Kun tu bzang po thugs kyi me long gi rgyud

@1
234
bod skad du
kun tu bzang po thugs kyi me long gi rgyud ces bya ba
thams cad ston pa'i rgyud
bcom ldan 'das rang bzhin kun tu bzang po la phyag 'tshal lo
skad bdag gis bstan pa'i dus gcig na
don gyi snying po brdal ba'i ye shes kyi sku de ni
235
mdun dang rgyab med par zhal kun thal ler bzhugs so
des 'gro ba dang 'ong ba med pa'i don sems can la ston to
a a a
'di skad bdag gis thos pa'i dus gcig na
mngon par 'dus ma byas pa'i sku de ni 'og min gyi gnas cha yis ma bgos pa rdo rje gdan la mngon par gnas pa
phyi dang nang med pa kun tu yang nag du gyur pa
phyi nas bltas na nang gsal ba
236
nang nas bltas na phyi gsal ba
'od zer phyogs bcur 'phro ba
ma khyud kyi rab can
ye shes lnga dkar ma bzhin 'char ba
sku lnga mdun dang rgyab tu med par gsal ba
'od lnga ma 'dres pa la gsal ba
don gyi snying po stong pa'i rtags su
rig pa'i dkyil 'khor 'od gsal ba
mngon par snang ba'o
gzhal yas khang de'i nang na ston pa kun tu bzang po
rigs bzhi'i sems dpa' dang
rig pa kun tu bzang po'i ngang la thabs cig tu bzhugs so
de nas rdo rje rigs kyi sems dpa' rnams kyis 'di skad ces gsol to
bcom ldan 'das thugs kyi dkyil 'khor sgo 'byed pa'i don bstan du gsol
zhes zhu ba zhus so
de nas ston pa kun tu bzang pos
rang rang gi rig pa'i dkyil 'khor 'od gsal ba'i don ston to
237
rigs kyi bu rnams legs par nyon cig
rang rang la dkyil 'khor gsum du shes par bya'o
de yang gang zhin
sku'i dkyil 'khor dang
gsung gi dkyil 'khor dang
thugs kyi dkyil 'khor ro
zhes gsungs pa dang
de rnams don bshad du gsol zhes zhu ba zhus so
ston pas bka' stsal pa
rdo rje sems dpa'i 'khor rnams nyon
ngas bstan legs par yid la zungs
nga yi dkyil 'khor bsam mi khyab
nga las byung ba'i dkyil 'khor ni
sku yi dkyil 'khor 'gyur med klong
gsung gi dkyil 'khor 'gag med dang
thugs kyi dkyil 'khor rtog med dang
yon tang dkyil 'khor yid bzhin sems
'phrin las dkyil 'khor btsal med dbyings
'od chos kyi dbyings su brdal ba
sku'i dkyil 'khor 'gag med gsung la rol
gsung gi dkyil 'khor rtog med thugs la rol
de phyir don gyi snying po rig pa 'gag med klong
238
byang chub snying po brdal ba'i pho brang 'di
kun la dkon pa'i rin chen gter yin pas
rang gis rang la rtag tu blta bar gyis
byang chub sems dang 'dris par ma gyur na
mthong yang ngo shes dag tu mi 'gyur bas
yang nas yang du brtags shing goms par bya
rig pa'i mtshan nyid gcig las du mar snang
don dam ngang las mi dmigs 'od gsal sku
dmigs med ngang las gsal 'grib yongs kyis med
sems can blo la bye brag mang ba'i phyir
bar ma do la snang ba so sor 'char
dag pa'i lam la ye shes 'od du gsal
'od gsal bde ba'i sku la mdun rgyab yongs kyis med
ma dag sems can rnams la mdun dang rgyab tu snang
239
rig pa 'gyur med sku la mdun rgyab ga la yod
mdun dang rgyab tu mthong na gol sgrib yang bar 'gyur
ye shes sku la rtog pa mi mnga' zhing
tshig don 'brel ba'i ye shes sku la brtags
sku dang ye shes dbyer med 'dres shing mtshungs
ye shes sku ste rang byung ba
ye shes 'gag med ngang la rig pa 'gyur med gsal
bstan bas don ldan ye shes sku mchog 'di
don dam rang bzhin med pa chos sku skye med dang
bstan pa'i sgron me chos sku 'od po che
don dang mthun pa'i skyes bu rnams la gsal
bar ma do la 'od kyi snang ba so sor 'char
de phyir blo yi rim pa bdun bdun dag tu phye
de las gdams ngag nyi shu rtsa gcig dag tu shes par bya
240
ye shes sgron ma rnam dag mkha' la de bzhin gshegs
rnam dag don ldan snying po ye shes sku
skye med don ldan rig pa byang chub sems
rang byung dbyings nas bde chen 'od 'bar sku
sku lnga mthar phyin sku gcig don la zhog
kye ma rin chen byang chub sems
btsal bas mi rnyed bzhag na rnyed par 'gyur
rang las byung zhing nyon mongs ngang du nub
rtogs pa'i don dang ldan pa'i gang zag byang chub sems
'khrul pa'i chos las thar nas rang byung bde bar spyod
dkyil 'khor gsum gyi rol pa rnam dag rab tu 'byung
don gyi snying po ma bskyed dbyings nas gzhi la rdzogs
sangs rgyas thams cad 'byung ba'i sa bon myu gur bcas
don gyi ye shes skad cig ngang la rdzogs
rtags gyi ye shes skye 'bri med par snang
dpe yi ye shes dri med rnam dag dang
241
chos sku'i ye shes bsam 'das brjod med dang
long ma sku'i ye shes kha dog ma 'dres gsal
sprul sku'i ye shes cir yang bsgyur tu btu pa
gnyis med ye shes tha snyad mtha' dang bral
rtog med ye shes 'dzin pa'i yul dang bral
'dzin med ye shes gnyis snang mtha' dang bral
mnyam nyid ye shes tshig las 'das pa'i ngang
chos dbyings ye shes gsal la rtog pa med
dag pa'i ye shes dri ma'i mtha' dang bral
gsal ba'i ye shes stong pa'i yul las 'das
stong pa'i ye shes dngos po'i yul las 'das
mtshon pa'i ye shes gza' gtad chos dang bral
dmigs med ye shes bsgom pa'i yul dang bral
'das pa'i ye shes tshig gis mtshon du med
242
ma 'ongs ye shes dngos por bstan du med
da lta'i ye shes yul la mngon par snang
rdo rje'i ye shes 'du 'bral med par rtogs
de rnams 'byung ba'i ye shes de bzhin no
ye shes bsgom pa'i yul dang bral ba'o
kye kye rdo rje sems dpa' nyon
dkyil 'khor don dang yer shes don
nga yis khyod la legs par bstan pa yin
rang byung don gyi snying po ni
bskyed pa ma yin rdzogs pa'i tshul
kun la yod pa'i me long 'od po che
dper na me long dkyil 'khor dangs pa la
gang bstan rkyen de 'ong ba bzhin
rang bzhin rnam dag stong pa'i nam mkha' la
don gyi snying po ma 'dres tshom bu lnga
ma bskyed rdzogs pa'i tshul du gsal
zhes ston pa kun tu bzang pos rdo rje'i rigs la rang gi don bstan pa'o
zhes rgyud thams cad kyi rtsa ba kun tu bzang po thugs kyi me long gi rgyud chen po las
dkyil 'khor dang ye shes bstan pa'i le'u ste dang po'o
@2
de nas yang rin po che'i rigs kyi sems dpa' rnams kyis 'di skad ces gsol to
243
kye kye bcom ldan kun tu bzang
kun bzang nges tshig dbye bar bcas pa bshad du gsol
zhes zhus so
de nas yang ston pa kun tu bzang pos bka' stsal pa
kye ma rin chen sems dpa' nyon
ngas bstan legs par yin la zung
kun bzang nges tshig gang zhe na
chos nyid rtogs pa'i ngang du rig pa skye med 'dus pas kun
rig pa byar med ngang du chos sku 'gag med 'dus pas kun
ye shes dngos med ngang la rig pa skye med 'dus pas kun
rig pa byang chub ngang la snang srid thams cad 'dus pas kun
rig pa lhun grub ngang la 'bras bu byar med dril bas tu
rig pa stong pa'i ngang las ye shes gsal bas brgyan pas tu
gsal ba 'dzin med ngang la rig pa rtog med bzhag pas tu
snang stong dbyer med ngang las rig pa kun bral bzhag pas tu
dper na rin chen gser gling phyin pa bzhin
sa rdo'i bag med snang ba gser du 'gyur
de bzhin kun tu bzang po'i don rtogs rnam rtog ye shes 'gyur
244
kun bzang ngang la g.yos pa med pas bzang
mnyam nyid ngang la bzang dan med pas bzang
dbyer med ngang du gcig pas bzang
gnyis med tshul du gnas pas bzang
don dang ldan pa kun bzang dbye bar gsungs
de yi phyir na rgyud chen a li ka
kun bzang ngang ni cis kyang bskyod du med
'khrul med byang chub sems la nges par gnas
kye ho rin po che'i sems dpa' rnams nyon cig
chos thams cad kun tu bzang po lnga'i rang bzhin du shes par bya'o
de yang gang zhe na 'di lta ste
rang bzhin kun tu bzang po dang
rgyan kun tu bzang po dang
245
ston pa kun tu bzang po dang
rig pa kun tu bzang po dang
rtogs pa kun tu bzang po'o
rigs kyi bu sangs rgyas thams cad kyi dgongs pa kun tu bzang po lnga'i rang bzhin du shes par bya'o
bkod pa rin po che rnam par 'grel pa'i don
rtsa ba'i rgyud chen po 'dis shes par bya'o
kye ma rigs kyi bu nyon cig
246
rin po che rnam par bkod pa'i dkyil 'khor ni ma bris par bkra
ye shes bstan pa'i ri rgyal ni ma brtsegs par dpangs mtho
ye shes brdal ba'i pho brang ni ma byas par rgya che
ye shes klong yangs kyi rgya mtsho ni ma rnyegs par gsal la dangs
ye shes gsal ba'i nyi ma ni ma byas bar 'char nub med
stong nyid brdal ba'i thang ni ma bkod par cha snyoms
ye shes 'gyur med kyi lam ni ma sbyangs bar nye ring med
rig pa 'gyur med kyi rta ni rgyugs kyang chad pa med
rig pa dmigs med kyi chu rgyun la rgyun chad med
rig pa ye shes kyi sa bon la 'phel 'grib med
rig pa stong gsal gyi ye shes ni dbyer mi phyed
rig pa 'dzin med kyi ye shes ni ngos bzung gi mtha' dang bral
247
rig pa rtog med kyi ye shes ni ma 'gags par yongs su gsal
rig pa kun gsal gyi ye shes ni
ma 'dres par yongs su rdzogs
rig pa kun snang gi ye shes ni
gsal la 'dzin pa med
rig pa kun gsal gyi ye shes ni
gsal la lhun sdug
de ni kun tu bzang po lnga'i nyer gzhag go
kye kye rin chen sems dpa' nyon
ngas bstan legs par yid la zungs
nga las ma byung gcig kyang med
nga ni 'byung ba kun tu bzang
nga yis mi ston gcig kyang med
nga las rang bzhin tha dad byung
nga ni rang bzhin kun tu bzang
nga ni tha snyad chos dang bral
nga ni gcig pu kun tu bzang
nga la 'od chen rnam lnga rdzogs
nga ni rgya chen kun tu bzang
248
nga ni dag pa'i zhing du sgrol
nga ni sgrol byed kun tu bzang
nga ni 'dzin byed yul las 'das
nga ni rig pa kun tu bzang
nga ni rang rig byang chub sems
nga ni byang sems kun tu bzang
nga yi sems la cir snang rdzogs
nga ni rtogs pa kun tu bzang
kun bzang ngang la gnas pa yi
rnal 'byor bde gshegs sa la gnas
rtogs pa'i don ldan kun bzang ma yengs dang
kun tu bzang mo dog med yangs pa'i klong
kun tu bzang po rgya chen kun la rol
kun bzang yab yum gnyis med gcig gi tshul
rtogs pa'i don ldan kun tu bzang mo'i ngang
'gyur med bha ga yangs pas sna tshogs cir yang 'char
bha ga'i nang na snang srid thams cad sdud
yum gyi bha ga stong pa chen po'i yul
yab yum gnyis med tshul gyis 'gro ba yongs la khyab
'dzin med bgrod med lam la gnas pa'i kun bzang byang chub sems
kun bzang zhal ni phyogs bcu kun tu gzigs
kun gzigs kun tu bzang po'i sku la mdun rgyab med
yum gyi bha ga bde klong gcig tu 'khyil
kun rdzob yul la mi gnas tshig gis mtshon du med
249
don dam ngang las kun bzang cho 'phrul 'byung
thams cad yid bzhin 'byung bas kun bzang rin chen gter
zad med gter la longs spyod kun tu bzang mo'i klong
don dam mthun pa'i ye shes rtags mchog ldan
ma bris dkyil 'khor 'od gsal bde ba'i sku
kun bzang thugs kyi dkyil 'khor ma bris yongs la gsal
kun bzang thugs kyi dkyil 'khor me long 'od po che
thugs mchog dkyil 'khor ma bsgrubs ngang gis grub
sku yi dkyil 'khor ma bskyed rdzogs pa'i don
sram khregs rdo rje 'jigs pa kun dang bral
stong nyid 'jigs med ye shes gsal bas brgyan
nam mkha'i lam la rab gnas pa
ye shes sgron mas 'gro ba yongs la khyab
yid bzhin nor bu rin chen tshul
'bar ba'i 'od zer phyogs bcu gang bar 'phro
kye ma ma bskyed rin chen phung po'i klong
klong yangs tshig las 'das pa'i yid bzhin byang chub sems
sangs rgyas thams cad 'byung ba'i lam chen kun la yod
sangs rgyas thams cad bskyed pa'i yum
snying po sgron ma don gyi mchog
250
sangs rgyas sras po dam pa'i mchog
sangs rgyas sku ste kun la khyab
ston pa'i sgron mar gyur pa yi
chos kyi snying po don gyi mchog
snying rje'i yul dang bral zhing 'dzin pa'i spyod yul min
byang chub don gyi snying po la
sgro btags chos kun ga la yod
'dzin med rnam dag byang chub snying po'i sku
'gyur ba med la rang snang de bzhin gshegs
rang gi snang ba ma 'dres yongs su rdzogs
rang gi rig pa dog med yangs pa'i klong
rang gi 'byung ba rang byung rang la thim
dkyil 'khor rnam gsum ma bskyed rdzogs pa'i tshul
bsam bral ye shes dngos po'i mtha' dang bral
bsam 'das brjod med ngang la rig pa de bzhin gshegs
rnam dag ye shes rang la longs sku ma 'dres gsal
stong pa 'gag med ye shes brdal ba'i sku
shes rab 'gyur med rnam dag dbyings la spyod
shes rab klong na rig pa rang shar sku
gnyis med ngang du bde chen 'od gsal thim
de nas yang rin po che'i rigs kyi sems dpa' rnams kyis 'di skad ces gsol to
kye kye bcom ldan kun bzang yab
dkyil 'khor lnga dang kun bzang gsung du gsol
251
zhes zhu ba zhus so
kun bzang ngang gis bka' stsal pa
kye kye rin chen sems dpa' nyon
rin chen byang chub 'byung ba'i gter chen 'di
gsang sngags thabs ldan dag gis btsa' bar bya
kun tu bzang po'i sku ni ma bsgribs yongs la gsal
dam tshig kun tu bzang po ye bsrungs gdengs dang ldan
spyod pa kun tu bzang po 'khor ba bde bar spyod
bsgom pa kun tu bzang po gsal ba 'dzin med bsgom
lta ba kun tu bzang po khams gsum thig ler blta
'bras bu kun tu bzang po ye shes chig chod sa
252
sku mchog kun tu bzang po bde chen 'od 'bar sku
gsung mchog kun tu bzang po 'gag med tshangs pa'i dbyangs
thugs mchog kun tu bzang po dran rtog dbyings su skyil
phrin las kun tu bzang po ma btsal lhun gyis grub
yon tan kun tu bzang po sna tshogs cir yang 'char
rdo rje kun tu bzang po mi 'gyur rig pa'i ngang
rig pa kun tu bzang po stong gsal dbyer med dang
ye shes kun tu bzang po gsal 'grib yongs kyis med
snang ba kun tu bzang po cir snang rig pa'i grogs
shes rab kun tu bzang po rnam dag don la spyod
ye shes me yis kun bzang ngang la spyod
rig pa'i rlung gis ma bskyod dbyings su gshegs
shes rab chu yis thams cad gcig tu sdud
253
ma bskyod mkha' la de bzhin rig pa gsal
gsal la ma yengs gting dpag dka' ba'i ngang
stong gsal brdal ba bde chen dbyings la spyod
rtse gcig gsal ba don dam dbyings kyi ngang
ma 'dres rdzogs na lhun grub sa la gnas
dmigs med mthong na ye shes mkha' la gsal
shes rab don la mtshon pa'i tshig dang bral
rdzogs chen a ti 'gyur med klong na smra
dper na gcan gzan rgyal po seng ge ni
gangs kyi stongs na gnas shing sder chags zil gyis gnon
de bzhin rdzogs chen a ti ni
skye med don chen ston cing theg dman zil gyis gnon
'gyur med a ti'i ngang la rig pa byar med gsal
zhes ston pa kun tu bzang pos rin po che'i rigs kyi sems dpa' rnams la rang rang gi don bstan to
zhes kun tu bzang po thugs kye me long gi rgyud chen po las
kun tu bzang po'i dbyib bstan pa'i le'u ste gnyis pa'o
@3
de nas pad ma rigs kyi sems dpa' rnams kyis 'di skad ces gsol to
bcom ldan 'das thugs rje dang ldan pa
254
don thams cad 'byung ba'i gter gsung du gsol
ston pas bka' stsal pa
e ma ho
pad ma rigs kyi sems dpa' nyon
snang srid ma bcos chos sku'i ngang
ye shes ma bcos thugs la rol
'byung ba ma bcos longs sku'i ngang
kha dog ma bcos dbyings la rol
sems can ma bcos sprul sku'i ngang
thugs rje ma bcos 'gag med klong
kun gzhi ma bcos bde chen ngang
rig pa ma bcos nam mkha'i klong
ye shes ma bcos rnam dag pa
kha dog ma bcos ma 'dres gsal
gnyis med ma bcos stong pa'i ngang
rang byung ma bcos rig pa'i klong
'od lnga ma bcos gsal ba'i ngang
sems nyid ma bcos rig pa'i ngang
yid rnams ma bcos ye shes 'od
'gyu byed ma bcos yid kyi ngang
sems nyid ma bcos sangs rgyas dngos
ma rig ma bcos rig pa dngos
dug lnga ma bcos ye shes lnga
sems can srog ma bcad nas ngas mi rgya
srog bcad sdig par 'gyur ba na
255
ye nas chad pa su la sdig
srog bcad sdig par mi 'gyur rang gi bde chen sa
dus gsum sangs rgyas srog bcad mngon sangs rgya
chos la gnas na bya byed sdug bsngal yin pas spang bar bya
sangs rgyas mi bsgrub sangs rgyas bsgrubs na ltung bar 'gyur
sems can mi spang spangs na sangs mi rgya
'dus byas dge rtsa mi bya 'dus byas dge rtsa byas na 'jig par 'gyur
sangs rgyas bsgom pa ma yin bsgoms na ngan song rgyu
lha la mchod pa mi 'bul phul na sdug bsngal chen por 'gyur
sbyin pa la sogs pha rol phyin pa drug mi spyad
spyad na rtsol ba'i bsam par 'gyur
sangs rgyas yod pa ma yin stong nyid gcig pu nyid
ngan song yod pa ma yin bde chen 'khor ba'i ngang
256
ting 'dzin la sogs sangs rgyas sku la sgrib pa yin
bsgom pa'i lam la gnas pa nga la sgrib pa yin
mchod pa phyag rgyal sogs nga la sgrib pa yin
snang ba chos skur 'dod pa nga la sgrib pa na
cir snang sems su 'dod pa nga la sgrib pa yin
rang byung gzhan la 'dod pa nga la sgrib pa yin
srid pa'i bar do 'dod pa nga la sgrib pa yin
ye shes sems su 'dod pa nga la sgrib pa yin
sangs rgyas sku ni ma bsgribs yongs la gsal
sgrib med rnam dag byang chub brdal ba'i klong
sgrib rgyu mi dmigs sgrib byed ma 'gags shing
de yi phyir na sangs rgyas med pas sangs rgyas ming yang med
'dzin pa med pas sems can yul yang med
rtog pa med pas ma rig 'khrul pa med
zhen pa med pas sna tshogs yul yang med
chags pa med pas bag chags sems kyang med
'das pa med pas ma 'ongs ming yang med
da lta med pas nyon mongs ming yang med
257
don dam med pas kun rdzob ming yang med
rig pa med pas ma rig ming yang med
sangs rgyas med pas sems can ming yang med
ston pa med pas ston byed ming yang med
de ltar bya ba gsum btang rnal 'byor de
phyir mi ldog pa'i sa la nges par gnas
bde chen sa la 'gyur med lhun gyis grub
rtog pa med la 'bras bu ma bsgribs gsal
lta ba ma bcos ye shes zang thal ngang
bsgom pa ma bcos gsal la 'dzin med ngang
spyod pa ma bcos rang byung lhug pa nyid
'bras bu ma bcos rang snang bde ba'i sku
dam tshig ma bcos ma yengs gtong phod ldan
dbang rnams ma bcos rig pa rtsal gyi dbang
dad pa ma bcos 'gyur med brtson 'grus che
de ltar rtogs pa'i dbang po rab mchog de
bde chen sa la mi g.yo mnyam par gnas
yang zhu ba zhus pa
kye kye bcom ldan kun bzang yab
la bzla'i sgrib pa de ltar na
gol ba'i rnam pa gsung du gsol
zhes zhus so
de nas ston pas bka' stsal pa
kye ma pad ma'i sems dpa' nyon
258
ngas bstan legs par yid la zung
byang chub snying po gol dang sgrib pa med pa la
'on kyang sgrib pa'i rnam pa so sor gsal
de yang mdo tsam bstan gyis nges par yid la zungs
kun gzhi chos skur 'dod nang las gol pa yin
sems la sangs rgyas 'dod nang las gol ba yin
bsgom pa yul can 'dod na nga las gol pa yin
chos spyod rtog pas 'dzud pa nga las gol ba yin
sa lam 'bras bu 'dod pa nga las gol ba yin
stong pa'i yul la zhen pa nga las gol ba yin
mchan bcas gzhan 'byung bsgom pa nga las gol ba yin
rtog pa lam du khyer na nga las gol ba yin
259
byang chub 'dzin par 'dod na nga las gol ba yin
mtshan ma'i tshig la zhen pa nga las gol ba yin
ting 'dzin rnam gsum 'dod pa nga las gol ba yin
cig char rim gyis 'dod pa nga las gol ba yin
snang srid thams can 'on kyi snang ba la
snang srid tha mal bzung bas khyod kyis gol
rang gi phung po sangs rgyas dngos yin la
sha khrag phung po 'khrul par mthong bas khyod kyis gol
'di ltar snang bdag snang chen po la
'khrul pa'i snang ba rtag par mthong bas khyod kyis gol
zhing khams sum brtsegs rang las 'char ba la
zhing khams gzhan nas 'dod pas khyod kyis gol
ma rig 'khrul pa rig pa'i bdag nyid la
ma rig spang bar 'dod pas khyod kyis gol
dkyil 'khor rnam gsum rang la gnas pa la
dkyil 'khor gzhan nas bri ba khyod kyis gol
sangs rgyas ma bskyed rang las byung ba la
sangs rgyas bsgom zhing bsgrubs pas khyod kyis gol
byang chub rtog med ngang la gnas pa la
'dus byas dge rtsa byas pas khyod kyis gol
260
gsang sngags rgyal po tshig las 'das pa la
tshig dang yi ger bzung bas khyod kyis gol
don gyi snying po skye shi med pa la
skye dang 'chi bar bzung bas khyod kyis gol
chos sku bsam pa kun dang bral ba la
bsam pa sna tshogs khyod kyis 'gyus pas gol
longs sku ma 'dres cir yang gsal ba la
ma rtogs gti mug 'khor bar bzung bas khyod kyis gol
sprul sku sems can rnams dang mthun par snang ba la
'gro ba'i gzugs su bzung bas khyod kyis gol
sku gsum 'du 'bral med pa'i rang bzhin la
sku gsum du mar mthong bas khyod kyis gol
lta sgom dbyer med gcig gi rang bzhin la
lta sgom spyod pa gsum du khyod kyis mthong bas gol
chos rnams thams cad rig pa'i rang bzhin la
chos rnams sems su mthong bas khyod kyis gol
byang chub snying po gol dang sgrib pa med pa la
gol dang sgrib par 'dzin pa ga la yod
gol med sgrib pa yongs kyis med
chos kyi sku ni sgrib dang bral ba la
gol sgrib gnyis su 'dzin pa nyon re mongs
chos sku ma bskyed rang las byung ba la
261
gzhan nas yod du re ba yongs re 'khrul
skye med bsam dang bral ba'i rig pa la
tshig dang yi ge ston pa 'o re brgyal
shes rab 'gag med rang las 'char ba la
gti mug rmongs pa'i blo 'di yongs re sdug
de phyir smra bsam brjod med shes rab pha rol phyin
mi skye mi 'gag cir mi dgongs
rnam dag don spyod cir yangs le mkhyen
don gyi snying po sgron ma 'od kyi mchog
sangs rgyas kun gyi dgongs pa 'dus pa yin
'gag med klong na ye shes 'od lnga gsal
shes rab klong na rnam dag sku lnga gsal
gsal la ma 'dres longs sku'i snang ba shar
'dzin med ma yengs rang byung bsgom pa'i mchog
rtog med rnam dag chos sku zhi ba'i ngang
rnyog med rang sangs longs sku 'od kyi sku
thugs rje rang byung sprul pa'i khro bo'i sku
rang byung bde chen gsal ba'i me mar gdangs
dper na nyi ma'i dkyil 'khor lta bur gsal la 'dzin pa med
theg chen rgyal po 'di yi don la ma yengs spyod
'dzin pa'i rtog pas rang gi rig pa bcings
de 'grol rgyud chen zab mo'i klong na gsal
de yi dbang du mi 'gyur rig pa ni
262
rnam dag mkha' la ma bskyod zhog
rtogs pa'i don la rig pa 'char nub med
'dzin med ngang la rig pa byar med gsal
bya dang byed pa'i chos ni sdug bsngal rgyu
bya ba btang ba'i rnal 'byor mya ngan 'da'
mthar phyin sa la mi 'gyur rig pa gsal
bgrod med lam la rig pa'i stong lam byung
rnam dag mkha' la rig pa 'od du brdal
'on chen ma 'dres sa la de bzhin gshegs
des ni de yi dbang du mi 'gyur 'byung ba ston
bde gshegs don la tshig med yi ge med
tshig dang yi ger btags pas ston pa 'khrul
'dzin pa'i yul la zhen pa'i spyod pa med
ma bskyod don la bzhag na rig pa bde ba'i sku
sna tshogs cir yang 'char ba bde chen sprul pa'i sku
du ma gcig tu sdud pa shes rab rang byung sku
gsal la 'dzin pa med pas bya btsal bral ba'i sku
'gyur med ngang la gnas pas rdo rje snying po'i sku
ma bskyod dbyings nas shar pas rig pa rang shar sku
bshigs pas mi shigs stong nyid snying po'i sku
skad cig ngang la mi gnas ye shes chig chod sku
'dzin pa'i rtog pas mi sgrib rtog pas don ldan sku
263
'dzin pa'i yul med byang chub snying po'i sku
de ltar 'dzin med sku la gnas na shes rab pha rol phyin
de ltar go ba'i yul na bde ba che
rtogs pa'i klong las mi 'da' shes rab sku
shes rab klong nas ye shes gtsug phud lnga
ma 'dres gsal mdzes lhang nge lhan ne'o
kun gyi snying po'i sku ni byang chub don la spyod
gnyis med bde chen klong nas ye shes nyi ma shar
'gyur med yangs pa'i klong nas thugs rje'i zla ba shar
thabs dang shes rab gnyis med rig pa'i yi ge a
de las cho 'phrul 'byung bas yi ge na
de las thugs rje 'byung bas yi ge 'a
de las nges par gnas pas yi ge sa
de las 'khrul pa bzlog pas yi ge sha
de las gnyis med gnas pas yi ge ma
de las don du sdud pas yi ge om
de rnams yi ge gcig la 'jog pas yi ge am
de rnams don la 'jog pas yi ge hum
de bzhin yi ge rnam pa dgu
'gag med ngang la de bzhin gnas
264
yi ge'i sgra ni stong pa'i tshig las 'das
'dzin med rnam dag sgra 'gyur dgu
ma bskyod ngang la bzhag na don chen 'byung bar 'gyur
zhes bka' stsal to
de nas pad ma'i smes dpa' rnams kyis 'di skad ces gsol to
e ma ho
ngo mtshar gyi yi ge gsung du gsol
zhes zhus so
yang ston pas bka' stsal pa
a ho
pad ma rigs kyi sems dpa' rnams nyon cig
ngas chos thams cad sgra dang yi ge la don bsdus te bstan gyis legs par nyon cig
de yang sgra thams cad kyang dbyings la bshad de don che'o
rang gi rig pa'i don ma nor bar bshad kyis legs par yid la zung cig
a
na
'a
sa
sha
ma
om
am
hum
a
ma
'a
sa
266
sha
na
dhar ma
sar ba
ka ma
bha ni
sar ba
gha ta
dha pa ri
sar ba
ya sho
dha ni
sar ba
267
ba
pa ma
su bha
dha dru
sha hra
sar ba
sa na ti
ba ra
sar ba
da du na
ye
sar ba
sha
sar ba
ka du
268
shal
a pa ra
om sha ta ni
u
a
a
269
270
271
a dha thim a dha thim
zhes don gyi snying po'i yi ge bsgrags so
yang dag par rdzogs 'tshang rgya ba'i thabs yi ge drug gi sgral bsdus te bstan pa'o
de nas yang pad ma'i rigs kyi sems dpa' rnams kyis rang rang gi don thugs su chud do
zhes kun tu bzang po thugs kyi me long gi rgyud chen po las
gol sgrib la bzla ba'i le'u ste gsum pa'o
de nas yang las kyi sems dpa' rnams kyis 'di skad ces gsol to
kye kye ston pa kun tu bzang
rang rang don rnams gsung du gsol
zhes zhu ba zhus so
kun bzang yab kyis bka' stsal pa
272
kye 'dus pa'i 'khor tshogs las kyi sems dpa' nyon
e ma ho
rang byung bde ba'i sku la snang srid thams cad gsal
rang gi rig pa la snang srid kyi chos gsal
don gyi snying po bgrod med bde ba'i klong las byang chub 'byung ba'i gter
snying gi dkyil na 'od lnga phru gu lnga bsdog pa'i tshul du 'gro ba yongs la khyab
lam ni mig la byung zhing nam mkha' thams cad khengs
sum cu rtsa gnyis mtshan 'chang dpe byad ldan pa'i sku
sum cu rtsa gsum ma bskyed snying ti dkyil nas rdzogs shing 'phro
rang byung thabs ldan sku ni ma bsgribs 'gro ba yongs la khyab
chos sku
nyag gcig dgongs pa'i don rnams sna tshogs cir yang 'char zhing 'phro
spro med bsdu med ngang la byang chub cig char 'char
cit ta'i dkyil na rang byung dkyil 'khor ma bris 'gro ba yongs la gsal
dkyil 'khor sprul pas 'jig rten thams cad khengs
dkyil 'khor gcig la tshom bu lnga lnga dag tu snang
ye shes snang ba yang rab blo la rim gyis ma yin cig char 'char
273
de rnams man chad blo la rim gyis 'char zhing zhag res brtan par 'gyur
yang dag sa la bde chen mi g.yo bskyod pa'i tshe
bar ma do la snang ba re re 'char zhing brtan pa re re 'thob
yangs pa'i grog khyer bde chen gzhal yas shel gyi khang pa brtsegs pa'i nang du 'gyur med thim
tin chen shel gyi gzhal yas sgo lnga skye 'bri med pas sna tshogs cir yang 'char
ma 'dres mdzes pa'i 'od lnga nyin nub med par gsal
ma bskyed rdzogs pa'i gzhal yas khang mdzes dam pa der
phyi dang nang med dkyil 'khor thams cad 'byung zhing longs sku ma 'dres gsal
don gyi pho brang brdal ba ye shes 'gyur med dang la sku yi cho 'phrul 'byung
de bzhin nyid kyi dkyil 'khor gsang chen kun la rol
'byung ba chen po lnga ni dangs mas khyab nas ye shes brdal ba'i sku
bag chags sbubs kyis mi bsgrib skar mda' nam mkhar rgyug pa'i tshul
274
sgyu ma'i sbubs la gnas nas mthar phyin grol bar 'gyur
rin chen sbubs la mi g.yo mnyam par gnas shing sprul pa phyogs bcur 'gyed
mthar phyin 'bras bu phyir mi ldog pa nges pa chig chod pa
ma bkod nor bu'i phung po mdzes pa'i 'od zer phyogs bcur 'phro
de bzhin nyid kyi dkyil 'khor dbang bsgyur 'khor lo'i sa la nges par gnas
ma bkod dkyil 'khor gsal 'grib med par phyogs bcu yongs la gnas
rnam dag stong pa'i mkha' la 'od gsal ye shes 'od zer 'phro
de yang kha dog dkar dmar ma 'dres tshul gyis 'gro ba yongs la gsal
bde gshegs snying po don dam dbyer med ngang las cho 'phrul sna tshogs 'byung
a
kye ma gsang ba rin chen 'od gsal kun la khyab
khyab pa dpe med don dam rang bzhin dkyil 'khor che
e ma ho
rnam dag klong nas nor bu rin chen lnga
phyag rgya ma bsgyur mchod pa ma phul rang byung rdzogs
ye shes rnam dag brdal ba'i gzhal yas khang mdzes na
275
ma bskyed rdzogs pa'i tshul du sku lnga mdun rgyab med
yab yum kha sbyor tshul du 'od zer phyogs bcur 'phro
yi ge drug pa'i 'khor lo rang byung gnyis med tshul gyis 'phro
spro bsdu ma byas rang byung rang rig 'phro
rtag pa mi 'gyur rdo rje'i don la rnam dag 'od gsal sku
gsal yang 'dzin pa med pas phyogs bcur gang bar 'phro
dmigs pa'i yul med 'dzin pa'i mtha' las grol
dag pa'i ye shes chig chod rnam par dag
'dzin med rang snang rgya chad phyogs lhung med
rtog pa med pas rang byung dbyings na gsal
'dzin pas mi bsgrib ye shes snang ba 'char
'dzin pas bsgribs na rang byung bde ba med
'dzin med 'od kyi rig pa nam mkha' mthongs na gsal
de la 'dzin pa med par bzhag na snang ba lhug par 'char
nyin mtshan med par snang ba de dang 'grogs
rtag tu de la 'dris na sangs rgyas dgongs pa'i mchog
ma dag 'khrul pa'i snang bas dag pa ye shes snang ba bsgrib
'khrul pa'i snang ba 'gags na dag pa'i snang ba 'char
bag chags sbubs kyis ye shes sgyu lus bsgrib
276
lus 'di bor nas 'od kyi snang ba 'char
de la gnas na rin chen sbubs la mthar phyin 'gyur
sbubs gsum gcig tu 'dril nas sprul pa phyogs bcur 'gyed
rtogs pa rgyud la skyes pa'i gang zag rnams la snang ba 'di la 'char
de yang cig char ma yin rim gyis 'char
snang srid thams cad 'od kyi gzhal yas khang
rgyal ba'i dkyil 'khor 'od zer zlum por gnas
mgo na po dri med sku la ye shes nyi ma lngar snang zhing
nyi ma re re'i 'od kyis stong gsum 'jig rten gang
dper na nyi ma'i 'od kyis 'dzam gling khyab pa bzhin
ye shes 'od kyis 'gro ba yongs la khyab
ye shes don la cis kyang bskyod du med
rig pa'i don la dgag bsgrub yongs kyis med
don dam ngang la sna tshogs cir yang 'char
ye shes ngang la sgro 'dogs chos kun med
rnam dag ngang la zhen pa'i spyod pa med
skye med ngang las 'bras bu shes rab sku
'gro 'ong med pa rnam par dag pa'i sku
'dzin pa med pa byang chub 'dzin med sku
sems dang bral ba'i rig pa sangs rgyas dngos
277
yid dang bral ba'i ye shes dgongs pa dngos
sbubs dang bral ba'i dag snang 'od zer dngos
brtan pa'i ye shes sku mdog 'od kyi zer
'gyur ba med pa'i snang ba nges par 'char
mthar phyin sa la sku lnga lhun gyis grub
'dzin pa med la ye shes rnam dag gsal
chags med sa la 'od lnga ma 'dres gsal
zhen med sa la zer rnams phyogs bcur 'phro
rang byung rig pa'i sku la chags med zhen pa yongs kyis med
chags dang zhen pa yod na 'dzin pa'i bsam par 'gyur
bsam pa'i rtog pa skyes na 'khor ba rang ga ma
bsam dang bral ba rig pa chos kyi sku la 'dzin pa'i bsam pa med
bsam bral rig pa'i ngang la bzhag na ye shes dbyings la spyod
ye shes chig chod sa la 'bras bu ma 'dres gsal
stong pa gsal bas brgyan pa'i rig pa 'od po che
mdzes ldan 'od la gting dpag yongs kyis med
don gyi snying po stong gsal dbyer med mnyam
zhes ston pa kun tu bzang pos bka' stsal to
278
de yang sku yis ma byon gsung gis ma bsgyur bar bka' stsal to
de yang thugs kyis ma dgongs par byin gyi rlabs kyis rigs bzhi'i sems dpa' rnams la bka' stsal to
de nas yang rigs kyi sems dpa' de rnams kyis
sku mngon par snang ba mthong ba'o
gsung gis bka' stsal pas rang gi don rnyed pa yang tshor ro
thugs kyis dgongs te sems can rnams la bka' bsgo ba mdzad pa yang thos so
ston pa'i sku mngon par snang ba mthong ngo
rang rang gi don yang thugs su chud do
sems can rnams la yang sprul pa'i sku bye bas 'gro ba'i don byed pa yang mthong ngo
de bzhin gshegs pa de'i sku ni bzhengs pa dang bzhugs pa mi mnga' 'o
de ci'i phyir zhe na de bzhin gshegs pa la sku dngos po med pa'i phyir ro
de bzhin gshegs pa'i gsung la bsgyur ba dang ma bsgyur ba mi mnga' 'o
de ci'i phyir zhe na de bzhin gshegs pa'i gsung stong pa'i phyir ro
de bzhin gshegs pa'i thugs la dgongs pa mi mnga' 'o
279
de ci'i phyir zhe na de bzhin gshegs pa'i thugs la rtog pa med pa'i phyir ro
de'i phyir na sku yis ma byon
gsung gis ma bsgyur
thugs kyis ma dgongs pa'o
don de lta bu ni gzhan nas mi 'byung bar rang las byung ngo
de ci'i phyir na rang gi rig pa rtog med kyi ngang la gnas par bya'o
de bzhin du sems can kun gyi rang rgyud snying gi dkyil la gnas so
de ngo bo shes par bya'o
ngo ma shes na ldog pa'i sa yod do
de'i phyir na yang nas yang du 'dris par bya'o
zhes rang rang gi rtog pa bsal lo
sems dpa'i rigs bsam gyis mi khyab pa rnams kyis rang rang gi don rnyed do
ston pa kun tu bzang po nyid kyi zhal nas gsungs pa'i rgyud chen po
sku gsum gyi sa la bgrod pa'i thabs
gsang ba lang khol du byung ba man ngag gi rgyud ces kun tu bzang po thugs kyi me long gi rgyud chen po las
rang rang gi don bstan pa'i le'u ste bzhi pa'o
zhes kun tu bzang po rtsa ba'i rgyud chen po thugs kyi me long gi rgyud ces bya ba
don thams cad gsal bar byed pa'i rgyud rdzogs so
rgya rgya rgya
rgya gsum gyis ma btang shor ra re
sngags kyi srung ma e ka tsa ti mas
bka'i bya ra gyis shig
thugs kyi me long nyid la ma bu drug
dge'o dge'o dge'o