Ninipo

by Liliʻuokalani

Hiaʻai hiaʻai o ka nani
O aʻu lehua i Hōpoe
Ke ona ʻia mai la e ka iʻiwi
E ka manu hulu weo i ʻŌlaʻa

Hui:
Ninipo hoʻonipo i ke aloha
Ka wahine haʻalewa
Haʻalewa i ke kai
Ke nini au la i ke one
I ke kai nupanupa i Hāena

Loa iki Panaʻewa i ke ala
I ka lihi ka pilina o Moe awakea
Ke ʻawihi a ka ua nihi pali
O ka noe lihi kai i oʻu nei

ʻIke maka i ka nani aʻo Puna lā
Nā lae ulu hala o Koʻokoʻolau,
Ke oni aʻela mōlale i ke kai,
Nā oho lau waena luhe i ka wai.

I Hilo nō ka makani Puʻulena
Lohe i kaʻale a ke kai holuholu i Huia
Ua mau akula luna o Maukele,
I ka pākalikali a ka Malanai.