(2)
Ban é ya mainip á anting manical
canitang panlacad macaba yang dalan
lalu't ding damulag manene la lacbang
migbiling maratun ing queang depatan,
Agad nang linucluc canitang gareta
sangcan yang maglimbang ban é mainip ya
pidalitdalit na itang calucan na
mitmung casaquitan ing pamagcabie na.
Qñg pamanialit na é paman menical
carromatang metung cabud na pañatang
á cuculiutan da aduang mangasican
parejang cabayu mabilis á lacbang.
Itang macasaque metung yang mabandi.
ibat ya pangulu qñg balen paique
niti nang cochero ali ne pin male
garetang susuba menibat mauli
Paculiut gareta macanian mu naman
itang caromata éne camalayan
muna é macaquit at luma panamdam
iña é ne balu qñg queang paniatang.
Iting caromata ala ne mang sulu
uli ning dalumdum inia é ne balu
é la mipanginlag cabud da mitabnu
pamipúngculan da marauac á tagcu.
