Jv/Alkitab/Purwaning Dumadi/48

^48:1 ꦲꦺꦴꦫꦊꦠ꧀ꦱꦸꦮꦺ​꧊ꦪꦸꦱꦸꦥ꦳꧀ꦢꦶꦏꦧꦂꦫꦶꦪꦺꦤ꧀ꦧꦥꦏ꧀ꦤꦺꦭꦫ꧉​ꦩꦸꦭꦤꦺꦧꦚ꧀ꦗꦸꦂꦩꦁꦏꦠ꧀꧈​ꦔꦗꦏ꧀ꦲꦤꦏ꧀ꦏꦺꦭꦺꦴꦫꦺꦴ꧈​ꦪꦏꦸꦮꦶ:​꧊ꦩꦤꦱꦾꦺꦭꦤ꧀​꧊ꦌꦥ꦳ꦿꦲꦶꦩ꧀꧉​ꦏꦿꦸꦔꦸ​꧊ꦪꦸꦱꦸꦥ꦳꧀ꦠꦼꦏ꧈​​꧊ꦪꦏꦸꦧ꧀ꦔꦼꦠꦺꦴꦒ꧀ꦏꦼꦏꦸꦮꦠ꧀ꦠꦤ꧀ꦤꦺꦱꦸꦥꦪꦧꦶꦱꦚ꧀ꦗꦼꦁꦒꦺꦭꦺꦏ꧀꧈​ꦧꦚ꧀ꦗꦸꦂꦭꦸꦁꦒꦸꦃꦲꦶꦁꦥꦼꦠꦸꦫꦺꦴꦤꦺ꧉​

^48:2 ꦤꦭꦶꦏꦏꦿꦸꦔꦸ​꧊ꦪꦸꦱꦸꦥ꦳꧀ꦠꦼꦏ꧈​​꧊ꦪꦏꦸꦧ꧀ꦔꦼꦠꦺꦴꦒ꧀ꦏꦼꦏꦸꦮꦠ꧀ꦠꦤ꧀ꦤꦺꦱꦸꦥꦪꦧꦶꦱꦚ꧀ꦗꦼꦁꦒꦺꦭꦺꦏ꧀꧈​ꦧꦚ꧀ꦗꦸꦂꦭꦸꦁꦒꦸꦃꦲꦶꦁꦥꦼꦠꦸꦫꦺꦴꦤꦺ꧉​

^48:3 ꦕ꧀ꦭꦛꦸꦤꦺꦩꦫꦁ​꧊ꦪꦸꦱꦸꦥ꦳꧀꧈​"ꦄꦭ꧀ꦭꦃꦏꦁꦩꦲꦏ꧀ꦮꦱꦮꦶꦱ꧀ꦔꦼꦠꦶꦔꦭ꧀ꦩꦫꦁꦲꦏꦸꦲꦤꦲꦶꦁ​꧊ꦭꦸꦱ꧀꧈​ꦲꦶꦁꦠꦤꦃ​꧊ꦏꦺꦤꦲꦤ꧀꧈​ꦭꦤ꧀ꦩ꧀ꦧꦼꦂꦏꦃꦲꦶꦲꦏꦸ꧈​

^48:4 ꦥꦔꦤ꧀ꦢꦶꦏꦤꦺ꧈​‘ꦏꦺꦴꦮꦺꦧꦏꦭ꧀ꦢꦏ꧀ꦥꦫꦶꦁꦔꦶꦲꦤꦏ꧀ꦥꦸꦠꦸꦲꦏꦺꦃ꧈​ꦱꦸꦥꦪꦲꦤꦏ꧀ꦠꦸꦫꦸꦤ꧀ꦩꦸꦢꦢꦶꦧꦁꦱꦥꦶꦫꦁꦥꦶꦫꦁ꧉​ꦠꦤꦃ​꧊ꦏꦺꦤꦲꦤ꧀ꦲꦶꦏꦶꦧꦏꦭ꧀ꦢꦏ꧀ꦥꦫꦶꦁꦔꦏꦺꦩꦫꦁꦲꦤꦏ꧀ꦠꦸꦫꦸꦤ꧀ꦩꦸꦢꦢꦶꦢꦂꦧꦺꦏ꧀ꦏꦺꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉’"​

^48:5 "​꧊ꦪꦸꦱꦸꦥ꦳꧀꧈​ꦔ꧀ꦒꦺꦂ!ꦲꦤꦏ꧀ꦩꦸ​꧊ꦌꦥ꦳ꦿꦲꦶꦩ꧀ꦭꦤ꧀​꧊ꦩꦤꦱꦾꦺꦱꦶꦁꦭꦲꦶꦂꦲꦶꦁꦠꦤꦃ​꧊ꦩꦺꦱꦶꦂ꧈​ꦱꦢꦸꦫꦸꦁꦔꦺꦲꦏꦸꦠꦼꦏꦤ꧀ꦏꦺꦤꦺ꧈​ꦏꦸꦮꦶꦢꦏ꧀ꦥꦺꦏ꧀ꦲꦤꦏ꧀꧉​ꦏꦸꦮꦶꦲꦤꦏ꧀ꦏꦸ꧈​ꦲꦺꦴꦫꦧꦺꦢꦏꦫꦺꦴ​꧊ꦫꦸꦧꦺꦤ꧀ꦭꦤ꧀​꧊ꦱꦶꦩꦺꦪꦺꦴꦤ꧀꧉​

^48:6 ꦪꦺꦤ꧀ꦏꦺꦴꦮꦺꦢꦸꦮꦺꦲꦤꦏ꧀ꦩꦼꦤꦺꦃ꧈​ꦲꦤꦏ꧀ꦩꦲꦸꦲꦺꦴꦫꦢꦏ꧀ꦲꦁꦒꦼꦥ꧀ꦲꦤꦏ꧀ꦏꦸ꧈​ꦤꦁꦔꦶꦁꦠꦼꦠꦼꦥ꧀ꦢꦢꦶꦲꦤꦏ꧀ꦩꦸ꧉​ꦮꦫꦶꦱ꧀ꦱꦤ꧀ꦤꦺꦏꦗꦸꦥꦸꦏ꧀ꦏꦏꦺꦱꦏꦮꦫꦶꦱ꧀ꦱꦤ꧀ꦤꦺ​꧊ꦌꦥ꦳ꦿꦲꦶꦩ꧀ꦭꦤ꧀​꧊ꦩꦤꦱꦾꦺ꧉​

^48:7 ꦢꦏ꧀ꦒꦮꦺꦩꦼꦁꦏꦺꦴꦤꦺꦴꦩꦼꦂꦒꦱꦏ​꧊ꦫꦲꦺꦭ꧀꧈​ꦲꦶꦧꦸꦩꦸ꧉​ꦲꦏꦸꦱꦼꦝꦶꦃꦧꦔꦼꦠ꧀ꦤꦭꦶꦏꦢꦶꦠꦶꦁꦒꦭ꧀ꦩꦠꦶꦲꦤꦲꦶꦁꦠꦤꦃ​꧊ꦏꦺꦤꦲꦤ꧀꧈​ꦲꦺꦴꦫꦲꦢꦺꦴꦃꦱꦏ​꧊ꦌꦥ꦳ꦿꦠ꧈​ꦱꦲꦸꦭꦶꦃꦏꦸꦱꦏ​꧊ꦩꦺꦱꦺꦴꦥꦺꦴꦠꦩꦶꦪ꧉​ꦲꦶꦧꦸꦩꦸꦢꦏ꧀ꦏꦸꦧꦸꦂꦲꦶꦁꦏꦤ꧈​ꦲꦶꦁꦥꦶꦁꦒꦶꦂꦢꦭꦤ꧀ꦱꦶꦁꦩꦼꦚꦁ​꧊ꦌꦥ꦳ꦿꦠ꧉"​꧌​꧊ꦌꦥ꦳ꦿꦠꦩꦲꦸꦱꦲꦶꦏꦶꦢꦶꦱꦼꦧꦸꦠ꧀:​꧊ꦧꦺꦠ꧀ꦭꦺꦲꦺꦩ꧀꧉꧍​

^48:8 ꦤꦭꦶꦏꦮꦼꦫꦸꦃꦲꦤꦏ꧀ꦲꦤꦏ꧀ꦏꦺ​꧊ꦪꦸꦱꦸꦥ꦳꧀꧈​​꧊ꦪꦏꦸꦧ꧀ꦠꦏꦺꦴꦤ꧀꧈​"ꦧꦺꦴꦕꦃꦧꦺꦴꦕꦃꦏꦸꦮꦶꦱꦥ?"

^48:9 ꦮꦁꦱꦸꦭ꧀ꦭꦤ꧀ꦤꦺ​꧊ꦪꦸꦱꦸꦥ꦳꧀꧈​"ꦩꦼꦤꦶꦏꦲꦤꦏ꧀ꦏꦸꦭ꧈​ꦥꦫꦶꦁꦔꦶꦥꦸꦤ꧀ꦒꦸꦱ꧀ꦠꦶꦄꦭ꧀ꦭꦃ꧈​ꦱꦢꦔꦸꦤꦶꦥꦸꦤ꧀ꦏꦸꦭꦮꦺꦴꦤ꧀ꦠꦼꦤ꧀​꧊ꦩꦺꦱꦶꦂ꧉"​ꦥꦔꦸꦕꦥ꧀ꦥꦺ​꧊ꦪꦏꦸꦧ꧀꧈​"ꦏꦺꦴꦤ꧀ꦤꦼꦤ꧀ꦚꦼꦝꦏ꧀ꦩꦿꦺꦤꦺ꧈​ꦲꦉꦥ꧀ꦢꦏ꧀ꦧꦼꦂꦏꦃꦲꦶ꧉"​

^48:10 ꦥꦤ꧀ꦢꦼꦊꦁꦔꦺ​꧊ꦪꦏꦸꦧ꧀ꦮꦶꦱ꧀ꦱꦸꦢ꧈​ꦩꦼꦂꦒꦱꦏꦠꦸꦮꦤꦺ꧉​ꦩꦸꦁꦏꦫꦶꦭꦩꦠ꧀ꦭꦩꦠ꧀꧉​ꦧꦺꦴꦕꦃꦭꦺꦴꦫꦺꦴꦩꦲꦸꦢꦶꦕꦼꦝꦏ꧀ꦏꦏꦺꦏꦫꦺꦴ​꧊ꦪꦏꦸꦧ꧀ꦢꦺꦤꦶꦁꦧꦥꦏ꧀ꦤꦺ꧉​​꧊ꦪꦏꦸꦧ꧀ꦔꦿꦁꦏꦸꦭ꧀ꦧꦺꦴꦕꦃꦭꦺꦴꦫꦺꦴꦩꦲꦸꦏꦫꦺꦴꦢꦶꦲꦩ꧀ꦧꦸꦁꦔꦶ꧉​

^48:11 ​꧊ꦪꦏꦸꦧ꧀ꦧꦚ꧀ꦗꦸꦂꦕ꧀ꦭꦛꦸ꧈​"ꦢꦏ꧀ꦱꦼꦁꦒꦸꦃꦲꦏꦸꦮꦶꦱ꧀ꦲꦺꦴꦫꦧꦏꦭ꧀ꦏꦼꦠꦼꦩꦸꦏꦫꦺꦴꦏꦺꦴꦮꦺꦩꦼꦤꦺꦃ꧈​ꦗꦼꦧꦸꦭ꧀ꦒꦸꦱ꧀ꦠꦶꦄꦭ꧀ꦭꦃꦩꦉꦁꦔꦏꦺꦲꦏꦸꦲꦶꦱꦶꦃꦧꦶꦱꦤ꧀ꦢꦼꦊꦁꦏꦺꦴꦮꦺ꧈​ꦩꦭꦃꦲꦸꦒꦲꦤꦏ꧀ꦲꦤꦏ꧀ꦩꦸ꧉"​

^48:12 ​꧊ꦪꦸꦱꦸꦥ꦳꧀ꦔꦁꦏꦠ꧀ꦲꦤꦏ꧀ꦲꦤꦏ꧀ꦏꦺꦱꦏꦥꦁꦏꦺꦴꦤꦺꦧꦥꦏ꧀ꦤꦺ꧈​ꦧꦚ꧀ꦗꦸꦂꦱꦸꦁꦏꦼꦩ꧀ꦝꦺꦮꦺꦲꦤꦲꦶꦁꦔꦉꦥ꧀ꦥꦺ​꧊ꦪꦏꦸꦧ꧀꧉​

^48:13 (48:13-14)ꦱꦮꦶꦱ꧀ꦱꦺꦏꦸꦮꦶꦧꦚ꧀ꦗꦸꦂꦩꦽꦤꦃꦲꦏꦺ​꧊ꦌꦥ꦳ꦿꦲꦶꦩ꧀꧈​ꦱꦶꦁꦫꦒꦶꦭ꧀ꦲꦶꦁꦱꦶꦱꦶꦃꦏꦶꦮꦤꦺ​꧊ꦪꦏꦸꦧ꧀꧈​ꦭꦤ꧀​꧊ꦩꦤꦱꦾꦺ꧈​ꦱꦶꦁꦩ꧀ꦧꦉꦥ꧀꧈​ꦲꦤꦲꦶꦁꦱꦶꦱꦶꦃꦠꦼꦔꦼꦤꦺ꧉​ꦤꦁꦔꦶꦁ​꧊ꦪꦏꦸꦧ꧀ꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦠꦼꦔꦼꦤ꧀ꦲꦤꦲꦶꦁꦱꦶꦫꦃꦲꦺ​꧊ꦌꦥ꦳ꦿꦲꦶꦩ꧀ꦭꦤ꧀ꦠꦔꦤ꧀ꦤꦺꦏꦶꦮꦲꦤꦲꦶꦁꦱꦶꦫꦃꦲꦺ​꧊ꦩꦤꦱꦾꦺ꧉​

^48:14 (48:13)

^48:15 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ​꧊ꦪꦸꦱꦸꦥ꦳꧀ꦤꦸꦭꦶꦢꦶꦧꦼꦂꦏꦃꦲꦶ꧈​ꦠꦼꦩ꧀ꦧꦸꦁꦔꦺ꧈​"ꦩꦸꦒꦩꦸꦒꦄꦭ꧀ꦭꦃ꧈​ꦱꦶꦁꦢꦶꦧꦼꦏ꧀ꦠꦺꦤ꧀ꦤꦶ​꧊ꦄꦧꦿꦲꦩ꧀ꦭꦤ꧀​꧊ꦆꦱ꧀ꦏꦏ꧀ꦱꦗꦿꦺꦴꦤꦺꦔ꧀ꦭꦼꦩ꧀ꦧꦂꦫ꧈​ꦲꦶꦪꦄꦭ꧀ꦭꦃꦏꦁꦔꦶꦫꦶꦢ꧀ꦭꦏꦸꦏꦸꦠꦼꦏꦤ꧀ꦱꦼꦥꦿꦺꦤꦺ꧈​

^48:16 ꦭꦤ꧀ꦩꦸꦒꦩꦸꦒꦩꦭꦲꦺꦏꦠ꧀ꦱꦶꦁꦔ꧀ꦭꦸꦮꦂꦫꦶꦲꦏꦸꦱꦏꦱꦏꦺꦃꦲꦶꦁꦫꦸꦧꦺꦢ꧀ꦢꦩ꧀ꦧꦼꦂꦏꦃꦲꦶꦧꦺꦴꦕꦃꦭꦺꦴꦫꦺꦴꦲꦶꦏꦶ꧉​ꦩꦸꦒꦩꦸꦒꦗꦼꦤꦼꦁꦏꦸꦭꦤ꧀ꦗꦼꦤꦼꦁꦔꦺ​꧊ꦄꦧꦿꦲꦩ꧀ꦭꦤ꧀​꧊ꦆꦱ꧀ꦏꦏ꧀ꦢꦶꦊꦱ꧀ꦠꦫꦺꦏ꧀ꦏꦏꦺꦲꦤꦲꦶꦁꦧꦺꦴꦕꦃꦧꦺꦴꦕꦃꦲꦶꦏꦶ!ꦩꦸꦒꦩꦸꦒꦏꦺꦴꦮꦺꦥꦝꦧꦼꦧꦿꦤꦃꦲꦤ꧀ꦭꦤ꧀ꦏꦥꦫꦶꦁꦔꦤ꧀ꦠꦸꦫꦸꦤ꧀ꦥꦶꦫꦁꦥꦶꦫꦁ꧉"​

^48:17 ꦲꦶꦁꦧꦠꦶꦤ꧀​꧊ꦪꦸꦱꦸꦥ꦳꧀ꦲꦺꦴꦫꦱꦼꦤꦼꦁ​꧊ꦪꦏꦸꦧ꧀ꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦠꦼꦔꦼꦤ꧀ꦲꦤꦲꦶꦁꦱꦶꦫꦃꦲꦺ​꧊ꦌꦥ꦳ꦿꦲꦶꦩ꧀꧈​ꦩꦸꦭꦤꦺꦠꦔꦤ꧀ꦤꦺꦧꦥꦏ꧀ꦤꦺꦤꦸꦭꦶꦢꦶꦲꦁꦏꦠ꧀ꦭꦤ꧀ꦢꦶꦲꦼꦭꦶꦃꦱꦏꦱꦶꦫꦃꦲꦺ​꧊ꦌꦥ꦳ꦿꦲꦶꦩ꧀ꦲꦤꦲꦶꦁꦱꦶꦫꦃꦲꦺ​꧊ꦩꦤꦱꦾꦺ꧉​

^48:18 ꦲꦠꦸꦂꦫꦺꦩꦫꦁꦧꦥꦏ꧀ꦤꦺ꧈​"ꦥꦏ꧀꧈​ꦏ꧀ꦭꦶꦤ꧀ꦠꦸ꧉​ꦲꦶꦁꦏꦁꦩ꧀ꦧꦗꦼꦁꦩꦼꦤꦶꦏ꧉​ꦲꦱ꧀ꦠꦤꦶꦥꦸꦤ꧀ꦧꦥꦏ꧀ꦲꦶꦁꦏꦁꦠꦼꦔꦼꦤ꧀ꦏꦠꦸꦩ꧀ꦥꦁꦤꦲꦶꦁꦱꦶꦫꦃꦲꦶꦥꦸꦤ꧀ꦭꦫꦺꦩꦼꦤꦶꦏ!"

^48:19 ꦤꦁꦔꦶꦁ​꧊ꦪꦏꦸꦧ꧀ꦩꦼꦏ꧀ꦱꦲꦺꦴꦫꦒꦼꦊꦩ꧀ꦔꦼꦭꦶꦃꦠꦔꦤ꧀ꦤꦺꦠꦼꦔꦼꦤ꧀꧈​ꦥꦔꦸꦕꦥ꧀ꦥꦺ꧈​"ꦔ꧀ꦒꦺꦂ꧈​ꦲꦏꦸꦔꦼꦂꦠꦶ꧉​ꦲꦤꦏ꧀ꦠꦸꦫꦸꦤꦺ​꧊ꦩꦤꦱꦾꦺꦲꦸꦒꦧꦏꦭ꧀ꦢꦢꦶꦧꦁꦱꦒꦼꦝꦺ꧉​ꦤꦁꦔꦶꦁꦥꦔ꧀ꦮꦱꦤꦺꦲꦝꦶꦤꦺꦧꦏꦭ꧀ꦭꦸꦮꦶꦃꦒꦼꦝꦺ꧉​ꦭꦤ꧀ꦲꦤꦏ꧀ꦲꦤꦏ꧀ꦏꦺꦲꦝꦶꦤꦺꦧꦏꦭ꧀ꦢꦢꦶꦧꦁꦱꦒꦼꦝꦺꦥꦶꦫꦁꦥꦶꦫꦁ꧉"​

^48:20 ꦧꦺꦴꦕꦃꦭꦺꦴꦫꦺꦴꦩꦲꦸꦱꦤꦭꦶꦏꦲꦶꦏꦸꦲꦸꦒꦤꦸꦭꦶꦥꦝꦢꦶꦧꦼꦂꦏꦃꦲꦶ꧈​ꦠꦼꦩ꧀ꦧꦸꦁꦔꦺ꧈​"ꦗꦼꦤꦼꦁꦩꦸꦧꦏꦭ꧀ꦢꦶꦱꦼꦧꦸꦠ꧀ꦱꦩꦱꦮꦺꦴꦁ​꧊ꦆꦱꦿꦲꦺꦭ꧀ꦲꦤ꧀ꦢꦸꦩ꧀ꦧꦼꦂꦏꦃ꧉​ꦧꦏꦭ꧀ꦥꦝꦕ꧀ꦭꦛꦸ꧈​‘ꦩꦸꦒꦩꦸꦒꦄꦭ꧀ꦭꦃꦤ꧀ꦢꦢꦺꦏ꧀ꦏꦏꦺꦏꦺꦴꦮꦺꦏꦪ​꧊ꦌꦥ꦳ꦿꦲꦶꦩ꧀ꦭꦤ꧀​꧊ꦩꦤꦱꦾꦺ꧉’"​ꦩꦼꦁꦏꦺꦴꦤꦺꦴ​꧊ꦌꦥ꦳ꦿꦲꦶꦩ꧀ꦩꦲꦸꦢꦶꦥꦽꦤꦃꦲꦏꦺꦱꦤ꧀ꦝꦸꦮꦸꦂꦫꦺ​꧊ꦩꦤꦱꦾꦺ꧉​

^48:21​꧊ꦪꦏꦸꦧ꧀ꦧꦚ꧀ꦗꦸꦂꦏꦤ꧀ꦝꦏꦫꦺꦴ​꧊ꦪꦸꦱꦸꦥ꦳꧀꧈​"ꦏꦺꦴꦮꦺꦔꦼꦂꦠꦶꦪꦺꦤ꧀ꦲꦺꦴꦫꦱꦸꦮꦺꦩꦼꦤꦺꦃꦲꦏꦸꦧꦏꦭ꧀ꦏꦥꦸꦤ꧀ꦝꦸꦠ꧀꧈​ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦱꦶꦁꦧꦏꦭ꧀ꦔꦤ꧀ꦛꦶꦏꦺꦴꦮꦺꦏꦧꦺꦃ꧈​ꦭꦤ꧀ꦔꦶꦫꦶꦢ꧀ꦏꦺꦴꦮꦺꦩꦸꦭꦶꦃꦩꦼꦚꦁꦠꦤꦃꦲꦺꦊꦭꦸꦲꦸꦂꦩꦸ꧉​

^48:22ꦏꦺꦴꦮꦺꦝꦺꦮꦺ꧈​ꦢꦸꦢꦸꦱꦼꦢꦸꦭꦸꦂꦱꦼꦢꦸꦭꦸꦂꦩꦸ꧈​ꦢꦏ꧀ꦧꦒꦺꦃꦲꦶꦠꦤꦃ​꧊ꦱꦶꦏꦺꦩ꧀꧈​ꦠꦤꦃꦱꦶꦁꦱꦸꦧꦸꦂ꧈​ꦱꦶꦁꦧꦶꦪꦺꦤ꧀ꦢꦏ꧀ꦉꦧꦸꦠ꧀ꦱꦏꦮꦺꦴꦁ​꧊ꦄꦩꦺꦴꦫꦶ꧈​ꦢꦏ꧀ꦭꦏꦺꦴꦤ꧀ꦤꦶꦥꦼꦫꦁ꧈​ꦔꦁꦒꦺꦴꦥꦼꦝꦁꦭꦤ꧀ꦥꦤꦃꦏꦸ꧉"​