Kamenchri pah di Gialik Waar

Aal a Gaal divaidop ina chrii paat, wan wepaat di Beljai inabit, di Akuitani di nex, demde uu ina fidem uona languij niem Kelt, ina fiwi Gaal, di tod. Aal a demya difrah frah wananeda ina languij, kostam ah laa. Di riba Garon separiet die Gaaldem frah di Akuitani; di Maan ah di Sen separiet dem frah di Beljai. Outa aal a demaya, di Beljai a di talawais, kaa deh a di foerdis frah di siblaizieshan ah rifainment a [fiwi] Pravins, ah moerchant rizaat tu dem di liis friikuent, ah impuot demde sitn we ten fi ifeminet di main; ah deh a di nieris tu di Joermandem, uu dwel yanda di Rain, uu deh a-wiej kantiniual waar wid; fi we riizn di Elvetii azwel paasout di res a di Gaal ina vala, az deh kanten wid di Joermandem ina liklmuos dieli bakl, wen deh aida ripel dem frah deh uona terichri, ar demself wiej waar pah deh frontier. Wan paat a dis, we deh eh-se di Giali akiupai, tek ibignin a di riba Ron; iboun bai di riba Garon, di uoshan, ah di terichri at di Beljai; it baada, tu, pah di said a di Sikuani ah di Elvetii, pah di riba Rain, ah chrech tuwadz di naat. Di Beljai raiz frah di hexchriim frontier a Gaal, exten tu di luowa paat a di riba Rain; ah luk tuwadz di naat ah di raizin son. Akuitania hexten frah di riba Garon tu di Piriniyan mouhn ah tu daade paat a di uoshan we de nier Spien: iluk bitwiin di setn a di son, ah di naat staar. [LATN]