Nani Nā Pua Koʻolau
Nani nā pua Koʻolau
I memele i ka uka
Ka uka o Kuihanalei
I lei mau no ke aloha
ʻAuhea wale ana ʻoe
E ka pua o ka lokelani
ʻO ka ʻoi aku nō ʻoe
Ma mua o ka nae ʻala
Mahalo au ʻo ka nani
Nā lehua o Līhau
He ʻala kūpaoa
Anuanu o ka nahele
I wili ʻia me ka maile
Lauliʻi o Koʻiahi
ʻAuhea lā ia pua
ʻAkipohe o Halealoha
Ua ola nā kaua
I ka wai huna a ka manu
He ʻala pua pīkake
Huli au a hoʻomaʻū
ʻAuhea wale ana ʻoe
E ka pua ʻo ka Viliau
Hoʻi mai nō kāua
E pili me ke aloha
|
This work was published before January 1, 1929, and is in the public domain worldwide because the author died at least 100 years ago. |