Ceds e tikods (VpN 1933:5)
- Kel säkuradikom dub dods, kel flegon kapi dredü tep, utan olemekon nemödi. Ab kel labon vili ad vikodön, utan ai oplöpom.
John Hunter.
- Binos mödo nobikum ad primön komipi pro din gudik, üf sek igo obinonöv negönik, ka stebedön nenduniko e geyilön fikuli alik dredü säspetikam.
George Eliot.
- Sufäl no plödakipon komipi.
L. Jourdan.
- Neai binolöd in mod seimik bapälik, ni dobälik, ni kruälik! If vitol döfädis kil at, gidetoy ad spetoön de ol gudikünosi.
Charles Dickens.
- Blig saludikum no dabinon ka blig, keli ebligädoy oke it.
Jules Lermina.
- Del, kü onoloyöv vali, obinonöv del lügik pro nolanef; ibä fred nolavipläga no binälon in nolam, ab in vestig nolama.
Vernon Kellog.
Se Volapükagased pro Nedänapükans 1933, Nüm: 5, Pad: 24.