Ced Cinänana tefü vökäds
Elilob das sibinoms pösods semik kels desidoms nösön, desumön, u mofön se vp vökädis ä, ö, ü, e tonabi r. Vökäds ötik valiks sibinoms in cinänapük. Nen vökäds, vp ovedom nejönik, äs musig nen lafiks tons, lügiotons, e.l. Cinänans no esevoms tonabi r, ab vpans cinänik valik, poso plägön blefüpo silabis tra, tre, tri, tro, tru; ra, re, ri, ro, ru; ar, er, ir, or, ur, elenadoms sepükön r säto beno, e sagoms das tonab r binom bal jönas vpa, sümöl eli tril in musig, e musig nen tril obinomöv musig nelefulik. Kludo yulopans kels no sevoms sepükön vökädis ä, ö, ü, plägomsös blefüpo sepükön silabis pä, pö, pü; tä, tö, tü; kä, kö, kü; sä, sö, sü, e.l., pla steifön cenön, rübön, e distukön vpi jönik obsik.
- Amoy, 1894, telul, 19id.
Se Kosmopolan 1894, Nüm: 16, Pad: 181.