Libre de Memorias/1377
| ← 1376 | 1377 Libre de Memorias |
1378 → |
L'an MCCCLXXVII, foron Cossols,
- Senhor Guilhem Cotelier, per Taulas.
- Senhor Loys Vaischa, per Mercadies.
- Maystre Johan de Fontaynas, per Notaris.
- Senhor Johan Corregie, per Mazel.
- Senhor Bernat Mirailhier, per Sabaties.
- Senhor Ramon Sahola, per Aludies.
- Senhor Ramon Roqua, per Lahor.
Foron Clavaris.
- Senhor P. Guantaroia, per Mercadies.
- Senhor P. Fons, per Sabaties.
- Senhor Arnaut Guinho, per Peyralies.
- Senhor P. Trucelh, per Aludies.
Aquel an paguet la viela, de talha II. franx per denier.
Pus paguet hom per intrada de cascuna saumada de bona bestia de vendemia, un gros.
Foron levayres de Bans.
- Paul Glieyas, per Taulas.
- Jacme Mauria, per Mercadies.
- Peyre Aymoy, per Aludies.
- Esteve Gautie, per Monies.
Foron Caritadies.
- Andrieu Gasc, per Taulas.
- Peyre Genieys, pus vielh, per Mercadies.
- Jacme Laures, per Marel.
- Johan Dolha, per Sabaties.
Los senhors Cossols dessus digz, dobleron aquel an lo pes del blat.
L'an dessus MCCCLXXVII, mossenhor levesque de Bezes donet licentia als sobre ditz senhors Cossols de Bezes, quels poguesso far cantar messas, et celebrar lo cor de Dieu, en la capela que es dens la mayo comuna, totas las vegadas quels se volguesso.
Lo premier capela que cantet en la dicha capela, so fo mossen Peyre della capela de la glieya de mossenhor San Felis de Bezes.
Aquel an dessus dig, paguet la viela de Bezes a mossenhor d'Ango, un subsidi de VI franx e mieg per fuoc.
En aquel an dessus dig, MCCCLXXVII, los dessus ditz senhors Cossols de Bezes se vestiron, e feron raubas d'una fina escarlata vermelha, que costava la cana X franx; don daqui avan, los Cossols ny los escudies no son estatz vestitz, sino a taxa; soes a saber, que cascun senhor Cossols agnes per raubas del cossolat, XXIIII franx; els escudies VI franx.