Biblia/Vetule Testamento/Job/Job 12

Job

12

Job replica a Sophar

¹Alora Job respondeva a Sophar assi: ²“Sin dubita quando vos^[1], qui es gente sapiente, morira, le sapientia ipse morira con vos! ³Ma anque io ha intelligentia^[2] tanto quanto vos: io non es nullemente inferior a vos. Omnes sape le cosas que vos dice^[3]. ⁴Pro mi amicos io deveniva un objecto de derision^[4]. Io, qui invocava Deo e ille me respondeva; io, un homine juste e integre, es un objecto de derision! ⁵Gente que sta ben es contemptuose de illes que suffre. Gente dispreoccupate da un pulsata a qui face un passo false! ⁶Le tentas del robatores es tranquille, e illes qui provoca Deo es confidente: illes reputa tener Deo in lor manos!

Le cognoscentia del sapientia e del poter de Deo

⁷Proba interrogar le bestias e illos te lo docera, o le aves del celo, e illos te lo indicara. ⁸Parla al bestias que repe sur le terra, e illos te docera, e al pisces del mar, e illos te lo contara. ⁹Qual de tote istos non sape que il es le mano del Senior que ha facite isto^[5]? ¹⁰In su manos ille ha le vita^[6] de omne creaturas e le sufflo vital de tote le racia human^[7].

¹¹Le proverbios dice: ‘Le aures examina le parolas como le palato gusta le alimentos’ ¹²E ‘le sapientia pertine al seniores^[8] e le prudentia al personas longeve’. ¹³Ma il es con Deo que il ha sapientia e le poter de actuar lo; consilio e intelligentia pertine a ille. ¹⁴Si ille destrue nemo pote edificar de novo; si ille pone homines in un prision, nemo pote aperir su portas. ¹⁵Si ille retene le aquas, alora le terra se desicca; si ille los lassa libere, illos destrue le terra. ¹⁶Apud ille es fortitude e sapientia; ma sia le deceptor que le decipite pertine a ille. ¹⁷Ille rende stulte^[9] le consilieros e suppllanta le judices. ¹⁸Ille remove le robas royal del reges e illes es conducite via con cordas circa lor cincturas. ¹⁹Ille conduce via sacerdotes, spoliate de lor stato, e subverte le potentatos. ²⁰Ille silentia consilieros fidabile e porta via le disserimento de ancianos. ²¹Ille effunde disgratias super le princes e disarma qui se sente invincibile. ²²Ille revela le cosas profunde del tenebras, e produce in le luce le umbra del morte. ²³Ille face que nationes deveni grande e los destrue; ille extende le confinios de nationes e los disperge. ²⁴Ille priva le capites del nationes de lor intelligentia; ille les face errar per desertos sin tracias de vias. ²⁵Illes cerca tastante in le tenebras sin lumine; ille les face titubar como inebriatos.

¹

Notas

1. Litt. “Vos es le gente, e le sapientia morira con vos”.
2. Litt. “corde”.
3. Litt. “Qui non sape lo que vos dice?”. Il es un cognoscentia commun.
4. O “ludibrio”.
5. Tote lo que esseva discutite antea, illo es le maniera que Deo, in su sapientia, governa le mundo, ma, specificatemente illo se refere al infliction del suffrentia in le mundo.
6. O “anima”.
7. Litt. “le spirito de omne carne de homine”.
8. ersonas vetule.
9. O “manda via discalceate”.