Biblia/Vetule Testamento/Psalmos/Psalmos 140

Psalmos

140. Oh Senior, salva me ab homines malefic

Le psalmista pete a Deo de liberar le ab su inimicos mortal, se appella a que le judicio de Deo cade super illes, e affirma su fiducia in le justitia de Deo.

¹Al magistro del choro, un psalmo de David. Oh Senior, salva me ab homines malefic, protege me ab le homines violente ²qui cogita le mal in lor cordes e tote le die suscita conflictos. ³Lor linguas vulnera como un serpente^[1], sub lor labios es veneno de vipera. (Interludio).

⁴Oh Senior, custodia me ab le manos del peccatores; serva me ab le homines violente qui cogita supplantar mi passos. ⁵Gente superbe celava un trappa pro facer me cader in illo; illes extendeva un rete; illes poneva trappas longe mi cammino. (Interludio).

⁶Io dice al Senior: “Tu es mi Deo. Oh Senior, presta attention al voce de mi deprecation^[2]”. ⁷Oh Senior soveran, mi forte liberator, tu poneva un scuto super mi capite pro proteger me in le die del battalia. ⁸Oh Senior, non concede le desiros del impios. Non permitte que lor planos succede quando illes attacca. (Interludio).

⁹Re illes qui me circumfere - que le mal que lor bucca menaciava facer submerge illes mesme. ¹⁰Que carbones ardente cade super lor capites. Que illes sia jectate a in le foco o a in fossas plen de aqua ex le quales illes non pote escappar. ¹¹Que le mentitores non prospera hic in nostre pais.

¹²Io sape que le Senior adjutara les que illes perseque; ille facera justitia al pauperes. ¹³Certo le justos rendera gratias a tu nomine; le personas moralmente recte habitara in tu presentia.

Notas

1. O “illes acutia lor linguas como un serpente”.
2. O: “a mi supplication pro misericordia”.