Kiuwiet!

Kiuwiet!.
Author:	W. Lauw-Waddens
Text type:	Gedicht
Comment:
:

Nu is et Vörjahr, - ok noch in’e Nacht,
so still un fein in’n Oster-Maanenschien,
un ok de Kiwitsvader is noch wach,
he mag dat schöne Mär jo ok geern lien.
Und wat he singt, da klingt so wiet, so wiet:
Kiuwiet, wiet, wiet! Kiuwiet!

Du lewe Kiwiet, mak du man din Nest
un freu di to dat moje, bunte Ei
un fier man Dag un Nacht dat Osterfest
dat klingt so lustig, dinen Riemelrei,
in disse Tiet, in disse Vörjahrstiet:
Kiuwiet, wiet, wiet! Kiuwiet!

Un ick sing mit, dat deh ick ok as Kind,
do sungst du um min littjet Ollernhus,
un ick wär just so as su ok gesinnt
un jung ok jeden Abend ’n ganzet Rus.
Och, wat weer dat för ’n wunnerselge Tiet!
Kiuwiet, wiet, wiet! Kiuwiet!