Libre de Memorias/1358
| ← 1357 | 1358 Libre de Memorias |
1359 → |
L'an MCCCLVIII foron Cossols,
- Senhor Johan Bigot, per Taulas.
- Senhor P. Raynols, per Mercadies.
- Senhor Guiraut Blanquier, per Parayres.
- Senhor Johan Cotelier, per Pelicies.
- Senhor maystre P. Fabre, per Notaris.
- Senhor Ramon Roquet, per Fusties.
- Senhor Bernat Rog, per Coyraties.
E feron raubas la un partit de vayr.
Foron Clavaris.
- Guilhem Andi, per Taulas.
- Ramon Guiraut, per Pararie.
- Johan Pastre pus vielh, per Fusties.
E feron de talha aquel an per denier I ters de flori.
Aquel an se leveron los portals de la viela de Bezes, e se caveron las cavas.
Aquel an meteis passet a Bezes lo Cardinal de Boluenha.
Foron levayres de Bans.
- Andrieu Gasc, per Taulas.
- Benezech Bru, per Mazel.
- Ramon Yrlan, per Lahor.
Foron Carayries.
- Ramon Cotelier, per Taulas.
- Jacme Lombart, per Mercadaria.
- Peyre Pelegri, per Fusties.
- Peyre Bechier, per Messies.
Foron Caritadies.
- Huc Cabot, per Taulas.
- Esteve Fabre, per Mercadies.
- Guilhem Rossilho, per Mazel.
- Bernat Miralhiez, per Sabaties.
Aquel an commenset hom a far las cossieyras des murs de Bezes tot en torn la viela, et comenseron a pladeiar ams los clerczs.
L'an dessus MCCCLVIII fouc mot gran descensio entre los senhors Cossols de Bezes, mossen Tibaut de Barbaza, senescalt de Carcassona, lo jutge mage, lo jutge de crims, lo avocat del Rey, el procurayre del Rey. Totz aquestz officiers de Carcassona foron requisitz per los ditz senhors Cossols que venguesso jurar las libertatz e franquezas o privileges de la viela, et els recuran que els non ho volian far. Los sobreditz senhors Cossols agueron letras del Rey de Fransa nostre senyor que fosson totz aquelz officiers aiornatz davan lo Rey, et els vezen l'aiornamen volgron far lo dig sagramen, non pas dins la viela de Bezes. Et sus aisso mossenhor l'Arcevesque de Narbona et l'Avesque de Bezes van sen entremetre, et van ne parlar al dig mossen senescalt et als altres officies de Carcassona. E van los ditz senhors oberi, e feron totz lo sagramen. Pres ne carta maystre Frances Causenuejols notari rial de Bezes dedins la viela de Narbona.