La nagola amez invern
- La nagola amez invern.
Defora nia ater pón odëi
co dlacia soradöt y nëi.
Te stöa él sön balcun
na nagola co tofa bun.
O nagola, coraji aste!
Adora to odur nes daste.
Porcí pa belo daste fora?
Dles flus ciamó bën este sora!
Saorí tal popo töes sorus
sʼ la dorm sën desco dʼ atres flus.
Superbia y coriosité
sarál sogü co tʼ á endespré.
Mo guai, sce le frëit te pó dampró:
la mort sará töa lîta spo!