Gzhi lam 'bras bu'i smon lam

@#/[ ]/rdzogs pa chen po'i gzhi lam 'bras bu'i smon lam bzhugs so/[ ]/
[ ]
@#[ ]gzhi lam 'bras bu'i smon lam/[ ]/

klong chen snying gi thig le las:
gzhi lam 'bras bu'i smon lam bzhugs so/[ ]/

dpal kun tu bzang po la phyag 'tshal lo:

gdod ma'i gnas lugs rang bzhin spros dang bral:
yod pa ma yin rgyal bas 'di ma gzigs:
med pa ma yin 'khor 'das kun gyi:
'gal 'du ma yin brjod bya'i yul las 'das:
rdzogs chen gzhi yi gnas lugs rtogs par shog:

ngo bo stong bas rtag pa'i mtha' las grol:
rang bzhin gsal bas chad pa'i mu dang bral:
thugs rje 'gag med sna tshogs sprul ba'i gzhi:
gsum du dbye yang don la tha mi dad:
rdzogs chen gzhi yi gnas lugs rtogs par shog:

bsam gyis mi khyab sgro 'dogs kun dang bral:
yod dang med pa'i phyogs 'dzin rnam par zhig:
'di don brjod la rgyal ba'i ljags kyang rdugs:
thog mtha' bar med gting klas chen po'i dbyings:
rdzogs chen gzhi yi gnas lugs rtogs par shog:

rang ngo rnam dag skye med ka dag la:
lhun grub 'dus ma byas pa'i gdangs shar ba:
gud du ma bzung rig stong zung 'jug cher:
rtogs par gzhi yi dgongs pa tshad du phyin:
lam gyi gnad la gol 'phyugs med par shog:

ye nas dag pas lta ba'i ming yang med:
rang ngo rig pas sgom rgyu'i shub nas bton:
bza' gtad med pas spyod pa'i sgrog dang bral:
rang bzhin lhun zhugs spros bral rjen pa'i ngang :
lam gyi gnad la gol 'phyugs med par shog:

bzang ngan rnam rtog phyogs su ma lhung zhing :
btang snyoms lung ma bstan du ma 'byams par:
shar grol ris med rgya yan lhun 'byams klong :
spang blang ye zad rang bzhin yongs shes ngang :
lam gyi gnad la gol 'phyugs med par shog:

thog ma'i spyi gzhi nam mkha' lta bu'i ngang :
gzhi snang rig pa mkha' la sprin dengs bzhin:
phyi gsal shes pa nang du ldog pa las:
khyad chos drug ldan gzhon nu bum sku'i sbubs:
'bras bu'i rgyal po btsan sa zin par shog:

ye nas rang rig kun tu bzang po la:
thob bya'i zhe 'dod mtha' dag dbyings su yal:
bya rtsol blo 'das rdzogs pa chen po'i gshis:
dbyings rig kun tu bzang po'i mkha' klong sbubs:
'bras bu'i rgyal po btsan sa zin par shog:

rab tu mi gnas dbu ma chen po'i don:
khyab gdal lhun 'jam phyag rgya chen po'i ngang :
mtha' grol klong yangs rdzogs pa chen po'i gnad:
sa lam yon tan gzhir rdzogs lhun grub sbubs:
'bras bu'i rgyal po btsan sa zin par shog:

thugs bcud klong chen zab brgya yi:
mtha' sdud smon lam zab mo 'di:
bka' srung drang srong ra hu las:
ban+de'i tshul gyis bskul nas bkod:
zab don spel ba don yod cing :
rten 'brel smon lam mthar phyin phyir:
nam mkha'i snying pos byin rlabs pa'i:
kong smyon sbas pa'i rig 'dzin la:
zab rgya bkrol te gtad rgya byas:
'gro don nam mkha' mnyam par shog:
dge'o/[ ]/