Epitafio di Francesco Petrarca
Gioann Bressan (1489-1560)
Epitafio di Francesco Petrarca
(1523)
Al fo sotrat chilò in sto mulimet
quel chi fè per amor tag bei soneg
e chi sentiva a meza stat ol freg
e 'l cold al tep, che'l nas gota alla zet,
e chi da lonz brusava, e da redet
giazava, ol volt redied, la gola, e 'l peg
de quela xi stinada chi n'haveg
ma' compasió per fal impó contet.
Hivi pensat d'volil a' mi lodà
e faga con sti vers impó d'honor
ma vec cha i è piutost da fà grignà
Ixì cha voi lagà stà 'mprisa a clor
chi se delecta sno parlar zentilo
che quest lenguag non è così sutilo.