Ban/Gaguritan Lutung Mungil 01

Naskah

[ 1 ][Judul : GAGURITAN LUTUNG MUNGIL. B
Pnj. 50 cm. Lb.3,5 cm. Jml. 44 lb.
Asal : Padangkerta , Karangasem.
G/X/9/DokI/G. 254
PERPUSTAKAAN
KTR. DOKBUD BALI
PROP. BALI
G/X/9/DOKBUD]
[᭑ 1A]
[6/X/9
Judul: GAGURITAN LUTUNG MUNGIL.
Pnj.50 cm. Lb.3,5 cm. Jml. 44 lb.
Asal: Padangkerta, Karangasem.] [ 2 ][᭑ 1B]
᭑᭞
᭚ᬧᬸᬄᬫᬕᬢ᭄ᬭᬸᬄ᭟᭜᭟ᬒᬁᬅᬯᬶᬖ᭄ᬦᬧᬹᬚᬷᬲᬸᬦ᭄ᬥᬸᬓ᭄ᬢᭂᬫ᭄ᬩᬾᬦᬶᬂᬳᬗᬧᬸᬲ᭄᭞ᬫᭀᬖᬵᬦ᭄ᬫᬸᬤᬶᬃᬖᬬᬸᬱᬤᬶ᭞ᬗ᭄ᬯᬂᬤᬰᬶᬤᬶᬦᬓᬮᬗ᭄ᬓᬸᬂ᭞ᬫᬶᬦ᭄ᬢᬵᬕᬸᬧ᭄ᬤᬡᬳᬫ᭄ᬧᬸᬭᬶ᭞ᬰᬸᬪᬓᬂᬘᬶᬦᬶᬢ᭄ᬢᬦᬷᬗᭀᬂ᭟᭜᭟ᬧᬸᬄᬤᬸᬃᬫ᭄ᬫ᭟᭜᭟ᬲᬓᬶᬂᬳᬶᬲᭂᬂᬫᬭᬶᬓ᭄‌ᬲᬢ᭄ᬯᬘᬘᬦ᭄ᬢᬸᬗᬦ᭄᭞ᬪᬱᬜᬚᬯᬩᬮᬶ᭞
ᬳᬧᬂᬫᬶᬮᬸᬫᬢ᭄ᬭ᭞ᬗᬶᬭᬶᬂᬫᬫᬵᬃᬕ᭄ᬕᬶᬮᬯᬲ᭄᭞ᬓ᭄ᬭᬡᬫᬶᬮᬸᬦᬸᬮᬤ᭄ᬓᬶᬤᬶᬓ᭄᭞ᬲᬸᬫᬲᬢ᭄‌ᬫᬮᬚᬄ᭞ᬤ᭄ᬭᭀᬧᭀᬦ᭄ᬫᬲᬶᬄᬫᬗᬯᬶ᭟ᬫᬶᬭᬶᬩ᭄‌ᬢᬢᬲ᭄ᬦᬯᬂᬧᬧ᭄ᬘᬄᬅᬓ᭄ᬱᬭ᭞ᬓᬶᬓᬸᬓ᭄ᬘᬧ᭄ᬜᬫ᭄ᬧᬶᬂ᭞ᬲᬸᬕᬮ᭄ᬤᬲᬶᬂᬫᬸᬜᬂ᭞ᬬᬦᬶᬦ᭄ᬤᬓᬾᬢᭀᬧᬗ᭄ᬓᬄ᭞ᬫᬲᬶᬄᬫᬶᬮᬸᬗ᭄ᬕᬯᬾᬕᬸᬭᬶᬢ᭄᭞ᬦ᭄ᬤᬸᬍᬕᬶᬦ᭄ᬫᬦᬄ᭞
ᬦᬸᬦ᭄ᬤᬸᬦᬶᬦ᭄ᬫᬦᬄᬕ᭄ᬢᬶ᭟ᬳᬯᬓ᭄ᬓᭀᬮᬸᬕ᭄ᬢᬸᬃᬓᬢᬸᬦᬦᬚᬶᬰᬵᬲ᭄ᬢ᭄ᬭ᭞ᬫᬲᬶᬄᬫᬶᬮᬸᬫᬵᬧᬶᬫᬵᬧᬶ᭞ᬳᬶᬩᬸᬓ᭄ᬲᬓᬶᬢ᭄ᬫᬾᬭᬂ᭞ᬳᬲᬶᬧᬥᬫᬫᬶᬋᬗᬂ᭞ᬯ᭄ᬢᬸᬇᬥᭂᬧ᭄‌ᬢ᭄ᬯᬭᬳᬶᬫ᭄ᬩᬶᬄ᭞ᬚᬗ᭄ᬓᭂᬧ᭄ᬭᬶᬭᬶᬕᬦ᭄᭞ᬲᬵᬢ᭄ᬫᬵᬯᬓ᭄‌ᬰᬵᬲ᭄ᬢ᭄ᬭᬫᬢᬶ᭟ᬲᬂᬳᬗᬗ᭄ᬕᬶᬢ᭄ᬳᬫᬶᬦ᭄ᬢᬵᬕᭃᬂᬋᬡᬳᬫ᭄ᬧᬸᬭ᭞ᬭᬶᬂᬳᬶᬤᬤᬦᬾᬲᬫᬶ᭞ᬲᬶᬂᬲᬸ
ᬤ᭄ᬥᬶᬫᬜᬶᬗᬓ᭄᭞ᬰᬵᬲ᭄ᬢ᭄ᬭᬦᬾᬦᬫᬳᬤᬸᬓᬦ᭄᭞ᬢᬦᬶᬧᬲᬂᬧᬸᬧᬸᬄᬕᭂᬡ᭄ᬥᬶᬂ᭞ᬲᬫᬶᬜᬸᬮᬶᬗ᭄ᬲᬂ᭞ᬲᭀᬓ᭄‌ᬤᬤᬶᬬᬧᬘᬳᬶᬫ᭄᭟ᬧᬘᬂᬳᬗ᭄ᬕᬾ᭠ᬦ᭄‌ᬲᬢ᭄ᬯᬭᬶᬓᬵᬮᬦᬶᬂᬚᬸᬫᬄ᭞ᬫᬶᬢᬸᬢᬸᬭᬶᬦ᭄‌ᬘ᭄ᬦᬶᬓ᭄‌ᬘ᭄ᬦᬶᬓ᭄᭞ᬩᬶᬮᬶᬄᬲᬶᬤ᭄ᬥᬲᬤ᭄ᬬ᭞ᬕᬦ᭄ᬕᬦ᭄‌ᬬᬜᬓ᭄ᬫᬮᬚᬄ᭞ᬭᬾᬄ᭞ᬲᬸᬩᬜᬦ᭄ᬤᬂᬫᬹᬭᬸᬓᬶᬦ᭄᭞
[᭒ 2A]
ᬗ᭄ᬕᬸᬕ᭄ᬯᬦᬶᬦ᭄‌ᬰᬵᬲ᭄ᬢ᭄ᬭ᭞ᬮᬗᭃᬯ᭄ᬓᬲᬶᬂᬢᬲ᭄ᬢ᭄ᬭᬶ᭟ᬳᬤᬩᭀᬚᭀᬕ᭄‌ᬫᬸᬗᬶᬮ᭄ᬢᬸᬃᬘᬘᭂᬧ᭄ᬫᬓ᭄ᬭᬸᬩ᭞ᬫᬸᬮᬗᬸᬧᬵᬬᬲᬦ᭄ᬤᬶ᭞ᬢᬸᬲ᭄ᬢᬸᬲ᭄ᬦᬶᬂᬓᬶᬲ᭄ᬓᭂᬩ᭄ᬥᬵ᭞ᬳᬶᬬᬫᬸᬮᬓᬳᬧ᭄ᬤᬧᬂ᭞ᬫ᭄ᬩᬦ᭄ᬢᬸᬯᬶᬦ᭄ᬲᬂᬭᬵᬫᬗᬹᬦᬶ᭞ᬗᬮᬳᬂᬤᬾᬰ᭞ᬍᬗ᭄ᬓᬦᬾᬮᬶᬗ᭄ᬲᭂᬫ᭄‌ᬩᬺᬲᬶᬄ᭟ᬘᬭᬶᬢᬬᬂᬲ᭄ᬥᭂᬓ᭄‌ᬬᬫᬵᬮᭀᬦ
ᬮᭀᬦᬦ᭄᭞ᬤᬶᬢ᭄ᬗᬄᬳᬮᬲ᭄ᬳᬦᬸᬮᬶ᭞ᬦ᭄ᬤᬶᬗᭂᬄᬫᬸᬜᬶᬦ᭄‌ᬲᬝ᭞ᬓᬓ᭄ᬭᬸᬬᬸᬓ᭄‌ᬳᬶᬳᬬᬫ᭄ᬳᬮᬲ᭄᭞ᬤᬶᬘᬭᬂᬓᬬᬸᬦᬾᬜ᭄ᬕᬶᬃ᭞ᬭᬾᬄᬩ᭄ᬢᭂ᭠ᬓ᭄ᬢᬸᬃᬮ᭄ᬬᬂ᭞ᬳᬸᬲᬦ᭄‌ᬦ᭄ᬥᬵᬉᬮᬫ᭄ᬧᬲᬶᬄ᭟ᬤᬾᬦᬶᬂᬳᬶᬬᬵᬢ᭄ᬓᬳᬸᬮᬶᬫᬓᬓᬭᬂ᭞ᬧᭀᬮᬶᬄᬉᬮᬫ᭄‌ᬢᬦᬶᬓᬶᬓᬶᬢ᭄᭞ᬳᬶᬩᭀᬚᭀᬕ᭄
ᬲᬵᬤ᭄ᬭᬓ᭞ᬦ᭄ᬤᭂᬲᭂᬓ᭄‌ᬳᬶᬳᬬᬫᬮᬲ᭄᭞ᬳᬶᬓᬾᬓᬾᬃᬓᬕ᭄ᬬᬢ᭄ᬦᬸᬫᭀᬦᬶᬦ᭄᭞ᬳᬶᬮᬸᬢᬸᬂᬧ᭄ᬭᬵᬧ᭄ᬢ᭞ᬦᬳᭂᬦ᭄ᬭᬶᬂᬓᬪᬬᬧᬢᬶ᭟ᬲᬤᬵ᭠ᬮᭀᬦ᭄ᬳᬶᬮᬸᬢᬸᬂᬫᬗ᭄ᬓᬶᬦᬗᬸᬘᬧ᭄᭞ᬳᬫ᭄ᬮᬤ᭄ᬧ᭄ᬭᬩᬓᭀᬂᬮᬲ᭄ᬳᬲᬶᬄ᭞ᬳᬸᬤᬸᬄᬲᬝᬯᬦ᭞ᬧᬶᬢᬸᬮᬸᬲᬂᬚ᭄ᬯᬲᬸᬓ᭞ᬫᬲᬯᬶᬢ᭄ᬭᬢᬺᬱ᭄ᬡᬳᬲᬶᬄ᭞ᬭᬶᬂ
ᬫᬦᬶᬭᬮᬭ᭞ᬳᬶᬤᬸᬧ᭄‌ᬲᬳᬶᬦᬦ᭄ᬤᬂᬲ᭄ᬥᬶᬄ᭟ᬓᬫᬸᬭᬗᬦ᭄ᬲᬳᬶᬓᬧ᭄ᬕᬢᬦ᭄ᬳᬫᬄ᭞ᬯᭀᬯᭀᬳᬦ᭄ᬲᬸᬦ᭄ᬬᬲᬫᬶ᭞ᬓᬾᬦᬾᬨᬮ᭠ᬦ᭄‌ᬩ᭄ᬭᬕ᭄᭞ᬫᬦᬶᬭᬓᬢᬸᬦᬵᬦ᭄ᬢᬥᬄ᭞ᬲᬶᬂᬜᬤᬶᬚᬤᬶᬚᬓᬧᬶ᭞ᬳᬶᬩᬗᬢᬸᬚ᭄ᬯᬂ᭞ᬦ᭄ᬧᬸᬓᬶᬦ᭄ᬦᬾᬧᬘᬂᬪᬸᬓ᭄ᬢᬶ᭟ᬩᬹᬳᬫᭀᬦ᭄ᬢᭀᬳᬶ᭠ [ 3 ][᭒ 2B]
᭒᭞
ᬓᬾᬓᬾᬃᬳᬗᬸᬘᬧ᭄ᬩᬦ᭄ᬩᬦ᭄᭞ᬳᬶᬩᬮᬸᬢᬸᬂᬤᭀᬂᬧᬶᬦᭂᬳᬶᬦ᭄᭞ᬳᬶᬩᬮᬸᬢᬸᬂᬤᭀᬂᬧᬶᬦᭂᬳᬶᬦ᭄᭞ᬫᬗ᭄ᬤᭀᬄᬲᬶᬤ᭄ᬥᬲᬥ᭄ᬬ᭞ᬳᬶᬩᬫᬲᬯᬶᬢ᭄ᬭᬳᬶᬭ᭞ᬳᬶᬩᬩᬸᬭᭀ᭠ᬦ᭄ᬳᬶᬭᬧᬓ᭄ᬱᬶ᭞ᬚᭀᬄᬘᬸᬯᬢ᭄ᬲᬯᬢ᭄᭞ᬲᬳᬶᬄᬳᬶᬩᬢ᭄ᬓᬾᬦ᭄ᬓᬳᬶ᭟ᬩ᭄ᬯᬶᬦᬵᬫᬸᬮᬳᬶᬩᬢᭀᬲᬶᬦ᭄ᬩᬸᬭᭀᬦ᭄ᬤᭂᬗ᭄ᬓᬮ᭄᭞ᬤ᭄ᬫᭂᬦ᭄‌ᬗᬹᬮᬸᬓ᭄ᬳᬸᬮᬸᬓ᭄ᬲ
ᬳᬶ᭞ᬳᬗ᭄ᬳᬶᬂᬮᬾᬜ᭄ᬚᭀᬄᬢᬦ᭄ᬤᬶᬂᬜ᭞ᬓᬳᬶᬢ᭄ᬓᬾᬦᬾᬦᬾᬮ᭄ᬬᬦ᭄᭞ᬬᬦ᭄ᬩ᭄ᬯᬢ᭄‌ᬓᬳᬶᬦᬾᬚᬦᬶ᭞ᬤᭀᬄᬧᬘᬂᬲᬶᬤ᭄ᬥ᭞ᬩᬳᬦ᭄ᬳᬶᬩ᭠ᬗᬫᬯᬸᬓᬶᬦ᭄᭟ᬤᬾᬦᬶᬂᬓᬳᬶᬲᬸᬩᬦᬯᬂᬲᬲᭀᬮᬳᬦ᭄᭞ᬳᬶᬩᬤ᭄ᬫᭂᬦ᭄‌ᬗᬤᬸᬭᬸᬲᬶᬢ᭄᭞ᬩᬶᬓᬲ᭄ᬗᬭᬸᬕᬤ᭞ᬫᬓ᭄ᬚᬂᬢᬶᬫ᭄ᬧᬮᬾᬩᬶ
ᬓᬲ᭄᭞ᬳᬧᬂᬫᬲᬶᬄᬫᬧᬶᬓᭀᬮᬶᬄ᭞ᬢ᭄ᬭᬜᬂᬢᭀᬮᬶᬳᬦ᭄᭞ᬢ᭄ᬓᬾᬦ᭄ᬲᬲᬫᬦᬶᬗ᭄ᬳᬸᬭᬶᬧ᭄᭟ᬧᬦ᭄ᬢᭂᬲ᭄ᬳᬶᬩᬲᬢᬢᬦ᭄ᬫᬸᬲᬗ᭄ᬲᬭ᭞ᬤᬾᬦᬶᬩᬶᬓᬲ᭄ᬮᬶᬦ᭄ᬢᬂᬘ᭄ᬯᬶᬮ᭄᭞ᬳᬶᬮᬸᬢᬸᬂᬤᬸᬓ᭄‌ᬫ᭄ᬬᬃᬱᬵ᭞ᬧᬗᬸᬫᬦ᭄ᬳᬶᬳᬬᬫ᭄ᬳᬮᬲ᭄᭞ᬚ᭄ᬗᬄᬫᬾᬭᬂᬬᬭᬶᬗᬢᬶ᭞ᬲᬳᬲᬲᬸᬫ᭄ᬩᬃ᭞ᬬᬦ᭄ᬢᭀᬂᬲᬶᬤ᭄ᬥᬩ
ᬳᬦ᭄ᬓᬳᬶ᭟ᬳᬶᬤᭀᬗᬶᬤᭀᬂᬓᬳᬶᬢᭀᬲᬶᬦ᭄ᬳᬶᬯᬦᬭ᭞ᬫᬗ᭄ᬭᬸᬲᬓ᭄‌ᬍᬗ᭄ᬓᬦᬾᬗᬹᬦᬶ᭞ᬗ᭄ᬕᬯᬾᬲᬶᬢᬸᬩᬡ᭄ᬥ᭞ᬧ᭄ᬭᬚᬸᬭᬶᬢ᭄ᬳᬶᬤᬲᬂᬭᬵᬫ᭞ᬳᬫᭀᬦ᭄ᬢᭀᬬᬭᬭᬶᬲ᭄ᬓᭂᬜᬶᬃ᭞ᬳᬮᭀᬦᬗᬸᬘᬧ᭄᭞ᬓᬤᬶᬫᬥᬸᬗᭂᬢᬸᬲ᭄ᬳᬢᬶ᭟ᬳᬸᬥᬸᬄᬳᬶᬩᬲᬝᬯᬦᬤᬓᬮᬶᬯᬢ᭄᭞ᬳᬶᬩ
[᭓ 3A]
ᬗ᭄ᬕᬯᬾᬲᬓᬶᬢ᭄ᬳᬢᬶ᭞ᬲᬵᬫᬸᬮᬲᬗ᭄ᬲᬭ᭞ᬤ᭄ᬯᬳᬶᬩᬩ᭄ᬯᬶᬦ᭄ᬗᭂᬦ᭄ᬢᬶᬓᬂ᭞ᬓ᭄ᬩᬸᬲ᭄ᬩᬭᬫᬸᬗ᭄ᬕ᭄ᬯᬾᬗᬢᬶ᭞ᬳᬓᬸᬤᬢᬳᬦᬂ᭞ᬤᭀᬂᬧᬶᬦᭂᬄᬚ᭄ᬯ᭠ᬭᬶᬗᬢᬶ᭟ᬫᬫᬸᬜᬶᬦᬾᬧᬢᬹᬢ᭄‌ᬢ᭄ᬯᬄᬲᬸᬓᬢ᭄ᬲᬸᬓᬢᬂ᭞ᬤᬶᬳᬢᬶᬬᬕᬕᬸᬮᬓᬶᬦ᭄᭞ᬧᬶᬮᬶᬄᬦᬾᬦᬾᬤᬤ᭄ᬯ᭞ᬧᬲᬚᬫᬶᬯᬄᬦᬾ
ᬮᭀᬫ᭄ᬧᬂ᭞ᬩᬓᬮᬧᬮ᭄ᬬᬸᬫᬸᬜᬶ᭞ᬳᬤᬮᬦ᭄ᬢ᭄ᬯᬭ᭞ᬳᭂᬦ᭄ᬢᭀᬦᬾᬜᬦ᭄ᬤᬂᬓᬸᬓᬸᬳᬶᬦ᭄᭟ᬳᬗ᭄ᬕᭀᬦ᭄ᬳᬧᬜᬫ᭄ᬩᬢ᭄‌ᬦᬾᬦᬾᬢ᭄ᬯ᭠ᬭᬢᬯᬂ᭞ᬓᬵᬮᬶᬄᬢᭀᬂᬢᬳᬾᬦ᭄ᬧᬸᬓᬶᬦ᭄᭞ᬳ᭄ᬤᬫᬗᬸᬕᬸᬳᭀᬃᬣ᭞ᬳᭀᬃᬣᬦᬾᬳᭀᬃᬣᬾᬦᭀᬃᬣᬾᬦᬦ᭄᭞ᬦᬾᬳᬩ᭄ᬲᬶᬓ᭄‌ᬧᬢ᭄ᬧ᭠
ᬢ᭄ᬤᬤᬶ᭞ᬫᬾᬄᬮᬗ᭄ᬓᬸᬂᬅᬤᬰ᭞ᬗᬸᬤᬦᬾᬳᭂᬦ᭄ᬢᭀᬕᬸᬕᭀᬦᬶᬦ᭄᭟ᬲᬮ᭄ᬯᬶᬃᬫᬸᬜᬶᬓᬯ᭄ᬥᬃᬲᬓᬶᬂᬯᭀᬂᬮ᭄ᬬᬦ᭄᭞ᬤᬳᬢ᭄ᬲᭂᬗ᭄ᬓᬢ᭄ᬯᬄᬫᬦᬫ᭄ᬧᬶ᭞ᬚᬢ᭄‌ᬤᬤᬶᬧᬶᬲᬸᬦ᭞ᬳᭂᬦ᭄ᬢᭀᬦᬾᬢᬗᬭᬶᬦ᭄ᬧᬶᬲᬦ᭄᭞ᬳᬧᬂᬤᬦᬦ᭄ᬓᬢᬶᬩᬦᬶᬦ᭄᭞ᬧᬶᬮᬶᬄᬗᬶᬥᭂᬧᬂ᭞ᬧᬯᬭᬄᬚᬦᬦᬾᬲᬫᬶ᭟ᬲᬵ᭠
ᬥᬸᬥᬃᬫ᭄ᬫᬳᭂᬦ᭄ᬢᭀᬦᬾᬜᬦ᭄ᬤᬂᬭᬚᭂᬕᬂ᭞ᬳᬗ᭄ᬕᭀᬦ᭄‌ᬕ᭄ᬮᬃᬧᬢᬶᬉᬭᬶᬧ᭄᭞ᬧ᭄ᬥᬲᬾᬚᬮᬦᬂ᭞ᬫᬢᬦᬾᬤᬤ᭄ᬯᬗᭂᬦᭀᬢᬂ᭞ᬤᬶᬢᬸᬫᬭᬫᬵᬤᬜ᭄ᬚᬢᬶ᭞ᬢᭀᬦᬾᬲ᭄ᬥᭂᬂᬮᬤ᭄᭞ᬲᬗ᭄ᬓᬜ᭄ᬚᬦᬶᬦᬄᬧᬶᬦ᭄ᬢᭀᬦᬶᬦ᭄᭟ᬬᬦᬶᬂᬲᬚᬳᬶᬮᬸᬢᬸᬂᬜᬓ᭄ᬧᬘᬂᬮᭀᬫ᭄ᬧᬂ᭞ᬢ᭄ᬓᬾᬦᬶᬂᬲᬯᬶᬢ᭄ᬭ [ 4 ][᭓ 3B]
᭓᭞
ᬢ᭄ᬯᬶ᭞ᬦᬾᬦᬾᬓᬲᬸᬰᬶᬮᬵᬦ᭄᭞ᬭᬓᭂᬢ᭄ᬭᬸᬫᬓᭂᬢᬶᬂᬢᬺᬱ᭄ᬡ᭞ᬤᬚᬩ᭄ᬯᬶᬦ᭄ᬫᬫᬶᬦ᭄ᬤᭀᬯᬶᬦ᭄᭞ᬲᬸᬂᬳᭀᬮᬲ᭄ᬭᬶᬂᬳᬶᬭ᭞ᬳ᭄ᬤᬳᬶᬩᬩ᭄ᬯᬶᬦ᭄ᬦᭀᬮᬶᬄ᭟᭠ᬳᬶᬩᬩ᭄ᬯᬶᬸᬳᬬᬫ᭄‌ᬓᬤᬾᬦ᭄ᬓᬾᬧᬓᬵᬃᬤ᭄ᬥᬶᬦ᭄ᬇᬦ᭄ᬤ᭄ᬭ᭞ᬧᬫᬶᬚᬶᬮᬦ᭄‌ᬤᬳᬢᬼᬯᬶᬄ᭞ᬧᬦ᭄ᬢᭂᬲ᭄ᬫᬗ᭄ᬮᬭᬂ᭞ᬲᬹᬓ᭄ᬱ᭄ᬫᬓᬧᬭᬫᬵᬃᬣᬦ᭄᭞ᬜᬦ᭄ᬤᬂᬫᬵᬤᭂ᭠
ᬕ᭄‌ᬯᬶᬓᬸᬍᬯᬶᬄ᭞ᬥᬵᬦᬢᬹᬃᬥᬃᬫ᭄ᬫ᭞ᬓᬲᬸᬗ᭄ᬲᬸᬂᬩᬵᬦ᭄ᬧᬭᬧᬓ᭄ᬱᬶ᭟ᬚᬦᬶᬳᬶᬭᬫᬓ᭄ᬦᭂᬄᬜᬶᬯᬶᬭᬂᬳᬶᬩ᭞ᬳᬶᬩᬢ᭄ᬯᬄᬗᬯᬶᬰᬾᬱᬵᬦᬶᬦ᭄᭞᭠ᬲᬲᬿᬮ᭄ᬯᬦᬶᬂᬓ᭄ᬭᬫ᭞ᬚ᭄ᬮᬾᬫ᭄ᬮᬄᬫᬩᬋᬗᬦ᭄᭞ᬢ᭄ᬯᬭᬳᬶᬭᬧᬘᬂᬕᬶᬗ᭄ᬲᬶᬃ᭞ᬢᬺᬱ᭄ᬡᬜᬶᬯᬶᬢ᭞ᬤ᭄ᬬᬲ᭄ᬢᬸᬦ᭄ᬜᬓᬪᬬᬧᬢᬶ᭟ᬭᬾᬳᬳᬾᬢᭀᬫᬸ᭠
ᬜᬶᬦ᭄ᬜᬦᬾᬳᬶᬯᬦᬭ᭞ᬳᬶᬓᬾᬓᬾᬃᬲᭂᬓ᭄ᬲᭂᬓ᭄ᬫᬶᬦᭂᬳᬶᬦ᭄᭞ᬧᬦ᭄ᬢᬶᬬᬧᬲᬚ᭞ᬲᭀᬓᬾᬯᬮᬦ᭄ᬤᬶᬗᭂᬄᬳᭀᬃᬣ᭞ᬩ᭄ᬯᬢ᭄ᬲᭀᬮᬄᬳᬶ᭠ᬮᬸᬢᬸᬂᬘ᭄ᬯᬶᬮ᭄᭞ᬲᬸᬚᬢᬶᬢᬦ᭄ᬧ᭄ᬥᬲ᭄᭞ᬫᬢᬦᬾᬤᬤ᭄ᬯᬗᭂᬦᭀᬢᬶᬦ᭄᭟ᬤᬤᬶᬯ᭄ᬢᬸᬇᬥᭂᬧ᭄ᬜᬦᬾᬓᬩ᭄ᬬᬧᬭ᭞ᬮᬶᬧ᭄ᬬᬢ᭄ᬓᬾᬦ᭄‌ᬕᬶᬸᬰ᭄ᬮᭀᬓᬦ᭄ᬕᬸᬫᬶ᭞
ᬩᬶᬩᬶᬳᬾᬓᬚᬸᬭᬸᬳᬦ᭄᭞ᬚᬶᬳᬾᬓᬩᬦ᭄ᬤᬶᬮᬦ᭄᭞ᬤᬤᬶᬓ᭄ᬦᬕᭂᬦ᭄ᬢᬸᬄᬕᭂᬡ᭄ᬥᬶᬲ᭄᭞ᬳᬦ᭄ᬢᬸᬓ᭄‌ᬯᬦᬭ᭞ᬢᬸᬫᬸᬮᬶᬳᬗᬸᬘᬧ᭄ᬓᭂᬜᬶᬂ᭟ᬮ᭠ᬫᬸᬦ᭄ᬓᬾᬦ᭄ᬢᭀᬳᬶᬩᬮᬸᬢᬸᬂᬳ᭄ᬤᬫᬶᬣ᭄ᬬ᭞ᬳ᭄ᬮᭀᬂᬢ᭄ᬓᬾᬦ᭄ᬧᬭᬚᬜ᭄ᬚᬶ᭞ᬦᬄᬦᬾᬧᬤᬶᬗᭂᬳᬂ᭞ᬦᬾᬳᬶᬢᬸᬦᬶᬓᬳᬶᬮ᭄ᬯᬲ᭄᭞ᬫᬓᬓᬭᬂᬢ᭄ᬗᬳᬶᬂᬧ᭠
[᭔ 4A]
ᬲᬶᬄ᭞ᬫᬗᬮᬶᬄᬳᬸᬮᬫ᭄᭞ᬤᬶᬢᬸᬤᬶᬧᬲᬶᬄᬓᬗᬶᬦ᭄᭟ᬦᬾᬩ᭄ᬯᬶᬦ᭄ᬫᬦᬶᬚᬮᬦ᭄ᬳᬶᬩᬮ᭄ᬯᬶᬸᬫᬩᬋᬗᬦ᭄᭞ᬓ᭄ᬫᬮ᭄ᬯᬲ᭄ᬳᬚᬓ᭄ᬓᬳᬶ᭞ᬳᬶᬮᬸᬢᬸᬂᬫᬲᬯᬸ᭠ᬢ᭄‌ᬦᬄ᭞ᬕ᭄ᬮᬶᬲᬶᬂᬲᬢ᭄ᬯᬘ᭄ᬭᬶᬢ᭞ᬲ᭄ᬫᭂᬂᬩᬯᬸᬕᬮᬂᬓᬗᬶᬦ᭄᭞ᬳᬶᬮᬸᬢᬸᬂᬬᬧ᭄ᬭᬵᬧ᭄ᬢ᭞ᬗᬮᬶᬄᬳᬶᬓᬾᬓᬾᬃᬗᬚᬓᬶᬦ᭄᭟ᬢᬸᬃᬫᬚᬮᬦ᭄ᬳᬶᬓᬾᬓᬾᬃᬢ᭠
ᬦ᭄ᬤᭀᬄᬯᬦᬭ᭞ᬢᬦᬸᬘᬧᭂᬦ᭄‌ᬬᬫᬭᬶᬂᬫᬵᬃᬕ᭄ᬕᬶ᭞ᬭᬶᬂᬧᬲᬶᬲᬶᬢ᭄ᬓ᭞ᬲᬕᬭᬦᬾᬅᬲᬢ᭄ᬧᬸᬭᬲ᭄᭞ᬢᬸᬫᬸᬮᬶᬬᬫᬓᬓᬵᬮᬶᬄ᭞ᬗᬢ᭄ᬗᬄ᭠ᬢ᭄ᬗᬳᬂ᭞ᬗᬮᬶᬄᬳᬸᬮᬫ᭄‌ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭟ᬓᬤᬸᬂᬓ᭄ᬮᬗᭂᬦ᭄ᬳᬶᬓᬾᬓᬾᬃᬫᬶᬯᬄᬯᬦᬭ᭞ᬤᬾᬦᬶᬂᬳᬸᬮᬫ᭄‌ᬢᬦᬶᬓᬶᬓᬶᬢ᭄᭞ᬧ᭄ᬮᬦ᭄ᬤᭀᬄᬗᬢᭂ
ᬳᬂ᭞ᬤᬤᬶᬤᬸᬳᬸᬃᬧᬭᬂᬧᬭᬗᬦ᭄᭞ᬳᬶᬓᬾᬓᬾᬃᬢᬦ᭄‌ᬲᬸᬫ᭄ᬮᬗᬢᬶ᭞ᬧᬦ᭄ᬩᬶᬱᬵᬗ᭄ᬕᬕᬦ᭞ᬦᬗ᭄ᬳᬶᬂᬳᬶᬮᬸᬢᬸᬂᬬᬯ᭄ᬭᬶᬦ᭄᭟ᬦᬸᬮᬶᬗᬸᬘᬧ᭄ᬳᬶᬮᬸᬢᬸᬂᬢ᭄ᬓᬾᬦ᭄ᬢᬶᬫ᭄ᬧᬮ᭄ᬜ᭞ᬇᬄᬓᬾᬓᬾᬃᬦᬄᬚᬮᬦ᭄ᬫᬮᬶᬄ᭞ᬩᬲᬂᬲᬸᬩᬩᭂᬗ᭄ᬓᬂ᭞ᬧᬲᬗᬾᬲᬸᬩᬫᬭ᭞ᬦ᭄ᬤᬾᬦ᭄ᬫᬮᬸᬧᬲᬯᬸᬢ᭄ᬧᬓ᭄ᬱᬶ᭞ᬩᬾᬦᬾ
ᬗᬮ᭄ᬬᬸᬦᬂ᭞ᬚᬦᬶᬦ᭄ᬢᭀᬳᭀᬜᬂᬤᬶᬦᬶ᭟ᬓᬘ᭄ᬭᬶᬢᬳᬶᬮᬸᬢᬸᬂᬩ᭄ᬗᬶᬮ᭄ᬮᬸᬘᬸᬢᬦ᭄᭞ᬤᬸᬳᬸᬃᬧᬭᬗᬦᬾᬗᬶᬗ᭄ᬕᬶᬮ᭄᭞ᬭᬾᬄᬬᬓᬤᬶᬗᬶᬦᬦ᭄᭞ᬧᬲᬶᬳᬾᬲᬵᬫ᭄ᬧᬸᬦ᭄ᬧᬲᬂ᭞ᬳᬶᬩᭀᬚᭀᬕ᭄‌ᬓᬚ᭄ᬗᬢ᭄‌ᬓᬚ᭄ᬗᬶᬢ᭄᭞ᬤᬸᬳᬸᬃᬩᬢᬸᬦᬾᬦᭂᬕᬓ᭄᭞ᬳᬶᬓᬾᬓᬾᬃᬫᬫᬳᭂ [ 5 ][᭔ 4B]
᭔᭞
ᬓᬶᬦ᭄᭟ᬓ᭄ᬜᬶᬃᬜᭂᬜᭂᬧ᭄‌ᬳᬶᬓᬾᬓᬾᬃᬫᬸᬜᬶᬦᬾᬩᬦ᭄ᬩᬦ᭄᭞ᬫᬢᬶᬳᬶᬩᬮᬸᬢᬸᬂᬚᬦᬶ᭞ᬤᬶᬦᬶᬓᬸᬢᬂᬕ᭄ᬮᬄ᭞ᬳᬶᬩᭀᬚᭀᬕ᭄᭠ᬚᭂᬚᭂᬄᬗᭂᬄᬕᭂᬳᬂ᭞ᬲᬓᬶᬢ᭄ᬚᭂᬗᬄᬬᬭᬶᬗᬢᬶ᭞ᬭᬭᬶᬲ᭄ᬳᬗᬸᬘᬧ᭄᭞ᬕ᭄ᬫᭂᬲ᭄ᬳᬶᬩᬢ᭄ᬓᬾᬦ᭄ᬓᬳᬶ᭟ᬫᬢᬫ᭄ᬩ᭄ᬯᬲ᭄‌ᬬᬾᬄᬫᬢᬦ᭄ᬳᬶᬮᬸᬢᬸᬂᬫᭂᬫ᭄ᬩᬄ᭞ᬳᬶ᭠
ᬓᬾᬓᬾᬃᬩᬸᬗ᭄ᬓᬸᬢ᭄‌ᬗᭂᬤᬾᬓᬶᬦ᭄᭞ᬓᬳᬶᬫᬕᬕᬸᬬ᭄ᬯᬦ᭄᭞ᬳ᭄ᬤᬦ᭄ᬤᬾᬦ᭄‌ᬲᬗᭂᬢ᭄ᬜᭂᬩᭂᬢᬂ᭞ᬧᬶᬮᬶᬄᬧᬮᬶᬳᬶᬦ᭄ᬫᬦᬫ᭄ᬧᬶ᭞ᬉᬘᬧᬾᬤᬤ᭄ᬯ᭞ᬢᬼᬩ᭄‌ᬕᬸᬬᬸᬦᬾᬳᬶᬩᭂᬢᬶᬦ᭄‌ᬚᬮᬦ᭄‌ᬫᬸᬮᬶᬄᬦᬾᬩᬢᬶᬲ᭄‌ᬕᭂᬮᬳᬾᬕᬶᬲ᭄ᬬᬂ᭞ᬕᭂᬮᬄᬫᬗ᭄ᬩᭂᬭᬂᬘᬳᬶ᭞ᬳᬶᬮᬸᬢᬸᬂᬕᬃᬚ᭄ᬚᬶᬢ᭞ᬢᬸᬫᬸ᭠
ᬮᬶᬫᬦᭂᬗ᭄ᬓᭀᬮ᭄ᬳᬾᬗ᭄ᬕᬮ᭄᭞ᬤᬶᬩᬢᬶᬲ᭄ᬓᬾᬓᬾᬭᬾᬦᬸᬗ᭄ᬕᬶᬮ᭄᭞ᬫᬓ᭄ᬚᬶᬢ᭄‌ᬗᬶᬜ᭄ᬘᬂ᭞ᬩᬸᬗᬸᬢ᭄ᬦᬾᬓ᭄ᬫᬓ᭄ᬫᬓ᭄ᬫᬶᬓ᭄ᬫᬶᬓ᭄᭟ᬕ᭄ᬮᬶᬲᬶᬂᬘ᭄ᬭᬶᬢᬳᬶᬓᬾᬓᬾᬃᬦᬫ᭄ᬩᬸᬂᬫᬗ᭄ᬮᬬᬂ᭞ᬭᬶᬂᬚᬮᬦ᭄ᬢᬦ᭄‌ᬓᬯᬶᬦᬃᬡ᭄ᬦᬶ᭞ᬭᬶᬂᬧᬲᬶᬲᬶᬓᭀᬘᬧ᭄᭞ᬓᬼᬲᭀᬓ᭄‌ᬳᬶᬓᬾᬓᬾᬃᬫᭂᬜ᭄ᬘᭂᬕᬦ᭄᭞ᬤᬶᬩ᭄ᬬᬲᬾᬓᬩ᭄ᬦᭂᬗᬶ
ᬦ᭄᭞ᬢᬸᬃᬫᬧᬗ᭄ᬲᭂᬕᬦ᭄᭞ᬳᬶᬮᬸᬢᬸᬂᬬᬫᬘᬼᬗᬶᬓ᭄᭟ᬮᬯᬸᬢ᭄‌ᬗᬸᬘᬧ᭄ᬳᬶᬓᬾᬓᬾᬃᬫᬸᬜᬶᬦ᭄ᬦᬾᬩᬦ᭄ᬩᬦ᭄᭞ᬦᬄᬓᬾᬲᬸᬩᬢᬸᬳᬸᬜ᭄ᬘᬳᬶ᭞ᬦᬾᬲᬸᬩᬩ᭄ᬬᬲ᭄᭞ᬳᬶᬩᭀᬚᭀᬕ᭄‌ᬗᬶᬲᬶᬦᭂᬓᭂᬓᬂ᭞ᬳᬶᬓᬾᬓᬾᬃᬩ᭄ᬯᬶᬦ᭄ᬫᬫᬸᬜᬶ᭞ᬳ᭄ᬦᬾᬓᬾᬦ᭄ᬓᬾᬦ᭄ᬳᬶᬩ᭞ᬮᬸᬢᬸᬂᬤᭀᬂᬮᬾᬩᬗᬶ᭠
[᭕ 5A]
ᬦ᭄ᬓᬳᬶ᭟ᬳᬶᬯᬦᬭᬫᬗᬶᬲᬶᬲᬬᬦ᭄‌ᬦ᭄ᬓᭂᬓᬂ᭞ᬩᬢᬶᬲ᭄ᬜᬳᬶᬓᬾᬓᬾᬃᬧᬓ᭄ᬱᬶ᭞ᬓᬳᬶᬫ᭄ᬧᬸᬲ᭄ᬫᬓᬤᬤ᭄ᬯ᭞ᬲᬃᬯ᭄ᬯᬶᬫᬸᬜᬶᬦᬾᬩᬗ᭄ᬕ᭄ᬭᬲ᭄᭞ᬳᬶᬄ᭠ᬳᬶᬄᬓᬾᬓᭂᬃᬫᬢᬶᬚᬦᬶᬢᬸᬃᬓᬩᬺᬱᭂᬓᬂ᭞ᬩᬸᬮᬸᬦ᭄ᬜᬦᬾᬓᬩᬸᬢ᭄ᬩᬸᬢᬶᬦ᭄᭟ᬬᬳᬶᬓᬾᬓᭂᬃᬗ᭄ᬭᬱᬵᬭᬶᬂᬓᬪᬬᬵᬦ᭄ᬢᬓ᭞ᬭᬭᬶᬲ᭄ᬗᬾᬓᭀ
ᬧᬬᬲᬦ᭄ᬥᬶ᭞ᬫᬗ᭄ᬤᬾᬲᬶᬤ᭄ᬥᬮᬶᬃ᭞ᬢ᭄ᬓᬾᬦᬶᬂᬪᬬᬘᬦ᭄ᬢᬓ᭞ᬭᬭᬶᬲ᭄‌ᬬᬫ᭄ᬥᭂᬫ᭄ᬗᬸᬮᬶᬦ᭄ᬢᬶᬓ᭄᭞ᬗᬶᬥᭂᬫᬂᬫᬢ᭞ᬳᬸᬮᬢ᭄ᬫᬶᬭᬶᬩ᭄‌ᬲᬸᬩᬫᬢᬶ᭟ᬤᬶᬲᬸᬩᬦᬾᬩᬸᬮᬸᬦ᭄ᬜᬦᬾᬢ᭄ᬮᬄᬮᬕ᭄ᬮᬕ᭄᭞ᬳᬶᬮᬸᬢᬸᬂᬓ᭄ᬤᬾᬓ᭄ᬫᬗ᭄ᬭᬶᬓ᭄ᬕᬶᬓ᭄᭞ᬢᬸᬃᬫᬸᬤᬂᬫᬤᬶᬗᬂ᭞ᬳᬶᬳᬶᬳᬶᬓ᭄ᬦᬾᬲᬸᬩᬓ᭄ᬥᬲ᭄᭞ᬓᬵᬮᬶᬄᬳᬶᬩᬲᬸᬩ
ᬫᬢᬶ᭞ᬚᬦᬶᬳᬶᬭᬮ᭄ᬯᬲ᭄᭞ᬫᬗᬮᬶᬳᬂᬳᬶᬩᬳᬧᬶ᭟ᬳᬾᬜ᭄ᬘᭀᬂᬫᬗ᭄ᬓᬶᬦ᭄ᬳᬶᬮᬸᬢᬸᬂᬫᬮᬚᬦ᭄ᬮᬸᬯᬲ᭄᭞ᬓᬤᬸᬓᬸᬳᬦ᭄‌ᬗᬮᬶᬳᬧᬶ᭞ᬧ᭠ᬘᬂᬓᬵᬗ᭄ᬕᭀᬦ᭄ᬫᬗ᭄ᬕᬂ᭞ᬳᬶᬮᬸᬢᬸᬂᬢᬦ᭄‌ᬓᬘᬭᬶᬢ᭞ᬳᬶᬓᬾᬓᬾᬃᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬩᬯᬸᬬᬗᭂᬤᬢ᭄᭞ᬳᬶᬮᬸᬢᬸᬂᬢ᭄ᬯᬭᬵᬤᬓᬵᬭᬶ᭟᭜᭟
ᬧᬸᬄᬲ᭄ᬫᬭᬦ᭄ᬥᬦ᭟᭜᭟ᬕ᭄ᬮᬶᬲ᭄ᬩᬗᬸᬦ᭄ᬢᬸᬃᬜ᭄ᬮᬶᬲᬶᬄ᭞ᬓᭂᬩᭂᬢᬾᬬᬫᬲᬗᬶᬤᬦ᭄᭞ᬓᬮᬶᬦ᭄ᬢᬂᬲᬓᬶᬢ᭄‌ᬭᬱᬵᬦᬾ᭞ᬭᬾᬄᬩᬸᬮᬸᬦᬾ᭠ᬫᬢᬄᬫᬢᬄ᭞ᬲᬫᬶᬢ᭄ᬮᬲ᭄‌ᬓᬩᬸᬢ᭄ᬩᬸᬢ᭄‌ᬢᬦ᭄᭞ᬳᬦ᭄ᬢᬸᬓ᭄ᬳᬶᬮᬸᬢᬸᬂᬢᬦ᭄ᬢᬶᬭᬸᬦ᭄᭞ᬢ᭄ᬯᬭᬩᬶᬱᬗᬲᬹᬓ᭄ᬱ᭄ᬫᬂ᭟ᬩᬲᬗᭂᬢ᭄‌ᬢᭀᬂᬩᬶᬱᬢᬫ᭄ᬧᬶ᭞ᬢ᭄ᬓᬾ [ 6 ][᭕ 5B]
᭕᭞
ᬦᬶᬂᬧᬶᬳᭀᬮᬲ᭄ᬢᬶᬧᬮ᭄᭞ᬲᭀᬓ᭄‌ᬗᬸᬮᬄᬫ᭄ᬩᬳᬦ᭄ᬧᬶᬓ᭄ᬦᭀᬄ᭞ᬢ᭄ᬯᬭᬫᬗᬶᬢᬸᬂᬓᬳᬸᬘᬧ᭄᭞ᬲᬶᬦᭂᬲᭂᬮᬶᬂᬤᬸᬦ᭄ᬬᬧᬤ᭞ᬳᭂᬦ᭄ᬢᭀᬳᬢᬶᬦ᭄ᬩᬸᬭᭀᬦ᭄ᬢᬸᬳᬸ᭞ᬢᭀᬂᬩᬶᬱᬓᬧᬶᬯ᭄ᬮᬲᬦ᭄᭟ᬘᬭᬶᬢᬳᬶᬓᬾᬓᬾᬃᬫᬗ᭄ᬓᬶᬦ᭄᭞ᬧᬦ᭄ᬮᬭᬢᬦ᭄‌ᬲᬦ᭄ᬤᬂᬲᬦ᭄ᬤᬂ᭞ᬫᬗ᭄ᬮᬶᬂᬫᬗᬭᭀᬦᬵᬭᭀᬦ᭄᭞ᬓᬾ
ᬦᬾᬲᬵᬦ᭄ᬓᭀᬢᬶᬢ᭄ᬬᬂᬤᬾᬯ᭞ᬳᬫ᭄ᬧᬳᬾᬢ᭄ᬯᬶᬫᬓᬵᬤ᭞ᬓᬵᬮᬶᬄᬫᬢᬢ᭄ᬕᬃᬜᬸᬕ᭄ᬚᬸᬕ᭄᭞ᬳᬸᬭᬶᬧᬾᬳᬗ᭄ᬕᭀᬦ᭄ᬧᬮᬮ᭄ᬬᬦ᭄᭟ᬤᬤᬶ᭠ᬫᬩᬸᬤ᭄ᬥᬶᬗᬸᬕᭀᬦᬶᬦ᭄᭞ᬬᬦ᭄ᬳᬧᬚ᭄ᬯᬫᬗᭀᬕ᭞ᬲᬗ᭄ᬓᬦ᭄‌ᬢᬶᬢ᭄ᬬᬂᬓᬤᬭᭀᬧᭀᬦ᭄᭞ᬩᬵᬲ᭄ᬓᬯ᭄ᬯᬦ᭄‌ᬳᬶᬮᬸᬢᬸᬂᬩᬗ᭄ᬲᬢ᭄᭞ᬕᬸᬫᬶᬦᬾᬗᬸᬘ
ᬧᬂᬚᬳᬢ᭄᭞ᬫᬲᬶᬄᬢᬶᬢ᭄ᬬᬂᬳ᭄ᬜᬓ᭄ᬢᬸᬭᬸᬢ᭄᭞ᬢ᭄ᬓᬾᬦᬶᬂᬫᬸᬜᬶᬦ᭄ᬩᬩ᭄ᬥᬕ᭄᭟ᬚᬦᬶᬢᬶᬢ᭄ᬬᬂᬫᬗ᭄ᬫᬲᬶᬦ᭄᭞ᬧᬶᬢ᭄ᬯᬲ᭄ᬢᬶᬢ᭄ᬬᬗᬾᬳᭀᬮᬲ᭄᭞ᬫᬗᭀᬮᬲᬶᬦ᭄ᬳᬢᬶᬲᬢᭀ᭞ᬫᬓᬤᬶᬰ᭄ᬮᭀᬓᬦᬶᬂᬚᬕᬢ᭄᭞ᬗ᭄ᬮᬸᬲᬶᬦ᭄‌ᬘᬶᬘᬶᬂᬫᬘᬂᬘᬂ᭞ᬢᬦ᭄‌ᬯᬗ᭄ᬤᬾᬧᬘᬂᬓᬲ᭄ᬕᬸᬢ᭄᭞ᬓᬾᬦ᭄ᬢᬶᬸᬧᬶᬲᬦ᭄ᬧᬶᬢ᭄ᬯᬶᬦ᭄ᬜ᭟
ᬳᬧᬤᬤᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬓ᭄ᬱᬶᬦᬵᬗ᭄ᬳᬶᬲᬵᬫ᭄ᬧᬸᬦ᭄ᬮᬕ᭄ᬮᬕ᭄᭞ᬥᬸᬄᬤᬾᬯᬲᬂᬓᬧᬶᬦᬯᭀᬢ᭄᭞ᬘᬶᬗᬓᬶᬦ᭄ᬲᬶᬄᬳᬸᬕᬶᬢᬶᬢ᭄ᬬᬂ᭞ᬮᬶᬦ᭄ᬢᬂᬮᬭᬓᬚᬦ᭄ᬢᬓ᭞ᬓᬪᬶᬱᬾᬓᬳᬦ᭄ᬢᬸᬓ᭄ᬮᬸᬢᬸᬂ᭞ᬗᬤᬓᬂᬲᬦ᭄ᬫᬓᬓᬲ᭄ᬬᬦ᭄᭟ᬧ᭄ᬢᭂᬂᬮ᭄ᬫᬄᬬᬫᬗ᭄ᬮᬶᬂ᭞ᬳᬶᬓᬾᬓᭂᬃᬤᬶᬢ᭄ᬗᬳᬮᬲ᭄᭞ᬫᬦ᭄ᬤᬸᬮᬫ᭠
[᭖ 6A]
ᬲᬲᬵᬫ᭄ᬩᬢᬾ᭞ᬓᬓᬶᬳᬲᬶᬄᬓᬯ᭄ᬮᬲᬦ᭄᭞ᬘᬭᬶᬢᬳᬶᬩᬦ᭄ᬢᬾᬂᬳᬳᬲ᭄᭞ᬦ᭄ᬤᬶᬗᭂᬄᬲᬲᬫ᭄ᬩᬢ᭄ᬓᭀᬮᬲ᭄ᬳ᭄ᬬᬸᬦ᭄᭞ᬦᬗ᭄ᬳᬶᬂᬲᬓᬶᬂᬫᬦ᭄ᬤᬭᬯ᭟᭠ᬢᬸᬫᬸᬮᬶᬬᬫᬗᬯᬲ᭄ᬯᬲᬶᬦ᭄᭞ᬢᬦᬲ᭄ᬯᬾᬲᬵᬫ᭄ᬧᬸᬦ᭄ᬜᬢ᭞ᬲᬲᬫ᭄ᬩᬢ᭄‌ᬳᬶᬧᬸᬦ᭄ᬳᬶᬓᬾᬓᬾᬃ᭞ᬳᬶᬩᬦ᭄ᬢᬾᬂᬳᬮᭀᬦᬗᬸᬘᬧ᭄᭞ᬳᭂᬦ᭄ᬢᭀᬳ
ᬧᬲᬶᬄᬓ᭄ᬭᬡᬦ᭄ᬜ᭞ᬲᬗ᭄ᬓᬦ᭄ᬳᬶᬩᬢᬦ᭄ᬧᬩᬸᬮᬸ᭞ᬓᬮᬶᬄᬲᬸᬗ᭄ᬲᬸᬢ᭄ᬳᬫ᭄ᬮᬲ᭄ᬳᬃᬱ᭟ᬳᬶᬓᬾᬓᬾᬃᬳᬮᭀᬦ᭄ᬜᬯᬸᬭᬶᬦ᭄᭞ᬫᬸᬜᬶᬦᬾᬳᬫ᭄ᬮ᭠ᬤ᭄ᬧ᭄ᬭᬡ᭞ᬳᬧᬓ᭄ᬫᬦᬶᬭᬩᬦ᭄ᬢᬾᬂ᭞ᬳᬶᬭᬲᬓᬶᬂᬓ᭄ᬦᬓᬩᬶᬓᬲ᭄᭞ᬩᬳᬦ᭄ᬳᬶᬯᬦᬭᬩᬗ᭄ᬲᬢ᭄᭞ᬦᬸᬮᬶᬓᬥᬃᬣᬬᬂᬲᬤ᭄ᬭᬸᬫ᭄᭞ᬲᬓᬶᬂᬗᬯᬶᬢ᭄
ᬗᬦ᭄ᬢᬶᬢ᭄ᬮᬲ᭄᭟ᬓᭀᬮᬲᬦ᭄ᬩᬦ᭄ᬢᬾᬂᬤᬸᬓ᭄‌ᬫ᭄ᬬᬃᬱᬶ᭞ᬲᬢᬶᬗ᭄ᬓᬄᬳᬶᬳᬬᬫ᭄ᬳᬮᬲ᭄᭞ᬳᬦᬸᬮᬶᬳᬭᬹᬫ᭄ᬉᬚᬭᬾ᭞ᬳᬸᬥᬸᬄᬳᬶᬩᬘᬣᬯᬦ᭞ᬳ᭄ᬤᬲᬗᭂᬢ᭄‌ᬲᬸᬫ᭄ᬮᬗᬶᬢ᭄ᬯᬲ᭄᭞ᬯᬶᬥᬶᬦᬾᬫᬲᬗᬵᬓᭀᬮᬸᬕ᭄᭞ᬫᬫ᭄ᬩᬯᭀᬲ᭄ᬗᬶᬯᬂᬫᬵᬢᬹᬢᬂ᭟ᬳᬶᬤᬢ᭄ᬯᬄᬜᬦ᭄ᬤᬂᬓᬸᬓᬸᬳᬶ
ᬦ᭄᭞ᬚ᭄ᬮᬾᬫ᭄ᬮᬄᬲᬸᬓ᭄ᬲ᭄ᬭᬳᬂ᭞ᬳ᭄ᬤᬲᬗᭂᬢ᭄‌ᬧᬜᭂᬮ᭄ᬲᭂᬮᬾ᭞ᬓᬵᬮᬓᬾᬦᬾᬓᬚᬦ᭄ᬢᬓᬵ᭞ᬓᬵᬮᬶᬄᬳ᭄ᬤᬫᬗᭂᬗ᭄ᬲᬧᬂ᭞ᬭᬶᬓᬵ᭠ᬮᬲᬸᬓᬭᬳᬬᬸ᭞ᬳᬱ᭄ᬝᬶᬢᬶᬪᬓ᭄ᬢᬶᬧᬕᭂᬳᬂ᭟ᬦᬾᬚᬦᬶᬳᬶᬭᬦᭂᬕᬭᬶᬦ᭄᭞ᬳᬶᬲᭂᬂᬳᬶᬲᭂᬂᬫᬗ᭄ᬯᬍᬲᬂ᭞ᬜᬫ᭄ᬧᭀᬮᬶᬳᬶᬦ᭄‌ᬬᬳᬶ᭠ [ 7 ][᭖ 6B]
᭖᭞
ᬩᭀᬚᭀᬕ᭄‌ᬦᬗ᭄ᬳᬶᬂᬳ᭄ᬤᬮ᭄ᬓᬭᬶᬂᬳᬶᬩ᭞ᬭᬾᬄᬓᬾᬢᭀᬳᬸᬘᬧᬶᬂᬰᬵᬲ᭄ᬢ᭄ᬭ᭞ᬲᬵᬥᬸᬥᬃᬫ᭄ᬫᬦᬾᬚ᭄ᬯᬧᬸᬧᬸ᭞ᬢᬦ᭄‌ᬯ᭄ᬦᬂᬫᬫᬍᬲ᭄ᬳ᭠ᬮ᭟ᬳᬬᬸᬳᬗ᭄ᬕᭀᬦ᭄ᬫᬲᬶᬮᬶᬳᬶᬦ᭄᭞ᬓᬾᬦ᭄ᬢᭀᬧᬵᬢᬹᬢ᭄ᬜᬦᬾᬧᬶᬲᬦ᭄᭞ᬳᬶᬭᬧᬘᬂᬧᬵᬫ᭄ᬩᬾᬮᬦᬾ᭞ᬧᬵᬦ᭄ᬧᬵᬢᬹᬢ᭄ᬳᬶᬩᬦᬾᬮᬶᬦ᭄ᬢᬂ᭞ᬢ᭄ᬯ
ᬭᬕᬶᬗ᭄ᬲᬶᬃᬳᬶᬭᬧ᭄ᬚᬄ᭞ᬬᬦ᭄‌ᬗᭂᬫᬲᬶᬦ᭄ᬦᬾᬦᬾᬧᬵᬢᬹᬢ᭄᭞ᬳᬶᬓᬾᬓᭂᬃᬲᬸᬫᬯᬸᬃᬩᬦ᭄ᬩᬦ᭄᭟ᬮᬶᬦ᭄ᬢᬂᬲᬹᬓ᭄ᬱ᭄ᬫᬧᬶᬢ᭄ᬯᬶ᭞ᬧᬶᬳᭀᬮᬲ᭄ᬳᬶᬩᬭᬶᬂᬳᬶᬭ᭞ᬳᬶᬤᬲᬂᬳ᭄ᬬᬂᬯᬶᬥᬶᬓᬯᭀᬢ᭄᭞ᬧᬘᬂᬲᬸᬂᬮᬸᬕ᭄ᬭᬳᬯ᭄ᬓᬲ᭄᭞ᬤᬾᬦᬶᬂᬳᬶᬭᬢᬦ᭄ᬜᬶᬤᬬᬂ᭞ᬗᬤᬓᬂᬧᬫᬍᬲ᭄ᬗᬾᬲᬸᬓ᭄᭞ᬓᬾᬯᬮ᭠
ᬳᬶᬤᬳ᭄ᬬᬂᬢᬶᬢᬄ᭟ᬳᬸᬦᬶᬂᬭᬶᬂᬦᬾᬜᬦ᭄ᬤᬂᬢ᭄ᬯᬶ᭞ᬳᬧᬫᬓᬧᬗ᭄ᬭᬸᬬᬕ᭞ᬓᬶᬩᬦ᭄ᬢᬾᬂᬲᬸᬫᬯᬸᬃᬳᬮᭀᬦ᭄᭞ᬳ᭄ᬤᬓᬢᬳᬦ᭄ᬭᬱᬵᬦ᭄᭞ᬓ᭄ᬫᬲᬸᬩᬳᬶᬩᬓᬾᬲᬄ᭞ᬳᬶᬭᬦᬾᬚᬦᬶᬗᬭᬸᬭᬸᬄ᭞ᬳᬶᬓᬾᬓᬾᬃᬜ᭄ᬮᬶᬲᬶᬄᬳᬾᬗ᭄ᬕᬮ᭄᭟ᬳᬶᬩᬦ᭄ᬢᬾᬂᬦᬸᬮᬶᬫᬫᬵᬃᬕ᭄ᬕᬶ᭞ᬗᬭᬸᬭᬸᬳᬶᬮᬸᬢᬸᬂᬤᭂ
ᬗ᭄ᬓᬮ᭄᭞ᬢᬦᬲ᭄ᬯᬾᬭᬶᬂᬫᬵᬃᬕ᭄ᬕᬶᬦᬾ᭞ᬳᬶᬮᬸᬢᬸᬂᬭᬭᬶᬲ᭄ᬓᬘᬦ᭄ᬤᬓ᭄᭞ᬇᬭᬶᬓᬭᬶᬂᬢ᭄ᬧᬶᬦ᭄‌ᬢᭂᬮᬸᬓᬦ᭄᭞ᬳᬶᬮᬸᬢᬸᬂᬜᬫ᭄ᬩ᭄ᬭᬫᬳᬮᬸᬲ᭄᭞ᬳᬶᬄᬓᭀᬬᬓᭀᬩᬦ᭄ᬢᬾᬂᬧ᭄ᬭᬵᬧ᭄ᬢ᭟ᬳᬶᬩᬮᬓᬃᬓ᭄ᬚᬳᬚᬦᬶ᭞ᬳᬶᬩᬦ᭄ᬢᬾᬂᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬳᬶᬭᬳᬓᬃᬓᬵᬮᬲᬾᬳᭂᬦ᭄ᬢᭀ᭞ᬦᬾᬗᭂᬦᬄᬲ᭄ᬮ᭠
[᭗ 7A]
ᬢ᭄ᬲᬕᬭ᭞ᬓᭀᬘᬧ᭄ᬳᭂᬦ᭄ᬢᭀᬳᬮᬲ᭄‌ᬭᬫ᭄ᬬ᭞ᬲᬃᬯ᭄ᬯᬲᬃᬯ᭄ᬯᬦ᭄ᬥᭂᬂᬤᬶᬢᬸ᭞ᬢᬺᬡᬓᬮᬵᬯᬦ᭄ᬯᭀᬄᬯᭀᬳᬦ᭄᭟ᬳᬶᬮᬸᬢᬸᬂᬳᬸᬘᬧᬾᬫᬦᬶᬲ᭄᭞ᬗᬰᬶᬳᬰᬶᬄᬳᬧ᭄ᬮᬲᬵᬃᬱ᭞ᬗᬍᬫᭂᬳᬶᬦ᭄‌ᬬᬳᬶᬩᬦ᭄ᬢᬾᬂ᭞ᬳᬸᬥᬸᬄᬩᬦ᭄ᬢᬾᬂᬬᬦ᭄ᬢ᭄ᬯᬄᬲᬚ᭞ᬳᬶᬩᬢᬺᬱ᭄ᬡᬓᬸᬫᬜᬫ᭞ᬳᬶᬭᬳᬚᬓ᭄ᬫᬫᬶ᭠
ᬮᬸ᭞ᬳᬶᬩᬦ᭄ᬢᬾᬂᬫᬲᬯᬸᬢ᭄‌ᬦᬄ᭟ᬳᬶᬭᬤᬶᬦᬶᬫᬗᬫ᭄ᬩᬳᬶᬦ᭄᭞ᬳᬧᬂᬳᬾᬗ᭄ᬕᬮ᭄‌ᬢ᭄ᬓᭂᬤ᭄ᬓᭂᬫ᭞ᬳᬶᬩᬓᬾᬦ᭄ᬓᬾᬦᬂᬗ᭄ᬭᭀᬩᭀᬓ᭄᭞ᬳᬶᬬᬾᬄᬜᬦᬾᬥᬍᬫ᭄ᬧᬶᬲᬦ᭄᭞ᬳᬶᬮᬸᬢᬸᬂᬳᬗᬸᬘᬧ᭄ᬩᬦ᭄ᬩᬦ᭄᭞ᬕᬦ᭄ᬤᭀᬗᬶᬭᬚᬂᬤᬶᬢᬸᬦ᭄ᬤᬸᬦ᭄᭞ᬬᬦ᭄‌ᬢ᭄ᬯᬄᬳᬶᬩᬢᬺᬱ᭄ᬡ᭟ᬳᭂᬦ᭄ᬢᭀᬫ᭄ᬮᬄᬲᬯᬸᬢ᭄‌ᬲ
ᬫ᭄ᬧᬶ᭞ᬫᬳᬶᬓᬾᬳᬾᬗ᭄ᬕᬮ᭄ᬫᭂᬦᬾᬓᬂ᭞ᬳᬶᬩᭀᬚᭀᬕ᭄‌ᬮᬦ᭄ᬢᬲ᭄ᬫᬓ᭄ᬘᭀᬕ᭄᭞ᬳᬶᬩᬦ᭄ᬢᬾᬂᬦᬸᬮᬶᬫᬚᬮᬦ᭄᭞ᬓᭀᬘᬧᬦ᭄‌ᬢ᭄ᬗᬄᬲᬕᬭ᭞᭠ᬯᬾᬦ᭄ᬢᭂᬦ᭄ᬩᬢᬸᬢ᭄ᬕᭂᬄᬗᬸᬗ᭄ᬕᬸᬮ᭄᭞ᬳᬶᬩᬦ᭄ᬢᬾᬂᬭᬭᬶᬲ᭄ᬫᬓ᭄ᬭᬸᬡ᭟ᬳᬶᬄᬩᭀᬚᭀᬕ᭄‌ᬫᬭᬾᬭᬾᬦ᭄ᬤᬶᬦᬶ᭞ᬳᬯᬓ᭄ᬳᬶᬭᬓᭂᬩᬸᬲ᭄ᬧᬶᬲᬦ᭄᭞ᬳᬶᬭᬧᬘᬂᬫ᭠
ᬜ᭄ᬚᬸᬲ᭄ᬜᭀᬗ᭄ᬓᭀᬓ᭄᭞ᬦᬄᬲᬯᬸᬢ᭄ᬳᬶᬩᭀᬚᭀᬕ᭄‌ᬳᬾᬗ᭄ᬕᬮ᭄᭞ᬮᬦ᭄ᬢᬲ᭄ᬳᬶᬮᬸᬢᬸᬂᬢᬸᬳᬸᬦᬦ᭄᭞ᬫᬜᭀᬗ᭄ᬓᭀᬓ᭄‌ᬤᬶᬤᬸᬳᬸᬃᬩᬢᬸ᭞ᬳᬶ᭠ᬩᬦ᭄ᬢᬾᬂᬬᬫᬘᬼᬩᬦ᭄᭟ᬕᬕ᭄ᬮᬶᬲᬦ᭄‌ᬢᬸᬢᬸᬃᬫᬗ᭄ᬓᬶᬦ᭄᭞ᬢᭀᬬᬦᬾᬲᬵᬫ᭄ᬧᬸᬦ᭄‌ᬗᭂᬤᬾᬦᬂ᭞ᬳᬶᬩᬦ᭄ᬢᬾᬂᬩᬗᬸᬦ᭄‌ᬜᬮᭀᬲᭀᬃ᭞ᬜ᭄ᬭᬸᬢ᭄ᬘᬸᬢ᭄ [ 8 ][᭗ 7B]
᭗᭞
ᬮᬦ᭄ᬢᬲ᭄ᬗᬲᬶᬲ᭄ᬬᬂ᭞ᬳᬶᬮᬸᬢᬸᬂᬳ᭄ᬦᬸᬤᬶᬢ᭄ᬗᬄ᭞ᬓ᭄ᬮᬜ᭄ᬘᬓ᭄ᬮᬶᬜ᭄ᬘᬶᬘ᭄ᬗᬓ᭄ᬘᭂᬗᬸᬓ᭄᭞ᬘ᭄ᬭᬸᬯᬢ᭄‌ᬘ᭄ᬭᬸᬯᬾᬢ᭄ᬫᬘ᭄ᬭᬄᬘᬸᬳᬦ᭄᭟ᬩᬢᬸᬦᬾᬫᬓᬶᬓᬾᬦ᭄ᬳᬶᬮᬶᬤ᭄᭞ᬳᬶᬮᬸᬢᬸᬂᬬᬲ᭄ᬥᬶᬄᬚ᭄ᬗᬄ᭞ᬧᬦᭂᬲ᭄‌ᬩᬭᬩᬸᬓᬓᬩᭀᬃᬩᭀᬃ᭞ᬦᬳᭂᬦ᭄‌ᬢ᭄ᬓᬾᬦ᭄ᬧᬘᬂᬪᬬ᭞ᬢᬦ᭄‌ᬯᬗ᭄ᬤᬾᬗᭂᬫᬲᬶᬦ᭄ᬧ᭄ᬚᬄ᭞ᬓᬪᬶᬱᬾᬓᬩᬵᬦ᭄ᬳᬶᬍᬫ᭄ᬩᬸ᭞ᬫᬶ
ᬢ᭄ᬯᬲᬾᬗᬭᬸᬕᬥ᭟ᬲᬓᬶᬂᬫᬸᬮᬕᭂᬂᬰᬶᬄᬯᬶᬥᬶ᭞ᬤᬸᬓ᭄‌ᬧᬸᬦᬶᬓᬧ᭄ᬜᬸᬧ᭄ᬭᬵᬧ᭄ᬢ᭞ᬳᬶᬧ᭄ᬜᬸᬳᬗᬸᬘᬧ᭄ᬳᬮᭀᬦ᭄᭞ᬏᬮᬸᬢᬸᬂᬓᭂᬢᬸᬫ᭄ᬩᬾᬦ᭄ᬧᬶᬲᬦ᭄᭞ᬤᬶᬦᬶᬩᬓᬢ᭄ᬧᬸᬓ᭄ᬗᬶᬜᬄ᭞ᬳᬧᬦᬾᬲᬗᭂᬢ᭄ᬫᬓ᭄ᬮᬗᬸᬦ᭄᭞ᬫᬸᬮᬶᬳᬾᬢ᭄ᬓᬾᬦᬶᬂᬳᬶᬩ᭟ᬳᬸᬄᬳᬧᬲᬶᬓᬾᬦ᭄ᬢᭀᬦ᭄ᬘᬳᬶ᭞ᬫᬧ᭄ᬢᬓᬧᬶᬦᬶᬂᬳᬶᬩ᭞ᬓᬳᬶᬲ᭠
ᬓᬶᬂᬓᬓᭃᬧᬾᬢ᭄ᬲᬶᬗ᭄ᬲᬾ᭞ᬩᬳᬦ᭄‌ᬬᬳᬶᬍᬫ᭄ᬩᬸᬭᬘᬵᬭᬄ᭞ᬦᬸᬮᬶᬓᬢᬸᬢᬸᬭᬂᬢ᭄ᬮᬄ᭞ᬢᬸᬫᬸᬮᬶᬬᬗᬶᬤᬶᬄᬢᬸᬮᬸᬂ᭞ᬓᬾᬦᬾᬫᬸᬜᬶᬦ᭄ᬜᬲᬤ᭄ᬭ᭠ᬩ᭟ᬢᬸᬮᬸᬲᬂᬚ᭄ᬯᬍᬕᬜ᭄ᬘᬳᬶ᭞ᬓᬸᬫᬜᬫᬢ᭄ᬓᬾᬦ᭄ᬳᬶᬭ᭞ᬬᬦᬶᬂᬲᬸᬩᬩᬸᬓᬓᬾᬦ᭄ᬢᭀ᭞ᬤᬶᬢᬸᬯᬤᬧᬸᬡ᭄ᬬᬦ᭄ᬳᬶᬭ᭞ᬫᬶᬦᬓᬫᬓᬥᬓ᭄ᬱᬶᬡ᭞᭠
ᬧᭀᬦ᭄ᬤᭀᬗᬶᬭᬳᬩᬧ᭄ᬲᬸ᭞ᬤᬶᬢᬸᬮᬦ᭄ᬢᬲ᭄ᬢᬫ᭄ᬧᬶᬳᬸᬧᬄ᭟ᬳᬶᬧ᭄ᬜᬸᬫᬸᬜᬶᬦ᭄ᬦᬾᬫᬦᬶᬲ᭄᭞ᬳᬧᬩ᭄ᬯᬶᬦ᭄‌ᬧᬘᬂᬫᬳᬸᬧᬄ᭞ᬤ᭄ᬬᬲ᭄ᬢᬸᬢᬦᬵᬫᬧᬶ᭠ᬓ᭄ᬦᭀᬄ᭞ᬳᬶᬭᬲᬸᬓᬳᬲᬸᬂᬯ᭄ᬮᬲ᭄᭞ᬦᬄᬫᬳᬶᬮᬦ᭄ᬢᬲ᭄ᬳᬾᬗ᭄ᬕᬮᬂ᭞ᬤᬶᬢᬸᬦ᭄ᬤᬸᬦ᭄‌ᬳᬶᬭᬦᬾᬫᬸᬗ᭄ᬕᬸᬄ᭞ᬳᬶᬮᬸᬢᬸᬂᬫᬓ᭄ᬘᭀᬕ᭄ᬳᬾᬗ᭄ᬕᬮ᭄᭟ᬓᬧᭀ
[᭘ 8A]
ᬦ᭄ᬤᭀᬂᬳᬶᬮᬸᬢᬸᬂᬕ᭄ᬮᬶᬲ᭄᭞ᬭᬶᬂᬧᬲᬶᬲᬶᬲᬵᬫ᭄ᬧᬸᬦ᭄ᬢᬶᬩ᭞ᬲᬕᬾᬢ᭄‌ᬲᬸᬩᬤᬶᬩ᭄ᬬᬲᬾ᭞ᬳᬶᬮᬸᬢᬸᬂᬬᬤᬶᬂᬓ᭄ᬮᬓ᭄ᬤᬶᬂᬓ᭄ᬮᬓ᭄᭞ᬮ᭄ᬬᬂᬢᬦ᭄‌ᬲᬧᬶᬭᬧᬶᬭ᭞ᬳᬶᬧ᭄ᬜᬸᬭᬭᬶᬲ᭄ᬳᬫᬸᬯᬸᬲ᭄᭞ᬚᬦᬶᬳᬶᬭᬦᬕᬶᬄᬳᬸᬧᬄ᭟ᬳᬶᬩᭀᬚᭀᬕ᭄‌ᬓ᭄ᬜᬶᬂᬜᬯᬸᬢᬶᬦ᭄᭞ᬳᬸᬧᬳᬶᬭᬳ᭄ᬦᬸᬚᬸᬫᬄ᭞ᬳᬧᬂᬳᬶᬩᬤᬶᬦᬶᬗᬦ᭄ᬢᭀ
ᬲ᭄᭞ᬳᬶᬭᬫᬸᬮᬶᬄᬗᬮᬶᬄᬳᬸᬧᬄ᭞ᬳᬶᬧ᭄ᬜᬸᬫᬸᬜᬶᬦᬾᬕ᭄ᬢᬃ᭞ᬕᬢ᭄ᬬᬂᬓ᭄ᬫᬳᬶᬩᬮᬸᬢᬸᬂ᭞ᬳᬶᬮᬸᬢᬸᬂᬫᬮᬶᬳᬗᬸᬘᬧ᭄᭟ᬳ᭄ᬤᬳᬶᬩᬫᬗᬮᬳᬶᬦ᭄᭞ᬲᬢᭀᬦ᭄ᬤᬾᬦ᭄ᬳᬶᬭᬦᬾᬧ᭄ᬭᬵᬧ᭄ᬢ᭞ᬳᬶᬧ᭄ᬜᬸᬳᬮᬸᬲ᭄‌ᬳᬸᬚᬭᬾ᭞ᬓ᭄ᬫᬓᬾᬳᬾᬜ᭄ᬘᭀᬮᬾᬜ᭄ᬘᭀᬮᬂ᭞ᬳᬶᬭᬢ᭄ᬯᬭᬧᬘᬂᬓᬾᬲᬄ᭞᭠
ᬩᭀᬕ᭄ᬩᭀᬕ᭄‌ᬳᬶᬩᬲᬯᬸᬢ᭄ᬮᬸᬢᬸᬂ᭞ᬲᬶᬂᬩᬸᬯᬸᬂᬳᬶᬩᬫᬢᬶᬗ᭄ᬕᬮ᭄᭟ᬳᬧᬂᬤᬦᬦ᭄ᬫᬷᬭᬶᬩ᭄ᬓᬳᬶ᭞ᬘ᭄ᬤᭀᬓ᭄‌ᬢ᭄ᬓᬾᬦ᭄ᬧᬲᬦ᭄ᬓᬾᬢ᭞ᬳᬶᬭᬢ᭄ᬯᬭᬩᬶᬲᬮᬶᬜᭀᬓ᭄᭞ᬚᬦᬶᬧᬂᬧᬥᬲᬸᬫ᭄ᬧᬳᬦ᭄᭞ᬬᬦ᭄ᬳᬶᬭᬧᬘᬂᬮᭀᬫ᭄ᬧᬂ᭞ᬳᬧᬗᬶᬭᬫᬢᬶᬩ᭄ᬭᬸᬂ᭞ᬓᬾᬦ᭄ᬢᭀᬲᬸᬫ᭄ᬧᬳᬶᬭᬧ᭄ᬭᬕᬢ᭄᭟
ᬳᬶᬩᬧ᭄ᬜᬸᬓᬾᬦ᭄ᬓᬾᬦ᭄ᬩᬦᬶ᭞ᬳᬶᬧ᭄ᬜᬸᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬲᬓᬮ᭄ᬯᬶᬭᬶᬂᬧᬭᬲᭀᬲᭀᬢ᭄᭞ᬳᬶᬭᬧᬱ᭄ᬝᬶᬢ᭄ᬯᬭᬮᭀᬫ᭄ᬧᬂ᭞ᬳᬓᬾᬢᭀ᭠ᬦᬄᬲᬸᬩᬧ᭄ᬭᬕᬢ᭄᭞ᬕᬢ᭄ᬬᬂᬫᬸᬮᬶᬄᬳᬶᬩᬮᬸᬢᬸᬂ᭞ᬩᬵᬲ᭄ᬫᬓ᭄ᬮᭀᬫᬓᬓᭂᬜ᭄ᬘᬦ᭄᭟ᬳᬶᬮᬸᬢᬸᬂᬳᬰ᭄ᬭᬸᬜᬯᬸᬭᬶᬦ᭄᭞ᬦ᭄ᬤᬾᬦ᭄ᬓᬾᬧ᭄ᬜᬸᬳᬧᬓ᭄ᬭ᭠ [ 9 ][᭘ 8B]
᭘᭞
ᬡ᭞ᬲᬗ᭄ᬓᬦ᭄ᬳᬶᬩᬭᬶᬭᬶᬄᬗᭀᬦᭀᬂ᭞ᬳᬧᬵᬗ᭄ᬕᭀᬦ᭄‌ᬳᬶᬩᬢᬢᬓᬦ᭄᭞ᬢᬸᬢᬸᬭᬶᬜ᭄ᬚᬳᬶᬭᬫᬢ᭄ᬭ᭞ᬳᬧᬂᬳᬶᬭᬲᬶᬄᬢᬳᬸ᭞ᬢ᭄ᬓᬾᬦ᭄‌ᬓᬯᬶᬰᬾᬱᬵᬦ᭄ᬳᬶᬩ᭟ᬳᬶᬧ᭄ᬜᬸᬲᬺᬗᭂᬦ᭄ᬜᬯᬸᬭᬶᬦ᭄᭞ᬲᭀᬓᬾᬯᬮᬢᬗ᭄ᬓᬄᬤᭀᬯᬂ᭞ᬫᬶᬦᬓᬤᬬᬸᬂᬓᬾᬧᬾᬲᬾ᭞ᬳᭀᬳᭀᬳᭀᬫᬸᬜᬶ
ᬦ᭄᭞ᬯᬦᬭ᭞ᬳᬗᭀᬩ᭄‌ᬲᬦ᭄ᬳᬶᬭᬦ᭄ᬤᬶᬗᭂᬳᬂ᭞ᬓᬰᬓ᭄ᬢ᭄ᬬᬦ᭄ᬳᬶᬩᬦᬾᬧ᭄ᬜᬸ᭞ᬲᬸᬫᬲᬢ᭄‌ᬨᬮ᭄ᬯᬲᬓᬮ᭟ᬳᬧᬤᬤᬶᬗᭀᬂᬗᬶᬯᬲᬶᬦ᭄᭞ᬓᬾ᭠ᬦ᭄ᬓᬾᬦ᭄ᬲᬶᬄᬓᬧᬶᬢ᭄ᬯᬶᬦ᭄ᬜ᭞ᬕᭀᬩᬦ᭄ᬢᭀᬢᬗ᭄ᬓᬄᬳᬶᬩᬦᬾ᭞ᬳᬧᬂᬳᬶᬭᬧ᭄ᬤᬲ᭄‌ᬦᬯᬂ᭞ᬳᬶᬧ᭄ᬜᬸᬫᬲᬯᬸᬢ᭄ᬕᬜ᭄ᬘᬂ᭞ᬦᬄᬧᬳᭂᬓᬂᬳᬶᬩᬮᬸᬢᬸᬂ᭞ᬤᬶᬦᬶᬫ
ᬢᬦᬾᬧ᭄ᬮᬸᬤᬂ᭟ᬳᬶᬮᬸᬢᬸᬂᬓ᭄ᬤᬾᬓ᭄ᬫᬗᬶᬓ᭄ᬕᬶᬓ᭄᭞ᬳᬶᬳᬶᬳᬶᬳᬶᬓ᭄ᬲᬶᬂᬦᭀᬢ᭄ᬕᭂᬮᬄ᭞ᬩᬤᬶᬗᬂᬢ᭄ᬯᬄᬳᬯᬓᬾ᭞ᬳᬧᬂᬳᬶᬭᬧ᭄ᬤᬲ᭄‌ᬦᬯᬂ᭞ᬳᬶᬧ᭄ᬜᬸᬭᬭᬶᬲ᭄ᬳᬗᬸᬘᬧ᭄᭞ᬤᭀᬂᬢᬸᬮᬸᬗᬶᬦ᭄ᬕᭂᬮᬄᬮᬸᬢᬸᬂ᭞ᬩᬤᬶᬗᬂᬳᬧᬂᬦᭂᬗ᭄ᬓᬬᬓ᭄᭟ᬳᬶᬮᬸᬢᬸᬂᬭᬭᬶᬲ᭄ᬫᬗᬸᬗ᭄ᬓᬶᬢ᭄᭞ᬩᬢᬶᬲ᭄ᬦᬾᬜ᭄ᬭᬓ᭄ᬘᬓ᭄ᬫᬦᬸᬜ᭄ᬚᬂ᭞
ᬳᭂᬗ᭄ᬕᬂᬳᭂᬗ᭄ᬕᬶᬂᬳᭂᬗ᭄ᬓᬕ᭄ᬳᭂᬗ᭄ᬓᭀᬕ᭄᭞ᬕᭂᬩ᭄ᬯᬕ᭄‌ᬳᬶᬧ᭄ᬜᬸᬦᭂᬗ᭄ᬓᬬᬓ᭄᭞ᬳᬶᬮᬸᬢᬸᬂᬓ᭄ᬤᬾᬓ᭄ᬫᬗᬮ᭄ᬓᬮ᭄᭞ᬳᬳᬳᬓ᭄ᬳᬶᬳᬶᬓ᭄ᬳᬸᬳᬸᬳᬸᬓ᭄᭞ᬚᬦᬶᬓᬳᬶᬗᬮᬶᬄᬳᬸᬧᬄ᭟ᬳᬸᬧᬄᬩᬭᭀᬂᬫᬘᬦ᭄‌ᬍᬯᬶᬄ᭞ᬳᬳᬾᬂᬢ᭄ᬯᬭᬧᬥᬧᬥ᭞ᬦᬵᬗ᭄ᬳᬶᬂᬳᬶᬩᬧᬧ᭄ᬮᭀᬢ᭄᭞ᬳᬶᬮᬸᬢᬸᬂᬜ᭄ᬭᬶᬚᬶᬕᬜ᭄ᬘᬂ᭞
[᭙ 9A]
ᬫᬘ᭄ᬮᬧ᭄‌ᬓᬢ᭄ᬗᬄᬳᬮᬲ᭄᭞ᬫᬗᬮᬶᬄᬲᬂᬯ᭄ᬬᬖ᭄ᬭᬳᬲ᭄ᬭᬸ᭞ᬢᬦᬸᬘᬧᭂᬦ᭄‌ᬬᬭᬶᬂᬤᬮᬦ᭄᭟ᬘᬭᬶᬢᬳᬶᬧ᭄ᬜᬸᬗᭂᬮᬶᬂ᭞ᬗᬰᬶᬳᬰᬶᬄᬢᬦ᭄ᬧ᭄ᬕᬢ᭠ᬦ᭄᭞ᬲᬗᭂᬢ᭄ᬫᬜᭂᬮ᭄ᬲᭂᬮ᭄ᬳᬯᬓᬾ᭞ᬚᬧᬶᬲᭂᬮ᭄ᬲᭂᬮ᭄‌ᬓᬤᬸᬂᬮᬶᬯᬢ᭄᭞ᬧ᭄ᬥᬲ᭄‌ᬢ᭄ᬯᬭᬵᬤᬕᬸᬡᬦ᭄ᬜ᭞ᬳᬯᬓ᭄‌ᬲᬸᬩᬩ᭄ᬮᬸᬲ᭄ᬮᬸᬘᬸᬢ᭄᭞ᬚᬦᬶᬫᬭᬫ᭠
ᬘᬶᬂᬘᬶᬗᬦ᭄᭟ᬓᬾᬦ᭄ᬢᭀᬲᬮᭀᬓᬦᬶᬂᬕᬸᬫᬶ᭞ᬲᬗ᭄ᬓᬦ᭄‌ᬚᬦᬶᬧ᭄ᬮᬧᬦᬂ᭞ᬲᬢᭀᬦ᭄ᬤᬾᬦ᭄‌ᬳᬸᬮᬸᬂᬳᬸᬚᬦᬾ᭞ᬬᬾᬦ᭄ᬕᬸᬍᬫ᭄ᬧᬚᭂᬂᬓ᭄ᬩᬢᬂ᭞ᬳᬧᬂᬳ᭄ᬤᬓᬳᬸᬚᬦᬦ᭄᭞ᬢᭀᬧᬵᬢᬹᬢᬶᬂᬲᭀᬮᬄᬮᬓᬸ᭞ᬳᬧᬂᬫᬗ᭄ᬕᬶᬄᬓ᭄ᬭᬳᬬ᭄ᬯᬦ᭄᭟ᬘ᭄ᬭᬶᬢᬳᬶᬮᬸᬢᬸᬂᬦᬾᬫᬗ᭄ᬓᬶᬦ᭄᭞ᬳᬶᬫᬘᬦ᭄‌ᬯᬸᬲ᭄ᬢᭂ
ᬧᬸᬓᬶᬦ᭞ᬲ᭄ᬥᭂᬓ᭄ᬫᭂᬥᭂᬫ᭄ᬲᭀᬃᬓᬬᬸᬦᬾ᭞ᬳᬶᬫᬘᬦ᭄ᬫᬢᬓᭀᬦ᭄ᬲᭂᬗᬧ᭄᭞ᬳᬶᬩᬮᬸᬢᬸᬂᬩᬓᬮ᭄ᬓᭂᬚ᭞ᬳᬶᬮᬸᬢᬸᬂᬳᬸᬘᬧᬾᬳᬮᬸᬲ᭄᭞ᬳᬶ᭠ᬭᬫᬳᬶᬗᬮᬶᬄᬳᬶᬩ᭟ᬚᬮᬦ᭄ᬢᬾᬫᬧᬢᬸᬂᬚᬦᬶ᭞ᬫᬧᬢᬸᬂᬳᬾᬩᬢ᭄ᬳᬾᬩᬢᬦ᭄᭞ᬳᬶᬭᬲᬸᬩᬫᬧ᭄ᬗᬵᬩᬾ᭞ᬤᬶᬧᬲᬶᬲᬶᬬᬓᬧ᭄ᬚᬂ᭞ᬳ᭄ᬩᬾ᭠
ᬧ᭄ᬜᬸᬕ᭄ᬥᬾᬧ᭄ᬲᬦ᭄᭞ᬳᬶᬫᬘᬦ᭄‌ᬮ᭄ᬬᬂᬫᬲᬯᬸᬢ᭄᭞ᬬᬦ᭄ᬧᬶᬢ᭄ᬯᬶᬲᬚᬚᬮᬦ᭄᭟ᬲᬂᬓᬵᬮᬶᬄᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬤᬶᬧᬲᬶᬲᬶᬯᬸᬲ᭄‌ᬢ᭄ᬓᭂᬤᬾ᭞ᬲᬶᬕ᭄‌ᬳᬶᬧ᭄ᬜᬸᬦᬾᬦᭂᬗ᭄ᬓᬬᬓ᭄᭞ᬳᬶᬫᬘᬦ᭄‌ᬬᬚᬶᬩ᭄ᬭᬕ᭄ᬚᬶᬩ᭄ᬭᬕ᭄᭞ᬢ᭄ᬯᬭᬕᬶᬕᬶᬲ᭄ᬓᭂᬩ᭄ᬥᭂᬮᬶᬧᬸᬦ᭄᭞ᬧᬘᬂᬫᬳᭀᬮᬳᭀ [ 10 ][᭙ 9B]
᭙᭞
ᬳᬦ᭄᭟ᬮᬸᬢᬸᬂᬳᬶᬩᬗᬮᬶᬄᬳᬧᬶ᭞ᬳᬶᬭᬤᬶᬦᬶᬫᬸᬓᬂᬫᬸᬓᬂ᭞ᬚᬮᬦ᭄ᬫᬗ᭄ᬕᬯᬾᬲᬲᬢᬾ᭞ᬳᬶᬮᬸᬢᬸᬂᬳᬾᬗ᭄ᬕᬮ᭄ᬫᬚᬮᬦ᭄᭞ᬘ᭄ᬭᬶᬢᬦᬾ᭠ᬕᬕ᭄ᬮᬶᬲᬦ᭄᭞ᬫᬗ᭄ᬕᬂᬲᬲᬢᬾᬓᬯᬸᬯᬸᬲ᭄᭞ᬫᬓᬤ᭄ᬯᬮᬶᬦ᭄ᬢᬂᬍᬕ᭟᭜᭟ᬧᬸᬄᬧᬸᬘᬸᬂ᭟᭜᭟ᬓᬩᬢ᭄ᬓᬸᬩᬸᬢ᭄᭞ᬫᬸᬜᬶᬦ᭄ᬳᬧᬶᬧ᭄ᬮᬓ᭄ᬧ᭄ᬮᬓ᭄ᬧ᭄ᬮᬸᬓ᭄ᬧ᭄ᬮᬸ᭠
ᬓ᭄᭞ᬲᬢᬾᬦᬾᬩᬤᬶᬗᬂ᭞ᬫᬭᬬᬍᬩᭂᬂᬳᬓᬢᬶᬄ᭞ᬮᬸᬢᬸᬂᬫᬸᬯᬸᬲ᭄᭞ᬳ᭄ᬦᬾᬮᬓᬃᬓᬧ᭄ᬦᬾᬓᬂ᭟ᬫᭀᬂᬫᬲᬯᬸᬢ᭄᭞ᬲᬗ᭄ᬓᬦ᭄ᬬᬳᬳᬤᬶᬤᬸᬳᬸᬃ᭞ᬳᬧᬲᬶᬄᬓ᭄ᬭᬡᬦ᭄ᬜ᭞ᬳᬶᬩᭀᬚᭀᬕ᭄ᬫᬲᬯᬸᬢ᭄ᬜᭂᬗ᭄ᬓᬶᬂ᭞ᬩ᭄ᬮᭀᬕ᭄ᬲᬶᬕᬸᬕ᭄᭞ᬬᬦ᭄ᬤᬶᬦᬶᬬᬩ᭄ᬢᬾᬦ᭄ᬧ᭄ᬚᬂ᭟ᬳᬫᬄᬍᬕᬸ᭞ᬩᬓᬮ᭄ᬢᭂᬮᬄᬳ᭠
ᬫᬄᬲ᭄ᬫᬸᬢ᭄᭞ᬩᬶᬓᬸᬮ᭄ᬜᬶᬂᬜᬶᬂᬗᬫᬄ᭞ᬩᬮᬂᬚᬗ᭄ᬓ᭄ᬭᬶᬓ᭄ᬫᬶᬯᬄᬜᬶᬜᬶᬓ᭄᭞ᬳᬫᬄᬘᬧᬸᬂ᭞ᬮ᭄ᬬᬸᬩᬜ᭄ᬘᬦᬦᬾᬢ᭄ᬓ᭞ᬢᬦ᭄ᬧᬲᬯᬸᬢ᭄᭞ᬳᬶᬫᬘᬦ᭄ᬳᬶᬢᭂᬧ᭄ᬫᬦᬸᬦᬸ᭞ᬍᬩᭂᬂᬓᬵᬢᬶᬄᬫᬸᬗ᭄ᬕᬄ᭞ᬘ᭄ᬭᬶᬢᬧᬸᬧᬸᬢ᭄‌ᬍᬩᭂᬂᬲᬫᬶ᭞ᬳᭀᬜᬤᬶᬤᬸᬳᬸᬃ᭞ᬳᬶᬩᭀᬚᭀᬕ᭄ᬤᬶᬢᬸᬦᬫ᭄ᬩᬸᬦᬂ᭟ᬲᬸᬩᬲᬸᬯᬸᬤ᭄᭞ᬳᬶ᭠
ᬫᬘᬦ᭄ᬳᬮᭀᬦᬫᬸᬯᬸᬲ᭄᭞ᬤᭀᬂᬓ᭄ᬫᬢᬸᬳᬸᬦᬂ᭞ᬚᬮᬦ᭄‌ᬤᬶᬦᬶᬩᭂᬢᬾᬦ᭄ᬧᬶᬲᬶ᭞ᬲᬯᬸᬢ᭄ᬮᬸᬢᬸᬂ᭞ᬦᬄᬚᬦᬶᬩᬓᬮ᭄ᬢᬸᬳᬸᬦᬂ᭟ᬫᬜ᭄ᬭᬸᬢ᭄ᬘᬸᬢ᭄᭞ᬳᬶᬩᭀᬚᭀᬕ᭄ᬫᭂᬦᬾᬓ᭄‌ᬗᬮᬬᬸᬢ᭄᭞ᬢ᭄ᬓᭂᬤ᭄‌ᬲᬶᬕ᭄ᬢᭀᬗᭀᬲ᭄ᬜ᭞ᬮᬦ᭄ᬢᬲ᭄‌ᬬᬦᭂᬕᬓ᭄ᬗᬧᬶᬓᬶᬦ᭄᭞ᬫᬗᬜᬸᬓ᭄ᬜᬸᬓ᭄᭞ᬩᬸᬗᬢ᭄ᬦᬾᬗᬾᬯᬾᬭᬶᬦ᭄ᬫ
[᭑᭐ 10A]
ᬘᬦ᭄᭟ᬭᬭᬶᬲ᭄ᬫᬸᬯᬸᬲ᭄᭞ᬲᬢᬾᬦᬾᬲᬫ᭄ᬩᬶᬮᬂᬳᬯᬸᬦ᭄᭞ᬦᬄᬫᬘᬦ᭄ᬓᬢᬶᬓ᭞ᬦᬵᬗ᭄ᬳᬶᬂᬦᬾᬫᬭᬳᬓᬢᬶᬄ᭞ᬳᬦ᭄ᬢᬶᬫᬮᬸ᭞ᬩᬶᬦ᭄ᬲᭂᬧᬦ᭄ᬕᭂᬮᬄᬗᬸ᭠ᬮᬸᬗᬂ᭟ᬳᬶᬫᭀᬂᬦᬸᬗ᭄ᬓ᭄ᬭᬸᬓ᭄᭞ᬚ᭄ᬗᬄᬫᬾᬭᬮᬶᬦ᭄ᬢᬂᬓ᭄ᬩᬸᬲ᭄᭞ᬓᭃᬥᬸᬫᬦ᭄ᬓᬢᬶᬓ᭞ᬮᬸᬢᬸᬂᬬᬫᭂᬩᭂᬄᬗᬸᬮᬸᬗᬶᬦ᭄᭞ᬢᬹᬃᬳᬯᬸᬯᬸᬲ᭄᭞ᬢ᭄ᬮᬳᬂᬲᬸᬩᬢᭀ᭠
ᬢᭀᬦᬦ᭄᭟ᬳᬶᬗ᭄ᬕᬶᬄᬧᬸᬧᬸᬢ᭄᭞ᬲᬢᬾᬦᬾᬢ᭄ᬮᬄᬓᬳᬶᬫᬸᬢ᭄᭞ᬳᬶᬮᬸᬢᬸᬂᬩ᭄ᬢᭂᬓᬦ᭄᭞ᬧ᭄ᬲᬸᬳᬸᬯᬩ᭄ᬲᬤᬢᬶᬢᬶ᭞ᬗᬸᬦ᭄ᬤᬧ᭄ᬗᬸᬬᬸᬓ᭄᭞ᬫᬢ᭠ᬦᬾᬲᬬᬦ᭄ᬗ᭄ᬭᬶᬬᭂᬧᬂ᭟ᬳᬗ᭄ᬕᬸᬢᬗ᭄ᬕᬸᬢ᭄᭞ᬮᬦ᭄ᬢᬲ᭄‌ᬬᬧᬸᬍᬲ᭄ᬫᬜᬶᬗ᭄ᬓ᭄ᬭᬸᬢ᭄᭞ᬳᭂᬗ᭄ᬲᬧ᭄‌ᬢ᭄ᬓᬾᬦ᭄ᬳᬯᬓ᭄᭞ᬳᬶᬫᬘᬦ᭄ᬫᬗ᭄ᬕ᭄ᬭᬸᬯᬾᬂᬜ᭄ᬚ᭄ᬭᬶᬢ᭄᭞ᬬᬳᬶ᭠
ᬮᬸᬢᬸᬂ᭞ᬢᬗ᭄ᬓᭂᬚᬸᬢ᭄ᬮᬶᬫᬦᬾᬓ᭄ᬧᬃ᭟ᬮᬯᬸᬢ᭄ᬳᬸᬮᬸᬂ᭞ᬳᬶᬩᭀᬚᭀᬕ᭄‌ᬬᬫᬘᬼᬩᬸᬕ᭄᭞ᬳᬶᬫᬘᬦ᭄‌ᬗᬾᬗ᭄ᬕᬮᬂ᭞ᬜᬕᬺᬧ᭄ᬳᬶᬮᬸᬢᬸᬂᬗ᭠ᬚ᭄ᬗᬶᬢ᭄᭞ᬳᬶᬫᭀᬂᬗ᭄ᬮᬸᬃ᭞ᬫᬢᬶᬳᬶᬩᬘᬧ᭄ᬮᭀᬓ᭄ᬕᭂᬮᬄ᭟ᬬᬳᬶᬮᬸᬢᬸᬂ᭞ᬕ᭄ᬢᬃᬫᬸᬜᬶᬦ᭄ᬜᬦᬾᬧ᭄ᬲᬸ᭞ᬳᬶᬄᬳᬶᬩᬯᬶᬬᬖ᭄ᬭ᭞ᬳᬶᬩᬧᬓ᭄ᬱᬗᬫᬄᬓ᭠
ᬳᬶ᭞ᬢᬸᬲᬶᬂᬧ᭄ᬮᬸᬢ᭄᭞ᬓᬳᬶᬫᬢᬶᬩᬳᬦ᭄ᬳᬶᬩ᭟ᬤᬾᬦᬶᬂᬢᬸᬳᬸ᭞ᬓᬳᬶᬢᭀᬲ᭄‌ᬯᬦᬭᬓᬲᬸᬩ᭄᭞ᬭᬶᬂᬭᬵᬫ᭄ᬬᬡᬘᬭᬶᬢ᭞ᬳᬶᬭᬯᬵᬡᬲᬗ᭄ᬓᬦ᭄ᬫᬢᬶ᭞ᬦᬾᬗᬋᬩᬸᬢ᭄᭞ᬮᬮᬗᬶᬢ᭄‌ᬓᬳᬶᬦᬾᬲᬸᬩ᭟ᬓᬳᬶᬦ᭄ᬫᬸ᭞ᬦᬾᬚᬦᬶᬯᬶᬰᬾᬱᬦ᭄ᬭᬸᬲ᭄᭞ᬚᬢᬶᬤᬳᬢ᭄ᬲᭂᬗ᭄ᬓ᭞ᬧᬫᬢᬶ [ 11 ][᭑᭐ 10B]
᭑᭐᭞
ᬦ᭄ᬓᬳᬶᬦᬾᬓᬵᬮᬶᬄ᭞ᬬᬦ᭄ᬢᬦ᭄ᬯ᭄ᬭᬸᬄ᭞ᬢ᭄ᬯᬭᬩᬶᬲᬗᬫᬢ᭄ᬬᬂ᭟ᬳᬶᬫᭀᬂᬫᬸᬯᬸᬲ᭄᭞ᬦᬄᬮᬯᬸᬢ᭄‌ᬳᭀᬭᬳᬂᬮᬸᬢᬸᬂ᭞ᬚᬦᬶᬳᬧᬂᬢ᭄ᬭᬂ᭞ᬕ᭄ᬦᬄᬧ᭄ᬭᬡ᭠ᬦ᭄ᬳᬶᬩᬦᬾᬢ᭄ᬯᬶ᭞ᬢᬸᬲᬶᬂᬩᬸᬯᬸᬂ᭞ᬓᬳᬶᬩᬓᬮ᭄ᬦᬥᬄᬳᬶᬩ᭟ᬲᬯᬸᬢ᭄ᬮᬸᬢᬸᬂ᭞ᬤᬶᬢᬸᬓ᭄ᬢᬸᬓ᭄ᬳᬶᬓᬸᬢ᭄ᬳᬸᬫᬸᬗ᭄ᬕᬸᬄ᭞ᬬᬦ᭄ᬲᬸᬩᬦ᭄ᬢᭀᬧ᭄ᬕᬢ᭄᭞ᬧ᭄ᬤᬲ᭄‌ᬓᬳᬶᬩᬶᬲᬫ
ᬢᬶ᭞ᬳᭂᬦ᭄ᬢᭀᬲ᭄ᬕᬸᬢ᭄᭞ᬳᬶᬫᬘᬦ᭄ᬜᬧ᭄ᬮᭀᬓ᭄ᬗᬾᬗ᭄ᬕᬮᬂ᭟ᬤᬤᬶᬮᬸᬧᬸᬢ᭄᭞ᬳᬶᬓᬸᬢ᭄ᬦᬾᬢᭀᬂᬩᬓᬢ᭄ᬩᬸᬭᬸ᭞ᬳᬯᬓ᭄ᬜᬦᬾᬮᬾᬩᬂ᭞ᬳᬶᬓᬸᬢ᭄ᬦᬾᬲᬳᬢᬂᬳᬮᬶᬄ᭞ᬘᬗ᭄ᬓ᭄ᬯᬓ᭄ᬲᬯᬸᬤ᭄᭞ᬳᬶᬮᬸᬢᬸᬂᬫᬓ᭄ᬘᭀᬲ᭄ᬫᬸᬗ᭄ᬕᬄ᭟ᬫᬗᬭᬸᬓ᭄ᬕᬸᬓ᭄᭞ᬳᬶᬮᬸᬢᬸᬂᬓ᭄ᬤᬾᬓ᭄ᬤᬶᬓᬬᬸ᭞ᬮᬦ᭄ᬢᬲ᭄‌ᬗᬫ᭄ᬦᬾᬓᬂ᭞ᬤᬶᬘᬭᬂᬓᬬᬸ᭠
ᬦᬾᬗᭂᬮᬦ᭄ᬢᬶᬂ᭞ᬘ᭄ᬗᬸᬘ᭄ᬗᬸ᭞ᬗᭂᬤᬾᬓᬶᬦ᭄‌ᬬᬲᬂᬯ᭄ᬬᬖ᭄ᬭ᭟ᬚ᭄ᬗᬄᬓ᭄ᬩᬸᬲ᭄᭞ᬳᬶᬫᬘᬦ᭄ᬓᬮᬳᬂᬮᬸᬢᬸᬂ᭞ᬭᬭᬶᬲ᭄‌ᬫᬸᬭᬂᬮᬵᬫ᭄ᬧᬄ᭞ᬲᬢᬶᬩᬧᬭᬦ᭄ᬫᬫᬵᬃᬕ᭄ᬕᬶ᭞ᬲᬕᬾᬢ᭄ᬫᬗ᭄ᬕᬸᬄ᭞ᬲᬫ᭄ᬧᬶᬲ᭄ᬥᭂᬓᬦ᭄ᬫᬘᬂᬘᬂ᭟ᬫᬘᬦ᭄‌ᬫᬸᬯᬸᬲ᭄᭞ᬳᬶᬄᬳᬶᬩᬩᬦ᭄ᬢᬾᬂᬫᬢ᭄ᬕᬸᬮ᭄᭞ᬳ᭄ᬜᬾᬦ᭄‌ᬦᭂᬕᬸᬮ᭄ᬳᬶᬩ᭞ᬢᬦ᭄ᬧᬤᭀᬦ᭄ᬢᬦ᭄ᬤᬸᬓᬾ
ᬮᬜᬶᬂ᭞ᬤᬤᬶᬦᬸᬗ᭄ᬓᬸᬮ᭄᭞ᬢ᭄ᬯᬭᬩᬶᬱᬦᬯᬂᬚ᭄ᬗᬄ᭟ᬭᬭᬶᬲ᭄ᬫᬸᬯᬸᬲ᭄᭞ᬳᬶᬍᬫ᭄ᬩᬸᬦᬸᬢᬸᬭᬂᬳᬸᬦ᭄ᬤᬸᬓ᭄᭞ᬳ᭄ᬤᬳᬶᬩᬮᬗ᭄ᬕᬄ᭞ᬫᬧ᭄ᬢᬢᬦ᭄ᬧᬧᬓ᭄ᬳᬾᬭᬶᬂ᭞ᬬᬳᬶᬤᬸᬓᬸᬄ᭞ᬦᬾᬫᬵᬤᬦ᭄‌ᬤᬸᬓᬸᬄᬚᬗ᭄ᬕᬭᬦ᭄᭟ᬳᭂᬦ᭄ᬢᭀᬓᬲᬸᬩ᭄᭞ᬤᬶᬩᬢᬦ᭄ᬮᬗᬶᬢ᭄ᬓᬯᬸᬯᬸᬲ᭄᭞ᬰᬓ᭄ᬢᬶᬢᬸᬃᬯᬶᬰᬾᬱᬵ᭞ᬢᬦ᭄ᬧᬥ᭠
[᭑᭑ 11A]
ᬧᬥᬤᬶᬕᬸᬫᬶ᭞ᬤᬦᬾᬗᬸᬩᬸᬄ᭞ᬤᭀᬦ᭄ᬓᬳᬶᬤᬶᬦᬶᬫᬘᬂᬘᬂ᭟ᬫᭀᬂᬫᬲᬯᬸᬢ᭄᭞ᬤᬶᬚᬢᭀᬗᭀᬲ᭄‌ᬬᬳᬶᬤᬸᬓᬸᬄ᭞ᬓᬳᬶᬧᬂᬮᬯᬦ᭞ᬩᬳᬦ᭄‌ᬬᬳᬶᬤᬸᬓᬸᬄᬰᬓ᭄ᬢᬶ᭞ᬓᬳᬶᬫᬕᬸᬢ᭄᭞ᬓᬰᬓ᭄ᬢ᭄ᬬᬦᬾᬳᬶᬚᬗ᭄ᬕᬭᬦ᭄᭟ᬤᬶᬢᬸᬭᬸᬭᬸᬄ᭞ᬓᬾᬦ᭄ᬢᭀᬲᬯᬸᬢ᭄ᬜᬳᬶᬍᬫ᭄ᬩᬸ᭞ᬲᬃᬯ᭄ᬯᬶᬫᬢᬸᬚᬸᬳᬂ᭞
ᬤᬶᬧᬸᬜᬦ᭄ᬚᬓᬦᬾᬩᭂᬤᬗᬶᬦ᭄᭞ᬳᬶᬬᬤᬶᬢᬸ᭞ᬗᬶᬭᬶᬲᬶᬦ᭄ᬫᬗ᭄ᬕᬯᬾᬢ᭄ᬯᬓ᭄᭟ᬢᬦ᭄ᬧᬲᬯᬸᬢ᭄᭞ᬳᬶᬫᬘᬦ᭄ᬮᬦ᭄ᬢᬲ᭄‌ᬜᬭᬸᬢ᭄ᬘᬸᬢ᭄᭞ᬗᬸᬗ᭄ᬲᬶᬧᬸᬜᬦ᭄‌ᬚᬓ᭞ᬳᬶᬤᬸᬓᬸᬄᬲ᭄ᬥᭂᬓ᭄ᬗᬶᬭᬶᬲᬶᬦ᭄᭞ᬬᬤᬶᬤᬸᬳᬸᬃ᭞ᬳᬶᬫᬘᬦ᭄‌ᬩ᭄ᬢᬾᬦ᭄ᬦᬸᬗᬥᬄ᭟ᬫᬘᬦ᭄ᬗᭂᬮᬸᬃ᭞ᬦᬾᬓᭀᬬᬲᬶᬳᬶᬩᬤᬸᬓᬸᬄ᭞ᬳᬶᬩ
ᬓᬲᬸᬩ᭄ᬧᬶᬲᬦ᭄᭞ᬯᬶᬰᬾᬱᬵᬓᬮᬶᬯᬢ᭄ᬰᬓ᭄ᬢᬶ᭞ᬲᬚᬤᬸᬓᬸᬄ᭞ᬬᬦ᭄ᬧᬲᬚᬳᬶᬭᬮᬵᬯᬦ᭄᭟᭜᭟ᬧᬸᬄᬫᬶᬚᬶᬮ᭄᭟᭜᭟ᬲᬶᬂᬚᬩᬸᬯᬸᬂᬳᬶᬩᬮᬓᬃᬫᬢᬶ᭞ᬫᬧ᭄ᬭᬂᬮᬯᬦ᭄ᬳᬶᬗᭀᬂ᭞ᬫᬘᬦ᭄‌ᬫᬸᬮᬫᬦᬸᬱᬵᬫᬗ᭄ᬲᬦᬾ᭞ᬬᬳᬶᬤᬸᬓᬸᬄ᭞ᬫᬦᭀᬮᬶᬄᬲᬩ᭄ᬤᬵᬭᬶᬲ᭄᭞ᬳᬾᬄᬫᬘᬦ᭄ᬧᬶ
ᬢ᭄ᬯᬶ᭞ᬕᬸᬂᬉᬚᬃᬫᬭᬾᬗ᭄ᬲᬸᬦ᭄᭟ᬓᬳᬶᬤᬸᬓᬸᬄᬚᬢᬶᬯᬶᬭᬰᬱᬵᬰᬓ᭄ᬢᬶ᭞ᬭᬶᬂᬚᬕᬢ᭄ᬢᬦ᭄ᬲᬯᭀᬲ᭄᭞ᬫᬸᬮᬳᬶᬭᬓᬯᬸᬯᬸᬲᬾᬂᬭᬵᬢᬾ᭞ᬢᬦᬧᬥᬧᬥᬭᬶᬂᬓᬰᬓ᭄ᬢᬶᬦ᭄᭞ᬳᬶᬩᬢᬦ᭄ᬤ᭄ᬭᬸᬄᬢ᭄ᬯᬶ᭞ᬚᬦᬶᬳᬧᬂᬯ᭄ᬭᬸᬄ᭟ᬬᬦ᭄ᬧᬶᬢᬸᬳᬸᬳᬶᬩᬧᬘᬂᬩᬦᬶ᭞ᬦᬄᬤᬶᬢᬸᬓᬾᬳᬦ᭄ᬢᭀ [ 12 ][᭑᭑ 11B]
᭑᭑᭞
ᬲ᭄᭞ᬦᬵᬗ᭄ᬳᬶᬂᬳ᭄ᬤᬓᬸᬭᬂᬲᬬᬕᬦᬾ᭞ᬳᬧᬂᬓᬸᬓᬸᬄᬳ᭄ᬤᬳᬶᬩᬫ᭄ᬮᬳᬶᬩ᭄᭞ᬬᬾᬦ᭄ᬭᬶᬂᬲᬸᬩᬫᬶᬚᬶᬮ᭄᭞ᬯᬶᬰᬾᬱᬵᬦᬶᬭᬾᬓᬸ᭟ᬫᬲᬳᬸᬭᬸᬂᬳᬶᬩᬢᬸᬫ᭄ᬧᬸᬃᬪᬱ᭄ᬫᬶ᭞ᬯ᭄ᬬᬖ᭄ᬭᬫᬸᬯᬸᬲ᭄ᬳᬮᭀᬦ᭄᭞ᬳᬶᬭᬢ᭄ᬯᬭᬕᬶᬗ᭄ᬲᬶᬭᬶᬂᬧᬢᬶᬦᬾ᭞ᬦᬄᬮᬯᬸᬢᬂᬗᭀᬂᬲᬥ᭄ᬬᬗᬶᬯᬲᬶᬦ᭄᭞ᬧᬂᬧ᭄ᬤᬲ᭄ᬫᬫᬗ᭄ᬕᬶᬄ᭞
ᬲᬯᬸᬢ᭄ᬳᬶᬭᬤᬸᬓᬸᬄ᭟ᬦᬄᬤᭀᬂᬢ᭄ᬕᬸᬮ᭄‌ᬤᬾᬯᬾᬓᬾᬩᬸᬢᬶᬢᬶᬂ᭞ᬤᬶᬓᬬᬸᬦᬾᬳᭂᬦ᭄ᬢᭀ᭞ᬧᬂᬳ᭄ᬤᬳᬶᬩᬫ᭄ᬮᬳᬶᬩ᭄ᬤᬶᬲᬸᬩᬦᬾ᭞ᬦ᭄ᬤᬶ᭠ᬮᬩ᭄ᬧᭂᬲᬸᬓᬯᬶᬰᬾᬱᬵᬦ᭄ᬓᬳᬶ᭞ᬦ᭄ᬢᭀᬢᬗᬭᬶᬦ᭄ᬓᬳᬶ᭞ᬲᬗ᭄ᬓᬜ᭄ᬚᬦᬶᬢ᭄ᬕᬸᬮ᭄᭟ᬦᬄᬧᬲᬯᬸᬢ᭄‌ᬳᬶᬫᬘᬦ᭄‌ᬬᬭᬭᬶᬲ᭄᭞ᬦᭂᬕᬸᬮ᭄᭞ᬤᬾ᭠
ᬯᬾᬓ᭄ᬳᬾᬯᭀᬢ᭄᭞ᬲᬸᬩᬧ᭄ᬭᬕᬢ᭄ᬓᬸᬓᬸᬄᬢᬢᬮᬾᬦ᭄ᬦᬾ᭞ᬉᬚᬃᬤᬸᬓᬸᬄᬳᬧᬂᬓᬸᬯᬢ᭄ᬩᬸᬯᬶᬦ᭄᭞ᬳᬶᬫᬘᬦ᭄ᬜᬯᬸᬢᬶᬦ᭄᭞ᬦᬾᬲᬸᬩᬓᬸᬓᬸᬄ᭟ᬤᬶᬢᬸᬮᬯᬸᬢ᭄‌ᬤᬸᬓᬸᬄᬢᬸᬳᬸᬦ᭄ᬕᭂᬮᬶᬲ᭄᭞ᬳᬶᬫᬘᬦ᭄ᬓᬳᭀᬚᭀᬕ᭄᭞ᬲᬃᬯ᭄ᬯᬶᬤᬦᬾᬗᬗ᭄ᬕᬃᬧᬗᬶᬭᬶᬲ᭄ᬦᬾ᭞ᬢᬸᬃᬳᬫᬸᬯᬸᬲ᭄᭞
ᬦᬄᬦᬾᬲᬸᬩᬚᬦᬶ᭞ᬩᬓᬮ᭄‌ᬗᬮᬧ᭄ᬳᬸᬭᬶᬧ᭄᭞ᬢᭂᬡ᭄ᬥᬲᬾᬩᬓᬮ᭄ᬳᭂᬫ᭄ᬧᬸᬕ᭄᭟ᬧᬗᬵᬫᬸᬫ᭄ᬩᬸᬮ᭄‌ᬧᭀᬮᭀᬲ᭄ᬦᬾᬫᬓᭂᬘ᭄ᬭᬶᬢ᭄᭞ᬳᬶᬫᬘᬦ᭄‌ᬬᬗᭂᬢᭀᬃ᭞ᬜᬸᬫ᭄ᬩᬄᬜᬸᬫ᭄ᬩᬄᬫᬦᬸᬦᬲ᭄ᬳᬸᬭᬶᬧ᭞ᬢ᭄ᬬᬂᬓᬧᭀᬓ᭄ᬢ᭄ᬯᬭᬧᬘᬂᬩᬦᬶ᭞ᬲᬕᬺᬄᬢᬦ᭄ᬤᬤᬶ᭞ᬫᭂᬜ᭄ᬘᬦᬳᬶᬤᬸᬓᬸᬄ᭟
[᭑᭒ 12A]
ᬮᬦ᭄ᬢᬲ᭄‌ᬦᬸᬲᬸᬧ᭄‌ᬬᬳᬶᬫᬘᬦ᭄ᬕᭂᬮᬶᬲ᭄᭞ᬦᬾᬚᬦᬶᬓᬭᬯᭀᬲ᭄᭞ᬧᬢ᭄ᬫᬸᬦ᭄ᬦᬾᬢ᭄ᬓᬾᬦ᭄ᬳᬶᬚᬭᬦᬾ᭞ᬤᬶᬳᬮᬲᬾᬩᬸᬓᬲ᭄ᬫᬬᬳᬶ᭠ᬦ᭄᭞ᬳᬶᬫᬘᬦ᭄ᬦᬸᬮ᭄ᬬᬵᬗ᭄ᬮᬶᬂ᭞ᬳᬶᬚᬭᬦ᭄ᬓᬢ᭄ᬧᬸᬓ᭄᭟ᬲ᭄ᬥᭂᬂᬩᬕᬸᬲ᭄ᬓᬳᬶᬮᬬᬄᬳᬢᬶ᭞ᬳᬧᬚᬦᬶᬳᬗ᭄ᬕᭀᬦ᭄᭞ᬫᬗᬶᬮᬗᬂᬩᬵᬘᬗᭂᬢ᭄‌ᬲ᭄ᬥᬸ᭠
ᬓᬾ᭞ᬲᬚᬯᬶᬦᬶᬂᬳᬶᬩᬳᬫᬄᬓᬳᬶ᭞ᬧᬗᬵᬫᬗ᭄ᬦᬦ᭄ᬢᬶᬂ᭞ᬩᬲᬂᬳᬶᬭᬜᬦ᭄ᬢᬸᬂ᭟ᬲᬤᬳᬮᬸᬲ᭄ᬳᬶᬚᬭᬦ᭄ᬜᬯᬸᬭᬶᬦ᭄᭞ᬫᬸᬜᬶᬫᬦᬶᬲ᭄ᬳ᭠ᬮᭀᬦ᭄᭞ᬳᬶᬭᬢ᭄ᬯᬭᬧᬜ᭄ᬚᬂᬧᬗᬸᬘᬧᬾ᭞ᬮᬫᬸᬦ᭄ᬲᬸᬩᬤᬦᬾᬤᬸᬓᬸᬄᬰᬓ᭄ᬢᬶ᭞ᬗᬮᬸᬕ᭄ᬭᬳᬶᬜ᭄ᬘᬳᬶ᭞ᬳᬶᬭᬜᬥ᭄ᬬᬢᬶᬦᬹᬢ᭄᭟ᬫᬘ
ᬦ᭄ᬫᬸᬯᬸᬲ᭄ᬳᬶᬭᬦᬾᬦᬾᬚᬦᬶ᭞ᬧᬘᬂᬦᬸᬦᬲ᭄ᬭᬯᭀᬲ᭄᭞ᬢ᭄ᬓᬾᬦ᭄ᬤᬦᬾᬚ᭄ᬭᭀᬤᬸᬓᬸᬄᬰᬓ᭄ᬢᬶᬦᬾ᭞ᬮᬦ᭄ᬢᬲ᭄‌ᬜ᭄ᬭᬸᬢ᭄ᬘᬸᬢ᭄‌ᬳᬶᬫᬘᬦ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬤᬶᬫᬵᬃᬕ᭄ᬕᬶ᭞ᬭᬶᬂᬤᬸᬓᬸᬳᬦ᭄ᬭᬯᬸᬄ᭟᭜᭟ᬧᬸᬄᬧᬸᬘᬸᬂ᭟᭜᭟ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬚ᭄ᬭᭀᬤᬸᬓᬸᬄᬲ᭄ᬥᭂᬓ᭄ᬫᬮᬸᬗ᭄ᬕᬸᬄ᭞ᬳᬶᬫᬘᬦ᭄‌ᬧ᭄ᬭᬵ
ᬧ᭄ᬢ᭞ᬤᬶᬳᬚᭂᬂᬚ᭄ᬭᭀᬤᬸᬓᬸᬄᬦᬗ᭄ᬓᬶᬮ᭄᭞ᬤᬸᬓᬸᬄᬫᬸᬯᬸᬲ᭄᭞ᬳᬧᬲᬥ᭄ᬬᬦ᭄ᬫᬘᬦ᭄ᬢᭂᬓ᭟ᬳᬶᬫᭀᬂᬫᬵᬢᬸᬃ᭞ᬦ᭄ᬤᬯᭂᬕᬂᬚ᭄ᬭᭀᬦᬾᬤᬸᬓᬸᬄ᭞ᬦᬾᬫᬓᬳᬯᬦᬦ᭄᭞ᬭᬯᬸᬄᬢᬶᬢ᭄ᬬᬗᬾᬫᬦᬗ᭄ᬓᬶᬮ᭄᭞ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃ᭞ᬫᬗ᭄ᬤᬢ᭄ᬯᬶᬚ᭄ᬭᭀᬦᬾᬲ᭄ᬯᬾᬘ᭄ᬙᬵ᭟ᬲᬸᬂᬧᬶᬢᬸᬥᬸᬄ᭞ᬦᬾᬫᬯᬱ᭄ᬝᬳᬶᬯᬂ [ 13 ][᭑᭒ 12B]
᭑᭒᭞
ᬧᬢᬹᬢ᭄᭞ᬦᬾᬜ᭄ᬘᬾᬦ᭄ᬓᬤᬤᭀᬲᬂ᭞ᬧᬓ᭄ᬱᬦ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬗ᭄ᬤᬦ᭄ᬭᬸᬲ᭄᭞ᬭᬳᬬᬸᬦᬾᬢᬫᬢᬶᬢ᭄ᬬᬂ᭟ᬲᬯᬸᬃᬤᬸᬓᬸᬄ᭞ᬬᬦ᭄ᬲᬸᬩᬳᬕᬸᬗᬶᬂᬮᬸᬧᬸᬢ᭄᭞ᬩ᭄ᬯᬶᬦ᭄‌ᬓ᭄ᬦᬉᬧᬢᬵ᭞ᬳᭂᬦ᭄ᬢᭀᬯ᭄ᬦᬂᬧᬓ᭄ᬱᬘᬳᬶ᭞ᬬᬦ᭄‌ᬓᬲᬥᬸᬦ᭄᭞ᬳᭂᬦ᭄ᬢᭀᬢ᭄ᬯᬭᬯ᭄ᬦᬂᬧᬶᬲᬦ᭄᭟ᬓᬾᬦ᭄ᬢᭀᬧᬸᬧᬸᬢ᭄᭞ᬳᬶᬯ᭄ᬬ᭠
ᬖ᭄ᬭᬓᬲᬼᬓ᭄ᬫᬫᬸᬢ᭄ᬭᬸ᭞ᬤᬾᬦᬶᬂᬳ᭄ᬜᬸᬤ᭄ᬧᬶᬲᬦ᭄᭞ᬤᬤᬶᬗᬾᬓᭀᬂᬧᬬᬲᬦ᭄ᬥᬶ᭞ᬮᬯᬸᬢ᭄ᬫᬢᬹᬃ᭞ᬢᬶᬢ᭄ᬬᬂᬫᬦᬸᬦᬲᬂᬳᬶᬧ᭄ᬬᬦ᭄᭟ᬯ᭄ᬗᬶᬯᬯᬸ᭞ᬳᬶᬧᬾᬦ᭄ᬢᬶᬢ᭄ᬬᬂᬋᬓᬾᬫᬸᬗ᭄ᬕᬸᬄ᭞ᬢᬶᬢ᭄ᬬᬂᬜᬭᬧ᭄ᬓᬸᬤ᭞ᬦᬶᬓᬢ᭄ᬥᬦ᭄ᬢᬶᬢ᭄ᬬᬂᬭᬭᬶᬲ᭄᭞ᬓᬾᬦ᭄ᬢᭀᬫᬸᬗ᭄ᬕᬸᬄ᭞ᬧᬸᬦᬶᬓᬢᬸᬦᬲᬂᬳᬶᬢ᭄ᬬᬂ᭟ᬧᬵᬢᬸᬢ᭄ᬢᬦ᭄ᬧᬵᬢᬸᬢ᭄᭞ᬢᬶ
ᬢ᭄ᬬᬂᬗᬫᬵᬃᬕ᭄ᬕ᭄ᬬᬂᬧᬸᬦᬶᬓᬸ᭞ᬳᬶᬤᬸᬓᬸᬄᬳᬗᬸᬘᬧ᭄᭞ᬳᭂᬦ᭄ᬢᭀᬤᬤᬶᬧᬓ᭄ᬱᬘᬳᬶ᭞ᬳᬧᬦ᭄ᬲᬵᬫ᭄ᬧᬸᬦ᭄᭞ᬫᬵᬯᬓ᭄ᬫᬦ᭄ᬫᬸᬤᬶᬓᬃᬫ᭄ᬫ᭟ᬫᭀᬂᬫ᭠ᬲᬯᬸᬃ᭞ᬢᬶᬢ᭄ᬬᬂᬧᬫᬶᬢ᭄‌ᬚ᭄ᬭᭀᬤᬸᬓᬸᬄ᭞ᬗᬋᬋᬄᬳᬶᬓᬸᬤ᭞ᬦᬄᬲᬯᬸᬢ᭄‌ᬳᬶᬤᬸᬓᬸᬄᬰᬓ᭄ᬢᬶ᭞ᬫᭀᬂᬮᬸᬫᬸᬓᬸ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭟᭠
ᬦᬾᬓᬯᬸᬯᬸᬲ᭄᭞ᬳᬶᬚᬭᬦ᭄ᬲᬵᬫ᭄ᬧᬸᬦ᭄ᬓᬢ᭄ᬧᬸᬓ᭄᭞ᬳᬶᬫᬘᬳᬗᬸᬘᬧ᭄᭞ᬚᬦᬶᬧᬬᬸᬳᬶᬩᬫᬢᬶ᭞ᬚ᭄ᬭᭀᬤᬸᬓᬸᬄ᭞ᬤᬦᬾᬲᬸᬩᬵᬲᬸᬂ᭠ᬮᬸᬕ᭄ᬭᬳᬵ᭟ᬚᬭᬦ᭄ᬢᬗ᭄ᬓᭂᬚᬸᬢ᭄᭞ᬧ᭄ᬮᬸᬳᬾᬫᬫᭀᬢᭀᬃᬧ᭄ᬲᬸ᭞ᬢᬸᬫᬸᬮᬶᬳᬗᬸᬘᬧ᭄᭞ᬫᬸᬜᬶᬦᬾᬫᬤᬸᬮᬸᬃᬳ᭄ᬮᬶᬂ᭞ᬳᭂᬦ᭄ᬤᬾᬦ᭄ᬫᬮᬸ᭞ᬳᬶᬭᬓ᭄ᬫᬫᬦᬸᬦᬲᬂ᭟
[᭑᭓ 13A]
ᬦᬄᬧᬲᬯᬸᬢ᭄᭞ᬳᬶᬫᬘᬦ᭄ᬦᬸᬮᬶᬫᬦᬸᬦ᭄ᬤᬸᬂ᭞ᬓ᭄ᬫᬓᬾᬳᬾᬗ᭄ᬕᬮᬂ᭞ᬓᬳᬶᬲᬸᬩᬮᬬᬄᬕᬢᬶ᭞ᬫᬜ᭄ᬭᬸᬢ᭄ᬘᬸᬢ᭄᭞ᬳᬶᬚᬭᬦ᭄ᬳᭂᬗ᭄ᬲᭂᬓ᭄ᬭᬶᬂᬫᬦᬄ᭟ᬕ᭄ᬮᬶᬲ᭄ᬭᬯᬸᬄ᭞ᬚᬸᬫᬄᬤᬦᬾᬚ᭄ᬭᭀᬤᬸᬓᬸᬄ᭞ᬤᬾᬤᬸᬓᬸᬄᬜᬫ᭄ᬪ᭄ᬭᬫ᭞ᬳᬶᬩᬚᬭᬦ᭄ᬢᬸᬫ᭄ᬩᬾᬦ᭄ᬫᬳᬶ᭞ᬳᬧᬭᬸᬭᬸᬄ᭞ᬳᬶᬚᬭᬦ᭄ᬫᬲᬯᬸᬃᬲᭂᬫ᭄ᬩᬄ᭟ᬳᬸᬄ᭠
ᬚ᭄ᬭᭀᬤᬸᬓᬸᬄ᭞ᬓ᭄ᬭᬡᬢᬶᬢ᭄ᬬᬂᬢᭂᬫ᭄ᬩᬾᬭᬯᬸᬄ᭞ᬢᬶᬢ᭄ᬬᬂᬦᬸᬦᬲ᭄ᬕᬢ᭄ᬭ᭞ᬦᬧᬶᬤᭀᬰᬦ᭄ᬢᬶᬢ᭄ᬬᬂᬳᬶᬗ᭄ᬕᬶᬄ᭞ᬚ᭄ᬭᭀᬦᬾᬮᬚᬸ᭞ᬫᬳᬶᬘ᭄ᬙᬵᬬᬂᬭᬶᬂᬳᬶᬫᬘᬦ᭄᭟ᬲᬯᬸᬃᬤᬸᬓᬸᬄ᭞ᬓ᭄ᬭᬡᬓᬳᬶᬲᬚᬮᬚᬸ᭞ᬤᬾᬦᬶᬂᬲᬸᬩᬓᬃᬫ᭄ᬫ᭞ᬳᬶᬫᬘᬦ᭄ᬫᬫᬓ᭄ᬱᬘᬳᬶ᭞ᬘᬶᬭᬶᬦᬶᬧᬸᬦ᭄᭞ᬭᬾᬄᬘᬳᬶᬲᬸᬩᬳᬶ
ᬧ᭄ᬬᬗ᭟ᬗ᭄ᬯᭀᬦ᭄ᬮᬬᬸ᭞ᬳᬶᬚᬭᬦ᭄ᬫᬭᬗᬭᬸᬗᬸ᭞ᬦᬾᬚᬦᬶᬬᬲᬶᬦᬄ᭞ᬢ᭄ᬯᬭᬩᬸᬯᬸᬂᬧᬘᬂᬫᬢᬶ᭞ᬭᬭᬶᬲ᭄ᬳᬶᬧᬸᬦ᭄᭞ᬫᬧᬫᬶᬢ᭄ᬳᬦᬸᬮᬶᬩᬸᬤ᭠ᬮ᭄᭟ᬲᬕᬾᬢ᭄ᬮᬸᬢᬸᬂ᭞ᬓᬢ᭄ᬧᬸᬓ᭄ᬤᬶᬚᬮᬦ᭄ᬦᬸᬗ᭄ᬓ᭄ᬭᬸᬓ᭄᭞ᬳᬶᬩᭀᬚᭀᬕ᭄ᬫᬜᬧ᭞ᬳᬶᬩᬚᬭᬦ᭄‌ᬗᬸᬤᬲ᭄ᬥᬶᬄ᭞ᬓᬸᬤᬫᬸᬯᬸᬲ᭄᭞ᬓᬳᬶᬧᬘᬂᬢᬥᬄ
ᬫᬘᬦ᭄᭟ᬦᬸᬮᬶᬗ᭄ᬮᬦ᭄ᬢᬸᬃ᭞ᬓᬢᬸᬢᬸᬭᬂᬲᬧ᭄ᬭᬳᬸᬦ᭄ᬤᬸᬓ᭄᭞ᬗᬦ᭄ᬢᬶᬧᬫ᭄ᬭᬕᬢ᭄ᬜ᭞ᬳᬶᬩᭀᬚᭀᬕ᭄‌ᬓ᭄ᬜᬶᬃᬜᬯᬸᬢᬶᬦ᭄᭞ᬳ᭄ᬤᬲᬸᬗ᭄ᬲᬸᬢ᭄᭞ᬓᬳᬶᬧᬘᬂᬗᬯᬶᬭᬗᬂ᭟ᬧ᭄ᬥᬲ᭄ᬩᬸᬯᬸᬂ᭞ᬳᬶᬩᬫᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞ᬗ᭄ᬳᬶᬂᬬᬾᬦ᭄ᬲᬸᬩᬧ᭄ᬭᬕᬢ᭄᭞ᬳᬧᬫᬓᬳᬸᬧᬄᬓᬳᬶ᭞ᬩᬾᬚᬂᬩᬾᬲᬸᬓ᭄᭞ᬳᬶ [ 14 ][᭑᭓ 13B]
᭑᭓᭞
ᬚᬭᬦ᭄ᬳᬮᭀᬦ᭄ᬳᬗᬸᬘᬧ᭄᭟ᬳᬶᬩᬮᬸᬢᬸᬂ᭞ᬳᬶᬭᬫᭀᬦ᭄ᬤᭀᬂᬜᬸᬗ᭄ᬕᬶᬜᬸᬯᬸᬦ᭄᭞ᬳᬶᬭᬢ᭄ᬯᬭᬧᬲᬄ᭞ᬫᬲᬯᬶᬢ᭄ᬭᬢᬺᬱ᭄ᬡᬳᬲᬶᬄ᭞ᬢᬸᬭᬸᬦ᭄ᬢᭂᬫᬸᬭᬸᬦ᭄᭞ᬓᬳᬶᬫᬗ᭄ᬕᭂᬄᬫᬲᬯᬶᬢ᭄ᬭ᭟ᬬᬳᬶᬮᬸᬢᬸᬂ᭞ᬜ᭄ᬭᬸᬢ᭄ᬘᬸᬢ᭄ᬓᬳᬸᬫᬄᬚ᭄ᬭᭀᬤᬸᬓᬸᬄ᭞ᬘ᭄ᬭᬶᬢᬲᬸᬩᬧ᭄ᬭᬵᬧ᭄ᬢ᭞ᬳᬶᬩᭀᬚᭀᬕ᭄ᬫᭂᬦᬾᬓᬂᬭᬭᬶᬲ᭄᭞᭠
ᬜᬭᬸᬜᬭᬸ᭞ᬤᬶᬢᬤᬧᬓ᭄ᬱᬶᬦᬾᬦᭂᬕᬓ᭄᭟ᬤᬦᬾᬤᬸᬓᬸᬄ᭞ᬲ᭄ᬥᭂᬓᬦ᭄‌ᬫᬺᬫ᭄ᬫᬮᬶᬗ᭄ᬓᬸᬄ᭞ᬢ᭄ᬯᬭᬗᬢᬗᭂᬳᬂ᭞ᬳᬶᬮᬸᬢᬸᬂᬓ᭄ᬫᬜ᭄ᬮᬶᬕ᭄ᬘᬶᬕ᭄᭞ᬤᬦᬾᬤᬸᬓᬸᬄ᭞ᬩᬗᬸᬦ᭄ᬲᬓᬶᬂᬧᬫᬺᬫᬦ᭄᭟ᬚᬕ᭄ᬫᬘ᭄ᬩᬸᬕ᭄᭞ᬳᬶᬮᬸᬢᬸᬂᬤᬶᬳᬚᭂᬚ᭄ᬭᭀᬤᬸᬓᬸᬄ᭞ᬚ᭄ᬭᭀᬤᬸᬓᬸᬄᬗᬦ᭄ᬤᬶᬓᬵ᭞ᬳᭂᬦ᭄ᬢᭀᬓᬾᬦ᭄ᬓᬾ᭠
ᬦ᭄ᬳᬶᬩᬩ᭄ᬗᬶᬮ᭄᭞ᬤᬤᬶᬮᬩᬸᬄ᭞ᬳᬶᬮᬸᬢᬸᬂᬫᬲᬯᬸᬃᬲᭂᬫ᭄ᬩᬄ᭟ᬲᬷᬗ᭄ᬕᬄᬚ᭄ᬭᭀᬤᬸᬓᬸᬄ᭞ᬢᬶᬢ᭄ᬬᬂᬧᬸᬍᬲ᭄‌ᬲᬦᬾᬯᬯᬸ᭞ᬢᬸᬃᬗᬶᬧᬶᬲᬜᬢ᭞ᬭᬶᬂᬳᬶᬧᬾᬦ᭄ᬋᬓᬾᬫᬩᬸᬜ᭄ᬘᬶᬂ᭞ᬭᬶᬂᬚ᭄ᬭᭀᬳᬬᬸ᭞ᬧᬸᬢ᭄ᬭᬜ᭄ᬚ᭄ᬭᭀᬤᬸᬓᬸᬄᬯᬦᭀᬤ᭄ᬬ᭟ᬳᭂᬗ᭄ᬲᭂᬓ᭄‌ᬫᬺᬗᬸᬢ᭄᭞ᬤᬾᬤᬸᬓᬸᬄᬫᬶᬋᬗᬂᬢᬸᬢᬸᬭ᭄᭞᭠
ᬳᬶᬮᬸᬢᬸᬂᬩ᭄ᬯᬶᬦ᭄ᬗᬸᬘᬧ᭄᭞ᬢᬶᬢ᭄ᬬᬂᬤᬸᬭᬸᬤ᭄‌ᬚ᭄ᬯᬫᬩᬸᬜ᭄ᬘᬶᬂ᭞ᬤᬾᬦᬶᬂᬫᬸᬗ᭄ᬕᬸᬄ᭞ᬧᬸᬦᬶᬓᬵᬦ᭄ᬫᬸᬤᬶᬓᬃᬫ᭄ᬫ᭟ᬤᬦᬾᬤᬸᬓᬸᬄ᭞ᬓᬮᬶᬦ᭄ᬢᬂᬲᭂᬓ᭄ᬲᭂᬓ᭄ᬭᬶᬂᬓᬳ᭄ᬬᬸᬦ᭄᭞ᬢᬸᬫᬸᬮᬶᬗᬦ᭄ᬤᬶᬓᬵ᭞ᬧᬗᬦ᭄ᬤᬶᬓᬵᬦ᭄ᬤᬦᬾᬜᭂᬗ᭄ᬓᬶᬂ᭞ᬳᬶᬩᬮᬸᬢᬸᬂ᭞ᬲᬶᬂᬧ᭄ᬭᬄᬗᬸᬕᭀᬦᬶᬦ᭄ᬳᬶᬧ᭄ᬬᬦ᭄᭟ᬤᬶᬚᬫᬸᬗ᭄ᬕᬸᬄ᭞ᬢᬸᬢᬸᬭᬦᬾᬘᬳᬶ᭠
[᭑᭔ 14A]
ᬫᬸᬗ᭄ᬕᬸᬄ᭞ᬲᬳᬦᬦ᭄ᬢᬸᬫᬶᬢᬄ᭞ᬜᬮᬦᬶᬦ᭄ᬩᬸᬓᬤᬶᬳᬶᬧᬶ᭞ᬲᬯᬸᬃᬮᬸᬢᬸᬂᬢᬶᬢ᭄ᬬᬂᬫᬫᬗ᭄ᬕᬶᬄᬢᬸᬢᬸᬭᬦ᭄᭟ᬳᬶᬫᭀᬂᬳᬶᬧᬸᬦ᭄᭞ᬜᬮᬦᬶᬦ᭄ᬳᬶ᭠ᬦ᭄ᬜᬢᬸᬳᬸ᭞ᬫᬫᬓ᭄ᬱᬳᬶᬚᬭᬦ᭄᭞ᬳᭂᬦ᭄ᬢᭀᬢᬸᬮᬦ᭄ᬢᬶᬢ᭄ᬬᬂᬚᬦᬶ᭞ᬮᬫᬸᬦ᭄ᬤᬸᬭᬸᬲ᭄᭞ᬳᬶᬚᬭᬦ᭄ᬗᭂᬫᬲᬶᬦ᭄ᬧ᭄ᬚᬄ᭟ᬢᬶᬢ᭄ᬬᬂᬤᬸᬭᬸᬲ᭄᭞ᬫᬩᬸᬜ᭄ᬘᬶᬂᬭᬶᬂ
ᬚ᭄ᬭᭀᬳᬬᬸ᭞ᬳᬶᬤᬸᬓᬸᬄᬓᬾᬫᭂᬗᬦ᭄᭞ᬗ᭄ᬭᬲᬭᬲᬤᬶᬳᬢᬶ᭞ᬭᬭᬶᬲ᭄‌ᬫᬸᬯᬸᬲ᭄᭞ᬳᬶᬮᬸᬢᬸᬂᬳᬸᬦ᭄ᬤᬂᬳᬶᬫᬘᬦ᭄᭟ᬢᬶᬢ᭄ᬬᬂᬳᬦᬹᬢ᭄᭞᭠ᬦᬸᬮᬶᬬᬫᬧᬫᬶᬢ᭄‌ᬧᭂᬲᬸ᭞ᬫᬗᬮᬶᬄᬳᬶᬫᬘᬦ᭄᭞ᬳᬶᬚᬭᬦ᭄ᬫᬮᬸᬓᬳᬮᬶᬄ᭞ᬲᬸᬩᬢ᭄ᬧᬸᬓ᭄᭞ᬳᬶᬮᬸᬢᬸᬂᬫᬸᬜᬶᬦᬾᬕ᭄ᬢᬃ᭟᭜᭟ᬧᬸᬄᬚᬶᬦᬤ
᭟᭜᭟ᬳᬶᬩᬚᬭᬦ᭄‌ᬓ᭄ᬫᬮ᭄ᬯᬲ᭄᭞ᬳᬶᬫᬘᬦ᭄ᬳᬮᬶᬄᬦᬾᬚᬦᬶ᭞ᬳᬚᬓ᭄ᬫᬦᬗ᭄ᬓᬶᬮ᭄ᬓᬚ᭄ᬭᭀ᭞ᬓᬚ᭄ᬭᭀᬦ᭄ᬤᬦᬾᬚ᭄ᬭᭀᬤᬸᬓᬸᬄ᭞ᬳᬶᬚᬃᬦ᭄ᬫᬗᬸ᭠ᬘᬧ᭄ᬩᬦ᭄ᬩᬦ᭄᭞ᬦᬄᬦᬾᬚᬦᬶ᭞ᬳᬶᬭᬫᬗᬮᬶᬄᬳᬶᬫᬘᬦ᭄᭟ᬢᬸᬫᬸᬮᬶᬮᬯᬸᬢ᭄ᬫᬚᬮᬦ᭄᭞ᬢᬦ᭄ᬓᭀᬘᬧᬦ᭄‌ᬬᬭᬶᬂᬫᬵᬃᬕ᭄ᬕᬶ᭞ᬳᬶᬫᬘᬦ᭄ᬓᬢ᭄ᬧᬸᬓ᭄
ᬜᭀᬗ᭄ᬓᭀᬓ᭄᭞ᬤᬶᬩᬢᬦ᭄ᬓᬬᬸᬦᬾᬗᬺᬫ᭄ᬩᬸᬦ᭄᭞ᬳᬶᬚᬭᬦ᭄ᬳᬗᬸᬘᬧ᭄ᬩᬦ᭄ᬩᬦ᭄᭞ᬫᭀᬂᬦᬾᬚᬦᬶ᭞ᬚᬮᬦ᭄‌ᬦᬗ᭄ᬓᬶᬮ᭄ᬓᬧᬓᭂᬜ᭄ᬘᬦ᭄᭟ᬢ᭄ᬓᬾᬜ᭄ᬚ᭄ᬭᭀᬤᬸᬓᬸᬄᬚᬗ᭄ᬕᬭᬦ᭄᭞ᬳᬶᬫᬘᬦ᭄ᬫᬲᬯᬸᬢ᭄ᬩ᭄ᬭᬗ᭄ᬢᬶ᭞ᬫᬳᬶᬩᬢᬥᬄᬳᬶᬫᭀᬂ᭞ᬳᬶᬚᬭᬦ᭄ᬦᬶᬫ᭄ᬩᬮ᭄ᬫᬲᬯᬸᬢ᭄᭞ᬜᬦᬦ᭄ᬤᬶᬢᬸᬗᭀᬂᬧ᭄ᬭᬕᬢᬂ᭞ [ 15 ][᭑᭔ 14B]
᭑᭔᭞
ᬢᬸᬃᬫᬫᬵᬃᬕ᭄ᬕᬶ᭞ᬲᬂᬓᬵᬮᬶᬄᬦᬗ᭄ᬓᬶᬮ᭄ᬓᬓᬺᬢ᭄ᬣ᭟ᬓᭀᬘᬧ᭄ᬚ᭄ᬭᭀᬤᬸᬓᬸᬄᬚᬗ᭄ᬕᬭᬦ᭄᭞ᬲ᭄ᬥᭂᬓ᭄‌ᬦᭂᬕᬓ᭄ᬕᭂᬚᬶᬃᬕᭂᬚᬶᬃ᭞ᬳᬶᬚᬭᬦ᭄ᬗᬚᬓ᭄ᬳᬶᬲᬂᬫᭀᬂ᭞ᬭᬶᬂᬳᬚᭂᬂᬬᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬂᬓᬵᬮᬶᬄᬫᬦᬩ᭄ᬤᬦ᭄ᬰᬶᬮᬵ᭞ᬬᬫᬦᬗ᭄ᬓᬶᬮ᭄᭞ᬚ᭄ᬭᭀᬤᬸᬓᬸᬄᬭᬭᬶᬲ᭄ᬗᬦ᭄ᬤᬶᬓᬵ᭟ᬳᬶᬩᬫᬘᬦ᭄ᬧᬂᬩᬸᬯᬸᬗᬂ᭞ᬫᬗ᭠
ᬫᬗᬫᬄᬳᬶᬚᬭᬜ᭄ᬚᬦᬶ᭞ᬤᬾᬦᬶᬂᬢ᭄ᬭᬵᬤᬰᬵᬲ᭄ᬢ᭄ᬭᬋᬓᭀ᭞ᬤᬶᬢᬸᬢᬹᬃᬢ᭄ᬯᬭᬵᬤᬫᬸᬗ᭄ᬕᬸᬄ᭞ᬢᬶᬗ᭄ᬓᬄᬫᬜᬮᬶᬦᬶᬦ᭄ᬳᬶᬧ᭄ᬬᬦ᭄᭞ᬦᬾᬦᬾᬚᬦᬶ᭞ᬩᬸᬯᬸᬗᬂᬗᬫᬄᬳᬶᬚᬭᬦ᭄᭟ᬧᬸᬧᬸᬢ᭄ᬧ᭄ᬭᬓᬵᬭᬧᬸᬦᬶᬓᬵ᭞ᬲᬂᬓᬵᬮᬶᬄᬦᬸᬦᬲ᭄ᬫᬧᬫᬶᬢ᭄᭞ᬢᬦ᭄ᬓᬘᬭᬶᬢᬳᬫᬗ᭄ᬓᭀ᭞ᬓᭀᬘᬧᬦ᭄ᬚᬦᬶᬳᬶ
ᬮᬸᬢᬸᬂ᭞ᬓᬵᬮᬸᬗᬮᬸᬗᬂᬫᬚᬮᬦ᭄᭞ᬕ᭄ᬮᬶᬲ᭄ᬫᬗ᭄ᬓᬶᬦ᭄᭞ᬢ᭄ᬧᬸᬓᬶᬦᬵᬦᬷᬫᬾᬲᬪᬵ᭟ᬳᬶᬮᬸᬢᬸᬂᬳᬮᭀᬦᬗᬸᬘᬧ᭄᭞ᬳᬶᬄᬓᭀᬬᬘᬶᬳᬶᬩᬓᬫ᭄ᬩᬶᬂ᭞ᬚᬮᬦ᭄ᬓᬾᬫᬲ᭄ᬓᬫᬗ᭄ᬓᭀ᭞ᬗᬯᬾᬳᬩ᭄ᬬᬦ᭄ᬓᬘᬂᬮᬶᬦ᭄ᬤᬸᬂ᭞ᬳᬧᬂᬫᬲᬶᬄᬗ᭄ᬮᬄᬮᬪᬵ᭞ᬳᬗ᭄ᬕᭀᬦ᭄ᬪᬸᬓ᭄ᬢᬶ᭞ᬳᬶᬓᬫ᭄ᬩᬶᬂᬫᬸᬜᬶᬦᬾᬩᬦ᭄ᬩ
ᬦ᭄᭞᭟ᬓᬾᬦ᭄ᬓᬾᬦ᭄ᬳᭂᬦ᭄ᬢᭀᬩᬵᬦᬓᭂᬳᬂ᭞ᬧᬩᬳᬦ᭄ᬦᬾᬧᬂᬜᬓ᭄ᬲᬫᬶ᭞ᬳᬧᬂᬤᬵᬲᭀᬃᬲᬶᬗ᭄ᬕᬶᬄᬋᬓᭀ᭞ᬳᬶᬮᬸᬢᬸᬂᬳᬮᭀᬦᬫᬸᬯᬸᬲ᭄᭞ᬲᬮ᭄ᬯᬶᬭᬶᬂᬤᭀᬦ᭄ᬳᬶᬩᬗ᭄ᬮᬄ᭞ᬤᬸᬫᬦ᭄ᬓᬳᬶ᭞ᬲᬓᬜ᭄ᬘᬦ᭄‌ᬩᬸᬯᬄᬩ᭄ᬯᬄᬜᬦᬾ᭟ᬧᬸᬧᬸᬢ᭄ᬲᬸᬩᬫᬉᬩᬬ᭞ᬦᬗ᭄ᬳᬶᬂᬳᬧᬂᬧᬥᬢᬶᬦ᭄ᬤᬶᬄ᭞ᬢ᭄ᬯᬭ
[᭑᭕ 15A]
ᬤᬤᬶᬫᬗᬮᬶᬜᭀᬓ᭄᭞ᬲᬶᬂᬮᬶᬜᭀᬓ᭄ᬢᬦ᭄‌ᬦ᭄ᬫᬸᬭᬳᬬᬸ᭞ᬦᬄᬓᬾᬦ᭄ᬢᭀᬮᬦ᭄ᬢᬲ᭄ᬫᬚᬮᬦ᭄᭞ᬫᬗᬯᬶᬢᬶᬦ᭄᭞ᬫᬫᬓᬮ᭄ᬢᬦᬄᬳᬩ᭄ᬬᬦ᭄᭟ᬳᬶᬮᬸᬢᬸᬂᬗᬮᬶᬄᬢᭂᬗ᭄ᬕᬮ᭞ᬕ᭄ᬮᬶᬲ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬧᭀᬮᬶᬄ᭞ᬳᬶᬓᬫ᭄ᬩᬶᬂᬫᬗᭂᬤᭂᬂᬋᬓᭀ᭞ᬳᬶᬮᬸᬢᬸᬂᬗᬢᭂᬄᬤᬶᬧᬸᬗ᭄ᬓᬸᬃ᭞ᬳᬶᬓᬫ᭄ᬩᬶᬂᬢ᭄ᬮᬄᬓᬧ᭄ᬘᬸ
ᬢᬦ᭄᭞ᬩᬮᬦ᭄ᬲᬫᬶ᭞ᬲᬯᬂᬕ᭄ᬢᬶᬄᬲ᭄ᬯᬢ᭄‌ᬲ᭄ᬯᬢ᭄᭟ᬓᭀᬘᬧ᭄‌ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬮᬜᬄ᭞ᬮᬦ᭄ᬢᬲ᭄‌ᬬᬓᬧᬫᬸᬮᬳᬶᬦ᭄᭞ᬲᬓᬶᬂᬕᬼᬂᬦᬾᬲᬂᬓᬭᭀ᭞ᬕᬳᬾᬦ᭄ᬦᬾᬲᬶᬤ᭄ᬥᬭᬳᬬᬸ᭞ᬧ᭄ᬭᬕᬢ᭄‌ᬬᬲᬸᬩᬫᬫᬸᬮ᭞ᬓᬧᬺᬢᬾᬦᬶᬦ᭄᭞ᬢᬦ᭄ᬲᬄᬩᬋᬂᬧᬤᬤ᭄ᬯᬦᬦ᭄᭟ᬘ᭄ᬭᬶᬢᬲᬵᬫ᭄ᬧᬸ᭠
ᬦ᭄ᬗᭂᬮᬄᬳᬩ᭄ᬬᬦ᭄᭞ᬳᬲᬶᬂᬫᬤᭀᬦ᭄ᬳᬫᬄᬓᬩᬶᬂ᭞ᬳᬶᬮᬸᬢᬸᬂᬓᬤᭀᬗᭂᬜ᭄ᬘᭀᬗᭀᬮ᭄᭞ᬤᬶᬚᬩ᭄ᬯᬄᬓᬘᬗᬾᬳᬸᬲᬸᬤ᭄᭞ᬳᬲᬮ᭄ᬫᭂ᭠ᬤᭀᬦ᭄ᬲᬸᬩᬢ᭄ᬮᬄ᭞ᬧᬬᬸᬫᬢᬶ᭞ᬳᬶᬮᬸᬢᬸᬂᬬᬚ᭄ᬗᬄᬫᬾᬭᬂ᭟ᬢᬦ᭄ᬲᬸᬭᬸᬤ᭄ᬲᬸᬭᬸᬤ᭄ᬫᬦᬄᬜ᭞ᬧᬘᬂᬗ᭄ᬯᬍᬲᬂᬳᬸᬕᬶ᭞ᬢᭀᬂᬩᬶᬲᬲᬸᬓᬳᬶᬩᭀ᭠
ᬚᭀᬕ᭄᭞ᬬᬦ᭄ᬢᭀᬦ᭄ᬤᬾᬦ᭄‌ᬳᬶᬓᬫ᭄ᬩᬶᬂᬫᬵᬫ᭄ᬧᬸᬲ᭄᭞ᬚᬦᬶᬬᬗᬮᬶᬄᬳᬶᬫᬘᬦ᭄᭞ᬳᬗᭀᬦ᭄ᬓᬦ᭄ᬢᬶ᭞ᬳᬶᬓᬫ᭄ᬩᬶᬂᬧᬂᬩᬶᬲᬧ᭄ᬚᬄ᭟ᬳᬶᬩᭀᬚᭀᬕ᭄‌ᬭᬭᬶᬲ᭄ᬫᬚᬮᬦ᭄᭞ᬗᬸᬮᬢᬶᬳᬶᬫᬘᬦ᭄‌ᬚᬦᬶ᭞ᬢᬦ᭄ᬓᭀᬘᬧ᭄‌ᬤᬶᬚᬮᬦ᭄‌ᬋᬓᭀ᭞ᬓᬘ᭄ᬭᬶᬢᬲ᭄ᬥᭂᬓ᭄ᬳᬶᬮᬸᬢᬸᬂ᭞ᬓᬵᬗ᭄ᬕᭂᬓ᭄‌ᬬᬫᬩᬮᬶᬄ [ 16 ][᭑᭕ 15B]
᭑᭕᭞
ᬢᬩ᭄ᬯᬦ᭄᭞ᬲᬕᬾᬢ᭄ᬧ᭄ᬭᬵᬧ᭄ᬢᬶ᭞ᬳᬶᬘᬶᬘᬶᬂᬳᬮᬲ᭄ᬦᭂᬢᭂᬲᬂ᭟ᬧᬢᬓᭀᬦᬾᬲᬤᬩᬦ᭄ᬩᬦ᭄᭞ᬳᬶᬩᬮᬸᬢᬸᬂᬗᬸᬤᬤᬶᬦᬶ᭞ᬳ᭄ᬜᬾᬦ᭄ᬲᬶᬄᬤᬶᬦᬶᬓᬳᬦ᭄ᬢᭀ᭠ᬲ᭄᭞ᬳᬧᬓᬕ᭄ᬩᬕᬶᬦ᭄ᬮᬸᬢᬸᬂ᭞ᬦᬄᬮᬯᬸᬢ᭄‌ᬓᬸᬤᬢᬸᬢᬸᬭᬂ᭞ᬢ᭄ᬓᬾᬦ᭄ᬓᬳᬶ᭞ᬳᬶᬮᬸᬢᬸᬂᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬳᬧᬓᬾᬦ᭄ᬢᭀᬦ᭄ᬓᬳᬶᬭᬶᬂᬳᬶᬩ᭞ᬓᬳᬶᬓᬳᬸ᭠
ᬢᬸᬲ᭄ᬦᬾᬚᬦᬶ᭞ᬳᬦ᭄ᬢᬸᬓ᭄‌ᬲᬂᬳ᭄ᬬᬂᬇᬦ᭄ᬤ᭄ᬭᬓᬯᭀᬢ᭄᭞ᬭᬢᬸᬦ᭄‌ᬲ᭄ᬯᬃᬖ᭄ᬕᬦᬾᬓᬲᬸᬩ᭄᭞ᬓᬵᬦ᭄ᬤᬶᬓᬬᬂᬗᭂᬫᬶᬢ᭄‌ᬫᬺᬢ᭄ᬢ᭞ᬫᬺᬢ᭄ᬢᬦ᭄ᬕᬸᬫᬶ᭞ᬦᬾᬫᬦᬶᬧᬘᬂᬓᬩᭂᬜ᭄ᬘᬄ᭟ᬳᬦ᭄ᬢᬸᬓ᭄ᬳᬶᬤᬲᬂᬳ᭄ᬬᬂᬇᬦ᭄ᬤ᭄ᬭ᭞ᬲᬓᬜ᭄ᬘᬦ᭄ᬩᬸᬭᭀᬦᬾᬫᬦᬶ᭞ᬧᬘᬂᬓᬲᬶᬭᬢᬶᬦ᭄ᬋᬓᭀ᭞ᬳᬧᬂᬧᬥᬦ᭄ᬫᬸᬭᬳᬬᬸ᭞ᬓᬾᬦ᭄ᬢᭀᬳ
ᬲᬸᬳᬧᬂᬢᬯᬂ᭞ᬬᬳᬶᬘᬶᬘᬶᬂ᭞ᬫᬢᬓᭀᬦ᭄ᬫᬮᬶᬄᬫ᭄ᬥᬲᬂ᭟ᬬᬦ᭄ᬲᬸᬩᬓᬓ᭄ᬦᬦ᭄‌ᬫᬺᬢ᭄ᬢ᭞ᬓᬾᬦ᭄ᬓᬾᬦ᭄ᬧᬦ᭄ᬤᬤ᭄ᬬᬦ᭄ᬜᬘᬳᬶ᭞ᬭᬳᬬᬸᬳᬓᬾᬦ᭄ᬓᬾᬦ᭄ᬳᭂᬦ᭄ᬢᭀ᭞ᬳᬶᬮᬸᬢᬸᬂᬮᬦ᭄ᬢᬲ᭄ᬫᬲᬯᬸᬢ᭄᭞ᬬᬦ᭄‌ᬲᬸᬩᬓᬓ᭄ᬦᬦ᭄‌ᬫᬺᬢ᭄ᬢ᭞ᬧ᭄ᬤᬲ᭄ᬘᬳᬶ᭞ᬢᬸᬲᬶᬂᬩᬶᬲᬩᬶᬲᬮᬬᬄ᭟ᬓᬵᬮᬶᬄᬬᬦ᭄ᬳᭂᬦᬸᬓᬫᬺᬢ᭄ᬢᬦ᭄᭞᭠
ᬲᬶᬦᬄᬢᬸᬲᬶᬂᬩᬶᬲᬫᬢᬶ᭞ᬳᬦᬾᬩ᭄ᬭᬕ᭄‌ᬤᬤᬶᬫᭀᬓᭀᬄ᭞ᬓᬾᬦ᭄ᬢᭀᬘᬳᬶᬲᬸᬩᬧᬸᬧᬸᬢ᭄᭞ᬳᬶᬘᬶᬘᬶᬂᬳᬮᭀᬦᬗᬸᬘᬧ᭄᭞ᬳᭂᬜ᭄ᬘᬾᬦ᭄ᬤᬶᬦᬶ᭞ᬫᬺᬢ᭄ᬢᬦᬾᬦᬾᬕ᭄ᬩᬕ᭄ᬳᬶᬩ᭟ᬳᬶᬩᭀᬚᭀᬕ᭄ᬮᬯᬸᬢ᭄‌ᬦᬸᬤᬶᬗᬂ᭞ᬳᭂᬦ᭄ᬢᭀᬓᬢᭀᬦ᭄ᬳᬸᬮᬶᬤᬶᬦᬶ᭞ᬳᬶᬘᬶᬘᬶᬂᬬᬮᬶᬦ᭄ᬢᬂᬳᭂᬗᭀᬦ᭄᭞ᬩ
[᭑᭖ 16A]
ᬦᬾᬓᬢᬸᬫ᭄ᬩᬾᬦᬦ᭄ᬤᬸᬮᬸ᭞ᬳᬶᬩᭀᬚᭀᬕ᭄‌ᬩ᭄ᬯᬶᬦ᭄ᬳᬗᬸᬘᬧ᭄᭞ᬳᬸᬥᬸᬄᬘᬶᬘᬶᬂ᭞ᬓᬳᬶᬢ᭄ᬯᬄᬗᬶᬤᬶᬄᬢᬸᬮᬸᬗᬦ᭄᭟ᬦᬾᬚᬦᬶᬓᬳᬶᬗᬶᬸᬤᬶᬸᬓᬢᬸᬓᬤ᭄᭞ᬳᬶᬩᬜ᭄ᬚᬚᬫᬮᬸᬤᬶᬦᬶ᭞ᬢᬸᬲᬶᬂᬚᬓᬳᬶᬫᬓ᭄ᬮᭀ᭞ᬓᬳᬶᬓ᭄ᬫᬲᬥ᭄ᬬᬫᬜ᭄ᬚᬸᬲ᭄᭞ᬦᬄᬧᬲᬯᬸᬢ᭄‌ᬘᬶᬘᬶᬂᬦᬶᬫ᭄ᬩᬮ᭄᭞ᬤᭀᬂᬳᬾᬗ᭄ᬕᬮᬶᬦ᭄᭞ᬳᬶ᭠
ᬮᬸᬢᬸᬂᬜ᭄ᬭᬸᬢ᭄ᬘᬸᬢ᭄ᬫᬚᬮᬦ᭄᭟ᬕ᭄ᬮᬶᬲᬶᬂᬲᬢ᭄ᬯᬢᬦ᭄ᬓᭀᬘᬧ᭄᭞ᬳᬶᬘᬶᬘᬶᬂᬫᬧᬶᬦᭂᬄᬚᬦᬶ᭞ᬳᬶᬮᬸᬢᬸᬂᬫᬸᬮᬢ᭄ᬯᬄᬩ᭄ᬮᭀᬕ᭄᭞ᬫᬺᬢ᭄ᬢᬦᬾᬢᬶᬍᬳᬂ᭠ᬳ᭄ᬦᬸ᭞ᬫᬳᬦ᭄ᬳᬗ᭄ᬕᭀᬦ᭄ᬧᬤᬶᬤ᭄ᬬᬦ᭄᭞ᬚᬦᬶᬓᬳᬶ᭞ᬗᬫᬄᬬᬳᬧᬗᬵᬢ᭄ᬮᬄ᭟ᬓᬾᬦ᭄ᬢᭀᬳᬢᬶᬜ᭄ᬘᬶᬘᬶᬂᬳᬮᬲ᭄᭞ᬦᬸᬮᬶᬲᬵᬳᬲᬬᬚᬦᬶ᭞ᬗᭀ᭠
ᬜᬂᬳᬲᬬᬵᬫᬓ᭄ᬘᭀᬲ᭄᭞ᬢᬩ᭄ᬯᬦᬾᬓᬘᬧ᭄ᬮᭀᬓ᭄ᬢᬸᬓᬸᬂ᭞ᬢᬸᬢᬶᬂᬳᬶᬦᬳᬘ᭄ᬧᭀᬓᬦ᭄᭞ᬓᬕᬘᭂᬮᬶᬦ᭄᭞ᬳᬶᬘᬶᬘᬶᬂᬳᬦ᭄ᬢᬸᬓ᭄ᬳᬶᬢᬩ᭄ᬯᬦ᭄᭟ᬓᬶᬂᬓᬶᬂᬓᬶᬂᬓᬶᬂᬓ᭄ᬦᬫᬺᬢ᭄ᬢ᭞ᬩᬵᬲᬗᭂᬢᬦ᭄ᬓᬲᬸᬲᬸᬧᬶᬦ᭄᭞ᬓ᭄ᬯᬂᬓ᭄ᬯᬂᬓᬯᭀᬂᬓᬯᭀᬂ᭞ᬫᬧ᭄ᬮᬶᬲᬳᬦ᭄‌ᬕ᭄ᬮᬮᬓ᭄‌ᬕ᭄ᬮᬸᬮᬸᬓ᭄᭞ᬩᬸᬗᬸᬢ᭄ᬫᬤᬶᬤᬶᬄᬓᭀ᭠
ᬲᭀᬤᬂ᭞ᬓᬸᬘᬲ᭄ᬓᬘᬶᬲ᭄᭞ᬳᬶᬮᬸᬢᬸᬂᬬᬲᬕᬾᬢ᭄‌ᬢ᭄ᬓ᭟ᬩᬸᬗ᭄ᬓᬸᬢ᭄‌ᬬᬓ᭄ᬤᬾᬓ᭄ᬗᭂᬢᭀᬦᬂ᭞ᬏᬓᬦᬾᬓᬦ᭄ᬦᬾᬗᭂᬦᬳᬶᬦ᭄᭞ᬳᬸᬮᬢ᭄ᬜᬭᬸᬬᬫᬢᬓᭀᬦ᭄᭞ᬓ᭄ᬦᬳᬧᬳᬶᬩᬳᬲᬸ᭞ᬳᬶᬘᬶᬘᬶᬂᬢᭀᬂᬤᬤᬶᬗᬸᬘᬧ᭄᭞ᬓ᭄ᬩᬸᬲ᭄ᬲᬓᬶᬢ᭄᭞ᬚ᭄ᬗᬄᬢ᭄ᬯᬭᬤᬵᬕᬶᬕᬶᬲ᭄᭟ᬢᬦᬸᬘᬧᭂᬦ᭄ᬳᬲᬸᬳᬮᬲ᭄᭞ [ 17 ][᭑᭖ 16B]
᭑᭖᭞
ᬳᬶᬮᬸᬢᬸᬂᬘ᭄ᬭᬶᬢᬬᬂᬩ᭄ᬯᬶᬦ᭄᭞ᬤᬶᬲᬶᬲᬶᬦ᭄ᬢᬸᬓᬤᬾᬜᭀᬗ᭄ᬓᭀᬓ᭄᭞ᬤᬾᬦᬶᬂᬢ᭄ᬭᬜᬶᬤ᭄ᬥᬬᬂᬗᬭᬸᬂ᭞ᬫᭂᬦ᭄ᬢᬲ᭄ᬧᬘᬂᬗᬮᬶᬯᬢ᭄ᬢᬸᬓᬤ᭄᭞ᬢᬸᬓᬤ᭄ᬢᬸᬯᬶ᭞ᬮᬶᬗ᭄ᬕᬄ᭠ᬤᬍᬫ᭄‌ᬤᬺᬲ᭄ᬳᬶᬮᬶᬦ᭄ᬜ᭟ᬓᬲ᭄ᬯᬾᬦ᭄‌ᬬᬤᬶᬢᬸᬦᭂᬕᬓ᭄᭞ᬦᬸᬚᬸᬳᬤᬩ᭄ᬯᬬᬧ᭄ᬭᬧ᭄ᬢᬶ᭞ᬳᬶᬩ᭄ᬯᬬᬳᬮᭀᬦ᭄ᬫᬢᬓᭀᬦ᭄᭞ᬳᬶᬄᬗᬸᬤᬲᬶᬄᬳᭂᬦ᭄ᬢᭀᬤᬶ᭠
ᬢᬸ᭞ᬳᬶᬮᬸᬢᬸᬂᬫᬲᬯᬸᬢ᭄ᬩᬦ᭄ᬩᬦ᭄᭞ᬩ᭄ᬯᬬᬘᬳᬶ᭞ᬦᬾᬫᬸᬜᬶᬦ᭄ᬕᭂᬮᬳᬾᬭᬸᬗ᭄ᬯᬂ᭟ᬚᬦᬶᬳᬤᬲᬥ᭄ᬬᬦ᭄ᬳᬶᬭ᭞ᬓᬵᬯᬶᬢ᭄ᬫᬸᬮᬲᬓᬶᬂᬭᬶᬭᬶᬄ᭞ᬤᬤᬶᬳᬤᬩᭂᬲ᭄ᬮᬶᬢ᭄ᬗᭀᬚᭀᬕ᭄᭞ᬕ᭄ᬮᬄᬢ᭄ᬯᬄᬫᬸᬮᬓᬢᬸᬚᬸ᭞ᬫ᭄ᬦᬾᬓ᭄ᬧᬗ᭄ᬓᬢ᭄‌ᬫᬦ᭄ᬢ᭄ᬭᬶᬘᬘᬃ᭞ᬚᬸᬭᬸᬲᬸᬓᬶᬢ᭄᭞ᬓᬾᬦ᭄ᬢᭀᬳᬶᬩᬳᬧᬂᬦᬯᬂ᭟ᬚᬦᬶᬳᬶ
ᬭᬓᬦ᭄ᬤᬶᬓᬬᬂ᭞ᬫᬜᬸᬓᬶᬢ᭄‌ᬲᬜᬫᬦ᭄ᬘᬳᬶ᭞ᬓ᭄ᬫᬘᬳᬶᬗᬸᬦ᭄ᬤᬂᬳᬾᬜ᭄ᬘᭀᬮ᭄᭞ᬳᬧᬗᬤᬶᬦᬶᬫᬢᬫ᭄ᬩᬸᬦ᭄᭞ᬕ᭄ᬮᬄᬧᬘᬂᬜᬸᬓᬶᬢ᭄ᬳᬶᬬ᭞ᬲᬯᬸᬃᬲᬶᬗ᭄ᬕᬶᬄ᭞ᬳᬶᬤᬹᬢᬦᬸᬮᬶᬫᬚᬮᬦ᭄᭟ᬢᬦ᭄ᬓᭀᬘᬧᬦ᭄‌ᬬᬤᬶᬚᬮᬦ᭄᭞ᬓᭀᬘᬧ᭄ᬲᬓᬜ᭄ᬘᬦ᭄ᬜᬲᬫᬶ᭞ᬩ᭄ᬯᬬᬦᬾᬢ᭄ᬓᬧᬘ᭄ᬭᭀᬗᭀᬢ᭄᭞ᬳᬶ᭠
ᬮᬸᬢᬸᬂᬳᬮᭀᬦᬫᬸᬯᬸᬲ᭄᭞ᬳᬸᬮᬶᬤᬶᬢᬸᬓᬾᬭᬾᬭᭀᬤᬂ᭞ᬦ᭄ᬓᭂᬤ᭄ᬫᬳᬶ᭞ᬦᬗ᭄ᬳᬶᬂᬓᬾᬳᬧᬂᬓᬵᬦ᭄ᬤᬲᬦ᭄᭟ᬕ᭄ᬮᬄᬜᬸᬓᬶᬢ᭄ᬲᬃᬯ᭄ᬯᬶᬫᬚᬮᬦ᭄᭞ᬳᬸᬮᬶᬤᬶᬦᬶᬓ᭄ᬫᬭᬭᬶᬲ᭄᭞ᬳᬧᬂᬳ᭄ᬤᬓᬳᬶᬘ᭄ᬤᭀᬓ᭄᭞ᬧᬜᬸᬓᬶᬢᬾᬢ᭄ᬯᬄᬤᬶᬢᬸᬦ᭄ᬤᬸᬦ᭄᭞ᬲᬯᬸᬃᬫᬦᬸᬓ᭄ᬫᬗᬶᬭᬶᬗᬂ᭞ᬦᬸᬮᬶᬕ᭄ᬮᬶᬲ᭄᭞ᬩᭀᬚᭀ
[᭑᭗ 17A]
ᬕ᭄ᬗᬮᬶᬄᬤ᭄ᬯᬶᬦ᭄ᬲᬮᬓ᭄᭟ᬢᬦᬶᬓᬓᬶᬢ᭄‌ᬬᬫᬩᬳᬦ᭄᭞ᬳᬶᬩᭀᬚᭀᬕ᭄‌ᬮᬦ᭄ᬢᬲ᭄ᬫᬜᬸᬓᬶᬢ᭄᭞ᬤᬶᬢᬸᬦ᭄ᬤᬸᬦ᭄‌ᬩ᭄ᬯᬬᬦᬾᬦᭀᬗ᭄ᬓ᭄ᬭᭀᬓ᭄᭞ᬤ᭄ᬯᬶᬦᬾᬓᬢ᭄ᬩᭂᬓᬂᬤᬶᬢᬸ᭞ᬲᬸᬩᬗᬜ᭄ᬘᭂᬂᬭᬭᬶᬲ᭄ᬓᬸᬢᬂ᭞ᬓᬾᬦ᭄ᬢᭀᬲᬫᬶ᭞ᬓᬓᬵᬃᬬ᭄ᬬᬦᬂᬩᬵᬦ᭄ᬯᬦᬭ᭟ᬧᭂᬧᭂᬓ᭄‌ᬩᬦᬜᭂᬓᬳᬸᬓᬸᬤᬂ᭞ᬦ᭄ᬓᭂᬤ᭄‌ᬳᬶ
ᬮᬸᬢᬸᬂᬤᬶᬲᬶᬲᬶ᭞ᬕ᭄ᬮᬶᬲ᭄‌ᬬᬮᬦ᭄ᬢᬲ᭄ᬫᬓ᭄ᬘᭀᬲ᭄᭞ᬓᬩᬶᬩᬶᬄᬢᬸᬓᬤᬾᬮᬯᬸᬢ᭄᭞ᬳᬶᬩ᭄ᬯᬬᬳᭀᬜᬓᬲᬓᬶᬢᬦ᭄᭞ᬕ᭄ᬮᬮᬂᬕ᭄ᬮᬶᬮᬶᬂ᭞ᬧᬤᬸᬳᬸᬢ᭄ᬫᬸᬜᬶᬦᬾᬭᬵᬫ᭄ᬬ᭟ᬢᬦ᭄‌ᬓᬘᬭᬶᬢᬧᬸᬦᬶᬓᬵ᭞ᬳᬶᬮᬸᬢᬸᬂᬯᬯᬦᬶᬦ᭄ᬫᬮᬶᬄ᭞ᬚᬦᬶᬓᬧᬗ᭄ᬕᬸᬄᬭᬶᬂᬲᬂᬫᭀᬂ᭞ᬳᬶᬫᬘᬦ᭄‌ᬲ᭄ᬥᭂᬓ᭄ᬫᬦᬸᬗ᭄ᬓ᭄ᬭᬸᬓ᭄᭞ᬳᬶ
ᬮᬸᬢᬸᬂᬲᬵᬕᬾᬢ᭄ᬧ᭄ᬭᬵᬧ᭄ᬢ᭞ᬳᬶᬫᭀᬂᬩ᭄ᬭᬗ᭄ᬢᬶ᭞ᬲᬳᬲᬵᬦ᭄ᬤᬓᭂᬧ᭄ᬯᬦᬭ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬳᬶᬮᬸᬢᬸᬂᬓᬩᬺᬱᭂᬓᬂ᭞ᬦᬵᬗ᭄ᬳᬶᬂᬬᬓ᭄ᬤᬾᬓ᭄ᬗᬚ᭄ᬗᬶᬢ᭄᭞ᬧ᭄ᬲᬸᬫᬸᬜᬶᬦ᭄ᬜᬦᬾᬳᬮᭀᬦ᭄᭞ᬗ᭄ᬕᬯᬾᬤᬬᬲᬓᬶᬂᬲᬶᬗᬶᬤ᭄᭞ᬭᬭᬶᬲ᭄‌ᬬᬜᬯᬂᬫᬫᬸᬜᬶ᭞ᬘᬶᬗᬓ᭄ᬢᬶᬢ᭄ᬬᬂᬭᬢᬸᬳᬕᬸᬂ᭞
ᬧᬸᬢᬸᬲᬦ᭄‌ᬤᬺᬯᬾᬦ᭄ᬪᬝᬵᬭ᭞ᬓᬩᬜ᭄ᬘᬡᬦᬾᬦᬾᬫᬗ᭄ᬓᬶᬦ᭄᭞ᬢ᭄ᬯᬭᬩᬸᬯᬸᬂ᭞ᬓᬫᬢ᭄ᬬᬂᬳᬦ᭄ᬢᬸᬓ᭄ᬳᬶᬫᬘᬦ᭄᭟ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂ᭠ᬦ᭄ᬫᬤᭀᬱᬵ᭞ᬤᬤᬶᬢᬶᬢ᭄ᬬᬂᬓᭃᬧᬾᬢ᭄ᬧᬢᬶ᭞ᬦᬗ᭄ᬳᬶᬂᬢᬶᬢ᭄ᬬᬂᬢ᭄ᬯᬭᬳᬾᬯᭀᬄ᭞ᬤᬾᬦᬶᬂᬓᬮᬶᬦ᭄ᬢᬂᬲᬸᬩᬓ᭄ᬢᬶ᭞ᬢ᭄ᬯᬭᬕᬶᬗ᭄ᬲᬶᬃᬧᬘᬂᬫᬢᬶ᭞᭠ [ 18 ][᭑᭗ 17B]
᭑᭗᭞
ᬳᬸᬭᬶᬧ᭄ᬢᬶᬢ᭄ᬬᬂᬧᬘᬂᬦᬯᬸᬃ᭞ᬳᭂᬦ᭄ᬢᭀᬳᬦᬾᬳᬸᬧ᭄ᬢᬶᬬᬂᬢᬶᬢ᭄ᬬᬂ᭞ᬧᬂᬢᬶᬢ᭄ᬬᬂᬢ᭄ᬭᬸᬲ᭄ᬫᬗ᭄ᬕᬶᬳᬶᬦ᭄᭞ᬦᬾᬭᬳᬬᬸ᭞ᬭᬶᬯ᭄ᬓᬲ᭄ᬭᬶᬂᬓᬵᬮᬤᬶᬢ᭄ᬯᬦ᭄᭟ᬦᬾᬫᬗ᭄ᬓᬶᬦ᭄ᬳᬶᬧᬸᬦ᭄ᬫᬳᬸᬢᬂ᭞ᬩᬶᬦ᭄ᬳᬯ᭄ᬓᬲ᭄ᬢᬶᬢ᭄ᬬᬂᬦᬕᬶᬄ᭞ᬭᬶᬂᬳᬶᬧᬸᬦ᭄ᬳᬶᬲᬫᭀᬂ᭞ᬳᬧᬦ᭄‌ᬬᬫᬫᬢᬶᬫᬢᬶ᭞ᬤᬤᬶᬬᬫᬳᬸᬢᬂᬧᬢᬶ᭞ᬢᬦ᭄ᬮᬶᬬᬦ᭄ᬫᬓᬧ
ᬦᬯᬸᬃ᭞ᬧᬢᬶᬳᬗ᭄ᬕᬾᬦ᭄ᬳᬶᬧᬸᬦ᭄ᬫᬬᬄ᭞ᬢᬶᬢ᭄ᬬᬂᬫᬮᬸᬗᬫᬵᬃᬕ᭄ᬕᬶᬦᬶᬦ᭄᭞ᬩᬾᬜ᭄ᬚᬂᬩᬾᬲᬸᬓ᭄᭞ᬧᬂᬳᬶᬧᬸᬦ᭄ᬤᬶᬢᬸᬫᬦᬢᬓ᭄᭟ᬲᬤᬸᬓ᭄ᬳᬶᬫᬘᬦ᭄ᬤᬶ᭠ᬗᭂᬳᬂ᭞ᬤᬤᬶᬬᬫᬭᬲ᭄ᬭᬶᬗᬢᬶ᭞ᬮᬦ᭄ᬢᬲ᭄‌ᬬᬳᬰ᭄ᬭᬸᬫᬢᬓᭀᬦ᭄᭞ᬳᬧᬧᬶᬢ᭄ᬕᭂᬲ᭄ᬜᬢᬸᬯᬶ᭞ᬫᬸᬜᬶᬦ᭄ᬳᬶᬩᬦᬾᬩ᭄ᬗᬶᬮ᭄᭞ᬳᬧᬲᬥ᭄ᬬᬦ᭄ᬳᬶᬩᬮᬸᬢᬸᬂ᭞
ᬳᬶᬩᬮᬓᬃᬳᬫᬄᬕ᭄ᬮᬄ᭟ᬚᬦᬶᬳᬶᬩᬲᬶᬂ᭟ᬤᬾᬦᬶᬂᬍᬯᬶᬄᬯ᭄ᬭᬢ᭄ᬧᬢᬶ᭞ᬦᬾᬦᬾᬫᬮᬸ᭞ᬤᭀᬱᬵᬦ᭄ᬳᬶᬩᬢ᭄ᬓᬾᬦ᭄ᬕᭂᬮᬄ᭟ᬚᬦᬶᬳᬶᬩᬲᬶᬂᬩᬸᬯᬸᬗᬂ᭞ᬮᬓᬃᬫᬗ᭄ᬫᬲᬶᬦ᭄ᬫᬢᬶ᭞ᬕ᭄ᬢᬶᬄᬩᬦᬾᬮᬓᬃᬳᭀᬬᭀᬢ᭄᭞ᬳᬢᬶᬧᬧᬭᬸᬦᬾᬧᬷᬲᬶ᭞ᬳᭂᬦ᭄ᬢᭀᬦᬾᬳᬸᬮᬳᬂᬓᬳᬶ᭞ᬩᬲᬂᬦᬾ᭠
ᬩᬤ᭄ᬩᬤ᭄ᬧᬂᬧ᭄ᬲᬸ᭞ᬧᭀᬮᭀᬦ᭄ᬦᬾᬮᬓᬃᬓ᭄ᬘᭀᬢᬂ᭞ᬳ᭄ᬜᬾᬦ᭄‌ᬗᬯᬶᬭᬗᬂᬘᬳᬶ᭞ᬬᬳᬶᬮᬸᬢᬸᬂ᭞ᬫᬲᬯᬸᬢ᭄ᬫᬓ᭄ᬚᬶᬢ᭄ᬗᬶᬜ᭄ᬘᬂ᭟᭜᭟ᬧᬸᬄᬫᬵᬲ᭄ᬓᬸᬫᬫ᭄ᬩᬂ᭟᭜᭟ᬳᬸᬥᬸᬄᬫᬘᬦ᭄ᬓᬳᬶᬫᬦᬸᬢᬸᬃᬦᬾᬚᬦᬶ᭞ᬳᬤᬧ᭄ᬭᬪᬸᬫᬸᬮ᭄ᬬ᭞ᬯᬶᬪᬸᬄᬜᬓ᭄ᬭᬭᬵᬢ᭄ᬓᬪᬓ᭄ᬢᬶ᭞ᬰᬓ᭄ᬢᬶᬢᬹᬃᬮᬶᬦ᭄ᬢᬂᬯᬶᬰᬾᬱᬵ᭟ᬲᬵᬓᬾᬄ
[᭑᭘ 18A]
ᬭᬢᬸᬲᬫᬶᬳᬫ᭄ᬓᬸᬮ᭄‌ᬗᬪᬓ᭄ᬢᬶ᭞ᬢ᭄ᬓᬾᬂᬤᬾᬯᬤᬾᬯᬢ᭞ᬲᬫᬶᬧᬥᬚ᭄ᬭᬶᬳᬗᬶᬮᬶ᭞ᬲᬵᬓᬾᬳᬾᬢᭀᬂᬩᬦᬶᬫᬸᬮᬢ᭄᭟ᬳᬶᬤᬲᬂᬧ᭄ᬭᬪᬸ᭠ᬓᬲᬸᬩ᭄ᬓᬲᬸᬩᬖᬾᬂᬕᬸᬫᬶ᭞ᬭᬶᬂᬦᬵᬕᬭᬍᬗ᭄ᬓ᭞ᬳᬶᬤᬳᬸᬫᬤᭂᬕ᭄ᬪᬸᬧᬢᬶ᭞ᬧ᭄ᬲᬾᬗᬦ᭄ᬧ᭄ᬭᬪᬸᬭᬯᬡ᭟ᬳᬶᬤᬦᬾᬫᬮᬸᬗᬫᬢ᭄ᬬᬂᬧᬸᬢᬸᬲᬦᬼᬯᬶᬄ᭞ᬚ᭠
ᬢᬶᬢᬦ᭄ᬧᬤᬶᬱᬵ᭞ᬢᬸᬮᬸᬲ᭄ᬳᬶᬤᬫᬗ᭄ᬫᬲᬶᬦ᭄᭞ᬤᬸᬄᬓᬶᬢᬓᬯ᭄ᬓᬲ᭄‌ᬯ᭄ᬓᬲ᭄᭟ᬓᬭᬸᬱᬵᬓᬂᬳᬦ᭄ᬢᬸᬓ᭄‌ᬲᬂᬭᬵᬫᬦᬾᬗᬹᬦᬶ᭞ᬓᬾᬦ᭄ᬢᭀᬳᬶᬩᬫᬘᬦ᭄᭞ᬚᬦᬶᬳᬧᬂᬢᬯᬂᬘᬳᬶ᭞ᬳᬶᬭᬳᬸᬢᬸᬲᬦ᭄ᬪᬝᬭ᭟ᬲᬂᬳ᭄ᬬᬂᬰᬶᬯᬫᬗᬸᬢᬸᬲ᭄ᬫᬗᬮᬶᬄᬘᬳᬶ᭞ᬘ?ᬳᬳᬶᬓᬦ᭄ᬤᬶᬓᬬᬂ᭞ᬗᬫᬢᬶᬬᬂᬬᬳᬶᬓᬫ᭄ᬩᬶᬂ᭞
ᬤᬾᬦᬶᬂᬬᬳᬗᬸᬦᬶᬂᬤᭀᬱᬵ᭟ᬓᬾᬦ᭄ᬢᭀᬘᬳᬶᬕᬶᬭᬶᬂᬢᬦ᭄ᬗᬶᬭᬶᬂᬦᬾᬚᬦᬶ᭞ᬳᭀᬭᬳᬂᬭᬶᬂᬕ᭄ᬮᬄ᭞ᬳᬧᬂᬕ᭄ᬮᬄᬳᬾᬗ᭄ᬕᬮ᭄ᬦᬗ᭄ᬓᬶᬮ᭄᭞ᬗᬸᬦᬶᬗ᭄ᬳᬶᬂ᭠ᬭᬶᬂᬲᬂᬳ᭄ᬬᬂᬰᬶᬯ᭟ᬬᬳᬶᬫᬘᬦ᭄‌ᬗᬮᬾᬩᬂᬳᬶᬮᬸᬢᬸᬂᬕ᭄ᬮᬶᬲ᭄᭞ᬲᬃᬯ᭄ᬯᬶᬫᬦᬓᭀᬦᬂ᭞ᬤᬶᬚᬢᭀᬗᭀᬲ᭄ᬦᬾᬳᬶᬓᬫ᭄ᬩᬶᬂ᭞ᬳᬶᬭᬗᬶᬭᬶᬂᬧᬓᬬᬸᬦᬦ᭄
᭟ᬦᬄᬢᬸᬚᬸᬳᬂᬳᬧᬂᬳᬾᬗ᭄ᬕᬮ᭄ᬓᬳᬶᬗᬮᬶᬄ᭞ᬳᬶᬮᬸᬢᬸᬂᬦᬸᬤᬶᬗᬂ᭞ᬤᬶᬢᬸᬚᬮᬦ᭄‌ᬓ᭄ᬫᬚᬦᬶ᭞ᬲᬂᬓᬵᬮᬶᬄᬦᬸᬮᬶᬫᬚᬮᬦ᭄᭟ᬬᬳᬶᬮᬸᬢᬸᬂᬗᬭᭀᬤ᭄ᬫᬚᬮᬦ᭄ᬤᬶᬳᬸᬭᬶ᭞ᬳᬶᬫᬘᬦ᭄ᬫᬚ᭄ᬭᬶᬢᬦ᭄᭞ᬳᬶᬄᬳᬾᬗ᭄ᬕᬮᬂᬢᬸᬢᬸᬕ᭄ᬓᬳᬶ᭞ᬳᬶᬮᬸᬢᬸᬂᬗ᭄ᬮᬸᬃᬗᬦ᭄ᬤᭂᬕᬂ᭟ᬳᬶᬩᬫᬘᬦ᭄‌ᬗᭀᬬᭀᬂᬤᬶᬢᬸᬳ [ 19 ][᭑᭘ 18B]
᭑᭘᭞
ᬦ᭄ᬢᬶᬓᬳᬶ᭞ᬳᬶᬫᬘᬦ᭄‌ᬗᬦ᭄ᬢᭀᬲᬂ᭞ᬳᬶᬮᬸᬢᬸᬂᬢ᭄ᬓᬫᬳᭂᬓᬶᬦ᭄᭞ᬲᬫ᭄ᬩᬶᬮ᭄ᬧᬗᬸᬘᬧᬾᬩᬦ᭄ᬩᬦ᭄᭟ᬬᬦ᭄ᬳᬓᬾᬦᬾᬫᬓ᭄ᬮᭀᬩᬵᬦ᭄ᬜᬤᬶᬫᬵᬃᬕ᭄ᬕᬶ᭞ᬚᬦᬶᬳᬤᬤᬵᬬ᭞ᬬᬦ᭄‌ᬢ᭄ᬯᬄᬳᬶᬩᬗᬦᬹᬢᬶᬦ᭄᭞ᬳᬶᬫᬘᬦ᭄ᬫᬲᬯᬸᬢ᭄‌ᬢ᭄ᬕᬃ᭟ᬓᬾᬦ᭄ᬓᬾᬦ᭄ᬮᬓᬃᬤᬵᬬᬦ᭄ᬳᬶᬩᬮᬸᬢᬸᬂᬩ᭄ᬗᬶᬮ᭄᭞ᬦᬄᬮᬯᬸᬢ᭄ᬳᬾᬤᬾᬗᬂ᭞ᬓ᭠
ᬳᬶᬲᬤ᭄ᬬᬵᬫᬦᬶᬦᬹᬢᬶᬦ᭄᭞ᬳᬶᬯᬦᬭᬩ᭄ᬯᬶᬦ᭄ᬦᬶᬫ᭄ᬩᬮ᭄᭟ᬳᬶᬩᬫᬘᬦ᭄‌ᬧᬢᬹᬢ᭄ᬳᬶᬩᬗᬦ᭄ᬤᭀᬂᬓᬳᬶ᭞ᬬᬦᬓᬾᬦ᭄ᬢᭀᬩᬳᬦ᭄᭞ᬧ᭄ᬥᬲ᭄ᬳᬾᬗ᭄ᬕ᭠ᬮ᭄‌ᬩ᭄ᬜᬭᬶᬂᬫᬵᬃᬕ᭄ᬕᬶ᭞ᬳᬶᬫᬘᬦ᭄ᬫᬲᬯᬸᬢ᭄‌ᬦᬄ᭟ᬮᬦ᭄ᬢᬲ᭄ᬦᭂᬗ᭄ᬓᭀᬮ᭄ᬳᬶᬮᬸᬢᬸᬂᬤᬶᬢᬸᬦ᭄ᬤᬸᬦ᭄ᬕᭂᬮᬶᬲ᭄᭞ᬳᬶᬫᬘᬦ᭄ᬫᬳᭂᬲ᭄ᬯᬓ᭄᭞ᬲᬳᬲᬫᬮᬳᬶᬩ᭄ᬩᬶᬦ᭄ᬢᬶᬢ᭄᭞ᬳᬶ
ᬮᬸᬢᬸᬂᬫᬼᬓᭀᬃᬦ᭄ᬓᭂᬓᬂ᭟ᬕ᭄ᬮᬶᬲᬶᬂᬲᬢ᭄ᬯᬤᬶᬚᬮᬦ᭄ᬢᬦ᭄ᬓᬯᬃᬡ᭄ᬦᬶ᭞ᬤᬶᬢᭀᬗᭀᬲ᭄ᬳᬶᬓᬫ᭄ᬩᬶᬂᬢ᭄ᬓ᭞ᬳᬶᬮᬸᬢᬸᬂᬫᬸᬜᬶᬦ᭄ᬦᬾᬳᬭᬶᬲ᭄᭞ᬦᬄᬤᬶᬦᬶᬕ᭄ᬮᬄᬭᬾᬭᬾᬦᬂ᭟ᬫᬗᬮᬦ᭄ᬢᬶᬂᬳᬶᬮᬸᬢᬸᬂᬢᬸᬳᬸᬦᬦ᭄ᬭᬭᬶᬲ᭄᭞ᬳᬶᬫᬘᬦ᭄ᬲᬳᬲᬳᬶᬸ᭞ᬗᬸᬗ᭄ᬲᬶᬳᬶᬓᬫ᭄ᬩᬶᬂᬗ᭄ᬭᬭᬶᬲ᭄᭞ᬲᬳᬧᬗᬸᬘᬧᬾᬩᬗ᭄ᬭᬲ᭄᭟ᬳᬶᬄᬩᬓᬫ᭄ᬩᬶᬂ
ᬲᬥ᭄ᬬᬦ᭄ᬓᬳᬶᬢ᭄ᬓᬫᬳᬶ᭞ᬮᬓᬃᬗᬫᬄᬳᬶᬩ᭞ᬤᭀᬱᬵᬦ᭄ᬳᬶᬩᬯ᭄ᬭᬢ᭄ᬧᬢᬶ᭞ᬍᬯᬶᬄᬤᬡ᭄ᬥᬓᬸᬭᬂᬧ᭄ᬚᬄ᭟ᬬᬳᬶᬓᬫ᭄ᬩᬶᬂᬫᬺᬗᭂᬢ᭄ᬲᬳᬲᬯᬸᬢ᭄ᬩ᭄ᬭᬗ᭄ᬢᬶ᭞ᬳᬶᬄᬯ᭄ᬬᬖ᭄ᬭᬤ᭄ᬕᬕ᭄᭞ᬕ᭄ᬥᬾᬧ᭄ᬢᬓ᭄ᬓᬾᬦ᭄ᬓᬳᬶ᭞ᬓᭀᬦ᭄ᬤᬾᬦ᭄ᬓᬃᬯ᭄ᬯᬦ᭄ᬩᬜᬶᬤ᭄ᬥᬬᬂ᭟ᬓ᭄ᬭᬡᬓᬾᬢᭀᬧᬵᬦ᭄ᬫᬸᬮᬢᬸᬭᬸᬦᬦ᭄ᬗᬸᬦᬶ᭞ᬫᬫᬓ᭄ᬱᬩᬾᬫᬘ
[᭑᭙ 19A]
ᬦ᭄᭞ᬢᬵᬫᬓᬳᬶᬓᬬᬂᬚᬦᬶ᭞ᬲᬰᬵᬡᬦ᭄ᬤᬦᬾᬳᬶᬓᭀᬫ᭄ᬧ᭄ᬬᬂ᭟ᬲᬦᬾᬳᬶᬩᬶᬓᬳᬶᬫ᭄ᬩᬳᬦ᭄‌ᬢ᭄ᬯᬄᬳᬤᬶᬭᬶ᭞ᬫᬘᬦ᭄‌ᬜᬫᬦ᭄ᬳᬶᬩ᭞ᬲᬸᬩᬢ᭄ᬮᬄᬳᬫᬄᬓᬳᬶ᭞ᬢᭂᬗ᭄ᬕᭂᬓ᭄ᬜᬦᬾᬓᬸᬢᬂᬕ᭄ᬮᬄ᭟ᬤᬶᬲᬾᬫᬾᬭᬾᬚᬮᬜ᭄ᬚᬦᬶᬓ᭄ᬫᬤ᭄ᬮᭀᬓᬶᬦ᭄᭞ᬳᬧᬂᬳᬶᬩᬧ᭄ᬤᬲ᭄᭞ᬧᬂᬳ᭄ᬤᬫᬷᬭᬶᬩ᭄ᬓᬳᬶᬗᬯᬶ᭞
ᬗᭀᬭᬳᬂᬦᬾᬢ᭄ᬯᬭᬲᬚ᭟ᬫᬢᬓᬵᬮᬶᬄᬳᭂᬦ᭄ᬢᭀᬢ᭄ᬯᬄᬦᬾᬳᬗ᭄ᬕᭀᬦ᭄ᬰᬓ᭄ᬱᬶ᭞ᬤᬶᬢᬸᬜᬦᬦ᭄ᬤᭂᬮᬶᬓᬂ᭞ᬳᬧᬂᬳᬶᬩᬢᬢᬲ᭄ᬳᬸᬦᬶᬂ᭞ᬢ᭄ᬯᬶᬲᬚᬳᬧᬩᭀᬩᬩ᭄᭟ᬦᬾᬳᬶᬯᬲᬶᬦ᭄‌ᬲᬸᬳᬸᬦ᭄ᬕᭂᬮᬄᬦᬾᬓᬓᬵᬮᬶᬄ᭞ᬓᬮᬶᬦ᭄ᬢᬂᬯᬶᬰᬾᬱᬵ᭞ᬩᬶᬱᬵᬗᬸᬯᬸᬕᬂᬧ᭄ᬭᬶᬣᬶᬯᬶ᭞ᬢ᭄ᬭᬶᬰᬓ᭄ᬢᬶᬦᬾᬳ᭠
ᬤᬦ᭄ᬜᬵ᭟ᬳᬲᬶᬂᬩᬦᬶᬭᬸᬧᬱᬵᬓ᭄ᬢᬦ᭄ᬧᬱᬾᬲᬧᬱ᭄ᬝᬶ᭞ᬭᬾᬄᬫᬸᬮᬧᬳᬶᬘ᭄ᬙᬵ᭞ᬲᬂᬳ᭄ᬬᬂᬢᬸᬗ᭄ᬕᬮ᭄ᬫᬗᬶᬘ᭄ᬙᬾᬦᬶᬦ᭄᭞ᬲᬶᬓᭂᬧᬂᬓᬳᬶᬢᬸᬫᬶᬢᬄ᭟ᬳᬶᬯ᭄ᬬᬖ᭄ᬭᬭᬶᬫ᭄ᬭᬶᬫ᭄ᬳᬶᬥᭂᬧ᭄ᬜᬫᬶᬭᬕᬶ᭞ᬢᬸᬫᬸᬮᬶᬦᬓᭀᬦᬂ᭞ᬳᭂᬜ᭄ᬘᬾᬦ᭄ᬢᭀᬗᭀᬲ᭄ᬜᬦᬾᬤᬶᬦᬶ᭞ᬳᬶᬩᬗᬸᬢᬂᬢᭂᬗ᭄ᬕᭂᬓ᭄ᬫᬘᬦ᭄᭟ᬓᬳᬢᭂᬳᬶᬦ᭄ᬳᬶᬫᬘ᭠
ᬦ᭄‌ᬓ᭄ᬫᬦᭂᬮᭀᬓᬶᬦ᭄᭞ᬳᬶᬓᬫ᭄ᬩᬶᬂᬦᬸᬤᬶᬗᬂ᭞ᬤᬶᬲᬾᬫᬾᬭᬾᬳᭂᬦ᭄ᬢᭀᬤ᭄ᬮᭀᬓᬶᬦ᭄᭞ᬳᬶᬫᬘᬦ᭄‌ᬬᬫᬲ᭄ᬳᭂᬩᬦ᭄᭟ᬗᭂᬦᬄᬗᬶᬮᬶᬲ᭄ᬢᭂ᭠ᬗ᭄ᬕᭂᬓ᭄ᬫᬘᬦᬾᬜᬍᬗᬶᬂ᭞ᬳᬶᬫᬘᬦ᭄‌ᬬᬩᬩᬂ᭞ᬫ᭄ᬮᬳᬶᬩ᭄ᬢ᭄ᬯᬭᬫᬦᭀᬮᬶᬄ᭞ᬢᬦ᭄ᬓᭀᬘᬧ᭄ᬳᬶᬓᬫ᭄ᬩᬶᬂᬫᬘᬦ᭄᭟ᬓᬯᬮᬶᬦᬶᬦ᭄ᬳᬶᬮᬸᬢᬸᬂᬓᬘ᭄ᬭᬶᬢᬩ᭄ᬯᬶ [ 20 ][᭑᭙ 19B]
᭑᭙᭞
ᬦ᭄᭞ᬳᬫᬸᬭᬂᬚᬮᬦ᭄᭞ᬳᬶᬓᬓ᭄ᬯᬓᬢ᭄ᬧᬸᬓᬶᬦ᭄᭞ᬲ᭄ᬥᭂᬓ᭄‌ᬤᬶᬳᬩᬶᬗᬾᬗᬶᬜᬄ᭟ᬬᬳᬶᬮᬸᬢᬸᬂᬫᬢᬓᭀᬦ᭄ᬫᬸᬜᬶᬦ᭄ᬦᬾᬫᬦᬶᬲ᭄᭞ᬳᬶᬄᬳᬶᬩᬓᬓ᭄ᬯ᭞ᬳᬧᬕᬯᬾᬦ᭄ᬳᬶᬩᬤᬶᬦᬶ᭞ᬲᬯᬸᬢ᭄ᬳᬶᬓᬓ᭄ᬯᬦᬶᬫ᭄ᬩᬮ᭄᭟ᬳᬶᬭᬗᬶᬜᬄᬤᬾᬦᬶᬂᬳᬯᬓ᭄ᬳᬶᬭᬤᬶᬗᬶᬦ᭄᭞ᬲᬸᬯᬸᬤ᭄ᬫᬍᬩ᭄ᬍᬩᬦ᭄᭞ᬓ᭄ᬭᬡᬳᬶᬭᬫᬜ᭄ᬫᬸ
ᬳᬶᬦ᭄᭞ᬳᬧᬂᬤᬤᬶᬬᬳᬗᭂᬢᬦ᭄᭟ᬩᬮᬶᬓ᭄ᬳᬶᬭᬚᬦᬶᬫᬢᬓᭀᬦ᭄ᬭᬶᬂᬘᬳᬶ᭞ᬘᬳᬶᬩᬓᬮ᭄ᬓᭂᬚ᭞ᬳᬸᬮᬷᬚᬘᬳᬶᬳᬸᬦᬸᬦᬶ᭞ᬳᭂᬦ᭄ᬢᭀᬢᬾᬫ᭄ᬮᬄᬢᬸᬢᬸᬭᬂ᭟ᬳᬶᬯᬦᬭᬳᬮᭀᬦ᭄ᬫᬸᬜᬶᬦ᭄ᬜᬯᬸᬭᬶᬦ᭄᭞ᬳᬶᬭᬫᬗᬸᬫ᭄ᬩᬭ᭞ᬫᬗᬸᬮᬢᬶᬧᬘᬂᬪᬸᬓ᭄ᬢᬶ᭞ᬲᬕ᭄ᬦᬄᬧᬭᬦᬾᬢᬶᬩ᭟ᬚᬦᬶᬤᬶ᭠
ᬦᬶᬲ᭄ᬥᭂᬂᬫ᭄ᬮᬄᬓᬢ᭄ᬧᬸᬓᬶᬦ᭄᭞ᬩᬳᬦ᭄ᬳᬶᬓᬓ᭄ᬯ᭞ᬚᬮᬦ᭄ᬓᬾᬫᬜᬫᬚᬦᬶ᭞ᬚ᭄ᬮᬾᬫ᭄ᬮᬄᬳᬚᬓ᭄ᬤᬤ᭄ᬯ᭟ᬓᬘ᭄ᬭᬶᬢᬧᬸᬧᬸᬢ᭄‌ᬧᬲᭂᬗ᭄ᬓᬾᬢᬦ᭄ᬜᬲᬂᬓᬵᬮᬶᬄ᭞ᬓᬵᬰᬶᬄᬓᬶᬦᬰᬶᬳᬦ᭄᭞ᬓᭀᬘᬧ᭄ᬳᬶᬯᬦᬭᬚᬦᬶ᭞ᬢᬦ᭄ᬤᭀᬄᬤᬦᬾᬳᬶᬓᬓ᭄ᬯ᭟᭜᭟ᬧᬸᬄᬤᬸᬃᬫ᭄ᬫ᭟᭜᭟ᬳᭂᬦ᭄ᬢᭀᬧᬶᬲᬦ᭄ᬓᬳᬶᬗᭂᬢᬂ᭠
ᬩᬵᬦ᭄‌ᬯᬦᬭ᭞ᬧᬓᬓᬲᬶᬳᬦ᭄ᬜᬚᬦᬶ᭞ᬭᬶᬂᬤᬦᬾᬓᬓ᭄ᬯ᭞ᬢᬺᬱ᭄ᬡᬵᬓᬵᬤᬶᬫᬜᬫ᭞ᬫᬓᬶᬮᬶᬢ᭄ᬲᬮᬶᬂᬲᬸᬓᬦᬶᬦ᭄᭞ᬬᬳᬶᬯᬦᬭ᭞ᬫᬾᬲᭂᬫ᭄ᬫᬫᬸᬜᬶᬓ᭄ᬜᬶᬂ᭟ᬤᬸᬄᬓᬓ᭄ᬯᬚᬮᬦ᭄ᬓᬸᬤᬩᬋᬂᬮ᭄ᬯᬲ᭄᭞ᬘ᭄ᬓᬸᬄᬚᬳᬾᬦᬾᬦ᭄ᬤᬤᬶ᭞ᬫᬲᬯᬸᬢ᭄‌ᬓᬓ᭄ᬯ᭞ᬤᬶᬚᬳᬤᬧᬸᬜᬦ᭄ᬜ᭞ᬳᬶᬮᬸᬢᬸᬂᬩᬗ᭄ᬕ᭄ᬭᬲ᭄ᬫ
[᭒᭐ 20A]
ᬫᬸᬜᬶ᭞ᬤᬢᬢᬓᭀᬦᬂ᭞ᬚᬮᬦ᭄ᬧᬮᬶᬂᬦᬾᬚᬦᬶ᭟ᬲᬂᬓᬓ᭄ᬯᬫᬲᬶᬄᬲᭂᬤ᭄ᬲᭂᬤ᭄ᬫᬦᬓᭀᬦᬂ᭞ᬳᬶᬮᬸᬢᬸᬂᬫᬜᬯᬸᬢᬶᬦ᭄᭞ᬤᬾᬤᬸᬓᬸᬄᬓ᭠ᬦ᭄ᬢ᭄ᬭᬸᬗᬦ᭄᭞ᬕ᭄ᬮᬄᬓᬮᬶᬮᬶᬭᬦ᭄ᬜ᭞ᬓᬸᬫ᭄ᬧᬶᬦ᭄ᬜᬬᬦᬫ᭄ᬬᬂᬚᬦᬶ᭞ᬫᬭᬾᬭᭀᬤ᭄ᬲᬋᬂᬓᬓᬵᬮᬶᬄ᭟ᬘᬭᬶᬢᬬᬂᬲᬸᬩᬢ᭄ᬓᭂᬤ᭄‌ᬚ᭄ᬭᭀᬦᬶᬂ᭠
ᬳᬩ᭄ᬬᬦ᭄᭞ᬳᬕᭂᬢ᭄ᬫᬦᬸᬚᬸᬲ᭄ᬧᬶ᭞ᬳᬶᬮᬸᬢᬸᬂᬗᬾᬗ᭄ᬕᬮᬂ᭞ᬗᬾᬄᬓᬾᬄᬗᭂᬲᭀᬧ᭄‌ᬗᬍᬧᬾᬬᬂ᭞ᬳᬭᬸᬄᬮᬮᬄᬲᬵᬜ᭄ᬚᬓᬳᬶ᭞ᬳᬶᬓᬓ᭄ᬯᬜᬫ᭄ᬧ᭄ᬭᬕ᭄᭞ᬤᬤᬶᬫᬓ᭄ᬭᬄᬫᬫᬮᬶᬂ᭟ᬓᬕᬾᬢ᭄‌ᬢ᭄ᬓᬤᬾᬤᬸᬓᬸᬄᬫᬗᬗ᭄ᬕᬃᬢᬸᬫ᭄ᬩᬓ᭄᭞ᬫᬵᬦ᭄ᬤᬸᬧᬦ᭄ᬤᬸᬧ᭄ᬦᬶᬫ᭄ᬧᬸᬕᬶᬦ᭄᭞ᬲᬂᬮᬸᬢᬸᬂᬬᬫᬩ᭄ᬯᬂ᭞ᬫ᭄ᬦᬾᬓ᭄ᬤᬶᬓᬬᬸ᭠
ᬳᬾᬗ᭄ᬕᬮ᭄᭞ᬲᬂᬓᬓ᭄ᬯᬘ᭄ᬮᬂᬜ᭄ᬮᬶᬲᬶᬄ᭞ᬩᬢᬦ᭄ᬢᭂᬗ᭄ᬓᬸᬮᬓ᭄᭞ᬤᬾᬤᬸᬓᬸᬄᬫᬗ᭄ᬮᬵᬳᬓ᭄ᬱᬓᬶᬦ᭄᭟ᬮᬯᬸᬢ᭄ᬫᬓ᭄ᬚᬶᬢ᭄ᬳᬶᬮᬸᬢᬸᬂᬲᬃᬯ᭄ᬯᬶᬗᭂᬦ᭄ᬤᬶᬗᬂ᭞ᬳᬶᬓᬓ᭄ᬯ᭠ᬬᬫᬜᬶᬗᬶᬤ᭄᭞ᬤᬶᬩᬢᬦ᭄ᬢᭂᬗ᭄ᬓᬸᬮᬓ᭄᭞ᬲᬂᬮᬸᬢᬸᬂᬬᬫᬩ᭄ᬯᬂ᭞ᬫ᭄ᬦᬾᬓ᭄ᬤᬶᬓᬬᬸᬫᬜᬶᬗᬶᬦ᭄᭞ᬤᬾᬤᬸᬓᬸᬄᬳᬾᬫᭂᬗᬦ᭄᭞ᬫᬶᬭᬕᬶᬫᬸᬜᬶᬦ᭄ᬯᬭᬭᬷ᭟ᬤ
ᬤᬶᬦᭂᬕᬓ᭄ᬤᬾᬤᬸᬓᬸᬄᬗᬶᬗᭂᬃᬗᬺᬲᭂᬧᬂ᭞ᬫᬸᬜᬶᬦ᭄ᬦᬾᬳᬶᬯ᭄ᬭᬾᬬᬵᬓᬶᬓ᭄᭞ᬢᬸᬃᬗᬸᬗ᭄ᬓᬩ᭄ᬢᭂᬗ᭄ᬓᬸᬮᬓ᭄᭞ᬲᬂᬓᬓ᭄ᬯᬫᬧᬶᬦᬶᬤ᭄ᬭ᭞ᬓᬚ᭄ᬫᬓ᭄ᬢᬸᬃᬓᬓᬶᬲᬳᬶ᭠ᬦ᭄᭞ᬤᬾᬤᬸᬓᬸᬄᬳᬾᬗ᭄ᬕᬮ᭄᭞ᬦᬤ᭄ᬢᬤ᭄ᬫᬗᬩᬫᬸᬮᬶᬄ᭟ᬢ᭄ᬓᭂᬤ᭄‌ᬚᬸᬫᬄᬤᬾᬤᬸᬓᬸᬄᬜ᭄ᬭᬶᬢᬶᬦ᭄ᬧ᭄ᬬᬦᬓ᭄ᬜ᭞ᬳᬬᬸᬫᬳᬶᬢᬾᬕ᭄ᬮᬶᬲ᭄᭞ᬳ᭄ᬦᬾᬩᬧᬫ᭄ᬩᬳ᭠ [ 21 ][᭒᭐ 20B]
᭒᭐᭞
ᬦ᭄᭞ᬧᬘᬂᬩᬾᬚᬳᭂᬦ᭄ᬧᭂᬲᬦ᭄᭞ᬩᬲᬦᬾᬕᬳᬾᬦᬂᬭᬭᬶᬲ᭄᭞ᬲᬦ᭄ᬢᭂᬦ᭄ᬦᬾᬮ᭄ᬬᬸᬦᬂ᭞ᬳᬧᬂᬮᬸᬯᬸᬂᬩᭂᬩᭂᬓᬶᬦ᭄᭟ᬬᬵᬦᬷᬳᬬᬸᬓᬦ᭄ᬢ᭄ᬭᬸᬗᬦ᭄ᬫᬵᬢᬸᬃᬲᬵᬦ᭄ᬤᬶᬓ᭞ᬦ᭄ᬤᭂᬲᭂᬓ᭄ᬕᬸᬭᬸᬦᬾᬕ᭄ᬮᬶᬲ᭄᭞ᬮᬯᬸᬢ᭄ᬫᬦᬸᬦᬲᬂ᭞ᬧᬸᬦᬧᬶᬲᬶᬄᬧᬸᬦᬶᬓᬵ᭞ᬕᬸᬭᬸᬦ᭄ᬦᬾᬮᬯ᭄ᬖᬸᬢ᭄ᬜᬯᬸᬭᬶᬦ᭄᭞ᬦᬾᬫᬵᬤᬦ᭄‌ᬓᬓ᭄ᬯ᭞ᬳᬸᬮᬫ᭄ᬜᬦᬾᬫᬸᬮᬸ
ᬓ᭄ᬫᬦᬶᬲ᭄᭟ᬢᬶᬫ᭄ᬩᬸᬂᬩᬗ᭄ᬓᬶᬢ᭄ᬮᬯᬃᬓᭀᬫᭀᬄᬜᬦᬾᬫ᭄ᬮᬄ᭞ᬢᬶᬫ᭄ᬧᬮᬂᬳᬭᬓ᭄ᬳᬦᬶᬲ᭄᭞ᬦᬲᬶᬩᬳᬲ᭄ᬩᬭᬓ᭄᭞ᬮᬯᬸᬢ᭄‌ᬓ᭄ᬭᬗ᭄ᬓᬾᬗᬶᬦ᭄ᬳᬾᬗ᭄ᬕ᭠ᬮ᭄᭞ᬤᬾᬤᬸᬓᬸᬄᬭᬭᬶᬲ᭄ᬦᬓᭀᬦᬶᬦ᭄᭞ᬳᬧᬳᬫᬄᬳᬶᬩ᭞ᬲᬂᬓᬓ᭄ᬯᬫᬜᬯᬸᬭᬶᬦ᭄᭟ᬳᬶᬗ᭄ᬕᬶᬄᬚ᭄ᬭᭀᬓᬸᬮᬶᬢ᭄ᬩᬦ᭄ᬢᬮ᭄‌ᬢ᭄ᬤᬦ᭄ᬢᬶᬢ᭄ᬬᬂ᭞ᬢ᭄ᬓᬦᬶᬂᬩ᭄ᬬᬸᬓᬸᬦᬶᬂ᭞
ᬬᬦ᭄ᬲᬶᬤ᭄ᬥᬳᬓᬾᬳᬂ᭞ᬫᬗ᭄ᬤᬾᬢᬶᬢ᭄ᬬᬂᬲ᭄ᬕᭂᬭᬦ᭄᭞ᬯᬦ᭄ᬢᬄᬓᬢᭀᬲᬳᬶᬲᬳᬶ᭞ᬦᬾᬢ᭄ᬥᬦ᭄ᬢᬶᬢ᭄ᬬᬂ᭞ᬳᬶᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄ᬕᭂᬮᬶᬲ᭄᭟᭠ᬮ᭄ᬯᬲ᭄ᬗᬮᬶᬄᬩ᭄ᬬᬸᬫᬶᬯᬄᬓᬸᬮᬶᬢ᭄ᬩᬦ᭄ᬢᬮ᭄᭞ᬧᭀᬮᬶᬄᬳᬓᬶᬲᬜ᭄ᬤᬶᬢ᭄᭞ᬮᬯᬸᬢ᭄ᬫᬸᬮᬶᬄᬗᬾᬗ᭄ᬕᬮᬂ᭞ᬮᬦ᭄ᬢᬲ᭄ᬤᬦᬾᬜ᭄ᬭᬳᬂ᭞ᬧᬦᬓᬾᬗᬩ
ᬬᬂᬕ᭄ᬮᬶᬲ᭄᭞ᬳᬶᬓᬓ᭄ᬯᬗᬓᬓ᭄᭞ᬩᬵᬦ᭄‌ᬍᬕᬦᬾᬢᬶᬤᭀᬂᬕᬶᬕᬶᬲ᭄᭟ᬧ᭄ᬥᬲ᭄ᬲᬶᬤ᭄ᬥᬩᬦ᭄ᬜᬗᬼᬗ᭄ᬓᬭᬉᬧᬬᬵ᭞ᬫᬶᬓ᭄ᬦᬳᬶᬯᬦᬭᬷ᭞᭠ᬭᬾᬄᬫᬸᬮᬓᬵᬲ᭄ᬢᬯᬵ᭞ᬗ᭄ᬕᬯᬾᬧᬢᬶᬦᬶᬂᬭᭀᬯᬂ᭞ᬦᬾᬚᬦᬶᬳᬶᬩᬢᬦ᭄ᬤᬗᬶᬦ᭄᭞ᬓᬳᬶᬫᬲᬗᬂ᭞ᬉᬧᬬᬲᬶᬮᬶᬩ᭄ᬢᬸᬃᬫᬦ᭄ᬥᬶ᭟ᬢᬜ᭄ᬘ᭄ᬭᬶᬢ
[᭒᭑ 21A]
ᬦᭂᬦ᭄ᬓᬓ᭄ᬯᬤᬾᬤᬸᬓᬸᬄᬓᭀᬘᬧ᭄᭞ᬦᬸᬦ᭄ᬤᬾᬦ᭄ᬧ᭄ᬬᬦᬓᬾᬗᬸᬮᬶᬕ᭄᭞ᬩᬲᬲᬸᬩᬧ᭄ᬭᬕᬢ᭄᭞ᬦᬷᬳᬬᬸᬮᬦ᭄ᬢᬲ᭄ᬦᭂᬕᬓ᭄᭞ᬤᬶᬦᬢᬳᬾᬫᬵᬋᬧ᭄ᬓᬗᬶᬦ᭄᭞ᬭᬾᬄᬢᬗ᭄ᬓᭂᬧ᭄ᬩᬚᬂ᭞ᬩᬩᬶᬓᬲᬦᬾᬋᬲ᭄ᬧᬢᬶ᭟ᬘᬭᬶᬢᬬᬂᬚᬦᬶᬳᬶᬮᬸᬢᬸᬂᬗ᭄ᬮᬯᬦ᭄᭞ᬳᬶᬓᬓ᭄ᬯᬓᬰᬶᬳᬰᬶᬄ᭞ᬫᬭᬫᬲ᭄ᬳᭂᬩᬦ᭄᭞
ᬗᬦ᭄ᬢᭂᬦᬂᬤ᭄ᬳᭂᬩᬚᬂ᭞ᬭᬹᬧᬵᬬᬸᬓᬤᬶᬢᬸᬮᬶᬲ᭄᭞ᬳᬶᬮᬸᬢᬸᬂᬫᬸᬮᬶᬳᬦ᭄᭞ᬫᬲᬶᬄᬬᬜᬶᬗ᭄ᬲᬾᬲᬶᬗᬶᬤ᭄᭟ᬢ᭄ᬓᭂᬤ᭄ᬤᬶᬢᬸᬤᬶᬚ᭄ᬭᭀᬦ᭄‌ᬤᬾᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄᭞ᬮᬦ᭄ᬢᬲ᭄ᬲᬸᬩᬓᬧᬗ᭄ᬕᬶᬄ᭞ᬢ᭄ᬓᬾᬦ᭄ᬲᬂᬓᬓ᭄ᬯ᭞ᬳᬶᬮᬸᬢᬸᬂᬫᬓ᭄ᬚᬶᬢ᭄ᬗᬶᬜ᭄ᬘᬂ᭞ᬫᬜᬗ᭄ᬓᬓ᭄ᬤᬾᬓ᭄ᬫᬗᬶᬓ᭄ᬕᬶᬓ᭄᭞ᬓᬤᬾᬦᬂᬩᬗ᭄ᬓ᭞ᬓ᭄ᬭᬡᬓᬳᬶᬦᭂᬮᭀ
ᬓᬶᬦ᭄᭟ᬲᬂᬓᬓ᭄ᬯᬫᭂᬦ᭄ᬤᭂᬧ᭄ᬭᬾᬄᬕ᭄ᬤᭂᬕᬾᬮᬶᬦ᭄ᬢᬂ᭞ᬳᬶᬗᭂᬢ᭄‌ᬢ᭄ᬓᬾᬦ᭄ᬓᬤᬤᬶᬦ᭄᭞ᬭᬾᬄᬧᬥᬧ᭄ᬭᬯᬷᬭ᭞ᬦ᭄ᬢᭀᬳᬶᬪᬤᬯᬂᬦᬵᬮ᭞ᬲᬶᬤ᭄ᬥᬲᬲᬭᬶ᭠ᬦ᭄ᬕᬸᬫᬶ᭞ᬩᬵᬦ᭄ᬓᬥᬃᬫ᭄ᬫᬦ᭄ᬜ᭞ᬬᬾᬦᬶᬂᬲᬶᬤ᭄ᬥᬳᭂᬦ᭄ᬢᭀᬳᬶᬭᬶᬂ᭟ᬳᬶᬓᬓ᭄ᬯᬳᬮᬸᬲ᭄ᬫᬸᬜᬶᬦ᭄ᬜᬦᬾᬩᬦ᭄ᬩᬦ᭄᭞ᬳᭀᬩᭀᬚᭀᬕ᭄‌ᬢ᭄ᬓᬫᬳᬶ᭞ᬢᬓᭂᬄ
ᬩᬵᬦᬾᬳᬶᬯᬂ᭞ᬳ᭄ᬤᬳᬶᬩᬩᬵᬲ᭄ᬳᬫ᭄ᬧᬄ᭞ᬗᬤᬾᬦ᭄ᬓᬳᬶᬲᬸᬩᬫᬢᬶ᭞ᬦᬾᬚᬦᬶᬧ᭄ᬥᬲᬂ᭞ᬩ᭄ᬯᬢ᭄ᬳᬫᬄᬓᬳᬶᬦᬾᬤᬶᬦᬶ᭟ᬩᬦ᭄ᬢᬮ᭄‌ᬩ᭄ᬬᬸᬜᬩ᭄ᬭᬦ᭄ᬓᬳᬶᬳᬮᬶᬳᬗ᭞ᬓ᭄ᬮᬳᬶᬄᬜᬓᬳᬶᬦᬾᬚᬦᬶ᭞ᬧᬘᬂᬳᬦ᭄ᬢᬾᬦᬗ᭞ᬭᬶᬂᬦᬷᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬦ᭄ᬢᭀᬳᬶᬯᬲᬶᬦ᭄ᬳᬸᬮᬶᬤᬶᬦᬶ᭞ᬬᬗᬸᬮᬶ [ 22 ][᭒᭑ 21B]
᭒᭑᭞
ᬕ᭄ᬳᭀᬤᬓ᭄᭞ᬢ᭄ᬓᬾᬦ᭄ᬳᬸᬭᬸᬤ᭄‌ᬲᬺᬩᬸᬓ᭄ᬫᬶᬳᬶᬓ᭄᭟ᬓᬳᬶᬲᬬᬂᬓᬘᬶᬭᬾᬦ᭄ᬩᬵᬦ᭄ᬳᬶᬩᬧ᭞ᬲᬕ᭄ᬮᬄᬤᬦᬾᬦᬾᬲᬫᬶ᭞ᬓᬲᬸᬓ᭄ᬱ᭄ᬭᬄᬫᬓ᭄ᬚᬂ᭞

[᭒᭒ 22A] [ 23 ]Page:Bali-lontar-gaguritan-lutung-mungil-01-250ppi.pdf/23 [ 24 ]Page:Bali-lontar-gaguritan-lutung-mungil-01-250ppi.pdf/24 [ 25 ]Page:Bali-lontar-gaguritan-lutung-mungil-01-250ppi.pdf/25 [ 26 ]Page:Bali-lontar-gaguritan-lutung-mungil-01-250ppi.pdf/26 [ 27 ]Page:Bali-lontar-gaguritan-lutung-mungil-01-250ppi.pdf/27 [ 28 ]Page:Bali-lontar-gaguritan-lutung-mungil-01-250ppi.pdf/28 [ 29 ]Page:Bali-lontar-gaguritan-lutung-mungil-01-250ppi.pdf/29 [ 30 ]Page:Bali-lontar-gaguritan-lutung-mungil-01-250ppi.pdf/30 [ 31 ]Page:Bali-lontar-gaguritan-lutung-mungil-01-250ppi.pdf/31 [ 32 ]Page:Bali-lontar-gaguritan-lutung-mungil-01-250ppi.pdf/32 [ 33 ]Page:Bali-lontar-gaguritan-lutung-mungil-01-250ppi.pdf/33 [ 34 ]Page:Bali-lontar-gaguritan-lutung-mungil-01-250ppi.pdf/34 [ 35 ]Page:Bali-lontar-gaguritan-lutung-mungil-01-250ppi.pdf/35 [ 36 ]Page:Bali-lontar-gaguritan-lutung-mungil-01-250ppi.pdf/36 [ 37 ]Page:Bali-lontar-gaguritan-lutung-mungil-01-250ppi.pdf/37 [ 38 ]Page:Bali-lontar-gaguritan-lutung-mungil-01-250ppi.pdf/38 [ 39 ]Page:Bali-lontar-gaguritan-lutung-mungil-01-250ppi.pdf/39 [ 40 ]Page:Bali-lontar-gaguritan-lutung-mungil-01-250ppi.pdf/40 [ 41 ]Page:Bali-lontar-gaguritan-lutung-mungil-01-250ppi.pdf/41 [ 42 ]Page:Bali-lontar-gaguritan-lutung-mungil-01-250ppi.pdf/42 [ 43 ]Page:Bali-lontar-gaguritan-lutung-mungil-01-250ppi.pdf/43 [ 44 ]Page:Bali-lontar-gaguritan-lutung-mungil-01-250ppi.pdf/44 [ 45 ]Page:Bali-lontar-gaguritan-lutung-mungil-01-250ppi.pdf/45