Kuysin dilu jonim g‘ami hajrinda g‘avg‘o aylasa...
Kuysin dilu jonim g‘ami hajrinda g‘avg‘o aylasa,
Yo sandin o‘zga bir pari shavqini paydo aylasa.
Solmon nazar dildorlar ruxsoriga, ey sho‘xkim,
Yuz ming adou jilvalar oldimda barpo aylasa.
Kuying erur jannat mango, e dilrabo, chiqsin ko‘zim,
Jannatni huri husnini ko‘rmoq tamanno aylasa.
Boqmon qadu ruxsoriga gulchehralarning orazi
Ravshan dili abvobini xurshidoso aylasa.
Netsun nihon o‘lmay Xo‘tan mushki jahonning ko‘zidin,
Mushkin musalsal kokiling sunbulni rasvo aylasa.
Gul xirmani kuymas nechuk otashgahi xijlat aro,
Sarvi qading ko‘rgach, qadin ta’zimiga yo ayl-asa.
Rog‘ib, visolingni ajab ummid qilsa ushbu kun,
Bir necha kunlar, ey pari, kuyingni ma’vo aylasa.
|
This work is first published in Uzbekistan and is now in the public domain because its copyright protection has expired by virtue of the Law of the Republic of Uzbekistan on Copyright and Related Rights, enacted 2006, amended 2021. The work meets one of the following criteria:
|
|