Biblia/Vetule Testamento/Psalmos/Psalmos 126

Psalmos

126. Quando le Senior reportava a Sion le exiliatos

Memorante le gaudio de liberationes passate, le communitate ligate a Deo de con un pacto pete al Senior un nove displicamento del potentia de Deo, e illo confidentemente se anticipa le tempore in le qual lor dolo essera tranformate in gaudio.

¹Un canto de peregrinos qui ascende a Jerusalem. Quando le Senior reportava a Sion^[1] le exiliatos, il nos pareva un sonio! ²Tunc nostre ores se replenava de critos de gaudio e nostre linguas cantava de exultation. Tunc le altere nationes diceva: ‘Le Senior compliva grande cosas pro illes!’. ³Si, le Senior compliva cosas impressionante pro nos! Qual gaudio! ⁴Restabli nostre ben-esser, oh Senior, sicut torrentes da vita al deserto. ⁵Qui planta con lacrimas recoltara con exultation. ⁶Qui plora portante su sacco de semines a disperger, certo retornara portante fasces de frumento.

Notas

1. O “Jerusalem”.