[ 1 ]
soweli kina li pali e sitelen sinpin pi lipu ni.
lawa CC BY-SA 4.0 li lawa e sitelen e toki lon lipu ni (o lukin e lipu "pini: lawa kepeken". lawa kepeken ante li ken lon). ©2023 jan pana pi telo monsuta.
mi sijelo e lipu ni lon ma pi kulupu tʃahtá(ʔ). tenpo ale la ona li lon ma ni. pona tawa ona. ona li awen lon.
jan Nowa li sijelo e lipu ni lon nasin PDF.
ni ale li pona a: jan Nowa, soweli nasa Alesi, selo Muna, mije soweli lili, ijo Wen, kapesi Pake, wasoweli Awasi, jan Sonja, telo, sina.
open: mu a!
o kama pona tawa telo monsuta. lipu ni la toki monsuta mute li lon a! jan mute lon kulupu toki pona li pana. sina ale li pona. wile mi la toki ni li pana e pilin monsuta tawa sina a! mu!! >:3
ken la ijo li ike mute tawa sina. sina wile ala lukin e ijo ni. ni li lon la o lukin lon lipu pini: sona pi ike ken. ona li lon pini lipu. sina wile sona e kon pi nimi nasa e kon sitelen la o lukin lon pini: sona pi nimi nasa lon pini: sona pi kon sitelen.
pini la, ijo pona: mi wile pali e lipu monsuta namako, tawa suno kijetesantakalu lon tenpo kama (2024-04-01). nimi ona li lipu kijetesantakalu monsuta. mi wile e toki monsuta musi, e toki nasa, e toki nasa musi lon lipu ni. mi wile ala e toki monsuta pi ike taso. musi lili o lon. sina [ 4 ]wile pana e toki, la o pana ala lon tenpo tenpo poka ni! mi o lape lon tenpo poka. pali pi lipu monsuta li moku e wawa mute tan mi a! taso, lon tenpo kama la mi toki : "lipu monsuta li wile e toki nasa, tawa kijetesantakalu monsuta. o pana!" mi toki e ni la o pana!
o monsuta e kala pona! x3
~ soweli kina
[ 5 ]open: nanpa lipu
|
This work is licensed under the Creative Commons Attribution-ShareAlike 4.0 International (CC BY-SA 4.0) license.
|