Bkra shis mdzes ldan chen po'i rgyud

@1
208
bod skad du
bkra shis mdzes ldan chen po'i rgyud
dpal nam mkha' med pa chen po'i rgyud ces bya ba
bcom ldan 'das rig pa rang snang nyid dang
thog ma'i mgon po 'od dpag med la phyag 'tshal lo
sar ba dhar rgya a
'di skad bdag gis bstan pa'i dus gcig na
rig pa ye shes kyi snang ba chen por rang snang ba'i dus na
209
snang ba chen po'i ngo bo sku dang bcas pa
snang ba'i rang bzhin ma 'gags pa nas
rig pa'i sku rnam par dag pa chen po nyid do
e ma ho
rig pa'i ye shes chen po yul med pa snang ba'i klong nas
ngo bo rig pa nga'i ye shes so
ngas rig pa nyid kyi don bstan to
yangs pa kun gyi bdag nyid
snang ba chen po'i snang thabs ni rang spangs pa'o
des smras shing rang snang gi gzhal yas khang dang bcas pa'o
210
rang gi 'od kyi yul dang bcas pa'o
thog ma med pa'i thugs rje dang bcas pa'o
'di skad bdag gis thos pa'i dus gcig na
rtogs pa'i sangs rgyas ma byung
ma rtogs pa'i sems can ma byung ba'i sngon rol na
rig pa rang byung gi ye shes nyid gzhi las ma g.yos te
rkyen med pa'i snang ba gsum dang thabs cig tu bzhugs so
de nas yang rig pa'i ye shes ma nyid kyis
rang rang gi 'dug tshul gyi gnas lugs 'di gsungs so
kye snang ba chen po yangs pa'i klong de ni
ma g.yos pa chos kyi sku chen po las
ma 'khrul pa'i sangs rgyas chen por bzhugs so
ngo bo'i sku ma 'gags par gnas te
ngo bo mi 'gyur
thabs gsang ba ma g.yos mi g.yo ma bskyod pa
snang ba thams cad dus gcig la rdzogs pa
ye shes thams cad skad cig la rdzogs pa
sku thams cad smin par gnas pa
'od kyi snang ba thams cad ma bsgribs par gsal ba
gnas lugs kyi snang ba la
snang ba thabs kyis ma bsgribs pa
211
ngo bo rang bzhin thugs rje gsum
rgya ma chad par yongs su rdzogs pa chen po
ngo bo'i gnas lugs chen po de yang
sku ltar gnas pa la
kha mig rna bar dod pa ni ci yang mi bzhugs
stong pa ltar gnas pa la
bem stong ltar cang mi bzhugs
'od lnga ltar snang ba chen po la
kha dog tu phye ba ni cang mi bzhugs
rgya ma chad pa ltar snang ba la
'brel pa ltar cang mi bzhugs
mtha' dbus med pa ltar snang ba
phyogs su dmigs pa ni cang mi bzhugs
cha bgos pa ltar snang ba la
ris su phye ba ni cang mi bzhugs
rgyar ma 'gags pa ltar rgyang zhags su rig pa
snang zhing dpangs mtho ba la
steng 'og tu snang ba ni gang yang med do
rang bzhin gyis snang ba ni yangs pa ltar snang ba la phyogs lhung med pa
212
gsal ba ltar snang ba la dngos po med pa
mthing ga ltar snang ba la cha ma phye ba
dkar ba ltar snang ba la rigs mi 'dzin pa
ser po ltar snang ba la yon tan rdzogs pa
dmar ba ltar snang ba la go ma 'gags pa
ljang gu ltar snang ba la ma btsal bar grub pa
snang ba lnga nyid du gnas pa la kha dog mi 'dzin pa chen po
zlum pa la dbyibs med pa
ma 'gags pa la rkyen med pa
khyab pa med pa la rang gdangs chen po
rang gsal ba la phyi nang dang bcas pa
rtsol bsgrub med pa la bab kyis bsgrub pa'o
thugs rje'i snang ba ni stong pa ltar ye shes de snang ba la
gsal ba la ma 'gags pa
spros pa med pa la spros pa chen po
rang bzhin ma 'gags pa la sna tshogs ma nges pa chen po
gsal ba la mun pa med pa
ma 'gags pas med pa chen po
bab kyis stong pa la kun tu 'char ba chen po
ma 'dres pa la yongs su snang ba chen po
213
kun la khyab pa la gcig tu 'dus pa chen po
rdzogs pa la gcig tu snang ba chen po
thugs rje go ma 'gags par bzhugs so
chos kyi sku'i snang ba mi 'gyur ba la
'khrul pa'i snang ba yul ltar snang ba'i dus yongs su ma nges te
gzhi las 'khrul pa'i go byung ste
ngo bo mi 'gyur ba las
rang bzhin ma 'gags par gsal ba ste
thugs rje ma nges pa las
ma rig pa ltar snang ba byung ste
de ltar 'khrul pa'i yul tsam mo
gsang ba'i sngags la ye nas gnas pa'i mtshan gzhi mtshon pa'o
zhes bkra shis mdzes ldan chen po'i rgyud las
gzhi gnas lugs kyi le'u ste dang po'o
@2
de nas yang rig pa'i snang ba nyid kyis
rang gis 'khrul tshul snang ba 'di gsungs so
nga'i rtsal las gzhi mi 'gyur ba las
rang bzhin ma 'gags par shar nas
214
thugs rje ma nges pa las ma rig pa rang byung ste
dper na nam mkha' la sprin yang dag par yod pa ma yin te
glo bur du sprin byung ba dang 'dra bar
gzhi la ma rig pa yod pa cang ma yin te
thugs rje ltar shar ba las ma rig pa byung ste
gzhi la lhun grub kyi gnas lugs zhes bya ba chags so
de yang ma nges pa'i snang ba chen po zhig tu gnas so
de yang 'char lugs rnam pa brgyad dang ldan pa rin po che ga'u'i gnas lugs zhes bya ste
'dod yon gyi go ma 'gags pa'o
ma grub pa'i grub pa chen por gnas pa
thugs rje ltar 'char ba'i go ma 'gags pa
'od ltar 'char ba'i snang ba ma 'gags pa
ye shes ltar 'char ba'i longs spyod ma 'gags pa
sku ltar 'char ba'i ngo bo ma 'gags pa
gnyis med ltar 'char ba'i lta ba ma nges pa
mtha' grol ltar 'char ba'i thabs ma 'gags pa'o
dag pa ye shes kyi 'jug sgo mthar phyin pa
ma dag pa ltar 'char ba'i sgo thugs rje ma 'gags pa
'dod don nor bu rin po che lta bu ste
215
de lta bu'i snang ba nga'i sku ma chags te
nang gzhon nu bum pa sku zhes bya ba rgya ral te
phyi lhun grub kyi gnas lugs su gnas so
dus de tsam na nga'i sna bab phyir ral te
sang ma seng ma
shag ma shig ma
khral ma khrol ma
yang ma yeng ma
'gul ba 'phrig pa
sna tshogs su 'phro ba byung ngo
de nas lhun grub kyi gnas lugs chen po chags so
de'i ye shes kyi go ma 'gags pa las longs spyod rdzogs pa'i sku'i snang lugs chags so
yon tan gyi go ma 'gags pa las rang bzhin sprul sku'i snang lugs srid do
de'i thugs rje go ma 'gags pa las ma dag pa'i snang lugs byung ngo
de las snang ba'i 'khrul tshul du mar chags te
'khor ba grub po
de yang gnas lugs chen po gcig la
snang lugs bzhi ltar snang ste
sku'i rol pa sna tshogs su shar nas
sems can thun mong gi las ltar snang ba'o
de yang rkyen bzhi'i 'khrul te
tha ma yang rkyen bzhi la thug go
rgyu dmigs pa can du 'dzin pa'i rkyen las
216
'bras bu sna tshogs kyi rgyur 'khrul
bdag po yul can du 'dzin pa'i rkyen las
ming sna tshogs su 'khrul
dmigs pa blo can du 'dzin pa'i rkyen las
'bras bu thug pa med par 'khrul lo
de ma thag pa 'dzin pa can gyi rkyen las
snang ba sna tshogs su 'khrul lo
de ni gsang sngags gzhi'i 'khrul lugs chen po'o
de yang snang thabs la ma rig pa'i rkyen
rang ka ma dang bcas te snang ngo
ma rig pa de yang rtsa ba'i nyon mongs pa lnga dang bcas te
rtog tshogs du ma sdud pa'o
rkyen stong phrag du ma dang bcas pa snang tshul du ma dang bcas pa snang tshul gyis 'byams pa'o
de yang lhun grub rin po che'i ga'u'i gnas lugs las
snang ba ma 'gags pa las
gzhi ma 'gyur bar snang ba 'gyur te
yul du ma'i rjes su 'brangs te thams cad la rtog pa'o
chos kyi sku'i snang ba ma 'gyur kyang
'khrul pa'i snang ba la 'gyur 'gyur ltar byung ngo
rdo rje sems dpa' 'khrul pa mi mnga' yang
sems can la 'khrul pa'i tshul bstan pa'o
tha ma rang gi snang ba rang rkyen gyis gzhi las ldog pa'o
217
gnyis su med pa'i snang ba rang shar bar ma shes te
'khrul pa la bdag por bzung bas bdag po'i rkyen
rang rig pa'i 'bras bu rang shar bar ma shes rgyu nyid ltos pa can bzung ba rgyu'i rkyen no
yul dang shes pa stong par ni ma shes
dmigs pa la yul du bzung bas
dmigs pa rang ngo'i rkyen
dus la ltos nas 'od rang byung par ma shes
de ma yin pa la der 'dzin pa'i shes pa byung bas mtshungs pa de ma thag pa'i rkyen no
zhes bkra shis mdzes ldan chen po'i rgyud las
gzhi la 'khrul pa byung tshul bstan pa'i le'u ste gnyis pa'o
@3
de nas yang snang pa dam pa'i 'khor la
rig pa chos 'byung skus bka' stsal pa
kye snang ba dam pa'i rig pa yongs su snang ba'i 'khor rnams nyon cig
gzhi snang ba chen po'i rig pa chos kyi sku'i snang ba ni
gnas lugs chen po dang 'brel pa ste
218
de yang gnas lugs chen po gcig la
snang lugs bzhir 'char ba 'di lta ste
rig pa dang chos nyid kyi gnas lugs ni
me long gi dkyil 'khor ltar gnas pas
ma rig pa'i rkyen gyis ma bsgribs pa
ka dag chen po zhes bya ste
yang dag pa'i sangs rgyas ma byung
ma dag pa'i sems can ma byung ba'i gnas
rig pa ma g.yos pa'i ye gdangs chen po zhes bya'o
de la brjod du med do
dpag tu med do
dmigs su med do
gzhal du med do
brtsir med do
gang gis kyang gtan la mi phebs so
mtshon du med do
shes pa'i yul du byar med do
des ni 'khor ba mi mthong
'khor bas de nyid mi mthong ngo
des ni chos mi spyod do
chos kyis de'i don mi rtogs so
219
de ni 'khor ba min no
mya ngan las 'das pa min no
gzhi min no
snang ba min no
mun pa min no
lam ma yin no
bgrod pa med do
mi bgrod pa med do
'bras bu ma yin no
spangs pa ma yin no
thob pa ma yin no
de ni rtig pa'i dbyings chen po zhes bya'o
de las lhun grub rin po che'i snang lugs byung ste
de ni sangs rgyas pas chos thams cad 'byung ba'i gzhi zhes bya'o
de las ni sangs rgyas byung ngo
sems can byung ngo
ye shes byung ngo
'od byung ngo
rig pa byung ngo
ma rig pa byung ngo
las thams cad byung ngo
thugs rje byung ngo
yod pa ltar snang ba byung ngo
de la ni ngo bo yod do
rang bzhin ltar snang ba yod do
thugs rje ltar snang ba yod do
220
rtsal yod do
snang ba yod do
sems yod do
yid yod do
'khrul pa yod do
ma 'khrul pa yod do
thams cad 'byung ba chen po'o
de ni sangs rgyas dang
sems can gyi dbyings chen po zhes bya'o
de las longs sku'i snang lugs byung ste
de ni lam mngon par snang ba'i gzhi zhes bya'o
de yang gsal ba
dro ba
bsil ba
yangs pa
g.yo ba'i bdag nyid 'dzin pa
sku lnga dang ldan pa
ye shes lnga dang ldan pa
rigs lnga dang ldan pa
kha dog lnga dang ldan pa
'od lnga dang
yab lnga dang
yum lnga dang
gzugs lnga dang
sgra lnga dang
dri lnga dang
ro lnga dang
reg bya lnga dang
chos lnga dang
snang ba lnga dang
gtso bo lnga dang
'khor lnga dang ldan pa'o
de yang mtshan bzang po sum cu rtsa gnyis dang ldan pa
dpe byad bzang po brgyad cu dang ldan pa
spangs pa'i chos drug dang ldan pa'o
de ni longs sku'i snang lugs de dang de las byung ba'i 'brel pa'o
de'i snang ba las rang bzhin sprul pa sku'i snang ba dang
221
'gro ba 'dul ba sprul pa sku'i snang lugs dang
ma dag pa sprul pa sku'i snang lugs chags so
de yang rang bzhin sprul pa'i sku ni
ngo bo lhun grub las shar ba'o
rang bzhin sprul pa'i sku de'i snang lugs ni
longs spyod mi zad pa
'khor mi zad pa
yon tan zad mi shes pa
stobs zad mi shes pa
rtsal zad mi shes pa
cho 'phrul zad mi shes pa
tshe'i tshad grangs med pa
nad kyi sdug bsngal thams cad dang bral ba
gzhal yas khang bsam gyis mi khyab pa
chos bsam gyis mi khyab pa sgrogs pa'o
de ni rang bzhin sprul pa sku'i snang lugs zhes bya'o
de las 'gro ba 'dul ba'i sprul pa'i sku byung ngo
de yang sna tshogs snang ba la sna tshogs kyi don shes pa'o
snang yang rjes su ma chad pa'o
snang yang rjes su mi zhen pa
mig rnam par dag pa mnga' ba
stan rnam par dag pa mnga' ba
shangs rnam par dag pha mnga' ba
ljags rnam par dag pa mnga' ba
sku rnam par dag pa mnga' ba
gsung rnam par dag pa mnga' ba
thugs rnam par dag pa mnga' ba
thugs rje'i mdzad pa sna tshogs ston pa
222
ye shes khyad par can mnga' ba
mkhyen pa ma 'gags pa kun tu snang ba'o
de ni 'gro ba 'dul ba'i sprul pa'i sku'o
de las ma dag pa'i 'jig rten gyi khams chags so
de yang 'di ltar snang ba chen po ste
phyi snod 'byung ba lnga'i dkyil 'khor chags pa las
sa dang
chu dang
me dang
rlung dang
'byung ba chen po nam mkha' srid do
de la 'dzin pa'i bsam pa brjod kyis mi langs pa dang
'dod chags dang
zhe sdang dang
gti mug dang
nga rgyal dang
phrag dog dang
khong khro dang drug go
de la 'gro ba rigs drug skye ba byung ngo
phrag dog las mi ru chags so
khong khro las lha ru chags so
nga rgyal las lha ma yin chags so
'dod chags las yi dags su chags so
gti mug las byol song du chags so
zhe sdang las dmyal bar chags so
de bzhin du rigs drug gis snang ba chags so
de ni 'khor ba'i gnas so
de yang gnas lugs chen po gcig la snang lugs chen po bzhi ltar byung ngo
gnas lugs bzhi las snang thabs bzhi ltar shar ro
223
de nas ma byas pa'i snang ba'i 'khor gyis
ma bskyod pa'i rig pa la zhus pa
kye snang ba'i thabs rnams gsung du gsol
zhes zhus so
bka' stsal pa
snang thabs chen po bzhi ni
lhun grub las sna tshogs su snang ba'o
longs sku la kha mig rna ba can 'od kyi rang bzhin sgyu ma'i skur gnas pa'o
sprul sku la gzugs ltar snang ba'o
sems can la snang ba tha dad du snang ba'o
de yang sems can la snang ba snang thabs kyis bsgribs pa'o
zhes bkra shis mdzes ldan dpal nam mkha' med pa'i rgyud las
gnas lugs dang snang lugs bstan pa'i le'u ste gsum pa'o
@4
de nas yang bcom ldan 'das rig pa chos sku chen po la
snang ba yum gyi skus 'di skad ces gsol to
kye ma rig pa'i ye shes sku
mthar thug lta ba gsung du gsol
zhes zhus so
yang rig pa chos 'byung shes rab kyis dka' stsal pa
kye ma nyon cig yang dag gsang ba'i yum
don gyi thugs rje chen po rnams
yang dag sangs rgyas mthar thug dang
dgongs pa'i don la mthar thug dang
224
yang dag lta ba'i mthar thug dang
mtshan ma tshig gi mthar thug go
e ma ho
yang dag mthar thug ngas bshad kyis
snang ba dam pa'i 'khor rnams nyon
sangs rgyas dgongs pa mthar thug ni
rig pa'i bzhag thabs nyid la thug
dgongs pa'i don la mthar thug ni
dbyings kyi sgron ma nyid la thug
yang dag lta ba'i mthar thug ni
lu gu rgyud kyi sku la thug
mtshan ma tshig gi mthar thug ni
rang shar chen po'i rgyud la thug
rgyud rnams kun gyi mthar thug ni
seng ge rtsal rdzogs chen po dang
yi ge med pa'i rgyud la thug
lung rnams kun gyi mthar thug ni
bdud rtsi thal sbyor lung chen dang
gsang ba dbang rdzogs lung la thub
yang gsang thugs kyi dkyil 'khor nas
nor bu dri ma med pa'i sku
yang dag mthar thug rdzogs pa'o
kye ma snang mdzad yul gyi rtog med nas
gsang sngags bdag po a li ka
chos kyi sgra ni gnyis med pas
sems can blo la bsam mi khyab
gsang sngags nges don bsdus pa ni
gsang ba bcu bdun nyid du bstan
lta ba gsang rdzogs chen po las
225
gnyis med dag pa'i mkha' klong la
yang dag gter chen 'di gsungs pas
chos kyi sku dang mnyam par sbyor
gsang ba rig pa'i skur bstan pas
ka dag nyid dang lhan cig sbyor
sangs rgyas nyid kyi lta stangs ni
cog bzhag bzhi dang lhan cig sbyor
yang gsang thugs kyi me long ni
sgron ma nyid dang lhan cig sbyor
sangs rgyas sku yi rgyan nyid dang
chen po lnga dang lhan cig sbyor
rang bzhin nyid kyi dbyings nyid la
rtog pa'i rgyal po bsam mi khyab
sku gsum gsang sngags a nyid las
chos sku'i thig le nyag gcig la
bya byed med pa'i sku nyid las
mdzes pa'i dkyil 'khor bsam mi khyab
sangs rgyas kun gyi mes chen po
sku dang ye shes 'gag med pas
mtshon pa'i yi ge tshig las 'das
rig pa'i sku la gnyis med do
sems can blo la bsam yas shing
dgongs pa nyag gcig rang sangs pas
bsam pa'i yul la sngar snang zhing
thog ma'i mgon po 'od dpag med
zhing khams dag pas sku gsum gsal
mgon po dri med dag pa las
226
'od snang dag pa'i kha dog gsal
sku yi snang ba chen po ni
rang bzhin snang ba ma 'gags pa'o
gsang sngags byung tshor ma 'gags pas
mgon po rdo rje 'od dpag med
thog ma'i lus kyi snang ba las
'khrul pa' pa'i snang ba bsam las 'das
dkyil 'khor chos nyid bsam yas las
'du 'phro'i spyod pa bsam yas so
de nas yang snang ba'i 'khor 'byung ba'i yum dang bcas pas
'di skad ces gsol to
kye ma gsad ba rig pa'i mnga' bdag chen po
bdag cag snang ba dam pa'i rigs rnams la
yang dag pa'i ye shes gsang ba dam pa rnams gsungs shig
yang bka' stsal pa
rig pa'i snang ba chen po 'di la
dogs bcas na mi mthong ngo
spang thob bcas na mi mthong ngo
yid du bzung na mi mthong ngo
de'i phyir na yang dag pa'i chos nyid la
rtsol bsgrub kyis mtha' dang bral bar bstan pa'o
zhes bkra shis mdzes ldan chen po
dpal nam mkha' med pa'i rgyud chen po las
mtha' gsang ba'i le'u ste bzhi pa'o
@5
de nas yang rig pa'i snang ba dam pa nyid
ma bzhugs pa'i gdan las bzhengs nas
227
rang gi snang ba chen po 'di smras so
kye snang ba chen po 'dus pa'i khor rnams nyon cig
yang dag rdzogs pa'i sangs rgyas kyi ye shes la
gsal 'grib med par zung zhig
sangs rgyas kyi sku la che chung med par zung zhig
sangs rgyas kyi gsung la bden rdzun med par zung zhig
sangs rgyas kyi thugs la rtog pa med cing dran byed med par zung zhig
kye rang bzhin gyi snang ba bsam gyis mi khyab ste
chos kyi sku'i snang ba la bsgrub tu med do
longs sku'i ye shes la dpag tu med do
sprul sku'i shes rab la brjod du med do
de'i phyir sku gsum ngang la rdzogs pa'i 'bras bu zhes bya 'o
e ma ho
rdo rje sems dpa' nyid la gsal 'grib med kyang
sems can la 'khrul lugs bsam gyis mi khyab ste
rig pa nyid la 'khrul pa ngang gis yod pa ma yin no
'khrul pa med kyang 'khrul byed ma 'gags pas
'khrul pa ltar snang ba'o
gsang ba'i don la chos med kyang
sems can gyi blo la chos ltar snang ba'o
rig pa'i ye shes nyid la 'khrul rtog du mar snang bas chos la spyod cing chos ltar snang ba'o
228
yang dag pa'i chos kyi sku'i snang ba nyid las ma g.yos bzhin du
chos kyi sku'i ye shes kyi snang ba rnams
mtha' ma 'gags pa'i spyod yul du mar snang ba'o
yang dag pa'i chos kyi sku bsam pa las 'das kyang
sems can blo'i dri ma bsam pa dang bcas pas
bsam pa rang ka mar spyod cing
bsam pa'i rjes su 'brang ba'o
yang dag pa'i sku bsam pa'i dngos pos stod ste
bya byed kyi 'khrul pa rang dag pa'o
rig pa'i sku nyid sems can la rang chas te
'byung bzhi kun la gnas bas kun tu spyod do
kun tu snang zhing kun la gsal cha ma 'gags pa'o
kun la mang por 'char zhing
da ltar du 'du 'bral med pa'o
'od khyim gyi tshul du 'char zhing snang ba ma 'gags pa'o
kye ma gsang sngags kyi mtha' rang gi rig pa'i sku rnam par dag pa'o
chos thams cad kyi mtha' ni mi spyod pa'i spyod pa chen po la thug go
blta ba thams can kyi mtha' ni
lta ru med pa'i snang ba rgyas 'debs chen po la thug go
dgongs pa thams cad kyi mtha' ni
bsgom du med pa'i rang snang chen po la thug go
229
spyod pa thams cad kyi mtha' ni
ma bcos shing bya byed dang bral ba la thug go
sku thams cad kyi mtha' ni
lu gu rgyud la thug go
snang ba thams cad kyi mtha' ni
yul med pa'i gdangs chen po la thug go
dam tshig thams cad kyi mtha' ni
bsrung du med pa'i bsrung mtshams chen po la thug go
phrin las thams cad kyi mtha' ni
bsgrub tu med pa'i grub pa chen po la thug go
phyag rgya thams cad kyi mtha' ni ma bsgyur bar ye nas rdzogs pa la thug go
dkyil 'khor thams cad kyi mtha' ni rtsa ba dbyings kyi sgron ma la thug go
yig 'bru thams can kyi mtha' ni
ma bskyed pa'i rang byung chen po la thug go
lha'i sku thams cad kyi mtha' ni
yangs pa nyid la rang byung ba la thug go
chos sku'i mtha' ni bsam pa med cing rang rdzogs pa la thug go
longs sku'i mtha' ni
rang gi snang ba'i phyogs sad pa la thug go
sprul sku'i mtha' ni thugs rje'i go ma 'gags pa la thug go
kye ma skye shi med par srog 'dzin par 'dod na
mi 'gyur ba rdo rje'i sku longs shig
'gag pa med par rang grol bar 'dod na
230
rang smang chos nyid kyi yul la ltos shig
skye 'gri ba med pa'i dgongs pa la gnas par 'dod na
dbyings rnam par dag pa'i sgron ma la ltos shig
rdo rje sems dpa'i sku la blta bar 'dod na
rig pa lu gu rgyud kyi sku zung zhig
yangs pa snang ba kun tu 'char zhing kun la snang ba'o
gsang ba'i ye shes kun tu snang ba la mkhas pa
chos kyi sku'i ngo bo zang thal
longs sku'i ngo bo gsal dangs
sprul sku'i ngo bo mngon par snang ba
ngo bo nyid kyi sku rang byung ba
sangs rgyas kun gyi rdo rje dril bu sku'i ngo bo dang bcas pa rang gis snang ba
glu'i tshig dang bcas pa 'di gsungs so
de yang thabs kyi snang ba dus gcig la rdzogs pas
yang dag par rdzogs pa'i sangs rgyas rdzogs pa chen po 'dir
rig pa mngon sum la gzigs pa'o
thig le nyag gcig chos kyi sku'i ngang las ma g.yos shing
de'i snang ba las kun gsal lo
thugs rjes thams cad 'dzin cing
dbyings su 'dzin par byed pa'o
sangs rgyas kyi 'od zer gyis 'gor ba phal pa brgyal te
snang mi nus pa'o
231
e ma ho
sngon byung gi dus na sangs rgyas 'do srungs chen po zhes bya ba zhig la snang ba chen po brgya stong dang ldan pa'i mchod rten
shin tu brtsegs legs la gsal ba
mtho ba la srid pa'i rtse mor sleb pa la
rgya stong gsum 'jig rten gyi skye 'gro yongs la khyab pa
rtsa ba ni na rag chen po'i dmyal ba'i khams la thug pa
chung ba'i tshad ni til 'bru brgyar bsgos pa'i tshad tsam
yangs pa'i mtha' ni
nam mkhas gang du khyab pa tsam
gsal ba'i tshad ni nyi zla sprin gyis ma bsgribs pa lta bu
thogs pa med pa rlung lta bu gcig yod pas
de la thams cad kyis mchod 'os su mthong ste
las sna tshogs kyis sgo nas mchod pa cher byas pas
gang la yang dngos grub ma byung ste
de'i tshe rang snang gi bu mo dang
gsal bar rang snang gi khye'u gnyis 'dus nas
mchod pa'i las gcig gis skad cig ma la sangs rgyas so
zhes bkra shis mdzes ldan dpal nam mkha' med pa'i rgyud chen po las
dbang po kun sang gi 'khrul gzhi bstan pa'i le'u ste lnga pa'o
bkra shis mdzes ldan dpal nam mkha' med pa'i rgyud kyi rgyal po rdzogs so
232
zab rgya
spas rgya
gtad rgya
dpal sngags srung gi rgyal mo e ka tsa tis srungs shig
rgya rgya rgya
'grel pa sgron ma 'dus pa bya ba yod de
bkra shis mdzes ldan nyid lam bu dgu
dge'o dge'o dge'o