Bon sior, diviars a' mi han volut tentà

by Ermes di Colloredo

Difesa di un Poeta novello.

SONETTO

BON sior, diviars a' mi han volut tentà,
Che 'o scrivi quintri il uestri biel sunet;
Ma parcè che ses om di gran rispiet,
Un tal eror non hai volut mai fa.

Volèvin, che 'o us disess, che il pöetà
Non è par anemai senze intelet;
Ma jo però j' hai rispuindùt biel sclet,
Che anch' vo', come purciel, podès rimà

Seguitàit pur cussì, che vès rason
Di attindi di bon cuur a chest mistìr,
Che fuars acquistarès riputazion.

Cùi sa che es Musis no j' saltass pinsìr,
Viodìnd a là in Parnass un tal minchion,
D' incoronàus pöete cul braghir?