|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 3. | 11 февраля 1924 г. | № 3. |
| Февралень 3-це чистэ, Англиянь правитель- | ||
| ствась признал минек Советской властенть за- | ||
| конной властекс. | ||
|
| Весе эрзянь коммунистнэнень и комсомолецнэнень. |
Ялгат!
Минек газець Якстере Теште таго кармась лисьме. Кафто месецтэ ламо сон эзь лисьне. Араселть ярмакт. Ней таго максть тенек цюткеть пособия, и минь васняткак таго карминек нолдамо газет. Минь содатанок, зяро лезэ теи газець, зяро паро превть путы ломанстень, конась ловны газет.
Теде, мон арцян, а месть сермадмокс, — тынь тынць парсте содатадо Но минек ютксо улить истят ломать, конатнэ мерить что а эряви миньцинек кельце кодаткак сермат. Сынь мерить, что эрзя парсте чаркоди рузунь кельцэ, что сон эри руз ютксо и сонензэ эряви парсте содамс рузунь кель и ловномс рузунь сермат.
Мин уж аволь весть сермалини те вевсть ланга и кортынек, что не ялгатнэ, конатнэ думить истя, сынь пек манявить. И ней минь мердянок эстэдист, что сынь а неить и аздыть мезияк, и сынст а эряви кулцономс. Ней уж аволь теде эряви сермадмокс. Ней эряви весеменень думамс, кода бу посубамс минек газецтень, чтобу сон илязо лотксе лисьнеме.
Ялгат! Те тевстень весеменень эряви посубамс. Кода? Вана кода. Эрявить подписчикт. Миненек эряви истя теймекс, чтобу газець молезэ велес аволь стяко, но ярмак лангс.
Газець аволь питьнев. Таргамо конев эрци седи питьнев. Но таргамо конев лезэ а теи, газець жо превть путы. Эряви, чтобу эрьва ячейкась, эрьва сельсовець, эрьва училищась рамазо минек газет. Эряви ведямс кампания те тевсть ланга. Эряви, чтобу эрьва коммунистэсь и комсомолецесь муезэ подписчикт.
Ванодо татар лангс. Сынь уж омбоце газет кармасть нолдамо. Вейкесь лиси эрьва чи. Татартнэ весе рамить сыньцист газет, аволь кода минек. Секс сынь и миньденек образованнойть. И миненек эряви нолдамс ламине литература миньцинек кельцэ.
Эряви, читобу и эрзявась минек ловнозо книгат, чтобу и сон улезэ грамотной. Те тевсть минь тейсынек, зярдо эзэзынзэ кундыть весе образованнойть эрзятнэ. Минь жо коммунист должны кундамс весемеде икеле и нефтемс пример.
Так весе мирем кундатанок тевстень и эрзятнэ, зярдо чаркодить, покш пасиба мерить тенек!
Эрзянь секция ЦКРКП. (б ).
| Шабрафтомо а эряват. |
| Англия кирсь-кирсь, но сась шка и кармась ловномо эснынек законной государствакс. Мельган- зо истя же теить и лия государ- стват. |
Мон весть сермалинь, что шабрафтомо а эряват. Истя мон сермалинь секе, что минек шабранок, лия государстват, кувать а тенть мартунок парт договорт, а ловныть минек Советской властесэсть законной правительствакс. Мон сестэ сермалинь, что знярц сынь иляст бигелть, но сы шка, и сынь кармить мартунок эрямо, кода „парт“ шабрат. Кармить мартунок торгувамо, кармить минек закотнэсэ ловномс законокс. Те тевсть ланга ламо ульнесть кортазь валт, ламо спорт ульнесть ютась нетьнестэ. Пурнавкшность Генуяс, Гаагас кортамо мартонок, яла арцесть кодаяк манямо минек, тонгомо прязунок сивекст (ашко), но эзинек маняв. Минь сестэ меринек, что коли эряви тенст эрямс мартунок, то сестэ минек эснэ эряви ловномс истямо жо ломанекс. Ленин ялгась сестэ истя мерсь: Коли позда теить мартунок договорт, сестэ седи стака карми ульме тенст теймекс не договортнэнь, сестэ седи аламо кармить ульме выгодат сынест не договортнэнь пельде.
Буржуазиясь яла учось, что Советской властесь пры и тарказунзо тееви истямо правительства, конась максы оляв весе „кренчьненень“, грабомо минек масторцость. Но Совет. властесь эрьва ие седияк пек яла виеми. Лия жо государствань мастордо тевсь кармась каладмо. Безработойтьне раштыть и раштыть. Робочейтьне седи берякс кармасть эрямо и сынь кармасть тейнемс забастовкат. Теке учок, сынь теить революция, конадость буржуазия пели кода манашка шайтяндо.
Кода буржуазиянень лисьмекс те бедастость? Кись вейке. Теймекс лад Сов. Россия марто и кармас мартунзо торгувамо. Советской Россиянь ламо сырьезо и может сон ламо рамамо эрьва кодат товарт. Сестэ робочей а карми вачо и робутавтомо ащеме, сестэ сон а карми сиведес кундазь тресямо правительствасость.
Кись анцяк теке. И те кисть умок уж неизь кой-кона ломать буржуазиянь ютксто, но не ломатьнесэ яла эсть кулцоне.
Ней сась шка, зярдо весе буржуазиясь кармась нейме, что минтеменек а ладяви хозяйстваст. И Англия тейсь первой эськильма. Сон сермаць тенек, что ней карми ловномо эснынек законной правительствакс и теи мартунок договорт, кодат эрявить. Сонзэ мельга и лия государстват кармить эряскадмо. Но ней содаст сынь, что цюткеде сынь позда чаркоцть. Минь содасынек ней, кодамо виймек и карматанок уж лия кольце кортамо, аволь кода икеле.
Д. Ж.
| Мезе парось ули Англиянь признаниясонть. |
| Месть картась Красин ялгась. |
Признаниясь теи истямо паро, што минь карматано получамо заем ярмак хозяйстванок витемс.
Красин ялгась мери, што Англиядо мейле лия государстватнеяк кармить лиякс кортамо минек марто.
Мекс Англия признает,
Англиянь хозяйствазо войнадо мейле тожо весе розорявсь, а Россиявтомо сондэ торговлязо берянстэ моли.
Ламо параходт ащесть истяк, а месть ульнесть усксемс эйсэст.
Тень кувалт кадовсть ламо робочей роботавтомо.
Ламо анокстазь ульнесть машинат и сякой товар, сынст ульнесь акинень миемс. И вот признаниядо мейле, Англиянень савкшны нолдамс миньдянек кредит, долкс товар и машинат.
Минек ярмаконок рамамс асатыть, миньдянек эряви долкс ярмак и машинат и сякой товар.
Конечна Англия карми вешемэ, штобо минь пандовлинек ташто долконок. Минь тожо мердяно, штобо сынь тожо пандовлизь убыткатнень, конань тейндэ миньдянек Англия гражданской войнасо.
