Moarn-Liet

by Gysbert Japiks

O Glanz', mey salm-glanz' glanzge!
O ljeacht, uwt ljeacht bern', buwtte' æ tijdz beginne!
Dy salm dy Sinne' om-kransge
Mey glanze', ô treast-ljeacht! ô gerjuechtheyts Sinne!
't Nacht-tjuester fljuecht,
For 't Moarn'-rjea-ljuecht;
Litte' eack also dy grijmm'le
Dy swartte' on-gruwne,
Fen uwz fordoarn-aerds suwn'
For jo forswijmm'le.

Holpje' uwz, ney' glanz' Jons wetten,
Eag, hannen, hert, siel, gaest in sinnen draeyen.
Litt' Jôn djoer bloed uwz bette,
Jôn Hijmmelsch' silligh wijt klaed uwz oer-klaeye.
Meytse' uwz bejaen',
Dat w' alle' uwz dwaen
In litten ney Jon leere,
Az ljeachts bern, stjoere,
Az ny'-weer-bern, Cre'tuwre',
O ljeave heere.
Repite. Och! fen dizze' oere
Jôn Gaest uwz hert oon-fjoere
To Jôn eere.