Jv/Alkitab/Purwaning Dumadi/31

^31:1 ​꧊ꦪꦏꦸꦧ꧀ꦠꦲꦸꦏꦿꦸꦔꦸꦲꦤꦏ꧀ꦲꦤꦏ꧀ꦏꦺꦭꦤꦁ​꧊ꦭꦧꦤ꧀ꦥꦝꦫꦱꦤ꧀ꦤꦤ꧀ꦩꦼꦁꦏꦺꦤꦺ꧈​"​꧊ꦪꦏꦸꦧ꧀ꦏꦸꦮꦶꦔꦸꦫꦶꦏ꧀ꦏꦶꦧꦫꦁꦢꦂꦧꦺꦏ꧀ꦏꦺꦧꦥꦏ꧀;ꦲꦺꦴꦭꦺꦃꦲꦺꦱꦸꦒꦶꦃꦏꦸꦮꦶꦫꦏ꧀ꦩꦼꦂꦒꦔꦏꦭ꧀ꦭꦶꦧꦥꦏ꧀꧉"​

^31:2 ​꧊ꦪꦏꦸꦧ꧀ꦲꦸꦒꦏꦿꦱꦪꦺꦤ꧀ꦲꦸꦭꦠ꧀ꦠꦺ​꧊ꦭꦧꦤ꧀ꦮꦶꦱ꧀ꦲꦺꦴꦫꦱꦸꦩꦺꦃꦏꦪꦱꦧꦼꦤꦺ꧉​

^31:3 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦔꦤ꧀ꦢꦶꦏꦩꦫꦁ​꧊ꦪꦏꦸꦧ꧀꧈​"ꦩꦸꦭꦶꦃꦲꦩꦼꦚꦁꦤꦼꦒꦫꦤꦺꦧꦥꦏ꧀ꦩꦸꦭꦤ꧀ꦱꦤꦏ꧀ꦱꦼꦢꦸꦭꦸꦂꦩꦸ꧉​ꦲꦏꦸꦧꦏꦭ꧀ꦔꦤ꧀ꦛꦶꦏꦺꦴꦮꦺ꧉"​

^31:4 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ​꧊ꦪꦏꦸꦧ꧀ꦧꦚ꧀ꦗꦸꦂꦔꦗꦏ꧀​꧊ꦫꦲꦺꦭ꧀ꦭꦤ꧀​꧊ꦭꦺꦪꦉꦩ꧀ꦧꦸꦒꦤ꧀ꦲꦤꦲꦶꦁꦥꦔꦺꦴꦤ꧀ꦤꦤ꧀ꦤꦺꦮꦼꦝꦸꦱ꧀ꦮꦼꦝꦸꦱ꧀꧉​

^31:5 ꦏꦤ꧀ꦝꦤꦺ​꧊ꦪꦏꦸꦧ꧀꧈​"ꦢꦏ꧀ꦱꦮꦁꦏꦪꦏꦪꦧꦥꦏ꧀ꦩꦸꦱꦲꦶꦏꦶꦮꦶꦱ꧀ꦲꦺꦴꦫꦱꦼꦤꦼꦁꦏꦫꦺꦴꦲꦏꦸ꧉​ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦱꦶꦁꦢꦶꦱꦼꦩ꧀ꦧꦃꦧꦥꦏ꧀ꦏꦸꦔꦤ꧀ꦛꦶꦲꦏꦸ꧉​

^31:6 ꦏꦺꦴꦮꦺꦥꦝꦔꦼꦂꦠꦶꦝꦺꦮꦺ꧈​ꦪꦺꦤ꧀ꦲꦼꦁꦒꦺꦴꦤ꧀ꦏꦸꦚꦩ꧀ꦧꦸꦠ꧀ꦒꦮꦺꦏꦁꦒꦺꦴꦧꦥꦏ꧀ꦩꦸꦲꦶꦏꦶꦲꦺꦴꦫꦧꦲꦺꦤ꧀ꦧꦲꦺꦤ꧀꧈​ꦲꦏꦸꦔꦼꦠꦺꦴꦒ꧀ꦠꦼꦤꦒꦏꦸꦠꦼꦩꦼꦤ꧀ꦤꦤ꧀꧉​

^31:7 ꦲꦺꦮꦱꦼꦩꦺꦴꦤꦺꦴꦧꦥꦏ꧀ꦩꦸꦔꦥꦸꦱ꧀ꦱꦶꦲꦏꦸꦭꦤ꧀ꦲꦺꦴꦥꦃꦏꦸꦢꦶꦒꦺꦴꦤ꧀ꦠꦒꦤ꧀ꦠꦶꦫꦩ꧀ꦧꦃꦥꦶꦁꦱꦼꦥꦸꦭꦸꦃ꧉​ꦠꦸꦗꦸꦤꦺꦒꦸꦱ꧀ꦠꦶꦄꦭ꧀ꦭꦃꦲꦺꦴꦫꦩꦉꦁꦔꦏꦺꦪꦺꦤ꧀ꦲꦏꦸꦔꦤ꧀ꦠꦶꦫꦸꦒꦶ꧉​

^31:8 ꦤꦭꦶꦏ​꧊ꦭꦧꦤ꧀ꦏꦤ꧀ꦝꦏꦫꦺꦴꦲꦏꦸ꧈​‘ꦮꦼꦝꦸꦱ꧀ꦱꦶꦁꦲꦤꦧ꧀ꦭꦼꦤ꧀ꦠꦺꦴꦁꦔꦺꦏꦸꦮꦶꦱꦶꦁꦢꦢꦶꦲꦺꦴꦥꦃꦩꦸ꧈’​ꦧꦚ꧀ꦗꦸꦂꦮꦼꦝꦸꦱ꧀ꦏꦧꦺꦃꦲꦁꦒꦼꦂꦩꦤꦏ꧀꧈​ꦲꦤꦏ꧀ꦏꦺꦲꦤꦧ꧀ꦭꦼꦤ꧀ꦠꦺꦴꦁꦔꦺ꧉​ꦤꦭꦶꦏ​꧊ꦭꦧꦤ꧀ꦩꦸꦤꦶ꧈​‘ꦮꦼꦝꦸꦱ꧀ꦱꦶꦁꦭꦺꦴꦫꦺꦁꦏꦸꦮꦶꦢꦢꦶꦲꦺꦴꦥꦃꦩꦸ꧈’​ꦤꦸꦭꦶꦱꦏꦺꦃꦲꦶꦁꦮꦼꦝꦸꦱ꧀ꦱꦶꦁꦩꦤꦏ꧀꧈​ꦲꦤꦏ꧀ꦏꦺꦭꦺꦴꦫꦺꦁ꧉​

^31:9 ꦩꦼꦁꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦲꦼꦁꦒꦺꦴꦤꦺꦩꦸꦤ꧀ꦝꦸꦠ꧀ꦫꦗꦏꦪꦤꦺꦧꦥꦏ꧀ꦩꦸꦭꦤ꧀ꦢꦶꦥꦫꦶꦁꦔꦏꦺꦲꦏꦸ꧉​

^31:10 ꦤꦭꦶꦏꦩꦁꦱꦤꦺꦮꦼꦝꦸꦱ꧀ꦥꦝꦏꦮꦶꦤ꧀ꦤꦤ꧀꧈​ꦲꦏꦸꦱꦗꦿꦺꦴꦤꦶꦁꦲꦶꦩ꧀ꦥꦺꦤ꧀ꦮꦼꦫꦸꦃꦏꦧꦺꦃꦮꦼꦝꦸꦱ꧀ꦭꦤꦁꦱꦶꦁꦏꦮꦶꦤ꧀ꦤꦤ꧀ꦏꦸꦮꦶꦫꦸꦥꦤꦺꦭꦺꦴꦫꦺꦁꦭꦺꦴꦫꦺꦁ꧈​ꦲꦸꦠꦮꦲꦤꦧ꧀ꦭꦼꦤ꧀ꦠꦺꦴꦁꦔꦺꦭꦤ꧀ꦲꦤꦠꦸꦠꦸꦭ꧀ꦭꦺ꧉​

^31:11 ꦲꦶꦁꦱꦗꦿꦺꦴꦤꦶꦁꦲꦶꦩ꧀ꦥꦺꦤ꧀ꦩꦲꦸꦩꦭꦲꦺꦏꦠ꧀ꦠꦺꦄꦭ꧀ꦭꦃꦔꦤ꧀ꦢꦶꦏꦩꦫꦁꦲꦏꦸ꧈​‘​꧊ꦪꦏꦸꦧ꧀’꧍​ꦲꦏꦸꦩꦁꦱꦸꦭ꧀ꦭꦶ꧈​‘ꦏꦸꦭ꧈​ꦒꦸꦱ꧀ꦠꦶ’꧉​

^31:12 ꦩꦭꦲꦺꦏꦠ꧀ꦩꦲꦸꦧꦚ꧀ꦗꦸꦂꦤꦼꦫꦸꦱ꧀ꦱꦏꦺꦔꦤ꧀ꦢꦶꦏ꧈​‘ꦢꦼꦊꦁꦔꦼꦤ꧀꧈​ꦏꦧꦺꦃꦮꦼꦝꦸꦱ꧀ꦭꦤꦁꦱꦶꦁꦏꦮꦶꦤ꧀ꦤꦤ꧀ꦫꦸꦥꦤꦺꦭꦺꦴꦫꦺꦁꦲꦸꦠꦮꦲꦤꦧ꧀ꦭꦼꦤ꧀ꦠꦺꦴꦁꦔꦺ꧉​ꦏꦸꦮꦶꦢꦏ꧀ꦒꦮꦺꦩꦼꦁꦏꦺꦴꦤꦺꦴ꧈​ꦩꦼꦂꦒꦲꦏꦸꦮꦼꦫꦸꦃꦱꦥꦼꦁꦒꦮꦺꦤꦺ​꧊ꦭꦧꦤ꧀ꦩꦫꦁꦏꦺꦴꦮꦺ꧉​

^31:13 ꦲꦏꦸꦲꦶꦏꦶꦄꦭ꧀ꦭꦃꦱꦶꦁꦧꦶꦪꦺꦤ꧀ꦔꦼꦠꦶꦔꦭ꧀ꦩꦫꦁꦏꦺꦴꦮꦺꦲꦤꦲꦶꦁ​꧊ꦧꦺꦠꦺꦭ꧀;ꦲꦶꦁꦏꦤꦏꦺꦴꦮꦺꦧꦶꦪꦺꦤ꧀ꦔꦼꦢꦼꦒꦏꦺꦮꦠꦸꦏꦁꦒꦺꦴꦥꦼꦔꦺꦭꦶꦁꦲꦺꦭꦶꦁ꧈​ꦱꦶꦁꦏꦺꦴꦏ꧀ꦲꦼꦱꦺꦴꦏ꧀ꦏꦶꦊꦔꦗ꦳ꦲꦶꦠꦸꦤ꧀꧉​ꦲꦤꦲꦶꦁꦏꦤꦏꦺꦴꦮꦺꦮꦶꦱ꧀ꦏꦼꦭꦲꦶꦂꦗꦚ꧀ꦗꦶꦩꦸꦏꦫꦺꦴꦲꦏꦸ꧉​ꦱꦲꦶꦏꦶꦏꦺꦴꦮꦺꦩꦁꦏꦠ꧀ꦠ꧈​ꦧꦭꦶꦪꦩꦼꦚꦁꦤꦼꦒꦫꦏꦼꦭꦲꦶꦂꦫꦤ꧀ꦩꦸ!’"

^31:14 ​꧊ꦭꦺꦪꦭꦤ꧀​꧊ꦫꦲꦺꦭ꧀ꦧꦚ꧀ꦗꦸꦂꦥꦝꦩꦁꦱꦸꦭ꧀ꦭꦶ꧈​"ꦲꦏꦸꦫꦏ꧀ꦮꦶꦱ꧀ꦥꦝꦲꦺꦴꦫꦲꦉꦥ꧀ꦤꦩ꧀ꦥꦮꦫꦶꦱ꧀ꦱꦤ꧀ꦲꦥꦲꦥꦱꦏꦧꦥꦏ꧀꧉​ꦮꦶꦱ꧀ꦥꦝꦢꦶꦲꦁꦒꦼꦥ꧀ꦮꦺꦴꦁꦭꦶꦪ꧉​ꦲꦏꦸꦫꦏ꧀ꦮꦶꦱ꧀ꦥꦝꦢꦶꦲꦼꦢꦺꦴꦭ꧀꧈​ꦭꦤ꧀ꦥꦼꦥꦪꦺꦴꦤꦺꦫꦏ꧀ꦮꦶꦱ꧀ꦢꦶꦠꦩ꧀ꦥꦤꦶ꧈​ꦩꦭꦃꦮꦶꦱ꧀ꦢꦶꦲꦼꦤ꧀ꦠꦺꦏ꧀ꦏꦏꦺ꧉​

^31:15 ꦲꦏꦸꦮꦶꦱ꧀ꦥꦝꦢꦶꦲꦁꦒꦼꦥ꧀ꦮꦺꦴꦁꦭꦶꦪ꧉​ꦲꦏꦸꦫꦏ꧀ꦮꦶꦱ꧀ꦥꦝꦢꦶꦲꦼꦢꦺꦴꦭ꧀꧈​ꦭꦤ꧀ꦥꦼꦥꦪꦺꦴꦤꦺꦫꦏ꧀ꦮꦶꦱ꧀ꦢꦶꦠꦩ꧀ꦥꦤꦶ꧈​ꦩꦭꦃꦮꦶꦱ꧀ꦢꦶꦲꦼꦤ꧀ꦠꦺꦏ꧀ꦏꦏꦺ꧉​

^31:16 ꦏꦧꦺꦃꦧꦤ꧀ꦝꦱꦶꦁꦢꦶꦥꦸꦤ꧀ꦝꦸꦠ꧀ꦒꦸꦱ꧀ꦠꦶꦄꦭ꧀ꦭꦃꦱꦏꦧꦥꦏ꧀꧈​ꦏꦸꦮꦶꦢꦢꦶꦢꦸꦮꦺꦏ꧀ꦏꦸꦭꦤ꧀ꦢꦸꦮꦺꦏ꧀ꦏꦺꦲꦤꦏ꧀ꦲꦤꦏ꧀ꦏꦸ꧉​ꦮꦶꦱ꧀꧈​ꦠꦶꦤ꧀ꦢꦏ꧀ꦤꦲꦥꦱꦝꦮꦸꦃꦲꦺꦒꦸꦱ꧀ꦠꦶꦄꦭ꧀ꦭꦃ!"

^31:17 ​꧊ꦪꦏꦸꦧ꧀ꦧꦚ꧀ꦗꦸꦂꦠꦠꦠꦠ꧉​ꦲꦤꦏ꧀ꦭꦤ꧀ꦧꦺꦴꦗꦺꦴꦤꦺꦥꦝꦢꦶꦠꦸꦁꦒꦁꦔꦏꦺꦲꦸꦤ꧀ꦠꦤꦺ꧉​

^31:18 ꦏꦧꦺꦃꦫꦗꦏꦪꦤꦺꦭꦤ꧀ꦱꦼꦧꦫꦁꦢꦂꦧꦺꦏ꧀ꦏꦺꦲꦼꦁꦒꦺꦴꦤꦺꦲꦺꦴꦭꦺꦃꦲꦤꦲꦶꦁꦠꦤꦃ​꧊ꦩꦺꦱꦺꦴꦥꦺꦴꦠꦩꦶꦪꦢꦶꦒꦮꦭꦸꦔꦩꦼꦚꦁꦠꦤꦃ​꧊ꦏꦺꦤꦲꦤ꧀꧈​ꦥꦁꦒꦺꦴꦤ꧀ꦤꦤ꧀ꦤꦺ​꧊ꦆꦱ꧀ꦏꦏ꧀꧈​ꦧꦥꦏ꧀ꦤꦺ꧉​

^31:19 ꦤꦭꦶꦏꦱꦼꦩꦺꦴꦤꦺꦴ​꧊ꦭꦧꦤ꧀ꦭꦒꦶꦭꦸꦔꦚꦸꦏꦸꦂꦮꦼꦝꦸꦱ꧀ꦮꦼꦝꦸꦱ꧀ꦱꦺ꧉​​꧊ꦫꦲꦺꦭ꧀ꦧꦚ꧀ꦗꦸꦂꦚꦺꦴꦭꦺꦴꦁꦉꦕ꧈​ꦱꦶꦁꦏꦁꦒꦺꦴꦔꦽꦏ꧀ꦱꦲꦺꦴꦩꦃ꧈​ꦢꦸꦮꦺꦏ꧀ꦏꦺꦧꦥꦏ꧀ꦤꦺ꧉​

^31:20 ꦢꦺꦤꦺ​꧊ꦪꦏꦸꦧ꧀ꦔ꧀ꦭꦶꦩ꧀ꦥꦺꦏ꧀ꦏꦏꦺ​꧊ꦭꦧꦤ꧀꧈​ꦩꦸꦭꦩꦁꦏꦠ꧀ꦠꦺꦠꦤ꧀ꦥꦥꦩꦶꦠ꧀꧉​

^31:21 ꦭꦸꦔꦤꦺ​꧊ꦪꦏꦸꦧ꧀ꦏꦼꦱꦸꦱꦸꦱꦸꦱꦸ꧈​ꦔ꧀ꦒꦮꦱꦼꦧꦫꦁꦢꦂꦧꦺꦏ꧀ꦏꦺꦏꦧꦺꦃ꧉​ꦧꦉꦁꦮꦶꦱ꧀ꦚꦧꦿꦁꦧꦼꦔꦮꦤ꧀​꧊ꦌꦥ꦳ꦿꦠ꧀ꦭꦏꦸꦤꦺꦧꦚ꧀ꦗꦸꦂꦔꦼꦤꦼꦂꦲꦶꦁꦥꦼꦒꦸꦤꦸꦁꦔꦤ꧀​꧊ꦒꦶꦭꦺꦪꦢ꧀꧉​

^31:22 ꦊꦠ꧀ꦠꦼꦭꦸꦁꦢꦶꦤꦭꦒꦶꦲꦤꦱꦶꦁꦔꦤ꧀ꦝꦤ꧀ꦤꦶ​꧊ꦭꦧꦤ꧀ꦪꦺꦤ꧀​꧊ꦪꦏꦸꦧ꧀ꦭꦸꦔ꧉​

^31:23 ​꧊ꦭꦧꦤ꧀ꦧꦚ꧀ꦗꦸꦂꦔ꧀ꦭꦸꦩ꧀ꦥꦸꦏ꧀ꦏꦏꦺꦱꦤꦏ꧀ꦱꦼꦢꦸꦭꦸꦂꦫꦺꦢꦶꦲꦗꦏ꧀ꦤꦸꦠꦸꦠ꧀ꦠꦶ​꧊ꦪꦏꦸꦧ꧀꧉​ꦱꦮꦶꦱ꧀ꦱꦺꦥꦶꦠꦸꦁꦢꦶꦤ​꧊ꦪꦏꦸꦧ꧀ꦏꦼꦠꦸꦠꦸꦠ꧀ꦠꦤ꧀ꦲꦶꦁꦥꦼꦒꦸꦤꦸꦁꦔꦤ꧀​꧊ꦒꦶꦭꦺꦪꦢ꧀꧉​

^31:24 ꦤꦁꦔꦶꦁꦲꦶꦁꦮꦪꦃꦧꦼꦔꦶꦒꦸꦱ꧀ꦠꦶꦄꦭ꧀ꦭꦃꦔꦼꦠꦶꦔꦭ꧀ꦩꦫꦁ​꧊ꦭꦧꦤ꧀ꦭꦤ꧀ꦔꦤ꧀ꦢꦶꦏꦩꦼꦁꦏꦺꦤꦺ꧈​"ꦏꦺꦴꦮꦺꦲꦗꦮꦤꦶꦮꦤꦶꦔ꧀ꦒꦁꦒꦸꦒꦮꦺ​꧊ꦪꦏꦸꦧ꧀꧉"​

^31:25 ꦤꦭꦶꦏꦱꦼꦩꦺꦴꦤꦺꦴ​꧊ꦪꦏꦸꦧ꧀ꦮꦶꦱ꧀ꦥꦱꦁꦏꦺꦩꦃꦲꦤꦲꦶꦁꦱꦭꦃꦱꦮꦶꦗꦶꦤꦶꦁꦥꦸꦤ꧀ꦛꦸꦏ꧀꧉​​꧊ꦭꦧꦤ꧀ꦭꦤ꧀ꦮꦺꦴꦁꦮꦺꦴꦁꦔꦺꦥꦱꦁꦏꦺꦩꦃꦲꦤꦲꦶꦁꦥꦸꦤ꧀ꦛꦸꦏ꧀ꦭꦶꦪꦤꦺ꧈​ꦲꦶꦁꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦲꦸꦒ꧉​

^31:26 ​꧊ꦭꦧꦤ꧀ꦏꦤ꧀ꦝꦏꦫꦺꦴ​꧊ꦪꦏꦸꦧ꧀ꦩꦼꦁꦏꦺꦤꦺ꧈​"ꦪꦒꦺꦤꦺꦏꦺꦴꦮꦺꦏꦺꦴꦏ꧀ꦔꦏꦭ꧀ꦭꦶꦲꦏꦸ꧈​ꦲꦤꦏ꧀ꦲꦤꦏ꧀ꦏꦸꦮꦢꦺꦴꦤ꧀ꦏꦺꦴꦏ꧀ꦒꦮꦩ꧀ꦭꦪꦸꦏꦪꦮꦺꦴꦁꦧꦤ꧀ꦝꦁꦔꦤ꧀꧉​

^31:27 ꦪꦒꦺꦤꦺꦲꦏꦸꦏꦺꦴꦏ꧀ꦲꦏꦭ꧀ꦭꦶꦭꦤ꧀ꦭꦸꦔꦩꦸꦔ꧀ꦒꦼꦤꦼꦱ꧀ꦠꦤ꧀ꦥꦥꦩꦶꦠ꧀?ꦱꦲꦸꦥꦩꦏꦺꦴꦮꦺꦥꦩꦶꦠ꧀꧈​ꦫꦏ꧀ꦪꦩꦼꦱ꧀ꦛꦶꦢꦏ꧀ꦲꦶꦢꦶꦤ꧀ꦤꦶꦭꦤ꧀ꦢꦏ꧀ꦲꦸꦤ꧀ꦠꦥ꧀ꦥꦏꦺꦏ꧀ꦭꦮꦤ꧀ꦧꦸꦔꦃ꧈​ꦢꦏ꧀ꦲꦶꦫꦶꦁꦔꦶꦔꦁꦒꦺꦴꦠꦼꦂꦧꦁꦭꦤ꧀ꦕ꧀ꦭꦼꦩ꧀ꦥꦸꦁ?

^31:28 ꦲꦥꦲꦏꦸꦲꦺꦴꦫꦲꦺꦴꦭꦺꦃꦔꦿꦁꦏꦸꦭ꧀ꦲꦤꦏ꧀ꦥꦸꦠꦸꦏꦸꦱꦢꦸꦫꦸꦁꦔꦺꦥꦼꦥꦶꦱꦃꦲꦤ꧀?ꦏꦺꦴꦮꦺꦏꦸꦮꦶꦲꦺꦴꦫꦭꦸꦩꦿꦃꦮꦺꦴꦁ!

^31:29 ꦪꦺꦤ꧀ꦲꦏꦸꦒꦼꦊꦩ꧀꧈​ꦲꦏꦸꦧꦶꦱꦒꦮꦺꦔꦽꦏꦱꦩꦸ꧈​ꦢꦭꦃꦱꦧꦿꦪꦠ꧀ꦩꦸꦥꦶꦱꦤ꧀꧉​ꦤꦁꦔꦶꦁꦝꦺꦏ꧀ꦧꦼꦔꦶꦲꦭ꧀ꦭꦃꦲꦺꦧꦥꦏ꧀ꦩꦸꦔꦺꦭꦶꦁꦔꦏꦺꦲꦏꦸ꧈​ꦱꦸꦥꦪꦲꦗꦥꦶꦱꦤ꧀ꦥꦶꦱꦤ꧀ꦲꦏꦸꦔ꧀ꦒꦁꦒꦸꦒꦮꦺꦏꦺꦴꦮꦺ꧉​

^31:30 ꦲꦏꦸꦔꦼꦂꦠꦶꦪꦺꦤ꧀ꦭꦸꦔꦩꦸꦩꦼꦂꦒꦏꦁꦔꦼꦤ꧀ꦏꦫꦺꦴꦤꦼꦒꦫꦩꦸ;ꦤꦁꦔꦶꦁꦲꦥꦱꦼꦧꦧ꧀ꦧꦺꦏꦺꦴꦮꦺꦏꦺꦴꦏ꧀ꦚꦺꦴꦭꦺꦴꦁꦉꦕꦏꦸ꧈​ꦱꦶꦁꦢꦏ꧀ꦲꦼꦁꦒꦺꦴꦔꦽꦏ꧀ꦱꦲꦺꦴꦩꦃꦏꦸ?"

^31:31 ꦮꦁꦱꦸꦭ꧀ꦭꦤ꧀ꦤꦺ​꧊ꦪꦏꦸꦧ꧀꧈​"ꦲꦼꦁꦒꦺꦤ꧀ꦏꦸꦭꦏꦺꦱꦃꦝꦼꦝꦼꦩꦶꦠ꧀ꦠꦤ꧀ꦩꦼꦤꦶꦏꦩꦼꦂꦒꦶꦏꦸꦭꦲꦗꦿꦶꦃ꧈​ꦩ꧀ꦧꦺꦴꦏ꧀ꦧꦶꦭꦶꦃꦥꦚ꧀ꦗꦼꦤꦼꦁꦔꦤ꧀ꦚ꧀ꦗꦧꦼꦭ꧀ꦲꦤꦏ꧀ꦲꦤꦏ꧀ꦥꦚ꧀ꦗꦼꦤꦼꦁꦔꦤ꧀꧉​

^31:32 ꦧꦧ꧀ꦉꦕꦥꦚ꧀ꦗꦼꦤꦼꦁꦔꦤ꧀꧈​ꦩꦼꦤꦮꦶꦲꦶꦁꦔꦿꦶꦏꦶꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦁꦏꦁꦩꦼꦤ꧀ꦝꦼꦠ꧀꧈​ꦠꦶꦪꦁꦩꦼꦤꦶꦏꦥꦿꦪꦺꦴꦒꦶꦏꦲꦸꦏꦸꦩ꧀ꦥꦼꦗꦃ꧉​ꦩꦁꦒꦏꦸꦭꦲꦠꦸꦂꦫꦶꦩꦿꦶꦏ꧀ꦱꦧꦫꦁꦧꦫꦁꦏꦸꦭꦱꦼꦢꦪ꧉​ꦩꦼꦤꦮꦶꦮꦺꦴꦤ꧀ꦠꦼꦤ꧀꧈​ꦩꦁꦒꦏꦸꦭꦲꦠꦸꦂꦫꦶꦩꦸꦤ꧀ꦝꦸꦠ꧀꧉​ꦭꦤ꧀ꦠꦶꦪꦁꦠꦶꦪꦁꦱꦩꦶꦤꦼꦏ꧀ꦱꦺꦤ꧀ꦤꦤ꧉"​​꧊ꦪꦏꦸꦧ꧀ꦲꦺꦴꦫꦔꦼꦂꦠꦶꦪꦺꦤ꧀ꦱꦶꦁꦚ꧀ꦗꦸꦥꦸꦏ꧀ꦉꦕꦩꦲꦸ​꧊ꦫꦲꦺꦭ꧀꧉​

^31:33 ​꧊ꦭꦧꦤ꧀ꦧꦚ꧀ꦗꦸꦂꦩ꧀ꦭꦼꦧꦸꦭꦤ꧀ꦔ꧀ꦒꦺꦝꦃꦏꦺꦩꦃꦲꦺ​꧊ꦪꦏꦸꦧ꧀꧉​ꦧꦚ꧀ꦗꦸꦂꦩ꧀ꦭꦼꦧꦸꦲꦶꦁꦏꦺꦩꦃꦲꦺ​꧊ꦭꦺꦪꦭꦤ꧀ꦏꦺꦩꦃꦲꦺꦧꦠꦸꦂꦫꦺꦭꦺꦴꦫꦺꦴ꧈​ꦤꦁꦔꦶꦁꦉꦕꦤꦺꦲꦺꦴꦫꦏꦼꦠꦼꦩꦸ꧉​ꦱꦮꦶꦱ꧀ꦱꦺꦏꦸꦮꦶ​꧊ꦭꦧꦤ꧀ꦧꦚ꧀ꦗꦸꦂꦩ꧀ꦭꦼꦧꦸꦲꦶꦁꦏꦺꦩꦃꦲꦺ​꧊ꦫꦲꦺꦭ꧀꧉​

^31:34 ꦤꦁꦔꦶꦁ​꧊ꦫꦲꦺꦭ꧀ꦔꦸꦩ꧀ꦥꦼꦠ꧀ꦠꦏꦺꦉꦕꦩꦲꦸꦲꦤꦲꦶꦁꦏꦤ꧀ꦛꦺꦴꦁꦔꦶꦁꦭꦥꦏ꧀ꦏꦺꦲꦸꦤ꧀ꦠꦤꦺ;ꦭꦥꦏ꧀ꦩꦲꦸꦧꦚ꧀ꦗꦸꦂꦢꦶꦭꦸꦁꦒꦸꦃꦲꦶ꧉​​꧊ꦭꦧꦤ꧀ꦔ꧀ꦒꦺꦝꦃꦲꦶꦏꦺꦩꦃꦲꦺ​꧊ꦫꦲꦺꦭ꧀ꦏꦧꦺꦃ꧈​ꦤꦁꦔꦶꦁꦲꦺꦴꦫꦤꦼꦩꦺꦴꦏ꧀ꦏꦏꦺꦉꦕꦤꦺ꧉​

^31:35 ​꧊ꦫꦲꦺꦭ꧀ꦧꦚ꧀ꦗꦸꦂꦩꦠꦸꦂꦩꦫꦁꦧꦥꦏ꧀ꦤꦺ꧈​"ꦚꦸꦮꦸꦤ꧀ꦢꦸꦏ꧈​ꦢꦺꦤꦺꦏꦸꦭꦭꦶꦁꦒꦶꦃꦏꦺꦩꦮꦺꦴꦤ꧀꧈​ꦩꦼꦂꦒꦶꦏꦸꦭꦤꦼꦩ꧀ꦧꦺꦮꦸꦭꦤ꧀ꦤꦤ꧀꧉"​ꦱꦼꦤꦗꦤ꧀ꦲꦼꦁꦒꦺꦴꦤꦺꦔ꧀ꦒꦺꦝꦃꦲꦶꦔꦤ꧀ꦠꦶꦤ꧀ꦗ꧀ꦭ꧀ꦶꦩꦼꦠ꧀꧈​​꧊ꦭꦧꦤ꧀ꦠꦼꦠꦼꦥ꧀ꦲꦺꦴꦫꦧꦶꦱꦤꦼꦩꦺꦴꦏ꧀ꦏꦏꦺꦉꦕꦤꦺ꧉​

^31:36 ꦱꦲꦶꦏꦶꦒꦼꦤ꧀ꦠꦺꦤ꧀​꧊ꦪꦏꦸꦧ꧀ꦱꦶꦁꦤꦼꦥ꧀ꦱꦸꦏꦫꦺꦴ​꧊ꦭꦧꦤ꧀꧈​ꦲꦠꦸꦂꦫꦺ꧈​"ꦊꦥꦠ꧀ꦏꦸꦭꦩꦼꦤꦥ?ꦏꦸꦭꦤꦼꦫꦏ꧀ꦥꦽꦤꦠꦤ꧀ꦩꦼꦤꦥꦢꦺꦤꦺꦥꦚ꧀ꦗꦼꦤꦼꦁꦔꦤ꧀ꦏꦺꦴꦏ꧀ꦔꦤ꧀ꦠꦺꦴꦱ꧀ꦔꦺꦴꦪꦏ꧀ꦲꦺꦴꦪꦏ꧀ꦏꦸꦭ?

^31:37 ꦥꦿꦧꦺꦴꦠ꧀ꦠꦶꦥꦸꦤ꧀ꦒꦿꦶꦪꦏꦸꦭꦱꦼꦢꦪꦥꦚ꧀ꦗꦼꦤꦼꦁꦔꦤ꧀ꦒ꧀ꦭꦺꦝꦃꦲꦶ꧈​ꦩꦼꦤꦥꦮꦺꦴꦤ꧀ꦠꦼꦤ꧀ꦧꦫꦁꦏꦒꦸꦁꦔꦤ꧀ꦥꦚ꧀ꦗꦼꦤꦼꦁꦔꦤ꧀ꦲꦶꦁꦏꦁꦏꦠꦸꦠ꧀ꦏꦸꦭꦧꦼꦏ꧀ꦠ?ꦏꦸꦭꦲꦠꦸꦂꦫꦶꦚꦺꦭꦺꦃꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦶ꧈​ꦱꦸꦥꦢꦺꦴꦱ꧀ꦠꦶꦪꦁꦠꦶꦪꦁꦏꦸꦭꦭꦤ꧀ꦠꦶꦪꦁꦠꦶꦪꦁꦥꦚ꧀ꦗꦼꦤꦼꦁꦔꦤ꧀ꦱꦩꦶꦤꦼꦏ꧀ꦱꦺꦤ꧀ꦤꦶꦱꦶꦤ꧀ꦠꦼꦤ꧀ꦲꦶꦁꦏꦁꦊꦉꦱ꧀꧈​ꦏꦸꦭꦩꦼꦤꦥꦥꦚ꧀ꦗꦼꦤꦼꦁꦔꦤ꧀꧉​

^31:38 ꦫꦏ꧀ꦱꦩ꧀ꦥꦸꦤ꧀ꦏꦭꦶꦃꦢꦱꦠꦲꦸꦤ꧀ꦭꦩꦶꦤꦶꦥꦸꦤ꧀ꦲꦼꦁꦒꦺꦤ꧀ꦏꦸꦭꦔꦺꦔꦺꦂꦥꦚ꧀ꦗꦼꦤꦼꦁꦔꦤ꧀꧈​ꦩꦼꦤꦥꦮꦺꦴꦤ꧀ꦠꦼꦤ꧀ꦩꦺꦤ꧀ꦢꦥꦚ꧀ꦗꦼꦤꦼꦁꦔꦤ꧀ꦲꦶꦁꦏꦁꦏ꧀ꦭꦸꦫꦺꦴꦤ꧀?ꦭꦤ꧀ꦩꦭꦶꦃꦩꦼꦤꦥꦤꦠꦺꦏꦸꦭꦤꦼꦝꦩꦺꦤ꧀ꦢꦗꦊꦂꦥꦚ꧀ꦗꦼꦤꦼꦁꦔꦤ꧀꧈​ꦱꦼꦠꦸꦁꦒꦭ꧀ꦏꦺꦩꦮꦺꦴꦤ꧀?

^31:39 ꦱꦧꦼꦤ꧀ꦮꦺꦴꦤ꧀ꦠꦼꦤ꧀ꦩꦺꦤ꧀ꦢꦥꦼꦗꦃꦏꦩꦁꦱꦏꦺꦮꦤ꧀ꦒꦭꦏ꧀ꦩꦼꦱ꧀ꦛꦶꦏꦸꦭꦭꦶꦤ꧀ꦠꦺꦴꦤ꧀ꦤꦶꦥꦶꦪꦩ꧀ꦧꦏ꧀꧉​ꦩ꧀ꦧꦺꦴꦠꦼꦤ꧀ꦤꦠꦺꦏꦸꦭꦭꦥꦸꦂꦝꦠꦼꦁꦥꦚ꧀ꦗꦼꦤꦼꦁꦔꦤ꧀ꦭꦤ꧀ꦩ꧀ꦧꦼꦏ꧀ꦠꦩꦺꦤ꧀ꦢꦲꦶꦁꦏꦁꦥꦼꦗꦃꦮꦲꦸꦏꦁꦒꦺꦩ꧀ꦧꦸꦏ꧀ꦠꦺꦏ꧀ꦏꦏꦼꦤ꧀ꦧꦶꦭꦶꦃꦏꦸꦭꦩ꧀ꦧꦺꦴꦠꦼꦤ꧀ꦊꦥꦠ꧀꧉​ꦥꦚ꧀ꦗꦼꦤꦼꦁꦔꦤ꧀ꦤꦼꦩ꧀ꦥꦃꦲꦏꦼꦤ꧀ꦝꦠꦼꦁꦏꦸꦭꦩꦺꦤ꧀ꦢꦲꦶꦁꦏꦁꦢꦶꦥꦸꦤ꧀ꦥꦼꦤ꧀ꦝꦼꦠ꧀ꦠꦶꦪꦁꦱꦶꦪꦁꦲꦸꦠꦮꦶꦢꦭꦸ꧉​

^31:40 ꦏꦢꦺꦴꦱ꧀ꦩꦼꦏꦠ꧀ꦠꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦏꦸꦭꦱꦼꦭꦩꦶꦤꦶꦥꦸꦤ꧀ꦔꦺꦔꦺꦂꦥꦚ꧀ꦗꦼꦤꦼꦁꦔꦤ꧀꧈​ꦱꦶꦪꦁꦲꦱꦿꦶꦁꦏꦼꦧꦼꦤ꧀ꦠꦺꦂꦫꦼꦤ꧀꧈​ꦢꦭꦸꦏꦱꦽꦥ꧀ꦥꦼꦤ꧀꧉​ꦩꦭꦃꦲꦱꦿꦶꦁꦩ꧀ꦧꦺꦴꦠꦼꦤ꧀ꦔ꧀ꦭꦶꦪꦼꦥ꧀ꦱꦼꦢꦭꦸꦩꦸꦥꦸꦠ꧀꧉​

^31:41 ꦏꦢꦺꦴꦱ꧀ꦩꦼꦏꦠ꧀ꦠꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦏꦸꦭꦱꦼꦢꦔꦸꦤꦶꦥꦸꦤ꧀ꦏꦸꦭꦔꦺꦔꦺꦂꦥꦚ꧀ꦗꦼꦤꦼꦁꦔꦤ꧀ꦏꦭꦶꦃꦢꦱꦠꦲꦸꦤ꧀ꦭꦩꦶꦤꦶꦥꦸꦤ꧀꧉​ꦲꦶꦁꦏꦁꦏꦮꦤ꧀ꦮꦼꦭꦱ꧀ꦠꦲꦸꦤ꧀ꦏꦁꦒꦺꦭꦶꦤ꧀ꦠꦸꦲꦤꦏ꧀ꦥꦚ꧀ꦗꦼꦤꦼꦁꦔꦤ꧀ꦏꦭꦶꦃ꧈​ꦭꦤ꧀ꦤꦼꦩ꧀ꦠꦲꦸꦤ꧀ꦱꦸꦥꦢꦺꦴꦱ꧀ꦥꦶꦏꦤ꧀ꦠꦸꦏ꧀ꦩꦺꦤ꧀ꦢꦩꦺꦤ꧀ꦢꦩꦼꦤꦶꦏ꧉​ꦩꦁꦏꦱꦊꦧꦼꦠ꧀ꦠꦶꦥꦸꦤ꧀ꦏꦸꦭꦔꦺꦔꦺꦂ꧈​ꦥꦚ꧀ꦗꦼꦤꦼꦁꦔꦤ꧀ꦱꦩ꧀ꦥꦸꦤ꧀ꦔꦺꦮꦃꦲꦶꦲꦺꦥꦃꦏꦸꦭꦔꦤ꧀ꦠꦺꦴꦱ꧀ꦏꦥꦶꦁꦱꦼꦢꦱ꧉​

^31:42 ꦱꦲꦸꦥꦩꦶꦏꦸꦭꦩ꧀ꦧꦺꦴꦠꦼꦤ꧀ꦢꦶꦥꦸꦤ꧀ꦲꦪꦺꦴꦩ꧀ꦩꦶꦢꦺꦤꦶꦁꦲꦭ꧀ꦭꦃꦲꦶꦥꦸꦤ꧀ꦊꦭꦸꦲꦸꦂꦏꦸꦭ​꧊ꦄꦧꦿꦲꦩ꧀ꦭꦤ꧀​꧊ꦆꦱ꧀ꦏꦏ꧀꧈​ꦠꦼꦩ꧀ꦠꦸꦏꦸꦭꦱꦩ꧀ꦥꦸꦤ꧀ꦥꦚ꧀ꦗꦼꦤꦼꦁꦔꦤ꧀ꦏꦺꦱꦃꦲꦏꦼꦤ꧀ꦔ꧀ꦭꦼꦤ꧀ꦛꦸꦁ꧉​ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦱꦩ꧀ꦥꦸꦤ꧀ꦩꦶꦂꦱꦤꦶꦏꦱꦶꦱꦃꦲꦤ꧀ꦏꦸꦭꦭꦤ꧀ꦥꦼꦢꦩꦼꦭ꧀ꦭꦤ꧀ꦲꦶꦁꦏꦁꦏꦸꦭꦭꦩ꧀ꦥꦃꦲꦶ꧈​ꦭꦤ꧀ꦏꦭꦮꦲꦸꦢꦭꦸꦱꦩ꧀ꦥꦸꦤ꧀ꦩꦫꦶꦁꦔꦶꦏꦠꦼꦩ꧀ꦠꦸꦮꦤ꧀ꦤꦶꦥꦸꦤ꧀꧉"​

^31:43 ​꧊ꦭꦧꦤ꧀ꦧꦚ꧀ꦗꦸꦂꦩꦁꦱꦸꦭ꧀ꦭꦶ꧈​"ꦮꦺꦴꦁꦮꦢꦺꦴꦤ꧀ꦭꦺꦴꦫꦺꦴꦲꦶꦏꦶꦲꦥꦢꦸꦢꦸꦲꦤꦏ꧀ꦏꦸ;ꦲꦤꦏ꧀ꦲꦤꦏ꧀ꦏꦺꦲꦥꦢꦸꦢꦸꦢꦸꦮꦺꦏ꧀ꦏꦸ꧈​ꦭꦤ꧀ꦮꦼꦝꦸꦱ꧀ꦮꦼꦝꦸꦱ꧀ꦏꦸꦮꦶꦏꦧꦺꦃꦲꦥꦲꦶꦪꦢꦸꦢꦸꦢꦸꦮꦺꦏ꧀ꦏꦸ?ꦱꦼꦗꦠꦶꦤꦺꦏꦧꦺꦃꦱꦶꦁꦲꦤꦲꦶꦁꦏꦺꦤꦺꦲꦶꦏꦶꦢꦸꦮꦺꦏ꧀ꦏꦸ꧉​ꦤꦁꦔꦶꦁꦱꦫꦺꦃꦤꦺꦲꦏꦸꦲꦺꦴꦫꦧꦶꦱꦔ꧀ꦒꦺꦴꦤ꧀ꦝꦺꦭ꧀ꦭꦶꦲꦤꦏ꧀ꦲꦤꦏ꧀ꦏꦸ꧈​

^31:44 ꦩꦸꦭꦧꦼꦕꦶꦏ꧀ꦏꦺꦲꦏꦸꦭꦤ꧀ꦏꦺꦴꦮꦺꦥꦝꦒꦮꦺꦥꦽꦗꦚ꧀ꦗꦶꦪꦤ꧀ꦮꦲꦺ꧉​ꦲꦪꦺꦴꦥꦝꦤꦸꦩ꧀ꦥꦸꦏ꧀ꦮꦠꦸꦩꦶꦤꦁꦏꦠꦸꦒꦸꦥꦼꦔꦺꦭꦶꦁꦲꦺꦭꦶꦁꦱꦶꦁꦤꦼꦏ꧀ꦱꦺꦤ꧀ꦤꦶꦲꦤꦤꦺꦥꦽꦗꦚ꧀ꦗꦶꦪꦤ꧀ꦏꦶꦠ꧉"​

^31:45 ​꧊ꦪꦏꦸꦧ꧀ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦮꦠꦸꦢꦶꦲꦼꦢꦼꦒꦏꦺꦢꦢꦶꦥꦼꦔꦺꦭꦶꦁꦲꦺꦭꦶꦁ꧉​

^31:46 ꦧꦚ꧀ꦗꦸꦂꦲꦏꦺꦴꦤ꧀ꦮꦺꦴꦁꦮꦺꦴꦁꦔꦺꦔ꧀ꦭꦸꦩ꧀ꦥꦸꦏ꧀ꦏꦏꦺꦮꦠꦸꦢꦶꦒꦮꦺꦠꦸꦩ꧀ꦥꦸꦏ꧀ꦏꦤ꧀꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦧꦚ꧀ꦗꦸꦂꦥꦝꦩꦁꦔꦤ꧀ꦲꦶꦁꦱꦕꦼꦝꦏ꧀ꦏꦺꦏꦺꦴꦤꦺꦴ꧉​

^31:47 ​꧊ꦭꦧꦤ꧀ꦚ꧀ꦗꦼꦤꦼꦁꦔꦶꦠꦸꦩ꧀ꦥꦸꦏ꧀ꦏꦤ꧀ꦮꦠꦸꦩꦲꦸ:​꧊ꦪꦺꦒꦂ​꧊ꦱꦲꦢꦸꦠ꧈​ꦤꦁꦔꦶꦁ​꧊ꦪꦏꦸꦧ꧀ꦲꦺꦴꦭꦺꦃꦲꦺꦚ꧀ꦗꦼꦤꦼꦁꦔꦶ:​꧊ꦒꦭꦺꦢ꧀꧉​

^31:48 ꦠꦼꦩ꧀ꦧꦸꦁꦔꦺ​꧊ꦭꦧꦤ꧀ꦩꦫꦁ​꧊ꦪꦏꦸꦧ꧀꧈​"ꦠꦸꦩ꧀ꦥꦸꦏ꧀ꦏꦤ꧀ꦮꦠꦸꦲꦶꦏꦶꦢꦢꦶꦪꦥꦼꦔꦺꦭꦶꦁꦲꦺꦭꦶꦁꦏꦁꦒꦺꦴꦲꦏꦸꦭꦤ꧀ꦏꦺꦴꦮꦺ꧉"​ꦩꦸꦭꦤꦺꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦢꦶꦱꦼꦧꦸꦠ꧀:​꧊ꦒꦭꦺꦢ꧀꧉​

^31:49 ꦲꦶꦪꦢꦶꦱꦼꦧꦸꦠ꧀:​꧊ꦩꦶꦗ꦳꧀ꦥ꧈​ꦩꦼꦂꦒ​꧊ꦭꦧꦤ꧀ꦏꦤ꧀ꦝ꧈​"ꦩꦸꦒꦩꦸꦒꦒꦸꦱ꧀ꦠꦶꦄꦭ꧀ꦭꦃꦔꦽꦏ꧀ꦱꦩꦫꦁꦏꦶꦠꦱꦗꦿꦺꦴꦤꦺꦏꦶꦠꦥꦝꦲꦸꦫꦶꦥ꧀ꦝꦺꦮꦺꦝꦺꦮꦺ꧉"​

^31:50 ꦕ꧀ꦭꦛꦸꦤꦺ​꧊ꦭꦧꦤ꧀ꦩꦼꦤꦺꦃ꧈​"ꦲꦤꦏ꧀ꦲꦤꦏ꧀ꦏꦸꦲꦗꦏꦺꦴꦏ꧀ꦱꦶꦪꦱꦶꦪꦭꦤ꧀ꦲꦗꦥꦝꦏꦺꦴꦏ꧀ꦮꦪꦸꦃ꧉​ꦱꦼꦤꦗꦤ꧀ꦲꦏꦸꦲꦺꦴꦫꦮꦼꦫꦸꦃ꧈​ꦤꦁꦔꦶꦁꦲꦺꦭꦶꦁꦔꦪꦺꦤ꧀ꦄꦭ꧀ꦭꦃꦱꦶꦁꦢꦢꦶꦱꦼꦏ꧀ꦱꦶꦲꦶꦁꦲꦤ꧀ꦠꦫꦤꦺꦲꦏꦸꦭꦤ꧀ꦏꦺꦴꦮꦺ꧉​

^31:51 ꦮꦠꦸꦮꦠꦸꦱꦶꦁꦢꦶꦠꦸꦩ꧀ꦥꦸꦏ꧀ꦲꦶꦏꦶꦢꦢꦶꦪꦥꦼꦔꦺꦭꦶꦁꦲꦺꦭꦶꦁ꧈​

^31:52 ꦭꦤ꧀ꦢꦢꦶꦪꦱꦼꦏ꧀ꦱꦶ꧈​ꦪꦺꦤ꧀ꦲꦏꦸꦲꦺꦴꦫꦏꦼꦤꦔ꧀ꦭꦶꦮꦠ꧀ꦠꦶꦠꦸꦩ꧀ꦥꦸꦏ꧀ꦏꦤ꧀ꦮꦠꦸꦏꦸꦮꦶꦏꦤ꧀ꦛꦶꦤꦶꦪꦠ꧀ꦲꦉꦥ꧀ꦔ꧀ꦭꦮꦤ꧀ꦏꦺꦴꦮꦺ꧉​ꦱꦼꦩꦺꦴꦤꦺꦴꦲꦸꦒꦏꦺꦴꦮꦺꦲꦺꦴꦫꦏꦼꦤꦔ꧀ꦭꦶꦮꦠ꧀ꦠꦶꦠꦸꦩ꧀ꦥꦸꦏ꧀ꦏꦤ꧀ꦮꦠꦸꦏꦸꦮꦶꦏꦤ꧀ꦛꦶꦤꦶꦪꦠ꧀ꦲꦉꦥ꧀ꦔ꧀ꦭꦮꦤ꧀ꦲꦏꦸ꧉​

^31:53 ꦄꦭ꧀ꦭꦃꦱꦼꦱꦼꦩ꧀ꦧꦃꦲꦤ꧀ꦤꦺ​꧊ꦄꦧꦿꦲꦩ꧀ꦭꦤ꧀ꦱꦼꦱꦼꦩ꧀ꦧꦃꦲꦤ꧀ꦤꦺ​꧊ꦤꦲꦺꦴꦂꦩꦸꦒꦔꦢꦶꦭ꧀ꦭꦶꦲꦏꦸꦭꦤ꧀ꦏꦺꦴꦮꦺ꧉"​​꧊ꦪꦏꦸꦧ꧀ꦲꦶꦪꦧꦚ꧀ꦗꦸꦂꦱꦸꦩ꧀ꦥꦃꦢꦼꦩꦶꦄꦭ꧀ꦭꦃ꧈​ꦱꦼꦱꦼꦩ꧀ꦧꦃꦲꦤ꧀ꦤꦺ​꧊ꦆꦱ꧀ꦏꦏ꧀꧈​ꦧꦥꦏ꧀ꦤꦺ꧈​ꦪꦺꦤ꧀ꦧꦏꦭ꧀ꦤꦼꦠꦼꦥ꧀ꦥꦶꦥꦽꦗꦚ꧀ꦗꦶꦪꦤ꧀ꦩꦲꦸꦏ꧀ꦭꦮꦤ꧀ꦠꦼꦩꦼꦤ꧀ꦠꦼꦩꦼꦤ꧀꧉​

^31:54 ​꧊ꦪꦏꦸꦧ꧀ꦧꦚ꧀ꦗꦸꦂꦱꦲꦺꦴꦱ꧀ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦲꦤꦲꦶꦁꦒꦸꦤꦸꦁꦏꦺꦴꦤꦺꦴꦏꦫꦺꦴꦔꦸꦤ꧀ꦢꦁꦱꦤꦏ꧀ꦱꦼꦢꦸꦭꦸꦂꦫꦺ꧈​ꦢꦶꦲꦗꦏ꧀ꦩꦁꦔꦤ꧀ꦧꦼꦧꦉꦁꦔꦤ꧀꧉​ꦱꦮꦶꦱ꧀ꦱꦺꦩꦁꦔꦤ꧀ꦥꦝꦔꦶꦤꦼꦥ꧀ꦲꦤꦲꦶꦁꦒꦸꦤꦸꦁꦏꦺꦴꦤꦺꦴ꧉​

^31:55 ꦲꦺꦱꦸꦏ꧀ꦏꦺ꧈​ꦲꦶꦱꦶꦃꦲꦸꦩꦸꦤ꧀ꦲꦸꦩꦸꦤ꧀꧈​​꧊ꦭꦧꦤ꧀ꦮꦶꦱ꧀ꦠꦔꦶ;ꦱꦮꦶꦱ꧀ꦱꦺꦔꦩ꧀ꦧꦸꦁꦔꦶꦲꦤꦏ꧀ꦥꦸꦠꦸꦤꦺꦧꦚ꧀ꦗꦸꦂꦩꦁꦏꦠ꧀꧈​ꦩꦸꦭꦶꦃꦩꦼꦚꦁꦲꦶꦁꦲꦺꦴꦩꦃꦲꦺꦝꦺꦮꦺ꧉​