ᬤᬾᬯᬵ᭞ᬤᬸ
ᬭᬸᬲᬂᬦᬦᬓ᭄ᬫᬮᬶᬗ᭄ᬕᬶᬄ᭞ᬳᭀᬃᬫ᭄ᬫᬢ᭄ᬧᬥᬳᭀᬃᬫ᭄ᬫᬢ᭄᭞ᬫᬮᬶᬗ᭄ᬕᬶᬄᬫᬋᬧᬋᬧᬦ᭄᭞ᬗᬲᬩ᭄ᬳᬮᬧ᭄ᬩᬦ᭄ᬩᬦ᭄ᬫᬦᬶᬲ᭄᭞ᬫᬳᬢᬸᬃᬳᬶᬤ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬤᬕᬶᬂᬳᬶᬧᬸᬦ᭄ᬢᬶᬢ᭄ᬬᬂᬧᬋᬓ᭄ᬗ [ 28 ][᭒᭗ 27B]
᭒᭗
ᬮᬸᬗ᭄ᬲᬸᬭᬂ᭞ᬲᬲᬫ᭄ᬧᬸᬭᬬᬦᬾᬫᬗ᭄ᬓᬶᬦ᭄᭞ᬭᬾᬄᬳᬶᬦ᭄ᬤ᭄ᬭᬩᬸᬫᬬ᭞ᬓᬤᬶᬫᬭᬸᬧᬵᬧ᭄ᬭᬲᬗ᭄ᬕ᭞ᬗᬃᬬ᭄ᬬᬦᬶᬦ᭄ᬧᬓᭀᬩᭂᬢ᭄‌ᬯ᭄ᬬᬓ᭄ᬢᬶ᭞ᬲᬫ᭄ᬧᬸᬭᬧᬶᬲᬦ᭄᭞ᬜᬸᬧᬮᬂᬭᬶᬂᬋᬤ᭄ᬥᬶ᭟ᬳᬫ᭄ᬧᬸᬭ
ᬬᬂᬩᬢᭂᬓ᭄ᬳᬦ᭄ᬢᬸᬓᬩᬚᬗᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬜᭂᬧᬸᬗᬶᬦ᭄᭞ᬳ᭄ᬬᬸᬦ᭄ᬧᬮᬸᬗ᭄ᬕᬸᬄᬩᬧ᭞ᬳᬢᬸᬃᬢ᭄ᬬᬂᬢᬦᬧᬜ᭄ᬚᬂ᭞ᬳᬢᬸᬭᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬳᬶᬦ᭄ᬤ᭄ᬭᬩᬸᬫᬬ᭞ᬳᬗ᭄ᬕᬾᬦ᭄ᬳᭀᬓᬵᬳᬶᬭᬶ
ᬓᬶ᭞ᬓᬤᬸᬂᬲᬫ᭄ᬧᬸᬦ᭄ᬫᬭᬸᬧᬓᬤᬶᬧ᭄ᬭᬲᬗ᭄ᬕ᭞ᬗᬭᬸᬲᬶᬢᬶᬦ᭄‌ᬢ᭄ᬯᬦ᭄ᬧᬸᬢ᭄ᬭᬶ᭞ᬳᬤᬦᬦ᭄ᬢᬸᬮᬸᬲᬂ᭞ᬲ᭄ᬯᬾᬘᬦ᭄ᬩᬧᬵᬭᬶᬂᬢᬶᬢ᭄ᬬᬂ᭞ᬩᭂᬘᬶᬓᬦ᭄ᬬᬦ᭄ᬓᬧᬶᬲᬶᬗ᭄ᬕᬶᬄ᭞ᬫᬗ᭄ᬓᬶᬦ᭄ᬧᬶᬘᬬᬂ᭞ᬢ᭄ᬯᬦ᭄ᬧᬸᬢ᭄ᬭᬶ
ᬓᬤᬶᬫᬗ᭄ᬓᬶᬦ᭄᭟ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬᬧᬳᬶᬘᬬᬂ᭞ᬫᬗ᭄ᬤᬾᬦ᭄ᬓᬳᬗ᭄ᬕᬾᬦ᭄ᬧ᭄ᬭᬫᬶ᭞ᬢᬸᬮᬸᬲᬂᬢᬸᬮᬸᬲᬂ᭞ᬫᬗ᭄ᬤᬾᬭᬳᬬᬸᬚᬕᬢ᭄᭞ᬢᬲᬶᬓ᭄ᬫᬮᬬᬦᬾᬫᬗ᭄ᬓᬶᬦ᭄᭞ᬩᬸᬯᬶᬦ᭄ᬦᬃᬢ᭄ᬢ

[᭒᭘ 28A]
᭒᭘
ᬬᬂ᭞ᬫᬢᬸᬃᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬲᬧ᭄ᬭᬶᬓᬦ᭄ᬤᬦᬾᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬢ᭄ᬮᬲ᭄ᬓᬧᬶᬤᬃᬢ᭄ᬢᬲᬫᬶ᭞ᬢ᭄ᬮᬲ᭄ᬓᬧᬶᬋᬗᬂ᭞ᬭᬶᬂᬭᬚᬩᬳᬭᬸᬫ᭄ᬤᬾᬯ᭞ᬲᬫ᭄ᬧᬸᬦ᭄ᬮᬾᬤᬂᬓᬤᬶᬫᬗ᭄ᬓᬶᬦ᭄᭞
ᬩᬳᬭᬸᬫ᭄ᬤᬾᬯ᭞ᬫᬜᬸᬓ᭄ᬲ᭄ᬭᬳᬂᬢ᭄ᬯᬦ᭄ᬧᬸᬢ᭄ᬭᬶ᭟ᬮᬶᬦ᭄ᬢᬂᬭᬫ᭄ᬬᬚᬦᬶᬭᬶᬂᬢᬲᬶᬓ᭄ᬫᬮᬬ᭞ᬳᬶᬦ᭄ᬤ᭄ᬭᬩᬸᬫᬬᬫᬩᬸᬜ᭄ᬘᬶᬂ᭞ᬤᬾᬦᬶᬂᬧᬥᬲᬸᬓ᭞ᬭᬶᬂᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬲᬸᬳᬸᬤ᭄ᬧᬩᬸ
ᬜ᭄ᬘᬶᬗᬦ᭄ᬭᬭᬶᬲ᭄᭞ᬬᬲᬫ᭄ᬧᬸᬦ᭄ᬩᬸᬤᬮ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬚᬦᬶᬲᬸᬩᬵᬫᬓᭂᬮᭀᬳᬶᬦ᭄ᬤ᭄ᬭᬩᬸᬫᬬ᭞ᬤᬶᬢᬲᬶᬓ᭄ᬫᬮᬬᬫᬮᬶᬗ᭄ᬕᬶᬄ᭞ᬯᬶᬭᬾᬄᬢᭀᬦ᭄ᬤᬾᬦ᭄ᬩᬓᬢ᭄᭞
ᬦᬾᬫᬸᬮᬳᬚᬧ᭄ᬳᬚᬧ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬢ᭄ᬯᬭᬤᬧᬲᬄ᭞ᬫᬓᭂᬮᬧ᭄ᬓᭂᬮᬧ᭄ᬤᬶᬬᬢᬶ᭟ᬧᬫᬶᬦᭂᬄᬳᬾᬗ᭄ᬕᬾᬚᬦᬶᬳᬶᬦ᭄ᬤ᭄ᬭᬩᬸᬫᬬ᭞ᬬᬾᬦ᭄ᬧᬤᬾᬫᬓᭂᬮᭀᬤᬶᬦᬶ᭞ [ 29 ][᭒᭘ 28B]
᭒᭘
ᬧᬶᬤᬦ᭄ᬓᬮ᭄ᬩᬓᬢᬂ᭞ᬧᬸᬢ᭄ᬭᬶᬦᬾᬦᬾᬳᬶᬧᬶᬬᬂ᭞ᬦᬾᬫᬤᬦ᭄ᬓᬸᬲᬸᬫᬤᬾᬯᬶ᭞ᬤᬾᬦᬶᬂᬓᬓᬾᬦ᭄ᬤ᭄ᬭᬦ᭄᭞ᬤᬶᬧᬸᬭᬶᬧ᭄ᬮᬦ᭄ᬢᬳᬾᬭᬦᬶ᭟ᬦᬦᭂᬂᬲᬯᬢ᭄ᬲᬸᬗ᭄ᬲᬸᬢ᭄ᬳᬶᬦ᭄ᬤ᭄ᬭᬩᬸᬫᬬ᭞ᬢᭀ
ᬬᬦ᭄ᬧᬗᬓ᭄ᬱᬶᬦᬾᬫᬶᬮᬶᬃ᭞ᬢᬶᬢᬶᬃᬗᬸᬲᬧᬸᬲᬧ᭄᭞ᬩᬦ᭄ᬲᬧᬸᬢᬗᬦ᭄ᬲᬸᬢ᭄ᬭ᭞ᬩᬸᬫᬶᬓᬶᬦᬂᬤᬺᬲ᭄ᬫᬶᬚᬶᬮ᭄᭞ᬬᬧᬢᭂᬫ᭄ᬩᬸᬯᬲ᭄᭞ᬲᬧᬸᬢᬗᬦᬾᬗᭂᬦᬦᬶ᭟ᬲᬶᬂᬚᬧᬶᬲᬦ᭄ᬤᬤᬶᬬᬦ᭄ᬳᬶᬤ
ᬫᬸᬃᬡ᭄ᬦᬬᬂ᭞ᬬᬦ᭄‌ᬢ᭄ᬯᬭᬲᬶᬤ᭄ᬥᬓᬧᬗ᭄ᬕᬶᬄ᭞ᬦᬾᬫᬸᬮᬳᬶᬲ᭄ᬢᬶᬬᬂ᭞ᬭᬭᬶᬲ᭄ᬳᬶᬦ᭄ᬤ᭄ᬭᬩᬸᬫᬬ᭞ᬫᬋᬓ᭄ᬗᬧᬸᬭᬶᬬᬂᬫᬗ᭄ᬓᬶᬦ᭄᭞ᬩᬳᬭᬸᬫ᭄ᬤᬾᬯᬵ᭞ᬤᬧᭂᬢᬂᬲᭂᬤᭂᬓ᭄ᬫᬮᬶᬗ᭄ᬕᬶᬄ᭟ᬫᬩᬋᬗᬦ᭄ᬭᬶᬂᬳᬶᬤᬧ᭄ᬭᬫᬶ
ᬰ᭄ᬯᬭ᭄ᬬᬵ᭞ᬩᬳᬭᬸᬫ᭄ᬤᬾᬯᬭᬭᬶᬲ᭄᭞ᬜᬧᬵᬦᬄᬫᭂᬦᬾᬓᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬜᭂᬫ᭄ᬩᬄ᭞ᬳᬢᬸᬭᬾᬳᬭᬸᬫ᭄ᬳᬫᬦᬶᬲ᭄᭞ᬬᬦ᭄ᬧᬤᬕᬶᬗᬦ᭄᭞ᬢᬶᬢ᭄ᬬᬂᬧ᭄ᬭᬲᬗ᭄ᬕᬦᬾᬫᬗ᭄ᬓᬶᬦ᭄᭟ᬭᬶᬧᬮᬸ

[᭒᭙ 29A]
᭒᭙
ᬗ᭄ᬕᬸᬄᬩᬧᬢᬶᬢ᭄ᬬᬂᬫᬦ᭄ᬤᬯᭂᬕᬂ᭞ᬫᬧᬫᬶᬢ᭄ᬩᬾᬜ᭄ᬚᬂᬫᬫᬃᬕ᭄ᬕᬶ᭞ᬮᬸᬗ᭄ᬳᬫᬗᬸᬫ᭄ᬩᬭ᭞ᬲᬫᬮᬶᬄᬳᬦᬓ᭄ᬩᬧ᭞ᬧᬫᬶᬢᬂᬢᬶᬢ᭄ᬬᬂᬳᬶᬬᬤᬶ᭞ᬳᬶᬫᬦ᭄ᬤᬸᬭᬢ᭄ᬦᬵ᭞ᬭᬶᬂᬧᬚᭂᬂᬮᬸᬗ᭄ᬕᬸᬄᬩᬧᬩᬶᬩᬶ᭟ᬫ
ᬳᬵᬭᬚᬩᬳᬭᬸᬫ᭄ᬤᬾᬯᬵᬫᬗᬸᬘᬧ᭄᭞ᬫᬓᬤᬶᬜᬧ᭄ᬭᬫᬶᬰ᭄ᬯᬭᬶ᭞ᬧᬥᬗᭂᬫ᭄ᬩᭂᬂᬯᬲ᭄ᬧ᭞ᬲᬸᬪᬦᬶᬂᬳᬶᬓᬶᬳᬶᬤᬾᬯᬵᬧᬶᬲᬭᬢ᭄᭞ᬳᬧᬓᬾᬢᭀᬩᬧᬩᬶᬩᬶᬅ᭄᭞ᬬᬫᬦᭀᬫᬬᬂ
᭞ᬦᬗ᭄ᬳᬶᬂᬲᬳᬶᬲ᭄ᬢᬸᬯᬂᬕᬢᬶ᭟ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬭᬾᬄᬳᬤᬶᬦ᭄ᬳᬶᬤᬾᬯᬵ᭞ᬓᬮᬶᬯᬢ᭄ᬩᭂᬮᭀᬕ᭄ᬢᬸᬯᬶ᭞ᬢ᭄ᬯᬭᬦᬯᬂᬳᬧᬵ᭞ᬩᬢᭂᬓ᭄ᬩᬳᬦ᭄ᬓᬘᭂᬭᬶᬓᬦ᭄᭞ᬳ᭄ᬥᬚᬗ᭄ᬓᬳᬦ᭄ᬗᬚᬳᬶᬦ᭄᭞ᬭᬭᬶᬲ᭄ᬫ
ᬜᭂᬫ᭄ᬩᬄ᭞ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬭᬭᬶᬲ᭄᭟ᬓᬧᬫᬺᬫᬦ᭄ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬵ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬫᬗ᭄ᬓᬶᬦ᭄᭞ᬫᬦᬶᬲ᭄ᬩᬦ᭄ᬩᬦ᭄ᬗᬸᬘᬧ᭄᭞ᬤᬸᬄᬤᬾᬯᬵᬚᬶᬯᬦ᭄ᬢᬶᬢ᭄ᬬᬂ᭞ᬯᬶᬭᬾᬄᬩᬾᬜ᭄ᬚᬂ [ 30 ][᭒᭙ 29B]
᭒᭙
ᬧᬘᬂᬩᭂᬮᬶ᭞ᬬᬫᬗᬸᬫ᭄ᬩᬭ᭞ᬤᬾᬦᬶᬂᬳᬤᬶᬲᬧᬸᬦᬧᬶ᭟ᬧᬲᬯᬸᬭᬾᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬢᬶᬢ᭄ᬬᬂᬗᬶᬭᬶᬂᬮᬸᬗ᭄ᬕᬸᬄᬩᭂᬮᬶ᭞ᬓᬮᬶᬂᬫᬗᬸᬫ᭄ᬩᬭ᭞ᬲᬢᬶᬩᬵᬢᬶᬩᬦᬶᬧᬭᬦ᭄᭞ᬬᬤᬶᬦ᭄ᬫ
ᬜᭂᬩᬸᬭᬶᬦ᭄ᬕᭂᬦᬶ᭞ᬢᬶᬢ᭄ᬬᬂᬩᬾᬩᬲ᭄᭞ᬲᬓᬾᬯᬦ᭄ᬢᭂᬦ᭄ᬗᬶᬭᬶᬂᬩᭂᬮᬶ᭟᭜᭟ᬧᬸᬄᬯᬶᬗ᭄ᬓᬶᬂ᭟᭜᭟ᬧᭂᬢᭂᬗᬾᬢ᭄ᬯᬭᬳᬸᬘᬧᬂ᭞ᬧᬲᭂᬫᭂᬗᬦ᭄ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬫᬤᬩ᭄ᬥᬩᬦ᭄ᬲᬫᬶᬲᬵ
ᬫ᭄ᬧᬸᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬓᬤᬶᬜ᭞ᬫᬶᬭᬶᬗᬦ᭄ᬳᬶᬦᬂᬫᬗᬗ᭄ᬲᬸᬄ᭞ᬩ᭄ᬭᬶᬬᬸᬓ᭄ᬫᭂᬤᭂᬓ᭄ᬳᬚᬶᬩᬶᬬᬂ᭞ᬫᬧᬫᬶᬢ᭄ᬲᬳᬗᬪᬓ᭄ᬢᬶ᭟ᬳᬶᬦ᭄ᬤ᭄ᬭᬩᬸᬫᬬᬫᬜᬸᬫ᭄ᬩᬄ᭞ᬫᬲᬫ᭄ᬧᬸᬦᬾᬭᬭᬶᬲ᭄ᬗᬋ
ᬕᭂᬧᬂᬕᭂᬮᬶᬲ᭄᭞ᬓᬫᬮᬵᬳᬓᬢᬾᬮᬯᬸᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬓᬤᬶᬜ᭞ᬳᬶᬦᬂᬧᬗᬲᬸᬄᬫᬘ᭄ᬮᬸᬲ᭄᭞ᬓᬚ᭄ᬭᭀᬦᬶᬂᬓᬫᬮᬳᬶᬓ᭄ᬫᬢ᭄᭞ᬧᬩᬳᬂᬚᭀᬳᬦ᭄ᬲ᭄ᬬᬄᬧ᭄ᬭᬶ

[᭓᭐ 30A]
᭓᭐
᭟ᬳᬶᬦ᭄ᬤ᭄ᬭᬩᬸᬫᬬᬮᬸᬢ᭄ᬫᭂᬤᬮ᭄᭞ᬗᬚᬩᬬᬂ᭞ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕᬶ᭞ᬢ᭄ᬯᬭᬭᬃᬬ᭄ᬬᬦᬦ᭄ᬫᬗ᭄ᬮᬦ᭄ᬢᬸᬃ᭞ᬫᬗᬸᬗ᭄ᬲᬶᬳᭂᬗ᭄ᬲᭂᬩᬦ᭄ᬲᬹᬃᬬ᭄ᬬᬵ᭞ᬢᬦ᭄ᬤᬸᬫᬤᬾᬮᬯᬸᬢ᭄ᬫᬫᬗ᭄ᬕᬶᬳᬶᬦ᭄ᬕᬸᬦᬸᬂ᭞ᬢᬸᬃᬧᭂᬲᬸ
ᬳᬧᬶᬗᬭᬩ᭄᭞ᬫᬜᭂᬍᬕ᭄ᬢᭂᬓᭂᬤ᭄ᬓᬮᬗᬶᬢ᭄᭟ᬳᬶᬦ᭄ᬤ᭄ᬭᬩᬸᬫᬬᬗᬺᬕᭂᬧᬂ᭞ᬓᬳᬶᬓ᭄ᬫᬢᬦᬾᬲᬓᬶᬂᬚᭀᬳᬦ᭄ᬲ᭄ᬬᬄᬧ᭄ᬭᬶᬂ᭞ᬓᬚᬳᬦ᭄ᬲᬕᬾᬢᬦ᭄ᬭᬯᬸᬄ᭞ᬧᬓ᭄ᬱᬶᬕ᭄ᬭᬸᬥᬦᬾᬗᬸ
ᬘᬧ᭄᭞ᬳᬶᬗ᭄ᬕᬶᬄᬭᬢᬸ᭞ᬧᬸᬦᬧᬶᬯᬾᬦ᭄ᬢᭂᬦ᭄ᬤᬾᬯᬵᬕᬸᬂ᭞ᬧᬯᬘᬦᬬᬂᬭᬶᬂᬢᬶᬢ᭄ᬬᬂ᭞ᬳᬶᬦ᭄ᬤ᭄ᬭᬩᬸᬫᬬᬵᬜᬯᬸᬭᬶᬦ᭄᭟ᬳ᭄ᬦᬄᬓᬾᬓᭂᬩᬸᬭᬂᬦᬶᬭ᭞ᬳᬧᬂᬢᭂᬓᭂᬤ᭄ᬤᬶᬕᬸᬦᬸᬗᬾᬦᬾᬫ
ᬳᬧᬶ᭞ᬕᭂᬮᬶᬲ᭄ᬕᬭᬸᬥᬦᬾᬲᬫ᭄ᬧᬸᬦ᭄᭞ᬗᭂᬩᬸᬭᬂᬳᬶᬦ᭄ᬤ᭄ᬭᬩᬸᬫᬬ᭞ᬭᬚᬳᬶᬦ᭄ᬤ᭄ᬭᬩᬸᬫᬬᬫᬭᬲᬓᭂᬩᬸᬲ᭄᭞ᬓᬳᬢᬸᬃᬫᬦᬶᬓ᭄ᬓᬲᬢᬦ᭄᭞ᬢᬸᬫᬸᬮᬶᬫᬗᬸᬘᬧ᭄ᬕᭂᬮᬶᬲ᭄᭟ᬢᭀᬂ [ 31 ][᭓᭐ 30B]
᭓᭐
ᬫᬫ᭄ᬧᬸᬄᬳᬶᬭᬦᬳᬦᬂᬓ᭄ᬭᬸᬭᬓᬭ᭞ᬳᬩᭂᬥᬓᬶᬭᬦᬾᬢᬦ᭄ᬲᬶᬧᬶ᭞ᬫᬓᬤᬶᬓᬮᬶᬯᬢ᭄ᬓᭂᬩᬸᬲ᭄᭞ᬳᬶᬦ᭄ᬤ᭄ᬭᬩᬸᬫᬬᬗᬮᬾᬧᬢ᭄᭞ᬭᬚᬳᬶᬦ᭄ᬤ᭄ᬭᬩᬸᬫᬬᬫᬘᭂᬧᭀᬮ᭄ᬳᬸᬮᬸᬂ᭞ᬤᬶᬢᭂᬧᬶᬦᬾᬦᬾᬓᬧᬸ
ᬭᬓ᭄᭟ᬩᬗᬯᬦ᭄ᬩᬳ᭄ᬭᬸᬰᬓ᭄ᬢᬶ᭟ᬩᬗᬯᬦᬾᬫᬳᭀᬘᬓᬦ᭄᭞ᬓᬪᬶᬦᬵᬯᬮᬶᬗ᭄ᬕᬳᬾᬯᬮᬸᬬᬧᬲᬶᬄ᭞ᬳᭂᬦᬶᬂᬢᭀᬬᬦ᭄ᬜᬦᬾᬫᬸᬧᬸᬢ᭄᭞ᬮᬯᬸᬢ᭄ᬳᬶᬤᬓᬘᬶᬗᬓᬦ᭄᭞ᬲᬫ᭄ᬧᬦ᭄ᬫᬓ
ᬤᬶᬜᬚᬸᬓᬸᬂ᭞ᬮᬶᬬᬸᬳᬦᬓ᭄ᬫᬮᬜ᭄ᬘᬭᬦ᭄᭞ᬳᭂᬦ᭄ᬳᭀᬳᭀᬓᬦ᭄ᬭᬚᬲᬫᬶ᭟ᬤᬶᬩᬗᬯᬦᬾᬫᬲᬫ᭄ᬧᬦ᭄᭞ᬳᭀᬓᬦ᭄ᬭᬚᬵᬳᬤᬧᭂᬢᬂᬤᬰᬤᬶᬭᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬮᬯᬸᬢ᭄᭞ᬗᬫ᭄ᬩᬶᬮ᭄ᬕᬸᬮᬶ
ᬕᬧᬸᬦᬶᬓᬵ᭞ᬮᬸᬢ᭄ᬓᬓᬺᬫ᭄‌ᬲᬶᬲᬶᬦ᭄ᬩᬗᬯᬦᬾᬤᬶᬢᬸ᭞ᬫᬳᬵᬋᬱᬶᬳᬦ᭄ᬢᬓᬸᬰ᭞ᬫᬗᬶᬘᬾᬦᬶᬦ᭄‌ᬦᬾᬦᬾᬗᬸᬦᬶ᭟ᬢᭀᬬᬦ᭄ᬩᬗᬯᬦᬾᬳᭀᬘᬓ᭄᭞ᬳᬗᬶᬦ᭄ᬮᬶᬮᬸᬲ᭄᭞ᬓᬶᬮᬧᬾᬲᬮᬶᬂᬲᬦ᭄ᬤᭂ

[᭓᭑ 31A]
᭓᭑
ᬭᬶᬦ᭄᭞ᬫᬤᬸᬮᬸᬭᬦ᭄ᬳᬸᬚᬦ᭄ᬓ᭄ᬭᬸᬕ᭄᭞ᬚᬸᬓᬸᬗᬾᬫᬓᬤᬶᬲᬫ᭄ᬧᬦ᭄᭞ᬮᬶᬬᬸᬓᭂᬍᬫ᭄‌ᬳᭀᬓᬦ᭄ᬭᬚᬳᬓᬾᬄᬮᬫ᭄ᬧᬸᬲ᭄᭞ᬳᬤᬚᬸᬓᬸᬗᬾᬦᬾᬩᭂᬜ᭄ᬘᬄ᭞ᬭᬚᬧᬸᬢ᭄ᬭᬮᬶᬬᬸᬓᬫ᭄ᬧᬶᬄ᭟ᬓᬲᬶ
ᬲᬶᬩᭂᬮᬸᬲ᭄ᬫᬓᭂᬚᬂ᭞ᬭᬚᬳᬶᬦ᭄ᬤ᭄ᬭᬩᬸᬫᬬᬫᬜᬭᬸᬚᬦᬶ᭞ᬲᬶᬲᬶᬦ᭄ᬩᬗᬯᬦᬾᬤᬶᬢᬸ᭞ᬳᬶᬦ᭄ᬤᭂᬗᬶᬦ᭄ᬤᭂᬂᬫᬧᬯᬲᬦ᭄᭞ᬮᬸᬢ᭄ᬫᬜ᭄ᬚᬕ᭄ᬚᬕ᭄ᬭᬚᬧᬸᬢ᭄ᬭᬶᬦᬾᬫᬩ᭄ᬭᬶᬬᬸᬓ᭄᭞ᬦᭂᬲᭂᬓᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬳ
ᬩ᭄ᬭᬶᬬᬸᬓᬦ᭄ᬗᬸᬘᬧᬭᬶᬲ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᬸᬦᬲᬂ᭞ᬲᬓᬶᬂᬤᬶᬚᬵᬢᭂᬫ᭄ᬩᬾᬢᬶᬢ᭄ᬬᬂᬫᬫᬗ᭄ᬕᬶᬳᬶᬦ᭄᭞ᬯᬃᬡ᭄ᬦᬦᬾᬓᬮᬶᬦ᭄ᬢᬂᬩᬕᬸᬲ᭄᭞ᬫᬗ᭄ᬓᬶᬦ᭄ᬳᬶᬭᬶᬓᬶᬗᬭᬕ᭞ᬭᬭᬶᬲ᭄ᬓᭂᬜᭂᬫ᭄ᬳᬶᬦ᭄ᬤ᭄ᬭᬩᬸᬫᬬᬫᬲᬯᬸᬃ᭞
ᬢᬶᬢ᭄ᬬᬂᬓᬲᬗ᭄ᬲᬭᬧᬶᬲᬦ᭄᭞ᬓᬮᬸᬦ᭄ᬢᬮᬸᬦ᭄ᬢᬫᬭᬶᬓᬶ᭟ᬲᬦᬾᬲᬸᬫᬤ᭄ᬬᬬᬂᬢᬶᬢ᭄ᬬᬂ᭞ᬧᬘᬂᬧᬋᬓ᭄ᬭᬶᬂᬫᬳᬭᬚᬰᬓ᭄ᬢᬶ᭞ᬢᬶᬢ᭄ᬬᬂᬫᬦᬸᬦᬲᬂᬚᬸᬚᬸᬢ᭄᭞ᬩᬗᬯᬦ᭄ᬦᬧᬶᬯᬲ᭄ᬢᬦ᭄ᬜ᭞ᬳᬗᭀᬢᬶᬸ [ 32 ][᭓᭑ 31B]
᭓᭑
ᬩ᭄ᬢᬶᬢ᭄ᬬᬂᬗᬦ᭄ᬢᭂᬦᬂᬮᬶᬗ᭄ᬕᬄᬳᬾᬫᬸᬧᬸᬢ᭄᭞ᬭᬚᬧᬸᬢ᭄ᬭᬦᬾᬫᬦᬶᬫ᭄ᬩᬮ᭄᭞ᬩᬗᬯᬦ᭄ᬩᬳ᭄ᬭᬸᬮ᭄ᬰᬓ᭄ᬢᬶ᭟ᬳᬶᬦ᭄ᬤ᭄ᬭᬩᬸᬫᬬᬵᬳᬗᬸᬘᬧ᭄᭞ᬦᬶᬫ᭄ᬩᬮ᭄ᬓᭂᬜᭂᬫ᭄‌ᬘᬘᬶᬗᬓᬾᬜᭂᬜᭂᬃᬫᬦᬶᬲ᭄᭟
ᬲᬧᬸᬦᬧᬶᬓ᭄ᬭᬡᬩᭂᬮᬸᬲ᭄᭞ᬯᬲ᭄ᬢ᭄ᬭᬤ᭄ᬭᬸᬯᬾᬦᬾᬲᬶᬦᬫ᭄ᬬᬦ᭄᭞ᬭᬚᬧᬸᬢ᭄ᬭᬵᬫᬦᬶᬫ᭄ᬩᬮ᭄ᬗᬸᬘᬧ᭄ᬫᬩ᭄ᬭᬶᬬᬸᬓ᭄᭞ᬢᬶᬢ᭄ᬬᬂᬯᬯᬸᬫᬲᬫ᭄ᬧᬦᬦ᭄᭞ᬭᬶᬂᬩᬗᬯᬦᬾᬧᬸᬦᬶᬓᬶ᭟ᬲᭂᬗ᭄ᬓᬮᬲᬫ᭄ᬧᬦᬾᬩᭂ
ᬜ᭄ᬘᬃ᭞ᬧᬦ᭄ᬢᬶᬂᬳᬶᬧᬸᬦ᭄ᬳᬦ᭄ᬢᬸᬓ᭄ᬳᭀᬫ᭄ᬩᬓ᭄ᬲᬩᭂᬄᬳᬗᬶᬦ᭄᭞ᬫᬓᬫᬶᬯᬄᬓᬶᬮᬧ᭄ᬓ᭄ᬭᬸᬕ᭄᭞ᬧᬸᬦᬶᬓᬵᬫᬳᬯᬦᬦ᭄᭞ᬳᬓᬾᬄᬧᬶᬲᬦ᭄᭞ᬲᬫ᭄ᬧᬦ᭄ᬚᬸᬓᬸᬗᬾᬓᬍᬩᬸ᭞ᬫᬓᬫᬶᬯᬄᬢᬶᬫ᭄ᬧᬮ᭄ᬢᬶᬢ᭄ᬬᬂ᭞
ᬳᬓᬾᬄᬓᭂᬍᬫ᭄ᬓᬧᬗ᭄ᬕᬶᬄ᭟ᬬᬦᬲᬶᬤᬲᬦᬾᬓᭂᬍᬫ᭄ᬲᬦᬾᬫᬗ᭄ᬓᬶᬦ᭄᭞ᬲᬫ᭄ᬧᬦᬾᬫᬓᬤᬶᬚᬸᬓᬸᬂ᭞ᬫᬓᬫᬶᬯᬄᬭᬚᬧᬸᬢ᭄ᬭ᭞ᬲᬶᬤ᭄ᬥᬫᬗ᭄ᬤᬵᬚᬢᬶᬫᬸᬮᬫᬮᬶᬄᬭᬯᬸᬄ᭞ᬧᬸᬦᬧᬶᬧᬘᬂ

[᭓᭒ 32A]
᭓᭒
ᬧᬢᬸᬯᬲ᭄᭞ᬳᬶᬦ᭄ᬤ᭄ᬭᬩᬸᬫᬬᬭᬶᬂᬕᭂᬮᬶᬲ᭄᭟ᬗᬫ᭄ᬩᬶᬮ᭄ᬕᬸᬮᬶᬕᬵᬧᬸᬦᬶᬓᬵ᭞ᬲᬫ᭄ᬧᬦ᭄ᬚᬸᬓᬸᬂᬭᬚᬧᬸᬢ᭄ᬭᬦᬾᬫᬗ᭄ᬓᬶᬦ᭄᭞ᬲᬦᬾᬓᭂᬍᬫ᭄ᬲᬫᬶᬭᬯᬸᬄ᭞ᬭᬚᬧᬸᬢ᭄ᬭᬓᬕᬯᭀᬓᬦ᭄᭞ᬲᬫᬶᬜᭂ
ᬫ᭄ᬩᬄᬫᬩ᭄ᬭᬶᬬᬸᬓ᭄ᬫᬗᬸᬘᬧ᭄ᬳᬮᬸᬲ᭄᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬲᬢᬶᬩᬧᬭᬦᬶᬂᬫᬗ᭄ᬓᬶᬦ᭄᭟ᬳᬶᬦ᭄ᬤ᭄ᬭᬩᬸᬫᬬᬫᬦᬶᬫ᭄ᬩᬮ᭄᭞ᬗᬸᬤ᭄ᬬᬂᬓᬾᬢᭀ᭞ᬩᬦ᭄ᬳᬶᬤᬾᬯᬵᬩᬸᬓᬚᬦᬶ᭞ᬓᭂᬫᬵᬤᬾᬯᬧ
ᬥᬫᬦ᭄ᬢᬸᬓ᭄᭞ᬲᬫ᭄ᬧᬸᬦᬂᬦᬸᬳᬸᬢ᭄ᬢᬶᬢ᭄ᬬᬂ᭞ᬭᬚᬧᬸᬢ᭄ᬭᬵᬲᬫᬶᬦᬗᬶᬲ᭄ᬲᭂᬕᬸᬲᭂᬕᬸ᭞ᬫᬗᭂᬦᬂᬳᬶᬦ᭄ᬤ᭄ᬭᬩᬸᬫᬬ᭞ᬫᬦ᭄ᬢᬸᬓ᭄‌ᬲᭀᬯᬂᬲᭀᬯᬂᬲᬫᬶ᭟ᬳᬶᬦ᭄ᬤ᭄ᬭᬩᬸᬫᬬᬵᬫᬗ᭄ᬮᬦ᭄ᬢᬲ᭄᭞ᬧᬫᬃᬕ᭄ᬕᬶᬦᬾᬳᭂ
ᬗ᭄ᬲᭂᬩᬦ᭄ᬲᬸᬃᬬ᭄ᬬᬦᬾᬳᬸᬗ᭄ᬲᬶ᭞ᬲᬯᬢ᭄ᬢᬭᬢᭂᬮᬸᬂᬤᬯᬸᬄ᭞ᬧᬫᬃᬕ᭄ᬕᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬲᬕᬾᬢ᭄ᬦᬧᬓ᭄ᬤᬶᬢᭂᬧᬶᬦ᭄ᬧᬢᬧᬦ᭄ᬲᬫ᭄ᬧᬸᬦ᭄᭞ᬫᬳᬋᬱᬶᬓᬶᬱ᭄ᬡᬵᬘᬶᬤ᭄ᬭ᭞ᬲᭂᬤᭂᬓ᭄ᬤᬶᬢᬫᬦ᭄ᬫᬗ᭄ᬓᬶᬦ᭄᭟ᬗ [ 33 ][᭓᭒ 32B]
᭓᭒
ᬍᬕᭂᬂᬗᬸᬜ᭄ᬘᬭᬂᬯᬾᬤ᭄ᬥ᭞ᬤᬤᬶᬩᬜ᭄ᬘᬮ᭄ᬕᭂᬡ᭄ᬝᬦᬾᬢ᭄ᬯᬭᬫᬫᬸᬜᬶ᭞ᬓᬕ᭄ᬬᬢ᭄ᬳᬶᬤᬭᬶᬂᬓᬬᬸᬦ᭄᭞ᬫᬳᬵᬋᬱᬶᬓᬶᬱ᭄ᬡᬘᬶᬦ᭄ᬤ᭄ᬭ᭞ᬫᬫᬶᬦᭂᬳᬾᬂᬢᬸᬯᬄᬳᬤᬭᬯᬸᬄ᭞ᬯᬢᭂᬓ᭄ᬤᬾᬯᬲᬮᬶᬢᬸ
ᬗ᭄ᬕᬸᬮ᭄᭞ᬫᬵᬦᬸᬱᬰᬓ᭄ᬢᬶᬮᬶᬦᬸᬯᬶᬄ᭟ᬫᬳᬵᬋᬱᬶᬓᬶᬱ᭄ᬡᬵᬘᬶᬦ᭄ᬤ᭄ᬭ᭞ᬭᬭᬶᬲ᭄ᬫᭂᬤᬮ᭄ᬲᬓᬶᬂᬢᬫᬦᬾᬓᬧᬗ᭄ᬕᬶᬄ᭞ᬳᬦᬓ᭄ᬮᬦᬂᬮᬶᬦ᭄ᬢᬂᬩᬕᬸᬲ᭄᭞ᬫᬳᬵᬋᬱᬶᬓᬶᬱ᭄ᬡᬘᬶᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬯᬶᬓᬦ᭄
ᬭᬶᬂᬳᬶᬦ᭄ᬤ᭄ᬭᬩᬸᬫᬬᬢᬸᬳᬸ᭞ᬫᬳᬵᬋᬱᬶᬓᬶᬱ᭄ᬡᬘᬶᬦ᭄ᬤ᭄ᬭ᭞ᬩᬦ᭄ᬩᬦ᭄ᬧᬗᬸᬘᬧᬾᬳᬭᬶᬲ᭄᭟ᬥᬸᬄᬳᬶᬤᬾᬯᬵᬧᬦᬓ᭄ᬩᬧ᭞ᬳᬧᬧᬘᬂᬲᬤ᭄ᬬᬬᬂᬳᬶᬤᬾᬯᬵᬫᬳᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬳᬢᬸᬃ
ᬢᬶᬢ᭄ᬬᬂᬫᬦᬸᬦᬲ᭄ᬢᬸᬮᬸᬗᬦ᭄᭞ᬬᬦ᭄ᬲᬯᬾᬘ᭄ᬘᬦ᭄ᬤᬶᬓᬳᬶᬦ᭄ᬓᬾᬢᬶᬢ᭄ᬬᬂᬭᬢᬸ᭞ᬫᬃᬕ᭄ᬕᬶᬧᬘᬂᬫᭂᬥᭂᬓ᭄ᬳᬶᬤ᭄ᬬᬵ᭞ᬰ᭄ᬭᬷᬫᬳᬵᬭᬚᬰᬓ᭄ᬢᬶ᭟ᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬭᬭᬶᬲ᭄ᬓᭂᬜᭂᬫ᭄ᬫᬗᬸᬘᬧᬭᬸ

[᭓᭓ 33A]
᭓᭓
ᬫᬫᬦᬶᬲ᭄᭞ᬬᬾᬦᬶᬂᬓᭂᬥᬶᬲᬾᬫᬓᭂᬩᬸᬃ᭞ᬩᬦ᭄ᬢᬲ᭄ᬧᬶᬢᬸᬗᬢᬸᬲ᭄ᬢᬶᬩᬦ᭄᭞ᬳᬸᬮᬶᬤᬶᬦᬶᬦᬧᬓ᭄ᬤᬶᬧᬢᬧᬦ᭄ᬤᬶᬢᬸ᭞ᬤᬶᬕᬸᬦᬸᬂᬳᬶᬦ᭄ᬤ᭄ᬭᬦᬕ᭞ᬰ᭄ᬭᬷᬫᬳᬵᬭᬚᬰᬓ᭄ᬢᬶ᭟ᬓ᭄ᬭᬡᬫᬤᬦ᭄ᬳᬶ
ᬦ᭄ᬤ᭄ᬭᬦᬕ᭞ᬳᬦ᭄ᬢᭀᬕᬸᬦᬸᬂᬕ᭄ᬦᬄᬦᬕᬦᬾᬲᬫᬶ᭞ᬬᬦᬓᬸᬤᬂᬓᬸᬤᬂᬗᬶᬬᬸ᭞ᬦᬕᬭᬾᬂᬤᬶᬢᬸᬫᬕ᭄ᬦᬄ᭞ᬳ᭄ᬦᬄᬤᬶᬦᬶᬳᬶᬤᬾᬯᬫᬮᬸᬫᬳᬸᬭᬸᬓ᭄᭞ᬓᬮᬶᬄᬳᭂᬦᬾᬩᬧᬵᬫ᭄ᬩᬳᬂ᭞ᬕᬸᬮᬶ
ᬕᬫᬗ᭄ᬤᬾᬦᬾᬰᬓ᭄ᬢᬶ᭟ᬩᬳᬦ᭄ᬗᬭᬤ᭄ᬮᬂᬮᬂᬩ᭄ᬯᬡ᭞ᬧᬂᬳᬶᬤᬾᬯᬭᬶᬂᬍᬂᬍᬂᬩ᭄ᬯᬡᬫᬫᬗ᭄ᬕᬶᬄ᭞ᬫᬓᬤᬶᬜᬬᬦ᭄ᬫᬓᬬᬸᬦ᭄᭞ᬳᬶᬤᬾᬯᬵᬢᭂᬧᬸᬓᬾᬦ᭄ᬩᬧ᭞ᬚᬕ᭄ᬳᬾᬜ᭄ᬘᭂᬧᬂᬩᬧᬲᬚ᭄ᬭᭀᬦᬶᬂᬓ
ᬬᬸᬦ᭄᭞ᬳᬚᬳᬦ᭄ᬩᬧᬵᬢᭂᬓᬵ᭞ᬜ᭄ᬚᬕ᭄ᬚᬕᬶᬦ᭄ᬳᬶᬤᬾᬯᬵᬕᭂᬮᬶᬲ᭄᭟ᬦᬾᬚᬦᬶᬳᬶᬦ᭄ᬤ᭄ᬭᬩᬸᬫᬬ᭞ᬲᬫ᭄ᬧᬸᬦ᭄ᬓᬶᬘᬾᬦ᭄ᬯᬭᬄᬯᬭᬄᬮᬶᬦ᭄ᬢᬂᬍᬯᬶᬄ᭞ᬢᬶᬗ᭄ᬓᬳᬶᬂᬫᬧ᭄ᬭᬂᬲᬫ᭄ᬧᬸᬦ᭄᭞ᬫᬳᬵᬋᬱᬶᬓᬶᬱ᭄ᬡᬘᬶ [ 34 ][᭓᭓ 33B]
᭓᭓
ᬦ᭄ᬤ᭄ᬭ᭞ᬫᬗ᭄ᬯᬭᬳᬶᬦ᭄ᬳᬶᬦ᭄ᬤ᭄ᬭᬩᬸᬫᬬᬵᬫᬗᬸᬦ᭄ᬢᬸᬓ᭄᭞ᬢᬸᬃᬜᭂᬫ᭄ᬩᬄᬫᬧᬫᬶᬢ᭄ᬩᬸᬤᬮ᭄᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭟ᬧᬫᬃᬕ᭄ᬕᬶᬦᬾᬲᬬᬦ᭄ᬲᬯᬢ᭄᭞ᬫᬗ᭄ᬮᬶᬦ᭄ᬢᬗᬶᬦ᭄ᬚᬸᬭᬂᬧᬗ᭄ᬓᬸᬂᬢᭂᬕᬮ᭄ᬩᬸᬓᬶᬢ᭄᭞ᬲᬭᬶᬧᬶᬢ᭄ᬫᬃ
ᬕ᭄ᬕᬦᬾᬫᬸᬧᬸᬢ᭄᭞ᬢᬦ᭄ᬧᬗᬶᬢᬸᬂᬫᬃᬕ᭄ᬕᬮᬶᬓᬤ᭄᭞ᬭᬚᬳᬶᬦ᭄ᬤ᭄ᬭᬩᬸᬫᬬᬵᬲᬕᬾᬢᬦ᭄ᬭᬯᬸᬄ᭞ᬤᬶᬩᬗᬯᬦ᭄ᬚᬦᬂᬮᬭ᭞ᬳᬶᬭᬶᬓᬵᬳᬶᬤᬫᬗᬓ᭄ᬱᬶ᭟ᬢ᭄ᬗᬄᬩᬗᬯᬦᬾᬳᬤ᭞ᬩᬸᬗᬦ᭄ᬢᬸᬜ᭄ᬚᬸᬂ
ᬧᬸᬢᬶᬄᬢᬸᬃᬩᬶᬱᬵᬫᬫᬸᬜᬶ᭞ᬓᬾᬦᬾᬧᬜᬧᬦᬾᬳᬮᬸᬲ᭄᭞ᬤᬸᬄᬳᬶᬭᬢᬸᬚᬕᬓᬶᬚ᭞ᬢᬦ᭄ᬲᬯᭀᬲᬦ᭄‌ᬦᬾᬚᬕᬶᬋᬋᬄᬳᬶᬭᬢᬸ᭞ᬲᬦᬾᬳᬬᬸᬫᬧᬲᬾᬗᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶ
ᬓᬸᬲᬸᬫᬤᬾᬯᬶ᭟ᬢᬸᬜ᭄ᬚᬸᬂᬧᬸᬢᬶᬳᬾᬮᬸᬢ᭄ᬳᬶᬮᬂ᭞ᬲᬕᬾᬢ᭄ᬳᬤᬗᭂᬦᬄᬩᬸᬗᬢᬸᬜ᭄ᬚᬸᬂᬓᬸᬦᬶᬂ᭞ᬫᬲᬶᬄᬧᬜᬧᬦᬾᬧᬢᬸᬄ᭞ᬩᬸᬓᬵᬢᬸᬜ᭄ᬚᬸᬂᬩᬸᬮᬦ᭄᭞ᬮᬶᬦ᭄ᬢᬂᬳᬗᭀᬩ᭄‌ᬳᬶᬦ᭄ᬤ᭄ᬭᬩᬸᬫ

[᭓᭔ 34A]
᭓᭔
ᬬᬭᬶᬂᬓᬬᬸᬦ᭄᭞ᬢᬸᬜ᭄ᬚᬸᬗᬾᬩᬶᬱᬵᬫᬜᬧ᭞ᬲᬳᬶᬘᬮ᭄ᬢᬸᬜ᭄ᬚᬸᬗᬾᬓᬸᬦᬶᬂ᭟ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕ᭞ᬧᬫᬃᬕ᭄ᬕᬶᬦᬾᬓᬓᬦ᭄ᬢᭂᬦᬂᬩᬦ᭄ᬤᬤᬭᬶ᭞ᬤᬤᬭᬶᬦᬾᬕᭂᬮᬶᬲ᭄ᬲᬫ᭄ᬧᬸᬦ᭄᭞ᬫᬦ᭄ᬤ
ᬤᬶᬢᬫᬸᬮᬶᬮᬶᬗᬦ᭄᭞ᬕᬤᬂᬜᬮᬂᬢᬸᬫᬸᬮᬶᬕᭂᬮᬶᬲ᭄ᬫᬓᭂᬩᬸᬃ᭞ᬫᬜᬾᬲᬾᬢ᭄ᬤᬶᬓᬃᬡ᭄ᬦᬦ᭄ᬳᬶᬤ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬫ᭄ᬩᬶᬮ᭄᭟ᬢᬫᬸᬮᬶᬮᬶᬗᬦᬾᬕᬤᬂ᭞ᬩᬯᬸᬫᬭᬵᬓᬳᭂᬚᬸᬓ᭄ᬮᬦ᭄ᬢᬲ᭄ᬫᬦ᭄ᬤ
ᬤᬶ᭞ᬤᬤᬭᬶᬓᬮᬶᬦ᭄ᬢᬂᬳᬬᬸ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬘᬧ᭄᭞ᬳᬥᬸᬄᬤᬾᬯᬵᬜᬾᬦ᭄ᬳᬶᬤᬾᬯᬵᬮᬶᬦ᭄ᬢᬗᬬᬸ᭞ᬩᭀᬬᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭞ᬤᬤᬭᬶᬦᬾᬫᬜᬯᬸᬭᬶᬦ᭄᭟ᬢᬶᬢ᭄ᬬᬂ
ᬤᬤᬭᬶᬧᬗᬬᬄ᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬳᬶᬦ᭄ᬤ᭄ᬭᬩᬸᬫᬬᬮᬸᬢ᭄ᬓᭂᬜᬸᬂ᭞ᬗᬸᬘᬧ᭄ᬓᬾᬦ᭄ᬓᬾᬦ᭄ᬲᬶᬳᭀᬃᬢ᭄ᬢᬜ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬵᬤᬾᬯᬶᬦᬾᬳᬬᬸ᭞ᬕᬢ᭄ᬭ [ 35 ][᭓᭔ 34B]
᭓᭔
ᬳᬶᬦ᭄ᬢᬶᬢ᭄ᬬᬂᬧᬂᬦᬯᬂ᭞ᬤᬤᬭᬶᬦᬾᬫᬢᬸᬃᬓᭂᬜᬶᬂ᭟ᬬᬦ᭄ᬲᬦᬾᬧᬶᬭᬕᬶᬦ᭄ᬢᬶᬢ᭄ᬬᬂ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶᬕᭂᬮᬶᬲ᭄᭞ᬧᬘᬂᬓᬮᬬᬢᬂᬭᬢᬸ᭞ᬭᬶᬂᬲᬦᬾᬫᬧᬲᬾᬗᬦ᭄᭞
ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶᬦᬾᬓᬯᬸᬯᬸᬲ᭄᭞ᬧᬸᬢ᭄ᬭᬦ᭄ᬭᬚᬳᬶᬦ᭄ᬤ᭄ᬭᬤᬾᬯ᭞ᬲᬧᬸᬦᬶᬓᬦᬾᬓᬳᭀᬃᬢ᭄ᬢᬶ᭟᭜᭟ᬧᬸᬄᬜᬾᬮᬾᬃ᭟᭜᭟ᬤᬤᬶᬳᬶᬗᬸᬄᬳᬶᬦ᭄ᬤ᭄ᬭᬩᬸᬫᬬᬵᬢᬦ᭄ᬲᬶᬧᬶ᭞ᬩᬯᬸ
ᬦᬶᬗᭂᬄᬳᭀᬃᬢ᭄ᬢ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬳᬤᬵᬧᬘᬂᬗ᭄ᬮᬬᬢᬂ᭟ᬲᬬᬦ᭄ᬩᬶᬗᬸᬂᬩᬕ᭄ᬩᬕᬦ᭄ᬫᬯᬸᬯᬸᬄᬫᭂᬥᬶᬄ᭞ᬢᬸᬃᬫᬲᬵᬲᬫ᭄ᬩᬢᬦ᭄᭞ᬢᭀᬬᬦ᭄ᬧᬗᬓ᭄ᬱᬶᬦᬾᬫᬶᬮᬶ᭞ᬤᬶᬚᬵᬳᬮᬶᬄ
ᬢᬶᬢ᭄ᬬᬂᬳᬤᬶ᭟ᬩᬲ᭄ᬓᬍᬩᬶᬄᬕᭂᬫᭂᬲ᭄ᬯᬶᬤᬶᬦᬾᬜᬓᬶᬢᬶᬦ᭄᭞ᬩᬲ᭄ᬓᬾᬦᬾᬢᬾᬢᬶᬢ᭄ᬬᬂ᭞ᬲ᭄ᬯᬾᬫᬦᬶᬗ᭄ᬕᬮ᭄ᬦᬕᬭᬶ᭞ᬫᬗᬮᬳᬶᬦ᭄ᬫᬾᬫᬾᬩᬧ᭟ᬫᬫ᭄ᬩ᭄ᬯᬢᬂᬫᬗ᭄ᬤᬾᬦᬾᬲᬶᬤ᭄ᬥᬓᬧ

[᭓᭕ 35A]
᭓᭕
ᬗ᭄ᬕᬶᬄ᭞ᬭᬶᬧᬮᬶᬗ᭄ᬕᬶᬄᬳᬶᬤ᭞ᬤᬸᬄᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬯᭂᬢᬸᬓᬾᬦᬾᬧᬗ᭄ᬕᬶᬄᬢᬶᬢ᭄ᬬᬂ᭟ᬓᬸᬤᬸᬳᬤᬵᬗᭀᬃᬢ᭄ᬢᬳᬶᬦ᭄ᬗᬯᬾᬧᬜᬓᬶᬢ᭄᭞ᬲᬓᬶᬢ᭄ᬫᬓᭂᬦᭂᬳᬦ᭄᭞ᬦᬾᬦᬾᬫᬸᬮ
ᬧᬘᬂᬳᬮᬶᬄ᭞ᬳᬦᬓ᭄ᬮᬾᬦ᭄ᬓᬮ᭄ᬫᬓᬢᬂ᭟ᬬᬾᬦᬶᬂᬲᬚᬩᬸᬓᬳᭀᬃᬢ᭄ᬢᬦᬾᬯ᭄ᬬᬓ᭄ᬢᬶ᭞ᬩᭀᬬᬮᬫᬶᬢᬶᬢ᭄ᬬᬂ᭞ᬳᭂᬦᬸᬳᬶᬤᬸᬧ᭄‌ᬳ᭄ᬫᬲ᭄ᬫᬡᬶᬓ᭄᭞ᬍᬳᭂᬗᬦ᭄ᬗᭂᬫᬲᬶᬦ᭄ᬧ᭄ᬚᬄ᭟ᬓᬸᬤᬸᬳᬶᬤᬸ
ᬧ᭄ᬦᬾᬳᬶᬲ᭄ᬢᬶᬲᬸᬩᬗᭂᬤᬶᬦᬶᬦ᭄᭞ᬗᬮᬳᬶᬦ᭄ᬫᬭᬗ᭄ᬓᬢ᭄᭞ᬳᬶᬤᬸᬧ᭄ᬳᬶᬤᬸᬧᬦ᭄ᬫᬕᬸᬮᬶᬂ᭞ᬓᬮᬸᬤ᭄ᬳᬶᬤᬸᬧ᭄ᬦᬫᬚᭂᬗᬄ᭟ᬦᬄᬳᬓᬾᬢᭀᬘᬭᬶᬢᬬᬂᬦᬾᬦᬾᬚᬦᬶ᭞ᬩᬸᬫᬭᬩ᭄ᬯᬶᬦᬬᬢ᭄᭞
ᬳᬶᬦ᭄ᬤ᭄ᬭᬩᬸᬫᬬᬦᬓᬾᬦᬶᬦ᭄᭞ᬤᬤᬭᬶᬦᬾᬲᬫ᭄ᬧᬸᬦ᭄ᬳᬶᬘᬮ᭄᭟ᬭᬚᬳᬶᬦ᭄ᬤ᭄ᬭᬩᬸᬫᬬᬮᬦ᭄ᬢᬲ᭄ᬫᬫᬃᬕ᭄ᬕᬶ᭞ᬢᬸᬃᬗᬫ᭄ᬩᭂᬓ᭄ᬕᬮᬸᬕᬵ᭞ᬧᬳᬶᬘᬦᬾᬫᬳᬵᬋᬱᬶ᭞ᬓᬶᬱ᭄ᬡᬘᬶᬦ᭄ᬤ᭄ᬭᬓᬋ [ 36 ][᭓᭕ 35B]
᭓᭕
ᬕᭂᬧᬂ᭟ᬕᭂᬮᬶᬲ᭄ᬭᬯᬸᬄᬮᬂᬮᬂᬩ᭄ᬯᬡᬫᬫᬭᬦᬶᬦ᭄᭞ᬩᬦ᭄ᬩᬦ᭄ᬳᬲᬶᬸᬮᬸᬲ᭄ᬗᬸᬘᬧ᭄᭞ᬳᬧᬓᬫᬸᬜᬶᬬᬂᬚᬦᬶ᭞ᬗᬭᬤ᭄ᬩᬧᬳᬧᬂᬢᭂᬓ᭟ᬭᬚᬳᬶᬦ᭄ᬤ᭄ᬭᬩᬸᬫᬬᬵᬫᬢᬸᬃᬗᬪᬓ᭄ᬢᬶ᭞ᬦ᭄ᬤᬯᭂᬕᬂᬢᬸᬮᬸ
ᬲ᭄᭞ᬲᬯᬾᬘᬦᬶᬦ᭄ᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬫᬦᬄᬓᬓᬾᬦ᭄ᬤ᭄ᬭᬦ᭄᭟ᬭᬚᬳᬶᬦ᭄ᬤ᭄ᬭᬩᬸᬫᬬᬦ᭄ᬤᬃᬢ᭄ᬢᬬᬲᬫᬶ᭞ᬢᭂᬮᬲ᭄ᬓᬧᬶᬤᬃᬢ᭄ᬢ᭞ᬮᬂᬮᬂᬩ᭄ᬯᬡᬜᬯᬸᬭᬶᬦ᭄᭞ᬓᬾᬦᬾᬧᬗᬸᬘᬧᬾᬩ
ᬦ᭄ᬩᬦ᭄᭟᭜᭟ᬧᬸᬄᬩᬚᬂ᭟᭜᭟ᬤᬸᬄᬤᬾᬯᬵᬳᬶᬦ᭄ᬤ᭄ᬭᬩᬸᬫᬬᬵ᭞ᬲᬫ᭄ᬧᬸᬦ᭄ᬧᬶᬲᬦ᭄ᬳᬶᬯᬂᬢᬫ᭄ᬧᬶ᭞ᬩᬧᬵᬢ᭄ᬯᬭᬫᬜᬶᬤᬬᬂ᭞ᬗᬶᬲᬶᬦᬶᬦ᭄ᬩᬸᬓᬵᬧᬦᬕᬶᬄ᭞ᬳᬶᬤᬾᬯᬵᬦᬾᬩᬸᬓᬵᬚᬦᬶ᭞ᬬᬦ᭄ᬤᬸᬭᬸᬂ
ᬲᬶᬤ᭄ᬥᬫᬧᬗ᭄ᬕᬸᬄ᭞ᬳᬶᬤᬾᬯᬢᭂᬓᬾᬦᬶᬂᬳᬶᬤ᭞ᬰ᭄ᬭᬷᬫᬳᬵᬭᬚᬰᬓ᭄ᬢᬶ᭞ᬦᬾᬓᬯᬸᬯᬸᬲ᭄᭞ᬤᬶᬕᬸᬦᬸᬂᬗᬾᬳᬶᬦ᭄ᬤ᭄ᬭᬦᬵᬕ᭟ᬫᬦᬶᬧ᭄ᬯᬦ᭄‌ᬬᬦᬶᬂᬲᬸᬓᬵ᭞ᬳᬶᬤᬾᬯᬲᬶᬤᬫᬯᬮᬶ᭞ᬳᬸᬮᬶᬕᬸ

[᭓᭖ 36A]
᭓᭖
ᬦᬸᬂᬳᬶᬦ᭄ᬤ᭄ᬭᬦᬕ᭞ᬩᬧᬲᬗ᭄ᬕᬸᬧ᭄ᬫᬦᬸᬮᬸᬗᬶᬦ᭄᭞ᬫᬗ᭄ᬤᬾᬦᬾᬲᬶᬤ᭄ᬥᬓᬧᬗ᭄ᬕᬶᬄ᭞ᬦᬾᬫᬸᬮᬳᬶᬲ᭄ᬢᬶᬳᬶᬭᬢᬸ᭞ᬲᬸᬳᬸᬤ᭄ᬗᬸᬘᬧ᭄ᬮᬦ᭄ᬢᬲ᭄ᬳᬶᬮᬂ᭞ᬮᬂᬮᬂᬩ᭄ᬯᬡᬦᬾᬦᬾᬚᬦᬶ᭞ᬭᬚᬳᬶᬦ᭄ᬤ᭄ᬭᬩᬸᬫᬬᬭ
ᬭᬶᬲ᭄ᬫᬫᬃᬕ᭄ᬕᬶ᭟ᬲᬫ᭄ᬩᬶᬮ᭄ᬫᬫᬶᬦᭂᬄᬫᬶᬦᭂᬳᬂ᭞ᬧᬫᬶᬦᭂᬳᬾᬚ᭄ᬭᭀᬦᬶᬂᬋᬤ᭄ᬥᬶ᭞ᬬᬾᬦ᭄ᬓᬾᬦᬾᬭᬱᬢᭀᬂᬲᬶᬤ᭄ᬥ᭞ᬫᭂᬥᭂᬓ᭄ᬫᬳᬵᬭᬚᬰᬓ᭄ᬢᬶ᭞ᬳᬶᬦ᭄ᬤ᭄ᬭᬩᬸᬫᬬᬮᬸᬢ᭄ᬫᬶᬮᬶ᭞ᬫᬤ᭄ᬭᬸᬯᬾᬧᬦᬄᬳᬯᬸᬓᬸᬤ᭄
᭞ᬧᬦᬄᬯᬶᬰᬾᬱᬳᬢᬸᬭᬦ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬕᭂᬮᬶᬲ᭄ᬳᬶᬦ᭄ᬤ᭄ᬭᬩᬸᬫᬬᬫᬫᭂᬦ᭄ᬢᬂᬧᬦᬄ᭟ᬲᬫ᭄ᬧᬸᬦᬾᬗᬍᬧᬲ᭄ᬧᬦᬄ᭞ᬕᬸᬦᬸᬂᬳᬶᬦ᭄ᬤ᭄ᬭᬦᬕᬕ᭄ᬮᬶᬲ᭄᭞ᬗᭂᬦᬄᬧᬳᭂᬓ᭄ᬓᬘᬶᬗᬓᬦ᭄᭞
ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬭᬭᬶᬲ᭄᭞ᬧᬦᬳᬾᬕᭂᬮᬶᬲ᭄ᬢᬸᬢᬸᬢᬶᬦ᭄᭞ᬢᭀᬗᬤᬳᬗᬦ᭄ᬳᬤᬯᬸᬄ᭞ᬧᬫᬃᬕ᭄ᬕᬶᬳᬶᬦ᭄ᬤ᭄ᬭᬩᬸᬫᬬ᭞ᬳᬚᬳᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬫᬭᬭ᭄ᬬᬦ᭄᭞ᬤᬶᬩᭀᬗ᭄ᬓᭀᬮ᭄ᬕᬸᬦᬸᬂᬳᬶᬦ᭄ᬤ᭄ᬭ [ 37 ][᭓᭖ 36B]
᭓᭖
ᬦᬕ᭟ᬦᬾᬦᬾᬚᬦᬶᬓᬘᬭᬶᬢ᭞ᬰ᭄ᬭᬷᬫᬳᬭᬵᬚᬰᬓ᭄ᬢᬶ᭞ᬓᬢᬗ᭄ᬓᬶᬮ᭄ᬩᬦ᭄ᬧᬭᬢᬧ᭞ᬰ᭄ᬭᬷᬫᬳᬵᬭᬚᬰᬓ᭄ᬢᬶ᭞ᬫᬗ᭄ᬓᬶᬦ᭄ᬳᬶᬤᬲᬫ᭄ᬧᬸᬦ᭄ᬳᬸᬦᬶᬂ᭞ᬭᬶᬂᬳᬶᬤᬩᬸᬫᬬᬭᬯᬸᬄ᭞ᬤᬶᬩᭀᬗ᭄ᬓᭀᬮ᭄ᬕᬸ
ᬦᬸᬂᬫᬭᬃᬬ᭄ᬬᬦ᭄᭞ᬰ᭄ᬭᬷᬫᬳᬵᬭᬚᬰᬓ᭄ᬢᬶ᭞ᬭᬭᬶᬲ᭄ᬗᬸᬗᬶᬸᬘᬧ᭄᭞ᬭᬶᬂᬫᬸᬭᬶᬤ᭄ᬯᬢᭂᬓ᭄ᬧ᭄ᬭᬢᬧ᭟ᬓᭂᬫᬚᬕ᭄ᬚᬕᬶᬦ᭄ᬢᬸᬳᬸᬦᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬵᬧᬧᬕᬶᬦ᭄᭞ᬳᬚᬓ᭄ᬜᬫᬦᬾᬓᬂᬳᬾᬗ᭄ᬕᬮ᭄᭞ᬫᬸᬭᬶᬤ᭄ᬫᬸᬭᬶ
ᬤᬾᬫᬫᬃᬕ᭄ᬕᬶ᭞ᬦᬸᬳᬸᬦᬂᬫᬩ᭄ᬭᬶᬬᬸᬓ᭄ᬲᬫᬶ᭞ᬲᬭᬯᬸᬳᬾᬗᬸᬘᬧ᭄ᬳᬮᬸᬲ᭄᭞ᬗᬶᬭᬶᬂᬫᬗ᭄ᬭᬭᬶᬲ᭄‌ᬫᬸᬗ᭄ᬕᬳᬦ᭄᭞ᬢᬶᬢ᭄ᬬᬂᬓᬯᬸᬢᬸᬲ᭄ᬫᭂᬦ᭄ᬤᬓᬶᬦ᭄᭞ᬭᬚᬳᬶᬦ᭄ᬤ᭄ᬭᬵᬩᬸᬫᬬᬵᬭᬭᬶᬲ᭄ᬫᬸᬗ᭄ᬕᬳᬦ᭄᭟ᬲᬭᬯᬸᬳᬾ
ᬭᬶᬂᬧᬢᬧᬦ᭄᭞ᬰ᭄ᬭᬷᬫᬳᬵᬭᬚᬰᬓ᭄ᬢᬶ᭞ᬗᬦ᭄ᬤᬶᬓᬵᬫᬳᬶᬫᭂᬦᬾᬓᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬗᬪᬓ᭄ᬢᬶ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬦ᭄ᬢᬸᬓ᭄᭞ᬫᭂᬧᭂᬲ᭄ᬢ᭄ᬯᬭᬫᬓ᭄ᬭᬶᬢᬶᬧᬦ᭄᭞ᬳᬧ

[᭓᭗ 37A]
᭓᭗
ᬓᭀᬮᬳᬾᬫᬦᬗ᭄ᬓᬶᬮ᭄᭞ᬰ᭄ᬭᬷᬫᬳᬭᬚᬰᬓ᭄ᬢᬶᬳᬮᬸᬲ᭄ᬳᬗᬸᬘᬧ᭄᭟ᬳᬧᬲᬤ᭄ᬬᬬᬂᬳᬶᬤᬾᬯᬵ᭞ᬭᬯᬸᬄᬫᬳᬶᬩᬸᬓᬚᬦᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬜᭂᬫ᭄ᬩᬄ᭞ᬢᬶᬢ᭄ᬬᬂᬜᬤ᭄ᬬᬧᭂᬥᭂᬓ᭄ᬫᬳᬶ᭞ᬧᬘᬂ
ᬫᬋᬓ᭄ᬳᬶᬭᬶᬓᬶ᭞ᬫᬗ᭄ᬤᬾᬦᬾᬲᬶᬤ᭄ᬥᬓᬧᬗ᭄ᬕᬸᬄ᭞ᬲᬦᬾᬳᬲ᭄ᬢᬶᬢᬶᬬᬂᬢᬶᬢ᭄ᬬᬂ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬲᬫ᭄ᬧᬸᬦ᭄ᬲᬶᬦᬄ᭞ᬫᬓᬲᬫᬶᬓᬯᬶᬓᬦᬂ᭟ᬳᬯᬦᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬤᬤᬶᬫᬦᬸᬱ
ᬫᬦᬶᬢᬶᬲ᭄᭞ᬫᬳᬵᬭᬚᬩᬮ᭄ᬬ᭞ᬳᬶᬤᬢᬸᬭᬸᬦ᭄ᬓᬦᬕᬭᬶ᭞ᬢᬸᬃᬫᬦᬶᬂᬳᬶᬤᬫᬗ᭄ᬤᬤᬶ᭞ᬩᬸᬗᬦ᭄ᬫᭂᬦᬸᬄᬤᬶᬯᬦᬵᬕᬸᬂ᭞ᬳᭂᬦ᭄ᬢᭀᬮᬯᬸᬢ᭄ᬓᬩᬸᬗᬬᬂ᭞ᬳᬦ᭄ᬢᬸᬓ᭄ᬭᬚᬳᬶᬦ᭄ᬤ᭄ᬭ
ᬓᬸᬘᬶᬦᬾᬗᬕᬸᬗᬶᬦ᭄᭞ᬤᬶᬚᬕᬢ᭄ᬮᬾᬮᬕᬫ᭄ᬩᬭ᭟ᬭᬾᬄᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬫᬸᬮᬓᬃᬫ᭄ᬫᬦ᭄ᬜᬦᬾᬢᬸᬯᬶ᭞ᬧᬶᬢᬸᬤᬸᬄᬲᬂᬳ᭄ᬬᬂᬲᬸᬓ᭄ᬱ᭄ᬫᬵ᭞ᬭᬶᬂᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬧᬘᬂᬫᬢᭂ [ 38 ][᭓᭗ 37B]
᭓᭗
ᬫᬸᬫᬭᬩᬶ᭞ᬦᬗ᭄ᬳᬶᬂᬧᬘᬂᬧ᭄ᬭᬂᬳᬕᬸᬂ᭞ᬤᬶᬢᬸᬤᬶᬓᬳᬶᬦ᭄ᬤ᭄ᬭᬬᬦ᭄᭞ᬭᬶᬂᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬢᬢᬕᭀᬦᬾ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯ᭄ᬬᬶ᭟ᬳᬓᬾᬢᭀᬧᬫᬶᬦᭂᬄᬳᬶᬤ᭞ᬰ᭄ᬭᬷᬫᬳᬵᬭᬚ
ᬰᬓ᭄ᬢᬶ᭞ᬳᬯᬦᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬲᬸᬯᬾᬤᬶᬢᬸᬓᬳᬚᬳᬶᬦ᭄᭞ᬲᬯᬢᭂᬓ᭄ᬳᬶᬮ᭄ᬫᬸᬓᬰᬓ᭄ᬢᬶ᭞ᬢᬸᬃᬫ᭄ᬩᬳᬦ᭄ᬓᬭᬸᬲᬓ᭄ᬤᬶᬢᬸ᭞ᬤᬶᬲᬸᬩᬦᬾᬳᬶᬤᬭᬸᬲᬓ᭄᭞ᬫᬳᬭᬵᬚᬰᬓ᭄ᬢᬶᬫᬮᬶᬄ᭞ᬫᬗᬸᬭᬶᬧᬵᬂ᭞
ᬩ᭄ᬯᬶᬦ᭄ᬜᭂᬦᭂᬂᬳᬶᬦ᭄ᬤ᭄ᬭᬩᬸᬫᬬ᭟ᬲᬳᬵᬫ᭄ᬩᬳᬦ᭄ᬓᬧᭂᬦᬾᬓᬂ᭞ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬮᬦ᭄ᬢᬶᬂ᭞ᬤᬶᬳᭂᬜᬸᬳᬾᬢᭂᬕᭂᬄᬗᬬᭀᬃ᭞ᬳᬶᬭᬶᬓᬵᬓᬳᭀᬕᬄᬭᬭᬶᬲ᭄᭞ᬧᬸᬜᬦ᭄ᬳᭂᬜᬸᬳᬾᬤᬤᬶ᭞ᬳᬶᬦ᭄ᬤ᭄ᬭ
ᬩᬸᬫᬬᬫᬕ᭄ᬮᭂᬩᬸᬕ᭄᭞ᬦᭂᬧᬾᬦ᭄ᬩᬢᬸᬚᬗ᭄ᬓᬘᬓ᭄ᬘᬓ᭄᭞ᬋᬫᭂᬓ᭄ᬕᬮᬶᬳᬾᬯ᭄ᬬᬓ᭄ᬢᬶ᭞ᬤᬤᬶᬳᬯᬸ᭞ᬳᬶᬦ᭄ᬤ᭄ᬭᬩᬸᬫᬬᬮᬸᬢ᭄ᬭᬸᬲᬓ᭄᭟ᬰ᭄ᬭᬷᬫᬳᬵᬭᬵᬚᬰᬓ᭄ᬢ᭄ᬬ᭞ᬢᬸᬫᬸᬮᬶᬕᭂᬮᬶᬲ᭄ᬫᬗᬫ᭄ᬩᬶᬮ᭄᭞

[᭓᭘ 38A]
᭓᭘
ᬢᭀᬬᬓᬸᬫ᭄ᬓᬸᬫᬦ᭄ᬧᬸᬦᬶᬓᬵ᭞ᬓᬳᬗ᭄ᬕᬾᬦ᭄ᬜᬶᬭᬢ᭄ᬜᬶᬭᬢᬶᬦ᭄᭞ᬢᬸᬃᬰ᭄ᬭᬷᬫᬳᬵᬭᬚᬰᬓ᭄ᬢᬶ᭞ᬫᬗᬸᬘᬧ᭄ᬢᬸᬢᬸᬕ᭄ᬧᬶᬂᬢᭂᬮᬸ᭞ᬤᬸᬄᬫᬢᬗᬶᬓᬾᬳᬶᬤᬾᬯ᭞ᬲᬲᬫ᭄ᬧᬸᬦᬾᬓᬲᬶᬭᬢᬶᬦ᭄᭞
ᬚᬢᬶᬫᬸᬮᬵ᭞ᬫᬜᭂᬦᭂᬂᬳᬶᬦ᭄ᬤ᭄ᬭᬩᬸᬫᬬ᭟ᬦᬾᬚᬦᬶᬳᬶᬦ᭄ᬤ᭄ᬭᬩᬸᬫᬬ᭞ᬲᬸᬩᬕᭂᬦᭂᬧ᭄ᬧᬶᬢᬸᬂᬰᬰᬶᬄ᭞ᬤᬶᬕᬸᬦᬸᬗᬾᬳᬶᬦ᭄ᬤ᭄ᬭᬦᬕ᭞ᬫ᭄ᬩᬳᬦ᭄ᬯᬭᬄᬯᬭᬄᬍᬯᬶᬄ᭞ᬤᬤᬶᬫᬯᬸᬯᬸᬄᬰᬓ᭄ᬢᬶ᭞ᬢᬸᬫᬸᬮᬶ
ᬫᬳᬢᬸᬃᬳᬢᬶᬸᬮᬸᬲ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬜᭂᬫ᭄ᬩᬄ᭞ᬭᬶᬂᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬲᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧ᭄ᬭᬲᬗ᭄ᬕᬵᬦ᭄ᬤᬯᭂᬕᬂ᭟ᬫᬧᬫᬶᬢ᭄ᬫᬗ᭄ᬭᬭᬶᬲ᭄ᬮᬸᬗ᭄ᬳ᭞ᬰ᭄ᬭᬷᬫᬳᬭᬚᬰᬓ᭄ᬢᬶ᭞ᬗᬦ᭄ᬤᬶᬓᬵ
ᬦᬄᬚᬦᬶᬲᬸᬩ᭞ᬳᬶᬤᬾᬯᬵᬗ᭄ᬮᬯᬸᬢ᭄ᬫᬫᬃᬕ᭄ᬕᬶ᭞ᬳᬦ᭄ᬢᬩ᭄ᬭᬢᬦᬾᬓᬳᬸᬗ᭄ᬲᬶ᭞ᬲᬲᬸᬩᬦᬾᬢᭂᬓᭂᬤ᭄ᬤᬶᬢᬸ᭞ᬮᬂᬮᬂᬩ᭄ᬯᬡᬮᬯᬸᬢ᭄ᬳᬭᬤ᭄᭞ᬳᬧᬂᬢᭂᬓᬵᬫᬜ᭄ᬚᬕ᭄ᬚᬕᬶᬦ᭄᭞ᬭᬭᬶᬲ᭄ᬜᭂᬫ᭄ᬩᬄ [ 39 ][᭓᭘ 38B]
᭓᭘
᭞ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕᬶ᭟ᬳᬸᬮᬶᬕᬸᬦᬸᬂᬳᬶᬦ᭄ᬤ᭄ᬭᬦᬕ᭞ᬫᬦᬸᬳᬸᬦᬂᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬤᬶᬩᭀᬗ᭄ᬓᭀᬮ᭄ᬕᬸᬦᬸᬗᬾᬧᬶᬲᬦ᭄᭞ᬫᭂᬦ᭄ᬢᬗᬂᬧᬦᬄᬭᬶᬂᬕᭂᬮᬶᬲ᭄᭞ᬳᬶᬦ᭄ᬤ᭄ᬭᬩᬸᬫᬬᬵᬫᬫᬃᬕ᭄ᬕᬶ᭞ᬦᬸᬢᬸᬢᬶᬦ᭄
ᬧᬦᬳᬾᬲᬫ᭄ᬧᬸᬦ᭄᭞ᬦᬧᬓ᭄ᬤᬶᬳᬦ᭄ᬢᬩ᭄ᬭᬢ᭞ᬢᬸᬫᬸᬮᬶᬓᬳᬭᬤ᭄ᬕᭂᬮᬶᬲ᭄᭞ᬮᬂᬮᬂᬩ᭄ᬯᬡ᭞ᬭᬯᬸᬄᬤᬤᬶᬳᬦᬓ᭄ᬢᬸᬯ᭟ᬮᬂᬮᬂᬩ᭄ᬯᬡᬭᬭᬶᬲ᭄ᬗᬸᬘᬧ᭄᭞ᬲᬸᬩᬳᬶᬤᬾᬯᬫᬯᬮᬶ᭞ᬳᬸᬮᬶ
ᬕᬸᬦᬸᬂᬳᬶᬦ᭄ᬤ᭄ᬭᬦᬕ᭞ᬫᬋᬓ᭄ᬫᬳᬵᬭᬵᬚᬰᬓ᭄ᬢᬶ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬫᬗ᭄ᬓᬶᬦ᭄᭞ᬢᬢᬲ᭄‌ᬧᬶᬲᬦ᭄ᬳᬶᬤᬲᬫ᭄ᬧᬸᬦ᭄᭞ᬧᬸᬦᬶᬓᬵᬮᬂᬮᬂᬩᬸᬯᬡᬵ᭞ᬦᬾᬦᬾᬤᬤᬶᬳᬦᬓ᭄ᬮᬶᬗ᭄ᬲᬶᬃ᭞ᬭᬚᬳᬶᬦ᭄ᬤ᭄ᬭᬵ
ᬩᬸᬫᬬᬭᬭᬶᬲ᭄ᬫᬗᬸᬘᬧ᭄᭟ᬳᬶᬗ᭄ᬕᬶᬄᬲᬫ᭄ᬧᬸᬦ᭄ᬧᭀᬮᬶᬄᬢᬶᬢ᭄ᬬᬂ᭞ᬫᭂᬥᭂᬓ᭄ᬫᬳᬵᬭᬚᬰᬓ᭄ᬢᬶ᭞ᬮᬂᬮᬂᬩ᭄ᬯᬡᬮᬸᬢ᭄ᬫᬗᬸᬘᬧ᭄᭞ᬬᬦᬶᬂᬓᬾᬢᭀᬦᬾᬦᬾᬚᬦᬶ᭞ᬭᬚᬚᭀᬳᬦ᭄ᬲ᭄ᬬᬄ

[᭓᭙ 39A]
᭓᭙
ᬧ᭄ᬭᬶ᭞ᬳᬭᬤ᭄ᬲᬫᬗ᭄ᬤᬾᬦᬾᬭᬯᬸᬄ᭞ᬳᬧᬳᬶᬤᬾᬯᬜᬶᬤᬬᬂ᭞ᬓᬓᬾᬦ᭄ᬤ᭄ᬭᬦ᭄ᬚᬦᬶᬫᬗ᭄ᬭᬭᬶᬲ᭄᭞ᬮᬂᬮᬂᬩ᭄ᬯᬡ᭞ᬳᬸᬲᬦ᭄ᬗᬸᬘᬧ᭄ᬮᬯᬸᬢ᭄ᬳᬶᬮᬂ᭟ᬳᬶᬦ᭄ᬤ᭄ᬭᬩᬸᬫᬬᬫᬗᬭᬤ᭄᭞ᬭᬚᬚᭀᬳᬦ᭄
ᬲ᭄ᬬᬄᬧ᭄ᬭᬶ᭞ᬢᭂᬓᬵᬲᬳᬵᬫᬳᬶᬭᬶᬗᬦ᭄᭞ᬧᬜ᭄ᬚᬓ᭄‌‌ᬬᬦᬓᬸᬤᬂᬓ᭄ᬝᬶ᭞ᬫᬓᬲᬫᬶᬩᬗ᭄ᬰᬵᬳᭂᬚᬶᬫ᭄᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬢᭂᬫᬸ᭞ᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬭᬶᬂᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞
ᬤᬶᬢᭂᬗᬳᬶ᭞ᬤᬶᬢᭂᬕᬮ᭄ᬳᬦ᭄ᬢᬩ᭄ᬭᬢ᭟ᬢᬸᬫᬸᬮᬶᬭᬭᬶᬲ᭄ᬫᬗᬸᬘᬧ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬲᬫ᭄ᬧᬸᬦ᭄ᬧᭀᬮᬶᬄᬓᬾᬳᬶᬤᬾᬯᬵ᭞ᬫᬋᬓ᭄ᬫᬳᬵᬭᬚᬰᬓ᭄ᬢᬶ᭞ᬳᬶᬦ᭄ᬤ᭄ᬭᬩᬸᬫᬬᬜᬯᬸᬭᬶᬦ᭄᭞ᬳᬶ
ᬗ᭄ᬕᬶᬄᬩᭂᬮᬶᬢᬶᬢ᭄ᬬᬂᬲᬫ᭄ᬧᬸᬦ᭄᭞ᬧᭀᬮᬶᬄᬫᬫᬋᬓ᭄ᬭᬶᬂᬳᬶᬤ᭞ᬰ᭄ᬭᬷᬫᬳᬵᬭᬚᬰᬓ᭄ᬢᬶ᭞ᬦᬾᬫᬮᬶᬗ᭄ᬕᬶᬄ᭞ᬭᬶᬂᬕᬸᬦᬸᬗᬾᬳᬶᬦ᭄ᬤ᭄ᬭᬦᬕ᭟ᬢᬸᬫᬸᬮᬶᬫᬮᬶᬄᬫᬗᬸᬘᬧ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ [ 40 ][᭓᭙ 39B]
᭓᭙
ᬦᬾᬩᬾᬜ᭄ᬚᬂᬗᬶᬭᬶᬂᬫᬫᬃᬕ᭄ᬕ᭞ᬢᬶᬢ᭄ᬬᬂᬫᬜᬋᬗᬶᬦ᭄ᬳᬤᬶ᭞ᬓᬓᬾᬦ᭄ᬤ᭄ᬭᬦ᭄ᬭᬭᬶᬲ᭄ᬫᬗᬸᬗ᭄ᬲᬶ᭞ᬳᬶᬦ᭄ᬤ᭄ᬭᬩᬸᬫᬬᬲᬢᬸᬭᬸᬢ᭄᭞ᬢᬦ᭄ᬤᬸᬫᬤᬾᬲᬸᬩᬲᬜ᭄ᬚ᭞ᬗᬋᬕᭂᬧᬂᬫᬦ᭄ᬢ᭄ᬭᬲᬶᬤ᭄ᬥᬶ᭞ᬧᬳᬶ
ᬘᬦᬾ᭞ᬫᬳᬵᬋᬱᬶᬳᬦ᭄ᬢᬓᬸᬱ᭄ᬬ᭟ᬩᬸᬫᬭᬳᬶᬦ᭄ᬤ᭄ᬭᬩᬸᬫᬬ᭞ᬗᬋᬕᭂᬧᬂᬲᬕᬾᬢ᭄ᬚᬦᬶ᭞ᬳᬤᬧᬸᬭᬶᬳᬧ᭄ᬭᬩᬳᬦ᭄᭟ᬫᬦᬶᬧᬲᭂᬫᭂᬗᬦ᭄ᬧᬶᬲᬦ᭄᭞ᬮᬸᬢ᭄ᬳᬶᬦ᭄ᬤ᭄ᬭᬩᬸᬫᬬᬕᭂᬮᬶᬲ᭄᭞ᬗᬋᬕᭂᬧᬂᬓᬰᬓ᭄ᬢ᭄ᬬ
ᬦ᭄᭞ᬢᭂᬓᬵᬚᬭᬦ᭄‌‌ᬲᬫ᭄ᬩᬶᬭᬦᬶ᭞ᬚᬭᬦᬾᬮᬯᬸᬢ᭄ᬮᬶᬗ᭄ᬕᬶᬳᬶᬦ᭄᭞ᬫᬧᬦ᭄ᬢᭂᬕ᭄ᬳᬤᬧᬂᬢᭂᬮᬸ᭞ᬦᬗ᭄ᬳᬶᬂᬢ᭄ᬯᬭᬜᬓ᭄ᬫᬚᬮᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬮᬶᬦ᭄ᬢᬂᬓ᭄ᬭᭀᬥ᭞ᬩᬸᬯᬶᬦ᭄ᬗᬋᬕᭂᬧᬂᬫᬦ᭄ᬢ᭄ᬭ᭟

[᭔᭐ 40A]
᭔᭐
ᬮᬯᬸᬢ᭄ᬳᬤᬢᭂᬓᬵᬕ᭄ᬭᬸᬥ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬗᬸᬘᬧ᭄‌‌ᬦᬄᬓᭂᬩᬸᬭᬂᬳᬶᬭ᭞ᬗᬸᬗ᭄ᬲᬶᬓᬓᬾᬦ᭄ᬤ᭄ᬭᬦᬾᬚᬦᬶ᭞ᬗ᭄ᬳᬶᬂᬕ᭄ᬭᬸᬥᬦᬾᬢ᭄ᬯᬭᬤᬤᬶ᭞ᬫᬓᭂᬩᬸᬃᬧ᭄ᬭᬕᬢ᭄ᬫᬗᬸᬦ᭄ᬢᬸᬓ᭄᭞ᬤᬶᬳᬬᬸ
ᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬭᬶᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬭᬭᬶᬲ᭄ᬗᬸᬘᬧ᭄᭞ᬓᬾᬦ᭄ᬓᬾᬦ᭄ᬓ᭄ᬭᬡᬓᬤᬢ᭄ᬧᬶᬲᬦ᭄᭟ᬕ᭄ᬭᬸᬥᬦᬾᬭᬭᬶᬲ᭄ᬫᬗᬸᬘᬧ᭄᭞ᬳᬯᬦᬦ᭄ᬢᬦ᭄ᬯᬾᬦ᭄ᬢᭂᬦ᭄‌‌ᬓᬾᬗᬶᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᭂ
ᬩᬸᬭᬂ᭞ᬯᬶᬭᬾᬄᬲᬫ᭄ᬧᬸᬦ᭄ᬤ᭄ᬭᬸᬯᬾᬭᬩᬶ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬫᬗ᭄ᬓᬶᬦ᭄᭞ᬧᬸᬦᬶᬓᬳᬯᬦᬦ᭄ᬭᬢᬸ᭞ᬚ᭄ᬭᬶᬄᬢᬶᬢ᭄ᬬᬂᬫᬗᭂᬩᬸᬭᬂ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬫᬗ᭄ᬓᬶᬦ᭄᭞ᬭᬶᬂᬭᬚᬚᭀᬳᬦ᭄
ᬲ᭄ᬬᬄᬧ᭄ᬭᬶᬳᬶᬘᬗᬓᬓ᭄᭟ᬓᭂᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬤᬸᬄᬳᬤᬶᬳᬶᬦ᭄ᬤ᭄ᬭᬩᬸᬫᬬ᭞ᬳᬶᬦ᭄ᬤᬬᬂᬧᬦᬄᬳᬾᬳᬫ᭄ᬩᬶᬮ᭄᭞ᬢᬸᬃᬧᬦᬳᬂᬦᬾᬚᬦᬶ᭞ [ 41 ][᭔᭐ 40B]
᭔᭐
ᬳᬶᬦ᭄ᬤ᭄ᬭᬩᬸᬫᬬᬫᬗ᭄ᬮᬯᬸᬢ᭄᭞ᬗᬫ᭄ᬩᬶᬮ᭄ᬧᬦᬄᬳᬸᬫᭂᬦ᭄ᬢᬗᬂ᭞ᬳ᭄ᬭᬸᬧᬦᬳᬾᬫᬩᬮᬶᬓ᭄᭞ᬗᭂᬦᬾᬦ᭄ᬥᬥ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬭᬸᬲᬓ᭄᭟ᬢᬸᬫᬸᬲ᭄ᬓᬦᬶᬦᬾᬢᬸᬃᬳᬓᬓ᭄᭞ᬫ
ᬫᬾᬢᬾᬮ᭄ᬢᭂᬓᭂᬤ᭄ᬓᬕᬶᬕᬶᬃ᭞ᬮᬬᭀᬦᬾᬭᬭᬶᬲ᭄ᬓᬳᬸᬫ᭄ᬩᬄ᭞ᬳᬦ᭄ᬢᬸᬓ᭄ᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬗ᭄ᬳᬶᬂᬲᬕᬭᬦᬾᬕᭂᬮᬶᬲ᭄᭞ᬲᬫ᭄ᬧᬸᬦᬾᬢᭂᬮᬄᬫᬲᬸᬢ᭄ᬲᬸᬢ᭄᭞ᬫᬮᬶᬄᬢᬸᬮᬓ᭄ᬓᬧᬲ
ᬗ᭄ᬭᬳᬦ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬭᬭᬶᬲ᭄ᬳᬸᬭᬶᬧ᭄᭞ᬫᬜᭂᬦᭂᬂᬳᬶᬦ᭄ᬤ᭄ᬤ᭄ᬭᬩᬸᬫᬬᬵ᭟ᬲᬬᬦ᭄ᬫᬯᬸᬯᬸᬳᬶᬫᬸᬳᬩ᭄᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬩᬕᬸᬲᬾᬓᬪᬶᬦᬪᬶᬦ᭞ᬢᬸᬫᬸ
ᬮᬶᬫᬗᬸᬘᬧ᭄ᬳᬭᬶᬲ᭄᭞ᬍᬍᬧ᭄ᬧᬶᬲᬦ᭄ᬢᬶᬢ᭄ᬬᬂᬩᭂᬮᬶ᭞ᬲᬸᬯᬾᬢᬶᬢ᭄ᬬᬂᬧᬸᬍᬲ᭄ᬢᬸᬳᬸ᭞ᬲᬳᬓᭂᬜᭂᬫ᭄ᬭᬭᬶᬲ᭄ᬦᬶᬫ᭄ᬩᬮ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬯ᭄ᬬᬓ᭄ᬢᬶᬧᬶᬲᬦ᭄᭞ᬓᬤᬶᬯᬘᬦᬦ᭄ᬳᬶ

[᭔᭑ 41A]
᭔᭑
ᬤᬾᬯ᭞ᬦᬸᬦᬲ᭄ᬓᬾᬫᬗ᭄ᬓᬶᬦ᭄ᬫᬫᬃᬕ᭄ᬕ᭞ᬢᬶᬢ᭄ᬬᬂᬗᬶᬭᬶᬂᬮᬶᬗ᭄ᬕᬶᬄᬳᬤᬶ᭞ᬧᬓᬓᬮᬶᬳᬦ᭄ᬓᬓᬾᬦ᭄ᬤ᭄ᬭᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬗᬮᬶᬗ᭄ᬕᬶᬳᬶᬦ᭄ᬭᬣᬫᬦᬶᬓ᭄᭞ᬳᬚᬳᬦ᭄ᬲᬕᬾᬢ
ᬦ᭄ᬲᬫ᭄ᬧᬸᬦ᭄᭞ᬦᬧᬓ᭄ᬳᬶᬤᬭᬶᬂᬓᬾᬦ᭄ᬤ᭄ᬭᬦ᭄᭞ᬤᬶᬢᭂᬕᬮ᭄ᬧ᭄ᬮᬦ᭄ᬢᬳᬾᬭᬦᬶ᭞ᬧᬫᬺᬫᬦᬾ᭞ᬓᬸᬲᬸᬫᬤᬾᬯᬶᬓᬘᬶᬗᬓ᭄᭟ᬕᭂᬤᭀᬂᬲᬸᬲᬸᬦ᭄ᬢᬸᬃᬫᬕᬫ᭄ᬩᬃ᭞ᬮᬶᬦ᭄ᬢᬂᬍᬯᬶᬄᬢᬦ᭄ᬲᬶᬦᬶᬧᬶ᭞ᬳᬶ
ᬦ᭄ᬤ᭄ᬭᬩᬸᬫᬬᬵᬫᬗᬸᬘᬧ᭄᭞ᬭᬶᬂᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬲᬧᬸᬦᬶᬓᬶᬧᬶᬲᬦ᭄ᬩᭂᬮᬶ᭞ᬦᬶᬓᬵᬦᬾᬦ᭄ᬢᭂᬦ᭄ᬲᬶᬯᭀᬲ᭄ᬳᬶᬧᬸᬦ᭄᭞ᬓᬤᬶᬦᬾᬳᬶᬧᬶᬬᬂᬢᬶᬢ᭄ᬬᬂ᭞ᬭᬸᬧᬦ᭄ᬕᭂᬤᭀᬗᬾᬲᬯ᭄ᬬᬓ᭄ᬢᬶ᭞ᬓᬸᬤ᭄ᬬᬂ
ᬳᬦ᭄ᬢᬸᬓ᭄᭞ᬫᬗ᭄ᬤᬳᬕᬾᬲᬶᬤ᭄ᬥᬫ᭄ᬭᬶᬓᬵ᭟ᬓᭂᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬓᭂᬫᬵᬳᬤᬶᬚᬦᬶᬦ᭄ᬤᬶᬳᬶ᭞ᬩᭂᬮᬶᬫᬶᬢᬸᬚᬸᬳᬶᬦ᭄ᬳᬤᬶ᭞ᬤᬶᬢᬸᬮᬓᬸ [ 42 ][᭔᭑ 41B]
᭔᭑
ᬗᭀᬚᭀᬕ᭄ᬭᬢᬸ᭞ᬥᬥᬭᬶᬲᭂᬮᬸᬤᬫᬬ᭞ᬳᬶᬭᬶᬓᬜᬾᬯᬓᬳᬚᬶ᭞ᬗ᭄ᬳᬶᬂᬢᬶᬮᬶᬗ᭞ᬳᭂᬥᬧᬶᬲᬦ᭄ᬫᬳᬵᬳᭀᬩᬄ᭟ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕ᭞ᬦᬗ᭄ᬳᬶᬂᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫᬩᭂ
ᬮᬲᬦ᭄ᬫᬮᬶᬄᬢᬸᬮᬓ᭄᭞ᬓᬧᬲᬗ᭄ᬕ᭄ᬭᬳᬦ᭄ᬫᬗ᭄ᬭᬭᬶᬲ᭄᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬧᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄ᬭᬯᬸᬄ᭞ᬚᬸᬫᬳᬾᬲᭂᬮᬸᬤᬂᬫᬬ᭞ᬳᬶᬦ᭄ᬤ᭄ᬭᬩᬸᬫᬬᬭᬶᬂᬕᭂᬮᬶᬲ᭄᭞ᬓᬚᬕ᭄ᬚ
ᬕᬶᬦ᭄᭞ᬥᬥᬭᬶᬲᭂᬮᬸᬤᬂᬫᬬ᭟ᬚᬦᬶᬤᬶᬢᬸᬫᬲᬾᬯᬓ᭞ᬧᭂᬢᭂᬂᬍᬫᬄᬗᬲᬶᬳᬲᬶᬄ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬘᬧ᭄᭞ᬢᬸᬚᬸᬯᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬫᬗ᭄ᬤᬾ
ᬦᬾᬲᬶᬤ᭄ᬥᬫᬫᬗ᭄ᬕᬸᬄ᭞ᬥᬥᬭᬶᬦᬾᬲ᭄ᬮᬸᬤᬂᬫᬬ᭞ᬫᬗᬸᬘᬧ᭄ᬳᬭᬸᬫ᭄ᬳᬫᬦᬶᬲ᭄᭞ᬩᭀᬬᬲᬶᬤ᭄ᬥ᭞ᬳᬶᬤᬾᬯᬧᬘᬂᬫᬜᬶᬗᬓ᭄᭟ᬕᭂᬮᬶᬲ᭄ᬧᬘᬂᬫᬚᬗ᭄ᬓᭂᬧᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾ

[᭔᭒ 42A]
᭔᭒
ᬯᬶ᭞ᬲᬫ᭄ᬧᬸᬦ᭄ᬫᬤ᭄ᬭᬸᬯᬾᬢᬢᬕᭀᬦ᭄᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬭᬶᬂᬳᬶᬤᬢ᭄ᬯᬦ᭄ᬧᬸᬢ᭄ᬭᬶ᭞ᬓᬭᬶᬳᬶᬤᬤᬶᬕ᭄ᬥᭀᬂᬲᬸᬲᬸᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬢᭂᬗᬩ᭄᭞ᬢᬾᬫ᭄ᬩᭀᬓ᭄ᬩ᭄ᬭᬫᬶᬧᬶᬢᬸᬂᬮᬧᬶᬲ᭄᭞ᬭ
ᬚᬳᬶᬦ᭄ᬤ᭄ᬭᬩᬸᬫᬬᬩᬄᬓᬲ᭄ᬫᬭᬦ᭄᭟᭜᭟ᬧᬸᬄᬲ᭄ᬫᬃ᭟᭜᭟ᬜᬮᬾᬫ᭄ᬧᭀᬄᬫᬯᬸᬯᬸᬄᬧᬮᬶᬂ᭞ᬓᬳ᭄ᬬᬸᬦᬾᬳᬶᬦ᭄ᬤ᭄ᬭᬩᬸᬫᬬ᭞ᬩᬸᬫᬭᬫᬶᬋᬂᬳᬢᬸᬭᬾ᭞ᬤᬤᬭᬶᬲ᭄ᬮᬸᬤᬂᬫᬬ᭞ᬭᬚᬳᬶ
ᬦ᭄ᬤ᭄ᬭᬩᬸᬫᬬ᭞ᬫᬢ᭄ᬮᬾᬤᭀᬄᬲᬫ᭄ᬩᬶᬮ᭄‌‌ᬗ᭄ᬭᬸᬫ᭄ᬭᬸᬫ᭄᭞ᬤᬤᬭᬶᬦᬾᬲ᭄ᬮᬸᬤᬂᬫᬬ᭟ᬲᬮᬸᬲᬮᬸᬲ᭄ᬗᬲᬶᬳᬲᬶᬄ᭞ᬜᬾᬯᬶᬢᬫᬗ᭄ᬤᬾᬦᬾᬲᬶᬤ᭄ᬥ᭞ᬫᬗ᭄ᬕᬶᬄᬓᬸᬲᬸᬫᬤᬾᬯᬶᬦᬾ᭞ᬩᬳᬶᬓ᭄ᬧᬗ᭄ᬭᬸᬫ᭄ᬭᬸ
ᬫᬾᬫᭂᬮᬄ᭞ᬍᬯᬶᬄᬫᬗᭂᬜᬕᬂᬫᬦᬄ᭞ᬤᬤᬶᬫᬩ᭄ᬮᬶᬗᭂᬭᬦ᭄ᬮᬶᬂᬮᬸᬂ᭞ᬤᬤᬭᬶᬲ᭄ᬮᬸᬤᬂᬫᬬ᭞ᬢᬸᬫᬸᬮᬶᬫᬗᬸᬘᬧ᭄ᬳᬭᬶᬲ᭄᭞ᬤᬤᬭᬶᬲ᭄ᬮᬸᬤᬂᬫᬬ᭞ᬫᬮᬶᬄᬩᬾᬜ᭄ᬚᬗᬦ᭄ᬫᬗᬦ᭄ᬢᭀᬲ᭄ [ 43 ][᭔᭒ 42B]
᭔᭒
᭞ᬳᬗᬶᬭᬶᬗᬂᬳᬶᬤᬾᬯᬵ᭞ᬗ᭄ᬭᬜ᭄ᬚᬶᬂᬓᬚ᭄ᬭᭀᬦᬶᬂᬢᬫᬦ᭄᭞ᬧᬲᬸᬘᬶᬬᬦᬾᬢ᭄ᬯᬦ᭄ᬕᬮᬸᬄ᭞ᬳᬶᬭᬶᬓᬤᬾᬯᬵᬳᬦ᭄ᬢᭀᬲᬂ᭟ᬭᬶᬂᬢᬫᬦ᭄ᬧᬸᬱ᭄ᬧᬵᬩ᭄ᬭᬳᬶ᭞ᬦᬗ᭄ᬳᬶᬂᬗ᭄ᬓᬾᬲᬶᬮᬶᬩᬧᬶᬲᬦ᭄᭞ᬳᬶᬮᬶ
ᬤᬂᬤᬾᬯᬵᬳᬗ᭄ᬕᬦᬾ᭞ᬫᬗ᭄ᬤᬲᬫ᭄ᬧᬸᬦ᭄ᬓᬢᬗᭂᬳᬦ᭄᭞ᬳᬶᬤᬾᬯᬵᬚ᭄ᬭᭀᬦᬶᬂᬢᬫᬦ᭄᭞ᬧᬗ᭄ᬭᬯᭀᬲᬾᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬾᬚᬦᬶᬲᬸᬩᬲ᭄ᬫᬗᬦ᭄᭟ᬳᬶᬦ᭄ᬤ᭄ᬭᬩᬸᬫᬬᬭᬶᬂᬕᭂᬮᬶᬲ᭄᭞
ᬓᬳᬶᬭᬶᬂᬩᬦ᭄‌‌ᬲ᭄ᬮᬸᬤᬂᬫᬬ᭞ᬓᬢᬫᬦ᭄ᬧᬸᬱ᭄ᬧᬩ᭄ᬭᬳᬶᬦᬾ᭞ᬤᬤᬭᬶᬲ᭄ᬮᬸᬤᬂᬫᬬ᭞ᬲᭂᬥᬶᬄᬓᬶᬂᬓᬶᬂᬫᬮᬶᬧᭂᬢᬦ᭄᭞ᬤᬾᬦᬶᬂᬓᬮᬶᬦ᭄ᬢᬂᬳᬸᬮᬗᬸᬦ᭄᭞ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭟ᬳᬶᬦ᭄ᬤ᭄ᬭᬩᬸᬫᬬ
ᬦᬾᬚᬦᬶ᭞ᬲᬸᬩᬤᬶᬚ᭄ᬭᭀᬦᬶᬂᬢᬫᬦ᭄᭞ᬫᬭᬯᬢ᭄ᬳᬤᬫᬦᬸᬱᬦᬾ᭞ᬭᬶᬂᬭᬚᬳᬶᬦ᭄ᬤ᭄ᬭᬵᬩᬸᬫᬬ᭞ᬤᬤᬭᬶᬲ᭄ᬮᬸᬤᬂᬫᬬ᭞ᬩᬸᬯᬶᬦ᭄ᬗᬯᬸᬯᬸᬳᬶᬦ᭄ᬳᬶᬗᬸᬄ᭞ᬓᬬᬸᬦᬾᬳᬶᬦ᭄ᬤ᭄ᬭᬩᬸᬫᬬ᭟ᬫ

[᭔᭓ 43A]
᭔᭓
ᬕᭂᬩ᭄ᬬᬸᬕ᭄ᬢ᭄ᬯᬭᬚᬫᬾᬮᬶᬂ᭞ᬢᭂᬓᬾᬦ᭄ᬳᬗ᭄ᬕᬩᬳᬧᬶᬲᬦ᭄᭞ᬓᬦ᭄ᬢᬸᬢᭀᬦᬶᬂᬢᬫᬦᬾ᭞ᬳᬸᬮᬗᬸᬦᬾᬩᬲ᭄ᬫᬫ᭄ᬭᬢ᭄᭞ᬲᬸᬫᭂᬓ᭄ᬤᬤᬶᬚ᭄ᬭᭀᬦᬶᬂᬫᬦᬄ᭞ᬳᭂᬩᬄᬳᬧᬶᬲᬦ᭄ᬫᬘᭂ
ᬩᬸᬕ᭄᭟ᬦᬾᬚᬦᬶᬮᬯᬸᬢ᭄ᬳᬸᬘᬧᬂ᭟ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫᬶᬮᬶᬭᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬢᬸᬫᬸᬮᬶᬕᭂᬮᬶᬲ᭄ᬫᬗᭀᬚᭀᬕ᭄᭞ᬓᬚᬸᬫᬳᬾᬲ᭄ᬮᬸᬤᬂᬫᬬᬂ᭞ᬦᬓᬾᬦᬂᬳᬶᬦ᭄ᬤ᭄ᬭᬩᬸ
ᬫᬬ᭞ᬓᭂᬜᭂᬫ᭄ᬧᬲᬯᬸᬢᬾᬳᬮᬸᬲ᭄᭞ᬥᬥᬭᬶᬲ᭄ᬮᬸᬤᬂᬫᬬ᭟ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬬᬦ᭄ᬲᬧᬸᬦᬧᬶᬯᬃᬡ᭄ᬦᬦᬾ᭞ᬦᬗ᭄ᬳᬶᬂᬦᬾᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬯᬾ
ᬦ᭄ᬢᭂᬦ᭄ᬭᬯᬸᬳᬦᬓ᭄ᬮᬦᬂ᭞ᬫᭂᬂᬧᭂᬂᬳᬦᭀᬫ᭄ᬮᬶᬦ᭄ᬢᬂᬩᬕᬸᬲ᭄᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬶᬂᬢᬫᬦ᭄᭟ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬢᬸᬫᬸᬮᬶᬕᭂᬮᬶᬲ᭄ᬓᬢᬫᬦ᭄᭞ᬓᬗᬶᬦ᭄ᬓᬯᬸᬄᬓᬚᬓᭂᬮᭀ [ 44 ][᭔᭓ 43B]
᭔᭓
ᬤ᭄᭞ᬗᬮᬶᬳᬮᬶᬳᬶᬦ᭄ᬜᬮᬓ᭄ᬱᬓ᭄᭞ᬓᬧᬗ᭄ᬕᬶᬳᬶᬦ᭄ᬤ᭄ᬭᬩᬸᬫᬬ᭞ᬤᬧᭂᬢᬂᬲᬫ᭄ᬧᬸᬦ᭄ᬫᬮᬶᬗ᭄ᬓᬸᬄ᭟ᬢ᭄ᬯᬭᬫᬶᬮᬶᬂᬢᭂᬓᬾᬦ᭄ᬭᬕ᭟ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬓᭂᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓ᭞ᬗᬸᬤ᭄ᬬᬂ
ᬲᬾᬳᬶᬤᬾᬯᬵᬓᬾᬦᬾ᭞ᬲᬂᬚᬮᬦ᭄ᬚᬮᬦ᭄ᬫᬕᬸᬬᬂ᭞ᬫᬢᬗᬶᬳᬤᬶᬳᬾᬗ᭄ᬕᬮᬂ᭞ᬦᬾᬗᭂᬮᬳᬂᬢᬫᬦᬾᬭᬯᬸᬄ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯ᭄ᬬ᭟ᬫᬢᬗᬶᬫᬕᬾᬩ᭄ᬭᬲ᭄ᬕᭂᬮᬶᬲ᭄᭞ᬳᬶ
ᬦ᭄ᬤ᭄ᬭᬩᬸᬫᬬᬵᬮᬸᬢ᭄ᬗᬩᬂ᭞ᬤᬾᬦᬶᬓᬵᬲᬫ᭄ᬩᬢ᭄ᬧᬸᬢ᭄ᬭᬦᬾ᭞ᬢᭀᬳᬯᬦ᭄ᬤᬤᬶᬳᬗ᭄ᬕᬮ᭄᭞ᬳᬶᬦ᭄ᬤ᭄ᬭᬩᬸᬫᬬᬗᭂᬮᬶᬬᬩ᭄᭞ᬧᬫᬸᬧᬸᬢᬦᬾᬦᬸᬲᬸᬳᬸᬂ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬘᬧ᭄᭟ᬩᭂ
ᬮᬶᬩᭂᬲ᭄ᬓᬮᬶᬦ᭄ᬢᬂᬚᬳᬶᬮ᭄᭞ᬗᬸᬤ᭄ᬬᬂᬲᬾᬓᬾᬦᬾᬬᬢᬶᬢ᭄ᬬᬂ᭞ᬢᭀᬂᬫᬤᬬᬩᬦ᭄ᬯᬶᬓᬦᬾ᭞ᬗᬕᭂᬮᭀᬕᭂᬮᭀᬤᬬᬦᬂ᭞ᬦᬾᬫᬗ᭄ᬓᬶᬦ᭄ᬩᭂᬮᬶᬓᬢᭂᬫ᭄ᬧ᭄ᬯᬦ᭄᭞ᬫᬗ᭄ᬤᬾᬦᬾᬲᬶᬤ᭄ᬥᬓᬢᭂ

[᭔᭔ 44A]
᭔᭔
ᬧᬸᬓ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬵᬤᬾᬯ᭄ᬬ᭟ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬩᬗ᭄ᬓᬳᬮᬸᬢ᭄ᬳᬗᬸᬘᬧ᭄᭞ᬫᬮᬄᬳᬤᬶᬚᬦᬶᬓᬾᬦᬾ᭞ᬩᬦ᭄ᬫᬤᬬᬳᬧᬂᬳᬾᬗ᭄ᬕᬮ᭄᭞ᬫᬶᬲᬶᬩᬸᬓᬵᬧᬳᬶᬢᬸᬗᬦ᭄᭞
ᬳᬤᬶᬦᬾᬳᬧᬂᬓᬢᭂᬧᬸᬓ᭄᭞ᬢᭂᬓᬾᬦᬶᬂᬓᬸᬲᬸᬫᬤᬾᬯ᭄ᬬ᭟ᬩᭂᬮᬶᬧᬘᬂᬫᬜᬮᬶᬦᬶᬦ᭄᭞ᬕᭀᬩᬤᬤᬶᬳᬦᬓ᭄ᬢᬸᬯ᭞ᬳᬤᬶᬤᬤᬶᬳᬦᬓ᭄ᬭᬭᬾ᭞ᬩᬸᬫᬭᬩᬶᬱᬫᬕᬳᬂ᭞ᬩᭂ
ᬮᬶᬫᬗᭂᬫ᭄ᬩᬦ᭄ᬳᬶᬤᬾᬯ᭞ᬗᬸᬤ᭄ᬬᬂᬚᬢ᭄ᬯᬭᬓᬢᭂᬧᬸᬓ᭄᭞ᬧᬸᬢ᭄ᬭᬶᬦᬾᬢᭀᬓᬤᬸᬭ᭄ᬬᬜ᭟᭜᭟ᬧᬸᬄᬳᬗ᭄ᬕᬭᬢᬸ᭟᭜᭟ᬚᬦᬶᬲᬸᬩᬜᬢᬶᬭᬹᬧᬵ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬫᬦ᭄ᬤ
ᬤᬶ᭞ᬳᬦᬓ᭄ᬢᬸᬳᬵᬮᬶᬦ᭄ᬢᬂᬩᬸᬗ᭄ᬓᬸᬢ᭄᭞ᬫᬓᬤᬶᬳᬶᬦ᭄ᬤ᭄ᬭᬩᬸᬫᬬ᭞ᬤᬤᬶᬳᬦᬓ᭄ᬭᬭᬾᬫᬸᬗᬶᬮ᭄ᬗᬗᬦ᭄ᬫᬸᬮᬸᬓ᭄᭞ᬢᬸᬫᬸᬮᬶᬮᬯᬸᬢ᭄ᬫᬳ᭄ᬜᬂ᭞ᬜᬮᬸᬓ᭄ᬲᬸᬓ᭄ᬗᬮᬯᬂᬫᬗ᭄ᬓᬶᬦ᭄᭟ᬲᬶᬂᬚᬮᬦ᭄ᬚᬮ [ 45 ][᭔᭔ 44B]
᭔᭔
ᬦ᭄ᬓᬳᬸᬧᬄ᭞ᬩᬦ᭄ᬧᬗᬸᬲᬾᬳᬦᬓᬾᬢ᭄ᬯᬫᬕᭂᬦ᭄ᬤᬶᬂ᭞ᬗᭂᬦ᭄ᬤᬶᬗᬂᬦᬾᬦᬾᬓᬳᭂᬫ᭄ᬧᬸ᭞ᬳᬦᬓᬾᬭᬭᬾᬧᬸᬦᬶᬓᬵ᭞ᬢᬸᬩᬤᬄᬲᬦ᭄ᬳᬬᬕᭀᬬᭀᬕ᭄ᬮᬶᬦ᭄ᬢᬂᬍᬫᬸᬄ᭞ᬗᬶᬕᭂᬮ᭄
ᬲᬫ᭄ᬩᬶᬮ᭄ᬫᬓᬵᬳᬗᬦ᭄᭞ᬧᬥᬤᭂᬫᭂᬦᬾᬫᬩᬮᬶᬄ᭟ᬚᬦᬶᬲᬸᬩᬓᬧᬶᬋᬗᬦ᭄᭞ᬳᬦ᭄ᬢᬸᬓ᭄ᬳᬶᬤᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬯᬶᬭᬾᬄᬧᬗᭂᬫ᭄ᬩᬦᬾᬫᬢᬸᬃ᭞ᬗᬢᬸᬭᬶᬦ᭄ᬳᬶᬤᬳᬦᬓ᭄ᬢ᭄ᬯ᭞
ᬗᬮᬮᬯᬂᬗᭂᬜᬂᬳᬦᬓ᭄ᬘ᭄ᬭᬶᬓ᭄ᬜᬮᬸᬓ᭄ᬲᬸᬓ᭄᭞ᬳᬦᬓᬾᬢ᭄ᬯᬗᭂᬦ᭄ᬤᬶᬗᬂ᭞ᬳᬦᬓᬾᬘ᭄ᬭᬶᬓ᭄ᬗᬶᬕᭂᬮᬶᬦ᭄᭟ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬫᬗᬸᬘᬧ᭄᭞ᬓᭂᬫᬵᬢᬸᬦ᭄ᬤᬾᬦ᭄ᬗᬮᬶᬄᬳᬧᬗᬫᬳᬶ᭞ᬕᬕᬾ
ᬲᭀᬦᬦᬾᬓᬳᬸᬢᬸᬲ᭄᭞ᬕᭂᬮᬶᬲ᭄ᬢᬸᬮᬓ᭄ᬫᬲᬋᬗᬦ᭄᭞ᬦᬓᬾᬢ᭄ᬯᬦᬾᬲᬫ᭄ᬧᬸᬦ᭄ᬓᬮᬶᬦ᭄ᬢᬂᬕᬸᬕᬸᬄ᭞ᬩᬸᬗ᭄ᬓᬸᬢ᭄ᬫᬕ᭄ᬭᬾᬕᭀᬢᬦ᭄ᬗᭂᬜᬂᬳᬦᬓ᭄ᬘᭂᬭᬶᬓ᭄‌ᬫᬸᬗᬶᬮ᭄ᬕᬢᬶ᭟ᬳᬦᬓᬾᬢᬸ

[᭔᭕ 45A]
᭔᭕
ᬯᬫᬦᭂᬕᬓ᭄᭞ᬗᬸᬦ᭄ᬢᬸᬓ᭄ᬫᭂᬧᭂᬲ᭄ᬲᬫ᭄ᬩᬶᬮ᭄ᬗᬩᬶᬦ᭄ᬳᬦᬓ᭄ᬘ᭄ᬭᬶᬓ᭄᭞ᬭᬭᬶᬲ᭄ᬗᬸᬘᬧ᭄ᬢ᭄ᬯᬦ᭄ᬕᬮᬸᬄ᭞ᬳ᭄ᬦᬄᬓᬾᬚᬦᬶᬳᬶᬕᭂᬮᬂ᭞ᬭᬚᬳᬶᬦ᭄ᬤ᭄ᬭᬩᬸᬫᬬᬍᬫᭂᬢ᭄ᬓᬦ᭄ᬢᬸ᭞ᬤᬶᬧᬩᬶᬦᬦ᭄ᬳᬦᬓᬾᬢ᭄ᬯ᭞
ᬩᬸᬫᬭᬜᬶᬗᬓ᭄ᬢ᭄ᬯᬦ᭄ᬧᬸᬢ᭄ᬭᬶ᭟ᬳᬶᬦᬂᬧᬗᭂᬫ᭄ᬩᬦ᭄ᬫᬓᭂᬚᬂ᭞ᬫᬢᬩ᭄ᬢᬩᬦ᭄ᬫᬤᬍᬫ᭄ᬳᬦᬓᬾᬘ᭄ᬭᬶᬓ᭄᭞ᬍᬫᭂᬢ᭄ᬮᬾᬢᬾᬢᬦ᭄ᬧᬩᬬᬸ᭞ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬗᬸᬘᬧ᭄᭞ᬬᬾᬦ᭄ᬓᬦᬧᬵᬳᬦ
ᬓᬾᬘ᭄ᬭᬶᬓ᭄ᬗᬮᬶᬫᬸᬄ᭞ᬦᬓᬾᬢ᭄ᬯᬫᬢᬸᬃᬩᬦ᭄ᬩᬦ᭄᭞ᬘᬸᬘᬸᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭟ᬫᬸᬮᬫᬤ᭄ᬭᬸᬯᬾᬭᬭᬓ᭄ᬱᬦ᭄᭞ᬲᭂᬗ᭄ᬓᬢᭀᬦᬾᬤᬤᬓ᭄ᬤᬤᬓᬦ᭄ᬗ᭄ᬭᬯᬸᬳᬶᬦ᭄᭞ᬲᬲᬸᬓᬢ᭄ᬳᬶᬧᬸ
ᬦᬾᬳᬸᬩᬸᬄ᭞ᬳᬯᬦᬦ᭄ᬢᬶᬢ᭄ᬬᬂᬫᬗᬚᬓ᭄᭞ᬫᬾᬫᬾᬦ᭄ᬳᬶᬧᬸᬦ᭄ᬭᬾᬄᬲᬫ᭄ᬧᬸᬦ᭄ᬧᬤᭂᬫ᭄ᬤᬾᬯᬵᬕᬸᬂ᭞ᬢ᭄ᬯᬦ᭄ᬧᬸᬢ᭄ᬭᬶᬫᬮᬶᬄᬗᬸᬘᬧ᭄᭞ᬳᬶᬦ᭄ᬤᬬᬂᬧᬳᭂᬓᬂᬫᬳᬶ᭟ᬳᬦᬓᬾᬘ᭄ᬭᬶᬓ᭄ᬓᬚᭂᬫ [ 46 ][᭔᭕ 45B]
᭔᭕
ᬓ᭄᭞ᬩᬦ᭄ᬧᬗᭂᬫ᭄ᬩᬦ᭄ᬢ᭄ᬯᬦ᭄ᬧᬸᬢ᭄ᬭᬶᬫᬗᬫ᭄ᬩᬶᬮᬶᬦ᭄᭞ᬓᬳᬫ᭄ᬩᬶᬮ᭄ᬳᬦ᭄ᬢᬸᬓ᭄ᬢ᭄ᬯᬦ᭄ᬕᬮᬸᬄ᭞ᬳᬦᬓᬾᬘ᭄ᬭᬶᬓ᭄ᬗᬮᬶᬬᬩ᭄᭞ᬓᭂᬢᭀᬃᬓᭂᬢᭀᬃᬤᬶᬧᬗ᭄ᬕᭀᬦ᭄ᬢ᭄ᬯᬦ᭄ᬕᬮᬸᬄ᭞ᬳᬶᬦ᭄ᬤ᭄ᬭᬩᬸᬫᬬᬫᬤᬲᬂ᭞ᬗᬵ
ᬓ᭄ᬱᬶᬯᬃᬡ᭄ᬦᬦᬾᬢ᭄ᬯᬦ᭄ᬧᬸᬢ᭄ᬭᬶ᭟ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬗᬸᬘᬧ᭄᭞ᬳ᭄ᬦᬄᬤᭂᬧᬂᬳᬦᬓᬾᬘ᭄ᬭᬶᬓ᭄ᬧᬂᬤᬶᬦᬶ᭞ᬳᬶᬭᬘᬸᬫ᭄ᬧᬸᬩᬦᬾᬫᬸᬮᬸᬓ᭄᭞ᬳᬮᬸᬲ᭄ᬫᬢᬸᬃᬦᬓᬾᬢ᭄ᬯ᭞ᬧᬶᬤᬕᬶᬗᬦ᭄᭞ᬤᬯᭂ
ᬕᬂᬢᬶᬢ᭄ᬬᬂᬤᬾᬯᬵᬕᬸᬂ᭞ᬳᬦ᭄ᬢᬸᬓᬾᬳᬲᬶᬓᬶᬧᬶᬲᬦ᭄᭞ᬘᬸᬘᬸᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭟ᬬᬦ᭄ᬦᬸᬚᬸᬳᬶᬧᬸᬦ᭄ᬫᬘᬭ᭞ᬚᬦ᭄ᬢᭂᬦ᭄ᬓᭀᬩᭂᬢ᭄ᬘᭀᬓᭀᬃᬳᬶᬤᬾᬯᬵᬫᬶᬦᭂᬳᬶᬦ᭄᭞ᬘᬭᬦ᭄ᬳᬶᬧ᭄
ᬦ᭄ᬳᬶᬧᬸᬦ᭄ᬓᬤᬶᬓ᭄ᬭᬸᬕ᭄᭞ᬜᬾᬜᬾᬫᬗ᭄ᬕᬾᬲ᭄ᬕᬾᬲ᭄ᬢᬗ᭄ᬓᬄ᭞ᬫᬗ᭄ᬤᬲᬫ᭄ᬧᬸᬦ᭄‌‌ᬘᭀᬓᭀᬃᬳᬶᬤᬾᬯᬦᬾᬩᭂᬦ᭄ᬤᬸ᭞ᬳᬶᬬᭂᬕ᭄ᬳᬶᬧᬸᬦ᭄ᬜᬩ᭄ᬭᬦ᭄ᬤᬶᬦ᭞ᬤᬯᭂᬕᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬢ᭄ᬯᬦ᭄ᬧᬸ

[᭔᭖ 46A]
᭔᭖
ᬢ᭄ᬭᬶᬓᭂᬤᭂᬄᬧᬶᬲᬦ᭄᭞ᬫᬗᬃᬱᬬᬂᬳᬦᬓᬾᬘ᭄ᬭᬶᬓ᭄ᬦᬾᬫᬗ᭄ᬓᬶᬦ᭄᭞ᬳᬦᬓᬾᬢ᭄ᬯᬫᬳᬢᬸᬃ᭞ᬬᬦ᭄ᬯᬦ᭄ᬢᬄᬧᬶᬓᭂᬤᭂᬄᬧᬶᬲᬦ᭄᭞ᬧᬓᬬᬸᬦᬦ᭄ᬘᭀᬓᭀᬃᬳᬶᬤᬾᬯᬤᬾᬯᬵᬕᬸᬂ᭞ᬫᬗᬃ
ᬱᬬᬂᬘᬸᬘᬸᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬗᬢᬸᬭᬂᬦᬾᬫᬗ᭄ᬓᬶᬦ᭄᭟ᬲᬓᬾᬯᬦ᭄ᬢᭂᬦ᭄ᬳᬫ᭄ᬧᬸᬭᬬᬂ᭞ᬳᬦ᭄ᬢᬸᬓ᭄ᬳᬶᬧᬸᬦ᭄ᬢᬸᬗ᭄ᬕᬶᬮ᭄ᬯᭂᬗᬶᬜᬩ᭄ᬭᬦ᭄ᬗᭂᬮᬶᬂ᭞ᬭᬭᬶᬲ᭄ᬗᬸᬘᬧ᭄ᬢ᭄ᬯᬦ᭄ᬕᬮᬸᬄ᭞ᬓᬧᬶᬗᭂᬮᬶᬂᬳᬶᬭᬗᬚᬓ᭄᭞
ᬢᬸᬃᬦᬸᬗ᭄ᬓᬸᬮᬂᬫᬸᬍᬲᬂᬳᬶᬭᬓᬮ᭄ᬓᬸᬧ᭄ᬓᬸᬧ᭄᭞ᬮᬸᬢ᭄ᬫᬢᬸᬃᬳᬦᬓᬾᬢ᭄ᬯ᭞ᬢᬶᬢ᭄ᬬᬂᬧ᭄ᬭᬲᬗ᭄ᬕᬫᬧᬫᬶᬢ᭄᭟ᬕᭂᬮᬶᬲ᭄ᬭᬭᬶᬲ᭄ᬗᬚᬩᬬᬂ᭞ᬧᬫᬃᬕ᭄ᬕᬶᬦᬾᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬯᬃᬡ᭄ᬦᬦᬾ
ᬫᬯᬮᬶᬲᬫ᭄ᬧᬸᬦ᭄᭞ᬲᬓᬤᬶᬦᬾᬫᬸᬮᬫᬸᬮ᭞ᬢᬦ᭄ᬤᬸᬫᬤᬾᬧᬫᬃᬕ᭄ᬕᬶᬦᬾᬲᬕᬾᬢ᭄ᬲᬫ᭄ᬧᬸᬦ᭄᭞ᬦᬧᬓ᭄ᬭᬶᬂᬧ᭄ᬭᬤᬦᬓᬶᬮᬢ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬢ᭄ᬯᬦ᭄ᬧᬸᬢ᭄ᬭᬶᬘᬭᬶ [ 47 ][᭔᭖ 46B]
᭔᭖
ᬢᬬᬂ᭞ᬤᬶᬧᬫᬺᬫᬦ᭄ᬜᬗ᭄ᬓᬸᬢᬶᬦ᭄ᬳᬦᬓᬾᬘ᭄ᬭᬶᬓ᭄᭞ᬓᬤᬸᬧ᭄ᬤᬸᬧ᭄ᬓᬳᬸᬓᬸᬢᬸᬓᬸᬢ᭄᭞ᬳᬦᬓᬾᬘ᭄ᬭᬶᬓ᭄ᬓᬳᬭᬲ᭄᭞ᬲᬸᬩᬧᭂᬢᭂᬂᬢ᭄ᬯᬦ᭄ᬧᬸᬢ᭄ᬭᬶᬫᬺᬫ᭄ᬲᬫ᭄ᬧᬸᬦ᭄᭞ᬳᬭᬶᬧ᭄ᬫᬢᬦᬾᬢᬦ᭄ᬧ᭄ᬭᬄ᭞ᬜ
ᬗ᭄ᬓᬸᬢᬶᬦ᭄ᬳᬦᬓᬾᬘ᭄ᬭᬶᬓ᭄᭟ᬳᬶᬦ᭄ᬤ᭄ᬭᬩᬸᬫᬬᬗᬾᬤᬾᬗᬂ᭞ᬮᬸᬢ᭄ᬫᬢᬗᬶᬯᬃᬡ᭄ᬦᬦᬾᬲᬫ᭄ᬧᬸᬦ᭄ᬫᬯᬮᬶ᭞ᬲᬓᬤᬶᬦᬾᬲᬫ᭄ᬧᬸᬦ᭄ᬲᬫ᭄ᬧᬸᬦ᭄᭞ᬫᬮᬶᬗ᭄ᬕᬶᬄᬳᬶᬦ᭄ᬤ᭄ᬭᬩᬸᬫᬬ᭞ᬚ᭄ᬭᭀᬦᬶᬂᬓ᭄ᬮᬫ᭄ᬩᬸ᭞ᬤᬶᬲᬫ᭄ᬧᬶ
ᬗᬾᬢ᭄ᬯᬦ᭄ᬕᬮᬸᬄ᭞ᬢ᭄ᬯᬦ᭄ᬧᬸᬢ᭄ᬭᬶᬫᬩᬤᬶᬂᬩᬩᬂ᭞ᬩᬸᬫᬭᬳᬶᬤᬫᬗᬓ᭄ᬱᬶ᭟ᬳᬦᬓ᭄ᬮᬦᬂᬤᬶᬧᬫᬺᬫᬦ᭄᭞ᬮᬶᬦ᭄ᬢᬂᬩᬕᬸᬲ᭄ᬫᬸᬦ᭄ᬢᬩ᭄ᬲᬸᬢᬾᬚᬦᬾᬳ᭄ᬦᬶᬂ᭞ᬮᬶᬦ᭄ᬢᬂᬓᬕ᭄ᬬᬢᬾᬭᬶᬂᬓᬬᬸᬦ᭄᭞ᬳᬦ
ᬓᬾᬦᬾᬘ᭄ᬭᬶᬓ᭄ᬳᬶᬮᬂᬢ᭄ᬯᬦ᭄ᬧᬸᬢ᭄ᬭᬶᬧᬫᬶᬦᭂᬳᬾᬚ᭄ᬭᭀᬦᬶᬂᬓᬬᬸᬦ᭄᭞ᬯᬬᬵᬳᬦᬓᬾᬦᬾᬦᬾᬦ᭄ᬜ᭞ᬦᬾᬤᬶᬚᬳᬦᬓᬾᬘ᭄ᬭᬶᬓ᭄᭟ᬓᬮᬶᬯᬢ᭄ᬤᬸᬯᭂᬕ᭄ᬧᬲᬚᬵ᭞ᬗᬮᬶᬄᬲᬭᬸᬚ᭄ᬦᭂᬂᬢ᭄ᬯᬄ

[᭔᭗ 47A]
᭔᭗
ᬳᬦᬓ᭄‌‌ᬘ᭄ᬭᬶᬓ᭄ᬮᭂᬯᬶᬄ᭞ᬓᬾᬢᭀᬧᬫᬶᬦᭂᬄᬤᬶᬓᬬᬸᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬳᬬᬢ᭄ᬩᬸᬤᬮ᭄᭞ᬩᬯᬸᬫᬭᬫᬗᬾᬲᬾᬭᬂᬭᬕᬮᬯᬸᬢ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬜᭂᬫᬓ᭄᭞ᬗ᭄ᬕᬶᬲᬶᬢᬗᬦᬾᬢ᭄ᬯ
ᬦ᭄ᬧᬸᬢ᭄ᬭᬶ᭟ᬥᬸᬄᬳᬶᬤᬾᬯᬚᬕᬶᬓᬶᬚᬵ᭞ᬗᬸᬤᬩᬸᬤᬮ᭄ᬩᬲ᭄ᬢᭂᬫ᭄ᬩᬾᬢᬶᬢ᭄ᬬᬂᬫᬭᬶᬓᬶ᭞ᬕᬸᬫᬦᬵᬫᬋᬓ᭄ᬳᬶᬭᬢᬸ᭞ᬲᬓᬶᬂᬮᬫᬶᬳᬚᬧ᭄ᬢᬶᬢ᭄ᬬᬂ᭞ᬯᬯᬸᬫᬗ᭄ᬓᬶᬦ᭄ᬢᬶᬢ᭄ᬬᬂᬜᬶᬤᬬᬤᬾᬯᬵᬕᬸᬂ᭞
ᬓᬧᬗ᭄ᬕᬶᬄᬭᬶᬂᬮᬶᬗ᭄ᬕᬶᬄᬳᬶᬤ᭞ᬤᭀᬂᬲᬫ᭄ᬧᬸᬦᬂᬓᬾᬗᭂᬤᬶᬦᬶᬦ᭄᭟ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬗᬸᬘᬧ᭄᭞ᬢᬦᬶᬳᬶᬩᬶᬢᬦᬶᬧ᭄ᬯᬦ᭄ᬚᬕ᭄ᬚᬕ᭄ᬩᬦᬶ᭞ᬜᭂᬫᬓ᭄ᬮᬶᬫᬦ᭄ᬳᬦᬓ᭄ᬳᭂᬮᬸᬄ᭞ᬧᬸᬦᬶᬓᬶᬢᬾᬲ
ᬓᬶᬂᬤᬶᬚᬵ᭞ᬲᬧᬵᬲᬶᬭᬵᬳᬯᬦᬦ᭄ᬫᬭᬶᬓᬶᬭᬯᬸᬄ᭞ᬦᬓ᭄ᬳᬮᬶᬢᬶᬢ᭄ᬬᬗᬾᬳᬶᬘᬮ᭄᭞ᬲᬧᬵᬲᬶᬭᬦᬯᬶᬗᬫ᭄ᬩᬶᬮ᭄᭟ᬳᬶᬦ᭄ᬤ᭄ᬭᬩᬸᬫᬬᬫᬗᬸᬘᬧ᭄᭞ᬲᬫ᭄ᬧᬸᬦ᭄ᬫᬦ᭄ᬢᬸᬓ᭄ᬳᬦᬓᬾ [ 48 ][᭔᭗ 47B]
᭔᭗
ᬘ᭄ᬭᬶᬓ᭄ᬳᬶᬦᬸᬦᬶ᭞ᬫᬢᬸᬮᬓ᭄ᬭᬶᬂᬩᬧᬦ᭄ᬳᬶᬧᬸᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬓᬾᬦ᭄ᬓᬾᬦᬂ᭞ᬫᬗᭂᬦ᭄ᬢᭀᬲᬶᬦ᭄‌ᬳᬶᬭᬶᬓᬶᬫᬋᬓᬦ᭄ᬭᬢᬸ᭞ᬗᬢᬸᬭᬂᬤᬾᬯᬾᬓ᭄ᬲᬧᬶᬲᬦ᭄᭞ᬍᬍᬩ᭄ᬗᬳᬸᬮᬳᬶ
ᬭᬶᬓᬶ᭟ᬫᬗ᭄ᬤᬳᬶᬭᬢᬸᬧᬯᬶᬓᬦ᭄᭞ᬯᬲ᭄ᬢᬦ᭄ᬢᬶᬢ᭄ᬬᬂᬳᬶᬦ᭄ᬤ᭄ᬭᬩᬸᬫᬬᬯ᭄ᬬᬓ᭄ᬢᬶ᭞ᬧᬦᬕᬭᬦ᭄ᬢᬶᬢ᭄ᬬᬂᬭᬢᬸ᭞ᬭᬶᬂᬚᬕᬢ᭄ᬮᬾᬮᬕᬫ᭄ᬩᬭ᭞ᬫᬓᬤᬶᬜᬩᬧᬦ᭄ᬢᬶᬢ᭄ᬬᬗᬾᬤᬾᬯᬵᬕᬸᬂ᭞
ᬧᭂᬲᬾᬗᬦ᭄ᬳᬶᬤᬓᬳᬸᬘᬧ᭄᭞ᬭᬚᬧᬸᬱ᭄ᬧᬳᬶᬦ᭄ᬤ᭄ᬭᬓᬸᬘᬶ᭟ᬢ᭄ᬯᬦ᭄ᬧᬸᬢ᭄ᬭᬶᬲᬬᬦ᭄ᬮᭀᬮ᭄ᬬ᭞ᬫᬫᬶᬋᬗᬂᬧᬗ᭄ᬭᬸᬫ᭄ᬭᬸᬫᬾᬗᬲᬶᬳᬲᬶᬄ᭞ᬢᬸᬃᬫ᭄ᬫᬦᬶᬂᬫᬗᬸᬭᬸᬢᬸᬭᬸᬢ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬜᭂᬫ
ᬓ᭄᭞ᬢ᭄ᬯᬦ᭄ᬧᬸᬢ᭄ᬭᬶᬢᬸᬫᬸᬮᬶᬭᬭᬶᬲ᭄ᬫᬧᬗ᭄ᬓᬸ᭞ᬫᬓᬤᬶᬢᬗᬦᬾᬓᬶᬯᬵ᭞ᬦᬢᬓᬶᬦ᭄ᬩᬯᬸᬦ᭄ᬢ᭄ᬯᬦ᭄ᬧᬸᬢ᭄ᬭᬶ᭟ᬢᬗᬦᬾᬢᭂᬗᭂᬦ᭄ᬢᬃᬧᭂᬕᬢ᭄᭞ᬗᬸᬲᬧᬸᬲᬧ᭄ᬕᬶᬕᬶᬭᬾᬢ᭄ᬯᬦ᭄ᬧᬸᬢ᭄ᬭᬶ᭞ᬤᬸᬧ᭄ᬤᬸᬧᬂ

[᭔᭘ 48A]
᭔᭘
ᬗ᭄ᬕᬳᬾᬧᬗ᭄ᬮᬶᬧᬸᬃ᭞ᬗᬮᬶᬧᬸᬭᬂᬫᬗ᭄ᬤᬾᬧᬸᬦᬄ᭞ᬧᬓᬳ᭄ᬬᬸᬦᬦ᭄ᬢ᭄ᬯᬦ᭄ᬧᬸᬢ᭄ᬭᬶᬦᬾᬦᬾᬳᬶᬩᬸᬓ᭄᭞ᬤᬶᬓᬧᬦ᭄ᬢ᭄ᬯᬭᬵᬜᬶᬤᬬᬂ᭞ᬤᬾᬦᬶᬂᬳᬦᬓ᭄ᬫᬸᬮᬭᬶᬭᬶᬄ᭟ᬦᬾᬦᬾᬚᬦᬶᬲᬸ
ᬩᬲᬜ᭄ᬚ᭞ᬭᬚᬳᬶᬦ᭄ᬤ᭄ᬭᬩᬸᬫᬬᬵᬮᬦ᭄ᬢ᭄ᬯᬦ᭄ᬧᬸᬢ᭄ᬭᬶ᭞ᬤᬶᬧᬫᬺᬫᬦ᭄ᬳᬶᬤᬲᬫ᭄ᬧᬸᬦ᭄᭞ᬫᬓ᭄ᬭᬾᬓᬮᬫ᭄ᬩᬸᬲᬸᬢ᭄ᬭ᭞ᬓᬲᬸᬃᬲᬭᬶᬤᬶᬭᬜ᭄ᬚᬂᬳ᭄ᬫᬲᬾᬦᬾᬍᬯᬶᬄ᭞ᬳᭂᬧᬶᬃᬜᬦᬾᬗᭂᬜ᭄ᬘᭀ
ᬢ᭄ᬧᬶᬲᬦ᭄᭞ᬳᬮᬄᬳᬜᬸᬦᬂᬫᬺᬫ᭄ᬳᬭᬶᬲ᭄᭟ᬬᬾᬦ᭄ᬤᬶᬚᬵᬢᭀᬭᬱᬦ᭄ᬜ᭞ᬓᬍᬕᬦᬾᬜᬗ᭄ᬓᬸᬢᬶᬦ᭄ᬧᬸᬢ᭄ᬭᬶᬍᬯᬶᬄ᭞ᬳᬬᬸᬦᬾᬫᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬢ᭄ᬯᬭᬲᬂᬲᬶᬄᬯᬮᬸᬬᬲᬦ᭄᭞ᬓ
ᬤᬶᬤᬕᬶᬂᬲᬸᬫ᭄ᬧ᭄ᬦᬬᬦᬾᬦᬾᬫᬮᬸ᭞ᬦᭂᬧᬸᬓᬶᬦ᭄ᬧᬸᬢ᭄ᬭᬶᬉᬢ᭄ᬢᬫ᭞ᬦᬾᬚᬦᬶᬲᬸᬩᬓᬧᬗ᭄ᬕᬶᬄ᭟ᬗ᭄ᬕᬶᬄᬳᬓᬾᬦ᭄ᬢᭂᬦ᭄ᬘᬭᬶᬢᬬᬂ᭞ᬓᬘᬭᬶᬢᬵᬭᬚᬭᬚᬤᬾᬯᬶᬫᬗ᭄ᬓᬶᬦ᭄᭞ᬤᬶᬢᭂᬕ [ 49 ][᭔᭘ 48B]
᭔᭘
ᬮ᭄ᬲᬸᬚᬦᬧᬶᬭᬸᬲ᭄᭞ᬓᬸᬫ᭄ᬧᬸᬮ᭄ᬫᬜᬸᬮᬸᬓᬂᬕᬚᬄ᭞ᬮᬶᬦ᭄ᬢᬂᬭᬫ᭄ᬬᬵᬤᬶᬢᭂᬕᬮ᭄ᬲᬸᬚᬦᬧᬶᬭᬸᬲ᭄᭞ᬦᬾᬫᬗ᭄ᬓᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬲᬋᬂᬳᬶᬤᬢ᭄ᬯᬦ᭄ᬧᬸᬢ᭄ᬭᬶ᭟ᬫᬦᭀᬦ᭄ᬢᭀᬦ᭄ᬳᬸᬮᬶᬚᬦ᭄ᬤᬾᬮᬵ᭞
ᬧᬫᬺᬫᬦ᭄ᬕᭂᬤᭀᬂᬲᬸᬲᬸᬦᬾᬫᬗᬶᬗ᭄ᬕᬶᬮ᭄᭞ᬫᬕᬫ᭄ᬩᬃᬢᭂᬕᭂᬳᬾᬫᬸᬧᬸᬢ᭄᭞ᬧᭂᬥᬲ᭄ᬲᬫᬶᬓᬘᬶᬗᬓᬦ᭄᭞ᬲᬯᬾᬦ᭄ᬢᭂᬦᬾᬤᬶᬢᭂᬕᬮ᭄ᬲᬸᬚᬦᬧᬶᬭᬸᬲ᭄᭞ᬢᬦ᭄ᬤᬸᬫᬤᬾᬓᬘᬭᬶᬢ᭞ᬭᬚ
ᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬫᬾᬮᬶᬂᬭᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬕᭂᬮᬶᬲ᭄ᬫᬫᬃᬕ᭄ᬕᬶᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬓᬢᭂᬕᬮ᭄ᬲᬸᬚᬦᬧᬶᬭᬸᬲ᭄᭞ᬜᬭᬸᬲᬫ᭄ᬩᬶᬮᬂᬫᬜᬶᬗᬓ᭄᭞ᬭᬚᬭᬚᬵᬫᬶᬯᬄᬤᬾ
ᬯᬵᬲᬫᬶᬓᬸᬫ᭄ᬧᬸᬮ᭄᭞ᬗᬤᬸᬩᬶᬭᬶᬩᬶᬭᬶᬕᬚᬄ᭞ᬭᬫᬾᬲᬸᬭᬓᬾᬕᬸᬫᬶᬦ᭄ᬤᬶᬄ᭟ᬦᬾᬫᬗ᭄ᬓᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬲᬫ᭄ᬧᬸᬦ᭄ᬜᬶᬗᬓ᭄ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬳᬶᬦ᭄ᬤ᭄ᬭᬩᬸᬫᬬᬗ᭄ᬮᬯᬸᬢ᭄᭞ᬜᭂ

[᭔᭙ 49A]
᭔᭙
ᬫᬓ᭄ᬧᬦᬄᬢᬸᬃᬫᬫᭂᬦ᭄ᬢᬂ᭞ᬲᬲᬫ᭄ᬧᬸᬦᬾᬓᬍᬧᬲ᭄ᬳ᭄ᬭᬸᬦᬾᬮᬯᬸᬢ᭄᭞ᬢᬸᬩᬤᬄᬫᬗᭀᬚᭀᬕ᭄ᬳᬶᬤ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬲᬫ᭄ᬧᬸᬦ᭄ᬲᬾᬗᭂᬄᬭᬚᬚᭀᬳᬦ᭄᭞ᬢᭂ
ᬓᬾᬦ᭄ᬯᬗ᭄ᬲᬶᬢ᭄ᬳᬶᬦ᭄ᬤ᭄ᬭᬩᬸᬫᬬᬗᬢᬸᬭᬶᬦ᭄᭞ᬫᬗ᭄ᬤᬾᬦᬾᬓᬕᭂᬤᭀᬂᬲᬸᬲᬸᬦ᭄᭞ᬭᬚᬚᭀᬳᬦ᭄ᬜᬢᬶᬭᬸᬧ᭞ᬤᬤᬶᬓᭂᬤᬶᬲ᭄ᬦᬸᬭᬶᬫᬗ᭄ᬮᬯᬸᬢ᭄ᬫᬓᭂᬩᬸᬃ᭞ᬢ᭄ᬯᬭᬳᬤᬳᬦᬓ᭄ᬦᬯᬂ᭞ᬓᬕᭂ
ᬤᭀᬂᬲᬸᬲᬸᬫᬗ᭄ᬭᬭᬶᬲ᭄᭟ᬲᬫ᭄ᬧᬸᬦᬾᬭᬯᬸᬳᬶᬭᬶᬓᬵ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬩ᭄ᬯᬶᬦ᭄ᬫᬯᬮᬶ᭞ᬯᬃᬡ᭄ᬦᬦᬾᬓᬤᬶᬦᬾᬲᬫ᭄ᬧᬸᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬜ᭄ᬚᬕ᭄ᬚᬕ᭄᭞ᬗᬫ᭄ᬩᬶᬮ᭄ᬢᬗᬦ᭄ᬭᬚᬚᭀ
ᬳᬦ᭄‌‌ᬦᬾᬫᬦᬸᬦ᭄ᬢᬸᬦ᭄᭞ᬫᬮᬶᬗ᭄ᬕᬶᬄᬫᬋᬧᬋᬧᬦ᭄᭞ᬭᬚᬚᭀᬳᬦ᭄ᬧ᭄ᬭᬶᬸᬦ᭄ᬲ᭄ᬬᬄᬧ᭄ᬭᬶ᭟ᬦᬾᬫᬗ᭄ᬓᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬓᭂᬜᭂᬫ᭄ᬗᬸᬘᬧ᭄ᬭᬶᬂᬓᬸᬲᬸᬫᬤᬾᬯᬶ᭞ᬗ᭄ᬕᬶᬄᬧᬸᬦᬶᬓᬶᬫᬗ᭄ᬓᬶᬦ᭄ᬭᬯᬸᬄ᭞ᬩ [ 50 ][᭔᭙ 49B]
᭔᭙
ᬧᬦ᭄ᬳᬦᬓᬾᬘ᭄ᬭᬶᬓ᭄ᬳᬶᬧᬶᬤᬦ᭄᭞ᬚᬦᬶᬦᬸᬦᬲ᭄ᬳᬦᬓᬾᬦᬾᬳᬮᬶᬢ᭄ᬭᬢᬸ᭞ᬓᭂᬜᭂᬫ᭄ᬜᭂᬮᬕ᭄ᬭᬭᬶᬲ᭄ᬗᬸᬘᬧ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬲᬯ᭄ᬬᬓ᭄ᬢᬶᬭᬢᬸᬢᬶᬢ᭄ᬬᬂ᭞ᬲᬤ᭄ᬬᬦ᭄ᬢᬶᬢ᭄ᬬᬂᬫ
ᬫᬶᬢᬂᬳᬦᬓᬾᬳᬮᬶᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬮᬶᬦ᭄ᬢᬂᬓᬶᬫᬸᬤ᭄᭞ᬗᬸᬦ᭄ᬢᬸᬓ᭄ᬫᬗ᭄ᬮᬾᬦᬂᬘᬶᬗᬓ᭄᭞ᬲ᭄ᬯᬪᬯᬦᬾᬋᬗᬸᬋᬗᬸᬫᬲᬶᬄᬧᬯᬸᬢ᭄᭞ᬅᬄᬜᬦ᭄ᬤᬂᬳᬶᬦ᭄ᬤ᭄ᬭᬩᬸᬫᬬ᭞ᬳᬸᬮᬗᬸᬦ᭄ᬭᬶᬂᬢ᭄ᬯᬦ᭄ᬧᬸᬢ᭄ᬭᬶ
᭟ᬮᬾᬤᬂᬫᬳᬶᬘᬳᬶᬘᬬᬦ᭄᭞ᬭᬚᬳᬶᬦ᭄ᬤ᭄ᬭᬩᬸᬫᬬᬵᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫᬓᬫᬶᬯᬄᬢ᭄ᬯᬦ᭄ᬕᬮᬸᬄ᭞ᬓᬳᬶᬭᬶᬂᬩᬳᬦ᭄ᬧᬗᭂᬫ᭄ᬩᬦ᭄᭞ᬧᬥᬵᬕᬶᬭᬂᬫᬘᬦ᭄ᬤᬤᬶᬕᭂᬤᭀᬂᬲᬸᬲᬸᬦ᭄᭞ᬲᬯᬸᬲ
ᬦᬾᬫᬗᬬᬸᬦᬂ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬢᬸᬫᬸᬮᬶᬫᬧᬫᬶᬢ᭄ᬩᬸᬤᬮ᭄᭞ᬧᬗᬸᬗ᭄ᬲᬶᬦᬾᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬚᬸᬫᬄᬓᬦ᭄ᬢᬾᬦᬦᬾᬫᬮᬸ᭞ᬤᬤᬭᬶᬲ᭄ᬮᬸᬤᬂᬫᬬ᭞ᬓᬘᬭᬶᬢᬵ

[᭕᭐ 50A]
᭕᭐
ᬮᬂᬮᬂᬩ᭄ᬯᬡᬵᬭᬭᬶᬲ᭄ᬓᬯᬸᬯᬸᬲ᭄᭞ᬫᬶᬤᭂᬃᬫᬶᬤᭂᬃᬭᬶᬗᬓᬱ᭞ᬢᬸᬫᬸᬮᬶᬮᬯᬸᬢ᭄ᬓᬳᬓ᭄ᬱᬶ᭟ᬭᬚᬭᬚᬫᬶᬯᬄᬤᬾᬯᬵ᭞ᬮᬶᬦ᭄ᬢᬂᬭᬫ᭄ᬬ᭞ᬗᬤᬸᬕᬚᬄᬩᬶᬭᬶᬩᬶᬭᬶ᭞ᬤᬶᬢᭂᬕᬮ᭄ᬲᬸᬚᬦᬧᬶᬭᬸᬲ᭄᭞ᬧ
ᬫᬶᬦᭂᬳᬾᬮᬂᬮᬂᬩ᭄ᬯᬡ᭞ᬦᬾᬦᬾᬚᬦᬶᬧᬘᬂᬗ᭄ᬩᬸᬭᬂᬢ᭄ᬯᬦ᭄ᬕᬮᬸᬄ᭞ᬮᬂᬮᬂᬩ᭄ᬯᬡᬫᬗᬾᬗ᭄ᬕᬮᬂ᭞ᬕᭂᬤᭀᬂᬲᬸᬲᬸᬦᬾᬓᬳᬓ᭄ᬱᬶ᭟ᬦᬾᬫᬗ᭄ᬓᬶᬦ᭄ᬮᬂᬮᬂᬩ᭄ᬯᬡᬵ᭞ᬭᬭᬶᬲ᭄ᬗᬶᬮᬸᬢ᭄ᬳᬮᬶᬳᬮᬶᬦᬾᬕᭂᬮᬶᬲ᭄᭞
ᬳᬮᬶᬳᬮᬶᬦᬾᬫᭂᬦ᭄ᬢᬸᬗᬂ᭞ᬲᬲᬫ᭄ᬧᬸᬦᬾᬩᬸᬗ᭄ᬓᬸᬗᬾᬫᬦ᭄ᬤᬤᬶᬮᬯᬸᬢ᭄᭞ᬩᬸᬗ᭄ᬳᬫᬶᬳᬶᬓ᭄ᬫᬮᬶᬫ᭄ᬧᬸᬕᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬓᬫ᭄ᬩᬶᬮ᭄᭟ᬩᬸᬗᬦᬾᬤᬤᬶᬫ᭄ᬭᬓ᭄ᬳᭂᬫᬲ᭄᭞ᬓᬓᭂᬩᬸᬭᬂᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫ
ᬤᬾᬯᬶ᭞ᬕᭂᬮᬶᬲ᭄ᬓᬳᬸᬗ᭄ᬲᬶᬬᬂᬮᬯᬸᬢ᭄᭞ᬓᬕ᭄ᬯᬵᬕᬸᬭᬗ᭄ᬓᬲᬶᬗ᭄ᬳ᭞ᬭᬚᬳᭂᬚᬶᬫ᭄‌ᬦᭀᬗᭀᬲᬶᬦ᭄ᬕᬸᬯᬦᬾᬮᬯᬸᬢ᭄᭞ᬫᬧᬭᬩ᭄ᬩ᭄ᬭᬳ᭄ᬫᬕᬗ᭄ᬕ᭞ᬮᬯᬸᬢ᭄ᬫ᭄ᬭᬓᬾᬗᬸᬘᬧ᭄ᬳᬭᬶᬲ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬜ [ 51 ][᭕᭐ 50B]
᭕᭐
ᬤ᭄ᬬᬵᬧᬶᬲᬦ᭄᭞ᬫᬗᬢᬸᬭᬂᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬳᬶᬭᬶᬓᬶᬓᬾᬭᬓ᭄ᬱᬲᬫ᭄ᬧᬸᬦ᭄᭞ᬫ᭄ᬭᬓ᭄ᬳᭂᬫᬲᬾᬮᬯᬸᬢ᭄ᬩᬸᬤᬮ᭄᭞ᬩ᭄ᬭᬳ᭄ᬫᬵᬕᬗ᭄ᬕᬵᬚᬦᬶᬲᬸᬩᬧᭂᬥᬲ᭄ᬢᬯᬸ᭞ᬳᬸᬢᬸᬲᬦ᭄ᬮᬂᬮᬂᬩ᭄ᬯᬡ᭞ᬢ᭄ᬯᬦ᭄ᬧᬸ
ᬢ᭄ᬭᬶᬩᭂᬓᬸᬢ᭄ᬫᬦᬗᬶᬲ᭄᭟ᬩ᭄ᬭᬳ᭄ᬫᬕᬗ᭄ᬕᬵᬭᬭᬶᬲ᭄ᬗᬸᬘᬧ᭄᭞ᬳᭂᬥᬵᬲᭂᬩᭂᬢ᭄ᬳᬶᬤᬾᬯᬵᬫᬮᬶᬗ᭄ᬕᬶᬄᬤᬶᬦᬶ᭞ᬳᬶᬦ᭄ᬤ᭄ᬭᬩᬸᬫᬬᬓᬯᬸᬯᬸᬲ᭄᭞ᬦᬭᬸᬕ᭄ᬢᬸᬕ᭄ᬳᬶᬫ᭄ᬭᬓ᭄ᬳᭂᬫᬲ᭄᭞ᬫᬓᬵᬤᬶᬜᬵᬳᬶᬦᬂᬧᬗᭂᬫ᭄ᬩᬦᬾᬳᬸ
ᬬᬸᬢ᭄᭞ᬧᬥᬵᬗ᭄ᬮᬶᬂᬳᬭᬩᬭᬩ᭄᭞ᬫᬧᬸᬲᬸᬗᬦ᭄‌‌ᬚ᭄ᬭᭀᬦᬶᬂᬧᬸᬭᬶ᭟ᬳᬤᬫᬋᬓ᭄ᬗᬸᬦᬶᬗᬬᬂ᭞ᬭᬶᬂᬳᬚᬶᬦ᭄ᬥᬭᬚᬧᬸᬱ᭄ᬧᬳᬶᬦ᭄ᬤ᭄ᬭᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬓᬕ᭄ᬬᬢᬾᬭᬶᬂᬓᬬᬸᬦ᭄᭞ᬧ᭄ᬭᬫᬶᬰ᭄ᬯᬭᬶᬓᬲᭂᬩᭂᬢ
ᬦ᭄᭞ᬢ᭄ᬯᬭᬫᬾᬮᬶᬂᬢᭂᬓᬾᬦ᭄ᬭᬕᬵᬚᬗ᭄ᬓᬓᬦ᭄ᬢᬸ᭞ᬫᬳᬵᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬦ᭄ᬤᬯᬸᬳᬂᬭᬶᬂᬫᬜ᭄ᬘᬫᬦ᭄ᬢ᭄ᬭᬶ᭟ᬫᬗ᭄ᬤᬾᬦᬾᬲᬫᬶᬲᬶᬬᬕ᭞ᬳᬸᬮᬸᬩᬮᬂᬫᬕᬕᬯᬦ᭄ᬫᬓᬲᬫᬶ᭞ᬦᬭᬸᬕ᭄ᬢᬸᬕ᭄ᬳᬶᬤᬢ᭄ᬯ

[᭕᭑ 51A]
᭕᭑
ᬦ᭄ᬕᬮᬸᬄ᭞ᬓᭂᬩᬸᬭᬂᬩᬦ᭄ᬫ᭄ᬭᬓ᭄ᬳᭂᬫᬲ᭄᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶᬕᭂᬮᬶᬲ᭄ᬭᬯᬸᬄ᭞ᬲᭂᬥᭂᬓ᭄ᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬢᬸᬫᬸᬮᬶᬫᬢᬸᬃᬪᬓ᭄ᬢᬶ᭟ᬢᬶᬢ᭄ᬬᬂᬫᬧᬫᬶᬢ᭄‌‌ᬗ᭄ᬭᬶᬳᬶᬦᬂ᭞ᬧᬘᬂᬗᭂᬢᬸᬢ᭄‌‌ᬢ᭄ᬯᬦ᭄ᬧᬸᬢ᭄ᬭᬶᬓᬸ
ᬲᬸᬫᬤᬾᬯᬶ᭞ᬬᬦ᭄ᬤᬶᬚᬧᬮᬓᬸᬦ᭄ᬳᬶᬧᬸᬦ᭄᭞ᬫ᭄ᬭᬓ᭄ᬳᭂᬫᬲᬾᬧᬸᬦᬶᬓᬵ᭞ᬧᬸᬱ᭄ᬧᬳᬶᬦ᭄ᬤ᭄ᬭᬗᬸᬘᬧ᭄ᬦᬄᬓ᭄ᬫᬵᬫᬗ᭄ᬮᬯᬸᬢ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬦᬾᬚᬦᬶᬮᬯᬸᬢ᭄ᬳᬸᬘᬧᬂ᭞ᬮᬶ
ᬦ᭄ᬢᬂᬓᬕ᭄ᬬᬢ᭄ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬜᭂᬋᬧᬂᬫᬢᬓᬾᬦ᭄ᬮᬯᬸᬢ᭄᭞ᬢᭂᬓᬾᬦᬶᬂᬳᬶᬦᬂᬧᬗᭂᬫ᭄ᬩᬦ᭄᭞ᬓᬾᬦ᭄ᬓᬾᬦ᭄ᬓᬦ᭄ᬤᬜᬦᬾᬓ᭄ᬭᬡᬢ᭄ᬯᬦ᭄ᬕᬮᬸᬄ᭞ᬳᬶᬮᬂᬳᬸᬮᬶᬤᬶᬧᬫᬺᬫᬦ᭄᭞ᬧᬗᭂᬫ᭄ᬩᬦᬾᬫᬢᬸᬃ
ᬳᬭᬶᬲ᭄᭟ᬓᬓᭂᬩᬸᬭᬂᬳᬦ᭄ᬢᬸᬓ᭄ᬫ᭄ᬭᬓ᭄᭞ᬬᬦᬶᬂᬓᬶᬚᬵᬓᬧ᭄ᬮᬳᬶᬩᬂᬓᬤᬶᬫᬗ᭄ᬓᬶᬦ᭄᭞ᬬᬦᬵᬓᬸᬤᬂᬲᬶᬓᭂᬧ᭄ᬲᬫ᭄ᬧᬸᬦ᭄᭞ᬗᭂᬢᬸᬢ᭄ᬫᬳᬶᬍᬳᬶᬍᬳᬦ᭄᭞ᬭᬚᬚᭀᬳᬦ᭄ᬮᬶᬦ᭄ᬢᬂᬓᬾᬫᭂᬗᬦ᭄ᬭᬶᬂᬓᬬᬸ [ 52 ][᭕᭑ 51B]
᭕᭑
ᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬗᬸᬘᬧ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬭᬚᬲ᭄ᬬᬩᬸᬤ᭄ᬥᬦ᭄ᬤᬾᬯᬵ᭞ᬲᬫᭂᬢᭀᬦᬾᬳᬶᬤᬧ᭄ᬭᬫᬶᬰ᭄ᬯᬭᬶᬕᭂᬮᬶᬲ᭄᭞ᬫᬫᬃᬕ᭄ᬕᬶᬲᬫ᭄ᬧᬸᬦ᭄ᬫᬦ᭄ᬭᬸᬕ᭄ᬢᬸᬕ᭄᭞ᬫᬓᬤᬶᬜᬢ᭄ᬕᬮ᭄‌ᬫ᭄ᬮ
ᬓᬃ᭞ᬫᬓᬤᬶᬜᬳᬶᬦ᭄ᬤ᭄ᬭᬩᬸᬫᬬᬦᬾᬲᬫ᭄ᬧᬸᬦ᭄᭞ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬜᬋᬗᬶᬦ᭄ᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬧᬫᬃᬕ᭄ᬕᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬲᬫ᭄ᬧᬸᬦ᭄ᬦᬧᬓ᭄ᬤᬶᬢᭂᬧᬶᬦ᭄ᬕ᭄ᬯᬦᬾᬫᬗ᭄ᬓᬶᬦ᭄᭞ᬗᬺᬕᭂᬧᬂᬕᬸᬮᬶᬕᬵᬲᬫ᭄ᬧᬸ
ᬦ᭄᭞ᬧᬶᬘᬦ᭄ᬋᬱᬶᬳᬦ᭄ᬢᬓᬸᬰ᭞ᬲᬕᬾᬢ᭄ᬢᭂᬓᬵᬕᬭᬸᬥᬦᬾᬧᬢ᭄ᬧᬢ᭄ᬮᬯᬸᬢ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬘᬧ᭄᭞ᬓᭂᬫᬵᬫᬲᬶᬬᬢᬾᬚᬦᬶ᭟ᬫᬗ᭄ᬮᬯᬦ᭄‌ᬩ᭄ᬭᬳ᭄ᬫᬕᬗ᭄ᬕ᭞ᬕᬭᬸᬥᬦᬾᬫᬩ᭄ᬭᬶᬬᬸ
ᬓ᭄ᬫᬓᬲᬫᬶ᭞ᬫᬗᬸᬗ᭄ᬲᬶᬕᬸᬯᬦᬾᬓᬸᬘᬸᬧ᭄᭞ᬲᬮᬶᬂᬲᬦ᭄ᬤᭂᬃᬬᬫᬲᬶᬬᬢ᭄᭞ᬗᭂᬫᬸᬲ᭄ᬯᬶᬦ᭄ᬯᬢᭂᬓ᭄ᬳᭂᬚᬶᬫᬾᬦᬾᬮᬶᬬᬸ᭞ᬧᬜ᭄ᬚᬓᬾᬩ᭄ᬭᬳ᭄ᬫᬕᬗ᭄ᬕ᭞ᬮᬶᬬᬸᬫᬗᭂᬫᬲᬶᬦ᭄ᬫᬢᬶ᭟ᬳᬶᬦ᭄ᬤ᭄ᬭᬩᬸᬫᬬᬗᬾᬗ᭄ᬕᬮᬂ᭞

[᭕᭒ 52A]
᭕᭒
ᬩ᭄ᬯᬶᬦ᭄ᬗᬋᬕᭂᬧ᭄‌ᬗᬋᬕᭂᬧᬂᬫᬦ᭄ᬢ᭄ᬭᬲᬶᬤ᭄ᬥᬶ᭞ᬲᬕᬾᬢᬦ᭄ᬧᬲᬗ᭄ᬕ᭄ᬭᬬᬦ᭄ᬲᬫ᭄ᬧᬸᬦ᭄᭞ᬤᬶᬢᭂᬕᬮᬾᬳᬧ᭄ᬮᬩᬳᬦ᭄᭞ᬫᬭᬸᬦ᭄ᬢᬸᬢᬦ᭄ᬳᭂᬚᬶᬫ᭄‌ᬬᬦᬓᬸᬤᬂᬗᬶᬬᬸ᭞ᬢᬦ᭄ᬤᬸᬫᬥᬾᬮᬯᬸᬢ᭄ᬢᭂᬓᬵ᭞ᬭᬚᬚᭀᬳ
ᬦ᭄ᬲ᭄ᬬᬄᬧ᭄ᬭᬶ᭟ᬭᬭᬶᬲ᭄ᬳᬶᬦ᭄ᬤ᭄ᬭᬩᬸᬫᬬ᭞ᬫᬜ᭄ᬚᬕ᭄ᬚᬕᬶᬦ᭄ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬲᬫᬶᬓᬧᬶᬤᬃᬢ᭄ᬢᬲᬫ᭄ᬧᬸᬦ᭄᭞ᬲᬓᬦ᭄ᬤᬦ᭄ᬳᬶᬫ᭄ᬭᬓ᭄ᬳᭂᬫᬲ᭄᭞ᬦᬾᬗᭂᬩᬸᬭᬂᬢ᭄ᬯᬦ᭄ᬧᬸᬢ᭄ᬭᬶᬢᬸᬃᬫᬗ᭄ᬮᬯᬸᬢ᭄᭞ᬫᬗ᭄ᬭᬜ᭄ᬚᬶᬂᬓᬢᭂᬗᬄ
ᬕ᭄ᬯ᭞ᬫᬓᭂᬜᭂᬫ᭄ᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬩ᭄ᬭᬳ᭄ᬫᬵᬕᬗ᭄ᬕᬭᬭᬶᬲ᭄ᬫᭂᬤᬮ᭄᭞ᬩᬦ᭄ᬓ᭄ᬭᭀᬥᬦᬾᬧᬜ᭄ᬚᬓᬾᬬᬮᬶᬬᬸᬫᬢᬶ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬢᭂᬫᬸ᭞ᬭᬶᬂᬭᬵᬚᬳᬶᬦ᭄ᬤ᭄ᬭᬩᬸᬫᬬ᭞ᬩ᭄ᬭᬳ᭄ᬫᬕᬗ᭄ᬕ᭞ᬢᬸᬫᬸᬮᬶᬫ
ᬗᬸᬘᬧ᭄ᬲᬫ᭄ᬧᬸᬦ᭄᭞ᬳᬄᬳᬶᬩᬦᬾᬫᬵᬦᬸᬱ᭞ᬳᬸᬮᬶᬤᬶᬚᬵᬢᭂᬓᬫᬳᬶ᭟ᬳᬶᬦ᭄ᬤ᭄ᬭᬩᬸᬫᬬᬫᬦᬶᬫ᭄ᬩᬮ᭄᭞ᬳᬦᬓᬳᬶᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬧᬘᬂᬗᬮᬶᬄᬢ᭄ᬯᬦ᭄ᬕᬮᬸᬄ᭞ᬦᬾᬗᭂ [ 53 ][᭕᭒ 52B]
᭕᭒
ᬩᬸᬭᬂᬫ᭄ᬭᬓ᭄ᬳᭂᬫᬲ᭄᭞ᬦᬾᬦᬾᬚᬦᬶᬦᬄᬲ᭄ᬭᬳᬂᬢ᭄ᬯᬦ᭄ᬕᬮᬸᬄ᭞ᬬᬦ᭄ᬢ᭄ᬯᬭᬜᬓ᭄ᬜᬭᬳᬂ᭞ᬲᬓᭂᬦᭂᬄᬓᬳᬶᬦᬶᬫ᭄ᬧᬮᬶᬦ᭄᭟ᬩ᭄ᬭᬳ᭄ᬫᬕᬗ᭄ᬕᬭᬭᬶᬲ᭄ᬗᬸᬘᬧ᭄᭞ᬳ᭄ᬥᬕᬫ᭄ᬧᬂᬧᬘᬂᬦᬕᬶᬄᬢ᭄ᬯᬦ᭄ᬧᬸᬢ᭄ᬭᬶ᭞ᬓᬮᬶᬂ
ᬫᬦᬸᬱᬳᬳᬸᬓᬸᬤ᭄᭞ᬳ᭄ᬥᬳᬶᬩᬧᬘᬂᬧᬗ᭄ᬓᬄ᭞ᬳᬧᬶᬢᬸᬯᬶᬳᬚᬓ᭄ᬳᬶᬓᬓᬸᬤᬂᬗᬶᬬᬸ᭞ᬓᬳᬶᬢ᭄ᬯᬭᬫᬜᭂᬭᬳᬂ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭟ᬕᭂᬮᬶᬲ᭄ᬭᬭᬶᬲ᭄ᬫᬦ᭄ᬤᭂᬲᭂᬓᬂ᭞ᬮᬶᬦ᭄ᬢᬂᬓ᭄ᬭᭀᬥᬭᬚ
ᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬩ᭄ᬭᬳ᭄ᬫᬕᬗ᭄ᬕᬵᬗᬸᬘᬧ᭄ᬮᬯᬸᬢ᭄᭞ᬳᬶᬄᬳᬶᬩᬭᬚᬚᭀᬳᬦ᭄᭞ᬢ᭄ᬯᬭᬧᬶᬲᬦ᭄‌‌ᬢᭀᬲ᭄ᬦᬶᬭᬚᬳᭂᬚᬶᬫ᭄ᬢᬸᬳᬸ᭞ᬤᬤᬶᬗᬶᬮᭀᬦᬶᬦ᭄ᬫᬦᬸᬱ᭞ᬩᭀᬬᬢᬶᬗ᭄ᬓᬄᬭᬚᬳᭂᬚᬶᬫ᭄᭟
ᬚᭂᬦᭂᬂᬳᬶᬩᬦᬫ᭄ᬧᬶᬳᬸᬧᬄ᭞ᬢᭂᬓᬾᬦ᭄ᬭᬚᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬭᬚᬚᭀᬳᬦ᭄ᬕᭂᬮᬶᬲ᭄ᬫᬲᬯᬸᬃ᭞ᬲᬚᬓᬳᬶᬦᬗ᭄ᬕᬧ᭄ᬳᬸᬧᬄ᭞ᬬᬾᬦᬶᬂᬲᬸᬩᬵᬳᬶᬩᬫᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬲᭀ

[᭕᭓ 53A]
᭕᭓
ᬫᬄᬳᬶᬩᬳᬗ᭄ᬕᭀᬦ᭄ᬳᬸᬧᬄ᭞ᬓᬧᬢᬫ᭄ᬧᬶᬢᭂᬓᬾᬦ᭄ᬓᬳᬶ᭟ᬳᬶᬦ᭄ᬤ᭄ᬭᬩᬸᬫᬬᬭᬭᬶᬲ᭄ᬫᬦᬄ᭞ᬩ᭄ᬭᬳ᭄ᬫᬵᬕᬗ᭄ᬕᬓᭂᬦᬵᬢᬗ᭄ᬓᬳᬾᬢᬦ᭄ᬧᬶᬳᬶᬤ᭄᭞ᬧᭂᬲᬸᬳᬢᬶᬦ᭄ᬜᬦᬾᬫᬸᬭᬸᬩ᭄᭞ᬭᬚᬚᭀᬳ
ᬦ᭄ᬫᬗᬾᬗ᭄ᬕᬮᬂ᭞ᬗᬮᬾᬯᬗᬶᬦ᭄‌‌ᬩ᭄ᬭᬳ᭄ᬫᬕᬗ᭄ᬕᬲᬓᬶᬂᬧᬸᬗ᭄ᬓᬸᬃ᭞ᬫᬲᬶᬄᬢ᭄ᬯᬭᬫᬓᭂᬚᭂᬳᬦ᭄᭞ᬢᭂᬕᬸᬳᬾᬢᬦ᭄ᬲᬶᬧᬶᬲᬶᬧᬶ᭟ᬧᬲᬶᬬᬢᬾᬲᬮᬶᬂᬘᬓ᭄ᬘᬓ᭄᭞ᬩ᭄ᬭᬳ᭄ᬫᬕᬗ᭄ᬕ᭞ᬗ᭄ᬮᬯᬦ᭄ᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫ
ᬘᭂᬧᬸᬓ᭄ᬧᬢᬸᬭᬸᬓᬮᬸ᭞ᬢ᭄ᬯᬭᬳᬤᬓᬲᭀᬭᬦ᭄᭞ᬢᬦ᭄ᬤᬸᬫᬥᬾᬧᬦ᭄ᬭᬸᬕ᭄ᬢᬸᬕᬾᬲᬕᬾᬢ᭄ᬭᬯᬸᬄ᭞ᬭᬚᬲ᭄ᬬᬄᬩᬸᬃᬤ᭄ᬥᬶᬤᬾᬯ᭞ᬲᬋᬂᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬬᬸᬥᬦᬾᬭᬫᭂᬲ᭄ᬧᬶᬲᬦ᭄᭞ᬭᬭᬶᬲ᭄ᬗᬸ
ᬢᬸᬲ᭄ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬢᬦ᭄ᬲᬯᭀᬲᬦᬾᬓᬳᬸᬢᬸᬲ᭄᭞ᬫᬧᬭᬩᬸᬚᬗ᭄ᬕᬤᬾᬯ᭞ᬫᬦᬓᬾᬦᬶᬦ᭄ᬳᬦᬓᬾᬦᬾᬮᬦᬂᬩᬕᬸᬲ᭄᭞ᬦᬓᭀᬦᬂᬦᬾᬦᬾᬫᬓ᭄ᬭᬡ᭞ᬫᬲᬶᬬᬢ᭄ᬭ [ 54 ][᭕᭓ 53B]
᭕᭓
ᬫᭂᬲ᭄ᬢᬦ᭄ᬲᬶᬧᬶ᭟ᬫᬚᬮᬦ᭄ᬩᬸᬚᬗ᭄ᬕᬤᬾᬯᬵ᭞ᬢ᭄ᬯᬭᬳᬾᬦᬓ᭄ᬳᬶᬦ᭄ᬤ᭄ᬭᬩᬸᬫᬬᬳᬸᬗ᭄ᬲᬶ᭞ᬲᬭᬯᬸᬳᬾᬗᬸᬘᬧ᭄ᬳᬮᬸᬲ᭄᭞ᬧᬸᬦᬧᬶᬳᬯᬶᬦᬦ᭄ᬬᬸᬥ᭞ᬓᬤᬶᬫᬗ᭄ᬓᬶᬦ᭄‌‌ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬓᬳᬸᬢᬸ
ᬲ᭄᭞ᬭᬶᬂᬲᬦᬾᬫᬧᬲᬾᬗᬦ᭄᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬳᬶᬦ᭄ᬤ᭄ᬭᬩᬸᬫᬬᬫᬗᬸᬘᬧ᭄᭞ᬫᬳᬯᬦ᭄ᬢᬶᬢ᭄ᬬᬂᬫᬬᬸᬥᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬳᬦ᭄ᬢᬸᬓ᭄ᬢ᭄ᬯᬦ᭄ᬕᬮᬸᬄ᭞ᬧᬸᬢ᭄ᬭᬶᬓᬸᬲᬸᬫᬤᬾᬯ᭄ᬬᬵ᭞ᬬᬦᬶᬂ
ᬤᬸᬭᬸᬂᬲᬶᬤ᭄ᬥᬓᭂᬦᬶᬢᬸᬯᬦ᭄ᬕᬮᬸᬄ᭞ᬩᭀᬬᬢᬶᬢ᭄ᬬᬂᬧᬘᬂᬢᬸᬮᬓ᭄᭞ᬓᬦᬵᬕᬭᬢᬶᬢ᭄ᬬᬂᬫᬮᬶᬄ᭟ᬲᬧᬸᬦᬶᬓᬚ᭄ᬯᬳᬢᬸᬭᬂ᭞ᬭᬶᬂᬳᬶᬤᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬩᬸᬚᬗ᭄ᬕᬦᬾᬤᬯᬫᬗ᭄ᬮᬯᬸᬢ᭄
᭞ᬢᬸᬮᬓ᭄ᬕᭂᬮᬶᬲ᭄ᬗᬸᬦᬶᬗᬬᬂ᭞ᬲᬭᬯᬸᬳᬾᬲᬫᬶᬓᬧᬶᬤᬃᬢ᭄ᬢᬵᬲᬫ᭄ᬧᬸᬦ᭞ᬩᬳᬕ᭄ᬩᬶᬳᬶᬂᬮᬶᬦ᭄ᬢᬂᬓ᭄ᬭᭀᬥ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬓᬧᬬᬸᬤᬦ᭄ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬫ

[᭕᭔ 54A]
᭕᭔
ᬳᬶᬭᬶᬗᬦ᭄ᬩᬮᬮᬶᬬᬸ᭞ᬲᬋᬂᬩᬸᬃᬤ᭄ᬥᬦ᭄ᬤᬾᬯᬵ᭞ᬲᬢᭂᬓᭂᬤᬾᬤᬶᬧᬲᬶᬬᬢᬦ᭄ᬫᬘᭂᬧᬸᬓ᭄᭞ᬭᬶᬂᬭᬚᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬭᬚᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬭᬭᬶᬲ᭄ᬫᬢᭂᬫᬸᬢᭂᬓᬾ
ᬦ᭄ᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬯᬢᭂᬓ᭄ᬩᬮᬲᬮᬶᬂᬕᬸᬢ᭄ᬕᬸᬢ᭄᭞ᬭᬚᬩᬸᬃᬤ᭄ᬥᬤᬾᬯᬵᬗᬸᬘᬧ᭄᭞ᬳᬶᬄᬳᬶᬩᬭᬚᬚᭀᬳᬦ᭄ᬢᬦ᭄ᬧᬳᬸᬦ᭄ᬤᬸᬓ᭄᭞ᬳᭂᬜᬓ᭄ᬜᬳᬶᬗᬶᬦ᭄ᬫᬦᬸᬱᬵ᭞ᬧᬭᬶᬭᬂᬲᬦ᭄ᬭᬚᬳᭂᬚᬶ
ᬫ᭄᭟ᬕᬕᬾᬧᬾᬭᬦ᭄ᬮᬶᬦ᭄ᬢᬂᬓ᭄ᬭᭀᬥ᭞ᬧᬲᬯᬸᬭᬾᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬓᬳᬶᬗᬶᬮᭀᬦᬶᬦ᭄ᬦᬾᬧᬢᬸᬢ᭄᭞ᬳᬶᬦ᭄ᬤ᭄ᬭᬩᬸᬫᬬᬩᭂᬦᭂᬳᬦ᭄᭞ᬭᬚᬲ᭄ᬬᬄᬪᬸᬃᬤ᭄ᬥᬦ᭄ᬤᬾᬯᬵᬭᬭᬶᬲ᭄ᬗᬸᬦᬸᬲ᭄
᭞ᬧᭂᬥᬂᬲᬳᬲᬫᬜᭂᬫ᭄ᬧᬮ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬓᬢᬗ᭄ᬓᬶᬲ᭄ᬩᬦ᭄ᬭᬚᬚᭀᬳᬦ᭄᭞ᬢ᭄ᬯᬭᬓᭂᬦᬶᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬧᬲ᭄ᬬᬢᬾᬲᬮᬶᬂᬢᭂᬫ᭄ᬩᬸᬂ᭞ᬓᬮᬾᬯᬗᬾᬫᬲᭂᬫ᭄ᬩᬭᬦ᭄᭞ᬧᭂ [ 55 ][᭕᭔ 54B]
᭕᭔
ᬲᬸᬳᬧᬶᬲᬮᬶᬂᬲᭂᬧᭂᬕ᭄ᬲᬮᬶᬂᬢᬸᬲᬸᬓ᭄᭞ᬢ᭄ᬯᬭᬳᬤᬦᬾᬓᬲᭀᬭᬦ᭄᭞ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭟ᬦᬾᬚᬦᬶᬳᬶᬦ᭄ᬤ᭄ᬭᬩᬸᬫᬬ᭞ᬧᬲᬶᬬᬢᬾᬫᬫᬸᬲᬸᬄᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬲᬮᬶᬂᬧᬦᬄ
ᬧᬥᬢᭂᬕᬸᬄ᭞ᬫᬓᬤᬶᬩᬸᬚᬗ᭄ᬕᬤᬾᬯᬵ᭞ᬫᬕᬸᬮᬸᬗᬦ᭄ᬩᬸᬚᬗ᭄ᬕᬤᬾᬯᬵᬓᬋᬩᬸᬢ᭄᭞ᬩᬳᬦ᭄ᬕ᭄ᬭᬸᬥᬦᬾᬦᬾᬧᬢ᭄ᬧᬢ᭄᭞ᬧᬥᬢ᭄ᬯᬭᬵᬩᬶᬱᬵᬩᬶᬳᬶᬤ᭄᭟ᬓᬩᭂᬮᬢ᭄ᬩᬳᬦ᭄ᬲᬜ᭄ᬚ᭞ᬧᬲᬶᬬ
ᬢᬾᬫᬚᬗ᭄ᬕᭂᬮᬦ᭄ᬧᬥᬗᬸᬗ᭄ᬲᬶ᭞ᬓᬧᬲᬗ᭄ᬕ᭄ᬭᬳᬦ᭄ᬫᬗ᭄ᬮᬯᬸᬢ᭄᭞ᬲᬭᬯᬸᬳᬾᬤᬶᬧᬲᬗ᭄ᬕ᭄ᬭᬳᬦ᭄᭞ᬫᬩ᭄ᬭᬶᬬᬕᬦ᭄ᬲᬶᬓᬮᬶᬄᬕᬶᬭᬂᬭᬶᬂᬓᬬᬸᬦ᭄᭞ᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬲᬋᬂᬚᭀᬳᬦ᭄ᬲ᭄ᬬᬄᬧ᭄ᬭᬶ᭟᭟᭜᭟
ᬧᬸᬄᬓᬦ᭄ᬬ᭟᭜᭟ᬫᬳᬋᬱᬶᬳᬦ᭄ᬢᬓᬸᬰ᭞ᬫᬗ᭄ᬓᬶᬦ᭄ᬳᬶᬤᬲᬫ᭄ᬧᬸᬦ᭄ᬳᬸᬦᬶᬂ᭞ᬳᬶᬦ᭄ᬤ᭄ᬭᬩᬸᬫᬬᬫᬬᬸᬥ᭞ᬫᬫᬸᬲᬸᬄᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬢᬸᬫᬸᬮᬶᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬳᬚᬳᬦ᭄ᬲᬕᬾᬢᬦ᭄ᬭᬯᬸᬄ

[᭕᭕ 55A]
᭕᭕
᭞ᬫᬳᬋᬱᬶᬳᬦ᭄ᬢᬓᬸᬰ᭞ᬓᬧᬲᬗ᭄ᬕ᭄ᬭᬳᬦ᭄ᬫᬗ᭄ᬭᬭᬶᬲ᭄᭞ᬭᬚᬳᬶᬦ᭄ᬤ᭄ᬭᬩᬸᬫᬬᬗᬸᬦ᭄ᬢᬸᬓ᭄ᬫᬜᬸᬫ᭄ᬩᬄ᭟ᬫᬓᬤᬶᬜᬭᬚᬚᭀᬳᬦ᭄᭞ᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬦᬗ᭄ᬓᬶᬮᬶᬦ᭄᭞ᬫᬳᬋᬱᬶ
ᬳᬦ᭄ᬢᬓᬸᬰ᭞ᬦᬓᬾᬦᬂᬲᬧᬭᬶᬳᬶᬦ᭄ᬤᬶᬓ᭄᭞ᬲᬫ᭄ᬧᬸᬦ᭄ᬓᬧᬶᬤᬃᬢ᭄ᬢᬲᬫᬶ᭞ᬭᬭᬶᬲ᭄ᬓᬧᬶᬋᬗᬦ᭄ᬢᬗ᭄ᬮᬸᬲ᭄᭞ᬫᬸᬜᬶᬕᭂᬦ᭄ᬢᬗᬫ᭄ᬩᬭ᭞ᬳᭂᬦ᭄ᬢᭀᬲᬸᬩᬫᬓᬘᬶᬭᬶ᭞ᬧᬘᬂᬭᬯᬸᬄ᭞ᬫᬳᬋᬱᬶᬓᬱ᭄ᬡ
ᬘᬶᬦ᭄ᬤ᭄ᬭ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬫᬩ᭄ᬭᬶᬬᬸᬓ᭄ᬢᬸᬫᭂᬤᬸᬦ᭄ᬲᬫᬶ᭞ᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬫᬸᬗ᭄ᬕᬳᬦ᭄ᬫᬮᬶᬗ᭄ᬕᬶᬄ᭞ᬢᭂᬮᬲ᭄ᬓᬧᬶᬤᬃᬢ᭄ᬢᬲᬫᬶ᭞ᬲᬓᬡ᭄ᬥᬓᬡ᭄ᬥᬦᬾᬓᬢᬸᬃ᭞ᬮᬯᬸᬢ᭄‌ᬩ᭄ᬯᬶᬦ᭄ᬘ
ᬭᬶᬢᬬᬂ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬦᬾᬓᬯᬸᬯᬸᬲ᭄᭞ᬤᬶᬕᬸᬦᬸᬗᬾᬳᬶᬦ᭄ᬤ᭄ᬭᬦᬵᬕ᭟ᬤᬾᬦᬶᬂᬳᬶᬤᬲᬫ᭄ᬧᬸᬦ᭄ᬯᬶᬓᬦ᭄᭞ᬳᬤᬲᬶᬬᬢ᭄ᬭᬫᭂᬲ᭄ᬕᬢᬶ᭞ᬭᬾᬄᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬫᬫᬸᬲᬸᬄᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ [ 56 ][᭕᭕ 55B]
᭕᭕
ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬫᬃᬕ᭄ᬕᬶᬳᬶᬤᬫᬗ᭄ᬮᬯᬸᬢ᭄᭞ᬫᬫᬋᬓ᭄ᬮᬂᬮᬂᬩ᭄ᬯᬡ᭞ᬲᬭᬯᬸᬳᬾᬫᬢᬸᬃᬳᬭᬶᬲ᭄᭞ᬲᬫ᭄ᬧᬸᬭᬬᬂ᭞ᬢᬶᬢ᭄ᬬᬂᬲᬓᬤᬶᬧ᭄ᬭᬲᬗ᭄ᬕ᭟ᬭᬾᬄᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬫᬫᭂᬲᭂᬄ
ᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬬᬸᬥ᭞ᬫᬾᬯᭂᬄᬢᬶᬢ᭄ᬬᬂᬗᬫᬦᬳᬶᬦ᭄᭞ᬬᬦ᭄ᬢᬦ᭄ᬳᬶᬤᬾᬯᬦᬾᬫᬗ᭄ᬓᬶᬦ᭄᭞ᬲᬯᬾᬘᬵᬫᬦᬯᬶᬳᭂᬭᬸᬕ᭄᭞ᬧᬦᬵᬕᬭᬦᬾᬭᬶᬂᬓᬾᬦ᭄ᬤ᭄ᬭᬦ᭄᭞ᬤᬸ
ᬭᬸᬲᬂᬲ᭄ᬯᬾᬘᬦᬾᬳᬸᬕᬶ᭞ᬮᬂᬮᬂᬩ᭄ᬯᬡᬵ᭞ᬧᬲᬯᬸᬭᬾᬳᬮᬸᬲ᭄ᬩᬦ᭄ᬩᬦ᭄᭟ᬦᬄᬚᬦᬶᬓᭂᬫᬵᬳᬶᬤᬾᬯᬵ᭞ᬳᬾᬗ᭄ᬕᬮᬂᬓᬢᭂᬧᬸᬓ᭄ᬳᬸᬕᬶ᭞ᬢᭂᬓᬾᬦᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬢᬸᬢᬸᬭᬂᬤᬶᬦᬦᬾᬫᬦᬶ
᭞ᬩᬧᬧᬘᬂᬫᬭᬦᬶᬦ᭄᭞ᬓᬤᬸᬦᬸᬗᬦᬾᬓᬢᭂᬧᬸᬓ᭄᭞ᬢᭂᬓᬾᬦᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬕ᭄ᬮᬶᬲ᭄ᬫᬫᬃᬕ᭄ᬕ᭞ᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬧᬲᬗ᭄ᬕ᭄ᬭᬳᬦ᭄᭟ᬳᬶᬦ᭄ᬤ᭄ᬭᬩᬸᬫᬬᬜᭂ

[᭕᭖ 56A]
᭕᭖
ᬫ᭄ᬩᬄ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬫᬮᬶᬗ᭄ᬕᬶᬄᬭᬭᬶᬲ᭄ᬗᬦ᭄ᬤᬶᬓᬵ᭞ᬩᬧᬓᬳᬸᬢᬸᬲ᭄ᬦᬾᬚᬦᬶ᭞ᬮᬂᬮᬂᬩ᭄ᬯᬡᬦᬾᬚᬦᬶ᭞ᬳᬬᬢ᭄ᬳᬶᬤᬧᬘᬂᬭᬯᬸᬄ᭞ᬫᬳᬶᬫᬭᬦᬶᬦ᭄ᬳᬶᬤᬾᬯ᭞ᬳᬶᬦ᭄ᬤ᭄ᬭᬩᬸ
ᬫᬬᬗᬪᬓ᭄ᬢᬶ᭞ᬗᬚᬧᬚᬧ᭄‌ᬭᬯᬸᬳᬾᬳᬶᬮᬂᬮᬂᬩ᭄ᬯᬡᬵ᭟ᬲᬸᬩᬢᭂᬓᬦᬶᬂᬧᬸᬳᬭ᭞ᬮᬂᬮᬂᬩ᭄ᬯᬡᬦᬾᬦᬾᬚᬦᬶ᭞ᬗᬸᬗ᭄ᬲᬶᬕ᭄ᬯᬕᬸᬭᬗ᭄ᬕᬧᬶᬗ᭄ᬕ᭞ᬭᬚᬩ᭄ᬭᬳ᭄ᬫᬕᬗ᭄ᬕᬕᭂᬮᬶᬲ᭄᭞ᬜ᭄ᬚᬕ᭄ᬚᬕ᭄ᬢᬸᬃ
ᬫ᭄ᬫᬦᬶᬗᬪᬓ᭄ᬢᬶ᭞ᬢ᭄ᬯᬦ᭄ᬧᬸᬢ᭄ᬭᬶᬲᭂᬥᬶᬄᬫᬗᬸᬦ᭄ᬢᬸᬓ᭄᭞ᬫᬗᭂᬦᬂᬳᬶᬦ᭄ᬤ᭄ᬭᬩᬸᬫᬬ᭞ᬫᬓᬫᬶᬯᬄᬳᬚᬶᬩᬶᬩᬶ᭞ᬮᬂᬮᬂᬩ᭄ᬯᬡ᭞ᬳᬮᬸᬲ᭄ᬫᬗᬦ᭄ᬤᬶᬓᬵᬩᬦ᭄ᬩᬦ᭄᭟ᬳᬶᬄᬭᬚᬩ᭄ᬭᬳ᭄ᬫᬕᬗ᭄ᬕ᭞ᬓᭂᬫᬵᬳᬢᭂ
ᬳᬂᬦᬾᬚᬦᬶ᭞ᬓᬚᬸᬫᬄᬜᬦᬾᬓᬓᬾᬦ᭄ᬤ᭄ᬭᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬓᬮᬶᬄᬳᬶᬭᬫᬶᬘᭂᬓᭂᬢᬶᬦ᭄᭞ᬳ᭄ᬥᬵᬧᬶᬲᬦ᭄‌ᬩ᭄ᬯᬶᬦ᭄ᬫᬫᬸᬲᬸᬄ᭞ᬢᭂᬓᬾᬦᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬬᬾᬦ᭄ᬢᭀ [ 57 ][᭕᭖ 56B]
᭕᭖
ᬧᬘᬂᬓᬮ᭄‌ᬫᬸᬲᬸᬳᬶᬦ᭄᭞ᬰ᭄ᬭᬶᬫᬳᬭᬚᬰᬓ᭄ᬢᬶᬧᬘᬂᬮᬯᬦ᭄᭟ᬭᬚᬩ᭄ᬭᬳ᭄ᬫᬕᬗ᭄ᬕᬜᭂᬫ᭄ᬩᬄ᭞ᬢᬶᬢ᭄ᬬᬂᬢᬦ᭄ᬧᬶᬯᬮ᭄ᬲᬳᬶᬭᬶᬂ᭞ᬮᬂᬮᬂᬩ᭄ᬯᬡᬵᬭᬭᬶᬲ᭄ᬩᬸᬤᬮ᭄᭞ᬇᬦ᭄ᬤ᭄ᬭᬲ᭄ᬬᬄᬧ᭄ᬭᬶᬓᬳᬸᬗ᭄ᬲᬶ᭞ᬭ
ᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬕᭂᬮᬶᬲ᭄ᬫᬜᭂᬫ᭄ᬩᬄᬢᬸᬃᬗᬸᬦ᭄ᬢᬸᬓ᭄᭞ᬮᬂᬮᬂᬩ᭄ᬯᬡᬫᬗᬸᬘᬧ᭄᭞ᬥᬸᬄᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬳᭂᬥᬵᬗ᭄ᬮᬯᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬲᬶᬬᬢ᭄᭟ᬢᭀᬂᬲᬶᬤ᭄ᬥᬩᬳᬦ᭄ᬗᬮᬯᬦ᭄᭞ᬳᬶ
ᬦ᭄ᬤ᭄ᬭᬩᬸᬫᬬᬯ᭄ᬬᬓ᭄ᬢᬶ᭞ᬳᬶᬤᭂᬧᬂᬤᬾᬯᬳᬶᬤᭂᬧᬂ᭞ᬳᭂᬥᬧᬶᬲᬦ᭄ᬫᬫᭀᬬᬦᬶᬦ᭄᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬓᬾᬦᬾᬧᬫᬶᬦᭂᬄᬤᬶᬓᬬᬸᬦ᭄᭞ᬬᬾᬦ᭄ᬓᬾᬦᬾᬢᭀᬂᬩᬓᬢᬂ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ
᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶᬫᬢᬸᬃᬜᭂᬫ᭄ᬩᬄ᭟ᬳᬶᬗ᭄ᬕᬶᬄᬓᬤᬶᬧᬯᬘᬡᬵ᭞ᬢᬶᬢ᭄ᬬᬂᬢᬦ᭄ᬧᬶᬯᬮ᭄ᬫᬗᬶᬭᬶᬂ᭞ᬮᬂᬮᬂᬩ᭄ᬯᬡᬭᬭᬶᬲ᭄ᬩᬸᬤᬮ᭄᭞ᬳᬶᬦ᭄ᬤ᭄ᬭᬩᬸᬫᬬᬓᬳᬸᬗ᭄ᬲᬶ᭞ᬫᬩ᭄ᬭᬶᬬᬸᬓ᭄ᬢᭂᬥᬸᬦᬦ᭄ᬲᬫᬶ᭞ᬫ

[᭕᭗ 57A]
᭕᭗
ᬜᭂᬫ᭄ᬩᬄᬧᬥᬫᬗᬸᬦ᭄ᬢᬸᬓ᭄᭞ᬫᬮᬶᬗ᭄ᬕᬶᬄᬮᬂᬮᬂᬩ᭄ᬯᬡ᭞ᬲᭂᬲᭂᬓ᭄ᬚᭂᬚᭂᬮ᭄ᬦᬾᬫᬦᬗ᭄ᬓᬶᬮ᭄᭞ᬮᬂᬮᬂᬩ᭄ᬯᬡᬵ᭞ᬩᬦ᭄ᬩᬦ᭄ᬳᬮᬸᬲ᭄ᬫᬗᬦ᭄ᬤᬶᬓᬵ᭟ᬥᬸᬄᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ
᭞ᬲᬸᬩᬢᬸᬦ᭄ᬤᬾᬦ᭄ᬩᬧᬗᬚᬓ᭄᭞ᬫᬮᬶᬄᬓᬓᬾᬦ᭄ᬤ᭄ᬭᬦᬾᬚᬦᬶ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬳᬢᬸᬭᬶᬦ᭄ᬚᬦᬶᬫᬗ᭄ᬮᬯᬸᬢ᭄᭞ᬫᬧᬗ᭄ᬕᬶᬄᬓᬾᬦ᭄ᬧᬸᬱ᭄ᬧᬳᬶᬦ᭄ᬤ᭄ᬭ᭞ᬫᬗ᭄ᬮᬫᬃᬓᬸᬲᬸᬫᬤᬾᬯᬶ᭞
ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬫᬗᬶᬭᬶᬗᬂ᭟ᬯᬸᬲ᭄ᬗᬸᬘᬧ᭄ᬮᬯᬸᬢ᭄ᬫᬍᬘᬢ᭄᭞ᬮᬂᬮᬂᬩ᭄ᬯᬡᬦᬾᬦᬾᬚᬦᬶ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬲᬋᬂᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬢᬶᬫ᭄ᬩᬮᬂ
ᬚᬦᬶᬓᬯᬸᬯᬸᬲ᭄᭞ᬮᬯᬸᬢ᭄ᬭᬚᬩ᭄ᬭᬳ᭄ᬫᬵᬕᬗ᭄ᬕ᭞ᬗᬦ᭄ᬢᬸᬓᬂᬳᬶᬤᬢ᭄ᬯᬦ᭄ᬧᬸᬢ᭄ᬭᬶ᭞ᬲᬭᬯᬸᬳᬾ᭞ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬓᬓᬾᬦ᭄ᬤ᭄ᬭᬦ᭄᭟ᬮᬾᬤᬂᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬫᬓᬤᬶᬜᬧ᭄ᬭᬫᬶᬰ᭄ᬯᬭᬶ᭞ᬭ [ 58 ][᭕᭗ 57B]
᭕᭗
ᬚᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬶᬂᬧᬸᬭᬶ᭞ᬳᬶᬦᬂᬧᬗᭂᬫ᭄ᬩᬦᬾᬲᬫᬶ᭞ᬢᬶᬦ᭄ᬤᬓᬦᬾᬫᬶᬜ᭄ᬘᬂᬫᬶᬜ᭄ᬘᬸᬂ᭞ᬦ᭄ᬤᬩ᭄ᬥᬩᬂᬧᬬᬳᬬᬳᬦ᭄᭞ᬭᬚᬩ᭄ᬭᬳ᭄ᬫᬕᬗ᭄ᬕᬭᬭᬶᬲ᭄᭞ᬲᬳᬶᬦ᭄ᬤᬶᬓᬾ᭞ᬲᬫᬶ
ᬲᬫ᭄ᬧᬸᬦ᭄ᬓᬧᬶᬤᬃᬢ᭄ᬢ᭟ᬲᬲᬫ᭄ᬧᬸᬦᬾᬭᬭᬶᬲ᭄ᬩᬸᬤᬮ᭄᭞ᬭᬚᬩ᭄ᬭᬳ᭄ᬫᬕᬗ᭄ᬕᬚᬦᬶ᭞ᬲᬫ᭄ᬩᬸᬂᬮᬯᬸᬢ᭄ᬘᬭᬶᬢᬬᬂ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬲᬋᬂᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬧᬫᬃᬕ᭄ᬕᬶᬦᬾᬲᬕᬾᬢ᭄ᬭᬯᬸᬄ᭞ᬦᬧᬓ᭄ᬳᬶᬤᬤᬶ
ᬓᬾᬦ᭄ᬤ᭄ᬭᬦ᭄᭞ᬲᬫ᭄ᬧᬸᬦ᭄ᬫᬸᬗ᭄ᬕᬳᬦ᭄ᬫᬮᬶᬗ᭄ᬕᬶᬄ᭞ᬰ᭄ᬭᬶᬫᬳᬵᬭᬵᬚᬰᬓ᭄ᬢᬶᬭᬭᬶᬲ᭄ᬗᬸᬘᬧ᭄᭟ᬥᬸᬄᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬧᬶᬦᬸᬦᬲ᭄ᬩᬸᬓᬦᬾᬚᬦᬶ᭞ᬢᬸᬮᬸᬲᬂᬤᬾᬯᬵᬢᬸᬮᬸᬲᬂ᭞ᬫᬗ᭄ᬤᬾᬭᬳᬬᬸᬓᬧᬗ᭄ᬕᬶᬄ᭞
ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬩᭂᬘᬶᬓ᭄ᬧᬚᬗ᭄ᬓᭂᬧᬂᬭᬢᬸ᭞ᬢᭂᬓᬾᬦᬶᬂᬳᬶᬦ᭄ᬤ᭄ᬭᬩᬸᬫᬬ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬶᬤᬃᬢ᭄ᬢᬬᬂ᭞ᬳᬶᬦ᭄ᬤᬶᬓᬾᬳᬶᬦ᭄ᬤ᭄ᬭᬩᬸᬫᬬ᭟ᬫᬳᬭᬚᬧᬸᬱ᭄ᬧᬇᬦ᭄ᬤ᭄ᬭ᭞ᬦᬦᭂᬂᬧᬫᬶᬦᭂᬄᬤᬶ

[᭕᭘ 58A]
᭕᭘
ᬋᬤ᭄ᬥᬶ᭞ᬬᬾᬦ᭄ᬢᭂᬓᬾᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬓᬮ᭄ᬲ᭄ᬭᬳᬂᬢ᭄ᬯᬦ᭄ᬤᬾᬯᬶ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬓᬾᬦ᭄ᬓᬾᬦ᭄ᬳᬶᬤᭂᬧ᭄ᬜᬦᬾᬮᬯᬸᬢ᭄᭞ᬦᬗ᭄ᬳᬶᬂᬲᬫ᭄ᬧᬸᬦ᭄ᬧᬶᬦᭂᬄᬧᬶᬲᬦ᭄᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬧᬫᬶᬦᭂ
ᬳᬾ᭞ᬫᬳᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭟ᬓᭂᬜᭂᬫ᭄ᬫᬮᬶᬄᬫᬗᬦ᭄ᬤᬶᬓᬵ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬲᬫ᭄ᬧᬸᬦ᭄ᬧᬶᬲᬦ᭄ᬫᬗᭀᬩᭂᬢᬂ᭞ᬓᬋᬧ᭄ᬭᬶᬂᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬬᬤᬶᬦ᭄ᬢᭂᬓᬵᬲᬧᬸᬦᬧᬶ᭞ᬧᬜᭂᬗ᭄ᬓᬮᬦᬾ
ᬧᬘᬂᬭᬯᬸᬄ᭞ᬢᬦ᭄ᬯᬾᬦ᭄ᬢᭂᬦ᭄ᬧᬘᬂᬜᬶᬤᬬᬂ᭞ᬲᬫ᭄ᬧᬸᬦᬂᬲᬸᬫᭂᬮᬂᬳᬤᬶ᭞ᬯᬶᬭᬾᬄᬲᬫ᭄ᬧᬸᬦ᭄᭞ᬮᬂᬮᬂᬩ᭄ᬯᬡᬫᬗ᭄ᬮᬸᬗᬂ᭟ᬫᬳᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬭᬭᬶᬲ᭄ᬫᬢᬸᬃᬲᬳᬵᬪᬓ᭄ᬢᬶ᭞ᬬᬦ᭄ᬯᬦ᭄ᬢᬄᬳᬲᬧᬸᬦᬶᬓ᭞
ᬢᬶᬢ᭄ᬬᬂᬧᬶᬢᭂᬮᬲ᭄ᬫᬗᬶᬭᬶᬂ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬫᬮᬶᬄᬫᬗᬦ᭄ᬤᬶᬓᬵᬳᬮᬸᬲ᭄᭞ᬳᬸᬮᬶᬚᬦᬶᬓᬾᬤᬩ᭄ᬤᬩᬂ᭞ᬩᬧᬓᬮ᭄ᬳᬾᬗ᭄ᬕᬮ᭄ᬫᬧᬫᬶᬢ᭄᭞ᬤᬾᬦᬶᬂᬲᬸᬩ᭞ᬫᬓᭂᬮᭀᬦᬶᬗ᭄ᬕᬮ᭄ᬧᬢᬧ [ 59 ][᭕᭘ 58B]
᭕᭘
ᬦ᭄᭟ᬦᬾᬚᬦᬶᬲᬸᬩᬫᬫᬃᬕ᭄ᬕ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬓᬤᬶᬜᬭᬚᬚᭀᬳᬦ᭄᭞ᬧᬫᬃᬕ᭄ᬕᬶᬦᬾᬮᬶᬦ᭄ᬢᬂᬕ᭄ᬮᬶᬲ᭄᭞ᬰ᭄ᬭᬷᬫᬳᬭᬚᬰᬓ᭄ᬢᬶ᭞ᬓᬧᬲᬗ᭄ᬕ᭄ᬭᬳᬦ᭄ᬫᬜ᭄ᬚᬸᬚᬸᬃ᭞ᬲᬭᬯᬸᬳᬾᬭᬶᬂᬧᬲᬗ᭄ᬕ᭄ᬭ
ᬳᬦ᭄᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬭᬭᬶᬲ᭄ᬗᬸᬘᬧ᭄ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭟ᬦᬾᬚᬦᬶᬲᬸᬩᬜᬶᬤᬬᬂ᭞ᬦᬄᬤᬩ᭄ᬥᬩᬂᬦᬾᬦᬾᬚᬦᬶ᭞ᬦᬾᬚᬦᬶᬚᬮᬦ᭄ᬓᬓᬾᬦ᭄ᬤ᭄ᬭᬦ᭄᭞ᬧᬘᬂᬫᬗ᭄ᬮᬯᬸᬢ᭄ᬫᬩᬸᬜ᭄ᬘᬶᬂ
᭞ᬢ᭄ᬯᬭᬳᬸᬘᬧᬂᬮᬯᬸᬢ᭄ᬯᭂᬗᬶ᭞ᬫᬦᬶᬧᬲᭂᬫᭂᬗᬦ᭄ᬲᬫ᭄ᬧᬸᬦ᭄᭞ᬫᬤᬩ᭄ᬤᬩ᭄ᬧᬘᬂᬫᬫᬃᬕ᭄ᬕ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬫᬓᬤᬶᬜ᭞ᬫᬳᬵᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭟ᬫᬳᬵᬋᬱᬶᬳᬦ᭄ᬢᬓᬸᬰ᭞ᬭᬚ
ᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬢᬸᬃᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬓᬓᬾᬦ᭄ᬤ᭄ᬭᬦ᭄ᬭᬭᬶᬲ᭄ᬫᬗᬸᬗ᭄ᬲᬶ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬧ᭄ᬮᬶᬗ᭄ᬕᬶᬳᬦ᭄ᬲᬶᬗ᭄ᬳᬫᬓ᭄ᬩᬸᬃ᭞ᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬫᬧ᭄ᬮᬶᬗ᭄ᬕᬶᬳᬦ᭄ᬭᬣᬫᬡᬶᬓ᭄᭞ᬢᬸᬃᬫᬓᭂ

[᭕᭙ 59A]
᭕᭙
ᬩᬸᬃ᭞ᬫᬶᬯᬄᬋᬱᬶᬳᬦ᭄ᬢᬓᬸᬰ᭟ᬫᬧᬮᬶᬗ᭄ᬕᬶᬳᬦ᭄ᬯᬶᬮ᭄ᬫᬡ᭞ᬧᬓᭂᬩᬸᬭᬾᬗᬮᬶᬓᬮᬶᬓ᭄᭞ᬭᬚᬚᭀᬳᬦ᭄ᬫᬧ᭄ᬮᬶᬗ᭄ᬕᬶᬳᬦ᭄᭞ᬫᬳᬤᬦ᭄ᬚᬭᬦ᭄ᬲᬫ᭄ᬩ᭄ᬭᬡᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬓᬤᬶ᭞ᬫᬧ᭄ᬮᬶᬗ᭄ᬕᬶ
ᬳᬦᬾᬓᬯᬸᬯᬸᬲ᭄᭞ᬕᬚᬄᬧᬸᬢᬶᬄᬮᬶᬦ᭄ᬢᬂᬩᬶᬦᬮ᭄᭞ᬧᬫᬃᬕ᭄ᬕᬶᬦᬾᬲᬤᬵᬕ᭄ᬮᬶᬲ᭄᭞ᬳᬩ᭄ᬭᬶᬬᬸᬓᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬓᬾᬦ᭄ᬤ᭄ᬭᬦ᭄᭟ᬲᬭᬯᬸᬳᬾᬫᬭᬶᬂᬓᬾᬦ᭄ᬤ᭄ᬭᬦ᭄᭞ᬭᬫᬾᬦᬾᬢᬦ᭄ᬲᬶᬧᬶᬲᬶᬧᬶ
᭞ᬳᭂᬕᭀᬂᬦᬩᬸᬄᬫᬲ᭄ᬮᬶᬬᬸᬭᬦ᭄᭞ᬢᬫ᭄ᬩᬸᬭᬾᬗ᭄ᬭᬸᬤᬸᬕ᭄ᬫᬫᬸᬜᬶ᭞ᬤᬸᬮᬸᬭᬶᬦ᭄ᬩᬦ᭄‌ᬫᬸᬜᬶᬦ᭄ᬩᭂᬤᬶᬮ᭄᭞ᬫᬫᬲᬾᬫᬩᬜ᭄ᬚᬄᬲᬫ᭄ᬧᬸᬦ᭄᭞ᬩᬦ᭄ᬤᬾᬭᬫᬧᬦ᭄ᬢᬧᬦ᭄ᬢ᭞ᬓᬳᬫᭀᬂᬩᬦ᭄ᬧᬭᬳᬮᬶᬢ᭄᭞ᬳᭂᬕᭀᬂ
ᬓᭂᬩ᭄ᬬᬃ᭞ᬢᬸᬃᬲ᭄ᬫᬭᬧᬕᬸᬮᬶᬗᬦ᭄᭟ᬫᬳᬵᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬭᬶᬂᬩᬜ᭄ᬘᬶᬗᬄᬲᬫ᭄ᬧᬸᬦ᭄‌ᬫ᭄ᬮᬶᬗ᭄ᬕᬶᬄ᭞ᬓᬢᬗ᭄ᬓᬶᬮ᭄ᬩᬦ᭄ᬩᬯᬸᬤᬡ᭄ᬥ᭞ᬫᬧᬶᬬᬓᬦ᭄ᬢᭂᬤᬸᬦ᭄ᬲᬫᬶ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬮᬸᬗ᭄ᬕᬸᬄ [ 60 ][᭕᭙ 59B]
᭕᭙
᭞ᬫᬳᬋᬱᬶᬓᬱ᭄ᬡᬳᬶᬦ᭄ᬤ᭄ᬭ᭞ᬋᬱᬶᬳᬦ᭄ᬢᬓᬸᬰᬫᬮᬶᬄ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬫᬓᬤᬶᬜ᭟ᬗ᭄ᬳᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬓᬚᬩᬢᭂᬗᬄᬫᬗ᭄ᬭᬭᬶᬲ᭄᭞ᬳᬶᬭᬶᬓᬧᬲᬗ᭄ᬕ᭄ᬭᬳᬦ᭄ᬳᬶᬤ᭞ᬧᬢᬫ᭄ᬬᬸᬯᬶᬩᬸᬄ
ᬢᬦ᭄ᬲᬶᬧᬶ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫᬧᬫᬶᬢ᭄ᬳᬶᬤᬫᬗ᭄ᬮᬯᬸᬢ᭄᭞ᬫᬗᭀᬚᭀᬓᬚᬩᬵᬢᭂᬗᬄ᭞ᬰ᭄ᬭᬶᬫᬳᬭᬵᬚᬰᬓ᭄ᬢᬶ᭞ᬫᬓᬫᬶᬯᬄ᭞ᬫᬳᬋᬱᬶᬳᬦ᭄ᬢᬓᬸᬰ᭟ᬫᬳᬭᬚᬓᬱ᭄ᬡᬘᬶᬦ᭄ᬤ᭄ᬭ᭞ᬲᬋᬂᬢ
ᬢᬶᬕᬵᬫᬗ᭄ᬭᬭᬶᬲ᭄᭞ᬭᬶᬂᬭᬗ᭄ᬓᬶᬧᬲᬗ᭄ᬕ᭄ᬭᬦ᭄ᬳᬶᬤ᭞ᬢᬦ᭄ᬘᬭᬶᬢᬲᬫ᭄ᬧᬸᬦ᭄ᬯᭂᬗᬶ᭞ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬧᬸᬧᬸᬢ᭄ᬫᬳᬶᬬᬲᬶᬦ᭄ᬲᬫ᭄ᬧᬸᬦ᭄᭞ᬢᬸᬃᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫᬦ᭄ᬤᬩ᭄ᬤᬩᬂ᭞ᬲ
ᬫ᭄ᬧᬸᬦᬾᬧᬸᬧᬸᬢ᭄ᬫᬳᬶᬬᬲ᭄᭟ᬦᬾᬫᬗ᭄ᬓᬶᬦ᭄ᬳᬶᬦ᭄ᬤ᭄ᬭᬩᬸᬫᬬ᭞ᬓᬕᭂᬤᭀᬂᬲᬸᬲᬸᬦ᭄ᬫᬗ᭄ᬭᬭᬶᬲ᭄᭞ᬫᬫᬭᬦᬶᬦ᭄ᬓᬧᬫᬺᬫᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬲᬫ᭄ᬧᬸᬦᬾᬫᬓᬜ᭄ᬘᬶᬂᬓᬸᬭᬶ᭞ᬭᬭᬶᬲ᭄ᬫᬦᬸᬳᬸ

[᭖᭐ 60A]
᭖᭐
ᬦᬂᬓ᭄ᬮᬫ᭄ᬩᬸ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬘᬧ᭄᭞ᬳᬭᬸᬄᬩᬸᬫᬭᬓᬧᬗ᭄ᬕᬶᬄ᭞ᬚᬶᬯᬦ᭄ᬢᬶᬢ᭄ᬬᬂ᭞ᬫᬓᭂᬮᭀᬲᬦ᭄ᬫᬩᭂᬮᬲᬦ᭄᭟ᬢ᭄ᬯᬦ᭄ᬧᬸᬢ᭄ᬭᬶᬓᭂᬜᭂᬫ᭄ᬳᬗᬸᬘᬧ᭄᭞ᬓᭂᬫᬶᬓᬦ᭄ᬮᬫ᭄ᬩᬾᬦᬾᬩᬗ᭄ᬓᬶᬢ᭄᭞ᬳᬭᬄᬧᬶᬢ
ᬳᬦᬂᬢᬶᬢ᭄ᬬᬂ᭞ᬩᭂᬮᬶᬲᬫ᭄ᬧᬸᬦ᭄ᬫᬗᭂᬫᬲᬶᬦ᭄᭞ᬓᬲᭀᬃᬤᬾᬯᬵᬢᬢᬚᬸᬭᬶᬢ᭄᭞ᬫᬦᬄᬢᬶᬢ᭄ᬬᬂᬓ᭄ᬮᭂᬩᬄᬓ᭄ᬮᭂᬩᬸᬄ᭞ᬓᭂᬲ᭄ᬬᭀᬃᬓᭂᬲ᭄ᬬᭀᬃᬚ᭄ᬭᭀᬦᬶᬂᬕᬸᬯᬵ᭞ᬗᬚᬧᬚᬧ᭄‌ᬲ᭄ᬯᬾᬘ᭄ᬘᬦ᭄ᬯᬶᬤ᭄ᬥᬶ᭞ᬫᬗ᭄ᬤᬵ
ᬩᭂᬮᬶ᭞ᬭᬳᬬᬸᬧᬜ᭄ᬚᬗᬶᬂᬬᬸᬱ᭟ᬬᬦ᭄ᬧᬤᬾᬩᭂᬮᬶᬦ᭄ᬤᬾᬯᬢ᭞ᬚᬦ᭄ᬢᭂᬦ᭄ᬢᬶᬢ᭄ᬬᬂᬫᬫ᭄ᬩᬾᬮᬦᬶᬦ᭄᭞ᬦᬧᬶᬧᬦ᭄ᬤᬤᭀᬲᬦ᭄ᬢᬶᬢ᭄ᬬᬂ᭞ᬓᬮᬸᬤ᭄ᬳᬶᬤᬸᬧ᭄ᬩᬮᬸᬫᬦᬶᬲ᭄᭞ᬓᬧᬶᬢᬸᬯᬶᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬲᬵ
ᬫ᭄ᬧᬸᬦ᭄ᬓᬧᬢᬕᭀᬦ᭄ᬭᬢᬸ᭞ᬭᬶᬂᬧᬺᬦᬄᬫᬶᬦ᭄ᬤᭀᬦ᭄ᬢᬶᬢ᭄ᬬᬂ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬢᬶᬢ᭄ᬬᬂᬲᬫ᭄ᬧᬸᬦ᭄᭞ᬭᬶᬂᬩᭂᬮᬶᬬᬫᬧᬸᬧᬸᬢᬦ᭄᭟ᬳᬶᬦ᭄ᬤ᭄ᬭᬩᬸᬫᬬᬫᬦᬶᬫ᭄ᬩᬮ᭄᭞ᬲᬫ᭄ᬩᬶᬮ᭄ᬫᬗᬸᬲᬸᬳᬸᬲᬸᬳᬶᬦ᭄᭞ᬳᭂ [ 61 ][᭖᭐ 60B]
᭖᭐
ᬦᬾᬩᭂᬮᬶᬲᬸᬩᬩᬕ᭄ᬬ᭞ᬓᬤᬸᬂᬚᬩᭂᬮᬶᬗᭂᬫᬲᬶᬦ᭄᭞ᬮᬘᬸᬃᬤᬶᬧᬲ᭄ᬬᬢᬦ᭄ᬫᬢᬶ᭞ᬲ᭄ᬯᬃᬕ᭄ᬕᬵᬧᬶᬲᬦ᭄ᬢᬶᬢ᭄ᬬᬂᬭᬢᬸ᭞ᬫᬢᬶᬫᬗᭂᬫᬲᬶᬦ᭄ᬳᬶᬤ᭞ᬤᬶᬚᬵᬗᬮᬶᬄᬲ᭄ᬯᬃᬕ᭄ᬕᬩᬸᬯᬶᬦ᭄᭞ᬗᬮᬶᬄᬍᬕ᭞ᬫᬸᬮᬫ
ᬲᬦ᭄ᬤᬶᬂᬤᬸᬄᬓᬶᬢ᭟ᬳᭂᬗ᭄ᬓᬾᬦ᭄ᬧᬯᬓᬦ᭄ᬤᬸᬄᬓᬶᬢ᭞ᬬᬦᬶᬂᬩᭂᬮᬶᬫᬗᭂᬦᭂᬳᬶᬦ᭄᭞ᬤᬸᬓ᭄ᬳᬤᬶᬓᭂᬩᬸᬭᬂᬫ᭄ᬭᬓ᭄᭞ᬩᭂᬮᬶᬲᭂᬤᬶᬄᬗᭂᬢᬸᬤ᭄ᬩᬸᬭᬶ᭞ᬫᬭᬱᬵᬢᭀᬂᬓᬧᬗ᭄ᬕᬶᬄ᭞ᬬᬦ᭄ᬢᬦ᭄ᬧᬜ᭄ᬯᬾᬘ᭄ᬘ
ᬦ᭄ᬳ᭄ᬬᬂᬳᬕᬸᬂ᭞ᬍᬕᬦᬾᬚᬦᬶᬜᭂᬓᬮᬵ᭞ᬲᭂᬓᬮᬦ᭄ᬜᬦᬾᬢ᭄ᬯᬄᬳᬤᬶ᭞ᬗᬍᬕᬦᬶᬦ᭄᭞ᬫᬓᬤᬶᬦᬶᬢᬳᬂᬢᬶᬢ᭄ᬬᬂ᭟ᬢ᭄ᬯᬦ᭄ᬧᬸᬢ᭄ᬭᬶᬲᬬᬦ᭄ᬲᬯᬢ᭄᭞ᬮᬸᬭᬸᬘᬘᬶᬗᬓᬾᬳᬭᬶᬧ᭄᭞ᬩᬳᬦᬾ
ᬳᬮᬄᬘᬗ᭄ᬓ᭄ᬭᬶᬫᬂ᭞ᬤᬾᬦᬶᬂᬧᬗ᭄ᬭᬸᬫ᭄ᬭᬸᬫᬾᬍᬯᬶᬄ᭞ᬢ᭄ᬯᬦ᭄ᬧᬸᬢ᭄ᬭᬶᬫᬺᬫ᭄ᬳᬭᬶᬧ᭄᭞ᬢᬶᬗ᭄ᬓᬳᬾᬫᬺᬫ᭄ᬜᬓᬦᬸᬢ᭄᭞ᬭᬫ᭄ᬩᬸᬢᬾᬫᬲᬸᬭᬫ᭄ᬩ᭄ᬬᬦ᭄᭞ᬫᬲᭂᬧᬸᬓ᭄ᬩᭀᬦ᭄ᬜᬦᬾᬫᬶᬳᬶᬓ᭄᭞ᬭᬚᬳᬶᬦ᭄ᬤ᭄ᬭᬩᬸᬫᬬ

[᭖᭑ 61A]
᭖᭑
ᬳᬤᬾᬂᬫᬸᬦ᭄ᬤᬸᬳᬂ᭟ᬳᬶᬦ᭄ᬤ᭄ᬭᬩᬸᬫᬬᬫᬦ᭄ᬮᬦᬂ᭞ᬫᬺᬫ᭄ᬳᬧᬂᬤᬫᬢᬗᬶ᭞ᬤᭀᬦᬶᬂᬫᬭᬫᬲᭂᬧ᭄ᬲᭂᬧᬦ᭄᭞ᬢᬸᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬭᬜ᭄ᬚᬗᬾᬳᭂᬜ᭄ᬚᬶᬢ᭄ᬳᭂᬜ᭄ᬚᬶᬢ᭄᭞ᬤᬾᬦᬶᬂᬳᭂᬧᬶᬃᬜ
ᬦᬾᬍᬫᬸᬄ᭞ᬤᬤᬶᬜᬓᬮᬄᬓᭀᬘᭀᬓᬂ᭞ᬳᬭᬶᬲ᭄ᬧᬺᬫᬾᬦᬾᬲᬂᬓᬮᬶᬄ᭞ᬧᬲᭂᬫᭂᬗᬦ᭄ᬫᬳᬸᬗᬸᬭᬭᬶᬲ᭄ᬫᬲᬶᬭᬫ᭄᭟ᬫᬳᬵᬋᬱᬶᬓᬱ᭄ᬡᬵᬘᬶᬦ᭄ᬤ᭄ᬭ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬳᬵᬋ
ᬱᬶᬳᬦ᭄ᬢᬓᬸᬰ᭞ᬤᬶᬳᬫ᭄ᬩᬾᬦ᭄ᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬫᭂᬧᭂᬲ᭄ᬦᬗ᭄ᬓᬶᬮᬶᬦ᭄ᬫᬗᬸᬦ᭄ᬢᬸᬓ᭄᭞ᬫᬳᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬭᬯᬸᬄᬤᬾᬦᬶᬂᬧᬘᬂᬦᬗ᭄ᬓᬶᬮ᭄᭞ᬫᬳᬶᬭᬶᬗᬦ᭄᭞ᬭᬚ
ᬲ᭄ᬬᬄᬩᬸᬤ᭄ᬥᬦ᭄ᬤᬾᬯᬵ᭟ᬫᬳᬵᬭᬚᬧᬸᬱ᭄ᬧᬤᬿᬶᬸᬯᬶᬸᬳᬶᬦ᭄ᬤ᭄ᬭ᭞ᬫᬸᬗ᭄ᬕᬳᬦ᭄ᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬫᬢᬸᬃᬳᬮᬸᬲ᭄ᬲᬤᬩᬦ᭄ᬩᬦ᭄᭞ᬭᬶᬂᬰ᭄ᬭᬶᬫᬳᬭᬵᬚᬰᬓ᭄ᬢᬶ᭞ᬧᬫᬦᬄᬢᬶᬢ᭄ᬬᬂᬦᬾᬫᬗ᭄ᬓᬶ [ 62 ][᭖᭑ 61B]
᭖᭑
ᬦ᭄᭞ᬭᬶᬂᬳᬶᬦ᭄ᬤ᭄ᬭᬩᬸᬫᬬᬭᬢᬸ᭞ᬫᬜᬸᬓ᭄ᬲ᭄ᬭᬳᬂᬲᬧᬶᬲᬦ᭄᭞ᬫᬗ᭄ᬤᬳᬶᬧᬸᬦ᭄ᬯᬗ᭄ᬕᭂᬦ᭄ᬢᭀᬲᬶᬦ᭄᭞ᬫᬗᬕᬸᬗᬶᬦ᭄ᬳᬶᬭᬶᬓᬶᬭᬶᬂᬓᬳᬶᬦ᭄ᬤ᭄ᬭᬳᬦ᭄᭟ᬓᭂᬜᭂᬫ᭄ᬧᬲᬯᬸᬭᬾᬩᬦ᭄ᬩᬦ᭄᭞ᬰ᭄ᬭᬷᬫᬳ
ᬭᬚᬰᬓ᭄ᬢᬶ᭞ᬬᬾᬦ᭄ᬓᬾᬢᭀᬳᬶᬤᭂᬧ᭄ᬳᬶᬤᬾᬯᬵ᭞ᬫᭂᬮᬄᬢᬸᬦ᭄ᬤᬾᬦᬂᬫᬗᬮᬶᬄ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬫᬲᬶᬄᬬᬢᬭᬾᬓᬶᬦ᭄ᬫᬮᬸ᭞ᬫᬳᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬕᭂᬮᬶ
ᬲ᭄‌ᬦ᭄ᬤᬯᬸᬳᬂᬗᬢᬸᬭᬶᬦ᭄᭞ᬳᬸᬢᬸᬲᬦᬾ᭞ᬓᬕᭂᬤᭀᬂᬲᬸᬲᬸᬦ᭄ᬫᬚᬮᬦ᭄᭟ᬲᬭᬯᬸᬳᬾᬫᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬓᬳᬸᬢᬸᬲ᭄ᬦᬾᬫᬗ᭄ᬓᬶᬦ᭄᭞ᬗᬢᬸᬭᬶᬦ᭄‌ᬘᭀᬓᭀᬃᬳᬶᬤᬾᬯᬵ᭞ᬫᬗ᭄ᬤ
ᬓᬭᬗ᭄ᬓᬶᬫᬦᬗ᭄ᬓᬶᬮ᭄᭞ᬳᬶᬦ᭄ᬤ᭄ᬭᬩᬸᬫᬬᬫᬫᬃᬕ᭄ᬕᬶ᭞ᬫᬜᭂᬫ᭄ᬩᬄᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬫᬲᬦ᭄ᬤᬶᬂᬭᬶᬂᬭᬚᬚᭀᬳᬦ᭄᭞ᬧᬸᬱ᭄ᬧᬳᬶᬦ᭄ᬤ᭄ᬭᬗᬸᬘᬧ᭄ᬳᬭᬶᬲ᭄᭞ᬧᬦᬓ᭄ᬩᬧ᭞ᬳᬶᬤᬾᬯᬳᬶᬦ᭄ᬤ᭄ᬭᬩᬸ

[᭖᭒ 62A]
᭖᭒
ᬫᬬ᭞ᬩᬧᬜᭂᬭᬳᬂᬲᬧᬶᬲᬦ᭄᭞ᬳᬶᬤᬾᬯᬦᬾᬚᬦᬶᬤᬶᬦᬶ᭞ᬫᬗᬕᬸᬗᬶᬦ᭄ᬤᬶᬓᬳᬶᬦ᭄ᬤ᭄ᬭᬦ᭄᭞ᬲᬭᬳᬶᬤᬾᬯᬵᬗᭂᬜ᭄ᬘᬦᬶᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬵᬗᬪᬓ᭄ᬢᬶ᭞ᬧᬲᬯᬸᬭᬾ
ᬳᬍᬧ᭄ᬳᬮᬸᬲ᭄᭞ᬢᬶᬢ᭄ᬬᬂᬫᬦ᭄ᬤᬯᭂᬕᬂᬧᬶᬲᬦ᭄᭞ᬬᬾᬦᬶᬂᬢᬦ᭄ᬓᬩᬯᭀᬲ᭄ᬲᬶᬲᬶᬧ᭄᭞ᬢᬶᬢ᭄ᬬᬂᬚᬕ᭞ᬫᬦ᭄ᬢᬸᬓ᭄ᬓᬮᬾᬮᬵᬕᬫ᭄ᬩᬭ᭟ᬭᬚᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬭᬭᬶᬲ᭄ᬗᬸᬘᬧ᭄ᬭᬸᬫᬫᬦᬶ
ᬲ᭄᭞ᬗᬸᬤ᭄ᬬᬂᬓᬾᬢᭀᬩᬦ᭄ᬳᬶᬤᬾᬯᬵ᭞ᬳᬶᬭᬶᬂᬧᬓᬬᬸᬦᬦ᭄ᬤᬶᬦᬶ᭞ᬳᬶᬤᬾᬯᬵᬚᬦᬶᬗᬕᬸᬗᬶᬦ᭄᭞ᬧᬫ᭄ᬭᬕᬢᬵᬫᬲᬶᬄᬧᬢᬸᬄ᭞ᬤᬶᬚᬕᬢ᭄ᬮᬾᬮᬕᬫ᭄ᬩᬭ᭞ᬢᭂᬓᬾᬦᬶᬂᬦᬾᬚᬦᬶᬤᬶ
ᬦᬶ᭞ᬢ᭄ᬯᬭᬮᬾᬦᬦ᭄᭞ᬫᬲᬶᬄᬳᬶᬤᬾᬯᬵᬗᭂᬮᬳᬂ᭟ᬦᬾᬚᬦᬶᬳᬶᬦ᭄ᬤ᭄ᬭᬩᬸᬫᬬ᭞ᬢ᭄ᬯᬭᬗᭂᬮᬄᬓᬦ᭄ᬤᬚᬦᬶ᭞ᬮᬯᬸᬢ᭄ᬗᬶᬭᬶᬂᬧᬓᬬᬸᬦᬦ᭄᭞ᬤᬶᬓᬾᬦ᭄ᬤ᭄ᬭᬦ᭄ᬳᬶᬤᬗᬕᬸᬗᬶᬦ᭄ [ 63 ][᭖᭒ 62B]
᭖᭒
᭞ᬧᬲᬾᬗᬦᬾᬓᬲᬮᬶᬦᬶᬦ᭄᭞ᬓᬪᬶᬰᬾᬓᬜᭂᬦᭂᬂᬳᬕᬸᬂ᭞ᬢᬸᬃᬲᬸᬩᬓᬲᭀᬦ᭄ᬢ᭄ᬭᬳᬂ᭞ᬳᬶᬦ᭄ᬤ᭄ᬭᬩᬸᬫᬬᬦᬾᬚᬦᬶ᭞ᬫᬳᬵᬭᬚ᭞ᬮᬾᬮᬕᬫ᭄ᬩᬭᬧᬧᬭᬩ᭄᭟ᬲᬸ
ᬩᬲᬜ᭄ᬚᬘᬭᬶᬢᬬᬂ᭞ᬩᬸᬩᬃᬢᬗ᭄ᬓᬶᬮᬦᬾᬭᬭᬶᬲ᭄᭞ᬫᬳᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬓᬚ᭄ᬭᭀᬯᬦ᭄ᬫᬗ᭄ᬭᬭᬶᬲ᭄᭞ᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵᬗᬶᬭᬶᬂ᭞ᬭᬚᬚᭀᬳᬦ᭄ᬫᬗ᭄ᬮᬯᬸᬢ᭄
᭞ᬫᬗᬸᬗ᭄ᬲᬶᬓᬚᬩᬵᬢᭂᬗᬄ᭞ᬮᬾᬮᬕᬫ᭄ᬩᬭᬫᬗ᭄ᬭᬭᬶᬲ᭄᭞ᬓᬕᭂᬤᭀᬂᬲᬸᬲᬸᬦ᭄‌ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬫᬺᬫᬦ᭄᭟ᬬᬦ᭄ᬲᬸᬩᬓᬸᬤᬂᬩᬸᬮᬦ᭄᭞ᬮᬾᬮᬕᬫ᭄ᬩᬭᬫᬮᬶᬗ᭄ᬕᬶᬄ᭞ᬤᬶᬓᬾ
ᬦ᭄ᬤ᭄ᬭᬦ᭄ᬫᬜᭂᬦᭂᬂᬦᬵᬣ᭞ᬮᬾᬮᬕᬫ᭄ᬩᬭᬦᬾᬚᬦᬶ᭞ᬫᬾᬮᬶᬂᬭᬶᬂᬳᬚᬶᬩᬶᬩᬶ᭞ᬲ᭄ᬯᬪᬯᬦᬾᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬢᬸᬃᬩᬦ᭄ᬩᬦ᭄᭞ᬲᬧᬸᬦᬧᬶᬓᬶᬗᬶᬦ᭄ᬩᭂᬮᬶ᭞ᬲᬗᭀᬲᬗᭀ

[᭖᭓ 63A]
᭖᭓
᭞ᬲ᭄ᬯᬪᬯᬦᬾᬓᬲᭂᬩᭂᬢᬦ᭄᭟ᬧᬸᬦᬧᬶᬓᬾᬲᬶᬲᬶᬧ᭄ᬢᬶᬢ᭄ᬬᬂ᭞ᬦ᭄ᬤᬶᬓᬬᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬮᬾᬮᬵᬕᬫ᭄ᬩᬭᬫᬗᬸᬘᬧ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄ᬫᬲ᭄ᬫᬡᬶᬓ᭄᭞ᬳᬶᬤᬾᬯᬵ
ᬫᬦ᭄ᬤ᭄ᬭᬸᬯᬾᬍᬫ᭄ᬧᬶᬃ᭞ᬦᬾᬫᬯᬶᬦᬦ᭄ᬢᬶᬢ᭄ᬬᬂᬳᬶᬩᬸᬓ᭄᭞ᬫᬾᬮᬶᬂᬭᬶᬂᬳᬶᬫᬾᬫᬾᬩᬧ᭞ᬢᬶᬢ᭄ᬬᬂᬫᬫᬦᬄᬦᬾᬫᬗ᭄ᬓᬶᬦ᭄᭞ᬚᬕᬢᬸᬮᬓ᭄᭞ᬓᬚᬕᬢ᭄ᬮᬾᬮᬕᬫ᭄ᬩᬭ᭟ᬬᬾᬦᬶᬂᬢᬶ
ᬢ᭄ᬬᬂᬧᬘᬂᬩᬸᬤᬮ᭄᭞ᬳᬶᬤᬾᬯᬢᬾᬲᬧᬸᬦᬧᬶ᭞ᬢ᭄ᬯᬦ᭄ᬧᬸᬢ᭄ᬭᬶᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬕᬮᬶᬳᬶᬦ᭄᭞ᬧᬫᬦᬄᬢᬶᬢ᭄ᬬᬂᬚᬢᬶ᭞ᬲᬸᬩᬓ᭄ᬢᬶᬭᬶᬂᬩ᭄ᬮᬶᬦᬸᬮᬸᬲ᭄᭞ᬫᬗ᭄ᬤᬦᬾ
ᬧᬘᬂᬓᬚᬕᬢ᭄᭞ᬮᬾᬮᬵᬕᬫ᭄ᬩᬭᬯ᭄ᬬᬓ᭄ᬢᬶ᭞ᬫ᭄ᬮᬩᬸᬕ᭄ᬦᬶ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄‌ᬚᬩᭂᬮᬲ᭄᭟ᬢᬶᬢ᭄ᬬᬂᬲᬤ᭄ᬬᬗᬶᬭᬶᬂᬧᬶᬲᬦ᭄᭞ᬬᬤᬶᬦ᭄ᬫᬜᭂᬩᬸᬭᬶᬦ᭄ᬧᬲᬶᬄ᭞ᬓᬧᬶᬢᬸᬯᬶᬤᬤᬶ [ 64 ][᭖᭓ 63B]
᭖᭓
ᬜᬜᬤ᭄᭞ᬢᬶᬢ᭄ᬬᬂᬗᬶᬭᬶᬂᬮᬶᬗ᭄ᬕᬶᬄᬩᭂᬮᬶ᭞ᬲᬧᬸᬦᬶᬓᬵᬧᬶᬲᬦ᭄ᬩᭂᬮᬶ᭞ᬲᬫ᭄ᬧᬸᬦ᭄ᬢᬶᬓ᭄ᬱ᭄ᬡᬵᬭᬶᬂᬓᬬᬸᬦ᭄᭞ᬢᭂᬓᬓᬂᬭᬳᬸᬢ᭄ᬓᬓᬂ᭞ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂᬗᬾᬗᬶᬮᬶᬲ᭄᭞ᬭᬚᬮᬾᬮᬵᬕᬫ᭄ᬩ
ᬭᬓᭂᬜᭂᬫ᭄ᬫᬗᬸᬘᬧ᭄᭟ᬬᬦᬶᬂᬓᬾᬢᭀᬲᬶᬦᬄᬧᬶᬲᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬫ᭄ᬧᬾᬦᬶᬦ᭄᭞ᬢᬸᬯᬶᬳᬶᬭᬢᬸᬧᬶᬢᬺᬱ᭄ᬡᬵ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗ᭄ᬭᬭᬶᬲ᭄᭞ᬫᬫᭂᬥᭂᬓ᭄ᬧᬘᬂᬫᬧᬫᬶᬢ᭄᭞ᬭᬶᬂᬳ
ᬚᬶᬦ᭄ᬤᬳᬦᬓ᭄ᬳᬕᬸᬂ᭞ᬮᬾᬮᬕᬫ᭄ᬩᬭᬫᬫᬃᬕ᭄ᬕ᭞ᬲᬫ᭄ᬧᬸᬦᬾᬭᬯᬸᬄᬭᬶᬂᬧᬸᬭᬶ᭞ᬭᬭᬶᬲ᭄ᬜᭂᬫ᭄ᬩᬄ᭞ᬫᬮᬶᬗ᭄ᬕᬶᬄᬲᬫ᭄ᬧᬸᬦ᭄ᬫᬸᬗ᭄ᬕᬳᬦ᭄᭟ᬫᬳᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬗᬦ᭄ᬤᬶᬓᬵᬯᬘᬡᬵᬫᬦᬶᬲ᭄᭞ᬫᬳᬶ
ᬧᬳᭂᬓᬂᬫᬦᭂᬕᬓ᭄᭞ᬮᬾᬮᬵᬗᬫ᭄ᬩᬭᬗᬪᬓ᭄ᬢᬶ᭞ᬳᬢᬸᬭᬾᬳᬭᬸᬫᬫᬦᬶᬲ᭄᭞ᬧᬶᬤᬕᬶᬗᬦ᭄ᬳᬶᬧᬸᬦ᭄ᬭᬢᬸ᭞ᬢᬶᬢ᭄ᬬᬂᬫᬦ᭄ᬤᬯᭂᬕᬂᬧᬶᬲᬦ᭄᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬚᬕᬫᬦ᭄ᬢᬸ

[᭖᭔ 64A]
᭖᭔
ᬓ᭄᭞ᬓᬚᬕᬢ᭄ᬮᬾᬮᬕᬫ᭄ᬩᬭ᭟ᬫᬳᬵᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬫᬓᬤᬶᬜᬧ᭄ᬭᬫᬶᬰ᭄ᬯᬭᬶ᭞ᬳᬩ᭄ᬭᬶᬬᬸᬓᬦ᭄ᬧᬥᬗᬸᬘᬧ᭄᭞ᬳᬧᬤᬤᬶᬦ᭄ᬜᬦᬾᬚᬦᬶ᭞ᬳᬶᬤᬾᬯᬵᬫᬗᬮᬳᬶᬦ᭄᭞
ᬢᬦ᭄ᬧ᭄ᬭᬯᬗ᭄ᬤᬾᬲᬸᬳᬸᬂᬫᬸᬂᬫᬸᬂ᭞ᬤᬶᬦᬶᬤᬶᬓᬳᬶᬦ᭄ᬤ᭄ᬭᬬᬦ᭄᭞ᬫᬓᬵᬤᬶᬜᬩᬧᬩᬶᬩᬶᬅ᭄᭞ᬢᬦ᭄ᬧᬗᬶᬢᬸᬂ᭞ᬳᬶᬩᬸᬓᬾᬓᬮᬳᬶᬦ᭄ᬤᬾᬯ᭟ᬳ᭄ᬦᬄᬬᬾᬦ᭄ᬧᬓᭂᬥᭂᬄᬧᬶᬲᬦ᭄᭞ᬳᬶᬤᬾᬯ
ᬧᬘᬂᬫᬯᬮᬶ᭞ᬓᬚᬕᬢ᭄ᬮᬾᬮᬵᬕᬫ᭄ᬩᬭ᭞ᬲᬓᬾᬯᬮᬢᭀᬳᬶᬬᬤᬶ᭞ᬍᬕᬬᬂᬳᬗ᭄ᬕᭀᬦ᭄ᬕᬢᬶ᭞ᬓᬩᭂᬮᭀᬕᬦ᭄ᬜᬦᬾᬫᬸᬧᬸᬢ᭄᭞ᬳᬦ᭄ᬤᬾᬩᬧᬫᬦ᭄ᬤᬯᬸᬳᬂ᭞ᬦ᭄ᬤᬩ᭄ᬤᬩᬂ
ᬧᬘᬂᬦᬸᬢᬸᬢᬶᬦ᭄᭞ᬫᬢᬸᬃᬭᬚ᭞ᬮᬾᬮᬕᬫ᭄ᬩᬭᬫᬜᭂᬫ᭄ᬩᬄ᭟ᬲᬫ᭄ᬧᬸᬦ᭄ᬫᬮᬶᬄᬫᬫ᭄ᬩᬯᭀᬲᬂ᭞ᬚᬢ᭄ᬫᬵᬧᬘᬂᬫᬦᬸᬢᬸᬢᬶᬦ᭄᭞ᬭᬾᬄᬢᬶᬢ᭄ᬬᬂᬲᬫ᭄ᬧᬸᬦ᭄ᬲᭂᬥᬶᬬ᭞ᬲᬫ᭄ᬧᬸᬦᬺᬕᭂᬧ᭄ᬫᬓ [ 65 ][᭖᭔ 64B]
᭖᭔
ᬲᬫᬶ᭞ᬮᬾᬮᬕᬫ᭄ᬩᬭᬗᬪᬓ᭄ᬢᬶ᭞ᬫᬗ᭄ᬭᬭᬶᬲ᭄ᬓᬕᭂᬤᭀᬂᬲᬸᬲᬸᬦ᭄᭞ᬧᭂᬢᭂᬗᬾᬢ᭄ᬯᬭᬳᬸᬘᬧᬂ᭞ᬫᬶᬸᬫᬦᬶᬲᭂᬫᭂᬂᬲᬫ᭄ᬧᬸᬦ᭄ᬲᬫᬶ᭞ᬫᬦ᭄ᬤᬩ᭄ᬤᬩᬦ᭄᭞ᬫᬫᬋᬓ᭄ᬳᬶᬧᬸᬱ᭄ᬧᬳᬶᬦ᭄ᬤ᭄ᬭ᭟ᬢ᭄ᬯᬦ᭄ᬧᬸᬢ᭄ᬭᬶᬓᬸ
ᬲᬸᬫᬤᬾᬯ᭄ᬬᬵ᭞ᬫᬜᭂᬫ᭄ᬩᬄᬭᬶᬂᬳᬚᬶᬩᬶᬩᬶ᭞ᬮᬾᬮᬵᬕᬫ᭄ᬩᬭᬗᬺᬕᭂᬧᬂ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬢᬸᬫᬸᬮᬶᬕᭂᬮᬶᬲ᭄ᬗᬭᬜ᭄ᬚᬶᬂ᭞ᬓᬚ᭄ᬭᭀᬦᬶᬂᬓᬫᬮᬲᬫ᭄ᬧᬸᬦ᭄᭞ᬫᬓᬤᬶᬳᬶᬦᬂᬧ
ᬗᭂᬫ᭄ᬩᬦ᭄᭞ᬮᬾᬮᬕᬫ᭄ᬩᬭᬫᬫᬃᬕ᭄ᬕᬶ᭞ᬫᬧ᭄ᬮᬶᬗ᭄ᬕᬶᬳᬦ᭄᭞ᬕᬚᬳᬾᬦᬾᬧᬸᬢᬶᬄᬩᬶᬦᬮ᭄᭟ᬫᬳᬵᬋᬱᬶᬓᬱ᭄ᬡᬵᬘᬶᬦ᭄ᬤ᭄ᬭ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬫᬳᬋᬱᬶᬳᬦ᭄ᬢᬓᬸᬰ᭞ᬭᬚᬚᭀᬳᬦ᭄ᬲ᭄ᬬᬄ
ᬧ᭄ᬭᬶ᭞ᬲᬫᬶᬲᬫ᭄ᬧᬸᬦ᭄ᬗᬮᬶᬗ᭄ᬕᬶᬳᬶᬦ᭄᭞ᬧᬮᬶᬗ᭄ᬕᬶᬳᬦᬾᬦᬾᬲᬫ᭄ᬧᬸᬦ᭄᭞ᬭᬚᬲ᭄ᬬᬄᬩᬸᬃᬤ᭄ᬥᬦ᭄‌ᬫ᭄ᬧᬶᬸᬦᬶᬸᬤᬾᬯᬵ᭞ᬫᬧ᭄ᬮᬶᬗ᭄ᬕᬶᬳᬦ᭄ᬕ᭄ᬭᬸᬥᬧᬸᬢᬶᬄ᭞ᬳᬩ᭄ᬭᬶᬬᬸᬓᬦ᭄᭞ᬧᬫᬃᬕ᭄ᬕᬶᬦᬾᬕᬕᬗ᭄ᬲᬭᬦ᭄

[᭖᭕ 65A]
᭖᭕
᭟᭜᭟ᬧᬸᬄᬮᬗᬶᬢ᭄᭟᭜᭟ᬮᬯᬸᬢ᭄ᬢᬶᬫ᭄ᬩᬮ᭄ᬲᬮᬶᬦᬶᬦ᭄ᬩᬦ᭄ᬢᭂᬫ᭄ᬩᬂᬤᬹᬃᬫ᭄ᬫ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬲᬸᬩᬦᬶᬗᭂᬄᬳᭀᬃᬢ᭄ᬢ᭞ᬭᬚᬮᬾᬮᬵᬕᬫ᭄ᬩᬭ᭞ᬲᬫ᭄ᬧᬸᬦ᭄ᬩᬸᬤᬮ᭄ᬲᬦᬾᬫᬗ᭄ᬓᬶᬦ᭄᭞ᬲᬓᬶᬂᬓᬾ
ᬦ᭄ᬤ᭄ᬭᬦᬦ᭄᭞ᬧᬘᬂᬢᬸᬮᬓ᭄ᬓᬦᭂᬕᬭᬶ᭟ᬚᬦᬶᬓᬾᬦᬾᬧᬫᬶᬦᭂᬄᬳᬾᬚ᭄ᬭᭀᬦᬶᬂᬳᬗ᭄ᬕ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬳᬧᬢ᭄ᬯᬭᬓᬘᭂᬘᭂᬓᬦ᭄᭞ᬳᬶᬤᬾᬯᬓᬾᬯ
ᬮᬵᬫᬧᬫᬶᬢ᭄᭞ᬳᬦᬓ᭄ᬫᬚᬮᬦ᭄᭞ᬫᭂᬮᬄᬫᬧᬗ᭄ᬕᬶᬄᬦᬾᬚᬦᬶ᭟ᬢᭂᬓᬾᬦ᭄ᬩ᭄ᬭᬳ᭄ᬫᬮᭀᬕᬫ᭄‌ᬤᬶᬕ᭄ᬯᬵᬩ᭄ᬭᬳ᭄ᬫᬵᬤᬾᬯ᭞ᬳᭂᬦ᭄ᬢᭀᬳᬧᬗᬫᭂᬲᬸᬯᬶᬦ᭄᭞ᬫᬜᬤᬂᬤᬶᬚᬮᬦ᭄᭞ᬭᬚᬮᬾ
ᬮᬕᬫ᭄ᬩᬭ᭞ᬳᬧᬂᬩᬓᬢ᭄ᬢ᭄ᬯᬦ᭄ᬤᬾᬯᬶ᭞ᬮᬯᬸᬢ᭄ᬫᬫᬃᬕ᭄ᬕ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬲᬭᬯᬸᬳᬾᬤᬶᬕᬸᬯᬩ᭄ᬭᬳ᭄ᬫᬵᬤᬾᬯᬵ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬲᬫ᭄ᬧᬸᬦ᭄ᬫᬶᬤᬃᬢ᭄ᬢᬬᬂ᭞ᬭᬶᬂᬭᬚᬩ᭄ᬭᬳ᭄ᬫᬮᭀ [ 66 ][᭖᭕ 65B]
᭖᭕
ᬕᬫ᭄᭞ᬭᬭᬶᬲ᭄ᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬳᬕᭂᬮᬶᬲ᭄ᬩᬸᬤᬮ᭄᭞ᬲᬓᬶᬂᬳ᭄ᬤᭀᬄᬫᬦ᭄ᬤᭀᬮᬗᬶᬦ᭄᭟ᬭᬚᬩ᭄ᬭᬳ᭄ᬫᬵᬮᭀᬕᬫ᭄ᬲᬫ᭄ᬧᬸᬦ᭄ᬫᬦ᭄ᬤᬯᬸᬳᬂ᭞ᬲᬯᬢᭂᬓ᭄ᬳᭂᬚᬶᬫᬾᬲᬫᬶ᭞ᬤᬶᬕᬸᬯᬵᬩ᭄ᬭᬳ᭄ᬫᬤᬾ
ᬯᬵ᭞ᬫᬓᭂᬚᬂᬧᬥᬲᬶᬬᬕ᭞ᬲᬳᬲᬶᬓᭂᬧ᭄ᬫᬜᬋᬗᬶᬦ᭄᭞ᬫᬲ᭄ᬮᬶᬬᬸᬭᬦ᭄᭞ᬤᬶᬲᬶᬸᬲᬶᬲᬶᬦ᭄ᬕᬸᬯᬦᬾᬲᬫᬶ᭟ᬭᬚᬮᬾᬮᬵᬕᬫ᭄ᬩᬭᬦᬾᬚᬦᬶᬲᬸᬩ᭞ᬢᭂᬓᭂᬤ᭄ᬧᬫᬃᬕ᭄ᬕᬶᬦᬾᬕᭂᬮᬶᬲ᭄᭞ᬤᬶ
ᬢᭂᬧᬶᬦᬶᬂᬕᬸᬯ᭞ᬫᬤᬦ᭄ᬕᬸᬯᬵᬩ᭄ᬭᬳ᭄ᬫᬵᬤᬾᬯᬵ᭞ᬯᬢᭂᬓ᭄ᬳᭂᬚᬶᬫᬾᬗᬫ᭄ᬩᬗᬶᬦ᭄᭞ᬢᬸᬃᬬᬫᬗᬸᬘᬧ᭄᭞ᬳᭂᬥᬵᬫᬗ᭄ᬮᬶᬯᬢ᭄ᬦᬾᬫᬗ᭄ᬓᬶᬦ᭄᭟ᬬᬾᬦᬶᬂᬢ᭄ᬯᬭᬵᬳᭂᬜᬓ᭄ᬧᬘᬂᬫᬜᭂᬭᬳᬂ᭞ᬧᬸᬢ᭄ᬭᬶᬓᬸᬲᬸᬫ
ᬤᬾᬯᬶ᭞ᬓ᭄ᬭᭀᬥᬫᭂᬦ᭄ᬢᬂᬧᬦᬄ᭞ᬭᬚᬮᬾᬮᬕᬫ᭄ᬩᬭ᭞ᬓᬋᬩᬸᬢ᭄ᬩᬦ᭄ᬯᬢᭂᬓ᭄ᬳᭂᬚᬶᬫ᭄᭞ᬕᭂᬮᬶᬲ᭄ᬫᬜᬕ᭄ᬚᬕ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬫᬲᬋᬗᬦ᭄‌ᬭᬚᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬧᬲᬶᬬ

[᭖᭖ 66A]
᭖᭖
ᬢᬾᬭᬫᭂᬲ᭄ᬕᬢᬶ᭞ᬬᬦᬓᬸᬤᬂᬭᬸᬲᬓ᭄᭞ᬧᬜ᭄ᬚᬓᬾᬩ᭄ᬭᬳ᭄ᬫᬵᬮᭀᬕᬫ᭄᭞ᬭᬚᬩ᭄ᬭᬳ᭄ᬫᬮᭀᬕᬫ᭄ᬫᬶᬚᬶᬮ᭄᭞ᬫᬤᬤᬕᬦ᭄᭞ᬫᬫᬸᬲᬸᬄᬚᭀᬳᬦ᭄ᬲ᭄ᬬᬄᬧ᭄ᬭᬶ᭟ᬭᬚᬮᬾᬮᬕᬫ᭄ᬩᬭ᭞
ᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬫᬜ᭄ᬚᬕ᭄ᬚᬕ᭄ᬮᬯᬸᬢ᭄ᬗᭂᬫ᭄ᬩᬸᬮᬶᬦ᭄᭞ᬭᬚᬩ᭄ᬭᬳ᭄ᬫᬮᭀᬕᬫ᭄᭞ᬲᬋᬂᬢᬶᬕᬫᬗᬜ᭄ᬚᬗᬂ᭞ᬦᬗ᭄ᬳᬶᬂᬢ᭄ᬯᬭᬩᬶᬱᬩᬶᬳᬶᬤ᭄᭞ᬩ᭄ᬭᬳ᭄ᬫᬮᭀᬕᬫ᭄᭞ᬢᭂᬕᬸᬳᬾᬢᬦ᭄ᬲᬶᬦᬶᬧᬶ᭟
ᬫᬓᬵᬓᬶᬭᬶᬕ᭄ᬧᬲᬶᬬᬢᬾᬩ᭄ᬭᬳ᭄ᬫᬮᭀᬕᬫ᭄᭞ᬓᬚ᭄ᬭᭀᬦᬶᬂᬕᬸᬯᬫᬗ᭄ᬭᬜ᭄ᬚᬶᬂ᭞ᬭᬯᬸᬄᬮᬂᬮᬂᬩ᭄ᬯᬡ᭞ᬗᬸᬘᬧ᭄ᬭᬶᬂᬩ᭄ᬭᬳ᭄ᬫᬮᭀᬕᬫ᭄᭞ᬳᭂᬥᬵᬧᬶᬲᬦ᭄ᬗᬫᬸᬲᬸᬳᬶᬦ᭄᭞ᬮᬾᬮᬕᬫ᭄ᬩᬭ᭞ᬫᬲᬶᬬ
ᬢ᭄ᬦᬾᬦᬾᬫᬗ᭄ᬓᬶᬦ᭄᭟ᬩᭀᬬᬓᬮᬄᬩᬦ᭄ᬭᬚᬮᬾᬮᬕᬫ᭄ᬩᬭ᭞ᬳᬶᬤᭂᬧᬂᬤᬗᬫᬸᬲᬸᬳᬶᬦ᭄᭞ᬭᬚᬩ᭄ᬭᬳ᭄ᬫᬮᭀᬕᬫ᭄᭞ᬫᬜᭂᬫ᭄ᬩᬄᬗᬸᬦᬶᬗᬬᬂ᭞ᬲᬓᬶᬂᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬫᬗᬦ᭄ᬤᬶᬓᬬᬂ᭞ [ 67 ][᭖᭖ 66B]
᭖᭖
ᬳᬯᬦᬦ᭄ᬫᬧ᭄ᬭᬂᬫᬗ᭄ᬓᬶᬦ᭄᭟ᬭᬭᬶᬲ᭄ᬩᬸᬤᬮ᭄‌ᬮᬂᬮᬂᬩ᭄ᬯᬡᬕᭂᬮᬶᬲ᭄ᬫᬍᬘᬢ᭄᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬩᬸᬫᬬᬫᬜᬶᬗᬓ᭄᭞ᬭᬚᬩ᭄ᬭᬳ᭄ᬫᬮᭀᬕᬫ᭄᭞ᬓᬚ᭄ᬭᭀᬦᬶᬂᬕᬸᬯᬗ᭄ᬭᬜ᭄ᬚᬶᬂ᭞ᬕᭂᬮᬶᬲ᭄ᬫᬜ᭄ᬚ
ᬕ᭄ᬚᬕ᭄᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬓᬩᬢᭂᬓ᭄ᬩᬦ᭄ᬲᭂᬗᬶᬢ᭄ᬭᬶᬂᬮᬾᬮᬕᬫ᭄ᬩᬭ᭞ᬗᬦ᭄ᬤᬶᬓᬭᬭᬶᬲ᭄ᬫᬦᬸᬤᬶᬂ᭞ᬳᬶᬄᬮᬾᬮᬕᬫ᭄ᬩᬭ᭞ᬦᬾᬚᬦᬶᬦᬄᬲ᭄ᬭᬳᬂ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬢᬢ
ᬕᭀᬦᬶᬭ᭞ᬮᬾᬮᬕᬫ᭄ᬩᬭᬜᬯᬸᬭᬶᬦ᭄᭟ᬬᬾᬦ᭄ᬢᬢᬕᭀᬦ᭄‌ᬳᭂᬜᬾᬦ᭄ᬓᬳᬶᬢ᭄ᬯᬭᬦᬯᬂ᭞ᬯᬶᬭᬾᬄᬓᬳᬶᬲᬸᬩᬦᬫ᭄ᬧᬶ᭞ᬚᬦᬶᬗᬗ᭄ᬕᭀᬦ᭄ᬲᭀᬫᬄ᭞ᬤᬤᬶᬳᬶᬩᬚ᭄ᬯᬭᬶᬧᬶᬲᬦ᭄᭞ᬗᭂ
ᬢᬸᬳᬂᬮᬮᬶᬬᬢ᭄ᬦᬕᬶᬄ᭞ᬦᬄᬚᬦᬶᬚᬸᬯᬂ᭞ᬫᬸᬜ᭄ᬘᬸᬓ᭄ᬧᬦᬳᬾᬓᬶᬘᬶᬧᬶᬦ᭄᭟ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶᬮᬶᬦ᭄ᬢᬂᬓ᭄ᬭᭀᬥ᭞ᬗᬸᬦᬸᬲ᭄ᬧᭂᬤᬂᬗᬮᬾᬯᬗᬶᬦ᭄᭞ᬦᬗ᭄ᬳᬶᬂᬢ᭄ᬯᬭᬓᭂᬦ᭞ᬭᬚᬮᬾᬮᬕ

[᭖᭗ 67A]
᭖᭗
ᬫ᭄ᬩᬭ᭞ᬤᬾᬦᬶᬂᬮᬶᬦ᭄ᬢᬂᬘᭂᬧᭂᬢ᭄ᬦᬗ᭄ᬓᬶᬲ᭄᭞ᬫᬕᬕᬸᬮᬸᬗᬦ᭄᭞ᬫᬲᬶᬬᬢ᭄ᬲᬮᬶᬂᬕ᭄ᬮᬶᬮᬶᬗᬶᬦ᭄᭟ᬤᬶᬳᬫ᭄ᬩᬭᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬋᬱᬶᬳᬦ᭄ᬢᬓᬸᬰ᭞ᬲᬂᬢᬶᬕᬢᭂᬥ
ᬲ᭄ᬜᬶᬗᬓ᭄᭞ᬮᬾᬮᬕᬫ᭄ᬩᬭᬳᬚᬸᬭᬶᬢ᭄᭞ᬫᬫᬸᬲᬸᬳᬶᬤ᭞ᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬰ᭄ᬭᬶᬫᬳᬭᬚᬰᬓ᭄ᬢᬶᬭᬭᬶᬲ᭄ᬗᬸᬘᬧ᭄᭞ᬫᬗ᭄ᬓᬶᬦ᭄ᬳᬶᬤᬲ᭄ᬬᬄᬧ᭄ᬭᬶ᭞ᬕᬦ᭄ᬢᭀᬲ᭄ᬓᬲᭂᬗ᭄ᬓᬮᬵ᭞ᬯᬶᬭᬾᬄᬦᬾᬦ᭄ᬢᭂᬦᬸᬳᬸᬢᬂ᭞ᬓᬤᬶ
ᬧᬗ᭄ᬮᬾᬫᬾᬓᬾᬭᬶᬳᬶᬦ᭄᭞ᬮᬂᬮᬂᬩ᭄ᬯᬡ᭞ᬭᬶᬂᬭᬚᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬭᬚᬮᬾᬮᬕᬫ᭄ᬩᬭᬮᬯᬸᬢ᭄ᬧᬦᬸᬗ᭄ᬕᬮᬦ᭄᭞ᬫᬫᬸᬲᬸᬄᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭞ᬧᬥᬲᬶᬮᬶᬄᬧᬦᬄ᭞ᬮᬾᬮᬕᬫ᭄ᬩᬭᬫᬫᭂᬦ᭄ᬢᬂ᭞
ᬧᬦᬄᬢᬸᬃᬫᬍᬗᬶᬤ᭄ᬕᬢᬶ᭞ᬤᬾᬦᬶᬲ᭄ᬓᬦ᭄ᬓᭂᬦ᭞ᬥᬥᬦᬾᬳᬶᬦ᭄ᬤ᭄ᬭᬲ᭄ᬬᬄᬧ᭄ᬭᬶ᭟ᬭᬚᬳᬶᬦ᭄ᬤ᭄ᬭᬵᬲ᭄ᬬᬄᬧ᭄ᬭᬶᬭᬭᬶᬲ᭄ᬳᬶᬘᬮ᭄᭞ᬤᬤᬶᬳᬯᬸᬧ᭄ᬭᬚᬦᬶ᭞ᬚᬭᬦᬾᬦᬸᬮᬩ᭄ᬬᬂ᭞ᬢᬸᬃᬧᬜ᭄ᬚᬓᬾᬧᬩ᭄ᬮᬲᬢ᭄᭞ᬫ [ 68 ][᭖᭗ 67B]
᭖᭗
ᬮᬳᬶᬩ᭄ᬜᭂᬩᬸᬭᬶᬦ᭄ᬳᬶᬤᬶᬂ᭞ᬩᬸᬚᬗ᭄ᬕᬤᬾᬯ᭞ᬮᬶᬓᬶᬫᬳᬗ᭄ᬓᭂᬧ᭄ᬳᭂᬚᬶᬢ᭄᭟᭜᭟ᬧᬸᬄᬕᬸᬮ᭟᭜᭟ᬲᬲᬫ᭄ᬧᬸᬦᬾᬰᬢ᭄ᬭᬸᬦᬾᬲᬶᬦᬄᬲᬫᬶ᭞ᬮᬯᬸᬢ᭄ᬫᬫᬃᬕ᭄ᬕ᭞ᬭᬚᬮᬾᬮᬕᬫ᭄ᬩᬭ᭞ᬳᬩ᭄ᬭᬶᬬᬸᬓᬦ᭄ᬧ
ᬫᬃᬕ᭄ᬕᬶᬦᬾ᭞ᬲᬫ᭄ᬩᬶᬮᬂᬗ᭄ᬮᬂᬮᬂᬓᬸᬮᬗᬸᬦ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬭᬚᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬫᬶᬯᬄᬦᬾᬓᬯᬸᬯᬸᬲ᭄᭞ᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬫᬓᬤᬶᬜ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬳ
ᬋᬱᬶᬳᬦ᭄ᬢᬓᬸᬰ᭟ᬳᬸᬚᬦ᭄ᬲᬫ᭄ᬧᬸᬦ᭄ᬳᬸᬮᬶᬳᬫ᭄ᬩᬭᬦᬾᬫᬶᬳᬶᬓ᭄᭞ᬫᬮᬶᬫ᭄ᬧᬸᬕᬦ᭄᭞ᬭᬾᬄᬧᬫᬃᬕ᭄ᬕᬶᬦ᭄ᬳᬶᬤ᭞ᬯᬢᭂᬓ᭄ᬋᬱᬶᬫᬓᬤᬶᬦᬾ᭞ᬭᬚᬭᬚᬦᬾᬓᬯᬸᬯᬸᬲ᭄᭞ᬳᭀᬓᬦ᭄ᬧᬭᬭᬢᬸ
ᬍᬯᬶᬄ᭞ᬩᬸᬫᬭᬫᬗᬦ᭄ᬢᭂᬦᬂ᭞ᬯᬃᬡ᭄ᬦᬩᬕᬸᬲ᭄ᬳᬬᬸ᭞ᬫᬓᬤᬶᬲᬸᬃᬬ᭄ᬬᬫᬶᬯᬄᬩᬸᬮᬦ᭄᭞ᬢ᭄ᬯᬭᬳᬤ᭞ᬓᬲᭀᬭᬦ᭄ᬢᬦ᭄ᬤᬶᬂᬳᬓᬶᬓᬶᬢ᭄᭞ᬜᬦ᭄ᬤᬂᬧᬶᬲᬦ᭄ᬫᬘᬓᭂᬧᬦ᭄᭟ᬧᬫᬃᬕ᭄ᬕᬶᬦᬾᬲᬫ᭄ᬧᬸ

[᭖᭘ 68A]
᭖᭘
ᬦ᭄ᬭᬯᬸᬄᬦᬾᬫᬗ᭄ᬓᬶᬦ᭄ᬲᬶᬦᬫ᭄ᬬᬦ᭄᭞ᬤᬶᬢᭂᬧᬶᬦᬵᬕᬭ᭞ᬕᭂᬮᬶᬲ᭄ᬮᬩᭂᬓ᭄ᬲᬕᬢ᭄ᬭᬦᬾ᭞ᬓᬧᬸᬭᬶᬲᬫ᭄ᬧᬸᬦ᭄ᬓᬢᬸᬃ᭞ᬧᬸᬢ᭄ᬭᬦᬾᬳᬶᬦ᭄ᬤ᭄ᬭᬫᬓᬸᬘᬶ᭞ᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬦᬵᬕᬭ᭞ᬫᭂᬥᬮᬲᬂᬧ᭄ᬭᬪᬸ᭞ᬓᬩ
ᬜ᭄ᬘᬶᬗᬄᬲᬕᬾᬢ᭄ᬲᬸᬩ᭞ᬧᬥᬦᬧᬓ᭄᭞ᬧᬸᬗ᭄ᬕᬯᬵᬮᬦ᭄ᬧᬭᬫᬦ᭄ᬢ᭄ᬭᬶ᭞ᬫᬓᬸᬫ᭄ᬧᬸᬮᬦ᭄ᬤᬶᬩᬜ᭄ᬘᬶᬗᬄ᭟ᬭᬚᬮᬾᬮᬕᬫ᭄ᬩᬭᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶᬭᬶᬂᬩᬜ᭄ᬘᬶᬗᬄ᭞ᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬭᬚᬚᭀᬳ
ᬦ᭄ᬲ᭄ᬬᬄᬧ᭄ᬭᬶᬦᬾ᭞ᬫᬓᬤᬶᬦᬾᬓᬯᬸᬯᬸᬲ᭄᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭟ᬫᬶᬯᬄᬦᬾᬓᬲᭂᬩᬸᬢ᭄᭞ᬫᬳᬋᬱᬶᬳᬦ᭄ᬢᬓᬸᬰ᭞ᬳᬩ᭄ᬭᬶᬬᬸᬓᬦ᭄᭞ᬲᬫ᭄ᬧᬸᬦ᭄ᬗᬧᬸᬭᬶᬬᬂᬲᬫᬶ᭞ᬳᬶ
ᬦ᭄ᬤ᭄ᬭᬓᬸᬘᬶᬮᬶᬦ᭄ᬢᬂᬮᬶᬬᬂ᭟ᬭᬚᬮᬾᬮᬵᬕᬫ᭄ᬩᬭᬦᬾᬫᬗ᭄ᬓᬶᬦ᭄‌ᬗᬫᭂᬤᬮᬂ᭞ᬧᬸᬢ᭄ᬭᬶᬓᬸᬲᬸᬫᬤᬾᬯ᭄ᬬᬵ᭞ᬲᬓᬶᬂᬚ᭄ᬭᭀᬓᬸᬫᬮᬦᬾ᭞ᬧ᭄ᬭᬫᬶᬰ᭄ᬯᬭᬶᬮᬾᬤᬂᬫᬸᬧᬸᬢ᭄᭞ᬜᬶᬗᬓ᭄ᬫᬦ᭄ᬢᬸᬦᬾᬮᬶᬦ᭄ᬢᬂᬮ᭄ᬯᬶᬄ [ 69 ][᭖᭘ 68B]
᭖᭘
᭞ᬲᬢ᭄ᬲᬢ᭄ᬭᬢᬶᬄᬜᬮᬦ᭄ᬢᬭ᭞ᬓᬸᬤᬂᬓᬸᬤᬂᬮᬶᬬᬸ᭞ᬲᭂᬮᬾᬄᬲᭂᬮᬾᬄᬲᬲᭂᬮᬶᬭᬦ᭄‌ᬲᬓᬶᬂᬓᬾᬦ᭄ᬤ᭄ᬭᬦ᭄᭞ᬧᬗᬬᬳᬾᬢ᭄ᬯᬦ᭄ᬧᬸᬢ᭄ᬭᬶ᭞ᬲ᭄ᬭᬍᬓᬮᬶᬲ᭄ᬫᬓᭂᬚᬂ᭟ᬭᬭᬶᬲ᭄ᬭᬚᬮᬾᬮᬕᬫ᭄ᬩ
ᬭᬦᬾᬫᬗ᭄ᬓᬶᬦ᭄᭞ᬫᬶᬤᬃᬢ᭄ᬢᬬᬂ᭞ᬭᬶᬂᬳᬚᬶᬫ᭄ᬯᬂᬩᬶᬬᬂ᭞ᬲᬫᬶᬲᬓᬦ᭄ᬤᬦ᭄ᬓᬦ᭄ᬤᬦᬾ᭞ᬢᭂᬮᬲ᭄‌ᬧᬶᬲᬦ᭄ᬲᬫ᭄ᬧᬸᬦ᭄ᬓᬢᬸᬃ᭞ᬭᬚᬧᬸᬱ᭄ᬧᬳᬶᬦ᭄ᬤ᭄ᬭᬓᬸᬘᬶ᭞ᬮᬾᬤᬂᬓᬬᬸᬦᬾᬫᬶᬋᬗᬂ᭞ᬓᬤᬶᬤᬕᬶᬂᬳᬢᬸᬃ᭞
ᬳᬦᬓ᭄ᬤᬮᬾᬮᬕᬫ᭄ᬩᬭ᭞ᬫᬓᬤᬶᬜᬧ᭄ᬭᬫᬶᬰ᭄ᬯᬭᬶᬫᬶᬗᬶᬲ᭄ᬫᬶᬗᬶᬲ᭄᭞ᬢ᭄ᬯᬭᬚᬵᬧᬲᬄᬫᬜᬶᬗᬓ᭄᭟ᬫᬦ᭄ᬢᬸᬦᬾᬢ᭄ᬯᬦ᭄ᬧᬸᬢ᭄ᬭᬶᬦᬾᬫᬗ᭄ᬓᬶᬦ᭄ᬓᬸᬲᬸᬫᬤᬾᬯᬶ᭞ᬓᬸᬲᬧᬸᬲᬧ᭄᭞ᬧ᭄ᬭᬫᬶᬰ᭄ᬯᬭᬶ
ᬦᬦ᭄ᬤᬦ᭄᭞ᬮᬩᬸᬄᬳᬧᬶᬲᬦ᭄ᬓᬬᬸᬦᬾ᭞ᬓᬾᬦᬾᬧᬫᬶᬦᭂᬄᬤᬶᬓᬬᬸᬦ᭄᭞ᬜᬦ᭄ᬤᬂᬧᬦᬓ᭄ᬕᭂᬮᬳᬾᬧᬮᬶᬂ᭞ᬬᬾᬦ᭄ᬢ᭄ᬯᬭᬚ᭄ᬮᬾᬕᭀᬩᬜ᭞ᬩᬜᬫᬲᬶᬄᬘᬸᬫ᭄ᬧᬸ᭞ᬫᭂᬍᬤ᭄ᬗᬗ᭄ᬕᭀᬦ᭄ᬓ

[᭖᭙ 69A]
᭖᭙
ᬓᬲᬶᬬᬦ᭄᭞ᬓᬾᬢᭀᬧᬶᬲᬦ᭄᭞ᬧᬫᬶᬦᭂᬳᬾᬧ᭄ᬭᬫᬶᬰ᭄ᬯᬭᬶ᭞ᬩᬦ᭄ᬳᬬᬸᬦᬾᬓᬪᬶᬦᬯᬵ᭟ᬫᬗ᭄ᬓᬶᬦ᭄ᬭᬚᬧᬸᬱ᭄ᬧᬳᬶᬦ᭄ᬤ᭄ᬭᬓᬸᬘᬶ᭞ᬮᬶᬦ᭄ᬢᬂᬮᬶᬦ᭄ᬢᬂ᭞ᬜᬸᬓ᭄ᬱ᭄ᬫᬬᬂᬧᬶᬲᬦ᭄᭞ᬲᬫᬮᬶᬄᬧ᭄ᬭᬫᬶᬰ᭄ᬯ
ᬭᬶᬦᬾ᭞ᬳᬦ᭄ᬢᬸᬓ᭄‌ᬲ᭄ᬯᬾᬘ᭄ᬘᬦᬾᬦᬸᬮᬸᬲ᭄᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬧᬳᬸᬮᬸᬦ᭄ᬳᬕᬸᬂ᭞ᬫᬳᬋᬱᬶᬳᬦ᭄ᬢᬓᬸᬰ᭞ᬫᬓᬤᬶᬜ᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬭᬚᬲ᭄ᬬᬄ
ᬩᬸᬃᬤ᭄ᬥᬦ᭄ᬤᬾᬯᬵ᭟ᬩᬩᬯᭀᬲᬾᬦᬶᬫ᭄ᬩᬮ᭄ᬲᬶᬦᬶᬫ᭄ᬩᬮ᭄ᬕᬶᬮᬶᬃ᭞ᬫᬩ᭄ᬭᬶᬬᬕᬦ᭄᭞ᬫᬮᬾᬤᬂᬮᬾᬤᬗᬦ᭄᭞ᬫᬚᭂᬚᭂᬮ᭄ᬧᬦᬗ᭄ᬓᬶᬮᬦᬾ᭞ᬤᬶᬩᭂᬢᬾᬦᬦ᭄ᬧᬥᬓᬸᬫ᭄ᬧᬸᬮ᭄᭞ᬭᭀᬩᬦ᭄ᬧᬋ
ᬓᬦᬾᬘ᭄ᬭᬶᬓ᭄᭞ᬫᬓᭂᬚᬂᬩᬕᬸᬲ᭄ᬫᬍᬜᬤ᭄᭞ᬘᬮᬶᬭᬶᬢᬸᬃᬧᬗᬸᬲ᭄᭞ᬗᬾᬤᬦᬶᬦ᭄ᬩᬦ᭄ᬳᬢᬗ᭄ᬓᭂᬧᬦ᭄‌ᬧᬥᬢᬫ᭞ᬳᬧᬦ᭄ᬧᬧᭂᬤᭂᬲᬦ᭄ᬧᬸᬭᬶ᭞ᬧᬗᬗ᭄ᬕᭀᬧᬢᬸᬄᬫᬓᭂᬚᬂ᭟ᬲᬸᬩᬢᭂᬥᬸᬄ [ 70 ][᭖᭙ 69B]
᭖᭙
ᬭᬭᬶᬲ᭄ᬓᬧᬲᬗ᭄ᬕ᭄ᬭᬳᬦ᭄ᬲᬫᬶ᭞ᬲᭀᬯᬂᬲᭀᬯᬂ᭞ᬧ᭄ᬭᬭᬢᬸᬧᬸᬦᬶᬓ᭞ᬫᬓᬤᬶᬯᬢᭂᬓ᭄ᬋᬱᬶᬦᬾ᭞ᬧᬫᬺᬫᬦᬾᬢ᭄ᬯᬦ᭄ᬕᬮᬸᬄ᭞ᬫᬳᬤᬦ᭄ᬤᬶᬕ᭄ᬥᭀᬂᬧ᭄ᬭᬫᬶ᭞ᬲᬸᬩᬧᭂᬢᭂᬂᬮᬯᬸᬢ᭄ᬫᬧᬲᬂ᭞
ᬮᬫ᭄ᬧᬸᬩᬶᬮᬂᬩᬸᬘᬸ᭞ᬕᬮᬗᬾᬯᬮᬸᬬᬍᬫᬄ᭞ᬩᬦ᭄ᬧᬳᬸᬦ᭄ᬤᬭᬦ᭄᭞ᬮᬫ᭄ᬧᬸᬬᬾᬍᬓ᭄ᬳ᭄ᬭᬶᬲ᭄ᬲᬫᬶ᭞ᬫᬶᬯᬄᬢᭂᬓᭂᬤ᭄ᬓᬩᬜ᭄ᬘᬶᬗᬄ᭟ᬤᬶᬧᬫᬺᬫᬦ᭄ᬫᬮᬫ᭄ᬧᬸᬕᬲᭀᬮᬶᬦ᭄ᬲᬫᬶ᭞ᬕᬮᬂᬗ᭄ᬮᬸ
ᬦ᭄ᬢᬂ᭞ᬗᬯᬸᬯᬸᬳᬶᬦ᭄ᬫᭂᬮᬄ᭞ᬧᬫᬸᬮᬸᬦ᭄ᬢ᭄ᬯᬦ᭄ᬧᬸᬢ᭄ᬭᬶᬦᬾ᭞ᬓᬲᬸᬦ᭄ᬤᬭᬦ᭄ᬮᬫ᭄ᬧᬸᬳᬮᬸᬲ᭄᭞ᬮᬾᬮᬕᬫ᭄ᬩᬭᬦᬾᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬳᬶᬤᬤᬶᬧᬫᬺᬫᬦ᭄᭞ᬲᬋᬂᬢ᭄ᬯᬦ᭄ᬕᬮᬸᬄ᭞ᬮᬯᬸᬢ᭄ᬭᬚᬮᬾᬮᬕ
ᬫ᭄ᬩᬭ᭞ᬓᭂᬜᭂᬫ᭄ᬗᬸᬘᬧ᭄᭞ᬓᬾᬦ᭄ᬮᬾᬤᬗᬦ᭄ᬳᬤᬶᬤᬶᬦᬶ᭞ᬧᬤᬬᬂᬢᭂᬓᬾᬦ᭄ᬤᬶᬓᬾᬦ᭄ᬤ᭄ᬭᬦ᭄᭟ᬫᬦᬶᬲ᭄ᬮᬕᭂᬲ᭄ᬧᬲᬯᬸᬭᬾᬢ᭄ᬯᬦ᭄ᬧᬸᬢ᭄ᬭᬶ᭞ᬳᬭᬄᬗᬸᬤ᭄ᬬᬂ᭞ᬤᬢᬓᬾᬢᬓᬾᬦᬂ᭞ᬢᭂᬓᬾᬦᬶᬂᬳᬯ

[᭗᭐ 70A]
᭗᭐
ᬓ᭄ᬢᬶᬢ᭄ᬬᬗᬾ᭞ᬦᬾᬫᬗ᭄ᬓᬶᬦ᭄ᬳᬶᬭᬶᬓᬶᬭᬢᬸ᭞ᬗᬳᬸᬮᬵᬭᬶᬂᬮᬶᬗ᭄ᬕᬶᬄᬩᭂᬮᬶ᭞ᬗᬸᬤ᭄ᬬᬂᬢᬶᬢ᭄ᬬᬂᬜᭂᬦ᭄ᬗᬢᬸᬭᬂ᭞ᬳᬶᬧᬸᬦ᭄ᬢᬸᬗ᭄ᬕᬶᬮ᭄ᬭᬢᬸ᭞ᬓᬍᬕᬦᬾᬓᬭᬶᬂᬚᬸᬫᬄ᭞ᬬᬦ᭄ᬳᬶᬫ᭄ᬩᬗᬂ᭞ᬲᬫᬶᬬᬂᬭᬶᬂᬓᬤᬶᬫ
ᬗ᭄ᬓᬶᬦ᭄᭞ᬢᬍᬃᬯᬾᬦ᭄ᬢᭂᬦ᭄ᬧᬩᬶᬦᬦ᭄ᬜ᭟ᬬᬦ᭄ᬢᬶᬢ᭄ᬬᬂᬗᬫᬦᬳᬂᬲᬧᬸᬦᬶᬓᬶᬧᬩᬶᬦᬦ᭄ᬜᬵ᭞ᬬᬾᬦᬶᬂᬓᬭᬶᬚᬸᬫᬄ᭞ᬧᬗ᭄ᬕᬶᬳᬶᬦ᭄ᬫᬾᬫᬾᬩᬧᬦᬾ᭞ᬍᬕᬵᬫᬦᬄᬢᬶᬢ᭄ᬬᬂᬭᬢᬸ᭞ᬓᬾ
ᬯᬦ᭄ᬢᭂᬦᬾᬳᬲᬶᬓᬶ᭞ᬍᬕᬦᬾᬤᬸᬭᬸᬂᬓ᭄ᬦᬶᬬᬂ᭞ᬬᬩᬳᬦ᭄ᬳᬶᬭᬢᬸ᭞ᬓᬮᬸᬦ᭄ᬢᬵᬮᬸᬦ᭄ᬢᬓᬓᬾᬦ᭄ᬤ᭄ᬭᬦ᭄᭞ᬓ᭄ᬭᬡᬢᬶᬢ᭄ᬬᬂᬗᬮᬶᬄᬍᬕᬵᬢ᭄ᬓᭂᬤ᭄ᬫᬳᬶ᭞ᬗᬧᬶᬢᬸᬢ᭄ᬩᬢᭂᬓ᭄‌ᬩᬦ᭄ᬢᬺᬱ᭄ᬡᬵ᭟ᬭᬚᬮᬾᬮ
ᬕᬫ᭄ᬩᬭᬫᬗᭂᬫ᭄ᬓᭂᬫ᭄ᬓᭂᬜᬶᬂ᭞ᬢ᭄ᬯᬭᬗᬸᬘᬧ᭄᭞ᬗᬤᬸᬩᬦ᭄ᬘᬘᬶᬗᬓ᭄᭞ᬬᬾᬦ᭄ᬧᬭᬬᬘᬘᬶᬗᬓᬾ᭞ᬓᬾᬦᬾᬧᬫᬶᬦᭂᬄᬭᬶᬂᬓᬬᬸᬦ᭄᭞ᬳᬧᬓᬾᬢᭀᬩᬦ᭄ᬜᬯᬸᬢᬶᬦ᭄᭞ᬜᬦ᭄ᬤᬂᬢ᭄ᬯᬄ [ 71 ][᭗᭐ 70B]
᭗᭐
ᬫᬧᬸᬧᬸᬢᬦ᭄᭞ᬤᬶᬚᬢ᭄ᬯᬶᬦ᭄ᬗ᭄ᬭᬸᬭᬸᬄ᭞ᬫ᭄ᬮᬳᬦ᭄ᬢᭂᬓᬾᬦ᭄ᬦᬾᬦᬾᬜ᭞ᬲᬓᬮᬵᬲᬦ᭄᭞ᬧᬳᬶᬘᬦ᭄ᬳᬶᬤᬬᬂᬯᬶᬤ᭄ᬥᬶ᭞ᬗᬶᬘᬾᬦ᭄ᬧᬗᬦ᭄ᬢᬸᬗᬦ᭄ᬫᬦᬄ᭟ᬬᬾᬦᬶᬂᬲᬸᬩᬓᬸᬤᬂᬤᬶᬦᬲᬳᬶᬲᬳᬶ
᭞ᬫᬫ᭄ᬬᬦᬫ᭄ᬬᬦ᭄᭞ᬗᬍᬕᬦᬶᬦ᭄ᬧᬜ᭄ᬚᬓ᭄᭞ᬩᬳᬦ᭄ᬮᬾᬤᬂᬲᬂᬧ᭄ᬭᬩᬸᬦᬾ᭞ᬩᬦ᭄ᬧᬸᬢ᭄ᬭᬦᬾᬲᬸᬩᬭᬯᬸᬄ᭞ᬳᬶᬕᭂᬮ᭄ᬳᬶᬕᭂᬮᬦ᭄ᬲᬲᬳᬶ᭞ᬤᬶᬩᬜ᭄ᬘᬶᬭᬄᬫᬓᬾᬧᬾᬕᬦ᭄᭞ᬮᬾ
ᬕᭀᬂᬫᬶᬯᬄᬕᬫ᭄ᬩᬸᬄ᭞ᬢᭀᬧᬾᬂᬧᬚᭂᬕ᭄ᬘᬮᭀᬦᬭᬂ᭞ᬚᬚᬯᬸᬓᬦ᭄᭞ᬫᬤ᭄ᬥᬧᬵᬭᬫᬾᬢᬦ᭄ᬲᬶᬧᬶ᭞ᬤᬶᬚᬕᬢ᭄ᬮᬾᬮᬕᬫ᭄ᬩᬭ᭟ᬦᬾᬦᬾᬚᬦᬶᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬧᬘᬂᬩᬸᬤᬮ᭄᭞
ᬓᬕᬸᬦᬸᬂᬳᬶᬦ᭄ᬤ᭄ᬭᬦᬕ᭞ᬫᬳᬋᬱᬶᬳᬦ᭄ᬢᬓᬸᬰᬦᬾ᭞ᬫᬲᬶᬄᬧᬘᬂᬳᬶᬤᬫᬦ᭄ᬢᬸᬓ᭄᭞ᬓᬕᬸᬦᬸᬂᬫᬳᬵᬭᬸᬧᬵᬫᬗ᭄ᬓᬶᬦ᭄᭞ᬫᬳᬵᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬫᬲᬶᬄᬧᬘᬂᬫᬦ᭄ᬢᬸᬓ᭄᭞ᬓᬧᬢᬧ

[᭗᭑ 71A]
᭗᭑
ᬦ᭄ᬤᬾᬦᬶᬂᬲᬸᬩ᭞ᬫᬓᭂᬮᭀᬲᬦ᭄᭞ᬮᬸᬗ᭄ᬳᬵᬳᬶᬤᬲᬂᬓᬢ᭄ᬭᬶᬡᬶ᭞ᬫᬦᬶᬗ᭄ᬕᬮᬶᬦ᭄ᬧᬢᬧᬦ᭄᭟ᬳᬩ᭄ᬭᬶᬬᬸᬓᬦ᭄ᬭᬚᬧᬸᬱ᭄ᬧᬳᬶᬦ᭄ᬤ᭄ᬭᬓᬸᬘᬶ᭞ᬧ᭄ᬭᬫᬶᬰ᭄ᬯᬭ᭄ᬬ᭞ᬭᬚᬮᬾᬮᬕᬫ᭄ᬩᬭ᭞ᬫᬶᬯᬄ
ᬓᬸᬲᬸᬫᬤᬾᬯᬦᬾ᭞ᬭᬭᬶᬲ᭄ᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬲᬂᬓᬲᭂᬫ᭄ᬩᬄᬮᬯᬸᬢ᭄ᬫᬫᬃᬕ᭄ᬕᬶ᭞ᬗᬫᬃᬕ᭄ᬕᬶᬦᬶᬦ᭄ᬤᬶᬳᬫ᭄ᬩᬭ᭞ᬲᭀᬯᬂᬲᭀᬯᬂᬫᬫ᭄ᬩᬸᬃ᭞ᬮᬯᬸᬢ᭄ᬳᬸᬚᬦ᭄ᬩᬗᭂᬢ᭄ᬲᬫ᭄ᬲᬫ᭄᭞ᬭᬶᬂᬦ
ᬕᬭ᭞ᬳ᭄ᬩᭀᬦ᭄ᬜᬦᬾᬫᬲᭂᬧᬸᬓ᭄ᬫᬶᬳᬶᬓ᭄᭞ᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬧᬢᬧᬦ᭄᭟ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶᬦᬾᬦᬾᬚᬦᬶ᭞ᬫᬤᬩ᭄ᬤᬩᬦ᭄᭞ᬤᬾᬦᬶᬂᬧᬘᬂᬩᬸᬤᬮ᭄᭞ᬩᬦ᭄ᬩᬦ᭄ᬳᬮᬸᬲ᭄ᬧᬗᬸᬘ
ᬧᬾ᭞ᬮᬾᬤᬗᬂᬧᬶᬲᬦ᭄ᬭᬶᬂᬓᬬᬸᬦ᭄᭞ᬲᬫ᭄ᬧᬸᬦ᭄ᬳᬤᬶᬳᬶᬯᬂᬢᬫ᭄ᬧᬶ᭞ᬳᬦ᭄ᬢᬸᬓ᭄ᬲᬫ᭄ᬧᬸᬦ᭄ᬲ᭄ᬯᬾᬧᬶᬲᬦ᭄᭞ᬢᬶᬢ᭄ᬬᬂᬧᬫᬶᬢ᭄ᬭᬢᬸ᭞ᬫᬦ᭄ᬢᬸᬓᬧ᭄ᬭᬤᬦᬵᬓᬶᬮᬢ᭄᭞ᬦᬯᬶᬯᬾᬦ᭄ᬢᭂᬦ᭄᭞ᬧᬸᬗ᭄ᬓᬸᬃᬯᭂ [ 72 ][᭗᭑ 71B]
᭗᭑
ᬓᬲ᭄ᬓᬃᬬ᭄ᬬᬦ᭄ᬳᬤᬶ᭞ᬢᬶᬢ᭄ᬬᬂᬲᬤ᭄ᬬᬫᬮᬶᬄᬗᭂᬦᬄ᭟ᬭᬚᬮᬾᬮᬕᬫ᭄ᬩᬭᬫᬜᬯᬸᬭᬶᬦ᭄᭞ᬗᭂᬫ᭄ᬩᭂᬂᬯᬲ᭄ᬧ᭞ᬤᬾᬦᬶᬂᬢᬺᬱ᭄ᬡᬵᬧᬶᬲᬦ᭄᭞ᬭᬶᬂᬚᭀᬳᬦ᭄ᬲ᭄ᬬᬄᬧ᭄ᬭᬶᬦᬾ᭞ᬮᬶᬦ᭄ᬢᬂᬓᬗᭂᬦ᭄ᬭᬶᬂ
ᬓᬬᬸᬦ᭄᭞ᬳᬶᬗ᭄ᬕᬶᬄᬩᭂᬘᬶᬓ᭄ᬩᭂᬘᬶᬓ᭄ᬩᭂᬮᬶ᭞ᬫᬦ᭄ᬢᬸᬓ᭄ᬓᬧ᭄ᬭᬤᬦᬵᬓᬶᬮᬢ᭄᭞ᬗ᭄ᬳᬶᬂᬳᬾᬮᬶᬗᬂᬭᬢᬸ᭞ᬲᬫ᭄ᬧᬸᬦ᭄ᬫᬜᬶᬬᭀᬲᬶᬦ᭄ᬧᬶᬲᬦ᭄᭞ᬧᬓᬬᬸᬦᬦ᭄᭞ᬫᬗ᭄ᬕᭂᬳᬂᬲ᭄ᬯᬾᬘ᭄ᬘᬦᬾᬩᭂᬮᬶ᭞ᬭᬶᬂᬢᬶᬢ᭄ᬬᬂ
ᬲᬫ᭄ᬧᬸᬦᬂᬮᬶᬧ᭄ᬬ᭟ᬭᬭᬶᬲ᭄‌ᬚᭀᬳᬦ᭄ᬲ᭄ᬬᬄᬧ᭄ᬭᬶᬫᬧᬫᬶᬢ᭄᭞ᬭᬶᬂᬲᬂᬦᬣ᭞ᬫᬶᬯᬄᬧ᭄ᬭᬫᬶᬰ᭄ᬯᬭ᭄ᬬᬵ᭞ᬫᬓᬤᬶᬢ᭄ᬯᬦ᭄ᬧᬸᬢ᭄ᬭᬶᬦᬾ᭞ᬲᬳᬧᬫᬶᬢᬶᬦ᭄ᬲᬫ᭄ᬧᬸᬦ᭄᭞ᬭᬚᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬕ᭄ᬮᬶᬲ᭄ᬜ
ᬧ᭄ᬭᬾᬓ᭄ᬧᬮᬶᬗ᭄ᬕᬶᬳᬦ᭄᭞ᬫᬍᬲᬢ᭄ᬫᬓᭂᬩᬸᬃ᭞ᬧᬓᭂᬩᬸᬭᬾᬫᬗ᭄ᬕᬕᬡᬵ᭞ᬦᬾᬓᬳᬸᬘᬧ᭄᭞ᬫᬤᬦ᭄ᬚᬭᬦ᭄ᬲᬫ᭄ᬩᬶᬭᬡᬶ᭞ᬦᬧᬓ᭄ᬤᬶᬧ᭄ᬭᬤᬦᬓᬶᬮᬢ᭄᭟ᬦᬗ᭄ᬳᬶᬂᬭᬚᬩᬸᬃᬤ᭄ᬥᬦ᭄ᬤᬾᬯᬓᬭᬶ

[᭗᭒ 72A]
᭗᭒
ᬤᬸᬭᬸᬂᬩᬸᬤᬮ᭄᭞ᬭᬶᬂᬮᬾᬮᬵᬕᬫ᭄ᬩᬭ᭞ᬗ᭄ᬕᭂᬦᬳᬶᬦ᭄ᬧ᭄ᬭᬦᬳᭀᬓᬦᬾ᭞ᬤᬾᬦᬶᬂᬳᬶᬤᬢ᭄ᬯᬦ᭄ᬕᬮᬸᬄ᭞ᬓᬭᬶᬂᬓᬶᬫᬸᬤ᭄ᬢᬦ᭄ᬲᬶᬦᬶᬧᬶ᭞ᬭᬚᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬮᬾᬤᬗᬾ
ᬓᬤᬸᬭᬸᬲ᭄᭞ᬫᬫᬦ᭄ᬢᬸᬭᬚᬤᬶᬭᬚ᭞ᬢᭀᬳᬯᬦᬦ᭄᭞ᬗᭂᬗ᭄ᬘᬓ᭄ᬳᬶᬤᬤᬶᬦᬵᬕᬭᬶ᭞ᬤᬸᬭᬸᬂᬚᬫᬓᬦ᭄ᬢᭂᬦ᭄ᬩᬸᬤᬮ᭄᭟ᬭᬚᬩᬸᬃᬤ᭄ᬥᬦ᭄ᬤᬾᬯᬲᬸᬩᬮᬫᬶ᭞ᬘᬭᬶᬢᬬᬂ᭞ᬤᬶᬮᬾᬮᬕ
ᬫ᭄ᬩᬭ᭞ᬦᬾᬚᬦᬶᬧᬓᬬᬸᬦᬦᬾ᭞ᬩᬸᬃᬤ᭄ᬥᬦ᭄ᬤᬾᬯᬧᬘᬂᬫᬦ᭄ᬢᬸᬓ᭄᭞ᬫᬯᬮᬶᬓᬳᬶᬦ᭄ᬤ᭄ᬭᬦ᭄ᬭᬭᬶᬲ᭄᭞ᬭᬶᬂᬭᬚᬮᬾᬮᬕᬫ᭄ᬩᬭ᭞ᬯᬘᬡᬦᬾᬳᬮᬸᬲ᭄᭞ᬤᬸᬄᬳᬶᬤᬾᬯᬧᬦᬓ᭄ᬩᬧ᭞ᬚᬦᬶ
ᬩᬧ᭞ᬧᬘᬂᬫᬗᬮᬳᬶᬦ᭄ᬫᬸᬮᬶᬄ᭞ᬳᬶᬤᭂᬧᬾᬍᬕᬬᬂᬧᬶᬲᬦ᭄᭟ᬭᬚᬮᬾᬮᬕᬫ᭄ᬩᬭᬮᬦ᭄ᬢ᭄ᬯᬦ᭄ᬧᬸᬢ᭄ᬭᬶ᭞ᬭᬭᬶᬲ᭄ᬜᭂᬫ᭄ᬩᬄ᭞ᬭᬶᬂᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬵ᭞ᬮᬯᬸᬢ᭄ᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬦᬾ [ 73 ][᭗᭒ 72B]
᭗᭒
᭞ᬫᬧ᭄ᬮᬶᬗ᭄ᬕᬶᬳᬦ᭄ᬕ᭄ᬭᬸᬥᬫᬓ᭄ᬩᬸᬃ᭞ᬧᬓᭂᬩᬸᬭᬾᬗᬮᬶᬓᬮᬶᬓ᭄᭞ᬤᬶᬳᬫ᭄ᬩᬭᬵᬗᭂᬦᬄᬳᬶᬮᬂ᭞ᬓᬮᬶᬳᬸᬢ᭄ᬳᬫ᭄ᬩᬸᬩᬸ᭞ᬫᬗᬸᬗ᭄ᬓᬸᬮᬶᬦ᭄ᬕᬸᬦᬸᬂᬳᬮᬲ᭄᭞ᬢᬸᬃᬲᬕᬭ᭞ᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬕᭂᬮᬶ
ᬲ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬓᬳᬶᬦ᭄ᬤ᭄ᬭᬦ᭄᭟᭜᭟ᬧᬸᬄᬕᬶᬦᬦ᭄ᬢᬶᬰ᭄ᬭᬶᬕᬢᬶ᭟᭜᭟ᬢᬶᬫ᭄ᬩᬮᬂᬚᬦᬶᬓᬯᬸᬯᬸᬲ᭄᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬲᭂᬤᬶᬄ᭞ᬧᬸᬢ᭄ᬭᬦ᭄ᬩᬳᬭᬸᬫ᭄ᬤᬾᬯᬦᬾ᭞ᬫᬶᬭᬶᬗᬦ᭄ᬳᬶᬦᬂᬧᬗᬗ᭄ᬲᬸᬄ
᭞ᬕ᭄ᬦᬄᬤᬶᬢᬸᬤᬶᬧᬲᬗ᭄ᬕ᭄ᬭᬦ᭄᭞ᬤᬶᬳᬦ᭄ᬢᬩ᭄ᬭᬢ᭄ᬢᬯ᭄ᬬᬓ᭄ᬢᬶ᭞ᬮᬶᬦ᭄ᬢᬂᬲᬸᬗ᭄ᬲᬸᬢ᭄ᬫᬧᬓᬳ᭄ᬬᬸᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬗᬮᬳᬶᬦ᭄᭟ᬤᬶᬧᬫᬺᬫᬦ᭄ᬦᬗᬶᬲ᭄ᬩᭂᬓᬸᬢ᭄᭞ᬲᬶᬕ᭄ᬲᬶᬕᬦ᭄ᬫᬗᬲᬶᬄᬳᬲᬶᬄ᭞ᬮᬯᬸᬢ᭄‌ᬓᬾᬦᬾ
ᬧᬦ᭄ᬤᬸᬮᬫᬾᬦᬾ᭞ᬳᬭᬸᬄᬚᬦᬶᬓᬚᬦᬶᬮᬓᬸ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬢᬂ᭞ᬫᬲᬶᬄᬢᬶᬢ᭄ᬬᬂᬚᬦᬶᬤᬶᬦᬶ᭞ᬧᬶᬲᬦ᭄ᬫᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬳᬧᬂᬲᬸᬳᬸᬤ᭄ᬫᬦᬦ᭄ᬤᬗᬶᬦ᭄᭟ᬲᬓᬶᬢ᭄ᬩᬬᬸᬩᬦᬸᬮᬗᬸ

[᭗᭓ 73A]
᭗᭓
ᬦ᭄᭞ᬳᬸᬮᬗᬸᬦᬾᬓᬧᭂᬕᬢᬶᬦ᭄᭞ᬢᭀᬂᬫᬤᬬᬵᬩᭂᬲ᭄ᬓᬓᬾᬦᬾ᭞ᬳᭂᬮᬲ᭄ᬩᭂᬮᬶᬦᬾᬓᬤᬸᬭᬸᬲ᭄᭞ᬗᬸᬢᬂᬢᬶᬢ᭄ᬬᬂᬲᬶᬲᬶᬦ᭄ᬚᬮᬦ᭄᭞ᬓᬬᬸᬦ᭄ᬩᭂᬮᬶᬦᬾᬩᬲ᭄ᬮᬮᬶᬲ᭄᭞ᬩᬲ᭄‌ᬓᬾᬦᬾ
ᬧᬢᬸᬭᬸᬳ᭄ᬮᬸᬄ᭞ᬤᬶᬧᬦᬗ᭄ᬲᬭᬦᬾᬗᭂᬫ᭄ᬧᬶ᭟ᬧᭂᬢᭂᬂᬍᬫᬄᬢ᭄ᬯᬭᬲᬸᬳᬸᬤ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬗᬦ᭄ᬢᬶᬳᬦ᭄ᬢᬶ᭞ᬳᬶᬦ᭄ᬤ᭄ᬭᬩᬸᬫᬬᬤᬸᬮᬫᬾ᭞ᬧᬗᭂᬫ᭄ᬩᬦᬾᬮᬯᬸᬢ᭄ᬫᬢᬸᬃ᭞ᬮᬶᬮᬬᬂᬭᬢᬸᬮᬶ
ᬮᬬᬂ᭞ᬳᬦ᭄ᬢᭀᬲᬂᬤᬸᬫᬸᬦ᭄ᬳᬶᬭᬶᬓᬶ᭞ᬫᬦᬯᬶᬢᬦ᭄ᬯᬾᬦ᭄ᬢᭂᬦ᭄ᬭᬢᬸ᭞ᬧᬜ᭄ᬯᬾᬘ᭄ᬘᬦ᭄ᬳᬶᬤᬬᬂᬯᬶᬤ᭄ᬥᬶ᭟ᬤᬶᬓᬧᬦ᭄ᬢᬦ᭄ᬯᬾᬦ᭄ᬢᭂᬦ᭄ᬭᬢᬸ᭞ᬲᬂᬳ᭄ᬬᬂᬯᬶᬤ᭄ᬥᬶᬗ᭄ᬬᬂᬗ᭄ᬬᬗᬶᬦ᭄᭞ᬚᭂᬚᭂᬭᬂᬭᬢᬸᬓᬬᬸᬦᬾ
᭞ᬲᬸᬪᬓ᭄ᬢᬶᬦᬾᬫᬗ᭄ᬤᬦᬸᬮᬸᬲ᭄᭞ᬭᬶᬂᬭᬓᬦ᭄ᬘᭀᬓᭀᬃᬳᬶᬤᬾᬯᬵ᭞ᬢᬶᬮᬶᬗᬂᬤᬾᬯᬭᬶᬂᬋᬤ᭄ᬥᬶ᭞ᬓᬾᬢᭀᬩᬦ᭄ᬩᬦ᭄ᬫᬢᬸᬃᬳᬮᬸᬲ᭄᭞ᬳᬶᬦᬂᬧᬗᭂᬫ᭄ᬩᬦᬾᬲᬫᬶ᭟ᬬᬦ᭄ᬳᬓᬸᬤᬂᬤᬶᬦᬲᬫ᭄ᬧᬸ [ 74 ][᭗᭓ 73B]
᭗᭓
ᬦ᭄᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬗᭂᬗ᭄ᬓᬶᬓ᭄᭞ᬗᬚᬧᬚᬧ᭄ᬗᬫᬾᬳᬫᬾ᭞ᬫᬗ᭄ᬤᬾᬦᬾᬕᭂᬮᬶᬲ᭄ᬓᬚᬩᬸᬢ᭄᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬯᬶᬤ᭄ᬥᬶᬯᬱ᭞ᬤᬾᬦᬶᬂᬢᭀᬂᬫᬫ᭄ᬧᬸᬄᬦᬳᬦᬶᬦ᭄᭞ᬜᭂᬮ᭄ᬲᭂᬮ᭄ᬭᬕᬵᬳᬭᬸᬄ
ᬳᬭᬸᬄ᭞ᬦ᭄ᬤᬯᬸᬄᬤᬶᬧᬫᬺᬫᬦ᭄ᬲᬳᬶ᭟᭜᭟ᬧᬸᬄᬲ᭄ᬓᬃᬮᬬᭀᬦ᭄᭟᭜᭟ᬭᬾᬄᬭᬚᬮᬾᬮᬕᬫ᭄ᬩᬭ᭞ᬓᬳᬫᬾᬳᬫᬾᬲᬲᬳᬶ᭞ᬳᬦ᭄ᬢᬸᬓ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬦᬾᬤᬶᬧᬲᬗ᭄ᬕ᭄ᬭᬦᬾᬓᬭᬶ
᭞ᬤᬶᬦ᭄ᬢᬩ᭄ᬭᬢ᭄ᬢᬵᬫᬮᬶᬗ᭄ᬕᬶᬄ᭞ᬫᬗᭂᬫ᭄ᬧᬶᬧᬢᬸᬭᬸᬳ᭄ᬮᬸᬄ᭞ᬢ᭄ᬯᬭᬧᭂᬕᬢ᭄ᬓᬲᭂᬥᬶᬳᬂ᭞ᬧᬶᬢᬺᬱ᭄ᬡᬵᬭᬶᬂᬕᬸᬭᬸᬮᬓᬶ᭞ᬭᬚᬮᬾᬮᬕᬫ᭄ᬩᬭᬚᬦᬶᬳᬸᬘᬧᬂ᭟ᬤᬶᬚᬢᬮᬾᬮᬕᬫ᭄ᬩᬭ᭞ᬦᬸᬚᬸᬤᬶᬧᬫᬺ
ᬫᬦ᭄ᬫᬗ᭄ᬓᬶᬦ᭄᭞ᬲᬋᬂᬭᬩᬶᬦᬾᬫᬧᬭᬩ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬮᬯᬸᬫᬳᬦ᭄ᬤᬤᬶᬫᬾᬮᬶᬂ᭞ᬮᬾᬮᬕᬫ᭄ᬩᬭᬭᬶᬂᬓᬬᬸᬦ᭄᭞ᬭᬶᬂᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬧᬫᬶᬦᭂᬄᬤᬶᬚ᭄ᬭᭀᬦᬶᬂᬋᬤ᭄ᬥᬶ᭞ᬓᬾ

[᭗᭔ 74A]
᭗᭔
ᬦ᭄ᬓᬾᬦ᭄ᬩᬳᬦ᭄᭞ᬳᬋᬧᬢ᭄ᬯᬭᬗ᭄ᬕᬳᬾᬭᬾᬱ᭞ᬬᬦᬶᬂᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬦᬾᬦᬾᬚᬦᬶᬧᬘᬂᬓᬮᬶᬄ᭞ᬓᬧᬲᬗ᭄ᬕ᭄ᬭᬦ᭄ᬳᬦ᭄ᬢᬩ᭄ᬭᬢ᭄ᬢ᭞ᬚᭂᬦᭂᬂᬢᬾᬓᬸᬲᬸᬫᬤᬾᬯᬶ᭞ᬧᬘᬂᬭᬸᬦ᭄ᬢᬶᬓ᭄ᬢᬦ᭄ᬲᬶᬧᬶ᭞ᬓᬾ
ᬢᭀᬧᬫᬶᬦᭂᬄᬤᬶᬓᬬᬸᬦ᭄᭞ᬮᬯᬸᬢ᭄ᬭᬚᬮᬾᬮᬕᬫ᭄ᬩᬭ᭞ᬓᭂᬜᭂᬫ᭄ᬫᬗᬦ᭄ᬤᬶᬓᬫᬦᬶᬲ᭄᭞ᬭᬶᬂᬭᬩᬶᬦ᭄ᬤ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯ᭄ᬬᬵ᭟ᬳᬶᬄᬭᬢᬸᬲᬭᬶᬦᬶᬂᬓᬾᬦ᭄ᬤ᭄ᬭᬦ᭄᭞ᬧᬚᬶᬫᬢᬦ᭄ᬢᬶᬢ᭄ᬬᬂ
ᬯ᭄ᬬᬓ᭄ᬢᬶ᭞ᬫᬳᬶᬢᭀᬂᬫᬫᬺᬫᬺᬫᬦ᭄᭞ᬢᬶᬢ᭄ᬬᬂᬦᬸᬢᬸᬭᬶᬦ᭄ᬜᬳᬤᬶ᭞ᬲᬢ᭄ᬯᬍᬯᬶᬄᬢᬦ᭄ᬲᬶᬧᬶ᭞ᬳᬗ᭄ᬕᬾᬦ᭄ᬢᬢᬸᬮᬤᬦ᭄ᬮᬯᬸᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬕᬾᬮᬅ᭄‌ᬕᬾᬮᬅ᭄᭞ᬤᬶᬧᬫᬺᬫᬦ᭄ᬭᬜ᭄ᬚᬂᬫᭂᬧᬶᬃ᭞ᬭᬚᬮᬾᬮᬵ
ᬕᬫ᭄ᬩᬭᬫᬺᬫ᭄ᬤᬶᬲᬶᬲ᭄ᬬᬦ᭄᭟ᬮᬾᬮᬕᬫ᭄ᬩᬭᬫᬗᬸᬘᬧ᭄᭞ᬦᬶᬓᬶᬧᬶᬋᬗᬂᬤ᭄ᬯᬕᬸᬂᬗ᭄ᬕᬶᬄ᭞ᬳᬤᬵᬲᬢ᭄ᬯᬓᬘᬭᬶᬢ᭞ᬲᬂᬧ᭄ᬭᬪᬸᬳᬜᬓ᭄ᬭᬯᬺᬢ᭄ᬢᬶ᭞ᬗᭂᬮᬄᬭᬳᬶᬢ᭄ᬯᬄᬳᬩᭂᬲᬶᬓ᭄᭞ᬯᬃᬡ᭄ᬦᬦᬾᬓᬮᬶ [ 75 ][᭗᭔ 74B]
᭗᭔
ᬦ᭄ᬢᬂᬳᬬᬸ᭞ᬧᬥᬢᬺᬱ᭄ᬡᬵᬢᬦ᭄ᬲᬧᬶᬭ᭞ᬦᬾᬮᬦᬂᬮᬸᬗ᭄ᬳᬳᬚᬸᬭᬶᬢ᭄᭞ᬯᭂᬢᬸᬓᬲᭀᬃ᭞ᬭᬸᬲᬓ᭄ᬳᬶᬤᬤᬶᬧᬲ᭄ᬬᬢᬦ᭄᭟ᬩᬸᬫᬭᬫᬫᬶᬋᬂᬳᭀᬃᬣ᭞ᬦᬾᬳᬶᬲ᭄ᬢ᭄ᬭᬶᬓᬮᬶᬦ᭄ᬢᬂᬲᭂᬥᬶᬄ᭞ᬭᬾᬄᬭᬓᬦᬾᬫᬦ᭄ᬤᬾ
ᬯᬢ᭞ᬓᬧᬫᬺᬫᬦ᭄ᬗᬫ᭄ᬩᬶᬮ᭄ᬓ᭄ᬭᬶᬲ᭄᭞ᬗᬾᬗ᭄ᬕᬮᬂᬮᬯᬸᬢ᭄ᬫᬗᬸᬗ᭄ᬲᬶ᭞ᬓᬧᬬᬸᬥᬦ᭄ᬮᬯᬸᬢ᭄ᬓᬢᭂᬧᬸᬓ᭄᭞ᬮᬬᭀᬦ᭄ᬭᬓᬦᬾᬯᬮᬸᬬ᭞ᬓᬤᬶᬲᬶᬋᬧᬾᬢᬦ᭄ᬲᬶᬧᬶ᭞ᬮᬯᬸᬢ᭄ᬫᬲᬢ᭄ᬬ᭞ᬦᬾᬦᬾᬳᬶᬲ᭄ᬢ᭄ᬭᬶᬦᬸᬯᭂᬓ᭄ᬭᬕᬵ᭟
ᬲᬂᬳ᭄ᬬᬂᬳᬢ᭄ᬫᬫᬩᬋᬗᬦ᭄᭞ᬫᬤᬦ᭄ᬤᬦ᭄ᬢᬗᬦ᭄ᬫᬗ᭄ᬭᬭᬶᬲ᭄᭞ᬫᬗᬸᬗ᭄ᬲᬶᬓᬲ᭄ᬯᬃᬕ᭄ᬕᬮᭀᬓᬵ᭞ᬧᬫᬃᬕ᭄ᬕᬶᬦᬾᬫᬦᭂᬭᬶᬲ᭄ᬤᬶᬲ᭄᭞ᬳᬲ᭄ᬢᬶᬢᬶᬳᬮᬓᬶᬩᬶᬦᬶ᭞ᬧᬶᬢᬺᬱ᭄ᬡᬦᬾᬢᬦ᭄ᬧᬢᬗ᭄ᬕᬸ᭞ᬲᬂᬳ᭄ᬬᬂᬳᬢ᭄ᬫᬲᬫ᭄ᬧᬸᬦ᭄ᬮᭂ
ᬧᬲ᭄᭞ᬤᬶᬲ᭄ᬯᬃᬕ᭄ᬕᬮᭀᬓᬘᬸᬫᬯᬶᬲ᭄᭞ᬧᬫᬺᬫᬦᬾ᭞ᬩᬮᬾᬳ᭄ᬫᬲᬾᬭᭀᬂᬢᬶᬕ᭟ᬲᬂᬳ᭄ᬬᬂᬳᬢ᭄ᬫᬦᬾᬦᬾᬮᬦᬂ᭞ᬦᬾᬤᬶᬢᭂᬗᬄᬓᬮ᭄ᬕᭂᬦᬳᬶᬦ᭄᭞ᬩᬶᬮᬂᬢᬗ᭄ᬕᬸᬫᬸᬮᬕᭂᬦᬄ᭞ᬲᬂᬳ᭄ᬬᬂᬳᬢ᭄ᬫᬦᬾ

[᭗᭕ 75A]
᭗᭕
ᬦᬾᬳᬶᬲ᭄ᬢ᭄ᬭᬶ᭞ᬤᬤᬶᬓ᭄ᬯᬗᬦ᭄ᬩᬶᬦᬩᭂᬲᬶᬓ᭄᭞ᬩ᭄ᬯᬶᬦᬭᭀᬂᬤᬶᬢᬗ᭄ᬕᬸᬲᬸᬳᬸᬂ᭞ᬧᬶᬓᬦ᭄ᬢᭂᬦᬦᬾᬢᬶᬫ᭄ᬧᬂ᭞ᬭᬾᬄᬳᬚᬓ᭄ᬤᬤ᭄ᬯᬦᭀᬗᭀᬲᬶᬦ᭄᭞ᬩᬮᬾᬳ᭄ᬫᬲ᭄᭞ᬭᭀᬂᬢᬶᬕᬵᬤᬶᬲ᭄ᬯᬃᬕ᭄ᬕᬮᭀᬓᬵ᭟ᬧ
ᬢᬸᬢᬾᬲᬋᬂᬢᬢᬶᬕ᭞ᬲᬂᬳ᭄ᬬᬂᬳᬢ᭄ᬫᬵᬫᬗ᭄ᬕᭂᬦᬳᬶᬦ᭄᭞ᬤᬾᬦᬶᬂᬓᬘᬤᬗᬂᬕᭂᬦᬄ᭞ᬩᬮᬾᬳ᭄ᬫᬲᬾᬢᬂᬍᬯᬶᬄ᭞ᬬᬦᬶᬂᬳᬤᬩ᭄ᬯᬶᬦᬵᬩᭂᬲᬶᬓ᭄᭞ᬲᬂᬳ᭄ᬬᬂᬳᬢ᭄ᬫᬦᬾᬦᬾᬤᬸ᭞ᬫᬗ᭄ᬤᬾᬫ
ᬦᬫ᭄ᬧᭂᬓᬶᬦ᭄ᬧᬶᬲᬦ᭄᭞ᬫᬓᬢᬶᬕᬭᭀᬂᬫᬤᬕᬶᬂ᭞ᬲᬂᬳ᭄ᬬᬂᬳᬢ᭄ᬫ᭞ᬤᬾᬯᬦ᭄ᬧᬢᬸᬢᬾᬧᬸᬦᬶᬓᬵ᭟ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯ᭄ᬬᬵ᭞ᬲᬫ᭄ᬧᬸᬦ᭄ᬲᬾᬗᭂᬄᬫᬫᬶᬦᭂᬳᬶᬦ᭄᭞ᬭᬾᬄᬢ᭄ᬯᬦ᭄ᬧᬸᬢ᭄ᬭᬶᬫᬲᬶᬄ
ᬧ᭄ᬭᬚ᭄ᬜᬦ᭄᭞ᬓᭂᬜᭂᬫ᭄ᬮᬯᬸᬢ᭄ᬗᬸᬘᬧ᭄ᬢ᭄ᬯᬦ᭄ᬧᬸᬢ᭄ᬭᬶ᭞ᬳᬶᬗ᭄ᬕᬶᬄᬳᬸᬲᬦᬂᬓᬾᬩᭂᬮᬶ᭞ᬫᬢᬸᬢᬸᬭᬦ᭄‌ᬲᬢ᭄ᬯᬭᬢᬸ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬗᬶᬯᬗᬂ᭞ᬯ᭄ᬬᬓ᭄ᬢᬶᬯᬶᬓᬦ᭄ᬧᬶᬲᬦ᭄ᬩᭂᬮᬶ᭞ᬫᬜᬸᬕ᭄ᬚᬸᬕᬶᬦ᭄᭞ᬫᬦᬄ [ 76 ][᭗᭕ 75B]
᭗᭕
ᬢᬶᬢ᭄ᬬᬂᬳᬦ᭄ᬢᬸᬓ᭄ᬲᬢ᭄ᬯ᭟ᬗᬸᬤ᭄ᬬᬂᬩᭂᬮᬶᬲᬧᬸᬦᬶᬓ᭞ᬦᬶᬗ᭄ᬮᬲᬂᬯᬘᬡᬚ᭄ᬭᬶᬄ᭞ᬩᭀᬬᬯᬾᬦ᭄ᬢᭂᬦ᭄ᬫᬃᬕ᭄ᬕᬶᬦ᭄ᬢᬶᬢ᭄ᬬᬂ᭞ᬳᬮ᭄ᬧᬓᬵᬭᬶᬂᬕᬸᬭᬸᬮᬓᬶ᭞ᬳᬗ᭄ᬓᬭᬵᬭᬶᬂᬭᬕᬦ᭄ᬩᭂᬮᬶ᭞ᬧᬸᬦᬶᬓᬵᬢᬦ᭄ᬯᬾ
ᬦ᭄ᬢᭂᬦ᭄ᬧᬢᬸᬢ᭄᭞ᬧᬢᬸᬢᬾᬫᬸᬮᬓᬯᬯᬵ᭞ᬢᬶᬢ᭄ᬬᬂᬭᬶᬂᬧᬮᬶᬗ᭄ᬕᬶᬄᬩᭂᬮᬶ᭞ᬳᬤᭀᬄᬭᬢᬸ᭞ᬫᬦᬄᬢᬶᬢ᭄ᬬᬂᬗᬃᬬ᭄ᬬᬭᬾᬱ᭟ᬲᬫ᭄ᬧᬸᬦ᭄ᬫᬮᬶᬄᬫᬭᬲ᭄ᬫᬭᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬕᬮᬶᬳᬶᬦ᭄᭞ᬢᬶ
ᬢ᭄ᬬᬂᬲᬸᬪᬓ᭄ᬢᬶᬫᬫᬜ᭄ᬚᬓ᭄᭞ᬲᬶᬦᬄᬦᬶᬃᬫ᭄ᬫᬮᬵᬢᬸᬃᬳ᭄ᬦᬶᬂ᭞ᬦᬸᬮᬸᬲ᭄ᬫᬦᬄᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬬᬦ᭄ᬧᬸᬦᬧᬶᬓᬧᭀᬭᬢᬸ᭞ᬲᬦᬾᬤᬸᬭᬸᬂᬫᬜᬶᬤᬬᬂ᭞ᬳᬦ᭄ᬢᬸᬓ᭄ᬩᭂᬮᬶᬫᬗᬸᬧᬤᬶ᭞ᬋᬋᬄᬭᬢᬸ᭞ᬲᬫ᭄ᬧᬸᬦᬂ
ᬫᬮᬶᬄᬫᬗᬸᬩ᭄ᬥ᭟ᬳᬓᬾᬢᭀᬳᬢᬸᬭᬾᬧ᭄ᬭᬕᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫᬤᬾᬯᬶ᭞ᬭᬶᬂᬭᬚᬮᬾᬮᬕᬫ᭄ᬩᬭ᭞ᬢ᭄ᬯᬭᬕᬦ᭄ᬢᬲ᭄ᬫᬜᬯᬸᬭᬶᬦ᭄᭞ᬩᬳᬦ᭄ᬲᬬᬗᬾᬢ᭄ᬯᬦ᭄ᬧᬸᬢ᭄ᬭᬶ᭞ᬦᬸᬩᬸ

[᭗᭖ 76A]
᭗᭖
ᬓᬫᬩᬦᬶᬢᬓᬸᬢ᭄᭞ᬩᬦ᭄ᬩᬦ᭄ᬳᬤᬾᬂᬧᬶᬲᬦ᭄ᬗᬸᬘᬧ᭄᭞ᬮᬾᬮᬵᬕᬫ᭄ᬩᬭᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬭᬢᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬸᬦᬶᬗᬬᬂ᭟ᬫᬗ᭄ᬤᬾᬳᬶᬤᬲᬶᬦᬄᬯᬶᬓᬦ᭄᭞ᬦᬗ᭄ᬳᬶᬂᬲᬫ᭄ᬧᬸᬦ᭄ᬳᬶᬯᬂᬢᬫ᭄ᬧᬶ
᭞ᬲᬤᬯᭂᬕ᭄ᬢᬶᬢ᭄ᬬᬗᬾᬮᬸᬗ᭄ᬳ᭞ᬗᬸᬫ᭄ᬩᬭᬗᬋᬋᬄᬳᬤᬶ᭞ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬗᬫᬗ᭄ᬕᬶᬳᬶᬦ᭄᭞ᬧᬸᬢ᭄ᬭᬶᬧᬭᬩᬾᬓᬯᬸᬯᬸᬲ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬭᬶᬂᬢᬲᬶᬓ᭄ᬫᬮᬬᬯ᭄ᬬᬓ᭄ᬢᬶ᭞ᬧᬸᬢ᭄ᬭᬶᬦ᭄ᬳᬶᬤ᭞ᬲᬂ
ᬧ᭄ᬭᬪᬸᬩᬳᬭᬸᬫ᭄ᬤᬾᬯᬵ᭟ᬭᬾᬄᬢᬶᬢ᭄ᬬᬂᬧᭀᬮᬶᬄᬳᬶᬭᬶᬓᬵ᭞ᬫᬲᬦ᭄ᬤᭂᬓᬦ᭄ᬲᬦᬾᬭᬶᬳᬶᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬲᬳᬵᬧᬗᭂᬫ᭄ᬩᬦᬾᬲᬫᬶ᭞ᬳᬦ᭄ᬢᬸᬓ᭄ᬲᬫ᭄ᬧᬸᬦ᭄ᬲᬫᬶᬭᬤᬶᬦ᭄᭞ᬭᬭᬶ
ᬲ᭄ᬳᬚᬓ᭄ᬢᬶᬢ᭄ᬬᬂᬭᬢᬸ᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬓᬤᬶᬧᬗᭂᬫ᭄ᬩᬦ᭄ᬲᬫᬶ᭞ᬢᬸᬃᬭᬜ᭄ᬚᬶᬗᬂ᭞ᬢᬶᬢ᭄ᬬᬂᬓᬚ᭄ᬭᭀᬦᬶᬂᬓᬫᬮ᭟ᬲᬭᬯᬸᬄᬭᬶᬂᬳᬦ᭄ᬢᬩ᭄ᬭᬢ᭞ᬭᬾᬄᬓᬩᭂᬮᬢ᭄ᬳᬦ᭄ᬢᬸᬓ᭄ᬯᬭᬶᬄ᭞ᬳᬶᬭᬶ [ 77 ][᭗᭖ 76B]
᭗᭖
ᬓᬗᬚᬶᬧᬲᬗ᭄ᬕ᭄ᬭᬦ᭄᭞ᬳᬧᬂᬫᬩᬳᬦ᭄ᬫᬗ᭄ᬭᬭᬶᬲ᭄᭞ᬫᭂᬥᬮᬢᬶᬢ᭄ᬬᬂᬢ᭄ᬯᬦ᭄ᬧᬸᬢ᭄ᬭᬶ᭞ᬲᬓᬶᬂᬓᬫᬮᬦᬾᬭᬢᬸ᭞ᬫᬶᬯᬄᬧᬗᬗ᭄ᬲᬸᬄᬧᬗᭂᬫ᭄ᬩᬦ᭄᭞ᬩᬾᬜ᭄ᬚᬗᬦᬾᬢᬶᬢ᭄ᬬᬂᬗ᭄ᬭᬭᬶᬲ᭄᭞ᬫᬗᬸᬫ᭄ᬩ
ᬭ᭞ᬗ᭄ᬳᬶᬂᬧᬸᬢ᭄ᬭᬶᬦᬾᬤᬶᬧᬲᬗ᭄ᬕ᭄ᬭᬳᬦ᭄᭟ᬳᬓᬾᬦ᭄ᬢᭂᬦ᭄ᬭᬢᬸᬓᬦ᭄ᬤᬜ᭞ᬫᬗ᭄ᬤᬾᬲᬶᬤ᭄ᬥᬢᬢᬲ᭄ᬳᬸᬦᬶᬂ᭞ᬦᬗ᭄ᬳᬶᬂᬮᬾᬤᬂᬓᬬᬸᬦ᭄ᬳᬶᬤ᭞ᬩᭂᬮᬶᬫᬶᬲᬭᬬᬂᬳᬤᬶ᭞ᬓᬾᬦ᭄ᬓᬾᬦ᭄ᬳᬶᬤᭂᬧ᭄ᬳᬤᬶᬚᬦᬶ᭞ᬫᬲᬯᬸᬃᬳᬶ
ᬤᬢ᭄ᬯᬦ᭄ᬕᬮᬸᬄ᭞ᬦ᭄ᬤᬯᭂᬕᬂᬭᬢᬸᬦ᭄ᬤᬯᭂᬕᬂ᭞ᬳᬕᬾᬬᬂᬗᬋᬋᬄᬳᬸᬕᬶ᭞ᬢ᭄ᬯᬦ᭄ᬧᬸᬢ᭄ᬭᬶ᭞ᬫᬦ᭄ᬤᬸᬭᬢ᭄ᬦᬫ᭄ᬭᬶᬓᬶᬳᬚᬓ᭄᭟ᬫᬗ᭄ᬤᬾᬲᬫ᭄ᬧᬸᬦᬂᬓᬳᬸᬘᬧ᭄᭞ᬭᬶᬂᬚᬕᬢᬾᬳᬗ᭄ᬕᬾᬦ᭄ᬩᭂᬮᬶ᭞ᬭᬾᬄᬳᬦᬓ᭄ᬪᬓ᭄ᬢᬶ
ᬢᬺᬱ᭄ᬡᬵ᭞ᬩᭀᬬᬜᬦ᭄ᬤᬂᬩᭂᬮᬶᬮᬮᬶ᭞ᬮᬶᬧ᭄ᬬᬵᬭᬶᬂᬳᬦᬓ᭄ᬲᬸᬩᬓ᭄ᬢᬶ᭞ᬫᬗ᭄ᬤᬢᬦ᭄ᬯᬾᬦ᭄ᬢᭂᬦ᭄ᬜᭂᬤᬸᬯᬸᬂ᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬦᬳᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬦᬯᬶᬓᬭᬶ᭞ᬳᬶᬭᬶᬓᬵᬭᬶᬂᬧᬲ

[᭗᭗ 77A]
᭗᭗
ᬗ᭄ᬕ᭄ᬭᬳᬦ᭄᭟ᬤᬸᬓ᭄ᬫᬦ᭄ᬢᬸᬓᬾᬲᬓᬶᬂᬓᬾᬦ᭄ᬤ᭄ᬭᬦ᭄᭞ᬳᬯᬶᬦᬦ᭄ᬮᬮᬶᬜᬶᬫ᭄ᬧᬗᬶᬦ᭄᭞ᬫᬲᬯᬸᬃᬮᬾᬮᬕᬫ᭄ᬩᬭ᭞ᬩᭂᬮᬶᬳᬾᬤᬍᬫ᭄ᬭᬶᬂᬳᬤᬶ᭞ᬤᬾᬦᬶᬂᬳᬶᬭᬵᬕᬢᬶᬕᬢᬶ᭞ᬳᬦᬓᬾᬍ
ᬕᬵᬫᬫᬥᬸ᭞ᬓᭂᬜᭂᬫ᭄ᬢ᭄ᬯᬦ᭄ᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬗᬸᬤ᭄ᬬᬂᬢᬶᬢ᭄ᬬᬂᬢ᭄ᬯᬭᬲᬸᬤ᭄ᬥᬶ᭞ᬗᭂᬮᬄᬫᬥᬸ᭞ᬓᬾᬯᬦ᭄ᬢᭂᬦ᭄ᬫᬗ᭄ᬤᬢᬭᬫ᭄ᬢᬫ᭄᭟ᬦᬾᬦᬾᬚᬦᬶᬲᬸᬩᬲᬶᬦᬄ᭞ᬧᬥᬵᬳᬭᬸᬲ᭄ᬮᬦᬂᬳᬶᬲ᭄ᬢ᭄ᬭᬶ᭞ᬩᬩᬯᭀ
ᬲᬾᬲᬸᬩᬧ᭄ᬭᬕᬢ᭄᭞ᬮᬯᬸᬢ᭄‌‌ᬮᬾᬮᬕᬫ᭄ᬩᬭᬕ᭄ᬮᬶᬲ᭄᭞ᬫᬦ᭄ᬤᬩ᭄ᬤᬩ᭄ᬭᬭᬶᬲ᭄ᬫᬗᬫ᭄ᬩᬶᬮ᭄᭞ᬧᬦᬳᬾᬯᬶᬰᬾᬱᬮᬯᬸᬢ᭄᭞ᬮᬾᬮᬕᬫ᭄ᬩᬭᬫᭂᬦ᭄ᬢᬗᬂ᭞ᬲᬫ᭄ᬧᬸᬦᬾᬓᬍᬧᬲ᭄ᬕᭂᬮᬶᬲ᭄᭞ᬳ᭄ᬭᬸᬧᬦᬄᬳᬾ
ᬗᬸᬗ᭄ᬲᬶᬳᬦ᭄ᬢᬩ᭄ᬭᬢ᭟ᬢᬸᬃᬭᬚᬮᬾᬮᬕᬫ᭄ᬩᬭ᭞ᬫᬍᬘᬢ᭄ᬳᬓᭂᬥᬧ᭄ᬧ᭄ᬭᬧ᭄ᬢᬶ᭞ᬫᬦᬧᬓ᭄ᬤᬶᬳᬦ᭄ᬢᬩ᭄ᬭᬢ᭞ᬳ᭄ᬭᬸᬧᬦᬳᬾᬗᬩᬦᬶᬦ᭄᭞ᬓᬧᬲᬗ᭄ᬕ᭄ᬭᬳᬦ᭄ᬫᬗ᭄ᬭᬭᬶᬲ᭄᭞ᬤᬧᭂᬢᬂᬫᬓᭂᬚᬂᬩᭂᬗᬸᬮ᭄᭞ [ 78 ][᭗᭗ 77B]
᭗᭗
ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬶᬯᬄᬧᬗᭂᬫ᭄ᬩᬦᬾᬲᬫᬶ᭞ᬭᬾᬄᬩᬸᬮᬦᬦ᭄᭞ᬲᭂᬥᬶᬄᬓᬶᬂᬓᬶᬂᬤᬶᬧᬲᬗ᭄ᬕ᭄ᬭᬳᬦ᭄᭟ᬳᬶᬦᬂᬧᬗᬗ᭄ᬲᬸᬄᬧᬗᭂᬫ᭄ᬩᬦ᭄᭞ᬧᬥᬵᬕᬶᬭᬂᬫᬓᬲᬫᬶ᭞ᬗ᭄ᬳᬶᬂᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸ
ᬭᬢ᭄ᬦ᭞ᬗᭂᬫ᭄ᬩᭂᬂᬗᭂᬫ᭄ᬩᭂᬂᬢᭀᬬᬦᬓ᭄ᬱᬶ᭞ᬮᬾᬮᬕᬫ᭄ᬩᬭᬦᭂᬲᭂᬓᬶᬦ᭄᭞ᬢᬸᬃᬫᬗᬸᬘᬧᬮᬸᬲᬮᬸᬲ᭄᭞ᬲᬫ᭄ᬧᬸᬦᬂᬩᬗᭂᬢ᭄ᬧᬫᭂᬗ᭄ᬕᬄ᭞ᬳᬭᬄᬢᬶᬢ᭄ᬬᬂᬲᬚᬲᬶᬲᬶᬧ᭄᭞ᬓᬲᬾᬧ᭄ᬭᬢᬸ᭞ᬢᬶᬢ᭄ᬬᬂ
ᬫ᭄ᬭᬶᬓᬶᬗᬮᬶᬳᬶᬤ᭟ᬗᬶᬭᬶᬂᬓᬾᬫᬦ᭄ᬢᬸᬓ᭄ᬳᬶᬤᬾᬯᬵ᭞ᬓᬮᬾᬮᬕᬫ᭄ᬩᬭᬫᬗ᭄ᬓᬶᬦ᭄᭞ᬲᭂᬥᭂᬕ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬲᬯᬸᬃᬢᬶᬢ᭄ᬬᬂᬫᬗᬶᬭᬶᬂ᭞ᬮᬯᬸᬢ᭄ᬮᬾᬮᬕᬫ᭄ᬩᬭᬚᬦᬶ᭞ᬗᬋᬕᭂᬧᬂᬲᬕᬾᬢ᭄ᬲ
ᬫ᭄ᬧᬸᬦ᭄᭞ᬧᬲᬗ᭄ᬕ᭄ᬭᬳᬦᬾᬲᬫᬶᬳᬶᬘᬮ᭄᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬗ᭄ᬭᬜ᭄ᬚᬶᬂ᭞ᬮᬦ᭄ᬧᬋᬓᬦ᭄᭞ᬭᬶᬂᬓᬫᬮᬦᬾᬧᬸᬦᬶᬓᬵ᭟ᬢᬸᬫᬸᬮᬶᬫᬫᭂᬦ᭄ᬢᬂᬧᬦᬄ᭞ᬮᬾᬮᬕᬫ᭄ᬩᬭᬫᬯᬮᬶ᭞ᬫᬍᬲᬢ᭄ᬳᬓᭂᬥᬧ᭄ᬧ᭄ᬭ

[᭗᭘ 78A]
᭗᭘
ᬧ᭄ᬢ᭞ᬮᬾᬮᬕᬫ᭄ᬩᬭᬤᬶᬧᬸᬭᬶ᭞ᬫᬗᬸᬗ᭄ᬲᬶᬓᬕᭂᬤᭀᬂᬘᬺᬫᬶ᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬲᬫ᭄ᬧᬸᬦ᭄᭞ᬳᬶᬦᬂᬧᬗᬗ᭄ᬲᬸᬄᬧᬗᭂᬫ᭄ᬩᬦ᭄᭞ᬲᬓᬶᬂᬓᬫᬮᬦᬾᬫᬶᬚᬶᬮ᭄᭞ᬧᬜᬧᬦᬾ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫ
ᬤᬾᬯ᭄ᬬᬵ᭟ᬫ᭄ᬭᬶᬓᬶᬓᬾᬳᬤᬶᬧᬳᭂᬓᬂ᭞ᬢᭂᬓᬾᬦ᭄ᬳᭂᬫ᭄ᬩᭀᬓ᭄ᬫᬮᬶᬗ᭄ᬕᬶᬄ᭞ᬳᬶᬗ᭄ᬕᬶᬄᬓᬾᬗᬚᭂᬗᬂᬲᭂᬥᬄ᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬭᬭᬶᬲ᭄᭞ᬗᬬᬸᬦᬂᬲᭂᬥᬄᬦᬾᬫᬗ᭄ᬓᬶᬦ᭄᭞ᬧᬗ᭄ᬭᬯᭀᬲᬾᬲᬫ᭄ᬧᬸᬦ᭄ᬳᬤᬸᬂ
᭞ᬧᬥᬫᬢᬸᬢᬸᬃᬢᬸᬢᬸᬭᬦ᭄᭞ᬲᬓᬦ᭄ᬤᬓᬦ᭄ᬤᬦᬾᬭᬶᬳᬶᬦ᭄᭞ᬓ᭄ᬭᬡᬢᭂᬧᬸᬓ᭄᭞ᬭᬶᬂᬭᬚᬮᬾᬮᬕᬫ᭄ᬩᬭ᭟ᬧᬫᬺᬫᬦᬾᬫᬦ᭄ᬤᬸᬭᬢ᭄ᬦ᭞ᬤᬶᬕᭂᬤᭀᬂᬰᬾᬮᬘᬦ᭄ᬤᬡᬶ᭞ᬢᭂᬕᬓ᭄ᬜᬦᬾᬫᬩᬋᬗ
ᬦ᭄᭞ᬭᬶᬂᬕᭂᬦᬄᬓᬸᬲᬸᬫᬤᬾᬯᬶ᭞ᬦᬾᬫᬳᬤᬦ᭄ᬤᬶᬕ᭄ᬥᭀᬂᬘᬺᬫᬶ᭞ᬚᬦᬶᬘᬭᬶᬢᬬᬂᬮᬯᬸᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬓᬕᭂᬤᭀᬂᬰᬾᬮᬘᬦᬡᬶ᭞ᬫᬳᬶᬭᬶᬗᬦ᭄᭞ᬳᬶᬦᬂᬧᬗᬗ᭄ᬲᬸᬄᬫ [ 79 ][᭗᭘ 78B]
᭗᭘
ᬓᭂᬚᬂ᭟ᬚᬦᬶᬲᬸᬩᬓᬯᬶᬓᬦᬂ᭞ᬭᬶᬂᬲᬂᬧ᭄ᬭᬪᬸᬳᬶᬦ᭄ᬤ᭄ᬭᬓᬸᬘᬶ᭞ᬫᬓᬤᬶᬜᬧ᭄ᬭᬫᬶᬰ᭄ᬯᬃᬬ᭄ᬬ᭞ᬳᬦᬓ᭄ᬤᬗ᭄ᬭᬯᬸᬳᬂᬧᬸᬢ᭄ᬭᬶ᭞ᬢᬸᬃᬲᬫ᭄ᬧᬸᬦ᭄ᬫᬳᬗ᭄ᬕᬾᬦ᭄ᬭᬩᬶ᭞ᬢᬸᬫᬸᬮᬶᬳᬶᬤᬲᬂᬧ᭄ᬭᬪᬸ᭞ᬧ᭄ᬭᬫᬶᬰ᭄ᬯᬭᬶᬲᬶ
ᬦᬋᬗᬦ᭄᭞ᬓᬕᭂᬤᭀᬂᬰᬾᬮᬘᬦᬦᬶ᭞ᬧᬘᬂᬜᬧ᭞ᬫᬦ᭄ᬢᬸᬦᬾᬦᬾᬯᬯᬸᬧ᭄ᬭᬧ᭄ᬢᬵ᭟ᬲᬭᬯᬸᬄᬳᬶᬤᬲᬂᬦᬵᬣ᭞ᬫᬲᬋᬗᬦ᭄ᬧ᭄ᬭᬫᬶᬰ᭄ᬯᬭᬶ᭞ᬫᬩ᭄ᬭᬶᬬᬸᬓ᭄ᬢᬸᬳᬸᬦ᭄ᬫᬓᭂᬚᬂ᭞ᬲᬂᬦᬵᬣᬮᬦ᭄ᬧ᭄ᬭᬫᬶ
ᬰ᭄ᬯᬭᬶ᭞ᬲ᭄ᬯᬪᬯᬦᬾᬫᬶᬗᬶᬲ᭄ᬫᬶᬗᬶᬲ᭄᭞ᬲᬫᬶᬮᬾᬤᬂᬲᬦ᭄ᬭᬶᬂᬓᬬᬸᬦ᭄᭞ᬧ᭄ᬭᬫᬶᬰ᭄ᬯᬭᬶᬭᬭᬶᬲ᭄ᬗᬸᬘᬧ᭄᭞ᬧᬗᬸᬘᬧᬾᬩᬦ᭄ᬩᬦ᭄ᬫᬦᬶᬲ᭄᭞ᬢᬸᬃᬫᬮᬶᬗ᭄ᬕᬶᬄ᭞ᬦᭂᬲᭂᬓ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭟ᬍᬕᬬᬂᬳᬶᬤᭂᬧ᭄ᬳᬶ
ᬤᬾᬯ᭞ᬦᬾᬚᬦᬶᬫᬦᭀᬗᭀᬲ᭄ᬤᬶᬦᬶ᭞ᬤᬶᬚᬕᬢ᭄‌ᬮᬾᬮᬕᬫ᭄ᬩᬭ᭞ᬫᬓᬤᬶᬫᬫᬢ᭄ᬯᬩᬶᬩᬶᬅ᭄᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬭᬭᬶᬲ᭄᭞ᬫᬜᭂᬫ᭄ᬩᬄᬢᬸᬃᬫ᭄ᬫᬦᬶᬂᬗᬸᬦ᭄ᬢᬸᬓ᭄᭞ᬳᬦ᭄ᬢᬸᬓ᭄ᬓᬭᬶᬓᬶᬫᬸᬤ᭄ᬧᬶᬲ

[᭗᭙ 79A]
᭗᭙
ᬦ᭄᭞ᬧ᭄ᬭᬕᬢ᭄ᬧᬲᬯᬸᬃᬦᬾᬳᬶᬗ᭄ᬕᬶᬄ᭞ᬬᬢᬸᬩᬶᬩᬶᬅ᭄᭞ᬲᬶᬢᬶᬢ᭄ᬬ᭟ᬓᭂᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬫᬳᬭᬚᬳᬶᬦ᭄ᬤ᭄ᬭᬓᬸᬘᬶ᭞ᬓᬾᬦ᭄ᬓᬾᬦ᭄ᬲᬶᬓᬯᬶᬢ᭄ᬓᬦ᭄ᬤᬜ᭞ᬲᬗ᭄ᬓᬦ᭄ᬩᬓ
ᬢᬂᬢ᭄ᬯᬦ᭄ᬧᬸᬢ᭄ᬭᬶ᭞ᬲᬶᬤ᭄ᬥᬩᬳᬦ᭄ᬗᬚᬓ᭄ᬫᬸᬮᬶᬄ᭞ᬢᬸᬢᬶᬂᬧᬗᭂᬫ᭄ᬩᬦ᭄ᬧᬗᬗ᭄ᬲᬸᬄ᭞ᬮᬯᬸᬢ᭄ᬭᬚᬮᬾᬮᬕᬫ᭄ᬩᬭ᭞ᬦ᭄ᬤᬃᬢ᭄ᬢᬬᬂᬳᬶᬦ᭄ᬤᬶᬓᬾᬲᬫᬶ᭞ᬲᬫ᭄ᬧᬸᬦ᭄ᬓᬢᬸᬃ᭞ᬭᬶᬂᬳᬚᬶᬦ᭄ᬤᬲᬳᬵᬲᭂᬫ᭄ᬩᬄ᭟ᬳᬚᬶ
ᬦ᭄ᬤᬮᬾᬤᬂᬫᬶᬋᬗᬂ᭞ᬲᬋᬂᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬓᬤᬶᬳᬢᬸᬭᬾᬳᬦᬓ᭄ᬤ᭞ᬫᬶᬗᬶᬲ᭄ᬭᬚᬳᬶᬦ᭄ᬤ᭄ᬭᬓᬸᬘᬶ᭞ᬫᬓᬫᬶᬯᬄᬧ᭄ᬭᬫᬶᬰ᭄ᬯᬭᬶ᭞ᬲ᭄ᬯᬪᬯᬦᬾᬫᬢ᭄ᬭᬸᬄᬢ᭄ᬭᬸᬄ᭞ᬳᬩ᭄ᬭᬶᬬᬸᬓᬦ᭄ᬭᬭᬶᬲ᭄ᬩᬸᬤᬮ᭄᭞
ᬲᬂᬦᬵᬣᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬫᬗ᭄ᬓᬶᬦ᭄ᬭᬢᬸ᭞ᬲᬸᬩᬧᭂᬢᭂᬂᬘᬭᬶᬢᬬᬂ᭟ᬦᬾᬚᬦᬶᬮᬾᬮᬵᬕᬫ᭄ᬩᬭ᭞ᬤᬶᬕᭂᬤᭀᬂᬰᬾᬮᬘᬦᬦᬶ᭞ᬫᬺᬫ᭄ᬲᬯᬶᬭᬾᬄᬯᬯᬸᬧ᭄ᬭᬧ᭄ᬢ᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬮᬫᬶ [ 80 ][᭗᭙ 79B]
᭗᭙
ᬫᬩᭂᬮᬲᬦ᭄ᬩᬸᬫᬭᬧᬗ᭄ᬕᬶᬄ᭞ᬦᬗ᭄ᬳᬶᬂᬧᬫᬸᬧᬸᬢᬾᬧᬢᬸᬄ᭞ᬧᬥᬲᬬᬂᬫᬓᬤᬤ᭄ᬯ᭞ᬢᬸᬃᬫᬕᬶᬮᬶᬃᬢᬸᬗ᭄ᬕᬮ᭄ᬯᭂᬗᬶ᭞ᬓᬕ᭄ᬦᬳᬶᬦ᭄᭞ᬭᬶᬂᬭᬚᬮᬾᬮᬕᬫ᭄ᬩᬭ᭟᭜᭟ᬩᬩᭀᬦ᭄ᬮᭀᬦ᭄ᬢᬃᬧᬸᬦᬶ
ᬓᬶᬧᬸᬧᬸᬢ᭄ᬲᬶᬦᬸᬭᬢ᭄‌ᬭᬶᬂᬭᬳᬶᬦ᭞ᬘᬵ᭞ᬧ᭄ᬯ᭞ᬢᬂ᭞ᬧᬶᬂ᭞᭑᭐᭞ᬰᬰᬶᬄᬓᬢᬶᬕ᭟ᬤ᭄ᬭᬸᬯᬾᬦ᭄ᬳᬶᬯᬬᬦ᭄ᬘᭂᬧᬸᬕ᭄᭞ᬲᬓᬶᬂᬤᬾᬰᬢᭀᬧᬢᬶ᭟᭜᭟ᬧᬸᬧᬸᬢ᭄ᬲᬶᬦᬸᬭᬢ᭄ᬫᬦᭂᬥᬸᬦ᭄᭞ᬭᬶᬂᬤᬶᬦ᭞ᬯᬺ᭞
ᬧ᭞ᬯᬭᬤᬸᬓᬸᬢ᭄᭞ᬢᬶᬢᬶ᭞ᬢᬂ᭞ᬧᬶᬂ᭞᭑᭔᭞ᬰᬰᬶᬄᬚ᭄ᬬᬾᬱ᭄ᬝ᭞ᬭᬄ᭞᭘᭞ᬢᭂᬂ᭞᭑᭞ᬇᬰᬓᬵ᭞᭑᭙᭑᭘᭟ᬢᬗ᭄ᬕᬮ᭄ᬫᬰᬾᬳᬶ᭞᭒᭞ᬫᬾᬳᬶ᭞᭑᭙᭙᭖᭟ᬲᬶᬦᬸᬭᬢ᭄ᬤᬾᬲᬗᬧᬦ᭄ᬮᬄ᭞ᬳᬶᬓ᭄ᬢᬸ
ᬢ᭄ᬲᭂᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕ᭞ᬯᬃᬕ᭄ᬕᬧᬲᭂᬓ᭄᭞ᬓᬤᬾᬰᬳᬦ᭄ᬧᬶᬤ᭄ᬧᬶᬤ᭄᭞ᬓᬘᬫᬢᬦ᭄ᬳᬩᬂ᭞ᬓᬪᬸᬧᬢᬾᬦ᭄ᬓᬭᬗ᭄ᬳᬲᭂᬫ᭄᭟᭜᭟