Descrizion d'ona villeggiatura ciamada El Rogoree
Francesch Girolom Coeuri (1713–1796)
Descrizion d'ona villeggiatura ciamada El Rogoree
A dì pocch el sarà pu de trii agn
che m'è scappaa la vœuja de fà vers,
e i aveva già traa dedree ai calcagn
perchè hoo già faa el mè cunt che l'è temp pers;
ma sta vœulta me trœuvi in d'on impegn:
vuj andann fœura e fà vedè el mè ingegn.
L'impegn, per vegnì ai curt, l'è de lodà
ona bella delizia, de campagna
d'on tal sur Peregh, mè padron de cà,
dove st'ottober sont staa a fà cuccagna
senza dolor de coo, senza cuntee;
sto lœugh el se domanda El Rogoree.
[...]