Igl emigrànt
Igl emigrànt
Jou fetsch egn grànd vieadi
par teara a par mar
tgi sa sch'igl Segnar gida
ca possi ànc turnar?
5Adia tgear bab a mamma
adia tgears fardagliùns
ti legra giuvantegna
vus tuts meas cumpagnùns.
Adia vus crests a tschaingals
10ti grànd a beal cumegn
vus bots a laigs ad aclas
ear tei mieus Piz Bavragn.
Cugl cor plagn da tristeztga
da tuts cumgieu jou prend,
15jou saint sco melli forzas
mi tiran liansch davent.
La California tgòlda
clamo â tànts digls noss,
igls quals tiar nus an patria
20catavan nign ruos.
Ear egna matta tgeara
sto jou abandunar.
Mo tge dalur ardainta
ad ell'igl màn da dar.
25Jou fetsch egn grànd vieadi
par teara a par mar.
Tgi sa sch'igl Segnar gida,
ca possi ànc turnar?
|
This work is in the public domain in countries where the copyright term is the author's life plus 70 years or less. See Copyright.
|