Glosa

nadpis	Glosa
awtor	Jakub Bart-Ćišinski
lěto
žórło	http://texty.citanka.cz/
licenca	public domain
nota	stary prawopis

    Tole wobsah drobnoh' spiska:
    Lachmanow a knježkow hidźu,
    hdyž jich w směšnych rejach widźu
    stupać w taktu, kaž so piska.

    Połne khwalbow wšě su huby -
    Widźu mudrocha a błaznja
    Přezjedneju; prěnja kaznja:
    Z wjelkami wuć z jednej' truby.

    Rozkaz hrozny knjez jim ćiska;
    Jednych košić, druhich kusać,
    Z jednym žrać a z druhim tusać ...
    Wěc mi stajnje běše nizka.

    Na mnje zrěca so, zo hruby
    Sy m, hdyž prajach-łžě njej' trjeba,
    Mužow hańba to, nic deba -
    A tak mnohim nieběch luby.