Donzela, iö à l' onur de ves fà mi complimënt
Donzela, iö à l' onur de ves fà mi complimënt
Donzela, iö à l' onur de ves fà mi complimënt.
Ći azidënt favorevol ves mëna mo achilò?
Iö sun vegnüda per ves reverì.
Perdonéme sce iö à tralascè de fà mi dovér.
Ël é bele plü de n mëis, che iö n' à avü le favor de ves odëi.
Avëis bëin rajun de me rejié.
Vosta negligënza meritass, ch' iö fosse dessenada con vos.
No, ne sëise dessenada, iö ves impermëte de vegnì da desëin inlà plü gonot a ves ciafè.
Él bele die, che n' avëis odü nia Signur J.?
Inte le vegnì achilò l' ài odü dalunc; iö i sun corüda incuntra, mo inte un momënt l' ài perdü de vista.
Ël é n feter cristian!
Na caricatüra sco chëla n' ài mai odü iö.
Ël ne dëura mai la boćia, che a spëises d' atri.
Ël ne rajona, che cosses da stofé, e é n capital scrocun.
An mëss compatì le püre stënta, ël é n pü' stletorin.
Iö mësse jì desëin.
Co? Vorëise bele m' abandonè?
I à ćiamò tröpes cosses da fà chëst danmisdé, e ël é bele tert.
Ne ves desmentiede de vegnì a me ciafè, sce vostes fascendes ves lascia, e sëise sigüda, che vosta vijita me sarà sëmper cara.
Areveder!
Bun apetit!