Conësces' la tera, olache limuns florësc
Conësces' la tera, olache limuns florësc.
Conësces' la tera, olache limuns florësc,
Olach' i aranci sot la fëia assá crësc,
Olache bel bröm é le cil, lapró n pice vënt,
Olache l'aloro y le mirto ciara a jënt?
Conësces' chëra tera?
Iló! Dailó
Cun te, mi bel chestian, me messesses' tó.
Conësces' la ciasa? Mermo tëgn sö le tët,
La stüa slomina; döt tigní bel nët,
Les statues de mermo ciara tres sö de me:
Mia püra möta, dí, t'án fat val' me?
Conësces' chëra ciasa?
Iló! Dailó
Cun te, mia guardia, me messesses' tó.
Conësces' la munt? Tl nio la sëmena pé,
Fadia se fej 'ci le mül iló a pesté;
Le dragun te na tana stá, cun ël süa coa;
Crepuns y rüs vëgn jö che döt vá en roa.
Conësces' tö la munt?
Iló! Dailó
Cun te, mi pere, sigü me mësses' tó.