Jv/Alkitab/Wilangan/13

^13:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^13:2 "ꦱꦏꦲꦶꦁꦲꦤ꧀ꦠꦫꦤꦺꦥꦫꦥꦼꦩꦶꦩ꧀ꦥꦶꦤ꧀ꦱꦧꦼꦤ꧀ꦠꦊꦂꦥꦶꦭꦶꦃꦲꦼꦤ꧀ꦮꦺꦴꦁꦱꦶꦗꦶ꧈​ꦢꦢꦺꦏ꧀ꦤꦠꦼꦭꦶꦏ꧀꧈​ꦱꦸꦥꦪꦤꦶꦠꦶꦠꦤꦃ​꧊ꦏꦺꦤꦲꦤ꧀꧈​ꦱꦶꦁꦲꦉꦥ꧀ꦢꦏ꧀ꦥꦫꦶꦁꦔꦏꦺꦩꦫꦁꦮꦺꦴꦁ​꧊ꦆꦱꦿꦲꦺꦭ꧀꧉"​

^13:3 (13:3-15)​꧊ꦩꦸꦱꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦩꦲꦸ꧈​ꦧꦚ꧀ꦗꦸꦂꦩꦶꦭꦶꦃꦮꦺꦴꦁꦫꦺꦴꦭꦱ꧀ꦏ꧀ꦱꦼꦧꦸꦠ꧀ꦲꦶꦁꦔꦶꦱꦺꦴꦂꦲꦶꦏꦶ꧈​ꦩꦁꦏꦠ꧀ꦱꦏꦲꦫꦲꦫꦱꦩꦸꦤ꧀ꦥꦫꦤ꧀꧉​꧌ꦠꦊꦂ꧈ꦥꦤꦸꦤ꧀ꦠꦸꦤ꧀꧍;​​꧊ꦫꦸꦧꦺꦤ꧀​꧊ꦱꦾꦩꦸꦮꦧꦶꦤ꧀​꧊ꦗ꦳ꦏꦸꦂ;​꧊ꦱꦶꦩꦺꦪꦺꦴꦤ꧀​꧊ꦱꦥ꦳ꦠ꧀ꦧꦶꦤ꧀​꧊ꦲꦺꦴꦫꦶ;​꧊ꦪꦺꦲꦸꦢ​꧊ꦏꦭꦺꦧ꧀ꦧꦶꦤ꧀​꧊ꦪꦺꦥ꦳ꦸꦤꦺ;​꧊ꦆꦱꦏꦂ​꧊ꦪꦶꦒꦭ꧀ꦧꦶꦤ꧀​꧊ꦪꦸꦱꦸꦥ꦳꧀;​꧊ꦌꦥ꦳ꦿꦲꦶꦩ꧀​꧊ꦲꦺꦴꦱꦺꦪꦧꦶꦤ꧀​꧊ꦤꦸꦤ꧀;​꧊ꦧꦺꦚꦩꦶꦤ꧀​꧊ꦥꦭ꧀ꦠꦶꦧꦶꦤ꧀​꧊ꦫꦥ꦳ꦸ;​꧊ꦗ꦳ꦺꦧꦸꦭꦺꦴꦤ꧀​꧊ꦒꦢꦶꦪꦺꦭ꧀ꦧꦶꦤ꧀​꧊ꦱꦺꦴꦢꦶ;​꧊ꦩꦤꦱꦾꦺ​꧊ꦒꦢꦶꦧꦶꦤ꧀​꧊ꦱꦸꦱꦶ;​꧊ꦝꦤ꧀​꧊ꦄꦩꦶꦪꦺꦭ꧀ꦧꦶꦤ꧀​꧊ꦒꦺꦩꦭꦶ;​꧊ꦄꦱꦾꦺꦂ​꧊ꦱꦺꦠꦸꦂꦧꦶꦤ꧀​꧊ꦩꦶꦏꦲꦺꦭ꧀;​꧊ꦤꦥ꦳꧀ꦠꦭꦶ​꧊ꦤꦃꦧꦶꦧꦶꦤ꧀​꧊ꦮꦺꦴꦥ꦳꧀ꦱꦶ;​꧊ꦒꦢ꧀​꧊ꦒꦸꦮꦺꦭ꧀ꦧꦶꦤ꧀​꧊ꦩꦏꦶ;

^13:4 (13:3)

^13:5 (13:3)

^13:6 (13:3)

^13:7 (13:3)

^13:8 (13:3)

^13:9 (13:3)

^13:10 (13:3)

^13:11 (13:3)

^13:12 (13:3)

^13:13 (13:3)

^13:14 (13:3)

^13:15 

^13:16 ꦏꦸꦮꦶꦗꦼꦤꦼꦁꦗꦼꦤꦼꦁꦔꦺꦥꦫꦠꦼꦭꦶꦏ꧀ꦱꦶꦁꦢꦶꦠꦸꦒꦱ꧀ꦱꦏꦺ​꧊ꦩꦸꦱꦱꦸꦥꦪꦤꦶꦠꦶꦠꦤꦃ​꧊ꦏꦺꦤꦲꦤ꧀꧉​​꧊ꦲꦺꦴꦱꦺꦪꦧꦶꦤ꧀​꧊ꦤꦸꦤ꧀ꦗꦼꦤꦼꦁꦔꦺꦢꦶꦒꦤ꧀ꦠꦶ​꧊ꦩꦸꦱꦢꦢꦶ​꧊ꦪꦺꦴꦱꦸꦮ꧉​

^13:17 ꦤꦭꦶꦏꦮꦺꦴꦁꦮꦺꦴꦁꦩꦲꦸꦢꦶꦏꦺꦴꦤ꧀ꦩꦁꦏꦠ꧀꧈​​꧊ꦩꦸꦱꦮꦼꦭꦶꦁꦩꦼꦁꦏꦺꦤꦺ꧈​"ꦩ꧀ꦭꦏꦸꦮꦔꦭꦺꦴꦂ꧈​ꦩꦼꦚꦁꦠꦤꦃ​꧊ꦏꦺꦤꦲꦤ꧀ꦱꦶꦱꦶꦃ​꧊ꦏꦶꦢꦸꦭ꧀꧈​ꦧꦚ꧀ꦗꦸꦂꦩ꧀ꦭꦏꦸꦮꦠꦼꦫꦸꦱ꧀ꦩꦼꦚꦁꦠꦤꦃꦥꦼꦒꦸꦤꦸꦁꦔꦤ꧀꧉​

^13:18 ꦠꦶꦠꦶꦤꦼꦤ꧀ꦏꦲꦤꦤꦺꦠꦤꦃꦏꦺꦴꦤꦺꦴ꧈​ꦥꦶꦫꦕꦕꦃꦲꦺꦫꦏꦾꦠ꧀ꦠꦺꦭꦤ꧀ꦱꦼꦥꦶꦫꦏꦼꦏꦸꦮꦠ꧀ꦠꦤ꧀ꦤꦺ;

^13:19 ꦠꦤꦃꦏꦸꦮꦶꦲꦭꦲꦥꦧꦼꦕꦶꦏ꧀꧉​ꦲꦥꦫꦏꦾꦠ꧀ꦠꦺꦥꦝꦩꦁꦒꦺꦴꦤ꧀ꦲꦶꦁꦥꦼꦢꦺꦱꦤ꧀ꦲꦥꦲꦶꦁꦏꦸꦛꦏꦸꦛꦱꦶꦁꦢꦶꦲꦸꦧꦼꦁꦔꦶꦧꦺꦠꦺꦁ꧉​

^13:20 ꦢꦼꦊꦁꦔꦼꦤ꧀ꦧꦸꦩꦶꦤꦺꦭꦺꦴꦃꦲꦥꦲꦺꦴꦫ꧈​ꦭꦤ꧀ꦲꦏꦺꦃꦮꦶꦠ꧀ꦮꦶꦠ꧀ꦠꦤ꧀ꦤꦺꦲꦥꦲꦺꦴꦫ꧉​ꦲꦗꦭꦭꦶꦔ꧀ꦒꦮꦲꦮꦺꦴꦃꦮꦺꦴꦃꦲꦤ꧀ꦱꦶꦁꦠꦸꦮꦸꦃꦲꦤꦲꦶꦁꦏꦤ꧉"​꧌ꦤꦭꦶꦏꦱꦼꦩꦤꦭꦒꦶꦲꦸꦁꦱꦸꦩ꧀ꦲꦁꦒꦸꦂ꧉꧍​

^13:21 ꦮꦺꦴꦁꦫꦺꦴꦭꦱ꧀ꦩꦲꦸꦧꦚ꧀ꦗꦸꦂꦧꦸꦝꦭ꧀꧈​ꦭꦏꦸꦤꦺꦔꦭꦺꦴꦂꦏꦫꦺꦴꦤ꧀ꦭꦶꦠꦶꦠꦤꦃꦩꦲꦸꦮꦶꦮꦶꦠ꧀ꦱꦏꦱꦼꦒꦫꦮꦼꦝꦶ​꧊ꦗ꦳ꦶꦤ꧀ꦱꦶꦱꦶꦃ​꧊ꦏꦶꦢꦸꦭ꧀ꦠꦼꦫꦸꦱ꧀ꦔꦤ꧀ꦠꦶꦠꦼꦏꦤ꧀ꦏꦸꦛ​꧊ꦫꦺꦲꦺꦴꦧ꧀꧈​ꦠꦼꦏꦤ꧀ꦢꦭꦤ꧀ꦱꦶꦁꦔꦼꦤꦼꦩꦼꦚꦁ​꧊ꦲꦩꦠ꧀꧉​

^13:22 ꦱꦶꦁꦢꦶꦠ꧀ꦭꦶꦠꦶꦝꦶꦱꦶꦏ꧀ꦱꦶꦱꦶꦃ​꧊ꦏꦶꦢꦸꦭ꧀꧈​ꦚ꧀ꦗꦸꦗꦸꦒ꧀ꦏꦸꦛ​꧊ꦲꦺꦧꦿꦺꦴꦤ꧀꧈​ꦥꦁꦒꦺꦴꦤ꧀ꦤꦤ꧀ꦤꦺꦮꦺꦴꦁꦮꦺꦴꦁ​꧊ꦄꦲꦶꦩꦤ꧀꧈​​꧊ꦱꦺꦱꦲꦶꦭꦤ꧀​꧊ꦠꦭ꧀ꦩꦲꦶ꧈​ꦲꦤꦏ꧀ꦠꦸꦫꦸꦤꦺꦧꦁꦱꦱꦶꦁꦢꦶꦱꦼꦧꦸꦠ꧀ꦮꦺꦴꦁꦲꦺꦤꦏ꧀꧉​꧌ꦏꦸꦛ​꧊ꦲꦺꦧꦿꦺꦴꦤ꧀ꦏꦸꦮꦶꦢꦶꦢꦼꦒꦏꦺꦥꦶꦠꦸꦁꦠꦲꦸꦤ꧀ꦱꦢꦸꦫꦸꦁꦔꦺꦏꦸꦛ​꧊ꦗ꦳ꦺꦴꦮꦤ꧀ꦲꦶꦁꦠꦤꦃ​꧊ꦩꦺꦱꦶꦂ꧉꧍​

^13:23 ꦧꦚ꧀ꦗꦸꦂꦥꦝꦠꦼꦏꦤ꧀ꦠꦤꦃꦔꦫꦺ​꧊ꦌꦱ꧀ꦏꦺꦴꦭ꧀꧉​ꦲꦤꦲꦶꦁꦏꦤꦥꦝꦩꦚ꧀ꦕꦱ꧀ꦥꦔꦼ’ꦮꦶꦠ꧀ꦲꦁꦒꦸꦂ꧉​ꦱꦏꦶꦁꦲꦧꦺꦴꦠ꧀ꦠꦺꦥꦁꦩꦲꦸꦔꦤ꧀ꦠꦶꦏꦸꦢꦸꦢꦶꦥꦶꦏꦸꦭ꧀ꦮꦺꦴꦁꦭꦺꦴꦫꦺꦴ꧉​ꦲꦸꦒꦥꦝꦔ꧀ꦒꦮꦮꦺꦴꦃꦢ꧀ꦭꦶꦩꦭꦤ꧀ꦮꦺꦴꦃꦲꦚ꧀ꦗꦶꦂꦏꦁꦒꦺꦴꦲꦺꦴꦭꦺꦃꦲꦺꦴꦭꦺꦃ꧉​

^13:24 ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦢꦶꦗꦼꦤꦼꦁꦔꦏꦺꦊꦩ꧀ꦧꦃ​꧊ꦌꦱ꧀ꦏꦺꦴꦭ꧀꧈​ꦩꦼꦂꦒꦲꦤꦲꦶꦁꦏꦤꦥꦝꦩꦚ꧀ꦕꦱ꧀ꦥꦁꦔꦺꦮꦶꦠ꧀ꦲꦁꦒꦸꦂ꧉​

^13:25 ꦱꦮꦶꦱ꧀ꦱꦺꦤ꧀ꦭꦶꦠꦶꦠꦤꦃꦏꦺꦴꦤꦺꦴꦭꦮꦱ꧀ꦱꦺꦥꦠꦁꦥꦸꦭꦸꦃꦢꦶꦤ꧈​ꦥꦫꦠꦼꦭꦶꦏ꧀ꦩꦲꦸꦧꦚ꧀ꦗꦸꦂꦥꦝꦩꦸꦭꦶꦃ꧈​

^13:26 ꦭꦥꦸꦂꦩꦫꦁ​꧊ꦩꦸꦱ꧈​ꦲꦫꦸꦤ꧀ꦭꦤ꧀ꦧꦁꦱ​꧊ꦆꦱꦿꦲꦺꦭ꧀ꦏꦧꦺꦃꦱꦶꦁꦭꦒꦶꦥꦝꦭꦺꦫꦺꦤ꧀ꦲꦶꦁ​꧊ꦏꦢꦺꦱ꧀꧈​ꦲꦶꦁꦲꦫꦲꦫꦱꦩꦸꦤ꧀ꦥꦫꦤ꧀꧉​ꦥꦫꦠꦼꦭꦶꦏ꧀ꦩꦲꦸꦚꦿꦶꦠꦏ꧀ꦏꦏꦺꦲꦥꦱꦶꦁꦥꦝꦢꦶꦱꦸꦩꦸꦫꦸꦥ꧀ꦥꦶ꧉​ꦮꦺꦴꦃꦮꦺꦴꦃꦲꦤ꧀ꦱꦶꦁꦥꦝꦢꦶꦒꦮꦢꦶꦠꦸꦢꦸꦃꦲꦏꦺꦩꦫꦁꦧꦁꦱ​꧊ꦆꦱꦿꦲꦺꦭ꧀꧉​

^13:27 ꦏꦤ꧀ꦝꦤꦺꦩꦫꦁ​꧊ꦩꦸꦱ꧈​"ꦏꦸꦭꦱꦩ꧀ꦥꦸꦤ꧀ꦤ꧀ꦭꦶꦠꦶꦠꦤꦃꦩꦼꦤꦶꦏꦭꦤ꧀ꦱꦸꦩꦼꦉꦥ꧀꧈​ꦧꦶꦭꦶꦃꦱꦶꦠꦶꦤꦶꦥꦸꦤ꧀ꦭꦺꦴꦃꦱꦲꦺꦱ꧀ꦠꦸ꧈​ꦭꦤ꧀ꦩꦼꦤꦶꦏꦮꦸꦗꦸꦢ꧀ꦢꦶꦥꦸꦤ꧀ꦮꦺꦴꦃꦮꦺꦴꦃꦲꦤ꧀ꦲꦶꦁꦏꦁꦱꦏꦶꦁꦔꦿꦶꦏ꧉​

^13:28 ꦤꦁꦔꦶꦁꦫꦏꦾꦠ꧀ꦠꦶꦥꦸꦤ꧀ꦠꦤꦃꦔꦿꦶꦏꦸꦫꦺꦴꦱꦫꦺꦴꦱ꧉​ꦏꦶꦛꦤꦶꦥꦸꦤ꧀ꦲꦒꦼꦁꦲꦒꦼꦁ꧈​ꦠꦸꦂꦩꦮꦶꦧꦺꦠꦺꦁꦲꦶꦁꦏꦁꦱꦼꦤ꧀ꦠꦺꦴꦱ꧉​ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦏꦸꦭꦲꦶꦁꦒꦶꦃꦱꦩꦶꦏꦼꦥꦁꦒꦶꦃꦏꦭꦶꦪꦤ꧀ꦠꦶꦪꦁꦠꦶꦪꦁꦏꦢꦺꦴꦱ꧀ꦧꦸꦠ꧉​

^13:29 ꦠꦤꦃꦮꦲꦸꦲꦶꦁꦱꦶꦱꦶꦃ​꧊ꦏꦶꦢꦸꦭ꧀ꦢꦶꦥꦸꦤ꧀ꦲꦼꦁꦒꦺꦤ꧀ꦤꦶꦠꦶꦪꦁ​꧊ꦄꦩꦭꦺꦏ꧀꧉​ꦲꦶꦁꦥꦉꦢꦺꦤ꧀ꦠꦶꦪꦁ​꧊ꦲꦺꦠ꧀꧈​​꧊ꦪꦺꦧꦸꦱ꧀ꦭꦤ꧀​꧊ꦄꦩꦺꦴꦫꦶ꧉​ꦕꦼꦭꦏ꧀ꦱꦼꦒꦤ꧀ꦠꦼꦤ꧀ꦠꦼꦔꦃꦭꦤ꧀ꦱꦲꦸꦫꦸꦠ꧀ꦠꦶꦁꦭꦺꦥꦺꦤ꧀​꧊ꦪꦂꦢꦺꦤ꧀ꦢꦶꦥꦸꦤ꧀ꦲꦼꦁꦒꦺꦤ꧀ꦤꦶꦠꦶꦪꦁ​꧊ꦏꦺꦤꦲꦤ꧀꧉"​

^13:30 ꦤꦁꦔꦶꦁꦏꦭꦺꦧ꧀ꦤꦼꦤ꧀ꦠꦽꦩ꧀ꦩꦏꦺꦲꦠꦶꦤꦺꦮꦺꦴꦁꦮꦺꦴꦁꦱꦶꦁꦥꦝꦕꦶꦭꦶꦏ꧀ꦲꦠꦶꦤꦺ꧈​ꦱꦂꦠꦩꦠꦸꦂꦩꦫꦁ​꧊ꦩꦸꦱ꧈​"ꦏꦶꦠꦏꦼꦢꦃꦔ꧀ꦭꦸꦫꦸꦒ꧀ꦥꦼꦫꦁꦭꦤ꧀ꦔꦽꦧꦠ꧀ꦤꦼꦒꦫꦶꦩꦼꦤꦶꦏꦱꦩꦼꦤꦶꦏꦲꦸꦒꦶ꧈​ꦩꦼꦂꦒꦶꦏꦼꦏꦶꦪꦠ꧀ꦠꦤ꧀ꦏꦶꦠꦩ꧀ꦧꦺꦴꦠꦼꦤ꧀ꦏꦮꦺꦴꦤ꧀ꦏꦭꦶꦪꦤ꧀ꦏꦼꦏꦶꦪꦠ꧀ꦠꦤ꧀ꦤꦶꦥꦸꦤ꧀ꦧꦁꦱꦧꦁꦱꦩꦼꦤꦶꦏ꧉"​

^13:31 ꦤꦁꦔꦶꦁꦥꦫꦠꦼꦭꦶꦏ꧀ꦭꦶꦪꦤꦺꦱꦶꦁꦠꦼꦏꦤꦺꦧꦉꦁꦏꦫꦺꦴꦏꦭꦺꦧ꧀ꦥꦝꦩꦸꦤꦶ꧈​"ꦩ꧀ꦧꦺꦴꦠꦼꦤ꧀꧈​ꦏꦶꦠꦩ꧀ꦧꦺꦴꦠꦼꦤ꧀ꦱꦒꦼꦢ꧀ꦔ꧀ꦭꦸꦫꦸꦒꦥꦼꦫꦁ꧈​ꦩꦼꦂꦒꦶꦏꦮꦺꦴꦤ꧀ꦏꦶꦪꦠ꧀ꦏꦠꦤ꧀ꦝꦶꦁꦏꦭꦶꦪꦤ꧀ꦧꦁꦱꦧꦁꦱꦮꦲꦸ꧉"​

^13:32 ꦥꦫꦠꦼꦭꦶꦏ꧀ꦩꦲꦸꦲꦶꦪꦥꦝꦚꦼꦧꦂꦏꦧꦂꦒꦺꦴꦫꦺꦴꦃꦲꦶꦁꦏꦭꦁꦔꦤ꧀ꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦧꦧ꧀ꦠꦤꦃꦱꦶꦁꦥꦝꦢꦶꦢ꧀ꦭꦗꦃꦲꦶꦩꦲꦸ꧈​ꦲꦸꦗꦂꦫꦺ꧈​"ꦠꦤꦃꦏꦤꦥꦼꦩꦼꦠꦸꦤꦺꦲꦺꦴꦫꦱꦼꦥꦶꦫꦲ꧈​ꦢꦶꦥꦔꦤ꧀ꦫꦏꦾꦠ꧀ꦠꦺꦝꦺꦮꦺꦮꦲꦺꦲꦺꦴꦫꦕꦸꦏꦸꦥ꧀꧉​ꦩꦁꦏꦮꦺꦴꦁꦮꦺꦴꦁꦏꦤꦢꦼꦢꦼꦒꦭꦤ꧀ꦫꦺꦴꦱꦤꦺꦲꦺꦴꦫꦲꦶꦭꦺꦴꦏ꧀꧉​

^13:33 ꦩꦭꦃꦲꦏꦸꦥꦝꦮꦼꦫꦸꦃꦮꦺꦴꦁꦮꦺꦴꦁꦱꦶꦁꦲꦮꦏ꧀ꦏꦺꦏꦪꦧꦸꦠ꧈​ꦪꦏꦸꦮꦶꦲꦤꦏ꧀ꦠꦸꦫꦸꦤꦺꦲꦺꦤꦏ꧀꧉​ꦢꦶꦠꦤ꧀ꦝꦶꦁꦏꦫꦺꦴꦮꦺꦴꦁꦮꦺꦴꦁꦏꦸꦮꦶ꧈​ꦏꦶꦠꦲꦶꦏꦶꦩꦸꦁꦥꦽꦱꦱꦠ꧀ꦮꦭꦁ꧈​ꦭꦤ꧀ꦲꦶꦪꦩꦼꦱ꧀ꦛꦶꦔꦺꦴꦤꦺꦴꦥꦼꦔꦁꦒꦼꦥ꧀ꦥꦺꦮꦺꦴꦁꦮꦺꦴꦁꦩꦫꦁꦏꦶꦠ꧉"​