La Möria
da Proverbi, tradizioni e anneddoti delle valli ladine orientali
La Möria.
La möria é stada dl 1636 lʼ ultima ota te nüsc lüsc, mo desmentiada ne vëgnera. Jënt morî un indolater, peso co dala colera, chʼ é ince stada de nosc recort dl 1836, 1849 y 1855. I ne nʼ ói cunté, co chʼ ara gnô y destrigâ jënt, solamënter sán, che jön Badia, S. Martin y Marou nʼ él mort tröpiscimi. Fora en Onies sʼ un él sciampé un dala möria sö por ciampaní y ite sot tët de dlijia y iló él ʼci mort te n piz dl ôt dla dlijia; dl 1836 a fá le tët de dlijia án ciafé i osc y insciö i án sopolí duicënt agn do chʼ al ê mort.