Kim kabatlı

Todur Zanet
Kim kabatlı?

Bizi başkası düşünärdi:
Dumaa mı bizä,
Ölmää mi bizä,
Kan mı vermää,
Kırda mı yanmaa
O salt bilärdi.

Bizäsa kalardı:
Gecedän-geceyä
Tütünnän toprak alıp işlemää
Ne päzär ne yortu,
Dinnenmää da hiç yok.
İşlemää
İşlemää,
Kazanmää bolay çok.

Da te vakıtlar isteer borçları
Ya durgun, be insan,
Ya ver onnarı!
Borçlarsa älä:
Kim tutunä
Yollamış uşaa sık,
Şindi ona da aarer o saalık
Uşaksa patta,
Para yanında,

Olmuş iki kat…
Koco do görer:
Otuz yaşında karı diil karı
O ihtär hem sakat
Ya git mezarlaa
De bak-ne pek çok
Genç gömülü
Şindän sora hiç yok.
Er orada
Mezar mezara razgeler.
Ana sesindän göklär da öter.

Bura sanki kim kabaatlı?
Kim kabaatlı, ani yok kinomuz?
Kim kabaatlı, ani psost yoolarmız?
Kim kabaatlı ki gazeta siirek?
Kim kabaatlı, ki eşlär oler tek?

Bu dünneydä
Ne biz diil mi insan?
Versänä cuvap bana
Sän, ihtär can
Neçin diiliz hodul
Ki uzak dedemiz
Devlet ta kurmuş,
Duşman ensemiş ?!

Bu dünnedä
Ne salt iş mi yolun
Seninle, paalı gagauzum?
Baksana dolay dünnä ne gäzäl!
Devlet kuralım geldi vakıtlar